ଜାତୀୟ

ପୃଥିବୀକୁ ଗ୍ରହାଣୁ ଧକ୍କାରୁ ସୁରକ୍ଷା ଯୋଜନା: ନାସା ତିଆରି କରିବ ହାମର୍‌ ମହାକାଶ ଯାନ

ପୃଥିବୀକୁ ଗ୍ରହାଣୁ ଧକ୍କାରୁ ସୁରକ୍ଷା ଯୋଜନା: ନାସା ତିଆରି କରିବ ହାମର୍‌ ମହାକାଶ ଯାନ

ଲଣ୍ଡନ/ନୂଆଦିଲ୍ଲୀ, ୧୬।୩ : ପୃଥିବୀକୁ ଗ୍ରହାଣୁ ଧକ୍କାରୁ ସୁରକ୍ଷା ଦେବା ପାଇଁ ଏକ ଯୋଜନା ପ୍ରସ୍ତୁତ କରାଯାଇଛି। ଏନେଇ ନାସା ହାଇପର ଭେଲୋସିଟି ଆଷ୍ଟ୍ରୋଏଡ୍‌ ମିଟିଗେସନ ମିଶନ ଫର ଏର୍ମଜେନ୍ସି ରେସପନ୍ସ(ହାମର୍‌) ମହାକାଶ ଯାନ ନିର୍ମାଣ କରିବାକୁ ଅଣ୍ଟା ଭିଡିଛି। ଏହି ମହାକାଶ ଯାନ ପୃଥିବୀର ନିକଟକୁ ଆସୁଥିବା ଗ୍ରହାଣୁକୁ ଦୂରେଇବାକୁ ସକ୍ଷମ ହେବ। ଏହି ମହାକାଶ ଯାନର ଓଜନ ୮ ଟନ୍‌ ରହିବ। ଏହା ଚୁମ୍ବକୀୟ ପ୍ରତିରୋଧୀ ଶକ୍ତି ମାଧ୍ୟମରେ ପୃଥିବୀ ସହ ଧକ୍କା ହେବା ଆଶଙ୍କା ସୃଷ୍ଟି କରୁଥିବା ଗ୍ରହାଣୁକୁ ଦୂରେଇ ରଖିପାରିବ।

ଟିଡିପିକୁ ସମର୍ଥନ କଲେ ମମତା

ଟିଡିପିକୁ ସମର୍ଥନ କଲେ ମମତା

କଲିକତା, ୧୬।୩ : ତେଲୁଗୁ ଦେଶମ୍‌ ପାର୍ଟି(ଟିଡିପି) ଭାଜପା ନେତୃତ୍ୱାଧୀନ ଏନ୍‌ଡିଏରୁ ବାହାରି ଆସିବା ନିଷ୍ପତ୍ତିକୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଶୁକ୍ରବାର ସ୍ବାଗତ କରିଛନ୍ତି। ଦେଶକୁ ଭାଜପା ଭଳି ଏକ ଦଳ କବଳରୁ ଉଦ୍ଧାର କରିବା ଆବଶ୍ୟକ ବୋଲି ମମତା ଟୁଇଟ୍‌କରି ଜଣାଇଛନ୍ତି। ଭାଜପା ବିରୋଧରେ ସମସ୍ତ ରାଜନୈତିକ ଦଳ ଏକାଠି ହୋଇ କାର୍ଯ୍ୟ କରିବାକୁ ମମତା ଆହ୍ବାନ ଜଣାଇଛନ୍ତି।

ହିମାଳୟରେ ବିଲୁପ୍ତପ୍ରାୟ ବରଫ ଚିତାବାଘ

ହିମାଳୟରେ ବିଲୁପ୍ତପ୍ରାୟ ବରଫ ଚିତାବାଘ

ଶିମ୍‌ଲା,୧୬।୩: ବିଲୁପ୍ତପ୍ରାୟ ବରଫ ଚିତାବାଘଙ୍କ ସଂଖ୍ୟା ଏବେ ହିମାଳୟରେ ବୃଦ୍ଧି ପାଉଥିବା ପରିଲକ୍ଷିତ ହେଉଛି। ଲାହୋଲ ସ୍ପିତି ନିକଟ ଚିଚିମ ଉପତ୍ୟକା ନିକଟରେ ଏମାନେ ଅଧିକ ସଂଖ୍ୟାରେ ଦେଖାଯାଉଥିବା ହିମାଚଳ ପ୍ରଦେଶ ବନ ବିଭାଗର ବନ୍ୟଜୀବ ଶାଖା ନିକଟରେ ପ୍ରକାଶ କରିଛି।

