ଜାତୀୟ

୨୦୧୯ ପୂର୍ବରୁ ମୋଦି-ଯୋଗୀଙ୍କୁ ଶକ୍ତ ଝଟକା: ଭୁଶୁଡ଼ିଲା ଭାଜପା ଗଡ଼

୨୦୧୯ ପୂର୍ବରୁ ମୋଦି-ଯୋଗୀଙ୍କୁ ଶକ୍ତ ଝଟକା: ଭୁଶୁଡ଼ିଲା ଭାଜପା ଗଡ଼

ଲକ୍ଷ୍ନୌ/ପାଟନା/ନୂଆଦିଲ୍ଲୀ,୧୪।୩:୨୦୧୯ ସାଧାରଣ ନିର୍ବାଚନ ପୂର୍ବରୁ ଭାଜପାକୁ ଲାଗିଛି ଶକ୍ତ ଝଟକା। ରାଜନୈତିକ ଦୃଷ୍ଟିରୁ ଅତି ଗୁରୁତ୍ୱପୂର୍ଣ୍ଣ ମନେକରାଯାଉଥିବା ଉତ୍ତରପ୍ରଦେଶ(ୟୁପି) ଓ ବିହାରର ୩ଟି ଲୋକ ସଭା ଓ ଗୋଟିଏ ବିଧାନସଭା ଉପନିର୍ବାଚନରେ ଗୈରିକ ଦଳକୁ ପରାଜୟର ମୁହଁ ଦେଖିବାକୁ ପଡ଼ିଛି।

୬୭୩ ହାଇକୋର୍ଟ ବିଚାରପତିଙ୍କ ମଧ୍ୟରେ ମହିଳାଙ୍କ ସଂଖ୍ୟା ୭୩

୬୭୩ ହାଇକୋର୍ଟ ବିଚାରପତିଙ୍କ ମଧ୍ୟରେ ମହିଳାଙ୍କ ସଂଖ୍ୟା ୭୩

ନୂଆଦିଲ୍ଲୀ, ୧୪।୩ : ଦେଶର ୨୪ଟି ହାଇକୋର୍ଟରେ ୬୭୩ ବିଚାରପତି ଥିବାବେଳେ ସେମାନଙ୍କ ମଧ୍ୟରେ ମହିଳା ବିଚାରପତିଙ୍କ ସଂଖ୍ୟା ୭୩ ରହିଛି। ସେହିପରି ସୁପ୍ରିମ୍‌କୋର୍ଟରେ ୨୪ ଜଣ ବିଚାରପତିଙ୍କ ମଧ୍ୟରେ କେବଳ ଜଣେ ମହିଳା ବିଚାରପତି ଅଛନ୍ତି। ଆଇନ ରାଷ୍ଟ୍ରମନ୍ତ୍ରୀ ପି.ପି.ଚୌଧୁରୀ ବୁଧବାର ଲୋକସଭାରେ ଏକ ପ୍ରଶ୍ନର ଉତ୍ତରରେ ଏହା ସୂଚିତ କରିଛନ୍ତି।

ଜମ୍ମୁ-କଶ୍ମୀରରେ ନିର୍ମିତ ହେବ ୧୪,୪୬୦ ବଙ୍କର

ଜମ୍ମୁ-କଶ୍ମୀରରେ ନିର୍ମିତ ହେବ ୧୪,୪୬୦ ବଙ୍କର

ନୂଆଦିଲ୍ଲୀ, ୧୪।୩ : ଜମ୍ମୁ-କଶ୍ମୀର ନିୟନ୍ତ୍ରଣରେଖାଠାରେ ଜନସାଧାରଣଙ୍କ ସୁରକ୍ଷା ପାଇଁ ୧୪,୪୬୦ଟି ବଙ୍କର ନିର୍ମାଣ କରାଯିବ। ଏସମ୍ପର୍କରେ ବୁଧବାର ସ୍ବରାଷ୍ଟ୍ର ରାଷ୍ଟ୍ରମନ୍ତ୍ରୀ ହଂସରାଜ ଗଙ୍ଗାରାମ ଅହିର ରାଜ୍ୟସଭାରେ ଏକ ପ୍ରଶ୍ନର ଉତ୍ତରରେ ସୂଚିତ କରିଛନ୍ତି। ୨୦୧୬-୧୭ରେ ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ଏକ ପାଇଲଟ୍‌ ପ୍ରୋଜେକ୍ଟ ଅନ୍ତର୍ଗତ ୩ କୋଟି ଟଙ୍କା ବ୍ୟୟରେ ୬୦ଟି ବଙ୍କର ନିର୍ମାଣ ପାଇଁ ଅନୁମୋଦନ ପ୍ରଦାନ କରାଯାଇଥିଲା।

ସାମ୍ପ୍ରଦାୟିକ ଦଙ୍ଗା ତାଲିକା: ପ୍ରଥମସ୍ଥାନରେ ଉତ୍ତରପ୍ରଦେଶ

ସାମ୍ପ୍ରଦାୟିକ ଦଙ୍ଗା ତାଲିକା: ପ୍ରଥମସ୍ଥାନରେ ଉତ୍ତରପ୍ରଦେଶ

ନୂଆଦିଲ୍ଲୀ, ୧୪।୩ : ସାମ୍ପ୍ରଦାୟିକ ଦଙ୍ଗା ତାଲିକାରେ ଉତ୍ତରପ୍ରଦେଶ ସ୍ଥାନ ପ୍ରଥମରେ ରହିଛି। ଏସମ୍ପର୍କରେ ବୁଧବାର ସ୍ବରାଷ୍ଟ୍ର ରାଷ୍ଟ୍ରମନ୍ତ୍ରୀ ହଂସରାଜ ଗଙ୍ଗାରାମ ଅହିର ଲୋକସଭାରେ ଏକ ପ୍ରଶ୍ନର ଉତ୍ତରରେ ସୂଚିତ କରିଛନ୍ତି। ୨୦୧୭ରେ ଦେଶରେ ୮୨୨ଟି ସାମ୍ପ୍ରଦାୟିକ ଦଙ୍ଗା ଘଟିଥିବାବେଳେ ୨୦୧୬ରେ ଏଭଳି ୭୦୩ଟି ଘଟଣା ଘଟିଥିଲା। ସେହିପରି ୨୦୧୫ରେ ୭୫୧ଟି ସାମ୍ପ୍ରଦାୟିକ ଦଙ୍ଗା ଘଟିଥିବା ସେ କହିଛନ୍ତି।

ଆନ୍ଧ୍ରପ୍ରଦେଶ ପ୍ରତି ଅନ୍ୟାୟ କରିଛି କେନ୍ଦ୍ର: ଚନ୍ଦ୍ରାବାବୁ

ଆନ୍ଧ୍ରପ୍ରଦେଶ ପ୍ରତି ଅନ୍ୟାୟ କରିଛି କେନ୍ଦ୍ର: ଚନ୍ଦ୍ରାବାବୁ

ହାଇଦ୍ରାବାଦ୍‌, ୧୪।୩ : କେନ୍ଦ୍ର ସରକାର ଆନ୍ଧ୍ରପ୍ରଦେଶ ପ୍ରତି ଅନ୍ୟାୟ କରିଛନ୍ତି ବୋଲି ବୁଧବାର ମୁଖ୍ୟମନ୍ତ୍ରୀ ଚନ୍ଦ୍ରାବାବୁ ନାଇଡୁ ଅଭିଯୋଗ କରିଛନ୍ତି। ରାଜ୍ୟକୁ ସ୍ବତନ୍ତ୍ର ପାହ୍ୟା ଦେବାରେ କେନ୍ଦ୍ର ସରକାରଙ୍କ ଟାଳଟୁଳ ନୀତି ଅକ୍ଷମଣୀୟ ଏବଂ ଏହାର ଉପଯୁକ୍ତ ଉତ୍ତର ଠିକ୍‌ ସମୟରେ ତେଲୁଗୁ ଦେଶମ୍‌ ପାର୍ଟି(ଟିଡିପି)ଦେବ ବୋଲି ସେ କହିଛନ୍ତି।

ମୋଦି-ଯୋଗୀ ମ୍ୟାଜିକ୍‌ ଫେଲ୍‌: ଭାଜପା ଗଡ଼ରେ ସାଇକେଲ ଚାଲିଲା, ଆରରିଆରେ ଜଳିଲା ଲଣ୍ଠନ

ମୋଦି-ଯୋଗୀ ମ୍ୟାଜିକ୍‌ ଫେଲ୍‌: ଭାଜପା ଗଡ଼ରେ ସାଇକେଲ ଚାଲିଲା, ଆରରିଆରେ ଜଳିଲା ଲଣ୍ଠନ

ଲକ୍ଷ୍ନୌ, ୧୪।୩ : ଉତ୍ତରପ୍ରଦେଶ ଉପନିର୍ବାଚନରେ ଫୁଲପୁର ଓ ଗୋରଖପୁର ଲୋକସଭା ଆସନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମ୍ୟାଜିକ୍‌ ଫେଲ୍‌ ହୋଇଛି। ଭାଜପାର ଗଡ଼ ଜୟ ଆଶା ଏଠି ଧୁଳିସାତ୍‌ ହୋଇଛି। ଏଠାରେ ସମାଜବାଦୀ ପାର୍ଟି ପ୍ରାର୍ଥୀ ସଫଳ ରହିଛନ୍ତି। ସମାଜବାଦୀ ପାର୍ଟି ଓ ବହୁଜନ ସମାଜବାଦୀ ପାର୍ଟିର ମିଳିତ ରଣକୌଶଳ ଏହି ଦୁଇ ଆସନରେ କାମ ଦେଇଛି।

ଅର୍ଥବିଲ୍‌ ଲୋକସଭାରେ ଗୃହୀତ

ଅର୍ଥବିଲ୍‌ ଲୋକସଭାରେ ଗୃହୀତ

ନୂଆଦିଲ୍ଲୀ, ୧୪।୩ : ଅର୍ଥବିଲ୍‌ ଲୋକସଭାରେ ଧ୍ୱନୀମତରେ ଗୃହୀତ ହୋଇଛି। ବିରୋଧୀ ଦଳଙ୍କ ପ୍ରବଳ ହଟ୍ଟଗୋଳ ମଧ୍ୟରେ ଏହା ସମ୍ପନ୍ନ ହୋଇଛି। ୨୦୧୮ ଏପ୍ରିଲ୍‌ ୧ ତାରିଖଠାରୁ ଏହା କାର୍ଯ୍ୟକାରୀ ହେବ। ଗୃହରେ ବିଲ୍‌ ଉପରେ କୌଣସି ଆଲୋଚନା କରା ନ ଯାଇ ଏହାକୁ ଗୃହୀତ କରାଯାଇଛି।

ଟୁଟିଂରେ ଅବତରଣ କଲା ବାୟୁସେନା ପରିବହନ ବିମାନ

ଟୁଟିଂରେ ଅବତରଣ କଲା ବାୟୁସେନା ପରିବହନ ବିମାନ

ନୂଆଦିଲ୍ଲୀ, ୧୪।୩ : ବାୟୁସେନାର ପରିବହନ ବିମାନ ସି-୧୭ ଅରୁଣାଚଳପ୍ରଦେଶ ଟୁଟିଂ ଏୟାର ଫିଲ୍ଡ୍‌ରେ ଅବତରଣ କରିଛି। ଏହି ବିମାନ ସେନା ଆବଶ୍ୟକ କରୁଥିବା ବିଭିନ୍ନ ଦ୍ରବ୍ୟ ପରିବହନ କରିବାକୁ ସକ୍ଷମ ହେବ। ଏହାକୁ ନେଇ ଚାଇନାର ଚିନ୍ତା ବୃଦ୍ଧି ପାଇଛି। ଟୁଟିଂ ଏୟାର ଫିଲ୍ଡ ଭାରତ-ଚାଇନା ସୀମାର ନିକଟରେ ରହିଛି। ସି-୧୭ ବିମାନ ଦ୍ୱାରା ସୀମା ଅଞ୍ଚଳରେ ସେନାଙ୍କୁ ଆବଶ୍ୟକ ସହାୟତା ଉପଲବ୍ଧ କରାଗଲେ ସେନାର ଶକ୍ତି ବୃଦ୍ଧି ପାଇବ ବୋଲି ପ୍ରତିରକ୍ଷା ମୁଖପାତ୍ର ସୂଚିତ କରିଛନ୍ତି।

ଉତ୍ତରପ୍ରଦେଶ, ବିହାର ଉପନିର୍ବାଚନ: ଫୁଲପୁରରେ ଏସ୍‌ପି ପ୍ରାର୍ଥୀ ଆଗୁଆ

ଉତ୍ତରପ୍ରଦେଶ, ବିହାର ଉପନିର୍ବାଚନ: ଫୁଲପୁରରେ ଏସ୍‌ପି ପ୍ରାର୍ଥୀ ଆଗୁଆ

ଲକ୍ଷ୍ନୌ/ପାଟନା, ୧୪।୩ : ଉତ୍ତରପ୍ରଦେଶ ଓ ବିହାରରେ ହୋଇଥିବା ଉପନିର୍ବାଚନ ମତଗଣନା ବୁଧବାର ଆରମ୍ଭ ହୋଇଛି। ଉତ୍ତରପ୍ରଦେଶ ଫୁଲପୁର ଲୋକସଭା ଆସନରେ ସମାଜବାଦୀ ପାର୍ଟି(ଏସ୍‌ପି) ଓ ବହୁଜନ ସମାଜବାଦୀ ପାର୍ଟି(ବିଏସ୍‌ପି) ସମର୍ଥିତ ପ୍ରାର୍ଥୀ ଅଗୁଆ ରହିଥିବାବେଳେ ଗୋରଖପୁର ଲୋକସଭା ଆସନରେ ଭାଜପା ପ୍ରାର୍ଥୀ ଆଗୁଆ ରହିଛନ୍ତି। ସେହିପରି ବିହାରର ଅରରିୟା ଲୋକସଭା ଆସନରେ ରାଷ୍ଟ୍ରୀୟ ଜନତା ଦଳ (ଆର୍‌ଜେଡି) ପ୍ରାର୍ଥୀ ଆଗୁଆ ରହିଛନ୍ତି। ଅରରିୟାରେ ଭାଜପା ଓ ଆର୍‌ଜେଡି ପ୍ରାର୍ଥୀଙ୍କ ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ହେଉଥିବା ସୂଚନା ମିଳିଛି।

ପରପାରିରେ ମହାକାଶ ବିଜ୍ଞାନୀ ଷ୍ଟିଫେନ୍‌ ହକିଙ୍ଗ୍‌

ପରପାରିରେ ମହାକାଶ ବିଜ୍ଞାନୀ ଷ୍ଟିଫେନ୍‌ ହକିଙ୍ଗ୍‌

କେମ୍ବ୍ରିଜ୍‌ /ନୂଆଦିଲ୍ଲୀ, ୧୪।୩ : ଖ୍ୟାତିସମ୍ପନ୍ନ ପଦାର୍ଥ ବିଜ୍ଞାନୀ ତଥା ମହାକାଶ ବିଜ୍ଞାନୀ ପ୍ରଫେସର ଷ୍ଟିଫେନ୍‌ ହକିଙ୍ଗ୍‌ ୭୬ ବର୍ଷ ବୟସରେ ବୁଧବାର ସକାଳେ କେମ୍ବ୍ରିଜ୍‌ ସ୍ଥିତ ତାଙ୍କ ବାସଭବନରେ ଦେହତ୍ୟାଗ କରିଛନ୍ତି। ସେ ଦୀର୍ଘଦିନ ଧରି ଆମିୟୋ ଟ୍ରୋପିକ୍‌ ସ୍କେଲିରୋସିସ୍‌ ରୋଗରେ ପୀଡ଼ିତ ଥିଲେ। ୧୯୪୨ ମସିହା ଜାନୁୟାରୀ ୮ ତାରିଖରେ ବ୍ରିଟେନ୍‌ର ଅକ୍ସଫୋର୍ଡଠାରେ ଷ୍ଟିଫେନ୍‌ ଜନ୍ମଗ୍ରହଣ କରିଥିଲେ।

ବିଦେଶୀ ଆଇନଜୀବୀଙ୍କୁ ଭାରତରେ ଓକିଲାତି ମନା

ବିଦେଶୀ ଆଇନଜୀବୀଙ୍କୁ ଭାରତରେ ଓକିଲାତି ମନା

ନୂଆଦିଲ୍ଲୀ,୧୩।୩ - ଭାରତରେ ବିଦେଶୀ ଆଇନଜୀବୀ ବା ଆଇନ ପରାମର୍ଶଦାତା ସଂସ୍ଥା ଓକିଲାତି କରିପାରିବେ ନାହିଁ ବୋଲି ମଙ୍ଗଳବାର ସୁପ୍ରିମକୋର୍ଟ କଟକଣା ଜାରି କରିଛନ୍ତି। ତେବେ ବିଦେଶୀ ଓକିଲମାନେ ସାମୟିକ ଭାବେ ଭାରତକୁ ଆସି ସେମାନଙ୍କ ମହକିଲଙ୍କୁ ବିଦେଶୀ ଆଇନ ଉପରେ ଆଇନଗତ ପରାମର୍ଶ ଦେଇପାରିବେ ବୋଲି ସର୍ବୋଚ୍ଚ ଅଦାଲତ ଅନୁମତି ଦେଇଛନ୍ତି। ‘ଫ୍ଲାଏ ଇନ୍‌ ଆଣ୍ଡ ଫ୍ଲାଏ ଆଉଟ୍‌’ ଧାରଣା ୨୦୧୨ରେ ଆରମ୍ଭ ହୋଇଥିଲା। ଏହି ବ୍ୟବସ୍ଥା ଅନୁସାରେ ବିଦେଶର ଜଣେ ଓକିଲ ଭାରତ ଆସି ତାଙ୍କ ମହକିଲଙ୍କୁ ଆଇନଗତ ପରାମର୍ଶ ଦେଇ ପୁଣି ଫେରିଯିବେ। କିନ୍ତୁ ଏଠାରେ ତାଙ୍କର ଫାର୍ମ ଖୋଲି ପାରିବେ ନାହିଁ। ମାଡ୍ରାସ୍‌ ହାଇକୋର୍ଟ ଏହି ବ୍ୟବସ୍ଥାକୁ ଅନୁମତି ଦେଇଥିଲେ। ଏହାକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଥିଲା। ସର୍ବୋଚ୍ଚ ଅଦାଲତ ମଧ୍ୟ ଏଥିପାଇଁ ଅନୁମତି ପ୍ରଦାନ କରିଛନ୍ତି। ଜଷ୍ଟିସ୍‌ ଏ.କେ. ଗୋଏଲ ଏବଂ ୟୁ.ୟୁ. ଲଳିତଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, ବିଦେଶୀ ଆଇନଜୀବୀ ଭାରତ ଆସି ଅନ୍ତର୍ଜାତୀୟ ବ୍ୟବସାୟିକ ବିବାଦ ସମ୍ପର୍କରେ ନିଜ ମହକିଲଙ୍କୁ ପରାମର୍ଶ ଦେଇପାରିବେ।

ଆଧାର ସଂଯୋଗ ସୀମା ଅନିର୍ଦ୍ଦିଷ୍ଟ କାଳ ପାଇଁ ବୃଦ୍ଧି

ଆଧାର ସଂଯୋଗ ସୀମା ଅନିର୍ଦ୍ଦିଷ୍ଟ କାଳ ପାଇଁ ବୃଦ୍ଧି

ନୂଆଦିଲ୍ଲୀ,୧୩।୩(ପି.ଟି.)- ବିଭିନ୍ନ ଜନକଲ୍ୟାଣମୂଳକ ଯୋଜନାର ଲାଭ ନେବା ଲାଗି ବାଧ୍ୟତାମୂଳକ ଆଧାର ସଂଯୋଗ ଅବଧିକୁ ଅନିର୍ଦ୍ଦିଷ୍ଟ କାଳ ପାଇଁ ବୃଦ୍ଧି କରାଯାଇଛି। ପୂର୍ବରୁ ଏଥିପାଇଁ ସମୟ ସୀମା ମାର୍ଚ୍ଚ ୩୧ ଧାର୍ଯ୍ୟ ହୋଇଥିବାବେଳେ ମଙ୍ଗଳବାର ସୁପ୍ରିମ କୋର୍ଟ ଉପରୋକ୍ତ ନିଷ୍ପତ୍ତି ନେଇଛନ୍ତି। ଆଧାର ଆଇନର ବୈଧତା ଉପରେ ସୁପ୍ରିମକୋର୍ଟର ସାମ୍ବିଧାନିକ ଖଣ୍ଡପୀଠ କୌଣସି ଚୂଡାନ୍ତ ନିଷ୍ପତ୍ତି ନ ଆଣିଲା ପର୍ଯ୍ୟନ୍ତ ଲିଙ୍କିଙ୍ଗ ବା ସଂଯୋଗ ପ୍ରକ୍ରିୟା ଜାରି ରହିବ। ପ୍ରଧାନ ବିଚାରପତି ଜଷ୍ଟିସ ଦୀପକ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ପାଞ୍ଚ ଜଣିଆ ଖଣ୍ଡପୀଠ ଏହି ନିଷ୍ପତ୍ତି ନେଇଛନ୍ତି। ଉକ୍ତ ଖଣ୍ଡପୀଠରେ ଜଷ୍ଟିସ୍‌ ଏ.କେ ସିକ୍ରି, ଏ.ଏମ୍‌. ଖାନଓ୍ବାଲକର, ଡି.ଓ୍ବାଇ. ଚନ୍ଦ୍ରଚୂଡ ଏବଂ ଅଶୋକ ଭୂଷଣ ଆଦି ରହିଛନ୍ତି।

 ୩ ବର୍ଷରେ ସର୍ବାଧିକ ଅସ୍ତ୍ରଶସ୍ତ୍ର କିଣିଛି ଭାରତ

୩ ବର୍ଷରେ ସର୍ବାଧିକ ଅସ୍ତ୍ରଶସ୍ତ୍ର କିଣିଛି ଭାରତ

ନୂଆଦିଲ୍ଲୀ, ୧୩।୩ : ଗତ ୩ ବର୍ଷ ମଧ୍ୟରେ ଭାରତ ସର୍ବାଧିକ ଅସ୍ତ୍ରଶସ୍ତ୍ର କିଣିଛି। ଗତ ୨୦୧୩ଠାରୁ ୨୦୧୭ ମଧ୍ୟରେ ବିଶ୍ୱସ୍ତରରେ ଭାରତ ୧୨ ପ୍ରତିଶତରୁ ଅଧିକ ସାମରିକ ଅସ୍ତ୍ରଶସ୍ତ୍ର କିଣିଥିବା ଏକ ଅନ୍ତର୍ଜାତୀୟ ସର୍ଭେ ରିପୋର୍ଟରେ ପ୍ରକାଶ ପାଇଛି। ତେବେ ୨୦୦୮-୨୦୧୨ ତୁଳନାରେ ୨୦୧୩-୨୦୧୭ରେ ଭାରତ ୨୪ ପ୍ରତିଶତ ଅଧିକ ଅସ୍ତ୍ରଶସ୍ତ୍ର କିଣିଥିବା ଏହି ରିପୋର୍ଟରେ ଦର୍ଶାଯାଇଛି। ଭାରତକୁ ରୁଷିଆ, ଆମେରିକା ଓ ଇସ୍ରାଏଲ୍‌ ସାମରିକ ଅସ୍ତ୍ରଶସ୍ତ୍ର ଯୋଗାଉଥିବା ଏଥିରେ ଉଲ୍ଲେଖ କରାଯାଇଛି।

ଖାଇକୁ ଖସିଲା ବସ୍‌: ୧୩ ମୃତ

ଖାଇକୁ ଖସିଲା ବସ୍‌: ୧୩ ମୃତ

ଡେରାଡୁନ୍‌, ୧୩।୩ : ଉତ୍ତରାଖଣ୍ଡ ତୋତାମ୍‌ ନିକଟରେ ଏକ ତୀଖ ଖାଇମଧ୍ୟକୁ ଯାତ୍ରୀବାହୀ ବସ୍‌ ଖସିପଡିବାରୁ ୧୩ ଜଣଙ୍କ ମୃତ୍ୟୁ ଘଟିଛି। ମଙ୍ଗଳବାର ସକାଳେ ଯାତ୍ରୀବାହୀ ବସ୍‌ଟି ଆଲମୋରାର ଦେଓଘାଟଠାରୁ ନୈନିତାଲ୍‌ର ରାମନଗର ଯାଉଥିବାବେଳେ ନିୟନ୍ତ୍ରଣ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା।

 ସୁକମାରେ ମାଓବାଦୀ ଆକ୍ରମଣ: ୮ ସିଆର୍‌ପିଏଫ୍‌ ଯବାନ ଶହୀଦ

ସୁକମାରେ ମାଓବାଦୀ ଆକ୍ରମଣ: ୮ ସିଆର୍‌ପିଏଫ୍‌ ଯବାନ ଶହୀଦ

ରାଏପୁର/ମାଲକାନଗିରି, ୧୩।୩(ଡି.ଏନ୍‌.ଏ.) : ଛତିଶଗଡ଼ ସୁକମା ଜିଲାରେ ମାଓବାଦୀଙ୍କ ଆକ୍ରମଣରେ ୮ ସିଆର୍‌ପିଏଫ୍‌ ଯବାନ ଶହୀଦ ହୋଇଛନ୍ତି। ମଙ୍ଗଳବାର ସିଆର୍‌ପିଏଫ୍‌ ୨୧୨ ବାଟାଲିଅନ୍‌ ଯବାନମାନେ କିଷ୍ଟାରାମ୍‌ ଅଞ୍ଚଳରେ ସର୍ଚ୍ଚ ଅପରେଶନ ଜାରି ରଖିଥିବା ସମୟରେ ଶକ୍ତିଶାଳୀ ଆଇଇଡି ବିସ୍ଫୋରଣରେ ଏହା ଘଟିଥିବା ପ୍ରଶାସନ ପକ୍ଷରୁ କୁହାଯାଇଛି। ଏହି ଘଟଣାରେ ୬ ଜଣ ଯବାନ ଆହତ ହୋଇଛନ୍ତି। ଆହତଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ସଙ୍କଟ ଜନକ ରହିଛି।

ଆନ୍ଦୋଳନକୁ ଓହ୍ଲାଉଛନ୍ତି କୃଷକ

ଆନ୍ଦୋଳନକୁ ଓହ୍ଲାଉଛନ୍ତି କୃଷକ

ନୂଆଦିଲ୍ଲୀ,୧୩।୩: ଭୋଟ ପାଇଁ ନେତାମାନେ ଦେଶର ଜନସାଧାରଣଙ୍କୁ ବିଭିନ୍ନ ପ୍ରତିଶ୍ରୁତି ଦେଇଥାନ୍ତି। ମାତ୍ର ଜିତିବା ପରେ ବିଶେଷକରି କୃଷକମାନଙ୍କୁ କିଛି ମିଳି ନ ଥାଏ। ତେବେ କେନ୍ଦ୍ରରେ ମୋଦି ସରକାର ବ୍ୟବସାୟିକ କ୍ଷେତ୍ରକୁ ବିଶେଷ ଧ୍ୟାନ ଦେଉଥିବାରୁ କୃଷକମାନେ ବେଶ୍‌ ଉପେକ୍ଷିତ ହେଉଥିବା ଅଭିଯୋଗ ହୋଇ ଆସୁଛି। ସରକାର ଗଠନ ହେବା ପରଠାରୁ ବର୍ତ୍ତମାନ ସୁଦ୍ଧା ମହାରାଷ୍ଟ୍ର, ମଧ୍ୟପ୍ରଦେଶ, ତାମିଲନାଡୁ, ରାଜସ୍ଥାନ, ଆନ୍ଧ୍ରପ୍ରଦେଶ, ଦିଲ୍ଲୀ ଆଦି ରାଜ୍ୟରେ କୃଷକମାନେ ବଡ ଧରଣର ଆନ୍ଦୋଳନ କରିଛନ୍ତିି।

୨୦୨୫ ସୁଦ୍ଧା ଭାରତ ହେବ ଟିବି ମୁକ୍ତ

୨୦୨୫ ସୁଦ୍ଧା ଭାରତ ହେବ ଟିବି ମୁକ୍ତ

ନୂଆଦିଲ୍ଲୀ, ୧୩।୩ : ଆସନ୍ତା ୨୦୨୫ ସୁଦ୍ଧା ଭାରତ ଟିବି ମୁକ୍ତ ହେବ। ଏନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ସୂଚିତ କରିଛନ୍ତି। ୨୦୩୦ ସୁଦ୍ଧା ସମଗ୍ର ପୃଥିବୀ ଟିବି ମୁକ୍ତ ହେବାର ଯୋଜନା ପ୍ରସ୍ତୁତ କରାଯାଇଥିବା ସେ କହିଛନ୍ତି। ଏହି ଅବସରରେ ଟିବି ମୁକ୍ତ ଭାରତ ଗଠନ ଅଭିଯାନର ଶୁଭାରମ୍ଭ ହୋଇଛି। ଇତିମଧ୍ୟରେ ଗତ ୩ ବର୍ଷ ମଧ୍ୟରେ ଦେଶରେ ଟିବି ରୋଗ ନିରାକରଣ କାର୍ଯ୍ୟରେ ୬ ପ୍ରତିଶତରୁ ଅଧିକ ବୃଦ୍ଧି ହୋଇଛି।

 ଏମ୍‌ପିଙ୍କ ସମ୍ପତ୍ତି ତାଲିକା: ଶୀର୍ଷରେ ଜୟା

ଏମ୍‌ପିଙ୍କ ସମ୍ପତ୍ତି ତାଲିକା: ଶୀର୍ଷରେ ଜୟା

ନୂଆଦିଲ୍ଲୀ, ୧୩।୩ : ଉତ୍ତରପ୍ରଦେଶ ରାଜ୍ୟସଭା ନିର୍ବାଚନ ପାଇଁ ସମାଜବାଦୀ ପାର୍ଟି ପକ୍ଷରୁ ଜୟା ବଚ୍ଚନ ନାମାଙ୍କନ ପତ୍ର ଦାଖଲ କରିଛନ୍ତି। ସତ୍ୟପାଠରେ ତାଙ୍କ ସମ୍ପତ୍ତି ପରିମାଣ ସେ ଏକ ହଜାର କୋଟି ଟଙ୍କା ବୋଲି ଉଲ୍ଲେଖ କରିଛନ୍ତି। ଏମ୍‌ପିଙ୍କ ମଧ୍ୟରେ ଜୟାଙ୍କର ସର୍ବାଧିକ ସମ୍ପତ୍ତି ଥିବା ଏଥିରୁ ଜଣାପଡିଛି। ୨୦୧୨ରେ ନାମାଙ୍କନ ପତ୍ର ଦାଖଲ ସମୟରେ ଜୟାଙ୍କ ସମ୍ପତ୍ତି ପରିମାଣ ୪୯୩ କୋଟି ଟଙ୍କା ଏବଂ ଅମିତାଭ ବଚ୍ଚନଙ୍କ ସମ୍ପତ୍ତି ପରିମାଣ ୪୬୦ କୋଟି ଟଙ୍କା ବୋଲି ଦର୍ଶାଯାଇଥିଲା।

