ବାଣିଜ୍ୟ

ପିଏନ୍‌ବି ଜାଲିଆତି, ଭୂତ କମ୍ପାନୀଗୁଡ଼ିକ ଉପରେ ଚଢ଼ାଉ

ପିଏନ୍‌ବି ଜାଲିଆତି, ଭୂତ କମ୍ପାନୀଗୁଡ଼ିକ ଉପରେ ଚଢ଼ାଉ

ବମ୍ବେ/ନୂଆଦିଲ୍ଲୀ,୨୧ା୨(ପି.ଟି.) ପଞ୍ଜାବ ନ୍ୟାଶ୍‌ନାଲ୍‌ ବ୍ୟାଙ୍କ(ପିଏନ୍‌ବି) ଜାଲିଆତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ସପ୍ତମ ଦିନ ପାଇଁ ଏହାର ଚଢ଼ାଉ ଅଭିଯାନ ଜାରି ରଖିଛି। ବୁଧବାର ଏହା ଦେଶର ୧୭ଟି ସ୍ଥାନରେ ଚଢ଼ାଉ କରିଛି। ବମ୍ବେରେ ଥବା ୪ଟି ଭୂତ କମ୍ପାନୀ ଉପରେ ଚଢ଼ାଉ ହୋଇଛି। ତା’ସହିତ ମାମଲାର ମୁଖ୍ୟ ଅଭିଯୁକ୍ତ ନୀରବ ମୋଦିଙ୍କ ଏକ ବିଳାସମୟ ଫାର୍ମହାଉସ୍‌କୁ ସିବିଆଇ ପକ୍ଷରୁ ଜବତ କରାଯାଇଛି। ଏହି ଫାର୍ମ ହାଉସ୍‌ ବମ୍ବେ ନିକଟବର୍ତ୍ତୀ ଅଲିବାଗ୍‌ ଅଞ୍ଚଳରେ ରହିଛି। ୧.୫ ଏକର ଏହି ଫାର୍ମ ହାଉସ୍‌କୁ ୨୦୦୪ରେ ମୋଦି ୩୨ କୋଟି ଟଙ୍କାରେ କିଣିଥିଲେ। ନିଜର ମୂଲ୍ୟବାନ ଗହଣା କଲେକ୍ସନ୍‌କୁ କ୍ଲାଏଣ୍ଟମାନଙ୍କୁ ଦେଖାଇବା ପାଇଁ ଏହି ଫାର୍ମ ହାଉସ୍‌କୁ ବ୍ୟବହାର କରାଯାଉଥିଲା। ଅନ୍ୟପକ୍ଷରେ, ଜାଲିଆତିରେ ସଂପୃକ୍ତ ଥିବା ଅଭିଯୋଗରେ ପିଏନ୍‌ବି ମୁଖ୍ୟ କାର୍ଯ୍ୟାଳୟରେ ଅବସ୍ଥାପିତ ଜଣେ ଜେନେରାଲ ମ୍ୟାନେଜର(ଜିଏମ୍‌)ଙ୍କୁ ସିବିଆଇ ବୁଧବାର ଗିରଫ କରିଛି। ସେ ହେଉଛନ୍ତି ରାଜେଶ ଜିନ୍ଦଲ।

କର୍ମଚାରୀଙ୍କୁ ଦରମା ଦେଇପାରିବେନି ନୀରବ ଅନ୍ୟତ୍ର ଚାକିରି ଦେଖିବାକୁ ପରାମର୍ଶ

କର୍ମଚାରୀଙ୍କୁ ଦରମା ଦେଇପାରିବେନି ନୀରବ ଅନ୍ୟତ୍ର ଚାକିରି ଦେଖିବାକୁ ପରାମର୍ଶ

ନୂଆଦିଲ୍ଲୀ,୨୧-୨ ପିଏନ୍‌ବି ଜାଲିଆତି ମାମଲାରେ ଛନ୍ଦି ହୋଇଥିବା ହୀରା ବ୍ୟବସାୟୀ ନୀରବ ମୋଦି ଭାରତରେ କାର୍ଯ୍ୟରତ ତାଙ୍କର କର୍ମଚାରୀମାନଙ୍କୁ ବୁଧବାର ଏକ ଇ-ମେଲ ଲେଖିଛନ୍ତି। ବର୍ତ୍ତମାନ ସେ ନିଜ କର୍ମଚାରୀଙ୍କୁ ଦରମା ଦେଇପାରିବେ ନାହିଁ। ତେଣୁ ଅନ୍ୟତ୍ର ଚାକିରି ଖୋଜିବା ପାଇଁ କର୍ମଚାରୀମାନଙ୍କୁ ସେ ଏହି ଇ-ମେଲ୍‌ ଜରିଆରେ ପରାମର୍ଶ ଦେଇଛନ୍ତି। ତାଙ୍କର ସମ୍ପତ୍ତିଗୁଡିକ ତଦନ୍ତ ଏଜେନ୍ସିଗୁଡିକ ଜବତ କରୁଥିବାବେଳେ ଆୟ କର ବିଭାଗ ତାଙ୍କ କମ୍ପାନୀର ବ୍ୟାଙ୍କ ଆକାଉଣ୍ଟଗୁଡିକୁ ଅଚଳ କରିଦେଇଥିବାରୁ ସେ ଦରମା ଦେବା ପାଇଁ ଏବେ ସକ୍ଷମ ନୁହନ୍ତି ବୋଲି କର୍ମଚାରୀମାନଙ୍କୁ ଜଣାଇଛନ୍ତି।

