ମେଟ୍ରୋ

ପଣାସଂକ୍ରାନ୍ତି ଅବସରରେ ଜଳଛତ୍ର ଉଦ୍‌ଘାଟିତ

ପଣାସଂକ୍ରାନ୍ତି ଅବସରରେ ଜଳଛତ୍ର ଉଦ୍‌ଘାଟିତ

ବାଲିଅନ୍ତା, ୧୪।୪(ଡି.ଏନ୍‌.ଏ.): ମହାବିଷୁବ ସଂକ୍ରାନ୍ତି ତଥା ହନୁମାନ ଜୟନ୍ତୀ ଅବସରରେ ଶନିବାର ବାଲିଅନ୍ତା ୟୁଥ କ୍ଲବ ପକ୍ଷରୁ ବାଲିଅନ୍ତା ବଜାର ଛକରେ ଏକ ଜଳଛତ୍ର ଉଦ୍‌ଘାଟିତ ହୋଇଯାଇଛି। ବାଲିଅନ୍ତା ଥାନା ଆଇଆଇସି ସୁଜିତ ଦାସ ମୁଖ୍ୟ ଅତିଥିଭାବେ ଯୋଗ ଦେଇ ଜଳଛତ୍ରକୁ ଉଦ୍‌ଘାଟନ କରିଥିଲେ। ଏହି କାର୍ଯ୍ୟକ୍ରମରେ କ୍ଲବର ସମସ୍ତ ସଭ୍ୟ ଉପସ୍ଥିତ ଥିଲେ।

ଯୁବକଙ୍କୁ ଚାପଡ଼ରେ ହାଣି ଖସି ପଳାଇଲେ

ଯୁବକଙ୍କୁ ଚାପଡ଼ରେ ହାଣି ଖସି ପଳାଇଲେ

ବାରଙ୍ଗ,୧୩।୪(ଡି.ଏନ୍‌.ଏ.)- ଚନ୍ଦକା ଥାନାଠାରୁ ଅଳ୍ପ କିଛି ଦୂର ବାରଙ୍ଗ-ପିତାପଲ୍ଲୀ ମୁଖ୍ୟରାସ୍ତାର ନାଳନ୍ଦା କଲେଜ ପାଖରେ ଶୁକ୍ରବାର ସକାଳେ ଜଣେ ଯୁବକଙ୍କୁ ଚାପଡ଼ରେ ଆକ୍ରମଣ କରାଯାଇଛି। ଏଥିରେ ଯୁବକ ଜଣକ ଗୁରୁତର ଆହତ ହୋଇଛନ୍ତି। ସେ ହେଲେ ଚନ୍ଦକା ସିମିଳିପାଟଣା ଗ୍ରାମର ପ୍ରଳୟ ପାଇକରାୟ(ଭବାନୀ)। ଚାପଡ଼ ଚୋଟରେ ଭବାନୀଙ୍କ ଶରୀରର ବିଭିନ୍ନ ସ୍ଥାନରେ ଗଭୀର କ୍ଷତ ସୃଷ୍ଟି ହୋଇଛି। ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି।

‘ସଂଖ୍ୟାଲଘୁ ବୋଲି ପୋଲିସ ଦାଉ ସାଧୁଛି’

‘ସଂଖ୍ୟାଲଘୁ ବୋଲି ପୋଲିସ ଦାଉ ସାଧୁଛି’

ଭୁବନେଶ୍ୱର, ୧୩।୪(ବ୍ୟୁରୋ)- ଅସାମାଜିକ ଲୋକଙ୍କ ସହ ହାତ ମିଳାଇ ପୋଲିସ ଆମକୁ ହଇରାଣ କରୁଛି। ଆମ ନଁ। ରେ ବାରମ୍ବାର ମିଥ୍ୟା ମାମଲା ରୁଜୁ କରି ଜେଲ୍‌ ପଠାଉଛି। ବସ୍ତିରେ ବ୍ରାଉନସୁଗାର ବ୍ୟବସାୟ କରିବା ସହ ମାସିକ ୪୦ ହଜାର ଟଙ୍କା ବଟି ଦେବାକୁ କେତେଜଣ ଅସାମାଜିକ ବ୍ୟକ୍ତି ଆମକୁ ବାଧ୍ୟ କରୁଛନ୍ତି। ଏଥିରେ ରାଜି ନ ହେବାରୁ ଗତମାସ ୧୩ ତାରିଖରେ ସେମାନେ ଆମ ପରିବାର ଲୋକଙ୍କୁ ନିସ୍ତୁକ ମାଡ଼ ମାରି ରକ୍ତାକ୍ତ କରିଥିଲେ।

ଟ୍ରିପଲ ମର୍ଡର  ଘଟଣାର ରାୟ ପ୍ରକାଶ: କ୍ରାଇମବ୍ରାଞ୍ଚ ପକ୍ଷରୁ ସମ୍ମାନିତ ହେବେ ତଦନ୍ତକାରୀ ଅଫିସର

ଟ୍ରିପଲ ମର୍ଡର ଘଟଣାର ରାୟ ପ୍ରକାଶ: କ୍ରାଇମବ୍ରାଞ୍ଚ ପକ୍ଷରୁ ସମ୍ମାନିତ ହେବେ ତଦନ୍ତକାରୀ ଅଫିସର

