ଖେଳ

ପାକିସ୍ତାନକୁ ହରାଇ ଫାଇନାଲରେ ଭାରତ

ପାକିସ୍ତାନକୁ ହରାଇ ଫାଇନାଲରେ ଭାରତ

ଖ୍ରୀଷ୍ଟଚର୍ଚ୍ଚ, ୩୦।୧(ପି.ଟି.)- ଚଳିତ ଆଇସିସି ୧୯ ବର୍ଷରୁ କମ୍‌ କ୍ରିକେଟ ବିଶ୍ୱକପର ଫାଇନାଲର ଭାରତ ପ୍ରବେଶ କରିଛି। ମଙ୍ଗଳବାର ଅନୁଷ୍ଠିତ ସେମିଫାଇନାଲରେ ଭାରତ ୨୦୩ ରନରେ ପାରମ୍ପରିକ ପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ପରାସ୍ତ କରିଛି। ଭାରତ ଫାଇନାଲରେ ଅଷ୍ଟ୍ରେଲିଆକୁ ଭେଟିବ।

‘ଖେଲୋ ଇଣ୍ଡିଆ’ରେ ଆଳିରୁ ୩

‘ଖେଲୋ ଇଣ୍ଡିଆ’ରେ ଆଳିରୁ ୩

ଆଳି, ୨୯।୧(ଡି.ଏନ୍‌.ଏ.) ଦିଲ୍ଲୀସ୍ଥିତ ଜବାହରଲାଲ ଇନ୍‌ଡୋର ଷ୍ଟାଡିୟମ୍‌ରେ ଫେବୃୟାରୀ ୧ ତାରିଖରୁ ଆରମ୍ଭ ହେବାକୁ ଥିବା ସର୍ବଭାରତୀୟ ‘ଖେଲୋ ଇଣ୍ଡିଆ’କାର୍ଯ୍ୟକ୍ରମ ଅନୁଷ୍ଠିତ ହେବ। ରାଜ୍ୟସ୍ତରୀୟ ବିଦ୍ୟାଳୟ ସ୍ତରୀୟ ସମୂହ କ୍ରୀଡ଼ା ପ୍ରତିଯୋଗିତାରେ ଶ୍ରେଷ୍ଠ ପ୍ରଦର୍ଶନ କରିଥିବା ଖେଳାଳିଙ୍କୁ ନେଇ ଜାତୀୟସ୍ତରରେ ଖେଳାଯିବାକୁ ୩୦ଟି ଜିଲାରୁ ଖେଳାଳିମାନଙ୍କୁ ଚୟନ କରାଯାଇଛି। ସେଥିରେ କେନ୍ଦ୍ରାପଡ଼ା ଜିଲା ଆଳି ଅଞ୍ଚଳର ୩ ଫୁଟ୍‌ବଲ ଖେଳାଳି ସାମିଲ ହୋଇଛନ୍ତି।

ଜାତୀୟ ଫୁଟ୍‌ଭଲି: ଓଡ଼ିଶା ଚାମ୍ପିୟନ

କଟକ ଅଫିସ,୩୦ା୧-କେରଳଠାରେ ୬ଷ୍ଠ ଜାତୀୟ ଫୁଟ୍‌ଭଲି ଚାମ୍ପିୟନଶିପ୍‌ ଅନୁଷ୍ଠିତ ହୋଇଯାଇଛି। ଏଥିରେ ଓଡ଼ିଶା ଉଭୟ ପୁରୁଷ ଓ ମହିଳା ବର୍ଗରେ ଚାମ୍ପିୟନ ହୋଇଛି।

ପାରା ଅଲିମ୍ପିକ୍ସରୁ ରୁଷିଆ ସସ୍‌ପେଣ୍ଡ

ପାରା ଅଲିମ୍ପିକ୍ସରୁ ରୁଷିଆ ସସ୍‌ପେଣ୍ଡ

ବନ୍‌,୨୯ା୧(ଏଏଫ୍‌ପି)- ପ୍ୟୋଙ୍ଗଚାଙ୍ଗଠାରେ ହୋବାକୁଥିବା ଓ୍ବିଣ୍ଟର ଅଲିମ୍ପିକ୍ସରୁ ରୁଷିଆକୁ ସସ୍‌ପେଣ୍ଡ କରାଯାଇଛି। କିନ୍ତୁ ଏହି ଦେଶର କେତେଜଣ ଆଥଲେଟ୍‌ଙ୍କୁ ନିରପେକ୍ଷ ପତାକା ଅଧୀନରେ ଅଂଶଗ୍ରହଣ ପାଇଁ ଅନୁମତି ମିଳିଥିବା ଇଣ୍ଟରନ୍ୟାଶନାଲ ପାରାଅଲିମ୍ପିକ କମିଟି (ଆଇପିସି) ସୋମବାର ପ୍ରକାଶ କରିଛି।

