ଖେଳ

ରସିଦଙ୍କୁ ୫୦ତମ ଟି୨୦ ଉଇକେଟ

ରସିଦଙ୍କୁ ୫୦ତମ ଟି୨୦ ଉଇକେଟ

ଡେରାଡୁନ,୪।୬- ଆଫଗାନିସ୍ତାନ ଯୁବ ଲେଗ୍‌ ସ୍ପିନର ରସିଦ ଖାଁ ଗୋଟିଏ ପରେ ଗୋଟିଏ ସଫଳତା ପାଇଚାଲିଛନ୍ତି। ସେ ରବିବାର ବାଂଲାଦେଶ ବିପକ୍ଷରେ ଖେଳାଯାଇଥିତ୍ବା ପ୍ରଥମ ଟି୨୦ ମ୍ୟାଚ୍‌ରେ ୩ଟି ଉଇକେଟ କରି ଟି୨୦ ଫର୍ମାଟରେ ଦ୍ରୁତତମ ୫୦ ଉଇକେଟ ନେବାର କୃତ୍ତିତ୍ୱ ହାସଲ କରିଛନ୍ତି।

ରାଜ୍ୟସ୍ତରୀୟ ଫୁଟ୍‌ଭଲି ଟୁର୍ନାମେଣ୍ଟ କନ୍ଧମାଳ, କଟକ ସିଟି ଚାମ୍ପିୟନ

ରାଜ୍ୟସ୍ତରୀୟ ଫୁଟ୍‌ଭଲି ଟୁର୍ନାମେଣ୍ଟ କନ୍ଧମାଳ, କଟକ ସିଟି ଚାମ୍ପିୟନ

ଚାନ୍ଦବାଲି,୪।୬(ଡି.ଏନ.ଏ.)-ରାଜ୍ୟ ଓ ଭଦ୍ରକ ଜିଲା ଫୁଟ୍‌ଭଲି ଆସୋସିଏଶନ ସହଯୋଗରେ ଚାନ୍ଦବାଲି ଦୁର୍ଗା ପଡ଼ିଆରେ ଚାଲିଥିବା ରାଜ୍ୟସ୍ତରୀୟ ଦିବାରାତ୍ର ଫୁଟ୍‌ଭଲି(ଗୋଡ଼ରେ ଖେଳା ହେଉଥିବା ଭଲିବଲ୍‌)ଟୁର୍ନାମେଣ୍ଟ ରବିବାର ରାତିରେ ଉଦ୍‌ଯାପିତ ହୋଇଯାଇଛି। ପୁରୁଷ ବିଭାଗରେ କନ୍ଧମାଳ ଓ କଟକ ମହିଳା ବିଭାଗରେ ସିଟି ଚାମ୍ପିୟନ ହୋଇଛନ୍ତି।

ଜର୍ମାନୀ ଦଳରେ ନେଉର; ସାନେ ବାଦ୍‌

ଜର୍ମାନୀ ଦଳରେ ନେଉର; ସାନେ ବାଦ୍‌

ବର୍ଲିନ,୪।୬(ଏଏଫ୍‌ପି)- ଫିଫା ବିଶ୍ୱକପ୍‌ ପାଇଁ ଘୋଷିତ ଜର୍ମାନୀ ଦଳରେ ବିଶ୍ୱକପ୍‌ ଚାମ୍ପିୟନ ଗୋଲ୍‌କିପର ମାନୁଏଲ ନେଉର ସ୍ଥାନ ପାଇଛନ୍ତି। ଆହତ ସମସ୍ୟା କାରଣରୁ ଦୀର୍ଘ ୮ ମାସ ଧରି ପଡ଼ିଆରୁ ଦୂରେଇ ରହିଥିଲେ ମଧ୍ୟ ତାଙ୍କୁ ଜାତୀୟ ଦଳରେ ସାମିଲ କରାଯାଇଛି।

ଏସିଆନ୍‌ ଗେମ୍ସ ପାଇଁ ଟେନିସ୍‌ ଦଳ ଘୋଷିତ ଫେରିଲେ ପେସ, ୟୁକି ବାଦ୍‌

ଏସିଆନ୍‌ ଗେମ୍ସ ପାଇଁ ଟେନିସ୍‌ ଦଳ ଘୋଷିତ ଫେରିଲେ ପେସ, ୟୁକି ବାଦ୍‌

ନୂଆଦିଲ୍ଲୀ,୪।୬(ପି.ଟି.)- ଟେନିସ୍‌ ଆଇକନ ଲିଆଣ୍ଡର ପେସ ଏସିଆନ୍‌ ଗେମ୍ସ ପାଇଁ ସୋମବାର ଘୋଷିତ ଭାରତୀୟ ଟେନିସ୍‌ ଦଳରେ ସ୍ଥାନ ପାଇଛନ୍ତି। କିନ୍ତୁ ଦେଶର ସିଙ୍ଗଲ୍ସ ଖେଳାଳିଙ୍କ ମଧ୍ୟରେ ଶୀର୍ଷ ର଼୍ୟାଙ୍କଧାରୀ ୟୁକି ଭାମ୍ବ୍ରିଙ୍କୁ ବାଦ୍‌ ଦିଆଯାଇଛି। ସର୍ବଭାରତୀୟ ଟେନିସ୍‌ ମହାସଂଘ(ଏଆଇଟିଏ) ପକ୍ଷରୁ ଘୋଷିତ ଦଳରେ ୬ ମହିଳା ଖେଳାଳିଙ୍କ ସମେତ ୧୨ଜଣିଆ ଭାରତୀୟ ଦଳ ଘୋଷଣା କରାଯାଇଛି।

