ଜାତୀୟ

ଫେସ୍‌ବୁକ୍‌ର ଡାଟା ସୁରକ୍ଷାକୁ ନେଇ ପ୍ରଶ୍ନବାଚୀ

ଫେସ୍‌ବୁକ୍‌ର ଡାଟା ସୁରକ୍ଷାକୁ ନେଇ ପ୍ରଶ୍ନବାଚୀ

ନୂଆଦିଲ୍ଲୀ/ଓ୍ବାଶିଂଟନ,୨୨।୩: ବେଶ୍‌ କିଛିଦିନ ହେବ କେତେକ ଦେଶ ଫେସ୍‌ବୁକ୍‌ ଡାଟା ଲିକ୍‌ ହେବା ଅଭିଯୋଗ କରି ଆସୁଥିବା ବେଳେ ଏବେ ଏହା ସ୍ପଷ୍ଟ ହୋଇଛି। ଏଥିପାଇଁ ଫେସ୍‌ବୁକ୍‌ ସିଇଓ ନିଜର ଭୁଲ୍‌ ସ୍ବୀକାର କରିଛନ୍ତି ସତ, ହେଲେ ଏହାକୁ ନେଇ ଏବେ ଅନେକ ପ୍ରଶ୍ନ ଉଙ୍କିମାରିଛି।

ଅକ୍ଟୋବରରେ ଆସିପାରେ ମୋଦି କେୟାର ସ୍କିମ

ଅକ୍ଟୋବରରେ ଆସିପାରେ ମୋଦି କେୟାର ସ୍କିମ

ନୂଆଦିଲ୍ଲୀ,୨୨।୩: କ୍ୟାବିନେଟ ମଞ୍ଜୁରୀ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମହତ୍ୱାକାଂକ୍ଷୀ ଯୋଜନା ‘ନ୍ୟାଶନାଲ ହେଲ୍‌ଥ ପ୍ରୋଟେକସନ୍‌ ସ୍କିମ’ ବା ‘ଆୟୁଷ୍ମାନ ଭାରତ’ ଚଳିତ ବର୍ଷ ଅକ୍ଟୋବରରେ ଆରମ୍ଭ ହେବା ଯୋଜନା ରହିଛି। ଏଥିପାଇଁ କୌଣସି ନିର୍ଦ୍ଦିଷ୍ଟ ତାରିଖ ଘୋଷଣା କରାଯାଇ ନାହିଁ। ଏଥିରେ କେନ୍ଦ୍ର ସରକାର ୬୦ ପ୍ରତିଶତ ଓ ରାଜ୍ୟ ସରକାର ୪୦ ପ୍ରତିଶତ ଅର୍ଥ ବହନ କରିବେ।

୪୮ ଘଣ୍ଟା ଅପରେଶନ: ୫ ଯବାନ ଶହୀଦ, ୫ ଆତଙ୍କବାଦୀ ମୃତ

୪୮ ଘଣ୍ଟା ଅପରେଶନ: ୫ ଯବାନ ଶହୀଦ, ୫ ଆତଙ୍କବାଦୀ ମୃତ

ଶ୍ରୀନଗର,୨୨।୩: ଜମ୍ମୁ-କଶ୍ମୀରର କୁପଓ୍ବାଡାରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଚାଲିଥିବା ୪୮ ଘଣ୍ଟାର ସଂଘର୍ଷରେ ୫ ଯବାନ ଶହୀଦ ହୋଇଥିବା ବେଳେ ୫ ଜଣ ଆତଙ୍କବାଦୀଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ଏଥିରେ ୩ ଯବାନ ଆହତ ହୋଇଛନ୍ତି। ଏହି ଅପରେଶନରେ ମୃତ୍ୟୁ ଘଟିଥିବା ସମସ୍ତ ଆତଙ୍କବାଦୀ ପାକିସ୍ତାନର ଓ ଏମାନଙ୍କର ଲଶ୍କର-ଇ-ତୋଏବା ସହ ସମ୍ପୃକ୍ତି ଥିବା କଶ୍ମୀର ଆଇଜି ସୂଚନା ଦେଇଛନ୍ତି।

