ଅନ୍ତର୍ଜାତୀୟ

ଚାଇନାରେ କୋଇଲା ବ୍ୟବହାର ମନା

ଚାଇନାରେ କୋଇଲା ବ୍ୟବହାର ମନା

ବେଜିଂ, ୧୧।୨: ପରିବେଶ ପ୍ରଦୂଷଣ ରୋକିବା ପାଇଁ ଚାଇନାରେ କୋଇଲା ଉପରେ ପ୍ରତିବନ୍ଧକ ଲାଗିଛି। ଦେଶର କେତେକ କୋଇଲା ଚାଳିତ କାରଖାନାରେ ଇତିମଧ୍ୟରେ କୋଇଲା ଫର୍ଣ୍ଣେସ୍‌ ବଦଳାଇବା କାର୍ଯ୍ୟ ଆରମ୍ଭ ହୋଇଛି। ପୂର୍ବରୁ ପରିବେଶ ପ୍ରଦୂଷଣରେ ଅଙ୍କୁଶ ଲଗାଇବା ପାଇଁ ୨୦୧୭ ଅକ୍ଟୋବରରେ ୨୭ କୋଇଲା ଖଣିକୁ ବନ୍ଦ କରାଯାଇଥିଲା।

ଆବୁଧାବିରେ ମନ୍ଦିର ଶିଳାନ୍ୟାସ କଲେ ପ୍ରଧାନମନ୍ତ୍ରୀ

ଆବୁଧାବିରେ ମନ୍ଦିର ଶିଳାନ୍ୟାସ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ, ୧୧।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାଲେଷ୍ଟାଇନ୍‌ ଗସ୍ତ ଶେଷକରି ଶନିବାର ଆବୁଧାବିରେ ପହଞ୍ଚିଛନ୍ତି। ରବିବାର ଆବୁଧାବି ଅପେରା ହାଉସ୍‌ଠାରେ ପ୍ରଧାନମନ୍ତ୍ରୀ ଏକ ମନ୍ଦିରର ଶିଳାନ୍ୟାସ କରିଛନ୍ତି। ଏହା ଆବୁଧାବିର ପ୍ରଥମ ମନ୍ଦିର ବୋଲି କୁହାଯାଉଛି। ଦୁଇ ଦେଶର ସମ୍ପର୍କ ସୁଦୃଢ଼ ପାଇଁ କେତେକ ଦ୍ୱିପାକ୍ଷିକ ଚୁକ୍ତି ଉପରେ ବିଶେଷ ଆଲୋଚନା କରାଯିବ ବୋଲି ଭାରତୀୟ ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି।

ପ୍ରଶାନ୍ତ ମହାସାଗରରେ ଘନୀଭୂତ ହେଉଛି ‘ଗୀତା’

ପ୍ରଶାନ୍ତ ମହାସାଗରରେ ଘନୀଭୂତ ହେଉଛି ‘ଗୀତା’

ଓ୍ବିଲିଂଟନ୍‌, ୧୧।୨: ପ୍ରଶାନ୍ତ ମହାସାଗରରେ ଘନୀଭୂତ ହେଉଛି ବାତ୍ୟା ‘ଗୀତା’। ଏହା ଜଳଭାଗରେ ଯେତେ ଅଧିକ ସମୟ ରହିବ ସେତେ ଉଗ୍ର ହେବ ବୋଲି ନ୍ୟୁଜିଲାଣ୍ଡ ପାଣିପାଗ ବିଭାଗ ପକ୍ଷରୁ ସୂଚିତ କରାଯାଇଛି। ଏହା ସୋମବାର ସକାଳେ ନ୍ୟୁଜିଲାଣ୍ଡର ଟୋଙ୍ଗା ଅଞ୍ଚଳର ସ୍ଥଳଭାଗ ଛୁଇଁବ। ଏହାର ପ୍ରଭାବରେ ଘଣ୍ଟା ପ୍ରତି ୯୨ କିଲୋମିଟରରୁ ୧୪୮ କିଲୋମିଟର ବେଗରେ ପବନ ବହିବାର ଆଶଙ୍କା ରହିଛି।

