ବାଣିଜ୍ୟ

ଚନ୍ଦା କୋଚ୍ଚର, ଶିଖା ଶର୍ମା, ଆଦିତ୍ୟ ପୁରୀଙ୍କୁ ମିଳିନି ବୋନସ୍‌

ଚନ୍ଦା କୋଚ୍ଚର, ଶିଖା ଶର୍ମା, ଆଦିତ୍ୟ ପୁରୀଙ୍କୁ ମିଳିନି ବୋନସ୍‌

ବମ୍ବେ,୬-୪ ପ୍ରମୁଖ ଘରୋଇ ବ୍ୟାଙ୍କଗୁଡିକର ବସ୍‌ମାନଙ୍କୁ ଏଯାବତ୍‌ ସେମାନଙ୍କ ବାର୍ଷିକ ବୋନସ୍‌ ମିଳିନାହିଁ। ସାଧାରଣତଃ ଆର୍ଥିକ ବର୍ଷ ଅନ୍ତରେ ବ୍ୟାଙ୍କଗୁଡିକର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ)ମାନଙ୍କୁ ବାର୍ଷିକ ବୋନସ୍‌ ମିଳିଥାଏ। କିନ୍ତୁ ନିୟାମକ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)ର ମଞ୍ଜୁରୀ ମିଳି ନ ଥିବାରୁ ଏମାନେ ବର୍ତ୍ତମାନ ସୁଦ୍ଧା ବୋନସ୍‌ ପାଇନାହାନ୍ତି। ବ୍ୟାଙ୍କଗୁଡିକର ପ୍ରଦର୍ଶନ ଦୃଷ୍ଟିକୋଣରୁ ବୋନସ୍‌ର ମାତ୍ରା ଅଧିକ ରହିଥିବା ସର୍ବୋଚ୍ଚ ବ୍ୟାଙ୍କ ଦର୍ଶାଇଛି। ତେଣୁ ବୋନସ୍‌ ପ୍ରସ୍ତାବକୁ ଏହା ବର୍ତ୍ତମାନ ପର୍ଯ୍ୟନ୍ତ ସ୍ବୀକୃତି ପ୍ରଦାନ କରିନାହିଁ।

ଏମ୍ସରେ ଭର୍ତ୍ତି ହେଲେ ଜେଟ୍‌ଲୀ

ଏମ୍ସରେ ଭର୍ତ୍ତି ହେଲେ ଜେଟ୍‌ଲୀ

ନୂଆଦିଲ୍ଲୀ,୬-୪ କିଡ୍‌ନୀ ରୋଗରେ ଆକ୍ରାନ୍ତ ହୋଇଥିବା କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଶୁକ୍ରବାର ସନ୍ଧ୍ୟାରେ ଅଖିଳ ଭାରତୀୟ ଆୟୁର୍ବିଜ୍ଞାନ ପ୍ରତିଷ୍ଠାନ(ଏମ୍ସ)ରେ ଭର୍ତ୍ତି ହୋଇଛନ୍ତି। ୬୫ ବର୍ଷୀୟ ଜେଟ୍‌ଲୀଙ୍କର ଶନିବାର କିଡ୍‌ନୀ ପ୍ରତିରୋପଣ କରାଯିବ, ଯେଉଁଥିପାଇଁ ସବୁ ପ୍ରକାର ପ୍ରାକ୍‌-କାର୍ଯ୍ୟବିଧି ଶେଷ ହୋଇଥିବା ଜଣାଯାଇଛି।

ଶହୀଦନଗରରେ ଖୋଲିଲା ଏଚ୍‌ପିର ନୂତନ ଏକ୍ସକ୍ଲୁସିଭ୍‌ ଷ୍ଟୋର

ଶହୀଦନଗରରେ ଖୋଲିଲା ଏଚ୍‌ପିର ନୂତନ ଏକ୍ସକ୍ଲୁସିଭ୍‌ ଷ୍ଟୋର

ଭୁବନେଶ୍ୱର,୬-୪ ଉନ୍ନତ କମ୍ପ୍ୟୁଟିଂ ଅନୁଭୂତି ପ୍ରଦାନ କରୁଥିବା କମ୍ପାନୀ ଏଚ୍‌ପି ଇଣ୍ଡିଆ ପକ୍ଷରୁ ଶହୀଦ ନଗରରେ ଏହାର ଏକ ନୂତନ ଏକ୍ସକ୍ଲୁସିଭ୍‌ ଷ୍ଟୋର ‘ଏଇଟ୍‌ଥ ଓ୍ବାଣ୍ଡର’ ଖୋଲିଯାଇଛି। ରାଜଧାନୀରେ ଏହା କମ୍ପାନୀର ତୃତୀୟ ଏବଂ ଓଡ଼ିଶାରେ ୧୧ତମ ଏକ୍ସକ୍ଲୁସିଭ୍‌ ଏଚ୍‌ପି ଓ୍ବାର୍ଲଡ । ଭୁବନେଶ୍ୱର ମେୟର ଅନନ୍ତ ନାରାୟଣ ଜେନାଙ୍କ ଦ୍ୱାରା ଏହି ଶୋ’ରୁମ୍‌ ଉଦ୍‌ଘାଟିତ ହୋଇଛି। ୨୫୦ ବର୍ଗଫୁଟ ସ୍ଥାନରେ ନିର୍ମିତ ଏହି ଷ୍ଟୋରରେ ଏଚ୍‌ପି କଞ୍ଜ୍ୟୁମର ଶୃଙ୍ଖଳରେ ବିସ୍ତୃତ ଉତ୍ପାଦ ଉପଲବ୍ଧ। ଲାପଟପ୍‌, ଡେକ୍ସଟପ୍‌, ପ୍ରିଣ୍ଟର ଏବଂ ଅନ୍ୟାନ୍ୟ ସେଗ୍‌ମେଣ୍ଟରେ ଅତ୍ୟାଧୁନିକ ବୈଶିଷ୍ଟ୍ୟ ତଥା ଡିଜାଇନ୍‌ର ଉତ୍ପାଦ ଉପଲବ୍ଧ କରାଯାଇଛି।