୪ ବର୍ଷ ପରେ ସୁଯୋଗ ପାଇଲେ ରଜାକ

୪ ବର୍ଷ ପରେ ସୁଯୋଗ ପାଇଲେ ରଜାକ

ଢାକା, ୨୯।୧(ଏଏଫ୍‌ପି)- ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟ ମ୍ୟାଚ୍‌ ଲାଗି ବାଂଲାଦେଶ ଦଳ ଭେଟେରାନ ସ୍ପିନର ଅବଦୁର୍‌ ରଜାକଙ୍କୁ ଦଳରେ ସାମିଲ କରିଛି ।

ବେଲ୍ଟ ଟେଷ୍ଟରେ ୨୭୦ ଉତ୍ତୀର୍ଣ୍ଣ

ବେଲ୍ଟ ଟେଷ୍ଟରେ ୨୭୦ ଉତ୍ତୀର୍ଣ୍ଣ

ଭୁବନେଶ୍ୱର, ୨୯।୧(କ୍ରୀଡ଼ା ପ୍ରତିନିଧି)- ସ୍ଥାନୀୟ ଉତ୍କଳ କରାଟେ ସ୍କୁଲରେ ସୋମବାର ବେଲ୍ଟ ଟେଷ୍ଟ ଅନୁଷ୍ଠିତ ହୋଇଯାଇଛି। ଏଥିରେ ୨୭୦ ଜଣ କରାଟେ କିମ୍ବା ବିଭିନ୍ନ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି।

ଆଇପିଏଲ୍‌: ୫ବର୍ଷ ହେଲା ଓଡ଼ିଶା ଖେଳାଳିଙ୍କୁ ସୁଯୋଗ ନାହିଁ

ଆଇପିଏଲ୍‌: ୫ବର୍ଷ ହେଲା ଓଡ଼ିଶା ଖେଳାଳିଙ୍କୁ ସୁଯୋଗ ନାହିଁ

କଟକ ଅଫିସ,୨୯ା୧- ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ)୨୦୧୮ ସିଜନ୍‌ ନିମନ୍ତେ ଖେଳାଳି ନିଲାମ ପ୍ରକ୍ରିୟା ରବିବାର ଶେଷ ହୋଇଛି। ଓଡ଼ିଶା କ୍ରିକେଟ ଆସୋସିଏଶନ(ଓସିଏ) ଆଗାମୀ ସଂସ୍କରଣ ନିମନ୍ତେ ୭ଜଣ ଖେଳାଳିଙ୍କ ନାମ ନିଲାମୀ ପ୍ରକ୍ରିୟାକୁ ସୁପାରିସ କରିଥିବା ବେଳେ କେହି ଜଣେ ବି କିଣା ହୋଇ ପାରିନାହାନ୍ତି।