ତ୍ରିରଙ୍ଗାରେ ରଙ୍ଗେଇ ହେଲା ୟୁଏଇ

ତ୍ରିରଙ୍ଗାରେ ରଙ୍ଗେଇ ହେଲା ୟୁଏଇ

ଆବୁଧାବି/ନୂଆଦିଲ୍ଲୀ,୧୦।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସ୍ବାଗତ କରିବା ପାଇଁ ଗୋଟିଏ ଦିନ ପୂର୍ବରୁ ସଜେଇ ହୋଇଛି ସଂଯୁକ୍ତ ଆରବ ଏମିରେଟ୍ସ (ୟୁଏଇ)। ଶୁକ୍ରବାର ସହରର ପ୍ରମୁଖ ଅଟ୍ଟାଳିକାଗୁଡିକୁ ଭାରତୀୟ ତ୍ରିରଙ୍ଗା ପତାକାର ରଙ୍ଗ ଭଳି ଆଲୋକିତ କରାଯାଇଛି।

ଖାଲିଦା ଜିଆଙ୍କ ଜେଲ ପରେ ବାଂଲାଦେଶ ଅଶାନ୍ତ

ଖାଲିଦା ଜିଆଙ୍କ ଜେଲ ପରେ ବାଂଲାଦେଶ ଅଶାନ୍ତ

ଢାକା,୧୦।୨: ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ବେଗମ୍‌ ଖାଲିଦା ଜିଆଙ୍କୁ ଏକ ଭ୍ରଷ୍ଟାଚାର ମାମଲାରେ ୫ ବର୍ଷ ଜେଲ ହେବା ପରେ ପରିସ୍ଥିତି ଅଶାନ୍ତ ହୋଇଉଠିଛି। ବିପକ୍ଷ କୋର୍ଟର ରାୟକୁ ଉଚିତ କହୁଥିବା ବେଳେ ଜିଆଙ୍କ ସମର୍ଥକମାନେ ଏହା ଏକ ରାଜନୈତିକ ଚାଲ ବୋଲି କହି ସାରା ଦେଶରେ ଅରାଜକତାର ବାତାବରଣ ସୃଷ୍ଟି କରିଛନ୍ତି।

ମାଳଦ୍ୱୀପ ସଙ୍କଟ: ଭାରତୀୟ ଖବରଦାତା ଗିରଫ

ମାଳଦ୍ୱୀପ ସଙ୍କଟ: ଭାରତୀୟ ଖବରଦାତା ଗିରଫ

ମାଲେ,୧୦।୨: ରାଜନୈତିକ ସଙ୍କଟ ଓ ଜରୁରିକାଳୀନ ପରିସ୍ଥିତି ମଧ୍ୟରେ ମାଲଦ୍ୱୀପରେ ଭାରତୀୟ ମୂଳ ବାସିନ୍ଦା ୨ ଖବରଦାତାଙ୍କୁ ଗିରଫ କରାଯାଇଛି। ଏଥିମଧ୍ୟରୁ ଜଣେ ପଞ୍ଜାବର ମୋନି ଶର୍ମା ହୋଇଥିବା ବେଳେ ଅନ୍ୟ ଜଣେ ଲଣ୍ଡନର ଆତିଶ ରାଓ୍ବଜୀ ପଟେଲ ବୋଲି ଜଣାପଡିଛି।

