ବାଣିଜ୍ୟ

ବଜାରରେ ସୋନିର ଓ୍ବେରଲେସ୍‌ ସ୍ପିକର୍‌ ଓ ହେଡ୍‌ଫୋନ୍‌

ବଜାରରେ ସୋନିର ଓ୍ବେରଲେସ୍‌ ସ୍ପିକର୍‌ ଓ ହେଡ୍‌ଫୋନ୍‌

ନୂଆଦିଲ୍ଲୀ,୧୭-୪: ସୋନି ପକ୍ଷରୁ ବଜାରକୁ ଆସିଛି ଓ୍ବେରଲେସ୍‌ ସ୍ପିକର୍‌ ଏବଂ ହେଡ୍‌ଫୋନ୍‌। ହେଡ୍‌ଫୋନ୍‌ର ବଜାର ଦର ୨,୯୯୦ ଟଙ୍କା ରହିଥିବା ବେଳେ ସ୍ପିକର୍‌ର ମୂଲ୍ୟ ୭,୯୯୦ରୁ ଆରମ୍ଭ ହୋଇ ୧୨,୯୯୦ ଟଙ୍କା ପର୍ଯ୍ୟନ୍ତ ରହିଛି। ନୁଆ ହେଡ୍‌ଫୋନ୍‌ ରେଞ୍ଜରେ ଡବ୍ଲ୍ୟୁଆଇ-ସି୩୦୦, ଡବ୍ଲ୍ୟୁଏଚ୍‌-ସିଏଚ୍‌୫୦୦, ଡବ୍ଲ୍ୟୁଏଚ୍‌-ସିଏଚ୍‌୪୦୦, ଡବ୍ଲ୍ୟୁଆଇ-ଏସ୍‌ପି୫୦୦, ଡବ୍ଲ୍ୟୁଆଇ-ଏସ୍‌ପି୬୦୦ଏନ୍‌ ଏବଂ ଡବ୍ଲ୍ୟୁଏଫ୍‌-ଏସ୍‌ପି୭୦୦ଏନ୍‌ ଭଳି ୬ଟି ଭିନ୍ନଭିନ୍ନ ମଡେଲ୍‌ ରହିଛି।

ଡ୍ରମ୍ସ କ୍ୟାମ୍ପସରେ ୧୧୩ ଛାତ୍ରୀଛାତ୍ରଙ୍କୁ ନିଯୁକ୍ତି

ଡ୍ରମ୍ସ କ୍ୟାମ୍ପସରେ ୧୧୩ ଛାତ୍ରୀଛାତ୍ରଙ୍କୁ ନିଯୁକ୍ତି

କଟକ,୧୭-୪: ଡ୍ରିମ୍ସ ସ୍ବଂୟଶାସିତ ବୈଷୟିକ ମହାବିଦ୍ୟାଳୟ ଏହାର ୨୦୧୮ ବ୍ୟାଚ୍‌ ବିଟେକ୍‌ ଛାତ୍ରୀଛାତ୍ରଙ୍କ ପାଇଁ କ୍ୟାମ୍ପସ ମନୋନୟନ ପ୍ରକ୍ରିୟା ଆୟୋଜନ କିରିଛି। ଏଥିରେ ଦେଶର ୨୬ରୁ ଊର୍ଦ୍ଧ୍ୱ ପ୍ରତିଷ୍ଠିତ ସଂସ୍ଥା ଯୋଗ ଦେଇ ୧୧୩ଜଣ ଛାତ୍ରୀଛାତ୍ରଙ୍କୁ ନିଯୁକ୍ତି ପାଇଁ ଯୋଗ୍ୟ ବିବେଚିତ କରିଛନ୍ତି।

ଏସ୍‌ବିଆଇର ସାମାଜିକ ଦାୟିତ୍ୱବୋଧ କାର୍ଯ୍ୟକ୍ରମ

ଏସ୍‌ବିଆଇର ସାମାଜିକ ଦାୟିତ୍ୱବୋଧ କାର୍ଯ୍ୟକ୍ରମ

ଭୁବନେଶ୍ୱର,୧୭।୪ ସମ୍ବଲପୁର ମହାନଗର ନିଗମ(ଏସ୍‌ଏମ୍‌ସି)କୁ ଭାରତୀୟ ଷ୍ଟେଟ୍‌ ବ୍ୟାଙ୍କ(ଏସ୍‌ବିଆଇ) ପକ୍ଷରୁ ସୋମବାର ଏକ ଅଳିଆ ସ୍ଥାନାନ୍ତରଣ ଡମ୍ପର ପ୍ରଦାନ କରାଯାଇଛି। ସମ୍ବଲପୁର ଜିଲାପାଳ ସମର୍ଥ ବର୍ମାଙ୍କ ଉପସ୍ଥିତିରେ ଏସ୍‌ବିଆଇ ଭୁବନେଶ୍ୱର ମଣ୍ଡଳ ମୁଖ୍ୟ ମହାପ୍ରବନ୍ଧକ ପ୍ରବୀଣା କାଲା ଏସ୍‌ଏମ୍‌ସି କମିଶନର ବିମଳେନ୍ଦୁ ରାୟଙ୍କୁ ଏହି ଡମ୍ପର ଚାବି ପ୍ରଦାନ କରିଛନ୍ତି।