କଟକ ଅଫିସ, ୧୩।୪: ରାୟଗଡ଼ା ଜିଲା କିତୁଂ ଗାଁ ଟ୍ରିପଲ ମର୍ଡର ଘଟଣାରେ ଶୁକ୍ରବାର ୯ ଜଣଙ୍କୁ ଫାଶୀ ଦଣ୍ଡାଦେଶ ହୋଇଛି। ଏହି ଘଟଣାର ଠିକ୍‌ ଭାବେ ତଦନ୍ତ କରାଯିବା ପରେ ଦୋଷୀଙ୍କୁ ଉଚିତ ଦଣ୍ଡବିଧାନ କରିବାରେ ପୋଲିସ ସଫଳ ହୋଇଛି।

ବ୍ୟାଙ୍କ ସୁରକ୍ଷାକୁ ନେଇ  କ୍ରାଇମ୍‌ବ୍ରାଞ୍ଚର ବୈଠକ: ଆର୍‌ବିଆଇ ଗାଇଡଲାଇନକୁ କଡ଼ାକଡ଼ି ପାଳନ ଉପରେ ଗୁରୁତ୍ୱ

ବ୍ୟାଙ୍କ ସୁରକ୍ଷାକୁ ନେଇ କ୍ରାଇମ୍‌ବ୍ରାଞ୍ଚର ବୈଠକ: ଆର୍‌ବିଆଇ ଗାଇଡଲାଇନକୁ କଡ଼ାକଡ଼ି ପାଳନ ଉପରେ ଗୁରୁତ୍ୱ

କଟକ ଅଫିସ, ୧୩।୪: ରାଜ୍ୟରେ ବଢୁଥିବା ବ୍ୟାଙ୍କ ଲୁଟ ଘଟଣାକୁ ରୋକିବା ପାଇଁ କ୍ରାଇମବ୍ରାଞ୍ଚ ପକ୍ଷରୁ ଗୁରୁତ୍ୱ ଦିଆଯାଉଛି। ଏ ନେଇ ୩୫ଟି ବ୍ୟାଙ୍କର ଅଧିକାରୀଙ୍କୁ ନେଇ ଶୁକ୍ରବାର ଭୁବନେଶ୍ବରରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି।

ରୋଗୀଙ୍କୁ କଟକ ସ୍ଥାନାନ୍ତର ନେଇ ଉତ୍ତେଜନା

ରୋଗୀଙ୍କୁ କଟକ ସ୍ଥାନାନ୍ତର ନେଇ ଉତ୍ତେଜନା

ପୁରୀ ଅଫିସ,୧୩।୪: ପୁରୀ ଜିଲା ମୁଖ୍ୟ ଚିକିତ୍ସାଳୟରେ ପୁଣି ଅଘଟଣ ଘଟିଛି। ଜଣେ ଗୁରୁତର ମହିଳାଙ୍କୁ ତାଙ୍କ ସମ୍ପର୍କୀୟଙ୍କ ବିନା ପରାମର୍ଶରେ କଟକ ସ୍ଥାନାନ୍ତର କରାଯିବାକୁ ନେଇ ଶୁକ୍ରବାର ଉତ୍ତେଜନା ପ୍ରକାଶ ପାଇଛି। ଏ ନେଇ ରୋଗୀଙ୍କ ସମ୍ପର୍କୀୟ ଓ ଡାକ୍ତରଙ୍କ ମଧ୍ୟରେ ମୁହାଁମୁହଁି ହୋଇଛି। ଖବର ପାଇ କୁମ୍ଭାରପଡ଼ା ପୋଲିସ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତଙ୍କୁ ବୁଝାଶୁଝା କରିଛନ୍ତି।

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୧ କୋଟି ୫୭ ଲକ୍ଷର ୪୩ ପ୍ରକଳ୍ପକୁ ମଞ୍ଜୁରୀ

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୧ କୋଟି ୫୭ ଲକ୍ଷର ୪୩ ପ୍ରକଳ୍ପକୁ ମଞ୍ଜୁରୀ

ଭୁବନେଶ୍ୱର,୧୩।୪(ବ୍ୟୁରୋ): ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ୧ କୋଟି ୫୭ ଲକ୍ଷ ଟଙ୍କାର ୪୩ ପ୍ରକଳ୍ପକୁ ମଞ୍ଜୁରୀ ଦେଇଛନ୍ତି। ଏହି ପ୍ରକଳ୍ପଗୁଡିକ ମଧ୍ୟରେ ବାଲେଶ୍ୱର ଜିଲାର ଅଡା ପଞ୍ଚାୟତର ୮, ମାଲକାନଗିରି ଜିଲା ଗୋବିନ୍ଦପାଲୀ ପଞ୍ଚାୟତର ୯, ବୌଦ୍ଧ ଜିଲା ବାଉଁଶୁଣୀ ପଞ୍ଚାୟତର ୧୦ ଓ ପୁରୀ ଜିଲା ବଳଙ୍ଗା ପଞ୍ଚାୟତର ୧୬ଟି ପ୍ରକଳ୍ପ ରହିଛି।

