ବାଣିଜ୍ୟ

 ‘ମାମଲା ୨ଜି ଭଳି ମଉଳିଯିବ’

‘ମାମଲା ୨ଜି ଭଳି ମଉଳିଯିବ’

ପଞ୍ଜାବ ନ୍ୟାଶ୍‌ନାଲ୍‌ ବ୍ୟଙ୍କ ଜାଲିଆତିର ମୁଖ୍ୟ ଅଭିଯୁକ୍ତ ନୀରବ ମୋଦିଙ୍କ ଓକିଲ ବିଜୟ ଅଗ୍ରଓ୍ବାଲ୍‌ ଏକ ଚାଞ୍ଚଲ୍ୟକର ମନ୍ତବ୍ୟ ଦେଇଛନ୍ତି। ସେ କହିଛନ୍ତି ଯେ, ତାଙ୍କ କ୍ଲାଏଣ୍ଟ୍‌ଙ୍କ ବିରୋଧରେ ହୋଇଥିବା ମାମଲା ୨ଜି ଦୁର୍ନୀତି ଏବଂ ବୋଫର୍ସ ମାମଲା ଭଳି ମଉଳି ଯିବ।

କମିଟି ଗଠନ ନେଇ ଆର୍‌ବିଆଇର ନିଷ୍ପତ୍ତି

କମିଟି ଗଠନ ନେଇ ଆର୍‌ବିଆଇର ନିଷ୍ପତ୍ତି

ନୂଆଦିଲ୍ଲୀ,୨୦-୨- ବ୍ୟାଙ୍କରେ ବଢି ଚାଲିଥିବା ଠକେଇର ପ୍ରତିରୋଧ ଲାଗି ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ) ଏକ ବିଶେଷଜ୍ଞ କମିଟି ଗଠନ ଲାଗି ନିଷ୍ପତ୍ତି ନେଇଛି। ଏହି କମିଟି ଓ୍ବାଇ.ଏଚ୍‌ ମାଲେଗାମ୍‌ଙ୍କ ଅଧ୍ୟକ୍ଷତାରେ ଗଠିତ ହେବ। ମାଲେଗାମ୍‌ ପୂର୍ବରୁ ଆର୍‌ବିଆଇର କେନ୍ଦ୍ରୀୟ ବୋର୍ଡର ସଦସ୍ୟ ଭାବେ କାର୍ଯ୍ୟ କରି ସାରିଛନ୍ତି।

୨୦୨୨ ସୁଦ୍ଧା ଜୟପୁର-ମାଲକାନଗିରି  ରେଳ ଲାଇନ୍‌

୨୦୨୨ ସୁଦ୍ଧା ଜୟପୁର-ମାଲକାନଗିରି ରେଳ ଲାଇନ୍‌

ଭୁବନେଶ୍ୱର,୨୦-୨- ଜୟପୁର-ମାଲକାନଗିରି ମଧ୍ୟରେ ୧୩୦ କିମିର ନୂଆ ରେଳ ଲାଇନ ପ୍ରକଳ୍ପକୁ ମଞ୍ଜୁରୀ ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା ଅର୍ଥନୈତିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି ମଙ୍ଗଳବାର ଏହି ପ୍ରକଳ୍ପକୁ ମଞ୍ଜୁରୀ ପ୍ରଦାନ କରିଛି। ଉକ୍ତ ପ୍ରକଳ୍ପ ୨୬୭୬.୧୧ କୋଟି ଟଙ୍କା ଖର୍ଚ୍ଚରେ ନିର୍ମାଣ ହେବ। ୨୦୨୧-୨୨ ସୁଦ୍ଧା ପ୍ରକଳ୍ପ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି। ସ୍ଥାନୀୟ ରେଳ ସଦନଠାରେ ଆୟୋଜିତ ଖବରଦାତା ସମ୍ମିଳନୀରେ ପୂର୍ବତଟ ରେଳପଥ ମହାପ୍ରବନ୍ଧକ ଉମେଶ ସିଂ ଏହି ସୂଚନା ଦେଇଛନ୍ତି।

୭ ବ୍ୟାଙ୍କ ସହ କେମିତି ସମ୍ପର୍କ ରଖିଥିଲେ କୋଠାରୀ

୭ ବ୍ୟାଙ୍କ ସହ କେମିତି ସମ୍ପର୍କ ରଖିଥିଲେ କୋଠାରୀ

ନୂଆଦିଲ୍ଲୀ,୨୦-୨- ନୀରବ ମୋଦିଙ୍କ ୧୧,୪୦୦ କୋଟି ପଞ୍ଜାବ ନ୍ୟାଶନାଲ ବ୍ୟାଙ୍କ ଘୋଟାଲା ପରେ ରୋଟୋମାକ୍‌ ପେନ୍‌ କମ୍ପାନୀର ପ୍ରମୋଟର ବିକ୍ରମ କୋଠାରୀଙ୍କ ୩,୬୯୫ କୋଟି ଋଣ ମାମଲା ସାମ୍ନାକୁ ଆସିଛି। କୋଠାରୀ ୭ଟି ବ୍ୟାଙ୍କକୁ ନେଇ ଗଠିତ କନ୍‌ସୋର୍ଟିୟମ୍‌କୁ ଋଣ ଠକେଇ କରିଛନ୍ତ। ବର୍ତ୍ତମାନ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଏବଂ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ)ରେ କୋଠାରୀଙ୍କ ନାମରେ ଭିନ୍ନ ଭିନ୍ନ ମାମଲା ରୁଜୁ ହୋଇଛି।