ଦ୍ୱିତୀୟ ଦିନ ପାଇଁ ରାଜୀବ କୋଚ୍ଚରଙ୍କୁ ସିବିଆଇ ଜେରା

ଦ୍ୱିତୀୟ ଦିନ ପାଇଁ ରାଜୀବ କୋଚ୍ଚରଙ୍କୁ ସିବିଆଇ ଜେରା

ନୂଆଦିଲ୍ଲୀ,୬-୪(ପି.ଟି) ଭିଡିଓକନ୍‌ ଗ୍ରୁପକୁ ୨୦୧୨ରେ ଆଇସିଆଇସିଆଇ ବ୍ୟାଙ୍କ ପ୍ରଦାନ କରିଥିବା ୩,୨୫୦ କୋଟି ଟଙ୍କାର ଋଣ ମାମଲାରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ)ଏହାର ଯାଞ୍ଚ ପ୍ରକ୍ରିୟାକୁ ବ୍ୟାପକ କରିଛି। ଶୁକ୍ରବାର ସିବିଆଇ ଆଇସିଆଇସିଆଇ ବ୍ୟାଙ୍କର ପରିଚାଳନା ନିର୍ଦ୍ଦେଶକ ତଥା ସିଇଓ ଥିବା ଚନ୍ଦା କୋଚ୍ଚରଙ୍କ ଦିଅର ରାଜୀବ କୋଚ୍ଚରଙ୍କୁ ଦ୍ୱିତୀୟ ଦିନ ଲାଗି ଜେରା କରିଛି। ସିବିଆଇର ବମ୍ବେ ସ୍ଥିତ କାର୍ଯ୍ୟାଳୟରେ ହାଜର ହେବା ଲାଗି ରାଜୀବଙ୍କୁ ନିର୍ଦ୍ଦେଶ ରହିଥିଲା। ଋଣ ପ୍ରଦାନକୁ ନେଇ ତଦନ୍ତ କରାଯିବା ସହ ଭିଡିଓକନ ଗ୍ରୁପର ପ୍ରମୋଟର ବେଣୁ ଗୋପାଳ ଧୂତଙ୍କ ସହ ରାଜୀବଙ୍କ ଲିଙ୍କ ଉପରେ ସିବିଆଇ ପଚରାଉଚୁରା କରିଛି। ସେ ଗତକାଲି ଦେଶ ଛାଡି ଚାଲିଯିବାକୁ ଉଦ୍ୟମ କରୁଥିବା ବେଳେ ତାଙ୍କୁ ବମ୍ବେ ବିମାନ ବନ୍ଦରରେ ଅଟକ ରଖାଯାଇଥିଲା। ସେ ଦକ୍ଷିଣ ପୂର୍ବ ଏସିଆ ଦେଶ ସମୂହକୁ ପଳାୟନ କରିବାକୁ ଉଦ୍ୟମ କରିଥିବା ବେଳେ ତାଙ୍କର ଏହି ଉଦ୍ୟମ ବିଫଳ ହୋଇଛି। ସିବିଆଇ ପକ୍ଷରୁ ଜାରି ହୋଇଥିବା ଲୁକ୍‌ ଆଉଟ ସର୍କୁଲାର ଦ୍ୱାରା ରାଜୀବଙ୍କୁ ଅଟକ ରଖା ଯାଇଥିବା ଜଣାଯାଇଛି।

ଆରବିଆଇ ଅଧିକାରୀଙ୍କୁ ପଚରାଉଚୁରା

ଆରବିଆଇ ଅଧିକାରୀଙ୍କୁ ପଚରାଉଚୁରା

ନୂଆଦିଲ୍ଲୀ,୬-୪(ପି.ଟି) ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି) ଋଣ ଘୋଟାଲାରେ ରିଜର୍ଭ ବ୍ୟାଙ୍କର ପୂର୍ବତନ ଗଭର୍ନରଙ୍କୁ ସିବିଆଇ ଜେରା କରିଛି। ବିଭିନ୍ନ ନିୟମାବଳୀକୁ ନେଇ ସ୍ପଷ୍ଟ ଦିଗ ପ୍ରଦାନ କରିବାକୁ ଅଧିକାରୀଙ୍କୁ ପଚରା ଉଚୁରା କରାଯାଇଥିବା ରିଜର୍ଭ ବ୍ୟାଙ୍କ ସୂତ୍ରରୁ ଜଣାଯାଇଛି। ଆର୍‌ବିଆଇ ପରିସରରେ ରହୁଥିବା ବିଭିନ୍ନ ନିୟମାବଳୀ ଉପରେ ସ୍ପଷ୍ଟ ଚିତ୍ର ପାଇବା ଲାଗି ସମୟ ସମୟରେ କେନ୍ଦ୍ରୀୟ ତଦନ୍ତକାରୀ ଏଜେନ୍ସି ଟିମ୍‌ ଏହି ଭଳି ପଚରା ଉଚୁରା କରିଥାନ୍ତି ବୋଲି ଜଣାଯାଇଛି।

