ଅନ୍ତର୍ଜାତୀୟ

ଜୁଲାଇ ୩୧ରେ ନାସାର ସୌର ମିଶନ

ଜୁଲାଇ ୩୧ରେ ନାସାର ସୌର ମିଶନ

ଓ୍ବାଶିଂଟନ, ୯।୪: ଚଳିତ ବର୍ଷ ଜୁଲାଇ ୩୧ ତାରିଖରେ ନାସା ଏହାର ସୌର ମିଶନ ଆରମ୍ଭ କରିବ। ସୂର୍ଯ୍ୟ ସମ୍ପର୍କରେ ତଥ୍ୟ ହାସଲ ପାଇଁ ନାସା ପକ୍ଷରୁ ମହାକାଶ ଯାନ ପ୍ରେରଣ କରାଯିବ। ଏହା ନାସାର ଫ୍ଲୋରିଡାସ୍ଥିତ କେନେଡି ସ୍ପେସ୍‌ ମହାକାଶ ଗବେଷଣା କେନ୍ଦ୍ରରୁ ଉତ୍‌କ୍ଷେପଣ କରାଯିବ।

ପରମାଣୁ ନିରସ୍ତ୍ରୀକରଣ: ଆମେରିକା ସହ ଆଲୋଚନା ପାଇଁ ଉତ୍ତରକୋରିଆ ରାଜି

ପରମାଣୁ ନିରସ୍ତ୍ରୀକରଣ: ଆମେରିକା ସହ ଆଲୋଚନା ପାଇଁ ଉତ୍ତରକୋରିଆ ରାଜି

ଓ୍ବାଶିଂଟନ, ୯।୪: ପରମାଣୁ ନିରସ୍ତ୍ରୀକରଣ କ୍ଷେତ୍ରରେ ଆମେରିକା ସହିତ ଆଲୋଚନା ପାଇଁ ଉତ୍ତରକୋରିଆ ରାଜି ଅଛି। ଏନେଇ ଉତ୍ତରକୋରିଆ ଉଚ୍ଚ ଅଧିକାରୀ ଆମେରିକା ଅଧିକାରୀଙ୍କୁ ସୂଚିତ କରିଛନ୍ତି। ଏହା ଦ୍ୱାରା କିମ୍‌ ଜୋଙ୍ଗ-ଉନ୍‌ ଏବଂ ଡୋନାଲ୍ଟ ଟ୍ରମ୍ପ୍‌ଙ୍କ ମଧ୍ୟରେ ପାରସ୍ପରିକ ଆଲୋଚନା ପ୍ରକ୍ରିୟା ପ୍ରଶସ୍ତ ହୋଇପାରିବ।

ଅପରାଧୀ ତାଲିକାରେ ପାକ୍‌ କୂଟନୀତିଜ୍ଞ

ଅପରାଧୀ ତାଲିକାରେ ପାକ୍‌ କୂଟନୀତିଜ୍ଞ

ନୂଆଦିଲ୍ଲୀ/ଇସଲାମାବାଦ,୯।୪: ନ୍ୟାଶନାଲ ଇନ୍‌ଭେଷ୍ଟିଗେଶନ୍‌ ଏଜେନ୍ସି(ଏନ୍‌ଆଇଏ) ସୋମବାର ତା’ର ଅପରାଧୀ ତାଲିକାରେ ଜଣେ ପାକିସ୍ତାନ କୂଟନୀତିଜ୍ଞଙ୍କୁ ସାମିଲ କରିବା ସହ ତାଙ୍କର ଫଟୋ ଜାରି କରଛି ଓ ତାଙ୍କ ସମ୍ପର୍କିତ ତଥ୍ୟ ମାଗିଛି।

୬ କିଲୋମିଟର ଭିତରକୁ ପ୍ରବେଶ କଲେ ଚାଇନା ସେନା

୬ କିଲୋମିଟର ଭିତରକୁ ପ୍ରବେଶ କଲେ ଚାଇନା ସେନା

ନୂଆଦିଲ୍ଲୀ/ବେଜିଂ,୯।୪: ଅରୁଣାଚଳ ପ୍ରଦେଶର ଆସଫିଲା ଅଞ୍ଚଳରେ ଚାଇନାର ଅନୁପ୍ରବେଶକୁ ନେଇ କିଛି ତଥ୍ୟ ସାମ୍ନାକୁ ଆସିଛି। ବିଶେଷ ସୂତ୍ରରୁ ମିଳିଥିବା ଏକ ସୂଚନା ଅନୁଯାୟୀ, ଚାଇନା ସେନା ଲଦାଖର ପାଙ୍ଗଓଙ୍ଗ ହ୍ରଦ ନିକଟରେ ଭାରତ ସୀମାର ୬ କିଲୋମିଟର ଭିତରକୁ ପଶିଆସିଛନ୍ତି।

