ବାଣିଜ୍ୟ

ହାଓ୍ବଲାରେ ବିଦେଶରୁ ଟଙ୍କା ଆଣୁଥିଲେ ନୀରବ, ଚୋକ୍‌ସୀ

ହାଓ୍ବଲାରେ ବିଦେଶରୁ ଟଙ୍କା ଆଣୁଥିଲେ ନୀରବ, ଚୋକ୍‌ସୀ

ନୂଆଦିଲ୍ଲୀ,୨୧-୩ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ର ୧୨,୬୦୦ କୋଟି ଟଙ୍କାର ଋଣ ଘୋଟାଲା ପରେ ଏଥିରେ ସମ୍ପୃକ୍ତ ଥିବା ମୁଖ୍ୟ ଅଭିଯୁକ୍ତ ନୀରବ ମୋଦି ଏବଂ ମେହୁଲ ଚୋକ୍‌ସୀଙ୍କୁ ନେଇ ବିଭିନ୍ନ ଖବର ସାମ୍ନାକୁ ଆସୁଛି। ସେମାନେ ଲେଟର ଅଫ୍‌ ଅଣ୍ଡରଟେକିଂ ଏବଂ ଲେଟର ଅଫ୍‌ କ୍ରେଡିଟ୍‌ ଦ୍ୱାରା ବିଦେଶୀ ବ୍ୟାଙ୍କ ଶାଖାଗୁଡିକରୁ ଟଙ୍କା ଉଠାଇବା ସହ ଏହି ଅର୍ଥକୁ ହାଓ୍ବଲା ମାଧ୍ୟମ ଦେଇ ଦେଶକୁ ଆଣୁଥିବା ଖବର ସାମ୍ନାକୁ ଆସିଛି।

ଏପ୍ରିଲରୁ ମହଙ୍ଗା ହେବ ନିଶାନ କାର

ଏପ୍ରିଲରୁ ମହଙ୍ଗା ହେବ ନିଶାନ କାର

ବମ୍ବେ,୨୦-୩ ଏପ୍ରିଲ ପହିଲାରୁ ନିଶାନ ଏବଂ ଡାଟଶନ କାର ମହଙ୍ଗା ହେବ। ଏ ନେଇ ନିଶାନ ଇଣ୍ଡିଆ ପକ୍ଷରୁ ମଙ୍ଗଳବାର ସୂଚନା ଦଆଯାଇଛି। ଘରୋଇ ବଜାରରେ ଉପଲବ୍ଧ ହେଉଥିବା କମ୍ପାନୀର ବିଭିନ୍ନ ମଡେଲର ମୂଲ୍ୟ ପ୍ରାୟ ୨% ପର୍ଯ୍ୟନ୍ତ ବଢିବ ବୋଲି କମ୍ପାନୀ ପ୍ରକାଶ କରିଛି।

ବିଳମ୍ବ ପୂର୍ବରୁ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକୁ ଘରୋଇ ବ୍ୟାଙ୍କରେ ରୂପାନ୍ତରିତ କରାଯାଉ: ନନ୍ଦନ

ବିଳମ୍ବ ପୂର୍ବରୁ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକୁ ଘରୋଇ ବ୍ୟାଙ୍କରେ ରୂପାନ୍ତରିତ କରାଯାଉ: ନନ୍ଦନ

ବମ୍ବେ,୨୦-୩ ବିଳମ୍ବ ହେବା ଆଗରୁ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକୁ ଘରୋଇ ବ୍ୟାଙ୍କରେ ରୂପାନ୍ତରିତ କରିବାର ଆବଶ୍ୟକତା ରହିଛି। ବର୍ତ୍ତମାନ ବ୍ୟାଙ୍କଗୁଡିକର ବଜାର ଅଂଶ ଅଧିକ ରହିଥିବା ବେଳେ ସେମାନଙ୍କର ମୂଲ୍ୟ ବର୍ତ୍ତମାନ ହ୍ରାସ ହେଉଛି। ସେମାନେ ଘରୋଇକରଣ ସପକ୍ଷରେ ନ ଥିବା ବେଳେ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ବର୍ତ୍ତମାନ ଖରାପ ସ୍ଥିତି ଆଡକୁ ଗତି କରୁଛନ୍ତି । ଏଣୁ ପରିସ୍ଥିତି ବିଗିଡିଯିବା ଆଗରୁ ବ୍ୟାଙ୍କଗୁଡିକର ଘରୋଇକରଣ କରାଯିବାର ଆବଶ୍ୟକତା ରହିଛି ବୋଲି ଇନଫୋସିସର ଅଧ୍ୟକ୍ଷ ନନ୍ଦନ ନିଲେକାଣୀ କହିଛନ୍ତି।