ପାକିସ୍ତାନରେ ଆମେରିକାର ଡ୍ରୋନ୍‌ ଆକ୍ରମଣ: ୩ ଆତଙ୍କବାଦୀ ମୃତ

ପାକିସ୍ତାନରେ ଆମେରିକାର ଡ୍ରୋନ୍‌ ଆକ୍ରମଣ: ୩ ଆତଙ୍କବାଦୀ ମୃତ

ପେଶାଓ୍ବାର,୯।୨: ଆମେରିକା ପୁଣିଥରେ ପାକିସ୍ତାନ-ଆଫଗାନିସ୍ତାନ ସୀମାରେ ଥିବା ଆତଙ୍କବାଦୀ ଶିବିର ଉପରେ ଡ୍ରୋନ ଆକ୍ରମଣ କରିଛି। ଏଥିରେ ୩ ଜଣ ଆତଙ୍କବାଦୀଙ୍କ ମୃତ୍ୟୁ ଘଟିଥିବା ସୂଚନା ମିଳିଛି।

ଆମେରିକାକୁ ଜବାବ ଦେବ ଚାଇନାର ଏସ୍‌ୟୁ-୩୫

ଆମେରିକାକୁ ଜବାବ ଦେବ ଚାଇନାର ଏସ୍‌ୟୁ-୩୫

ନୂଆଦିଲ୍ଲୀ/ବେଜିଂ,୯।୨: ଚାଇନା ଦକ୍ଷିଣ ଚାଇନା ସାଗରରେ ଆମେରିକା ରଖିଥିବା କଡା ନଜରର ଜବାବ ଦେବାପାଇଁ ନିଜର ଏସ୍‌ୟୁ-୩୫ ଯୁଦ୍ଧ ବିମାନ ପଠାଇଥିବା ସୂଚନା ମିଳିଛି।

ଦକ୍ଷିଣ ଆଫ୍ରିକାରେ ଜଳ ସଙ୍କଟ

ଦକ୍ଷିଣ ଆଫ୍ରିକାରେ ଜଳ ସଙ୍କଟ

କେପ୍‌ ଟାଉନ୍‌,୯।୨: ଦକ୍ଷିଣ ଆଫ୍ରିକାର କେପ୍‌ ଟାଉନ୍‌ ସହରରେ ଉତ୍କଟ ଜଳ ସଙ୍କଟ ଦେଖା ଦେଇଛି। ଗତ ୩ ବର୍ଷ ହେବ ଦେଖାଯାଇଥିବା ଏହି ଜଳ ସଙ୍କଟକୁ ଆଖି ଆଗରେ ରଖି ଏଠାକାର ଲୋକମାନଙ୍କ ଗାଧୋଇବା ଓ ଶୌଚ ପାଇଁ ବ୍ୟବହାର କରାଯାଉଥିବା ପାଣି ଉପରେ ପ୍ରତିବନ୍ଧକ ଲଗାଯାଇଛି।

ପାକିସ୍ତାନରେ ପାଳନ ହେବନି ଭାଲେଣ୍ଟାଇନ୍‌ ଡେ’

ପାକିସ୍ତାନରେ ପାଳନ ହେବନି ଭାଲେଣ୍ଟାଇନ୍‌ ଡେ’

ଇସଲାମାବାଦ,୯।୨: ପାକିସ୍ତାନରେ ଭାଲେଣ୍ଟାଇନ୍‌ ଡେ ପାଳନକୁ ନେଇ ଲାଗିଛି ପ୍ରତିବନ୍ଧକ। ସେଠାକାର ଏକ ସ୍ବତନ୍ତ୍ର କୋର୍ଟ ଏହି ଦିବସକୁ ପାଳନ ନ କରିବାକୁ ନିର୍ଦ୍ଦେଶ ଦେଇଛନ୍ତି।