ଇଞ୍ଜିନ୍‌ରେ ତ୍ରୁଟି: ୪୭ ବିମାନର ଉଡ଼ାଣ ବନ୍ଦ କଲା ଇଣ୍ଡିଗୋ

ଇଞ୍ଜିନ୍‌ରେ ତ୍ରୁଟି: ୪୭ ବିମାନର ଉଡ଼ାଣ ବନ୍ଦ କଲା ଇଣ୍ଡିଗୋ

ବମ୍ବେ, ୧୩।୩ : ଇଞ୍ଜିନ୍‌ରେ ତ୍ରୁଟି ଯୋଗୁ ଇଣ୍ଡିଗୋ ଏହାର ୪୭ ବିମାନର ଉଡ଼ାଣକୁ ମଙ୍ଗଳବାର ବନ୍ଦ କରିଛି। ବିମାନ ଇଞ୍ଜିନ୍‌ରେ ତ୍ରୁଟି ଥିବାରୁ ଭାରତୀୟ ବିମାନ ଚଳାଚଳ ନିୟାମକଙ୍କ ପକ୍ଷରୁ ଇଣ୍ଡିଗୋର ୯ଟି ଏ-୩୨୦ ନିଓ ବିମାନର ଉଡ଼ାଣକୁ ରଦ୍ଦ କରାଯିବା ପରେ କମ୍ପାନୀ ଏପରି ନିଷ୍ପତ୍ତି ଗ୍ରହଣ କରିଛି। ଫଳରେ ଦିଲ୍ଲୀ, ବମ୍ବେ, ମାଡ୍ରାସ୍‌, କଲିକତା, ହାଇଦ୍ରାବାଦ୍‌, ବାଙ୍ଗାଲୋର୍‌, ପାଟନା, ଶ୍ରୀନଗର, ଭୁବନେଶ୍ୱର, ଅମୃତସର, ଶ୍ରୀନଗର ଓ ଗୌହ୍ବାଟି ଆଦି ସହରକୁ ଯାଉଥିବା ବିମାନର ଉଡ଼ାଣକୁ ବାତିଲ କରାଯାଇଛି।

ଇଛାମୃତ୍ୟୁ ପାଇଁ ରାଷ୍ଟ୍ରପତିଙ୍କୁ ଚିଠି

ଇଛାମୃତ୍ୟୁ ପାଇଁ ରାଷ୍ଟ୍ରପତିଙ୍କୁ ଚିଠି

ନୂଆଦିଲ୍ଲୀ, ୧୩।୩ : ଇଛାମୃତ୍ୟୁ ପାଇଁ ଉତ୍ତରପ୍ରଦେଶ କାନପୁରର ଜଣେ ମହିଳା ଓ ତାଙ୍କ ଝିଅ ରାଷ୍ଟ୍ରପତିଙ୍କୁ ଚିଠି ଲେଖିଛନ୍ତି। ଶଶି ମିଶ୍ର(୫୯) ଏବଂ ତାଙ୍କ ଝିଅ ଅନାମିକା ମିଶ୍ର(୩୩) ଦୀର୍ଘଦିନ ଧରି ମାଂସପେଶୀ ବିକାର ରୋଗରେ ପୀଡ଼ିତ। ଏହାପୂର୍ବରୁ ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ସୁପ୍ରିମ୍‌ କୋର୍ଟ ପ୍ରଧାନ ବିଚାରପତି ଦୀପକ ମିଶ୍ରଙ୍କୁ ଚିଠି ଲେଖି ଚିକିତ୍ସା ପାଇଁ ଆର୍ଥିକ ସହାୟତା ଯୋଗାଇ ଦେବାକୁ ନିବେଦନ କରିଛନ୍ତି।

ସର୍ବନିମ୍ନ ଦରମା ବୃଦ୍ଧି ଦାବି କଲେ ରେଳବାଇ ୟୁନିୟନର ୫୦ ହଜାର ସଦସ୍ୟ

ସର୍ବନିମ୍ନ ଦରମା ବୃଦ୍ଧି ଦାବି କଲେ ରେଳବାଇ ୟୁନିୟନର ୫୦ ହଜାର ସଦସ୍ୟ

ନୂଆଦିଲ୍ଲୀ, ୧୩।୩ : ଦେଶର ବିଭିନ୍ନ ରେଳ ୟୁନିୟନର ୫୦ ହଜାରରୁ ଅଧିକ ସଦସ୍ୟ ସର୍ବନିମ୍ନ ଦରମା ବୃଦ୍ଧି ଓ ଜାତୀୟ ପେନସନ ଯୋଜନା ଦାବି କରିଛନ୍ତି। ଏନେଇ ସଦସ୍ୟମାନେ ମଙ୍ଗଳବାର ପାର୍ଲାମେଣ୍ଟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ସମ୍ପ୍ରତି ସଦସ୍ୟଙ୍କ ସର୍ବନିମ୍ନ ଦରମା ୧୮ ହଜାର ଟଙ୍କା ଥିବାବେଳେ ଏହାକୁ ୨୬ ହଜାର ଟଙ୍କାକୁ ବୃଦ୍ଧି କରିବାକୁ ଦାବି ହୋଇଛି।

୩ ବିମାନ ଦୁର୍ଘଟଣା: ୬୬ ମୃତ

୩ ବିମାନ ଦୁର୍ଘଟଣା: ୬୬ ମୃତ

କାଠମାଣ୍ଡୁ/ତେହରାନ୍‌/ନ୍ୟୁୟର୍କ,୧୨। ୩(ପି.ଟି.)- ୨୪ ଘଣ୍ଟା ମଧ୍ୟରେ ତିନି ତିନିଟି ବିମାନ ଦୁର୍ଘଟଣା ନେଇଛି ଅନୂ୍ୟନ ୬୬ ଜଣଙ୍କ ଜୀବନ। ସୋମବାର ନେପାଳ ରାଜଧାନୀ କାଠମାଣ୍ଡୁରେ ବାଂଲାଦେଶର ଏକ ଯାତ୍ରୀବାହୀ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଫଳରେ ୫୦ରୁ ଊର୍ଦ୍ଧ୍ୱ ଯାତ୍ରୀ ପ୍ରାଣ ହରାଇଛନ୍ତି। ଉଦ୍ଧାର ଆହତଙ୍କ ମଧ୍ୟରୁ ଅନେକଙ୍କ ଅବସ୍ଥା ସଙ୍କଟାପନ୍ନ ଥିବାରୁ ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି। ସେହିପରି ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରୁ ଇସ୍ତାନବୁଲ ଅଭିମୁଖେ ଯାତ୍ରା କରୁଥିବା ତୁର୍କୀର ଏକ ଘରୋଇ ବିମାନ ରବିବାର ରାତିରେ ଇରାନରେ ଦୁର୍ଘଟଣାଗ୍ରସ୍ତ ହେବା ଫଳରେ ୧୧ ଯାତ୍ରୀଙ୍କ ପ୍ରାଣହାନି ଘଟିଛି। ଅନ୍ୟପକ୍ଷରେ ଆମେରିକାର ନ୍ୟୁୟର୍କ ସିଟି ଦେଇ ପ୍ରବାହିତ ଏକ ନଦୀରେ ହେଲିକପ୍ଟର ଖସିପଡ଼ିଛି। ଏହି ଦୁର୍ଘଟଣା ୫ ଜଣଙ୍କ ଜୀବନ ନେଇଛି।

୧,୭୬୫ ଏମ୍‌ପି, ଏମ୍‌ଏଲ୍‌ଏଙ୍କ ନାମରେ ୩,୦୪୫ ଅପରାଧୀକ ମାମଲା

୧,୭୬୫ ଏମ୍‌ପି, ଏମ୍‌ଏଲ୍‌ଏଙ୍କ ନାମରେ ୩,୦୪୫ ଅପରାଧୀକ ମାମଲା

ନୂଆଦିଲ୍ଲୀ, ୧୨।୩ : ଦେଶର ୧,୭୬୫ ଏମ୍‌ପି ଓ ଏମ୍‌ଏଲ୍‌ଏଙ୍କ ନାମରେ ୩,୦୪୫ ଅପରାଧୀକ ମାମଲା ରହିଛି। ଏନେଇ କେନ୍ଦ୍ର ସରକାର ସୁପ୍ରିମ୍‌କୋର୍ଟକୁ ସୂଚିତ କରିଛନ୍ତି। ଏସବୁ ମାମଲାର ବିଚାର ପାଇଁ ଆନ୍ଧ୍ରପ୍ରଦେଶ, ତେଲେଙ୍ଗାନା, ଉତ୍ତରପ୍ରଦେଶ, ମହାରାଷ୍ଟ୍ର, କେରଳ, ବିହାର, ଦିଲ୍ଲୀ, ତାମିଲନାଡୁ, କର୍ନାଟକ, ମଧ୍ୟପ୍ରଦେଶ ଓ ପଶ୍ଚିମବଙ୍ଗ ଆଦି ୧୧ ରାଜ୍ୟରେ ସ୍ବତନ୍ତ୍ର ଅଦାଲତ ସ୍ଥାପନ କରାଯାଉଛି ବୋଲି କେନ୍ଦ୍ରୀୟ ଆଇନ ଓ ନ୍ୟାୟ ମନ୍ତ୍ରଣାଳୟ ପକ୍ଷରୁ ସୂଚିତ କରାଯାଇଛି।

ମହାରାଷ୍ଟ୍ର ବିଧାନସଭା ଘେରିଲେ ୩୫ ହଜାର କୃଷକ

ମହାରାଷ୍ଟ୍ର ବିଧାନସଭା ଘେରିଲେ ୩୫ ହଜାର କୃଷକ

ବମ୍ବେ, ୧୨।୩ : କୃଷି ଋଣ ଛାଡ ଦାବି ନେଇ ସୋମବାର ୩୫ହଜାରରୁ ଅଧିକ କୃଷକ ମହାରାଷ୍ଟ୍ର ବିଧାନସଭା ଘେରାଉ କରିଛନ୍ତି । ରାଜ୍ୟରେ ଭାଜପା ସରକାରର ମନମୁଖୀ ଶାସନରେ ଅତିଷ୍ଠ ହୋଇ କୃଷକମାନେ ସମ୍ପୂର୍ଣ୍ଣ କୃଷିଋଣ ଛାଡ ପାଇଁ ଦାବି କରି ଏପରି କରିଥିବା ସର୍ବଭାରତୀୟ କୃଷକ ମହାସଂଘ ପକ୍ଷର ସୂଚିତ କରାଯାଇଛି। ରାଜ୍ୟ ସରକାର କୃଷକଙ୍କ ସମସ୍ୟା ପୂରଣ ଦିଗରେ ସମ୍ପୂର୍ଣ୍ଣ ଅସଫଳ ରହିଛନ୍ତି ବୋଲି ସଂଘ କହିଛି।