ସରକାରଙ୍କ ଅପପୃଷ୍ଟି ସୁରକ୍ଷା ପଦକ୍ଷେପ: ପିଡିଏସ୍‌ ଯୋଗେ ମିଲିବ ଜଅ, ବାଜରା

ସରକାରଙ୍କ ଅପପୃଷ୍ଟି ସୁରକ୍ଷା ପଦକ୍ଷେପ: ପିଡିଏସ୍‌ ଯୋଗେ ମିଲିବ ଜଅ, ବାଜରା

ନୂଆଦିଲ୍ଲୀ, ୧୭-୪(ପି.ଟି.) ସାଧାରଣ ବଣ୍ଟନ ବ୍ୟବସ୍ଥା(ପିଡିଏସ୍‌)ରେ ଜଅ ଏବଂ ବାଜରା ଭଳି ଶସ୍ୟକୁ ସ୍ଥାନିତ କରାଯିବ। ଗରିବ ପରିବାରକୁ ଅପପୃଷ୍ଟିରୁ ସୁରକ୍ଷା ଦେବା ପାଇଁ ସରକାର ଏହି ନିଷ୍ପତ୍ତି ଗ୍ରହଣ କରିଛନ୍ତି। ସାରା ଦେଶରେ ସମସ୍ତ ରାଶନ ବିତରଣ କେନ୍ଦ୍ରରେ ଚାଉଳ, ଗହମ ତଥା କିରୋସିନ୍‌ ସହିତ ଜଅ ଏବଂ ବାଜରା ଭଳି ପୁଷ୍ଟିକର ଶସ୍ୟ ମଧ୍ୟ ରିହାତି ଦରରେ ପ୍ରଦାନ କରାଯିବ ବୋଲି ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି।

ପିଏନ୍‌ବିର ଇଛାକୃତ ଖିଲାପକାରୀଙ୍କ ସଂଖ୍ୟା ୨% ବଢିଛି

ପିଏନ୍‌ବିର ଇଛାକୃତ ଖିଲାପକାରୀଙ୍କ ସଂଖ୍ୟା ୨% ବଢିଛି

ନୂଆଦିଲ୍ଲୀ, ୧୭-୪(ପି.ଟି.) ବଡ଼ଧରଣର ଠକେଇ ସମ୍ମୁଖୀନ ହୋଇଥିବା ରାଷ୍ଟ୍ରାୟତ୍ତ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ର ଅଡୁଆ ବଢିବାରେ ଲାଗିଛି। ବ୍ୟାଙ୍କ ପ୍ରଦାନ କରିଥିବା ତଥ୍ୟ ଅନୁସାରେ ୨୦୧୮ ଫେବ୍ରୁୟାରୀ ସୁଦ୍ଧା ଏହାର ଉଇଲ୍‌ଫୁଲ୍‌ ଡିଫଲ୍ଟ ଆମାଉଣ୍ଟ (ଯେଉଁ ଋଣ ଜାଣିଶୁଣି ଫେରାଯାଉ ନାହିଁ) ୨.୧% ବୃଦ୍ଧି ପାଇ ୧୪,୯୦୪.୬୫ କୋଟି ରେ ପହଞ୍ଚିଛି। ଜାଣିଶୁଣି ଫେରାଉ ନ ଥିବା ଋଣ କ୍ରେତାମାନେ ପ୍ରତ୍ୟେକ ୨୫ ଲକ୍ଷରୁ ଅଧିକ ଟଙ୍କା ନେଇଛନ୍ତି।

ପିଏନ୍‌ବି ପ୍ରତିଷ୍ଠା ଦିବସରେ ରକ୍ତଦାନ ଶିବିର

ପିଏନ୍‌ବି ପ୍ରତିଷ୍ଠା ଦିବସରେ ରକ୍ତଦାନ ଶିବିର

ଭୁବନେଶ୍ୱର,୧୭-୪ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି) ଏହାର ୧୨୪ତମ ପ୍ରତିଷ୍ଠା ଦିବସ ପାଳନ କରିଛି। ଏହି ଅବସରରେ ସର୍ବଭାରତୀୟ ପଞ୍ଜାବ ନ୍ୟାଶନାଲ ବ୍ୟାଙ୍କ ଅଧିକାରୀ ସଂଘ(ଏଆଇପଏନ୍‌ବିଓଏ) ପକ୍ଷରୁ ଦେଶର ୭୬ଟି ମଣ୍ଡଳରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି।

ପିଏଫ୍‌ ଦାବି: ୧୦ ଲକ୍ଷରୁ ଅଧିକ ପାଇଁ ହୋଇପାରିବ ଅଫ୍‌ଲାଇନ୍‌ ଆବେଦନ

ପିଏଫ୍‌ ଦାବି: ୧୦ ଲକ୍ଷରୁ ଅଧିକ ପାଇଁ ହୋଇପାରିବ ଅଫ୍‌ଲାଇନ୍‌ ଆବେଦନ

ନୂଆଦିଲ୍ଲୀ,୧୭-୪ ପ୍ରୋଭିଡେଣ୍ଟ ଫଣ୍ଡ୍‌ରୁ ୧୦ ଲକ୍ଷ ଟଙ୍କାରୁ ଅଧିକ ଅର୍ଥ ଉଠାଇବାକୁ ଥିଲେ କର୍ମଚାରୀମାନେ ଅଫ୍‌ଲାଇନ୍‌ ଆବେଦନ କରିପାରିବେ। ପୂର୍ବରୁ ଏଥିପାଇଁ କେବଳ ଅନ୍‌ଲାଇନ୍‌ ଆବେଦନ ବ୍ୟବସ୍ଥା ଥିଲା। କର୍ମଚାରୀମାନଙ୍କୁ ଅଫ୍‌ଲାଇନ୍‌ ଆବେଦନର ବିକଳ୍ପ ପ୍ରଦାନ କରିବା ପାଇଁ କର୍ମଚାରୀ ଭବିଷ୍ୟନିଧି ପାଣ୍ଠି ସଙ୍ଗଠନ(ଇପିଏଫ୍‌ଓ) ଚଳିତ ମାସ ୧୩ରେ ଏକ ସର୍କୁଲାର୍‌ ଜାରି କରିଛି। ଇପିଏଫ୍‌ଓ ଏହାର ସମସ୍ତ କାର୍ଯ୍ୟାଳୟକୁ ନିର୍ଦ୍ଦେଶନାମା ଜାରି କରି କହିଛି, ଯେଉଁ ସଦସ୍ୟମାନେ ୧୦ ଲକ୍ଷ ଟଙ୍କାରୁ ଅଧିକ ପିଏଫ୍‌ ଦାବି କରୁଛନ୍ତି ସେମାନଙ୍କୁ ଅଫ୍‌ଲାଇନ୍‌ ଆବେଦନ କରିବାର ସୁଯୋଗ ପ୍ରଦାନ କରାଯାଉ।