ପିଏନ୍‌ବି ମାମଲାରେ ଇଡି ପକ୍ଷ ଲୋଡିଲେ ହାଇକୋର୍ଟ

ପିଏନ୍‌ବି ମାମଲାରେ ଇଡି ପକ୍ଷ ଲୋଡିଲେ ହାଇକୋର୍ଟ

ନୂଆଦିଲ୍ଲୀ,୬-୪(ପି.ଟି) ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ମାମଲାରେ ମେହୁଲ ଚୋକସୀଙ୍କ ଫାର୍ମ ଗୀତାଞ୍ଜଳି ଜେମ୍‌ସ ବିରୋଧରେ ଟଙ୍କା ଚାଲାଣ ଅଭିଯୋଗ ଆସିଛି। ଏହାକୁ ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ମାମଲା ରୁଜୁ କରିଥିବାବେଳେ କମ୍ପାର୍ନୀ ପକ୍ଷରୁ ଏହା ବିରୋଧରେ ନ୍ୟାୟାଳୟରେ ଚ୍ୟାଲେଞ୍ଜ କରାଯାଇଥିଲା। ଉକ୍ତ ମାମଲାକୁ ନେଇ ଦିଲ୍ଲୀ ଉଚ୍ଚ ନ୍ୟାୟାଳୟ ଇଡିର ପକ୍ଷ ଲୋଡିଛନ୍ତି। ଜଷ୍ଟିସ ଏସ୍‌ ମୁରଲୀଧର ଏବଂ ଆଇ.ଏସ୍‌ ମେହେଟ୍ଟା ଉକ୍ତ ମାମଲାରେ ଇଡିକୁ ନୋଟିସ ଜାରି କରିଛନ୍ତି।

ସୁଲଭ ଓ୍ବାଇଫାଇ ସେବା ଉପରେ ଟ୍ରାଇର ଗୁରୁତ୍ୱ

ସୁଲଭ ଓ୍ବାଇଫାଇ ସେବା ଉପରେ ଟ୍ରାଇର ଗୁରୁତ୍ୱ

ନୂଆଦିଲ୍ଲୀ,୬-୪ ଲୋକଙ୍କୁ ସୁଲଭ ମୂଲ୍ୟରେ ଓ୍ବାଇଫାଇ ସେବା ଯୋଗାଣ ଉପରେ ଭାରତୀୟ ଟେଲିକମ୍‌ ନିୟାମକ କର୍ତ୍ତୃପକ୍ଷ ଟ୍ରାଇ ଗୁରୁତ୍ୱ ଦେଇଛି। ପବ୍ଲିକ ଡାଟା ଅଫିସ ପ୍ରୋଭାଇଡର (ପିଡିଓ)ନାମରେ ଏକ ପ୍ରସ୍ତାବ ଟ୍ରାଇ ପ୍ରଦାନ କରିଛି। ଏହା ଦ୍ୱାରା ଓ୍ବାଇଫାଇ ସେବା ସଂଯୋଗ ବୃଦ୍ଧି ହେବା ସହ ଇଣ୍ଟରନେଟ ଖର୍ଚ୍ଚ ୯୦% ପର୍ଯ୍ୟନ୍ତ ହ୍ରାସ ହୋଇ ପାରିବ। ଏହା କାର୍ଯ୍ୟକାରୀ ହେଲେ ୨ ଟଙ୍କାରେ ମଧ୍ୟ ଲୋକମାନେ ଓ୍ବାଇ ଫାଇ ସେବା ଲାଭ କରିବାକୁ ସମର୍ଥ ହେବେ ବୋଲି ପ୍ରସ୍ତାବରେ ଉଲ୍ଲେଖ ରହିଛି।

ବ୍ୟାଙ୍କ ଘରୋଇକରଣ ସପକ୍ଷରେ ରଜନୀଶ

ବ୍ୟାଙ୍କ ଘରୋଇକରଣ ସପକ୍ଷରେ ରଜନୀଶ

ନୂଆଦିଲ୍ଲୀ,୬-୪ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ବିଭିନ୍ନ ସମସ୍ୟା ଦେଇ ଗତି କରୁଥିବା ବେଳେ ଏଗୁଡିକର ଘରୋଇକରଣ ନେଇ ବିଭିନ୍ନ ମହଲରେ ଆଲୋଚନା ହେଉଛି। ଏପରି ସ୍ଥିତିରେ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକର ଘରୋଇକରଣକୁ ନେଇ ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ(ଏସ୍‌ବିଆଇ)ର ଅଧ୍ୟକ୍ଷ ରଜନିଶ କୁମାର ମତ ରଖିଛନ୍ତି। ସେ ବ୍ୟାଙ୍କ ଘରୋଇକରଣ ସପକ୍ଷରେ ମତ ଦେଇଥିବା ବେଳେ କେତେକ ରାଷ୍ଟ୍ରାୟତ୍ତ ବ୍ୟାଙ୍କକୁ ଘରୋଇକରଣ କରାଯାଇ ପାରିବ ବୋଲି କହିଛନ୍ତି।