୪ ରାଜ୍ୟର ୬ ରେଳ ପ୍ରକଳ୍ପକୁ ମଞ୍ଜୁରୀ

୪ ରାଜ୍ୟର ୬ ରେଳ ପ୍ରକଳ୍ପକୁ ମଞ୍ଜୁରୀ

ନୂଆଦିଲ୍ଲୀ,୨୦-୨- ସରକାର ମଙ୍ଗଳବାର ୪ଟି ରାଜ୍ୟର ୬ ରେଳ ପ୍ରକଳ୍ପକୁ ମଞ୍ଜୁରୀ ପ୍ରଦାନ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା ଅର୍ଥନୈତିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି(ସିସିଇଏ) ଏହି ମଞ୍ଜୁରୀ ପ୍ରଦାନ କରିଛି। ପ୍ରକଳ୍ପଗୁଡିକ ୧୧,୬୬୧ କୋଟି ଟଙ୍କା ବ୍ୟୟରେ ନିର୍ମାଣ ହେବ। ଏହା ମଧ୍ୟରେ ନୂଆ ଲାଇନ, ଲାଇନଗୁଡିକର ବିଦ୍ୟୁତୀକରଣ, ଟ୍ରାକ୍‌ର ଦୋହରୀକରଣ କରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି।

ଚୋକ୍‌ସୀଙ୍କ ବିରୋଧରେ ଠକେଇ ଅଭିଯୋଗର ତଦନ୍ତ ନିର୍ଦ୍ଦେଶ

ଚୋକ୍‌ସୀଙ୍କ ବିରୋଧରେ ଠକେଇ ଅଭିଯୋଗର ତଦନ୍ତ ନିର୍ଦ୍ଦେଶ

ନୂଆଦିଲ୍ଲୀ,୨୦-୨- ଗୀତାଞ୍ଜଳି ଜେମ୍‌ସର ପ୍ରମୋଟର ମେହୁଲ ଚୋକ୍‌ସୀଙ୍କ ବିରୋଧରେ ଆସିଥିବା ଏକ ଠକେଇ ଅଭିଯୋଗର ତଦନ୍ତ ହେବ। ଏଥି ଲାଗି ଦିଲ୍ଲୀ ଉଚ୍ଚ ନ୍ୟାୟାଳୟ ପୋଲିସକୁ ନିର୍ଦ୍ଦେଶ ଦେଇଛନ୍ତି।

ରୋଟୋମାକ୍‌ ଜାଲିଆତି:୧୧ ବ୍ୟାଙ୍କ ଖାତା ଜବତ

ରୋଟୋମାକ୍‌ ଜାଲିଆତି:୧୧ ବ୍ୟାଙ୍କ ଖାତା ଜବତ

ନୂଆଦିଲ୍ଲୀ,୨୦-୨(ପି.ଟି.) ସିବିଆଇ ଏବଂ ଇଡି ପରେ ଏବେ ଆୟ କର ବିଭାଗ ରୋଟୋମାକ୍‌ ଗ୍ରୁପ୍‌ ଏବଂ ଏହାର ପ୍ରମୋଟରମାନଙ୍କ ବିରୋଧରେ କଡା ଆଭିମୁଖ୍ୟ ପ୍ରକାଶ କରିଛି। ଟିକସ ଖିଲାପୀ ତଦନ୍ତର ଅଂଶବିଶେଷ ବିଭାଗ କମ୍ପାନୀ ତଥା ଏହା ପ୍ରମୋଟରମାନଙ୍କ ୧୧ଟି ବ୍ୟାଙ୍କ ଆକାଉଣ୍ଟକୁ ଜବତ କରିଛି। ଉତ୍ତର ପ୍ରଦେଶର ବିଭିନ୍ନ ବ୍ୟାଙ୍କ ଶାଖାରେ ଏହି ଆକାଉଣ୍ଟଗୁଡିକ ଖୋଲା ହୋଇଥିଲା। ଗ୍ରୁପ୍‌ର ତିନୋଟି ବ୍ୟାଙ୍କ ଆକାଉଣ୍ଟକୁ ଗତ ମାସରେ ବିଭାଗ ପକ୍ଷରୁ ଜବତ କରାଯାଇଥିଲା। କାନ୍‌ପୁରଭିତ୍ତିକ ଏହି କମ୍ପାନୀର ଜାଲିଆତି ମାମଲାକୁ ବର୍ତ୍ତମାନ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ଏବଂ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଯାଞ୍ଚ କରୁଛନ୍ତି। ୭ଟି ବ୍ୟାଙ୍କକୁ ନେଇ ଗଠିତ କନ୍‌ସୋର୍ଟିୟମ୍‌କୁ ରୋଟୋମାକ୍‌ ଗ୍ରୁପ୍‌ ୩,୬୯୫ କୋଟି ଟଙ୍କାର ଋଣ ଜାଲିଆତି କରିଛି।

