ଖେଳ

ଚୋରି ପରେ ଉଦ୍ଧାର ହେଲା ୟୁରୋପା ଲିଗ୍‌ ଟ୍ରଫି

ଚୋରି ପରେ ଉଦ୍ଧାର ହେଲା ୟୁରୋପା ଲିଗ୍‌ ଟ୍ରଫି

ମେକ୍ସିକୋ ସିଟି,୨୧।୪(ଏଏଫ୍‌ପି)- ୟୁରୋପା ଲିଗ୍‌ ଟ୍ରଫି ଏଠାରେ ଆୟୋଜିତ ଏକ ଇଭେଣ୍ଟରେ ପ୍ରଦର୍ଶିତ ହେବା ପରେ ଚୋରି ହୋଇଯାଇଥିଲା। ଏହାର କିଛି ଘଣ୍ଟା ପରେ ଉଦ୍ଧାର କରି ନିଆଯାଇଥିବା ଗୁଆନାଜୁଆଟୋ ରାଜ୍ୟ ପକ୍ଷରୁ କୁହାଯାଇଛି। ଲେଓନ ସହରସ୍ଥିତ ଫୁଟ୍‌ବଲ ଷ୍ଟାଡିୟମ୍‌ରେ ଶୁକ୍ରବାର ରାତିରେ ଟ୍ରଫିକୁ ପ୍ରଦର୍ଶିତ କରାଯାଇଥିଲା। ଇଭେଣ୍ଟ ପରେ ଏକ କାର୍‌ ଜରିଆରେ ଟ୍ରଫିକୁ ନିଆଯାଉଥିବା ବେଳେ ଦୁର୍ବତ୍ତମାନେ ଏହାକୁ ଚୋରି କରି ନେଇଥିଲେ।

୨୨ରୁ ମହିଳା ହକି ଜାତୀୟ କ୍ୟାମ୍ପ ଓଡ଼ିଶାର ୬ ଖେଳାଳି

ନୂଆଦିଲ୍ଲୀ,୨୧।୪(ପି.ଟି.)- ବେଙ୍ଗାଲୁରୁସ୍ଥିତ ଭାରତୀୟ କ୍ରୀଡ଼ା ପ୍ରାଧିକରଣ (ସାଇ)ଠାରେ ରବିବାରଠାରୁ ସିନିୟର ମହିଳା ଜାତୀୟ ପ୍ରଶିକ୍ଷଣ ଶିବିର ଆରମ୍ଭ ହେବାକୁ ଯାଉଛି। ଏଥିନେଇ ହକି ଇଣ୍ଡିଆ ପକ୍ଷରୁ ୬୧ ଜଣିଆ ଦଳ ଘୋଷଣା କରାଯାଇଛି। ଏଥିରେ ଓଡ଼ିଶାର ୬ ଜଣ ଖେଳାଳି ସ୍ଥାନ ପାଇଛନ୍ତି। ସେମାନେ ହେଲେ ଦୀପ ଗ୍ରେସ ଇକ୍କା, ସୁନିତା ଲାକ୍ରା, ରଶ୍ମିତା ମିଞ୍ଜ, ଲିଳିମା ମିଞ୍ଜ, ନମିତା ଟପ୍ପୋ, ମାରିଆନା କୁଜୁର।

ତେଲାଙ୍ଗାନା ସରକାରଙ୍କ ଘୋଷଣା ସରକାରୀ ଚାକରିରେ ଖେଳାଳିଙ୍କ ପାଇଁ ୨ ପ୍ରତିଶତ ସଂରକ୍ଷଣ

ତେଲାଙ୍ଗାନା ସରକାରଙ୍କ ଘୋଷଣା ସରକାରୀ ଚାକରିରେ ଖେଳାଳିଙ୍କ ପାଇଁ ୨ ପ୍ରତିଶତ ସଂରକ୍ଷଣ

ହାଇଦ୍ରାବାଦ,୨୧।୪(ପି.ଟି.)- ସରକାରୀ ଚାକିରିରେ ଖେଳାଳିଙ୍କ ପାଇଁ ୨ ପ୍ରତିଶତ ସଂରକ୍ଷଣ କରାଯିବା ନେଇ ତେଲାଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରସେଖର ରାଓ ଶନିବାର ଘୋଷଣା କରିଛନ୍ତି। ରାଜ୍ୟଗୋଷ୍ଠୀ କ୍ରୀଡ଼ାରେ ଅଂଶଗ୍ରହଣ କରିଥିବା ରାଜ୍ୟର ୧୮ ଜଣିଆ ଦଳ ସହ ଆଲୋଚନା ପରେ ମୁଖ୍ୟମନ୍ତ୍ରୀ ଏହି ଘୋଷଣା କରିଛନ୍ତି।

କାଉଣ୍ଟି କ୍ରିକେଟ୍‌ ଖେଳିବା ମୋତେ ସାହାଯ୍ୟ କରିବ-କୋହଲି

ନୂଆଦିଲ୍ଲୀ,୨୧।୪- କାଉଣ୍ଟି କ୍ରିକେଟ ଖେଳିବା ଦ୍ୱାରା ମୁଁ ଜଣେ ବ୍ୟାଟ୍ସମ୍ୟାନ ଭାବେ ଉନ୍ନତର ହେବି ବୋଲି ାରତୀୟ ଅଧିନାୟକ ବିରାଟ କୋହଲି କହିଛନ୍ତି। ଭାରତୀୟ ଦଳ ଇଂଲଣ୍ଡ ଗସ୍ତ କରିବା ପୂର୍ବରୁ ଭାରତୀୟ ଅଧିନାୟକ କୋହଲି ସେଠାରେ ପହଞ୍ଚତ୍ କାଉଣ୍ଟି କ୍ରିକେଟ୍‌ ଖେଳିବେ। ଏ ନେଇ ବିସିସିଆଇ ପକ୍ଷରୁ ତାଙ୍କୁ ଗତ ମାସରେ ଅନୁମତି ମିଳିଛି। କିନ୍ତୁ ଶରେ ଦଳ ପକ୍ଷରୁ ଏ ସମ୍ପର୍କରେ ସ୍ପଷ୍ଟ କରାଯାଇନାହିଁ।

