ବାଣିଜ୍ୟ

ଓଡିଶା ବଜାରରେ ସାମ୍‌ସଙ୍ଗ ଗ୍ୟାଲାକ୍ସି ଏସ୍‌ ୯, ଏସ୍‌୯ ପ୍ଲସ୍‌

ଓଡିଶା ବଜାରରେ ସାମ୍‌ସଙ୍ଗ ଗ୍ୟାଲାକ୍ସି ଏସ୍‌ ୯, ଏସ୍‌୯ ପ୍ଲସ୍‌

ଭୁବନେଶ୍ୱର, ୧୫-୩(ବ୍ୟୁରୋ) ପ୍ରମୁଖ ସ୍ମାର୍ଟଫୋନ୍‌ ନିର୍ମାତା ସାମ୍‌ସଙ୍ଗ ଏହାର ଦୁଇଟି ନୂଆ ମଡେଲ୍‌ ଗ୍ୟାଲେକ୍ସି ଏସ୍‌ ୯ ଏବଂ ଏସ୍‌୯ ପ୍ଲସ୍‌କୁ ଗୁରୁବାର ଓଡିଶା ବଜାରରେ ପ୍ରବେଶ କରାଇଛି। ଶହୀଦନଗରସ୍ଥିତ ମଲ୍ଟି ବ୍ରାଣ୍ଡ୍‌ ଆଉଟ୍‌ଲେଟ୍‌ ଲକ୍ଷ୍ମୀ ମୋବାଇଲ୍ସଠାରେ ଏହାକୁ କମ୍ପାନୀର ଜୋନାଲ୍‌ ସେଲ୍ସ ମ୍ୟାନେଜର ଆଶୁତୋଷ ଶର୍ମା, ସାମ୍‌ସଙ୍ଗର ଅଲ୍‌ ଓଡିଶା ଡିଷ୍ଟ୍ରିବ୍ୟୁଟର ପପୁ ହଂସ ଏବଂ ଓଲିଉଡ ଅଭିନେତ୍ରୀ ବର୍ଷା ପ୍ରୀୟଦର୍ଶୀନି ଅତିଥିଭାବେ ଯୋଗଦେଇ ଉନ୍ମୋଚନ କରିଥିଲେ।

ପିଏନ୍‌ବି ବ୍ରାଡି ହାଉସ୍‌ ଶାଖାରେ ଆଉ ଏକ ଜାଲିଆତି

ପିଏନ୍‌ବି ବ୍ରାଡି ହାଉସ୍‌ ଶାଖାରେ ଆଉ ଏକ ଜାଲିଆତି

ନୂଆଦିଲ୍ଲୀ,୧୫-୩(ପି.ଟି.) ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ(ପିଏନ୍‌ବି)ରେ ଆଉ ଏକ ଜାଲିଆତି ସାମ୍ନାକୁ ଆସିଛି। ବମ୍ବେର ବ୍ରାଡି ହାଉସ୍‌୍‌ ଶାଖାରେ ଏହି ଜାଲିଆତି ହୋଇଛି। ଏହା ହେଉଛି ଉକ୍ତ ଶାଖା ଯେଉଁଠାରୁ ଜାଲ ଲେଟର ଅଫ୍‌ ଅଣ୍ଡର୍‌ଟେକିଂ(ଏଲ୍‌ଓୟୁ) ହାତେଇ ବିଲିୟନେୟାର ହୀରା ବ୍ୟବସାୟୀ ନୀରବ ମୋଦି ଏବଂ ତାଙ୍କ ସହଯୋଗୀ ମେହୁଲ୍‌ ଚୋକ୍‌ସୀ ପାଖାପାଖି ୧୩,୦୦୦ କୋଟି ଟଙ୍କା ଠକି ଦେଶରୁ ଫେରାର ହୋଇଯାଇଛନ୍ତି। ନୂଆ ମାମଲାରେ ଚାନ୍ଦ୍ରୀ ପେପର୍ସ ଆଣ୍ଡ୍‌ ଆଲାଏଡ୍‌ ପ୍ରଡକ୍ଟ୍‌ସକୁ ଜାଲ ଏଲ୍‌ଓୟୁ ପ୍ରଦାନ କରାଯାଇଛି। ଏହି ଏଲ୍‌ଓୟୁକୁ ବ୍ୟବହାର କରି ଉକ୍ତ କମ୍ପାନୀ ୯ କୋଟି ଟଙ୍କାର ଋଣ ହାସଲ କରିଛି। ବ୍ୟାଙ୍କ ପକ୍ଷରୁ ଅଭିଯୋଗ ପାଇବା ପରେ ବର୍ତ୍ତମାନ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ଏକ ନୂଆ ମାମଲା ଦାଏର କରିଛି।