ତାଲିବାନ୍‌କୁ ସହାୟତା କରୁଛି ଆଇଏସ୍‌ଆଇ: ଅଭିଯୋଗ କଲା ଆମେରିକା

ତାଲିବାନ୍‌କୁ ସହାୟତା କରୁଛି ଆଇଏସ୍‌ଆଇ: ଅଭିଯୋଗ କଲା ଆମେରିକା

ଓ୍ବାଶିଂଟନ/ନୂଆଦିଲ୍ଲୀ, ୧୬।୩ : ଆଫଗାନୀସ୍ତାନରେ ତାଲିବାନ୍‌ ଆତଙ୍କବାଦୀ ସଂଗଠନ ଆତଙ୍କବାଦ କାର୍ଯ୍ୟକଳାପ ଜାରି ରଖିଛି। ତାଲିବାନ୍‌କୁ ପାକିସ୍ତାନ ଗୋଇନ୍ଦା ସଂସ୍ଥା ଇଣ୍ଟର ସର୍ଭିସ୍‌ ଇଣ୍ଟେଲ୍‌ଜେନ୍ସ୍‌(ଆଇଏସ୍‌ଆଇ) ସହାୟତା ଯୋଗାଇ ଦେଉଛି ବୋଲି ଆମେରିକା ଅଭିଯୋଗ କରିଛି। ପାକିସ୍ତାନ ତାଲିବାନ୍‌ ଆତଙ୍କବାଦୀ ସଦସ୍ୟଙ୍କ ଚରାଭୂଇଁ ପାଲଟିଛି। ସେଠାରେ ରହି ତାଲିବାନ୍‌ ସଦସ୍ୟମାନେ ବିନା ବାଧାରେ ଆଫଗାନୀସ୍ତାନ ବିରୋଧରେ ଆତଙ୍କବାଦୀ କାର୍ଯ୍ୟ ଜାରି ରଖିଥିବା ଆମେରିକା ଗଣମାଧ୍ୟମ ସୂଚିତ କରିଛି।

ହାଜିନ୍‌ରେ ଲୁଚିଛନ୍ତି ଆତଙ୍କବାଦୀ: ସର୍ଚ୍ଚ ଅପରେଶନ ଜାରି

ହାଜିନ୍‌ରେ ଲୁଚିଛନ୍ତି ଆତଙ୍କବାଦୀ: ସର୍ଚ୍ଚ ଅପରେଶନ ଜାରି

ଶ୍ରୀନଗର, ୧୬।୩ : ଜମ୍ମୁ-କଶ୍ମୀର ବନ୍ଦିପୋରା ଜିଲା ହାଜିନ୍‌ ଅଞ୍ଚଳରେ ମିଳିତ ସୁରକ୍ଷାବଳଙ୍କ ପକ୍ଷରୁ ସର୍ଚ୍ଚ ଅପରେଶନ ଶୁକ୍ରବାର ସକାଳେ ଆରମ୍ଭ ହୋଇଛି। ଖୋସା ଓ ସୟଦ୍‌ ମୋହଲା ହାଜିନ୍‌ରେ ଆତଙ୍କବାଦୀ ଲୁଚିଥିବା ଖବର ପାଇ ରାଷ୍ଟ୍ରୀୟ ରାଇଫଲ, ଜମ୍ମୁ-କଶ୍ମୀର ପୋଲିସ ବିଭାଗର ସ୍ପେସାଲ ଅପରେଶନ ଗ୍ରୁପ୍‌ ଓ ସିଆର୍‌ପିଏଫ୍‌ ପକ୍ଷରୁ ସର୍ଚ୍ଚ ଅପରେଶନ ଆରମ୍ଭ କରାଯାଇଛି।

ଖୁସି ସୂଚକାଙ୍କ: ସାମାଜିକ, ଆର୍ଥିକ ସୁବିଧା ସତ୍ତ୍ୱେ ଭାରତୀୟମାନେ ଦୁଃଖୀ

ଖୁସି ସୂଚକାଙ୍କ: ସାମାଜିକ, ଆର୍ଥିକ ସୁବିଧା ସତ୍ତ୍ୱେ ଭାରତୀୟମାନେ ଦୁଃଖୀ

ନୂଆଦିଲ୍ଲୀ, ୧୫।୩ : ଦେଶରେ ସାମାଜିକ ଓ ଆର୍ଥିକ ସୁବିଧା ସତ୍ତ୍ୱେ ଭାରତୀୟମାନେ ଦୁଃଖୀ ବୋଲି ୨୦୧୮ ଓ୍ବାଲର୍‌ଡ ହାପିନେସ୍‌ ରିପୋର୍ଟରେ ଦର୍ଶାଯାଇଛି। ପାକିସ୍ତାନରେ ସାମାଜିକ ଓ ଆର୍ଥିକ ସୁବିଧା ପର୍ଯ୍ୟାପ୍ତ ନ ଥିଲେ ମଧ୍ୟ ସେଠାକାର ଜନସାଧାରଣ ଭାରତୀୟଙ୍କ ତୁଳନାରେ ଅଧିକ ସୁଖୀ ରହିଥାନ୍ତି ବୋଲି ରିପୋର୍ଟରେ ପ୍ରକାଶ ପାଇଛି। ଏହି ଖୁସି ସୂଚକାଙ୍କ ତାଲିକାରେ ୧୫୬ଟି ରାଷ୍ଟ୍ର ସାମିଲ ହୋଇଥିବାବେଳେ ଭାରତ ୧୩୩ ତମ ସ୍ଥାନରେ ରହିଛି।

