ମେଟ୍ରୋ

ବନ୍ଦ ଡାକରାରୁ ଓହରିଲା ସଂଘ

ବନ୍ଦ ଡାକରାରୁ ଓହରିଲା ସଂଘ

ଭୁବନେଶ୍ୱର, ୨୬।୨(ବ୍ୟୁରୋ): ୩ ଦିନିଆ ସରକାରୀ ବସ ଚଳାଚଳ ବନ୍ଦ ଡାକରାରୁ ସୋମବାର ଓଏସ୍‌ଆରଟିସି ଓହରିଛି। ୫ ଦଫା ଦାବି ନେଇ ସଂଘ ପକ୍ଷରୁ ଏହି ବନ୍ଦ ଡାକରା ଦିଆଯାଇଥିଲା।

ଏମ୍‌ସ ଡାକ୍ତରୀ ଛାତ୍ର ନିଖୋଜ ଘଟଣା: ରୁମ୍‌ରୁ ମିଳିଲା ଚିଠି, କଲିକତା ଯିବ ପୋଲିସ

ଏମ୍‌ସ ଡାକ୍ତରୀ ଛାତ୍ର ନିଖୋଜ ଘଟଣା: ରୁମ୍‌ରୁ ମିଳିଲା ଚିଠି, କଲିକତା ଯିବ ପୋଲିସ

ଭୁବନେଶ୍ୱର, ୨୫।୨(ବ୍ୟୁରୋ)- ଏମ୍‌ସ ଭୁବନେଶ୍ୱରର ଡାକ୍ତରୀ ଛାତ୍ର ଜମ୍ମୁ କଶ୍ମୀର କୁପଓ୍ବାଡ଼ା ଜିଲାର ସୋହେଲ୍‌ ଆଇଜାକ୍‌ ନିଖୋଜ ଘଟଣାକୁ ନେଇ କମିଶନରେଟ ପୋଲିସ ପକ୍ଷରୁ ଆରମ୍ଭ ହୋଇଛି ତନାଘନା। ଗତ ୯ ତାରିଖରୁ ସେ ନିଖୋଜ ଥିବାବେଳେ ଶନିବାର ତାଙ୍କ ପରିବାର ପକ୍ଷରୁ ଖଣ୍ଡଗିରି ଥାନାରେ ଅଭିଯୋଗ ହୋଇଥିଲା। ରବିବାର ସୋହେଲଙ୍କ ବାପା ଓ ଭାଇ ଡିସିପିଙ୍କୁ ଭେଟି ଘଟଣା ସଂକ୍ରାନ୍ତରେ ଆଲୋଚନା କରିବା ସହ ଉଦ୍ଧାର ପାଇଁ ନିବେଦନ କରିଛନ୍ତି।

ଓଡ଼ିଶା ପ୍ରାଥମିକ ଶିକ୍ଷକ ଓ ଶିକ୍ଷା ସହାୟକ ସଂଘର ବିଧାନସଭା ଘେରାଉ ୯ରେ

ଭୁବନେଶ୍ୱର, ୨୫।୨(ବ୍ୟୁରୋ)- ପୁଣି ୩ ଦଫା ଦାବି ନେଇ ଆନ୍ଦୋଳନକୁ ଓହ୍ଲାଇବ ପ୍ରାଥମିକ ଶିକ୍ଷକ ଓ ଶିକ୍ଷା ସହାୟକ ସଂଘ। ସରକାର ପ୍ରତିଶ୍ରୁତି ପାଳନ କରି ନ ଥିବାରୁ ସଂଘ ଆସନ୍ତା ମାର୍ଚ୍ଚ ୯ରେ ବିଧାନସଭା ଘେରାଉ କରିବାକୁ ନିଷ୍ପତ୍ତି ନେଇଛି। ଶିକ୍ଷା ସହାୟକଙ୍କ ୬ବର୍ଷ କାର୍ଯ୍ୟକାଳକୁ ମୂଳ ଚାକିରିରେ ଗଣନା କରି ୬ଟି ଇନ୍‌କ୍ରିମେଣ୍ଟ ଦେବା ସହିତ ୩ଟି ଦାବି ନେଇ ସଂଘ ପକ୍ଷରୁ ନଭେମ୍ବର ୮ରେ ବିଧାନସଭା ସମ୍ମୁଖରେ ଆନ୍ଦୋଳନ କରିଥିଲା। ସରକାର ଏକ ଉଚ୍ଚ କ୍ଷମତା ସମ୍ପନ୍ନ କମିଟି ଗଠନ କରି ଫେବୃୟାରୀ ୧ରେ ଉକ୍ତ ଦାବି ସଂକ୍ରାନ୍ତରେ ଆଲୋଚନା କରିବା ସହ ପୂରଣ ପାଇଁ ପ୍ରତିଶ୍ରୁତି ଦେଇଥିଲା। ଫଳରେ ଆନ୍ଦୋଳନକୁ ସ୍ଥଗିତ ରଖିଥିଲା ସଂଘ। କିନ୍ତୁ ଏଯାଏ ସରକାର କୌଣସି ପଦକ୍ଷେପ ଗ୍ରହଣ କରୁନାହାନ୍ତି ବୋଲି ରବିବାର ଆୟୋଜିତ ରାଜ୍ୟ କାର୍ଯ୍ୟକାରିଣୀ ବୈଠକରେ ସଂଘର ସଭାପତି ବ୍ରହ୍ମାନନ୍ଦ ମହାରଣା କହିଛନ୍ତି। ସରକାରଙ୍କ ଶିକ୍ଷା ଓ ଶିକ୍ଷକ ମାରଣନୀତିକୁ ସଂଘର ନେତୃବୃନ୍ଦ ତୀବ୍ର ନିନ୍ଦା କରିଛନ୍ତି। ବୈଠକରେ ଶିକ୍ଷା ସହାୟକ ସଂଘର ସଭାପତି ମଳୟ କୁମାର ଜେନା, ପ୍ରାଥମିକ ଶିକ୍ଷକ ସଂଘର ସମ୍ପାଦକ ବଙ୍କିମ ଚନ୍ଦ୍ର ସାଗର ପ୍ରମୁଖ ଉପସ୍ଥିତ ଥିଲେ।

