ବାଣିଜ୍ୟ

ଆଦିତ୍ୟ ହ୍ୟୁଣ୍ଡାଇରେ ନ୍ୟୁ ୨୦୧୮ କ୍ରେଟା

ଆଦିତ୍ୟ ହ୍ୟୁଣ୍ଡାଇରେ ନ୍ୟୁ ୨୦୧୮ କ୍ରେଟା

ଭୁବନେଶ୍ୱର,୨୫-୫ ରାଜ୍ୟର ପ୍ରମୁଖ କାର୍‌ ଡିଲର୍‌ ଆଦିତ୍ୟ ହ୍ୟୁଣ୍ଡାଇ ପକ୍ଷରୁ ଏହାର ଟମାଣ୍ଡୋସ୍ଥିତ ଶୋ’ରୁମ୍‌ରେ ନ୍ୟୁ ୨୦୧୮ କ୍ରେଟାର ବଜାର ପ୍ରବେଶ କରାଯାଇଛି। ଏହି ଅବସରରେ ଏଚ୍‌ଡିଏଫ୍‌ସି କାର୍‌ ଲୋନ୍‌ ବିଭାଗ ଏଏସ୍‌ଏମ୍‌ ଶକ୍ତି ରଞ୍ଜନ ସ୍ବାଇଁ, ଆଦିତ୍ୟ ହ୍ୟୁଣ୍ଡାଇର ପରିଚାଳନା ନିର୍ଦ୍ଦେଶକ ଆଦିତ୍ୟ ପାତ୍ର, ହ୍ୟୁଣ୍ଡାଇ ମୋଟର୍‌ ଇଣ୍ଡିଆ ଲିମିଟେଡ୍‌ର ଏପିଏସ୍‌ଏମ୍‌ ସୌମ୍ୟ ଘୋଷ ଏବଂ ଆଦିତ୍ୟ ହ୍ୟୁଣ୍ଡାଇର ସହ ଉପସଭାପତି ହର୍‌ମୋହନ ମହାନ୍ତି ପ୍ରମୁଖ ଉପସ୍ଥିତ ଥିଲେ। ଗ୍ରାହକଙ୍କ ଚାହିଦାକୁ ଦୃଷ୍ଟିରେ ରଖି ନ୍ୟୁ ୨୦୧୮ କ୍ରେଟାରେ ଷ୍ଟାଇଲ୍‌ ଏବଂ ପ୍ରଦର୍ଶନ ଉଭୟକୁ ସମ ପରିମାଣରେ ପ୍ରାଧାନ୍ୟ ଦିଆଯାଇଛି। ଏହା ଜରିଆରେ ହ୍ୟୁଣ୍ଡାଇ ଏସ୍‌ୟୁଭି ସେଗ୍‌ମେଣ୍ଟରେ ଏହାର ପଦଚିହ୍ନକୁ ଆହୁରି ସୁଦୃଢ଼ କରିବାର ଲକ୍ଷ୍ୟ ରଖିଛି।

ସାମ୍‌ସଙ୍ଗ୍‌ ଅନ୍‌ଲାଇନ୍‌ ଶପ୍‌ ସମର୍‌ ଫେଷ୍ଟ୍‌

ସାମ୍‌ସଙ୍ଗ୍‌ ଅନ୍‌ଲାଇନ୍‌ ଶପ୍‌ ସମର୍‌ ଫେଷ୍ଟ୍‌

ଗୁର୍‌ଗାଓଁ,୨୫-୫ ଦେଶର ପ୍ରମୁଖ ଇଲେକ୍‌ଟ୍ରୋନିକ୍ସ ଏବଂ ମୋବାଇଲ୍‌ ଫୋନ୍‌ ବ୍ରାଣ୍ଡ୍‌ ସାମ୍‌ସଙ୍ଗ୍‌ ଇଣ୍ଡିଆ ପକ୍ଷରୁ ଏହାର ଅନଲାଇନ୍‌ ଷ୍ଟୋର୍‌ ସାମସଙ୍ଗ ଅନଲାଇନ୍‌ ଶପ୍‌ରେ ‘ସମର୍‌ ଫେଷ୍ଟ୍‌ ୨୦୧୮’ ଆରମ୍ଭ ହୋଇଛି। ମେ’ ୨୨ରୁ ଆରମ୍ଭ ହୋଇଥିବା ଏହି ଫେଷ୍ଟ୍‌ ଆସନ୍ତା ୨୮ ତାରିଖ ପର୍ଯ୍ୟନ୍ତ ଚାଲିବ। ଏହି ମେଗା ସେଲ୍‌ ମାଧ୍ୟମରେ ଗ୍ରାହକ ସାମସଙ୍ଗ ମୋବାଇଲ୍‌, ଟେଲିଭିଜନ୍‌, ଏୟାର କଣ୍ଡିଶନର, ମାଇକ୍ରୋୱେଭ୍‌, ଓ୍ବେରେବଲ୍‌ ଏବଂ ମୋବାଇଲ୍‌ ଆସେସରିଜ୍‌ ଉପରେ ସ୍ବତନ୍ତ୍ର ଡିଲ୍‌ ପାଇପାରିବେ।

