ବାଣିଜ୍ୟ

ଆନ୍ତଃ ରାଜ୍ୟ ଗାଡି ସ୍ଥାନାନ୍ତରଣ ହେବ ଟିକସମୁକ୍ତ

ଆନ୍ତଃ ରାଜ୍ୟ ଗାଡି ସ୍ଥାନାନ୍ତରଣ ହେବ ଟିକସମୁକ୍ତ

ନୂଆଦିଲ୍ଲୀ, ୨୨-୪ ଆର୍‌ଟିଓ ଅଫିସଗୁଡିକରେ ହେଉଥିବା ଦୁର୍ନୀତିକୁ ଧ୍ୟାନରେ ରଖି ସରକାର କେତେକ ସଂସ୍କାର ପଦକ୍ଷେପ ନେବାକୁ ଯୋଜନା କରୁଛନ୍ତି। ଗୋଟିଏ ରାଜ୍ୟକୁ ଅନ୍ୟ ଏକ ରାଜ୍ୟର ରେଜିଷ୍ଟ୍ରେଶନ ଟ୍ରାନ୍ସଫରକୁ ଟିକସମୁକ୍ତ କରିବାକୁ ପ୍ରସ୍ତାବ ରହିଛି। ରାଜ୍ୟ ପରିବହନ ମନ୍ତ୍ରୀସ୍ତରୀୟ ବୈଠକରେ ରାଜ୍ୟଗୁଡିକୁ ଏ ନେଇ ବିଭିନ୍ନ ସୁପାରିସ୍‌ କରାଯାଇଛି।

 ନୀରବ ମୋଦି ମାମଲାରେ ହଂକଂ କୋର୍ଟ ଗଲା ପିଏନ୍‌ବି

ନୀରବ ମୋଦି ମାମଲାରେ ହଂକଂ କୋର୍ଟ ଗଲା ପିଏନ୍‌ବି

ନୂଆଦିଲ୍ଲୀ, ୨୧-୪ (ପି.ଟି) ୧୩,୫୦୦ କୋଟି ଟଙ୍କାର ଋଣ ମାମଲାରେ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି) ମୁଖ୍ୟ ଅଭିଯୁକ୍ତ ନୀରବ ମୋଦିଙ୍କ ବିରୋଧରେ ହଂକଂ କୋର୍ଟଙ୍କ ଦ୍ୱାରସ୍ଥ ହୋଇଛି। ଏ ନେଇ ଗଣମାଧ୍ୟମରେ ଏକ ରିପୋର୍ଟ ପ୍ରକାଶ ପାଇଛି। ନୀରବଙ୍କୁ ଗିରଫ କରିବା ଲାଗି ମାର୍ଚ୍ଚ ୨୩ ରେ ଭାରତ ସରକାର ହଂକଂ ସରକାରଙ୍କୁ କହିଥିଲେ।

କଓ୍ବୋଇସି ଲାଗି ଆଧାର ଅପରିହାର୍ଯ୍ୟ: ଆର୍‌ବିଆଇ

କଓ୍ବୋଇସି ଲାଗି ଆଧାର ଅପରିହାର୍ଯ୍ୟ: ଆର୍‌ବିଆଇ

ନୂଆଦିଲ୍ଲୀ, ୨୧-୪ (ପି.ଟି) ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ) ଏହାର ନୋ ୟୋର କଷ୍ଟମର(କଓ୍ବୋଇସି) ନିୟମରେ ସଂଶୋଧନ କରିଛି। କଓ୍ବୋଇସି ଲାଗି ଆଧାରକୁ ଆର୍‌ବିଆଇ ଅପରିହାର୍ଯ୍ୟ କରିଛି। ଫଳରେ ବ୍ୟାଙ୍କ ଏବଂ ବିତ୍ତ ପ୍ରତିଷ୍ଠାନଗୁଡିକ ଗ୍ରାହକଙ୍କ ସହ କାରବାର ବେଳେ ଏହାକୁ ଲୋଡିବେ । ସେହିଭଳି ଠିକଣା ତଥା ପରିଚୟ ଲାଗି ଲୋଡା ହେଉଥିବା ଅନ୍ୟ କେତେକ ବୈଦ୍ଧ ଦସ୍ତାବିଜ ବ୍ୟବହାର ନେଇ ରହିଥିବା ନିୟମକୁ ମଧ୍ୟ ଆର୍‌ବିଆଇ ସଂଶୋଧନ କରିଥିବା ଜଣାଯାଇଛି।

 ସେନ୍‌ସେକ୍ସରେ ୨୨୨ ପଏଣ୍ଟ ବୃଦ୍ଧି

ସେନ୍‌ସେକ୍ସରେ ୨୨୨ ପଏଣ୍ଟ ବୃଦ୍ଧି

ବମ୍ବେ,୨୧-୪(ଫି.ଟି.) କ୍ରମାଗତ ଚତୁର୍ଥ ସପ୍ତାହ ପାଇଁ ପୁଞ୍ଜି ବଜାର ଊର୍ଦ୍ଧ୍ୱମୁଖୀ ହୋଇଛି। ସପ୍ତାହର ପ୍ରଥମ କାରବାର ଦିବସରେ ବମ୍ବେ ଷ୍ଟକ୍‌ ଏକ୍ସଚେଞ୍ଜ ସେନ୍‌ସେକ୍ସ ୩୩,୯୪୪.୭୩ ପଏଣ୍ଟରେ ଖୋଲିଥିଲା। ସପ୍ତାହ ଯାକ ଏହା ୩୩,୮୯୯.୩୪ରୁ ୩୪,୫୯୧.୮୧ ପଏଣ୍ଟ ମଧ୍ୟରେ ରହିଥିଲା। ଅନ୍ତିମ କାରବାର ଦିବସ ଅର୍ଥାତ୍‌ ଶୁକ୍ରବାର ଏହା ୩୪,୪୧୫.୫୮ ପଏଣ୍ଟରେ ବନ୍ଦ ହୋଇଥିଲା। ପୂର୍ବ ସପ୍ତାହ ତୁଳନାରେ ଏଥିରେ ୨୨୨.୯୩ ପଏଣ୍ଟ ବୃଦ୍ଧି ଘଟିଛି।

