ଖେଳ

ଆରୋନିଆନଙ୍କ ସହ ଡ୍ର ରଖିଲେ ଆନନ୍ଦ

ଆରୋନିଆନଙ୍କ ସହ ଡ୍ର ରଖିଲେ ଆନନ୍ଦ

ଷ୍ଟାଭେଞ୍ଜର (ନରଓ୍ବେ),୩୦ା୫ (ପି.ଟି.)- ଏଠାରେ ଚାଲିଥିବା ଅଲ୍‌ଟିବକ୍ସ ନରଓ୍ବେ ଚେସ୍‌ ଟୁର୍ନାମେଣ୍ଟର ପ୍ରଥମ ରାଉଣ୍ଡରେ ବିଶ୍ୱ ରାପିଡ୍‌ ଚାମ୍ପିୟନ ବିଶ୍ୱନାଥନ ଆନନ୍ଦ ଆର୍ମେନିଆର ଲେଭନ ଆରୋନିଆନଙ୍କ ବିପକ୍ଷ ତାଙ୍କ ପ୍ରଥମ ରାଉଣ୍ଡ ଗେମ୍‌ ଡ୍ର’ ରଖିଛନ୍ତି। ମଙ୍ଗଳବାର ଖେଳାଯାଇଥିବା ୫ଟି ଗେମ୍‌ ମଧ୍ୟରୁ ୪ଟି ଡ୍ର ଭାବେ ଶେଷ ହୋଇଥିଲା। ବିଶ୍ୱ ଚାମ୍ପିୟନ ତଥା ସ୍ଥାନୀୟ ଫେଭରାଇଟ୍‌ ମାନସ୍‌ କାର୍ଲସେନ୍‌ ଯୁକ୍ତରାଷ୍ଟ୍ର ଆମେରିକାର ଫାବିଆନୋ କାରୁଆନାଙ୍କୁ ହରାଇ ଦେଇଛନ୍ତି। ସୂଚନାଯୋଗ୍ୟ, ଚଳିତବର୍ଷ ନଭେମ୍ବରରେ ଲଣ୍ଡନଠାରେ ଏହି ଦୁଇ ଖେଳାଳିଙ୍କ ମଧ୍ୟରେ ବିଶ୍ୱ ଚାମ୍ପିୟନଶିପ୍‌ ମୁକାବିଲା ହେବ। ଅନ୍ୟ ମ୍ୟାଚଗୁଡ଼ିକ ମଧ୍ୟରେ ଆମେରିକାର ହିକାରୁ ନାକାମୁରା ଚାଇନାର ଡିଙ୍ଗ୍‌ ଲିରେନଙ୍କ ବିପକ୍ଷ ତାଙ୍କ ଗେମ୍‌ ଡ୍ର ରଖିଛନ୍ତି। ସେହିପରି ଆମେରିକାର ଅନ୍ୟ ଜଣେ ଖେଳାଳି ଓ୍ବେସ୍‌ଲେ ସୋ ଏବଂ ରୁଷିଆର ସର୍ଗେ କାର୍ଜାକିନ୍‌ଙ୍କ ମଧ୍ୟରେ ଅନୁଷ୍ଠିତ ଗେମ୍‌ ଅମୀମାଂସିତ ଭାବେ ଶେଷ ହୋଇଥିବା ବେଳେ ଆଜରବୈଜାନର ଶାଖ୍ରିୟର ମାମେଦୟାରୋଭ ଫ୍ରାନ୍ସର ମାକ୍ସିମି ଭାଚିଅର-ଲାଗ୍ରେଭଙ୍କ ବିପକ୍ଷ ଗେମ୍‌ ଡ୍ର ରଖିଛନ୍ତି।

ୟୁକି ହାରିଲେ,ବୋପାନ୍ନା ଜିତିଲେ

ୟୁକି ହାରିଲେ,ବୋପାନ୍ନା ଜିତିଲେ

ପ୍ୟାରିସ, ୩୦।୫ (ପି.ଟି.)- ଭାରତର ୟୁକି ଭାମ୍ବ୍ରୀ ଫ୍ରେଞ୍ଚ ଓପନ ଟେନିସରେ ତାଙ୍କ ପ୍ରଥମ ରାଉଣ୍ଡ ମ୍ୟାଚ ହାରିଯାଇଥିବାବେଳେ ରୋହନ ବୋପାନ୍ନା ଫ୍ରେଞ୍ଚ ପାର୍ଟନର ଏଡୁଆର୍ଡୋ ରୋଜର ଭେସ୍‌ଲିନଙ୍କୁ ନେଇ ସହଜ ବିଜୟ ସହ ତାଙ୍କ ପୁରୁଷ ଡବଲ୍ସ ଅଭିଯାନ ଆରମ୍ଭ କରିଛନ୍ତି। ପ୍ରଥମ ଥର ଏହି ଗ୍ରାଣ୍ଡସ୍ଲାମରେ ଖେଳିବାର ସୁଯୋଗ ପାଇଥିବା ୟୁକି ତାଙ୍କ ଓପନିଂ ମ୍ୟାଚ୍‌ରେ ବେଲଜିୟମର ରୁବେନ୍‌ ବିମେଲମାନ୍ସଙ୍କଠାରୁ ୪-୬, ୪-୬, ୧-୬ ସେଟ୍‌ରେ ହାରିଯାଇଛନ୍ତି। ୯୩ ତମ ର଼୍ୟାଙ୍କିଙ୍ଗପ୍ରାପ୍ତ ୟୁକି ୧୧୦ ର଼୍ୟାଙ୍କିଙ୍ଗ ବେଲଜିୟମର ରୁବେନ୍‌ ଏଥରକୁ ମିଶାଇ ଦୁଇଥର ପରସ୍ପରକୁ ଭେଟିଛନ୍ତି। ପୂର୍ବରୁ ୨୦୧୫ରେ ଏଟିପି ଦିଲ୍ଲୀ ଓପନରେ ହୋଇଥିବା ମୁକାବିଲାରେ ଭାରତୀୟ ଖେଳାଳି ବିଜୟୀ ହୋଇଥିଲେ। ୟୁକିଙ୍କ ପରାଜୟ ଦ୍ୱାରା ପୁରୁଷ ସିଙ୍ଗଲ୍ସରେ ଭାରତର ଅଭିଯାନ ଶେଷ ହୋଇଛି। ଅନ୍ୟପକ୍ଷରେ ଏଠାରେ ୧୩ତମ ସିଡ୍‌ ମାନ୍ୟତା ପାଇଥିବା ବୋପାନ୍ନା ଓ ରୋଜର ଭେସ୍‌ଲିନ ଆମେରିକୀୟ ଯୋଡ଼ି ଟେଲର ଫ୍ରିଜ୍‌ ଓ ଫ୍ରାନ୍ସେସ୍‌ ଟିଆଫୋଙ୍କୁ ୬-୩, ୬-୧ ସିଧାସଳଖ ସେଟ୍‌ରେ ପରାସ୍ତ କରିଛନ୍ତି। ସୂଚନାଯୋଗ୍ୟ, ବୋପାନ୍ନା ଗତବର୍ଷ କାନାଡାର ଗାବ୍ରିଏଲା ଡାବ୍ରୋସ୍କିଙ୍କୁ ସାଥିକରି ଏଠାରେ ମିକ୍ସଡ ଡବଲ୍ସରେ ତାଙ୍କର ପ୍ରଥମ ଗ୍ରାଣ୍ଡସ୍ଲାମ ଟାଇଟଲ ହାସଲ କରିଥିଲେ।