 ଦୃଢ଼ ରିସ୍କ ପରିଚାଳନା ବ୍ୟବସ୍ଥା ଆଣିବେ ବ୍ୟାଙ୍କ

ଦୃଢ଼ ରିସ୍କ ପରିଚାଳନା ବ୍ୟବସ୍ଥା ଆଣିବେ ବ୍ୟାଙ୍କ

ନୂଆଦିଲ୍ଲୀ,୧୫-୩(ପି.ଟି.) ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ(ପିଏନ୍‌ବି)ରେ ୧୨,୯୬୮ କୋଟି ଟଙ୍କାର ଜାଲିଆତି ମାମଲା ସାମ୍ନାକୁ ଆସିବା ପରେ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ସେମାନଙ୍କ ରିସ୍କ ପରିଚାଳନା ବ୍ୟବସ୍ଥାକୁ ନେଇ ଅଧିକ ଯତ୍ନଶୀଳ ହେଉଛନ୍ତି। ଏଭଳି ଜାଲିଆତିଗୁଡିକୁ ନିୟନ୍ତ୍ରଣ କରିବା ପାଇଁ ବ୍ୟାଙ୍କଗୁଡିକ ଆସନ୍ତା ୬ ମାସ ମଧ୍ୟରେ ପୂର୍ବଠାରୁ ଅଧିକ ଦୃଢ଼ ତଥା ସୁରକ୍ଷିତ ରିସ୍କ ପରିଚାଳନା ବ୍ୟବସ୍ଥା ଆଣିବା ପାଇଁ ପ୍ରସ୍ତୁତ ହେଉଛନ୍ତି। ରାଷ୍ଟ୍ରାୟତ୍ତ ବ୍ୟାଙ୍କଗୁଡିକର ରିସ୍କ ଅଫିସର, କାର୍ଯ୍ୟନିର୍ବାହୀ ନିର୍ଦ୍ଦେଶକ ଏବଂ ମୁଖ୍ୟ ପ୍ରଯୁକ୍ତି ଅଧିକାରୀମାନଙ୍କୁ ନେଇ ଏଠାରେ ହୋଇଥିବା ତିନିଦିନିଆ ବୈଠକ ପରେ ଉପରୋକ୍ତ ନିଷ୍ପତ୍ତି ନିଆଯାଇଛି। ଏଭଳି ଜାଲିଆତି ମାମଲାଗୁଡିକୁ ରୋକିବା ଦିଗରେ କି ପ୍ରକାର ପଦକ୍ଷେପ ନିଆଯାଇପାରିବ ତାହାକୁ ନେଇ ବୈଠକରେ ଆଲୋଚନା କରାଯାଇଛି।

ରପ୍ତାନି ଅଭିବୃଦ୍ଧି ୪.୫%

ରପ୍ତାନି ଅଭିବୃଦ୍ଧି ୪.୫%

ନୂଆଦିଲ୍ଲୀ,୧୫-୩(ପି.ଟି.) କ୍ରମାଗତ ଭାବେ ଦେଶର ରପ୍ତାନିରେ ସୁଧାର ଘଟୁଛି। ଗତ ଫେବୃୟାରୀରେ ଏ କ୍ଷେତ୍ରରେ ୪.୫% ଅଭିବୃଦ୍ଧି ଘଟିଥିବା ବାଣିଜ୍ୟ ସଚିବ ରୀତା ଟିଓଟିଆ ପ୍ରକାଶ କରିଛନ୍ତି। ଏହି ସମୟରେ ଦେଶରୁ ମୋଟ ୨୫.୮ ବିଲିୟନ ଡଲାର ମୂଲ୍ୟର ସାମଗ୍ରୀ ରପ୍ତାନି ହୋଇଥିବା ଟିଓଟିଆ ସୂଚନା ଦେଇଛନ୍ତି।