ଡ୍ୟୁଟିବେଳେ ଶୋଇଥିଲେ ପୋଲିସ, ଭାଇରାଲ ହେଲା ଭିଡିଓ

ଡ୍ୟୁଟିବେଳେ ଶୋଇଥିଲେ ପୋଲିସ, ଭାଇରାଲ ହେଲା ଭିଡିଓ

ଭୁବନେଶ୍ୱର, ୨୫।୨(ବ୍ୟୁରୋ)- ପୋଲିସ ବିଭାଗରେ ରାଜ୍ୟରେ ସବୁଠୁ ଦକ୍ଷ ଅଧିକାରୀ ଓ କର୍ମଚାରୀ କମିଶନରେଟ ପୋଲିସରେ ରହିଥିବା କୁହାଯାଏ। ଏଠାରେ ନିୟମ ସବୁଠୁ କଡାକଡି ଭାବେ ଲାଗୁ କରାଯାଉଥିବାବେଳେ କର୍ମଚାରୀମାନେ ମଧ୍ୟ ରାତିଦିନ ସବୁବେଳେ ସଜାଗ ଓ ତତ୍ପର ରହୁଥିବା ରାଜ୍ୟବାସୀଙ୍କର ଧାରଣା ରହିଛି। କିନ୍ତୁ ଅନେକ ଘଟଣା ଏବେ କମିଶନରେଟ ପୋଲିସର କାର୍ଯ୍ୟଧାରାକୁ ପଦାକୁ ଆଣିଛି। କେତେଜଣ ଅଧିକାରୀ ଓ କର୍ମଚାରୀଙ୍କ ପାଇଁ ପୂରା ବିଭାଗ ବଦନାମର ବୋଝ ମୁଣ୍ଡାଇଛି। କେତେବେଳେ ପୋଲିସ ବାବୁମାନେ ନିଶାସକ୍ତ ଅବସ୍ଥାରେ ରାସ୍ତାରେ ଗଡୁଛନ୍ତି ତ ଆଉ କେତେବେଳେ ଖାମଖିଆଲ ମନୋଭାବ ଯୋଗୁ ସହରର ସୁରକ୍ଷା ବିପନ୍ନ ହେଉଛି। ଡ୍ୟୁଟି ସମୟରେ ଜଣେ ପୋଲିସ କର୍ମଚାରୀଙ୍କ ଶୋଇବାର ଦୃଶ୍ୟ ଏବେ ଭାଇରାଲ୍‌ ହୋଇଛି।