ନାଡାଲ,ସେରେନା, ଶାରାପୋଭା ବିଜୟୀ

ନାଡାଲ,ସେରେନା, ଶାରାପୋଭା ବିଜୟୀ

ପ୍ୟାରିସ, ୩୦।୫ (ଏଏଫ୍‌ପି)-ଫ୍ରେଞ୍ଚ୍‌ ଓପନ୍‌ ଗ୍ରାଣ୍ଡସ୍ଲାମ ଟେନିସ୍‌ ପ୍ରତିଯୋଗିତାରେ ମଙ୍ଗଳବାର ରାଫାଲ ନାଡାଲ, ମାରିଆ ଶାରାପୋଭା ଓ ସେରେନା ଓ୍ବିଲିୟମ୍ସ ପ୍ରମୁଖ ସେମାନଙ୍କ ମ୍ୟାଚରେ ବିଜୟ ହାସଲ କରି ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି। ୧୦ଥର ଚାମ୍ପିୟନ ସ୍ପାନିଶ ଖେଳାଳି ନାଡାଲ ପୁରୁଷ ସିଙ୍ଗଲ୍ସ ପ୍ରଥମ ରାଉଣ୍ଡରେ ଇଟାଲୀର ଲକି ଲୁଜର ସିମୋନ୍‌ ବୋଲେଲିଙ୍କୁ ୬-୪, ୬-୩, ୭-୬ (୧୧/୯) ସେଟ୍‌ରେ ହରାଇ ଦେଇଛନ୍ତି। ମ୍ୟାଚରେ ବିଜୟ ପୂର୍ବରୁ ଟାଇବ୍ରେକରରେ ତାଙ୍କୁ ୪ସେଟ୍‌ ପଏଣ୍ଟ ସେଭ କରିବାକୁ ପଡ଼ିଥିଲା। ପ୍ୟାରିସରେ ୧୧ତମ ଏବଂ ମୋଟ ଉପରେ ୧୭ ଗ୍ରାଣ୍ଡସ୍ଲାମ ଟାଇଟଲ ଲକ୍ଷ୍ୟରେ ଥିବା ଟପ୍‌ସିଡ୍‌ ନାଡାଲ ଦ୍ୱିତୀୟ ରାଉଣ୍ଡରେ ଆର୍ଜେଣ୍ଟିନାର ଗାଇଡୋ ପେଲାଙ୍କୁ ଭେଟିବେ। ଅନ୍ୟମାନଙ୍କ ମଧ୍ୟରେ କ୍ରୋଏସିଆର ମାରିନ ସିଲିକ ଏବଂ କାନାଡାର ସ୍ବଳ୍ପ ବୟସ୍କ ଡେନିସ ଶାପୋଭାଲୋଭ ପ୍ରମୁଖ ସେମାନଙ୍କ ପ୍ରଥମ ରାଉଣ୍ଡରେ ବିଜୟ ହାସଲ କରିଛନ୍ତି। ଶାପୋଭାଲୋଭ ଫ୍ରେଞ୍ଚ୍‌ ଓପନ ଟେନିସ୍‌ରେ ତାଙ୍କ ପଦାର୍ପଣ ମ୍ୟାଚରେ ବିଜୟ ହାସଲ କରିଛନ୍ତି।