ଦିବାରାତ୍ର ଟେଷ୍ଟ ଖେଳିବ ନାହିଁ ଭାରତ

ଦିବାରାତ୍ର ଟେଷ୍ଟ ଖେଳିବ ନାହିଁ ଭାରତ

ବମ୍ବେ,୨୧।୪- ଚଳିତ ବର୍ଷ ହେବାକୁ ଥିବା ଅଷ୍ଟ୍ରେଲିଆ ଗସ୍ତରେ ଭାରତୀୟ ଦଳ ଆଡିଲେଡ୍‌ଠାରେ ଦିବାରାତ୍ର ଟେଷ୍ଟ ଖେଳିବା ନାହିଁ ବୋଲି ଭାରତୀୟ କ୍ରିକେଟ୍‌ କଣ୍ଟ୍ରୋଲ ବୋର୍ଡ(ବିସିସିଆଇ) ସ୍ପଷ୍ଟ କରିଛି। ଏଥି ନେଇ କ୍ରିକେଟ ଅଷ୍ଟ୍ରେଲିଆ (ସିଏ) ଇଚ୍ଛା ପ୍ରକାଶ କରିଥିଲା। କିନ୍ତୁ ଏହି ଯୋଜନାରେ ବିସିସିଆଇ ଇଚ୍ଛୁକ ନୁହେଁ। କାରଣ ଏହି ଫର୍ମାଟର କୌଣସି ଭବିଷ୍ୟତ ନାହିଁ।

ପୁଣି ଦେଖିବାକୁ ମିଳିଲା ଧୋନୀଙ୍କ କ୍ରେଜ

ପୁଣି ଦେଖିବାକୁ ମିଳିଲା ଧୋନୀଙ୍କ କ୍ରେଜ

ପୁଣେ,୨୧।୪- ମ୍ୟାଚ୍‌ ବେଳେ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ କ୍ରେଜ ଦେଖିବାକୁ ମିଳିବା କିଛି ନୂଆ ଘଟଣା ନୁହେଁ। ସ୍ଥାନୀୟ ଏମ୍‌ସିଏ ଷ୍ଟାଡିୟମ୍‌ରେ ରାଜସ୍ଥାନ ରୟାଲ୍ସ ଓ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ମଧ୍ୟରେ ଶୁକ୍ରବାର ଖେଳାଯାଇଥିବା ମୁକାବିଲାରେ ସମାନ ଘଟଣା ଦେଖିବାକୁ ମିଳିଛି।

ଓ୍ବର୍ନଙ୍କ କ୍ଷମାପ୍ରାର୍ଥନା

ଓ୍ବର୍ନଙ୍କ କ୍ଷମାପ୍ରାର୍ଥନା

ପୁଣେ,୨୧।୪- ଚଳିତ ଆଇପିଏଲ୍‌ରେ ରାଜସ୍ଥାନ ରୟାଲ୍ସ ଦଳର କୋଚ୍‌ ଦାୟିତ୍ୱରେ ଥିବା ଶେନ ଓ୍ବର୍ନ ଦଳର ପ୍ରଶଂସକଙ୍କୁ କ୍ଷମାପ୍ରାର୍ଥନ କରିଛନ୍ତି। ସ୍ଥାନୀୟ ଏମ୍‌ସିଏ ଷ୍ଟାଡିୟମ୍‌ରେ ଶୁକ୍ରବାର ଖେଳାଯାଇଥିବା ମୁକାବିଲାରେ ଚେନ୍ନାଇ ସୁପର କିଙ୍ଗ୍ସ(ସିଏସ୍‌କେ) ୬୪ ରନ୍‌ରେ ରାଜସ୍ଥାନକୁ ପରାସ୍ତ କରିଛି। ଦଳର ଏଭଳି ଦୁର୍ବଳ ପ୍ରଦର୍ଶନ ଯୋଗୁ ଓ୍ବର୍ନ ଟୁଇଟର ଜରିଆରେ କ୍ଷମା ମାଗିଛନ୍ତି।

ଅର୍ଜୁନ ସମ୍ମାନ ପାଇଁ ସୁପାରିସ ତାଲିକାରେ ହରମିତ

ଅର୍ଜୁନ ସମ୍ମାନ ପାଇଁ ସୁପାରିସ ତାଲିକାରେ ହରମିତ

ନୂଆଦିଲ୍ଲୀ,୨୧।୪- ରାଜ୍ୟଗୋଷ୍ଠୀ କ୍ରୀଡ଼ାରେ ସର୍ବାଧିକ ୪ଟି ପଦକ ଜିତିଥିବା ମନିକା ବାତ୍ରାଙ୍କ ପରେ ଟେବୁଲ ଟେନିସ୍‌ ଫେଡେରେଶନ୍‌ ଅଫ୍‌ ଇଣ୍ଡିଆ (ଟିଟିଏଫ୍‌ଆଇ) ପକ୍ଷରୁ ହରମିତ ଦେଶାଇଙ୍କ ନାମକୁ ଅର୍ଜୁନ ସମ୍ମାନ ପାଇଁ ସୁପାରିସ କରାଯାଇଛି।

‘୨୦୧୯ ବିଶ୍ୱକପ୍‌ରେ ଭାରତ ଫେଭରାଇଟ୍‌’