ବେଲଜିୟମ ଦଳରେ କମ୍ପାନି

ବେଲଜିୟମ ଦଳରେ କମ୍ପାନି

ବ୍ରୁସେଲ୍ସ,୪।୬(ଏପି)- ଆହତ ସମସ୍ୟା ସତ୍ତ୍ୱେ ଭିନସେଣ୍ଟ କମ୍ପାନି ଫିଫା ବିଶ୍ୱକପ୍‌ ପାଇଁ ଘୋଷିତ ୨୩ ଜଣିଆ ବେଲଜିୟମ ଦଳରେ ସ୍ଥାନ ପାଇଛନ୍ତି। ଶନିବାର ଖେଳାଯାଇଥିବା ବନ୍ଧୁତ୍ୱପୂର୍ଣ୍ଣ ମ୍ୟାଚ୍‌ରେ ତାଙ୍କ ମାଂସପେଶୀ ଟାଣି ହୋଇଯାଇଥିଲା।

ଏସିଆ ମହିଳା କପ୍‌:  ଭାରତୀୟ ଦଳର କ୍ରମାଗତ ୨ୟ ବିଜୟ

ଏସିଆ ମହିଳା କପ୍‌: ଭାରତୀୟ ଦଳର କ୍ରମାଗତ ୨ୟ ବିଜୟ

କୁଆଲାଲମ୍ପୁର,୪।୬(ପି.ଟି.)- ଅଧିନାୟିକା ହରମନପ୍ରୀତ କୌରଙ୍କ ଅଲରାଉଣ୍ଡିଂ ପ୍ରଦର୍ଶନ ଯୋଗୁ ଏଠାରେ ଚାଲିଥିବା ଏସିଆ କପ୍‌ ଟି୨୦ ଟୁର୍ନାମେଣ୍ଟରେ ଭାରତୀୟ ଦଳ କ୍ରମାଗତ ୨ୟ ବିଜୟ ହାସଲ କରିଛି। ସୋମବାର ଖେଳାଯାଇଥିବା ମ୍ୟାଚ୍‌ରେ ଭାରତୀୟ ଦଳ ୫୬ ରନ୍‌ରେ ଥାଇଲାଣ୍ଡକୁ ପରାସ୍ତ କରିଛି।

ଶ୍ରୀଲଙ୍କା ଦଳରେ ଯୋଗଦେଲେ ଡି’ ସିଲ୍‌ଭା

ଶ୍ରୀଲଙ୍କା ଦଳରେ ଯୋଗଦେଲେ ଡି’ ସିଲ୍‌ଭା

କଲମ୍ବୋ,୪।୬(ଏଏଫ୍‌ପି)- ଶ୍ରୀଲଙ୍କା ଅଲରାଉଣ୍ଡର ଧନଞ୍ଜୟ ଡି’ ସିଲ୍‌ଭା ପିତାଙ୍କ ଅନ୍ତ୍ୟେଷ୍ଟି କାର୍ଯ୍ୟ ଶେଷ କରିବା ପରେ ଓ୍ବେଷ୍ଟଇଣ୍ଡିଜ୍‌ ଗସ୍ତରେ ଥିବା ଜାତୀୟ ଦଳରେ ଯୋଗଦେଇଛନ୍ତି। ଧନଞ୍ଜୟଙ୍କ ପିତା ରଞ୍ଜନ ଡି’ ସିଲ୍‌ଭା ଜଣେ ଆଞ୍ଚଳିକ ରାଜନୈତିକ ବ୍ୟକ୍ତି ଥିଲେ। ତାଙ୍କୁ ୧୦ ଦିନ ପୂର୍ବେ କେହି ଜଣେ ଦୁର୍ବୃତ୍ତ କଲମ୍ବୋ ସହର ତଳଠାରେ ଗୁଳି କରି ହତ୍ୟା କରିଥିଲା।

ଗ୍ଲୋବାଲ ଟି୨୦ ଲିଗ୍‌ରେ ଖେଳିବେ ଓ୍ବାର୍ନର

ଗ୍ଲୋବାଲ ଟି୨୦ ଲିଗ୍‌ରେ ଖେଳିବେ ଓ୍ବାର୍ନର

ଲସ୍‌ ଏଞ୍ଜେଲସ,୪।୬ (ଏଏଫ୍‌ପି)- ଅନ୍ତର୍ଜାତୀୟ କ୍ରିକେଟରୁ ବାସନ୍ଦ ହୋଇଥିତ୍ବା ଦୁଇ ଅଷ୍ଟ୍ରେଲିଆନ କ୍ରିକେଟର ଷ୍ଟିଭ ସ୍ମିଥ ଓ ଡେଭିଡ୍‌ ଓ୍ବାର୍ନର ଗ୍ଲୋବାଲ ଟି୨୦ କାନାଡା ଲିଗ୍‌ରେ ଖେଳିବା ନେଇ ସ୍ପଷ୍ଟ ହୋଇଛି। ଚଳିତ ମାସ ୨୮ରୁ ଆରମ୍ଭ ହେବାକୁ ଥିବା ଇଭେଣ୍ଟର ଖେଳାଳିଙ୍କ ନିଲାମ ପ୍ରକ୍ରିୟାରେ ଉଭୟଙ୍କ ନାମ ସ୍ଥାନ ପାଇଛି।