ଜିରୋ ଡେ ବା ଶୂନ୍ୟ ଦିବସ ଅଭିମୁଖେ ବାଙ୍ଗାଲୋର

ଜିରୋ ଡେ ବା ଶୂନ୍ୟ ଦିବସ ଅଭିମୁଖେ ବାଙ୍ଗାଲୋର

ନୂଆଦିଲ୍ଲୀ,୨୨।୩: ମାର୍ଚ୍ଚ ୨୨ ତାରିଖକୁ ବିଶ୍ୱ ଜଳ ଦିବସ ବା ଓ୍ବାର୍ଲଡ ଓ୍ବାଟର ଡେ ଭାବେ ପାଳନ କରାଯାଉଛି। ହେଲେ ସାରା ବିଶ୍ୱରେ ଏବେ ଦେଖା ଦେଇଥିବା ଜଳ ସଙ୍କଟ ବିଶ୍ୱକୁ ଚିନ୍ତାରେ ପକାଇ ଦେଇଛି। ଏକ ରିପୋର୍ଟ ଅନୁଯାୟୀ ବିଶ୍ୱର ପାଖାପାଖି ୨ଶହ ସହର ଗମ୍ଭୀର ଜଳ ସଙ୍କଟର ସାମ୍ନା କରିବ ବୋଲି ଜଣାପଡିଛି। ବାଙ୍ଗାଲୋର ଏହି ‘ଜିରୋ ଡେ’ ଅଭିମୁଖେ ଯାତ୍ରା କରୁଥିବା ରିପୋର୍ଟରେ ପ୍ରକାଶ ପାଇଛି।

ଟର୍ଚ୍ଚ ଲାଇଟ୍‌ରେ ଅପରେଶନ ପରେ ମହିଳା ମୃତ

ଟର୍ଚ୍ଚ ଲାଇଟ୍‌ରେ ଅପରେଶନ ପରେ ମହିଳା ମୃତ

ସହର୍ଷା,୨୨।୩: ବିହାର ସହର୍ଷାର ସଦର ହସ୍ପିଟାଲରେ ଅପରେଶନ ହୋଇଥିବା ଜଣେ ମହିଳାଙ୍କର ବୁଧବାର ରାତିରେ ମୃତ୍ୟୁକୁ ନେଇ ବିବାଦ ମୁଣ୍ଡ ଟେକିଛି। ଟର୍ଚ୍ଚ ଲାଇଟରେ ଅପରେଶନ କରିବାରୁ ତାଙ୍କର ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଛନ୍ତି।

ମନି ଲଣ୍ଡରିଂ ମାମଲାରେ ବୀରଭଦ୍ର ଓ ତାଙ୍କ ପତ୍ନୀଙ୍କୁ ମିଳିଲା ଜାମିନ

ମନି ଲଣ୍ଡରିଂ ମାମଲାରେ ବୀରଭଦ୍ର ଓ ତାଙ୍କ ପତ୍ନୀଙ୍କୁ ମିଳିଲା ଜାମିନ

ନୂଆଦିଲ୍ଲୀ,୨୨।୩: ସିବିଆଇର ଏକ ସ୍ବତନ୍ତ୍ର ଅଦାଲତ ମନି ଲଣ୍ଡରିଂ ମାମଲାରେ ହିମାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ବୀରଭଦ୍ର ସିଂ ଓ ତାଙ୍କ ପତ୍ନୀଙ୍କୁ ଗୁରୁବାର ଜାମିନ ପ୍ରଦାନ କରିଛନ୍ତି।

