ଅପରାଧ

ଅର୍ଥଲଗାଣକାରୀ ସଂସ୍ଥା କର୍ମଚାରୀଙ୍କୁ ଲୁଟିଲେ

ଅର୍ଥଲଗାଣକାରୀ ସଂସ୍ଥା କର୍ମଚାରୀଙ୍କୁ ଲୁଟିଲେ

ଢେଙ୍କାନାଳ ଅଫିସ,୧୮। ୫:ଢେଙ୍କାନାଳ ଜିଲାରେ ବଢ଼ିଚାଲିଛି ଲୁଟ୍‌, ଛିନ୍‌ତାଇ। ଅର୍ଥ ଲଗାଣକାରୀ ସଂସ୍ଥା କର୍ମଚାରୀଙ୍କୁ ଟାର୍ଗେଟ କରୁଛନ୍ତି ଲୁଟେରା। ଢେଙ୍କାନାଳ-ଭାପୁର ରାସ୍ତାର ମଙ୍ଗଳପୁର ନିକଟରେ ଗୁରୁବାର ଅପରାହ୍ନ ସାଢ଼େ ୧ଟାରେ ଭାରତ ଫାଇନାନ୍ସ ସଂସ୍ଥାର ଜଣେ ମହିଳା କର୍ମଚାରୀଙ୍କଠାରୁ ୧ଲକ୍ଷ ଟଙ୍କା ଲୁଟ୍‌ ହୋଇଛି। ସମ୍ପୃକ୍ତା ମହିଳା କର୍ମଚାରୀ ୩ଜଣ ସହଯୋଗୀଙ୍କ ସହ ୩ଟି ସ୍କୁଟିରେ ଟଙ୍କା ସଂଗ୍ରହ କରି ଢେଙ୍କାନାଳ ଫେରୁଥିବାବେଳେ ମଙ୍ଗଳପୁର ନିକଟରେ ଦୁଇଜଣ ଅଜଣା ଯୁବକ ବାଇକ୍‌ରେ ଆସି ଓଭରଟେକ୍‌ କରିଥିଲେ। ମହିଳାଜଣକ ରାସ୍ତାରେ ପଡ଼ିଯିବା ସୁଯୋଗରେ ସେମାନେ ଟଙ୍କା ବ୍ୟାଗ୍‌ ନେଇ ପଳାଇଥିଲେ। ବ୍ୟାଗରେ ପ୍ରାୟ ୧ ଲକ୍ଷ ଟଙ୍କା ଥିବା ଲୁଟ୍‌ର ଶିକାର ହୋଇଥିବା ମହିଳା କହିଛନ୍ତି। ଗାଡ଼ିରୁ ତଳେ ପଡ଼ିଯିବା ପରେ ତାଙ୍କ ଦୁଇ ଗୋଡ଼ ଜଖମ ହୋଇଛି।

ହୁଣ୍ଡିରୁ ମିଳିଲା ୯ ଲକ୍ଷ ଟଙ୍କା,୧୪୯ ଗ୍ରାମ ସୁନା

ହୁଣ୍ଡିରୁ ମିଳିଲା ୯ ଲକ୍ଷ ଟଙ୍କା,୧୪୯ ଗ୍ରାମ ସୁନା

ଘଟଗଁ।,୧୮।୫(ଡି.ଏନ୍‌.ଏ.)-ମା’ ତାରିଣୀଙ୍କ ହୁଣ୍ଡି ଗଣତି ଗୁରୁବାର ଅନୁଷ୍ଠିତ ହୋଇଯାଇଛି। ଏଥିରୁ ନଗଦ ଅର୍ଥ ୯ ଲକ୍ଷ ୩ ହଜାର ୯୫୦ ଟଙ୍କା ମିଳିଥିବାବେଳେ ୧୪୯ ଗ୍ରାମ ୨୯୦ ମିଲିଗ୍ରାମ ସୁନା ଅଳଙ୍କାର, ୬୬୬ ଗ୍ରାମ ୪ଶହ ମିଲିଗ୍ରାମ ରୁପା ଅଳଙ୍କାର ମିଳଛି। ମନ୍ଦିର ପରିସରରେ ଥିବା ୧୦ଟି ଦାନବାକ୍ସକୁ ଟ୍ରଷ୍ଟ ବୋର୍ଡ ପକ୍ଷରୁ ପୂର୍ବାହ୍ନ ୧୧ଟା ବେଳେ ଖୋଲାଯାଇ ଟ୍ରଷ୍ଟବୋର୍ଡ କାର୍ଯ୍ୟାଳୟକୁ ଅଣାଯାଇଥିଲା। ସେଠାରେ ଗଣତି କାର୍ଯ୍ୟରେ ମନ୍ଦିର ପରିଚାଳନା ବୋର୍ଡ ସଭାପତି ରାଜେନ୍ଦ୍ର ପଟ୍ଟନାୟକ, ଟ୍ରଷ୍ଟବୋର୍ଡ ସଦସ୍ୟ ଆନନ୍ଦଚନ୍ଦ୍ର ସିଂହ, ଦୟାନିଧି ମହାନ୍ତ, ନିର୍ମଳ କୁମାର ମହାନ୍ତି, ଦେବୋତ୍ତର ନିରୀକ୍ଷକ କେନ୍ଦୁଝର ତ୍ରିଲୋଚନ ନାୟକ, ମନ୍ଦିର ଆକାଉଣ୍ଟାଣ୍ଟ ଅକ୍ଷୟ ବେହେରା ପ୍ରମୁଖ ସାମିଲ ହୋଇଥିଲେ।