ଟେଷ୍ଟରେ ଟସ୍‌ ରହିବ: ଖରାପ ଆଚରଣ,  ବଲ୍‌ ଟ୍ୟାମ୍ପରିଂ ପାଇଁ କଠୋର କାର୍ଯ୍ୟାନୁଷ୍ଠାନ

ଟେଷ୍ଟରେ ଟସ୍‌ ରହିବ: ଖରାପ ଆଚରଣ, ବଲ୍‌ ଟ୍ୟାମ୍ପରିଂ ପାଇଁ କଠୋର କାର୍ଯ୍ୟାନୁଷ୍ଠାନ

ବମ୍ବେ, ୩୦।୫(ପି.ଟି.)- କ୍ରିକେଟର ସବୁଠାରୁ ବଡ଼ ଫର୍ମାଟ ଟେଷ୍ଟରେ ଟସ୍‌ ପୂର୍ବପରି ବଜାୟ ରହିବ। ପୁଣି ଖରାପ୍‌ ଆଚରଣ ଓ ବଲ୍‌ ଟ୍ୟାମ୍ପରିଂ କଲେ ସମ୍ପୃକ୍ତ ଖେଳାଳିଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅନିଲ କୁମ୍ବଲେଙ୍କ ଅଧ୍ୟକ୍ଷତାରେ ଆନ୍ତର୍ଜାତିକ କ୍ରିକେଟ କାଉନସିଲ (ଆଇସିସି) କ୍ରିକେଟ କମିଟି ସୁପାରିସ କରିଛି। ପୂର୍ବରୁ ଟେଷ୍ଟରେ ଟସ୍‌କୁ ବାତିଲ କରିବାକୁ ଦାବି ହେଉଥିଲା। କିନ୍ତୁ ଟସ୍‌ ଟେଷ୍ଟ ଫର୍ମାଟ ଅବିଚ୍ଛେଦ୍ୟ ଅଙ୍ଗ ବୋଲି ଏହି କମିଟି ସ୍ପଷ୍ଟ କରିଛି। କ୍ରିକେଟ ଭଳି ଭଦ୍ର ଲୋକଙ୍କ ଖେଳର ବୃହତ୍ତର ସ୍ବାର୍ଥ ଦୃଷ୍ଟିରୁ ଖରାପ ଆଚରଣ ଓ ବଲ୍‌ ଟ୍ୟାମ୍ପରିଂ ଭଳି ଘଟଣା ବିରୋଧରେ ଆହୁରି କଡ଼ା ବାସନ୍ଦ ନିୟମ ଲାଗୁ କରାଯିବା ଉପରେ ଏହି କମିଟି ଗୁରୁତ୍ୱ ଦେଇଛି। ପୂର୍ବରୁ ଟେଷ୍ଟ କ୍ରିକେଟରେ ଘରୋଇ ଦଳଗୁଡିକର ଦବ୍‌ଦବା କମାଇବାକୁ ଭ୍ରମଣକାରୀ ଦଳଗୁଡିକୁ ବ୍ୟାଟିଂ କିମ୍ବା ବୋଲିଂ କରିବାକୁ ଅଧିକାର ଦେବା ଉପରେ ଚର୍ଚ୍ଚା ହେଉଥିଲା। ତେବେ ଏହି କମିଟି ଏଭଳି ପ୍ରସ୍ତାବକୁ ଗ୍ରହଣ କରିନାହିଁ। ଟସ୍‌ ଟେଷ୍ଟ କ୍ରିକେଟର ଗୁରୁତ୍ୱପୂର୍ଣ୍ଣ ଅଂଶ ବୋଲି କୁହାଯାଇଛି। ଏହି କମିଟିରେ ପୂର୍ବତନ ଆନ୍ତର୍ଜାତିକ ତାରକା ମାଇକ୍‌ ଗେଟିଂ, ମାହେଲା ଜୟବର୍ଦ୍ଧନେ, ମାଇକ୍‌ ହାସନ ଓ ଡେଭିଡ ବୁନ୍‌ ସାମିଲ ରହିଛନ୍ତି। ଘରୋଇ ଦଳ ଗୁଡିକ ଉଚ୍ଚମାନର ପିଚ୍‌ ନିର୍ମାଣ ଉପରେ ଧ୍ୟାନ ଦେବା ଉଚିତ୍‌ ହେବ ବୋଲି ଏହି କମିଟି କହିଛି। ଟେଷ୍ଟ ସିରିଜ ବିଜୟ ପରେ ନୁହଁ ବରଂ ପ୍ରତି ମ୍ୟାଚ୍‌ ପରେ ପଏଣ୍ଟ ସିଷ୍ଟମରେ ପରିବର୍ତ୍ତନ କରାଯିବ ଓ ପଏଣ୍ଟ ପ୍ରଦାନ କରାଯିବା ଉପରେ କିମିଟି ତା’ର ମତ ରଖିଛି। ଯଦି ବିଜୟ ପାଇଁ ୩ ପଏଣ୍ଟ ପ୍ରଦାନ କରାଯାଏ ତେବେ ଡ୍ର’ ପାଇଁ ଦଳଗୁଡିକୁ ଗୋଟିଏ ପଏଣ୍ଟ ମିଳିବ। ପୁଣି ଆଇସିସି ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ଫାଇନାଲ ପାଇଁ ରିଜର୍ଭ ଡେ’ ଲାଗୁ କରିବାକୁ ପ୍ରସ୍ତାବ ଦିଆଯାଇଛି। ଖରାପ ପାଗ କାରଣରୁ ସମ୍ପୂର୍ଣ୍ଣ ମ୍ୟାଚ ଖେଳାଯାଇ ପାରି ନ ଥିବାରୁ ଏପରି କରାଯିବାକୁ କମିଟି ପ୍ରସ୍ତାବ ଦେଇଛି।