ଆମେରିକାର ସିରିୟା ଆକ୍ରମଣ, ୧୦୦ରୁ ଊର୍ଦ୍ଧ୍ୱ ମୃତ

ଆମେରିକାର ସିରିୟା ଆକ୍ରମଣ, ୧୦୦ରୁ ଊର୍ଦ୍ଧ୍ୱ ମୃତ

ଓ୍ବାଶିଂଟନ୍‌,୯।୨: ଆମେରିକା ସେନା ପକ୍ଷରୁ ବୁଧବାର ବିଳମ୍ବିତ ରାତିରେ ସିରିଆ ଉପରେ ଆକ୍ରମଣ ଫଳରେ ୧୦୦ରୁ ଊର୍ଦ୍ଧ୍ୱ ସିରିୟା ସରକାର ସମର୍ଥିତ ସେନାଙ୍କ ମୃତ୍ୟୁ ଘଟିଥିବା ଆମେରିକା ଦାବି କରିଛି।

ଅଶାନ୍ତ ମାଳଦ୍ୱୀପ, ପର୍ଯ୍ୟଟନ ଉଦ୍ୟୋଗ ଉପରେ ପଡୁଛି ପ୍ରଭାବ

ଅଶାନ୍ତ ମାଳଦ୍ୱୀପ, ପର୍ଯ୍ୟଟନ ଉଦ୍ୟୋଗ ଉପରେ ପଡୁଛି ପ୍ରଭାବ

ମାଲେ,୮।୨: ମାଲଦ୍ୱୀପରେ ଚାଲିଥିବା ରାଜନୈତିକ ଅଶାନ୍ତି ଓ ବିମାନ ଯାତ୍ରା ରଦ୍ଦ ଏହାର ପର୍ଯ୍ୟଟନ ଉଦ୍ୟୋଗ ଉପରେ ବେଶ୍‌ ପ୍ରଭାବ ପକାଇଥିବା ସୂଚନା ମିଳିଛି।

ବଢୁଛି ତାଇଓ୍ବାନ୍‌ ମୃତ୍ୟୁ ସଂଖ୍ୟା

ବଢୁଛି ତାଇଓ୍ବାନ୍‌ ମୃତ୍ୟୁ ସଂଖ୍ୟା

ହୁଆଲିଏନ୍‌,୮।୨: ତାଇଓ୍ବାନରେ ହୋଇଥିବା ଭୂକମ୍ପରେ ମୃତ୍ୟୁ ସଂଖ୍ୟା ବଢି ୯ରେ ପହଞ୍ଚିଛି। ଏବେବି ଉଦ୍ଧାର କାର୍ଯ୍ୟ ଜାରି ରହିଛି। ସ୍ଥାନୀୟ ଗଣମାଧ୍ୟମର ସୂଚନା ଅନୁଯାୟୀ ଏବେ ସୁଦ୍ଧା ୨୬୫ ଜଣ ଆହତ ହେବା ସହ ପ୍ରାୟ ୬୨ ଜଣ ଏବେବି ନିଖୋଜ ଅଛନ୍ତି।

ସୌଦିଆରବ ଏୟାର ସ୍ପେଶକୁ ବ୍ୟବହାର କରିବ ଏୟାର ଇଣ୍ଡିଆ

ସୌଦିଆରବ ଏୟାର ସ୍ପେଶକୁ ବ୍ୟବହାର କରିବ ଏୟାର ଇଣ୍ଡିଆ

ନୂଆଦିଲ୍ଲୀ,୮।୨: ସୌଦିଆରବ ଉପରେ ଏୟାର ଇଣ୍ଡିଆର କୁଟନୈତିକ ବିଜୟ। କାରଣ ସୌଦିଆରବ ଏୟାର ଇଣ୍ଡିଆକୁ ଇସ୍ରାଏଲର ତେଲ ଆଭିଭ ସହରରୁ ଉଡିବା ପାଇଁ ତା’ର ଏୟାର ସ୍ପେଶର ବ୍ୟବହାର କରିବାକୁ ଅନୁମତି ପ୍ରଦାନ କରିଛି।