ଠିକା ପରିମଳ କର୍ମଚାରୀଙ୍କ ବିକ୍ଷୋଭ

ଠିକା ପରିମଳ କର୍ମଚାରୀଙ୍କ ବିକ୍ଷୋଭ

ପୁରୀ ଅଫିସ,୧୩।୪: ପୁନଃ ନିଯୁକ୍ତି ସମେତ ୧୦ ଦଫା ଦାବି ନେଇ ଶ୍ରୀଜଗନ୍ନାଥ ମନ୍ଦିର ଠିକା ପରିମଳ କର୍ମଚାରୀମାନେ ଶୁକ୍ରବାର ଶ୍ରୀମନ୍ଦିର କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ଏ ସମ୍ପର୍କରେ ସଂଘ ସଭାପତି ଶରତ କୁମାର ରାୟଗୁରୁ କହିଛନ୍ତି, ହକ୍‌ ପାଇଁ ମୁହଁ ଖୋଲିବାରୁ ଠିକା ସଂସ୍ଥା ବେଆଇନ ଭାବେ ୨୪ କର୍ମଚାରୀଙ୍କୁ ଛଟେଇ କଲା।

ଫିଲ୍ମ ଶୁଟିଂ ବେଳେ ଅଭିନେତା ଅନୁଭବ ଆହତ

ଫିଲ୍ମ ଶୁଟିଂ ବେଳେ ଅଭିନେତା ଅନୁଭବ ଆହତ

କଟକ ଅଫିସ, ୧୨।୪:ଫିଲ୍ମ ଶୁଟିଂ ବେଳେ ଆହତ ହୋଇଛନ୍ତି ଓଡ଼ିଆ ସିନେମା ଜଗତର ସୁପରଷ୍ଟାର ତଥା ରାଜ୍ୟ ସଭା ସଦସ୍ୟ ଅନୁଭବ ମହାନ୍ତି। ଗୁରୁବାର ଅପରାହ୍ନରେ କଟକ ମହାନଦୀ ବିହାରରେ ଏକ ଓଡ଼ିଆ ସିନେମାର ଫାଇଟିଂ ଦୃଶ୍ୟ ଶୁଟିଂ ଚାଲିଥିବାବେଳେ ଅନୁଭବଙ୍କ ଡାହାଣ ଗୋଡ଼ରେ ଆଘାତ ଲାଗିଥିଲା।

ଶ୍ରୀମନ୍ଦିର ପଶ୍ଚିମ ଦ୍ୱାର ସମ୍ମୁଖ ଗଳିରେ ଅଗ୍ନିକାଣ୍ଡ

ଶ୍ରୀମନ୍ଦିର ପଶ୍ଚିମ ଦ୍ୱାର ସମ୍ମୁଖ ଗଳିରେ ଅଗ୍ନିକାଣ୍ଡ

ପୁରୀ ଅଫିସ, ୧୩।୪: ଶ୍ରୀମନ୍ଦିର ପଶ୍ଚିମ ଦ୍ୱାର ସମ୍ମୁଖ ଗଳିରେ ଶୁକ୍ରବାର ସକାଳେ ଅଗ୍ନିକାଣ୍ଡ ଘଟିଛି। ଏଥିରେ ଗୋବିନ୍ଦ ମହାପାତ୍ରଙ୍କ ଗୋଟିଏ ବଖରା ଚାଳଘର ଜଳି ଯାଇଛି। ତେବେ ଏଥିରେ କେହି ମୃତାହତ ହୋଇ ନ ଥିବା ଜଣାପଡ଼ିଛି। ଖବର ପାଇଁ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଛନ୍ତି।

କୋର୍ଟରୁ ଫେରାର କଏଦୀ ଗିରଫ

କୋର୍ଟରୁ ଫେରାର କଏଦୀ ଗିରଫ

କଟକ ରୋଡ଼, ୧୩।୪(ଡି.ଏନ୍‌.ଏ.): ଭୁବନେଶ୍ୱର କୋର୍ଟ ପରିସରରୁ ଚମ୍ପଟ ମାରିଥିବା କଏଦୀ ରଞ୍ଜନ ମାର୍ଥାଙ୍କୁ ବଡ଼ଗଡ଼ ପୋଲିସ ଗୁରୁବାର ଅପରାହ୍ନରେ ଗିରଫ କରିଛି। ଗତ ପ୍ରାୟ ଦେଢ ବର୍ଷ ଧରି ଏକ ବଳାତ୍କାର ମାମଲାରେ ଗିରଫ ହୋଇଥିବା ରଞ୍ଜନ ଝାରପଡ଼ା ସ୍ବତନ୍ତ୍ର ଜେଲରେ ବିଚାରାଧୀନ କଏଦୀ ଭାବେ ଦଣ୍ଡ ଭୋଗୁଥିଲେ।