ଆଫଗାନିସ୍ତାନ ଟେଷ୍ଟ ଦଳରେ ୪ ସ୍ପିନର

ଆଫଗାନିସ୍ତାନ ଟେଷ୍ଟ ଦଳରେ ୪ ସ୍ପିନର

ନୂଆଦିଲ୍ଲୀ, ୨୯।୫(ପି.ଟି.)- ଘରୋଇ ଭାରତ ଓ ଆଫଗାନିସ୍ତାନ କ୍ରିକେଟ ଦଳ ମଧ୍ୟରେ ଐତିହାସିକ ଟେଷ୍ଟ ମ୍ୟାଚ୍‌ ଜୁନ ୧୪ରୁ ବାଙ୍ଗାଲୋର ଏମ୍‌. ଚିନ୍ନାସ୍ବାମୀ ଷ୍ଟାଡିୟମରେ ଆରମ୍ଭ ହେବ। କ୍ରିକେଟ ଇତିହାସରେ ଆଫଗାନିସ୍ତାନର ଏହା ପ୍ରଥମ ଟେଷ୍ଟ ମ୍ୟାଚ୍‌ ହେବ। ଏଥିଲାଗି ମଙ୍ଗଳବାର ୧୫ ଜଣିଆ ଆଫଗାନିସ୍ତାନ ଦଳ ଘୋଷଣା କରାଯାଇଛି। ଅସଗର ଷ୍ଟାନିକଜାଇଙ୍କ ନେତୃତ୍ୱରେ ଘୋଷିତ ଏହି ଦଳରେ ଷ୍ଟାର ବୋଲର ରଶିଦ ଖାଁଙ୍କ ସମେତ ୪ଜଣ ସ୍ପିନରଙ୍କୁ ସାମିଲ କରାଯାଇଛି। ରଶିଦଙ୍କ ସମେତ ଯୁବ ମୁଜିବ ଉର ରେହମାନ, ଚାଇନାମ୍ୟାନ ବୋଲର ଜାହିର ଖାଁ ଓ ବାମହାତୀ ସ୍ପିନର ଅମିର୍‌ ହାମାଜ ହୋତାକ ଭାରତୀୟ ବ୍ୟାଟ୍ସମ୍ୟାନଙ୍କୁ ସ୍ପିନ ଜାଲରେ ଛନ୍ଦିବା ଲକ୍ଷ୍ୟରେ ରହିଛନ୍ତି। ଏହି ୪ଜଣ ସ୍ପିନରଙ୍କ ମଧ୍ୟରୁ ରଶିଦ ଓ ମୁଜିବ ନିଜ ସ୍ପିନ ଯାଦୁ ବଳରେ ଟି୨୦ କ୍ରିକେଟରେ ସ୍ବତନ୍ତ୍ର ପରିଚୟ ଲାଭ କରିଛନ୍ତି।

ଆଫଗାନିସ୍ତାନ ବିପକ୍ଷ ଟି୨୦ରୁ ମୁସ୍ତାଫିଜୁର ବାଦ୍‌

ଆଫଗାନିସ୍ତାନ ବିପକ୍ଷ ଟି୨୦ରୁ ମୁସ୍ତାଫିଜୁର ବାଦ୍‌

ଢାକା, ୨୯।୫(ଏଏଫ୍‌ପି)- ଆସନ୍ତା ଜୁନରେ ବାଂଲାଦେଶ ଓ ଆଫଗାନିସ୍ତାନ ମଧ୍ୟରେ ୩ ମ୍ୟାଚ୍‌ବିଶିଷ୍ଟ ଟି୨୦ ସିରିଜ ଭାରତରେ ଅନୁଷ୍ଠିତ ହେବ। ତେବେ ମଙ୍ଗଳବାର ବାଂଲାଦେଶ ଦ୍ରୁତ ବୋଲର ମୁସ୍ତାଫିଜୁର ରେହମାନ ଏହି ସିରିଜରୁ ଓହରିଯାଇଛନ୍ତି। ପାଦରେ ଆଘାତ କାରଣରୁ ମୁସ୍ତାଫିଜୁର ଆଫଗାନିସ୍ତାନ ବିପକ୍ଷ ଏହି ସିରିଜରୁ ନ ଖେଳିବାକୁ ନିଷ୍ପତ୍ତି ନେଇଛନ୍ତି।

ପ୍ରାକ୍ତନ ଟେଷ୍ଟ ଓପନର ଜ୍ୟାକ୍ସ ନ୍ୟୁ ସାଉଥ୍‌ ଓ୍ବେଲ୍ସର ନୂଆ କୋଚ୍‌

ପ୍ରାକ୍ତନ ଟେଷ୍ଟ ଓପନର ଜ୍ୟାକ୍ସ ନ୍ୟୁ ସାଉଥ୍‌ ଓ୍ବେଲ୍ସର ନୂଆ କୋଚ୍‌

ସିଡ୍‌ନୀ, ୨୯।୫(ଏଏଫ୍‌ପି)- ପ୍ରାକ୍ତନ ଅଷ୍ଟ୍ରେଲିଆ ଟେଷ୍ଟ ଓପନର୍‌ ଫିଲ୍‌ ଜ୍ୟାକ୍ସ ନ୍ୟୁ ସାଉଥ୍‌ ଓ୍ବେଲ୍ସ କ୍ରିକେଟ ଦଳର ନୂତନ କୋଚ୍‌ ନିଯୁକ୍ତ ହୋଇଛନ୍ତି। ଗତ ୨୦୧୭-୧୮ ସିଜନରେ ଖରାପ ପ୍ରଦର୍ଶନ ଲାଗି ଟ୍ରେଣ୍ଟ ଜନଷ୍ଟନଙ୍କୁ ନ୍ୟୁ ସାଉଥ୍‌ ଓ୍ବେଲ୍ସ ଦଳର କୋଚ୍‌ ପଦରୁ ବହିଷ୍କାର କରାଯାଇଥିଲା।