ଏମ୍‌ଏନ୍‌ପି ଧାରାର ସଂଶୋଧନ ହେବ

ଏମ୍‌ଏନ୍‌ପି ଧାରାର ସଂଶୋଧନ ହେବ

ନୂଆଦିଲ୍ଲୀ,୬-୪(ପି.ଟି) ମୋବାଇଲ ନମ୍ବର ପୋର୍ଟେବିଲିଟି(ଏମ୍‌ଏନ୍‌ପି) କ୍ଷେତ୍ରରେ ଉପଭୋକ୍ତାମାନେ ସାମ୍ନା କରୁଥିବା ବିଭିନ୍ନ ଅସୁବିଧାର ସମାଧାନ ହେବ। ଏମ୍‌ଏନ୍‌ପି ଧାରାରେ ସଂଶୋଧନ କରିବାକୁ ସରକାର ପ୍ରସ୍ତୁତି ଆରମ୍ଭ କରିଛନ୍ତି। ଭାରତୀୟ ଟେଲିକମ୍‌ ନିୟାମକ କର୍ତ୍ତୃପକ୍ଷ(ଟ୍ରାଇ) ଏ ନେଇ ପ୍ରକ୍ରିୟା ଆରମ୍ଭ କରିଛି। ଏହି ଧାରାରେ ପରିବର୍ତ୍ତନ ନେଇ ଟ୍ରାଇ ଏକ ଆଲୋଚନା ପତ୍ର ଜାରି କରିଛି।

ରେଳ କ୍ୟାଟରିଂ ସେବାରେ ୫% ଜିଏସ୍‌ଟି

ରେଳ କ୍ୟାଟରିଂ ସେବାରେ ୫% ଜିଏସ୍‌ଟି

ନୂଆଦିଲ୍ଲୀ,୬-୪(ପି.ଟି) ଭାରତୀୟ ରେଳ ଏବଂ ଆଇଆର୍‌ସିଟିସି ପକ୍ଷରୁ ଟ୍ରେନ୍‌, ପ୍ଲାଟଫର୍ମ ଏବଂ ଷ୍ଟେଶନରେ ଯୋଗାଣ ହେଉଥିବା ଖାଦ୍ୟ ଏବଂ ପାନୀୟ ଉପରେ ୫% ଜିଏସ୍‌ଟି ଲାଗୁ ହେବ। ଏ ନେଇ ଶୁକ୍ରବାର ଅର୍ଥ ମନ୍ତ୍ରଣାଳୟ ସ୍ପଷ୍ଟ କରିଛି।

ପ୍ରତି ୫ରେ ୩ ଭାରତୀୟ ଡ୍ରାଇଭିଂ ବେଳେ ମୋବାଇଲ ବ୍ୟବହାର କରୁଛନ୍ତି

ପ୍ରତି ୫ରେ ୩ ଭାରତୀୟ ଡ୍ରାଇଭିଂ ବେଳେ ମୋବାଇଲ ବ୍ୟବହାର କରୁଛନ୍ତି

ନୂଆଦିଲ୍ଲୀ,୬-୪(ପି.ଟି) କାର ଡ୍ରାଇଭିଂ ବେଳେ ପ୍ରତି ୫ ଭାରତୀୟଙ୍କ ମଧ୍ୟରୁ ୩ ଜଣ ମୋବାଇଲ ବ୍ୟବହାର କରୁଛନ୍ତି। ଏହା କରି ଧରାପଡିଲେ ପ୍ରତି ୪ ଜଣରେ ଜଣେ ନିୟମ ଉଲଘଂନ କରିଥିବା କହିଛନ୍ତି। ଜାପାନ ଭିତ୍ତିକ ଅଟୋମୋବାଇଲ ନିର୍ମାତା ନିଶାନ ପକ୍ଷରୁ ହୋଇଥିବା ନିଶାନ କନେକ୍‌ଟେଡ୍‌ ଫ୍ୟାମିଲି ଇଣ୍ଡିଆ ସର୍ଭେରେ ଏହି ଭଳି ତଥ୍ୟ ସାମ୍ନାକୁ ଆସିଛି।

ଫ୍ଲିପ୍‌କାର୍ଟକୁ କିଣିବ ଓ୍ବାଲମାର୍ଟ

ଫ୍ଲିପ୍‌କାର୍ଟକୁ କିଣିବ ଓ୍ବାଲମାର୍ଟ

ନୂଆଦିଲ୍ଲୀ, ୬-୪ ଆମେରିକାଭିତ୍ତିକ ରିଟେଲ୍‌ କର୍ପୋରେଶନ ଓ୍ବାଲ୍‌ମାର୍ଟ ବାଙ୍ଗାଲୋରଭିତ୍ତିକ ଦେଶର ପ୍ରମୁଖ ଇ-କମର୍ସ କମ୍ପାନୀ ଫ୍ଲିପ୍‌କାର୍ଟକୁ କ୍ରୟ କରିବ। ଫ୍ଲିପ୍‌କାର୍ଟର ୫୧% ବା ତାଠାରୁ ଅଧିକ ଅଂଶ କ୍ରୟ କରିବା ପାଇଁ ପ୍ରକ୍ରିୟା ଶେଷ ହୋଇଛି ବୋଲି ଏ ସମ୍ପର୍କରେ ଜାଣିଥିବା କମ୍ପାନୀର ଦୁଇ ବରିଷ୍ଠ ଅଧିକାରୀ ପ୍ରକାଶ କରିଛନ୍ତି।