ନାବାଳିକାଙ୍କୁ ବଳାତ୍କାର, ପୀଡିତା ଗୁରୁତର

ନାବାଳିକାଙ୍କୁ ବଳାତ୍କାର, ପୀଡିତା ଗୁରୁତର

କଟକ ଅଫିସ, ୧୭।୫: କଟକ ଜିଲା ମଧୁପାଟଣା ଥାନା ଅଧୀନରେ ଘଟିଛି ଏକ ଅଭାବନୀୟ ଘଟଣା। ୧୨ ବର୍ଷ ବୟସର ଜଣେ ନାବାଳିକାଙ୍କୁ ବଳାତ୍କାର କରାଯାଇଛି। ଜଣେ ୬୦ ବର୍ଷ ବୟସ୍କ ବ୍ୟକ୍ତି ଏଭଳି କାଣ୍ଡ ଘଟାଇଥିବା ଜାଣିବାକୁ ମିଳିଛି। ବଳାତ୍କାର ପରେ ନାବାଳିକାଙ୍କ ସ୍ବାସ୍ଥ୍ୟବସ୍ଥା ଗୁରୁତର ହୋଇପଡ଼ିଛି।

ମୋଷ୍ଟ ଓ୍ବାଣ୍ଟେଡ୍‌ ସନ୍ତୋଷ ଗିରଫ: ବନ୍ଧୁକ ଜବତ

ମୋଷ୍ଟ ଓ୍ବାଣ୍ଟେଡ୍‌ ସନ୍ତୋଷ ଗିରଫ: ବନ୍ଧୁକ ଜବତ

କଟକ ଅଫିସ , ୧୭।୫: ଡଗରପଡ଼ା ଶକୁନ୍ତଳା ପାର୍କ ନିକଟରୁ ବୁଧବାର ବିଳମ୍ବିତ ରାତିରେ ମୋଷ୍ଟ ଓ୍ବାଣ୍ଟେଡ ସନ୍ତୋଷ ପଶ୍ଚିମକବାଟଙ୍କୁ ଲାଲବାଗ ଥାନା ପୋଲିସ ଗିରଫ କରିଛି। ତାଙ୍କ ଘର ଯୋବ୍ରା ନଦୀକୂଳ ସାହିରେ। ସନ୍ତୋଷଙ୍କ ନିକଟରୁ ଏକ ମାଉଜର, ଗୋଟିଏ ରାଉଣ୍ଡ ଅଫୁଟା ଗୁଳି ଓ ଏକ ମୋଟର ସାଇକେଲ ପୋଲିସ ଜବତ କରିଛି।

୧୭ ଟନ ଲୁହା ସ୍କ୍ରାପ୍‌ ଜବତ: ୩ ଗିରଫ

୧୭ ଟନ ଲୁହା ସ୍କ୍ରାପ୍‌ ଜବତ: ୩ ଗିରଫ

ବଅଁରପାଳ,୧୭।୫(ଡି.ଏନ୍‌.ଏ.): ଅନୁଗୋଳ ଜିଲା ବଅଁରପାଳ ପୋଲିସ ବୁଧବାର ରାତିରେ ଟ୍ରକ ସହ ୧୭ ଟନ ଚୋରା ଲୁହା ସ୍କ୍ରାପ୍‌ ଜବତ କରିଛି। ଘଟଣାରେ ୩ ଜଣଙ୍କୁ ଗିରଫ କରାଯାଇଛି।

ସରକାରୀ ମଦ ଦୋକାନ ପୋଡ଼ିଦେବାକୁ ଉଦ୍ୟମ

ସରକାରୀ ମଦ ଦୋକାନ ପୋଡ଼ିଦେବାକୁ ଉଦ୍ୟମ

ସଜନାଗଡ଼,୧୭।୫(ଡି.ଏନ୍‌.ଏ.): ବାଲେଶ୍ୱର ଜିଲା ବହରମପୁର ଥାନା ଅଧୀନ ବାଉଁଶପାଳସ୍ଥିତ ସରକାରୀ ବିଦେଶୀ ମଦ ଦୋକାନରେ କିଛି ଦୁର୍ବୃତ୍ତ ଭଙ୍ଗାରୁଜା କରିବା ସହ ପେଟ୍ରୋଲ ଢାଳି ପୋଡ଼ିଦେବାକୁ ଉଦ୍ୟମ କରିଥିବା ଅଭିଯୋଗ ହୋଇଛି।