ବାୟୁସେନାରେ ସାମିଲ ହେବ ତେଜସ୍‌: ମିଳିଲା ସବୁଜ ସଙ୍କେତ

ବାୟୁସେନାରେ ସାମିଲ ହେବ ତେଜସ୍‌: ମିଳିଲା ସବୁଜ ସଙ୍କେତ

ନୂଆଦିଲ୍ଲୀ, ୧୫।୩ : ସ୍ବଦେଶୀ ଜ୍ଞାନକୌଶଳରେ ହିନ୍ଦୁସ୍ତାନ ଏରୋନେଟିକ୍ସ ଲିଃ.(ଏଚ୍‌ଏଏଲ୍‌) ଦ୍ୱାରା ନିର୍ମିତ ହୋଇଥିବା ତେଜସ୍‌ ଯୁଦ୍ଧବିମାନ ବାୟୁସେନାରେ ସାମିଲ୍‌ ହେବ। ଏଥିପାଇଁ ବାୟୁସେନା ସବୁଜ ସଙ୍କେତ ଦେଇଛି। ପୂର୍ବରୁ ଏସବୁ ଯୁଦ୍ଧ ବିମାନ ଯୁଦ୍ଧ ଉପଯୋଗୀ ନୁହେଁ ବୋଲି କହି ଏହାକୁ ଫାଇଟର ସ୍କ୍ବାଡ୍ରନ୍‌ରେ ସାମିଲ୍‌ କରିବାକୁ ବାୟୁସେନା ଅମଙ୍ଗ ହେଉଥିଲା। ତେବେ ପାକିସ୍ତାନ ଓ ଚାଇନା ସହିତ ବୃଦ୍ଧି ପାଉଥିବା ଉତ୍ତେଜନାକୁ ଦୃଷ୍ଟିରେ ରଖି ଏବେ ବାୟୁସେନା ତେଜସ୍‌କୁ ସାମିଲ୍‌ କରିବାକୁ ରାଜି ହୋଇଛି।

ଟିଡିପି ବିରୋଧରେ ଭାଜପା କରୁଥିଲା ଷଡ଼ଯନ୍ତ୍ର: ଚନ୍ଦ୍ରାବାବୁ

ଟିଡିପି ବିରୋଧରେ ଭାଜପା କରୁଥିଲା ଷଡ଼ଯନ୍ତ୍ର: ଚନ୍ଦ୍ରାବାବୁ

ଅମରାବତୀ, ୧୫।୩ : ତେଲୁଗୁ ଦେଶମ୍‌ ପାର୍ଟି(ଟିଡିପି) ବିରୋଧରେ ଭାଜପା ଷଡ଼ଯନ୍ତ୍ର କରୁଥିଲା ବୋଲି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରାବାବୁ ନାଇଡୁ ଗୁରୁବାର ଅଭିଯୋଗ କରିଛନ୍ତି। ତାମିଲନାଡୁରେ ଯେପରି ରାଜନୈତିକ ସ୍ଥିତି ସୃଷ୍ଟି ହୋଇଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାର ପୁନରାବୃତ୍ତି ଆନ୍ଧ୍ରପ୍ରଦେଶରେ କରିବାର ଯୋଜନା କରୁଥିବା ଚନ୍ଦ୍ରାବାବୁ କହିଛନ୍ତି।

ଥରିଲା ମଣିପୁର: ଲୋକଙ୍କ ମଧ୍ୟରେ ଆତଙ୍କ

ଥରିଲା ମଣିପୁର: ଲୋକଙ୍କ ମଧ୍ୟରେ ଆତଙ୍କ

ଇମ୍ଫାଲ୍‌, ୧୫।୩ : ମଣିପୁର ଚୌରାଚାନ୍ଦପୁର ଅଞ୍ଚଳରେ ଗୁରୁବାର ସକାଳ ୭ଟା ୫୬ରେ ଭୂକମ୍ପ ଅନୁଭୁତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୪.୬ ରହିଥିଲା ବୋଲି ପାଣିପାଗ ବିଭାଗ ପକ୍ଷରୁ ସୂଚିତ କରାଯାଇଛି। ଭୂକମ୍ପ ଯୋଗୁ ଭୟରେ ଲୋକମାନେ ଘରୁ ବାହାରକୁ ପଳାଇ ଆସିଥିଲେ। କ୍ଷୟକ୍ଷତିର କୌଣସି ସୂଚନା ମିଳି ନାହିଁ ବୋଲି ପ୍ରଶାସନ ପକ୍ଷରୁ କୁହାଯାଇଛି।

