ମେଟ୍ରୋ

ସାକ୍ଷୀଗୋପାଳ ମନ୍ଦିରରେ ଦୀପଦାନ

ସାକ୍ଷୀଗୋପାଳ ମନ୍ଦିରରେ ଦୀପଦାନ

ସାକ୍ଷୀଗୋପାଳ,୧୭।୪(ଡି.ଏନ୍‌.ଏ): ପ୍ରବାଦ ପୁରୁଷ ବିଜୁ ବାବୁଙ୍କ ୨୧ତମ ଶ୍ରାଦ୍ଧୋତ୍ସବ ସତ୍ୟବାଦୀ ବିଜୁ ଜନତା ଦଳ ପକ୍ଷରୁ ମଙ୍ଗଳବାର ପାଳିତ ହୋଇଯାଇଛି । ଏହି ଅବସରରେ ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟ, ପଞ୍ଚାୟତ ସମିତି ଅଧ୍ୟକ୍ଷା ସସ୍ମିତା ପ୍ରଧାନଙ୍କ ସମେତ ବିଜୁ ଜନତା ଦଳର କର୍ମୀମାନେ ସାକ୍ଷୀଗୋପାଳ ମନ୍ଦିର ଅରୁଣ ସ୍ତମ୍ଭ ନିକଟରେ ଦୀପଦାନ କରି ବିଜୁବାବୁଙ୍କ ଅମରାତ୍ମା ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।

୩ ବରିଷ୍ଠ ନେତାଙ୍କୁ ଦିଲ୍ଲୀରୁ ଡାକରା

୩ ବରିଷ୍ଠ ନେତାଙ୍କୁ ଦିଲ୍ଲୀରୁ ଡାକରା

ଭୁବନେଶ୍ୱର,୧୭।୪(ବ୍ୟୁରୋ): ରାଜ୍ୟ କଂଗ୍ରେସର ଆମୂଳଚୂଳ ପରିବର୍ତ୍ତନର ପ୍ରଥମ ପର୍ଯ୍ୟାୟ ଆରମ୍ଭ ହୋଇଯାଇଛି। ଓଡ଼ିଶାର ସଂଗଠନ ଦାୟିତ୍ୱ ୫ କେନ୍ଦ୍ରୀୟ ନେତାଙ୍କ ହାତରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଦେଇସାରିଛନ୍ତି।

ସ୍ବର୍ଗଦ୍ୱାରସ୍ଥିତ ବିଜୁ ସମାଧି ସ୍ଥଳରେ ପୁଷ୍ପମାଲ୍ୟ ଅର୍ପଣକଲେ ମୁଖ୍ୟମନ୍ତ୍ରୀ

ସ୍ବର୍ଗଦ୍ୱାରସ୍ଥିତ ବିଜୁ ସମାଧି ସ୍ଥଳରେ ପୁଷ୍ପମାଲ୍ୟ ଅର୍ପଣକଲେ ମୁଖ୍ୟମନ୍ତ୍ରୀ

ପୁରୀ ଅଫିସ,୧୭।୪: ଏପ୍ରିଲ ୧୭ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଶ୍ରାଦ୍ଧ ବାର୍ଷିକୀ। ଏହି ପରିପ୍ରେକ୍ଷୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁରୀ ଯାଇ ସ୍ବର୍ଗଦ୍ୱାରସ୍ଥିତ ବିଜୁ ସମାଧି ସ୍ଥଳରେ ପୁଷ୍ପମାଲ୍ୟ ଅର୍ପଣ କରିଛନ୍ତି। ପୂର୍ବାହ୍ନ ୧୦ଟା ବେଳେ ସଡ଼କପଥରେ ମୁଖ୍ୟମନ୍ତ୍ରୀ ଯାଇ ୧୧ଟାରେ ସ୍ବର୍ଗଦ୍ୱାରରେ ପହଞ୍ଚିଥିଲେ।

ଶ୍ରୀମନ୍ଦିରରେ ଅଚଳାବସ୍ଥା ଜାରି: ଅଟକିଛି ମହାପ୍ରଭୁଙ୍କ ନୀତି

ଶ୍ରୀମନ୍ଦିରରେ ଅଚଳାବସ୍ଥା ଜାରି: ଅଟକିଛି ମହାପ୍ରଭୁଙ୍କ ନୀତି

ପୁରୀ ଅଫିସ,୧୭।୪: ଶ୍ରୀମନ୍ଦିରରେ ସୋମବାରଠାରୁ ସୃଷ୍ଟି ହୋଇଥିବା ଅଚଳାବସ୍ଥା ମଙ୍ଗଳବାର ପର୍ଯ୍ୟନ୍ତ ଲାଗି ରହିଛି। ରୋଷଘରୁ ଅମୁଣିଆ ବାହାରି ପାରିନାହିଁ। ଫଳରେ ରୋଷହୋମ ପାଖରେ ନୀତି ଅଟକିଯାଇଛି। ଅନ୍ୟପକ୍ଷରେ ସୁଆର ମହାସୁଆର ସେବକ କ୍ଷତିପୂରଣ ଦାବିରେ ମନ୍ଦିର ଭିତରେ ଧାରଣା ଦେଇଛନ୍ତି।