ଟିଭିଏସ୍‌ ସ୍ପୋର୍ଟ ସିଲ୍‌ଭର୍‌ ଆଲୟ ଏଡିଶନ୍‌

ଟିଭିଏସ୍‌ ସ୍ପୋର୍ଟ ସିଲ୍‌ଭର୍‌ ଆଲୟ ଏଡିଶନ୍‌

ଭୁବନେଶ୍ୱର, ୨୫-୫ ଟିଭିଏସ ମୋଟର କମ୍ପାନୀ ପକ୍ଷରୁ ଟିଭିଏସ୍‌ ସ୍ପୋର୍ଟ ସିଲଭର ଆଲୟ ଏଡିଶନ୍‌ର ବଜାର ପ୍ରବେଶ କରାଯାଇଛି ା ସିଲ୍‌ଭର ଆଲୟ ହ୍ବିଲସ୍‌ ମୁଖ୍ୟତଃ ଦୁଇଟି ରଙ୍ଗ ଯଥା, ବ୍ଲାକ୍‌ ସିଲଭର ଏବଂ ଭୋଲକାନୋ ରେଡ୍‌ରେ ଉପଲବ୍ଧ ହେବ ା

ତୈଳ ଉତ୍ପାଦନ କମ୍ପାନୀ:ସରକାର ଲାଗୁ କରିବେ ଓ୍ବିଣ୍ଡ୍‌ଫଲ୍‌ ଚ୍ୟାକ୍ସ

ତୈଳ ଉତ୍ପାଦନ କମ୍ପାନୀ:ସରକାର ଲାଗୁ କରିବେ ଓ୍ବିଣ୍ଡ୍‌ଫଲ୍‌ ଚ୍ୟାକ୍ସ

ନୂଆଦିଲ୍ଲୀ, ୨୫-୫ ପେଟ୍ରୋଲ ଓ ଡିଜେଲ ଦର ବୃଦ୍ଧିଜନିତ ସମସ୍ୟାର ସ୍ଥାୟୀ ସମାଧାନ ପାଇଁ ସରକାର ତୈଳ ଓ ପ୍ରାକୃତିକ ବାଷ୍ପ ନିଗମ(ଓଏନ୍‌ଜିସି) ଭଳି ତେଲ ଉତ୍ପାଦନକାରୀ କମ୍ପାନୀ ଉପରେ ଓ୍ବିଣ୍ଡ୍‌ଫଲ ଟ୍ୟାକ୍ସ ଲାଗୁ କରିବେ। ଏହାକୁ ଏକ ଉପ ଟିକସ ଭାବେ ଲାଗୁ କରାଯିବ। ଯେତେବେଳେ ଅଶୋଧିତ ତୈଳଦର ମୂଲ୍ୟ ବ୍ୟାରେଲ ପିଛା ୭୦ ଡଲାର ଅତିକ୍ରମ କରିବ ସେହି ସମୟରେ ଓ୍ବିଣ୍ଡ୍‌ଫଲ୍‌ ଟାକ୍ସ ଲାଗୁ ହେବ। ସରକାରଙ୍କ ଏହି ବିଚାର ସମ୍ପର୍କରେ ଜାଣିଥିବା ଜଣେ ବରିଷ୍ଠ ଅଧିକାରୀ ନିଜ ନାମ ଗୋପନ ରଖି ଏହା କହିଛନ୍ତି।

ବ୍ୟାଙ୍କ କର୍ମଚାରୀଙ୍କ ଦୁଇଦିନିଆ ବନ୍ଦ ପାଳନ ମେ ୩୦ରୁ

ବ୍ୟାଙ୍କ କର୍ମଚାରୀଙ୍କ ଦୁଇଦିନିଆ ବନ୍ଦ ପାଳନ ମେ ୩୦ରୁ

ନୂଆଦିଲ୍ଲୀ, ୨୫-୫(ପି.ଟି.) ଇଣ୍ଡିଆନ୍‌ ବ୍ୟାଙ୍କସ୍‌ ଆସୋସିଏଶନ(ଆଇବିଏ) ବିରୋଧରେ ଦେଶର ରାଷ୍ଟ୍ରାୟତ୍ତ ବ୍ୟାଙ୍କ କର୍ମଚାରୀ ଓ ଅଧିକାରୀମାନେ ମେ ୩୦ରୁ ଦେଶବ୍ୟାପି ଦୁଇଦିନିଆ ବନ୍ଦ ଡାକରା ଦେଇଛନ୍ତି। ନିକଟରେ କର୍ମଚାରୀମାନଙ୍କ ବେତନ ବୃଦ୍ଧି ସଂକ୍ରାନ୍ତ ଆଇବିଏର ସୁପାରିସ୍‌କୁ ବିରୋଧ କରି ଏହି ବନ୍ଦ ଡାକରା ଦିଆଯାଇଛି ବୋଲି ୟୁନାଇଟେଡ୍‌ ଫୋରମ ଅଫ୍‌ ବ୍ୟାଙ୍କ ୟୁନିୟନ୍ସ(ୟୁଏଫ୍‌ବିୟୁ)ର ସଂଯୋଜକ ଦେବିଦାସ ତୁଲଜାପୁରକର କହିଛନ୍ତି।