ପାଇକାରୀ ମୁଦ୍ରାସ୍ଫୀତି ୨.୪୭%

ପାଇକାରୀ ମୁଦ୍ରାସ୍ଫୀତି ୨.୪୭%

ନୂଆଦିଲ୍ଲୀ,୧୭-୪(ପି.ଟି.) ଖାଦ୍ୟ ସାମଗ୍ରୀ ବିଶେଷ କରି ପନିପରିବା ଏବଂ ଡାଲି ଦର ଶସ୍ତା ହେବା ଫଳରେ ଗତ ମାସରେ ଦେଶର ପାଇକାରୀ ମୁଦ୍ରାସ୍ଫୀତି ୨.୪୭%କୁ ହ୍ରାସ ପାଇଛି, ଯାହାକି ଫେବୃୟାରୀରେ ୨.୪୮% ଥିଲା। ୨୦୧୭ ମାର୍ଚ୍ଚରେ ଏହା ୫.୧୧% ରହିଥିଲା।

ଟଙ୍କାର ବିନିମୟ ମୂଲ୍ୟରେ ୨୯ ପଇସା ହ୍ରାସ

ଟଙ୍କାର ବିନିମୟ ମୂଲ୍ୟରେ ୨୯ ପଇସା ହ୍ରାସ

ବମ୍ବେ,୧୭-୪(ପି.ଟି.) ବାଣିଜ୍ୟକ ନିଅଣ୍ଟକୁ ନେଇ ଆଶଙ୍କା ଏବଂ ଅନ୍ୟାନ୍ୟ ବାହ୍ୟ ସମସ୍ୟା ମଧ୍ୟରେ ସୋମବାର ଟଙ୍କାର ବିନିମୟ ମୂଲ୍ୟରେ ବଡ ଧରଣର ହ୍ରାସ ଘଟିଛି। ଆମେରିକୀୟ ଡଲାର ତୁଳନାରେ ଭାରତୀୟ ମୁଦ୍ରାର ବିନିମୟ ମୂଲ୍ୟରେ ୨୯ ପଇସା ହ୍ରାସ ଘଟିଛି। ଫଳରେ ଏହା ୬ ମାସର ସର୍ବନିମ୍ନ ସ୍ତର ୬୫.୪୯କୁ ଖସିଆସିଛି।

ବିଶ୍ୱ ବ୍ୟାଙ୍କ ରିପୋର୍ଟ:ଭାରତକୁ ବାର୍ଷିକ ୮.୧ ନିୟୁତ ନିଯୁକ୍ତି ଲୋଡା

ବିଶ୍ୱ ବ୍ୟାଙ୍କ ରିପୋର୍ଟ:ଭାରତକୁ ବାର୍ଷିକ ୮.୧ ନିୟୁତ ନିଯୁକ୍ତି ଲୋଡା

ନୂଆଦିଲ୍ଲୀ,୧୭-୪(ପି.ଟି.) ନିଯୁକ୍ତି ହାର ବଜାୟ ରଖିବା ପାଇଁ ଭାରତକୁ ପ୍ରତିବର୍ଷ ୮.୧ ନିୟୁତ ନିଯୁକ୍ତି ସୃଷ୍ଟି କରିବାକୁ ପଡିବ। ବିଶ୍ୱ ବ୍ୟାଙ୍କ ପକ୍ଷରୁ ପ୍ରସ୍ତୁତ ଏକ ରିପୋର୍ଟରେ ଏହା ଉଲ୍ଲେଖ କରାଯାଇଛି। ଚଳିତ ଆଥିକବର୍ଷ ଦେଶ ୭.୩% ଅଭିବୃଦ୍ଧି ହାସଲ କରିବ ଏବଂ ଏହାର ପରବର୍ତ୍ତୀ ଦୁଇ ବର୍ଷ ୭.୫% ଅଭିବୃଦ୍ଧି ନେଇ ବଢ଼ିବ ବୋଲି ଏହା ଆକଳନ କରିଛି।

ଏକ୍ସପ୍ରେସ୍‌ ଟ୍ରେନ୍‌ରେ ଯାତ୍ରୀଭଡ଼ା ହ୍ରାସ

ଏକ୍ସପ୍ରେସ୍‌ ଟ୍ରେନ୍‌ରେ ଯାତ୍ରୀଭଡ଼ା ହ୍ରାସ

ନୂଆଦିଲ୍ଲୀ, ୧୭-୪ ରାଜଧାନୀ, ଶତାବ୍ଦୀ, ଦୂରନ୍ତୋ, ଗତିମାନ ତଥା ତେଜସ ଭଳି ଏକ୍ସପ୍ରେସ୍‌ ଟ୍ରେନ୍‌ରେ ରେଳ ଭଡ଼ା ପୂର୍ବତୁଳନାରେ ଏଥର କମ ହେବ। ଇଣ୍ଡିଆନ୍‌ ରେଲ୍‌ଓ୍ବେ କ୍ୟାଟେରିଂ ଆଣ୍ଡ୍‌ ଟୁରିଜମ କର୍ପୋରେଶନ (ଆଇଆରସିଟିସି) ଖାଦ୍ୟ ପଦାର୍ଥ ଉପରେ ଏପ୍ରିଲ୍‌ ୧୬ରୁ ଜିଏସ୍‌ଟି ହ୍ରାସ କରିଥିବାରୁ ଏହି ସୁବିଧା ଯାତ୍ରୀମାନେ ଲାଭ କରି ପାରିବେ।