ୟୁଥ୍‌ କପ୍‌ ଓ୍ବାଲର୍‌ଡ ଫାଇନାଲ୍ସ: ଭାରତକୁ ୭ମ ସ୍ଥାନ

ୟୁଥ୍‌ କପ୍‌ ଓ୍ବାଲର୍‌ଡ ଫାଇନାଲ୍ସ: ଭାରତକୁ ୭ମ ସ୍ଥାନ

ନୂଆଦିଲ୍ଲୀ, ୨୯।୫(ପି.ଟି.)- ଜର୍ମାନୀର ମ୍ୟୁନିକରେ ଶେଷ ହୋଇଥିବା ଏଫ୍‌ସି ବେୟର୍ନ ୟୁଥ୍‌ କପ୍‌ ଓ୍ବାଲର୍‌ଡ ଫାଇନାଲ୍ସରେ ଭାରତୀୟ ଦଳ ୭ମ ସ୍ଥାନରେ ରହି ଅଭିଯାନ ଶେଷ କରିଛି। ଏହି ପ୍ରତିଯୋଗିତାରେ ଯୁବ ଭାରତୀୟ ଦଳ ୟୁଏସ୍‌ଏ ଓ ନାଇଜେରିଆ ପରି ଶକ୍ତିଶାଳୀ ଦଳକୁ ପରାସ୍ତ କରିବାରେ ସମର୍ଥ ହୋଇଥିଲା।

ଫିଫା ବିଶ୍ୱକପ୍‌: ବନ୍ଧୁତ୍ୱପୂର୍ଣ୍ଣ ମ୍ୟାଚ୍‌ରେ ଆୟର୍ଲାଣ୍ଡକୁ ହରାଇଲା ଫ୍ରାନ୍ସ

ଫିଫା ବିଶ୍ୱକପ୍‌: ବନ୍ଧୁତ୍ୱପୂର୍ଣ୍ଣ ମ୍ୟାଚ୍‌ରେ ଆୟର୍ଲାଣ୍ଡକୁ ହରାଇଲା ଫ୍ରାନ୍ସ

ପ୍ୟାରିସ, ୨୯।୫(ଏଏଫ୍‌ପି)- ଫିଫା ବିଶ୍ୱକପ୍‌ ଆରମ୍ଭ ହେବାକୁ ଆଉ ୩ ସପ୍ତାହରୁ କମ୍‌ ସମୟ ବାକି ରହିଥିବାବେଳେ ଏବେ ବିଭିନ୍ନ ଦଳ ମଧ୍ୟରେ ବନ୍ଧୁତ୍ୱପୂର୍ଣ୍ଣ ମ୍ୟାଚ୍‌ ଅନୁଷ୍ଠିତ ହେଉଛି। ମଙ୍ଗଳବାର ଏକ ବନ୍ଧୁତ୍ୱପୂର୍ଣ୍ଣ ମ୍ୟାଚ୍‌ରେ ଫ୍ରାନ୍ସ ଦଳ ୨-୦ ଗୋଲରେ ରିପବ୍ଲିକ ଅଫ୍‌ ଆୟର୍ଲାଣ୍ଡକୁ ପରାସ୍ତ କରିଛି।

ହାଜେଲଉଡ୍‌ଙ୍କ ସ୍ଥାନରେ ନାସିର

ହାଜେଲଉଡ୍‌ଙ୍କ ସ୍ଥାନରେ ନାସିର

ସିଡ୍‌ନୀ, ୨୯।୫- ଏକସୀମିତ ଓଭର ବିଶିଷ୍ଟ ସିରିଜ ଖେଳିବା ଲାଗି ଅଷ୍ଟ୍ରେଲିଆ କ୍ରିକେଟ ଦଳ ଜୁନ ପ୍ରଥମ ସପ୍ତାହରେ ଇଂଲଣ୍ଡ ଗସ୍ତ କରିବ। ଏହି ଗସ୍ତରେ ଘରୋଇ ଇଂଲଣ୍ଡ ବିପକ୍ଷରେ ଅଷ୍ଟ୍ରେଲିଆ ୫ଟି ଏକଦିବସୀୟ ଓ ଏକମାତ୍ର ଟି୨୦ ମ୍ୟାଚ ଖେଳିବାର କାର୍ଯ୍ୟସୂଚୀ ରହିଛି।

ଓ୍ବାର୍ନର, ବ୍ୟାନକ୍ରଫ୍ଟ ଜୁଲାଇରେ ଆକ୍ସନକୁ ଫେରିବେ

ଓ୍ବାର୍ନର, ବ୍ୟାନକ୍ରଫ୍ଟ ଜୁଲାଇରେ ଆକ୍ସନକୁ ଫେରିବେ

ସିଡ୍‌ନୀ, ୨୯।୫(ଏଏଫ୍‌ପି)- ଅଷ୍ଟ୍ରେଲିଆ ତାରକା କ୍ରିକେଟର ଡେଭିଡ୍‌ ଓ୍ବାର୍ନର ଓ କାମେରୁନ ବ୍ୟାନକ୍ରଫ୍ଟ ଆସନ୍ତା ଜୁଲାଇରେ ଏକ ନିମ୍ନସ୍ତରର ସୀମିତ ଓଭର ଟୁର୍ନାମେଣ୍ଟ ମାଧ୍ୟମରେ ପ୍ରତିଦ୍ୱନ୍ଦ୍ୱିତାମୂଳକ କ୍ରିକେଟକୁ ପ୍ରତ୍ୟାବର୍ତ୍ତନ କରିବେ। ଗତ ମାର୍ଚ୍ଚରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ମ୍ୟାଚ୍‌ରେ ଘଟିଥିବା ବହୁଚର୍ଚ୍ଚିତ ବଲ ଟ୍ୟାମ୍ପରିଂ ମାମଲାରେ ଓ୍ବାର୍ନରଙ୍କୁ ଏକବର୍ଷ ଓ ବ୍ୟାନକ୍ରଫଙ୍କୁ ୯ ମାସ ଲାଗି ଅନ୍ତର୍ଜାତୀୟ ସମେତ ଘରୋଇ କ୍ରିକେଟରୁ ବାସନ୍ଦ କରାଯାଇଥିଲା।