ବିଧବା ମହିଳାଙ୍କୁ ଝାନ୍‌ସୀ ଚାଲାଣ; ଥାନାର ଦ୍ୱାରସ୍ଥ ହେଲେ ପିତା

ବଇଣ୍ଡା, ୧୬ା୫(ଡି.ଏନ.ଏ.)- ଅନୁଗୋଳ ଜିଲା ହଣ୍ଡପା ଥାନା ଅଞ୍ଚଳର ଜଣେ ୩୦ ବର୍ଷିୟା ବିଧବା ମହିଳାଙ୍କୁ ମଙ୍ଗଳବାର ଦାଦରସାହି ଅଞ୍ଚଳର ଜଣେ ଯୁବକ ଝାନସୀ ଚାଲାଣ କରିଥିବା ଅଭିଯୋଗ ହୋଇଛି। ଏ ନେଇ ସମ୍ପୃକ୍ତା ମହିଳାଙ୍କ ପିତା ବୁଧବାର ଥାନାରେ ଅଭିଯୋଗ କରିଛନ୍ତି।

ମହିଳାଙ୍କୁ ଅଶ୍ଳିଳ ଇଙ୍ଗିତ ମାମଲା: ଅଭିଯୁକ୍ତଙ୍କୁ ୧୦ ମାସ ସଶ୍ରମ କାରାଦଣ୍ଡ

ମହିଳାଙ୍କୁ ଅଶ୍ଳିଳ ଇଙ୍ଗିତ ମାମଲା: ଅଭିଯୁକ୍ତଙ୍କୁ ୧୦ ମାସ ସଶ୍ରମ କାରାଦଣ୍ଡ

ଦିଗପହଣ୍ଡି,୧୬।୫(ଡି.ଏନ.ଏ.)- ଦିଗପହଣ୍ଡି ବ୍ଲକ ଭ୍ରମରପୁର ଗ୍ରାମର ଜଣେ ମହିଳାଙ୍କୁ ଅଶ୍ଳିଳ ଇଙ୍ଗିତ କରିଥିବା ଅଭିଯୋଗରେ ଅଭିଯୁକ୍ତଙ୍କୁ ୧୦ ମାସ ସଶ୍ରମ କାରାଦଣ୍ଡ ସହ ୫ ଶହ ଟଙ୍କା ଜରିମାନା ଏବଂ ଜରିମାନା ଅନାଦେୟ ଅଧିକା ଏକ ମାସ ଜେଲଦଣ୍ଡ ଶୁଣାଣି କରାଯାଇଛିି। ଅଭିଯୁକ୍ତ ଜଣକ ହେଲେ ଜିତୁ ଦିଲେଶ। ବୁଧବାର ଦିଗପହଣ୍ଡି କୋର୍ଟର ମାଜିଷ୍ଟ୍ରେଟ ରଞ୍ଜନ କୁମାର ପ୍ରଧାନ ମାମଲାର ୮ ଜଣ ସାକ୍ଷୀଙ୍କ ବୟାନକୁ ଭିତ୍ତିକରି ଦଣ୍ଡାଦେଶ ଶୁଣାଇଛନ୍ତି।

ବଳାତ୍କାର ଅଭିଯୁକ୍ତଙ୍କୁ ୧୦ବର୍ଷ ସଶ୍ରମ ଜେଲ୍‌

ବାଲେଶ୍ୱର ଅଫିସ,୧୬।୫- ବାଲେଶ୍ୱର ସ୍ପେଶାଲ ଜଜ୍‌ ତଥା ଅତିରିକ୍ତ ଦୌରାଜଜ୍‌ ଅଶ୍ୱିନୀ କୁମାର ନାୟକ ବୁଧବାର ଏକ ବଳାତ୍କାର ମାମଲାର ବିଚାର କରି ବଳାତ୍କାର ଅଭିଯୁଙ୍କୁ ୧୦ବର୍ଷ ସଶ୍ରମ କାରାଦଣ୍ଡାଦେଶ ସହ ୧୦ହଜାର ଟଙ୍କା ଜରିମାନା କରିଛନ୍ତି ଜରିମାନା ଅନାଦେୟ ଅଧିକ ୨ବର୍ଷ ସଶ୍ରମ କାରାଦଣ୍ଡ ଭୋଗିବାକୁ ରାୟରେ କୁହାଯାଇଛି।