ଜିଏସ୍‌ଟି ପୂର୍ବ ପ୍ୟାକେଜ ସାମଗ୍ରୀର ବିକ୍ରି ସମୟ ଅବଧି ବଢିବନି

ଜିଏସ୍‌ଟି ପୂର୍ବ ପ୍ୟାକେଜ ସାମଗ୍ରୀର ବିକ୍ରି ସମୟ ଅବଧି ବଢିବନି

ନୂଆଦିଲ୍ଲୀ,୧୫-୩,(ପି.ଟି) ସାମଗ୍ରୀ ଓ ସେବା ଟିକସ(ଜିଏସ୍‌ଟି) ପୂର୍ବରୁ ପ୍ୟାକେଜଡ ହୋଇଥିବା ସାମଗ୍ରୀର ବିକ୍ରି ଲାଗି ଥିବା ମାର୍ଚ୍ଚ ଅବଧିକୁ ସରକାର ଆଉ ବଢାଇବେନି। ଖାଉଟି ବ୍ୟାପାର ମନ୍ତ୍ରୀ ରାମ ବିଳାସ ପାଶ୍ୱାନ ଗୁରୁବାର ଏ ନେଇ ସୂଚନା ଦେଇଛନ୍ତି। ଜୁଲାଇ ପହିଲାରୁ ଜିଏସ୍‌ଟି ଲାଗୁ ହେବା ପରେ ବିକ୍ରି ହୋଇ ନ ପ୍ୟାକ ଉପରେ ନୂଆ ଷ୍ଟିକର ଲଗାଇବା ଲାଗି ନିର୍ଦ୍ଦେଶ ରହିଥିଲା। ସେପ୍ଟେମ୍ବର ମଧ୍ୟରେ ନୂଆ ଏମ୍‌ଆରପି ଦର୍ଶାଇବା ଲାଗି ନିୟମ ରହିଥିଲା। ଚଳିତ ବର୍ଷ ମାର୍ଚ୍ଚ ମଧ୍ୟରେ ଏହି ଅବଧିକୁ ଦୁଇ ଥର ପରିବର୍ତ୍ତନ କରାଯାଇଛି।

୨୦ ଲକ୍ଷ ଟଙ୍କାର ଟିକସମୁକ୍ତ ଗ୍ରାଚ୍ୟୁଇଟି ବିଧେୟକକୁ ଲୋକ ସଭାର ମଞ୍ଜୁରୀ

୨୦ ଲକ୍ଷ ଟଙ୍କାର ଟିକସମୁକ୍ତ ଗ୍ରାଚ୍ୟୁଇଟି ବିଧେୟକକୁ ଲୋକ ସଭାର ମଞ୍ଜୁରୀ

ନୂଆଦିଲ୍ଲୀ,୧୫-୩,(ପି.ଟି) ଲୋକସଭା ଗୁରୁବାର ଗ୍ରାଚ୍ୟୁଇଟି ପ୍ରଦାନ (ସଂଶୋଧନ) ବିଧେୟକୁ ମଞ୍ଜୁରୀ ଦେଇଛି। ଏହା ଦ୍ୱାରା ମାତୃତ୍ୱ ସଂକ୍ରାନ୍ତ ଛୁଟି ଏବଂ ଟିକସମୁକ୍ତ ଗ୍ରାଚ୍ୟୁଇଟି ପରିମାଣ ବୃଦ୍ଧି ଲାଗି ସରକାର ସକ୍ଷମ ହେବେ। ଏହି ମଞ୍ଜୁରୀ ଫଳରେ କାର୍ଯ୍ୟକାରୀ ନିର୍ଦ୍ଦେଶ ସରକାର ଲଗାଇ ପାରିବେ।

ୟୁବିଆଇ ଠକେଇରେ ମାମଲା ରୁଜୁ କଲା ଇଡି

ୟୁବିଆଇ ଠକେଇରେ ମାମଲା ରୁଜୁ କଲା ଇଡି

ନୂଆଦିଲ୍ଲୀ,୧୫-୩,(ପି.ଟି) ପଶ୍ଚିମବଙ୍ଗର ୟୁନାଇଟେଡ୍‌ ବ୍ୟାଙ୍କ ଅଫ୍‌ ଇଣ୍ଡିଆ(ୟୁବିଆଇ)ରେ ୨୦୧୬ରେ ହୋଇଥିବା ୧୭୩ କୋଟି ଟଙ୍କାର ଠକେଇ ଘଟଣାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଟଙ୍କା ଚାଲାଣ ମାମଲା ରୁଜୁ କରିଛି। ଏହି ମାମଲା ଜାତୀୟ କ୍ଷୁଦ୍ର ଶିଳ୍ପ ନିଗମ(ଏନ୍‌ଏସ୍‌ଆଇସି) ସହ ଜଡିତ ଥିବା ଜଣା ଯାଇଛି।