 ଚାଇନାରେ ‘ହିନ୍ଦୀ ମିଡିୟମ୍‌’

ଚାଇନାରେ ‘ହିନ୍ଦୀ ମିଡିୟମ୍‌’

ବେଜିଂ:ଚାଇନାରେ କମାଲ ଦେଖାଇବାରେ ଲାଗିଛି ଇର୍‌ଫାନ ଖାନ୍‌ ଅଭିନୀତ ହିନ୍ଦୀ ଫିଲ୍ମ ‘ହିନ୍ଦୀ ମିଡିୟମ୍‌’। ଆମିର ଖାନ୍‌ଙ୍କ ‘ଦଙ୍ଗଲ’ ଏବଂ ସଲ୍‌ମାନ ଖାନ୍‌ଙ୍କ ‘ବଜରଙ୍ଗୀ ଭାଇଜାନ୍‌’ ଭଳି ଫିଲ୍ମକୁ ମଧ୍ୟ ପଛରେ ପକାଇ ଚାଇନା ବକ୍ସ ଅଫିସ୍‌ରେ ଭଲ ବ୍ୟବସାୟ କରିଚାଲିଛି ‘ହିନ୍ଦୀ ମିଡିୟମ୍‌’।

ପୂର୍ବତନ ବ୍ରାଜିଲ ରାଷ୍ଟ୍ରପତିଙ୍କ ଆତ୍ମସମର୍ପଣ

ପୂର୍ବତନ ବ୍ରାଜିଲ ରାଷ୍ଟ୍ରପତିଙ୍କ ଆତ୍ମସମର୍ପଣ

ବ୍ରାସିଲିଆ,୮।୪: ଭ୍ରଷ୍ଟାଚାର ମାମଲାରେ ଦୋଷୀ ସାବ୍ୟସ୍ତ ହୋଇଥିବା ବ୍ରାଜିଲର ପୂର୍ବତନ ରାଷ୍ଟ୍ରପତି ଲୁଇଜ୍‌ ଇନାସିଓ ଲୁଲା ଦା ସିଲଭା ରବିବାର ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। ସୂଚନାଯୋଗ୍ୟ, ସାଓ ପାଓଲୋରେ ଥିବା ମେଟାଲ ଓ୍ବାର୍କର୍ସ ମୁଖ୍ୟକାର୍ଯ୍ୟାଳୟରେ ୨ରାତି ଲୁଚି ରହିବା ପରେ ଗିରଫଦାରି ଓ୍ବାରେଣ୍ଟ ଭୟରେ ସେ ଆତ୍ମ ସମର୍ପଣ କରିଥିବା ଜଣାପଡିଛି।

ଆମେରିକା ବିମାନ ଆକ୍ରମଣ: ୪ ଆଇଏସ୍‌ ଆତଙ୍କବାଦୀ ମୃତ

ଆମେରିକା ବିମାନ ଆକ୍ରମଣ: ୪ ଆଇଏସ୍‌ ଆତଙ୍କବାଦୀ ମୃତ

କାବୁଲ,୮।୪: ଆଫଗାନିସ୍ତାନର ପୂର୍ବ ନଙ୍ଗାହାରରେ ଆମେରିକା ସେନାଙ୍କ ଦ୍ୱାରା କରାଯାଇଥିବା ବିମାନ ଆକ୍ରମଣରେ ଅତିକମରେ ୪ ଆଇଏସ୍‌ ଆତଙ୍କବାଦୀଙ୍କ ମୃତ୍ୟୁ ଘଟିଥିବା ସୂଚନା ମିଳିଛି।