ରୋଟୋମାକର କାନପୁର, ଅହମ୍ମଦାବାଦ ସମ୍ପତ୍ତି ଜବତ

ରୋଟୋମାକର କାନପୁର, ଅହମ୍ମଦାବାଦ ସମ୍ପତ୍ତି ଜବତ

ନୂଆଦିଲ୍ଲୀ,୨୧ା୨(ପି.ଟି.) ଆୟକର ବିଭାଗ ବୁଧବାର ରୋଟୋମାକ୍‌ ଗ୍ରୁପର ୪ ସ୍ଥାବର ସମ୍ପତିକୁ ଜବତ କରିଛି। ରୋଟୋମାକ୍‌ ପ୍ରମୋଟର ବିକ୍ରମ କୋଠାରୀଙ୍କ ବିରୋଧରେ ଦାଏର୍‌ ହୋଇଥିବା ଟିକସ ଫାଙ୍କି ଅଭିଯୋଗକୁ ଭିତ୍ତି କରି ଏହି କାର୍ଯ୍ୟାନୁଷ୍ଠାନ ନିଆଯାଇଛି। ଏହି ୪ଟି ସମ୍ପତ୍ତି ମଧ୍ୟରୁ ୩ଟି କାନ୍‌ପୁରରେ ଥିବାବେଳେ ଗୋଟିଏ ଅହମ୍ମଦାବାଦରେ ରହିଛି। ଚଳିତ ସପ୍ତାହ ପ୍ରାରମ୍ଭରେ ବିଭାଗ ରୋଟୋମାକ୍‌ ଗ୍ରୁପ୍‌ର ୧୪ଟି ବ୍ୟାଙ୍କ ଖାତାକୁ ଅଚଳ କରିଥିଲା।

ମହାପ୍ରବନ୍ଧକ ପାହ୍ୟା ଅଧିକାରୀ ଗିରଫ

ମହାପ୍ରବନ୍ଧକ ପାହ୍ୟା ଅଧିକାରୀ ଗିରଫ

ନୂଆଦିଲ୍ଲୀ,୨୧-୨(ପି.ଟି.) ଏଠାରେ ଥିବା ପଞ୍ଜାବ ନ୍ୟାଶ୍‌ନାଲ୍‌ ବ୍ୟାଙ୍କର ମୁଖ୍ୟ କାର୍ଯ୍ୟାଳୟରେ ଅବସ୍ଥାପିତ ଜଣେ ମହାପ୍ରବନ୍ଧକ ପାହ୍ୟାର ଅଧିକାରୀଙ୍କୁ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ବୁଧବାର ଗିରଫ କରିଛି। ବିଲିୟନେୟାର ଗହଣା ବ୍ୟବସାୟୀ ନୀରବ ମୋଦି ଏବଂ ତାଙ୍କ ବ୍ୟବସାୟିକ ସହଯୋଗି ମେହୁଲ୍‌ ଚୋକ୍‌ସୀ ଭିଆଇଥିବା ୧୧,୪୦୦ କୋଟି ଟଙ୍କାର ଜାଲିଆତି ମାମଲାରେ ତାଙ୍କର ସମ୍ପୃକ୍ତି ଥିବା ସନ୍ଦେହରେ ତାଙ୍କୁ ଗିରଫ କରାଯାଇଛି।