ମୁକ୍ତାକାଶ ରଙ୍ଗମଞ୍ଚରେ ମ୍ୟୁଜିକାଲ ନାଇଟ୍‌: ମାଝିରେ ଗୀତରେ ଝୁମିଲେ ଦର୍ଶକ

ମୁକ୍ତାକାଶ ରଙ୍ଗମଞ୍ଚରେ ମ୍ୟୁଜିକାଲ ନାଇଟ୍‌: ମାଝିରେ ଗୀତରେ ଝୁମିଲେ ଦର୍ଶକ

ପୁରୀ ଅଫିସ, ୨୫।୨: ପୁରୀ ସାଂସ୍କୃତିକ ଗବେଷଣା କେନ୍ଦ୍ର ପକ୍ଷରୁ ରବିବାର ମୁକ୍ତାକାଶ ରଙ୍ଗମଞ୍ଚରେ ଆୟୋଜିତ ହୋଇଥିଲା ଅନୁଷ୍ଠାନର ତୃତୀୟ ବାର୍ଷିକ ମ୍ୟୁଜିକାଲ ନାଇଟ। ଚଳଚ୍ଚିତ୍ର ଜଗତର ସୁନାମଧନ୍ୟ କଣ୍ଠଶିଳ୍ପୀ ଦିବଂଗତ ଅକ୍ଷୟ ମହାନ୍ତି ଓ ହିନ୍ଦୀ ସିନେମାର ସୁପରଷ୍ଟାର ଅଭିନେତା ଶଶି କପୁରଙ୍କୁ ସମର୍ପିତ ହୋଇଥିଲା

ଏଲିଫ୍ୟାଣ୍ଟ ପରେଡ୍‌: ଲଣ୍ଡନ ଯିବ ଓଡ଼ିଶାର କ୍ରିଷ୍ଣା ହାତୀ

ଏଲିଫ୍ୟାଣ୍ଟ ପରେଡ୍‌: ଲଣ୍ଡନ ଯିବ ଓଡ଼ିଶାର କ୍ରିଷ୍ଣା ହାତୀ

ପୁରୀ ଅଫିସ, ୨୫।୨: ବମ୍ବେରେ ଅନୁଷ୍ଠିତ ଏଲିଫ୍ୟାଣ୍ଟ ପରେଡରେ ସମସ୍ତଙ୍କ ହୃଦୟ ଜିତିଛି ଓଡ଼ିଶାର କ୍ରିଷ୍ଣା ହାତୀ। ଫାଇବରରେ ନିର୍ମିତ କ୍ରିଷ୍ଣା ଶରୀରରେ ଶୋଭାପାଉଛି ଓଡ଼ିଶାର ପାରମ୍ପରିକ ପଟଚିତ୍ରର ସୂକ୍ଷ୍ମ କାରିଗରି। ଜୁରୀଙ୍କ ମନ ଜିଣିବା ପରେ ଲଣ୍ଡନ ଯିବା ଲାଗି ଯୋଗ୍ୟତା ଅର୍ଜନ କରିଛି କ୍ରିଷ୍ଣା। କ୍ରିଷ୍ଣା ସହ ମୋଟ ୧୫ଟି ହାତୀ ଲଣ୍ଡନ ଯିବେ।

ସରିଲା ବିଚ୍‌ କାର୍ନିଭାଲ: ଆକର୍ଷଣ ସାଜିଲା ସିନେ ଆୱାର୍ଡ

ସରିଲା ବିଚ୍‌ କାର୍ନିଭାଲ: ଆକର୍ଷଣ ସାଜିଲା ସିନେ ଆୱାର୍ଡ

ପୁରୀ ଅଫିସ, ୨୫।୨: ପୁରୀ ବେଳାଭୂମିରେ ପାଞ୍ଚଦିନ ଧରି ଚାଲିଥିବା ଦ୍ୱିତୀୟ ବିଚ୍‌ କାର୍ନିଭାଲ ରବିବାର ଶେଷ ହୋଇଛି। ଉଦ୍‌ଯାପନୀ ସନ୍ଧ୍ୟାରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସାଙ୍ଗକୁ ସିନେ ଆୱାର୍ଡ ପ୍ରମୁଖ ଆକର୍ଷଣ ସାଜିଥିଲା। ଜ୍ୟୋତି ନାୟକଙ୍କୁ ଶ୍ରେଷ୍ଠ ନାୟକ ଏବଂ ଝିଲିକ୍‌ ଭଟ୍ଟାଚାର୍ଯ୍ୟଙ୍କୁ ଶ୍ରେଷ୍ଠ ନାୟିକା ଭାବେ ପୁରସ୍କାର ପ୍ରଦାନ କରାଯାଇଥିଲା।

‘ମ୍ୟାରେଜ-ଓଲୋଜି’ ସ୍ତ୍ରୀ-ସ୍ବାମୀଙ୍କ ବିଭିନ୍ନ ରୂପ

‘ମ୍ୟାରେଜ-ଓଲୋଜି’ ସ୍ତ୍ରୀ-ସ୍ବାମୀଙ୍କ ବିଭିନ୍ନ ରୂପ

ଭୁବନେଶ୍ୱର, ୨୫।୨(ବ୍ୟୁରୋ)- ବାହାଘରରେ ଯେ ଖାଲି ସୁଖ ଶାନ୍ତି ଥାଏ ତାହା ନୁହେଁ, ସେଥିରେ ଥାଏ ଭିନ୍ନ ଭିନ୍ନ ରୂପ। ସ୍ତ୍ରୀ ଓ ସ୍ବାମୀଙ୍କ ମଧ୍ୟରେ କେତେବେଳେ ରାଗରୁଷା, କେତେବେଳେ ଅଭିମାନ ଆଉ କେତେବେଳେ ହସଖୁସି। ଏଭଳି କିଛି ଦୃଶ୍ୟ ଦେଖିବାକୁ ମିଳିଥିଲା ରବିବାର ଇଡ୍‌କଲ ଅଡିଟୋରିୟମରେ।