ପୋଲିସ ଏନ୍‌କାଉଣ୍ଟର: କୁଖ୍ୟାତ ଅପରାଧି ସୂର୍ଯ୍ୟମଣି ଛୋଟରାୟ ଆହତ

ପୋଲିସ ଏନ୍‌କାଉଣ୍ଟର: କୁଖ୍ୟାତ ଅପରାଧି ସୂର୍ଯ୍ୟମଣି ଛୋଟରାୟ ଆହତ

ଖୋର୍ଦ୍ଧା ଅଫିସ, ୧୩।୪: ଖୋର୍ଦ୍ଧା ଜିଲା ଜଙ୍କିଆ ଥାନା ଛଣଗିରି ପଞ୍ଚାୟତ ରାସ୍ତାରେ ଶୁକ୍ରବାର ନୟାଗଡ଼ ପୋଲିସ ଏନକାଉଣ୍ଟରରେ କୁଖ୍ୟାତ ଅପରାଧି ସୂର୍ଯ୍ୟମଣି ଛୋଟରାୟ ଓରଫ ଚିଲୁ ଆହତ ହୋଇଛନ୍ତି। ତାଙ୍କ ଡାହାଣ ଗୋଡରେ ଗୁଳି ବାଜିଛି।

ଫିଲ୍ମ ଫ୍ରାଇଡେ’: ପରଦାକୁ ଆସିବ ‘ର଼୍ୟାମ୍ପେଜ୍‌’, ହିନ୍ଦୀରେ ରିଲିଜ୍‌ ହେବ ‘ଅକ୍ଟୋବର’ ଓ ‘ମରକ୍ୟୁରୀ’

ଫିଲ୍ମ ଫ୍ରାଇଡେ’: ପରଦାକୁ ଆସିବ ‘ର଼୍ୟାମ୍ପେଜ୍‌’, ହିନ୍ଦୀରେ ରିଲିଜ୍‌ ହେବ ‘ଅକ୍ଟୋବର’ ଓ ‘ମରକ୍ୟୁରୀ’

ଭୁବନେଶ୍ୱର,୧୨।୪(ବ୍ୟୁରୋ)- କିଛି ଭିନ୍ନ ସ୍ବାଦର ଫିଲ୍ମ ସହ ଏଥର ଫିଲ୍ମ ଫ୍ରାଇଡେ’ ଦର୍ଶକଙ୍କ ପାଇଁ ନେଇଆସୁଛି ଭରପୂର ମନୋରଞ୍ଜନ। ଦୁଇ ଦୁଇଟି ହିନ୍ଦୀ ଫିଲ୍ମ ସାଙ୍ଗକୁ ବହୁ ପ୍ରତୀକ୍ଷିତ ଆମେରିକାନ୍‌ ସାଇନ୍ସ ଫିକ୍ସନ ଫିଲ୍ମ ‘ର଼୍ୟାମ୍ପେଜ୍‌’ ଶୁକ୍ରବାର ପରଦାକୁ ଆସୁଛି। ବରୁଣ ଧାଓ୍ବନଙ୍କ ଅଭିନୀତ ହିନ୍ଦୀ ଫିଲ୍ମ ‘ଅକ୍ଟୋବର’ ସହ ପ୍ରଭୁ ଦେବାଙ୍କ ଫିଲ୍ମ ‘ମରକ୍ୟୁରୀ’ ଏଥର ରିଲିଜ୍‌ ହେବାକୁ ଯାଉଛି।

ସ୍ବାମୀଙ୍କ ୨ୟ ବିବାହ ଯୋଜନା: ବିରୋଧ କରିବାରୁ ସ୍ତ୍ରୀଙ୍କ ଅଶ୍ଳୀଳ ଭିଡିଓ ଭାଇରାଲ ଧମକ

ସ୍ବାମୀଙ୍କ ୨ୟ ବିବାହ ଯୋଜନା: ବିରୋଧ କରିବାରୁ ସ୍ତ୍ରୀଙ୍କ ଅଶ୍ଳୀଳ ଭିଡିଓ ଭାଇରାଲ ଧମକ

ଭୁବନେଶ୍ୱର, ୧୨।୪(ବ୍ୟୁରୋ)- ୪ବର୍ଷ ତଳେ ଦୁହେଁ କୋର୍ଟରେ ବିବାହ କରିଥିଲେ। ଉଭୟେ ଏକାଠି ରହୁ ନ ଥିଲେ ମଧ୍ୟ ସେମାନଙ୍କ ମଧ୍ୟରେ ଶାରିରୀକ ସମ୍ପର୍କ ଥିଲା। ଘରେ ଏକଥା ଜାଣି ନ ଥିବାରୁ ସ୍ତ୍ରୀ ହୋଇ ବି ୬ ଥର ଗର୍ଭ ନଷ୍ଟ କରିଛନ୍ତି। ମାତ୍ର ପରିବାର ସ୍ବୀକୃତି ମିଳିବା ପରେ ବୈଦିକ ରୀତିନୀତିରେ ବିବାହ କରିବାକୁ କହୁଥିବା ସ୍ବାମୀ ଏବେ ଦ୍ୱିତୀୟ ବିବାହ କରିବାକୁ ଯାଉଛନ୍ତିି। ଆସନ୍ତା ୧୮ ତାରିଖରେ ସେ ଅନ୍ୟ ଜଣେ ଯୁବତୀଙ୍କୁ ବିବାହ କରିବେ।