ପିଏନ୍‌ବିରୁ ୫୦୦୦ ଟଙ୍କାର କାର ଋଣ ନେଇଥିଲେ ଲାଲ୍‌ ବାହାଦୂର ଶାସ୍ତ୍ରୀ

ପିଏନ୍‌ବିରୁ ୫୦୦୦ ଟଙ୍କାର କାର ଋଣ ନେଇଥିଲେ ଲାଲ୍‌ ବାହାଦୂର ଶାସ୍ତ୍ରୀ

ନୂଆଦିଲ୍ଲୀ,୨୧-୨ ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ(ପିଏନ୍‌ବି)ରୁ କୋଟି କୋଟି ଟଙ୍କାର ଋଣ ନେଇ ଫେରାର୍‌ ହୋଇଯାଇଛନ୍ତି ହୀରା ବ୍ୟବସାୟୀ ନୀରବ ମୋଦି। କିନ୍ତୁ ଦେଶର ବ୍ୟାଙ୍କିଙ୍ଗ୍‌ ଇତିହାସରେ ଏଭଳି କିଛି ଋଣକର୍ତ୍ତା ଥିଲେ, ଯେଉଁମାନେ ଋଣ ପରିଶୋଧ କରିବାରେ ଅନ୍ୟମାନଙ୍କ ପାଇଁ ଉଦାହରଣ ହୋଇ ରହିବେ। ସେଭଳି ଜଣେ ଋଣକର୍ତ୍ତା ଥିଲେ ଦେଶର ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତଃ ଲାଲ୍‌ ବାହାଦୂର ଶାସ୍ତ୍ରୀ। ପିଏନ୍‌ବିରୁ ସେ ୫,୦୦୦ ଟଙ୍କାର ଋଣ ନେଇ ଏକ ଫିଆଟ୍‌ କାର୍‌ କିଣିଥିଲେ। ଋଣ ନେବାର ପରବର୍ତ୍ତୀ ବର୍ଷ ତାସକେଣ୍ଟଠାରେ ତାଙ୍କର ମୃତ୍ୟୁ ହୋଇଥିଲା। ମୃତ୍ୟୁ ପରେଅବଶିଷ୍ଟ ଋଣରାଶିକୁ ଶୁଝିଥିଲେ ତାଙ୍କର ବିଧବା ପତ୍ନୀ।

 ଇପିଏଫ୍‌ଓ ସୁଧ ହାର ହ୍ରାସ

ଇପିଏଫ୍‌ଓ ସୁଧ ହାର ହ୍ରାସ

ନୂଆଦିଲ୍ଲୀ,୨୧ା୨ ୨୦୧୭-୧୮ ଆର୍ଥିକବର୍ଷ ପାଇଁ କର୍ମଚାରୀ ଭବିଷ୍ୟନିଧି ପାଣ୍ଠି ସଂଗଠନ(ଇପିଏଫ୍‌ଓ) ଏହାର ୫ କୋଟି ସଦସ୍ୟଙ୍କ ପାଇଁ ୮.୫୫% ସୁଧ ହାର ଘୋଷଣା କରିଛି।

ଆଦିତ୍ୟ ହ୍ୟୁଣ୍ଡାଇରେ ନୂଆ ଏଲାଇଟ୍‌ ଆଇ ୨୦

ଆଦିତ୍ୟ ହ୍ୟୁଣ୍ଡାଇରେ ନୂଆ ଏଲାଇଟ୍‌ ଆଇ ୨୦

ଭୁବନେଶ୍ୱର,୨୧-୨ ହ୍ୟୁଣ୍ଡାଇ କମ୍ପାନୀ ପାଇଁ ରାଜ୍ୟର ପ୍ରମୁଖ ଡିଲର ଆଦିତ୍ୟ ହ୍ୟୁଣ୍ଡାଇରେ କମ୍ପାନୀର ବହୁ ଲୋକପ୍ରିୟ ପ୍ରିମିୟମ୍‌ କମ୍ପାକ୍ଟ କାର ‘ଦ ନ୍ୟୁ ଏଲାଇଟ୍‌ ଆଇ୨୦’ର ବଜାର ପ୍ରବେଶ ହୋଇଯାଇଛି। ଆଦିତ୍ୟ ହ୍ୟୁଣ୍ଡାଇର ଏମ୍‌ଡି ଆଦିତ୍ୟ ପାତ୍ର ଏବଂ ସହକାରୀ ଉପସଭାପତି ହରମୋହନ ମହାନ୍ତି ଏବଂ ଅନ୍ୟ କର୍ମକର୍ତ୍ତାଙ୍କ ଉପସ୍ଥିତିରେ ଏହାର ଉନ୍ମୋଚନ କରାଯାଇଥିଲା। ପ୍ରିମିୟମ୍‌, ସ୍ପୋର୍ଟି ଏବଂ ଷ୍ଟାଇଲିସ୍‌ ଡିଜାଇନ୍‌ ସହ ହାଇଟେକ୍‌ ବୈଶିଷ୍ଟ୍ୟ ଏହାକୁ ସ୍ବତନ୍ତ୍ର କରୁଛି। ନିରାପତ୍ତା ବୈଶିଷ୍ଟ୍ୟ ମଧ୍ୟ ଆକର୍ଷକ ରହିଛି।