 ନୀରବ ମୋଦି ମାମଲା ପରେ ସଂସ୍କାର ଉପରେ ପିଏନ୍‌ବିର ପ୍ରାଥମିକତା

ନୀରବ ମୋଦି ମାମଲା ପରେ ସଂସ୍କାର ଉପରେ ପିଏନ୍‌ବିର ପ୍ରାଥମିକତା

ନୂଆଦିଲ୍ଲୀ,୨୦-୩(ପି.ଟି) ନୀରବ ମୋଦି ମାମଲାରେ ୧୨,୬୦୦ କୋଟି ଟଙ୍କାର ଋଣ ମହାଘୋଟାଲା ପରେ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ର ଚେତା ପଶିଛି। ବ୍ୟାଙ୍କ ବର୍ତ୍ତମାନ ସଂସ୍କାର ପ୍ରକ୍ରିୟା ଉପରେ ବିଶେଷ ଭାବେ ଗୁରୁତ୍ୱାରୋପ କରୁଛି। ପିଏନ୍‌ବି ୧୦ ସୂତ୍ରୀ ସଂସ୍କାର କୌଶଳ ଦ୍ୱାରା ଏହାର କାର୍ଯ୍ୟଶୈଳୀକୁ ଦୃଢ କରିବା ଦିଗରେ ବିଭିନ୍ନ ପଦକ୍ଷେପ ନେବାକୁ ସଜବାଜ ହେଉଛି।

ସଂସ୍କାର ପ୍ରକ୍ରିୟା କେବଳ ଆଗାମୀ ସାଧାରଣ ନିର୍ବାଚନ ଯାଏ: ରାଜନ

ସଂସ୍କାର ପ୍ରକ୍ରିୟା କେବଳ ଆଗାମୀ ସାଧାରଣ ନିର୍ବାଚନ ଯାଏ: ରାଜନ

ନୂଆଦିଲ୍ଲୀ,୨୦-୩ (ପି.ଟି) ନିଜର ପ୍ରଭାବଶାଳୀ ମନ୍ତବ୍ୟ ଲାଗି ବିଭିନ୍ନ ସମୟରେ ଚର୍ଚ୍ଚାରେ ରହି ଆସୁଥିବା ରିଜର୍ଭ ବ୍ୟାଙ୍କର ପୂର୍ବତନ ଗଭର୍ନର ରଘୁରାମ ରାଜନ ପୁଣି ଥରେ ଏକ ମନ୍ତବ୍ୟ ରଖିଛନ୍ତି। ଘରୋଇ ବଜାରର ସଂସ୍କାର ପ୍ରକ୍ରିୟା କେବଳ ଆଗାମୀ ନିର୍ବାଚନ ପର୍ଯ୍ୟନ୍ତ ବୋଲି କହିଛନ୍ତି ସେ।

ଏସିଆ ପ୍ରଶାନ୍ତ ମହାସାଗରୀୟ ଅଞ୍ଚଳରେ ଭାରତର ଡାଟା ସାକ୍ଷରତା ସ୍ତର ଅଧିକ

ଏସିଆ ପ୍ରଶାନ୍ତ ମହାସାଗରୀୟ ଅଞ୍ଚଳରେ ଭାରତର ଡାଟା ସାକ୍ଷରତା ସ୍ତର ଅଧିକ

ନୂଆଦିଲ୍ଲୀ,୨୦-୩(ପି.ଟି) ଏସିଆ ପ୍ରଶାନ୍ତ ମହାସାଗରର ଅନ୍ୟ ଅଞ୍ଚଳତୁଳନାରେ ଭାରତୀୟ ଫାର୍ମଗୁଡିକରେ କାର୍ଯ୍ୟରତ କର୍ମଚାରୀଙ୍କ ଡାଟା ସାକ୍ଷରତାର ସ୍ତର ଅଧିକ। ଡାଟା ଅନାଲିଟିକ୍ସ ଫାର୍ମ କ୍ୟୁଲିକ୍ସ ପକ୍ଷରୁ ହୋଇଥିବା ଏକ ସର୍ଭେରେ ଏହି ଭଳି ତଥ୍ୟ ସାମ୍ନାକୁ ଆସିଛି।

କୁଆଖିଆଠାରେ କାନାରା ବ୍ୟାଙ୍କର ୧୭୫ତମ ଶାଖା ଉଦ୍‌ଘାଟିତ

କୁଆଖିଆଠାରେ କାନାରା ବ୍ୟାଙ୍କର ୧୭୫ତମ ଶାଖା ଉଦ୍‌ଘାଟିତ

ଭୁବନେଶ୍ୱର, ୧୯-୩ ଯାଜପୁର ଜିଲା ଅନ୍ତର୍ଗତ କୁଆଖିଆ ଠାରେ କାନାରା ବ୍ୟାଙ୍କ ଏହାର ୧୭୫ତମ ଶାଖା ଉଦ୍‌ଘାଟନ କରିଛି। ଯାଜପୁର ଜିଲାପାଳ ରଞ୍ଜନ କୁମାର ଦାସ ଓ ବ୍ୟାଙ୍କର ଭୁବନେଶ୍ୱର ଅଞ୍ଚଳ କାର୍ଯ୍ୟାଳୟ ଉପମହାପ୍ରବନ୍ଧକ ଶ୍ରୀକାନ୍ତ ମହାପାତ୍ର ଅତିଥି ଭାବେ ଯୋଗ ଦେଇ ଏହାକୁ ଉଦ୍‌ଘାଟନ କରିଛନ୍ତି।