ଏଟିଏମ୍‌ ଲୁଟେରା ଗିରଫ: ୨.୩ ଲକ୍ଷ ଟଙ୍କା, ୧୩ ଏଟିଏମ କାର୍ଡ, ଗୋଟିଏ ବୁଲେଟ ଜବତ

ଏଟିଏମ୍‌ ଲୁଟେରା ଗିରଫ: ୨.୩ ଲକ୍ଷ ଟଙ୍କା, ୧୩ ଏଟିଏମ କାର୍ଡ, ଗୋଟିଏ ବୁଲେଟ ଜବତ

ବ୍ରହ୍ମପୁର ଅଫିସ,୧୬।୫- ନିଜକୁ ବ୍ୟାଙ୍କ କର୍ମଚାରୀର ପରିଚୟ ଦେଇ ଲୋକଙ୍କୁ ଫୋନ କରି ଏଟିଏମ୍‌ ପିନ ନମ୍ବର ମାଗି ଅତି ଚତୁରତାର ସହ ଆକଉଣ୍ଟରୁ ଟଙ୍କା ଲୁଟ୍‌ କରୁଥିବା ଜଣେ ଏଟିଏମ୍‌ ଲୁଟେରାଙ୍କୁ ମଙ୍ଗଳବାର ଗୋଳନ୍ଥରା ଥାନା ପୋଲିସ ଗିରଫ କରିଛି। ସେ ହେଲେ କନ୍ଧମାଳ ଜିଲା ଟିକାବାଲି ଥାନା ଅଞ୍ଚଳରେ ରହୁଥିବା

ଭିଜିଲାନ୍ସ ଜାଲରେ ପିଇଓ

ଭିଜିଲାନ୍ସ ଜାଲରେ ପିଇଓ

ବାରିପଦା ଅଫିସ, ୧୬/୫: ମୟୂରଭଞ୍ଜ ଜିଲା ଗୋପବନ୍ଧୁ ନଗର ବ୍ଲକ ଅନ୍ତର୍ଗତ ଭଣ୍ଡଗାଁ ଗ୍ରାମ ପଞ୍ଚାୟତର ପିଇଓ ରମେଶ ଚନ୍ଦ୍ର ବେହେରା ବୁଧବାର ଭିଜିଲାନ୍ସ ହାତରେ ଧରାପଡିଛନ୍ତି। ଏମ୍‌ଜିଏନ୍‌ଆର୍‌ଇଜିଏସ୍‌ କାର୍ଯ୍ୟର ବିଲ୍‌ ପାସ୍‌ କରାଇଦେବାଲାଗି ସେ ଲାଞ୍ଚ ନେଉଥିବା ଜଣାପଡିଛି।

ବଳଙ୍କେଶ୍ୱର ମନ୍ଦିରରୁ ଚୋରି ଅଭିଯୋଗ

ବଳଙ୍କେଶ୍ୱର ମନ୍ଦିରରୁ ଚୋରି ଅଭିଯୋଗ

ବାରିପଦା ଅଫିସ, ୧୬।୫: ବାରିପଦା ଟାଉନ ଥାନା ଅଧୀନ ପୋଡା ଅସ୍ତିଆସ୍ଥିତ ବଳଙ୍କେଶ୍ୱର ମନ୍ଦିରରୁ ଚୋରି ହୋଇଥିବା ବୁଧବାର ଥାନାରେ ଅଭିଯୋଗ ହୋଇଛି।

ହୋଟେଲ ମାଲିକଙ୍କୁ ହତ୍ୟା ମାମଲା:ଅଭିଯୁକ୍ତଙ୍କୁ ଆଜୀବନ କାରାଦଣ୍ଡ

ହୋଟେଲ ମାଲିକଙ୍କୁ ହତ୍ୟା ମାମଲା:ଅଭିଯୁକ୍ତଙ୍କୁ ଆଜୀବନ କାରାଦଣ୍ଡ

କଟକ ଅଫିସ, ୧୬।୫- ମଧୁପାଟଣା ଥାନା ଅନ୍ତର୍ଗତ ମତ୍ତଗଜପୁର ନୂଆବନ୍ଧ ନିକଟରେ ଥିବା ଏକ ହୋଟେଲର ମାଲିକ ପ୍ରଫୁଲ୍ଲ ଚନ୍ଦ୍ର ପାଣିଙ୍କୁ ୨୦୧୩ ଏପ୍ରିଲ ୨୨ ତାରିଖ ରାତିରେ ହତ୍ୟା କରାଯାଇଥିଲା। ଏହି ମାମଲାରେ ଅଭିଯୁକ୍ତ ଭାସ୍କର ନାୟକ ଓରଫ କାଳିଆଙ୍କୁ ଜିଲା ଦୌରାଜଜ୍‌ ସତ୍ୟନାରାୟଣ ମିଶ୍ର ଦୋଷୀ ସାବ୍ୟସ୍ତ କରିବା ସହିତ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ଏଥିସହିତ ୨୦ହଜାର ଟଙ୍କା ଜରିମାନା ଦେବା ପାଇଁ ଭାସ୍କରଙ୍କୁ କୋର୍ଟ ଆଦେଶ ଦେଇଛନ୍ତି। ଜରିମାନା ଅନାଦୟେ ଆଉ ଅଧିକ ୨ ବର୍ଷ ଜେଲ୍‌ଦଣ୍ଡ ଭୋଗିବା ପାଇଁ ଅଦାଲତ ତାଙ୍କ ଆଦେଶରେ ସ୍ପଷ୍ଟ କରିଛନ୍ତି।