‘୨୦୧୯ ବିଶ୍ୱକପ୍‌ରେ ଭାରତ ଫେଭରାଇଟ୍‌’

କଲିକତା,୨୧।୪- ଆଗାମୀ ବର୍ଷ ଇଂଲଣ୍ଡରେ ହେବାକୁ ଥିବା ଆଇସିସି ବିଶ୍ୱକପ୍‌ରେ ଭାରତ ଫେଭରାଇଟ୍‌। ଏଭଳି ମନ୍ତବ୍ୟ ଦେଇଛନ୍ତି ପୂର୍ବତନ ବିସ୍ଫୋରକ ଓପନିଂ ବ୍ୟାଟ୍ସମ୍ୟାନ ବିରେନ୍ଦ୍ର ସେହ୍ବାଗ।

ମଣ୍ଟେ କାର୍ଲୋ ମାଷ୍ଟର୍ସ: ସେମିରେ ଜାଭରେଭ

ମଣ୍ଟେ କାର୍ଲୋ ମାଷ୍ଟର୍ସ: ସେମିରେ ଜାଭରେଭ

ମଣ୍ଟେ କାର୍ଲୋ,୨୧।୪- ଟେନିସ୍‌ ଜଗତର ଉଦୀୟମାନ ଖେଳାଳି ଆଲେକଜାଣ୍ଡର ଜାଭରେଭ ଚଳିତ ମଣ୍ଟେ କାର୍ଲୋ ମାଷ୍ଟର୍ସ ଟୁର୍ନାମେଣ୍ଟର ସେମିଫାଇନାଲରେ ପ୍ରବେଶ କରିଛନ୍ତି। ସେ ଫ୍ରେଞ୍ଚ ଖେଳାଳି ରିଚାର୍ଡ ଗାସକ୍ୟୁଟଙ୍କୁ ପରାସ୍ତ କରି ନିଜ ୨୧ତମ ଜନ୍ମ ଦିବସ ପାଳନ କରିଛନ୍ତି।

ଅଲ୍‌ ଓଡ଼ିଶା ଓପନ୍‌ ହ୍ୟାଣ୍ଡିକ୍ୟାପ୍‌ ସ୍ନୁକର:ଆକାଶ, ଜିତେନ୍‌, ସୁବ୍ରତଙ୍କ ଦମ୍‌ଦାର ପ୍ରଦର୍ଶନ

ଅଲ୍‌ ଓଡ଼ିଶା ଓପନ୍‌ ହ୍ୟାଣ୍ଡିକ୍ୟାପ୍‌ ସ୍ନୁକର:ଆକାଶ, ଜିତେନ୍‌, ସୁବ୍ରତଙ୍କ ଦମ୍‌ଦାର ପ୍ରଦର୍ଶନ

ଭୁବନେଶ୍ୱର, ୨୧।୪(ସ୍ପୋଟର୍‌ସ ବ୍ୟୁରୋ)- ସ୍ଥାନୀୟ ଭିଣ୍ଟେଜ କ୍ଲବ ଆନୁକୂଲ୍ୟରେ ଗୁରୁବାରଠାରୁ ଆରମ୍ଭ ହୋଇଥିବା ଅଲ୍‌ ଓଡ଼ିଶା ଓପନ୍‌ ହ୍ୟାଣ୍ଡିକ୍ୟାପ୍‌ ସ୍ନୁକର ଚାମ୍ପିୟନଶିପ୍‌ ଦ୍ୱିତୀୟ ଦିବସରେ ପହଞ୍ଚିଛି। ଆକାଶ ମହାପାତ୍ର, ଜିତେନ୍‌ ଷଡଙ୍ଗୀ ଓ ସୁବ୍ରତ ଦାସ ଏକାଧିକ ମ୍ୟାଚରେ ବିଜୟୀ ହୋଇ ଦମ୍‌ଦାର ପ୍ରଦର୍ଶନ କରିଛନ୍ତି। ଆକାଶ ମହାପାତ୍ର ପ୍ଲେୟାର ଅଫ୍‌ ଦି ଡେ’ ବିବେଚିତ ହୋଇଛନ୍ତି। ଶୁକ୍ରବାର ଅନୁଷ୍ଠିତ ମ୍ୟାଚଗୁଡିକରେ ଚନ୍ଦ୍ର ମହାନ୍ତି ୨-୧ରେ ରୋହିତ ଶର୍ମାଙ୍କୁ ହରାଇଛନ୍ତି।