ସରିଲା ବାଏ ଅଫ୍‌: ଜେଜେଙ୍କୁ ବଞ୍ଚାଇ ପାରିଲେନି ନାତି

ସରିଲା ବାଏ ଅଫ୍‌: ଜେଜେଙ୍କୁ ବଞ୍ଚାଇ ପାରିଲେନି ନାତି

ପୁରୀ ଅଫିସ, ୨୫।୨: ଜେଜେ ଆଉ ନାତି। ଦୁହିଁଙ୍କ ସମ୍ପର୍କ ବେଶ୍‌ ନିବିଡ଼। ଥଟ୍ଟାମଜା ହେଉ ଅବା ତାଗିଦ ସବୁଥିରେ ଭରି ରହିଥାଏ ସ୍ନେହ। ଜଣେ ଅନ୍ୟଜଣଙ୍କୁ ପାଖରୁ ଛାଡେ ନାହିଁ। କିନ୍ତୁ ଏହି ଭଲ ପାଇବା ଭିତରେ ଅଚାନକ ଘୋଟି ଆସିଛି ବିପଦ। ଜୀବନଠୁ ଅଧିକ ଭଲ ପାଉଥିବା ଜେଜେ ପାଇଁ ପରିସ୍ଥିତିରେ ପଡି ନାତି ହୋଇଯାଇଛି ଜଣେ କିଡ୍‌ନାପର। ହେଲେ ଯେଉଁ ଲକ୍ଷ୍ୟ ନେଇ ସେ ଏହି କାମ କରିଥିଲା ସେଥିରେ ତାକୁ ବିଫଳ ହେବାକୁ ପଡିଛି।

ଅଙ୍ଗନଓ୍ବାଡି କର୍ମୀଙ୍କ ଗୋଡ ଉପରେ ଚଢ଼ିଗଲା ହାଇଓ୍ବା

ଅଙ୍ଗନଓ୍ବାଡି କର୍ମୀଙ୍କ ଗୋଡ ଉପରେ ଚଢ଼ିଗଲା ହାଇଓ୍ବା

ରଘୁନାଥପୁର, ୨୫।୨(ଡି.ଏନ.ଏ.): କିଶୋରନଗର ଥାନା ଅନ୍ତର୍ଗତ ଉତ୍ତରକୂଳ ଷ୍ଟେଟବ୍ୟାଙ୍କ ନିକଟରେ ଏକ ଦୁର୍ଘଟଣା ଘଟିଛି। ଏକ ବାଲି ବୋଝେଇ ହାଇଓ୍ବା ବାଇକ୍‌କୁ ଧକ୍କା ଦେବା ଫଳରେ ବାଇକ୍‌ରେ ବସିଥିବା ଜଣେ ଅଙ୍ଗନଓ୍ବାଡି କର୍ମୀ ଗୁରୁତର ଆହତ ହୋଇଛନ୍ତି। ସେ ହେଲେ ରଘୁନାଥପୁର କପାଳେଶ୍ୱର ଗ୍ରାମର ଗୀତାଞ୍ଜଳି ବେହେରା। ତାଙ୍କ ଗୋଡର ଆଣ୍ଠୁର ତଳଭାଗ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ତାଙ୍କୁ ଚିକିତ୍ସା ନିମନ୍ତେ କଟକ ବଡ ମେଡିକାଲକୁ ପଠାଯାଇଛି।

କେନ୍ଦ୍ରର ଶ୍ରମିକ ମାରଣ ନୀତିକୁ ବିରୋଧ

କେନ୍ଦ୍ରର ଶ୍ରମିକ ମାରଣ ନୀତିକୁ ବିରୋଧ

ପୁରୀ ଅଫିସ, ୨୫।୨:ଉଭୟ ରାଜ୍ୟ ଓ କେନ୍ଦ୍ର ସରକାର ହେଉଛନ୍ତି ଶ୍ରମିକ ବିରୋଧୀ। ଶ୍ରମିକମାନଙ୍କ ଆର୍ଥିକ ମାନଦଣ୍ଡର ବିକାଶ ଲାଗି ସରକାରଙ୍କ ପକ୍ଷରୁ କୌଣସି ଗୁରୁତ୍ୱ ଦିଆଯାଉନାହିଁ। ନିକଟରେ କେନ୍ଦ୍ର ସରକାର ଆଗତ କରିଥିବା ବଜେଟରେ ପୁଞ୍ଜିପତିମାନଙ୍କୁ ଗୁରୁତ୍ୱ ଦିଆଯାଇଥିବା ବେଳେ ଶ୍ରମିକ ଓ ସାଧାରଣ ଗରିବମାନଙ୍କ ପାଇଁ ସେଭଳି କୌଣସି ବ୍ୟବସ୍ଥା କରାଯାଇନାହିଁ ବୋଲି ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ରବିବାର ଆୟୋଜିତ ଏକ ଗଣ ସମାବେଶରେ କମିଟିର ଆବାହକ ଶ୍ରୀକାନ୍ତ ପରିଜା କହିଛନ୍ତି।