ପେୟଂଚାଙ୍ଗ ଖେଳ ପୂର୍ବରୁ ନର୍ଥ କୋରିଆର ଅଭ୍ୟାସ ପରେଡ

ପେୟଂଚାଙ୍ଗ ଖେଳ ପୂର୍ବରୁ ନର୍ଥ କୋରିଆର ଅଭ୍ୟାସ ପରେଡ

ସିଓଲ,୮।୨: ପେୟଂଚାଙ୍ଗ ଓ୍ବିଣ୍ଟର ଅଲିମ୍ପିକ୍ସ ଶୁକ୍ରବାର ଆରମ୍ଭ ହେବାକୁ ଥିବାବେଳେ ଉତ୍ତର କୋରିଆ ଗୁରୁବାର ସେନାର ୭୦ତମ ବାର୍ଷିକୀ ଅବସରରେ ଏକ ଅଭ୍ୟାସ ପରେଡର ଆୟୋଜନ କରିଛି।

ଆଫଗାନୀସ୍ତାନ ସମସ୍ୟାର ସମାଧାନ ପାଇଁ ଭାରତ ସହଯୋଗ କରିବା ଆବଶ୍ୟକ: ଆମେରିକା

ଆଫଗାନୀସ୍ତାନ ସମସ୍ୟାର ସମାଧାନ ପାଇଁ ଭାରତ ସହଯୋଗ କରିବା ଆବଶ୍ୟକ: ଆମେରିକା

ଓ୍ବାଶିଂଟନ, ୭।୨: ଆଫଗାନୀସ୍ତାନ ସମସ୍ୟାର ସଫଳ ସମାଧାନ ପାଇଁ ଭାରତ ସହଯୋଗ କରିବା ଆବଶ୍ୟକ ବୋଲି ଆମେରିକା ସୂଚିତ କରିଛି। ମାନବିକ ଅଧିକାରକୁ ଅକ୍ଷୂର୍ଣ୍ଣ ରଖିବା ପାଇଁ ଭାରତ ଆଗେଇ ଆସିବା ଉଚିତ ବୋଲି ଆମେରିକା କହିଛି।

ଦକ୍ଷିଣକୋରିଆରେ ପହଞ୍ଚିଲେ ଉତ୍ତରକୋରିଆ ଚିୟର ସ୍କ୍ବାଡ୍‌

ଦକ୍ଷିଣକୋରିଆରେ ପହଞ୍ଚିଲେ ଉତ୍ତରକୋରିଆ ଚିୟର ସ୍କ୍ବାଡ୍‌

ସିଓଲ, ୭।୨: ଦକ୍ଷିଣକୋରିଆରେ ଶୀତ ଅଲିମ୍ପିକ୍‌ ଖେଳରେ ଅଂଶଗ୍ରହଣ ପାଇଁ ୨୮୦ ଜଣିଆ ଉତ୍ତରକୋରିଆ ଦଳ ପହଞ୍ଚିଛନ୍ତି। ଦଳରେ ଉତ୍ତରକୋରିଆ ଖେଳ ମନ୍ତ୍ରୀ କିମ୍‌ ଇଲ୍‌-ଗୁକ୍‌ଙ୍କ ସମେତ ୨୬ ଜଣ ତାଇକୁଣ୍ଡୋ ଖେଳାଳି, ୨୧ ଜଣ ଗଣମାଧ୍ୟମ ପ୍ରତିନିଧି ପ୍ରମୁଖ ରହିଛନ୍ତି