ଫେବୃୟାରୀ ୨୩ରେ ନୀରବ ମୋଦି ମାମଲାର ଶୁଣାଣି

ଫେବୃୟାରୀ ୨୩ରେ ନୀରବ ମୋଦି ମାମଲାର ଶୁଣାଣି

ନୂଆଦିଲ୍ଲୀ, ୨୦।୨: ଆସନ୍ତା ଫେବୃୟାରୀ ୨୩ରେ ନୀରବ ମୋଦି ମାମଲାର ଶୁଣାଣି ହେବ ବୋଲି ମଙ୍ଗଳବାର ସୁପ୍ରିମ୍‌କୋର୍ଟ ସୂଚିତ କରିଛନ୍ତି। ପ୍ରଧାନ ବିଚାରପତି ଦୀପକ ମିଶ୍ରଙ୍କ ନେତୃତ୍ୱରେ ଗଠିତ ଖଣ୍ଡପୀଠ ଏହା ପ୍ରକାଶ କରିଛନ୍ତି। ଆଇନଜୀବୀ ଭିନିତ୍‌ ଧଣ୍ଡାଙ୍କ ଦ୍ୱାରା ଦାଖଲ ହୋଇଥିବା ଆବେଦନ ସମ୍ପର୍କରେ ଶୀର୍ଷ ଅଦାଲତ ପ୍ରଧାନ ବିଚାରପତି ଏହା କହିଛନ୍ତି।

ଭାରତୀୟ ବହୁଳ ଦେଶରେ ଶାଖା ଖୋଲିବ ଆଇଓବି

ଭାରତୀୟ ବହୁଳ ଦେଶରେ ଶାଖା ଖୋଲିବ ଆଇଓବି

ଭୁବନେଶ୍ୱର, ୧୯-୨(ବ୍ୟୁରୋ) ଦେଶର ଅନ୍ୟତମ ରାଷ୍ଟ୍ରାୟତ୍ତ ଆର୍ଥିକ ଅନୁଷ୍ଠାନ ଇଣ୍ଡିଆନ୍‌ ଓଭରସିଜ୍‌ ବ୍ୟାଙ୍କ(ଆଇଓବି) ଅଣୁ କ୍ଷୁଦ୍ର ଓ ମଧ୍ୟମ ଉଦ୍ୟୋଗ ସଂସ୍ଥା ଏବଂ କୃଷି କ୍ଷେତ୍ରକୁ ଅଧିକ ଋଣ ପ୍ରଦାନ କରିବା ପାଇଁ ଯୋଜନା କରୁଛି। ଏଥିପାଇଁ ବ୍ୟାଙ୍କ ଭାରତ ବିଲ୍‌ ପେମେଣ୍ଟ, ଆଇଓବି ଆଧାର ପେ’ ଭଳି ବିଭିନ୍ନ ନୂଆ ସିଷ୍ଟମ କରିଛି। ଯେଉଁ ବ୍ୟକ୍ତି ନୂତନ ଚିନ୍ତାଧାରାକୁ ବାସ୍ତବ ରୂପ ଦେଇ ଉଦ୍ୟୋଗୀ ହେବାକୁ ଚାହୁଁଛନ୍ତି ସେମାନଙ୍କୁ ଋଣ ପ୍ରଦାନ କରିବାରେ ବ୍ୟାଙ୍କ ଅଗ୍ରାଧିକାର ପ୍ରଦାନ କରିବ।

ଭୂଷଣ ଷ୍ଟିଲ ଅଧିଗ୍ରହଣ  ଲାଗି ଟାଟା, ଜେଏସଡବ୍ଲ୍ୟୁର ମିଳିତ ବିଡ୍‌

ଭୂଷଣ ଷ୍ଟିଲ ଅଧିଗ୍ରହଣ ଲାଗି ଟାଟା, ଜେଏସଡବ୍ଲ୍ୟୁର ମିଳିତ ବିଡ୍‌

ନୂଆଦିଲ୍ଲୀ,୧୯।୨- ଋଣଗ୍ରସ୍ତ ଭୂଷଣ ଷ୍ଟିଲ୍‌କୁ ଅଧିଗ୍ରହଣ କରିବା ଲାଗି ଜେଏସ୍‌ଡବ୍ଲ୍ୟୁ ଲିଭିଙ୍ଗ ପ୍ରାଇଭେଟ୍‌ ଲିମିଟେଡ୍‌ ଏବଂ ଟାଟା ଷ୍ଟିଲ୍‌ ମିଳିତ ଭାବେ ବିଡ୍‌ ଦାଖଲ କରିଛନ୍ତି।