ସ୍କଟଲାଣ୍ଡ ବିପକ୍ଷ ଦିନିକିଆରୁ ଓ୍ବକ୍ସ ବାଦ୍‌

ସ୍କଟଲାଣ୍ଡ ବିପକ୍ଷ ଦିନିକିଆରୁ ଓ୍ବକ୍ସ ବାଦ୍‌

ଲଣ୍ଡନ,୪।୬- ସ୍କଟଲାଣ୍ଡ ବିପକ୍ଷରେ ଖେଳାଯିବାକୁ ଥିବା ଦିନିକିଆ ମ୍ୟାଚ୍‌ ପାଇଁ ଅଲରାଉଣ୍ଡର କ୍ରିସ୍‌ ଓ୍ବକ୍ସ ଇଂଲଣ୍ଡ ଦଳ ପାଇଁ ଉପଲବ୍ଧ ରହିବେ ନାହିଁ। ସେ ଏବେ ମାଂସପେଶୀ ଜନିତ ସମସ୍ୟା ଦେଇ ଗତି କରୁଛନ୍ତି। ତାଙ୍କ ବଦଳରେ ଟମ କୁରାନଙ୍କୁ ଦଳରେ ସାମିଲ କରାଯାଇଛି।

ସଞ୍ଜୀତା ଡୋପିଙ୍ଗ ମାମଲା

ଇମ୍ଫାଲ, ୪ା୬ (ପି.ଟି.)-ରାଜ୍ୟଗୋଷ୍ଠୀ କ୍ରୀଡ଼ା ସ୍ବର୍ଣ୍ଣ ବିଜୟିନୀ ସଞ୍ଜୀତା ଚାନୁଙ୍କୁ ନେଇ ଡୋପିଙ୍ଗ ବିବାଦରେ ମଣିପୁର ମୁଖ୍ୟମନ୍ତ୍ରୀ ଏନ. ବୀରେନ ସିଂ କେନ୍ଦ୍ର କ୍ରୀଡ଼ାମନ୍ତ୍ରୀ ରାଜ୍ୟବର୍ଦ୍ଧନ ସିଂ ରାଠୋରଙ୍କ ହସ୍ତକ୍ଷେପ ଲୋଡିଛନ୍ତି। ମଣିପୁର ଭାରୋତ୍ତୋଳିକାଙ୍କ ସାମ୍ପଲ ଚିହ୍ନଟରେ କୌଣସି ତ୍ରୁଟି ରହିଯାଇଥାଇପାରେ ବୋଲି ସେ କହିଛନ୍ତି।

ପାକିସ୍ତାନ-ଇଂଲଣ୍ଡ ଟେଷ୍ଟ ସିରିଜ ଡ୍ର

ପାକିସ୍ତାନ-ଇଂଲଣ୍ଡ ଟେଷ୍ଟ ସିରିଜ ଡ୍ର

ଲିଡ୍ସ, ୪ା୬ (ଏଏଫ୍‌ପି)-ସ୍ଥାନୀୟ ହେଡିଙ୍ଗ୍‌ଲେଠାରେ ଚାଲିଥିବା ଦ୍ୱିତୀୟ ଟେଷ୍ଟ କ୍ରିକେଟ ୩ ଦିନ ମଧ୍ୟରେ ଶେଷ ହୋଇଛି। ଏଥିରେ ଇଂଲଣ୍ଡ ଏକ ଇନିଂସ ଓ ୫୫ ରନରେ ପାକିସ୍ତାନକୁ ପରାସ୍ତ କରିଛି। ଫଳରେ ଘରୋଇ ଦଳ ଦୁଇ ମ୍ୟାଚ ବିଶିଷ୍ଟ ସିରିଜ ୧-୧ରେ ଅମୀମାଂସିତ ଭାବେ ଶେଷ ହୋଇଛି।