ଗ୍ରେଟ୍‌ ବ୍ରିଟେନ୍‌ ପର୍ଯ୍ୟଟନ ସ୍ଥଳକୁ ପ୍ରୋତ୍ସାହିତ କରିବ କକ୍ସ ଆଣ୍ଡ୍‌ କିଙ୍ଗ୍‌ସ୍‌

ଗ୍ରେଟ୍‌ ବ୍ରିଟେନ୍‌ ପର୍ଯ୍ୟଟନ ସ୍ଥଳକୁ ପ୍ରୋତ୍ସାହିତ କରିବ କକ୍ସ ଆଣ୍ଡ୍‌ କିଙ୍ଗ୍‌ସ୍‌

ବମ୍ବେ, ୨୫-୫ ଗ୍ରେଟ୍‌ ବ୍ରିଟେନ୍‌ ଭଳି ଦୀପପୁଞ୍ଜରେ ରହିଥିବା ପର୍ଯ୍ୟଟନ ସ୍ଥଳକୁ ପ୍ରମୁଖ ଟୁର୍‌ ଅପରେଟର ସଂସ୍ଥା କକ୍ସ ଆଣ୍ଡ୍‌ କିଙ୍ଗସ୍‌ ଲିମିଟେଡ ଭାରତରେ ପ୍ରୋତ୍ସାହିତ କରିବ। ଏଥିପାଇଁ ବ୍ରିଟିଶ୍‌ ଟୁରିଜମ ଅଥରିଟି ତଥା ଭିଜିଟ୍‌ ବ୍ରିଟେନ୍‌ ସହିତ କକ୍ସ ଆଣ୍ଡ୍‌ କିଙ୍ଗସ୍‌ ସହବନ୍ଧିତ ହୋଇଛି। ଭାରତୀୟ ବଜାରରେ ଗ୍ରେଟ୍‌ ବ୍ରିଟେନ୍‌ର ପର୍ଯ୍ୟଟନ ସ୍ଥଳ ସମ୍ପର୍କରେ କକ୍ସ ଆଣ୍ଡ୍‌ କିଙ୍ଗ୍‌ସ୍‌ ବିଜ୍ଞାପନ ସମେତ ବିଭିନ୍ନ ଉପାୟରେ ପ୍ରଚାର ପ୍ରସାର କରାଇବ ବୋଲି କମ୍ପାନୀ ସୂଚନା ଦେଇଛି।

୨୮ କୋଟି ଟଙ୍କାର ଜିଏସ୍‌ଟି ଠକେଇ:ବାପା, ପୁଅ ଗିରଫ

୨୮ କୋଟି ଟଙ୍କାର ଜିଏସ୍‌ଟି ଠକେଇ:ବାପା, ପୁଅ ଗିରଫ

ନୂଆଦିଲ୍ଲୀ,୨୫-୫ ପରୋକ୍ଷ ଟିକସ କ୍ଷେତ୍ରରେ ପାଖାପାଖି ୨୮ କୋଟି ଟଙ୍କାର ଠକେଇ କରିଥିବାରୁ ଦିଲ୍ଲୀର ଦୁଇ ବାପପୁଅଙ୍କୁ ସାମଗ୍ରୀ ଓ ସେବା ଟିକସ(ଜିଏସ୍‌ଟି) ଅଧିକାରୀ ଗିରଫ କରିଛନ୍ତି। ଜିଏସ୍‌ଟି ଠକେଇ ଧରାପଡିବାରେ ରାଜଧାନୀ ଦିଲ୍ଲୀରେ ଏହା ପ୍ରଥମ ବୋଲି ଅର୍ଥମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି। ତମ୍ବା ବ୍ୟବସାୟରେ ସମ୍ପୃକ୍ତ ଏହି ଦୁଇ ବାପପୁଅ ଇନ୍‌ପୁଟ୍‌ ଟାକ୍ସ କ୍ରେଡିଟ୍‌ ହାସଲ କରିବା ପାଇଁ ଚଳିତ ମାସ ୨୨ରେ ଜାଲ୍‌ ରସିଦ୍‌ କାରବାର କରିଥିଲେ।

ପୁଣି ବଢ଼ିଲା ତୈଳ ଦର:ଭୁବନେଶ୍ୱରରେ ପେଟ୍ରୋଲ ଦର ଟ ୭୬ .୨୮

ପୁଣି ବଢ଼ିଲା ତୈଳ ଦର:ଭୁବନେଶ୍ୱରରେ ପେଟ୍ରୋଲ ଦର ଟ ୭୬ .୨୮

ଭୁବନେଶ୍ୱର,୨୪-୫(ବ୍ୟୁରୋ) ମେ ୧୪ରୁ ୨୩ ପର୍ଯ୍ୟନ୍ତ ଲଗାତର ପେଟ୍ରୋଲ ଓ ଡିଜେଲ ଦର ବଢିବାରେ ଲାଗିଛି। ୨୪ ତାରିଖ ସକାଳ ୬ଟାରେ ମଧ୍ୟ ନୂତନ ବର୍ଦ୍ଧିତ ଦର ଲାଗୁ ହେବ। ସୂଚନା ଅନୁସାରେ ରାଜଧାନୀ ଭୁବନେଶ୍ୱରରେ ୨୩ରେ ପେଟ୍ରୋଲ ଲିଟର ପିଛା ଦର ୭୫ ଟଙ୍କା ୯୮ ପଇସା ଥିବା ବେଳେ ଏହା ୭୬ ଟଙ୍କା ୨୮ ପଇସାକୁ ବୃଦ୍ଧି ପାଇ ଆଉ ଏକ ନୂଆ ରେକର୍ଡ ସୃଷ୍ଟି କରିବ। ସେହିପରି ଡିଜେଲ ଦର ୨୩ ତାରିଖରେ ୭୩ ଟଙ୍କା ୨୬ ପଇସା ଥିଲା ବେଳେ ଏଥିରେ ୨୦ ପଇସା ବୃଦ୍ଧି ହୋଇ ୭୩ ଟଙ୍କା ୪୬ ପଇସାରେ ପହଞ୍ଚିଛି।