ପିଏନ୍‌ବି ଜାଲିଆତି :ଦୀର୍ଘଦିନରୁ ଚାଲିଛି ଠକେଇ ଅଭିଯାନ

ପିଏନ୍‌ବି ଜାଲିଆତି :ଦୀର୍ଘଦିନରୁ ଚାଲିଛି ଠକେଇ ଅଭିଯାନ

ନୂଆଦିଲ୍ଲୀ,୧୯-୨ ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ(ପିଏନ୍‌ବି) ଜାଲିଆତିକୁ ନେଇ ଦିନକୁ ଦିନକୁ ଅନେକ ରୋଚକ ତଥ୍ୟ ସାମ୍ନାକୁ ଆସୁଛି। ଏବେ ଆଉ ଏକ ତଥ୍ୟ ଲୋକଲୋଚନକୁ ଆସିଛି। ନୀରବ ମୋଦି ଏବଂ ମେହୁଲ୍‌ ଚୋକ୍‌ସୀଙ୍କ ଦ୍ୱାରା ପରିଚାଳିତ ହୀରା କମ୍ପାନୀଗୁଡିକ ପାଇଁ ଋଣ ଏବଂ ଗ୍ୟାରେଣ୍ଟି ପ୍ରଦାନ କରି ଖାଲି ଯେ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ପ୍ରଭାବିତ ହୋଇନାହାନ୍ତି ତାହା ନୁହେଁ। ଏହି ଦୁଇଜଣଙ୍କ ଠକେଇର ଶିକାର ହୋଇ ୧୮ ଜଣ ବ୍ୟବସାୟୀ ଏବଂ ୨୪ଟି କମ୍ପାନୀ ଦେବାଳିଆ ହୋଇଯାଇଛନ୍ତି। ୨୦୧୩ରୁ ୨୦୧୭ ମଧ୍ୟରେ ଏମାନେ ମୋଦି ଏବଂ ଚୋକ୍‌ସୀଙ୍କ ଗହଣା ବ୍ରାଣ୍ଡର ଫ୍ରାଞ୍ଚାଇଜ ନେଇଥିଲେ। ଉଭୟଙ୍କ ଦ୍ୱାରା ରଚାଯାଇଥିବା ଜାଲିଆତି ଯୋଗୁ ଏମାନେ ଏବେ ଆର୍ଥିକ ଦେବାଳିଆ ପରିସ୍ଥିତିର ସାମ୍ନା କରୁଛନ୍ତି। ଏମାନେ ଏ ନେଇ ଅଭିଯୋଗ ଦାଖଲ କରିଛନ୍ତି। ଏଥିରୁ ଜଣାଯାଇଛି ଯେ, ଦୀର୍ଘଦିନରୁ ଏମାନେ ଲୋକମାନଙ୍କୁ ଠକି ଆସୁଥିଲେ।

୩,୬୯୫ କୋଟି ଋଣ ଘୋଟାଲା କରିଛି ରୋଟୋମାକ୍‌

୩,୬୯୫ କୋଟି ଋଣ ଘୋଟାଲା କରିଛି ରୋଟୋମାକ୍‌

ନୂଆଦିଲ୍ଲୀ,୧୯-୨- ୩,୬୯୫ କୋଟି ଟଙ୍କାର ବ୍ୟାଙ୍କ ଘୋଟାଲା ଅଭିଯୋଗରେ ରୋଟୋମାକ ପେନ୍‌ ପ୍ରାଇଭେଟ ଲିମିଟେଡ୍‌ ପ୍ରମୋଟର ବିକ୍ରମ କୋଠାରୀଙ୍କ ନାମରେ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ନିକଟରେ ଏତଲା ଦାୟର ହୋଇଛି। କୋଠାରୀ ୮୦୦ କୋଟି ଟଙ୍କାର ଋଣ ମାମଲା ସହ ଜଡିତ ଥିବା ପୂର୍ବରୁ ଆକଳନ କରାଯାଇଥିଲା। ମାତ୍ର ଏହାଠାରୁ ବଡଧରଣର ଘୋଟାଲା ହୋଇଥିବାରୁ କୋଠାରୀଙ୍କ ନାମରେ ଏତଲା ଦାୟର ହୋଇଥିବା ପ୍ରକ୍ରିୟା ସହ ଜଡିତ ସିବିଆଇର ଜଣେ ଅଧିକାରୀ ପ୍ରକାଶ କହିଛନ୍ତି। କାନପୁର ଭିତ୍ତିକ ରୋଟୋମାକ ଗ୍ଲୋବାଲ ପ୍ରାଇଭେଟ ଲିମିଟେଡ୍‌ର ନିର୍ଦ୍ଦେଶକ ଥିବା ବିକ୍ରମ କୋଠାରୀ ତାଙ୍କ ପତ୍ନୀ ସାଧନା କୋଠାରୀ, ପୁଅ ରାହୁଲ କୋଠାରୀ ଏବଂ କେତେକ ବ୍ୟାଙ୍କ ଅଧିକାରୀଙ୍କ ବିରୋଧରେ ବ୍ୟାଙ୍କ ଅଫ୍‌ ବରୋଦା ପକ୍ଷରୁ ଅଭିଯୋଗ ଆସିଛି।