ବ୍ୟାଙ୍କଗୁଡିକ ଠାରୁ ତଥ୍ୟ ଲୋଡିଲା ପିଏନ୍‌ବି

ବ୍ୟାଙ୍କଗୁଡିକ ଠାରୁ ତଥ୍ୟ ଲୋଡିଲା ପିଏନ୍‌ବି

ନୂଆଦିଲ୍ଲୀ,୧୫-୩,(ପି.ଟି) ୧୨,୬୦୦ କୋଟି ଟଙ୍କାର ଋଣ ଘୋଟାଲା ମାମଲାରେ ପଞ୍ଜାବ ନ୍ୟାଶନାଲ ବ୍ୟାଙ୍କ ଅନ୍ୟ ବ୍ୟାଙ୍କଗୁଡିକ ଠାରୁ ତଥ୍ୟ ଲୋଡିଛି। କେଉଁ ବ୍ୟାଙ୍କର କେତେ ଟଙ୍କା ଏହି ଠକେଇରେ ସମ୍ପୃକ୍ତି ରହିଛି ଉକ୍ତ ବିଷୟକୁ ଜାଣିବା ଲାଗି ପିଏନ୍‌ବି ପକ୍ଷରୁ ଏହି ଭଳି ତଥ୍ୟ ମଗାଯାଇଛି।

ପିଏନ୍‌ବିର ସାତମାଇଲ ଶାଖା ସ୍ଥାନାନ୍ତରିତ

ପିଏନ୍‌ବିର ସାତମାଇଲ ଶାଖା ସ୍ଥାନାନ୍ତରିତ

ଢ଼େଙ୍କାନାଳ,୧୫-୩ ଢ଼େଙ୍କାନାଳ ଜିଲ୍ଲା ସ୍ଥିତ ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ(ପିଏନ୍‌ବି)ର ସାତମାଇଲ ଶାଖା ଏକ ନୂତନ ଗୃହକୁ ସ୍ଥାନାନ୍ତରିତ ହୋଇଛି।

ହୋଣ୍ଡାର ୩ ନୂଆ ମଡେଲ ଉନ୍ମୋଚିତ

ହୋଣ୍ଡାର ୩ ନୂଆ ମଡେଲ ଉନ୍ମୋଚିତ

ଭୁବନେଶ୍ୱର,୧୫-୩ ହୋଣ୍ଡା ମୋଟରସାଇକେଲ୍‌ ଆଣ୍ଡ୍‌ ସ୍କୁଟର ଇଣ୍ଡିଆ ପ୍ରାଇଭେଟ୍‌ ଲିମିଟେଡ୍‌ ପକ୍ଷରୁ ସିବି ସାଇନ୍‌ ଏସ୍‌ପି, ଲିଭୋ ଏବଂ ଡ୍ରିମ୍‌ ଯୁଗାର ୨୦୧୮ ଏଡିସନ୍‌କୁ ଉନ୍ମୋଚନ କରାଯାଇଛି। ଏହି ତିନୋଟି ବାଇକ୍‌କୁ ଅଧିକ ଷ୍ଟାଇଲିସ୍‌ କରାଯାଇଥିବା ବେଳେ ଅତ୍ୟାଧୁନିକ ବୈଶିଷ୍ଟ୍ୟ ଯୋଡାଯାଇଛି।