ଆଫଗାନିସ୍ତାନ ଟେଷ୍ଟରେ ଶାହ ଖେଳିବା ନେଇ ସନ୍ଦେହ

ଆଫଗାନିସ୍ତାନ ଟେଷ୍ଟରେ ଶାହ ଖେଳିବା ନେଇ ସନ୍ଦେହ

ନୂଆଦିଲ୍ଲୀ, ୨୯।୫(ପି.ଟି.)- ଘରୋଇ ଭାରତୀୟ ଓ କ୍ରିକେଟ ଦଳ ଓ ଆଫଗାନିସ୍ତାନ ମଧ୍ୟରେ ଜୁନ ୧୪ରେ ବାଙ୍ଗାଲୋର ଏମ୍‌. ଚିନ୍ମସ୍ବାମୀ ଷ୍ଟାଡିୟମରେ ଐତିହାସିକ ଟେଷ୍ଟ ମ୍ୟାଚ୍‌ ଖେଳାଯିବ। କ୍ରିକେଟ ଇତିହାସରେ ଆଫଗାନିସ୍ତାନ ଦଳର ଏହା ପ୍ରଥମ ଟେଷ୍ଟ ମ୍ୟାଚ୍‌ ହେବ।

ବିଜୟ ଶ୍ରୀରାମ କାଟେଗୋରି ‘ବି’ ଚାମ୍ପିୟନ

ବିଜୟ ଶ୍ରୀରାମ କାଟେଗୋରି ‘ବି’ ଚାମ୍ପିୟନ

ଭୁବନେଶ୍ୱର, ୨୯।୫(କ୍ରୀଡ଼ା ପ୍ରତିନିଧି)- କିଟ୍‌ ଓ ଅଲ୍‌ଓଡ଼ିଶା ଚେସ୍‌ ଆସୋସିଏଶନ (ଏଓସିଏ) ଆନୁକୂଲ୍ୟରେ ଚାଲିଥିବା ୧୧ତମ କିଟ୍‌ ଅନ୍ତର୍ଜାତୀୟ ଚେସ୍‌ ଫେଷ୍ଟିଭାଲର ‘ବି’ କାଟେଗୋରି (୨୦୦୦ ରେଟିଂରୁ କମ୍‌) ପ୍ରତିଯୋଗିତା ସୋମବାର ଶେଷ ହୋଇଛି।

ବିଶ୍ୱ ଏକାଦଶରେ ହାର୍ଦ୍ଦିକଙ୍କ ସ୍ଥାନରେ ସାମି

ବିଶ୍ୱ ଏକାଦଶରେ ହାର୍ଦ୍ଦିକଙ୍କ ସ୍ଥାନରେ ସାମି

ଦୁବାଇ, ୨୯।୫(ପି.ଟି.)- ଆସନ୍ତା ୩୧ରେ ଐତିହାସିକ ଲଡର୍‌ସ ଗ୍ରାଉଣ୍ଡରେ ଓ୍ବେଷ୍ଟଇଣ୍ଡିଜ କ୍ରିକେଟ ଦଳ ଓ ବିଶ୍ୱ ଏକାଦଶ ମଧ୍ୟରେ ଏକ ଅନ୍ତର୍ଜାତୀୟ ଟି୨୦ ଚ୍ୟାରିଟି ମ୍ୟାଚ୍‌ ଖେଳାଯିବ।

ଜୋକୋଭିଚ୍‌ଙ୍କ ବିଜୟ ଅଭିଯାନ, ଓ୍ବାରିଙ୍କା ବିଦା

ଜୋକୋଭିଚ୍‌ଙ୍କ ବିଜୟ ଅଭିଯାନ, ଓ୍ବାରିଙ୍କା ବିଦା

ପ୍ୟାରିସ, ୨୯।୫(ଏଏଫ୍‌ପି)- ସ୍ଥାନୀୟ ରୋଲାଣ୍ଡ ଗାରୋସଠାରେ ଆରମ୍ଭ ହୋଇଥିବା ଚଳିତ ବର୍ଷର ଦ୍ୱିତୀୟ ଗ୍ରାଣ୍ଡସ୍ଲାମ ଫ୍ରେଞ୍ଚ୍‌ ଓପନ୍‌ ପ୍ରାରମ୍ଭରୁ ବିପର୍ଯ୍ୟୟ ଦେଖିବାକୁ ମିଳିଛି। ଦ୍ୱିତୀୟ ଦିବସରେ ପ୍ରାକ୍ତନ ଫ୍ରେଞ୍ଚ ଓପନ୍‌ ଚାମ୍ପିୟନ ତଥା ଗତବର୍ଷର ରନର୍ସଅପ୍‌ ସୁଇଜରଲାଣ୍ଡର ଷ୍ଟାନ ଓ୍ବାରିଙ୍କା ଓ ମହିଳା ସିଙ୍ଗଲ୍ସରେ ଭିକ୍ଟୋରିଆ ଆଜାରେଙ୍କା ପ୍ରଥମ ରାଉଣ୍ଡରୁ ହାରି ପ୍ରତିଯୋଗିତାରୁ ବିଦାୟ ନେଇଛନ୍ତି।