ଉତ୍ତରାଖଣ୍ଡରେ ନେପାଳ ପ୍ରଧାନମନ୍ତ୍ରୀ

ଉତ୍ତରାଖଣ୍ଡରେ ନେପାଳ ପ୍ରଧାନମନ୍ତ୍ରୀ

ପନ୍ତନଗର,୮।୪: ନେପାଳ ପ୍ରଧାନମନ୍ତ୍ରୀ କେ ପି ଶର୍ମା ଓଲି ରବିବାର ଉତ୍ତରାଖଣ୍ଡର ପନ୍ତନଗରରେ ପହଞ୍ଚିଛନ୍ତି। ସେଠାରୁ ସେ ଜିବି ପନ୍ତ କୃଷି ବୈଷୟିକ ବିଶ୍ୱବିଦ୍ୟାଳୟ ଯାଇଛନ୍ତି।

ହେଲିକପ୍ଟର ଦୁର୍ଘଟଣା: ୨ ଆମେରିକୀୟ ସେନା ମୃତ

ହେଲିକପ୍ଟର ଦୁର୍ଘଟଣା: ୨ ଆମେରିକୀୟ ସେନା ମୃତ

ଓ୍ବାଶିଂଟନ ଡିସି,୮।୪: ଆମେରିକାର ଫୋର୍ଟ କ୍ୟାମ୍ପବେଲରେ ଚାଲିଥିବା ସେନାର ଅଭ୍ୟାସ ସମୟରେ ଏକ ହେଲିକପ୍ଟର ଦୁର୍ଘଟଣା ଗ୍ରସ୍ତ ହେବା ଫଳରେ ୨ ଆମେରିକୀୟ ସେନାଙ୍କ ମୃତ୍ୟୁ ଘଟିଥିବା କୁହାଯାଉଛି।

ପୂର୍ବତନ ବ୍ରାଜିଲ ରାଷ୍ଟ୍ରପତିଙ୍କ ଆତ୍ମ ସମର୍ପଣ

ପୂର୍ବତନ ବ୍ରାଜିଲ ରାଷ୍ଟ୍ରପତିଙ୍କ ଆତ୍ମ ସମର୍ପଣ

ବ୍ରାସିଲିଆ,୮।୪: ଭ୍ରଷ୍ଟାଚାର ମାମଲାରେ ଦୋଷୀ ସାବ୍ୟସ୍ତ ହୋଇଥିବା ବ୍ରାଜିଲର ପୂର୍ବତନ ରାଷ୍ଟ୍ରପତି ଲୁଇଜ୍‌ ଇନାସିଓ ଲୁଲା ଦା ସିଲଭା ରବିବାର ପୋଲିସ ନିକଟରେ ଆତ୍ମସମର୍ପଣ କରିଛନ୍ତି।

ଟ୍ରମ୍ପ ଟାଓ୍ବାରରେ ଅଗ୍ନିକାଣ୍ଡ: ୧ ମୃତ ୪ ଆହତ

ଟ୍ରମ୍ପ ଟାଓ୍ବାରରେ ଅଗ୍ନିକାଣ୍ଡ: ୧ ମୃତ ୪ ଆହତ

ନ୍ୟୁୟର୍କ,୮।୪: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କର ମାନହାଟାନରେ ଥିବା ଏକ ବିରାଟକାୟ ଅଟ୍ଟାଳିକାରେ ନିଆଁ ଲାଗିଛି। ଅଟ୍ଟାଳିକାର ୫୦ ମହଲାରେ ଲାଗିଥିବା ଏହି ନିଆଁରେ ଜଣଙ୍କର ମୃତ୍ୟୁ ଘଟିଥିବା ବେଳେ ନିଆଁ ଲିଭାଳି ଦଳଙ୍କ ମଧ୍ୟରୁ ୪ ଜଣ ଆହତ ହୋଇଥିବା ଜଣା ପଡିଛି।