କେମିତି ଥିଲା ପିଏନ୍‌ବି ଠକେଇ

କେମିତି ଥିଲା ପିଏନ୍‌ବି ଠକେଇ

ନୂଆଦିଲ୍ଲୀ,୨୧-୨- ଦୀର୍ଘ ୭ ବର୍ଷ ଧରି ପଞ୍ଜାବ ନ୍ୟାଶନାଲ ବ୍ୟାଙ୍କରୁ ଠକେଇ ହେଉଥିବା ବେଳେ ଏହା କିଭଳି ସାମ୍ନାକୁ ଆସିଲା ନାହିଁ, ତାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। ଏହି ମାମଲାରେ ଦିନକୁ ଦିନ ଅନେକ ରୋଚକ ତଥ୍ୟ ସାମ୍ନାକୁ ଆସୁଛି। ବାଂଲାଦେଶର ଜାତୀୟ ବ୍ୟାଙ୍କ ଉପରେ ସାଇବର ଆକ୍ରମଣ ପରେ ୫୨୫ କୋଟି ଟଙ୍କାର କ୍ଷତି ହେବା ପରେ ପିଏନ୍‌ବିରେ ଏହିଭଳି ମାମଲା ସମଗ୍ର ବ୍ୟାଙ୍କିଙ୍ଗ୍‌ ଶିଳ୍ପ ଉପରେ ପ୍ରଭାବ ପକାଇଛି।

 ଅତୁଲ ମିଶ୍ର ଜେଏସପିଏଲ ଅନୁଗୋଳର ନୂତନ କାର୍ଯ୍ୟନିର୍ବାହୀ ନିର୍ଦ୍ଦେଶକ

ଅତୁଲ ମିଶ୍ର ଜେଏସପିଏଲ ଅନୁଗୋଳର ନୂତନ କାର୍ଯ୍ୟନିର୍ବାହୀ ନିର୍ଦ୍ଦେଶକ

ଭୁବନେଶ୍ୱର,୨୧-୨ ଅନୁଗୋଳ ସ୍ଥିତ ଜିନ୍ଦଲ ଷ୍ଟିଲ ଆଣ୍ଡ୍‌ ପାଓ୍ବାର ଲିମିଟେଡ୍‌ (ଜେଏସ୍‌ପିଏଲ୍‌) ୟୁନିଟ୍‌ର ନୂତନ କାର୍ଯ୍ୟନିର୍ବାହୀ ନିର୍ଦ୍ଦେଶକ(ଇଡି) ତଥା ମୁଖ୍ୟ ଭାବେ ଅତୁଲ ମିଶ୍ର ଯୋଗ ଦେଇଛନ୍ତି। ମିଶ୍ର ଜଣେ ପ୍ରମୁଖ ଇସ୍ପାତ ବିଶେଷଜ୍ଞ ହୋଇଥିବା ବେଳେ ଅନୁଗୋଳୟୁନିଟର ଧାର୍ଯ୍ୟ ୬ ନିୟୁତ ଟନ୍‌ ଉତ୍ପାଦନ କ୍ଷମତା ହାସଲ ଲକ୍ଷ୍ୟ ଦିଗରେ କାର୍ଯ୍ୟ କରିବେ।

ଏୟାରଟେଲ୍‌-ଏଚ୍‌ଏମ୍‌ଡି ଗ୍ଲୋବାଲ୍‌ ସହଭାଗିତା

ଏୟାରଟେଲ୍‌-ଏଚ୍‌ଏମ୍‌ଡି ଗ୍ଲୋବାଲ୍‌ ସହଭାଗିତା

ଭୁବନେଶ୍ୱର,୨୧-୨ ଦେଶର ପ୍ରମୁଖ ଟେଲିକମ୍‌ ସେବା ପ୍ରଦାନକାରୀ ଭାରତୀ ଏୟାରଟେଲ୍‌ ଏବଂ ନୋକିଆ ବ୍ରାଣ୍ଡ୍‌ରେ ହ୍ୟାଣ୍ଡ୍‌ସେଟ୍‌ ପ୍ରସ୍ତୁତ କରୁଥିବା ଏଚ୍‌ଏମ୍‌ଡି ଗ୍ଲୋବାଲ୍‌ ମଧ୍ୟରେ ସହଭାଗିତା ହୋଇଛି। ଏହା ଜରିଆରେ ଗ୍ରାହକମାନେ ବ୍ୟୟସାପେକ୍ଷ ମୂଲ୍ୟରେ ୪ଜି ସ୍ମାର୍ଟଫୋନ୍‌ ପାଇବେ ା ଏହି ସହଭାଗିତା ଏୟାରଟେଲ୍‌ର ‘ମେରା ପେହେଲା ସ୍ମାର୍ଟଫୋନ୍‌’ ଅଭିଯାନର ଏକ ଅଂଶ ା