ନୀରବଙ୍କ ବମ୍ବେ ବାସଗୃହ ଉପରେ ଚଢ଼ାଉ

ନୀରବଙ୍କ ବମ୍ବେ ବାସଗୃହ ଉପରେ ଚଢ଼ାଉ

ନୂଆଦିଲ୍ଲୀ,୧୯-୨- ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପକ୍ଷରୁ ନୀରବ ମୋଦିଙ୍କ ବମ୍ବେ ସ୍ଥିତ ବାସଭବନ ଉପରେ ଚଢାଉ କରାଯାଇଛି। ଲଗାତର ଭାବେ ପଞ୍ଚମ ଦିନ ଲାଗି ଇଡି ଏହାର ଚଢାଉ ଅଭିଯାନ ଜାରି ରଖିଛି। ବମ୍ବେର ଓ୍ବର୍ଲି ସ୍ଥିତ ସମୁଦ୍ର ମହଲ ବଙ୍ଗଳା ଉପରେ ଇଡି ଅଧିକାରୀମାନେ ଚଢାଉ କରିଥିଲେ। ଅପର ପକ୍ଷରେ ବମ୍ବେ, ପୁଣେ, ଔରଙ୍ଗାବାଦ, ଥାନେ, କଲିକତା, ଦିଲ୍ଲୀ, ଲକ୍ଷ୍ନୌ, ବାଙ୍ଗାଲୋର ଏବଂ ସୁରଟ ଭଳି ସହରର ୩୪ ସ୍ଥାନରେ ଛାନଭିନ୍‌ ଜାରି ରଖାଯାଇଛି।

ରାଷ୍ଟ୍ରାୟତ୍ତ ବ୍ୟାଙ୍କ ଘରୋଇକରଣ ହେଉ: ଫିକି

ରାଷ୍ଟ୍ରାୟତ୍ତ ବ୍ୟାଙ୍କ ଘରୋଇକରଣ ହେଉ: ଫିକି

ନୂଆଦିଲ୍ଲୀ,୧୯-୨- ରାଷ୍ଟ୍ରାୟତ୍ତ ବ୍ୟାଙ୍କଗୁଡିକର ଘରୋଇକରଣ ପ୍ରସଙ୍ଗକୁ ସରକାର ବିଚାର କରିବା ଆବଶ୍ୟକ। ଗତ ୧୧ ବର୍ଷ ମଧ୍ୟରେ ସରକାର ରାଷ୍ଟ୍ରାୟତ୍ତ ବ୍ୟାଙ୍କଗୁଡିକୁ ୨.୬ ଲକ୍ଷ କୋଟି ଟଙ୍କାର ଆର୍ଥତ୍କ ପ୍ୟାକେଜ ପ୍ରଦାନ କରିଛନ୍ତି। ମାତ୍ର ବ୍ୟାଙ୍କଗୁଡିକ ସେମାନଙ୍କ ସ୍ଥିତି ସମ୍ଭାଳିବାକୁ ସକ୍ଷମ ହୋଇନାହାନ୍ତି। ଏହା ରାଜକୋଷ ଉପରେ ପ୍ରଭାବ ପକାଉଛି।

ଟପ୍‌ ମ୍ୟାନେଜମେଣ୍ଟକୁ ତଦନ୍ତ ପରିସରକୁ ଅଣାଯାଉ:ଏଆଇବିଇଏ

ଟପ୍‌ ମ୍ୟାନେଜମେଣ୍ଟକୁ ତଦନ୍ତ ପରିସରକୁ ଅଣାଯାଉ:ଏଆଇବିଇଏ

ନୂଆଦିଲ୍ଲୀ,୧୯-୨- ପିଏନ୍‌ବି ମାମଲାର ତଦନ୍ତ ଶେଷ ତଥା ଉତ୍ତରଦାୟିତ୍ୱ ପ୍ରଦାନ ନ ହେଲା ଯାଏ ବ୍ୟାଙ୍କର ଶୀର୍ଷ ମ୍ୟାନେଜମେଣ୍ଟକୁ କାର୍ଯ୍ୟରୁ ବାହାରେ ରଖାଯିବା ଆବଶ୍ୟକ ବୋଲି ସର୍ବଭାରତୀୟ ବ୍ୟାଙ୍କ କର୍ମଚାରୀ ସଂଘ (ଏଆଇବିଇଏ) ପ୍ରକାଶ କରିଛି।