 ଲୁହାପଥର ଖଣ୍ଡ ଦର ହ୍ରାସ କଲା ଟିଆର୍‌ବି ମାଇନ୍ସ

ଲୁହାପଥର ଖଣ୍ଡ ଦର ହ୍ରାସ କଲା ଟିଆର୍‌ବି ମାଇନ୍ସ

ଭୁବନେଶ୍ୱର, ୨୦-୩ ବଜାରରେ ଲୁହା ପଥର ଖଣ୍ଡର ମୂଲ୍ୟ ବଢିଚାଲିଥିବା ବେଳେ ସୁନ୍ଦରଗଡ଼ସ୍ଥିତ ଟିଆର୍‌ବି ଖଣି ମେଟ୍ରିକ୍‌ ଟନ ପିଛା ଏହି ମୂଲ୍ୟରେ ୬୦୦ ଟଙ୍କା ହ୍ରାସ କରିଛି। ଏହି ଖଣି ଏହାର ଲୁହାପଥର ବିକ୍ରି ୨୦୧୮ ଫେବ୍ରୁୟାରୀରୁ ଆରମ୍ଭ କରିଛି।

 ଏପ୍ରିଲରୁ ଟାଟାର ପାସେଞ୍ଜର ଯାନ ମୂଲ୍ୟ ବଢିବ

ଏପ୍ରିଲରୁ ଟାଟାର ପାସେଞ୍ଜର ଯାନ ମୂଲ୍ୟ ବଢିବ

ନୂଆଦିଲ୍ଲୀ,୨୦-୩,(ପି.ଟି) ପ୍ରମୁଖ ଯାନ ନିର୍ମାତା ଟାଟା ମୋଟର୍ସ ଏପ୍ରିଲ ପହିଲାରୁ ଏହାର ପାସେଞ୍ଜର ଯାନ ମୂଲ୍ୟ ବୃଦ୍ଧି କରିବ। କମ୍ପାନୀର ପାସେଞ୍ଜର ଯାନଗୁଡିକ ଏପ୍ରିଲ ପହିଲାରୁ ୬୦ ହଜାର ଟଙ୍କା ପର୍ଯ୍ୟନ୍ତ ମହଙ୍ଗା ହେବ। ଇନ୍‌ପୁଟ ମୂଲ୍ୟ ବୃଦ୍ଧି ଯୋଗୁ ଏହି ଭଳି ମୂଲ୍ୟ ବୃଦ୍ଧି ହେବ ବୋଲି ଜଣାପଡିଛି।

ଆସିବ ନୂଆ ଟେଲିକମ୍‌ ନୀତି

ଆସିବ ନୂଆ ଟେଲିକମ୍‌ ନୀତି

ନୂଆଦିଲ୍ଲୀ,୨୦-୩(ପି.ଟି) ସଂସଦର ଆଗାମୀ ଅଧିବେଶନରେ ନୂଆ ଟେଲିକମ୍‌ ନୀତି ଆସିବ। ଏହା ପ୍ରସ୍ତୁତ ହୋଇ ସାରିଥିବା ବେଳେ ବର୍ତ୍ତମାନ କ୍ୟାବିନେଟ ମଞ୍ଜୁରୀ ଅପେକ୍ଷାରେ ରହିଛି ବୋଲି ଟେଲିକମ୍‌ ମନ୍ତ୍ରୀ ମନୋଜ ସିହ୍ନା କହିଛନ୍ତି। ବର୍ତ୍ତମାନ ଏହି ବିଲ୍‌କୁ ଟେଲିକମ୍‌ ବିଭାଗର ଓ୍ବେବସାଇଟରେ ସ୍ଥାନିତ କରାଯାଇଛି। ଏହାକୁ ନେଇ ଲୋକଙ୍କ ମତାମତ ସଂଗ୍ରହ କରାଯାଉଛି ବୋଲି ଏକ କାର୍ଯ୍ୟକ୍ରମରେ ଯୋଗ ଦେଇ ସିହ୍ନା ଏହା କହିଛନ୍ତି।

ବେଆଇନ ଜମା ସ୍କିମ ଉପରେ ନିୟନ୍ତ୍ରଣ ଲାଗି ବିଧେୟକ ଉପସ୍ଥାପିତ

ବେଆଇନ ଜମା ସ୍କିମ ଉପରେ ନିୟନ୍ତ୍ରଣ ଲାଗି ବିଧେୟକ ଉପସ୍ଥାପିତ

ନୂଆଦିଲ୍ଲୀ,୨୦-୩ (ପି.ଟି) ଚିଟ୍‌ ଫଣ୍ଡ ଭଳି ବେଆଇନ ଜମା ସ୍କିମ ଉପରେ ଅଙ୍କୁଶ ଲାଗିବ। ଏହିଭଳି ଜମା ଯୋଜନା ଉପରେ ନିୟନ୍ତ୍ରଣ ଜାରି କରିବା ଲାଗି ସରକାର ଲୋକ ସଭାରେ ଏକ ବିଧେୟକ ମଙ୍ଗଳବାର ଉପସ୍ଥାପନ କରିଛନ୍ତି। ବ୍ୟାନିଂ ଅଫ୍‌ ଅନରେଗ୍ୟୁଲେଟେଡ୍‌ ଡିପୋଜିଟ ସ୍କିମ୍‌ ବିଲ୍‌ ୨୦୧୮ ଅର୍ଥ ରାଷ୍ଟ୍ରମନ୍ତ୍ରୀ ଶିବ ପ୍ରତାପ ଶୁକ୍ଳାଙ୍କ ଦ୍ୱାରା ଲୋକ ସଭାରେ ଉପସ୍ଥାପିତ ହୋଇଛି।