ଅସଲି ଲୁଟେରା, ନକଲି ଚେନ୍‌

ଅସଲି ଲୁଟେରା, ନକଲି ଚେନ୍‌

ଢେଙ୍କାନାଳ ଅଫିସ,୧୬।୫:ଲୁଟ୍‌ କରିବାକୁ ଆସିଥିଲେ। ଏଥିରେ ସଫଳ ମଧ୍ୟ ହେଲେ। ହେଲେ ଧୋକା ଖାଇଗଲା ଲୁଟେରାଙ୍କ ଆଖି। ସେମାନେ ଝାମ୍ପି ନେଇଥିବା ଚେନ ଥିଲା ନକଲି । ଏପରି ଏକ ଘଟଣା ଘଟିଛି ଢେଙ୍କାନାଳ ସହରରେ। ସାବିତ୍ରୀ ବ୍ରତ ଉପଲକ୍ଷେ ପୂର୍ବାହ୍ନ ୧୦ଟାରେ ଜଣେ ମହିଳା ମନ୍ଦିରରୁ ଦର୍ଶନ ସାରି ଫେରୁଥିବାବେଳେ ଆନନ୍ଦନଗର ନିକଟରେ ଦୁଇ ଯୁବକ ବାଇକ୍‌ରେ ଆସି ଜଣେ ବ୍ୟକ୍ତିଙ୍କ ଠିକଣା ପଚାରିଥିଲେ। ମହିଳାଙ୍କ ଅନ୍ୟମନସ୍କତାର ସୁଯୋଗରେ ସେମାନେ ଚେନ୍‌ ଝାମ୍ପି ନେଇ ପଳାଇଥିଲେ। ହେଲେ ଏହା ୪୫୦ଟଙ୍କାର ଇମିଟେଶନ ଚେନ୍‌ ଥିଲା ବୋଲି ଲୁଟ୍‌ର ଶିକାର ହୋଇଥିବା ମହିଳା କହିଛନ୍ତି। ଏ ନେଇ ଅଞ୍ଚଳବାସୀ ଟାଉନ ଥାନା ପୋଲିସକୁ ଅବଗତ କରାଇଥିଲେ। ଏପରି ଘଟଣା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ସୂଚନାଯୋଗ୍ୟ, ଢେଙ୍କାନାଳ ସହର ସମେତ ଜାତୀୟ ରାଜପଥରେ ବାଇକ୍‌ଧାରୀ ଲୁଟେରାଙ୍କ ପ୍ରାଦୁର୍ଭାବ ବଢ଼ିବାରେ ଲାଗିଛି। ଏକୁଟିଆ ଯାଉଥିବା ମହିଳାଙ୍କୁ ସେମାନେ ଟାର୍ଗେଟ କରୁଛନ୍ତି। ଅଞ୍ଚଳରେ ପୋଲିସ ପାଟ୍ରୋଲିଂ ବ୍ୟବସ୍ଥା କଡ଼ାକଡ଼ି କରିବା ସହ ସନ୍ଦିଗ୍ଧ ଅବସ୍ଥାରେ ବୁଲୁଥିବା ଯୁବକଙ୍କୁ ଧରିବାକୁ ବୁଦ୍ଧିଜୀବୀମାନେ ଦାବି କରିଛନ୍ତି।

ଅବକାରୀ ଚଢ଼ାଉ: ୯୯ଲିଟର ମଦ ଜବତ, ୧୧ କୋର୍ଟ ଚାଲାଣ

ଅବକାରୀ ଚଢ଼ାଉ: ୯୯ଲିଟର ମଦ ଜବତ, ୧୧ କୋର୍ଟ ଚାଲାଣ

ରାଜଗାଙ୍ଗପୁର, ୧୬।୫ (ଡି.ଏନ.ଏ)- ସୁନ୍ଦରଗଡ ଜିଲା ରାଜଗାଙ୍ଗପୁର ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଇ ମୋଟ ୯୯ଲିଟର ମଦ ଜବତ କରାଯାଇଛି। ଅବକାରୀ ବିଭାଗ ପକ୍ଷରୁ ରାଜଗାଙ୍ଗପୁର ଓ କୁତ୍ରା ବ୍ଲକର ବିଭିନ୍ନ ଅଞ୍ଚଳରେ ଚଢ଼ାଉ କରି ୮୮ଲିଟର ଦେଶୀ ମଦ ଓ ୧୧ଲିଟର ବିୟର ଜବତ କରାଯିବା ସହ ୧୧ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।

ଜମିଜମା ଗଣ୍ଡଗୋଳ:୨ ଗିରଫ

ଜମିଜମା ଗଣ୍ଡଗୋଳ:୨ ଗିରଫ

ଖୁଣ୍ଟା,୧୬।୫(ଡି.ଏନ୍‌.ଏ.): ଖୁଣ୍ଟା ଥାନା ଅଧୀନ ଚିଲିମା ଗ୍ରାମରେ ଜମି ବିକ୍ରି ବଟାକୁ ନେଇ ୨ ସମ୍ପର୍କୀୟ ଭଉଣୀଙ୍କ ପରିବାର ମଧ୍ୟରେ ଗଣ୍ଡଗୋଳ ହୋଇଥିବା ଅଭିଯୋଗ ହୋଇଛି। ଏଥିନେଇ ଥାନାରେ ମାମଲା (ନଂ ୫୦/୧୮) ରୁଜୁ ହେବା ସହିତ ତଦନ୍ତ ଅବ୍ୟାହତ ରହିଥିଲା। ତେବେ ଘଟଣାରେ ସଂପୃକ୍ତ ଥିବା ୨ ଅଭିଯୁକ୍ତଙ୍କୁ ଖୁଣ୍ଟା ପୋଲିସ ସୋମବାର ରାତିରେ ଗିରଫ କରିଛି।

ହେଲପରଙ୍କୁ ମାଡ ମାରି ଟ୍ରକ ଇଞ୍ଜିନ ଲୁଟ୍‌

ହେଲପରଙ୍କୁ ମାଡ ମାରି ଟ୍ରକ ଇଞ୍ଜିନ ଲୁଟ୍‌

ବସ୍ତା, ୧୬।୫-ସିଂଲା ଥାନା ଅନ୍ତର୍ଗତ ଜାମଶୂଳୀ ଛକଠାରୁ ଅଳ୍ପଦୂରରେ ଖରାପ ହୋଇ ରାସ୍ତା କଡରେ ଥିବା ଏକ ଟ୍ରକରୁ ଦୁବୃର୍ତ୍ତମାନେ ହେଲପରଙ୍କୁ ମାଡ ମାରି ଏହାର ଯନ୍ତ୍ରାଂଶ ଲୁଟି ନେଇଥିବା ପୋଲିସରେ ଅଭିଯୋଗ ହୋଇଛି । ବରଗଡ ଜିଲା ଅତାବିରା ଥାନା ହଳଦୀ ଗାଁ ର ଗୋପାଳକୃଷ୍ଣ ପାଲଚେରଲା ଙ୍କର ଟ୍ରକ(ନଂ.ଓଆର୦୮ସି୧୪୯୯) ଧାନକଟା ମେଶିନ ନେଇ ବାଳିଆପାଟି ଗାଁକୁ ଆସିଥିଲା। ସେଠାରେ ମେଶିନ ଓହ୍ଲାଇବା ପରେ ଟ୍ରକ ଫେରୁଥିବା ସମୟରେ ଯାନ୍ତ୍ରିକ ତ୍ରୁଟି ଦେଖାଦେବାରୁ ଏହାର ଡ୍ରାଇଭର ଇଞ୍ଜିନ ଖୋଲି ମରାମତି ପାଇଁ ଯାଇଥିବା ବେଳେ ହେଲପର ଟ୍ରକରେ ଶୋଇଥିଲେ। ସୋମବାର ମଧ୍ୟରାତ୍ରରେ ୪ଜଣ ଦୁବୃର୍ତ୍ତ ନିଜ ମୁହଁରେ କପଡା ବାନ୍ଧି ଏକ ଚାରିଚକିଆ ଗାଡିରେ ବାହାରିଥିବା ଟ୍ରକ ଇଞ୍ଜିନକୁ ନେଇ ପଳାଉଥିବା ବେଳେ ହେଲପର ପ୍ରଶାନ୍ତ ଭୁକ୍ତା ପାଟି କରିଥିଲେ। ତାଙ୍କ ଚିତ୍କାର ଶୁଣି ଲୁଟେରା ଦଳ ତାଙ୍କୁ ମାଡ ମାରିବା ସହ ଫେରାର ହୋଇଯାଇଥିଲେ। ଏନେଇ ଟ୍ରକ ଡ୍ରାଇଭର ଅତାବିରା ଥାନା ନିଲେଇପାଳି ଗାଁର କୁମୁଦ ଚରଣ ଭୋଇ ପୋଲିସରେ ଦେଇଥିବା ଅଭିଯୋଗକୁ ଭିତ୍ତି କରି ମାମଲା ରୁଜୁ କରିବା ସହ ତଦନ୍ତ ଜାରି ରଖିଛି।

ବିଦେଶକୁ ମାନବ ଚାଲାଣ: ୬ ଗିରଫ, ୭୫ ପାସପୋର୍ଟ, ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ

ବିଦେଶକୁ ମାନବ ଚାଲାଣ: ୬ ଗିରଫ, ୭୫ ପାସପୋର୍ଟ, ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ

ଭୁବନେଶ୍ୱର,୧୫।୫(ବ୍ୟୁରୋ): ବେଆଇନ ଭାବେ ବିଦେଶକୁ ମାନବ ଚାଲାଣ କରୁଥିବା ଏକ ର଼୍ୟାକେଟକୁ ପର୍ଦ୍ଦାଫାଶ କରିଛି ଖଣ୍ଡିଗିରି ପୋଲିସ। ର଼୍ୟାକେଟ ଚଳାଉଥିବା ମହାରାଷ୍ଟ୍ରର ୪ଜଣ ମାଷ୍ଟରମାଇଣ୍ଡ ସମେତ ଖୋର୍ଦ୍ଧାର ୨ ଜଣ ଯୁବକଙ୍କୁ ପୋଲିସ ଗିରଫ କରିଛି। ସେମାନଙ୍କ ନିକଟରୁ ୭୫ଟି ପାସପୋର୍ଟ, ଭିଜିଟିଂ କାର୍ଡ, ୨୦୦ ପ୍ରମାଣ ପତ୍ର ଜବତ କରିଛି।

ସାବିତ୍ରୀ ଓଷା ପୂର୍ବ ରାତିରେ ବଧୂହତ୍ୟା ଅଭିଯୋଗ, ଅଭିଯୁକ୍ତଙ୍କୁ ଗିରଫ ଦାବିରେ ଉତ୍ତେଜନା

ସାବିତ୍ରୀ ଓଷା ପୂର୍ବ ରାତିରେ ବଧୂହତ୍ୟା ଅଭିଯୋଗ, ଅଭିଯୁକ୍ତଙ୍କୁ ଗିରଫ ଦାବିରେ ଉତ୍ତେଜନା

ବରଗଡ଼ ଅଫିସ୍‌,୧୫।୫-ଝିଅ ସାବିତ୍ରୀ ଓଷା କରିବ । ଏହି ଆଶା ନେଇ ବାପା ବିଭିନ୍ନ ପୂଜା ସାମଗ୍ରୀ, ଫଳମୂଳ ଦେଇ ମଙ୍ଗଳବାର ସନ୍ଧ୍ୟାରେ ଝିଅ ଘରୁ ଫେରିଥିଲେ । ମାତ୍ର ଏହାର କେଇଘଣ୍ଟା ନ ପୂରୁଣୁ ଝିଅକୁ ଜଳିପୋଡ଼ି ମାରିଯାଇଥିବା ଖବର ପହଞ୍ଚିଥିଲା ବାପ ଘରକୁ ।

ଜମିଜମା ବିବାଦକୁ ନେଇ ସାନଭାଇର ଅଭାବନୀୟ କାଣ୍ଡ: ଲୁହାରଡରେ ପିଟି ବଡ଼ ଭାଇଙ୍କୁ ହତ୍ୟା

ଜମିଜମା ବିବାଦକୁ ନେଇ ସାନଭାଇର ଅଭାବନୀୟ କାଣ୍ଡ: ଲୁହାରଡରେ ପିଟି ବଡ଼ ଭାଇଙ୍କୁ ହତ୍ୟା

ସୋର,୧୫।୫(ଡି.ଏନ୍‌.ଏ.): ସୋର ଥାନା ଅନ୍ତର୍ଗତ ତଳନଗର ଗ୍ରାମରେ ଜମିଜମା ବିବାଦକୁ କେନ୍ଦ୍ରକରି ସାନଭାଇ ଲୁହାରଡ଼ରେ ଆକ୍ରମଣ କରିବା ଯୋଗୁ ବଡଭାଇଙ୍କ ମୃତ୍ୟୁ ଘଟିଛି।

ପେସାଦାର ଚୋର ଗିରଫ: ୩୦ ବର୍ଷରେ ୧୦୨ ସ୍ଥାନରେ କରିଥିଲେ ଚୋରି, ୫ ଲକ୍ଷରୁ ଊର୍ଦ୍ଧ୍ୱ ଟଙ୍କାର ଗହଣା ଜବତ

ପେସାଦାର ଚୋର ଗିରଫ: ୩୦ ବର୍ଷରେ ୧୦୨ ସ୍ଥାନରେ କରିଥିଲେ ଚୋରି, ୫ ଲକ୍ଷରୁ ଊର୍ଦ୍ଧ୍ୱ ଟଙ୍କାର ଗହଣା ଜବତ

