Dharitri News

ସମ୍ପାଦକୀୟ

ସମ୍ପାଦକୀୟ/ ବ୍ୟାଣ୍ଡ୍‌-ଏଡ୍‌ ସମାଧାନ

ସମ୍ପାଦକୀୟ/ ବ୍ୟାଣ୍ଡ୍‌-ଏଡ୍‌ ସମାଧାନ

ଚତୁର୍ଥ ଜାତୀୟ ସ୍ବାସ୍ଥ୍ୟ ଓ ପରିବାର ସର୍ଭେ (ଏନ୍‌ଏଚ୍‌ଏଫ୍‌ଏସ୍‌) ରିପୋର୍ଟ ଅନୁଯାୟୀ ସହରୀ ଭାରତର ୫୬ ପ୍ରତିଶତ ଲୋକ ଘରୋଇ ସ୍ବାସ୍ଥ୍ୟସେବା ଉପରେ ନିର୍ଭର କରୁଥିବା ବେଳେ ଗ୍ରାମୀଣ ଭାରତର ୪୯ ପ୍ରତିଶତ ଘରୋଇ ଚିକିତ୍ସାକୁ ପସନ୍ଦ କରୁଛନ୍ତି। ସରକାରୀ ଡାକ୍ତରଖାନାକୁ ଅଧିକ ରୋଗୀ କିଭଳି ଯାଇପାରିବେ, ସେ ଦିଗରେ ସରକାର କାର୍ଯ୍ୟ କରୁଛନ୍ତି ବୋଲି ଯେତେ କହୁଥିଲେ ହେଁ ବାସ୍ତବତା ଉପରୋକ୍ତ ପରିସଂଖ୍ୟାନ ଦେଉଛି।

ସବୁ ତୁମ୍ଭ ପରସାଦ

ସବୁ ତୁମ୍ଭ ପରସାଦ

ବୈକୁଣ୍ଠନାଥ ମିଶ୍ର/ ପ୍ରଭୁ ବଡ଼ଠାକୁର ବଡ଼ଦେଉଳରେ ବଡ଼ଭାଇ ବଳରାମ ଓ ଭଉଣୀ ସୁଭଦ୍ରାଙ୍କ ସହ ରତ୍ନସିଂହାସନରେ ବିରାଜମାନ କରିଛନ୍ତି। ସବୁ ବଡ଼ର ସମାହାରରେ ସକଳ ମାନବୀୟ ରୀତିନୀତି ମଧ୍ୟରେ ଓଡ଼ିଆଙ୍କ ମୁରବି ସାଜି ବିସ୍ମୃତିର କେଉଁ ଅଜଣା କାଳରୁ ଲୀଳା କରିଆସୁଛନ୍ତି। ମାନବୀୟ ଆଚାର, ବିଚାର, ବିହାର ଓ ସ୍ନାନଭୋଜନାଦି କର୍ମ ସମ୍ପାଦନା ସହ ସାମ୍ୟ, ମୈତ୍ରୀ ଓ କରୁଣାର ବାରି ସିଞ୍ଚନ କରି ଓଡ଼ିଆ ପ୍ରାଣରେ ଭରିଦେଇଛନ୍ତି ଆଧ୍ୟାତ୍ମିକତାର ଉଚ୍ଛ୍ବାସ। ନାଲି ଅଧରରେ ମୃଦୁହସ ଓ ଚିକ୍କଣ କଳାବଦନର ସଂଦର୍ଶନରେ ଯୁଗ ଯୁଗର ପାପନାଶନର ପରିତୃପ୍ତି। ସମସ୍ତ ଦୁଃଖ ମୋଚନର ଅଙ୍ଗୀକାରବଦ୍ଧତା ଯେପରି ଲାଖିରହିଛି ବାହୁଯୁଗଳରେ। ସେ ମହାବାହୁ! ଯୋଗୀର ଯୋଗ, ତପସ୍ବୀର ତପସ୍ୟା, ଭକ୍ତର ଭକ୍ତି, ଗୃହସ୍ଥର ଗାର୍ହସ୍ଥ୍ୟଧର୍ମ ଓ ନାରୀ ମର୍ଯ୍ୟାଦାର ଅପୂର୍ବ ଉଦାହରଣ ତାଙ୍କ ଶ୍ରୀକ୍ଷେତ୍ର ଧାମର ବିଶେଷତ୍ୱ। ଯେ କୌଣସି ମତବାଦୀ ପାଇଁ ତା’ ସ୍ବକୀୟ ମତର ସାକାର ରୂପାନ୍ତର ତାଙ୍କ ରୂପଲାବଣ୍ୟରେ ସନ୍ନିବେଶିତ। ସେ ଶୈବର ଶିବ, ଶାକ୍ତର ଶକ୍ତି, ବୈଷ୍ଣବର ବିଷ୍ଣୁ, ଗାଣପତ୍ୟର ଗଣପତି, ତାନ୍ତ୍ରିକର ଭୈରବ ଓ ବୌଦ୍ଧର ବୁଦ୍ଧ। କାହା ପାଇଁ ସେ ଖଣ୍ଡିତ ଦରଗଢା ତ କାହା ପାଇଁ ଅଖଣ୍ଡ। ସେଥିପାଇଁ ତାଙ୍କୁ ବନ୍ଦନା କରାଯାଇଛି- ”ଖଣ୍ଡାଖଣ୍ଡସ୍ବରୂପାୟ ଦୃଶ୍ୟାଦୃଶ୍ୟମାନାୟ ଚ। ସାକାର-ନିରାକାରାୟ ଜଗନ୍ନାଥାୟ ତେ ନମଃ।ା“ ସେ ଅପଲକ ଚକାଆଖି ଆଶ୍ୱାସନାର ଆଖି। ପୁଣ୍ୟାତ୍ମା ପାଇଁ ସେଥିରେ ଅଛି ଅଭୟ ଓ ପାପୀକୁ ତାଡ଼ନାର ସୂଚନା। ସେ ମାନବକୁ ଅହରହ ଚେତାବନୀ ଦେଉଥାଏ ଓ ନୀରବରେ କହୁଥାଏ- ରେ ମୂଢ଼ମତି ! ତୁ କ’ଣ କରୁଛୁ ନିଜେ ଜାଣିପାରୁନୁ। ପାପକର୍ମରେ ତୋର ଆଗ୍ରହ କିନ୍ତୁ ପାପର ଫଳ ଭୋଗିବାକୁ ତୋର ଘୋର କୁଣ୍ଠା। ଆଦୌ ପୁଣ୍ୟ ନ କରି ପୁଣ୍ୟଫଳରେ ତୋର ପ୍ରବଳ ଲାଳସା।...

କ୍ୱାଣ୍ଟମ୍‌ କମ୍ପ୍ୟୁଟର ଓ ସାଇବର ଅପରାଧ

କ୍ୱାଣ୍ଟମ୍‌ କମ୍ପ୍ୟୁଟର ଓ ସାଇବର ଅପରାଧ

ଡା. ଦ୍ୱିଜେଶ କୁମାର ପଣ୍ଡା/ ଆଜିକାଲି କମ୍ପ୍ୟୁଟର ଦୈନନ୍ଦିନ ଅନେକ କାର୍ଯ୍ୟରେ ନିୟୋଜିତ ହେଉଛି। ଯୋଗାଯୋଗ, ବ୍ୟବସାୟିକ କାରବାର, ଲୋକସଂପର୍କ ଏବଂ ଗବେଷଣା ଏହାଦ୍ୱାରା ସମ୍ଭବ ହେଉଛି। ବ୍ୟକ୍ତିଗତ ଖାତା, ଆଇଡି ଓ ଗୋପନୀୟ ତଥ୍ୟ ଏଥିରେ ସୁରକ୍ଷିତ ଥାଏ। ଆଜିକାଲି ଏହି ଗୁପ୍ତ ତଥ୍ୟ ଜାଣିବାର ଉପାୟ ବାହାରିଲାଣି। ଏହାକୁ ହ୍ୟାକିଂ କୁହାଯାଏ। ଅର୍ଥ ଆଦାୟ ପାଇଁ ଅସାମାଜିକ ବ୍ୟକ୍ତି ସୁରକ୍ଷା ବଳୟକୁ ଭେଦ କରି ଗୋପନୀୟ ତଥ୍ୟ ହାସଲ କରୁଛନ୍ତି। ୨୦୧୬ ମସିହାରେ ଆମେରିକାର ଜାତୀୟ ସୁରକ୍ଷା ପ୍ରତିନିଧିଙ୍କ ଅନେକ ଗୁପ୍ତ ତଥ୍ୟ ସାଡୋ ଓ ବ୍ରୋକର ନାମକ ଏକ ହ୍ୟାକିଂ ସଂସ୍ଥା ଅକ୍ତିଆର କରିଥିଲା। ଜୁନ୍‌ ୨୮ ତାରିଖରେ ବମ୍ବେ ବନ୍ଦର ସାଇବର ଆକ୍ରମଣର ଶିକାର ହୋଇଥିଲା। ହ୍ୟାକରମାନେ ବ୍ୟକ୍ତିଗତ ଇମେଲ୍‌ ଆକାଉଣ୍ଟରେ ପ୍ରବେଶ କରି ସେଥିରେ ଥିବା ବ୍ୟକ୍ତିର ବନ୍ଧୁମାନଙ୍କ ପାଖକୁ ଛଦ୍ମ ନାମରେ ଚିଠି ଲେଖି ପଇସା ମାଗୁଛନ୍ତି। ୨୦୧୭ ମସିହାରେ ରାନ୍‌ସମ୍‌ୱେର ଭାଇରସ୍‌ ବିଶ୍ୱରେ ହଇଚଇ ସୃଷ୍ଟି କରିଥିଲା। ୨୦୧୮ ପାଇଁ ହ୍ୟାକରମାନେ ଅନେକ ବିପଜ୍ଜନକ ଆକ୍ରମଣ ଯୋଜନା ପ୍ରସ୍ତୁତ କରିସାରିଲେଣି। ବିଶ୍ୱର ଧନୀ ବ୍ୟକ୍ତିମାନଙ୍କୁ ସେମାନେ ଟାର୍ଗେଟ୍‌ କରିବେ। ଏଣୁ ୨୦୧୮ରେ ହ୍ୟାକିଂରୁ ମୁକ୍ତି ପାଇବା ପାଇଁ ଆମେରିକାସ୍ଥିତ ଇଣ୍ଟରନେଟ୍‌ ସୁରକ୍ଷା କମ୍ପାନୀ ‘ମ୍ୟାକେଫି’ ସତର୍କ କରାଇ ଦେଇଛି।...