୧୧୫ ପ୍ରେରଣାଦାୟୀ ଜିଲାର ର଼୍ୟାଙ୍କିଂ କରିବ ନୀତି ଆୟୋଗ

୧୧୫ ପ୍ରେରଣାଦାୟୀ ଜିଲାର ର଼୍ୟାଙ୍କିଂ କରିବ ନୀତି ଆୟୋଗ

ନୂଆଦିଲ୍ଲୀ,୨୦-୩,(ପି.ଟି) ଆଗାମୀ ଦୁଇଦିନ ମଧ୍ୟରେ ଦେଶ ମଧ୍ୟରେ ଥିବା ୧୧୫ ପ୍ରେରଣାଦାୟୀ ଜିଲାର ର଼୍ୟାଙ୍କିଂ ହେବ। ସରକାରଙ୍କ ଥିଙ୍କ୍‌ ଟ୍ୟାଙ୍କ ନୀତି ଆୟୋଗ ଏହି ଭଳି ର଼୍ୟାଙ୍କିଂ କରିବ ବୋଲି ଏହାର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଅମିତାଭ କାନ୍ତ କହିଛନ୍ତି। ବିଭିନ୍ନ ଉନ୍ନତୀକରଣ ଧାରାଠାରୁ ଦୂରରେ ରହୁଥିବା ଜିଲାଗୁଡିକୁ ଚିହ୍ନଟ କରାଯିବା ସହ ଏହି ଧାରାରେ ପରିବର୍ତ୍ତନ ଲାଗି କେନ୍ଦ୍ର ବିଭିନ୍ନ ପ୍ରକାରର ପଦକ୍ଷେପ ନେଉଥିବା ଜଣାଯାଇଛି। ଏହି ଧାରାରେ ଜିଲାଗୁଡିକର ର଼୍ୟାଙ୍କରେ ପ୍ରତି ମାସରେ ପରିବର୍ତ୍ତନ କରାଯିବ।

ଜୁକରବର୍ଗଙ୍କ ସମ୍ପତ୍ତି ୫.୧ ବିଲିୟନ ଡଲାର ହ୍ରାସ

ଜୁକରବର୍ଗଙ୍କ ସମ୍ପତ୍ତି ୫.୧ ବିଲିୟନ ଡଲାର ହ୍ରାସ

ନୂଆଦିଲ୍ଲୀ,୨୦-୩ ବହୁଳ ଲୋକାଦୃତ ସୋସିଆଲ୍‌ ମିଡିଆ ଫେସ୍‌ବୁକ୍‌ର ସିଇଓ ମାର୍କ ଜୁକରବର୍ଗଙ୍କ ନେଟ୍‌ ସମ୍ପତ୍ତି ଦିନକ ମଧ୍ୟରେ ୫.୧ ବିଲିୟନ ଡଲାର ହ୍ରାସ ପାଇଛି। ଫେସ୍‌ବୁକ୍‌ ବର୍ତ୍ତମାନ ସୋସିଆଲ୍‌ ମିଡିଆର ବାଦ୍‌ସାହା ସାଜିଥିବା ବେଳେ ପସନ୍ଦ ନାପସନ୍ଦର ଖେଳ ଭିତରେ ଚର୍ଚ୍ଚା, ଆଲୋଚନା, ଯୁକ୍ତି ତର୍କକୁ ଏହା ତୀବ୍ର କରୁଛି।