ଇତିହାସ ରଚିଲା ଆମେରିକା: ମହାକାଶକୁ ଗଲା ଶକ୍ତିଶାଳୀ ୬୩.୮ ଟନ୍‌ ଓଜନର ରକେଟ

ଇତିହାସ ରଚିଲା ଆମେରିକା: ମହାକାଶକୁ ଗଲା ଶକ୍ତିଶାଳୀ ୬୩.୮ ଟନ୍‌ ଓଜନର ରକେଟ

ଫ୍ଲୋରିଡା, ୭।୨: ମହାକାଶ ଗବେଷଣା କ୍ଷେତ୍ରରେ ଇତିହାସ ରହିଛି ଆମେରିକା। ଏହାର ଘରୋଇ କମ୍ପାନି ସ୍ପେସ୍‌ ଏକ୍ସ ମହାକାଶକୁ ଶକ୍ତିଶାଳୀ ରକେଟ୍‌ ଫାଲକନ୍‌ ହେଭିର ପଠାଇଛି। ଭାରତୀୟ ସମୟ ରାତି ୨ଟା ୨୫ ମିନିଟରେ କେପ୍‌ କାର୍ନିଭାଲ୍‌ ଏୟାର ଫୋର୍ସ ଷ୍ଟେଶନରୁ ଏହାର ଉତ୍‌କ୍ଷେପଣ କରାଯାଇଛି। ଏହାର ଓଜନ ୬୩.୮ ଟନ୍‌ ଥିବାବେଳେ ଲମ୍ବ ୨୩୦ ଫୁଟ୍‌ ଓ ପ୍ରସ୍ଥ ୪୦ ଫୁଟ୍‌ ରହିଛି।

ଥରିଲା ତାଇଓ୍ବାନ : ୪ ମୃତ, ୧୪୫ ନିଖୋଜ

ଥରିଲା ତାଇଓ୍ବାନ : ୪ ମୃତ, ୧୪୫ ନିଖୋଜ

ହୁଆଲିଏନ୍‌, ୭।୨: ତାଇଓ୍ବାନର ପର୍ଯ୍ୟଟନ ସହର ହୁଆଲିଏନ୍‌ରେ ଭୂକମ୍ପ ଅନୁଭୁତ ହୋଇଛି। ରିକ୍ଟର ସ୍କେଲରେ ଏହା ତୀବ୍ରତା ୬.୪ ରହିଛି ବୋଲି ପାଣିପାଗ ବିଭାଗ ପକ୍ଷରୁ ସୂଚିତ କରାଯାଇଛି। ଏହି ଘଟଣାରେ ୪ ଜଣଙ୍କ ମୃତ୍ୟୁ ଘଟିଥିବାବେଳେ ୧୪୫ ଜଣ ଲୋକ ନିଖୋଜ ରହିଥିବା ପ୍ରଶାସନ ପକ୍ଷରୁ କୁହାଯାଇଛି। ଏଥିରେ ୨୨୫ରୁ ଅଧିକ ଲୋକ ଆହତ ହୋଇଛନ୍ତି।

ଜାକର୍ତ୍ତାରେ ବନ୍ୟା: ୪ ମୃତ

ଜାକର୍ତ୍ତାରେ ବନ୍ୟା: ୪ ମୃତ

ଜାକର୍ତ୍ତା, ୬।୨: ଇଣ୍ଡୋନେସିଆ ଜାକର୍ତ୍ତାରେ ପ୍ରବଳ ବର୍ଷା ଯୋଗୁ ପ୍ରଳୟଙ୍କରୀ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଏଥିରେ ୪ ଜଣଙ୍କ ମୃତ୍ୟୁ ଘଟିଥିବାବେଳେ ୨ଜଣ ନିଖୋଜ ଅଛନ୍ତି। ସହରତଳି ଅଞ୍ଚଳରେ ବନ୍ୟାଜଳ ଜମି ରହିବାରୁ ସେଠାରୁ ୬,୫୦୦ ବାସିନ୍ଦାଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିବା ପ୍ରଶାସନ ପକ୍ଷରୁ ସୂଚିତ କରାଯାଇଛି।