ମାଳଦ୍ୱୀପରେ ଭୂଖଣ୍ଡ ହଡ଼ପ କରୁଛି ଚାଇନା

ମାଳଦ୍ୱୀପରେ ଭୂଖଣ୍ଡ ହଡ଼ପ କରୁଛି ଚାଇନା

ଓ୍ବାଶିଂଟନ୍‌, ୭।୪(ପି.ଟି.): କେବଳ ଡୋକ୍‌ଲାମ୍‌ ନୁହେଁ, ବିଶ୍ୱର ଅନେକ ଭୂଖଣ୍ଡ ଉପରେ ଏବେ ଡ୍ରାଗନ୍‌ର ନଜର। ଚାରିଆଡ଼େ ପତିଆରା ବିସ୍ତାର କରିବାରେ ଲାଗିପଡ଼ିଛି ଭାରତର ପଡ଼ୋଶୀ ରାଷ୍ଟ୍ର ଚାଇନା। ମାଳଦ୍ୱୀପର ଅନେକ ଭୂଖଣ୍ଡକୁ କବ୍‌ଜା କରିବାରେ ଲାଗିଛି ଚାଇନା। ସେଠାରେ ସାମରିକ ଘାଟି ନିର୍ମାଣ କରିବାକୁ ଏହା ଯୋଜନା ପ୍ରସ୍ତୁତ କରିଛି। ବେଜିଂର ଏହି ଜମି ହଡ଼ପ ସମ୍ପର୍କରେ ଅଭିଯୋଗ ଆସିବା ପରେ ଆମେରିକାର ଚିନ୍ତା ବଢ଼ିଯାଇଛି ବୋଲି ଶନିବାର ପେଣ୍ଟାଗନ୍‌ କହିଛି। ବାସ୍ତବରେ ମାଳଦ୍ୱୀପରେ ଚାଇନାର ଏହି ଭୂଖଣ୍ଡ ହଡ଼ପ ଅଭିଯାନ ଭାରତ ପାଇଁ ଚିନ୍ତାର ବିଷୟ। ତେବେ ଭାରତ-ପ୍ରଶାନ୍ତମହାସାଗରୀୟ ନିୟମ ଆଧାରିତ ନିର୍ଦ୍ଦେଶ ପାଳନ ପାଇଁ ଓ୍ବାଶିଂଟନ୍‌ ପ୍ରତିଶ୍ରୁତିବଦ୍ଧ।

ଏପ୍ରିଲ ୧୫ରେ ଖୋଲିବ ପାକିସ୍ତାନର ପ୍ରଥମ ଟ୍ରାନ୍ସଜେଣ୍ଡର ସ୍କୁଲ

ଏପ୍ରିଲ ୧୫ରେ ଖୋଲିବ ପାକିସ୍ତାନର ପ୍ରଥମ ଟ୍ରାନ୍ସଜେଣ୍ଡର ସ୍କୁଲ

ଇସ୍‌ଲାମାବାଦ,୭।୪: ସାମାଜିକ ବ୍ୟବସ୍ଥାରେ ସୁଧାର ଆଣିବା କ୍ଷେତ୍ରରେ ପାକିସ୍ତାନ ନୂଆ ଉଦାହରଣମାନ ସୃଷ୍ଟି କରୁଥିବା ଦେଖିବାକୁ ମିଳୁଛି। ଟ୍ରାନ୍ସଜେଣ୍ଡରଙ୍କ ଶିକ୍ଷା ପାଇଁ ଲାହୋରଠାରେ ଦେଶର ପ୍ରଥମ ସ୍କୁଲ ‘ଜେଣ୍ଡର ଗାଡିଆନ୍‌’ ଖୋଲିବାକୁ ଯାଉଛି। ଏହା ଏପ୍ରିଲ ୧୫ରେ ଉଦ୍‌ଘାଟିତ ହେବ। ଏଥିପାଇଁ ଲାହୋରର ଗଦ୍ଦାଫି ଷ୍ଟାଡିୟମର ଅଲ୍‌ହାମ୍ରା ହଲ୍‌ରେ ଏକ ଉତ୍ସବର ଆୟୋଜନ କରାଯାଇଛି।

ତ୍ରି-ଆଫ୍ରିକୀୟ ଦେଶ ଗସ୍ତରେ ରାଷ୍ଟ୍ରପତି

ତ୍ରି-ଆଫ୍ରିକୀୟ ଦେଶ ଗସ୍ତରେ ରାଷ୍ଟ୍ରପତି

ନୂଆଦିଲ୍ଲୀ, ୭।୪: ରାଷ୍ଟ୍ରପତି ରାମନାଥ କୋବିନ୍ଦ ସ୍ତ୍ରୀ ସବିତା କୋବିନ୍ଦଙ୍କ ସହ ଶନିବାର ତିନି ଆଫ୍ରିକୀୟ ଦେଶ ଗସ୍ତରେ ବାହାରିଛନ୍ତି। ଏପ୍ରିଲ ୭ ରୁ ୧୨ ପର୍ଯ୍ୟନ୍ତ ତାଙ୍କର ଗସ୍ତ କାଳରେ ସେ ଇକ୍ୱାଟୋରିଆଲ ଗ୍ୟୁନିଆ, ସ୍ବାଜିଲାଣ୍ଡ ଏବଂ ଜାମ୍ବିଆ ଗସ୍ତ କରିବେ।