ପୁଣି ଫେରିଲା କ୍ୟାସ୍‌, ବିମୁଦ୍ରୀକରଣର ଉଦ୍ଦେଶ୍ୟ ବ୍ୟର୍ଥ

ପୁଣି ଫେରିଲା କ୍ୟାସ୍‌, ବିମୁଦ୍ରୀକରଣର ଉଦ୍ଦେଶ୍ୟ ବ୍ୟର୍ଥ

ନୂଆଦିଲ୍ଲୀ,୨୦-୩ କଳାଟଙ୍କା ଉପରେ ଅଙ୍କୁଶ ଲଗାଇବା ସହ ଭାରତକୁ ଏକ ନଗଦବିହୀନ ଅର୍ଥନୀତି ଭାବେ ଗଢ଼ିବା ଲାଗି ନରେନ୍ଦ୍ର ମୋଦି ସରକାର ୨୦୧୬ ନଭେମ୍ବର ୮ରେ ବିମୁଦ୍ରୀକରଣ ଘୋଷଣା କରିଥିଲେ। ଦୁଇଟି ବଡ ମୂଲ୍ୟାଙ୍କ ନୋଟ୍‌କୁ ହଟାଇ ସରକାର ବଜାରରେ ଥିବା ପାଖାପାଖି ୮୪% କ୍ୟାସକୁ ଅଚଳ କରିଦେଲେ। କିନ୍ତୁ ଏହି ନିଷ୍ପତ୍ତି ମାଧ୍ୟମରେ ଦେଶକୁ କ୍ୟାସ୍‌ଲେସ୍‌ ଅର୍ଥନୀତି ଭାବେ ପ୍ରସ୍ତୁତ କରିବାର ସ୍ବପ୍ନ ସମ୍ପୂର୍ଣ୍ଣ ରୂପେ ବିଫଳ ହୋଇଥିବା ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ପକ୍ଷରୁ ପ୍ରକାଶିତ ଏକ ତଥ୍ୟରୁ ଜଣାଯାଇଛି। ବିମୁଦ୍ରୀକରଣ ଘୋଷଣା ହେବା ଦିନ ବଜାରରେ ଯେତିକି ନଗଦ ରହିଥିବା ଏବେ ତା’ଠାରୁ ଯଥେଷ୍ଟ ଅଧିକ କ୍ୟାସ ବଜାରରେ ବୁଲୁଛି।

୧୫ କମ୍ପାନୀର ମାଲିକ ଜେଫ୍‌ ବେଜୋସ୍‌

୧୫ କମ୍ପାନୀର ମାଲିକ ଜେଫ୍‌ ବେଜୋସ୍‌

ସେ ହେଉଛନ୍ତି ବିଶ୍ୱର ସବୁଠାରୁ ଧନୀ ବ୍ୟକ୍ତି। ପ୍ରମୁଖ ଇ-କମର୍ସ କମ୍ପାନୀ ଆମାଜନ୍‌ର ସିଇଓ। ଫୋର୍ବସ ତାଲିକାରେ ଏକମାତ୍ର ବ୍ୟକ୍ତି, ଯାହାଙ୍କର ସମ୍ପତ୍ତି ୧୦୦ ବିଲିୟନ ଡଲାରରୁ ଅଧିକ। ଜେଫ୍‌ ବେଜୋସ୍‌, ଯାହାଙ୍କର ସାମ୍ରାଜ୍ୟ କେବଳ ଆମାଜନରେ ସୀମିତ ନୁହେଁ, ୧୫ଟି କମ୍ପାନୀର ସେ ମାଲିକ। ୧୯୯୪ରେ ଏକ ଗ୍ୟାରେଜ୍‌ରୁ ସେ ଆମାଜନ୍‌କୁ ଆରମ୍ଭ କରିଥିଲେ। ଏବେ ଖାଲି ଯେ ଏହି କମ୍ପାନୀ ସହ ତାଙ୍କ ନାଁ ଯୋଡି ହୋଇଛି ତାହା ନୁହେଁ ଖବରକାଗଜ, ରକେଟ୍‌ କମ୍ପାନୀ, କୁପନ୍‌ ଓ୍ବେବ୍‌ସାଇଟ୍‌, ଗ୍ରସେରୀ ପର୍ଯ୍ୟନ୍ତ ତାଙ୍କର ସାମ୍ରାଜ୍ୟ ବିସ୍ତୃତ ହୋଇପାରିଛି। ବିଶ୍ୱର ନମ୍ବର ଓ୍ବାନ୍‌ ବିଲିୟନେୟାର ଜେଫ୍‌ ବେଜୋସ୍‌ଙ୍କ ଅଧିକୃତ ୧୫ଟି କମ୍ପାନୀ ବିଷୟରେ ଏଠାରେ ସୂଚନା ପ୍ରଦାନ କରାଗଲା...

ତଦନ୍ତରେ ଯୋଗ ଦେବାକୁ ମନା କଲେ ଚୋକ୍‌ସୀ, ଭାରତରେ ଜୀବନ ପ୍ରତି ବିପଦ ରହିଛି

ତଦନ୍ତରେ ଯୋଗ ଦେବାକୁ ମନା କଲେ ଚୋକ୍‌ସୀ, ଭାରତରେ ଜୀବନ ପ୍ରତି ବିପଦ ରହିଛି

ନୂଆଦିଲ୍ଲୀ,୨୦-୩(ପି.ଟି.) ୨ ବିଲିୟନ୍‌ ଡଲାର ପିଏନ୍‌ବି ଘୋଟାଲାର ତଦନ୍ତ ବର୍ତ୍ତମାନ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ସମେତ ଅନ୍ୟ ଏଜେନ୍ସିଗୁଡିକ କରୁଛନ୍ତି। ଏହି ମାମଲାର ମୁଖ୍ୟ ଅଭିଯୁକ୍ତ ବିଲିୟନେୟାର ହୀରା ବ୍ୟବସାୟୀ ନୀରବ ମୋଦି ଏବଂ ମେହୁଲ ଚୋକ୍‌ସୀ ବର୍ତ୍ତମାନ ଭାରତରୁ ଫେରାର ଅଛନ୍ତି। ତଦନ୍ତ ପ୍ରକ୍ରିୟାରେ ଯୋଗ ଦେବା ପାଇଁ ହାଜର ହେବା ଲାଗି ଉଭୟଙ୍କୁ ବାରମ୍ବାର ସମନ୍‌ ଜାରି କରାଯାଉଥିବାବେଳେ ଏହାକୁ ସେମାନେ ଏଡାଇ ଚାଲିଛନ୍ତି। ସେମାନଙ୍କ ପ୍ରତ୍ୟର୍ପଣ ପାଇଁ ସରକାରଙ୍କ ପକ୍ଷରୁ ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରାଯାଉଛି।