ଜାପାନରେ ପ୍ରବଳ ତୁଷାରପାତ

ଜାପାନରେ ପ୍ରବଳ ତୁଷାରପାତ

ଟୋକିଓ, ୬।୨: ଜାପାନରେ ପ୍ରବଳ ତୁଷାରପାତ ଜାରି ରହିଛି। ବର୍ତ୍ତମାନ ସୁଦ୍ଧା ୧.୩୬ ମିଟର ବହଳର ତୁଷାରପାତ ହୋଇଥିବା ପାଣିପାଗ ବିଭାଗ ପକ୍ଷରୁ ସୂଚିତ କରାଯାଇଛି। ପ୍ରବଳ ତୁଷାରପାତ ଯୋଗୁ ଏକ ହଜାରରୁ ଅଧିକ କାର ବରଫ ତଳେ ରହିଯାଇଥିବା ପ୍ରଶାସନ ପକ୍ଷରୁ କୁହାଯାଇଛି।

 କଙ୍ଗୋରେ ଜାତିଆଣ ହିଂସା: ୨୪ ମୃତ

କଙ୍ଗୋରେ ଜାତିଆଣ ହିଂସା: ୨୪ ମୃତ

କିନ୍‌ଶାସା, ୬।୨: କଙ୍ଗୋ ଉତ୍ତରପୂର୍ବ ଅଞ୍ଚଳରେ ଥିବା ଦୁଜୁଗୁ ଅଞ୍ଚଳରେ ଜାତିଆଣ ହିଂସା ଘଟିଛି। ଏଥିରେ ୨୪ରୁ ଅଧିକ ଜଣଙ୍କର ମୃତ୍ୟୁ ଘଟିଥିବା ସ୍ଥାନୀୟ ପ୍ରଶାସନ ପକ୍ଷରୁ ସୂଚିତ କରାଯାଇଛି।

୧୨ଟି ସେକ୍ଟରରେ ବିଦେଶୀଙ୍କୁ ନିଯୁକ୍ତି ଦେବନି ସୌଦି ଆରବ

୧୨ଟି ସେକ୍ଟରରେ ବିଦେଶୀଙ୍କୁ ନିଯୁକ୍ତି ଦେବନି ସୌଦି ଆରବ

ରିୟାଦ, ୬।୨: ଦେଶର ୧୨ଟି ସେକ୍ଟରରେ ବିଦେଶୀଙ୍କୁ ନିଯୁକ୍ତି ନ ଦେବା ପାଇଁ ସୌଦି ଆରବ ଯୋଜନା କରିଛି। ଦେଶରେ ବୃଦ୍ଧି ପାଉଥିବା ବେକାର ସମସ୍ୟାରେ ରୋକ ପାଇଁ ଏପରି ନିଷ୍ପତ୍ତିି ଗ୍ରହଣ କରାଯାଇଛି। ଏହି ପ୍ରସ୍ତାବକୁ ସୌଦି ଆରବ ଶ୍ରମ ଓ ସାମାଜିକ ବିକାଶ ମନ୍ତ୍ରୀ ଅଲ୍ଲୀ ବିନ୍‌ ନାସିର୍‌ ଅଲ୍‌-ଘାଫିସ୍‌ ଅନୁମୋଦନ କରିଛନ୍ତି।

କ୍ଷୁଦ୍ର ଉପଗ୍ରହ ବହନକାରୀ ରକେଟ୍‌ ଉତ୍‌କ୍ଷେପଣ କଲା ଜାପାନ

କ୍ଷୁଦ୍ର ଉପଗ୍ରହ ବହନକାରୀ ରକେଟ୍‌ ଉତ୍‌କ୍ଷେପଣ କଲା ଜାପାନ

ଟୋକିଓ, ୫।୨: ଜାପାନ ବିଶ୍ୱର ସବୁଠାରୁ କ୍ଷୁଦ୍ର ଉପଗ୍ରହ ବହନକାରୀ ରକେଟ ସଫଳତାର ସହିତ ଉତ୍‌କ୍ଷେପଣ କରିଛି। ଏସ୍‌ଏସ୍‌-୫୨୦ ସିରିଜ୍‌ର ଏହି ରକେଟ୍‌ର ଲମ୍ବ ୧୦ ମିଟର ଓ ପ୍ରସ୍ଥ ୫୦ ସେଣ୍ଟିମିଟର ରହିଛି।