ଭାଙ୍ଗିଲାନି ସରକାରଙ୍କ କୁମ୍ଭକର୍ଣ୍ଣ ନିଦ୍ରା: ବେଗମ୍‌ ଅଖତର ସଙ୍ଗୀତକଳା ଏକାଡ଼େମୀ ସ୍ଥାପନ କରିବ ଅଓ୍ବଧ ବିଶ୍ୱବିଦ୍ୟାଳୟ

ଭାଙ୍ଗିଲାନି ସରକାରଙ୍କ କୁମ୍ଭକର୍ଣ୍ଣ ନିଦ୍ରା: ବେଗମ୍‌ ଅଖତର ସଙ୍ଗୀତକଳା ଏକାଡ଼େମୀ ସ୍ଥାପନ କରିବ ଅଓ୍ବଧ ବିଶ୍ୱବିଦ୍ୟାଳୟ

ଫୈଜାବାଦ୍‌, ୧୫।୩ : ଅଖତରୀବାଈ ଫୈଜାବାଦୀ ବା ବେଗମ୍‌ ଅଖତରଙ୍କ ମୃତ୍ୟୁର ୪୪ ବର୍ଷ ପରେ ଅଓ୍ବଧ ବିଶ୍ୱବିଦ୍ୟାଳୟ ପକ୍ଷରୁ ତାଙ୍କ ନାମରେ ଏକ ସଙ୍ଗୀତକଳା ଏକାଡେମୀ ସ୍ଥାପନ କରିବା ପାଇଁ ଯୋଜନା କରାଯାଇଛି। ଏଥିପାଇଁ ୬୦ କୋଟି ଟଙ୍କାର ବ୍ୟୟ ଅଟକଳ କରାଯାଇଛି। ବେଗମ୍‌ ଅଖତରଙ୍କ ପାଇଁ ସରକାରଙ୍କ ପକ୍ଷରୁ କୌଣସି ପ୍ରୟାସ କରା ନ ଯିବା ପରେ ଏ ନେଇ ଅଓ୍ବଧ ବିଶ୍ୱବିଦ୍ୟାଳୟ ଆଗକୁ ଆସିଛି। ୨୦୧୪ରେ ବେଗମ୍‌ ଅଖତରଙ୍କ ଜନ୍ମ ଶତବାର୍ଷିକୀ ପାଳନ ଅବସରରେ ସରକାରଙ୍କ ପକ୍ଷରୁ ବିଭିନ୍ନ ଯୋଜନା ସମ୍ପର୍କରେ ଘୋଷଣା କରାଯାଇଥିଲେ ମଧ୍ୟ ପରବର୍ତ୍ତୀ ସମୟରେ ସରକାରଙ୍କ କୁମ୍ଭକର୍ଣ୍ଣ ନିଦ୍ରା ଭାଙ୍ଗି ନ ଥିଲା। ବିଶ୍ୱବିଦ୍ୟାଳୟର ଖାଲିପଡିଥିବା ୩୬ ଏକର ଜମି ମଧ୍ୟରୁ ୯ ହଜାର ୯୫୧ ବର୍ଗ ମିଟର ଜମି ଉପରେ ଏହି ଏକାଡେମୀ ନିର୍ମାଣ କରାଯିବ।

ହ୍ବାଟସ୍‌ଆପ୍‌ରେ ସିବିଏସ୍‌ଇ ଦ୍ୱାଦଶ ଶ୍ରେଣୀ ଆକାଉଣ୍ଟାନ୍ସି ପ୍ରଶ୍ନପତ୍ର ଭାଇରାଲ: ଖଣ୍ଡନ କଲା ସିବିଏସ୍‌ଇ

ହ୍ବାଟସ୍‌ଆପ୍‌ରେ ସିବିଏସ୍‌ଇ ଦ୍ୱାଦଶ ଶ୍ରେଣୀ ଆକାଉଣ୍ଟାନ୍ସି ପ୍ରଶ୍ନପତ୍ର ଭାଇରାଲ: ଖଣ୍ଡନ କଲା ସିବିଏସ୍‌ଇ

ନୂଆଦିଲ୍ଲୀ, ୧୫।୩ : କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ(ସିବିଏସ୍‌ଇ)ର ଦ୍ୱାଦଶ ଶ୍ରେଣୀ ଆକାଉଣ୍ଟାନ୍ସି ଦ୍ୱିତୀୟ ଭାଗର ପ୍ରଶ୍ନପତ୍ର ହ୍ବାଟସ୍‌ଆପ୍‌ରେ ଲିକ୍‌ ହୋଇଛି। ଗୁରୁବାର ଏଥିପାଇଁ ପରୀକ୍ଷା ହେବାକୁଥିବାବେଳେ ବୁଧବାରଠାରୁ ପ୍ରଶ୍ନପତ୍ର ହ୍ବାଟସ୍‌ଆପ୍‌ରେ ଭାଇରାଲ ହୋଇଛି। ଦିଲ୍ଲୀ ଶିକ୍ଷାମନ୍ତ୍ରୀ ମନିଶ ସିସୋଦିଆ ପ୍ରଶ୍ନପତ୍ର କେତେକ ସୋସିଆଲ ମିଡିଆରେ ଭାଇରାଲ ହୋଇଥିବା ସ୍ବୀକାର କରିଛନ୍ତି।