ଏପ୍ରିଲ-ମେ’ରେ ନିଲାମ ହେବ ୩୫ ଖଣିଜ ବ୍ଲକ୍‌

ଏପ୍ରିଲ-ମେ’ରେ ନିଲାମ ହେବ ୩୫ ଖଣିଜ ବ୍ଲକ୍‌

ନୂଆଦିଲ୍ଲୀ,୨୦-୩(ପି.ଟି.) ୨୦୧୮-୧୯ ଆର୍ଥିକବର୍ଷରେ ମୋଟ ୧୧୨ଟି ଖଣିଜ ବ୍ଲକ୍‌ ନିଲାମ ହେବା ନେଇ ଯୋଜନା ଧାର୍ଯ୍ୟ ହୋଇଛି। ଏଥିମଧ୍ୟରୁ ୩୫ଟି ଆସନ୍ତା ଦୁଇମାସ ଅର୍ଥାତ୍‌ ଏପ୍ରିଲରୁ ମେ’ ମଧ୍ୟରେ ନିଲାମ ହେବ ବୋଲି ଖଣି ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ୩୦ଟି ଏପ୍ରିଲରେ ଏବଂ ଆଉ ୫ଟି ମେ’ରେ ହେବ ବୋଲି ମନ୍ତ୍ରଣାଳୟ ପକ୍ଷରୁ ପ୍ରକାଶିତ ଏକ ରିପୋର୍ଟରେ ଉଲ୍ଲେଖ କରାଯାଇଛି।

ବିଟ୍‌କଏନ୍‌ରେ ନିବେଶ କରି  ମହିଳାଙ୍କର ୪୧ ଲକ୍ଷ ଟଙ୍କା ଚୋରି

ବିଟ୍‌କଏନ୍‌ରେ ନିବେଶ କରି ମହିଳାଙ୍କର ୪୧ ଲକ୍ଷ ଟଙ୍କା ଚୋରି

ନୂଆଦିଲ୍ଲୀ,୨୦-୩(ପି.ଟି.) ବିଟ୍‌କଏନ୍‌ ଭଳି କ୍ରିପ୍‌ଟୋକରେନ୍ସିରେ ନିବେଶ କରି ଜଣେ ମହିଳା ପ୍ରାୟ ୪୧ ଲକ୍ଷ ଟଙ୍କା ହରାଇଛନ୍ତି। ଦିଲ୍ଲୀରେ ରହୁଥିବା ଉକ୍ତ ମହିଳାଜଣକ ବିଟ୍‌କଏନ୍‌ରେ ନିବେଶ କରୁଥିବା ବେଳେ ପୂର୍ବରୁ ପାଖାପାଖି ୬.୫ ଲକ୍ଷ ଟଙ୍କା ହରାଇଥିଲେ। ଏହି ଟଙ୍କା ଫେରିପାଇବା ପାଇଁ ଜଣେ ହ୍ୟାକରଙ୍କ ମିଛ ପ୍ରଲୋଭନରେ ପଡ଼ି ପୁଣି ୩୫ ଲକ୍ଷ ଟଙ୍କା ହରାଇଛନ୍ତି ବୋଲି ସେ ଅଭିଯୋଗ କରିଛନ୍ତି।

ସମୀକ୍ଷା ହେବନି ସୁନା ଆମଦାନୀ ନୀତି

ସମୀକ୍ଷା ହେବନି ସୁନା ଆମଦାନୀ ନୀତି

ନୂଆଦିଲ୍ଲୀ,୧୯-୩(ପି.ଟି.) ସମ୍ପ୍ରତି ସୁନା ଆମଦାନୀ ନୀତିକୁ ସମୀକ୍ଷା କରିବା ପାଇଁ କୌଣସି ଯୋଜନା ନାହିଁ। ଆମଦାନୀ ସ୍ତର ଏବେ ଉଚ୍ଚ ରହିଛି। ଏଭଳି କ୍ଷେତ୍ରରେ ସମୀକ୍ଷା ପାଇଁ ଚିନ୍ତା କରାଯାଉ ନ ଥିବା ବାଣିଜ୍ୟ ଏବଂ ଶିଳ୍ପ ରାଷ୍ଟ୍ରମନ୍ତ୍ରୀ ସି.ଆର୍‌. ଚୌଧୁରୀ ଲୋକ ସଭାରେ ଲିଖିତ ଆକାରରେ ସୂଚନା ଦେଇଛନ୍ତି। ରତ୍ନପଥର ଏବଂ ଅଳଙ୍କାର ଶିଳ୍ପ ସୁନାର ଆମଦାନୀ ଶୁଳ୍କରେ ହ୍ରାସ କରିବା ପାଇଁ ଦାବି କରିଛନ୍ତି। ଏହା ଉପରେ ତର୍ଜମା କରାଯାଇଥିଲା।