ସେନ୍‌ସେକ୍ସରେ ୩୦୬.୩୩ ପଏଣ୍ଟ ହ୍ରାସ

ସେନ୍‌ସେକ୍ସରେ ୩୦୬.୩୩ ପଏଣ୍ଟ ହ୍ରାସ

ବମ୍ବେ,୨୪-୫(ପି.ଟି.) ଇନ୍ଧନ ଦର ବୃଦ୍ଧି ସହ ଅନ୍ୟାନ୍ୟ ଭୌଗୋଳିକ ସମସ୍ୟାର ପ୍ରଭାବ ବୁଧବାର ଭାରତୀୟ ପୁଞ୍ଜି ବଜାରରେ ପଡିଛି। କାରବାର ଶେଷରେ ବମ୍ବେ ଷ୍ଟକ୍‌ ଏକ୍ସଚେଞ୍ଜ ସେନ୍‌ସେକ୍ସରେ ୩୦୬.୩୩ ପଏଣ୍ଟ୍‌ ହ୍ରାସ ଘଟିଛି। ଫଳରେ ଏହା ୩୪,୩୪୪.୯୧ ପଏଣ୍ଟରେ ବନ୍ଦ ହୋଇଛି। ଏପ୍ରିଲ ୧୯ରୁ ଏହା ସର୍ବନିମ୍ନ ସ୍ତର। ଅନ୍ୟପକ୍ଷରେ, ନ୍ୟାଶନାଲ୍‌ ଷ୍ଟକ୍‌ ଏକ୍ସଚେଞ୍ଜ୍‌ ନିଫ୍‌ଟିରେ ୧୦୬.୩୫ ପଏଣ୍ଟ୍‌ ହ୍ରାସ ଘଟିଛି।

ସରକାର ୨୫ ଟଙ୍କା ପର୍ଯ୍ୟନ୍ତ କମାଇ ପାରିବେ:ଚିଦାମ୍ବରମ

ସରକାର ୨୫ ଟଙ୍କା ପର୍ଯ୍ୟନ୍ତ କମାଇ ପାରିବେ:ଚିଦାମ୍ବରମ

ସରକାର ୨୫ ଟଙ୍କା ପର୍ଯ୍ୟନ୍ତ କମାଇ ପାରିବେ:ଚିଦାମ୍ବରମ

ବୈଠକ ସମ୍ପର୍କରେ ଜାଣିନି ଏଚ୍‌ପିସିଏଲ୍‌:‘ଟିକସ ଉପରେ ସରକାର ପୂନର୍ବିଚାର କରିବା ଉଚିତ’

ବୈଠକ ସମ୍ପର୍କରେ ଜାଣିନି ଏଚ୍‌ପିସିଏଲ୍‌:‘ଟିକସ ଉପରେ ସରକାର ପୂନର୍ବିଚାର କରିବା ଉଚିତ’

ନୂଆଦିଲ୍ଲୀ, ୨୪-୫(ପିଟି) ପେଟ୍ରୋଲ, ଡିଜେଲ୍‌କୁ ନେଇ ଦେଶବାସୀ ହନ୍ତସନ୍ତ ହେଉଥିବା ବେଳେ ଏଥିରେ ଲାଗୁ ହେଉଥିବା ଟିକସ ଉପରେ ସରକାର ପୂନର୍ବିଚାର କରିବା ଉଚିତ। ଜନସାଧାରଣଙ୍କୁ ତୈଳଦର ଚଡକରୁ ଆସ୍ବସ୍ଥି ପ୍ରଦାନ କରିବାକୁ ହେଲେ ସରକାର ଟିକସକୁ ନେଇ ପୂନର୍ବିଚାର କରନ୍ତୁ। ରାଷ୍ଟ୍ରାୟତ୍ତ ତୈଳ କମ୍ପାନୀ ହିନ୍ଦୁସ୍ଥାନ ପେଟ୍ରୋଲିୟ କର୍ପୋରେଶନ ଲିମିଟେଡ୍‌ର ଅଧ୍ୟକ୍ଷ ମୁକେଶ କୁମାର ସୁରାନା ଏହା କହିଛନ୍ତି।

ରେଳ ସୁରକ୍ଷା ପାଇଁ ଅଧିକ ସଚେତନ ଆବଶ୍ୟକ: ଉମେଶ ସିଂ

ରେଳ ସୁରକ୍ଷା ପାଇଁ ଅଧିକ ସଚେତନ ଆବଶ୍ୟକ: ଉମେଶ ସିଂ

ଭୁବନେଶ୍ୱର,୨୪-୫ ରେଳ ସୁରକ୍ଷା ଏବଂ ଏହାର ଉତ୍ତମ ସେବାକୁ ନେଇ ପୂର୍ବତଟ ରେଳପଥ ଠାରୁ ଜନସାଧାରଣର ଢେର କିଛି ଆଶା କରନ୍ତି। ରେଳ ସୁରକ୍ଷା ପାଇଁ ଆମର କାର୍ଯ୍ୟକଳାପ ଏବଂ ଆଚରଣକୁ ନେଇ ଆମକୁ ଯଥେଷ୍ଟ ସଚେତନ ହେବାକୁ ପଡିବ। ପୂର୍ବତଟ ରେଳପଥ ମହାପ୍ରବନ୍ଧକ ଉମେଶ ସିଂ କର୍ମଚାରୀ ଓ ଅଧିକାରୀଙ୍କୁ ଏହି ନିର୍ଦ୍ଦେଶ ଦେଇଛନ୍ତି।