ବାହାରିପାରିଲାନି ମହାପ୍ରସାଦ

ବାହାରିପାରିଲାନି ମହାପ୍ରସାଦ

ପୁରୀ ଅଫିସ, ୧୬।୪: ହାଇକୋର୍ଟଙ୍କ କଟକଣା ଆଳରେ ନୀତିରେ ବିଭ୍ରାଟ କରିଛନ୍ତି ସେବାୟତ। ଅପରାହ୍ନ ୪ଟା ୪୦ ସୁଦ୍ଧା ସକାଳ ଧୂପ ପୂଜା ବଢିଥିଲେ ହେଁ, ହାଇକୋର୍ଟଙ୍କ ନିର୍ଦ୍ଦେଶକୁ ଗଣ୍ଠିକରି ପୁଷ୍ପାଳକ ସେବାୟତମାନେ ସେବାକୁ ନ ଯିବା କାରଣରୁ ନୀତି ଆଗକୁ ବଢିପାରି ନାହିଁ। ରାତି ୧୧ଟା ସୁଦ୍ଧା ରୋଷଘରେ ଥିବା ଅମୁଣିଆ ମହାପ୍ରଭୁଙ୍କ ପାଖରେ ଲାଗି ହୋଇପାରି ନାହିଁ। ଏହାକୁ ନେଇ ତୀବ୍ର ଅସନ୍ତୋଷ ବ୍ୟକ୍ତ କରିଛି ସୁଆର ମହାସୁଆର ନିଯୋଗ। ସୁଆର ସେବକମାନେ ସିଂହଦ୍ୱାରରେ ଧାରଣାରେ ବସି ରହିଛନ୍ତି।

ଠାକୁର ଉଜାଗର

ଠାକୁର ଉଜାଗର

ପୁରୀ ଅଫିସ,୧୬।୪-ଶ୍ରୀମନ୍ଦିରରେ ବିଭ୍ରାଟ ଲାଗି ସୋମବାର ସକାଳ ଧୂପ ପରଠାରୁ ନୀତି ଅଟକି ରହିଛି। ରାତି ୧.୧୪ ମିନିଟ୍‌ ସୁଦ୍ଧା ଶ୍ରୀମନ୍ଦିର ପହୁଡ଼ ହୋଇ ନ ଥିଲ। ସନ୍ଧ୍ୟା ଧୂପ ନୀତି ହୋଇ ନ ଥିବାରୁ ଠାକୁର ଭୋକରେ ଉଜାଗର ରହିଥିଲେ। ଏହା ଭକ୍ତଙ୍କ ଭାବନାଙ୍କୁ ଆଘାତ ଦେଇଛନ୍ତି।

ଭିତର କାଠରୁ ଦର୍ଶନ କଲେ ଭକ୍ତ

ଭିତର କାଠରୁ ଦର୍ଶନ କଲେ ଭକ୍ତ

ପୁରୀ ଅଫିସ, ୧୬।୪: ବହୁ ବାଦବିବାଦ ପରେ ଜଗମୋହନରୁ ଆରମ୍ଭ ହୋଇଛି ଦର୍ଶନ। ସୋମବାର ଅପରାହ୍ନ ୫ଟା ୧୦ରେ ଭକ୍ତ ଜୟବିଜୟ ଦ୍ୱାର ଦେଇ ଭିତର କାଠ ନିକଟକୁ ଯାଇ ମହାପ୍ରଭୁଙ୍କୁ ଦର୍ଶନ କରିଛନ୍ତି। ଦୀର୍ଘ ୨ ବର୍ଷରୁ ଊର୍ଦ୍ଧ୍ୱ ସମୟ ଧରି ବାହାର କାଠ ନିକଟରୁ ଦର୍ଶନ କରୁଥିବା ଭକ୍ତ ଅତି ନିକଟରୁ ଦାରୁଦିଅଁଙ୍କୁ ଦର୍ଶନ କରିଥିଲେ ହେଁ ମହାପ୍ରସାଦ ନ ପାଇ ମନଦୁଃଖରେ ଫେରିଛନ୍ତି। ସେବାୟତଙ୍କ ମନମାନି ଏବଂ ପ୍ରଶାସନିକ ଅବହେଳା ପାଇଁ ମହାପ୍ରଭୁଙ୍କ ନୀତିରେ ଘଟିଛି ବିଭ୍ରାଟ।