ଫ୍ରେଞ୍ଚ୍‌ ଓପନ ଟେନିସ୍‌ :ଜୋକୋଭିଚ୍‌, ଜେଭ୍‌ରେଭ୍‌ କ୍ୱାର୍ଟର ଫାଇନାଲରେ

ଫ୍ରେଞ୍ଚ୍‌ ଓପନ ଟେନିସ୍‌ :ଜୋକୋଭିଚ୍‌, ଜେଭ୍‌ରେଭ୍‌ କ୍ୱାର୍ଟର ଫାଇନାଲରେ

ପ୍ୟାରିସ, ୪ା୬-ଜର୍ମାନୀ ଟେନିସ୍‌ ଖେଳାଳି ଆଲେକ୍‌ଜାଣ୍ଡର ଜେଭ୍‌ରେଭ୍‌ ପୂର୍ବତନ ନମ୍ବର ଓ୍ବାନ ଖେଳାଳି ନୋଭାକ୍‌ ଜୋକୋଭିଚ୍‌ ଫ୍ରେଞ୍ଚ୍‌ ଓପନ ଟେନିସ ପୁରୁଷ ସିଙ୍ଗଲ୍ସ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ୨୦ତମ ସିଡ୍‌ ଜୋକୋଭିଚ୍‌ ୬-୩, ୬-୪, ୬-୨ ସେଟ୍‌ରେ ୩୦ତମ ସିିଡ୍‌ ସ୍ପେନର ଫର୍ନାଣ୍ଡୋ ଭର୍ଡାସ୍କୋଙ୍କୁ ହରାଇ ଦେଇଛନ୍ତି।

ଦିବାରାତ୍ର କ୍ରିକେଟ: ଜଗତପୁର ଚାମ୍ପିୟନ

ଦିବାରାତ୍ର କ୍ରିକେଟ: ଜଗତପୁର ଚାମ୍ପିୟନ

କଟକ ସଦର, ୪।୬(ଡି.ଏନ୍‌.ଏ.)- କଟକ ସଦର ବ୍ଲକ ଅନ୍ତର୍ଗତ ବ୍ରାହ୍ମଣବାଡ଼ କ୍ରିକେଟ କ୍ଲବ ଆନୁକୂଲ୍ୟରେ ଚାଲିଥିବା ଦିବାରାତ୍ର କ୍ରିକେଟ ଟୁର୍ନାମେଣ୍ଟ ଶନିବାର ରାତିରେ ଉଦ୍‌ଯାପିତ ହୋଇଯାଇଛି। ଟୁର୍ନାମେଣ୍ଟରେ ଜଗତପୁରର ଏଲଏନ୍‌ କ୍ଲବ ଚାମ୍ପିୟନ ହୋଇଛି। ଫାଇନାଲ ମ୍ୟାଚ୍‌ରେ ଫକୀରପଡ଼ା ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ ୭ ଉଇକେଟ ହରାଇ ୪୩ ରନ୍‌ କରିଥିଲା।

ଆଇଟିଏଫ୍‌ ଟାଇକୋଣ୍ଡୋ ପ୍ରତିଯୋଗିତା: ଓଡ଼ିଶାକୁ ୨୪ ପଦକ

ଭୁବନେଶ୍ୱର,୪।୬(ସ୍ପୋଟର୍‌ସ ବ୍ୟୁରୋ)- ଚଣ୍ଡିଗଡ଼ଠାରେ ଅନୁଷ୍ଠିତ ଉତ୍ତରପୂର୍ବ ଭାରତ ଆମନ୍ତ୍ରଣୀୟ ଆଇଟିଏଫ୍‌ ଟାଇକୋଣ୍ଡୋ ପ୍ରତିଯୋଗିତାରେ ଓଡ଼ିଶା ଦଳକୁ ମୋଟ ୨୪ଟି ପଦକ ମିଳିଛି। ଓଡ଼ିଶାରୁ ଅଂଶଗ୍ରହଣ କରିଥିବା ୧୧ଜଣ ପ୍ରତିଯୋଗୀ ୭ଟି ସ୍ବର୍ଣ୍ଣ, ୭ଟି ରୌପ୍ୟ ଓ ୧୦ଟି ବ୍ରୋଞ୍ଜ ପଦକ ଜିତିଛନ୍ତି।

୧୬ ବର୍ଷରୁ କମ୍‌ କ୍ରିକେଟ ଭୁବନେଶ୍ୱର ଦଳ ଘୋଷିତ

ଭୁବନେଶ୍ୱର, ୪।୬(କ୍ରୀଡ଼ା ପ୍ରତିନିଧି)- କଟକରେ ୫ ତାରିଖରୁ ଆରମ୍ଭ ହେଉଥିବା ୧୬ ବର୍ଷରୁ କମ୍‌ କ୍ରିକେଟ ଟୁର୍ନାମେଣ୍ଟ ପାଇଁ ରବିବାର ଭୁବନେଶ୍ୱର ‘ଏ’ ଓ ‘ବି’ ଦଳ ଘୋଷଣା କରାଯାଇଛି। ସୁଦର୍ଶନ ସ୍ବାଇଁ ଓ ଗୌରିଶ୍‌ ପାତ୍ର ଯଥାକ୍ରମେ ଭୁବନେଶ୍ୱର ‘ଏ’ ଓ ‘ବି’ ଦଳର ନେତୃତ୍ୱ ନେବେ।