୩ ବର୍ଷକୁ ହ୍ରାସ ହୋଇପାରେ ଗ୍ରାଚୁଇଟି ଦାବି ସୀମା

୩ ବର୍ଷକୁ ହ୍ରାସ ହୋଇପାରେ ଗ୍ରାଚୁଇଟି ଦାବି ସୀମା

ନୂଆଦିଲ୍ଲୀ, ୬।୪ ଗ୍ରାଚୁଇଟି ଦାବି କରିବା ପାଇଁ ବର୍ତ୍ତମାନର ୫ ବର୍ଷ ସମୟ ସୀମାକୁ ୩ ବର୍ଷକୁ ଖସାଇ ଦିଆଯାଇ ପାରେ। କେନ୍ଦ୍ର ଶ୍ରମ ମନ୍ତ୍ରଣାଳୟ ଏହାକୁ ନେଇ ବିଚାର କରୁଛି ବୋଲି ଏ ସମ୍ପର୍କରେ ଜାଣିଥିବା ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି।

ଫେରାର ଉଦ୍ୟମ ବିଫଳ; ଧରାପଡ଼ିଲେ ଚନ୍ଦା କୋଚ୍ଚରଙ୍କ ଦିଅର

ଫେରାର ଉଦ୍ୟମ ବିଫଳ; ଧରାପଡ଼ିଲେ ଚନ୍ଦା କୋଚ୍ଚରଙ୍କ ଦିଅର

ନୂଆଦିଲ୍ଲୀ,୫-୪(ପି.ଟି.) ଭିଡିଓକନକୁ ଋଣ ଦେବା ମାମଲାରେ ବିବାଦରେ ଛନ୍ଦି ହୋଇଥିବା ଆଇସିଆଇସିଆଇ ବ୍ୟାଙ୍କର ଏମ୍‌ଡି ତଥା ସିଇଓ ଚନ୍ଦା କୋଚ୍ଚରଙ୍କ ଦିଅର ଗୁରୁବାର ଦେଶଛାଡି ପଳାଇବାକୁ ଉଦ୍ୟମ କରୁଥିବା ବେଳେ ଧରାପଡିଛନ୍ତି। ସେ ଏକ ଦକ୍ଷିଣ ପୂର୍ବ ଏସୀୟ ରାଷ୍ଟ୍ରକୁ ଫେରାର୍‌ ହେବାକୁ ଯାଉଥିବାବେଳେ ବମ୍ବେ ଅନ୍ତର୍ଜାତୀୟ ବିମାନ ବନ୍ଦରରେ ଅପ୍ରବାସ କର୍ତ୍ତୃପକ୍ଷଙ୍କ ହାତରେ ଧରାପଡିଛନ୍ତି। ପୂର୍ବରୁ ତାଙ୍କ ବିରୋଧରେ ଲୁକ୍‌ ଆଉଟ୍‌ ସର୍କୁଲାର ଜାରି ହୋଇଥିଲା, ଯେଉଁ ଭିତ୍ତିରେ ତାଙ୍କୁ ବିମାନ ବନ୍ଦରରେ ଅଟକାଯାଇଥିଲା। ଏହା ପରେ ଅପ୍ରବାସ କର୍ତ୍ତୃପକ୍ଷଙ୍କ ଦ୍ୱାରା ତାଙ୍କୁ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ)କୁ ହସ୍ତାନ୍ତର କରାଯାଇଛି। ଭିଡିଓକନ୍‌ ଗ୍ରୁପ୍‌ ଏବଂ ଆଇସିଆଇସିଆଇ ବ୍ୟାଙ୍କ ଋଣ ମାମଲା ସହ ଜଡିତ କେତେକ ବିଷୟକୁ ନେଇ ତାଙ୍କୁ ସିବିଆଇ ଅଧିକାରୀମାନେ ପଚରା ଉଚରା କରିଛନ୍ତି। ରାଜୀବ ହେଉଛନ୍ତି ଆର୍ଥିକ ସେବା ପ୍ରଦାନକାରୀ ସଂସ୍ଥା ଆଭିସ୍ତା ଆଡ୍‌ଭାଇଜରୀ ଗ୍ରୁପ୍‌ର ପ୍ରତିଷ୍ଠାତା ତଥା ସିଇଓ।

ଆସିଲା ନୂଆ ଆଇଟି ରିଟର୍ନ ଫାଇଲିଂ ଫର୍ମ

ଆସିଲା ନୂଆ ଆଇଟି ରିଟର୍ନ ଫାଇଲିଂ ଫର୍ମ

ନୂଆଦିଲ୍ଲୀ,୫-୪ କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ(ସିବିଡିଟି) ୨୦୧୭-୧୮ ଆର୍ଥତ୍କ ବର୍ଷର ଆୟକର ରିଟର୍ନ (ଆଇଟି) ଫାଇଲିଂ ପାଇଁ ନୂଆ ଫର୍ମ ଆଣିଛି। ଏହା ମଧ୍ୟରେ ସହଜ( ଆଇଟିଆର୧), ଫର୍ମ ଆଇଟିଆର୍‌ ୨, ସୁଗମ ଆଇଟିଆର୪, ଆଇଟିଆର୪ ଫର୍ମ, ଆଇଟିଆର୍‌୬, ୭ ଏବଂ ଆଇଟିଆରଭି ରହିଥିବା ଜଣାଯାଇଛି। ଏଗୁଡିକ ୨୦୧୭-୧୮ ଆର୍ଥତ୍କବର୍ଷ ବା ୨୦୧୮-୧୯ ଆସେସମେଣ୍ଟ ବର୍ଷ ଲାଗି ଲାଗୁ ହେବ ବୋଲି ସିବିଡିଟି ପକ୍ଷରୁ ଜାରି ହୋଇଥିବା ବିଜ୍ଞପ୍ତିରେ ଏହା ପ୍ରକାଶ ପାଇଛି।