୧୯ ବର୍ଷରୁ କମ୍‌ ବିଶ୍ୱକପ୍‌: ଫାଇନାଲରେ ଅଷ୍ଟ୍ରେଲିଆ

୧୯ ବର୍ଷରୁ କମ୍‌ ବିଶ୍ୱକପ୍‌: ଫାଇନାଲରେ ଅଷ୍ଟ୍ରେଲିଆ

ଖ୍ରିଷ୍ଟଚର୍ଚ୍ଚ, ୨୯।୧(ପି.ଟି.)- ଏଠାରେ ଚାଲିଥିବା ୧୯ ବର୍ଷରୁ କମ୍‌ ଆଇସିସି ବିଶ୍ୱକପ୍‌ରେ ୩ ଥର ଚାମ୍ପିୟନ ଅଷ୍ଟ୍ରେଲିଆ ଫାଇନାଲରେ ପ୍ରବେଶ କରିଛି। ଚଳିତ ଟୁର୍ନାମେଣ୍ଟରେ ଏ ଯାବତ ଉନ୍ନତ ପ୍ରଦର୍ଶନ କରିଥିବା ଆଫଗାନିସ୍ତାନକୁ ସେମିଫାଇନାଲରେ ହରାଇ ଅଷ୍ଟ୍ରେଲିଆ ଏହି ସଫଳତା ପାଇଛି। ଉଇକେଟ୍‌ କିପର ବ୍ୟାଟ୍ସମ୍ୟାନ ଇକ୍ରାମ ଅଲି ଖିଲଙ୍କ ଅର୍ଦ୍ଧଶତକୀୟ ଇନିଂସ୍‌ ଯୋଗୁ ଆଫଗାନିସ୍ତାନ ୧୮୧ ରନ୍‌ରେ ସୀମିତ ରହିଥିଲା, ଯାହାକି ଅଷ୍ଟ୍ରେଲିଆ ପାଇଁ କଦାପି ଅପହଞ୍ଚ ନ ଥିଲା। ଜ୍ୟାକ ଏଡ୍ବାର୍ଡଙ୍କ ୭୨ ରନ୍‌ର ଇନିଂସ୍‌ ବଳରେ ଅଷ୍ଟ୍ରେଲିଆ ୭୫ଟି ବଲ୍‌ ଓ ୬ ଉଇକେଟ୍‌ ହାତରେ ରଖି ମ୍ୟାଚ୍‌କୁ ଜିତି ଫାଇନାଲରେ ସ୍ଥାନ ପକ୍କା କରିଛି।

ଆଇପିଏଲ୍‌ରେ ଖେଳିବେ ସେହ୍ବାଗଙ୍କ ପୁତୁରା

ଆଇପିଏଲ୍‌ରେ ଖେଳିବେ ସେହ୍ବାଗଙ୍କ ପୁତୁରା

ବାଙ୍ଗାଲୋର, ୨୯।୧- ଇଣ୍ଡିଆନ୍‌ ପ୍ରିମିୟର ଲିଗ୍‌ (ଆଇପିଏଲ୍‌)ରେ ଖେଳିବାକୁ ଯାଉଛନ୍ତି ପୂର୍ବତନ ବ୍ୟାଟ୍ସମ୍ୟାନ ବୀରେନ୍ଦ୍ର ସେହ୍ବାଗଙ୍କ ପୁତୁରା ମୟଙ୍କ ଡାଗର। ପୂର୍ବରୁ ୧୯ ବର୍ଷରୁ କମ୍‌ ଭାରତୀୟ ଦଳ ପାଇଁ ପ୍ରତିନିଧିତ୍ୱ କରିଥିବା ମୟଙ୍କ ରବିବାର ଶେଷ ହୋଇଥିବା ଖେଳାଳିଙ୍କ ନିଲାମ ପ୍ରକ୍ରିୟାରେ ତାଙ୍କୁ ୨ୟ ପର୍ଯ୍ୟାୟରେ ପ୍ରୀତି ଜିଣ୍ଟାଙ୍କ ଫ୍ରାଞ୍ଚାଇଜ୍‌ କିଙ୍ଗ୍ସ ଏକାଦଶ ପଞ୍ଜାବ ଖରିଦ କରିଛି। ସମାନ ଫ୍ରାଞ୍ଚାଇଜର ଡିରେକ୍ଟେର ଅଫ୍‌ କ୍ରିକେଟ୍‌ ପଦରେ ଥିବା ସେହ୍ବାଗ ୨୦ ଲକ୍ଷ ଟଙ୍କାର ବେସ୍‌ ପ୍ରାଇସ୍‌ରେ ନାଗରକୁ ପଞ୍ଜାବ ଦଳରେ ସାମିଲ କରିଛନ୍ତି।