ନେମାରଙ୍କ ପ୍ରତ୍ୟାବର୍ତ୍ତନ

ନେମାରଙ୍କ ପ୍ରତ୍ୟାବର୍ତ୍ତନ

ଲିଭରପୁଲ,୪।୬(ଏଏଫ୍‌ପି)- ବ୍ରାଜିଲ ଷ୍ଟାର ନେମାର ସମ୍ପୂର୍ଣ୍ଣ ଷ୍ଟାଇଲରେ ଫିଲ୍ଡକୁ ପ୍ରତ୍ୟାବର୍ତ୍ତନ କରିଛନ୍ତି। ଆହତ ସମସ୍ୟା କାରଣରୁ ଦୀର୍ଘ ୯୮ ଦିନ ଧରି ଫିଲ୍ଡରୁ ଦୂରେଇ ରହିଥିବା ପ୍ୟାରିସ ସେଣ୍ଟ ଜର୍ମାନ (ପିଏସ୍‌ଜି) ଷ୍ଟ୍ରାଇକରଙ୍କ ଆକର୍ଷଣୀୟ ଗୋଲ ଯୋଗୁ ଫିଫା ବିଶ୍ୱକପ୍‌ ପୂର୍ବରୁ ଚାଲିଥିବା ଅଭ୍ୟାସ ପର୍ଯ୍ୟାୟରେ ବ୍ରାଜିଲ ୨-୦ ଗୋଲ୍‌ରେ କ୍ରୋଏସିଆକୁ ପରାସ୍ତ କରିଛି।

ରାଜ୍ୟ ଓପନ ର଼୍ୟାପିଡ୍‌ ଚେସ୍‌: ତନ୍ମୟ ଚାମ୍ପିୟନ

ରାଜ୍ୟ ଓପନ ର଼୍ୟାପିଡ୍‌ ଚେସ୍‌: ତନ୍ମୟ ଚାମ୍ପିୟନ

ଭୁବନେଶ୍ୱର, ୩।୫(କ୍ରୀଡ଼ା ପ୍ରତିନିଧି)- ଖୋର୍ଦ୍ଧା ଜିଲା ଚେସ୍‌ କ୍ଲବ ଓ ଓଡ଼ିଶା ରାଜ୍ୟ ଚେସ୍‌ ଆସୋସିଏଶନ ଆନୁକୂଲ୍ୟରେ ତାପଙ୍ଗଠାରେ ରବିବାର ରାଜ୍ୟ ଓପନ ର଼୍ୟାପିଡ୍‌ ଚେସ୍‌ ଚାମ୍ପିୟନଶିପ୍‌ ଅନୁଷ୍ଠିତ ହୋଇଯାଇଛି। ୭ ରାଉଣ୍ଡ ବିଶିଷ୍ଟ ପ୍ରତିଯୋଗିତାରେ ଭୁବନେଶ୍ୱରର ତନ୍ମୟ କୁମାର ୬ ପଏଣ୍ଟ ସହିତ ଚାମ୍ପିୟନ ହୋଇଛନ୍ତି।

କଳାହାଣ୍ଡି କପ୍‌: କାର୍ତ୍ତିକ, ପ୍ରଦୀପ୍ତଙ୍କ ଶତକ

କଳାହାଣ୍ଡି କପ୍‌: କାର୍ତ୍ତିକ, ପ୍ରଦୀପ୍ତଙ୍କ ଶତକ

କଟକ ଅଫିସ, ୩ା୬- ଓଡ଼ିଶା କ୍ରିକେଟ ଆସୋସିଏଶନ(ଓସିଏ) ଆନୁକୂଲ୍ୟରେ କଟକରେ ଚାଲିଥିବା ସିନିୟର ଆନ୍ତଃ ଜିଲା କଳାହାଣ୍ଡି କପ୍‌ କ୍ରିକେଟ ଟୁର୍ନାମେଣ୍ଟର ୩ୟ ଦିବସର ଖେଳ ଶେଷ ହୋଇଛି ।

ସର୍ବଭାରତୀୟ ‘ଏ’ ଗ୍ରେଡ୍‌ କବାଡ଼ି ୧୩ରୁ

ରସୁଲପୁର, ୩।୬(ଡି.ଏନ.ଏ.)- ଯାଜପୁର ଜିଲାରେ କବାଡ଼ି ଦୁର୍ଗ ଭାବରେ ପରିଚିତ ରସୁଲପୁର ବ୍ଲକର ଖଣ୍ଡିତର ଗାଁରେ ଚଳିତ ମାସ ୧୩ରୁ ୬୩ତମ ସର୍ବଭାରତୀୟ ‘ଏ’ ଗ୍ରେଡ୍‌ କବାଡ଼ି ପ୍ରତିଯୋଗିତା ଆରମ୍ଭ ହେବ।