 ଆସନ୍ତା ସପ୍ତାହରେ ଓ୍ବାଲ୍‌ମାର୍ଟ-ଫ୍ଲିପ୍‌କାର୍ଟ ଚୁକ୍ତି,ଫ୍ଲିପ୍‌କାର୍ଟରେ ୫୧%ରୁ ଅଧିକ ଅଂଶଧନ କିଣିବ ଓ୍ବାଲ୍‌ମାର୍ଟ

ଆସନ୍ତା ସପ୍ତାହରେ ଓ୍ବାଲ୍‌ମାର୍ଟ-ଫ୍ଲିପ୍‌କାର୍ଟ ଚୁକ୍ତି,ଫ୍ଲିପ୍‌କାର୍ଟରେ ୫୧%ରୁ ଅଧିକ ଅଂଶଧନ କିଣିବ ଓ୍ବାଲ୍‌ମାର୍ଟ

ବମ୍ବେ,୨୧-୪ ଆସନ୍ତା ସପ୍ତାହରେ ଦେଶର ସର୍ବବୃହତ୍‌ ଇ-କମର୍ସ ଚୁକ୍ତି ସ୍ବାକ୍ଷର ହେବାକୁ ଯାଉଛି। ଆମେରିକୀୟ ରିଟେଲ୍‌ କମ୍ପାନୀ ଓ୍ବାଲମାର୍ଟ ଭାରତର ପ୍ରମୁଖ ଇ-କମର୍ସ କମ୍ପାନୀ ଫ୍ଲିପ୍‌କାର୍ଟର ୫୧%ରୁ ଊର୍ଦ୍ଧ୍ୱ ଅଂଶଧନ କିଣିବା ପାଇଁ ଏହି ସପ୍ତାହରେ ଚୁକ୍ତି ସ୍ବାକ୍ଷର କରିପାରେ ବୋଲି ଘଟଣା ଉପରେ ସୂଚନା ରଖିଥିବା ଦୁଇଟି ସୂତ୍ରରୁ ଜଣାଯାଇଛି। ପ୍ରକାଶଯୋଗ୍ୟ, ବହୁ ଦିନରୁ ଓ୍ବାଲ୍‌ମାର୍ଟ ଏ ନେଇ ଫ୍ଲିପ୍‌କାର୍ଟ ସହ ଆଲୋଚନା କରିଆସୁଛି।

ଜବତ ହେବ ପଳାତକ ଅର୍ଥନୈତିକ ଅପରାଧିଙ୍କ ସମ୍ପତ୍ତି: ଅଧ୍ୟାଦେଶକୁ କେନ୍ଦ୍ର କ୍ୟାବିନେଟର ମଞ୍ଜୁରୀ

ଜବତ ହେବ ପଳାତକ ଅର୍ଥନୈତିକ ଅପରାଧିଙ୍କ ସମ୍ପତ୍ତି: ଅଧ୍ୟାଦେଶକୁ କେନ୍ଦ୍ର କ୍ୟାବିନେଟର ମଞ୍ଜୁରୀ

ନୂଆଦିଲ୍ଲୀ, ୨୧-୪ (ପି.ଟି) ବଡ ଧରଣର ଘୋଟାଲା କରି ନୀରବ ମୋଦି,ମେହୁଲ ଚୋକ୍‌ସୀ, ବିଜୟ ମାଲ୍ୟାଙ୍କ ଭଳି ବ୍ୟକ୍ତି ଦେଶ ଛାଡି ଯିବାକୁ ସକ୍ଷମ ହୋଇଥିବା ବେଳେ ସରକାର ସେମାନଙ୍କ ବିରୋଧରେ ଉଚିତ କାର୍ଯ୍ୟାନୁଷ୍ଠାନ ନେବାକୁ ସକ୍ଷମ ହେଉ ନାହାନ୍ତି। ଏହି ଭଳି ସମସ୍ୟାକୁ ଧ୍ୟାନରେ ରଖି କେନ୍ଦ୍ର କ୍ୟାବିନେଟ ଶନିବାର ପଳାତକ ଅର୍ଥନୈତିକ ଅପରାଧି ଅଧ୍ୟାଦେଶ ୨୦୧୮ ଜାରି ଲାଗି ପ୍ରସ୍ତାବକୁ ମଞ୍ଜୁରୀ ଦେଇଛି। ଏହା ଲାଗୁ ହେଲେ ଋଣ ଖିଲାପକାରୀ ତଥା ଅର୍ଥନୈତିକ ଅପରାଧିଙ୍କ ସମ୍ପତ୍ତି ଜବତ କରିବାକୁ ସରକାର ସକ୍ଷମ ହେବେ ବୋଲି ଜଣାଯାଇଛି।