ନ୍ୟୁଜିଲାଣ୍ଡ ଟି୨୦ ଦଳରେ ମୁନ୍‌ରୋ

ନ୍ୟୁଜିଲାଣ୍ଡ ଟି୨୦ ଦଳରେ ମୁନ୍‌ରୋ

ଅକ୍‌ଲାଣ୍ଡ, ୨୯।୧- ଅଷ୍ଟ୍ରେଲିଆ ଓ ଇଂଲଣ୍ଡ ବିପକ୍ଷରେ ହେବାକୁ ଯାଉଥିବା ତ୍ରିରାଷ୍ଟ୍ରୀୟ ଟି୨୦ ସିରିଜ୍‌ ପାଇଁ ଘୋଷିତ ନ୍ୟୁଜିଲାଣ୍ଡ ଦଳରେ ବ୍ୟାଟ୍ସମ୍ୟାନ କଲିନ୍‌ ମୁନ୍‌ରୋଙ୍କୁ ସାମିଲ କରାଯାଇଛି। ତାଙ୍କ ମାଂଶପେସୀ ଟାଣି ହୋଇଯିବାରୁ ପାକିସ୍ତାନ ବିପକ୍ଷ ଅନ୍ତିମ ଟି୨୦ ମ୍ୟାଚ୍‌ରୁ ସେ ବାଦ୍‌ ପଡ଼ିଥିଲେ। କିନ୍ତୁ ସେ ତ୍ରିରାଷ୍ଟ୍ରୀୟ ସିରିଜ୍‌ ଆରମ୍ଭ ହେବା ପୂର୍ବରୁ ଫିଟ୍‌ ହୋଇଯିବେ ବୋଲି ଆଶା କରାଯାଉଛି। ଏଣୁ ତାଙ୍କୁ ୧୪ ଜଣିଆ ନ୍ୟୁଜିଲାଣ୍ଡ ଦଳରେ ସ୍ଥାନ ଦିଆଯାଇଛି।

ଟପ୍‌ ୫୦କୁ ଫେରିଲେ ପେସ୍‌

ଟପ୍‌ ୫୦କୁ ଫେରିଲେ ପେସ୍‌

ନୂଆଦିଲ୍ଲୀ, ୨୯।୧(ପି.ଟି.)- ଭେଟେରାନ ଟେନିସ୍‌ ଖେଳାଳି ଲିଆଣ୍ଡର ପେସ୍‌ ପୁରୁଷ ଡବଲ୍ସ ର଼୍ୟାଙ୍କିଙ୍ଗରେ ଟପ୍‌ ୫୦କୁ ପ୍ରତ୍ୟାବର୍ତ୍ତନ କରିଛନ୍ତି। ସେ ପୂର୍ବାପେକ୍ଷା ୧୪ଟି ସ୍ଥାନ ଉପରକୁ ଉଠି ୪୭ତମ ସ୍ଥାନ ଅଧିକାର କରିଛନ୍ତି। ଏହା ଦର୍ଶାଇଛି ଏଟିପି ପକ୍ଷରୁ ପ୍ରକାଶ ପାଇଥିବା ନୂତନ ଡବଲ୍ସ ର଼୍ୟାଙ୍କିଙ୍ଗ୍‌।

ହକି ଓଡ଼ିଶା ଚାମ୍ପିୟନ

ହକି ଓଡ଼ିଶା ଚାମ୍ପିୟନ

ଭୁବନେଶ୍ୱର, ୨୮ା୧ (ସ୍ପୋଟର୍‌ସ ବ୍ୟୁରୋ) ଉତ୍ତର ପ୍ରଦେଶର ଇଟାଓ୍ବାର ସାଇଫାଇଠାରେ ଚାଲିଥିବା ୮ମ ଜାତୀୟ ସବ୍‌ଜୁନିୟର ପୁରୁଷ ହକି ଚାମ୍ପିୟନଶିପ୍‌ ୨୦୧୮ (ଡିଭିଜନ ଏ’)ରେ ହକି ଓଡ଼ିଶା ଚାମ୍ପିୟନ ହୋଇଛି।

ଭାରତୀୟ ଶିବିରରେ ଓଡ଼ିଶାର ସାହିଦ୍‌

ଭାରତୀୟ ଶିବିରରେ ଓଡ଼ିଶାର ସାହିଦ୍‌

କଟକ ଅଫିସ,୨୮ା୧ ଚାଇନାରେ ଆସନ୍ତା ବର୍ଷ ଫିବା ବାସ୍କେଟବଲ ବିଶ୍ୱକପ୍‌-୨୦୧୯ ଅନୁଷ୍ଠିତ ହେବ। ଏଥିଲାଗି ଯୋଗ୍ୟତା ପର୍ଯ୍ୟାୟ ମ୍ୟାଚ୍‌ ନିମନ୍ତେ ଆସନ୍ତା ଫେବୃୟାରୀ ୧ରୁ ୧୮ ତାରିଖ ପର୍ଯ୍ୟନ୍ତ ବେଙ୍ଗାଲୁରୁସ୍ଥିତ ଶ୍ରୀ କାନ୍ତିରାଭା ଇନ୍‌ଡୋର ଷ୍ଟାଡିୟମରେ ଭାରତୀୟ ଦଳର ଚୟନ ଓ ପ୍ରଶିକ୍ଷଣ ଶିବିର ଅନୁଷ୍ଠିତ ହେବ। ଜାତୀୟ ଦଳର ଏହି ଶିବିରରେ ଓଡ଼ିଶାର ଜଣେ ଯୁବ ପ୍ରତିଭା ସ୍ଥାନ ପାଇଛନ୍ତି। ସେ ହେଉଛନ୍ତି ରାଜ୍ୟ ଦଳରୁ ପ୍ରତିନିଧିତ୍ୱ କରୁଥିବା କଟକର ସାହିଦ୍‌ ଖାଁ।