ଖୋଲିଲା କେମ୍ବ୍ରିଜ୍‌ ଆନାଲିଟିକା ପେଡ଼ି : ତଥ୍ୟ ଚୋରିକୁ ନେଇ ଝଡ଼

ଖୋଲିଲା କେମ୍ବ୍ରିଜ୍‌ ଆନାଲିଟିକା ପେଡ଼ି : ତଥ୍ୟ ଚୋରିକୁ ନେଇ ଝଡ଼

ନୂଆଦିଲ୍ଲୀ,୨୧ା୩(ପି.ଟି.) ବିଶ୍ୱର ସର୍ବବୃହତ୍‌ ସୋସିଆଲ ପ୍ଲାଟ୍‌ଫର୍ମ ଫେସ୍‌ବୁକ୍‌ ବିରୋଧରେ ଆସିଛି ସାଂଘାତିକ ଅଭିଯୋଗ। ତଥ୍ୟ ସଂଗ୍ରହକାରୀ ତଥା ରାଜନୈତିକ ପରାମର୍ଶଦାତା କମ୍ପାନୀ କେମ୍ବ୍ରିଜ୍‌ ଅନାଲିଟିକା ବେଆଇନ ଭାବେ ଫେସ୍‌ବୁକ୍‌ ୟୁଜର୍ସଙ୍କ ବ୍ୟକ୍ତିଗତ ତଥ୍ୟ ହାତେଇ ବିଭିନ୍ନ ଦେଶରେ ବିକ୍ରି କରିଛି। କମ୍ପାନୀ ଉକ୍ତ ତଥ୍ୟର ଅପବ୍ୟବହାର କରି ସମ୍ପୃକ୍ତ ଦେଶଗୁଡ଼ିକରେ ନିର୍ବାଚନ ବେଳେ ମତଦାତା ଓ ରାଜନୈତିକ ପାଣିପାଗକୁ ପ୍ରଭାବିତ କରିଥିବା ଅଭିଯୋଗ ହୋଇଛି। ଅନ୍‌ଲାଇନ୍‌ ଡାଟା ଡକାୟତିକୁ ନେଇ ‘ନ୍ୟୁୟର୍କ ଟାଇମ୍ସ’ ଏବଂ ‘ଗାର୍ଡିଏନ୍‌’ର ମିଳିତ ଅନୁସନ୍ଧାନମୂଳକ ରିପୋର୍ଟିଂ ସାମ୍ନାକୁ ଆସିବା ପରେ ସାରା ବିଶ୍ୱରେ ଝଡ଼ ସୃଷ୍ଟି ହୋଇଛି। ଭାରତୀୟ ୟୁଜର୍ସଙ୍କ ତଥ୍ୟ ହାତେଇ ଦେଶର ନିର୍ବାଚନୀ ପ୍ରକ୍ରିୟାକୁ ପ୍ରଭାବିତ କରାଯାଇଥିବା ପ୍ରମାଣ ମିଳିଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ବୁଧବାର କେନ୍ଦ୍ର ସରକାରଙ୍କ ପକ୍ଷରୁ ଚେତାବନୀ ଦିଆଯାଇଛି।

ନିୟୋଜିତ ହେଉଥିଲେ ସେକ୍ସ ଓ୍ବାର୍କର

ନିୟୋଜିତ ହେଉଥିଲେ ସେକ୍ସ ଓ୍ବାର୍କର

ଲଣ୍ଡନ,୨୧ା୩- କେମ୍ବ୍ରିଜ୍‌ ଆନାଲିଟିକା ବିଭିନ୍ନ ଦେଶରେ ଦଳଗୁଡ଼ିକଠାରୁ ବିପୁଳ ଅର୍ଥ ଗ୍ରହଣ କରି ନିର୍ବାଚନ ପ୍ରଚାର ପରିଚାଳନା ଦାୟିତ୍ୱ ହାତକୁ ନେଉଥିଲା। ଏହି ତଥ୍ୟ ସଂଗ୍ରହକାରୀ କମ୍ପାନୀ ସମ୍ପୃକ୍ତ ଦଳକୁ ନିର୍ବାଚନରେ ଜିତାଇବା ଲାଗି ସବୁ ପ୍ରକାର କୌଶଳ ପ୍ରୟୋଗ କରୁଥିଲା। କେମ୍ବ୍ରିଜ୍‌ ଆନାଲିଟିକାର ବରିଷ୍ଠ ଅଧିକାରୀମାନେ କିପରି ଲୁଚାଛପାରେ ଓ ଅସାଧୁ ଉପାୟ ଅବଲମ୍ବନ କରି ସାରା ବିଶ୍ୱରେ ନିର୍ବାଚନକୁ ପ୍ରଭାବିତ କରୁଥିଲେ ସେନେଇ ବୁଧବାର ଏକ ଗୁପ୍ତ ଭିଡିଓ ପ୍ରଘଟ କରିଛି ବ୍ରିଟେନ୍‌ର ବୈଦ୍ୟୁତିକ ଗଣମାଧ୍ୟମ ‘ଚ୍ୟାନେଲ୍‌-୪ ନୁଜ୍‌’। ଏପରି କି ସେମାନେ ସେକ୍ସ ଓ୍ବାର୍କରମାନଙ୍କୁ ବ୍ୟବହାର କରି ରାଜନୈତିକ ପ୍ରତିଦ୍ୱନ୍ଦ୍ୱୀମାନଙ୍କୁ ପ୍ରତିହତ କରୁଥିବା ଉକ୍ତ ଭିଡିଓରୁ ସ୍ପଷ୍ଟ ହୋଇଛି। କେମ୍ବ୍ରିଜ୍‌ ଆନାଲିଟିକା ସିଇଓ ଆଲେକ୍‌ଜାଣ୍ଡର ନିକ୍ସ ମଧ୍ୟ ଗଣମାଧ୍ୟମ ଆଗରେ ଏକଥା ସ୍ବୀକାର କରିଛନ୍ତି।