ଜିଭିଏ ମଡେଲକୁ ବାଦ୍‌ ଦେଲା ଆରବିଆଇ

ଜିଭିଏ ମଡେଲକୁ ବାଦ୍‌ ଦେଲା ଆରବିଆଇ

ନୂଆଦିଲ୍ଲୀ,୫-୪ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଅଭିବୃଦ୍ଧି ଆକଳନ ଲାଗି ବ୍ୟବହାର କରୁଥିବା ଗ୍ରସ ଭାଲ୍ୟୁ ଆଡେଡ(ଜିଭିଏ) ପଦ୍ଧତିକୁ ବାଦ୍‌ ଦେଇଛି। ବିଶ୍ୱ ସ୍ତରୀୟ ବ୍ୟବସ୍ଥା ମୁତାବକ ଆର୍‌ବିଆଇ ଅଭିବୃଦ୍ଧି ଆକଳନ ପାଇଁ ମୋଟ ଘରୋଇ ଉତ୍ପାଦ(ଜିଡିପି) ପଦ୍ଧତିକୁ ଗ୍ରହଣ କରିଛି। ସରକାର ଜିଭିଏ ପଦ୍ଧତିକୁ ୨୦୧୫ ଜାନୁୟାରୀଠାରୁ ବ୍ୟବହାର କରୁଥିଲେ। ସେହିଭଳି ଜାନୁୟାରୀ ଠାରୁ ପରିବର୍ତ୍ତିତ ମୂଳ ବର୍ଷ ଭାବେ ୨୦୧୮କୁ ଗ୍ରହଣ କରାଯାଇଥିଲା।

ପିଏନ୍‌ବି ଋଣ ଘୋଟାଲା,କ୍ଷତିକୁ ୬ ମାସରେ ଭରଣା କରାଯିବ: ସିଇଓ

ପିଏନ୍‌ବି ଋଣ ଘୋଟାଲା,କ୍ଷତିକୁ ୬ ମାସରେ ଭରଣା କରାଯିବ: ସିଇଓ

ନୂଆଦିଲ୍ଲୀ,୫-୪ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ରେ ୧୩,୦୦୦ କୋଟି ଟଙ୍କାରୁ ଅଧିକ ଋଣ ଘୋଟାଲା ମାମଲାରେ ସମ୍ପୃକ୍ତ ଥିବା ନୀରବ ମୋଦି ଏବଂ ମେହୁଲ ଚୋକସୀ ବର୍ତ୍ତମାନ ବିଦେଶରେ ରହୁଛନ୍ତି। ଏଭଳି ଘୋଟାଲା ଯୋଗୁ ବ୍ୟାଙ୍କ କ୍ଷତିଗ୍ରସ୍ତ ହେବା ସହ ବ୍ୟବସ୍ଥାରେ ତ୍ରୁଟି ନେଇ ବିଭିନ୍ନ ମହଲରୁ ସମାଲୋଚନାର ଶିକାର ହୋଇଛି। ନୀରବ ମୋଦି ମାମଲାରେ ହୋଇଥିବା କ୍ଷତିକୁ ୬ ମାସରେ ଭରଣା କରାଯାଇ ପାରିବ ବୋଲି ପିଏନ୍‌ବିର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ) ସୁନୀଲ ମେହେଟ୍ଟା କହିଛନ୍ତି। ବ୍ୟାଙ୍କ ଶୀଘ୍ର ଭଲ ସ୍ଥିତିକୁ ଆସିବ ବୋଲି ଗଣମାଧ୍ୟମକୁ ସାକ୍ଷାତକାରରେ ସେ ଏହା କହିଛନ୍ତି।

୪୦ ନୂଆ ସ୍ପ୍ଲିଟ୍‌ ଇନଭର୍ଟର ଏସି ଆଣିଲା ବ୍ଲୁଷ୍ଟାର

୪୦ ନୂଆ ସ୍ପ୍ଲିଟ୍‌ ଇନଭର୍ଟର ଏସି ଆଣିଲା ବ୍ଲୁଷ୍ଟାର

ଭୁବନେଶ୍ୱର,୫-୪ (ବ୍ୟୁରୋ) ଏୟାର କଣ୍ଡିସନିଂ ଓ କମର୍ସିଆଲ ରେଫ୍ରିଜରେଶନ କ୍ଷେତ୍ରରେ ପ୍ରମୁଖ କମ୍ପାନୀ ବ୍ଲୁଷ୍ଟାର ୪୦ଟି ନୂଆ ମଡେଲର ଶକ୍ତି ସଞ୍ଚୟକାରୀ ସ୍ପ୍ଲିଟ୍‌ ଇନଭର୍ଟର ଏସି ସହ ମୋଟ ୧୦୦ ନୂଆ ଏୟାର କଣ୍ଡିଶନର ବଜାରକୁ ଛାଡିଛି। କମ୍ପାନୀର ବିକ୍ରି ତଥା ବିପଣନ, ଉତ୍ପାଦ ବାଣିଜ୍ୟ, କର୍ପୋରେଟ ପରିଚାଳନା ସଭାପତି ସି.ପି. ମୁକୁନ୍ଦନ ମେନନ ଏଠାରେ ଆୟୋଜିତ ଖବରଦାତା କାର୍ଯ୍ୟକ୍ରମରେ ଏ ସମ୍ପର୍କରେ ସୂଚନା ଦେଇଛନ୍ତି। କମ୍ପାନୀର ଏହି ଉତ୍ପାଦଗୁଡିକ ୩ ଷ୍ଟାର ଏବଂ ୫ ଷ୍ଟାର ଇନଭର୍ଟର ଏସି ହୋଇଥିବା ବେଳେ ସ୍ବଳ୍ପ ସମୟ ମଧ୍ୟରେ ଉନ୍ନତ ଶୀତଳତା ତଥା ତଥା ଶକ୍ତି ସଞ୍ଚୟ ସୁବିଧା ଦେବ ବୋଲି ମେନନ କହିଛନ୍ତି। କମ୍ପାନୀର ଏହି ସ୍ପ୍ଲିଟ ଇନଭର୍ଟର ଏସିଗୁଡିକ ୨୦୧୮ର ବିଇଇ ଶକ୍ତି ସଞ୍ଚୟକାରୀ ମାନଦଣ୍ଡକୁ ପୂରଣ କରୁଛି। ଘରୋଇ, ବ୍ୟବସାୟ ଓ ଶିଳ୍ପାନୁଷ୍ଠାନଗୁଡିକର ଆବଶ୍ୟକତାକୁ ଦୃଷ୍ଟିରେ ରଖି ଉତ୍ପାଦଗୁଡିକୁ ପ୍ରସ୍ତୁତ କରାଯାଇଛି ବୋଲି ସେ କହିଛନ୍ତି।