ରେଲଓ୍ବେ କର୍ମଚାରୀଙ୍କ ପାଇଁ ବିସିସିଆଇର ନୂଆ ନିୟମ

ରେଲଓ୍ବେ କର୍ମଚାରୀଙ୍କ ପାଇଁ ବିସିସିଆଇର ନୂଆ ନିୟମ

ନୂଆଦିଲ୍ଲୀ, ୨୧।୪ (ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଭାରତୀୟ ରେଲଓ୍ବେ କର୍ମଚାରୀଙ୍କ ପାଇଁ ନୂଆ ନିୟମ ଲାଗୁ କରିଛି। କେବଳ ସ୍ଥାୟୀ କର୍ମଚାରୀମାନେ ବୋର୍ଡର ୧୯ ବର୍ଷରୁ କମ୍‌ ଟୁର୍ନାମେଣ୍ଟ କୁଚ୍‌କ ବିହାର ଟ୍ରଫିରେ ଅଂଶଗ୍ରହଣ କରିବାକୁ ଅନୁମତି ପାଇବେ ବୋଲି ବିସିସିଆଇ ତରଫରୁ କୁହାଯାଇଛି। ବିସିସିଆଇ ଟେକ୍‌ନିକାଲ କମିଟିର ଏହି ନିୟମ ଲାଗୁ ହେଲେ ରେଲଓ୍ବେକୁ ନିଜ ୧୯ ବର୍ଷରୁ କମ୍‌ ଦଳକୁ ବାତିଲ କରିବାକୁ ପଡିବ। ନିକଟରେ କୋଲକାତାରେ ଅନୁଷ୍ଠିତ ଟେକନିକାଲ କମିଟି ବୈଠକରେ ଏ ସଂକ୍ରାନ୍ତରେ ଆଲୋଚନା ହୋଇଥିଲା। ରେଲଓ୍ବେ ବିସିସିଆଇର ଏକମାତ୍ର ୟୁନିଟ୍‌, ଯାହାର ୧୯ ବର୍ଷରୁ କମ୍‌ ଦଳ ଯେଉଁଥିରେ କର୍ମଚାରୀଙ୍କ ପିଲାମାନେ ଖେଳିବାର ସୁଯୋଗ ପାଇଥାନ୍ତି।

ଓ୍ବାଟସନଙ୍କ ଶତକରେ ଚେନ୍ନାଇ ବିଜୟୀ

ଓ୍ବାଟସନଙ୍କ ଶତକରେ ଚେନ୍ନାଇ ବିଜୟୀ

ପୁନେ, ୨୧।୪(ପି.ଟି.)- ଅଭିଜ୍ଞ ଓପନର ଶେନ ଓ୍ବାଟସନଙ୍କ ଧୂଆଁଧାର ଶତକ ଓ ପରେ ବୋଲରମାନଙ୍କ ଉଚ୍ଚକୋଟୀର ପ୍ରଦର୍ଶନ ସହାୟତାରେ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗ୍ସ ଚଳିତ ଇଣ୍ଡିଆନ୍‌ ପ୍ରିମିୟର ଲିଗ୍‌ (ଆଇପିଏଲ୍‌)ର ୧୭ତମ ମ୍ୟାଚରେ ୬୪ ରନରେ ରାଜସ୍ଥାନ ରୟାଲ୍ସକୁ ପରାସ୍ତ କରିଛି। ଏଥିସହ ଚେନ୍ନାଇ ଲିଗ୍‌ରେ ତା’ର ତୃତୀୟ ବିଜୟ ହାସଲ କରିଛି। ଟସ୍‌ ଜିତି ରାଜସ୍ଥାନ ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରି ଚେନ୍ନାଇ ନିର୍ଦ୍ଧାରିତ ୨୦ ଓଭରରେ ୫ ଉଇକେଟ ହରାଇ ୨୦୪ ରନ ସଂଗ୍ରହ କରିଥିଲା। ଜବାବରେ ରାଜସ୍ଥାନ ୧୮.୩ ଓଭରରେ ୧୪୦ ରନ କରି ଅଲଆଉଟ ହୋଇ ଏକ୍‌ପ୍ରକାର ଆତ୍ମସମର୍ପଣ କରିଥିଲା। ୫୭ ବଲରୁ ୯ ଚୌକା ଓ ୬ ଛକା ସହ ୧୦୬ରନର ଶତକୀୟ ପାଳି ଖେଳିଥିବା ଓ୍ବାଟସନ ମ୍ୟାନ ଅଫ୍‌ ଦି ମ୍ୟାଚ ବିବେଚତ କରାଯାଇଛି।

ଦର୍ଶକରେ ଭରିଲା ଷ୍ଟାଡିୟମ

ଦର୍ଶକରେ ଭରିଲା ଷ୍ଟାଡିୟମ

ଭୁବନେଶ୍ୱର, ୨୧।୪(କ୍ରୀଡ଼ା ପ୍ରତିନିଧି)-ସୁପର କପ୍‌ ଫୁଟବଲ ଟୁର୍ନାମେଣ୍ଟ ମାର୍ଚ୍ଚ ୩୧ ତାରିଖରେ ଆରମ୍ଭ ହୋଇଥିଲା। ଏପ୍ରିଲ ୨୦ ତାରିଖରେ ଫାଇନାଲ ମ୍ୟାଚ ଖେଳାଗଲା। ଇତିମଧ୍ୟରେ ୮ଟି ପ୍ରି-କ୍ବାର୍ଟର ଫାଇନାଲ, ୪ଟି କ୍ବାର୍ଟର ଫାଇନାଲ, ୨ ସେମିଫାଇନାଲ ଓ ଗୋଟିଏ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା। ପୂର୍ବ ୧୪ଟି ମ୍ୟାଚରେ ଷ୍ଟାଡିୟମ ଦର୍ଶକ ଗ୍ୟାଲେରିର ଅଧିକାଂଶ ଭାଗ ଫାଙ୍କା ରହିଥିବାବେଳେ ପ୍ରଥମଥର ପାଇଁ ଫାଇନାଲରେ ଷ୍ଟାଡିୟମ ଦର୍ଶକ ଭରା ରହିଥିଲା। ଇଷ୍ଟ ବେଙ୍ଗଲକୁ ସମର୍ଥନ ଜଣାଇବା ପାଇଁ କଲିକତାରୁ ମଧ୍ୟ ଅନେକ ଦର୍ଶକ ଆସିଥିଲେ। ପୂରା ମ୍ୟାଚରେ ବେଙ୍ଗଲି ଦର୍ଶକମାନେ ନିଜ ଦଳକୁ ଭରପୂର ସମର୍ଥନ ଜଣାଇଥିଲେ ମାତ୍ର ଓଡ଼ିଶା ଦର୍ଶକଙ୍କ ସମର୍ଥନ ପାଇଥିଲା ବେଙ୍ଗାଲୁରୁ ଏଫସି। ଦର୍ଶକଙ୍କ କୋଳାହଳରେ ଉତ୍ସାହିତ ହୋଇ ବେଙ୍ଗାଲୁରୁ ଚମତ୍କାର ଖେଳି ଚାମ୍ପିୟନ ମଧ୍ୟ ହୋଇଥିଲା।