ଯାଦବ ମହାସଭାର ରାଜ୍ୟସ୍ତରୀୟ ସମ୍ମିଳନୀ

ଯାଦବ ମହାସଭାର ରାଜ୍ୟସ୍ତରୀୟ ସମ୍ମିଳନୀ

ପୁରୀ ଅଫିସ, ୨୫।୨: ପୁରୀ ଓ ଭୁବନେଶ୍ୱର ଯାଦବ ମହାସଭା ଆନୁକୂଲ୍ୟରେ ସ୍ଥାନୀୟ ଗୋପବନ୍ଧୁ ଆୟୁର୍ବେଦ କଲେଜ ସମ୍ମିଳନୀ କକ୍ଷରେ ରାଜ୍ୟସ୍ତରୀୟ ସମ୍ମିଳନୀ ରବିବାର ଅନୁଷ୍ଠିତ ହୋଇଯାଇଛି। ଏହି ସମ୍ମିଳନୀରେ ରାଜ୍ୟର ବିଭିନ୍ନ ଜିଲାରୁ ଯାଦବ ଓ ଆଇନଜୀବୀମାନେ ଅଂଶଗ୍ରହଣ କରିଛନ୍ତି। ଯାଦବ ଗୋପାଳଚନ୍ଦ୍ର ବେହେରା ଏଥିରେ ସଭାପତିତ୍ୱ କରିଥିଲେ।

ଝୁଲନ୍ତା ଅବସ୍ଥାରେ ଯୁବତୀଙ୍କ ମୃତଦେହ ଉଦ୍ଧାର

ଝୁଲନ୍ତା ଅବସ୍ଥାରେ ଯୁବତୀଙ୍କ ମୃତଦେହ ଉଦ୍ଧାର

କଟକ ରୋଡ, ୨୫।୨(ଡି.ଏନ.ଏ.): ରବିବାର ଲକ୍ଷ୍ମୀସାଗର ଥାନା ପୋଲିସ ଜଣେ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି। ସେ ହେଲେ ଭଦ୍ରକ ଜିଲା ସୋର ଅଞ୍ଚଳରେ ରହୁଥିବା ଲିଲି ଜେନା(୨୫)।

ବିଚ୍‌ କାର୍ନିଭାଲ: ନାଚି ନଚାଇଲେ ପ୍ରକୃତି

ବିଚ୍‌ କାର୍ନିଭାଲ: ନାଚି ନଚାଇଲେ ପ୍ରକୃତି

ପୁରୀ ଅଫିସ,୨୪।୨: ପୁରୀ ବିଚ୍‌ କାର୍ନିଭାଲର ଶନିବାର ଚତୁର୍ଥ ସନ୍ଧ୍ୟାର ଆକର୍ଷଣ ଥିଲେ ଓଲିଉଡ୍‌ ଅଭିନେତ୍ରୀ ପ୍ରକୃତି ମିଶ୍ର। ବେଳାଭୂମିର ଶୀତୁଆ ସନ୍ଧ୍ୟାରେ ନିଜେ ନାଚି ଦର୍ଶକଙ୍କୁ ନଚାଇଥିଲେ। କାର୍ନିଭାଲ ଗାର୍ଲଙ୍କ ସହ ସବ୍‌କୋ ସ୍ବାଗତ ସଙ୍ଗୀତର ତାଳେ ତାଳେ ମଞ୍ଚକୁ ପ୍ରବେଶ କରିଥିବା ପ୍ରକୃତି ଆଖିରେ ଇସାରା ଦେଇ ଯୁବଗୋଷ୍ଠୀଙ୍କୁ ମତୁଆଲା କରିଥିଲେ।