ଆଇପିଏଲ: ଉନାଡକଟ୍‌ ଦାମୀ ଭାରତୀୟ

ଆଇପିଏଲ: ଉନାଡକଟ୍‌ ଦାମୀ ଭାରତୀୟ

ବାଙ୍ଗାଲୋର, ୨୮ା୧(ପି.ଟି.) ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ଚଳିତ ବର୍ଷ ସଂସ୍କରଣ ପାଇଁ ଦୁଇଦିନିଆ ଖେଳାଳି ନିଲାମ ପ୍ରକ୍ରିୟା ଶେଷ ହୋଇଯାଇଛି। ରବିବାର ଦ୍ୱିତୀୟ ତଥା ଅନ୍ତିମ ଦିବସରେ ବାମହାତୀ ପେସ୍‌ ବୋଲର ଜୟଦେବ ଉନାଡ୍‌କଟ୍‌ ସବୁଠାରୁ ଦାମୀ ଭାରତୀୟ ଖେଳାଳି ବିବେଚିତ ହୋଇଛନ୍ତି।

ଆଇପିଏଲ୍‌ରେ ପ୍ରଥମ ନେପାଳ କ୍ରିକେଟର

ଆଇପିଏଲ୍‌ରେ ପ୍ରଥମ ନେପାଳ କ୍ରିକେଟର

ନୂଆଦିଲ୍ଲୀ,୨୮ା୧(ପି.ଟି.) ୧୭ ବର୍ଷୀୟ ନେପାଳ ଲେଗସ୍ପିନର ସନ୍ଦୀପ ଲାମିଚାନ୍‌ ଇତିହାସ ସୃଷ୍ଟି କରିଛନ୍ତି। ପ୍ରଥମ ନେପାଳ କ୍ରିକେଟର ହିସାବରେ ସେ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଖେଳାଳି ନିଲାମରେ ସାମିଲ ହୋଇଛନ୍ତି ଓ ଦିଲ୍ଲୀ ଡେୟାର ଡେଭିଲ୍ସ ତାଙ୍କୁ କ୍ରୟ କରିଛି।

ଫେଡେରରଙ୍କୁ ଟାଇଟଲ

ଫେଡେରରଙ୍କୁ ଟାଇଟଲ

ମେଲବୋର୍ନ,୨୮ା୧(ଏ.ଏଫ୍‌.ପି.) ସୁଇଜରଲାଣ୍ଡର ଅଭିଜ୍ଞ ଖେଳାଳି ରୋଜର ଫେଡେରର ଅଷ୍ଟ୍ରେଲିଆନ୍‌ ଓପନ ଟେନିସ୍‌ ଟାଇଟଲ ହାସଲ କରିଛନ୍ତି। ରବିବାର ଅନୁଷ୍ଠିତ ବର୍ଷର ଏହି ପ୍ରଥମ ଗ୍ରାଣ୍ଡସ୍ଲାମ ଟୁର୍ନାମେଣ୍ଟର ପୁରୁଷ ସିଙ୍ଗଲ୍ସ ଫାଇନାଲ ମୁକାବିଲାରେ ଗତଥରର ଚାମ୍ପିୟନ ଫେଡେରର ୬-୨, ୬-୭, ୬-୩, ୩-୬, ୬-୧ ମାରାଥନ ସେଟରେ ଷଷ୍ଠ ସିଡ୍‌ କ୍ରୋଏସିଆ ତାରକା ମାରିନ ସିଲିକଙ୍କୁ ପରାସ୍ତ କରି ଚାମ୍ପିୟନ ହୋଇଛନ୍ତି।