ଦେଶରେ ସବୁଠୁ ଅଧିକ ବେତନ ଦେଉଛି ବାଙ୍ଗାଲୋର

ଦେଶରେ ସବୁଠୁ ଅଧିକ ବେତନ ଦେଉଛି ବାଙ୍ଗାଲୋର

ନୂଆଦିଲ୍ଲୀ,୧୬-୪ ଭାରତରେ ସବୁଠାରୁ ଅଧିକ ବେତନ ପ୍ରଦାନ କରୁଥିବା ସହର ହେଉଛି ବାଙ୍ଗାଲୋର। ସେହିପରି ସ୍ବାସ୍ଥ୍ୟସେବା କ୍ଷେତ୍ରରେ କାର୍ଯ୍ୟରତ କର୍ମଚାରୀ ସବୁଠାରୁ ଅଧିକ ବେତନଭୋଗୀ। ରାଣ୍ଡଷ୍ଟାଡ୍‌ ଇନ୍‌ସାଇଟ୍ସ ଗବେଷଣା ସଂସ୍ଥା ଏକ ରିପୋର୍ଟରେ ଏହା ଦର୍ଶାଇଛି। ଏଥିରେ କୁହାଯାଇଛି, ବାଙ୍ଗାଲୋରଭିତ୍ତିକ କମ୍ପାନୀଗୁଡିକ ବିଭିନ୍ନ କ୍ଷେତ୍ର ଓ ବର୍ଗର ଟ୍ୟାଲେଣ୍ଟ୍‌ ପାଇଁ ବର୍ଷକୁ ପାଖାପାଖି ୧୦ ଲକ୍ଷ ୮ ହଜାର ଟଙ୍କା ଖର୍ଚ୍ଚ କରୁଛନ୍ତି। ଏହା ପଛକୁ ପୁଣେ, ନୂଆଦିଲ୍ଲୀ, ବମ୍ବେ, ମାଡ୍ରାସ, ହାଇଦ୍ରାବାଦ ଏବଂ କଲିକତା ଭଳି ସହର ଅଛନ୍ତି। ଏହି ସହରଗୁଡିକ ଯଥାକ୍ରମେ, ୧୦.୩ ଲକ୍ଷ, ୯.୯ ଲକ୍ଷ, ୯.୯ ଲକ୍ଷ, ୯.୨ ଲକ୍ଷ, ୮ ଲକ୍ଷ, ୭.୯ ଲକ୍ଷ ଏବଂ ୭.୨ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି।

ଇ-ଯାନ ଚାର୍ଜିଂ ଷ୍ଟେଶନ ପାଇଁ ଲୋଡା ନାହିଁ ଲାଇସେନ୍ସ

ଇ-ଯାନ ଚାର୍ଜିଂ ଷ୍ଟେଶନ ପାଇଁ ଲୋଡା ନାହିଁ ଲାଇସେନ୍ସ

ନୂଆଦିଲ୍ଲୀ, ୧୬-୪(ପି.ଟି.) ବିଦ୍ୟୁତ୍‌ ଚାଳିତ ଯାନ ବା ଇ-ଭେଇକିଲ୍‌ ଗୁଡିକ ପାଇଁ ଚାର୍ଜିଂ ଷ୍ଟେଶନ ହେଉଛି ଏକ ପ୍ରମୁଖ ଆବଶ୍ୟକତା। ଏହି ଚାର୍ଜିଂ ଷ୍ଟେଶନ ପାଇଁ କୌଣସି ପ୍ରକାର ଲାଇସେନ୍ସ ଆବଶ୍ୟକ ନାହିଁ। ଶକ୍ତି ମନ୍ତ୍ରଣାଳୟ ପକ୍ଷରୁ ଏହା ସ୍ପଷ୍ଟ କରାଯାଇଛି। ଇଲେକ୍ଟ୍ରିସିଟି ଆକ୍ଟ ଅନୁସାରେ ବିଦ୍ୟୁତ୍‌ ସଂଚାରଣ, ବିତରଣ ଏବଂ ବ୍ୟବସାୟ ପାଇଁ ଲାଇସେନ୍ସ ଆବଶ୍ୟକ। କିନ୍ତୁ ଉପରୋକ୍ତ ତିନୋଟି ଶ୍ରେଣୀରେ ଚାର୍ଜିଂ ଷ୍ଟେଶନ ଅନ୍ତର୍ଭୁକ୍ତ ନୁହେଁ ବୋଲି ମନ୍ତ୍ରଣାଳୟ ପ୍ରକାଶ କରିଛି।