ପିଏନ୍‌ବିର ଗାନ୍ଧିଗିରି ପ୍ଲାନ: ପ୍ରତି ମାସରେ ଖିଲାପକାରୀଙ୍କ ଠାରୁ ଅସୁଲ ହେବ ୧୫୦ କୋଟି

ପିଏନ୍‌ବିର ଗାନ୍ଧିଗିରି ପ୍ଲାନ: ପ୍ରତି ମାସରେ ଖିଲାପକାରୀଙ୍କ ଠାରୁ ଅସୁଲ ହେବ ୧୫୦ କୋଟି

ନୂଆଦିଲ୍ଲୀ, ୨୧-୪ ନୀରବ ମୋଦି ଏବଂ ତାଙ୍କ ମାମୁଁ ମେହୁଲ ଚୋକସୀ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ରୁ ବେଆଇନ ଲେଟର ଅଫ୍‌ ଅଣ୍ଡରଟେକିଂ ଦ୍ୱାରା ପ୍ରାୟ ୧୩୦୦୦ କୋଟି ଟଙ୍କା ଘୋଟାଲା କରିବାକୁ ସମର୍ଥ ହେଲେ। ଏବେ ନୀରବ ଏବଂ ମେହୁଲ ଚୋକସୀ ଋଣ ଖିଲାପ କରି ବିଦେଶରେ । ବାରମ୍ବାର ସମନ ସତ୍ତ୍ୱେ ସେମାନେ ତଦନ୍ତକାରୀ ଏଜେନ୍ସିଗୁଡିକ ସହିତ ସହଯୋଗ କରୁ ନାହାନ୍ତି। ସେମାନଙ୍କ ବିରୋଧରେ ସରକାର ଜାମିନ ବିହୀନ ପରଓ୍ବାନା ମଧ୍ୟ ଜାରି କରି ସାରିଛନ୍ତି। ଏହା କେବଳ ପଞ୍ଜାବ ନ୍ୟାଶନାଲ ବ୍ୟାଙ୍କର ସମସ୍ୟା ନୁହେଁ। ଦେଶର ବିଭିନ୍ନ ବ୍ୟାଙ୍କରେ ବର୍ତ୍ତମାନ ହଜାର ହଜାର କୋଟି ଟଙ୍କାର ଅନାଦାୟ ପରିସମ୍ପତ୍ତି(ଏନ୍‌ପିଏ) ପଡି ରହିଛି। ଏହି ଭଳି ଖିଲାପକାରୀଙ୍କଠାରୁ ଟଙ୍କା ଅସୁଲ କରିବା ଲାଗି ପିଏନ୍‌ବି ଏକ ନୂଆ ଯୋଜନା ହାତକୁ ନେଇଛି ଯାହାର ନାମ ରହିଛି ଗାନ୍ଧିଗିରି।

ଏଟିଏମ୍‌ ସଙ୍କଟ: ଅଧିକ ଉଠାଣ କରିଥିବା ବ୍ୟକ୍ତିଙ୍କ ଯାଞ୍ଚ କରିବ ଫାଇନାନ୍ସିଆଲ ଇଣ୍ଟେଲିଜେନ୍ସ ୟୁନିଟ

ଏଟିଏମ୍‌ ସଙ୍କଟ: ଅଧିକ ଉଠାଣ କରିଥିବା ବ୍ୟକ୍ତିଙ୍କ ଯାଞ୍ଚ କରିବ ଫାଇନାନ୍ସିଆଲ ଇଣ୍ଟେଲିଜେନ୍ସ ୟୁନିଟ

ନୂଆଦିଲ୍ଲୀ, ୨୧-୪ କ୍ୟାଶ ସଙ୍କଟ ଟଳି ନ ଥିବା ବେଳେ ଏହାର କାରଣ କଣ ପ୍ରଶ୍ନ ଏବେ ମଧ୍ୟ ଲୋକଙ୍କ ମନରେ ଉଙ୍କି ମାରୁଛି। ହଠାତ କାହିଁକି ଏଟିଏମ୍‌ଗୁଡିକ ଖାଲି ହୋଇ ଯାଉଛି ତାର ଉତ୍ତର ସରକାର ଠିକ୍‌ ଭାବେ ଦେଇ ପାରୁ ନାହାନ୍ତି। ଲୋକଙ୍କର ଚାହିଦା ହଠାତ ବୃଦ୍ଧି ହେବା ଯୋଗୁ ନଗଦ ସଙ୍କଟ ଏଟିଏମ୍‌ଗୁଡିକରେ ଆସିଥିବା ସରକାର ଲୋକଙ୍କୁ ବୁଝାଇବା ଆଳରେ କହିଛନ୍ତି। ମାତ୍ର କେଉଁ କେଉଁ ଲୋକ ଏହି ଦିନଗୁଡିକରେ କେତେ ପରିମାଣର ଟଙ୍କା ଉଠାଇଛନ୍ତି ତାକୁ ନେଇ ତର୍ଜମା ହେବ ବୋଲି ଜଣା ଯାଇଛି। କ୍ୟାଙ୍କ ସଙ୍କଟ ମାମଲା ଉପରେ ସରକାରଙ୍କ ଫାଇନାନ୍ସିଆଲ୍‌ ଇଣ୍ଟେଲିଜେନ୍ସ ୟୁନିଟ(ଏଫ୍‌ଆଇୟୁ) ତଦନ୍ତ କରିବ ବୋଲି ଜଣା ଯାଇଛି।

କ୍ୟାଶ ସଙ୍କଟ: ଅଧିକ ଉଠାଣ ହୋଇଥିବା ସ୍ଥାନଗୁଡିକ ଉପରେ ଆୟକର ବିଭାଗର ନଜର

କ୍ୟାଶ ସଙ୍କଟ: ଅଧିକ ଉଠାଣ ହୋଇଥିବା ସ୍ଥାନଗୁଡିକ ଉପରେ ଆୟକର ବିଭାଗର ନଜର

ନୂଆଦିଲ୍ଲୀ, ୨୧-୪ କ୍ୟାଶ ଜନିତ ସଙ୍କଟ ଟଳିବାରେ ନା ନେଉ ନାହିଁ। ଏଟିଏମ୍‌ଗୁଡିକରେ ନଗଦ ସଙ୍କଟ ବିମୁଦ୍ରୀକରଣ ଦିନ କଥା ମନେ ପକାଇ ଦେଉଛି। ଏପରେ ନୋଟ ଯୋଗାଣକୁ ତ୍ୱରାନ୍ବିତ କରିବା ଲାଗି ଉଭୟ ସରକାର ଏବଂ ରିଜର୍ଭ ବ୍ୟାଙ୍କ ତତ୍ପର ହୋଇଛନ୍ତି। କ୍ୟାଶ ସଙ୍କଟ ସମାଧାନ ହୋଇଯିବ ବୋଲି ସରକାର ଲୋକଙ୍କୁ ଆଶ୍ୱସନା ଦେଉଥିବା ବେଳେ ଦେଶରେ ପ୍ରଚୁର ପରିମାଣର ନଗଦ ରହିଥିବା ଅର୍ଥ ମନ୍ତ୍ରୀ ଅରୁଣ ଜେଟଲୀ କହିଥିଲେ। ଲୋକମାନେ ନଗଦ ଟଙ୍କାକୁ ମହଜୁଦ କରି ରଖିଥିବା ଯୋଗୁ ଏପରି ସଙ୍କଟ ଆସିଥିବା ଅନୁମାନ କରାଯାଉଛି। ଏତଦ୍‌ ବ୍ୟତୀତ କେଉଁ ସ୍ଥାନଗୁଡିକରେ ଅଧିକ ପରିମାଣର ଉଠାଣ ହୋଇଛି ସେ ଉପରେ ଆୟକର ବିଭାଗ ନଜର ରଖିଛି।