ବାୟୁସେନାରେ ସାମିଲ ହେବ ତେଜସ୍‌: ମିଳିଲା ସବୁଜ ସଙ୍କେତ

ବାୟୁସେନାରେ ସାମିଲ ହେବ ତେଜସ୍‌: ମିଳିଲା ସବୁଜ ସଙ୍କେତ

ନୂଆଦିଲ୍ଲୀ, ୧୫।୩ : ସ୍ବଦେଶୀ ଜ୍ଞାନକୌଶଳରେ ହିନ୍ଦୁସ୍ତାନ ଏରୋନେଟିକ୍ସ ଲିଃ.(ଏଚ୍‌ଏଏଲ୍‌) ଦ୍ୱାରା ନିର୍ମିତ ହୋଇଥିବା ତେଜସ୍‌ ଯୁଦ୍ଧବିମାନ ବାୟୁସେନାରେ ସାମିଲ୍‌ ହେବ। ଏଥିପାଇଁ ବାୟୁସେନା ସବୁଜ ସଙ୍କେତ ଦେଇଛି। ପୂର୍ବରୁ ଏସବୁ ଯୁଦ୍ଧ ବିମାନ ଯୁଦ୍ଧ ଉପଯୋଗୀ ନୁହେଁ ବୋଲି କହି ଏହାକୁ ଫାଇଟର ସ୍କ୍ବାଡ୍ରନ୍‌ରେ ସାମିଲ୍‌ କରିବାକୁ ବାୟୁସେନା ଅମଙ୍ଗ ହେଉଥିଲା। ତେବେ ପାକିସ୍ତାନ ଓ ଚାଇନା ସହିତ ବୃଦ୍ଧି ପାଉଥିବା ଉତ୍ତେଜନାକୁ ଦୃଷ୍ଟିରେ ରଖି ଏବେ ବାୟୁସେନା ତେଜସ୍‌କୁ ସାମିଲ୍‌ କରିବାକୁ ରାଜି ହୋଇଛି।

ଫାକ୍‌ଟ୍ରି ଆଣ୍ଡ୍‌ ବଏଲର୍ସ ନିର୍ଦ୍ଦେଶାଳୟ ପକ୍ଷରୁ  ଟାଟା ଷ୍ଟିଲ୍‌ ପୁରସ୍କୃତ

ଫାକ୍‌ଟ୍ରି ଆଣ୍ଡ୍‌ ବଏଲର୍ସ ନିର୍ଦ୍ଦେଶାଳୟ ପକ୍ଷରୁ ଟାଟା ଷ୍ଟିଲ୍‌ ପୁରସ୍କୃତ

ଭୁବନେଶ୍ୱର, ୧୪-୩ ଟାଟା ଷ୍ଟିଲ୍‌ର ଫେରୋ ଆଲଏଜ୍‌ ଆଣ୍ଡ୍‌ ମିନେରାଲ୍‌ ଡିଭିଜନ(ଏଫ୍‌ଏଏମ୍‌ଡି)କୁ ରାଜ୍ୟ ସରକାରଙ୍କ ଫ୍ୟାକ୍‌ଟ୍ରି ଆଣ୍ଡ୍‌ ବଏଲର୍ସ ନିର୍ଦ୍ଦେଶାଳୟ(ଡିଓଏଫ୍‌ବି) ପକ୍ଷରୁ ୬ଟି ପୁରସ୍କାର ପ୍ରଦାନ କରାଯାଇଛି। ଏଠାରେ ଆୟୋଜିତ ଏକ କାର୍ଯ୍ୟକ୍ରମରେ ରାଜ୍ୟ ଶ୍ରମ ଓ ନିୟୋଜନ ମନ୍ତ୍ରୀ ସୁଶାନ୍ତ ସିଂ ଅତିଥି ଭାବେ ଯୋଗ ଦେଇ ଏହି ପୁରସ୍କାର ପ୍ରଦାନ କରିଥିଲେ।

୧୫୦ ବର୍ଷରେ ଏସ୍‌ବିଆଇର ବ୍ରହ୍ମପୁର ଶାଖା

୧୫୦ ବର୍ଷରେ ଏସ୍‌ବିଆଇର ବ୍ରହ୍ମପୁର ଶାଖା

ଭୁବନେଶ୍ୱର, ୧୪-୩- ଭାରତୀୟ ଷ୍ଟେଟ୍‌ ବ୍ୟାଙ୍କ(ଏସ୍‌ବିଆଇ) ପକ୍ଷରୁ ଏକ ସ୍ବତନ୍ତ୍ର ଡାକ ଲଫାପା ଉନ୍ମୋଚନ କରାଯାଇଛି। ବ୍ରହ୍ମପୁରରେ ୧୮୬୮ରେ ଭାରତୀୟ ଷ୍ଟେଟ୍‌ ବ୍ୟାଙ୍କ୍‌(ଏସ୍‌ବିଆଇ)ର ପ୍ରଥମ ଶାଖା ଉନ୍ମୋଚନ ହୋଇଥିବା ବେଳେ ଚଳିତ ବର୍ଷ ଏହାକୁ ୧୫୦ ବର୍ଷ ପୂର୍ଣ୍ଣ ହୋଇଛି।