ସୌଦି ବିମାନରେ ଯାନ୍ତ୍ରିକ ତ୍ରୁଟି: ଯାଞ୍ଚ୍‌ରେ ହୋଇଥିଲା ଅନିୟମିତତା

ସୌଦି ବିମାନରେ ଯାନ୍ତ୍ରିକ ତ୍ରୁଟି: ଯାଞ୍ଚ୍‌ରେ ହୋଇଥିଲା ଅନିୟମିତତା

ଲକ୍ଷ୍ନୌ/ଜେଦା, ୧୫।୩ : ସୌଦିର ଏକ ବିମାନରେ ଯାନ୍ତ୍ରିକ ତ୍ରୁଟି ସତ୍ତ୍ୱେ ଏହାକୁ ସୁରକ୍ଷିତ ଭାବେ ଲକ୍ଷ୍ନୌର ଚୌଧୁରୀ ଚରଣ ସିଂ ବିମାନବନ୍ଦରରେ ଅବତରଣ କରାଯାଇଛି। ବିମାନରେ ଏହି ସମୟରେ ୨୯୮ ଯାତ୍ରୀ ଥିଲେ। ବିମାନ ଟାୟାରରେ ବାୟୁଚାପ କମ୍‌ ଥିବା ସମ୍ପର୍କରେ ପାଇଲଟ ଜାଣିବା ପରେ ଏନେଇ ବିମାନବନ୍ଦର କର୍ତ୍ତୃପକ୍ଷଙ୍କ ସହିତ ଯୋଗାଯୋଗ କରିଥିଲେ। ପାଇଲଟଙ୍କ ବୁଦ୍ଧିମତା ଓ ବିମାନବନ୍ଦର କର୍ମଚାରୀଙ୍କ ସହାୟତାରେ ସୁରକ୍ଷିତ ଭାବେ ସୌଦିର ଏସ୍‌ବି-୮୯୧ ବିମାନକୁ ଅବତରଣ କରାଯାଇଥିଲା।

ପୁନରୁଦ୍ଧାର ହେଲା ଏୟାର ଇଣ୍ଡିଆର ଟୁଇଟର ଆକାଉଣ୍ଟ

ପୁନରୁଦ୍ଧାର ହେଲା ଏୟାର ଇଣ୍ଡିଆର ଟୁଇଟର ଆକାଉଣ୍ଟ

ନୂଆଦିଲ୍ଲୀ,୧୫।୩: ଦେଶର ସରକାରୀ ଏୟାରଲାଇନ୍ସ ଏୟାର ଇଣ୍ଡିଆର ଟୁଇଟର ଆକାଉଣ୍ଟ ହ୍ୟାକ ହେବା ଘଟଣା ସାମ୍ନାକୁ ଆସିବା ପରେ ଏବେ ଏହାର ପୁନରୁଦ୍ଧାର କରାଯାଇ ଯାଞ୍ଚ ଆରମ୍ଭ କରାଯାଇଛି।

୭୦ କିଲୋମିଟର ବେଗରେ ଚାଲିବ କାର

୭୦ କିଲୋମିଟର ବେଗରେ ଚାଲିବ କାର

ନୂଆଦିଲ୍ଲୀ,୧୫।୩: ସହରାଞ୍ଚଳ ରାସ୍ତାରେ କାରର ଗତି ରହିବ ଘଣ୍ଟାପ୍ରତି ୭୦ କିଲୋମିଟର। ସେହିପରି ମାଲବାହୀ ଗାଡି ୬୦ ଓ ଦୁଇ ଚକିଆ ଯାନର ଘଣ୍ଟାପ୍ରତି ବେଗ ୫୦ କିଲୋମିଟର ରହିବ ବୋଲି କେନ୍ଦ୍ର ସରକାର ସ୍ଥିର କରିଛନ୍ତି।

ଦିନାକରନ୍‌ ଗଢ଼ିଲେ ନୂଆ ରାଜନୈତିକ ଦଳ

ଦିନାକରନ୍‌ ଗଢ଼ିଲେ ନୂଆ ରାଜନୈତିକ ଦଳ

ମାଡ୍ରାସ, ୧୫।୩ : ପୂର୍ବତନ ଏଆଇଏଡିଏମ୍‌କେ ନେତା ଟିଟିଭି ଦିନାକରନ୍‌ ତାଙ୍କର ନୂଆ ରାଜନୈତିକ ଦଳର ନାମକରଣ କରିଛନ୍ତି। ଦଳର ନାମ ଆମ୍ମା ମାକାଲ ମୁନିତ୍ର ଖାଜାଗମ୍‌(ଏଏମ୍‌ଏମ୍‌କେ) ହେବ ବୋଲି ସେ ସୂଚିତ କରିଛନ୍ତି। ରାଜନୈତିକ ଦଳ ସମ୍ପର୍କରେ ସେ ମଦୁରାଇ ସହର ନିକଟସ୍ଥ ମେଲୟୁରଠାରେ ଘୋଷଣା କରିଛନ୍ତି।