ଭୁବନେଶ୍ୱର ଚାମ୍ପିୟନ, ସମ୍ବଲପୁର ରନର୍ସଅପ୍‌

ଭୁବନେଶ୍ୱର ଚାମ୍ପିୟନ, ସମ୍ବଲପୁର ରନର୍ସଅପ୍‌

ଭୁବନେଶ୍ୱର, ୨୯।୫(କ୍ରୀଡ଼ା ପ୍ରତିନିଧି)- ରାଜ୍ୟ ସବ୍‌ଜୁନିୟର, ଜୁନିୟର ଓ ସିନିୟର ସନ୍ତରଣ ପ୍ରତିଯୋଗିତା ସୋମବାର କଳିଙ୍ଗ ଷ୍ଟାଡିୟମ ସୁଇମିଂ କମ୍ପ୍ଲେକ୍ସରେ ଉଦ୍‌ଯାପିତ ହୋଇଛି। ଭୁବନେଶ୍ୱର ଦଳ ଓଭରଅଲ୍‌ ୩୭୫ ପଏଣ୍ଟ ପାଇ ଚାମ୍ପିୟନ ହୋଇଥିବାବେଳେ ୩୬୩ ପଏଣ୍ଟ ସହ ସମ୍ବଲପୁର ରନର୍ସଅପ୍‌ ହୋଇଛି।

ସରକାରଙ୍କ ଆଭିମୁଖ୍ୟ ଜାଣିବାକୁ ଚାହିଁଲା ବିସିସିଆଇ

ସରକାରଙ୍କ ଆଭିମୁଖ୍ୟ ଜାଣିବାକୁ ଚାହିଁଲା ବିସିସିଆଇ

ନୂଆଦିଲ୍ଲୀ ୨୯ା୫ (ପି.ଟି.)- ଭାରତ-ପାକିସ୍ତାନ ଦ୍ୱିପାକ୍ଷିକ ସିରିଜ ସମ୍ପର୍କରେ ସରକାରଙ୍କ ବର୍ତ୍ତମାନ ଆଭିମୁଖ୍ୟ ଜାଣିବାକୁ ଚାହିଁଛିି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)। ଦୁଇ ପଡୋଶୀ ରାଷ୍ଟ୍ର ମଧ୍ୟରେ ରାଜନୈତିକ ଉତ୍ତେଜନା ଯୋଗୁ ୨୦୧୨ ପରଠାରୁ ଭାରତ-ପାକିସ୍ତାନ ଦ୍ୱିପାକ୍ଷିକ କ୍ରିକେଟ ସିରିଜ ସମ୍ଭବ ହୋଇପାରିନି।

କୋହଲି ଇଣ୍ଟରନ୍ୟାଶନାଲ କ୍ରିକେଟର ଅଫ୍‌ ଦି ଇୟର

କୋହଲି ଇଣ୍ଟରନ୍ୟାଶନାଲ କ୍ରିକେଟର ଅଫ୍‌ ଦି ଇୟର

ବମ୍ବେ, ୨୯ା୫ (ପି.ଟି.)-ସୋମବାର ରାତିରେ ସିଏଟ କ୍ରିକେଟ ରେଟିଂ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି। ଭାରତୀୟ ଅଧିନାୟକ ବିରାଟ କୋହଲି ଇଣ୍ଟରନ୍ୟାଶନାଲ କ୍ରିକେଟର ଅଫ୍‌ ଦି ଇୟର ବିବେଚିତ ହୋଇଛନ୍ତି। ୨୯ ବର୍ଷୀୟ କ୍ରିକେଟର ଗତ ସିଜନରେ ସ୍ମରଣୀୟ ବ୍ୟାଟିଂ କରିଛନ୍ତି।

ପିଚ୍‌ ଫିକ୍ସିଂ  ଅଭିଯୋଗ ଅବିଶ୍ୱସନୀୟ: ଶ୍ରୀଲଙ୍କା କ୍ରିକେଟ

ପିଚ୍‌ ଫିକ୍ସିଂ ଅଭିଯୋଗ ଅବିଶ୍ୱସନୀୟ: ଶ୍ରୀଲଙ୍କା କ୍ରିକେଟ

କଲମ୍ବୋ, ୨୯ା୫ (ଏଏଫ୍‌ପି)- ଗାଲେ ଇଣ୍ଟରନ୍ୟାଶନାଲ ଷ୍ଟାଡିୟମରେ ପିଚ୍‌-ଟ୍ୟାମ୍ପରିଂ ହେଇଥିବା ଯେଉଁ ଅଭିଯୋଗ ହୋଇଛି ତାହା ବିଶ୍ୱାସଯୋଗ୍ୟ ନୁହେଁ ବୋଲି ଶ୍ରୀଲଙ୍କା କ୍ରିକେଟ ବୋର୍ଡ (ଏସଏଲସି) ସୋମବାର ପ୍ରକାଶ କରିଛି।

ଚେନ୍ନାଇ ସୁପର କିଙ୍ଗ୍ସ ପାଇଁ ‘ଲକି’ ଭେନ୍ୟୁ’ ବମ୍ବେ

ଚେନ୍ନାଇ ସୁପର କିଙ୍ଗ୍ସ ପାଇଁ ‘ଲକି’ ଭେନ୍ୟୁ’ ବମ୍ବେ

ବମ୍ବେ, ୨୯ା୫ (ପି.ଟି.)-ରବିବାର ଶେଷ ହୋଇଥିବା ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ୧୧ତମ ସଂସ୍କରଣରେ ବମ୍ବେର ଆଇକନିକ ଓ୍ବାଙ୍ଖଡେ ଷ୍ଟାଡିୟମ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ପାଇଁ ‘ଲକି’ ଅବା ଭାଗ୍ୟଶାଳୀ ସାବ୍ୟସ୍ତ ହୋଇଛି। ରବିବାର ଏଠାରେ ଅନୁଷ୍ଠିତ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ) ୧୧ତମ ସଂସ୍କରଣର ଫାଇନାଲରେ ସିଏସ୍‌କେ ସନରାଇଜର୍ସ ହାଇଦ୍ରାବାଦକୁ ୮ ଉଇକେଟରେ ପରାସ୍ତ କରି ତୃତୀୟ ଥର ଆଇପିଏଲ ଟ୍ରଫି ହାସଲ କରିଛି।