ପିଏନ୍‌ବି, ଅର୍ଥ ମନ୍ତ୍ରଣାଳୟ ଅଧିକାରୀଙ୍କୁ ଭେଟିଲେ ସିଭିସି

ପିଏନ୍‌ବି, ଅର୍ଥ ମନ୍ତ୍ରଣାଳୟ ଅଧିକାରୀଙ୍କୁ ଭେଟିଲେ ସିଭିସି

ନୂଆଦିଲ୍ଲୀ,୧୯-୨- କେନ୍ଦ୍ରୀୟ ଭିଜିଲାନ୍ସ ଆୟୁକ୍ତ କେ.ଭି. ଚୌଧୁରୀ ୧୧,୪୦୦ କୋଟି ଟଙ୍କାର ଋଣ ଘୋଟାଲା ମାମଲାରେ ପିଏନ୍‌ବି ଏବଂ ଅର୍ଥ ମନ୍ତ୍ରଣାଳୟ ଅଧିକାରୀମାନଙ୍କୁ ଭେଟିଛନ୍ତି।

ପିଏନବି ଘୋଟାଲା: ଏସଆଇଟି ତଦନ୍ତ ଲାଗି ସୁପ୍ରିମକୋର୍ଟରେ ଦୁଇ ଆବେଦନ

ପିଏନବି ଘୋଟାଲା: ଏସଆଇଟି ତଦନ୍ତ ଲାଗି ସୁପ୍ରିମକୋର୍ଟରେ ଦୁଇ ଆବେଦନ

ନୂଆଦିଲ୍ଲୀ,୧୯-୨- ପିଏନବି ମାମଲାର ସ୍ବତନ୍ତ୍ର ତଦନ୍ତକାରୀ ଦଳ(ଏସ୍‌ଆଇଟି) ଦ୍ୱାରା ତଦନ୍ତ ଲାଗି ସୁପ୍ରିମକୋର୍ଟରେ ଦୁଇଟି ଭିନ୍ନ ଭିନ୍ନ ଆବେଦନ ହୋଇଛି। ମାମଲାରେ ଜଡିତ ଥିବା ନୀରବ ମୋଦି, ମେହୁଲ ଚୋକ୍ସି ଏବଂ ପିଏନବିର ବଡ ବଡ ଅଧିକାରୀଙ୍କ ବିରୋଧରେ ତଦନ୍ତ ଲାଗି ଆବେଦନରେ ଉଲ୍ଲେଖ କରାଯାଇଛି।

ଇଞ୍ଜିନିୟରିଂ ଛାତ୍ରଙ୍କୁ ବି ଠକିଛନ୍ତି ଚୋକ୍‌ସୀ

ଇଞ୍ଜିନିୟରିଂ ଛାତ୍ରଙ୍କୁ ବି ଠକିଛନ୍ତି ଚୋକ୍‌ସୀ

ନୂଆଦିଲ୍ଲୀ,୧୯-୨ ପିଏନ୍‌ବି ଠକେଇ ମାମଲାରେ ଜଡିତ ଗୀତାଞ୍ଜଳି ଜେମ୍‌ସ ଜୁଏଲେରୀର ଅଧ୍ୟକ୍ଷ ତଥା ଏମ୍‌ଡି ମେହୁଲ୍‌ ଚୋକ୍‌ସୀଙ୍କ ନାମରେ ଏଫ୍‌ଆଇଆର୍‌ ନୂଆ କଥା ନୁହେଁ। ବହୁ ପୂର୍ବରୁ ସେ ଠକେଇ ବ୍ୟାପାରରେ ଜଡିତ ଅଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ଜୟପୁରସ୍ଥିତ ରାଜସ୍ଥାନ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଇଞ୍ଜିନିୟରିଂ ଆଣ୍ଡ୍‌ ଟେକ୍ନୋଲୋଜି(ଆର୍‌ଆଇଇଟି)ର ୭ ଜଣ ଇଞ୍ଜିନିୟରିଂ ଗ୍ରାଜୁଏଟ୍‌ ୨୦୧୭ରେ ଚୋକ୍‌ସୀଙ୍କ ନାମରେ ଏଫ୍‌ଆଇଆର୍‌ ଦେଇଥିଲେ।