୨୦୧୯ ପୂର୍ବରୁ ମୋଦି-ଯୋଗୀଙ୍କୁ ଶକ୍ତ ଝଟକା: ଭୁଶୁଡ଼ିଲା ଭାଜପା ଗଡ଼

୨୦୧୯ ପୂର୍ବରୁ ମୋଦି-ଯୋଗୀଙ୍କୁ ଶକ୍ତ ଝଟକା: ଭୁଶୁଡ଼ିଲା ଭାଜପା ଗଡ଼

ଲକ୍ଷ୍ନୌ/ପାଟନା/ନୂଆଦିଲ୍ଲୀ,୧୪।୩:୨୦୧୯ ସାଧାରଣ ନିର୍ବାଚନ ପୂର୍ବରୁ ଭାଜପାକୁ ଲାଗିଛି ଶକ୍ତ ଝଟକା। ରାଜନୈତିକ ଦୃଷ୍ଟିରୁ ଅତି ଗୁରୁତ୍ୱପୂର୍ଣ୍ଣ ମନେକରାଯାଉଥିବା ଉତ୍ତରପ୍ରଦେଶ(ୟୁପି) ଓ ବିହାରର ୩ଟି ଲୋକ ସଭା ଓ ଗୋଟିଏ ବିଧାନସଭା ଉପନିର୍ବାଚନରେ ଗୈରିକ ଦଳକୁ ପରାଜୟର ମୁହଁ ଦେଖିବାକୁ ପଡ଼ିଛି।

୬୭୩ ହାଇକୋର୍ଟ ବିଚାରପତିଙ୍କ ମଧ୍ୟରେ ମହିଳାଙ୍କ ସଂଖ୍ୟା ୭୩

୬୭୩ ହାଇକୋର୍ଟ ବିଚାରପତିଙ୍କ ମଧ୍ୟରେ ମହିଳାଙ୍କ ସଂଖ୍ୟା ୭୩

ନୂଆଦିଲ୍ଲୀ, ୧୪।୩ : ଦେଶର ୨୪ଟି ହାଇକୋର୍ଟରେ ୬୭୩ ବିଚାରପତି ଥିବାବେଳେ ସେମାନଙ୍କ ମଧ୍ୟରେ ମହିଳା ବିଚାରପତିଙ୍କ ସଂଖ୍ୟା ୭୩ ରହିଛି। ସେହିପରି ସୁପ୍ରିମ୍‌କୋର୍ଟରେ ୨୪ ଜଣ ବିଚାରପତିଙ୍କ ମଧ୍ୟରେ କେବଳ ଜଣେ ମହିଳା ବିଚାରପତି ଅଛନ୍ତି। ଆଇନ ରାଷ୍ଟ୍ରମନ୍ତ୍ରୀ ପି.ପି.ଚୌଧୁରୀ ବୁଧବାର ଲୋକସଭାରେ ଏକ ପ୍ରଶ୍ନର ଉତ୍ତରରେ ଏହା ସୂଚିତ କରିଛନ୍ତି।

ଜମ୍ମୁ-କଶ୍ମୀରରେ ନିର୍ମିତ ହେବ ୧୪,୪୬୦ ବଙ୍କର

ଜମ୍ମୁ-କଶ୍ମୀରରେ ନିର୍ମିତ ହେବ ୧୪,୪୬୦ ବଙ୍କର

ନୂଆଦିଲ୍ଲୀ, ୧୪।୩ : ଜମ୍ମୁ-କଶ୍ମୀର ନିୟନ୍ତ୍ରଣରେଖାଠାରେ ଜନସାଧାରଣଙ୍କ ସୁରକ୍ଷା ପାଇଁ ୧୪,୪୬୦ଟି ବଙ୍କର ନିର୍ମାଣ କରାଯିବ। ଏସମ୍ପର୍କରେ ବୁଧବାର ସ୍ବରାଷ୍ଟ୍ର ରାଷ୍ଟ୍ରମନ୍ତ୍ରୀ ହଂସରାଜ ଗଙ୍ଗାରାମ ଅହିର ରାଜ୍ୟସଭାରେ ଏକ ପ୍ରଶ୍ନର ଉତ୍ତରରେ ସୂଚିତ କରିଛନ୍ତି। ୨୦୧୬-୧୭ରେ ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ଏକ ପାଇଲଟ୍‌ ପ୍ରୋଜେକ୍ଟ ଅନ୍ତର୍ଗତ ୩ କୋଟି ଟଙ୍କା ବ୍ୟୟରେ ୬୦ଟି ବଙ୍କର ନିର୍ମାଣ ପାଇଁ ଅନୁମୋଦନ ପ୍ରଦାନ କରାଯାଇଥିଲା।