ଲଜିଷ୍ଟିକ୍‌ ପାଇଁ ଆସୁଛି ବ୍ୟାପକ ଯୋଜନା

ଲଜିଷ୍ଟିକ୍‌ ପାଇଁ ଆସୁଛି ବ୍ୟାପକ ଯୋଜନା

ନୂଆଦିଲ୍ଲୀ,୫-୩ ଲଜିଷ୍ଟିକ କ୍ଷେତ୍ରକୁ ପ୍ରୋତ୍ସାହନ ପ୍ରଦାନ ଲାଗି ପ୍ରସ୍ତୁତ ହେଉଛି ବ୍ୟାପକ ଯୋଜନା। ଏକ ଡିଜିଟାଲ ପ୍ଲାଟଫର୍ମ ସହ ବ୍ୟାପକ ତଥା ସମନ୍ବିତ ଯୋଜନା ଉପରେ ବର୍ତ୍ତମାନ ବାଣିଜ୍ୟ ମନ୍ତ୍ରଣାଳୟ କାର୍ଯ୍ୟ କରୁଛି। ଲଜିଷ୍ଟିକ କ୍ଷେତ୍ରରେ ଅଭିବୃଦ୍ଧିକୁ ତ୍ୱରାନ୍ବିତ କରିବାକୁ ଏହି ଭଳି ଯୋଜନା ପ୍ରସ୍ତୁତ ହେଉଥିବା ବାଣିଜ୍ୟ ସଚିବ ରିତା ଟିଓଟିଆ ସୂଚନା ଦେଇଛନ୍ତି। ଅଭିବୃଦ୍ଧିକୁ ତ୍ୱରାନ୍ବିତ କରିବାରେ ଲଜିଷ୍ଟିକ କ୍ଷେତ୍ର ସହଯୋଗ କରିପାରିବ।

 ଅତିଧନୀଙ୍କ ପଳାୟନ ପ୍ରସଙ୍ଗ ଉପରେ ତର୍ଜମା ହେବ

ଅତିଧନୀଙ୍କ ପଳାୟନ ପ୍ରସଙ୍ଗ ଉପରେ ତର୍ଜମା ହେବ

ନୂଆଦିଲ୍ଲୀ,୫-୪(ପି.ଟି) ବିଜୟ ମାଲ୍ୟା ଏବଂ ନୀରବ ମୋଦିଙ୍କ ଭଳି ଅତିଧନୀ ମାନେ ଦେଶ ଛାଡି ପଳାୟନ ସହ ବିଦେଶରେ ଅବସ୍ଥାପନ କରିବା ଭଳି ମାମଲା ସାମ୍ନାକୁ ଆସୁଛି। ଏହି ମାମଲାଗୁଡିକ ଉପରେ ତର୍ଜମା ତଥା ଆକ୍ସନ ପ୍ଲାନ ପ୍ରସ୍ତୁତି ଲାଗି କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ (ସିବିଡିଟି) ଏକ କମିଟି ପ୍ରସ୍ତୁତ କରିଛି। ଏହି ଭଳି ବ୍ୟକ୍ତି ଯେପରି ଭାବେ ଦେଶ ଛାଡି ନ ଯାଇ ପାରିବେ ସେ ଉପରେ ରୋକ ଲଗାଇବାକୁ ଯୋଜନା ପ୍ରସ୍ତୁତ ହେଉଛି।