ନରଓ୍ବେ ଚେସ୍‌ ଟୁର୍ନାମେଣ୍ଟ: ଆନନ୍ଦଙ୍କ ଟାଇଟଲ ଆଶା ଉଜ୍ଜୀବିତ

ନରଓ୍ବେ ଚେସ୍‌ ଟୁର୍ନାମେଣ୍ଟ: ଆନନ୍ଦଙ୍କ ଟାଇଟଲ ଆଶା ଉଜ୍ଜୀବିତ

ଷ୍ଟାଭାଙ୍ଗର,୩।୬ (ପି.ଟି.)- ଏଠାରେ ଚାଲିଥିବା ଅଲଟିବକ୍ସ ନରଓ୍ବେ ଚେସ୍‌ ଟୁର୍ନାମେଣ୍ଟରେ ୫ଥର ବିଶ୍ୱ ଚାମ୍ପିୟନଶିପ୍‌ ହାସଲ କରିଥିବା ଭାରତୀୟ ଗ୍ରାଣ୍ଡମାଷ୍ଟର ବିଶ୍ୱନାଥନ ଆନନ୍ଦ ପଞ୍ଚମ ରାଉଣ୍ଡ ମ୍ୟାଚ୍‌ ଡ୍ର’ ରଖିଛନ୍ତି। ବର୍ତ୍ତମାନର ବିଶ୍ୱ ଚାମ୍ପିୟନ ତଥା ଘରୋଇ ଖେଳାଳି ମାଗ୍ନସ କାର୍ଲସେନଙ୍କ ବିପକ୍ଷ ମୁକାବିଲାକୁ ସହଜରେ ଡ୍ର ରଖିବା ସହ ଆନନ୍ଦ ଟାଇଟଲ ଆଶା ଉଜ୍ଜୀବିତ ରଖିଛନ୍ତି। ତେବେ ଏହି ମ୍ୟାଚର ଫଳାଫଳ ନେଇ କାର୍ଲସେନ ନିରାଶବ୍ୟକ୍ତ କରିଛନ୍ତି। କ୍ରମାଗତ ଦୁଇଟି ମ୍ୟାଚ୍‌ରେ ବିଜୟୀ ହେବା ପରେ କାର୍ଲସେନ ଆନନ୍ଦଙ୍କ ବିପକ୍ଷରେ ଭଲ ପ୍ରଦର୍ଶନ କରିବେ ବୋଲି ଆଶା ରଖିଥିଲେ। ତେବେ ଏପର୍ଯ୍ୟନ୍ତ କାର୍ଲସେନ ୩.୫ ପଏଣ୍ଟ ହାସଲ କରି ଶୀର୍ଷସ୍ଥାନରେ ରହିଛନ୍ତି।

ମହିଳା ଏସିଆ କପ୍‌ ଟି୨୦:  ବୃହତ୍‌ ବିଜୟ ସହ ଭାରତର ଅଭିଯାନ

ମହିଳା ଏସିଆ କପ୍‌ ଟି୨୦: ବୃହତ୍‌ ବିଜୟ ସହ ଭାରତର ଅଭିଯାନ

କୁଆଲାଲମ୍ପୂର, ୩।୬ (ପି.ଟି.)- ଏଠାରେ ରବିବାରଠାରୁ ଆରମ୍ଭ ହୋଇଥିବା ମହିଳା ଏସିଆ କପ୍‌ ଟି୨୦ ଟୁର୍ନାମେଣ୍ଟରେ ଭାରତ ଏକ ବୃହତ୍‌ ବିଜୟ ସହ ଅଭିଯାନ ଆରମ୍ଭ କରିଛି। ସ୍ଥାନୀୟ କିନରାରା ଓଭାଲ ଗ୍ରାଉଣ୍ଡରେ ଭାରତ ଟୁର୍ନାମେଣ୍ଟର ପ୍ରଥମ ମ୍ୟାଚ୍‌ରେ ଆୟୋଜକ ମାଲେସିଆକୁ ୧୪୨ ରନରେ ପରାସ୍ତ କରିଛି। ଟସ୍‌ ଜିତି ଭାରତ ପ୍ରଥମେ ବ୍ୟାଟିଂ କରି ଅଭିଜ୍ଞ ଓପନର ମିଥାଲି ରାଜଙ୍କ ଅପରାଜିତ ୯୭ ରନ (୬୯ ବଲ, ୧୩ ଚୌକା,୧ ଛକା)ର ଦ୍ରୁତ ପାଳି ବଳରେ ନିର୍ଦ୍ଧାରିତ ୨୦ ଓଭରରେ ୩ ଉଇକେଟ ହରାଇ ୧୬୯ ରନ ସଂଗ୍ରହ କରିଛି। ଜବାବରେ ମାଲେସିଆ ୧୩.୪ ଓଭରରେ ମାତ୍ର ୨୭ ରନ କରି ଆଉଟ ହୋଇ ଆତ୍ମସମର୍ପଣ କରିଛି। ୧୭୦ ରନ ବିଜୟ ଲକ୍ଷ୍ୟର ପିଛା କରି ମାଲେସିଆ ନିହାତି ମାମୁଲି ପ୍ରଦର୍ଶନ କରିଥିଲା। ମାଲେସିଆ ଇନିଂସ ତାସ୍‌ ଘର ପରି ଭୁଶୁଡି ପଡିଥିଲା। ଦଳର କୌଣସି ବ୍ୟାଟ୍ସମ୍ୟାନ ଦୁଇ ଅଙ୍କ ଛୁଇଁ ପାରି ନ ଥିଲେ। ପୁଣି ୬ଜଣ ବ୍ୟାଟ୍ସମ୍ୟାନ ଖାତା ଖୋଲି ପାରି ନ ଥିଲେ। ବୋଲିଂରେ ଭାରତ ତରଫରୁ ପୂଜା ବସ୍ତ୍ରକାର ସର୍ବାଧିକ ୩, ଅନୁଜା ପାଟିଲ ଓ ପୁନମ ଯାଦବ ୨ଟି ଲେଖାଏ, ଶିଖା ପାଣ୍ଡେ ଗୋଟିଏ ଉଇକେଟ ହାସଲ କରିଥିଲେ। ମିଥାଲି ପ୍ଲେୟାର ଅଫ ଦି ମ୍ୟାଚ୍‌ ବିବେଚିତ ହୋଇଛନ୍ତି।