୪ ତାଲିବାନ ଆତଙ୍କବାଦୀ ନିହତ

୪ ତାଲିବାନ ଆତଙ୍କବାଦୀ ନିହତ

କାବୁଲ, ୬।୪: ଆଫଗାନୀସ୍ତାନରେ ମିଳିତ ସୁରକ୍ଷାବଳଙ୍କ ଏନ୍‌କାଉଣ୍ଟରରେ ୪ ତାଲିବାନ୍‌ ଆତଙ୍କବାଦୀ ନିହତ ହୋଇଛନ୍ତି। ନାନ୍‌ଗରହାର ପ୍ରଦେଶରେ ସର୍ଚ୍ଚ ଅପରେଶନ ସମୟରେ ଏହା ଘଟିଥିବା ସରକାରୀ ଭାବେ କୁହାଯାଇଛି। ଏହି ଅଞ୍ଚଳରେ ତାଲିବାନ ଆତଙ୍କବାଦୀ ସଂଗଠନ ସଦସ୍ୟ ସକ୍ରିୟ ରହିଥିବାରୁ ଏଠାରେ ମିଳିତ ସୁରକ୍ଷାବଳଙ୍କ ପକ୍ଷରୁ ଅପରେଶନ ଜାରି ରହିଛି।

୨ ବର୍ଷରେ ଆତଙ୍କବାଦୀ ତଥ୍ୟ ଥିବା ୧.୨ ନିୟୁତ ଆକାଉଣ୍ଟ୍‌ ଅଚଳ କରିଛି ଟୁଇଟର୍‌

୨ ବର୍ଷରେ ଆତଙ୍କବାଦୀ ତଥ୍ୟ ଥିବା ୧.୨ ନିୟୁତ ଆକାଉଣ୍ଟ୍‌ ଅଚଳ କରିଛି ଟୁଇଟର୍‌

ସାନ୍‌ ଫ୍ରାନ୍ସିକୋ, ୬।୪: ଗତ ଦୁଇ ବର୍ଷ ମଧ୍ୟରେ ଆତଙ୍କବାଦୀ ତଥ୍ୟ ରହିଥିବା ୧,୨୧୦,୩୫୭ ଆକାଉଣ୍ଟକୁ ଟୁଇଟର ଅଚଳ କରିଛି। ୨୦୧୫ ଅଗଷ୍ଟଠାରୁ ୨୦୧୭ ଡିସେମ୍ବର ମଧ୍ୟରେ ଏହା କରାଯାଇଥିବା ଟୁଇଟର ପକ୍ଷରୁ ସୂଚିତ କରାଯାଇଛି।

ବିଶ୍ୱ ସ୍ବାସ୍ଥ୍ୟ ସଂଗଠନକୁ ପୂରିବ ୭୦ ବର୍ଷ

ବିଶ୍ୱ ସ୍ବାସ୍ଥ୍ୟ ସଂଗଠନକୁ ପୂରିବ ୭୦ ବର୍ଷ

ଜେନେଭା, ୬।୪: ବିଶ୍ୱ ସ୍ବାସ୍ଥ୍ୟ ସଂଗଠନକୁ ଶନିବାର ୭୦ ବର୍ଷ ପୂରିବ। ସମ୍ପ୍ରତି ଏହାର ସଦସ୍ୟ ସଂଖ୍ୟା ୧୯୪ ରହିଥିବାବେଳେ ଏହାର କାର୍ଯ୍ୟାଳୟ ସଂଖ୍ୟା ୧୫୦ ରହିଛି। ଏହି ସଂଗଠନ ବିଶ୍ୱସ୍ତରରେ ବିଭିନ୍ନ ସ୍ବାସ୍ଥ୍ୟ ସମ୍ପର୍କିତ କାର୍ଯ୍ୟକ୍ରମ ପ୍ରଣୟନ କରିଥାଏ। ୧୯୪୮ ମସିହା ଏପ୍ରିଲ୍‌ ୭ ତାରିଖରେ ଏହା ଗଠନ ହୋଇଥିଲା।