ପିଏନ୍‌ବି ମାମଲାକୁ ନେଇ ମୁହଁ ଖୋଲିଲେ ଉର୍ଜିତ

ପିଏନ୍‌ବି ମାମଲାକୁ ନେଇ ମୁହଁ ଖୋଲିଲେ ଉର୍ଜିତ

ଗାନ୍ଧୀନଗର,୧୪-୩(ପି.ଟି.) ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କରେ ହୋଇଥିବା ୧୨,୯୬୭ କୋଟି ଟଙ୍କାର ଘୋଟାଲା ସମେତ ଅନ୍ୟାନ୍ୟ ବ୍ୟାଙ୍କ ଜାଲିଆତିକୁ ନେଇ ଏବେ ଚର୍ଚ୍ଚା ଜୋର ଧରିଛି। ବ୍ୟାଙ୍କିଙ୍ଗ ବ୍ୟବସ୍ଥାରେ ତ୍ରୁଟି ରହିଛି ବୋଲି ବିଭିନ୍ନ ମହଲରେ ସମାଲୋଚନା ହେଉଥିବାବେଳେ ଏସବୁ ମାମଲା ପାଇଁ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)କୁ ଦାୟୀ କରାଯାଉଛି। ନିଜର ଦାୟିତ୍ୱବୋଧତାକୁ ନେଇ ପ୍ରଶ୍ନ ଉଠିବାରୁ ଶେଷରେ ସର୍ବୋଚ୍ଚ ବ୍ୟାଙ୍କ ଗଭର୍ନର ଉର୍ଜିତ ପଟେଲ ମୁହଁ ଖୋଲିବାକୁ ବାଧ୍ୟ ହୋଇଛନ୍ତି।

୬୭% ଭାରତୀୟ ବ୍ୟବସାୟ ରାନ୍‌ସମ୍‌ଓ୍ବେର ପ୍ରଭାବିତ

୬୭% ଭାରତୀୟ ବ୍ୟବସାୟ ରାନ୍‌ସମ୍‌ଓ୍ବେର ପ୍ରଭାବିତ

ନୂଆଦିଲ୍ଲୀ,୧୪-୩ ଭାରତର ୬୭% ବ୍ୟବସାୟ ରାନସମ୍‌ଓ୍ବେର ସାଇବର ଆକ୍ରମଣ ଦ୍ୱାରା ପ୍ରଭାବିତ । ସେହିପରି ୩୮% ସଂସ୍ଥା ଥରେ ନୁହେଁ ବରଂ ଏକାଧିକ ଥର ଏହାର ଶିକାର ହୋଇଛନ୍ତି। ବୁଧବାର ଏକ ନୂତନ ରିପୋର୍ଟରୁ ଏହି ତଥ୍ୟ ସାମ୍ନାକୁ ଆସିଛି।

୩୧ ପଳାତକଙ୍କ ବିରୋଧରେ ଚାଲିଛି ସିବିଆଇ ତଦନ୍ତ

୩୧ ପଳାତକଙ୍କ ବିରୋଧରେ ଚାଲିଛି ସିବିଆଇ ତଦନ୍ତ

ନୂଆଦିଲ୍ଲୀ,୧୪-୩ ନୀରବ ମୋଦି, ମେହୁଲ ଚୋକ୍‌ସୀ, ଜତିନ ମେହେଟ୍ଟା, ବିଜୟ ମାଲ୍ୟାଙ୍କ ଭଳି ଦେଶ ଛାଡି ପଳାୟନ କରିଥିବା ୩୧ ବ୍ୟକ୍ତିଙ୍କ ବିରୋଧରେ ସିବିଆଇ ବର୍ତ୍ତମାନ ତଦନ୍ତ କରୁଛି।