ଶ୍ରୀନିବାସନ ଭେଙ୍କଟକ୍ରିଷ୍ଣନ୍‌ ବେଦାନ୍ତ ରିସୋର୍ସେସ୍‌ ସିଇଓ

ଶ୍ରୀନିବାସନ ଭେଙ୍କଟକ୍ରିଷ୍ଣନ୍‌ ବେଦାନ୍ତ ରିସୋର୍ସେସ୍‌ ସିଇଓ

ନୂଆଦିଲ୍ଲୀ,୧୬-୪(ପି.ଟି.) ଅନିଲ ଅଗ୍ରଓ୍ବାଲଙ୍କ ନେତୃତ୍ୱାଧୀନ ବେଦାନ୍ତ ରିସୋର୍ସେସ୍‌ ଏହାର ନୂଆ ମୁଖ୍ୟ କାର୍ଯ୍ୟନିର୍ବାହୀ(ସିଇଓ) ଭାବେ ଶ୍ରୀନିବାସନ୍‌ ଭେଙ୍କଟକ୍ରିଷ୍ଣନ୍‌ଙ୍କ ନାମ ଘୋଷଣା କରିଛି। ମଧ୍ୟବର୍ତ୍ତୀକାଳୀନ ସିଇଓ କୁଲ୍‌ଦୀପ କୌରାଙ୍କ ସ୍ଥାନରେ ଭେଙ୍କଟକ୍ରିଷ୍ଣନ୍‌୍‌ ଅବସ୍ଥାପିତ ହେବେ। ସେ ବର୍ତ୍ତମାନ ଜୋହାନ୍ସବର୍ଗଭିତ୍ତିକ କମ୍ପାନୀ ଆଙ୍ଗ୍‌ଲୋଗୋଲ୍‌ଡ ଆଶାନ୍ତି ଲିମିଟେଡ୍‌ର ସିଇଓ ଭାବେ କାର୍ଯ୍ୟ କରୁଛନ୍ତି। ଆଙ୍ଗ୍‌ଲୋଗୋଲ୍‌ଡ ଆଶାନ୍ତି ବିଶ୍ୱର ଏକ ପ୍ରମୁଖ ସୁନା ଉତ୍ପାଦନକାରୀ ଭାବେ ଜଣା।

ନକ୍ସଲ ଅଞ୍ଚଳରେ ବସିବ ୪,୦୭୨ ମୋବାଇଲ ଟାଓ୍ବାର

ନକ୍ସଲ ଅଞ୍ଚଳରେ ବସିବ ୪,୦୭୨ ମୋବାଇଲ ଟାଓ୍ବାର

ନୂଆଦିଲ୍ଲୀ,୧୬-୪(ପି.ଟି.) ଓଡ଼ିଶା ସମେତ ଦଶଟି ରାଜ୍ୟର ନକ୍ସଲ ଉପଦ୍ରୁତ ଅଞ୍ଚଳରେ ସରକାର ୪,୦୭୨ ମୋବଇଲ ଟାଓ୍ବାର ବସାଇବା ପାଇଁ ଯୋଜନା କରୁଛନ୍ତି। ଏହା ମାଧ୍ୟମରେ ଏସବୁ ଅଞ୍ଚଳରେ ଟେଲିକମ୍‌ ନେଟ୍‌ଓ୍ବର୍କକୁ ସୁଦୃଢ଼ କରିବାର ଲକ୍ଷ୍ୟ ରଖାଯାଇଛି। ମୋବାଇଲ ଟାଓ୍ବାର ଫେଜ୍‌-୨ ସ୍କିମ୍‌ ଅଧୀନରେ ଏହି ପ୍ରସ୍ତାବକୁ ଟେଲିକମ୍‌ ଆୟୋଗ ମଞ୍ଜୁରୀ ଦେଇଛି। ଏବେ ଏହାକୁ କ୍ୟାବିନେଟ୍‌ ମଞ୍ଜୁରୀ ପାଇଁ ପଠାଯାଇଛି। ଖୁବ୍‌ଶୀଘ୍ର ଏହାକୁ ମଞ୍ଜୁରୀ ମିଳିପାରେ ବୋଲି ସ୍ବରାଷ୍ଟ୍ର ମନ୍ତ୍ରଣାଳୟର ଜଣେ ଅଧିକାରୀ ପ୍ରକାଶ କରିଛନ୍ତି।

ଜିଏସ୍‌ଟି ପ୍ରଭାବ ଯୋଗୁ ପରିବର୍ତ୍ତନ ହୋଇପାରେ ବେତନ ପ୍ୟାକେଜ୍‌

ଜିଏସ୍‌ଟି ପ୍ରଭାବ ଯୋଗୁ ପରିବର୍ତ୍ତନ ହୋଇପାରେ ବେତନ ପ୍ୟାକେଜ୍‌

ନୂଆଦିଲ୍ଲୀ, ୧୬-୪(ପି.ଟି.) ଭାରତୀୟ କମ୍ପାନୀଗୁଡ଼ିକୁ ସେମାନଙ୍କ କର୍ମଚାରୀଙ୍କ ଦରମା ବ୍ୟବସ୍ଥାରେ ପରିବର୍ତ୍ତନ କରିବାକୁ ପଡ଼ିବ। ନଚେତ ସେମାନଙ୍କୁ ଅତିରିକ୍ତ ପରୋକ୍ଷ ଟିକସ ବୋଝ ମୁଣ୍ଡାଇବାକୁ ପଡିପାରେ। ମାନବ ସମ୍ବଳ ସୁବିଧା ବା କମ୍ପେନ୍‌ସେସନ ପ୍ୟାକେଜ୍‌ ବ୍ୟବସ୍ଥାକୁ ପୁନଃ ସଂରଚନା ନ କଲେ କମ୍ପାନୀଗୁଡ଼ିକୁ ବର୍ତ୍ତମାନ ତୁଳନାରେ ଅଧିକ ସାମଗ୍ରୀ ଓ ସେବା ଟିକସ(ଜିଏସ୍‌ଟି) ବହନ କରିବାକୁ ପଡିପାରେ। ଟିକସ ବିଶେଷଜ୍ଞମାନେ ଏଭଳି ଅନୁମାନ କରୁଛନ୍ତି।