୬ଷ୍ଠ ଶତାବ୍ଦୀରୁ ସୃଷ୍ଟି ଚଇତି ଘୋଡ଼ା ନାଟ

୬ଷ୍ଠ ଶତାବ୍ଦୀରୁ ସୃଷ୍ଟି ଚଇତି ଘୋଡ଼ା ନାଟ

ଭୁବନେଶ୍ୱର,୧୬।୪(ବ୍ୟୁରୋ): ଚଇତି ଘୋଡ଼ା ନାଟ ସହ ଓଡ଼ିଶା ଇତିହାସର ସମ୍ପର୍କ ବହୁ ପୁରୁଣା। ଓଡ଼ିଶାର ବାଣିଜି୍ୟକ ପ୍ରଶସ୍ତି ସମ୍ପର୍କରେ ଆଲୋଚନା କଲେ ଜଣାପଡ଼େ, ଏହି ଲୋକନାଟ ସମ୍ଭବତଃ ୬ଷ୍ଠ ଶତାବ୍ଦୀ କିମ୍ବା ତା’ର ପୂର୍ବବର୍ତ୍ତୀ ସମୟରେ କଳିଙ୍ଗ ପ୍ରଦେଶରେ ସୃଷ୍ଟି ହୋଇଥିଲା। ଏହି ସମୟ ପର୍ଯ୍ୟନ୍ତ ପ୍ରାଚୀନ କଳିଙ୍ଗର ବଣିକମାନେ ନୌବାଣିଜ୍ୟ କରିବାକୁ ଭାରତ ବର୍ଷର ପୂର୍ବବର୍ତ୍ତୀ ଦେଶଗୁଡ଼ିକୁ ଯାଉଥିଲେ। ସେହି ସମୟରୁ ଘୋଡ଼ା ନାଟ ସୃଷ୍ଟି ହୋଇଥିବା ଅନୁମାନ କରାଯାଉଛି।

ଶିକ୍ଷକଙ୍କ ଆନ୍ଦୋଳନୁ ସମର୍ଥନ ଦେଲେ ଛାତ୍ର ସଙ୍ଗଠନ: ୧୮ରେ ମହାସଂଘର୍ଷ ସମାବେଶ

ଭୁବନେଶ୍ୱର, ୧୬ା୪(ବ୍ୟୁରୋ)- ଓଡ଼ିଶା ସ୍କୁଲ୍‌ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚ ପକ୍ଷରୁ ଚାଲୁ ରହିଛି। ଏହି ଆନ୍ଦୋଳନକୁ ସୋମବାର ରାଜ୍ୟର ବିଭିନ୍ନ ଛାତ୍ର ସଙ୍ଗଠନ ପକ୍ଷରୁ ସମର୍ଥନ ମିଳିବା ପରେ ଛାତ୍ର ଶିକ୍ଷକ ଅଭିଭାବକ ସମନ୍ବୟ ସମିତି ଗଠନ ହୋଇଛି। ଦୁଇଦିନ ଭିତରେ ସରକାର ସମାଧାନ ପାଇଁ ଆଗେଇ ନ ଆସିଲେ ଆସନ୍ତା ୧୮ତାରିଖ ଦିନ ସମନ୍ବୟ ସମିତି ପକ୍ଷରୁ ମହାସଂଘର୍ଷ ସମାବେଶ ହେବ।

ନାବାଳିକା ବଳାତ୍କାର ମାମଲା: ବିଧାନସଭାରେ ଝଡ଼

ନାବାଳିକା ବଳାତ୍କାର ମାମଲା: ବିଧାନସଭାରେ ଝଡ଼

ଭୁବନେଶ୍ୱର,୧୬ା୪(ବ୍ୟୁରୋ): ରାଜ୍ୟର ଦୁଇଟି ସ୍ଥାନରେ ଘଟିଥିବା ନାବାଳିକା ବଳାତ୍କାର ଘଟଣା ବିଧାନସଭାରେ ଝଡ଼ ସୃଷ୍ଟି କରିଛି। ବିରୋଧୀ ଦଳ ଏହି ପ୍ରସଙ୍ଗକୁ ନେଇ ସରକାରଙ୍କୁ ସଣ୍ଡୁଆଶି ଆକ୍ରମଣ କରିଛନ୍ତି। ବିରୋଧୀଙ୍କ ପ୍ରଚଣ୍ଡ ଆକ୍ରମଣରେ ସରକାର ଅସ୍ତବ୍ୟସ୍ତ ହୋଇ ପଡିଛନ୍ତି । ବିରୋଧୀଙ୍କ ଦାବି ଆଗରେ ସରକାର ମୁଣ୍ଡ ନୁଆଁଇଛନ୍ତି।

ମିଦାସ୍‌ ନିର୍ଦ୍ଦେଶିକାଙ୍କୁ ସର୍ତ୍ତମୂଳକ ଜାମିନ

କଟକ ଅଫିସ, ୧୬।୪: ମିଦାସ ଟଚ୍‌ ଆସେଟ୍‌ସ ଆଣ୍ଡ ସିକ୍ୟୁରିଟି ଲିମିଟେଡ୍‌ ଚିଟଫଣ୍ଡ ମାମଲାରେ ଅଭିଯୁକ୍ତ ନିରୁପମା ସାମଲଙ୍କୁ ହାଇକୋର୍ଟ ସୋମବାର ସର୍ତ୍ତମୂଳକ ଜାମିନ ଦେଇଛନ୍ତି। ନଗଦ ୨ କୋଟି ଟଙ୍କାର ବ୍ୟାଙ୍କ ଜମା ଦାଖଲ କରିବେ। ୨ ଜଣ ଦୁଇ ଲକ୍ଷ ଟଙ୍କା ଲେଖାଏ ଜାମିନଦାରଙ୍କ ବିନିମୟରେ ନିରୁପମା ଜାମିନରେ ଯିବେ। ଏହାଛଡ଼ା ନିମ୍ନ ଅଦାଲତରେ ତାଙ୍କ ପାସପୋର୍ଟ ଦାଖଲ କରିବା ସାଙ୍ଗକୁ ତଦନ୍ତରେ ସହଯୋଗ କରିବେ ଓ ସାକ୍ଷୀମାନଙ୍କୁ ପ୍ରଭାବିତ କରିବେ ନାହିଁ ବୋଲି ହାଇକୋର୍ଟ ସର୍ତ୍ତ ରଖିଛନ୍ତି।

ଜଳ ବିବାଦ: କଲିକତାରେ ପାଞ୍ଚ ରାଜ୍ୟର ବୈଠକ

ଜଳ ବିବାଦ: କଲିକତାରେ ପାଞ୍ଚ ରାଜ୍ୟର ବୈଠକ

ଭୁବନେଶ୍ୱର, ୧୬।୪(ବ୍ୟୁରୋ): ସୋମବାର କଲିକତାଠାରେ ବିଭିନ୍ନ ନଦୀଜଳ ବିବାଦ ନେଇ କେନ୍ଦ୍ର ଜଳସମ୍ପଦ ମନ୍ତ୍ରୀ ଅର୍ଜୁନ ମେଘାଓ୍ବାଲ୍‌ଙ୍କ ଅଧ୍ୟକ୍ଷତାରେ ପୂର୍ବାଞ୍ଚଳ ୫ରାଜ୍ୟର ପ୍ରଥମ ବୈଠକ ଅନୁଷ୍ଠିତ ହୋଇଛି। ଓଡ଼ିଶା, ଛତିଶଗଡ଼, ପଶ୍ଚିମବଙ୍ଗ, ଝାଡ଼ଖଣ୍ଡ ଏବଂ ବିହାର ଏହି ବୈଠକରେ ସାମିଲ ଥିଲା। ଉକ୍ତ ବୈଠକରେ ମହାନଦୀ ଉପରମୁଣ୍ଡରେ ପାଣି ଅଟକାଯିବା ନେଇ ଓଡ଼ିଶା ଏବଂ ଛତିଶଗଡ଼ ସରକାର ମୁହାଁମୁହିଁ ହୋଇଥିଲେ।

ବାଲେଶ୍ୱର ଚିଟ୍‌ଫଣ୍ଡ ଠକେଇ ମାମଲା: ସିବିଆଇ ହାଇକୋର୍ଟରେ ଦାଖଲ କଲା ଚାର୍ଜଶିଟ

କଟକ ଅଫିସ,୧୬।୪- ବାଲେଶ୍ୱର ଚିଟ୍‌ଫଣ୍ଡ ଠକେଇ ମାମଲାରେ ମୁଖ୍ୟ ଅଭିଯୁକ୍ତ ତଥା ଚଳଚ୍ଚିତ୍ର ପ୍ରଯୋଜକ ମହମ୍ମଦ ନାସିର ଖାଁଙ୍କ ବିରୋଧରେ ସିବିଆଇ ୭୧୭ ପୃଷ୍ଠା ଚାର୍ଜଶିଟ୍‌ ଦାଖଲ କରିଛି। ଉକ୍ତ ଚାର୍ଜଶିଟରେ ଫାଇନ ଇଣ୍ଡିସେଲ୍‌ସ ସଂସ୍ଥା ସମଗ୍ର ଦେଶରେ ୭୦୩ କୋଟି ୫୦ ଲକ୍ଷ ୭୯ ଟଙ୍କା ହଡ଼ପ କରିଥିବା ନେଇ ଦର୍ଶାଯାଇଛି।

ଚିଟ୍‌ଫଣ୍ଡ ମାମଲା: ନିର୍ଦ୍ଦେଶିକାଙ୍କୁ ସର୍ତ୍ତମୂଳକ ଜାମିନ

ଚିଟ୍‌ଫଣ୍ଡ ମାମଲା: ନିର୍ଦ୍ଦେଶିକାଙ୍କୁ ସର୍ତ୍ତମୂଳକ ଜାମିନ

କଟକ ଅଫିସ, ୧୬।୪- ମିଦାସ ଟଚ୍‌ ଆସେଟ୍‌ସ ଆଣ୍ଡ ସିକ୍ୟୁରିଟି ଲିମିଟେଡ୍‌ ଚିଟଫଣ୍ଡ ମାମଲାରେ ଅଭିଯୁକ୍ତ ନିରୁପମା ସାମଲଙ୍କୁ ହାଇକୋର୍ଟ ସୋମବାର ସର୍ତ୍ତମୂଳକ ଜାମିନ ଦେଇଛନ୍ତି। ନଗଦ ୨ କୋଟି ଟଙ୍କାର ବ୍ୟାଙ୍କ ଜମା ଦାଖଲ କରିବେ। ୨ ଜଣ ଦୁଇ ଲକ୍ଷ ଟଙ୍କା ଲେଖାଏ ଜାମିନଦାରଙ୍କ ବିନିମୟରେ ନିରୁପମା ଜାମିନରେ ଯିବେ।

ମଦ ଦୋକାନ ନବୀକରଣ ପାଇଁ ଲାଞ୍ଚ: ଅବକାରୀ ଅଧୀକ୍ଷକ, ଏସଆଇ ଗିରଫ

ମଦ ଦୋକାନ ନବୀକରଣ ପାଇଁ ଲାଞ୍ଚ: ଅବକାରୀ ଅଧୀକ୍ଷକ, ଏସଆଇ ଗିରଫ

କଟକ ଅଫିସ, ୧୬।୪- ଯାଜପୁର ଜିଲା ଭାରପ୍ରାପ୍ତ ଅବକାରୀ ଅଧୀକ୍ଷକ ଅଭୟ ପଞ୍ଜର ସାହୁ ଓ ସବ୍‌ଇନ୍ସପେକ୍ଟର ମନୋଜ ବାରିକଙ୍କୁ ଭିଜିଲାନ୍ସ ସୋମବାର ଗିରଫ କରିଛି। ସଞ୍ଜୟ ସିଂ ନାମକ ଜଣେ ମଦ ଦୋକାନ ମାଲିକଙ୍କଠାରୁ ୪୦ହଜାର ଟଙ୍କା ଲାଞ୍ଚ ନେଉଥିବା ବେଳେ ଉଭୟ ଭିଜିଲାନ୍ସ ହାତରେ ଧରାପଡିଛନ୍ତି। ଗିରଫ ପରେ ଅଧୀକ୍ଷକ ସାହୁଙ୍କ କଟକସ୍ଥିତ ବାସଭବନ ଓ ବାରିକଙ୍କ ଗଜପତି ଜିଲା ପରଳାଖେମୁଣ୍ଡି ଘରକୁ ଭିଜିଲାନ୍ସ ପକ୍ଷରୁ ଯାଞ୍ଚ କରାଯାଇଛି। ଏ ସମ୍ପର୍କରେ କଟକ ଭିଜିଲାନ୍ସ ଥାନାରେ ୧୫/୨୦୧୮ରେ ଏକ ମାମଲା ରୁଜୁ କରାଯାଇଛି।

ଏମ୍‌ଭି ଆକ୍ଟର ଉଲ୍ଲଂଘନ: ହାଇକୋର୍ଟରେ ମାମଲା ରୁଜୁ

ଏମ୍‌ଭି ଆକ୍ଟର ଉଲ୍ଲଂଘନ: ହାଇକୋର୍ଟରେ ମାମଲା ରୁଜୁ

କଟକ ଅଫିସ, ୧୬।୪- ମୋଟର ଯାନ (ଏମ୍‌ଭି) ଆକ୍ଟର ହେଉଛି ଉଲ୍ଲଂଘନ। ଏଣୁ ରାଜ୍ୟରେ ବଢିଚାଲିଛି ଦୁର୍ଘଟଣା। ଦୁର୍ଘଟଣା ପରେ ମୃତାହତ ବ୍ୟକ୍ତିଙ୍କୁ କ୍ଷତିପୂରଣ ଦିଆଯାଉଛି। ହେଲେ ଉକ୍ତ ଆକ୍ଟକୁ ସଂଶୋଧନ କରିବା ସହିତ ତାହାକୁ କଡାକଡି ଭାବେ କାର୍ଯ୍ୟ କରିବା ନିମନ୍ତେ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେବାକୁ ସାମାଜିକ କର୍ମୀ ଶରତ ଚନ୍ଦ୍ର ବେହେରା ହାଇକୋର୍ଟରେ ସୋମବାର ଏକ ଜନସ୍ବାର୍ଥ ମାମଲା (ନଂ. ୬୩୯୦/୧୮) ରୁଜୁ କରିଛନ୍ତି।

ନର୍ସିଂହୋମରୁ ରୋଗୀଙ୍କ ଝୁଲନ୍ତା ମୃତଦେହ ଜବତ, ଯନ୍ତ୍ରଣା ସହି ନ ପାରି ଆତ୍ମହତ୍ୟା

ନର୍ସିଂହୋମରୁ ରୋଗୀଙ୍କ ଝୁଲନ୍ତା ମୃତଦେହ ଜବତ, ଯନ୍ତ୍ରଣା ସହି ନ ପାରି ଆତ୍ମହତ୍ୟା

କଟକ ଅଫିସ, ୧୬ା୪: ମଙ୍ଗଳାବାଗ ଥାନା ଅନ୍ତର୍ଗତ ବଜ୍ରକବାଟି ରୋଡରେ ଥିବା ଏକ ଘରୋଇ ନର୍ସିଂହୋମର ଏକ ରୁମ୍‌ରୁ ରୋଗୀଙ୍କ ଝୁଲନ୍ତା ମୃତଦେହକୁ ସୋମବାର ଜବତ କରିଛି ପୋଲିସ। ରୋଗୀ ଜଣକ ଯନ୍ତ୍ରଣା ସହି ନ ପାରି ଆତ୍ମହତ୍ୟା କରିଥିବା ସୁଇସାଇଡ୍‌ ନୋଟ୍‌ରୁ ଜଣାପଡିଛି। ଏସ୍‌ସିବି ମେଡିକାଲରେ ବ୍ୟବଚ୍ଛେଦ ପରେ ମୃତଦେହକୁ ଅପରାହ୍ନରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।

ଖଲ୍ଲିକୋଟ ଚାରୁ ଓ କାରୁକଳା କଲେଜ ର଼୍ୟାଗିଂ ଘଟଣା: ମହିଳା କମିଶନ, ଓଏଚ୍‌ଆର୍‌ସିଙ୍କ ଦ୍ୱାରସ୍ଥ ହେଲେ ଛାତ୍ରୀଛାତ୍ର

ଖଲ୍ଲିକୋଟ ଚାରୁ ଓ କାରୁକଳା କଲେଜ ର଼୍ୟାଗିଂ ଘଟଣା: ମହିଳା କମିଶନ, ଓଏଚ୍‌ଆର୍‌ସିଙ୍କ ଦ୍ୱାରସ୍ଥ ହେଲେ ଛାତ୍ରୀଛାତ୍ର

ଭୁବନେଶ୍ୱର, ୧୬ା୪(ବ୍ୟୁରୋ)- ସଂସ୍କୃତି ବିଭାଗ ଅଧୀନରେ ଥିବା ଗଞ୍ଜାମ ଜିଲା ଖଲ୍ଲିକୋଟସ୍ଥିତ ସରକାରୀ ଚାରୁ ଓ କାରୁକଳା ମହାବିଦ୍ୟାଳୟରେ ର଼୍ୟାଗିଂ। ଜୁନିୟର ଛାତ୍ରୀଛାତ୍ରଙ୍କୁ ସିନିୟରମାନେ ର଼୍ୟାଗିଂ କରୁଥିବାନେଇ ଆଣ୍ଟିଂ ର଼୍ୟାଗିଂ ସେଲ୍‌ରେ ଅଭିଯୋଗ କରିଥିଲେ ଛାତ୍ରୀଛାତ୍ର। ଗତ ୧୧ ତାରିଖରେ ଛାତ୍ରୀଛାତ୍ରମାନେ ଭୁବନେଶ୍ୱର ଆସି ସଂସ୍କୃତି ବିଭାଗ ନିର୍ଦ୍ଦେଶକଙ୍କ ଦ୍ୱାରସ୍ଥ ହୋଇଥିଲେ।

ମହାପ୍ରଭୁଙ୍କ ନୀତିରେ ବିଳମ୍ବ

ମହାପ୍ରଭୁଙ୍କ ନୀତିରେ ବିଳମ୍ବ

ପୁରୀ ଅଫିସ,୧୬।୪: ଦୀର୍ଘ ୨ ବର୍ଷ ୨ମାସ ୨୦ ଦିନ ପରେ ସୋମବାରଠାରୁ ଭକ୍ତ ଜଗମୋହନରୁ ଦାରୁବିଗ୍ରହଙ୍କୁ ଦର୍ଶନ କରିବେ। ସକାଳ ଧୂପ ପରେ ଭିତରକାଠ ନିକଟକୁ ଯାଇ ମହାପ୍ରଭୁଙ୍କୁ ଦର୍ଶନ କରିପାରିବେ ଶ୍ରଦ୍ଧାଳୁ। ହେଲେ ଆରମ୍ଭରୁ ନୀତିରେ ବିଭ୍ରାଟ ଦେଖାଦେଇଛି।

ସରପଞ୍ଚ- ସମିତି ସଭ୍ୟ ସଂଘ ଧାରଣା

ସରପଞ୍ଚ- ସମିତି ସଭ୍ୟ ସଂଘ ଧାରଣା

କଟକ ସଦର,୧୬।୪(ଡି.ଏନ୍‌.ଏ.): କଟକ ସଦର ବ୍ଲକ ପ୍ରଶାସନର ମନମୁଖି କାର୍ଯ୍ୟ ଓ ନିଷ୍କ୍ରିୟତା ପ୍ରତିବାଦରେ ସରପଞ୍ଚ ଓ ସମିତି ସଭ୍ୟ ସଂଘ ପକ୍ଷରୁ ବ୍ଲକ ଫାଟକ ସମ୍ମୁଖରେ ଶାନ୍ତିପୂର୍ଣ୍ଣ ଧାରଣା ଦିଆଯାଇଛି।

ପୁରୀରେ ସରିଲା ମହାନଦୀ ବଞ୍ଚାଅ ଯାତ୍ରା: ୧ଲକ୍ଷ ଦସ୍ତଖତ ସମ୍ବଳିତ ଦାବିପତ୍ର ସୁପ୍ରିମକୋର୍ଟରେ ଉପସ୍ଥାପିତ ହେବ

ପୁରୀରେ ସରିଲା ମହାନଦୀ ବଞ୍ଚାଅ ଯାତ୍ରା: ୧ଲକ୍ଷ ଦସ୍ତଖତ ସମ୍ବଳିତ ଦାବିପତ୍ର ସୁପ୍ରିମକୋର୍ଟରେ ଉପସ୍ଥାପିତ ହେବ

ପୁରୀ ଅଫିସ,(୧୫।୪): ମହାନଦୀରେ ଛତିଶଗଡ଼ ସରକାର ୬ଟି ପ୍ରକଳ୍ପ କରୁଛି। ଛତିଶଗଡ଼ କଲମା ବ୍ୟାରେଜର ସମସ୍ତ ଗେଟ୍‌କୁ ବନ୍ଦ କରିଦିଆଯାଇଥିବାରୁ ଓଡିଶାରେ ମହାନଦୀ ଶୁଖିଲା ପଡିଛି। ଏବେବି କଲମା ଗେଟ୍‌ ଅପରପାର୍ଶ୍ୱରେ ଅକାତକାତ ପାଣି ରହିଛି। ମହାନଦୀ ସ୍ଥିତିକୁ ନେଇ ଓଡିଶାରେ ସଙ୍କଟ ସୃଷ୍ଟି ହୋଇଛି। ଛତିଶଗଡ଼ ସରକାରଙ୍କ ବିରୋଧରେ ଓଡ଼ିଶାରେ ଜନମତ ସୃଷ୍ଟି କରିବା ସହ ମହାନଦୀର ସୁରକ୍ଷkା ପାଇଁ ଆରମ୍ଭ ହୋଇଥିବା ମହାନଦୀ ବଞ୍ଚାଅ ଯାତ୍ରା ରବିବାର ପୁରୀଠାରେ ଶେଷ ହୋଇଛି। ଯାତ୍ରା ସମୟରେ ୫ଲକ୍ଷ ଲୋକଙ୍କୁ ଭେଟି ସଂକ୍ରାନ୍ତରେ ଅବଗତ କରାଯିବା ସହ ପ୍ରାୟ ୧ଲକ୍ଷ ଲୋକଙ୍କ ସ୍ବାକ୍ଷର ସଂଗ୍ରହ କରାଯାଇଛି। ଏହି ଦସ୍ତଖତ ସମ୍ବଳିତ ଏକ ଦାବିପତ୍ରକୁ ସୁପ୍ରିମକୋର୍ଟରେ ଉପସ୍ଥାପନ କରାଯିବ ବୋଲି ମହାନଦୀ ବଞ୍ଚାଅ ଆନ୍ଦୋଳନର ରାଜ୍ୟ ଆବାହକ ସୁଦର୍ଶନ ଦାସ କହିଛନ୍ତି।

ଜଗମୋହନ ମରାମତିରେ ଖର୍ଚ୍ଚ ହୋଇଛି ୬କୋଟିରୁ ଊର୍ଦ୍ଧ୍ୱ

ପୁରୀ ଅଫିସ, ୧୫ା୪ : ବହୁ ବାଦବିବାଦ ପରେ ଜଗମୋହନ ମରାମତି ସରିଛି। ହାଇକୋର୍ଟଙ୍କ ନିର୍ଦ୍ଦେଶ ପରେ ସୋମବାରଠାରୁ ଜଗମୋହନରୁ ଆରମ୍ଭ ହୋଇଛି ଦର୍ଶନ। ତେବେ ଏହି ଜଗମୋହନ ମରାମତି ବାବଦରେ ଏଏସ୍‌ଆଇ ଏବଂ ଶ୍ରୀମନ୍ଦିର ପ୍ରଶାସନ ପକ୍ଷରୁ ୬କୋଟିରୁ ଉର୍ଦ୍ଧ୍ୱ ଟଙ୍କା ଖର୍ଚ୍ଚ ହୋଇଛି।

ଆଜିଠୁ ଜଗମୋହନରୁ ଦାରୁଦିଅଁ ଦର୍ଶନ:ଜୟବିଜୟ ଦ୍ୱାର ଦେଇ ପ୍ରବେଶ, ବେହେରଣ ଦ୍ୱାରରେ ପ୍ରସ୍ଥାନ

ଆଜିଠୁ ଜଗମୋହନରୁ ଦାରୁଦିଅଁ ଦର୍ଶନ:ଜୟବିଜୟ ଦ୍ୱାର ଦେଇ ପ୍ରବେଶ, ବେହେରଣ ଦ୍ୱାରରେ ପ୍ରସ୍ଥାନ

ପୁରୀ ଅଫିସ,୧୫ା୪: ଭକ୍ତଙ୍କ ପ୍ରତୀକ୍ଷାର ଅନ୍ତ ଘଟିଛି। ୨ ବର୍ଷ ୨ ମାସ ୨୦ ଦିନ ପରେ ସୋମବାରଠାରୁ ଶ୍ରୀମନ୍ଦିର ଜଗମୋହନରୁ ଶ୍ରଦ୍ଧାଳୁ ଚତୁର୍ଦ୍ଧାବିଗ୍ରହଙ୍କୁ ଦର୍ଶନ କରିବେ। ଏଥିପାଇଁ ଶ୍ରଦ୍ଧାଳୁଙ୍କ ମନରେ କାହିଁ କେତେ ଉତ୍କଣ୍ଠା। ପ୍ରଥମ ଦିନ ସକାଳ ଧୂପ ପରେ ଭିତରକାଠ ନିକଟରୁ ଦାରୁଦିଅଁଙ୍କୁ ଦର୍ଶନ କରିବେ। କିନ୍ତୁ ଅନ୍ୟ ଦିନମାନଙ୍କରେ ମଙ୍ଗଳ ଆଳତି ପରଠାରୁ ଜଗମୋହନରୁ ଦର୍ଶନ ଆରମ୍ଭ ହେବ। ମହାପ୍ରଭୁଙ୍କ କେତେକ ବିଶେଷ ନୀତିକାନ୍ତି ସମୟରେ ଜଗମୋହନରୁ ଦର୍ଶନ ବନ୍ଦ ରହିବ। ଉକ୍ତଦିନ ନାଟମଣ୍ଡପର ବାହାର କାଠ ନିକଟରୁ ଭକ୍ତ ଦର୍ଶନ କରିବେ।

ଅପହରଣ କରି ବଟି ଆଦାୟବେଳେ ୪ ଗିରଫ ଘଟଣା: ସାଙ୍ଗର ପ୍ରେମିକା ମାଧ୍ୟମରେ କଲେଜ ମାଲିକଙ୍କୁ ଫସାଇଥିଲେ ଜିମ୍‌ ବାପି

ଅପହରଣ କରି ବଟି ଆଦାୟବେଳେ ୪ ଗିରଫ ଘଟଣା: ସାଙ୍ଗର ପ୍ରେମିକା ମାଧ୍ୟମରେ କଲେଜ ମାଲିକଙ୍କୁ ଫସାଇଥିଲେ ଜିମ୍‌ ବାପି

ଚନ୍ଦ୍ରଶେଖରପୁର,୧୫ା୪ (ଡି.ଏନ୍‌.ଏ.)- ଜଣେ ପ୍ରତିଷ୍ଠିତ ଇଞ୍ଜିନିୟରିଂ କଲେଜ ମାଲିକଙ୍କୁ ଅପହରଣ କରି ୧୦ ଲକ୍ଷ ଟଙ୍କା ବଟି ନେଉଥିବାବେଳେ ଶୁକ୍ରବାର ମଧ୍ୟରାତିରେ ପୋଲିସ ହାତରେ ଧରାପଡିଥିଲେ ଭୁବନେଶ୍ୱର ଭାଜପା ଯୁବମୋର୍ଚ୍ଚାର ପୂର୍ବତନ ସଭାପତି ଦେବାଶିଷ ନାୟକ ଓରଫ୍‌ ଜିମ୍‌ ବାପି। ତାଙ୍କ ସହ ୩ଜଣ ସହଯୋଗୀଙ୍କୁ ଚନ୍ଦ୍ରଶେଖରପୁର ଥାନା ପୋଲିସ ଗିରଫ କରି ତଦନ୍ତ ଆରମ୍ଭ କରିଛି। ସେମାନଙ୍କୁ ପଚରାଉଚରାବେଳେ ପୋଲିସକୁ ବହୁ ଚାଞ୍ଚଲ୍ୟକର ତଥ୍ୟ ମିଳିଛି। ଏହି ଘଟଣାରେ ଜଣେ ଯୁବତୀଙ୍କ ସମ୍ପୃକ୍ତି ରହିଛି। ଉକ୍ତ ଯୁବତୀଙ୍କ ମାଧ୍ୟମରେ କଲେଜ ମାଲିକଙ୍କୁ ଫସାଇ ବଟି ଆଦାୟ କରାଯାଉଥିଲା ବୋଲି ପୋଲିସ ଜାଣିବାକୁ ପାଇଛି।