ଭାରତର ଅଭିବୃଦ୍ଧି ୭.୩% ରହିବ

ଭାରତର ଅଭିବୃଦ୍ଧି ୭.୩% ରହିବ

ନୂଆଦିଲ୍ଲୀ,୧୪-୩(ପି.ଟି.) ଆସନ୍ତା ଆର୍ଥିକବର୍ଷ(୨୦୧୮-୧୯)ରେ ଭାରତର ଜିଡିପି ଅଭିବୃଦ୍ଧି ୭.୩% ରହିବ। ୨୦୧୯-୨୦ରେ ଏହା ୭.୫%କୁ ସୁଧୁରିବ ବୋଲି ବିଶ୍ୱ ବ୍ୟାଙ୍କ ଏହାର ଦ୍ୱିବାର୍ଷିକ ରିପୋର୍ଟରେ ଉଲ୍ଲେଖ କରିଛି। ତେବେ ଚଳିତ ଆର୍ଥିକବର୍ଷ ଅଭିବୃଦ୍ଧି ୬.୭% ରହିବ ବୋଲି ଏହା ଆକଳନ କରିଛି।

ଘରୋଇ ରିୟଲ ଇଷ୍ଟେଟ ଶିଳ୍ପ ୧୮୦ ବିଲିୟନ ଡଲାର ଛୁଇଁବ

ଘରୋଇ ରିୟଲ ଇଷ୍ଟେଟ ଶିଳ୍ପ ୧୮୦ ବିଲିୟନ ଡଲାର ଛୁଇଁବ

ନୂଆଦିଲ୍ଲୀ,୧୪-୩(ପି.ଟି.) ଘରୋଇ ରିୟଲ ଇଷ୍ଟେଟ ଶିଳ୍ପ ୨୦୨୦ ସୁଦ୍ଧା ୧୮୦ ବିଲିୟନ ଡଲାରରେ ପହଞ୍ଚିବ। ୨୦୧୫ରେ ଏହା ୧୨୬ ବିଲିୟନ ଡଲାର ରହିଥିବା ବେଳେ ଏହା ୨୦୨୦ ବେଳକୁ ୧୮୦ ବିଲିୟନ ଡଲାରର ଶିଳ୍ପ ହେବ ବୋଲି ରିୟଲ ଇଷ୍ଟେଟ ସଂଘ କ୍ରେଡାଇ ଏବଂ ଜେଏଲଏଲ୍‌ ନାମକ ସଂସ୍ଥା ପକ୍ଷରୁ ହୋଇଥିବା ମିଳିତ ସର୍ଭେରେ ଏହି ତଥ୍ୟ ସାମ୍ନାକୁ ଆସିଛି।

ଶୀଘ୍ର ଆସିବ ନୂଆ ଶିଳ୍ପ ନୀତି

ଶୀଘ୍ର ଆସିବ ନୂଆ ଶିଳ୍ପ ନୀତି

ନୂଆଦିଲ୍ଲୀ,୧୪-୩(ପି.ଟି.) ସରକାର ଶୀଘ୍ର ନୂଆ ଶିଳ୍ପ ନୀତି ଆଣିବେ। ଏଥିରେ ନୂତନ ଟେକ୍ନୋଲୋଜି, ରୋବୋଟିକ୍ସ, ଆର୍ଟିଫିସିଆଲ୍‌ ଇଣ୍ଟେଲିଜେନ୍ସକୁ ବିଶେଷ ଭାବେ ଗୁରୁତ୍ୱ ଦିଆଯିବ। ଏହା ସହ ଘରୋଇ ବଜାରରେ ଥିବା ଶିଳ୍ପଗୁଡିକର ଆଧୁନିକୀକରଣ ଉପରେ ଧ୍ୟାନ ଦିଆଯିବ ବୋଲି ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରୀ ସୁରେଶ ପ୍ରଭୁ କହିଛନ୍ତି।

 ଜାତୀୟ ଇ-କମର୍ସ ନୀତି ଆଣିବାକୁ ଯୋଜନା

ଜାତୀୟ ଇ-କମର୍ସ ନୀତି ଆଣିବାକୁ ଯୋଜନା

ନୂଆଦିଲ୍ଲୀ,୧୪-୩(ପି.ଟି.) ସରକାର ଘରୋଇ ବଜାର ଲାଗି ଏକ ଇ-କମର୍ସ ନୀତି ଆଣିବାକୁ ବିଚାର କରୁଛନ୍ତି। ସେହିଭଳି ଏଥି ସଂକ୍ରାନ୍ତ ଆଇନଗତ ଧାରା ଉପରେ ବିଭିନ୍ନ ପଦକ୍ଷେପ ଆଣିବାକୁ ଯୋଜନା ହେଉଛି। ଇ-କମର୍ସ କ୍ଷେତ୍ରରେ ବର୍ତ୍ତମାନ ବିଭିନ୍ନ ଚ୍ୟାଲେଞ୍ଜ ଦେଖାଯାଉଛି।