ଦେଶର ପ୍ରଥମ ୧୦୦ ବିଲିୟନ୍‌ ଡଲାର କମ୍ପାନୀ ହେବ ଟିସିଏସ୍‌

ଦେଶର ପ୍ରଥମ ୧୦୦ ବିଲିୟନ୍‌ ଡଲାର କମ୍ପାନୀ ହେବ ଟିସିଏସ୍‌

ନୂଆଦିଲ୍ଲୀ, ୨୧-୪ ପ୍ରମୁଖ ଆଇଟି ସେବା ପ୍ରଦାନ କାରୀ କମ୍ପାନୀ ଟାଟା କନସଲଟାନ୍ସି ସର୍ଭିସେସ(ଟିସିଏସ୍‌) ଦେଶର ପ୍ରଥମ ୧୦୦ ବିଲିୟନ ଡଲାର ବିଶିଷ୍ଟ କମ୍ପାନୀ ହେବ। ସେହିଭଳି କମ୍ପାନୀର ବଜାର ଅଂଶଧନ ଦେଶର ଅନ୍ୟ ପ୍ରମୁଖ କମ୍ପାନୀ ଇନଫୋସିସ୍‌ ତୁଳନାରେ ଅଢେଇ ଗୁଣ ବଡ ବୋଲି ଜଣାଯାଇଛି। ୧୦୦ ବିଲିୟନ ଡଲାର ଛୁଇଁବା ଲାଗି କମ୍ପାନୀ ଆଉ ଏକ ବିଲିୟନ ଡଲାର ପଛରେ ରହିଛି। ଏହି ଲକ୍ଷ୍ୟ ହାସଲ ପାଇଁ କମ୍ପାନୀର ଶେୟାର ମୂଲ୍ୟରେ ଆଉ ମାତ୍ର ୫୦ ଟଙ୍କା ବୃଦ୍ଧି ହେବାର ଆବଶ୍ୟକତା ରହିଛି।

ଟେଲିକମ୍‌ କମ୍ପାନୀଙ୍କ ମଧ୍ୟରେ ଟାରିଫ୍‌ ଲଢେଇ

ଟେଲିକମ୍‌ କମ୍ପାନୀଙ୍କ ମଧ୍ୟରେ ଟାରିଫ୍‌ ଲଢେଇ

ନୂଆଦିଲ୍ଲୀ, ୨୧-୪ ଘରୋଇ ବଜାରର ଟେଲିକମ୍‌ କମ୍ପାନୀଙ୍କ ମଧ୍ୟରେ ଟାରିଫ୍‌କୁ ନେଇ ଛକାପଞ୍ଝା ଲାଗି ରହିଛି। ବିଶେଷ କରି ରିଲାଏନ୍ସ ଜିଓର ପ୍ରବେଶ ପରେ କମ୍ପାନୀଙ୍କ ମଧ୍ୟରେ ଟାରିଫ୍‌ ନେଇ ଲଢେଇ ତୀବ୍ରତର ହୋଇଛି। ଗ୍ରାହକଙ୍କୁ ନିଜ ସହ ବାନ୍ଧି ରଖିବା ଲାଗି କମ୍ପାନୀଗୁଡିକ ବିଭିନ୍ନ ଲୋଭନୀୟ ଅଫର ମାନ ପ୍ରଦାନ କରୁଛନ୍ତି। ସେହିଭଳି ବିଭିନ୍ନ କମ୍ପାନୀର ଅଫର ବିକଳ୍ପ ରହୁଥିବାରୁ ଗ୍ରାହକମାନେ ଏହାକୁ ନେଇ ଗୋଟିଏ କମ୍ପାନୀରେ ବାନ୍ଧି ହୋଇ ରହିବାକୁ ଆଉ ପସନ୍ଦ କରୁ ନାହାନ୍ତି। ଯେଉଁ କମ୍ପାନୀ ଡାଟା, ଟକ୍‌ ଟାଇମ୍‌, ଏସ୍‌ଏମ୍‌ଏସ୍‌ କ୍ଷେତ୍ରରେ ଲୋଭନୀୟ ଅଫର ପ୍ରଦାନ କରୁଛି ସେହି କମ୍ପାନୀ ଆଡକୁ ଗ୍ରାହକମାନେ ଅଗ୍ରସର ହେଉଛନ୍ତି।

ବ୍ଲାକ୍‌ କୋବ୍ରା ପ୍ଲାଏଉଡ୍‌ର ଡିଲର ମିଟ୍‌

ବ୍ଲାକ୍‌ କୋବ୍ରା ପ୍ଲାଏଉଡ୍‌ର ଡିଲର ମିଟ୍‌

ଭୁବନେଶ୍ୱର, ୨୧-୪ ପଞ୍ଜାବଭିତ୍ତିକ ପ୍ଲାଏଉଡ୍‌ କମ୍ପାନୀ ବ୍ଲାକ୍‌ କୋବ୍ରା ଓଡ଼ିଶାରେ ଏହାର ପ୍ରଥମ ବର୍ଷ ପୂର୍ତ୍ତି ଅବସରରେ ସ୍ଥାନୀୟ ଡିଲରମାନଙ୍କୁ ନେଇ ଏକ ବୈଠକ କରିଛି। ଏହି ଅବସରରେ କମ୍ପାନୀର ଉପସଭାପତି(ବଜାର) ସୁଧୀର ମେହିନ୍ଦ୍ରୁ, ମାର୍କେଟିଂ ମ୍ୟାନେଜର ରାଜନ ମେହିନ୍ଦ୍ରୁ, ବ୍ରାଞ୍ଚ ମ୍ୟାନେଜର ଅଶୋକ ସେନ୍‌ଗୁପ୍ତା ଏବଂ ଓଡ଼ିଶା ସୁପର ଡିଷ୍ଟ୍ରିବ୍ୟୁଟର ଶିବଦତ୍ତ ସୁବୁଦ୍ଧି ପ୍ରମୁଖ ଡିଲରମାନଙ୍କ ସହ ଆଲୋଚନା କରିଥିଲେ।