ବ୍ୟାଙ୍କିଙ୍ଗ ବ୍ୟବସ୍ଥାରେ ତ୍ରୁଟି ନେଇ ଆର୍‌ବିଆଇର ମତ ଲୋଡିଲା ଅର୍ଥ ମନ୍ତ୍ରଣାଳୟ

ବ୍ୟାଙ୍କିଙ୍ଗ ବ୍ୟବସ୍ଥାରେ ତ୍ରୁଟି ନେଇ ଆର୍‌ବିଆଇର ମତ ଲୋଡିଲା ଅର୍ଥ ମନ୍ତ୍ରଣାଳୟ

ନୂଆଦିଲ୍ଲୀ,୧୯-୨(ପି.ଟି.) ବ୍ୟାଙ୍କିଙ୍ଗ ବ୍ୟବସ୍ଥାରେ ଥିବା ତ୍ରୁଟି ଯୋଗୁ ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ(ପିଏନ୍‌ବି)ରେ ୧୧,୪୦୦ କୋଟି ଟଙ୍କାର ଜାଲିଆତି ହୋଇଛି। ଏହା ଉପରେ ଅର୍ଥ ମନ୍ତ୍ରଣାଳୟ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)ର ମତ ଲୋଡିଛି। ଏଭଳି ଘଟଣାଗୁଡିକୁ ରୋକିବା ପାଇଁ କି ପ୍ରକାର ପଦକ୍ଷେପ ନିଆଯିବାର ଆବଶ୍ୟକତା ରହିଛି ତାହା ଉପରେ ମତ ଦେବା ପାଇଁ ସର୍ବୋଚ୍ଚ ବ୍ୟାଙ୍କକୁ କୁହାଯାଇଛି।

ଗୀତାଞ୍ଜଳି ଛାଡୁଛନ୍ତି ବରିଷ୍ଠ ଅଧିକାରୀ

ଗୀତାଞ୍ଜଳି ଛାଡୁଛନ୍ତି ବରିଷ୍ଠ ଅଧିକାରୀ

ନୂଆଦିଲ୍ଲୀ,୧୯-୨ ପିଏନ୍‌ବି ଠକେଇ ମାମଲା ସାମ୍ନାକୁ ଆସିବା ପରେ ଏଥିରେ ଜଡିତ ମେହୁଲ୍‌ ଚୋକ୍‌ସୀଙ୍କ କମ୍ପାନୀ ଗୀତାଞ୍ଜଳି ଜେମ୍ସରୁ ଦୁଇ ବରିଷ୍ଠ ଅଧିକାରୀଙ୍କ ସହ ଜଣେ ବୋର୍ଡ ସଦସ୍ୟ ଇସ୍ତଫା ଦେଇଛନ୍ତି। କମ୍ପାନୀର ମୁଖ୍ୟ ବିତ୍ତ ଅଧିକାରୀ ଚନ୍ଦ୍ରକାନ୍ତ କର୍କରେ, ଉପ ସଭାପତି( କମ୍ପ୍ଲିଆନ୍ସ ଏବଂ କମ୍ପାନୀ ସେକ୍ରେଟାରୀ) ପଙ୍ଖୁରୀ ଓ୍ବାରେଞ୍ଜ ଏବଂ ବୋର୍ଡ ସଦସ୍ୟ କ୍ରିଷ୍ଣନ୍‌ ସାଙ୍ଗରେଶ୍ୱରନ୍‌ ଇସ୍ତଫା ଦେଇଛନ୍ତି। କମ୍ପାନୀ ପକ୍ଷରୁ ଏକ ବିବୃତିରେ ଏହା କୁହାଯାଇଛି।

ସିଲ୍‌ ହେଲା ପିଏନ୍‌ବିର ବମ୍ବେ ଶାଖା

ସିଲ୍‌ ହେଲା ପିଏନ୍‌ବିର ବମ୍ବେ ଶାଖା

ନୂଆଦିଲ୍ଲୀ,୧୯-୨ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ସୋମବାର ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ(ପିଏନ୍‌ବି)ର ବମ୍ବେସ୍ଥିତ ବ୍ରାଡି ରୋଡ୍‌ ଶାଖାକୁ ସିଲ୍‌ କରିଦେଇଛି। ଏହି ଶାଖାରେ ହିଁ ବିଲିୟନେୟାର୍‌ ଗହଣା ବ୍ୟବସାୟୀ ନୀରବ ମୋଦି ୧୧,୪୦୦ କୋଟି ଟଙ୍କାର ଠକେଇ ରଚିଥିଲେ। ଦେଶର ବ୍ୟାଙ୍କିଙ୍ଗ ଇତିହାସରେ ଏହା ସର୍ବବୃହତ୍‌ ଠକେଇ। ଜାଲ୍‌ ଲେଟର୍‌ ଅଫ୍‌ ଅଣ୍ଡର୍‌ଟେକିଂ(ଏଲ୍‌ଓୟୁ) ମାଧ୍ୟମରେ ମୋଦି ଏତେ ବଡ ପରିମାଣର ଋଣ ନେଇ ଫେରାର୍‌ ହୋଇଯାଇଥିବାବେଳେ ମାମଲାରେ ପିଏନ୍‌ବିର ଦୁଇଜଣ କର୍ମଚାରୀଙ୍କ ସହ ନୀରବ ମୋଦି କମ୍ପାନୀର ଜଣଙ୍କୁ ଗିରଫ କରାଯାଇଛି। ସାମ୍ପ୍ରତିକ ପରିସ୍ଥିତିକୁ ଦୃଷ୍ଟିରେ ରଖି ଉପରୋକ୍ତ ଶାଖାକୁ ବର୍ତ୍ତମାନ ପାଇଁ ବନ୍ଦ ରଖାଯାଇଛି।