ଭୋଡାଫୋନ୍‌-ଆଇଡିଆ ମିଶ୍ରଣରେ ଛଟେଇ ହେବେ ୫,୦୦୦ କର୍ମଚାରୀ

ଭୋଡାଫୋନ୍‌-ଆଇଡିଆ ମିଶ୍ରଣରେ ଛଟେଇ ହେବେ ୫,୦୦୦ କର୍ମଚାରୀ

ନୂଆଦିଲ୍ଲୀ,୧୬।୪- ଦେଶର ଦୁଇ ପ୍ରମୁଖ ଟେଲିକମ୍‌ ସେବା ପ୍ରଦାନକାରୀ କମ୍ପାନୀ ଭୋଡାଫୋନ୍‌ ଏବଂ ଆଇଡିଆ ସେଲ୍ୟୁଲାର ଶୀଘ୍ର ଗୋଟିଏ କମ୍ପାନୀରେ ରୂପାନ୍ତରିତ ହେବେ। ଦୁଇ କମ୍ପାନୀରେ ପ୍ରାୟ ୨୧,୦୦୦ରୁ ଅଧିକ କର୍ମଚାରୀ କାର୍ଯ୍ୟ କରୁଥିବା ବେଳେ ସେମାନଙ୍କ ମଧ୍ୟରୁ ପ୍ରାୟ ଏକ ଚତୁର୍ଥାଂଶ କର୍ମଚାରୀ ଛଟେଇ ହେବାର ସମ୍ଭାବନା ରହିଛି ବୋଲି ପ୍ରକ୍ରିୟା ସହ ଜଡିତ ଜଣେ ଅଧିକାରୀ ଏହା ସୂଚନା ଦେଇଛନ୍ତି।

ଆମ୍ରିରେ ଖୋଲିଲା ଲିଭର ଟ୍ରିଟ୍‌ମେଣ୍ଟ ଓପିଡି କ୍ଲିନିକ

ଆମ୍ରିରେ ଖୋଲିଲା ଲିଭର ଟ୍ରିଟ୍‌ମେଣ୍ଟ ଓପିଡି କ୍ଲିନିକ

ଭୁବନେଶ୍ୱର, ୧୬-୪(ବ୍ୟୁରୋ) ଯକୃତଜନିତ ରୋଗର ଚିକିତ୍ସା ପାଇଁ ଭୁବନେଶ୍ୱରସ୍ଥିତ ଆମ୍ରି ହସ୍ପିଟାଲ୍‌ରେ ଏକ ବହିର୍ବିଭାଗ ବ୍ୟବସ୍ଥା କରାଯାଇଛି। ଦିଲ୍ଲୀଭିତ୍ତିକ ମଲ୍ଟି-ସ୍ପେଶିଆଲିଟି ମେଡିକାଲ ଇନ୍‌ଷ୍ଟିଚ୍ୟୁଟ ‘ମେଦାନ୍ତ-ଦି ମେଡିସିଟି’ର ମିଳିତ ସହଯୋଗରେ ଏହି ‘ଲିଭର ଟ୍ରିଟ୍‌ମେଣ୍ଟ ଓପିଡି କ୍ଲିନିକ୍‌’ ଏପ୍ରିଲ୍‌ ୧୫ରୁ ଆନୁଷ୍ଠାନିକ ଭାବେ ଉନ୍ମୋଚନ କରାଯାଇଛି। ଏ ସମ୍ପର୍କରେ ଆମ୍ରି ହସ୍ପିଟାଲ୍‌ ପକ୍ଷରୁ ଆୟୋଜିତ ଏକ ଖବରଦାତା ସମ୍ମିଳନୀରେ କୁହାଯାଇଛି ଯେ, ଯକୃତଜନିତ ରୋଗରେ ପୀଡିତଙ୍କ ପାଇଁ ଏହି ବହିର୍ବିଭାଗ ମାସକୁ ଥରଟିଏ ଖୋଲା ରହିବ।

ଫ୍ଲିପ୍‌କାର୍ଟରେ ଆହୁରି ଶସ୍ତା ହେବ ସାମଗ୍ରୀ

ଫ୍ଲିପ୍‌କାର୍ଟରେ ଆହୁରି ଶସ୍ତା ହେବ ସାମଗ୍ରୀ

ନୂଆଦିଲ୍ଲୀ,୧୬।୪- ଅନ୍‌ଲାଇନ୍‌ରେ ବିଭିନ୍ନ ସାମଗ୍ରୀ କିଣିବାକୁ ଲୋକଙ୍କ ମଧ୍ୟରେ ଆଗ୍ରହ ଦିନକୁଦିନ ବଢୁଛି। ଏହାକୁ ଦୃଷ୍ଟିରେ ରଖି ଅନ୍‌ଲାଇନ୍‌ ସାଇଟ୍‌ଗୁଡିକ ଗ୍ରାହକଙ୍କୁ ବିଭିନ୍ନ ରିହାତି ଦେଉଛନ୍ତି। ପ୍ରମୁଖ ଇ-କମର୍ସ କମ୍ପାନୀ ଫ୍ଲିପ୍‌କାର୍ଟ ଭିନ୍ନଭିନ୍ନ ସାମଗ୍ରୀ ଉପରେ ଗ୍ରାହକଙ୍କୁ ବିଭିନ୍ନ ଅଫର ପ୍ରଦାନ କରୁଛି। ଫଳରେ ଗ୍ରାହକ ଏଠାରୁ ଆହୁରି ଶସ୍ତାରେ ଭିନ୍ନଭିନ୍ନ ସାମଗ୍ରୀ ପାଇପାରିବେ।