ପୂର୍ବତଟ ରେଳପଥ ପାଳିଲା ୬୩ତମ ରେଳ ସପ୍ତାହ

ପୂର୍ବତଟ ରେଳପଥ ପାଳିଲା ୬୩ତମ ରେଳ ସପ୍ତାହ

ଭୁବନେଶ୍ୱର,୨୧-୪ ୧୮୫୩ ମସିହା ଏପ୍ରିଲ ୧୬ରେ ଭାରତବର୍ଷର ପ୍ରଥମ ରେଳଗାଡ଼ି ବମ୍ବେରୁ ଠାଣେ ପର୍ଯ୍ୟନ୍ତ ଯାତ୍ରା କରିଥିଲା। ଏହି ଦିନକୁ ମନେପକାଇବା ପାଇଁ ପୂର୍ବତଟ ରେଳପଥ ପକ୍ଷରୁ ଶନିବାର ୬୩ତମ ରେଳ ସପ୍ତାହ ପାଳନ କରାଯାଇଛି। ଏହି ଅବସରରେ ପୂର୍ବତଟ ରେଳପଥ ମହାପ୍ରବନ୍ଧକ ଉମେଶ ସିଂ, ଅତିରିକ୍ତ ମହାପ୍ରବନ୍ଧକ ରାଜୀବ ଶର୍ମା ଏବଂ ପୂର୍ବତଟ ରେଳପଥ ମହିଳା କଲ୍ୟାଣ ସଂଗଠନର ସଭାନେତ୍ରୀ ମଧୁଲିକା ସିଂ ଅତିଥି ଭାବେ ଯୋଗ ଦେଇଥିଲେ।

୪ ବର୍ଷର ରେକର୍ଡ ଭାଙ୍ଗିଲା ତୈଳ ଦର

୪ ବର୍ଷର ରେକର୍ଡ ଭାଙ୍ଗିଲା ତୈଳ ଦର

ନୂଆଦିଲ୍ଲୀ,୨୧-୪ ଦେଶର ପ୍ରମୁଖ ମେଟ୍ରୋ ସହର ବମ୍ବେ ଓ ଦିଲ୍ଲୀରେ ଉଭୟ ପେଟ୍ରୋଲ ଓ ଡିଜେଲ ଦର ଶୁକ୍ରବାର ୪ ବର୍ଷର ରେକର୍ଡ ଭାଙ୍ଗିଛି। ଦିଲ୍ଲୀରେ ପେଟ୍ରୋଲ ଲିଟର ୭୪ ଟଙ୍କା ୦୮ ପଇସାକୁ ବୃଦ୍ଧି ପାଇଥିବା ବେଳେ ଡିଜେଲ ଦର ୬୯ ଟଙ୍କା ୫୦ ପଇସାକୁ ବଢ଼ିଛି। ସ୍ଥାନୀୟ ସୂଚନା ଅନୁସାରେ ଭୁବନେଶ୍ୱରରେ ଶୁକ୍ରବାର ପେଟ୍ରୋଲ ଲିଟର ୭୨ ଟଙ୍କା ୯୨ ପଇସା ଏବଂ ଡିଜେଲ ଦର ୭୦ ଟଙ୍କା ୦୮ ପଇସାକୁ ବୃଦ୍ଧି ପାଇଛି।

ଅକ୍ଷୟ ତୃତୀୟାରେ ହୋଣ୍ଡା ୨ହ୍ବିଲର୍ସ ବିକ୍ରିରେ ୮୦% ବୃଦ୍ଧି

ଅକ୍ଷୟ ତୃତୀୟାରେ ହୋଣ୍ଡା ୨ହ୍ବିଲର୍ସ ବିକ୍ରିରେ ୮୦% ବୃଦ୍ଧି

ଭୁବନେଶ୍ୱର,୨୧-୪:ଅକ୍ଷୟ ତୃତୀୟା ଅବସରରେ ହୋଣ୍ଡା ୨ହ୍ବିଲର୍ସ ରେକର୍ଡ ପରିମାଣର ଯାନ ବିକ୍ରି କରିଛି। ଏହି ଦିନ କମ୍ପାନୀର ବିକ୍ରି ୮୦% ବଢ଼ିଛି। ପଶ୍ଚିମ ଭାରତୀୟମାନେ ଅଧିକ ଗାଡ଼ି କିଣିଥିବା ବେଳେ ଦକ୍ଷିଣାଞ୍ଚଳ ଓ କେନ୍ଦ୍ରାଞ୍ଚଳରେ ମଧ୍ୟ ଭଲ ଉତ୍ସାହ ଦେଖାଦେଇଥିଲା। ଏହି ଅବସରରେ ଗ୍ରାହକ ଆକ୍ଟିଭାକୁ ସର୍ବାଧିକ ପସନ୍ଦ କରିଛନ୍ତି। ଅକ୍ଷୟ ତୃତୀୟାରେ କମ୍ପାନୀର ବିକ୍ରି ବିଷୟରେ ହୋଣ୍ଡା ମୋଟରସାଇକେଲ୍‌ ଆଣ୍ଡ୍‌ ସ୍କୁଟର ଇଣ୍ଡିଆ ପ୍ରାଇଭେଟ୍‌ ଲିମିଟେଡ୍‌ର ବରିଷ୍ଠ ଉପସଭାପତି(ବିକ୍ରି ଓ ମାର୍କେଟିଂ) ୟଦବିନ୍ଦର ସିଂ ଗୁଲେରିଆ କହିଛନ୍ତି ଯେ, ୨୦୧୮ର ଆରମ୍ଭ ଆମ ପାଇଁ ସକାରାତ୍ମକ ରହିଛି। ଅକ୍ଷୟ ତୃତୀୟାରେ ଗୋଟିଏ ଦିନରେ ଗ୍ରାହକମାନେ ସର୍ବାଧିକ ପରିମାଣର ହୋଣ୍ଡା ଦୁଇଚକିଆ ଯାନ କିଣିଥିବାରୁ ଆମେ ଅତ୍ୟନ୍ତ ଆନନ୍ଦିତ।