ଆପ୍‌ରେ ଡାଟା ଡକାୟତି ଲଣ୍ଡନ/ଓ୍ବାଶିଂଟନ,୨୧ା୩

ଆପ୍‌ରେ ଡାଟା ଡକାୟତି ଲଣ୍ଡନ/ଓ୍ବାଶିଂଟନ,୨୧ା୩

ବ୍ରିଟିଶ୍‌-ଆମେରିକୀୟ କମ୍ପାନୀ କେମ୍ବ୍ରିଜ୍‌ ଆନାଲିଟିକା କିଭଳିି ଫେସ୍‌ବୁକ୍‌ ୟୁଜର୍ସଙ୍କ ପ୍ରୋଫାଇଲ୍‌ରୁ ସେମାନଙ୍କ ତଥ୍ୟ ଚୋରି କରିଛି ତାହା ପ୍ରଘଟ ହୋଇଛି। ଲଣ୍ଡନସ୍ଥିତ ଷ୍ଟ୍ରାଟେଜିକ୍‌ କମ୍ୟୁନିକେଶନ୍ସ ଲାବରେଟୋରିଜ୍‌ ଏହି ତଥ୍ୟ ଚୋରି ଉପାୟ ବାହାର କରିଥିଲା। ଆମେରିକାର କେମ୍ବ୍ରିଜ୍‌ ଆନାଲିଟିକା ସହ ମିଶି ଏହି କମ୍ପାନୀ ୫ କୋଟି ଆମେରିକୀୟ ଫେସ୍‌ବୁକ୍‌ ୟୁଜର୍ସଙ୍କ ତଥ୍ୟ ଚୋରି କରିଥିଲା। ୨୦୧୬ରେ ସେହି ତଥ୍ୟକୁ ଉପଯୋଗ କରି ଆମେରିକା ରାଷ୍ଟ୍ରପତି ନିର୍ବାଚନ ପୂର୍ବରୁ ମତଦାତାଙ୍କୁ ପ୍ରଭାବିତ କରିଥିଲା। ଫଳରେ ଡେମୋକ୍ରାଟିକ୍‌ ପାର୍ଟି ପ୍ରାର୍ଥୀ ହିଲାରି କ୍ଲିଣ୍ଟନ୍‌ଙ୍କୁ ହରାଇ ରିପବ୍ଲିକାନ୍‌ ପାର୍ଟି ପ୍ରାର୍ଥୀ ଡୋନାଲ୍ଡ ଟ୍ରମ୍ପ୍‌ ଅପ୍ରତ୍ୟାଶିତ ଭାବେ ବିଜୟୀ ହୋଇଥିଲେ।

ବିଶ୍ୱବ୍ୟାପୀ ପ୍ରଭାବ

ବିଶ୍ୱବ୍ୟାପୀ ପ୍ରଭାବ

ଓ୍ବାଶିଂଟନ,୨୧ା୩- କେମ୍ବ୍ରିଜ୍‌ ଆନାଲିଟିକାର ପ୍ରଭାବ କେବଳ ଆମେରିକାରେ ସୀମିତ ନ ଥିଲା। ଏହି ସଂସ୍ଥା ୫ ମହାଦେଶର ୧୦୦ରୁ ଊର୍ଦ୍ଧ୍ୱ ପ୍ରଚାର ଅଭିଯାନରେ ନାଗରିକଙ୍କୁ ପ୍ରଭାବିତ କରିଥିବା କୁହାଯାଉଛି। ୟୁରୋପୀୟ ସଂଘ (ଇୟୁ)ଠାରୁ ବ୍ରିଟେନ ଅଲଗା ହେବା ପାଇଁ କରାଯାଇଥିବା ଗଣଭୋଟକୁ ମଧ୍ୟ ଏହି ସଂସ୍ଥା ପ୍ରଭାବିତ କରିଥିଲା। ଇଟାଲୀ, କେନିଆ, ମେକ୍ସିକୋ, ବ୍ରାଜିଲ ଓ ମାଲେସିଆ ସାଧାରଣ ନିର୍ବାଚନରେ ମଧ୍ୟ କେମ୍ବ୍ରିଜ୍‌ ଆନାଲିଟିକା ଚମତ୍କାର ଦେଖାଇଛି।