ବାଏ ଅଫ୍‌ର ଚତୁର୍ଥ ସନ୍ଧ୍ୟା: ଆତ୍ମହତ୍ୟା ସମାଧାନ ନୁହେଁ

ବାଏ ଅଫ୍‌ର ଚତୁର୍ଥ ସନ୍ଧ୍ୟା: ଆତ୍ମହତ୍ୟା ସମାଧାନ ନୁହେଁ

ପୁରୀ ଅଫିସ, ୨୪।୨: ନିକଟରେ ବ୍ଲୁ ହ୍ବେଲ ଗେମ୍‌କୁ ନେଇ ସମଗ୍ର ବିଶ୍ୱରେ ବେଶ୍‌ ଚର୍ଚ୍ଚା ହୋଇଥିଲା। ଏମିତି ଏକ ମୃତ୍ୟୁର ଖେଳକୁ ସହଜରେ ଆପଣାଇଥିଲେ ତରୁଣୀ ତରୁଣ। ଭାରତ ଏପରି କି ଓଡ଼ିଶାରେ ବି ଏହି ମୃତ୍ୟୁର ଖେଳ ତା’ର ଉପସ୍ଥିତି ଜାହିର କରିଥିଲା। ପରିଣତି ବି ଥିଲା ବେଶ୍‌ ଭୟଙ୍କର। କିଏ ହାତ କାଟି ଦେଉଥିଲେ ତ ଆଉ କେହି କୋଠା ଛାତରୁ ଡେଇଁବାକୁ ଭୟ କରୁ ନ ଥିଲେ। ପୁଣି କେହି ରାତି ଅନିଦ୍ରା ହୋଇ ବିଶାଦଗ୍ରସ୍ତ ହୋଇ ଆତ୍ମହତ୍ୟାକୁ ବାଛି ନେଉଥିଲେ।

କଡ଼ା ହେଲା ବୋର୍ଡ

କଡ଼ା ହେଲା ବୋର୍ଡ

ଭୁବନେଶ୍ୱର, ୨୪।୨(ବ୍ୟୁରୋ)- ମାଟ୍ରିକ ପରୀକ୍ଷାର ପ୍ରଥମ ଦିନରେ ହ୍ବାଟ୍‌ସଆପରେ ପ୍ରଶ୍ନପତ୍ର ପ୍ରଘଟ ଅଭିଯୋଗ ହୋଇଥିଲା। ଏହାପରେ ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ କଡ଼ା ଆଭିମୂଖ୍ୟ ଗ୍ରହଣ କରାଯାଇଛି।

ହଳଦୀ, ଚନ୍ଦନରେ ରଙ୍ଗଖେଳ

ହଳଦୀ, ଚନ୍ଦନରେ ରଙ୍ଗଖେଳ

ଭୁବନେଶ୍ୱର, ୨୪।୨(ବ୍ୟୁରୋ)- ଆସନ୍ତା ମାର୍ଚ୍ଚ ୧ରେ ‘ସ୍ବପ୍ନାପତି ହର୍ବାଲ ହୋଲି ୨୦୧୮’ ସ୍ଥାନୀୟ ଏକ ହୋଟେଲରେ ଆୟୋଜିତ ହେବ। ସିନ୍ଥେଟିକ୍‌ ଏବଂ ରସାୟନ ରଙ୍ଗ ବଦଳରେ ପ୍ରାକୃତିକ ସାମଗ୍ରୀରୁ ପ୍ରାକୃତିକ ଉପାୟରେ ପ୍ରସ୍ତୁତ ହର୍ବାଲ ହୋଲି ପ୍ରତି ସହରବାସୀଙ୍କୁ ସଚେତନ କରିବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମର ଆୟୋଜନ କରାଯିବ ବୋଲି ସ୍ବପ୍ନା ପତି ଫାଉଣ୍ଡେଶନର ମୁଖ୍ୟ ତଥା ଅଭିନେତ୍ରୀ ସ୍ବପ୍ନା ପତି କହିଛନ୍ତି।

ଆରମ୍ଭ ହେଲା ନାଟକର ମହାକୁମ୍ଭ

ଆରମ୍ଭ ହେଲା ନାଟକର ମହାକୁମ୍ଭ

ଭୁବନେଶ୍ୱର, ୨୪।୨(ବ୍ୟୁରୋ)- ବିଶ୍ୱର ସର୍ବବୃହତ ମଞ୍ଚ ନାଟକ ଉତ୍ସବ ୮ମ ଥିଏଟର ଅଲିମ୍ପିକ୍ସ ଶନିବାରଠାରୁ ସ୍ଥାନୀୟ ରବୀନ୍ଦ୍ର ମଣ୍ଡପଠାରେ ଆରମ୍ଭ ହୋଇଛି। ଉଦ୍‌ଘାଟନୀ ଉତ୍ସବରେ ସଂସ୍କୃତି ବିଭାଗ ଶାସନ ସଚିବ ମନୋରଞ୍ଜନ ପାଣିଗ୍ରାହୀ ମୁଖ୍ୟଅତିଥିଭାବେ ଯୋଗଦେଇ କହିଥିଲେ, ଏଭଳି ଏକ ନାଟକ ମହୋତ୍ସବ ଭୁବନେଶ୍ୱରରେ ଆୟୋଜିତ ହେବା ସମସ୍ତଙ୍କ ପାଇଁ ଖୁସିର ବିଷୟ।