ଇପିଏଫଓ ସୁଧହାର ନେଇ ଅର୍ଥମନ୍ତ୍ରଣାଳୟ ସହ ନାହିଁ ମତଭେଦ

ଇପିଏଫଓ ସୁଧହାର ନେଇ ଅର୍ଥମନ୍ତ୍ରଣାଳୟ ସହ ନାହିଁ ମତଭେଦ

ନୂଆଦିଲ୍ଲୀ,୧୬।୪- ଦେଶରେ ୫କୋଟିରୁ ଉର୍ଦ୍ଧ୍ୱ ରିଟାୟାରମେଣ୍ଟ ଫଣ୍ଡ ବଡି କର୍ମଚାରୀ ଭବିଶ୍ୟନିଧି ସଙ୍ଗଠନ(ଇପିଏଫ୍‌ଓ)ର ଉପଭୋକ୍ତା ରହିଛନ୍ତିି। ସେମାନଙ୍କ ଉଦ୍ଦେଶ୍ୟରେ ୨୦୧୭-୧୮ ଆର୍ଥତ୍କବର୍ଷ ପାଇଁ ୮.୫୫% ସୁଧହାର ଦିଆଯିବା ନେଇ ହୋଇଥିବା ଚୁକ୍ତିକୁ ନେଇ ଅର୍ଥମନ୍ତ୍ରଣାଳୟ ସହ କୌଣସି ପ୍ରକାର ମତଭେଦ ହୋଇନାହିଁ ବୋଲି ଶ୍ରମ ମନ୍ତ୍ରୀ ଗଙ୍ଗଓ୍ବାର କହିଛନ୍ତି।

କର୍ମଚାରୀଙ୍କ ପାଇଁ ଖୁସି ଖବର, ଚଳିତ ବର୍ଷ ଦରମାବୃଦ୍ଧି ଆଶା

କର୍ମଚାରୀଙ୍କ ପାଇଁ ଖୁସି ଖବର, ଚଳିତ ବର୍ଷ ଦରମାବୃଦ୍ଧି ଆଶା

ନୁଆଦିଲ୍ଲୀ,୧୬।୪- ଚଳିତ ଆର୍ଥତ୍କ ବର୍ଷରେ କର୍ମଚାରୀଙ୍କର ହାରାହାରି ବେତନରେ ୯-୧୨% ବୃଦ୍ଧି ହୋଇପାରେ। ଅପର ପକ୍ଷରେ ଅନୁଷ୍ଠାନଗୁଡିକ ନିଜର ପ୍ରମୁଖ କର୍ମଚାରିଙ୍କୁ ଅନୁଷ୍ଠାନରେ ରଖିବ। ତେଣୁ ସେମାନଙ୍କ ବେତନରେ ହରାହାରି ୧୫% ବୃଦ୍ଧି ଘଟିବ ବୋଲି ମାନବ ସମ୍ବଳ ବିଶେଷଜ୍ଞ ମାନେ ମତ ରଖିଛନ୍ତି। କମ୍ପାନିଗୁଡିକ ନିଜ ଅନୁଷ୍ଠାନର ଉନ୍ନତ ପ୍ରଦର୍ଶନକାରୀ ଏବଂ ମଧ୍ୟମ ପ୍ରଦର୍ଶନକାରୀଙ୍କୁ ଦୁଇ ଭାଗରେ ବିଭକ୍ତ କରିବା ସହିତ ସେମାନଙ୍କ ଭିତରେ ରହିଥିବା ପାର୍ଥକ୍ୟକୁ ସୂଚାଇବା ପାଇଁ ପରିବର୍ତ୍ତନ ବେତନ, ବେତନ ବୃଦ୍ଧି ଏବଂ କ୍ୟାରିୟର ସୁଯୋଗ ଭଳି ଉପାୟ ଲାଗୁ ଉପରେ ଧ୍ୟାନ ଦେଇଛନ୍ତି। ଚଳିତ ବର୍ଷ ଏଫ୍‌ଏମ୍‌ସିଜି, ରିଟେଲ୍‌, ମିଡିଆ ଓ ବିଜ୍ଞାପନ ଭଳି କ୍ଷେତ୍ରକୁ ସକରାମକ ମୂଲ୍ୟାଙ୍କନ ମିଳିଛି।

ଖୁଚୁରା ବ୍ୟବସାୟ ଜାତୀୟ ନୀତି ଆଣିବାକୁ ଶିଳ୍ପ ସଂଘର ଦାବୀ

ଖୁଚୁରା ବ୍ୟବସାୟ ଜାତୀୟ ନୀତି ଆଣିବାକୁ ଶିଳ୍ପ ସଂଘର ଦାବୀ

ନୂଆଦିଲ୍ଲୀ,୧୬।୪- ରିଟେଲ୍‌ ବ୍ୟବସାୟ ପାଇଁ ଜାତୀୟ ନୀତି ଏବଂ ଦେଶ ମଧ୍ୟରେ ଆଭ୍ୟନ୍ତରୀଣ ବ୍ୟବସାୟ ପାଇଁ ଏକ ସ୍ବତନ୍ତ୍ର ମନ୍ତ୍ରଣାଳୟ ଗଠନ କରିବାକୁ ଅଖିଳ ଭାରତୀୟ ବ୍ୟବସାୟୀ ମହାସଂଘ (ସିଏଆଇଟି) ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଛି। ବାଣିଜ୍ୟ ମନ୍ତ୍ରଣାଳୟ ପରିବର୍ତ୍ତେ ବର୍ହିବ୍ୟାପାର ମନ୍ତ୍ରଣାଳୟକୁ ବିଦେଶ ବ୍ୟାପାର ଦାୟିତ୍ୱ ପ୍ରଦାନ କରିବାକୁ ସିଏଆଇଟି କହିଛି। ଏହି ପଦକ୍ଷେପ ଦ୍ୱାରା ଘରୋଇ ବଜାରରେ ବ୍ୟବସାୟ ମଜବୁତ ହେବା ସହିତ ଦେଶର ରପ୍ତାନୀରେ ମଧ୍ୟ ସୁଧାର ଆସିବ ବୋଲି ସଂଘ ଦାବି କରିଛି।