ଓଡ଼ିଶା ମୋ ପାଇଁ ଲକି: ରୋକା

ଭୁବନେଶ୍ୱର, ୨୧।୪(କ୍ରୀଡ଼ା ପ୍ରତିନିଧି)-କଳିଙ୍ଗ ଷ୍ଟାଡିୟମରେ ଶୁକ୍ରବାର ଅନୁଷ୍ଠିତ ସୁପର କପ୍‌ ଫୁଟବଲ ଫାଇନାଲରେ ଇଷ୍ଟ ବେଙ୍ଗଲକୁ ୪-୧ ଗୋଲରେ ହରାଇ ଚାମ୍ପିୟନ ହୋଇଛି ବେଙ୍ଗାଲୁରୁ ଏଫସି। ଦଳର ବିଜୟରେ ସ୍ବତଃ ଖୁସି ହୋଇଛନ୍ତି ବେଙ୍ଗାଲୁରୁ ଏଫସି କୋଚ୍‌ ଆଲବର୍ଟ ରୋକା। ପୂରା ମ୍ୟାଚରେ ବେଙ୍ଗାଲୁରୁ ଦଳକୁ ସମର୍ଥନ ଜଣାଇଥିଲେ ଓଡ଼ିଶା ଦର୍ଶକ। ଏଥିପାଇଁ ମ୍ୟାଚ ପରେ ଆୟୋଜିତ ଖବରଦାତା ସମ୍ମିଳନୀରେ ଦର୍ଶକଙ୍କୁ ଧନବାଦ ଜଣାଇଛନ୍ତି ରୋକା। ଆମେ ଏହି ସଫଳତାକୁ ନେଇ ଆଗକୁ ବଢ଼ିବୁ ବୋଲି ସେ ପ୍ରକାଶ କରିଛନ୍ତି। ଓଡ଼ିଶା ମୋ ପାଇଁ ଲକି। ଆମେ ଏଠାରେ ୨ଟି ଫାଇନାଲ ଖେଳି ଟାଇଟଲ ଜିତିଛୁ।

‘ଭୁବନେଶ୍ୱରରେ ଏବେ ବିଶ୍ୱସ୍ତରୀୟ ଫୁଟବଲ ଭିତ୍ତିଭୂମି ଉପଲବ୍ଧ’

ଭୁବନେଶ୍ୱର, ୨୧।୪(କ୍ରୀଡ଼ା ପ୍ରତିନିଧି)-ସୁପର କପ୍‌ ଫୁଟବଲ ଟୁର୍ନାମେଣ୍ଟର ଫାଇନାଲରେ ମୁଖ୍ୟ ଅତିଥି ଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସମସ୍ତଙ୍କୁ ନମସ୍କାର ଜଣାଇ ନିଜ ସଂକ୍ଷିପ୍ତ ଅଭିଭାଷଣରେ ମୁଖ୍ୟମନ୍ତ୍ରୀ ଭୁବନେଶ୍ୱରରେ ଦିନକୁ ଦିନ ବିଶ୍ୱସ୍ତରୀୟ କ୍ରୀଡ଼ା ଭିତ୍ତିଭୂମି ବଢ଼ିବାରେ ଲାଗିଛି ବୋଲି କହିଥିଲେ। କଳିଙ୍ଗ ଷ୍ଟାଡିୟମରେ ଏବେ ବିଶ୍ୱସ୍ତରୀୟ ଫୁଟବଲ ଭିତ୍ତିଭୂମି ଉପଲବ୍ଧ ବୋଲି ସେ ପ୍ରକାଶ କରିଥିଲେ। ପୂର୍ବରୁ ଭୁବନେଶ୍ୱରରେ ଅନ୍ତର୍ଜାତୀୟ ହକି, ଏସିଆନ ଆଥଲେଟିକ୍ସ ଚାମ୍ପିୟନଶିପ୍‌ ପ୍ରଭୃତି ଆୟୋଜିତ ହୋଇସାରିଛି। ଏବେ ଆବଶ୍ୟକ ସ୍ଥଳେ ଏଠାରେ ଅନ୍ତର୍ଜାତୀୟ ଫୁଟବଲ ଟୁର୍ନାମେଣ୍ଟ ଆୟୋଜନ ପାଇଁ କଳିଙ୍ଗ ଷ୍ଟାଡିୟମ ପ୍ରସ୍ତୁତ ବୋଲି ମୁଖ୍ୟମନ୍ତ୍ରୀ ପରୋକ୍ଷରେ ସୂଚନା ଦେଇଥିଲେ। ଟୁର୍ନାମେଣ୍ଟ ସଫଳତାର ସହିତ ସମ୍ପନ୍ନ ହୋଇଥିବାରୁ ସେ ସମସ୍ତଙ୍କୁ ଧନ୍ୟବାଦ ଜଣାଇଥିଲେ।