ରୁଷିଆରୁ ୩୦ହଜାର କୋଟି ଟଙ୍କାର ଏସ୍‌-୪୦୦ ଏୟାର ଡିଫେନ୍ସ୍‌ ମିସାଇଲ୍‌ ସିଷ୍ଟମ୍‌ କିଣିବ ଭାରତ

ରୁଷିଆରୁ ୩୦ହଜାର କୋଟି ଟଙ୍କାର ଏସ୍‌-୪୦୦ ଏୟାର ଡିଫେନ୍ସ୍‌ ମିସାଇଲ୍‌ ସିଷ୍ଟମ୍‌ କିଣିବ ଭାରତ

ନୂଆଦିଲ୍ଲୀ/ମସ୍କୋ, ୬।୪: ଭାରତ ରୁଷିଆଠାରୁ ୩୦ ହଜାର କୋଟି ଟଙ୍କାର ପ୍ରତିରକ୍ଷା ସାମଗ୍ରୀ କିଣିବ। ଆମେରିକା ରୁଷିଆ ଉପରେ ବିଭିନ୍ନ କଟକଣା ଲଗାଇଛି। ଏହା ସତ୍ତ୍ୱେ ଭାରତ ରୁଷିଆଠାରୁ ଏସ୍‌-୪୦୦ ଏୟାର ଡିଫେନ୍ସ୍‌ ମିସାଇଲ୍‌ ସିଷ୍ଟମ୍‌ କିଣିବାକୁ ଯୋଜନା କରିଛି। ଏନେଇ କଥାବାର୍ତ୍ତା ମଧ୍ୟ ଆରମ୍ଭ ହୋଇସାରିଛି।

ନିଜ ଆଇଇଡି ବିସ୍ଫୋରଣରେ ତାଲିବାନ ଆତଙ୍କବାଦୀ ମୃତ

ନିଜ ଆଇଇଡି ବିସ୍ଫୋରଣରେ ତାଲିବାନ ଆତଙ୍କବାଦୀ ମୃତ

କାବୁଲ,୫।୪: ଆଫଗାନିସ୍ତାନର ପୂର୍ବ ଲଗମାନ୍‌ ଅଞ୍ଚଳରେ ଇମ୍ପ୍ରୋଭାଇଜ୍ଡ ଏକ୍ସୋପ୍ଲୋସିଭ୍‌ ଡିଭାଇସ୍‌(ଆଇଇଡି) ବିସ୍ଫୋରଣରେ ଜଣେ ସ୍ଥାନୀୟ ତାଲିବାନ ଆତଙ୍କବାଦୀ ମୁଖ୍ୟଙ୍କ ସମେତ ଅନ୍ୟ ଜଣେ ଆତଙ୍କବାଦୀ ନିହତ ହୋଇଛନ୍ତି।

ଏପ୍ରିଲ୍‌ ୧୮ରେ ସୌଦିରେ ଖୋଲିବ ସିନେମା ଥିଏଟର

ଏପ୍ରିଲ୍‌ ୧୮ରେ ସୌଦିରେ ଖୋଲିବ ସିନେମା ଥିଏଟର

ରିଆଦ୍‌, ୫।୪: ସୌଦିରେ ଏପ୍ରିଲ୍‌ ୧୮ରେ ସିନେମା ଥିଏଟର ଖୋଲିବ। ଏଠାରେ ସିନେମା ଥିଏଟର ଉପରେ ପ୍ରାୟ ୩ଦଶକ ତଳେ ପ୍ରତିବନ୍ଧକ ଲଗାଯାଇଥିଲା। ସମ୍ପ୍ରତି ଜଗତୀକରଣ କାରବାରକୁ ଦୃଷ୍ଟିରେ ରଖି ସୌଦି ପାରମ୍ପରିକ ସାମାଜିକ ବ୍ୟବସ୍ଥାରେ ଅନେକ ପରିବର୍ତ୍ତନ କରିଛି।