ତେଲକୁ ଜିଏସ୍‌ଟି ପରିସରଭୁକ୍ତ କରିବା ଅସମ୍ଭବ: ଶିବ ପ୍ରତାପ ଶୁକ୍ଳା

ତେଲକୁ ଜିଏସ୍‌ଟି ପରିସରଭୁକ୍ତ କରିବା ଅସମ୍ଭବ: ଶିବ ପ୍ରତାପ ଶୁକ୍ଳା

ନୂଆଦିଲ୍ଲୀ, ୨୪-୫ ପେଟ୍ରୋଲ ଓ ଡିଜେଲ ଆଦି ତୈଳଜାତ ଉତ୍ପାଦକୁ ସାମଗ୍ରୀ ଓ ସେବା ଟିକସ(ଜିଏସ୍‌ଟି) ପରିସରଭୁକ୍ତ କରିବା ସମ୍ଭବ ନୁହେଁ। ଏହାକୁ ଜିଏସ୍‌ଟି ପରିସରଭୁକ୍ତ କରିବାକୁ ହେଲେ ସବୁ ରାଜ୍ୟର ଅର୍ଥମନ୍ତ୍ରୀ ଏଥିରେ ସହମତି ପ୍ରକାଶ କରିବାକୁ ହେବ। ଦୀର୍ଘ ୧୦ ଦିନ ଧରି ଲଗାତର ତୈଳ ଦର ବଢି ଚାଲିଥିବା ବେଳେ ଅର୍ଥ ରାଷ୍ଟ୍ରମନ୍ତ୍ରୀ ଶିବ ପ୍ରତାପ ଶୁକ୍ଳା ବୁଧବାର ଏହା ପ୍ରକାଶ କରିଛନ୍ତି।

ପେଟ୍ରୋଲ ଦର ବମ୍ବେରେ ୮୫, ମାଡ୍ରାସ୍‌ରେ ୮୦

ପେଟ୍ରୋଲ ଦର ବମ୍ବେରେ ୮୫, ମାଡ୍ରାସ୍‌ରେ ୮୦

ନୂଆଦିଲ୍ଲୀ,୨୪-୫ ଦେଶର ବାଣିଜି୍ୟକ ପେଣ୍ଠସ୍ଥଳ ଭାବେ ପରିଚିତ ବମ୍ବେ ସହରରେ ପେଟ୍ରୋଲ ଦର ୮୪ ଟଙ୍କା ୯୯ ପଇସାରେ ପହଞ୍ଚିଲାଣି। ଆଉ ଏକ ପଇସା ବୃଦ୍ଧି ହେଲେ ୮୫ ଟଙ୍କା ଛୁଇଁବ। ସେହିପରି ମାଡ୍ରାସରେ ଏହା ବୁଧବାର ୮୦ ଟଙ୍କା ଅତିକ୍ରମ କଲାଣି। ବମ୍ବେ, ଦିଲ୍ଲୀ ଓ ମାଡ୍ରାସ୍‌ ଭଳି ସହରରେ ତୈଳ ଦର କିଛି ଦିନ ହେବ ନୂଆ ନୂଆ ରେକର୍ଡ ସୃଷ୍ଟି କରିବାରେ ଲାଗିଛି।

ଓଡ଼ିଶା ବଜାରରେ କୋମିଓ ସ୍ମାର୍ଟଫୋନ୍‌

ଓଡ଼ିଶା ବଜାରରେ କୋମିଓ ସ୍ମାର୍ଟଫୋନ୍‌

ଭୁବନେଶ୍ୱର,୨୪-୫(ବ୍ୟୁରୋ) ଚାଇନାଭିତ୍ତିକ ଡିଭାଇସ୍‌ ନିର୍ମାତା ଟପ୍‌ଓ୍ବାଇଜ୍‌ କମ୍ୟୁନିକେଶନ୍ସର ହ୍ୟାଣ୍ଡ୍‌ସେଟ୍‌ ବ୍ରାଣ୍ଡ୍‌ କୋମିଓ ବର୍ତ୍ତମାନ ଓଡ଼ିଶା ବଜାରରେ ପ୍ରବେଶ କରିଛି। ଏକ୍ସ୧ ନୋଟ୍‌ ସହ ଏହା ରାଜ୍ୟର ସ୍ମାର୍ଟଫୋନ୍‌ ବଜାରରେ ପାଦ ରଖିଛି। କୋମିଓ ବ୍ରାଣ୍ଡ୍‌ ଅତ୍ୟାଧୁନିକ ମୋବାଇଲ୍‌ ଟେକ୍ନୋଲୋଜି ମାଧ୍ୟମରେ ଯୁବପିଢ଼ିଙ୍କୁ ସଶକ୍ତ କରିବାର ଲକ୍ଷ୍ୟ ରଖିଛି। ୫,୦୦୦ରୁ ୧୦,୦୦୦ ଟଙ୍କା ମଧ୍ୟରେ ଗ୍ରାହକଙ୍କୁ ସର୍ବୋତ୍ତମ ସ୍ମାର୍ଟଫୋନ୍‌ ଅନୁଭୂତି ଦେବା ହେଉଛି କମ୍ପାନୀର ଉଦ୍ଦେଶ୍ୟ ବୋଲି ବୁଧବାର ଏଠାରେ ଏକ୍ସ୧ ନୋଟ୍‌ର ବଜାର ପ୍ରବେଶ ଅବସରରେ କୋମିଓ ସ୍ମାର୍ଟଫୋନ୍‌ର ସିଇଓ ତଥା ନିର୍ଦ୍ଦେଶକ ସଞ୍ଜୟ କାଲିରୋନା କହିଛନ୍ତି।