ସ୍ତ୍ରୀଙ୍କୁ ତଣ୍ଟିଚିପି ହତ୍ୟା, ସ୍ବାମୀ ଫେରାର

ସ୍ତ୍ରୀଙ୍କୁ ତଣ୍ଟିଚିପି ହତ୍ୟା, ସ୍ବାମୀ ଫେରାର

ବାଲିଅନ୍ତା, ୨୪।୨(ଡି.ଏନ୍‌.ଏ.): ବାଲିଅନ୍ତା ଥାନା ଅଧୀନ କାକରୁଦ୍ରପୁର ଗ୍ରାମର ମଲିକ ସାହିରେ ଶୁକ୍ରବାର ବିଳମ୍ବିତ ରାତିରେ ଜଣେ ମହିଳାଙ୍କୁ ଶୋଇଥିବା ଅବସ୍ଥାରେ ତାଙ୍କ ସ୍ବାମୀ ତଣ୍ଟିଚିପି ହତ୍ୟା କରିଛନ୍ତି। ଅଭିଯୁକ୍ତ ସ୍ବାମୀ ହେଲେ ଛବୀନ୍ଦ୍ର ମଲିକ।

ବିଦ୍ୟାଳୟରେ ଦେଖିଲେଖ ପ୍ରତିଯୋଗିତା

ବିଦ୍ୟାଳୟରେ ଦେଖିଲେଖ ପ୍ରତିଯୋଗିତା

ପୁରୀ ଅଫିସ, ୨୪।୨: ଭ୍ରାମ୍ୟମାଣ ସାହିତ୍ୟ ସଂସ୍ଥା ଟିକିତାରା ପକ୍ଷରୁ ଶନିବାର ଚାରିଶ୍ରୀ ନୋଡ଼ାଲ ଉଚ୍ଚ ବିଦ୍ୟାଳୟରେ ଷଷ୍ଠରୁ ନବମ ଶ୍ରେଣୀ ପିଲାଙ୍କ ମଧ୍ୟରେ ଦେଖିଲେଖ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ୧୯୪ ଛାତ୍ରୀଛାତ୍ର ଅଂଶଗ୍ରହଣ କରିଥିଲେ।

ଆହତ ବୋଝିଆଙ୍କ ମୃତ୍ୟୁକୁ ନେଇ ଉତ୍ତେଜନା: ଶ୍ରୀମନ୍ଦିର କାର୍ଯ୍ୟାଳୟ ଆଗରେ ଧାରଣା

ଆହତ ବୋଝିଆଙ୍କ ମୃତ୍ୟୁକୁ ନେଇ ଉତ୍ତେଜନା: ଶ୍ରୀମନ୍ଦିର କାର୍ଯ୍ୟାଳୟ ଆଗରେ ଧାରଣା

ପୁରୀ ଅଫିସ, ୨୩।୨: ଶ୍ରୀମନ୍ଦିରରେ ଆହତ ହୋଇ ଚିକିତ୍ସାଧୀନ ଥିବା ଜଣେ ବୋଝିଆଙ୍କ ମୃତ୍ୟୁକୁ ନେଇ ଶୁକ୍ରବାର ବଡ଼ଦାଣ୍ଡରେ ସୃଷ୍ଟି ହୋଇଛି ଅଭାବନୀୟ ପରିସ୍ଥିତି। କ୍ଷତିପୂରଣ ଦାବିରେ ମୃତଦେହକୁ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟ ସମ୍ମୁଖରେ ରଖି ପ୍ରାୟ ୨୫୦ରୁ ଊର୍ଦ୍ଧ୍ୱ ବୋଝିଆ ଧାରଣା ବସିଥିଲେ। ପରେ ରେଡ୍‌କ୍ରସ୍‌ ପାଣ୍ଠିରୁ ୧୦ ହଜାର ଟଙ୍କା ପ୍ରାଥମିକ ସହାୟତା ପ୍ରଦାନ କରାଯିବା ପରେ ଧାରଣା ପ୍ରତ୍ୟାହୃତ ହୋଇଛି।