ଉତ୍ତରପ୍ରଦେଶରେ ୧୦ ହଜାର କୋଟି ନିବେଶ କରିବ ଜିଓ

ଉତ୍ତରପ୍ରଦେଶରେ ୧୦ ହଜାର କୋଟି ନିବେଶ କରିବ ଜିଓ

ଲକ୍ଷ୍ନୌ, ୨୧।୨: ଉତ୍ତରପ୍ରଦେଶରେ ଆସନ୍ତା ୩ ବର୍ଷ ମଧ୍ୟରେ ଜିଓ ୧୦ ହଜାର କୋଟି ଟଙ୍କା ନିବେଶ କରିବ। ଏ ସମ୍ପର୍କରେ ରିଲାଏନ୍ସ୍‌ ଇଣ୍ଡଷ୍ଟ୍ରି ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀ ବୁଧବାର ସୂଚିତ କରିଛନ୍ତି।

ପେନ୍‌ ସମ୍ରାଟରୁ ଋଣ ଖିଲାପକାରୀ

ପେନ୍‌ ସମ୍ରାଟରୁ ଋଣ ଖିଲାପକାରୀ

କାନପୁର,୨୦ା୨(ପି.ଟି.) ଏଠାକାର ତିଲ୍‌କନଗର ଅଞ୍ଚଳରେ ୪,୦୦୦ ବର୍ଗଫୁଟ୍‌ ସ୍ଥାନରେ ନିର୍ମିତ ‘ସନ୍ତୁଷ୍ଟି’ ମାନ୍‌ସନ। ଏଠାରେ ରୁହନ୍ତି ରୋଟୋମାକ୍‌ ପେନ୍‌ କମ୍ପାନୀର ମାଲିକ ବିକ୍ରମ କୋଠାରୀ। ପ୍ରାସାଦର ସୌନ୍ଦର୍ଯ୍ୟ ଏହାକୁ ସ୍ବତନ୍ତ୍ର କରୁଛି। ଏବେ ଏହି ପ୍ରାସାଦରେ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ)ର ଅଧିକାରୀଙ୍କ ଭିଡ। କୋଠାରୀଙ୍କ ବିରୋଧରେ ଥିବା ଋଣ ଖିଲାପୀ ମାମଲାର ତଦନ୍ତର ଅଂଶବିଶେଷ ଏଠାରେ ସିବିଆଇ ଅଧିକାରୀଙ୍କ ସୁଅ ଛୁଟୁଛି।

୬ ସମୁଦ୍ର ମହଲ ଫ୍ଲାଟ୍‌ର ମୂଲ୍ୟ ୯୦୦ କୋଟି

୬ ସମୁଦ୍ର ମହଲ ଫ୍ଲାଟ୍‌ର ମୂଲ୍ୟ ୯୦୦ କୋଟି

ନୂଆଦିଲ୍ଲୀ,୨୦-୨ ନୀରବ ମୋଦି ମାମଲାରେ ଆୟକର ବିଭାଗ ଏକ ପ୍ରାଥମିକ ଆକଳନ କରିଛି। କିଛି ଦିନ ପୂର୍ବେ ଏହି ମାମଲାରେ ନୀରବ ମୋଦିଙ୍କ ୨୯ଟି ପ୍ରପର୍ଟିକୁ ଜବତ କରାଯାଇଥିଲା। ତେବେ ଏଥିମଧ୍ୟରୁ ନୀରବ ଏବଂ ତାଙ୍କ ପତ୍ନୀଙ୍କ ଅଧିକୃତ କେବଳ ୬ଟି ଫ୍ଲାଟ୍‌ର ମୂଲ୍ୟ ୯୦୦ କୋଟି ଟଙ୍କାରୁ ଊର୍ଦ୍ଧ୍ୱ ରହିଛି। ଏହି ଫ୍ଲାଟ୍‌ଗୁଡିକ ବମ୍ବେର ଓ୍ବର୍ଲିସ୍ଥିତ ସମୁଦ୍ର ମହଲଠାରେ ଅବସ୍ଥିତ। ତେବେ ଜବତ ହୋଇଥିବା ସମ୍ପତ୍ତିଗୁଡିକର ମୋଟ ମୂଲ୍ୟ ହଜାର ହଜାର କୋଟି ଟଙ୍କା ହେବ ବୋଲି ଆୟକର ବିଭାଗ ଆକଳନ କରିଛି।