ବାହାରି ପାରିଲାନି ଠୋସ୍‌ ନିର୍ଯାସ

ବାହାରି ପାରିଲାନି ଠୋସ୍‌ ନିର୍ଯାସ

ନୂଆଦିଲ୍ଲୀ,୨୪-୫(ପି.ଟି.) କର୍ନାଟକ ନିର୍ବାଚନ ପ୍ରଚାର ସମୟରେ ପାଖାପାଖି ୩ ସପ୍ତାହ ଧରି ଦେଶରେ ତୈଳ ଦର ସ୍ଥିର ରହିଲା। ଦୈନିକଭିତ୍ତିରେ ତେଲ ଦର ପ୍ରତିଦିନ ସକାଳ ୬ଟାରେ ପରିବର୍ତ୍ତନ ହେଉଥିବା ବେଳେ ପ୍ରାୟ ୧୯ ଦିନ ଧରି ଏଥିରେ କୌଣସି ପରିବର୍ତ୍ତନ ହେଲା ନାହିଁ। କିନ୍ତୁ ନିର୍ବାଚନ ଫଳାଫଳ ଘୋଷଣା ହେବାର ଦିନକ ପୂର୍ବରୁ ହଠାତ ତେଲ ଦର ବଢିଲା। ଖାଲି ସେତିକି ନୁହେଁ ସେବେଠାରୁ ଆଜି ଯାଏ ତେଲ ଦର ବଢ଼ି ଚାଲିଥିବା ବେଳେ କମିବାର ନଁା ଧରୁନାହିଁ। ଏଣେ ରାଜଧାନୀ ଦିଲ୍ଲୀରେ ପେଟ୍ରୋଲ ୭୭ ଟଙ୍କା ଟପିଥିବା ବେଳେ ଡିଜେଲ ୬୮ ଟଙ୍କା ଟପିସାରିଲାଣି। ଏଭଳି ପରିପ୍ରେକ୍ଷୀରେ ଦେଶବାସୀ ତୈଳ ଦର ହ୍ରାସ ପାଇଁ ବ୍ୟାକୁଳ ହୋଇ ଚାହିଁ ରହିଥିବା ବେଳେ କେନ୍ଦ୍ର ସରକାର ନିଦାବିଷ୍ଣୁ ପରି ବସି ରହିଛନ୍ତି। ସରକାର ଏହା ଉପରେ କି ପ୍ରକାର ବିଚାର କରୁଛନ୍ତି ତାହାର କୌଣସି ସ୍ପଷ୍ଟ ଉତ୍ତର ଦେଉ ନାହାନ୍ତି। ଉତ୍ପାଦ ଶୁଳ୍କ ହ୍ରାସ କରାଯିବ ନା ଏହାକୁ ଜିଏସ୍‌ଟି ପରିସରଭୁକ୍ତ କରାଯିବ ବା ଅନ୍ୟ କେଉଁ ବିକଳ୍ପ କଥା ଚିନ୍ତା କରାଯିବ ସେଭଳି କୌଣସି ଠୋସ୍‌ ଉତ୍ତର ଦେଉ ନାହାନ୍ତି।

ପ୍ରଦୀପ ବର୍ମନଙ୍କ ୨୦.୮୭ କୋଟି ଟଙ୍କାର ସମ୍ପତ୍ତି ଜବତ

ପ୍ରଦୀପ ବର୍ମନଙ୍କ ୨୦.୮୭ କୋଟି ଟଙ୍କାର ସମ୍ପତ୍ତି ଜବତ

ନୂଆଦିଲ୍ଲୀ,୨୩-୫(ପି.ଟି.) ଏଚ୍‌ଏସ୍‌ବିସି ବ୍ୟାଙ୍କ ପକ୍ଷରୁ ପ୍ରକାଶିତ କଳାଟଙ୍କା ତାଲିକା ଆଧାରରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)ମଙ୍ଗଳବାର ଡାବର ଗ୍ରୁପ୍‌ର ପୂର୍ବତନ ନିର୍ଦ୍ଦେଶକ ପ୍ରଦୀପ ବର୍ମନ୍‌ଙ୍କ ୨୦.୮୭ କୋଟି ଟଙ୍କାର ସମ୍ପତ୍ତି ଜବତ କରିଛି।

ଚତୁର୍ଥ ତ୍ରୈମାସରେ ୭,୭୧୮ କୋଟି କ୍ଷତି ସହିଲା ଏସ୍‌ବିଆଇ

ଚତୁର୍ଥ ତ୍ରୈମାସରେ ୭,୭୧୮ କୋଟି କ୍ଷତି ସହିଲା ଏସ୍‌ବିଆଇ

ବମ୍ବେ,୨୩-୫(ପି.ଟି.) ମାର୍ଚ୍ଚ ୩୧ରେ ଶେଷ ହୋଇଥିବା ୨୦୧୭-୧୮ ଆର୍ଥିକବର୍ଷର ଚତୁର୍ଥ ତ୍ରୈମାସରେ ଦେଶର ସର୍ବବୃହତ୍‌ ରାଷ୍ଟ୍ରାୟତ୍ତ ବ୍ୟାଙ୍କ ଭାରତୀୟ ଷ୍ଟେଟ୍‌ ବ୍ୟାଙ୍କ(ଏସ୍‌ବିଆଇ) ୭,୭୧୮ କୋଟି ଟଙ୍କାର ନେଟ୍‌ କ୍ଷତି ସହିଛି। ଏହାର ମୂଳ କାରଣ ହେଉଛି ଅନାଦାୟ ପରିସମ୍ପତ୍ତି ଏବଂ ନିମ୍ନ ବାଣିଜି୍ୟକ ଆୟ।

୨% ପର୍ଯ୍ୟନ୍ତ ବଢ଼ିବ ହ୍ୟୁଣ୍ଡାଇ କାର୍‌

୨% ପର୍ଯ୍ୟନ୍ତ ବଢ଼ିବ ହ୍ୟୁଣ୍ଡାଇ କାର୍‌

ନୂଆଦିଲ୍ଲୀ,୨୩-୫ ଦେଶର ପ୍ରମୁଖ କାର ନିର୍ମାତା ହ୍ୟୁଣ୍ଡାଇ ମୋଟର୍‌ ଇଣ୍ଡିଆ ଲିମିଟେଡ୍‌(ଏଚ୍‌ଏମ୍‌ଆଇଏଲ୍‌) ଏହାର ଯାନଗୁଡିକ ମୂଲ୍ୟରେ ୨% ପର୍ଯ୍ୟନ୍ତ ବୃଦ୍ଧି କରିବ ବୋଲି ଘୋଷଣା କରିଛି। ଆସନ୍ତା ଜୁନ୍‌ରୁ ଏହା କାର୍ଯ୍ୟକାରୀ ହେବ।