ବାଏ ଅଫ୍‌ର ତୃତୀୟ ସନ୍ଧ୍ୟା: ଦୃଷ୍ଟିହୀନ ସାଜିଲେ ପଥପ୍ରଦର୍ଶକ

ବାଏ ଅଫ୍‌ର ତୃତୀୟ ସନ୍ଧ୍ୟା: ଦୃଷ୍ଟିହୀନ ସାଜିଲେ ପଥପ୍ରଦର୍ଶକ

ପୁରୀ ଅଫିସ,୨୩ା୨: ଜଣେ ଦୃଷ୍ଟିହୀନ ପାଇଁ ଆଲୋକର ମାନେ କିଛି ନାହିଁ। ଅନ୍ଧକାର ହିଁ ତା ଜୀବନ ସାଥୀ। ଜନ୍ମରୁ ସିଏ ଆଲୋକର ସଂଜ୍ଞା କ’ଣ ଜାଣିନି କିମ୍ବା ଆଲୋକର ରଶ୍ମି କେବେ ଦେଖିବାର ସୁଯୋଗ ପାଇନି। ପୂର୍ଣ୍ଣିମାର ରାତି ତା’ ପାଇଁ ସର୍ବଦା ଅମା ଅନ୍ଧାର। ହେଲେ ଅନ୍ଧକାରକୁ ସାଥୀ କରି ଚାଲୁଥିବା ଜଣେ ଦୃଷ୍ଟିହୀନ ଯେ ବେଳେବେଳେ ଅନ୍ୟମାନଙ୍କୁ ଠିକଣା ପଥରେ ଆଗେଇ ନିଏ ତାହା ଦେଖିବାକୁ ମିଳିଥିଲା ବ୍ରିଙ୍ଗ ୟୋର ଓନ୍‌ ଫିଲ୍ମ ଫେଷ୍ଟିଭାଲ (ବାଏ ଅଫ୍‌)ରେ।

ମାର୍ଚ୍ଚ ୨୫ ସୁଦ୍ଧା ଜଗମୋହନରୁ ଦର୍ଶନ

ମାର୍ଚ୍ଚ ୨୫ ସୁଦ୍ଧା ଜଗମୋହନରୁ ଦର୍ଶନ

ପୁରୀ ଅଫିସ, ୨୩।୨: ଶ୍ରୀମନ୍ଦିରର ଜଗମୋହନ ଭିତରପାର୍ଶ୍ୱ ସଂରକ୍ଷଣ କାର୍ଯ୍ୟ ଶେଷ ହୋଇଛି। ଏହାର ସୌନ୍ଦର୍ଯ୍ୟକରଣ ସିଲିଙ୍ଗ ଓ କ୍ଲାଡିଙ୍ଗ କାର୍ଯ୍ୟ ମାର୍ଚ୍ଚ ୬ ସୁଦ୍ଧା ସରିବ। ଗର୍ଭଗୃହରେ ଏସି ସଂସ୍ଥାପନ ହେବ। ସେଥିପାଇଁ ଜଗମୋହନରେ ଭେଣ୍ଟିଲେଶନ ଡକ୍‌ ଲଗାଯିବ। ଏହି କାର୍ଯ୍ୟ ମାର୍ଚ୍ଚ ୨୦ ସୁଦ୍ଧା ସରିବ। ମାର୍ଚ୍ଚ ୨୫ ସୁଦ୍ଧା ଭକ୍ତ ଜଗମୋହନକୁ ଯାଇ ମହାପ୍ରଭୁଙ୍କ ଦର୍ଶନ କରିପାରିବେ। ଏହାପରେ ଆଉ କୌଣସି ସମସ୍ୟା ରହିବ ନାହିଁ ବୋଲି କୋର୍‌ କମିଟି ମତ ରଖିଛି।

ଫିକା ପଡିଲା ବିଚ୍‌ କାର୍ନିଭାଲ: ଚଇତିଘୋଡ଼ା ନୃତ୍ୟରେ ମନ ବୁଝିଲାନି

ଫିକା ପଡିଲା ବିଚ୍‌ କାର୍ନିଭାଲ: ଚଇତିଘୋଡ଼ା ନୃତ୍ୟରେ ମନ ବୁଝିଲାନି

ପୁରୀ ଅଫିସ,୨୩।୨: ଜମାଣିଆ ହେବ ପୁରୀ ବିଚ୍‌ କାର୍ନିଭାଲ। କ୍ରୀଡ଼ା, ଯୋଗ ଓ ନୃତ୍ୟଗୀତର ବି ଆସର ଜମିବ। ସାମିଲ ହେବେ ପୁରୀବାସୀ ଆଉ ପର୍ଯ୍ୟଟକ। ୫ ଦିନ ଧରି ନାଚଗୀତରେ ମସ୍‌ଗୁଲ ହେବେ ସଭିଏଁ। ଆରମ୍ଭରୁ ଏମିତି ଅନେକ କଥା ଶୁଣିବାକୁ ମିଳିଥିଲା। ଉଦ୍‌ଘାଟନୀ ବି ବେଶ୍‌ ଜାକଜମକରେ ହେଲା। ହେଲେ ତୃତୀୟ ସନ୍ଧ୍ୟାରେ ଫିକା ପଡିଗଲା ବିଚ୍‌ କାର୍ନିଭାଲ। ଆସିଲେନି ଅତିଥି କି ଉଦ୍‌ଘାଟନ ହେଲାନି କାର୍ଯ୍ୟକ୍ରମ।