ପିଏନ୍‌ବି ମାମଲା:ବିପୁଲ ଅମ୍ବାନୀଙ୍କ ସମେତ ୫ ଗିରଫ

ପିଏନ୍‌ବି ମାମଲା:ବିପୁଲ ଅମ୍ବାନୀଙ୍କ ସମେତ ୫ ଗିରଫ

ନୂଆଦିଲ୍ଲୀ,୨୦ା୨ ୧୧,୪୦୦ କୋଟି ଟଙ୍କାର ପିଏନ୍‌ବି ଜାଲିଆତି ମାମଲାରେ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ମଙ୍ଗଳବାର ଏକ ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏଜେନ୍ସି ପକ୍ଷରୁ ମୁଖ୍ୟ ଅଭିଯୁକ୍ତ ନୀରବ ମୋଦିଙ୍କ କମ୍ପାନୀ ଫାୟାରଷ୍ଟାର୍‌ ଇଣ୍ଟରନ୍ୟାଶନାଲ୍‌ର ସଭାପତି(ଅର୍ଥ) ବିପୁଲ ଅମ୍ବାନୀଙ୍କ ସହ ଆଉ ୪ ଜଣଙ୍କୁ ଗିରଫ କରାଯାଇଛି।

ବ୍ୟବସାୟ ଉଦ୍ଦେଶ୍ୟରେ କୋଇଲା ଉତ୍ତୋଳନ କରିପାରିବେ ଘରୋଇ କମ୍ପାନୀ

ବ୍ୟବସାୟ ଉଦ୍ଦେଶ୍ୟରେ କୋଇଲା ଉତ୍ତୋଳନ କରିପାରିବେ ଘରୋଇ କମ୍ପାନୀ

ନୂଆଦିଲ୍ଲୀ,୨୦-୨(ପି.ଟି.) ଏବେ ଘରୋଇ କମ୍ପାନୀଗୁଡିକ ବ୍ୟବସାୟିକ ଉଦ୍ଦେଶ୍ୟରେ କୋଇଲା ଉତ୍ତୋଳନ କରିପାରିବେ। ମଙ୍ଗଳବାର ହୋଇଥିବା କେନ୍ଦ୍ର କ୍ୟାବିନେଟ୍‌ ବୈଠକରେ ଏହି ପ୍ରସ୍ତାବକୁ ମଞ୍ଜୁରୀ ମିଳିଛି। ଫଳରେ ରାଷ୍ଟ୍ରାୟତ୍ତ କୋଲ୍‌ ଇଣ୍ଡିଆ ଲିମିଟେଡ୍‌(ସିଆଇଏଲ୍‌)ର ଏକଚ୍ଛତ୍ରବାଦ ଆଉ ରହିବ ନାହିଁ। ଘରୋଇ କମ୍ପାନୀ ମଧ୍ୟ କୋଇଲା ଉତ୍ତୋଳନ କରି ଏହାର ବ୍ୟବସାୟ କରିପାରିବେ।

ଗୀତାଞ୍ଜଳି ଗ୍ରୁପ୍‌ର ୨୦ଟି ସ୍ଥାନରେ ଚଢ଼ାଉ

ଗୀତାଞ୍ଜଳି ଗ୍ରୁପ୍‌ର ୨୦ଟି ସ୍ଥାନରେ ଚଢ଼ାଉ

ନୂଆଦିଲ୍ଲୀ,୨୦-୨(ପି.ଟି.) ଟିକସ ଖିଲାପୀ ମାମଲାରେ ଆୟକର ବିଭାଗ ମଙ୍ଗଳବାର ଗୀତାଞ୍ଜଳି ଜେମ୍ସର ମାଲିକ ମେହୁଲ୍‌ ଚୋକ୍‌ସୀ ଏବଂ ତାଙ୍କର କେତେକ ସହଯୋଗୀ କମ୍ପାନୀ ସହ ଜଡିତ ୨୦ଟି ସ୍ଥାନରେ ଚଢ଼ାଉ କରିଛି।

ପିଏନ୍‌ବିର ମୁଖ୍ୟ କାର୍ଯ୍ୟାଳୟରେ ସିବିଆଇ ଜେରା

ପିଏନ୍‌ବିର ମୁଖ୍ୟ କାର୍ଯ୍ୟାଳୟରେ ସିବିଆଇ ଜେରା

ନୂଆଦିଲ୍ଲୀ,୨୦-୨(ପି.ଟି.) ୧୧,୪୦୦ କୋଟି ଟଙ୍କାର ବେଆଇନ ଅର୍ଥ କାରବାର ମାମଲାରେ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ପକ୍ଷରୁ ମଙ୍ଗଳବାର ବ୍ୟାଙ୍କର ମୁଖ୍ୟ କାର୍ଯ୍ୟାଳୟରେ ୧୦ ଜଣ ଅଧିକାରୀଙ୍କୁ ଜେରା କରାଯାଇଛି। ଏଥିମଧ୍ୟରେ ଜଣେ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦ୍ଦେଶକ ହୋଇଥିବାବେଳେ ୯ ଜଣ ବରିଷ୍ଠ ଅଧିକାରୀ ରହିଥିଲେ। ସିବିଆଇ ପକ୍ଷରୁ ଗୀତାଞ୍ଜଳି ଗ୍ରୁପ୍‌ର ୧୦ ଜଣଙ୍କୁ ମଧ୍ୟ ଜେରା କରାଯାଇଛି।