ଟି୨୦ ସିରିଜ୍‌ ଜିତିଲା ପାକିସ୍ତାନ

ଟି୨୦ ସିରିଜ୍‌ ଜିତିଲା ପାକିସ୍ତାନ

ମାଉଣ୍ଟ ମାଉଙ୍ଗାନୁଇ, ୨୮।୧: ନ୍ୟୁଜିଲାଣ୍ଡ ବିପକ୍ଷରେ ଦିନିକିଆ ସିରିଜ୍‌ରେ ପରାଜିତ ହେବା ପରେ ପାକିସ୍ତାନ ଦଳ ଟି୨୦ ସିରିଜ୍‌କୁ ଜିତି ମଧୁର ପ୍ରତିଶୋଧ ନେଇଛି। ସ୍ଥାନୀୟ ବେ ଓଭାଲଠାରେ ଖେଳାଯାଇଥିବା ମ୍ୟାଚ୍‌ରେ ନ୍ୟୁଜିଲାଣ୍ଡକୁ ୧୮ ରନ୍‌ରେ ପରାସ୍ତ କରି ପାକିସ୍ତାନ ୩ ମ୍ୟାଚ୍‌ ବିଶିଷ୍ଟ ସିରିଜ୍‌କୁ ୨-୧ ବ୍ୟବଧାନରେ ଜିତି ନେଇଛି। ଏହି ବିଜୟ ଯୋଗୁ ଟି୨୦ ଓ୍ବାଲର୍‌ଡ ର଼୍ୟାଙ୍କିଙ୍ଗରେ ନ୍ୟୁଜିଲାଣ୍ଡକୁ ପଛରେ ପକାଇ ପାକିସ୍ତାନ ଶୀର୍ଷ ସ୍ଥାନ ଅଧିକାର କରିଛି।

ଭାରତୀୟ ଟି୨୦ ଦଳକୁ ଫେରିଲେ ରାଇନା

ଭାରତୀୟ ଟି୨୦ ଦଳକୁ ଫେରିଲେ ରାଇନା

ନୂଆଦିଲ୍ଲୀ, ୨୮।୧(ପି.ଟି.)- ବିସ୍ଫୋରକ ବ୍ୟାଟ୍ସମ୍ୟାନ ସୁରେଶ ରାଇନା ଚଳିତ ଘରୋଇ ସିଜନ୍‌ରେ ଉନ୍ନତ ପ୍ରଦର୍ଶନ ବଳରେ ପ୍ରାୟ ଏକ ବର୍ଷ ବ୍ୟବଧାନ ପରେ ଭାରତୀୟ ଟି୨୦ ଦଳକୁ ଫେରିଛନ୍ତି। ଆସନ୍ତା ଫେବୃୟାରୀ ୧୮ ତାରିଖଠାରୁ ଦକ୍ଷିଣ ଆଫ୍ରିକାରେ ଖେଳାଯିବାକୁ ଥିବା ୩ଟିକିଆ ଟି୨୦ ସିରିଜ୍‌ ପାଇଁ ରବିବାର ୧୬ ଜଣିଆ ଭାରତୀୟ ଦଳ ଘୋଷଣା କରାଯାଇଛି।

ଇଣ୍ଡୋନେସିଆ ମାଷ୍ଟର୍ସ: ସାଇନା ରନର୍ସଅପ୍‌

ଇଣ୍ଡୋନେସିଆ ମାଷ୍ଟର୍ସ: ସାଇନା ରନର୍ସଅପ୍‌

ଜାକର୍ତ୍ତା, ୨୮।୧(ପି.ଟି.)- ଭାରତୀୟ ତାରକା ମହିଳା ବ୍ୟାଡ୍‌ମିଣ୍ଟନ ଖେଳାଳି ସାଇନା ନେହ୍ବାଲଙ୍କୁ ଏଠାରେ ଚାଲିଥିବା ୩ ଲକ୍ଷ ୫୦ ହଜାର ଆମେରିକୀୟ ଡଲାର ପୁରସ୍କାର ରାଶିବିଶିଷ୍ଟ ଇଣ୍ଡୋନେସିଆ ମାଷ୍ଟର୍ସ ଟୁର୍ନାମେଣ୍ଟରେ ରନର୍ସଅପ୍‌ରେ ସନ୍ତୁଷ୍ଟ ହେବାକୁ ପଡ଼ିଛି। ମହିଳା ସିଙ୍ଗଲ୍ସ ବର୍ଗର ଫାଇନାଲରେ ତାଙ୍କୁ ବିଶ୍ୱର ଶୀର୍ଷ ର଼୍ୟାଙ୍କଧାରୀ ଖେଳାଳି ତାଇ ଜୁ ୟିଙ୍ଗ ୨୧-୯, ୨୧-୧୩ ଗେମ୍‌ରେ ପରାସ୍ତ କରିଛନ୍ତି।