ହକି ବିଶ୍ୱକପ ପାଇଁ ଅନ୍‌ଲାଇନ୍‌ ଟିକେଟ ବିକ୍ରି ଆରମ୍ଭ

ହକି ବିଶ୍ୱକପ ପାଇଁ ଅନ୍‌ଲାଇନ୍‌ ଟିକେଟ ବିକ୍ରି ଆରମ୍ଭ

ଭୁବନେଶ୍ୱର, ୨୯।୫(କ୍ରୀଡ଼ା ପ୍ରତିନିଧି)- ହକି ବିଶ୍ୱକପର ୧୪ତମ ସଂସ୍କରଣ ସ୍ଥାନୀୟ କଳିଙ୍ଗ ଷ୍ଟାଡିୟମରେ ନଭେମ୍ବର ୨୮ରୁ ଡିସେମ୍ବର ୧୬ ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ମେଗା ପ୍ରତିଯୋଗିତା ଆରମ୍ଭ ହେବାପାଇଁ ଠିକ୍‌ ୬ ମାସ ସମୟଥିବାବେଳେ ସୋମବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦର୍ଶକଙ୍କ ପାଇଁ ଅନ୍‌ଲାଇନ୍‌ ଟିକେଟ ବିକ୍ରିର ଶୁଭାରମ୍ଭ କରିଛନ୍ତି। କ୍ରୀଡ଼ାମନ୍ତ୍ରୀ ଚନ୍ଦ୍ରସାରଥି ବେହେରାଙ୍କ ଉପସ୍ଥିତିରେ ହକି ଇଣ୍ଡିଆ ମୁଖ୍ୟ କାର୍ଯ୍ୟନିର୍ବାହୀ ଏଲିନା ନର୍ମାନଙ୍କଠାରୁ ମୁଖ୍ୟମନ୍ତ୍ରୀ ପ୍ରଥମ ଟିକେଟ ଗ୍ରହଣ କରିଛନ୍ତି। ଏଥିସହ ଭାରତରେ ଏହି ସମ୍ମାନଜନକ ପ୍ରତିଯୋଗିତା ଆୟୋଜନ ପାଇଁ କ୍ଷେତ୍ର ପ୍ରସ୍ତୁତ ବୋଲି ଅନ୍ତର୍ଜାତୀୟ ହକି ଫେଡେରେଶନ(ଏଫଆଇଏଚ୍‌) ଓ ହକି ଇଣ୍ଡିଆ ପକ୍ଷରୁ ସ୍ପଷ୍ଟ କରାଯାଇଛି।

ଇଂଲଣ୍ଡ ସିରିଜ୍‌ରୁ ହାଜେଲହୁଡ୍‌ ବାଦ୍‌

ଇଂଲଣ୍ଡ ସିରିଜ୍‌ରୁ ହାଜେଲହୁଡ୍‌ ବାଦ୍‌

ସିଡନୀ, ୨୮।୫(ଏଏଫ୍‌ପି)- ଇଂଲଣ୍ଡ ଗସ୍ତ ପୂର୍ବରୁ ଅଷ୍ଟ୍ରେଲିଆ ଦଳକୁ ଏକ ଶକ୍ତ ଧକ୍କା ଲାଗିଛି। ଦଳର ଅନ୍ୟତମ ମୁଖ୍ୟ ପେସର ଜୋଶ ହାଜେଲହୁଡ ଇଂଲଣ୍ଡ ବିପକ୍ଷରେ ହେବାକୁ ଥିବା ଅନ୍ତର୍ଜାତୀୟ ଦିନିକିଆ ସିରିଜ୍‌ରୁ ବାଦ୍‌ ପଡ଼ିଛନ୍ତି।

ପାକିସ୍ତାନ ଦଳ ଦଣ୍ଡିତ

ପାକିସ୍ତାନ ଦଳ ଦଣ୍ଡିତ

ଲଣ୍ଡନ,୨୮।୫(ଏଏଫ୍‌ପି)- ଲଡର୍‌ସଠାରେ ଖେଳାଯାଇଥିବା ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ଧିମା ବୋଲିଂ ହାର ପାଇଁ ପାକିସ୍ତାନ ଦଳକୁ ଦଣ୍ଡିତ କରାଯାଇଛି। ଦଳୀୟ ଅଧିନାୟକ ସରଫ୍ରାଜ ଅହମ୍ମଦଙ୍କ ମ୍ୟାଚ୍‌ ଫି’ର ସର୍ବାଧିକ ୬୦ ପ୍ରତିଶତ କାଟ କରାଯାଇଛି।

ଇଂଲଣ୍ଡ ଦଳକୁ ଫେରିଲେ ଜେନ୍ନିଙ୍ଗ୍ସ

ଇଂଲଣ୍ଡ ଦଳକୁ ଫେରିଲେ ଜେନ୍ନିଙ୍ଗ୍ସ

ଲଣ୍ଡନ,୨୮।୫(ଏଏଫ୍‌ପି)- ପାକିସ୍ତାନଠାରୁ ପ୍ରଥମ ଟେଷ୍ଟରେ ପରାଜିତ ହେବା ପରେ ଇଂଲଣ୍ଡ ଦଳରେ ପରିବର୍ତ୍ତନ କରାଯାଇଛି। ଆସନ୍ତା ଶୁକ୍ରବାରଠାରୁ ହେଡିଙ୍ଗଲେଠାରେ ଆରମ୍ଭ ହେବାକୁ ଥିବା ଟେଷ୍ଟ ପାଇଁ ମଙ୍ଗଳବାର ଘୋଷିତ ୧୨ ଜଣିଆ ଇଂଲଣ୍ଡ ଦଳରୁ ମାର୍କ ଷ୍ଟୋନମ୍ୟାନଙ୍କୁ ବାଦ୍‌ ଦିଆଯାଇଛି।