ଗୁରୁତର ରୋଗ କ୍ଷେତ୍ରରେ ସ୍ବାସ୍ଥ୍ୟବୀମା କରିଛନ୍ତି ମାତ୍ର ୬% ମହିଳା

ଗୁରୁତର ରୋଗ କ୍ଷେତ୍ରରେ ସ୍ବାସ୍ଥ୍ୟବୀମା କରିଛନ୍ତି ମାତ୍ର ୬% ମହିଳା

ବମ୍ବେ, ୧୯-୩(ପି.ଟି.) ମେଟ୍ରୋ ସହରରେ ବାସ କରୁଥିବା ମହିଳାମାନେ ଅଧିକ ସ୍ବାସ୍ଥ୍ୟ ସଚେତନ। ଅଣମେଟ୍ରୋ ସହର ତୁଳନାରେ ଏଠାରେ ଅଧିକ ମହିଳା ନିଜ ପାଇଁ ସ୍ବାସ୍ଥ୍ୟ ବୀମା କରୁଛନ୍ତି। କିନ୍ତୁ ଯେଉଁ ବୀମା ପଲିସିରେ ଅଧିକରୁ ଅଧିକ ଗୁରୁତର ରୋଗ ଅନ୍ତର୍ଭୁକ୍ତ ସେଭଳି ବୀମା ପଲିସିଧାରୀ ମହିଳାଙ୍କ ସଂଖ୍ୟା ଖୁବ୍‌ କମ୍‌। ଏକ ସଦ୍ୟତମ ସର୍ଭେରୁ ଏହା ସାମ୍ନାକୁ ଆସିଛି। ଜଳବାୟୁ ପରିବର୍ତ୍ତନ, ପରିବେଶ ପ୍ରଦୂଷଣ, ଅନିୟମିତ ଜୀବନ ଚର୍ଯ୍ୟା ଏବଂ ମାନସିକ ଚାପ କାରଣରୁ ଏବେ ଦିନକୁ ଦିନ ଗୁରୁତର ରୋଗରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି। ପ୍ରତି ୧୦୦୦ ମହିଳାଙ୍କ ମଧ୍ୟରୁ ୮୮% ଏ ସମ୍ପର୍କରେ ଅବଗତ ଥିଲେ ମଧ୍ୟ ଏଥିପ୍ରତି ସଚେତନ ନୁହନ୍ତି କି ଏହା ପାଇଁ କୌଣସି ପ୍ରତିକାର ବ୍ୟବସ୍ଥା କରୁ ନାହାନ୍ତି। ମାତ୍ର ୬% ମହିଳା ଗୁରୁତର ରୋଗ ପାଇଁ ସ୍ବାସ୍ଥ୍ୟବୀମା କରିଥିବା ଏହି ନମୁନା ସର୍ବେକ୍ଷଣରୁ ଜଣାପଡିଛି।

କାନାରା ବ୍ୟାଙ୍କ ପୂର୍ବତନ ସିଏମ୍‌ଡିଙ୍କ ନାମରେ ଚାର୍ଜଶିଟ୍‌

କାନାରା ବ୍ୟାଙ୍କ ପୂର୍ବତନ ସିଏମ୍‌ଡିଙ୍କ ନାମରେ ଚାର୍ଜଶିଟ୍‌

ନୂଆଦିଲ୍ଲୀ,୧୯-୩(ପି.ଟି.) ୨୦୧୩ରେ ୬୮ କୋଟି ଟଙ୍କାର ଏକ ଋଣ ଖିଲାପୀ ମାମଲାରେ କାନାରା ବ୍ୟାଙ୍କର ତତ୍କାଳୀନ ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ(ସିଏମ୍‌ଡି) ଆର୍‌. କେ. ଦୁବେଙ୍କ ନାମରେ ଚାର୍ଜଶିଟ୍‌ ଜାରି କରାଯାଇଛି। ତାଙ୍କ ସହିତ ବ୍ୟାଙ୍କର ଦୁଇଜଣ ତତ୍କାଳୀନ କାର୍ଯ୍ୟନିର୍ବାହୀ ନିର୍ଦ୍ଦେଶକ ଏବଂ ମାମଲାରେ ଜଡିତ କମ୍ପାନୀର ଦୁଇ ନିର୍ଦ୍ଦେଶକଙ୍କ ନାମରେ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ଚାର୍ଜଶିଟ୍‌ ଜାରି କରିଛି। ସେମାନଙ୍କ ନାମରେ ଠକେଇ ଏବଂ ଜାଲିଆତି ଅଭିଯୋଗ ରହିଥିବା ସିବିଆଇ ସୂତ୍ରରୁ ପ୍ରକାଶ।