ଗ୍ଲୋବାଲ ଫୁଟବଲ୍‌ ଫର ଫ୍ରେଣ୍ଡଶିପ୍‌:ଭାରତ ପାଇଁ ୨ ଶିଶୁ ପ୍ରତିନିଧିତ୍ୱ କରିବେ

ନୂଆଦିଲ୍ଲୀ, ୨୧।୪(ପି.ଟି.)- ରୁଷିଆରେ ଆରମ୍ଭ ହେବାକୁଥିବା ଗ୍ଲୋବାଲ ଫୁଟବଲ୍‌ ଫର ଫ୍ରେଣ୍ଡଶିପ୍‌ (ଏଫ୍‌୪ଏଫ୍‌) ସମାଜ ମଙ୍ଗଳ କାର୍ଯ୍ୟକ୍ରମରେ ଭାରତ ପାଇଁ ଦୁଇଜଣ ୧୨ ବର୍ଷୀୟ ଶିଶୁ ଅଂଶଗ୍ରହଣ କରିବେ। ବିଶ୍ୱବ୍ୟାପୀ ଛୋଟପିଲାଙ୍କ ମଧ୍ୟରେ ସହିଷ୍ଣୁତା, ପରସ୍ପରର ସଂସ୍କୃତିକୁ ସମ୍ମାନ ଦେବା, ଉଚ୍ଚ ଚିନ୍ତାଧାରା, ଯୁବ ଫୁଟବଲର ବିକାଶ, ଉନ୍ନତ ଜୀବନଶୈଳୀର ବିକାଶ ପାଇଁ ଏହି କାର୍ଯ୍ୟକ୍ରମ ଆୟୋଜନ ହେଉଛି। ବିଶ୍ୱ ଫୁଟବଲର ସର୍ବୋଚ୍ଚ ପ୍ରଶାସନିକ ସଂସ୍ଥା ଫିଫା ଏହାର ଆୟୋଜନ କରୁଛି। ଚଳିତ ବର୍ଷ ଏହି କାର୍ଯ୍ୟକ୍ରମକୁ ୨୧୧ଟି ଦେଶକୁ ସମ୍ପ୍ରସାରଣ କରାଯାଇଛି।

ଆଇପିଏଲ୍‌ ବେଟିଂ: ୬ ଗିରଫ

ଆଇପିଏଲ୍‌ ବେଟିଂ: ୬ ଗିରଫ

ରାଜମହେନ୍ଦ୍ରଭରମ୍‌, ୨୧।୪(ପି.ଟି.)- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ) ବେଟିଂ ର଼୍ୟାକେଟ୍‌ରେ ପୋଲିସ ଏଠାରେ ୬ଜଣ ବ୍ୟକ୍ତିଙ୍କୁ ଗିରଫ କରିଛି। ଏମାନଙ୍କଠାରୁ ୧ ଲକ୍ଷ ୩୦ ହଜାର ଟଙ୍କା, ଦୁଇଟି ସେଲ ଫୋନ୍‌, ଗୋଟିଏ ସେଟ ଟପ୍‌ ବକ୍ସ ଓ ଗୋଟିଏ ଟିଭି ସେଟ୍‌ ଜବତ କରାଯାଇଛି। ଗତ ରାତିରେ ଏକ ଭଡାଘର ଉପରେ ଚଢ଼ାଉ କରି ପୋଲିସ ଏହି ପଦକ୍ଷେପ ନେଇଛି। ତେବେ ଘଟଣାସ୍ଥଳରୁ ଆଉ ୮ଜଣ ଖସି ପଳାଇ ଯାଇଥିଲେ। ଖୁବ୍‌ଶୀଘ୍ର ସେମାନଙ୍କୁ ଗିରଫ କରାଯିବ ବୋଲି ପୋଲିସ କହିଛି।

ଏସ୍‌ସିବିକୁ ହରାଇ ସେମିରେ କିସ୍‌

କଟକ ଅଫିସ,୨୧।୪-ୟୁନିୟନ ସ୍ପୋର୍ଟିଂ ଆନୁକୂଲ୍ୟରେ ବୋଷ୍‌ ଗ୍ରାଉଣ୍ଡରେ ଚାଲିଥିବା ୧୩ ତମ ପି.ଭି.ଆର ମୂର୍ତ୍ତି ସ୍ମାରକୀ ଆନ୍ତଃ ବିଦ୍ୟାଳୟ କ୍ରିକେଟ ଟୁର୍ନାମେଣ୍ଟର ୩ୟ କ୍ବାର୍ଟରଫାଇନାଲ ମ୍ୟାଚ୍‌ ଶୁକ୍ରବାର ଖେଳାଯାଇଥିଲା। ଏଥିରେ କିସ୍‌ ୧୨୫ ରନ୍‌ରେ ଏସ୍‌ସିବି ମେଡିକାଲ ପବ୍ଲିକ ସ୍କୁଲକୁ ପରାସ୍ତ କରି ସେମିଫାଇନାଲରେ ପ୍ରବେଶ କରିଛି। ଏସ୍‌ସିବି ଟସ୍‌ ଜିତି ପ୍ରଥମେ ଫିଲ୍ଡିଂ କରିଥିଲା। କିସ୍‌ ବ୍ୟାଟିଂ କରିବାକୁ ଯାଇ ନିର୍ଦ୍ଧାରିତ ୨୫ ଓଭରରେ ୬ ଉଇକେଟ ହରାଇ ୧୬୦ରନ୍‌ କରିଥିଲା।