ବିମୁଦ୍ରୀକରଣ ପରେ ବଢିଛି ସନ୍ଦିଗ୍ଧ କାରବାର:ବୃଦ୍ଧି ପାଇଛି ନକଲି ନୋଟ୍‌ କାରବାର,ଠାବ ହୋଇଛି ୭.୩୩ ଲକ୍ଷ ଜାଲ୍‌ନାଟ୍‌

ବିମୁଦ୍ରୀକରଣ ପରେ ବଢିଛି ସନ୍ଦିଗ୍ଧ କାରବାର:ବୃଦ୍ଧି ପାଇଛି ନକଲି ନୋଟ୍‌ କାରବାର,ଠାବ ହୋଇଛି ୭.୩୩ ଲକ୍ଷ ଜାଲ୍‌ନାଟ୍‌

ନୂଆଦିଲ୍ଳୀ, ୨୧-୪(ପି.ଟି) :କଳାଟଙ୍କା ଏବଂ ଟେରର ଫଣ୍ଡିଂ ଉପରେ ଅଙ୍କୁଶ ଲଗାଇବା ଲାଗି ସରକାର ୨୦୧୬ ନଭେମ୍ବର ୮ରେ ରାତି ଅଧିଆ ‘ବିମୁଦ୍ରୀକରଣ’ ଘୋଷଣା କରିଥିଲେ। ଏହା ଦ୍ୱାରା କଳାଟଙ୍କାଗୁଡିକ ଆର୍ଥିକ ବ୍ୟବସ୍ଥାକୁ ଫେରିଆସିବ ଏବଂ ଏହା ଉପରେ ରୋକ୍‌ ଲାଗିବ ବୋଲି ଉକ୍ତ ସମୟରେ କେନ୍ଦ୍ରରେ ଥିବା ନରେନ୍ଦ୍ର ମୋଦି ସରକାର ଦୃଢ଼ୋକ୍ତି ପ୍ରକାଶ କରିଥିଲେ। କିନ୍ତୁ ବାସ୍ତବରେ ଏହା ସେପରି ହେଲା ନାହିଁ। ସରକାରଙ୍କ ଏହି ଯୋଜନା ସମ୍ପୂର୍ଣ୍ଣ ଭାବେ ବିଫଳ ହୋଇଛି। ବଜାର ଉପରେ ବିମୁଦ୍ରୀକରଣର ପ୍ରଭାବ ପଡିଥିଲା। ଭାରତର ଅଭିବୃଦ୍ଧି ପ୍ରଭାବିତ ହେବା ସହ ମାନୁଫ୍ୟାକ୍‌ଚରିଂ କାରବାର ଏକ ପ୍ରକାର ଧିମା ହୋଇଗଲା।

ପ୍ରଥମ ମେମୁ ଟ୍ରେନ ଚଳାଇବ ପୂର୍ବତଟ ରେଳପଥ

ପ୍ରଥମ ମେମୁ ଟ୍ରେନ ଚଳାଇବ ପୂର୍ବତଟ ରେଳପଥ

ଭୁବନେଶ୍ୱର, ୨୧-୪(ବ୍ୟୁରୋ):ପୂର୍ବତଟ ରେଳପଥ ଆଗାମୀ ରଥଯାତ୍ରା ପୂର୍ବରୁ ପ୍ରଥମ ମେମୁ(ମେନ ଲାଇନ ଇଲେକଟ୍ରିକ୍‌ ମଲ୍ଟିପୁଲ ୟୁନିଟ) ଟ୍ରେନର ଶୁଭାରମ୍ଭ କରିବ। ଏହି ଟ୍ରେନରେ ଉଭୟ ପାର୍ଶ୍ୱରେ ଇଞ୍ଜିନ ରହିବ। ଏହାର ଇଞ୍ଜିନ ଅତି ଶକ୍ତିଶାଳୀ ହୋଇଥିବାରୁ ଷ୍ଟାର୍ଟ କରିବା ଲାଗି ଅତି ବେଶି ସମୟ ନେବ ନାହିଁ। ଏହି ଟ୍ରେନ ଚଳାଚଳ ଲାଗି ପୂର୍ବତଟ ରେଳପଥ ପ୍ରସ୍ତୁତିକୁ ଜୋରଦାର କରିଛି। ଖୋର୍ଦ୍ଧାଠାରେ ଏଥି ଲାଗି ମେମୁ ସେଡ୍‌ ନିର୍ମାଣ ହୋଇଛି। ଏଥି ଲାଗି ୩ଟି ରେକ୍‌ ଶୀଘ୍ର ଆସିବ। ପ୍ରାଥମିକ ପର୍ଯ୍ୟାୟରେ ବ୍ରହ୍ମପୁର-କଟକ ଫାଷ୍ଟ ପାସେଞ୍ଜରକୁ ମେମୋ ଟ୍ରେନରେ ରୂପାନ୍ତରିତ କରାଯିବ। ବ୍ରହ୍ମପୁର ଭଦ୍ରକ ମଧ୍ୟରେ ଏହି ଭଳି ଏକ ଟ୍ରେନ ଚଳାଇବାକୁ ଯୋଜନା ରହିଛି। ପରବର୍ତ୍ତୀ ପର୍ଯ୍ୟାୟରେ ଏପରି ଅଧିକ ଟ୍ରେନ ଚଳାଚଳ କରାଇବାକୁ ଯୋଜନା ଧାର୍ଯ୍ୟ ହୋଇଛି।