୨୦% ଅଂଶ ଓ୍ବାଲ୍‌ମାର୍ଟକୁ ବିକ୍ରି କରିବ ସଫ୍ଟ ବ୍ୟାଙ୍କ

୨୦% ଅଂଶ ଓ୍ବାଲ୍‌ମାର୍ଟକୁ ବିକ୍ରି କରିବ ସଫ୍ଟ ବ୍ୟାଙ୍କ

ନୂଆଦିଲ୍ଲୀ,୨୩-୫(ପି.ଟି.) ଜାପାନ୍‌ଭିତ୍ତିକ ବହୁମୁଖୀ କମ୍ପାନୀ ସଫ୍ଟ ବ୍ୟାଙ୍କ, ଭାରତୀୟ ଇ-କମର୍ସ କମ୍ପାନୀ ଫ୍ଲିପ୍‌କାର୍ଟରୁ ଏହାର ସମସ୍ତ ୨୦% ଅଂଶ ଓ୍ବାଲ୍‌ମାର୍ଟକୁ ବିକ୍ରି କରିବ। ସଫ୍ଟ ବ୍ୟାଙ୍କ ଏହି ନିଷ୍ପତ୍ତି ଗ୍ରହଣ କରିଛି ବୋଲି ଏହାର ଜଣେ ମୁଖପାତ୍ର ସ୍ପଷ୍ଟ କରିଛନ୍ତି। ଏହି ଅଂଶଧନର ମୂଲ୍ୟ ପ୍ରାୟ ୪ ବିଲିୟନ ଡଲାର ହେବ ବୋଲି ଅନୁମାନ କରାଯାଉଛି। କିନ୍ତୁ ଏ ସମ୍ପର୍କିତ ଅଧିକ ସୂଚନା ଦେବା ପାଇଁ ମୁଖପାତ୍ର ଜଣକ ମନା କରି ଦେଇଛନ୍ତି।

ଓପୋଲଫେଡ୍‌ର ନୂଆ ଏମ୍‌ଡି

ଓପୋଲଫେଡ୍‌ର ନୂଆ ଏମ୍‌ଡି

ଭୁବନେଶ୍ୱର,୨୩-୫ ଓଡିଶା ଷ୍ଟେଟ୍‌ ପୋଲଟ୍ରି ପ୍ରଡକ୍ଟ କୋଅପରେଟିଭ୍‌ ମାର୍କେଟିଂ ଫେଡେରେଶନ(ଓପୋଲଫେଡ୍‌)ର ନୂତନ ପରିଚାଳନା ନିର୍ଦ୍ଦେଶକ(ଏମ୍‌ଡି) ଭାବେ ଆଇଏଏସ୍‌ ଅଧିକାରୀ ମହେନ୍ଦ୍ର କୁମାର ମଲ୍ଲିକ ଦାୟିତ୍ୱ ଗ୍ରହଣ କରିଛନ୍ତି। ପ୍ରାଣୀପାଳନ ଓ ପ୍ରାଣୀ ଚିକିତ୍ସା ବିଭାଗର କମିଶନର ତଥା ନିର୍ଦ୍ଦେଶକ ପଦବୀରେ ଥିବା ମଲ୍ଲିକ ଏହି ନୂତନ ଦାୟିତ୍ୱ ଗ୍ରହଣ କରି ଓପୋଲ୍‌ଫେଡ୍‌ର ବିକାଶ ଦିଗରେ କାର୍ଯ୍ୟ କରିବେ ବୋଲି ପ୍ରକାଶ କରିଛନ୍ତି। ଓପେଲ୍‌ଫେଡ୍‌ର କର୍ମଚାରୀଗଣ ମଲ୍ଲିକଙ୍କୁ ସ୍ବାଗତ କରିଥିବା ବେଳେ ବିଭାଗୀୟ ମନ୍ତ୍ରୀ ପ୍ରଦୀପ ମହାରଥୀ, ବିଭାଗୀୟ ଶାସନ ସଚିବ ବିଶାଳ ଗଗନ ଏବଂ ଅତିରିକ୍ତ ଶାସନ ସଚିବ ବିଶ୍ୱମୋହନ ରାୟ ପ୍ରମୁଖଙ୍କୁ କୃତଜ୍ଞତା ଜ୍ଞାପନ କରିଛନ୍ତି।