ରାଜ୍ୟ ପୋଲିସ ଭଲିବଲ ଚାମ୍ପିୟନଶିପ୍‌ ଉଦ୍‌ଘାଟିତ:ସମ୍ବଲପୁରକୁ ହରାଇଲା ଜଗତ୍‌ସିଂହପୁର

ରାଜ୍ୟ ପୋଲିସ ଭଲିବଲ ଚାମ୍ପିୟନଶିପ୍‌ ଉଦ୍‌ଘାଟିତ:ସମ୍ବଲପୁରକୁ ହରାଇଲା ଜଗତ୍‌ସିଂହପୁର

ସମ୍ବଲପୁର, ୨୧।୪ (ବ୍ୟୁରୋ)-୭୫ ତମ ରାଜ୍ୟ ପୋଲିସ ଭଲିବଲ ଚାମ୍ପିୟନଶିପ୍‌-୨୦୧୮ ଶୁକ୍ରବାର ସମ୍ବଲପୁର ରିଜର୍ଭ ପୋଲିସ ପଡିଆଠାରେ ଆରମ୍ଭ ହୋଇଛି। ଉଦ୍‌ଘାଟନୀ ମ୍ୟାଚ ସମ୍ବଲପୁର ଓ ଜଗତ୍‌ସିଂହପୁର ମଧ୍ୟରେ ହୋଇଥିଲା। ଏଥିରେ ଜଗତ୍‌ସିଂହପୁର ୨୫-୧୫ ଓ ୨୫-୨୧ ପଏଣ୍ଟରେ ବିଜୟୀ ହୋଇ ପରବର୍ତ୍ତୀ ପର୍ଯ୍ୟାୟକୁ ଉନ୍ନୀତ ହୋଇଛି। ଅନ୍ତର୍ଜାତୀୟ ରେଫରି ଅଭ୍ରାଂଶୁ ମହାନ୍ତି ଓ ସି.ସି. ଚାନ୍ଦ ମ୍ୟାଚ ପରିଚାଳନା କରିଥିଲେ। ଜେ.କେ. ରାଓ ମ୍ୟାଚ କମିଶନର ଦାୟିତ୍ୱ ତୁଲାଇଥିଲେ। ଉତ୍ତରାଞ୍ଚଳ ପୋଲିସ ଡିଆଇଜି ସତ୍ୟବ୍ରତ ଭୋଇ ମୁଖ୍ୟଅତିଥି ଭାବେ ଯୋଗଦେଇ ଚାମ୍ପିୟନଶିପ୍‌କୁ ଉଦ୍‌ଘାଟନ କରିଥିଲେ।

ଜଗତ୍‌ପୁର-ଏସିସି ଫାଇନାଲ

କଟକ ଅଫିସ,୨୧। ୪- ବୋଷ୍‌ ଗ୍ରାଉଣ୍ଡରେ ୪ର୍ଥ ପି.ଭି.ଆର୍‌ ମୂର୍ତ୍ତି ସ୍ମାରକୀ ଆନ୍ତଃ କ୍ଲବ କ୍ରିକେଟ ଟୁର୍ନାମେଣ୍ଟର ଦ୍ୱିତୀୟ ସେମିଫାଇନାଲ ମ୍ୟାଚ୍‌ ଶୁକ୍ରବାର ଖେଳାଯାଇଥିଲା। ଏଥିରେ ଏସିସି ୧୪୩ ରନ୍‌ରେ ଗୋଲ୍‌ଡେନ ଡ୍ରାଗନ କ୍ଲବକୁ ହରାଇ ଦ୍ୱିତୀୟ ଦଳ ଭାବେ ଫାଇନାଲରେ ସ୍ଥାନ ସୁରକ୍ଷିତ କରିଛି। ପ୍ରଥମ ସେମିଫାଇନାଲରେ ଜଗତ୍‌ପୁର ଆଥ୍‌ଲେଟିକ ଆସୋସିଏଶନ ୬୮ରନ୍‌ରେ ରୟାଲ କ୍ଲବକୁ ପରାସ୍ତ କରି ଫାଇନାଲରେ ପ୍ରବେଶ କରିଥିଲା। ଶନିବାର ଏସିସି ଓ ଜଗତ୍‌ପୁର ଆଥ୍‌ଲେଟିକ ମଧ୍ୟରେ ଫାଇନାଲ ମୁକାବିଲା ହେବ।ଏସିସି ଟସ୍‌ ଜିତି ପ୍ରଥମେ ବ୍ୟାଟିଂ କରିଥିଲା।

ଏଆଇଟିଏ- ଓଟିଏ ଟେନିସ୍‌:  ଅର୍ଜୁନ ଚାମ୍ପିୟନ, ଚିନ୍ମୟ ରନର୍ସଅପ୍‌

ଏଆଇଟିଏ- ଓଟିଏ ଟେନିସ୍‌: ଅର୍ଜୁନ ଚାମ୍ପିୟନ, ଚିନ୍ମୟ ରନର୍ସଅପ୍‌

ଭୁବନେଶ୍ୱର, ୨୦।୪ (ସ୍ପୋଟର୍‌ସ ବ୍ୟୁରୋ)- ଭୁବନେଶ୍ୱର ମେଣ୍ଢାଶାଳସ୍ଥିତ ଗୁରୁକୁଳ ରିସର୍ଟ ଟେନିସ୍‌ କମ୍ପ୍ଲେକ୍ସଠାରେ ଅନୁଷ୍ଠିତ ହୋଇଥିବା ଏଆଇଟିଏ ପୁରୁଷ ୫୦କେ ଟୁର୍ନାମେଣ୍ଟରେ ତାମିଲନାଡୁର ଅର୍ଜୁନ ମହାଦେବନ ସିଙ୍ଗଲ୍ସ ଟାଇଟଲ ହାସଲ କରିଛନ୍ତି। ଅପରପକ୍ଷରେ ପୁରୁଷ ଡବଲ୍ସ ଇଭେଣ୍ଟରେ କର୍ନାଟକର ନିକଶେପ୍‌ ବି. ରବିକୁମାର ଓ ଆସାମର ସେକ ମହମ୍ମଦ ଇଫତିଖାର ଟାଇଟଲ ଜିତିଛନ୍ତି।