ସାମ୍‌ସଙ୍ଗ ଗାଲାକ୍ସି ଏସ୍‌୯ ଏକ ନମ୍ବର ସ୍ମାର୍ଟଫୋନ୍‌

ସାମ୍‌ସଙ୍ଗ ଗାଲାକ୍ସି ଏସ୍‌୯ ଏକ ନମ୍ବର ସ୍ମାର୍ଟଫୋନ୍‌

ଭୁବନେଶ୍ୱର,୨୦-୪ ପ୍ରମୁଖ ସ୍ମାର୍ଟଫୋନ୍‌ ନିର୍ମାତା ସାମ୍‌ସଙ୍ଗ୍‌ ସଦ୍ୟ ବଜାର ପ୍ରବେଶ କରାଇଥିବା ଗାଲାକ୍ସି ଏସ୍‌୯ ଏବଂ ଏସ୍‌୯+ ମଡେଲ୍‌ ବେଶ୍‌ ଲୋକାଦୃତ ହୋଇଛି। ଉତ୍ତମ ପ୍ରଦର୍ଶନ, ଅଡିଓ ଭିଜୁଆଲ୍‌ କ୍ୱାଲିଟି ଏବଂ ଆକର୍ଷଣୀୟ ଫିଚର ପାଇଁ ଗାଲାକ୍ସି ଏସ୍‌୯ ଏକ ନମ୍ବର ମାନ୍ୟତା ପାଇଛି ବୋଲି କଞ୍ଜ୍ୟୁମର ରିପୋଟର୍‌ସ ଡ୍ୟୁରେବିଲିଟି ଟେଷ୍ଟ୍‌ ପକ୍ଷରୁ ପ୍ରକାଶ।

ବଜାରରେ ମହିନ୍ଦ୍ରାର ପ୍ଲଶ ନ୍ୟୁ ଏକ୍ସୟୁଭି୫୦୦

ବଜାରରେ ମହିନ୍ଦ୍ରାର ପ୍ଲଶ ନ୍ୟୁ ଏକ୍ସୟୁଭି୫୦୦

ବମ୍ବେ, ୨୦-୪ ଦେଶର ପ୍ରମୁଖ ଯାନ ନିର୍ମାତା ମହିନ୍ଦ୍ରା ଆଣ୍ଡ୍‌ ମହିନ୍ଦ୍ରା ଲିମିଟେଡ୍‌ ଏହାର ପ୍ରିମିୟମ ଏସ୍‌ୟୁଭି ସେଗ୍‌ମେଣ୍ଟ୍‌ରେ ‘ପ୍ଲଶ୍‌ ନ୍ୟୁ ଏକ୍ସୟୁଭି୫୦୦’ ମଡେଲ୍‌କୁ ବଜାର ପ୍ରବେଶ କରାଇଛି। ନୂତନ ଡିଜାଇନ୍‌ ଏବଂ ବିଳାସମୟ ଇଣ୍ଟେରିୟର୍ସ ସହିତ ଏହି କାର୍‌ ବଜାରକୁ ଆସିଛି। ଏହାର ଏକ୍ସ-ଶୋ’ରୁମ୍‌ ବମ୍ବେ ମୂଲ୍ୟ ୧୨.୩୨ ଲକ୍ଷ ଟଙ୍କା ରହିଛି।

ବଜାର, କୃଷକ ମଧ୍ୟରେ ସମନ୍ବୟ ଲୋଡ଼ା

ବଜାର, କୃଷକ ମଧ୍ୟରେ ସମନ୍ବୟ ଲୋଡ଼ା

ଭୁବନେଶ୍ୱର,୨୦-୪ ଅମଳ ସମୟରେ କୃଷି ଉତ୍ପାଦ ଦର ଯଥେଷ୍ଟ ହ୍ରାସ ପାଉଛି। ଫଳରେ କୃଷକ ଏହାର ଉଚିତ ମୂଲ୍ୟ ପାଇ ପାରୁନାହିଁ। ଅଭାବ ସମୟରେ ବ୍ୟବସାୟୀମାନେ ବିଭିନ୍ନ ଖାଦ୍ୟଶସ୍ୟକୁ ଚଢ଼ାଦରରେ ବିକ୍ରି କରୁଥିବାରୁ ଖାଉଟି ହନ୍ତସନ୍ତ ହେଉଛନ୍ତି। ତେଣୁ ବଜାର ସହିତ କୃଷକ ମଧ୍ୟରେ ଏକ ଉତ୍ତମ ସଂଯୋଗ ସ୍ଥାପନ ହେବା ନିହାତି ଦରକାର।

ଏନ୍‌ପିଏସ୍‌ ଉପଭୋକ୍ତାଙ୍କ ଲାଗି ବ୍ୟାଙ୍କ ଖାତା ମୋବାଇଲ ନମ୍ବର ବାଧ୍ୟତାମୂଳକ

ଏନ୍‌ପିଏସ୍‌ ଉପଭୋକ୍ତାଙ୍କ ଲାଗି ବ୍ୟାଙ୍କ ଖାତା ମୋବାଇଲ ନମ୍ବର ବାଧ୍ୟତାମୂଳକ

ନୂଆଦିଲ୍ଲୀ, ୨୦-୪ ପେନଶନ ପାଣ୍ଠି ନିୟାମକ ତଥା ଉନ୍ନତିକରଣ କର୍ତ୍ତୃପକ୍ଷ(ପିଏଫ୍‌ଆରଡିଏ), ନ୍ୟାଶନାଲ ପେନଶନ ସ୍କିମ(ଏନ୍‌ପିଏସ୍‌) ଉପଭୋକ୍ତାଙ୍କ ଲାଗି ବ୍ୟାଙ୍କ ଖାତା ଏବଂ ମୋବାଇଲ ନମ୍ବରକୁ ବାଧ୍ୟତାମୂଳକ କରିଛି। ଏ ନେଇ ଅର୍ଥ ମନ୍ତ୍ରଣାଳୟ ପକ୍ଷରୁ ସୂଚନା ରହିଛି।