ଆଇସିଆଇସିଆଇ ଋଣ ମାମଲାରେ କୌଣସି ଜାଲିଆତି ପାଇ ନ ଥିଲା ଆର୍‌ବିଆଇ

ଆଇସିଆଇସିଆଇ ଋଣ ମାମଲାରେ କୌଣସି ଜାଲିଆତି ପାଇ ନ ଥିଲା ଆର୍‌ବିଆଇ

ବମ୍ବେ, ୧୬-୪(ପି.ଟି.) କ୍ଷତିରେ ଚାଲିଥିବା ଭିଡିଓକନ କମ୍ପାନୀକୁ ଆଇସିଆଇସିଆଇ ବ୍ୟାଙ୍କ ଦେଇଥିବା ଋଣ ସଂକ୍ରାନ୍ତରେ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଦୁଇବର୍ଷ ପୂର୍ବରୁ ଯାଞ୍ଚ କରିଥିଲା। କିନ୍ତୁ ଏଥିରେ କୌଣସି ପ୍ରକାର ଲାଞ୍ଚ ମିଛ ବା ପାରସ୍ପରିକ ଫାଇଦା ଉଠାଇଲା ଭଳି ଜାଲିଆତି କାରବାର ଆର୍‌ବିଆଇ ହାତରେ ଲାଗି ନ ଥିଲା। ଆର୍‌ବିଆଇ ଡକ୍ୟୁମେଣ୍ଟରୁ ଏଭଳି ଖବର ସାମ୍ନାକୁ ଆସିଛି। ଭିଡିଓକନ ଗ୍ରୁପ୍‌ର ମାଲିକ ବେଣୁଗୋପାଳ ଧୂତଙ୍କ ଠାରୁ ଆଇସିଆଇସିଆଇ ବ୍ୟାଙ୍କର ସିଇଓ ଚନ୍ଦା କୋଚ୍ଚରଙ୍କ ସ୍ବାମୀ ଦୀପକ କୋଚ୍ଚର ବେଆଇନ୍‌ ଭାବେ ଫାଇଦା ଉଠାଉଛନ୍ତି।

ପୁଣି ୮୦୦୦ କୋଟିର ଏନ୍‌ପିଏ ବୋଝ

ପୁଣି ୮୦୦୦ କୋଟିର ଏନ୍‌ପିଏ ବୋଝ

ନୂଆଦିଲ୍ଲୀ,୧୫-୪(ପି.ଟି) ବ୍ୟାଙ୍କିଙ୍ଗ ଶିଳ୍ପ ସାମ୍ନାରେ ଅନାଦେୟ ପରିସମ୍ପତ୍ତି (ଏନ୍‌ପିଏ)ଏକ ଚିନ୍ତାର କାରଣ ହୋଇଥିବା ବେଳେ ଦିନକୁ ଦିନ ଏହା ବଢି ଚାଲିଛି। ୨୦୧୭-୧୮ ଆର୍ଥତ୍କ ବର୍ଷର ମାର୍ଚ୍ଚ ୩୧ ତ୍ରୈମାସ ଶେଷ ସୁଦ୍ଧା ବ୍ୟାଙ୍କଗୁଡିକ ପ୍ରଦାନ କରିଥିବା ୮୦୦୦ କୋଟି ଟଙ୍କାର ଋଣ ଏନ୍‌ପିଏରେ ପରିଣତ ହୋଇଥିବା ଜଣାଯାଇଛି। ବୃହତ୍‌ ଋଣ ଘୋଟାଲାରେ ସମ୍ପୃକ୍ତ ମେହୁଲ ଚୋକ୍‌ସୀଙ୍କୁ ପ୍ରଦାନ କରାଯାଇଥିବା ଅଗ୍ରୀମ ଏନ୍‌ପିଏରେ ରୂପାନ୍ତରିତ ହୋଇଛି। ବର୍ତ୍ତମାନ ବ୍ୟାଙ୍କଗୁଡିକ ଏନ୍‌ପିଏ ସମସ୍ୟା ଦେଇ ଗତି କରୁଛନ୍ତି, ଏଣୁ ସେମାନଙ୍କ ଉପରେ ଏହା ଆଉ ଏକ ବୋଝ ସଦୃଶ ହୋଇଛି। ବ୍ୟାଙ୍କଗୁଡିକ କେବଳ ଗୀତାଞ୍ଜଳି ଗ୍ରୁପକୁ ୮ ହଜାର କୋଟି ଟଙ୍କାର ଋଣ ପ୍ରଦାନ କରିଛନ୍ତି। ଚୋକ୍‌ସୀଙ୍କୁ ପରିଚାଳନା ପୁଞ୍ଜି ଭାବେ ପ୍ରଦାନ କରାଯାଇଥିବା ଏହି ଋଣ ଉପରେ ଗତ ଆର୍ଥତ୍କ ବର୍ଷର ଚତୁର୍ଥ ତ୍ରୈମାସରେ କୌଣସି ସର୍ଭିସିଂ ହୋଇ ନ ଥିବା ପ୍ରକ୍ରିୟା ସହ ଜଡିତ ଜଣେ ଅଧିକାରୀ ସୂଚନା ଦେଇଛନ୍ତି।