ବେଙ୍ଗାଲୁରୁ ଜିତିଲା ସୁପର କପ୍‌

ବେଙ୍ଗାଲୁରୁ ଜିତିଲା ସୁପର କପ୍‌

ଭୁବନେଶ୍ୱର, ୨୦।୪(କ୍ରୀଡ଼ା ପ୍ରତିନିଧି)- ସର୍ବପ୍ରଥମ ସୁପର କପ୍‌ ଫୁଟବଲ ଟୁର୍ନାମେଣ୍ଟର ରୋମାଞ୍ଚକ ପରିସମାପ୍ତି ଘଟିଛି। ଶୁକ୍ରବାର ଅନୁଷ୍ଠିତ ଫାଇନାଲରେ ଅଧିନାୟକ ସୁନୀଲ ଛେତ୍ରୀଙ୍କ ଡବଲ ଗୋଲ ବଳରେ ବେଙ୍ଗାଲୁରୁ ଏଫ୍‌ସି ୪-୧ ଗୋଲରେ ଇଷ୍ଟ ବେଙ୍ଗଲକୁ ହରାଇ ପିନ୍ଧିଛି ବିଜୟ ମୁକୁଟ। ଇଣ୍ଡିଆନ ସୁପର ଲିଗ୍‌(ଆଇଏସ୍‌ଏଲ୍‌)ର ଫାଇନାଲରେ ଚେନ୍ନାଇନ୍‌ ଏଫସି ନିକଟରୁ ହାରି ରନର୍ସଅପ୍‌ରେ ସନ୍ତୁଷ୍ଟ ହୋଇଥିବା ବେଙ୍ଗାଲୁରୁ ଏଥର କିନ୍ତୁ ହୋଇଛି ନୂଆ ଚାମ୍ପିୟନ। ୨୧ ଦିନିଆ ଟୁର୍ନାମେଣ୍ଟରେ ପ୍ରଥମଥର ପାଇଁ ଖଚାଖଚ ଭରା ଷ୍ଟାଡିୟମ ଦର୍ଶକ ବେଙ୍ଗାଲୁରୁ ଖୁସିରେ ହୋଇଛନ୍ତି ଉତ୍‌୍‌ଫୁଲ୍ଲିତ। ଇଷ୍ଟ ବେଙ୍ଗଲ ପକ୍ଷରୁ ୨୮ତମ ମିନିଟରେ ଘାନେଫୋ ଅନ୍‌ସୁମାନା କ୍ରୋମାହ ପ୍ରଥମ ଗୋଲଟି ସ୍କୋର କରିଥିବାବେଳେ ବେଙ୍ଗାଲୁରୁ ପକ୍ଷରୁ ଅଧିନାୟକ ସୁନୀଲ ଛେତ୍ରୀ ୬୯ ଓ ୯୦ ମିନିଟରେ ୨ଟି ଏବଂ ୩୯ତମ ମିନିଟରେ ରାହୁଲ ଭିକେ ଏବଂ ୭୨ତମ ମିନିଟରେ ନିକୋଲାସ ଲାଡିସ୍ଲାଓ ଫେଡର(ମିକୁ) ଗୋଟିଏ ଲେଖାଏ ଗୋଲ ଦେଇଥିଲେ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ଅତିଥିଭାବେ ଯୋଗଦେଇଥିଲେ। କ୍ରୀଡ଼ାମନ୍ତ୍ରୀ ଚନ୍ଦ୍ରସାରଥି ବେହେରା, ସର୍ବଭାରତୀୟ ଫୁଟବଲ ଫେଡେରେଶନ(ଏଆଇଏଫଏଫ) ଉପସଭାପତି ସୁବ୍ରତ ଦତ୍ତ, ଫୁଟବଲ ଆସୋସିଏଶନ ସଭାପତି ତଥା ବିଧାୟକ ଦେବାଶିଷ ସାମନ୍ତରାୟ, କ୍ରୀଡ଼ା ସଚିବ ବିଶାଲ ଦେବ, ନିର୍ଦ୍ଦେଶକ ଭିନିଲ କ୍ରିଷ୍ଣା ପ୍ରମୁଖ ଉପସ୍ଥିତ ରହି ପୁରସ୍କାର ପ୍ରଦାନ କରିଥିଲେ। ସୁନୀଲ ଛେତ୍ରୀ ହିରୋ ଅଫ୍‌ ଦି ମ୍ୟାଚ ଓ ମିକୁ ହିରୋ ଅଫ ଦି ଟୁର୍ନାମେଣ୍ଟ ପୁରସ୍କାର ପାଇଥିଲେ। ଚାମ୍ପିୟନ ବେଙ୍ଗାଲୁରୁ ଏଫସିକୁ ଟ୍ରଫି ସହ ୨୫ ଲକ୍ଷ ଓ ରନର୍ସଅପ୍‌ ଇଷ୍ଟ ବେଙ୍ଗଲକୁ ୧୫ ଲକ୍ଷ ଟଙ୍କା ପ୍ରଦାନ କରାଯାଇଥିଲା।

ସେମିରେ ଦିମିତ୍ରୋଭ-ନାଡାଲ

ସେମିରେ ଦିମିତ୍ରୋଭ-ନାଡାଲ

ମଣ୍ଟେ କାର୍ଲୋ(ମୋନାକୋ), ୨୦।୪ (ଏଏଫ୍‌ପି)- ବୁଲଗେରିଆନ ଟେନିସ୍‌ ଖେଳାଳି ଗ୍ରିଗୋର ଦିମିତ୍ରୋଭ ଚଳିତ ମେଣ୍ଟ କାର୍ଲୋ ମାଷ୍ଟର୍ସ ଟୁର୍ନାମେଣ୍ଟର ସେମିଫାଇନାଲରେ ପ୍ରବେଶ କରିଛନ୍ତି। ସେ କ୍ୱାର୍ଟର ଫାଇନାଲରେ ୬ଷ୍ଠ ସିଡ୍‌ ଡେଭିଡ୍‌ ଗଫିନଙ୍କୁ ୬-୪, ୭-୬ ସେଟ୍‌ରେ ହରାଇଛନ୍ତି।