ସଂସ୍କାର ପ୍ରକ୍ରିୟାରୁ ମିଳୁଛି ଲାଭ, ଭାରତରେ ଜରୁରୀ  ଅଧିକ ପଦକ୍ଷେପ : ଅନ୍ତର୍ଜାତୀୟ ମୁଦ୍ରାପାଣ୍ଠି

ସଂସ୍କାର ପ୍ରକ୍ରିୟାରୁ ମିଳୁଛି ଲାଭ, ଭାରତରେ ଜରୁରୀ ଅଧିକ ପଦକ୍ଷେପ : ଅନ୍ତର୍ଜାତୀୟ ମୁଦ୍ରାପାଣ୍ଠି

ନୂଆଦିଲ୍ଲୀ, ୨୦-୪ ଘରୋଇ ବଜାରର ଅଭିବୃଦ୍ଧିକୁ ତ୍ୱରାନ୍ବିତ କରିବା ଲାଗି ସରକାର ବିଭିନ୍ନ ପଦକ୍ଷେପ ଉପରେ ବର୍ତ୍ତମାନ ଗୁରୁତ୍ୱାରୋପ କରିଛନ୍ତି। ବଜାରର ଅଭିବୃଦ୍ଧିରେ ଉନ୍ନତି ଆଣିବା ଲାଗି ସରକାର ବିଭିନ୍ନ ପ୍ରକାରର ସଂସ୍କାର ମୂଳକ ପଦକ୍ଷେପ ଗ୍ରହଣ କରୁଛନ୍ତି। ଏହି ଭଳି ବିଭିନ୍ନ ପ୍ରକାର ପଦକ୍ଷେପ ଯୋଗୁ ଏହାର ଲାଭ ମିଳୁଥିବା ଅନ୍ତର୍ଜାତୀୟ ମୁଦ୍ରାପାଣ୍ଠି(ଆଇଏମ୍‌ଏଫ୍‌) ପ୍ରକାଶ କରିଛି।

ଏଟିଏମ୍‌ ସଙ୍କଟ: ସରକାରଙ୍କ ଉପରେ ବର୍ଷିଲେ ୟଶଓ୍ବନ୍ତ ସିହ୍ନା

ଏଟିଏମ୍‌ ସଙ୍କଟ: ସରକାରଙ୍କ ଉପରେ ବର୍ଷିଲେ ୟଶଓ୍ବନ୍ତ ସିହ୍ନା

ନୂଆଦିଲ୍ଲୀ, ୨୦-୪ ଦେଶରେ ବିଭିନ୍ନ ପ୍ରାନ୍ତରେ ଥିବା ଏଟିଏମ୍‌ଗୁଡିକରେ ନଗଦର ଅଭାବ ଦେଖାଦେଇଥିବା ବେଳେ ଏହାକୁ ନେଇ ଲୋକମାନେ ସରକାରଙ୍କ ଉପରେ ଅସନ୍ତୋଷ ପ୍ରକାଶ କରିଛନ୍ତି। ବିରୋଧି ଦଳଗୁଡିକ ମଧ୍ୟ ସରକାରଙ୍କୁ ଏ ନେଇ ବିଭିନ୍ନ ସମାଲୋଚନା କରିଛନ୍ତି। ନୋଟ ସଙ୍କଟ ବେଶି ଦିନ ରହିବ ନାହିଁ ବୋଲି ସରକାର ଲୋକଙ୍କୁ ଆଶ୍ୱସନା ଦେଇଥିବା ବେଳେ ପୂର୍ବତନ ଅର୍ଥମନ୍ତ୍ରୀ ୟଶଓ୍ବନ୍ତ ସିହ୍ନା କିନ୍ତୁ ସରକାରଙ୍କୁ ସମାଲୋଚନା କରିବାକୁ ପଛାଇ ନାହାନ୍ତି। ନୋଟ ସଙ୍କଟ ଲାଗି ସରକାର ଏବଂ ଆର୍‌ବିଆଇ ସମ୍ପୂର୍ଣ୍ଣ ଭାବେ ଦାୟୀ ବୋଲି ସେ କହିଛନ୍ତି।

ଲଣ୍ଡନ, ସିଙ୍ଗାପୁରରେ କାର୍ଯ୍ୟାଳୟ ଖୋଲିବ ୟେସ୍‌ ବ୍ୟାଙ୍କ,ମିଳିଲା ଆରବିଆଇ ମଞ୍ଜୁରୀ

ଲଣ୍ଡନ, ସିଙ୍ଗାପୁରରେ କାର୍ଯ୍ୟାଳୟ ଖୋଲିବ ୟେସ୍‌ ବ୍ୟାଙ୍କ,ମିଳିଲା ଆରବିଆଇ ମଞ୍ଜୁରୀ

ବମ୍ବେ, ୨୦-୪ ଘରୋଇ କ୍ଷେତ୍ରରେ ମଧ୍ୟମ ବର୍ଗର ବ୍ୟାଙ୍କ ୟେସ୍‌ ବ୍ୟାଙ୍କ ଲଣ୍ଡନ ଏବଂ ସିଙ୍ଗାପୁର ଭଳି ବଡବଡ ସହରଗୁଡିକରେ ଏହାର କାର୍ଯ୍ୟାଳୟ ଖୋଲିବ। ଏଥି ଲାଗି ବ୍ୟାଙ୍କ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)ର ଅନୁମତି ଲାଭ କରିଛି। ଏହା ଦ୍ୱାରା ଉକ୍ତ ସ୍ଥାନଗୁଡିକରେ ରହୁଥିବା ଭାରତୀୟ ଲୋକମାନଙ୍କୁ ଉତ୍ତମ ସେବା ଯୋଗାଣ ତଥା ନିଜର ବ୍ୟବସାୟ ବୃଦ୍ଧି ଉପରେ ବ୍ୟାଙ୍କ ଧ୍ୟାନ କେନ୍ଦ୍ରିତ କରିଛି।