ମଙ୍ଗଳରେ ଜୀବ ସତ୍ତାର ସନ୍ଧାନ କରିବ ମାଛି

ମଙ୍ଗଳରେ ଜୀବ ସତ୍ତାର ସନ୍ଧାନ କରିବ ମାଛି

ଓ୍ବାଶିଂଟନ,୫।୪: ଖୁବ୍‌ଶୀଘ୍ର ମଙ୍ଗଳ ଗ୍ରହରେ ପୃଥିବୀ ପରି ମାଛି ଗୁଣୁଗୁଣାଇବାର ଶବ୍ଦ ଶୁଭିବ। ଆମେରିକାର ଅନ୍ତରୀକ୍ଷ ଏଜେନ୍‌ସି ନାସା ଏହି ବିରଳ ପ୍ରୋଜେକ୍ଟର ଶୁଭାରମ୍ଭ କରିବାକୁ ଯାଉଛି।

ପାକିସ୍ତାନ ନାଗରିକ ଗଲ୍ଫ ଦେଶ ପାଇଁ ଶତ୍ରୁ: ଦୁବାଇ ସୁରକ୍ଷା ଅଧିକାରୀ

ପାକିସ୍ତାନ ନାଗରିକ ଗଲ୍ଫ ଦେଶ ପାଇଁ ଶତ୍ରୁ: ଦୁବାଇ ସୁରକ୍ଷା ଅଧିକାରୀ

ଦୁବାଇ,୫।୪: ପାକିସ୍ତାନ ନାଗରିକଙ୍କୁ ନେଇ ଦୁବାଇ ଉଚ୍ଚ ସୁରକ୍ଷା ଅଧିକାରୀ ଟିପ୍ପଣୀ ଦେଇଛନ୍ତି। ଗଲ୍ଫ ଦେଶ ପାଇଁ ପାକିସ୍ତାନ ନାଗରିକ ଭୟଙ୍କର ବୋଲି ସେ କହିଛନ୍ତି।

ଆମେରିକା ଏଫ୍‌-୧୬ ଜେଟ୍‌ ବିମାନ ଦୁର୍ଘଟଣାଗ୍ରସ୍ତ: ପାଇଲଟ ମୃତ

ଆମେରିକା ଏଫ୍‌-୧୬ ଜେଟ୍‌ ବିମାନ ଦୁର୍ଘଟଣାଗ୍ରସ୍ତ: ପାଇଲଟ ମୃତ

ଲାସ୍‌ ଭେଗାସ୍‌, ୫।୪: ଆମେରିକା ଏଫ୍‌-୧୬ ଜେଟ୍‌ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଏହି ଘଟଣାରେ ବିମାନ ପାଇଲଟଙ୍କର ମୃତ୍ୟୁ ଘଟିଥିବା ଆମେରିକା ବାୟୁସେନା ପକ୍ଷରୁ କୁହାଯାଇଛି। ଜେଟ୍‌ ବିମାନଟି ରୁଟିନ୍‌ ଅଭ୍ୟାସ ସମୟରେ ନେଲିସ୍‌ ବାୟୁସେନା ଘାଟି ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା।

ଫିଲିପାଇନ୍ସ୍‌ରେ ଭୂକମ୍ପ

ଫିଲିପାଇନ୍ସ୍‌ରେ ଭୂକମ୍ପ

ମାନିଲା, ୫।୪: ଦକ୍ଷିଣ ଫିଲିପାଇନ୍ସ୍‌ ମିନ୍ଦାନାଓରେ ଗୁରୁବାର ଭୂକମ୍ପ ଅନୁଭୁତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୬.୨ ଥିଲା ବୋଲି ଆମେରିକା ଭୂବିଜ୍ଞାନ ସର୍ବେକ୍ଷଣ ସଂସ୍ଥା ପକ୍ଷରୁ ସୂଚିତ କରାଯାଇଛି। ଭୂକମ୍ପର କେନ୍ଦ୍ର ଫିଲିପାଇନ୍ସ୍‌ର ପ୍ରମୁଖ ସହର ଡାଭାଓର ପୂର୍ବ ଅଞ୍ଚଳଠାରୁ ୧୨୮ କିଲୋମିଟର ଦୂରରେ ଏବଂ ଭୂଗର୍ଭର ପ୍ରାୟ ୬୧ କିଲୋମିଟର ତଳେ ଅନୁଭୁତ ହୋଇଥିବାର କୁହାଯାଉଛି।