ଟାଇଟଲ ହାତଛଡ଼ା କଲେ ବୋପାନ୍ନା-ବାବୋସ

ଟାଇଟଲ ହାତଛଡ଼ା କଲେ ବୋପାନ୍ନା-ବାବୋସ

ମେଲବୋର୍ନ, ୨୮।୧(ପି.ଟି.)- ଭାରତୀୟ ପୁରୁଷ ଟେନିସ୍‌ ଖେଳାଳି ରୋହନ ବୋପାନ୍ନା ଓ ତାଙ୍କ ହଙ୍ଗେରିଆନ୍‌ ଯୋଡ଼ିଦାର ତିମେଆ ବାବୋସ ଅଳ୍ପକେ ଚଳିତ ଅଷ୍ଟ୍ରେଲିଆନ୍‌ ଓପନ୍‌ ଗ୍ରାଣ୍ଡସ୍ଲାମ ଟୁର୍ନାମେଣ୍ଟର ମିକ୍ସଡ୍‌ ଡବଲ୍ସ ବର୍ଗର ଟାଇଟଲ ହାତଛଡ଼ା କରିଛନ୍ତି। ରବିବାର ଖେଳାଯାଇଥିବା ଫାଇନାଲରେ ୫ମ ସିଡ୍‌ ବୋପାନ୍ନା ଓ ବାବୋସଙ୍କ ଯୋଡ଼ିକୁ ୬-୨, ୪-୬, ୯-୧୧ ସେଟ୍‌ରେ କ୍ରୋଏସିଆର ମାଟେ ପାଭିକ୍‌ ଓ କାନାଡାର ଗାବ୍ରିଏଲା ଡାବ୍ରୋଓସ୍କିଙ୍କ ଯୋଡ଼ି ପରାସ୍ତ କରିଛନ୍ତି।

ଷ୍ଟୋକ୍ସ ସବୁଠୁ ଦାମୀ, ଗେଲ୍‌ ଅଲୋଡ଼ା

ଷ୍ଟୋକ୍ସ ସବୁଠୁ ଦାମୀ, ଗେଲ୍‌ ଅଲୋଡ଼ା

ବାଙ୍ଗାଲୋର, ୨୭ା୧ (ପି.ଟି.)- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ୧୧ତମ ସଂସ୍କରଣ ପାଇଁ ଶନିବାର ଅନୁଷ୍ଠିତ ଖେଳାଳି ନିଲାମର ପ୍ରଥମ ଦିବସରେ ଭାରତୀୟ ଖେଳାଳିମାନଙ୍କ ଚାହିଦା ରହିଥିଲେ ମଧ୍ୟ ଇଂଲଣ୍ଡ ଅଲରାଊଣ୍ଡର ବେନ୍‌ ଷ୍ଟୋକ୍ସ ସବୁଠାରୁ ଦାମୀ ଖେଳାଳି ବିବେଚିତ ହୋଇଛନ୍ତି।