ଅଚଳ ନୋଟକୁ ନଷ୍ଟ କରୁଛି ଆର୍‌ବିଆଇ

ଅଚଳ ନୋଟକୁ ନଷ୍ଟ କରୁଛି ଆର୍‌ବିଆଇ

ନୂଆଦିଲ୍ଲୀ, ୧୮-୩(ପି.ଟି.) ୨୦୧୬ ନଭେମ୍ବର ୮ରେ ଅଚଳ ହୋଇଥିବା ୫୦୦ ଓ ୧୦୦୦ ଟଙ୍କିଆ ନୋଟକୁ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ମେଶିନ୍‌ ସାହାଯ୍ୟରେ ପ୍ରକ୍ରିୟାକରଣ କରି ଇଟା ଖଣ୍ଡ ପ୍ରସ୍ତୁତ କରୁଛି। ଆର୍‌ବିଆଇର ବିଭିନ୍ନ କାର୍ଯ୍ୟାଳୟରେ ଏହି ପ୍ରକ୍ରିୟାକରଣ ପାଇଁ ବ୍ୟବସ୍ଥା ରହିଛି।

ନୂତନ କୁଲିଂ ଉତ୍ପାଦ ବଜାର ପ୍ରବେଶ କଲା ଭୋଲ୍ଟାସ୍‌

ନୂତନ କୁଲିଂ ଉତ୍ପାଦ ବଜାର ପ୍ରବେଶ କଲା ଭୋଲ୍ଟାସ୍‌

ନୂଆଦିଲ୍ଲୀ, ୧୮-୩ ଦେଶର ପ୍ରମୁଖ ଏସି ବ୍ରାଣ୍ଡ୍‌ ଭୋଲ୍ଟାସ୍‌ ଚଳିତବର୍ଷ ପାଇଁ ଏହାର ‘ଭୋଲ୍ଟାସ୍‌ ଅଲ୍‌ ଷ୍ଟାର ଇନ୍‌ଭର୍ଟର ଏସି’ ବଜାର ପ୍ରବେଶ କରିଛି। ଇନ୍‌ଭର୍ଟର ଏସି, ସ୍ପ୍ଲିଟ୍‌ ଏସ୍‌ ଏବଂ ଓ୍ବିଣ୍ଡୋ ଏସି କ୍ଷେତ୍ରରେ କମ୍ପାନୀ ପାଖାପାଖି ୧୨୦ ଷ୍ଟକ୍‌ କିପିଙ୍ଗ୍‌ ୟୁନିଟ୍‌ ବଜାରକୁ ଆଣିଛି। ନୂତନ ରେଞ୍ଜ୍‌ର ଇନଭର୍ଟର ଏସି ୫୫ ଡିଗ୍ରୀ ସେଲ୍‌ସିୟସ ତାପମାତ୍ରାକୁ ମଧ୍ୟ ନିୟନ୍ତ୍ରଣ କରିପାରିବ।

ପିଏନ୍‌ବି ଠକେଇ ମାମଲା, ୧୧ ଅଭିଯୁକ୍ତଙ୍କ ହାଜତ ମିଆଦ ୨୮କୁ ବୃଦ୍ଧି

ପିଏନ୍‌ବି ଠକେଇ ମାମଲା, ୧୧ ଅଭିଯୁକ୍ତଙ୍କ ହାଜତ ମିଆଦ ୨୮କୁ ବୃଦ୍ଧି

ନୂଆଦିଲ୍ଲୀ,୧୮-୩,(ପି.ଟି) ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି)ର ୧୨,୬୦୦ କୋଟି ଟଙ୍କାର ଋଣ ଘୋଟାଲା ମାମଲାରେ ସିବିଆଇର ସ୍ବତନ୍ତ୍ର ନ୍ୟାୟାଳୟ ୧୧ ଅଭିଯୁକ୍ତଙ୍କ ହାଜତ ମିଆଦକୁ ଚଳିତ ମାସ ୨୮ ଯାଏ ବୃଦ୍ଧି କରିଛନ୍ତି। ନୀରବ ମୋଦି ଏବଂ ତାଙ୍କ ସମ୍ପର୍କୀୟ ମାମୁ ମେହୁଲ ଚୋକ୍‌ସୀ ପିଏନ୍‌ବିର କିଛି ଅଧିକାରୀଙ୍କ ସହ ମିଳିତ ହୋଇ ଲେଟର ଅଫ୍‌ ଅଣ୍ଡରଟେକିଂ ଏବଂ ଲେଟର ଅଫ୍‌ କେଡିଟ ଦ୍ୱାରା ଏହି ଭଳି ବଡ ଧରଣର ଘୋଟାଲା କରିବାକୁ ସକ୍ଷମ ହୋଇଥିଲେ। ଉକ୍ତ ମାମଲାରେ ନୀରବ ମୋଦିଙ୍କ ଫାର୍ମ ୬୫ ବିଲିୟନ ଏବଂ ଚୋକ୍‌ସୀଙ୍କ ଫାର୍ମ ୭୦.୮ ବିଲିୟନ ଠକେଇରେ ସମ୍ପୃକ୍ତ ଅଛନ୍ତି।