ଗୋଦ୍‌ରେଜ୍‌ର ବିଦ୍ୟୁତ୍‌ ସଞ୍ଚୟକାରୀ ଏସି  ବଜାର ପ୍ରବେଶ

ଗୋଦ୍‌ରେଜ୍‌ର ବିଦ୍ୟୁତ୍‌ ସଞ୍ଚୟକାରୀ ଏସି ବଜାର ପ୍ରବେଶ

ବମ୍ବେ, ୨୩-୫(ପି.ଟି.) ପ୍ରମୁଖ ହୋମ୍‌ ଆପ୍ଲାଏନ୍ସସ୍‌ ବ୍ରାଣ୍ଡ୍‌ ଗୋଦ୍‌ରେଜ୍‌ ଏହାର ସବୁଠାରୁ ସ୍ବଳ୍ପ ବିଦ୍ୟୁତ୍‌ ଖର୍ଚ୍ଚ କରୁଥିବା ଏୟାର କଣ୍ଡିଶନରର ବଜାର ପ୍ରବେଶ କରାଇଛି। ଇଣ୍ଡିଆନ୍‌ ସିଜନାଲ ଏନର୍ଜି ଏଫିସିଏନ୍ସି ରେସିଓ(ଆଇଏସ୍‌ଇଇଆର)ରେଟିଂରେ ଏହା ୬.୧୫ ପଏଣ୍ଟ ହାସଲ କରିଛି ବୋଲି କମ୍ପାନୀ ପ୍ରକାଶ କରିଛି। ଶକ୍ତି ସଞ୍ଚୟ ସହିତ ପରିବେଶ ଅନୁକୂଳ ବ୍ୟଶିଷ୍ଟ୍ୟକୁ ଏଥିରେ ପ୍ରାଧାନ୍ୟ ଦିଆଯାଇଛି।

ସରକାରଙ୍କୁ ସଙ୍କଟ ଭିତରକୁ ଟାଣିଛି ବର୍ଦ୍ଧିତ ତୈଳ ଦର :ଚଳିତ ସପ୍ତାହରେ ବାହାରିବ ସମାଧାନର ବାଟ

ସରକାରଙ୍କୁ ସଙ୍କଟ ଭିତରକୁ ଟାଣିଛି ବର୍ଦ୍ଧିତ ତୈଳ ଦର :ଚଳିତ ସପ୍ତାହରେ ବାହାରିବ ସମାଧାନର ବାଟ

ନୂଆଦିଲ୍ଲୀ, ୨୩-୫(ପି.ଟି.) ତୈଳ ଦର ବୃଦ୍ଧି ଜନସାଧାରଣଙ୍କୁ ନୟାନ୍ତ କରିଥିବା ବେଳେ ଦେଶବ୍ୟାପୀ ଏହାକୁ ନେଇ ତୀବ୍ର ଜନଅସନ୍ତୋଷ ଦେଖାଦେଇଛି। ସରକାର ଶୀଘ୍ର ଏହି ସମସ୍ୟାର ସମାଧାନ ବାଟ କାଢନ୍ତୁ ବୋଲି ଜନସାଧାରଣ ଦାବି କରୁଥିବା ବେଳେ ଚଳିତ ସପ୍ତାହରେ ହିଁ ଏହି ସଙ୍କଟଜନକ ସ୍ଥିତିକୁ ସୁଧାରିବା ପାଇଁ ପଦକ୍ଷେପ ଗ୍ରହଣ କରାଯିବ ବୋଲି ଜଣେ ବରିଷ୍ଠ ଅଧିକାରୀ ପ୍ରକାଶ କରିଛନ୍ତି। କେବଳ ଉତ୍ପାଦ ଶୁଳ୍କ ହ୍ରାସ ଉପରେ ନିଷ୍ପତ୍ତିକୁ ସୀମିତ ରଖାଯିବ ନାହିଁ ବରଂ ଅନ୍ୟାନ୍ୟ ଆବଶ୍ୟକ ପଦକ୍ଷେପ ମଧ୍ୟ ଗ୍ରହଣ କରାଯିବ ବୋଲି ସେ କହିଛନ୍ତି। ତୈଳ ଦର ବୃଦ୍ଧି ସରକାରଙ୍କୁ ଏକ ସଙ୍କଟଜନକ ସ୍ଥିତିରେ ପକାଇ ଦେଇଛି ା ଏହା କେବଳ କେନ୍ଦ୍ର ସରକାରଙ୍କ କର୍ତ୍ତୃତ୍ୱରେ ନାହିଁ, ରାଜ୍ୟ ସରକାର ମଧ୍ୟ ଏଥିରେ ଚିନ୍ତା କରିବା ଉଚିତ ବୋଲି ସେ କହିଛନ୍ତି। ଅନ୍ୟପକ୍ଷରେ ତୈଳ ମନ୍ତ୍ରଣାଳୟ ସହିତ ଅର୍ଥ ମନ୍ତ୍ରଣାଳୟ ମଧ୍ୟ ଆଲୋଚନା କରିଛି।

ଆୟକର ବିଭାଗର ଚଢାଉ:୨୧୫ କୋଟି ଟଙ୍କାର କଳାଧନ ଜବତ

ଆୟକର ବିଭାଗର ଚଢାଉ:୨୧୫ କୋଟି ଟଙ୍କାର କଳାଧନ ଜବତ

ନୂଆଦିଲ୍ଲୀ,୨୩-୫ ରାଜଧାନୀ ଦିଲ୍ଲୀରେ ଜମି କିଣାବିକା ବ୍ୟବସାୟରେ ସଂମ୍ପୃକ୍ତ ଥିବା ଦୁଇ ରିୟଲ ଇଷ୍ଟେଟ୍‌ କମ୍ପାନୀର ବିଭିନ୍ନ ସ୍ଥାନରେ ଚଢ଼ାଉ କରି ଆୟକର ବିଭାଗ ୨୧୫ କୋଟି ଟଙ୍କାରୁ ଅଧିକ କଳାଧନ ଜବତ କରିଛି। ଏହି ଦୁଇ ସଂସ୍ଥାର ପାଖାପାଖି ୩୩ଟି ସ୍ଥାନରେ ଚଢାଉ କରାଯାଇଥିବା ବେଳେ ଏହାର ପ୍ରକୃତ ସତ୍ୱାଧିକାରୀଙ୍କୁ ଏ ପର୍ଯ୍ୟନ୍ତ ଚିହ୍ନଟ କରାଯାଇ ପାରିନାହିଁ। ଆୟକର ବିଭାଗର ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି।