ଜାତୀୟ

ଟିଡିପି ବିରୋଧରେ ଭାଜପା କରୁଥିଲା ଷଡ଼ଯନ୍ତ୍ର: ଚନ୍ଦ୍ରାବାବୁ

ଟିଡିପି ବିରୋଧରେ ଭାଜପା କରୁଥିଲା ଷଡ଼ଯନ୍ତ୍ର: ଚନ୍ଦ୍ରାବାବୁ

ଅମରାବତୀ, ୧୫।୩ : ତେଲୁଗୁ ଦେଶମ୍‌ ପାର୍ଟି(ଟିଡିପି) ବିରୋଧରେ ଭାଜପା ଷଡ଼ଯନ୍ତ୍ର କରୁଥିଲା ବୋଲି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରାବାବୁ ନାଇଡୁ ଗୁରୁବାର ଅଭିଯୋଗ କରିଛନ୍ତି। ତାମିଲନାଡୁରେ ଯେପରି ରାଜନୈତିକ ସ୍ଥିତି ସୃଷ୍ଟି ହୋଇଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାର ପୁନରାବୃତ୍ତି ଆନ୍ଧ୍ରପ୍ରଦେଶରେ କରିବାର ଯୋଜନା କରୁଥିବା ଚନ୍ଦ୍ରାବାବୁ କହିଛନ୍ତି।

ଥରିଲା ମଣିପୁର: ଲୋକଙ୍କ ମଧ୍ୟରେ ଆତଙ୍କ

ଥରିଲା ମଣିପୁର: ଲୋକଙ୍କ ମଧ୍ୟରେ ଆତଙ୍କ

ଇମ୍ଫାଲ୍‌, ୧୫।୩ : ମଣିପୁର ଚୌରାଚାନ୍ଦପୁର ଅଞ୍ଚଳରେ ଗୁରୁବାର ସକାଳ ୭ଟା ୫୬ରେ ଭୂକମ୍ପ ଅନୁଭୁତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୪.୬ ରହିଥିଲା ବୋଲି ପାଣିପାଗ ବିଭାଗ ପକ୍ଷରୁ ସୂଚିତ କରାଯାଇଛି। ଭୂକମ୍ପ ଯୋଗୁ ଭୟରେ ଲୋକମାନେ ଘରୁ ବାହାରକୁ ପଳାଇ ଆସିଥିଲେ। କ୍ଷୟକ୍ଷତିର କୌଣସି ସୂଚନା ମିଳି ନାହିଁ ବୋଲି ପ୍ରଶାସନ ପକ୍ଷରୁ କୁହାଯାଇଛି।

ଭାଙ୍ଗିଲାନି ସରକାରଙ୍କ କୁମ୍ଭକର୍ଣ୍ଣ ନିଦ୍ରା: ବେଗମ୍‌ ଅଖତର ସଙ୍ଗୀତକଳା ଏକାଡ଼େମୀ ସ୍ଥାପନ କରିବ ଅଓ୍ବଧ ବିଶ୍ୱବିଦ୍ୟାଳୟ

ଭାଙ୍ଗିଲାନି ସରକାରଙ୍କ କୁମ୍ଭକର୍ଣ୍ଣ ନିଦ୍ରା: ବେଗମ୍‌ ଅଖତର ସଙ୍ଗୀତକଳା ଏକାଡ଼େମୀ ସ୍ଥାପନ କରିବ ଅଓ୍ବଧ ବିଶ୍ୱବିଦ୍ୟାଳୟ

ଫୈଜାବାଦ୍‌, ୧୫।୩ : ଅଖତରୀବାଈ ଫୈଜାବାଦୀ ବା ବେଗମ୍‌ ଅଖତରଙ୍କ ମୃତ୍ୟୁର ୪୪ ବର୍ଷ ପରେ ଅଓ୍ବଧ ବିଶ୍ୱବିଦ୍ୟାଳୟ ପକ୍ଷରୁ ତାଙ୍କ ନାମରେ ଏକ ସଙ୍ଗୀତକଳା ଏକାଡେମୀ ସ୍ଥାପନ କରିବା ପାଇଁ ଯୋଜନା କରାଯାଇଛି। ଏଥିପାଇଁ ୬୦ କୋଟି ଟଙ୍କାର ବ୍ୟୟ ଅଟକଳ କରାଯାଇଛି। ବେଗମ୍‌ ଅଖତରଙ୍କ ପାଇଁ ସରକାରଙ୍କ ପକ୍ଷରୁ କୌଣସି ପ୍ରୟାସ କରା ନ ଯିବା ପରେ ଏ ନେଇ ଅଓ୍ବଧ ବିଶ୍ୱବିଦ୍ୟାଳୟ ଆଗକୁ ଆସିଛି। ୨୦୧୪ରେ ବେଗମ୍‌ ଅଖତରଙ୍କ ଜନ୍ମ ଶତବାର୍ଷିକୀ ପାଳନ ଅବସରରେ ସରକାରଙ୍କ ପକ୍ଷରୁ ବିଭିନ୍ନ ଯୋଜନା ସମ୍ପର୍କରେ ଘୋଷଣା କରାଯାଇଥିଲେ ମଧ୍ୟ ପରବର୍ତ୍ତୀ ସମୟରେ ସରକାରଙ୍କ କୁମ୍ଭକର୍ଣ୍ଣ ନିଦ୍ରା ଭାଙ୍ଗି ନ ଥିଲା। ବିଶ୍ୱବିଦ୍ୟାଳୟର ଖାଲିପଡିଥିବା ୩୬ ଏକର ଜମି ମଧ୍ୟରୁ ୯ ହଜାର ୯୫୧ ବର୍ଗ ମିଟର ଜମି ଉପରେ ଏହି ଏକାଡେମୀ ନିର୍ମାଣ କରାଯିବ।

ହ୍ବାଟସ୍‌ଆପ୍‌ରେ ସିବିଏସ୍‌ଇ ଦ୍ୱାଦଶ ଶ୍ରେଣୀ ଆକାଉଣ୍ଟାନ୍ସି ପ୍ରଶ୍ନପତ୍ର ଭାଇରାଲ: ଖଣ୍ଡନ କଲା ସିବିଏସ୍‌ଇ

ହ୍ବାଟସ୍‌ଆପ୍‌ରେ ସିବିଏସ୍‌ଇ ଦ୍ୱାଦଶ ଶ୍ରେଣୀ ଆକାଉଣ୍ଟାନ୍ସି ପ୍ରଶ୍ନପତ୍ର ଭାଇରାଲ: ଖଣ୍ଡନ କଲା ସିବିଏସ୍‌ଇ

ନୂଆଦିଲ୍ଲୀ, ୧୫।୩ : କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ(ସିବିଏସ୍‌ଇ)ର ଦ୍ୱାଦଶ ଶ୍ରେଣୀ ଆକାଉଣ୍ଟାନ୍ସି ଦ୍ୱିତୀୟ ଭାଗର ପ୍ରଶ୍ନପତ୍ର ହ୍ବାଟସ୍‌ଆପ୍‌ରେ ଲିକ୍‌ ହୋଇଛି। ଗୁରୁବାର ଏଥିପାଇଁ ପରୀକ୍ଷା ହେବାକୁଥିବାବେଳେ ବୁଧବାରଠାରୁ ପ୍ରଶ୍ନପତ୍ର ହ୍ବାଟସ୍‌ଆପ୍‌ରେ ଭାଇରାଲ ହୋଇଛି। ଦିଲ୍ଲୀ ଶିକ୍ଷାମନ୍ତ୍ରୀ ମନିଶ ସିସୋଦିଆ ପ୍ରଶ୍ନପତ୍ର କେତେକ ସୋସିଆଲ ମିଡିଆରେ ଭାଇରାଲ ହୋଇଥିବା ସ୍ବୀକାର କରିଛନ୍ତି।

ସୌଦି ବିମାନରେ ଯାନ୍ତ୍ରିକ ତ୍ରୁଟି: ଯାଞ୍ଚ୍‌ରେ ହୋଇଥିଲା ଅନିୟମିତତା

ସୌଦି ବିମାନରେ ଯାନ୍ତ୍ରିକ ତ୍ରୁଟି: ଯାଞ୍ଚ୍‌ରେ ହୋଇଥିଲା ଅନିୟମିତତା

ଲକ୍ଷ୍ନୌ/ଜେଦା, ୧୫।୩ : ସୌଦିର ଏକ ବିମାନରେ ଯାନ୍ତ୍ରିକ ତ୍ରୁଟି ସତ୍ତ୍ୱେ ଏହାକୁ ସୁରକ୍ଷିତ ଭାବେ ଲକ୍ଷ୍ନୌର ଚୌଧୁରୀ ଚରଣ ସିଂ ବିମାନବନ୍ଦରରେ ଅବତରଣ କରାଯାଇଛି। ବିମାନରେ ଏହି ସମୟରେ ୨୯୮ ଯାତ୍ରୀ ଥିଲେ। ବିମାନ ଟାୟାରରେ ବାୟୁଚାପ କମ୍‌ ଥିବା ସମ୍ପର୍କରେ ପାଇଲଟ ଜାଣିବା ପରେ ଏନେଇ ବିମାନବନ୍ଦର କର୍ତ୍ତୃପକ୍ଷଙ୍କ ସହିତ ଯୋଗାଯୋଗ କରିଥିଲେ। ପାଇଲଟଙ୍କ ବୁଦ୍ଧିମତା ଓ ବିମାନବନ୍ଦର କର୍ମଚାରୀଙ୍କ ସହାୟତାରେ ସୁରକ୍ଷିତ ଭାବେ ସୌଦିର ଏସ୍‌ବି-୮୯୧ ବିମାନକୁ ଅବତରଣ କରାଯାଇଥିଲା।

ପୁନରୁଦ୍ଧାର ହେଲା ଏୟାର ଇଣ୍ଡିଆର ଟୁଇଟର ଆକାଉଣ୍ଟ

ପୁନରୁଦ୍ଧାର ହେଲା ଏୟାର ଇଣ୍ଡିଆର ଟୁଇଟର ଆକାଉଣ୍ଟ

ନୂଆଦିଲ୍ଲୀ,୧୫।୩: ଦେଶର ସରକାରୀ ଏୟାରଲାଇନ୍ସ ଏୟାର ଇଣ୍ଡିଆର ଟୁଇଟର ଆକାଉଣ୍ଟ ହ୍ୟାକ ହେବା ଘଟଣା ସାମ୍ନାକୁ ଆସିବା ପରେ ଏବେ ଏହାର ପୁନରୁଦ୍ଧାର କରାଯାଇ ଯାଞ୍ଚ ଆରମ୍ଭ କରାଯାଇଛି।

୭୦ କିଲୋମିଟର ବେଗରେ ଚାଲିବ କାର

୭୦ କିଲୋମିଟର ବେଗରେ ଚାଲିବ କାର

ନୂଆଦିଲ୍ଲୀ,୧୫।୩: ସହରାଞ୍ଚଳ ରାସ୍ତାରେ କାରର ଗତି ରହିବ ଘଣ୍ଟାପ୍ରତି ୭୦ କିଲୋମିଟର। ସେହିପରି ମାଲବାହୀ ଗାଡି ୬୦ ଓ ଦୁଇ ଚକିଆ ଯାନର ଘଣ୍ଟାପ୍ରତି ବେଗ ୫୦ କିଲୋମିଟର ରହିବ ବୋଲି କେନ୍ଦ୍ର ସରକାର ସ୍ଥିର କରିଛନ୍ତି।

ଦିନାକରନ୍‌ ଗଢ଼ିଲେ ନୂଆ ରାଜନୈତିକ ଦଳ

ଦିନାକରନ୍‌ ଗଢ଼ିଲେ ନୂଆ ରାଜନୈତିକ ଦଳ

ମାଡ୍ରାସ, ୧୫।୩ : ପୂର୍ବତନ ଏଆଇଏଡିଏମ୍‌କେ ନେତା ଟିଟିଭି ଦିନାକରନ୍‌ ତାଙ୍କର ନୂଆ ରାଜନୈତିକ ଦଳର ନାମକରଣ କରିଛନ୍ତି। ଦଳର ନାମ ଆମ୍ମା ମାକାଲ ମୁନିତ୍ର ଖାଜାଗମ୍‌(ଏଏମ୍‌ଏମ୍‌କେ) ହେବ ବୋଲି ସେ ସୂଚିତ କରିଛନ୍ତି। ରାଜନୈତିକ ଦଳ ସମ୍ପର୍କରେ ସେ ମଦୁରାଇ ସହର ନିକଟସ୍ଥ ମେଲୟୁରଠାରେ ଘୋଷଣା କରିଛନ୍ତି।

୨୦୧୯ ପୂର୍ବରୁ ମୋଦି-ଯୋଗୀଙ୍କୁ ଶକ୍ତ ଝଟକା: ଭୁଶୁଡ଼ିଲା ଭାଜପା ଗଡ଼

୨୦୧୯ ପୂର୍ବରୁ ମୋଦି-ଯୋଗୀଙ୍କୁ ଶକ୍ତ ଝଟକା: ଭୁଶୁଡ଼ିଲା ଭାଜପା ଗଡ଼

ଲକ୍ଷ୍ନୌ/ପାଟନା/ନୂଆଦିଲ୍ଲୀ,୧୪।୩:୨୦୧୯ ସାଧାରଣ ନିର୍ବାଚନ ପୂର୍ବରୁ ଭାଜପାକୁ ଲାଗିଛି ଶକ୍ତ ଝଟକା। ରାଜନୈତିକ ଦୃଷ୍ଟିରୁ ଅତି ଗୁରୁତ୍ୱପୂର୍ଣ୍ଣ ମନେକରାଯାଉଥିବା ଉତ୍ତରପ୍ରଦେଶ(ୟୁପି) ଓ ବିହାରର ୩ଟି ଲୋକ ସଭା ଓ ଗୋଟିଏ ବିଧାନସଭା ଉପନିର୍ବାଚନରେ ଗୈରିକ ଦଳକୁ ପରାଜୟର ମୁହଁ ଦେଖିବାକୁ ପଡ଼ିଛି।

୬୭୩ ହାଇକୋର୍ଟ ବିଚାରପତିଙ୍କ ମଧ୍ୟରେ ମହିଳାଙ୍କ ସଂଖ୍ୟା ୭୩

୬୭୩ ହାଇକୋର୍ଟ ବିଚାରପତିଙ୍କ ମଧ୍ୟରେ ମହିଳାଙ୍କ ସଂଖ୍ୟା ୭୩

ନୂଆଦିଲ୍ଲୀ, ୧୪।୩ : ଦେଶର ୨୪ଟି ହାଇକୋର୍ଟରେ ୬୭୩ ବିଚାରପତି ଥିବାବେଳେ ସେମାନଙ୍କ ମଧ୍ୟରେ ମହିଳା ବିଚାରପତିଙ୍କ ସଂଖ୍ୟା ୭୩ ରହିଛି। ସେହିପରି ସୁପ୍ରିମ୍‌କୋର୍ଟରେ ୨୪ ଜଣ ବିଚାରପତିଙ୍କ ମଧ୍ୟରେ କେବଳ ଜଣେ ମହିଳା ବିଚାରପତି ଅଛନ୍ତି। ଆଇନ ରାଷ୍ଟ୍ରମନ୍ତ୍ରୀ ପି.ପି.ଚୌଧୁରୀ ବୁଧବାର ଲୋକସଭାରେ ଏକ ପ୍ରଶ୍ନର ଉତ୍ତରରେ ଏହା ସୂଚିତ କରିଛନ୍ତି।

ଜମ୍ମୁ-କଶ୍ମୀରରେ ନିର୍ମିତ ହେବ ୧୪,୪୬୦ ବଙ୍କର

ଜମ୍ମୁ-କଶ୍ମୀରରେ ନିର୍ମିତ ହେବ ୧୪,୪୬୦ ବଙ୍କର

ନୂଆଦିଲ୍ଲୀ, ୧୪।୩ : ଜମ୍ମୁ-କଶ୍ମୀର ନିୟନ୍ତ୍ରଣରେଖାଠାରେ ଜନସାଧାରଣଙ୍କ ସୁରକ୍ଷା ପାଇଁ ୧୪,୪୬୦ଟି ବଙ୍କର ନିର୍ମାଣ କରାଯିବ। ଏସମ୍ପର୍କରେ ବୁଧବାର ସ୍ବରାଷ୍ଟ୍ର ରାଷ୍ଟ୍ରମନ୍ତ୍ରୀ ହଂସରାଜ ଗଙ୍ଗାରାମ ଅହିର ରାଜ୍ୟସଭାରେ ଏକ ପ୍ରଶ୍ନର ଉତ୍ତରରେ ସୂଚିତ କରିଛନ୍ତି। ୨୦୧୬-୧୭ରେ ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ଏକ ପାଇଲଟ୍‌ ପ୍ରୋଜେକ୍ଟ ଅନ୍ତର୍ଗତ ୩ କୋଟି ଟଙ୍କା ବ୍ୟୟରେ ୬୦ଟି ବଙ୍କର ନିର୍ମାଣ ପାଇଁ ଅନୁମୋଦନ ପ୍ରଦାନ କରାଯାଇଥିଲା।

ସାମ୍ପ୍ରଦାୟିକ ଦଙ୍ଗା ତାଲିକା: ପ୍ରଥମସ୍ଥାନରେ ଉତ୍ତରପ୍ରଦେଶ

ସାମ୍ପ୍ରଦାୟିକ ଦଙ୍ଗା ତାଲିକା: ପ୍ରଥମସ୍ଥାନରେ ଉତ୍ତରପ୍ରଦେଶ

ନୂଆଦିଲ୍ଲୀ, ୧୪।୩ : ସାମ୍ପ୍ରଦାୟିକ ଦଙ୍ଗା ତାଲିକାରେ ଉତ୍ତରପ୍ରଦେଶ ସ୍ଥାନ ପ୍ରଥମରେ ରହିଛି। ଏସମ୍ପର୍କରେ ବୁଧବାର ସ୍ବରାଷ୍ଟ୍ର ରାଷ୍ଟ୍ରମନ୍ତ୍ରୀ ହଂସରାଜ ଗଙ୍ଗାରାମ ଅହିର ଲୋକସଭାରେ ଏକ ପ୍ରଶ୍ନର ଉତ୍ତରରେ ସୂଚିତ କରିଛନ୍ତି। ୨୦୧୭ରେ ଦେଶରେ ୮୨୨ଟି ସାମ୍ପ୍ରଦାୟିକ ଦଙ୍ଗା ଘଟିଥିବାବେଳେ ୨୦୧୬ରେ ଏଭଳି ୭୦୩ଟି ଘଟଣା ଘଟିଥିଲା। ସେହିପରି ୨୦୧୫ରେ ୭୫୧ଟି ସାମ୍ପ୍ରଦାୟିକ ଦଙ୍ଗା ଘଟିଥିବା ସେ କହିଛନ୍ତି।

ଆନ୍ଧ୍ରପ୍ରଦେଶ ପ୍ରତି ଅନ୍ୟାୟ କରିଛି କେନ୍ଦ୍ର: ଚନ୍ଦ୍ରାବାବୁ

ଆନ୍ଧ୍ରପ୍ରଦେଶ ପ୍ରତି ଅନ୍ୟାୟ କରିଛି କେନ୍ଦ୍ର: ଚନ୍ଦ୍ରାବାବୁ

ହାଇଦ୍ରାବାଦ୍‌, ୧୪।୩ : କେନ୍ଦ୍ର ସରକାର ଆନ୍ଧ୍ରପ୍ରଦେଶ ପ୍ରତି ଅନ୍ୟାୟ କରିଛନ୍ତି ବୋଲି ବୁଧବାର ମୁଖ୍ୟମନ୍ତ୍ରୀ ଚନ୍ଦ୍ରାବାବୁ ନାଇଡୁ ଅଭିଯୋଗ କରିଛନ୍ତି। ରାଜ୍ୟକୁ ସ୍ବତନ୍ତ୍ର ପାହ୍ୟା ଦେବାରେ କେନ୍ଦ୍ର ସରକାରଙ୍କ ଟାଳଟୁଳ ନୀତି ଅକ୍ଷମଣୀୟ ଏବଂ ଏହାର ଉପଯୁକ୍ତ ଉତ୍ତର ଠିକ୍‌ ସମୟରେ ତେଲୁଗୁ ଦେଶମ୍‌ ପାର୍ଟି(ଟିଡିପି)ଦେବ ବୋଲି ସେ କହିଛନ୍ତି।

ମୋଦି-ଯୋଗୀ ମ୍ୟାଜିକ୍‌ ଫେଲ୍‌: ଭାଜପା ଗଡ଼ରେ ସାଇକେଲ ଚାଲିଲା, ଆରରିଆରେ ଜଳିଲା ଲଣ୍ଠନ

ମୋଦି-ଯୋଗୀ ମ୍ୟାଜିକ୍‌ ଫେଲ୍‌: ଭାଜପା ଗଡ଼ରେ ସାଇକେଲ ଚାଲିଲା, ଆରରିଆରେ ଜଳିଲା ଲଣ୍ଠନ

ଲକ୍ଷ୍ନୌ, ୧୪।୩ : ଉତ୍ତରପ୍ରଦେଶ ଉପନିର୍ବାଚନରେ ଫୁଲପୁର ଓ ଗୋରଖପୁର ଲୋକସଭା ଆସନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମ୍ୟାଜିକ୍‌ ଫେଲ୍‌ ହୋଇଛି। ଭାଜପାର ଗଡ଼ ଜୟ ଆଶା ଏଠି ଧୁଳିସାତ୍‌ ହୋଇଛି। ଏଠାରେ ସମାଜବାଦୀ ପାର୍ଟି ପ୍ରାର୍ଥୀ ସଫଳ ରହିଛନ୍ତି। ସମାଜବାଦୀ ପାର୍ଟି ଓ ବହୁଜନ ସମାଜବାଦୀ ପାର୍ଟିର ମିଳିତ ରଣକୌଶଳ ଏହି ଦୁଇ ଆସନରେ କାମ ଦେଇଛି।

ଅର୍ଥବିଲ୍‌ ଲୋକସଭାରେ ଗୃହୀତ

ଅର୍ଥବିଲ୍‌ ଲୋକସଭାରେ ଗୃହୀତ

ନୂଆଦିଲ୍ଲୀ, ୧୪।୩ : ଅର୍ଥବିଲ୍‌ ଲୋକସଭାରେ ଧ୍ୱନୀମତରେ ଗୃହୀତ ହୋଇଛି। ବିରୋଧୀ ଦଳଙ୍କ ପ୍ରବଳ ହଟ୍ଟଗୋଳ ମଧ୍ୟରେ ଏହା ସମ୍ପନ୍ନ ହୋଇଛି। ୨୦୧୮ ଏପ୍ରିଲ୍‌ ୧ ତାରିଖଠାରୁ ଏହା କାର୍ଯ୍ୟକାରୀ ହେବ। ଗୃହରେ ବିଲ୍‌ ଉପରେ କୌଣସି ଆଲୋଚନା କରା ନ ଯାଇ ଏହାକୁ ଗୃହୀତ କରାଯାଇଛି।

ଟୁଟିଂରେ ଅବତରଣ କଲା ବାୟୁସେନା ପରିବହନ ବିମାନ

ଟୁଟିଂରେ ଅବତରଣ କଲା ବାୟୁସେନା ପରିବହନ ବିମାନ

ନୂଆଦିଲ୍ଲୀ, ୧୪।୩ : ବାୟୁସେନାର ପରିବହନ ବିମାନ ସି-୧୭ ଅରୁଣାଚଳପ୍ରଦେଶ ଟୁଟିଂ ଏୟାର ଫିଲ୍ଡ୍‌ରେ ଅବତରଣ କରିଛି। ଏହି ବିମାନ ସେନା ଆବଶ୍ୟକ କରୁଥିବା ବିଭିନ୍ନ ଦ୍ରବ୍ୟ ପରିବହନ କରିବାକୁ ସକ୍ଷମ ହେବ। ଏହାକୁ ନେଇ ଚାଇନାର ଚିନ୍ତା ବୃଦ୍ଧି ପାଇଛି। ଟୁଟିଂ ଏୟାର ଫିଲ୍ଡ ଭାରତ-ଚାଇନା ସୀମାର ନିକଟରେ ରହିଛି। ସି-୧୭ ବିମାନ ଦ୍ୱାରା ସୀମା ଅଞ୍ଚଳରେ ସେନାଙ୍କୁ ଆବଶ୍ୟକ ସହାୟତା ଉପଲବ୍ଧ କରାଗଲେ ସେନାର ଶକ୍ତି ବୃଦ୍ଧି ପାଇବ ବୋଲି ପ୍ରତିରକ୍ଷା ମୁଖପାତ୍ର ସୂଚିତ କରିଛନ୍ତି।

ଉତ୍ତରପ୍ରଦେଶ, ବିହାର ଉପନିର୍ବାଚନ: ଫୁଲପୁରରେ ଏସ୍‌ପି ପ୍ରାର୍ଥୀ ଆଗୁଆ

ଉତ୍ତରପ୍ରଦେଶ, ବିହାର ଉପନିର୍ବାଚନ: ଫୁଲପୁରରେ ଏସ୍‌ପି ପ୍ରାର୍ଥୀ ଆଗୁଆ

ଲକ୍ଷ୍ନୌ/ପାଟନା, ୧୪।୩ : ଉତ୍ତରପ୍ରଦେଶ ଓ ବିହାରରେ ହୋଇଥିବା ଉପନିର୍ବାଚନ ମତଗଣନା ବୁଧବାର ଆରମ୍ଭ ହୋଇଛି। ଉତ୍ତରପ୍ରଦେଶ ଫୁଲପୁର ଲୋକସଭା ଆସନରେ ସମାଜବାଦୀ ପାର୍ଟି(ଏସ୍‌ପି) ଓ ବହୁଜନ ସମାଜବାଦୀ ପାର୍ଟି(ବିଏସ୍‌ପି) ସମର୍ଥିତ ପ୍ରାର୍ଥୀ ଅଗୁଆ ରହିଥିବାବେଳେ ଗୋରଖପୁର ଲୋକସଭା ଆସନରେ ଭାଜପା ପ୍ରାର୍ଥୀ ଆଗୁଆ ରହିଛନ୍ତି। ସେହିପରି ବିହାରର ଅରରିୟା ଲୋକସଭା ଆସନରେ ରାଷ୍ଟ୍ରୀୟ ଜନତା ଦଳ (ଆର୍‌ଜେଡି) ପ୍ରାର୍ଥୀ ଆଗୁଆ ରହିଛନ୍ତି। ଅରରିୟାରେ ଭାଜପା ଓ ଆର୍‌ଜେଡି ପ୍ରାର୍ଥୀଙ୍କ ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ହେଉଥିବା ସୂଚନା ମିଳିଛି।

ପରପାରିରେ ମହାକାଶ ବିଜ୍ଞାନୀ ଷ୍ଟିଫେନ୍‌ ହକିଙ୍ଗ୍‌

ପରପାରିରେ ମହାକାଶ ବିଜ୍ଞାନୀ ଷ୍ଟିଫେନ୍‌ ହକିଙ୍ଗ୍‌

କେମ୍ବ୍ରିଜ୍‌ /ନୂଆଦିଲ୍ଲୀ, ୧୪।୩ : ଖ୍ୟାତିସମ୍ପନ୍ନ ପଦାର୍ଥ ବିଜ୍ଞାନୀ ତଥା ମହାକାଶ ବିଜ୍ଞାନୀ ପ୍ରଫେସର ଷ୍ଟିଫେନ୍‌ ହକିଙ୍ଗ୍‌ ୭୬ ବର୍ଷ ବୟସରେ ବୁଧବାର ସକାଳେ କେମ୍ବ୍ରିଜ୍‌ ସ୍ଥିତ ତାଙ୍କ ବାସଭବନରେ ଦେହତ୍ୟାଗ କରିଛନ୍ତି। ସେ ଦୀର୍ଘଦିନ ଧରି ଆମିୟୋ ଟ୍ରୋପିକ୍‌ ସ୍କେଲିରୋସିସ୍‌ ରୋଗରେ ପୀଡ଼ିତ ଥିଲେ। ୧୯୪୨ ମସିହା ଜାନୁୟାରୀ ୮ ତାରିଖରେ ବ୍ରିଟେନ୍‌ର ଅକ୍ସଫୋର୍ଡଠାରେ ଷ୍ଟିଫେନ୍‌ ଜନ୍ମଗ୍ରହଣ କରିଥିଲେ।

ବିଦେଶୀ ଆଇନଜୀବୀଙ୍କୁ ଭାରତରେ ଓକିଲାତି ମନା

ବିଦେଶୀ ଆଇନଜୀବୀଙ୍କୁ ଭାରତରେ ଓକିଲାତି ମନା

ନୂଆଦିଲ୍ଲୀ,୧୩।୩ - ଭାରତରେ ବିଦେଶୀ ଆଇନଜୀବୀ ବା ଆଇନ ପରାମର୍ଶଦାତା ସଂସ୍ଥା ଓକିଲାତି କରିପାରିବେ ନାହିଁ ବୋଲି ମଙ୍ଗଳବାର ସୁପ୍ରିମକୋର୍ଟ କଟକଣା ଜାରି କରିଛନ୍ତି। ତେବେ ବିଦେଶୀ ଓକିଲମାନେ ସାମୟିକ ଭାବେ ଭାରତକୁ ଆସି ସେମାନଙ୍କ ମହକିଲଙ୍କୁ ବିଦେଶୀ ଆଇନ ଉପରେ ଆଇନଗତ ପରାମର୍ଶ ଦେଇପାରିବେ ବୋଲି ସର୍ବୋଚ୍ଚ ଅଦାଲତ ଅନୁମତି ଦେଇଛନ୍ତି। ‘ଫ୍ଲାଏ ଇନ୍‌ ଆଣ୍ଡ ଫ୍ଲାଏ ଆଉଟ୍‌’ ଧାରଣା ୨୦୧୨ରେ ଆରମ୍ଭ ହୋଇଥିଲା। ଏହି ବ୍ୟବସ୍ଥା ଅନୁସାରେ ବିଦେଶର ଜଣେ ଓକିଲ ଭାରତ ଆସି ତାଙ୍କ ମହକିଲଙ୍କୁ ଆଇନଗତ ପରାମର୍ଶ ଦେଇ ପୁଣି ଫେରିଯିବେ। କିନ୍ତୁ ଏଠାରେ ତାଙ୍କର ଫାର୍ମ ଖୋଲି ପାରିବେ ନାହିଁ। ମାଡ୍ରାସ୍‌ ହାଇକୋର୍ଟ ଏହି ବ୍ୟବସ୍ଥାକୁ ଅନୁମତି ଦେଇଥିଲେ। ଏହାକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଥିଲା। ସର୍ବୋଚ୍ଚ ଅଦାଲତ ମଧ୍ୟ ଏଥିପାଇଁ ଅନୁମତି ପ୍ରଦାନ କରିଛନ୍ତି। ଜଷ୍ଟିସ୍‌ ଏ.କେ. ଗୋଏଲ ଏବଂ ୟୁ.ୟୁ. ଲଳିତଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, ବିଦେଶୀ ଆଇନଜୀବୀ ଭାରତ ଆସି ଅନ୍ତର୍ଜାତୀୟ ବ୍ୟବସାୟିକ ବିବାଦ ସମ୍ପର୍କରେ ନିଜ ମହକିଲଙ୍କୁ ପରାମର୍ଶ ଦେଇପାରିବେ।

ଆଧାର ସଂଯୋଗ ସୀମା ଅନିର୍ଦ୍ଦିଷ୍ଟ କାଳ ପାଇଁ ବୃଦ୍ଧି

ଆଧାର ସଂଯୋଗ ସୀମା ଅନିର୍ଦ୍ଦିଷ୍ଟ କାଳ ପାଇଁ ବୃଦ୍ଧି

ନୂଆଦିଲ୍ଲୀ,୧୩।୩(ପି.ଟି.)- ବିଭିନ୍ନ ଜନକଲ୍ୟାଣମୂଳକ ଯୋଜନାର ଲାଭ ନେବା ଲାଗି ବାଧ୍ୟତାମୂଳକ ଆଧାର ସଂଯୋଗ ଅବଧିକୁ ଅନିର୍ଦ୍ଦିଷ୍ଟ କାଳ ପାଇଁ ବୃଦ୍ଧି କରାଯାଇଛି। ପୂର୍ବରୁ ଏଥିପାଇଁ ସମୟ ସୀମା ମାର୍ଚ୍ଚ ୩୧ ଧାର୍ଯ୍ୟ ହୋଇଥିବାବେଳେ ମଙ୍ଗଳବାର ସୁପ୍ରିମ କୋର୍ଟ ଉପରୋକ୍ତ ନିଷ୍ପତ୍ତି ନେଇଛନ୍ତି। ଆଧାର ଆଇନର ବୈଧତା ଉପରେ ସୁପ୍ରିମକୋର୍ଟର ସାମ୍ବିଧାନିକ ଖଣ୍ଡପୀଠ କୌଣସି ଚୂଡାନ୍ତ ନିଷ୍ପତ୍ତି ନ ଆଣିଲା ପର୍ଯ୍ୟନ୍ତ ଲିଙ୍କିଙ୍ଗ ବା ସଂଯୋଗ ପ୍ରକ୍ରିୟା ଜାରି ରହିବ। ପ୍ରଧାନ ବିଚାରପତି ଜଷ୍ଟିସ ଦୀପକ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ପାଞ୍ଚ ଜଣିଆ ଖଣ୍ଡପୀଠ ଏହି ନିଷ୍ପତ୍ତି ନେଇଛନ୍ତି। ଉକ୍ତ ଖଣ୍ଡପୀଠରେ ଜଷ୍ଟିସ୍‌ ଏ.କେ ସିକ୍ରି, ଏ.ଏମ୍‌. ଖାନଓ୍ବାଲକର, ଡି.ଓ୍ବାଇ. ଚନ୍ଦ୍ରଚୂଡ ଏବଂ ଅଶୋକ ଭୂଷଣ ଆଦି ରହିଛନ୍ତି।

 ୩ ବର୍ଷରେ ସର୍ବାଧିକ ଅସ୍ତ୍ରଶସ୍ତ୍ର କିଣିଛି ଭାରତ

୩ ବର୍ଷରେ ସର୍ବାଧିକ ଅସ୍ତ୍ରଶସ୍ତ୍ର କିଣିଛି ଭାରତ

ନୂଆଦିଲ୍ଲୀ, ୧୩।୩ : ଗତ ୩ ବର୍ଷ ମଧ୍ୟରେ ଭାରତ ସର୍ବାଧିକ ଅସ୍ତ୍ରଶସ୍ତ୍ର କିଣିଛି। ଗତ ୨୦୧୩ଠାରୁ ୨୦୧୭ ମଧ୍ୟରେ ବିଶ୍ୱସ୍ତରରେ ଭାରତ ୧୨ ପ୍ରତିଶତରୁ ଅଧିକ ସାମରିକ ଅସ୍ତ୍ରଶସ୍ତ୍ର କିଣିଥିବା ଏକ ଅନ୍ତର୍ଜାତୀୟ ସର୍ଭେ ରିପୋର୍ଟରେ ପ୍ରକାଶ ପାଇଛି। ତେବେ ୨୦୦୮-୨୦୧୨ ତୁଳନାରେ ୨୦୧୩-୨୦୧୭ରେ ଭାରତ ୨୪ ପ୍ରତିଶତ ଅଧିକ ଅସ୍ତ୍ରଶସ୍ତ୍ର କିଣିଥିବା ଏହି ରିପୋର୍ଟରେ ଦର୍ଶାଯାଇଛି। ଭାରତକୁ ରୁଷିଆ, ଆମେରିକା ଓ ଇସ୍ରାଏଲ୍‌ ସାମରିକ ଅସ୍ତ୍ରଶସ୍ତ୍ର ଯୋଗାଉଥିବା ଏଥିରେ ଉଲ୍ଲେଖ କରାଯାଇଛି।

ଖାଇକୁ ଖସିଲା ବସ୍‌: ୧୩ ମୃତ

ଖାଇକୁ ଖସିଲା ବସ୍‌: ୧୩ ମୃତ

ଡେରାଡୁନ୍‌, ୧୩।୩ : ଉତ୍ତରାଖଣ୍ଡ ତୋତାମ୍‌ ନିକଟରେ ଏକ ତୀଖ ଖାଇମଧ୍ୟକୁ ଯାତ୍ରୀବାହୀ ବସ୍‌ ଖସିପଡିବାରୁ ୧୩ ଜଣଙ୍କ ମୃତ୍ୟୁ ଘଟିଛି। ମଙ୍ଗଳବାର ସକାଳେ ଯାତ୍ରୀବାହୀ ବସ୍‌ଟି ଆଲମୋରାର ଦେଓଘାଟଠାରୁ ନୈନିତାଲ୍‌ର ରାମନଗର ଯାଉଥିବାବେଳେ ନିୟନ୍ତ୍ରଣ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା।

 ସୁକମାରେ ମାଓବାଦୀ ଆକ୍ରମଣ: ୮ ସିଆର୍‌ପିଏଫ୍‌ ଯବାନ ଶହୀଦ

ସୁକମାରେ ମାଓବାଦୀ ଆକ୍ରମଣ: ୮ ସିଆର୍‌ପିଏଫ୍‌ ଯବାନ ଶହୀଦ

ରାଏପୁର/ମାଲକାନଗିରି, ୧୩।୩(ଡି.ଏନ୍‌.ଏ.) : ଛତିଶଗଡ଼ ସୁକମା ଜିଲାରେ ମାଓବାଦୀଙ୍କ ଆକ୍ରମଣରେ ୮ ସିଆର୍‌ପିଏଫ୍‌ ଯବାନ ଶହୀଦ ହୋଇଛନ୍ତି। ମଙ୍ଗଳବାର ସିଆର୍‌ପିଏଫ୍‌ ୨୧୨ ବାଟାଲିଅନ୍‌ ଯବାନମାନେ କିଷ୍ଟାରାମ୍‌ ଅଞ୍ଚଳରେ ସର୍ଚ୍ଚ ଅପରେଶନ ଜାରି ରଖିଥିବା ସମୟରେ ଶକ୍ତିଶାଳୀ ଆଇଇଡି ବିସ୍ଫୋରଣରେ ଏହା ଘଟିଥିବା ପ୍ରଶାସନ ପକ୍ଷରୁ କୁହାଯାଇଛି। ଏହି ଘଟଣାରେ ୬ ଜଣ ଯବାନ ଆହତ ହୋଇଛନ୍ତି। ଆହତଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ସଙ୍କଟ ଜନକ ରହିଛି।

ଆନ୍ଦୋଳନକୁ ଓହ୍ଲାଉଛନ୍ତି କୃଷକ

ଆନ୍ଦୋଳନକୁ ଓହ୍ଲାଉଛନ୍ତି କୃଷକ

ନୂଆଦିଲ୍ଲୀ,୧୩।୩: ଭୋଟ ପାଇଁ ନେତାମାନେ ଦେଶର ଜନସାଧାରଣଙ୍କୁ ବିଭିନ୍ନ ପ୍ରତିଶ୍ରୁତି ଦେଇଥାନ୍ତି। ମାତ୍ର ଜିତିବା ପରେ ବିଶେଷକରି କୃଷକମାନଙ୍କୁ କିଛି ମିଳି ନ ଥାଏ। ତେବେ କେନ୍ଦ୍ରରେ ମୋଦି ସରକାର ବ୍ୟବସାୟିକ କ୍ଷେତ୍ରକୁ ବିଶେଷ ଧ୍ୟାନ ଦେଉଥିବାରୁ କୃଷକମାନେ ବେଶ୍‌ ଉପେକ୍ଷିତ ହେଉଥିବା ଅଭିଯୋଗ ହୋଇ ଆସୁଛି। ସରକାର ଗଠନ ହେବା ପରଠାରୁ ବର୍ତ୍ତମାନ ସୁଦ୍ଧା ମହାରାଷ୍ଟ୍ର, ମଧ୍ୟପ୍ରଦେଶ, ତାମିଲନାଡୁ, ରାଜସ୍ଥାନ, ଆନ୍ଧ୍ରପ୍ରଦେଶ, ଦିଲ୍ଲୀ ଆଦି ରାଜ୍ୟରେ କୃଷକମାନେ ବଡ ଧରଣର ଆନ୍ଦୋଳନ କରିଛନ୍ତିି।