ସାମ୍ପ୍ରଦାୟିକ ଦଙ୍ଗା ତାଲିକା: ପ୍ରଥମସ୍ଥାନରେ ଉତ୍ତରପ୍ରଦେଶ

ସାମ୍ପ୍ରଦାୟିକ ଦଙ୍ଗା ତାଲିକା: ପ୍ରଥମସ୍ଥାନରେ ଉତ୍ତରପ୍ରଦେଶ

ନୂଆଦିଲ୍ଲୀ, ୧୪।୩ : ସାମ୍ପ୍ରଦାୟିକ ଦଙ୍ଗା ତାଲିକାରେ ଉତ୍ତରପ୍ରଦେଶ ସ୍ଥାନ ପ୍ରଥମରେ ରହିଛି। ଏସମ୍ପର୍କରେ ବୁଧବାର ସ୍ବରାଷ୍ଟ୍ର ରାଷ୍ଟ୍ରମନ୍ତ୍ରୀ ହଂସରାଜ ଗଙ୍ଗାରାମ ଅହିର ଲୋକସଭାରେ ଏକ ପ୍ରଶ୍ନର ଉତ୍ତରରେ ସୂଚିତ କରିଛନ୍ତି। ୨୦୧୭ରେ ଦେଶରେ ୮୨୨ଟି ସାମ୍ପ୍ରଦାୟିକ ଦଙ୍ଗା ଘଟିଥିବାବେଳେ ୨୦୧୬ରେ ଏଭଳି ୭୦୩ଟି ଘଟଣା ଘଟିଥିଲା। ସେହିପରି ୨୦୧୫ରେ ୭୫୧ଟି ସାମ୍ପ୍ରଦାୟିକ ଦଙ୍ଗା ଘଟିଥିବା ସେ କହିଛନ୍ତି।

ଆନ୍ଧ୍ରପ୍ରଦେଶ ପ୍ରତି ଅନ୍ୟାୟ କରିଛି କେନ୍ଦ୍ର: ଚନ୍ଦ୍ରାବାବୁ

ଆନ୍ଧ୍ରପ୍ରଦେଶ ପ୍ରତି ଅନ୍ୟାୟ କରିଛି କେନ୍ଦ୍ର: ଚନ୍ଦ୍ରାବାବୁ

ହାଇଦ୍ରାବାଦ୍‌, ୧୪।୩ : କେନ୍ଦ୍ର ସରକାର ଆନ୍ଧ୍ରପ୍ରଦେଶ ପ୍ରତି ଅନ୍ୟାୟ କରିଛନ୍ତି ବୋଲି ବୁଧବାର ମୁଖ୍ୟମନ୍ତ୍ରୀ ଚନ୍ଦ୍ରାବାବୁ ନାଇଡୁ ଅଭିଯୋଗ କରିଛନ୍ତି। ରାଜ୍ୟକୁ ସ୍ବତନ୍ତ୍ର ପାହ୍ୟା ଦେବାରେ କେନ୍ଦ୍ର ସରକାରଙ୍କ ଟାଳଟୁଳ ନୀତି ଅକ୍ଷମଣୀୟ ଏବଂ ଏହାର ଉପଯୁକ୍ତ ଉତ୍ତର ଠିକ୍‌ ସମୟରେ ତେଲୁଗୁ ଦେଶମ୍‌ ପାର୍ଟି(ଟିଡିପି)ଦେବ ବୋଲି ସେ କହିଛନ୍ତି।

ମୋଦି-ଯୋଗୀ ମ୍ୟାଜିକ୍‌ ଫେଲ୍‌: ଭାଜପା ଗଡ଼ରେ ସାଇକେଲ ଚାଲିଲା, ଆରରିଆରେ ଜଳିଲା ଲଣ୍ଠନ

ମୋଦି-ଯୋଗୀ ମ୍ୟାଜିକ୍‌ ଫେଲ୍‌: ଭାଜପା ଗଡ଼ରେ ସାଇକେଲ ଚାଲିଲା, ଆରରିଆରେ ଜଳିଲା ଲଣ୍ଠନ

ଲକ୍ଷ୍ନୌ, ୧୪।୩ : ଉତ୍ତରପ୍ରଦେଶ ଉପନିର୍ବାଚନରେ ଫୁଲପୁର ଓ ଗୋରଖପୁର ଲୋକସଭା ଆସନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମ୍ୟାଜିକ୍‌ ଫେଲ୍‌ ହୋଇଛି। ଭାଜପାର ଗଡ଼ ଜୟ ଆଶା ଏଠି ଧୁଳିସାତ୍‌ ହୋଇଛି। ଏଠାରେ ସମାଜବାଦୀ ପାର୍ଟି ପ୍ରାର୍ଥୀ ସଫଳ ରହିଛନ୍ତି। ସମାଜବାଦୀ ପାର୍ଟି ଓ ବହୁଜନ ସମାଜବାଦୀ ପାର୍ଟିର ମିଳିତ ରଣକୌଶଳ ଏହି ଦୁଇ ଆସନରେ କାମ ଦେଇଛି।