ବ୍ୟାଙ୍କ ଠକେଇ ରୋକିବାକୁ ପର୍ଯ୍ୟାପ୍ତ ନୁହେଁ ଆଧାର

ବ୍ୟାଙ୍କ ଠକେଇ ରୋକିବାକୁ ପର୍ଯ୍ୟାପ୍ତ ନୁହେଁ ଆଧାର

ନୂଆଦିଲ୍ଲୀ,୫-୪ (ପି.ଟି) ଆଧାର ମାମଲା ବର୍ତ୍ତମାନ ସୁପ୍ରିମକୋର୍ଟରେ ବିଚାରାଧୀନ ରହିଥିବା ବେଳେ ବ୍ୟାଙ୍କ ଠକେଇକୁ ରୋକିବା ଦିଗରେ ଏହା ବିଶେଷ ଭାବେ ସକ୍ଷମ ହେବ ନାହିଁ। ଗୁରୁବାର ସର୍ବୋଚ୍ଚ ନ୍ୟାୟାଳୟ କେନ୍ଦ୍ରକୁ ନିର୍ଦ୍ଦେଶରେ ଏହା କହିଛନ୍ତି। ସେହିଭଳି ମୋବାଇଲ ଫୋନ ସହ ଆଧାର ସଂଯୋଗ କରିବାକୁ ସରକାର ସବୁ ଲୋକଙ୍କୁ କହିଥିବାରୁ ଏହାକୁ ନେଇ ସର୍ବୋଚ୍ଚ ନ୍ୟାୟାଳୟ ପ୍ରଶ୍ନ ଉଠାଇଛନ୍ତି। ସିମ୍‌-ଆଧାର ଲିଙ୍କ୍‌ ଦ୍ୱାରା ମାତ୍ର କିଛି ଆତଙ୍କବାଦୀଙ୍କୁ ଧରାଯାଇ ପାରିବ ବୋଲି ନ୍ୟାୟାଳୟ କହିଛନ୍ତି। ବ୍ୟାଙ୍କ କ୍ଷେତ୍ରରେ ଘଟୁଥିବା ବଡ ଧରଣର ଘୋଟାଲା ଅଜଣା ଅପରାଧିଙ୍କ ଦ୍ୱାରା ଘଟୁ ନାହିଁ।

୨୦୧୯ରେ ଆସିବ ପତଞ୍ଜଳୀ ପୋଷାକ

୨୦୧୯ରେ ଆସିବ ପତଞ୍ଜଳୀ ପୋଷାକ

ପାଣାଜୀ,୫-୪(ପି.ଟି.) ଆସନ୍ତା ବର୍ଷ ବଜାରକୁ ପତଞ୍ଜଳୀ ପୋଷାକ ଆସିବ। ପତଞ୍ଜଳୀ ଆୟୁର୍ବେଦର ସହ-ପ୍ରତିଷ୍ଠାତା ଯୋଗଗୁରୁ ବାବା ରାମଦେବ ଗୁରୁବାର ଏହି ଘୋଷଣା କରିଛନ୍ତି। ସେ କହିଛନ୍ତି ଯେ, ପତଞ୍ଜଳୀ କେବେ ବଜାରକୁ ଜିନ୍ସ ଆଣିବ ସେ ନେଇ ଲୋକମାନେ ପଚାରୁଛନ୍ତି। ତେଣୁ କମ୍ପାନୀ ୨୦୧୯ରୁ ବଜାରରେ ଏହାର ଗାର୍ମେଣ୍ଟ ପ୍ରଡକ୍ଟ ଆଣିବାକୁ ସ୍ଥିର କରିଛିି।

ନିଜସ୍ବ କ୍ରିପ୍ଟୋକରେନ୍ସି ଆଣିବ ଆର୍‌ବିଆଇ

ନିଜସ୍ବ କ୍ରିପ୍ଟୋକରେନ୍ସି ଆଣିବ ଆର୍‌ବିଆଇ

ବମ୍ବେ, ୫-୪(ପି.ଟି.) ‘ଫିଆଟ୍‌’ ନାମରେ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଏହାର ନିଜସ୍ବ କ୍ରିପ୍ଟୋକରେନ୍ସି ପ୍ରଚଳନ କରିବ। ଆର୍‌ବିଆଇ ଏଥିପାଇଁ ଏକ ଆନ୍ତଃବିଭାଗୀୟ ଗୋଷ୍ଠୀ ଗଠନ କରିଛି। ଦେଶରେ କ୍ରିପ୍ଟୋକରେନ୍ସିର ଆବଶ୍ୟକତା ଓ ଏହାର ଚାହିଦାକୁ ଆକଳନ କରି ଏହି ଗୋଷ୍ଠୀ ଜୁନ ସୁଦ୍ଧା ରିପୋର୍ଟ ପ୍ରଦାନ କରିବ। ଏହା ପରେ ଆର୍‌ବିଆଇ ନିଜସ୍ବ ଡିଜିଟାଲ କରେନ୍ସି ପ୍ରଚଳନ କରିବା ନେଇ ନିଷ୍ପତ୍ତି ଗ୍ରହଣ କରିବ।

ନିବେଶକଙ୍କ ସମ୍ପତ୍ତିରେ ବୃଦ୍ଧି

ନିବେଶକଙ୍କ ସମ୍ପତ୍ତିରେ ବୃଦ୍ଧି

ବମ୍ବେ,୫-୪ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଏହାର ମୁଦ୍ରାନୀତି ସମୀକ୍ଷା ବୈଠକରେ ସୁଧ ହାରକୁ ଅପରିବର୍ତ୍ତିତ ରଖିଥିବାବେଳେ ଚଳିତ ଆର୍ଥିକବର୍ଷ ପାଇଁ ଅଭିବୃଦ୍ଧିରେ ସୁଧାର ଘଟିବା ନେଇ ଆକଳନ କରିଛି। ଏହା ପ୍ରଭାବରେ ଗୁରୁବାର ପୁଞ୍ଜି ବଜାରରେ ଉତ୍ସାହ ପରିଲକ୍ଷିତ ହୋଇଛି। କାରବାର ଶେଷରେ ବମ୍ବେ ଷ୍ଟକ୍‌ ଏକ୍ସଚେଞ୍ଜ ସେନ୍‌ସେକ୍ସରେ ୫୭୭.୭୩ ପଏଣ୍ଟ ବୃଦ୍ଧି ଘଟିଛି।