ଏଇ ଭାରତରେ

ଦୁର୍ନୀତିର ହ୍ରାସ ଘଟିବ, ଲୋକଙ୍କ ନିକଟରେ କିଛି ଅଛପା ରହିବ ନାହିଁ, ସ୍ବଚ୍ଛତା ଫେରିବ-ଏମିତି ଚିନ୍ତାକରି ଦେଶରେ ପ୍ରଣୟନ କରାଯାଇଛି ସୂଚନା ଅଧିକାର ଆଇନ। ଏହି ଆଇନ ବଳରେ ଯେ କେହି ବ୍ୟକ୍ତି ସରକାରଙ୍କଠାରୁ ସୂଚନା ପ୍ରାପ୍ତ କରିପାରିବେ। କୌଣସି ଅନିୟମିତତା ହେଉଥିଲେ ତାହା ପଦାକୁ ଆଣିପାରିବେ। ଏହି ଆଇନ ପ୍ରଣୟନ ହେବା ପରେ ଅନେକ ସୂଚନାଧିକାର କର୍ମୀ ବାହାରିଲେଣି। ସେମାନେ ବହୁ ଗୋପନ କଥା ଲୋକଙ୍କ ସାମ୍ନାକୁ ଆଣିପାରୁଛନ୍ତି। କିନ୍ତୁ ଏମିତି କିଛି ସୂଚନାଧିକାର କର୍ମୀ ବୋଲାଉଥିବା ବ୍ୟକ୍ତି ଅଛନ୍ତି ଯେଉଁମାନେ ଏହି ଆଇନକୁ ରୋଜଗାରର ମାଧ୍ୟମ କରିସାରିଲେଣି। ସୂଚନା ପ୍ରକାଶ କରିଦେବାର ଧମକ ଦେଇ ମୋଟାଅଙ୍କର ଅର୍ଥ ଆଦାୟ କରୁଛନ୍ତି। ସେମିତି ଜଣେ ମହିଳାଙ୍କୁ ଠାଣେ ପୋଲିସ ରବିବାର ସାରେ ଗିରଫ କରିଛି। ମହାରାଷ୍ଟ୍ରର ଠାଣେ ଅଞ୍ଚଳସ୍ଥିତ ଏକ ନ୍ୟୁଜ୍‌ ଚାନେଲର ଖବରଦାତା ତଥା ସୂଚନାଧିକାର କର୍ମୀ ଚାରୁଶିଳା ଆର୍‌ଟିଆଇର ଭୟ ଦେଖାଇ ଜଣେ ବିଲ୍‌ଡରଙ୍କଠାରୁ ୫୦ଲକ୍ଷ ଟଙ୍କା ଦାବି କରିଥିଲେ। ଟଙ୍କା ନ ଦେଲେ ସେ ତାଙ୍କ ନାମରେ କଲ୍ୟାଣ-ଡୋମ୍ବିଭ୍ଲି ମ୍ୟୁନିସିପାଲ କର୍ପୋରେସନରେ କରିଥିବା ଅଭିଯୋଗ ଆଧାରରେ ସେ ନିର୍ମାଣ କରିଥିବା କୋଠା ଭାଙ୍ଗିଦେବେ ବୋଲି ଧମକ ଦେଇଥିଲେ। ବିଲ୍‌ଡର ଜଣକ ଗତ ୩ ତାରିଖରେ ଚାରୁଶିଳାଙ୍କୁ ୨ଲକ୍ଷ ଟଙ୍କା ଦେଇଥିଲେ। ଏ ସମ୍ପର୍କରେ ପୋଲିସରେ ମଧ୍ୟ ଅଭିଯୋଗ କରିିଥିଲେ। ରବିବାର ପୂର୍ବ ନିର୍ଦ୍ଧାରିତ ଯୋଜନା ମୁତାବକ ଆଉ ୫ଲକ୍ଷ ଟଙ୍କା ଦିଆଯିବା ବେଳେ ପୋଲିସ ଚାରୁଶିଳାଙ୍କୁ ଗିରଫ କରିଛି। ତାଙ୍କ ନାମରେ ଅର୍ଥଶୋଷଣ ଅଭିଯୋଗରେ ଆଇପିସିର ଦଫା ୩୮୪ ଲଗାଯାଇଛି।

ସ୍ବାର୍ଥ ପାଇଁ ବିଦ୍ରୋହ

ସ୍ବାର୍ଥ ପାଇଁ ବିଦ୍ରୋହ

ଭାରତର ନ୍ୟାୟ ବ୍ୟବସ୍ଥା ପାଇଁ ୨୦୧୮ ଜାନୁୟାରୀ ୧୨ ଶୁକ୍ରବାର ଏକ କଳା ଦିବସ ଥିଲା। ସାଧାରଣ ନାଗରିକ ଭାବେ ଦେଖିଲେ ଏହା ଦେଶର ନ୍ୟାୟ ବ୍ୟବସ୍ଥାରେ ଘଟୁଥିବା ନକାରାତ୍ମକ ଦିଗକୁ ପଦାରେ ପକାଇଥିଲା। ସୁପ୍ରିମ୍‌କୋର୍ଟର ୪ଜଣ ବରିଷ୍ଠ ବିଚାରପତି ଜଷ୍ଟି ଚେଲାମେଶ୍ୱର, ରଞ୍ଜନ ଗୋଗୋଇ, ମଦନ ବି. ଲୋକୁର ଏବଂ କୁରିଏନ୍‌ ଯୋଶେଫ୍‌ ଏକ ସାମ୍ବାଦିକ ସମ୍ମିଳନୀ ଡକାଇ ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ ବିଷୋଦ୍‌ଗାର କରିଥିଲେ। ଆଇନ ପାଠ ପଢ଼ିନାହଁୁ। ଆଜୀବନ ଚେଷ୍ଟା କରିଆସିଛୁ କେଉଁ ଉପାୟରେ ଥାନା ଓ ନ୍ୟାୟାଳୟଠାରୁ ଦୂରେଇ ରହିହେବ। କିନ୍ତୁ ଦେଶର ଭାରସାମ୍ୟ ରକ୍ଷା କରୁଥିବା ଉଚ୍ଚତମ ନ୍ୟାୟାଳୟର ଏହି ୪ଜଣ ବିଚାରପତିଙ୍କ ବ୍ୟବହାରରେ, କାହିଁକି କେଜାଣି ମନକୁ ଦୁଃଖ ଲାଗିଲା। ଏହି ଭାରତରେ ଅମଲାତନ୍ତ୍ରୀଙ୍କ ଦୁର୍ନୀତି ସାଧାରଣ ନାଗରିକକୁ ଅତିଷ୍ଠ କରିସାରିଲାଣି। ରାଜନୈତିକ ବ୍ୟକ୍ତିଙ୍କ ଅସତ୍ୟ ବାଣୀ ଏବଂ ବ୍ୟକ୍ତିଗତ ଲୋଭରେ ଦେଶବାସୀ ଜର୍ଜରିତ ହୋଇସାରିଲେଣି। କେବଳ ଦେଶର ସମ୍ପତ୍ତିକୁ ଲୁଟି ବଡ଼ ଶିଳ୍ପପତି କିମ୍ବା ବ୍ୟବସାୟୀ ପାଲଟିଥିବା ବ୍ୟକ୍ତି ଓ କର୍ପୋରେଟ୍‌ ଉପରୁ ଜନତାଙ୍କ ବିଶ୍ୱାସ ତୁଟିସାରିଲାଣି। ଏଭଳି ପ୍ରଚ୍ଛଦପଟରେ ଏକମାତ୍ର ସାହାଭରସା ଭାବେ ଦିଶୁଥିବା ନ୍ୟାୟାଳୟର ନ୍ୟାୟାଧୀଶମାନଙ୍କ ଏଭଳି ବ୍ୟବହାର ଏକ ହତାଶ ବାତାବରଣ ସୃଷ୍ଟି କରୁଛି। ଉପରୋକ୍ତ ୪ଜଣ ବିଚାରପତିଙ୍କ ଲାଇଭ୍‌ ଟେଲିକାଷ୍ଟ୍‌ ଦେଖିଲାବେଳକୁ ମନରେ ଅନେକ ପ୍ରଶ୍ନ ଉଠିଥିଲା। ଯଦି ଦେଶର କୌଣସି ହାଇକୋର୍ଟର ୪ଜଣ ବିଚାରପତି ଏଭଳି ସାମ୍ବାଦିକ ସମ୍ମିଳନୀ ଡକାଇ ନିଜର ଅବାଞ୍ଛିତ କ୍ଷୋଭ ପ୍ରକାଶ କରିଥାନ୍ତେ, ତେବେ ସେମାନଙ୍କ ଚାକିରି ଜୀବନରେ କେଉଁ ଦଶା ଭୋଗିବାକୁ ପଡ଼ିଥାନ୍ତା ତାହା କଳ୍ପନା ବାହାରେ। ତତ୍‌କ୍ଷଣାତ୍‌ ବଦଳି ହେବା ସହିତ ସେହି ଜଜ୍‌ମାନଙ୍କର ଡାକଠିକଣା ମିଳିବା କଷ୍ଟକର ହୋଇପଡ଼ିଥାନ୍ତା।

ଏଇ ଭାରତରେ

ଏଇ ଭାରତରେ

ଏହାକୁ କହିବ ଲୈଲା-ମଜ୍‌ନୁ ପ୍ରେମ। ଘରର ବାରଣ, ପୋଲିସର ନାଲିଆଖି, ଅଦାଲତର ନିଷ୍ପତ୍ତି, ସ୍ବଧାର ଗୃହର ପରାମର୍ଶ ଏପରି କି ଗାଁରେ ଦେଖାଦେଇଥିବା ଉତ୍ତେଜନା-କିଛି ପ୍ରଭାବ ପକାଇଲା ନାହିଁ ଯୁବତୀଙ୍କ ଉପରେ। ସଚ୍ଚାପ୍ରେମର ନିଦର୍ଶନ ଦେଖାଇ ସେ ବାଛିନେଲେ ପ୍ରେମିକଙ୍କ ଘରେ ସବୁଦିନ ଜୀବନସାଥୀ ହୋଇ ରହିବାକୁ। ଝିଅ-ପୁଅ ଯେତେବେଳେ ରାଜି, ସେଠି ପୋଲିସ ବା କ’ଣ କରିବ। ପରିବାର ଲୋକେ ବି ନିରୁପାୟ। ଘଟଣାଟି ଘଟିଛି ବିହାରର ଅର୍‌ଓ୍ବଲ ଜିଲା ଅନ୍ତର୍ଗତ ରୂପ୍‌ଚାଇ ଗ୍ରାମରେ। ଏହି ଗ୍ରାମର ଜଣେ ଉଚ୍ଚବର୍ଣ୍ଣର ଯୁବତୀ ଭଲପାଇ ବସିଲେ ଧନଞ୍ଜୟ କୁମାର ନାମକ ଜଣେ ଦଳିତ ବର୍ଗର ଯୁବକଙ୍କୁ। ପରସ୍ପରକୁ ଜୀବନସାଥୀ କରିନେବାର ନିଷ୍ପତ୍ତି ନେଲେ।

ସ୍ବପ୍ନର ରୂପାୟନ

ସ୍ବପ୍ନର ରୂପାୟନ

ଅଭିମନ୍ୟୁ ଧଳ/ ବଡ ହେଲେ କ’ଣ ହେବ?’ ବିଦ୍ୟାର୍ଥୀଙ୍କୁ ପ୍ରଶ୍ନ ପଚାରିଲେ ସେମାନେ କହିଥାନ୍ତି, ”ଡାକ୍ତର, ଇଞ୍ଜିନିୟର, ବୈଜ୍ଞାନିକ, ପ୍ରଶାସନିକ ଅଧିକାରୀ ହେବାକୁ ଆମେ ସ୍ବପ୍ନ ଦେଖୁଛୁ।“ ସେମାନେ ଜଣେ ବ୍ୟବସାୟୀ କିମ୍ବା କୃଷକ ହେବେ ବୋଲି କହି ନ ଥାନ୍ତି। କାଳିଦାସ କହିଥିଲେ: ”ବାଣିଜ୍ୟେ ବସତେ ଲକ୍ଷ୍ମୀସ୍ତଦର୍ଦ୍ଧଂ କୃଷିକର୍ମଣି। ତଦର୍ଦ୍ଧଂ ରାଜସେବାୟାଂ ଭିକ୍ଷା ନୈବ ଚ ନୈବ ଚ।“ ଅର୍ଥାତ୍‌ କିନ୍ତୁ ଆଜିକାଲି ଯୁଗ ବଦଳିଯାଇଛି, ବାଣିଜ୍ୟ ଓ କୃଷିକୁ ଛାଡ଼ି ସମସ୍ତେ ଚାକିରିମୁହଁା ଧରିଛନ୍ତି। ବାଣିଜ୍ୟ ପାଇଁ ପୁଞ୍ଜି ପ୍ରଥମ ବାଧକ ସାଜିଥିବା ବେଳେ ସରକାରୀ ନିୟମର ଜଟିଳତା ପାଇଁ ମନ ମରିଯାଏ। କୃଷି ତ କ୍ଷତିରେ ହିଁ ଚାଲିଛି। ଏହା ଆଉ ଗୌରବ ବହନ କରିପାରୁନି। ଶିଶୁଟି ଜନ୍ମ ହେବା ପରଠାରୁ ମା’ବାପାଙ୍କ ସ୍ବପ୍ନ ଆରମ୍ଭ ହୋଇଯାଏ। କେଉଁ ସ୍କୁଲରେ ପଢିବ, କିଭଳି ଚାକିରି କରିବ ସେଥିପାଇଁ ବେଶ୍‌ ଲାଗିପଡନ୍ତି। ଦିନରାତି ଏକ କରି, ମୁଠାମୁଠା ଅର୍ଥ ବ୍ୟୟ କରିବା ପରେ ତାଙ୍କ ସ୍ବପ୍ନ କ’ଣ ସାର୍ଥକ ହୁଏ? ଭାରତ ଭଳି ବିକାଶଶୀଳ ରାଷ୍ଟ୍ର ପାଇଁ ଏହା ପ୍ରଥମ ପ୍ରତିବନ୍ଧକ ରୂପେ ଉଭା ହୋଇଛି।

ପ୍ରସାରଣ ହିଁ ଜୀବନ

ପ୍ରସାରଣ ହିଁ ଜୀବନ

ଡ. ଶରତ ଚନ୍ଦ୍ର ରଥ/ ଆମେ ବହୁ ବ୍ୟକ୍ତି, ବହୁ ଦୃଶ୍ୟ ଦେଖୁଛୁ, ମାତ୍ର ନିଜକୁ ଦେଖୁନାହୁଁ। ଏ କଥା ଶୁଣିଲା ମାତ୍ରେ ମନକୁ ଆସିବ ଯେ ଆମେ ତ ନିଜ ଶରୀରକୁ ଦେଖୁଛୁ, ଅଇନାରେ ନିଜ ମୁହଁକୁ ଦେଖିପାରୁଛୁ, ଆଉ ଦେଖୁନାହୁଁ କିପରି? ଏ କଥାର ଅର୍ଥ ହେଉଛି ଆମେ ନିଜର ଭିତର ରୂପ ଆଡକୁ ଧ୍ୟାନ ଦେଇନାହୁଁ, ଭିତର ସ୍ବର ଶୁଣିବାକୁ କାନ ଦେଇନାହୁଁ। ଚର୍ମଆଖିରେ ଭିତରକୁ ଦେଖିହେବ ନାହିଁ, ମର୍ମ ଆଖିରେ ଦେଖିହେବ। ବାହାର କାନରେ ନିଜକୁ ଶୁଣିହେବ ନାହିଁ, ଭିତର କାନରେ ଶୁଣିହେବ। ମନ ଦ୍ୱାରା ଏହା ସମ୍ଭବ ହେବନାହିଁ, ମନଠାରୁ ଆଉ ଏକ ବଡକଥା ଆମ ଭିତରେ ରହିଛି, ତାହା ହେଉଛି ବିବେକ ସତ୍ତା ଓ ବିଚାରବୋଧ। ବିବେକରୁ ବିଚାର ଆସେ, ଭୁଲ ଠିକ୍‌ ଜାଣିହୁଏ। ଭୁଲ ଠିକ୍‌ ଜାଣିପାରିବା ହିଁ ନିଜକୁ ଠିକ୍‌ ଅର୍ଥରେ ଦେଖିବା ଓ ନିଜକୁ ଠିକ୍‌ ଅର୍ଥରେ ଶୁଣିବା। ଏପରି ଦେଖିବା ଅର୍ଥ ନିଜ ସହ ଅନ୍ୟମାନଙ୍କୁ ମିଶାଇ ଦେଖିବା, ଅନ୍ୟମାନଙ୍କୁ ନିଜ ପରି ଦେଖିବା ଏବଂ ନିଜକୁ ଅନ୍ୟମାନଙ୍କ ଭିତରେ ଦେଖିବା। ଏପରି ଦେଖିଲେ ପରସ୍ପର ପ୍ରତି ଶ୍ରଦ୍ଧା, ସ୍ନେହ ବଢେ ଓ ମାନସିକ ଶାନ୍ତି ଅତୁଟ ରହେ। କେବଳ ନିଜକୁ ଦେଖିବା ଅର୍ଥାତ୍‌ ନିଜ ସୁବିଧା ପ୍ରତି ଦୃଷ୍ଟିଦେବା ହେଉଛି ସ୍ବାର୍ଥପରତା ଓ ସଂକୀର୍ଣ୍ଣତା। ଶ୍ରୀଅରବିନ୍ଦ ଏହାକୁ ସବୁଠାରୁ ବଡ ପାପ ବୋଲି କହିଛନ୍ତି। ସ୍ବାମୀ ବିବେକାନନ୍ଦ ସଂକୀର୍ଣ୍ଣତା ହିଁ ମୃତ୍ୟୁ ଓ ପ୍ରସାରଣ ହିଁ ଜୀବନ ବୋଲି କହିଛନ୍ତି।

‘ମୁଁ ବି’: ନିର୍ଯାତିତାଙ୍କ ସ୍ବର

‘ମୁଁ ବି’: ନିର୍ଯାତିତାଙ୍କ ସ୍ବର

ପ୍ରକାଶ ତ୍ରିପାଠୀ/ ପ୍ରତିବର୍ଷ ପରି ୨୦୧୭ ବର୍ଷର ପ୍ରଭାବଶାଳୀ ମଣିଷଙ୍କ ନାମ ଯେତେବେଳେ ଅନ୍ତର୍ଜାତୀୟ ପ୍ରତିଷ୍ଠିତ ପତ୍ରିକା ‘ଟାଇମ୍‌’ ପକ୍ଷରୁ ଘୋଷଣା କରାଗଲା, ସେତେବେଳେ ସବୁଠାରୁ ଅଧିକ ଆଶ୍ଚର୍ଯ୍ୟ ହୋଇଥିବେ ଏହାର ମୁଖ୍ୟ ଦାବିଦାର କୁହାଯାଉଥିବା ଆମେରିକାର ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ୍‌। କାରଣ ୨୦୧୬ ଭଳି ୨୦୧୭ରେ ଟ୍ରମ୍ପ୍‌ଙ୍କୁ ପର୍ସନ ଅଫ୍‌ ଦ ଇୟର ଘୋଷଣା କରିବା ପାଇଁ ଟାଇମ୍‌ ପତ୍ରିକା ପକ୍ଷରୁ ଚୂଡାନ୍ତ ନିଷ୍ପତ୍ତି ନିଆଯାଇ ନ ଥିଲେ ହେଁ ତାଙ୍କର ଫଟୋ ସେସନ ଓ ଇଣ୍ଟରଭ୍ୟୁ ନିଆସରିଥିଲା ଓ ସେ ଆଶା କରିଥିଲେ, ସେ ୨୦୧୭ରେ ବି ନିଶ୍ଚିତ ପର୍ସନ ଅଫ୍‌ ଦ ଇୟର ହେବେ। ମାତ୍ର ସମସ୍ତଙ୍କୁ ଚକିତ କରି ୨୦୧୭ର ଶ୍ରେଷ୍ଠ ମଣିଷ କୌଣସି ଜଣେ ପୁରୁଷ ବା ମହିଳାଙ୍କୁ ନୁହେଁ, ବରଂ ବିଶ୍ୱର ଲକ୍ଷ ଲକ୍ଷ ମହିଳାଙ୍କ ଦ୍ୱାରା ଆରମ୍ଭ ହୋଇଥିବା ‘Me too’ ଅର୍ଥାତ୍‌ ‘ମୁଁ ବି’ ଭଳି ଏକ ସାମାଜିକ ଆନ୍ଦୋଳନକୁ ସମର୍ପିତ କରାଗଲା।

ଦୁର୍ବଳ ବୋଲିଂ

ଦୁର୍ବଳ ବୋଲିଂ

ଆକାର ପଟେଲ/ ଦକ୍ଷିଣ ଆଫ୍ରିକା ସହ ପ୍ରଥମ ଟେଷ୍ଟ ମ୍ୟାଚ୍‌ ବେଳେ ମୁଁ ତା’ର ଅନେକାଂଶ ଦେଖିପାରି ନ ଥିଲି। ମୁଁ ଜଣେ କ୍ରିକେଟ୍‌ପ୍ରେମୀ ବୋଲି ଛଳନା କରେ, କିନ୍ତୁ ଯେଉଁ କାରଣରୁ ମୁଁ ଖେଳ ଦେଖେ ତାହା ହେଉଛି ମୋର ଜାତୀୟତାବାଦ। ଭାରତ ହାରିଲେ ମୁଁ ସହିପାରେ ନାହିଁ। ବିଶେଷତଃ ଆଜିକା ଦିନରେ, ଯେତେବେଳେ ଭାରତୀୟ ଦଳ ସେତେ ଦୁର୍ବଳ ନୁହେଁ, ଯେମିତି ସେ ଆଗରୁ ରହିଆସିଥିଲା। ଚତୁର୍ଥ ଦିନରେ କିଛି ମୁହୂର୍ତ୍ତ ପାଇଁ ମନେହେଉଥିଲା, ଯେମିତି ଆମେ ନିଶ୍ଚୟ ଜିତିବୁ। କିନ୍ତୁ ବାଉନ୍ସି ପିଚ୍‌ରେ ଭାରତୀୟମାନେ ଖେଳିପାରିଲେ ନାହିଁ। ଏମିତି କାହିଁକି ହେଲା? ଆସନ୍ତୁ ଏହାର କେତେକ ଦିଗ ଉପରେ ଦୃଷ୍ଟିପାତ କରିବା। ଆମ ଖେଳାଳିମାନେ ସବୁବେଳେ ବ୍ୟାଟିଂ ଉପରେ ଗୁରୁତ୍ୱ ଦେଇଥାନ୍ତି। ଆମେ ଯଦି ଆମର ଲଢ଼ୁଆ ଖେଳାଳିମାନଙ୍କର ତାଲିକା କରିବା, ତେବେ ପ୍ରଥମେ ଆସିବେ ଗାଭାସ୍କର, ତେନ୍ଦୁଲକର ଓ କୋହଲି। ପାକିସ୍ତାନୀମାନଙ୍କ ତାଲିକାରେ ଆସିବେ ଇମ୍ରାନ୍‌, ଓ୍ବାସିମ୍‌ ଓ ଓ୍ବାକର। ଶ୍ରେଷ୍ଠ ବ୍ୟାଟ୍‌ସମ୍ୟାନ୍‌ଙ୍କ ତୁଳନାରେ ଶ୍ରେଷ୍ଠ ବୋଲରଙ୍କ ସଂଖ୍ୟା ନଗଣ୍ୟ। ବିଭିନ୍ନ ଦେଶର ସର୍ବକାଳୀନ ୧୧ ଜଣିଆ ଖେଳାଳିଙ୍କ ତାଲିକା କଲାବେଳେ ଆମେ ଏହି କଥା ଦେଖିବା। ଉପମହାଦେଶ ପଟରୁ ଦେଖିଲେ ପାକିସ୍ତାନ ପଟରେ ଅଛନ୍ତି: ହନିଫ ମହମ୍ମଦ, ସଇଦ ଅନଓ୍ବାର, ଜାହିର ଆବ୍ବାସ, ଜାଭେଦ ମିଅଁାଦାଦ, ଇଞ୍ଜାମାମ ଉଲ ହକ୍‌, ୟୁନିସ୍‌ ଖାନ୍‌, ରଶିଦ ଲତିଫ, ଇମ୍ରାନ୍‌ ଖାନ୍‌, ଓ୍ବାସିମ ଆକ୍ରମ୍‌, ଓ୍ବାକର ୟୁନିସ୍‌ ଓ ଶୋଏବ ଅଖ୍‌ତର। ଭାରତ ପଟରେ ଅଛନ୍ତି: ଗାଭାସ୍କର, ସେହ୍ବାଗ, କୋହଲି, ତେନ୍ଦୁଲକର, ଡ୍ରାଭିଡ଼, ଗାଙ୍ଗୁଲି, ଧୋନି, କପିଳଦେବ, କୁମ୍ବଲେ, ଶ୍ରୀନାଥ ଓ ଜାହିର। କେଉଁ ଦଳ ଅଧିକ ସନ୍ତୁଳିତ ଓ ନିପୁଣ? ନିଶ୍ଚୟ ଆମ ଦଳ ନୁହେଁ। ଦୁଇ ଦଳ ଭିତରେ ଆମର ବୋଲିଂ ସାଇଡ୍‌ଟା ଦୁର୍ବଳ। ବ୍ୟାଟ୍‌ସମ୍ୟାନ୍‌ଙ୍କ ତୁଳନାରେ ଆମର ପରିଶ୍ରମୀ ବୋଲରଙ୍କ ସଂଖ୍ୟା କମ୍‌। ଖେଳର ଆଉ ଗୋଟିଏ ଦିଗ ଅଛି। ଆମ ଦଳ ହେଉଛି ଏକ ବ୍ୟାଟିଂ ଦଳ ଏବଂ ଆମେ ବ୍ୟାଟ୍‌ସମ୍ୟାନ୍‌ଙ୍କୁ ଲକ୍ଷ୍ୟ କରି ପିଚ୍‌ ତିଆରି କରୁଛୁ। ୨୦୦୯ରେ ଏସ୍‌. ରାଜେଶ ଏକ ପାରିସଂଖି୍ୟକ ବିଶ୍ଳେଷଣ କରିଥିଲେ, ଯେଉଁଥିରୁ ଜଣାଯାଏ ଆମ ପିଚ୍‌ଗୁଡ଼ିକ କିପରି ସହାୟକ ନୁହେଁ। ଆମ ଦେଶରେ ୪୦% ଖେଳ ଡ୍ର ରହିଲାବେଳେ ଦକ୍ଷିଣ ଆଫ୍ରିକାରେ ମାତ୍ର ୭% ଖେଳ ଡ୍ର ରହୁଛି। ସେହିପରି ଅଷ୍ଟ୍ରେଲିଆରେ ମାତ୍ର ୧୧% ଖେଳ ଡ୍ର ରହୁଛି। ଭାରତରେ ଖୁବ୍‌ ଅଧିକ ରନ୍‌ କରିବା କିଛି ବିଚିତ୍ର ନୁହେଁ। ଦକ୍ଷିଣ ଆଫ୍ରିକା ସହ ପ୍ରଥମ ଟେଷ୍ଟର ପ୍ରଥମ ଇନିଂସରେ ହିଁ ଉଭୟ ପକ୍ଷ ପ୍ରାୟ ୨୦୦ ଲେଖାଏ ରନ୍‌ କରିଥିଲେ। ପ୍ରଥମ ଇନିଂସରେ ପ୍ରାୟତଃ କେବେ ଏଭଳି ଘଟେ ନାହିଁ। ଆମର ବୋଲରମାନଙ୍କ ପାଇଁ ଏଭଳି ପ୍ରଦର୍ଶନର ସୁଯୋଗ ହିଁ ନାହିଁ। ସେଥିପାଇଁ ଯେଉଁଭଳି ପିଚ୍‌ରେ ଆମେ ପ୍ରଥମ ଟେଷ୍ଟ ହାରିଲୁ ତାକୁ କୁହାଯାଉଛି ‘ସ୍ପୋର୍ଟିଂ ପିଚ୍‌’। କାରଣ ଏଗୁଡ଼ିକ ବୋଲରମାନଙ୍କୁ ସ୍ପୋର୍ଟିଂ ସୁଯୋଗ ଦେଇଥାନ୍ତି। ୨୦୦୦ରୁ ୨୦୧୦ ଭିତରେ ଖେଳାଯାଇଥିବା ଟେଷ୍ଟଗୁଡ଼ିକରେ ଯେଉଁ ୧୦ଟି ସ୍ଥାନକୁ ବୋଲରମାନଙ୍କ ପାଇଁ ସର୍ବୋତ୍ତମ ସ୍ଥାନ ବୋଲି କୁହାଯାଉଛି, ସେଥିମଧ୍ୟରୁ ଗୋଟିଏ ହେଲେ ଭାରତରେ ନାହିଁ। ଅନ୍ୟ ପକ୍ଷରେ ଯେଉଁ ୧୦ଟି ସ୍ଥାନକୁ ବ୍ୟାଟ୍ସମ୍ୟାନ୍‌ଙ୍କ ପାଇଁ ସର୍ବୋତ୍ତମ ସ୍ଥାନ ବୋଲି କୁହାଯାଉଛି, ସେଥିମଧ୍ୟରୁ ତିନୋଟି ଭାରତରେ ଅଛି, ଯଥା କଲିକତା, ବାଙ୍ଗାଲୋର ଓ ମୋହାଲି। ଏହିସବୁ କାରଣରୁ ଭାରତୀୟ ଖେଳାଳି ବୋଲିଂରେ ଦୁର୍ବଳ ଏବଂ ବ୍ୟାଟିଂରେ ସବଳ କିନ୍ତୁ ତାହା କେବଳ ଭାରତୀୟ ପିଚ୍‌ଗୁଡ଼ିକରେ। ଭାରତରେ ଅନେକ କ୍ରୀଡ଼ାପ୍ରେମୀ ସ୍ପିନର ଏବଂ ନୀଚା, ଧିମା ଓ ଧୂଳିଆ ପିଚ୍‌ରେ ଖେଳ ଦେଖିବାକୁ ଭଲ ପାଆନ୍ତି। କିନ୍ତୁ ମୋ ପରି ଅନେକେ ଦ୍ରୁତ ଓ ବାଉନ୍ସି ପିଚ୍‌ରେ ଖେଳ ଦେଖିବାକୁ ଭଲ ପାଆନ୍ତି, ଯେଉଁଠି ପ୍ରଥମ ସେସନ୍‌ରୁ ଅଧିକ ସମୟ ଧରି ଦ୍ରୁତ ବୋଲିଂ ଚାଲିଥାଏ। ....

ସଂକ୍ରାନ୍ତି ପୁରୁଷ

ସଂକ୍ରାନ୍ତି ପୁରୁଷ

ଡ. ପ୍ରଫୁଲ୍ଲ କୁମାର ସାହୁ/ ଊନବିଂଶ ଶତାବ୍ଦୀର ମଧ୍ୟଭାଗ ଓଡ଼ିଶା ପାଇଁ ଥିଲା ଏକ ସନ୍ଦିଗ୍ଧ ସମୟଖଣ୍ଡ। ବିପର୍ଯ୍ୟସ୍ତ ଖଣ୍ଡିତ କଙ୍କାଳରେ ପରିଣତ ହୋଇସାରିଥିଲା ବାଣିଜ୍ୟ ସମୃଦ୍ଧ ଏକ ବିଶାଳ ଭୂଖଣ୍ଡ। ସାହେବମାନଙ୍କ ହୁକୁମ୍‌ ଓ ବଙ୍ଗାଳୀମାନଙ୍କ ତାଚ୍ଛଲ୍ୟ ମଝିରେ ବନ୍ଧାପଡ଼ିଥିଲା ଓଡ଼ିଆଙ୍କ ଭାଗ୍ୟ ଓ ଭବିଷ୍ୟତ। ଏହି କରୁଣ କାଳଖଣ୍ଡରେ ପ୍ରକୃତି ଦାଉ ସାଧିବାରୁ ନଅଙ୍କ ଦୁର୍ଭିକ୍ଷ (୧୮୬୬)ର କରାଳ ଗ୍ରାସରେ ଭାଙ୍ଗିଗଲା ଓଡ଼ିଆଜାତିର ମେରୁଦଣ୍ଡ। ସେହି ଦାରୁଣ ବିପର୍ଯ୍ୟୟରୁ ମୁକୁଳିବା ଆଗରୁ ପଡ଼ୋଶୀ ବଙ୍ଗାଳୀମାନଙ୍କ ପକ୍ଷରୁ ଚାଲିଲା ଓଡ଼ିଆଭାଷାକୁ ବଙ୍ଗଳାଭାଷାରେ ମିଶାଇଦେବାର ମସୁଧା (୧୮୬୮)। ସେମାନଙ୍କର ଏହି ଚକ୍ରାନ୍ତକୁ ପ୍ରତିହତ କରିବା ପାଇଁ ଓଡ଼ିଆମାନଙ୍କ ଭିତରେ ଯେଉଁ ସାଂସ୍କୃତିକ ନବଜାଗରଣ ସୃଷ୍ଟି ହେଲା, ସଙ୍ଗଠକ ଫକୀର ମୋହନ ଥିଲେ ତା’ର ନେତା, ବ୍ରିଟିଶ ଭାଷାରେ ରିଙ୍ଗ ଲିଡର୍‌। ସଂକ୍ରାନ୍ତି ପୁରୁଷ ଫକୀର ମୋହନ, କେନ୍ଦ୍ରାପଡ଼ାର କୁଶିଳାରୁ ଆସି ବାଲେଶ୍ୱର ଜିଲାର ମଲ୍ଲିକାଶପୁରରେ ବସତି ସ୍ଥାପନ କରିଥିବା ବୀର ହନୁମଲ୍ଲଙ୍କ ବଂଶଧର। ମରହଟ୍ଟାଙ୍କଠାରୁ ସେନାପତି ଉପାଧି ପାଇଥିବା ହନୁମଲ୍ଲଙ୍କ ପରି ତାଙ୍କ ପଞ୍ଚମ ପିଢିର ଦାୟାଦ ଫକୀରମୋହନଙ୍କ ହାତରେ ଶତ୍ରୁଜୟୀ ଶାଣିତ ଅସ୍ତ୍ର ନ ଥିଲା ସତ, କିନ୍ତୁ ଅସ୍ତ୍ର ବଦଳରେ ତାଙ୍କ ହାତରେ ବିଧାତା ଧରାଇ ଦେଇଥିଲେ କାଳଜୟୀ କଲମ। ଫକୀରମୋହନଙ୍କ ପ୍ରାଥମିକ ଜୀବନ ଥିଲା ଦୁଃଖଦାରିଦ୍ର୍ୟ-ନିଷ୍ପେଷିତ। ପାରିବାରିକ ଉପତ୍ୀଡ଼ନ ଓ ଆର୍ଥିକ ଦୁଃସ୍ଥିତି କାରଣରୁ ଶିକ୍ଷାରେ ଡୋରିବାନ୍ଧି ଅଝାଲସିଲାଇ ଓ ନିମକବାହାଲରେ ତାଙ୍କୁ ଖୋଜିବାକୁ ହେଲା ଜୀବନ ଜିଇବାର ରାହା। ମାତ୍ର ଅଦୃଷ୍ଟର ଇଚ୍ଛା ଥିଲା ଅଲଗା। ପୁରାତନ ଧରଣର ଚାହାଳି ପାଠ, ପାର୍ଶି ସ୍କୁଲର ଉର୍ଦ୍ଦୁ ବିଦ୍ୟା ଓ ସାମାନ୍ୟ କିଛି ଆଧୁନିକ ପାଠ- ଏତିକି ମାତ୍ର ଶିକ୍ଷାଗତ ଯୋଗ୍ୟତାକୁ ସମ୍ବଳ କରି ସେ ପ୍ରବେଶ କଲେ ଶିକ୍ଷକତା ବୃତ୍ତିରେ।....

ରକେଟ୍‌ ମଣିଷ

ରକେଟ୍‌ ମଣିଷ

ବ୍ୟକ୍ତିତ୍ୱ-ଜିତେନ୍ଦ୍ର/ ଭାରତୀୟ ମହାକାଶ ଗବେଷଣା ସଂସ୍ଥାନ (ଇସ୍ରୋ) ୨୦୧୮ ଜାନୁୟାରୀ ୧୨ରେ ମହାକାଶକୁ ଭାରତର ୧୦୦ତମ ସାଟେଲାଇଟ୍‌ ପ୍ରେରଣ କରି ଇତିହାସ ରଚିଛି। ଏଭଳି ସଫଳତା ପଛରେ ରକେଟ୍‌ ମଣିଷ ଭାବେ ପରିଚିତ ପ୍ରସିଦ୍ଧ ବୈଜ୍ଞାନିକ କେ. ଶିବନ୍‌ଙ୍କ ଯୋଗଦାନ ଅନନ୍ୟ। କର୍ମଠ ଶିବନ୍‌ ପୋଲାର ସାଟେଲାଇଟ୍‌ ଲଞ୍ଚ୍‌ ଭେହିକିଲ (ପିଏସ୍‌ଏଲ୍‌ଭି) ଉତ୍‌କ୍ଷେପଣ ଲାଗି ମନୋନିବେଶ କରିଥିବା ବେଳେ ଏହାର ଦୁଇ ଦିନ ପୂର୍ବରୁ ତାଙ୍କ ପାଇଁ ଆସିଥିଲା ଖୁସି ଖବର । ନିଯୁକ୍ତି ସଂକ୍ରାନ୍ତ କ୍ୟାବିନେଟ୍‌ କମିଟି ଜାନୁୟାରୀ ୧୦ରେ ଶିବନ୍‌ଙ୍କୁ ମହାକାଶ ବିଜ୍ଞାନର ସଚିବ ତଥା ସ୍ପେସ୍‌ କମିଶନର ଅଧ୍ୟକ୍ଷ ଭାବେ ନିଯୁକ୍ତ କରିଥିଲା। ତାଙ୍କ କାର୍ଯ୍ୟକାଳ ୩ ବର୍ଷ ପାଇଁ ରହିବ। ଏ.ଏସ୍‌. କିରନ୍‌ କୁମାରଙ୍କ ସ୍ଥାନରେ ବର୍ତ୍ତମାନ ବିକ୍ରମ ସରାଭାଇ ସ୍ପେସ୍‌ ସେଣ୍ଟରର ନିର୍ଦ୍ଦେଶକ ଥିବା ଶିବନ୍‌ ଦାୟିତ୍ୱ ଗ୍ରହଣ କରିବେ ବୋଲି ଘୋଷଣା ହେବା ପରେ ତାଙ୍କ ବ୍ୟକ୍ତିତ୍ୱ ଚର୍ଚ୍ଚାକୁ ଆସିଛି। ...

ଏଇ ଭାରତରେ

ଦେଶର ବିଭିନ୍ନ ସ୍ଥାନରେ ବିଭିନ୍ନ ସମୟରେ ଗଣଦୌଡର ଆୟୋଜନ କରାଯାଉଛି। ଏହି ଗଣଦୌଡ ମୁଖ୍ୟତଃ ସଚେତନତା ସୃଷ୍ଟି ପାଇଁ ହେଉଥିବା ଦେଖିବାକୁ ମିଳେ। କୌଣସି ବିଶେଷ ଦିନରେ ଏଭଳି ଦୌଡ ବା ମାରାଥନର ଆୟୋଜନ କରାଯାଏ। ମାତ୍ର ନେଭିଲେ ଜେ. ବିଲିମୋରିଆଙ୍କ ଚିନ୍ତାଧାରା ଭିନ୍ନ। ଗତ ୫ ବର୍ଷ ଧରି ସେ ଆୟୋଜନ କରିଆସୁଛନ୍ତି ପ୍ରତ୍ୟୁଷରୁ ପ୍ରଦୋଷ (ଡନ୍‌ ଟୁ ଡସ୍କ) ମାରାଥନ। ସଦ୍ୟ ସମାପ୍ତ ଏହି ମାରାଥନରେ ସେ ତାଙ୍କର ପୂର୍ବ ଲିମ୍‌କା ରେକର୍ଡକୁ ଭାଙ୍ଗି ୧୨ ଘଣ୍ଟାରେ ଦୌଡିଛନ୍ତି ୨୧୬ କିଲୋମିଟର। ଅବଶ୍ୟ ଏହି ଦୌଡରେ ସେ ସାଇକେଲ ବ୍ୟବହାର କରିଥିଲେ। ରେକର୍ଡ ଭାଙ୍ଗିବା ତାଙ୍କର ନିଶା ହୋଇଥିଲେ ମଧ୍ୟ ଏହି ଗଣଦୌଡ ଏକ ମହତ୍‌ ଉଦ୍ଦେଶ୍ୟ ସାଧନ ପାଇଁ ଉଦ୍ଦିଷ୍ଟ ଥିଲା ବୋଲି ନେଭିଲେ ସ୍ପଷ୍ଟ କରିଛନ୍ତି। ସେ ଉକ୍ତ ମାରାଥନରେ କେତେକ ସମଭାବାପନ୍ନ ବ୍ୟକ୍ତିଙ୍କୁ ସାମିଲ କରୁଛନ୍ତି, ଯେଉଁମାନେ କେବଳ ଶାରୀରିକ ସୁସ୍ଥତା ଓ ଫିଟ୍‌ନେସ୍‌ର ସଚେତନତା ବାର୍ତ୍ତା ଦେଉନାହାନ୍ତି, ମାରାଥନ ଜରିଆରେ ପାଣ୍ଠି ମଧ୍ୟ ସଂଗ୍ରହ କରୁଛନ୍ତି। ଏହି ପାଣ୍ଠିକୁ ସେମାନେ ଚିକିତ୍ସାରୁ ବଞ୍ଚିତ ଗରିବ ପିଲାମାନଙ୍କ ସକାଶେ ବିନିଯୋଗ କରୁଛନ୍ତି। କେତେକ ଦାତବ୍ୟ ଅନୁଷ୍ଠାନକୁ ମଧ୍ୟ ସେମାନେ ଏହି ଅର୍ଥ ପ୍ରଦାନ କରୁଛନ୍ତି, ଯେଉଁମାନେ କି ଅନାଥ ଶିଶୁମାନଙ୍କର ବିକାଶ ପାଇଁ କାର୍ଯ୍ୟ କରୁଛନ୍ତି। ଶୁଣିଲେ ଆଶ୍ଚର୍ଯ୍ୟ ଲାଗିବ ଯେ, ନେଭିଲେ ୨୦୧୭ ମସିହାରେ ତାମିଲନାଡୁରେ ଆୟୋଜନ କରିଥିବା ପ୍ରତ୍ୟୁଷରୁ ପ୍ରଦୋଷ ଗଣଦୌଡରୁ ୩୦ଲକ୍ଷ ଟଙ୍କା ସଂଗ୍ରହ କରିଥିଲେ। ...

ଜାତୀୟ ସଂଗୀତ ବିବାଦ

ଜାତୀୟ ସଂଗୀତ ବିବାଦ

ଦିଲ୍ଲୀକା ବାବୁ-ଦିଲୀପ ଚେରିଏନ୍‌/ ସି ନେମା ହଲ୍‌ଗୁଡ଼ିକରେ ଚଳଚ୍ଚିତ୍ର ପ୍ରଦର୍ଶନ ପୂର୍ବରୁ ଜାତୀୟ ସଂଗୀତ ଗାନକୁ ସୁପ୍ରିମ୍‌କୋର୍ଟ ଇଚ୍ଛାଧୀନ କରିଦେବା ପରେ ଏହି ସଂଗୀତ ଗାଇବା ଓ ବଜାଇବାର ନିୟମାବଳୀ ଉପରେ ଅନୁଧ୍ୟାନ କରି ଆବଶ୍ୟକ ସୁପାରିସ କରିବା ପାଇଁ କେନ୍ଦ୍ର ସରକାର ଏକ ଆନ୍ତଃମନ୍ତ୍ରଣାଳୟ କମିଟି ଗଠନ କରିଛନ୍ତି। ଏହି କମିଟିର ମୁଖ୍ୟ ଅଛନ୍ତି ସ୍ବରାଷ୍ଟ୍ର ମନ୍ତ୍ରଣାଳୟରେ ସୀମା ବ୍ୟାପାର ଦାୟିତ୍ୱରେ ଥିବା ସ୍ବତନ୍ତ୍ର ସଚିବ ବ୍ରିଜ୍‌ରାଜ ଶର୍ମା। ଶର୍ମାଙ୍କ ବ୍ୟତୀତ ଉକ୍ତ କମିଟିରେ ଅଛନ୍ତି ପ୍ରତିରକ୍ଷା, ବହିର୍ବ୍ୟାପାର, ମାନବସମ୍ବଳ ବିକାଶ, ଆଇନ, ସୂଚନା ଓ ପ୍ରସାରଣ ପ୍ରଭୃତି ମନ୍ତ୍ରଣାଳୟ ଦ୍ୱାରା ମନୋନୀତ ୧୧ ଜଣ ଯୁଗ୍ମସଚିବସ୍ତରୀୟ ଅଫିସର। ଶର୍ମା ହେଉଛନ୍ତି ଜମ୍ମୁ-କଶ୍ମୀର କ୍ୟାଡର ଆଇଏଏସ୍‌ ଅଫିସର ଏବଂ ଜାତୀୟ ସଂଗୀତ କିପରି ଗାନ କରାଯିବ ବା ବଜାଯିବ, ସେ ସମ୍ପର୍କରେ ମାର୍ଗଦର୍ଶିକା ସ୍ଥିର କରିବା ଲାଗି ତାଙ୍କୁ ଦାୟିତ୍ୱ ଦିଆଯାଇଛି। ଛଅମାସ ଭିତରେ କମିଟି ଏ ସମ୍ପର୍କରେ ତାଙ୍କର ରିପୋର୍ଟ ପ୍ରଦାନ କରିବେ। ତେବେ ଏହି ସମୟ ଭିତରେ ସୁପ୍ରିମ୍‌କୋର୍ଟ ତାଙ୍କର ମଧ୍ୟବର୍ତ୍ତିକାଳୀନ ଆଦେଶ ଉପରେ ନିର୍ଦ୍ଦେଶାବଳୀ ଦେବା ପାଇଁ ସରକାର ଆବେଦନ କରିବେ। ଆଶା କରାଯାଉଛି ଶର୍ମା କମିଟିର ରିପୋର୍ଟ ଏ ନେଇ ଉପୁଜିଥିବା ସବୁ ବିବାଦ ଓ ସଂଶୟର ଅନ୍ତ ଘଟାଇବ। ....

ଭାବ ଯୋଡ଼ିଲେ ଭାଷା ବଞ୍ଚିବ

ଭାବ ଯୋଡ଼ିଲେ ଭାଷା ବଞ୍ଚିବ

ମନମାନଚିତ୍ର-ଡ. ନରହରି ବେହେରା/ ଭାଷା ହେଉଛି ଈଶ୍ୱରଙ୍କର ଅନବଦ୍ୟ ଅଲୌକିକ ଅବଦାନ। ପ୍ରତ୍ୟେକ ଜାତି ତା’ ମାତୃଭାଷାକୁ ନେଇ ଗର୍ବ କରେ। କାରଣ ଏହି ଭାଷା ହେଉଛି ସେ ଜାତିର ପରିଚୟ ଏବଂ ସଂସ୍କୃତିର ରକ୍ଷକ। ଭାଷାକୁ ନେଇ ସାହିତ୍ୟର ପରିଚୟ। ତେଣୁ ଭାଷା ନାହିଁ ତ ସାହିତ୍ୟ ନାହିଁ। ଓଡ଼ିଆ ସାହିତ୍ୟ କଥା କହିଲେ ସ୍ବତଃ ଓଡ଼ିଆ ଭାଷାର ପ୍ରସଙ୍ଗ ଉଠେ। ଭାରତ ବର୍ଷରେ ଓଡ଼ିଶା ଭାଷାକୁ ଆୟୁଧକରି ସ୍ବତନ୍ତ୍ର ରାଜ୍ୟର ମାନ୍ୟତା ଲାଭ କରିଛି। ଖ୍ରୀଷ୍ଟୀୟ ସପ୍ତମ ଶତକରୁ ଦଶମ ଶତକ ମଧ୍ୟରେ ରଚିତ ଚର୍ଯ୍ୟାଗୀତିକାକୁ ଓଡ଼ିଆ ଭାଷାର ଆଦ୍ୟ ସାହିତ୍ୟ ବୋଲି ଗବେଷକମାନେ ମତ ଦିଅନ୍ତି। ଓଡ଼ିଶାର ପ୍ରାଚୀନ ପୋଥିପତ୍ର ମଧ୍ୟରେ କାଳକ୍ରମେ ବହୁପ୍ରାଚୀନ ଗ୍ରନ୍ଥ ଲୋପ ପାଇଯାଇଛି କିମ୍ବା ଅନାବିଷ୍କୃତ ହୋଇ ରହିଥିବାର ଅନୁମାନ କରାଯାଏ। ସାରଳା ମହାଭାରତ ପୂର୍ବରୁ ଅତ୍ୟନ୍ତ ଲୋକପ୍ରିୟ ନାଥ ସାହିତ୍ୟ ଲୋକଲୋଚନକୁ ଆସିଛି। ଏହିପରି ଆହୁରି ଅନେକ ପ୍ରାଚୀନ ଉନ୍ନତ ଓଡ଼ିଆ ସାହିତ୍ୟ ଆମ ଦୃଷ୍ଟି ଅଗୋଚରରେ ରହିଯାଇଛି, ଯାହା ଆବିଷ୍କୃତ ହେଲେ ଆମ ବାଣୀଭଣ୍ଡାର ଅଧିକ ରୁଦ୍ଧିମନ୍ତ ହୋଇପାରନ୍ତା। ସାରଳା ମହାଭାରତଠାରୁ ଆରମ୍ଭକରି ରୀତିଯୁଗ ପର୍ଯ୍ୟନ୍ତ ଓଡ଼ିଆ ସାହିତ୍ୟର ଗତି ଥିଲା ନିରବଚ୍ଛିନ୍ନ ଏବଂ ଅପ୍ରତିହତ। ମାତ୍ର ପରବର୍ତ୍ତୀ ସମୟରେ ବିଦେଶୀ ଶାସକଙ୍କର ଆଗମନ ଏବଂ ଓଡ଼ିଶାକୁ ବିଭିନ୍ନ ଖଣ୍ଡରେ ବିଭାଜନ କରାଯିବା ହେତୁ ଓଡ଼ିଶାର ଭାଷା, ସାହିତ୍ୟ ଓ ସଂସ୍କୃତିକୁ ଗଭୀର ଭାବରେ ପ୍ରଭାବିତ କଲା। ବିଶେଷକରି ୧୮୬୬ ମସିହାର ନଅଙ୍କ ଦୁର୍ଭିକ୍ଷ ଓଡ଼ିଶାର ମେରୁଦଣ୍ଡକୁ ଦୋହଲାଇ ଦେଲା। ଏହାର ସୁଯୋଗ ନେଲେ କିଛି ଚକ୍ରାନ୍ତକାରୀ ଗୋଷ୍ଠୀ। ଓଡ଼ିଆ ଗୋଟିଏ ଉପଭାଷା, ଏହା ଏକ ସ୍ବତନ୍ତ୍ର ଭାଷା ନୁହେଁ ବୋଲି ଏକ ରୀତିମତ ପ୍ରଚାର ଚଳାଇ ଏ ଭାଷାକୁ ଲୋପ କରିବା ପାଇଁ ପ୍ରଶାସନଠାରୁ ରାଜନେତା ପର୍ଯ୍ୟନ୍ତ ସବୁଠି ଚକ୍ରାନ୍ତ ଆରମ୍ଭ କରିଦେଲେ। କିନ୍ତୁ ଜଗନ୍ନାଥଙ୍କ ଦୟାରୁ ଏ ଭାଷା ମରିନାହିଁ, ପଥର ତଳର ଦୂବଘାସ ପରି ସଂଗ୍ରାମ କରି ଏ ପର୍ଯ୍ୟନ୍ତ ବଞ୍ଚତ୍ଛି। ଏହି ଭାଷା ବଞ୍ଚତ୍ରହିବା ମୂଳରେ ରହିଛି ଫକୀରମୋହନ, ମଧୁସୂଦନ, ଗୋପବନ୍ଧୁ, ରାଧାନାଥ, ଗୌରୀଶଙ୍କରଙ୍କ ପରି ବହୁ ଓଡ଼ିଆଙ୍କର ଅପୂର୍ବ ଭାଷାପ୍ରୀତି ଏବଂ ଜନ୍‌ ବୀମସ୍‌, ଟି. ରେଭେନ୍ସା, ଫୋର୍ଟ ଉଇଲିୟମ୍‌, ଚାର୍ଲସ ଲେସି, ଆମସ୍‌ ସଟନ୍‌ ପ୍ରମୁଖ ବିଦେଶୀ ଶାସକଙ୍କର ଅକୃତ୍ରିମ ଓଡ଼ିଆପ୍ରାଣତା। ସାମ୍ପ୍ରତିକ କାଳଖଣ୍ଡକୁ ବିଚାରକରି ଦେଖିଲେ ଆମ ଓଡ଼ିଆ ସାହିତ୍ୟ ଅନେକ ପାଦ ଆଗକୁ ଆସିଛି। ସେଦିନର ତାଳପତ୍ର ପୋଥି ଆଜି ନାହିଁ। ଅଫ୍‌ସେଟ୍‌ ପ୍ରେସ୍‌ ଓ ଅନ୍ୟାନ୍ୟ ବୈଦ୍ୟୁତିକ ମୁଦ୍ରଣଯନ୍ତ୍ରର ସୁବିଧା ଆଜି ଓଡ଼ିଆ ସାହିତ୍ୟକୁ ସମୃଦ୍ଧ କରିଛି। ଭାରତର ଅନ୍ୟାନ୍ୟ ଭାଷା ସାହିତ୍ୟ ସହିତ ଓଡ଼ିଆ ସାହିତ୍ୟ ସମସ୍ପର୍ଦ୍ଧୀ ହୋଇପାରିଛି।...

ସମୂହର ପର୍ବ ମକର

ସମୂହର ପର୍ବ ମକର

ଡ. ଭାଗ୍ୟଲିପି ମଲ୍ଲ / ସୂର୍ଯ୍ୟଙ୍କର ଉତ୍ତର ଦିଗକୁ ମୁହଁ। ଗତି ମକର କ୍ରାନ୍ତିରୁ ବିଷୁବରେଖା ଆଡ଼କୁ। ଦିନ ବଢ଼ିବ ଏଣିକି। ଏହି ଦିନର ନାଁ ମକର ସଂକ୍ରାନ୍ତି। ଦକ୍ଷିଣ ଭାରତରେ ନୂଆବର୍ଷର ଆରମ୍ଭ, ପୋଙ୍ଗଲ। ଏହା ସେମାନଙ୍କର ଗଣପର୍ବ। ସମସ୍ତଙ୍କ ଦେହରେ ନୂଆଲୁଗା, ଦାଣ୍ଡ ଦୁଆରେ ରଙ୍ଗବେରଙ୍ଗର ମୁରୁଜ। ନୂଆ ଶସ୍ୟରେ ନାନା ପ୍ରକାରର ଖାଦ୍ୟ, ପାନୀୟ ଏବଂ ଦେବତାଙ୍କୁ ଅର୍ପଣ। ଆମ ଭୂମିରେ ମଧ୍ୟ ଅନୁରୂପ ଭାବେ ମକର ସଂକ୍ରାନ୍ତିର ଗୁରୁତ୍ୱ ରହିଛି। ନୂଆଧାନର ଅରୁଆ ଚାଉଳରେ ତିଆରି ମକର ଚାଉଳ। ସେଥିରେ ନୂଆଗୁଡ଼, ଗଜା ମୁଗ, ଦୁଧ, ଛେନା, ନଡ଼ିଆ ଓ ଘିଅର ଆନୁପାତିକ ମିଶ୍ରଣ। ଗ୍ରାମଦେବତାଙ୍କଠାରୁ ଆରମ୍ଭ କରି ସକଳ ଦେବତାଙ୍କ ପାଖରେ ଅର୍ପଣ କରାଯାଏ ଏହି ସ୍ବାଦିଷ୍ଠ ମକର ଚାଉଳ। ଜଗନ୍ନାଥଙ୍କ ମନ୍ଦିରରେ ମଧ୍ୟ ମକର ଚାଉଳ ବେଢ଼ା ପରିକ୍ରମା କରେ। ମକରଭୋଗ ଦିଅଁଙ୍କ ପାଖରୁ ଆସେ ମଣିଷଙ୍କ ହାତକୁ। ହାତରୁ ପାଟିକୁ। ତାହା ଯେପରି ପୁଞ୍ଜିଏ ଚାଉଳର ମିଶ୍ରଣ ନୁହେଁ, ହୃଦୟର ସମ୍ପର୍କ। ଅର୍ଥାତ୍‌, ଏହି ଦିନ ଜଣେ ଅନ୍ୟଜଣକ ହାତରେ ମକର ଚାଉଳ ଦେଇ ନିଜକୁ ଆପଣାର କରିଦିଏ। କହେ, ଆମେ କେହି ପରସ୍ପରଠାରୁ ଭିନ୍ନ ନୋହୁଁ, ଆମେ ଗୋଟିଏ। ଗୋଟିଏ ଆତ୍ମା, ଗୋଟିଏ ହୃଦୟ- ଅଭିନ୍ନ। ଆଉ ଆମେ ପରସ୍ପରର ନାଁ ଧରିବାନି। ଉଭୟେ ଉଭୟଙ୍କୁ ଡାକିବା ‘ମକର’। ଏହି ‘ମକର’ ଶବ୍ଦ ପରିଣତ ବୟସରେ ବି ସ୍ମୃତିକୁ ଆଚ୍ଛନ୍ନ କରେ।...

ଏଇ ଭାରତରେ

ଟ୍ରେନ୍‌ରେ ବିଭିନ୍ନ ପ୍ରକାରର ଯାତ୍ରୀ ଯିବାଆସିବା କରିଥାନ୍ତି। କେତେକ ଟିକେଟ୍‌ କାଟି ଚୋରି କରିବା ଉଦ୍ଦେଶ୍ୟରେ ମଧ୍ୟ ଯାଇଥାନ୍ତି। ଏମାନଙ୍କ ମଧ୍ୟରୁ ଅନେକେ ଟଙ୍କାପଇସା କିମ୍ବା ସୁନା ଚୋରି କରିଥାନ୍ତି ତ ଆଉ କିଛି ଯାତ୍ରୀଙ୍କ ବ୍ୟାଗ୍‌ ଧରି ଚମ୍ପଟ ମାରିଥାନ୍ତି। ଦିଲ୍ଲୀ-କର୍ନାଲ ବାଇବାସ୍‌ ନିକଟରେ ଆର୍‌ପିଏଫ୍‌ ଦୁଇ ଜଣ ଟ୍ରେନ୍‌ ଲୁଟେରାଙ୍କୁ ଗିରଫ କରିବା ପରେ ଟ୍ରେନ୍‌ ଚୋରିର ବିଭିନ୍ନ ଦିଗ ବିଷୟରେ ଜଣାପଡ଼ିଛି । ଏମାନେ ଅନ୍ୟ ଚୋରଙ୍କ ଭଳି ସଧାସଳଖ ଟଙ୍କା କିମ୍ବା ମୂଲ୍ୟବାନ୍‌ ପଦାର୍ଥ ଚୋରି ନ କରି ଡ୍ରାଏ ଫ୍ରୁଟ୍‌ସ ବା ଶୁଖିଲା ଖାଦ୍ୟ ନେବା ପାଇଁ ଯୋଜନା କରିଥାନ୍ତି। ଗତ ଗୁରୁବାର ଧରାପଡ଼ିବା ପରେ ସେମାନଙ୍କ ନିକଟରୁ ୨ ଲକ୍ଷ ଟଙ୍କାର ଅଖରୋଟ ଜବତ କରାଯାଇଛି। ...

ଆଜିର ଅର୍ଥନୀତି/ଏଫ୍‌ଏକ୍ୟୁ ମାଡ଼

ଆଜିର ଅର୍ଥନୀତି/ଏଫ୍‌ଏକ୍ୟୁ ମାଡ଼

ସବୁ ରାଜ୍ୟରେ କୃଷକ ସବୁବେଳେ ନୀରବରେ କ୍ଷତି ସହନ୍ତି। ସେମାନଙ୍କ ସ୍ବାର୍ଥରକ୍ଷା ପାଇଁ ଆମ ଦେଶରେ କୌଣସି ବଳିଷ୍ଠ ଓ ସକ୍ରିୟ ସଂଗଠନ ନ ଥିବାରୁ ସେମାନଙ୍କ ଦୁଃଖ ଦିନକୁ ଦିନ ବଢ଼ିବାରେ ଲାଗିଛି। ଢିଲା ପ୍ରଶାସନ ଯୋଗୁ ସେମାନେ ସବୁବେଳେ ନିଜକୁ ପ୍ରାପ୍ତିର ତଳମୁଣ୍ଡରେ ଦେଖିବାକୁ ପାଆନ୍ତି। ଚଳିତ ଖରିଫ ବିପଣନ ଋତୁରେ ଏହା ପୂର୍ଣ୍ଣତଃ ଦେଖିବାକୁ ମିଳିଛି। ଅନିୟମିତ ମୌସୁମୀ, ପାଚିଲା ଧାନ ଫସଲରେ ଚକଡ଼ା ପୋକ ଆକ୍ରମଣ ଓ ଅଦିନିଆ ବର୍ଷା ସେମାନଙ୍କ ଦୁର୍ଦ୍ଦଶାକୁ ବହୁଗୁଣ ବଢ଼ାଇ ଦେଇଥିଲା। ପରେ ଉପଯୁକ୍ତ ମାନର ନୁହେଁ କହି ମଣ୍ଡିରେ ସେମାନଙ୍କ ଧାନ ଉଠା ନ ଯିବା ଖବର ଗଣମାଧ୍ୟମରେ ପ୍ରକାଶ ପାଇଛି। ସମସ୍ତ ସରକାରୀ ବା ସରକାରଙ୍କ ଦ୍ୱାରା ନିଯୁକ୍ତ ସଂସ୍ଥା କେନ୍ଦ୍ର ସରକାରଙ୍କ ଦ୍ୱାରା ଧାର୍ଯ୍ୟ ଫେୟାର ଆଭରେଜ୍‌ କ୍ୱାଲିଟି (ଏଫ୍‌ଏକ୍‌ୟୁ) ବିଶିଷ୍ଟ ନୁହେଁ କହି ଉକ୍ତ ଧାନ ଗ୍ରହଣ କରିବାକୁ ରାଜି ନ ହେବାର ଦେଖାଯାଇଛି। ...

ବିବେକାନନ୍ଦ ଏକ ଆହ୍ବାନ

ବିବେକାନନ୍ଦ ଏକ ଆହ୍ବାନ

ସୁଧିରାଜ ରାଉତ/ କିଏ ଏହି ବିବେକାନନ୍ଦ? ଜଣେ ବିପ୍ଳବୀ ସନ୍ନ୍ୟାସୀ, ଜଣେ ମହାନ୍‌ ଶିଷ୍ୟ, ଜଣେ ସର୍ବାଧୁନିକ ଗୁରୁ, ଜଣେ ପ୍ରଚଣ୍ଡ ଦେଶପ୍ରେମୀ, ଜଣେ ମା’ର, ପରିବାରର ଯୋଗ୍ୟ ପୁତ୍ର, ଜଣେ ଦକ୍ଷ ସମାଜ ସଂସ୍କାରକ, ଜଣେ ମହାନ୍‌ ବିଶ୍ୱପ୍ରେମିକ... ଏ ତାଲିକା ବହୁ ଦୀର୍ଘ ହେବ। କିନ୍ତୁ କିଏ ଏହି ବିବେକାନନ୍ଦ ପ୍ରକାଶ କରିବା ତଥାପି ଅସମ୍ପୂର୍ଣ୍ଣ ରହିବ, ଯାହାଙ୍କ ସହ ପ୍ରଥମ ଦେଖାରେ ଦିବ୍ୟଗୁରୁ ଶ୍ରୀରାମକୃଷ୍ଣ କହୁଛନ୍ତି, ଦିନ ଦିନ ଧରି ତୋ ଆସିବା ବାଟକୁ ମୁଁ ଚାହିଁଛି। ବିଷୟୀ ଲୋକଙ୍କ ସହ କଥା ହୋଇ ହୋଇ ପାଟିଟା ପଡିଗଲାଣି, ଆଜିଠାରୁ ତୋ ପରି ତ୍ୟାଗୀ ସହ କଥା ହୋଇ ଶାନ୍ତି ପାଇବି। ଅନେକଥର ଶ୍ରୀରାମକୃଷ୍ଣ ଏହା କହିଛନ୍ତି, ନରେନେର ନିନ୍ଦା ଶିବେର ନିନ୍ଦା, ନରେନ ସାକ୍ଷାତ୍‌ ଈଶ୍ୱର...। ଏହି ବିବେକାନନ୍ଦ କିଏ କହିବାକୁ ଯାଇ ଋଷିଶ୍ରେଷ୍ଠ ଶ୍ରୀଅରବିନ୍ଦ କହନ୍ତି, ଭାରତର ପ୍ରାଣପୁରୁଷ ବୋଲି ଯଦି କାହାରିକୁ ସ୍ବୀକାର କରିବାକୁ ହେବ ତେବେ ସେ କେବଳ ବିବେକାନନ୍ଦ, ନରକେଶରୀ ବିବେକାନନ୍ଦ। ମହାତ୍ମା ଗାନ୍ଧୀ କହନ୍ତି, ତାଙ୍କ ରଚନାବଳୀକୁ ଅଭିନିବେଶ ସହକାରେ ଅଧ୍ୟୟନ କରିବା ପରେ ମୋର ସ୍ବଦେଶପ୍ରେମ ସହସ୍ରଗୁଣ ବର୍ଦ୍ଧିତ ହୋଇଛି। ସୁଭାଷଚନ୍ଦ୍ର ବୋଷ କହନ୍ତି, ମୁଁ କହିବି ଆଧୁନିକ ଭାରତ ତାଙ୍କର ସୃଷ୍ଟି। ଆନିବେସାନ୍ତ ଲେଖିଛନ୍ତି, ବିଶ୍ୱଧର୍ମ ସମ୍ମିଳନୀରେ ସେ ଠିଆ ହେଲେ ଏବଂ କହିଲେ, ଭାରତବର୍ଷ ବିଶ୍ୱ ବିଜୟ କଲା ତା’ ନିଜସ୍ବ ଶୈଳୀରେ। ଆଧୁନିକ ଭାରତବର୍ଷରେ ଯେତିକି ମହାନାୟକ, ମହାନ ନେତା ସୃଷ୍ଟି ହୋଇଛନ୍ତି ସମସ୍ତେ ମୁକ୍ତକଣ୍ଠରେ ଏହା ଘୋଷଣା କରିଛନ୍ତି, ସ୍ବାମୀ ବିବେକାନନ୍ଦ ସେମାନଙ୍କ ପାଇଁ ପ୍ରେରଣାର ମହାସ୍ରୋତ। ଏ ସବୁକୁ ଗୋଟିଏ ପାର୍ଶ୍ୱରେ ରଖିଦେଇ, ଆମେ ଯଦି ଆଉ ଏକ ପାର୍ଶ୍ୱକୁ ବିଚାରକୁ ନେବା- କୁହ ଦେଖି ବିବେକାନନ୍ଦ ଏକ ଶବ୍ଦ ଛଡା ବର୍ତ୍ତମାନ ଭାରତବର୍ଷରେ ତାଙ୍କର ସ୍ଥିତି କ’ଣ? ତାଙ୍କର ପରିଚୟ କ’ଣ? ...

ବୁଦ୍ଧଙ୍କ ହାତର ଠାଣିି

ବୁଦ୍ଧଙ୍କ ହାତର ଠାଣିି

ଦେବଦତ୍ତ ପଟ୍ଟନାୟକ/ ବୌଦ୍ଧଧର୍ମର ଆଦ୍ୟକାଳରେ ଏକ ପ୍ରତୀକ ବୁଦ୍ଧଙ୍କ ପ୍ରତିନିଧିତ୍ୱ କରୁଥିଲା। ତାହା ହେଉଛି ଗୋଟିଏ ପାଦଚିହ୍ନ ବା ଚକ୍ର ବା ପାତ୍ର ବା ଗଛ। ପରେ ୨୦୦୦ ବର୍ଷରୁ କମ୍‌ ସମୟ ପୂର୍ବେ ଆମେ ଗାନ୍ଧାର ଅଞ୍ଚଳ (ଆଧୁନିକ ପାକିସ୍ତାନ ଓ ଆଫ୍‌ଗାନିସ୍ତାନ ଅନ୍ତର୍ଗତ)ରେ ବୁଦ୍ଧଙ୍କ ପ୍ରାଚୀନ ମୂର୍ତ୍ତିକୁ ଏକ ଗ୍ରୀକ୍‌ ଦେବତା ଭାବେ ଦେଖିବାକୁ ପାଇଲୁ। ସେହି ସମୟରେ ମଥୁରା ଚତୁଃପାର୍ଶ୍ୱସ୍ଥ ଗାଙ୍ଗେୟ ସମତଳ ଅଞ୍ଚଳରେ ଲାଲ୍‌ ପ୍ରସ୍ତରରେ ବୁଦ୍ଧଙ୍କ ପ୍ରତିମୂର୍ତ୍ତି ସବୁ ଦେଖିବାକୁ ମିଳିଲା। ଗାନ୍ଧାର ବୁଦ୍ଧଙ୍କ କାନ୍ଧ କପଡ଼ାରେ ଆବୃତ୍ତ ହୋଇଥିବା ବେଳେ ମଥୁରାର ବୁଦ୍ଧଙ୍କ ବାମ କାନ୍ଧରେ ବ୍ରାହ୍ମଣଙ୍କ ପଇତା ପରି ଏକ ଉତ୍ତରୀୟ ଲମ୍ବିବାର ଦେଖାଗଲା। ମଥୁରାର ବୁଦ୍ଧ ଏକ ପଦ୍ମଫୁଲ ଉପରେ ବସିଥିବା ବେଳେ ତାଙ୍କ ପଛରେ ଏକ ସାପ ଦୃଶ୍ୟମାନ ହୋଇଥାଏ। ...

ଏଇ ଭାରତରେ

ଭାରତରେ ଘରୋଇ ହିଂସା ଅତି ସହଜରେ ଲୋକଙ୍କ ଜୀବନ ନେଇଯାଉଛି। ସହନଶୀଳତା ବଜାୟ ରହିଲେ ପରିବାରରେ କଳି କମିପାରନ୍ତା। ପରିବାରର ସଦସ୍ୟମାନଙ୍କ ମଧ୍ୟରେ ବୁଝାମଣାର ଅଭାବ ରହୁଥିବାରୁ ଅନେକ ସମୟରେ ଅପ୍ରୀତିକର ପରିସ୍ଥିତି ଉପୁଜିଛି। ଉତ୍ତରପ୍ରଦେଶ ଫରିଦାବାଦ ଅଞ୍ଚଳରେ ଏପରି ଏକ ଘଟଣା ଘଟିଥିବା ଜଣାପଡ଼ିଛି। ଉତ୍ତର-କେନ୍ଦ୍ରୀୟ ରେଳପଥ ଅନ୍ତର୍ଗତ କୋସିକାଲାନ ଷ୍ଟେଶନ ନିକଟରେ ଜଣେ ମହିଳା ତାଙ୍କ ଝିଅ ଓ ପୁତୁରା ସହ ନିଜାମୁଦ୍ଦିନ୍‌ ମଦୁରାଇ ଏକ୍ସପ୍ରେସ ଟ୍ରେନ୍‌ ଆଗକୁ ଡେଇଁପଡ଼ିବାରୁ ସମସ୍ତଙ୍କ ପ୍ରାଣହାନି ଘଟିଛି। ...

ଆମିଷ ଔଷଧ

ଆମିଷ ଔଷଧ

ପରିବେଶ ପରିଚିନ୍ତା-ମାନେକା ଗାନ୍ଧୀ/ ସମସ୍ତ ପ୍ରାଣୀ ଜୀବସାର ଓ ଦରକାରୀ ସୂକ୍ଷ୍ମପୋଷକ ଆବଶ୍ୟକ କରନ୍ତି, ଯାହା ଖାଦ୍ୟରୁ ମିଳେ। ଆପଣ ଯଦି ସୁସ୍ଥ ସବଳ ଅଛନ୍ତି, ତେବେ ଅଧିକ ଭିଟାମିନ୍‌ ଖାଇଲେ କିଛି ଲାଭ ମିଳି ନ ଥାଏ। କିନ୍ତୁ ଯଦି କୌଣସି ଭିଟାମିନ୍‌ର ଅଭାବ ରହିଥାଏ, ତେବେ ଡାକ୍ତରଙ୍କ ପରାମର୍ଶରେ ସେହି ଭିଟାମିନ୍‌ ଔଷଧ ଖାଇଲେ ଆପଣଙ୍କର କୋଷ ଓ ପେଶୀଗୁଡ଼ିକ ଭଲଭାବରେ ବଢ଼ନ୍ତି। ଭିଟାମିନ୍‌ ଶରୀରରେ କେତେକ ରାସାୟନିକ ପ୍ରକ୍ରିୟାକୁ ସୁଚାରୁରୂପେ ଚାଲିବାରେ ସହାୟକ ହୁଏ, ଯାହା ଚର୍ମ, ଅସ୍ଥି, ମାଂସପେଶୀ ଓ ଅନ୍ୟ ଜିନିଷ ଉତ୍ପନ୍ନ କରେ। ଯଦି ଆପଣଙ୍କ ଶରୀରରେ ଏକ ବା ଏକାଧିକ ପୋଷକ ତତ୍ତ୍ୱର ଘୋର ଅଭାବ ଦେଖାଯାଏ, ତେବେ ଆପଣ ତଜ୍ଜନିତ ରୋଗର ଶିକାର ହୁଅନ୍ତି। ଏପରି କି କୌଣସି ପୋଷକ ତତ୍ତ୍ୱର ଅଳ୍ପ ଅଭାବ ମଧ୍ୟ ସ୍ଥାୟୀ କ୍ଷତି ସାଧନ କରିପାରେ। ଭିଟାମିନ୍‌ ଅଭାବଜନିତ କେତେକ ସାଧାରଣ ରୋଗ ହେଉଛି: ବେରିବେରି, ପେଲେଗ୍ରା, ସ୍କର୍ଭି ଓ ରିକେଟ୍‌ସ। ୧୯୧୦ ମସିହାରେ ଜାପାନୀ ବୈଜ୍ଞାନିକ ଉମାଟାରୋ ସୁଜୁକି ଭିଟାମିନ୍‌ ବି-୧ (ଥାୟାମିନ୍‌) ଆବିଷ୍କାର କରିଥିଲେ, ଯାହାର ଖାଦ୍ୟ ଉତ୍ସ ହେଉଛି କାଣ୍ଡିଆ କୁଣ୍ଡା। ୧୯୧୩ ମସିହାରେ ଭିଟାମିନ୍‌ ଏ (ରେଟିନୋଲ୍‌) ଆବିଷ୍କୃତ ହେଲା, ଯାହାର ଖାଦ୍ୟ ଉତ୍ସ ହେଉଛି କଡ୍‌ ମାଛର ତେଲ। ୧୯୨୦ରୁ ୧୯୪୮ ମଧ୍ୟରେ ଅନ୍ୟ ସବୁ ଭିଟାମିନ୍‌ ଆବିଷ୍କୃତ ହେଲା। ଶେଷ ଆବିଷ୍କୃତ ଭିଟାମିନ୍‌ ହେଉଛି ଭିଟାମିନ୍‌ ବି-୧୨ (କୋବାଲାମିନ୍‌), ଯାହାର ଖାଦ୍ୟ ଉତ୍ସ ହେଉଛି କଲିଜା, ଅଣ୍ଡା ଓ ଅନ୍ୟ ପ୍ରାଣିଜ ଉପାଦାନ। ...

ଜଣେ ଝାଡୁଦାରଙ୍କ କାହାଣୀ

ଜଣେ ଝାଡୁଦାରଙ୍କ କାହାଣୀ

ଅରୁଣ କୁମାର ପଣ୍ଡା/ ସକାଳ ସାଢେ ୫ଟା ବେଳେ ପ୍ରାତଃଭ୍ରମଣକୁ ଯିବା ପାଇଁ ଗୋଡ଼ କାଢ଼ିବା ମାତ୍ରେ ମୁଁ ଯାହାକୁ ପ୍ରଥମେ ଦର୍ଶନ କରେ, ସେ ହେଉଛି ମ୍ୟୁନିସିପାଲିଟିର ଝାଡୁଦାର ପଦ୍ମା (ଛଦ୍ମନାମ)। ସେ ଭୋର ୫ଟା ବେଳୁ ତା’ ଡ୍ୟୁଟିକୁ ଆସିଥାଏ ଏବଂ ଦିନ ୧୨ଟା ପର୍ଯ୍ୟନ୍ତ ରାସ୍ତାରେ ଝାଡୁ ମାରିବାଠାରୁ ଆରମ୍ଭ କରି ଅଳିଆ ସଫା କରିବା କାମ ନିରବଚ୍ଛିନ୍ନ ଭାବରେ ବର୍ଷ ବର୍ଷ ଧରି କରିଆସୁଛି। ଭୋର ୫ଟାରେ କାମରେ ଯୋଗଦେବା ପାଇଁ ତାକୁ ରାତି ସାଢେ ୩ଟାରେ ଉଠିବାକୁ ପଡେ। ନିତ୍ୟକର୍ମ ସାରି ୩ କିଲୋମିଟର ଚାଲିଚାଲି ଆସି ସେ କାମରେ ଯୋଗଦିଏ। ଖତରା ହୋଇ ଚକା ଜାମ୍‌ ହୋଇଥିବା ଏକ ମଇଳାବୁହା ଠେଲାଗାଡି ଧରି ପଦ୍ମା ଏହି ପରିଣତ ବୟସରେ ବଡ଼ କଷ୍ଟରେ ତାକୁ ଠେଲି ଠେଲି ଓ୍ବାର୍ଡର ଦ୍ୱାର ଦ୍ୱାର ବୁଲେ, ହୁଇସିଲ୍‌ ବଜାଇ ତା’ର ଆଗମନର ସୂଚନା ଦିଏ। କୌଣସି କାରଣରୁ ଯଦି ଗୋଟିଏ ଦିନ କାମରେ ଅନୁପସ୍ଥିତ ରହିଲା ତେବେ ସେ ଦିନର ଦରମା ବନ୍ଦ। ଯେତେଦିନ କାମ କରିବ ସେତେଦିନର ଦରମା ପାଇବ। କାରଣ ସେ କଟକ ପୌର ନିଗମ ପାଇଁ ଗାର୍ବେଜ ସଫେଇ ଠିକା ନେଇଥିବା ଏକ କମ୍ପାନୀର ଠିକା କର୍ମଚାରୀ। ସରକାରୀ ନିୟମ ଅନୁସାରେ ତାକୁ ଦୈନିକ ମଜୁରି ମିଳେନାହିଁ। ସର୍ବନିମ୍ନ ମଜୁରି ପାଇଁ ସତେଯେପରି ତା’ର ଯୋଗ୍ୟତା ନାହିଁ। ଦଶବର୍ଷ ହେଲା ମୁଁ ତାକୁ ଦେଖୁଛି, ସୂର୍ଯ୍ୟଙ୍କ ପରି ତା’ର ଉଦୟ ଏବଂ ଅସ୍ତ ବିଲ୍‌କୁଲ୍‌ ନିୟମିତ।...

ବିକଳ୍ପ ପାରମ୍ପରିକ ଚାଷ

ବିକଳ୍ପ ପାରମ୍ପରିକ ଚାଷ

ବିଚିତ୍ର ବିଶ୍ୱାଳ/ ଭୋକ ଦୂର କରିବା ପାଇଁ ଖାଦ୍ୟ ଆବଶ୍ୟକ ଓ ଖାଦ୍ୟ ପାଇଁ ମଣିଷ ଚାଷ ଉପରେ ନିର୍ଭର କରିଥାଏ। କିନ୍ତୁ ସେହି ଚାଷ ବ୍ୟବସ୍ଥା ଯଦି ନିଜେ ଅଧିକ ଭୋକିଲା ସାବ୍ୟସ୍ତ ହୁଏ, ତା’ହେଲେ ତାହା ମଣିଷର ଭୋକ ଦୂର କରିପାରିବ କି? ଆଧୁନିକ ଚାଷ ବ୍ୟବସ୍ଥାର ଅବସ୍ଥା ସେହିପରି ହୋଇଛି। ଅର୍ଥାତ୍‌ ଆଜିର ଚାଷ ବ୍ୟବସ୍ଥାରେ ଅଧିକରୁ ଅଧିକ ନିବେଶ (ଇନ୍‌ପୁଟ୍‌) ଆବଶ୍ୟକ ହେଉଛି। ସେହି ନିବେଶକୁ ପୂରଣ କରି କରି ଚାଷୀଟିଏ ଚାଷ ପାଇଁ ଅଧିକ ଖର୍ଚ୍ଚାନ୍ତ ହେଉଛି। ସେଥିରୁ ଯାହା ଅମଳ ମିଳୁଛି, ତାହା ଚାଷୀର ନିବେଶ ତୁଳନାରେ କମ୍‌ ପଡୁଛି। ଚାଷ ଆରମ୍ଭରୁ ଶେଷ ଯାଏ ସେଥିରେ ଏତେ ପରିମାଣରେ ବାହ୍ୟ ନିବେଶ କରିବାକୁ ପଡୁଛି ଯେ, ଚାଷୀଟିଏ ବାଧ୍ୟହୋଇ ଋଣଗ୍ରସ୍ତ ହୋଇଯାଉଛି। ...