ଅର୍ଥବିଲ୍‌ ଲୋକସଭାରେ ଗୃହୀତ

ଅର୍ଥବିଲ୍‌ ଲୋକସଭାରେ ଗୃହୀତ

ନୂଆଦିଲ୍ଲୀ, ୧୪।୩ : ଅର୍ଥବିଲ୍‌ ଲୋକସଭାରେ ଧ୍ୱନୀମତରେ ଗୃହୀତ ହୋଇଛି। ବିରୋଧୀ ଦଳଙ୍କ ପ୍ରବଳ ହଟ୍ଟଗୋଳ ମଧ୍ୟରେ ଏହା ସମ୍ପନ୍ନ ହୋଇଛି। ୨୦୧୮ ଏପ୍ରିଲ୍‌ ୧ ତାରିଖଠାରୁ ଏହା କାର୍ଯ୍ୟକାରୀ ହେବ। ଗୃହରେ ବିଲ୍‌ ଉପରେ କୌଣସି ଆଲୋଚନା କରା ନ ଯାଇ ଏହାକୁ ଗୃହୀତ କରାଯାଇଛି।

ଟୁଟିଂରେ ଅବତରଣ କଲା ବାୟୁସେନା ପରିବହନ ବିମାନ

ଟୁଟିଂରେ ଅବତରଣ କଲା ବାୟୁସେନା ପରିବହନ ବିମାନ

ନୂଆଦିଲ୍ଲୀ, ୧୪।୩ : ବାୟୁସେନାର ପରିବହନ ବିମାନ ସି-୧୭ ଅରୁଣାଚଳପ୍ରଦେଶ ଟୁଟିଂ ଏୟାର ଫିଲ୍ଡ୍‌ରେ ଅବତରଣ କରିଛି। ଏହି ବିମାନ ସେନା ଆବଶ୍ୟକ କରୁଥିବା ବିଭିନ୍ନ ଦ୍ରବ୍ୟ ପରିବହନ କରିବାକୁ ସକ୍ଷମ ହେବ। ଏହାକୁ ନେଇ ଚାଇନାର ଚିନ୍ତା ବୃଦ୍ଧି ପାଇଛି। ଟୁଟିଂ ଏୟାର ଫିଲ୍ଡ ଭାରତ-ଚାଇନା ସୀମାର ନିକଟରେ ରହିଛି। ସି-୧୭ ବିମାନ ଦ୍ୱାରା ସୀମା ଅଞ୍ଚଳରେ ସେନାଙ୍କୁ ଆବଶ୍ୟକ ସହାୟତା ଉପଲବ୍ଧ କରାଗଲେ ସେନାର ଶକ୍ତି ବୃଦ୍ଧି ପାଇବ ବୋଲି ପ୍ରତିରକ୍ଷା ମୁଖପାତ୍ର ସୂଚିତ କରିଛନ୍ତି।

ଉତ୍ତରପ୍ରଦେଶ, ବିହାର ଉପନିର୍ବାଚନ: ଫୁଲପୁରରେ ଏସ୍‌ପି ପ୍ରାର୍ଥୀ ଆଗୁଆ

ଉତ୍ତରପ୍ରଦେଶ, ବିହାର ଉପନିର୍ବାଚନ: ଫୁଲପୁରରେ ଏସ୍‌ପି ପ୍ରାର୍ଥୀ ଆଗୁଆ

ଲକ୍ଷ୍ନୌ/ପାଟନା, ୧୪।୩ : ଉତ୍ତରପ୍ରଦେଶ ଓ ବିହାରରେ ହୋଇଥିବା ଉପନିର୍ବାଚନ ମତଗଣନା ବୁଧବାର ଆରମ୍ଭ ହୋଇଛି। ଉତ୍ତରପ୍ରଦେଶ ଫୁଲପୁର ଲୋକସଭା ଆସନରେ ସମାଜବାଦୀ ପାର୍ଟି(ଏସ୍‌ପି) ଓ ବହୁଜନ ସମାଜବାଦୀ ପାର୍ଟି(ବିଏସ୍‌ପି) ସମର୍ଥିତ ପ୍ରାର୍ଥୀ ଅଗୁଆ ରହିଥିବାବେଳେ ଗୋରଖପୁର ଲୋକସଭା ଆସନରେ ଭାଜପା ପ୍ରାର୍ଥୀ ଆଗୁଆ ରହିଛନ୍ତି। ସେହିପରି ବିହାରର ଅରରିୟା ଲୋକସଭା ଆସନରେ ରାଷ୍ଟ୍ରୀୟ ଜନତା ଦଳ (ଆର୍‌ଜେଡି) ପ୍ରାର୍ଥୀ ଆଗୁଆ ରହିଛନ୍ତି। ଅରରିୟାରେ ଭାଜପା ଓ ଆର୍‌ଜେଡି ପ୍ରାର୍ଥୀଙ୍କ ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ହେଉଥିବା ସୂଚନା ମିଳିଛି।