ଅନିୟନ୍ତ୍ରିତ ଜମା ଯୋଜନା ଉପରେ ଲାଗିବ ଅଙ୍କୁଶ

ଅନିୟନ୍ତ୍ରିତ ଜମା ଯୋଜନା ଉପରେ ଲାଗିବ ଅଙ୍କୁଶ

ନୂଆଦିଲ୍ଲୀ,୨୦-୧(ପି.ଟି.) ବିଭିନ୍ନ ପ୍ରକାର ଅନିୟନ୍ତ୍ରିତ ଜମା ଯୋଜନାଗୁଡିକ ଯୋଗୁ ବୃହତ୍‌ ସଂଖ୍ୟାରେ ନିବେଶକ ଠକାମିର ଶିକାର ହେଉଛନ୍ତି। ତେଣୁ ଏହି ଯୋଜନାଗୁଡିକ ଉପରେ କଟକଣା ଲଗାଇବାକୁ ସରକାର ଏକ ନୂଆ ବିଲ୍‌ ସଂସଦରେ ଉପସ୍ଥାପନ କରିବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଗଠିତ କ୍ୟାବିନେଟ୍‌ କମିଟି ବୈଠକରେ ଏହି ନିଷ୍ପତ୍ତି ନିଆଯାଇଛି।

ଏଥର ବିଦେଶରୁ ଋଣ ପାଇବା ହେବନି ସହଜ

ଏଥର ବିଦେଶରୁ ଋଣ ପାଇବା ହେବନି ସହଜ

ବମ୍ବେ,୨୦-୨ କମ୍ପାନୀଗୁଡିକ ବିଦେଶରୁ ଋଣ କରିବା ଏଥର କଷ୍ଟକର ହୋଇପାରେ। ବାହାର ଦେଶରୁ ଋଣ ଆଣିବା ପ୍ରକ୍ରିୟାକୁ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ପୂର୍ବ ତୁଳନାରେ କଡ଼ାକଡ଼ି କରିବା ପାଇଁ ଯୋଜନା କରୁଛି। ଅନ୍ତର୍ଜାତୀୟ ବଜାରରେ ଭାରତୀୟ ମୁଦ୍ରାର ମୂଲ୍ୟ ଯଦି ମାତ୍ରାଧିକ ହ୍ରାସ ପାଏ ତେବେ ଋଣ କ୍ରେତାଙ୍କ ପରିଷୋଧ କ୍ଷମତା ପ୍ରଭାବିତ ହେବ। ଏହି କାରଣରୁ ଆର୍‌ବିଆଇ ଏଭଲି ନିଷ୍ପତ୍ତି ନେଇ ପାରେ ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି।

ମୁହଁ ଖୋଲିଲେ ଜେଟ୍‌ଲୀ ଅଡିଟର ଦୋଷୀ

ମୁହଁ ଖୋଲିଲେ ଜେଟ୍‌ଲୀ ଅଡିଟର ଦୋଷୀ

ନୂଆଦିଲ୍ଲୀ, ୨୦-୨(ପି.ଟି.) ପିଏନ୍‌ବି ଘଟଣାରେ ବହୁ ବିଳମ୍ବରେ ମୁହଁ ଖୋଲିଛନ୍ତି ଅର୍ଥମନ୍ତ୍ରୀ ଅରୁଣ୍‌ ଜେଟ୍‌ଲୀ। ଏଥିରେ ସେ ଅଡିଟରଙ୍କ ଉପରେ ସିଧାସଳଖ ଦୋଷ ଲଦିଛନ୍ତି। ପିଏନ୍‌ବିରେ ୧୧,୪୦୦ କୋଟି ଟଙ୍କାର ଠକେଇ କାରବାରକୁ ଅଡିଟର ଧରିବାରେ ଅସମର୍ଥ ହୋଇଛନ୍ତି ବୋଲି ସେ କହିଛନ୍ତି।

 ‘ମାମଲା ୨ଜି ଭଳି ମଉଳିଯିବ’

‘ମାମଲା ୨ଜି ଭଳି ମଉଳିଯିବ’

ପଞ୍ଜାବ ନ୍ୟାଶ୍‌ନାଲ୍‌ ବ୍ୟଙ୍କ ଜାଲିଆତିର ମୁଖ୍ୟ ଅଭିଯୁକ୍ତ ନୀରବ ମୋଦିଙ୍କ ଓକିଲ ବିଜୟ ଅଗ୍ରଓ୍ବାଲ୍‌ ଏକ ଚାଞ୍ଚଲ୍ୟକର ମନ୍ତବ୍ୟ ଦେଇଛନ୍ତି। ସେ କହିଛନ୍ତି ଯେ, ତାଙ୍କ କ୍ଲାଏଣ୍ଟ୍‌ଙ୍କ ବିରୋଧରେ ହୋଇଥିବା ମାମଲା ୨ଜି ଦୁର୍ନୀତି ଏବଂ ବୋଫର୍ସ ମାମଲା ଭଳି ମଉଳି ଯିବ।