ପୂର୍ବତନ ବ୍ୟାଙ୍କ ଅଧିକାରୀ ଦେଇଥିଲେ ପାସ୍‌ଓ୍ବାର୍ଟ

ପୂର୍ବତନ ବ୍ୟାଙ୍କ ଅଧିକାରୀ ଦେଇଥିଲେ ପାସ୍‌ଓ୍ବାର୍ଟ

ସିବିଆଇ ପାଖରେ ଗୋକୁଳନାଥ ସେଟ୍ଟି ମୁହଁ ଖୋଲିଛନ୍ତି। ସେ ନୀରବ ମୋଦିଙ୍କ ଫାର୍ମକୁ ଏକ ପାସ୍‌ଓ୍ବାର୍ଡ ପ୍ରଦାନ କରିଛନ୍ତି ବୋଲି କହିଛନ୍ତି। ପିଏନ୍‌ବି ଘୋଟାଲାରେ ସିବିଆଇ ସେଟ୍ଟିଙ୍କୁ ଜେରା କରୁଥିବା ବେଳେ ସେ ଏହା ପ୍ରକାଶ କରିଛନ୍ତି। ସେ କହିଛନ୍ତି, ସୋସାଇଟି ଫର୍‌ ଓ୍ବାର୍ଲଡ୍‌ଓ୍ବାଇଡ୍‌ ଇଣ୍ଟରବ୍ୟାଙ୍କ ଟେଲିକମ୍ୟୁନିକେଶନ(ସ୍ବିଫ୍ଟ୍‌) ସିଷ୍ଟମ ପାଇଁ ବେଆଇନ୍‌ ଭାବେ ଲେବଲ-୫ ପାସ୍‌ଓ୍ବାର୍ଡ ହାତେଇଥିଲେ।

ବନ୍ଦ ହେଲା ପିଏନ୍‌ବିର ବମ୍ବେ ଶାଖା

ବନ୍ଦ ହେଲା ପିଏନ୍‌ବିର ବମ୍ବେ ଶାଖା

ନୂଆଦିଲ୍ଲୀ,୧୯-୨ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ସୋମବାର ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ(ପିଏନ୍‌ବି)ର ବମ୍ବେସ୍ଥିତ ବ୍ରାଡି ରୋଡ୍‌ ଶାଖାକୁ ସିଲ୍‌ କରିଦେଇଛି। ଏହି ଶାଖାରୁ ହିଁ ବିଲିୟନେୟାର୍‌ ଗହଣା ବ୍ୟବସାୟୀ ନୀରବ ମୋଦି ୧୧,୩୦୦ କୋଟି ଟଙ୍କାର ଠକେଇ କରିଥିଲେ। ଦେଶର ବ୍ୟାଙ୍କିଙ୍ଗ ଇତିହାସରେ ଏହା ସର୍ବବୃହତ୍‌ ଜାଲିଆତି। ଜାଲ୍‌ ଲେଟର୍‌ ଅଫ୍‌ ଅଣ୍ଡର୍‌ଟେକିଂ(ଏଲ୍‌ଓୟୁ) ମାଧ୍ୟମରେ ମୋଦି ଏତେ ବଡ ପରିମାଣର ଋଣ ନେଇ ଫେରାର୍‌ ହୋଇଯାଇଥିବାବେଳେ ମାମଲାରେ ପିଏନ୍‌ବିର ଦୁଇଜଣ କର୍ମଚାରୀଙ୍କ ସହ ନୀରବ ମୋଦି କମ୍ପାନୀର ଜଣଙ୍କୁ ଗିରଫ କରାଯାଇଛି।

ଆଉ ଜଣେ ନୀରବ ମୋଦି, ଦେଶ ଛାଡିଲେ ରୋଟୋମାକ୍‌ ପେନ୍‌ ପ୍ରତିଷ୍ଠାତା

ଆଉ ଜଣେ ନୀରବ ମୋଦି, ଦେଶ ଛାଡିଲେ ରୋଟୋମାକ୍‌ ପେନ୍‌ ପ୍ରତିଷ୍ଠାତା

ନୂଆଦିଲ୍ଲୀ,୧୯-୨ ପିଏନବି ମାମଲାରେ ହିରା ବ୍ୟବସାୟୀ ନୀରବ ମୋଦି ଦେଶ ଛାଡିଥିବା ବେଳେ ପୁଣି ଏହି ଭଳି ଏକ ଘଟଣା ସାମ୍ନାକୁ ଆସିଛି। ରୋଟୋମାକ୍‌ ପେନର ପ୍ରମୋଟର ବିକ୍ରମ କୋଠାରୀ ଦେଶ ଛାଡିଥିବା ଘଟଣା ଗଣମାଧ୍ୟମରେ ପ୍ରକାଶ ପାଇଛି।