କଟକ ଅଫିସ,୧୫।୫: ବାଦାମବାଡି ଥାନା ପୋଲିସ ମଙ୍ଗଳବାର ଜଣେ ପେସାଦାର ଚୋରକୁ ଗିରଫ କରିଛି। ସେ ହେଲେ ଖୋର୍ଦ୍ଧା ଜିଲା ଲିଙ୍ଗରାଜ ଥାନା ଅନ୍ତର୍ଗତ ହାଟସାହିର ହେମନ୍ତ ଦାସ(୫୨)। ତାଙ୍କୁ ପଚରାଉଚରା କରାଯିବା ପରେ ବହୁ ଚାଞ୍ଚଲ୍ୟକର ତଥ୍ୟ ଜାଣିବାକୁ ମିଳିଛି।

ଗ୍ରୀଲ ଭାଙ୍ଗି ୩ ଲକ୍ଷରୁ ଊର୍ଦ୍ଧ୍ୱ ଟଙ୍କା ଲୁଟ୍‌, ବଡସାହି ପୋଲିସର ତନାଘନା

ଗ୍ରୀଲ ଭାଙ୍ଗି ୩ ଲକ୍ଷରୁ ଊର୍ଦ୍ଧ୍ୱ ଟଙ୍କା ଲୁଟ୍‌, ବଡସାହି ପୋଲିସର ତନାଘନା

ବଡ଼ସାହି,୧୫।୫(ସ୍ବ.ପ୍ର.): ମୟୂରଭଞ୍ଜ ଜିଲା ବଡ଼ସାହି ଥାନା ଅଧୀନ ମାଧପୁର ପଞ୍ଚାୟତ କୋଚିଲାପଦା ଗ୍ରାମର ବିନୋଦିନୀ ସାହୁଙ୍କ ଘରୁ ସୋମବାର ବିଳମ୍ବିତ ରାତିରେ ୩ଲକ୍ଷରୁ ଉର୍ଦ୍ଧ ଟଙ୍କାର ଗହଣା ଚୋରି ହୋଇଛି । ଖବରପାଇ ବଡସାହି ପୋଲିସ ସାଇଣ୍ଟିିଫିକ ଟିମ ଓ ସନ୍ଧାନୀ କୁକୁର ସହ ଘଟଣା ସ୍ଥଳରେ ପହଞ୍ଚି ତନାଘନା ଆରମ୍ଭ କରିଛି। ସନ୍ଦେହରେ ପୋଲିସ ଜଣକୁ ଅଟକ ରଖିଛି ।

ରୁପ୍‌ସାରେ ମୋବାଇଲ ଚୋର ର଼୍ୟାକେଟ ଠାବ:୬ ଅଭିଯୁକ୍ତ ଗିରଫ, ୨୫ ମୋବାଇଲ ଜବତ

ରୁପ୍‌ସାରେ ମୋବାଇଲ ଚୋର ର଼୍ୟାକେଟ ଠାବ:୬ ଅଭିଯୁକ୍ତ ଗିରଫ, ୨୫ ମୋବାଇଲ ଜବତ

ରୂପ୍‌ସା,୧୫।୫(ଡି.ଏନ୍‌.ଏ.): ବାଲେଶ୍ୱର ଜିଲା ସଦର ବ୍ଲକ ଅନ୍ତର୍ଗତ ରୂପ୍‌ସା ଥାନା ପୋଲିସ ପକ୍ଷରୁ ଏକ ମୋବାଇଲ ଚୋର ର଼୍ୟାକେଟ ଠାବ କରାଯାଇଛି। ମୋବାଇଲ ଚୋରି ଘଟଣାରେ ଗିରଫ ୬ ଅଭିଯୁକ୍ତଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଛି। ସେମାନଙ୍କଠାରୁ ୨୫ଟି ଚୋରି ମୋବାଇଲ ଜବତ କରାଯାଇଛି।

ପାରଳା ଗଣ ମୃତ୍ୟୁ ମାମଲା: ତଦନ୍ତ ତ୍ୱରାନ୍ବିତ ଲାଗି ଦାବି

ପାରଳା ଗଣ ମୃତ୍ୟୁ ମାମଲା: ତଦନ୍ତ ତ୍ୱରାନ୍ବିତ ଲାଗି ଦାବି

କଟକ ଅଫିସ, ୧୪।୫(ବ୍ୟୁରୋ): ବହୁ ଚର୍ଚ୍ଚିତ ପାରଳା ଗଣ ମୃତ୍ୟୁ ମାମଲାରେ କ୍ରାଇମବ୍ରାଞ୍ଚରେ ତଦନ୍ତରେ ଶିଥିଳତା ନେଇ ମୃତ ଅନଙ୍ଗମଞ୍ଜରୀଙ୍କ ଭାଇ ଅମୂଲ୍ୟ କୁମାର ପାତ୍ର ଅଭିଯୋଗ କରିଛନ୍ତି। ସୋମବାର ଡିଜିଙ୍କ କାର୍ଯ୍ୟାଳୟକୁ ଆସି ଅମୂଲ୍ୟ ତଦନ୍ତକୁ ତ୍ୱରାନ୍ବିତ କରିବା ପାଇଁ ଦାବି କରିଛନ୍ତି।