୩,୯୦୦ କିମି ରେଳ ଟ୍ରାକର ନବୀକରଣ ହେବ

୩,୯୦୦ କିମି ରେଳ ଟ୍ରାକର ନବୀକରଣ ହେବ

ନୂଆଦିଲ୍ଲୀ,୧୪-୩(ପି.ଟି) ୨୦୧୮-୧୯ ଆର୍ଥତ୍କ ବର୍ଷରେ ୩,୯୦୦ କିମି ରେଳ ଟ୍ରାକର ନବୀକରଣ ଲାଗି ଯୋଜନା ରହିଛି। ରେଳ ଟ୍ରାକର ଖରାପ ଅବସ୍ଥା ନେଇ ସିଏଜି ରିପୋର୍ଟ ଆସିବା ପରେ ସରକାର ଟ୍ରାକ ଉନ୍ନତୀକରଣ ନେଇ ସୂଚନା ଦେଇଛନ୍ତି।

ପାଇକାରୀ ମୁଦ୍ରାସ୍ଫୀତି ୨.୪୮%

ପାଇକାରୀ ମୁଦ୍ରାସ୍ଫୀତି ୨.୪୮%

ନୂଆଦିଲ୍ଲୀ,୧୪-୩ ଫେବୃୟାରୀ ମାସ ଲାଗି ପାଇକାରୀ ମୁଦ୍ରାସ୍ଫୀତି ସୂଚୀ ୨.୪୮% ରହିଛି। ଖାଦ୍ୟ ସାମଗ୍ରୀ ଦର ସାଧାରଣ ସ୍ଥିତିରେ ରହିବା ଯୋଗୁ ପାଇକାରୀ ମୁଦ୍ରାସ୍ଫୀତି ରେକର୍ଡ ସ୍ତରରେ ରହିଛି।

ପିଏନବି ମାମଲାରେ ଇଣ୍ଟରପୋଲ ସହାୟତା ଲୋଡିଲା ଇଡି

ପିଏନବି ମାମଲାରେ ଇଣ୍ଟରପୋଲ ସହାୟତା ଲୋଡିଲା ଇଡି

ନୂଆଦିଲ୍ଲୀ,୧୪-୩ ପଞ୍ଜାବ ନ୍ୟାଶନାଲ ବ୍ୟାଙ୍କ ମାମଲାରେ ମୁଖ୍ୟ ଅଭିଯୁକ୍ତ ଥିବା ନୀରବ ମୋଦି ଏବଂ ମେହୁଲ ଚୋକସୀ ବର୍ତ୍ତମାନ ବିଦେଶରେ ରହୁଛନ୍ତି। ଏମାନଙ୍କ ବିରୋଧରେ ରେଡ କର୍ନର ନୋଟିସ ଜାରି କରିବାକୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଇଣ୍ଟରପୋଲର ସହାୟତା ନେବ ବୋଲି ଜଣାଯାଇଛି ।

ଉଲ୍ଲେଖନୀୟ କାର୍ଯ୍ୟ ଲାଗି ଓଏମ୍‌ସି ପୁରସ୍କୃତ

ଉଲ୍ଲେଖନୀୟ କାର୍ଯ୍ୟ ଲାଗି ଓଏମ୍‌ସି ପୁରସ୍କୃତ

ଭୁବନେଶ୍ୱର,୧୪-୩ ଓଡିଶା ଖଣି ନିଗମ(ଓଏମ୍‌ସି) ସାମାଜିକ ଉତ୍ତରଦାୟିତ୍ୱ କାର୍ଯ୍ୟର ସଫଳ ପରିଚାଳନା ଲାଗି ଦୁଇଟି ଜାତୀୟ ସ୍ତରର ପୁରସ୍କାର ଲାଭ କରିଛି। ବମ୍ବେଠାରେ ଇଟି ନାଓ ନାମକ ସଂସ୍ଥା ପକ୍ଷରୁ ଆୟୋଜିତ ଏକ କାର୍ଯ୍ୟକ୍ରମରେ କମ୍ପାନୀ ଏହି ପୁରସ୍କାର ଲାଭ କରିଛି।