କମିଟି ଗଠନ ନେଇ ଆର୍‌ବିଆଇର ନିଷ୍ପତ୍ତି

କମିଟି ଗଠନ ନେଇ ଆର୍‌ବିଆଇର ନିଷ୍ପତ୍ତି

ନୂଆଦିଲ୍ଲୀ,୨୦-୨- ବ୍ୟାଙ୍କରେ ବଢି ଚାଲିଥିବା ଠକେଇର ପ୍ରତିରୋଧ ଲାଗି ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ) ଏକ ବିଶେଷଜ୍ଞ କମିଟି ଗଠନ ଲାଗି ନିଷ୍ପତ୍ତି ନେଇଛି। ଏହି କମିଟି ଓ୍ବାଇ.ଏଚ୍‌ ମାଲେଗାମ୍‌ଙ୍କ ଅଧ୍ୟକ୍ଷତାରେ ଗଠିତ ହେବ। ମାଲେଗାମ୍‌ ପୂର୍ବରୁ ଆର୍‌ବିଆଇର କେନ୍ଦ୍ରୀୟ ବୋର୍ଡର ସଦସ୍ୟ ଭାବେ କାର୍ଯ୍ୟ କରି ସାରିଛନ୍ତି।

୨୦୨୨ ସୁଦ୍ଧା ଜୟପୁର-ମାଲକାନଗିରି  ରେଳ ଲାଇନ୍‌

୨୦୨୨ ସୁଦ୍ଧା ଜୟପୁର-ମାଲକାନଗିରି ରେଳ ଲାଇନ୍‌

ଭୁବନେଶ୍ୱର,୨୦-୨- ଜୟପୁର-ମାଲକାନଗିରି ମଧ୍ୟରେ ୧୩୦ କିମିର ନୂଆ ରେଳ ଲାଇନ ପ୍ରକଳ୍ପକୁ ମଞ୍ଜୁରୀ ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା ଅର୍ଥନୈତିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି ମଙ୍ଗଳବାର ଏହି ପ୍ରକଳ୍ପକୁ ମଞ୍ଜୁରୀ ପ୍ରଦାନ କରିଛି। ଉକ୍ତ ପ୍ରକଳ୍ପ ୨୬୭୬.୧୧ କୋଟି ଟଙ୍କା ଖର୍ଚ୍ଚରେ ନିର୍ମାଣ ହେବ। ୨୦୨୧-୨୨ ସୁଦ୍ଧା ପ୍ରକଳ୍ପ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ଧାର୍ଯ୍ୟ ହୋଇଛି। ସ୍ଥାନୀୟ ରେଳ ସଦନଠାରେ ଆୟୋଜିତ ଖବରଦାତା ସମ୍ମିଳନୀରେ ପୂର୍ବତଟ ରେଳପଥ ମହାପ୍ରବନ୍ଧକ ଉମେଶ ସିଂ ଏହି ସୂଚନା ଦେଇଛନ୍ତି।

୭ ବ୍ୟାଙ୍କ ସହ କେମିତି ସମ୍ପର୍କ ରଖିଥିଲେ କୋଠାରୀ

୭ ବ୍ୟାଙ୍କ ସହ କେମିତି ସମ୍ପର୍କ ରଖିଥିଲେ କୋଠାରୀ

ନୂଆଦିଲ୍ଲୀ,୨୦-୨- ନୀରବ ମୋଦିଙ୍କ ୧୧,୪୦୦ କୋଟି ପଞ୍ଜାବ ନ୍ୟାଶନାଲ ବ୍ୟାଙ୍କ ଘୋଟାଲା ପରେ ରୋଟୋମାକ୍‌ ପେନ୍‌ କମ୍ପାନୀର ପ୍ରମୋଟର ବିକ୍ରମ କୋଠାରୀଙ୍କ ୩,୬୯୫ କୋଟି ଋଣ ମାମଲା ସାମ୍ନାକୁ ଆସିଛି। କୋଠାରୀ ୭ଟି ବ୍ୟାଙ୍କକୁ ନେଇ ଗଠିତ କନ୍‌ସୋର୍ଟିୟମ୍‌କୁ ଋଣ ଠକେଇ କରିଛନ୍ତ। ବର୍ତ୍ତମାନ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଏବଂ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ)ରେ କୋଠାରୀଙ୍କ ନାମରେ ଭିନ୍ନ ଭିନ୍ନ ମାମଲା ରୁଜୁ ହୋଇଛି।