ପୀୟୂଷ ଗୋଏଲଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ

ପୀୟୂଷ ଗୋଏଲଙ୍କୁ ଚିଠି ଲେଖିଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୧୨।୪(ବ୍ୟୁରୋ) : ଓଡ଼ିଶାର ୪ କୋଇଲା ଖଣିକୁ କେନ୍ଦ୍ର ସରକାର ଡବ୍ଲ୍ୟୁସିଏଲ୍‌ ହାତରେ ଟେକିଦେବା ପାଇଁ ନିଷ୍ପତ୍ତି ନେଇଛନ୍ତି। ଏହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିରୋଧ କରିବା ସହ ଖଣିଗୁଡ଼ିକୁ ଏମ୍‌ସିଏଲକୁ ଦେବା ପାଇଁ ପ୍ରସ୍ତାବ ଦେଇଛନ୍ତି। ଏ ନେଇ କେନ୍ଦ୍ର କୋଇଲା ମନ୍ତ୍ରୀ ପୀୟୂଷ ଗୋଏଲଙ୍କୁ ମୁଖ୍ୟମନ୍ତ୍ରୀ ଗୁରୁବାର ଚିଠି ଲେଖିଛନ୍ତି।

ମହାନଦୀ ବିବାଦକୁ ନେଇ ହଟ୍ଟଗୋଳ: ଗୃହ ୩ଟାଯାଏ ମୁଲତବୀ

ମହାନଦୀ ବିବାଦକୁ ନେଇ ହଟ୍ଟଗୋଳ: ଗୃହ ୩ଟାଯାଏ ମୁଲତବୀ

ଭୁବନେଶ୍ୱର, ୧୨।୪(ବ୍ୟୁରୋ): ମହାନଦୀ ପ୍ରସଙ୍ଗକୁ ନେଇ ବିରୋଧୀଙ୍କ ହଟ୍ଟଗୋଳ ଯୋଗୁ ଲଗାତାର ଦ୍ୱିତୀୟ ଦିନ ଚାଲିପାରିଲା ନାହିଁ ବିଧାନସଭା।

ଅତାବିରା ଏନ୍‌ଏସି ଅଧ୍ୟକ୍ଷା ହେଲେ ଦୀପାଞ୍ଜଳି

ଅତାବିରା ଏନ୍‌ଏସି ଅଧ୍ୟକ୍ଷା ହେଲେ ଦୀପାଞ୍ଜଳି

ସରଣ୍ଡା, ୧୨।୪(ଡି.ଏନ୍‌.ଏ.): ବରଗଡ଼ ଜିଲା ଅତାବିରା ଏନ୍‌ଏସିର ଅଧ୍ୟକ୍ଷା ଭାବେ ଦୀପାଞ୍ଜଳି ଭୋରାସାଗର ମନୋନୀତ ହୋଇଛନ୍ତି। ଉପଜିଲାପାଳ ବିଶ୍ୱଜିତ୍‌ ମହାପାତ୍ର ଗୁରୁବାର ଏହା ଘୋଷଣା କରିଛନ୍ତି।

ପୁରୀ ବେଳାଭୂମିରୁ ଡଲ୍‌ଫିନ୍‌ ଉଦ୍ଧାର

ପୁରୀ ବେଳାଭୂମିରୁ ଡଲ୍‌ଫିନ୍‌ ଉଦ୍ଧାର

ପୁରୀ ଅଫିସ, ୧୨।୪: ପୁରୀ ବେଳାଭୂମି ମାର୍ଗର ହୋଟେଲ ଭିକ୍ଟୋରିଆ ନିକଟରୁ ଗୁରୁବାର ଏକ ମୃତ ଡଲ୍‌ଫିନ୍‌ ଜଙ୍ଗଲ ବିଭାଗ ପକ୍ଷରୁ ଉଦ୍ଧାର କରାଯାଇଛି। ଏହାର ଲମ୍ବ ପ୍ରାୟ ୩ ଫୁଟ ହେବ। ତେବେ ଡଲ୍‌ଫିନ୍‌ଟି କେଉଁ ପ୍ରଜାତିର ତାହା ସ୍ପଷ୍ଟ ହୋଇନାହିଁ। ବେଳାଭୂମିରେ ଏକ ଡଲ୍‌ଫିନ୍‌ ପଡିଥିବା ଦେଖି ଲାଇଫ୍‌ଗାର୍ଡମାନେ ଜଙ୍ଗଲ ବିଭାଗକୁ ଖବର ଦେଇଥିଲେ।

ସି-ଶୋର ଲିଙ୍କ୍‌: ପ୍ରଭାତ ବିଶ୍ୱାଳଙ୍କ ସ୍ବାସ୍ଥ୍ୟ ସମ୍ପର୍କିତ ରିପୋର୍ଟ ଦାଖଲ ନିର୍ଦ୍ଦେଶ

ସି-ଶୋର ଲିଙ୍କ୍‌: ପ୍ରଭାତ ବିଶ୍ୱାଳଙ୍କ ସ୍ବାସ୍ଥ୍ୟ ସମ୍ପର୍କିତ ରିପୋର୍ଟ ଦାଖଲ ନିର୍ଦ୍ଦେଶ

କଟକ ଅଫିସ, ୧୧।୪- ଚୌଦ୍ୱାର-କଟକ ବିଧାୟକ ପ୍ରଭାତ ରଞ୍ଜନ ବିଶ୍ୱାଳଙ୍କ ଜାମିନ ଆବେଦନର ଶୁଣାଣି ବୁଧବାର ହାଇକୋର୍ଟରେ ହୋଇଥିଲା। ସେ ଅସୁସ୍ଥ ଥିବା ଦର୍ଶାଇ ବିଶ୍ୱାଳଙ୍କ ପକ୍ଷରୁ ପୁଣି ହାଇକୋର୍ଟରେ ଜାମିନ ଆବେଦନ କରାଯାଇଛି। ବିଚାରପତି ବିଶ୍ୱନାଥ ରଥ ବିଶ୍ୱାଳଙ୍କ ସ୍ବାସ୍ଥ୍ୟ ସମ୍ପର୍କିତ ସବିଶେଷ ରିପୋର୍ଟ ଦାଖଲ କରିବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ବିଧାୟକ ବିଶ୍ୱାଳ ତାଙ୍କ ଜାମିନ ଆବେଦନରେ ଦର୍ଶାଇଛନ୍ତି ଯେ, ତାଙ୍କର ସ୍ବାସ୍ଥ୍ୟ ସମସ୍ୟା ଯେହେତୁ ଗୁରୁତର ରହିଛି। ଏଣୁ ତାଙ୍କୁ ଏସ୍‌ସିବିରେ ରଖାଯାଇ ଚିକିତ୍ସା କରାଯାଉଛି। ସେ ଜଣେ ବିଧାୟକ। ତାଙ୍କ ନିର୍ବାଚନମଣ୍ଡଳୀର ଲୋକଙ୍କ ସମସ୍ୟା ବୁଝିବା ତାଙ୍କର ଦାୟିତ୍ୱ। ଏ କ୍ଷେତ୍ରରେ ତାଙ୍କୁ ଜାମିନ ପ୍ରଦାନ କରାଯାଉ ବୋଲି ପ୍ରଭାତଙ୍କ ପକ୍ଷରୁ ହାଇକୋର୍ଟଙ୍କୁ ପ୍ରାର୍ଥନା କରାଯାଇଛି।

ରେଭେନ୍‌ଶା ନିଯୁକ୍ତି ବିଜ୍ଞପ୍ତି ରଦ୍ଦ

ରେଭେନ୍‌ଶା ନିଯୁକ୍ତି ବିଜ୍ଞପ୍ତି ରଦ୍ଦ

କଟକ ଅଫିସ, ୧୧।୪- ରେଭେନ୍‌ଶା ବିଶ୍ୱବିଦ୍ୟାଳୟ ପକ୍ଷରୁ ପ୍ରଫେସର, ରିଡର ଓ ଅଧ୍ୟାପକ ନିଯୁକ୍ତି ନିମନ୍ତେ ପ୍ରକାଶିତ ବିଜ୍ଞପ୍ତିକୁ ହାଇକୋର୍ଟ ଅବୈଧ ଘୋଷଣା କରିଛନ୍ତି। ଏଥିରେ ୟୁଜିସି ଗାଇଡ୍‌ଲାଇନକୁ ଅନୁସରଣ କରାଯାଇ ନ ଥିବା ଅଭିଯୋଗକୁ ବୁଧବାର ହାଇକୋର୍ଟ ଗ୍ରହଣ କରି ଉକ୍ତ ନିଯୁକ୍ତି ବିଜ୍ଞପ୍ତିକୁ ରଦ୍ଦ କରିଦେଇଛନ୍ତି। ମୁଖ୍ୟ ବିଚାରପତି ବିନୀତ ସରନ ଓ ବିଚାରପତି ବିଦ୍ୟୁତ୍‌ ରଞ୍ଜନ ଷଡଙ୍ଗୀଙ୍କୁ ନେଇ ଗଠିତ ଖଣ୍ଡପୀଠ ଅନ୍ତରୀଣ ଆଦେଶକୁ ପ୍ରତ୍ୟାହାର କରିନେଇ ଏହି ଆଦେଶ ଦେଇଛନ୍ତି। ଫଳରେ ଏହି ନିଯୁକ୍ତି ନେଇ ପୁଣିଥରେ ପ୍ରକ୍ରିୟା ଆରମ୍ଭ ହେବ ବୋଲି ଏକ ପ୍ରକାର ସ୍ପଷ୍ଟ ହୋଇଛି।

ଭିଜିଲାନ୍ସ ଜାଲରେ ପୋଲିସ ଏଏସ୍‌ଆଇ: ୩ହଜାର ଲାଞ୍ଚ ନେଇ ଗିରଫ ହେଲେ

କଟକ ଅଫିସ, ୧୧।୪- କଳାହାଣ୍ଡି ଜିଲା ରାମନ୍ଦ୍ରପୁର ଥାନା କର୍ଲାମୁଣ୍ଡା ଫାଣ୍ଡିର ଏଏସ୍‌ଆଇ ଗୟା କୁମାର ସେନାପତି ବୁଧବାର ଭିଜିଲାନ୍ସ ହାତରେ ଧରାପଡ଼ିଛନ୍ତି। କର୍ଲାମୁଣ୍ଡା ଗ୍ରାମର କୃଷ୍ଣଚରଣ ନାୟକଙ୍କଠାରୁ ଏଏସ୍‌ଆଇ ସେନାପତି ୩ହଜାର ଟଙ୍କା ଲାଞ୍ଚ ଗ୍ରହଣ କରୁଥିବା ବେଳେ ଭିଜିଲାନ୍ସ ତାଙ୍କୁ ଗିରଫ କରିଛି। କୃଷ୍ଣଙ୍କ ବିରୋଧରେ ରାମଚନ୍ଦ୍ରପୁର ଥାନାରେ ୨୩/୧୮ରେ ଏକ ମାମଲା ରୁଜୁ ହୋଇଥିଲା। ଉକ୍ତ ମାମଲାରେ କୃଷ୍ଣଙ୍କୁ ଗିରଫ ନ କରିବା ପାଇଁ ଏଏସ୍‌ଆଇ ସେନାପତି ତାଙ୍କୁ ୩ହଜାର ଲାଞ୍ଚ ଦାବି କରିଥିଲେ। ବୁଧବାର ପୂର୍ବାହ୍ନ ୧୧ଟାରେ ଫାଣ୍ଡିରେ ବସି ଏଏସ୍‌ଆଇ ସେନାପତି କୃଷ୍ଣଙ୍କଠାରୁ ଏହି ଲାଞ୍ଚ ଗ୍ରହଣ କରିଥିଲେ। ଲାଞ୍ଚ ଟଙ୍କାକୁ ଫାଣ୍ଡିରେ ଥିବା ଏକ ଆଲମିରାରେ ରଖିଥିଲେ। ଏହି ସମୟରେ ଭିଜିଲାନ୍ସ ଅଧିକାରୀମାନେ ଉକ୍ତ ଆଲମିରାରୁ ଲାଞ୍ଚ ଟଙ୍କା ଜବତ କରିବା ସହିତ ଏଏସ୍‌ଆଇ ସେନାପତିଙ୍କୁ ଗିରଫ କରିଥିଲେ। ପରେ ଭିଜିଲାନ୍ସ ପକ୍ଷରୁ ଏଏସ୍‌ଆଇ ସେନାପତିଙ୍କ କଳାହାଣ୍ଡି ଜିଲା ନର୍ଲା ଥାନା ଅଧୀନସ୍ଥ ଦେହେଲି ଗ୍ରାମରେ ଥିବା ଘରକୁ ଯାଞ୍ଚ କରାଯାଇଥିଲା। ଏ ସମ୍ପର୍କରେ କୋରାପୁଟ ଭିଜିଲାନ୍ସ ଥାନାରେ ୧୧/୧୮ରେ ଏକ ମାମଲା ରୁଜୁ କରାଯାଇଛି।

ଲାଞ୍ଚ ନେଇ ଡାକ୍ତର, ଫାର୍ମାସିଷ୍ଟ ଗିରଫ

କଟକ ଅଫିସ, ୧୧।୪- ଦୁଇହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଛନ୍ତି ଗଞ୍ଜାମ ଜିଲା ବୋମକେଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ମେଡିକାଲ ଅଫିସର ଡାକ୍ତର ଶିଶିର କୁମାର ପ୍ରଧାନ ଓ ଫାର୍ମାସିଷ୍ଟ ପି. ରାଘବାରାଓ ପାତ୍ର। ବୁଧବାର ଉଭୟ ଦିଗପହଣ୍ଡି ଥାନା ଅଧୀନ ଝରିପଦର ଗ୍ରାମର ଝୁମୁରି ଗୌଡ଼ା ନାମକ ଜଣେ ମହିଳାଙ୍କଠାରୁ ପୂର୍ବ ଦାବି ମୁତାବକ ଏହି ଲାଞ୍ଚ ଗ୍ରହଣ କରୁଥିଲେ।

ଦୀପୁ, ଓମ୍‌ ହତ୍ୟା ମାମଲାର ସାକ୍ଷ୍ୟ ଗ୍ରହଣ: ଅଭିଯୁକ୍ତଙ୍କୁ ଚିହ୍ନିଲେ ଦୀପୁଙ୍କ ମା’

ଦୀପୁ, ଓମ୍‌ ହତ୍ୟା ମାମଲାର ସାକ୍ଷ୍ୟ ଗ୍ରହଣ: ଅଭିଯୁକ୍ତଙ୍କୁ ଚିହ୍ନିଲେ ଦୀପୁଙ୍କ ମା’

କଟକ ଅଫିସ, ୧୧।୪- ଚର୍ଚ୍ଚିତ ଦୀପୁ, ଓମ୍‌ ହତ୍ୟା ମାମଲାରେ ସାକ୍ଷ୍ୟ ଗ୍ରହଣ ଆରମ୍ଭ ହୋଇଛି। ପୂର୍ବ ନିର୍ଦ୍ଦେଶ ମୁତାବକ ଏହି ମାମଲାରେ ଧଳସାମନ୍ତ ଭ୍ରାତାଙ୍କ ସମେତ ତାଙ୍କର ୧୨ ଜଣ ସହଯୋଗୀଙ୍କୁ କଟକ ଜିଲା ଦୌରାଜଜ୍‌ ସତ୍ୟନାରାୟଣ ମିଶ୍ରଙ୍କ ଅଦାଲତରେ ହାଜର କରାଯାଇଥିଲା। ତେବେ ଦୀପୁ ହତ୍ୟା ମାମଲାରେ ତାଙ୍କ ମା’ ଶାନ୍ତିଲତା ମଲିକ ଉକ୍ତ ଅଦାଲତରେ ହାଜର ହୋଇ ସାକ୍ଷ୍ୟ ପ୍ରଦାନ କରିଥିଲେ। କୋର୍ଟରେ ଅଭିଯୁକ୍ତଙ୍କୁ ସେ ଚିହ୍ନଟ କରିଥିଲେ। ଶାନ୍ତିଲତା ସାକ୍ଷ୍ୟ ପ୍ରଦାନ କରି କହିଥିଲେ ଯେ, ଧଳସାମନ୍ତ ଭ୍ରାତା ଦୀପୁଙ୍କୁ ଡାକିଛନ୍ତି ବୋଲି ସହଯୋଗୀ ଭଜନା ଓ ଗୁଡୁ କହିଥିଲେ। ଏହା ପରେ ଦୀପୁଙ୍କୁ ସେମାନେ ଅପହରଣ କରିନେଇଥିଲେ। ଯୋଜନା ମୁତାବକ ଧଳସାମନ୍ତ ଭ୍ରାତା ଓ ସହଯୋଗୀମାନେ ତାଙ୍କୁ ହତ୍ୟା କରିଛନ୍ତି। ଏହି ମାମଲାରେ ଅଭିଯୁକ୍ତଙ୍କ ବିରୋଧରେ କଠୋର ଦଣ୍ଡବିଧାନ କରିବା ଲାଗି ଦୀପୁଙ୍କ ମା’ ଅଦାଲତଙ୍କୁ ନିବେଦନ କରିଥିଲେ। ତେବେ ତାଙ୍କ ସାକ୍ଷ୍ୟ ପ୍ରଦାନ ଅଧା ରହିଥିବାରୁ ପୁଣିଥରେ ଉକ୍ତ ଅଦାଲତକୁ ଆସିବେ। ଏଥିନିମନ୍ତେ ମେ ୧୪ ତାରିଖକୁ ଧାର୍ଯ୍ୟ ହୋଇଛି।

କୁନ୍ଦୁଲି ଗଣବଳାତ୍କାର ମାମଲା: ରାଜ୍ୟ ସରକାର, ସିବିଆଇ, ଡିଜିପିଙ୍କୁ ନୋଟିସ

କୁନ୍ଦୁଲି ଗଣବଳାତ୍କାର ମାମଲା: ରାଜ୍ୟ ସରକାର, ସିବିଆଇ, ଡିଜିପିଙ୍କୁ ନୋଟିସ

କଟକ ଅଫିସ, ୧୧।୪- ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ କୁନ୍ଦୁଲି ଗଣବଳାତ୍କାର ଏବଂ ପୀଡିତାଙ୍କ ଆତ୍ମହତ୍ୟା ମାମଲାର ଶୁଣାଣି ହାଇକୋର୍ଟରେ ଆରମ୍ଭ ହୋଇଛି। ବୁଧବାର ଏ ସଂକ୍ରାନ୍ତରେ ଆଗତ ୫ଟି ମାମଲାର ଏକତ୍ର ଶୁଣାଣି ହୋଇଥିଲା। ଉକ୍ତ ମାମଲାରେ ହାଇକୋର୍ଟ ରାଜ୍ୟ ସରକାର, ସିବିଆଇ, ଗୃହ ସଚିବ, ଡିଜିପି, କୋରାପୁଟ ଏସ୍‌ପିଙ୍କ ସମେତ ଅନ୍ୟ ପ୍ରତିପକ୍ଷମାନଙ୍କୁ ମେ ୩ ସୁଦ୍ଧା ଜବାବ ଦାଖଲ କରିବାକୁ ନୋଟିସ ଜାରି କରିଛନ୍ତି। ମୁଖ୍ୟ ବିଚାରପତି ବିନୀତ ସରନ ଓ ବିଚାରପତି ବିଦ୍ୟୁତ୍‌ ରଞ୍ଜନ ଷଡଙ୍ଗୀଙ୍କୁ ନେଇ ଗଠିତ ଖଣ୍ଡପୀଠ ଏହି ନିର୍ଦ୍ଦେଶ ଦେବା ସହିତ ମାମଲାର ପରବର୍ତ୍ତୀ ଶୁଣାଣି ଆସନ୍ତା ମେ ୩କୁ ଦିନଧାର୍ଯ୍ୟ କରିଛନ୍ତି।