ଫିଫା ବିଶ୍ୱକପ୍‌: ଅଷ୍ଟ୍ରେଲିଆ ଦଳରେ କାହିଲ, ଅର୍ଜାନି

ଫିଫା ବିଶ୍ୱକପ୍‌: ଅଷ୍ଟ୍ରେଲିଆ ଦଳରେ କାହିଲ, ଅର୍ଜାନି

ସିଡନୀ, ୩।୬(ଏ.ଏଫ.ପି)- ଆଉ ୧୦ ଦିନ ପରେ ରୁଷିଆରେ ଆରମ୍ଭ ହେବାକୁ ଯାଉଥିବା ଫିଫା ବିଶ୍ୱକପ୍‌ର ୨୧ତମ ସଂସ୍କରଣ ପାଇଁ ଅଷ୍ଟ୍ରେଲିଆ ଏକ ଅନ୍ତିମ ୨୪ ଜଣିଆ ଦଳ ଘୋଷଣା କରିଛି। ଅଭିଜ୍ଞ ଫରଓ୍ବାର୍ଡ ଟିମ୍‌ କାହିଲ ଓ ୧୯ ବର୍ଷୀୟ ଡାନିଏଲ ଅର୍ଜାନିଙ୍କୁ ଏହି ଦଳରେ ସାମିଲ କରାଯାଇଛି। ଅଷ୍ଟ୍ରେଲିଆ କୋଚ୍‌ ବର୍ଟ ଭାନ ମାରଓ୍ବିକ୍‌ ଏହି ଦଳ ଘୋଷଣା କରିଛନ୍ତି। ୩୮ ବର୍ଷୀୟ କାହିଲ ଦେଶ ତରଫରୁ ସର୍ବାଧିକ ୫୦ଟି ଗୋଲ ସ୍କୋର କରିଛନ୍ତି ଓ ଗତ ୩ଟି ବିଶ୍ୱକପ୍‌ରେ ମଧ୍ୟ ଗୋଲ ସ୍କୋର କରିଛନ୍ତି। ତେବେ ଜେମ୍ସ ଟ୍ରୋଇସି, ଜୋଶ ବ୍ରିଲିୟାଣ୍ଟ, ନିକିଟା ରୁକାଭିସ୍ୟା ଓ ଫ୍ରାନ କାରାକିକ୍‌ ଏହି ଦଳରୁ ବାଦ୍‌ ପଡିଛନ୍ତି। ଷ୍ଟାଇକର ଜେମି ମ୍ୟାକଲରେନ ଦଳରେ ସ୍ଥାନ ବଜାୟ ରଖିଛନ୍ତି। ଗତ ଶୁକ୍ରବାର ଅଷ୍ଟ୍ରିଆରେ ଚେକ ଗଣରାଜ୍ୟକୁ ଅଷ୍ଟ୍ରେଲିଆ ୪-୦ ଗୋଲରେ ପରାସ୍ତ କରିଥିଲା। ପ୍ରଦର୍ଶନ ଓ ଫିଟନେସକୁ ଦୃଷ୍ଟିରେ ରଖି ଏହି ଦଳ ଘୋଷଣା କରାଯାଇଛି ବୋଲି କୋଚ୍‌ ମାରଓ୍ବିକ୍‌ କହିଛନ୍ତି। ବିଶ୍ୱକପ୍‌ ପୂର୍ବରୁ ଅଷ୍ଟ୍ରେଲିଆ ଶନିବାର ବୁଦାପେଷ୍ଟରେ ହଙ୍ଗେରୀ ବିପକ୍ଷରେ ଏକ ବନ୍ଧୁତ୍ୱପୂର୍ଣ୍ଣ ମ୍ୟାଚ ଖେଳିବ। ଏହା ପରେ ବଶ୍ୱକପ୍‌ରେ ଅଷ୍ଟ୍ରେଲିଆ ତା’ର ଗ୍ରୁପ୍‌ରେ ଫ୍ରାନ୍ସ, ଡେନମାର୍କ ଓ ପେରୁ ବିପକ୍ଷରେ ମ୍ୟାଚ ଖେଳିବ।