ବୋଲର ଜିତାଇଲେ ଜୋହାନ୍ସବର୍ଗ ଟେଷ୍ଟ

ବୋଲର ଜିତାଇଲେ ଜୋହାନ୍ସବର୍ଗ ଟେଷ୍ଟ

ଜୋହାନ୍ସବର୍ଗ,୨୭। ୧(ପି.ଟି.) ଦ୍ରୁତ ବୋଲରଙ୍କ ଦମ୍‌ଦାର ପ୍ରଦର୍ଶନ ବଳରେ ଭ୍ରମଣକାରୀ ଭାରତ ତୃତୀୟ ତଥା ଅନ୍ତିମ ଟେଷ୍ଟ ମ୍ୟାଚ୍‌ରେ ଦକ୍ଷିଣ ଆଫ୍ରିକାକୁ୍‌ ନାଟକୀୟ ଢଙ୍ଗରେ ୬୩ ରନରେ ପରାସ୍ତ କରିଛି। ‘ଅନ୍ତ ଭଲା ତୋ ସବ୍‌ ଭଲା’ ନ୍ୟାୟରେ ଭାରତ ପ୍ରଥମ ଦୁଇଟି ମ୍ୟାଚରେ ପରାସ୍ତ ହୋଇ ସିରିଜ ହାତଛଡ଼ା କରିସାରିଥିଲେ ମଧ୍ୟ ଏହି ସାନ୍ତ୍ୱନାମୂଳକ ବିଜୟ ହାସଲ କରିବା ସହ ସମ୍ମାନ ବଞ୍ଚାଇବାକୁ ସମର୍ଥ ହୋଇଛି। ଏଥି ସହିତ ଭାରତ ସ୍ଥାନୀୟ ଓ୍ବାଣ୍ଡରର୍ସ ଷ୍ଟାଡିୟମରେ ତା’ର ଅପରାଜେୟ ଧାରାକୁ ବଜାୟ ରଖିଛି। ପରାସ୍ତ ହୋଇଥିଲେ ମଧ୍ୟ ଦ.ଆଫ୍ରିକା ୨-୧ରେ ସିରିଜ ବିଜୟୀ ହୋଇଛି। ପ୍ରଥମଥର ପାଇଁ ଭାରତ ବିଦେଶ ମାଟିରେ କୌଣସି ସ୍ପିନରଙ୍କୁ ଖେଳାଇ ନ ଥିଲେ ମଧ୍ୟ ସବୁ ପେସ୍‌ ବୋଲରଙ୍କୁ ନେଇ ବିଜୟୀ ହୋଇଛି।

ଡବ୍ଲ୍ୟୁଆଇ ସହ ଚୁକ୍ତି ବାତିଲ କଲା ପିସିବି

କରାଚୀ, ୨୭।୧(ପି.ଟି.)- ଓ୍ବେଷ୍ଟଇଣ୍ଡିଜ୍‌ ବୋର୍ଡ ସହ ୫ ବର୍ଷ ପାଇଁ ହୋଯାଇଥିବା ଚୁକ୍ତିକୁ ପାକିସ୍ତାନ କ୍ରିକେଟ୍‌ ବୋର୍ଡ (ପିସିବି) ଶନିବାର ବାତିଲ କରିଛି। ଆର୍ଥିକ କାରଣରୁ ଏଭଳି ନିଷ୍ପତ୍ତି କରିବାକୁ ପଡ଼ିଥିବା ପିସିବି ପକ୍ଷରୁ କୁହାଯାଇଛି। ଚୁକ୍ତି ବାତିଲ ହେବା ସତ୍ତ୍ୱେ ଚଳିତ ବର୍ଷ ମାର୍ଚ୍ଚରେ ଓ୍ବେଷ୍ଟଇଣ୍ଡିଜ୍‌ ଦଳ ୩ଟିକିଆ ଟି୨୦ ସିରିଜ୍‌ ପାଇଁ ପାକିସ୍ତାନ ଗସ୍ତ କରିବ।

ଚତୁଃ ରାଷ୍ଟ୍ରୀୟ ହକି:  ଫାଇନାଲରେ ଭାରତ

ଚତୁଃ ରାଷ୍ଟ୍ରୀୟ ହକି: ଫାଇନାଲରେ ଭାରତ

ହାମିଲ୍‌ଟନ(ନ୍ୟୁଜିଲାଣ୍ଡ), ୨୭।୧: ଏଠାରେ ଚାଲିଥିବା ଚତୁଃ ରାଷ୍ଟ୍ରୀୟ ଆମନ୍ତ୍ରଣୀୟ ହକି ଟୁର୍ନାମେଣ୍ଟର ୨ୟ ପର୍ଯ୍ୟାୟରେ ଭାରତୀୟ ଦଳ ଫାଇନାଲରେ ପ୍ରବେଶ କରିଛି। ପ୍ରଥମେ ଘରୋଇ ନ୍ୟୁଜିଲାଣ୍ଡକୁ (୩-୨) ଓ ବେଲଜିୟମକୁ (୫-୪) ହରାଇବା ଥିବା ଭାରତ ଶନିବାର ଅନୁଷ୍ଠିତ ମ୍ୟାଚ୍‌ରେ ୪-୨ ଗୋଲ୍‌ରେ ଜାପାନକୁ ପରାସ୍ତ କରିଛି।