ପର୍ତ୍ତୁଗାଲ- ବେଲଜିୟମ, ସ୍ବିଡେନ- ଡେନମାର୍କ ମ୍ୟାଚ୍‌ ଗୋଲ ଶୂନ୍ୟ

ପର୍ତ୍ତୁଗାଲ- ବେଲଜିୟମ, ସ୍ବିଡେନ- ଡେନମାର୍କ ମ୍ୟାଚ୍‌ ଗୋଲ ଶୂନ୍ୟ

ବ୍ରସେଲ୍ସ,,୩।୬(ଏ.ଏଫ୍‌.ପି)-ବ୍ରସେଲ୍ସରେ ଅନୁଷ୍ଠିତ ବିଶ୍ୱକପ୍‌ର ଅନ୍ୟଏକ ଅଭ୍ୟାସ ମ୍ୟାଚ୍‌ରେ ପତ୍ତୁର୍ଗାଲ ଓ ବେଲଜିୟମ ପରସ୍ପରକୁ ଭେଟିଥିଲେ। ତେବେ ଏହି ମ୍ୟାଚ ଗୋଲ ଶୁନ୍ୟଭାବେ ଶେଷ ହୋଇଥିଲା। ଏହି ମ୍ୟାଚ୍‌ରେ କଡ଼ା ସଂଘର୍ଷ ଦେଖିବାକୁ ମିଳିଥିଲା। ଏହି ମ୍ୟାଚରେ ସୁପରଷ୍ଟାର କ୍ରିଷ୍ଟିଆନୋ ରୋନାଲ୍ଡୋଙ୍କୁ ବିଶ୍ରମା ଦିଆଯାଇଥିଲା। ସପ୍ତାହ ତଳେ ଚାମ୍ପିୟନ୍ସ ଲିଗ୍‌ ମ୍ୟାଚ ବିଜୟ ପରେ ରୋନାଲ୍ଡ ଏହି ମ୍ୟାଚ ଖେଳିବା ଅପେକ୍ଷା ବିଶ୍ରାମ ନେବାକୁ ଅଧିକ ପସନ୍ଦ କରିଥିଲେ। ଗ୍ରୁପ୍‌ ବି’ରେ ପର୍ତ୍ତୁଗାଲ ପଡୋସୀ ସ୍ପେନ୍‌, ଇରାନ ଓ ମରୋକ୍କୋକୁ ଭେଟିବ। ୟୁରୋକପ୍‌ ଚାମ୍ପିୟନ ପର୍ତ୍ତୁଗାଲ ଏଥର ଭଲ ପ୍ରଦର୍ଶନ କରିବ ବୋଲି ଆଶା କରାଯାଉଛି। ସେହିପରି ବେଲଜିୟମ ଗ୍ରୁପ୍‌ ଜିରେ ଇଂଲଣ୍ଡ, ପାନାମା ଓ ଟ୍ୟୁନିସିଆ ବିପକ୍ଷରେ ମ୍ୟାଚ ଖେଳିବ।

ଅଷ୍ଟ୍ରିଆଠାରୁ ହାରିଲା ଜର୍ମାନୀ

ଅଷ୍ଟ୍ରିଆଠାରୁ ହାରିଲା ଜର୍ମାନୀ

କ୍ଲାଗେନଫର୍ଟ,୩।୬(ଏ.ଏଫ୍‌.ପି)-ଶନିବାର ଅଷ୍ଟ୍ରିଆର କ୍ଲାଗେନଫର୍ଟରେ ଅନୁଷ୍ଠିତ ଅନ୍ୟଏକ ଅଭ୍ୟାସ ମ୍ୟାଚରେ ଗତଥରର ଚାମ୍ପିୟନ ଜର୍ମାନୀ ୨- ୧ ଗୋଲରେ ଅଷ୍ଟ୍ରିଆଠାରୁ ପରାସ୍ତ ହୋଇଛି। ଜର୍ମାନୀ ଅଧିନାୟକ ମାନୁଏଲ ନେଉର ଦୀର୍ଘ ଦିନ ପରେ ଦଳକୁ ପ୍ରତ୍ୟାବର୍ତ୍ତନ କରିଥିଲେ ମଧ୍ୟ ତାଙ୍କୁ ପରାଜୟକୁ ସାମ୍ନା କରିବାକୁ ପଡିଛି। ମ୍ୟାଚ୍‌ର ୧୧ତମ ମିନିଟରେ ତାରକା ଖେଳାଳି ମେସୁତ ଓଜିଲ ପ୍ରଥମ ଗୋଲ ଦେଇ ଜର୍ମାନୀକୁ ଅଗ୍ରଣୀ କରାଇଥିଲେ। ତେବେ ଏହା ପରେ ଅଷ୍ଟ୍ରିଆ ପ୍ରତ୍ୟାବର୍ତ୍ତନ କରିଥିଲା। ମ୍ୟାଚ୍‌ର ୫୩ତମ ମିନିଟରେ ମାର୍ଟିନ ହିଣ୍ଟେରଗେର ଗୋଲ ଦେଇ ମ୍ୟାଚକୁ ୧-୧ ସମାନ ସ୍ଥିତିକୁ ଆଣିଥିଲେ। ତେବେ ଏହାପରେ ୬୯ତମ ମିନିଟରେ ଆଲେଜାଣ୍ଡ୍ରୋ ସ୍କୁଇଫ୍‌ ଗୋଲ ନିର୍ଣ୍ଣାୟକ ଗୋଲ ଦେଇ ଅଷ୍ଟ୍ରିଆକୁ ଜିତାଇଥିଲେ। ଜର୍ମାନୀ ପାଇଁ ଏହି ପରାଜୟ ଏକ ବିପର୍ଯ୍ୟୟ ସଦୃଶ ହୋଇଛି। ଦୀଘ ୩୨ ବର୍ଷ ପରେ ଅଷ୍ଟ୍ରିଆ ଜର୍ମାନୀ ହରାଇବାକୁ ସକ୍ଷମ ହୋଇଛି।