ଭାରତରେ ପ୍ରୟୋଗ

ନୂଆଦିଲ୍ଲୀ,୨୧ା୩-ଭାରତରେ ଏସ୍‌ସିଏଲ୍‌ ଗ୍ରୁପ୍‌ ହେଉଛି କେମ୍ବ୍ରିଜ୍‌ ଆନାଲିଟିକାର ସ୍ଥାନୀୟ ସଂସ୍ଥା। ଏସ୍‌ସିଏଲ୍‌ର ମୁଖ୍ୟ କାର୍ଯ୍ୟ ରାଜନୈତିକ ପ୍ରଚାର ପରିଚାଳନା। ଏହାର କ୍ଲାଏଣ୍ଟ ତାଲିକାରେ ଦୁଇ ପ୍ରମୁଖ ଜାତୀୟ ଦଳ ଭାଜପା ଏବଂ କଂଗ୍ରେସ ରହିଛନ୍ତି। ୨୦୧୪ ସାଧାରଣ ନିର୍ବାଚନରେ ଭାଜପାକୁ ଜିତାଇ ନରେନ୍ଦ୍ର ମୋଦିଙ୍କୁ ପ୍ରଧାନମନ୍ତ୍ରୀ କରିବାଠୁ ନେଇ ଗୈରିକ ଦଳ ପାଇଁ ୪ ଟି ନିର୍ବାଚନରେ ଏହି ସଂସ୍ଥା ପ୍ରଚାର ପରିଚାଳନା କରିଥିଲା। ସେହିପରି କଂଗ୍ରେସର ଲୋକପ୍ରିୟତା ବୃଦ୍ଧି ପାଇଁ ମଧ୍ୟ ଏହା ଉଦ୍ୟମ କରିଥିବା ଏସ୍‌ସିଏଲ୍‌ ଉପାଧ୍ୟକ୍ଷ ହିମାଂଶୁ ଶର୍ମା କହିଛନ୍ତି। କିନ୍ତୁ ଉଭୟ ଭାଜପା ଏବଂ କଂଗ୍ରେସ ପକ୍ଷରୁ ଏହାକୁ ଖଣ୍ଡନ କରାଯାଇଛି।

ଆଉ ଏକ ବ୍ୟାଙ୍କ ଠକେଇ: ସୁନା ବ୍ୟବସାୟୀ ୧୦୦୦ କୋଟି ନେଇ ଫେରାର

ଆଉ ଏକ ବ୍ୟାଙ୍କ ଠକେଇ: ସୁନା ବ୍ୟବସାୟୀ ୧୦୦୦ କୋଟି ନେଇ ଫେରାର

ମାଡ୍ରାସ, ୨୧।୩ : ପାଖାପାଖି ୧୩,୦୦୦ କୋଟି ଟଙ୍କାର ପଞ୍ଜାବ ନ୍ୟାଶ୍‌ନାଲ ବ୍ୟାଙ୍କ(ପିଏନ୍‌ବି) ଠକେଇ ତଦନ୍ତ ଏଜେନ୍ସିଗୁଡିକର ନିଦ ହଜାଇଦେଇଥିବାବେଳେ ଏବେ ଆଉ ଏକ ଠକେଇ ଏଥିରେ ଯୋଡି ହୋଇଯାଇଛି। ଭାରତୀୟ ଷ୍ଟେଟ୍‌ ବ୍ୟାଙ୍କ(ଏସ୍‌ବିଆଇ) ସମେତ ୧୪ଟି ବ୍ୟାଙ୍କକୁ ନେଇ ଗଠିତ କନ୍‌ସୋର୍ଟିୟମ୍‌ ଏଥର ଠକାମିର ଶିକାର ହୋଇଛି।

୩ ଭାଜପା ଶାସିତ ରାଜ୍ୟରେ ବେଆଇନ ଖଣି ଖନନ ଅଧିକ

୩ ଭାଜପା ଶାସିତ ରାଜ୍ୟରେ ବେଆଇନ ଖଣି ଖନନ ଅଧିକ

ନୂଆଦିଲ୍ଲୀ, ୨୧।୩ : ଭାଜପା ଶାସିତ ୩ ରାଜ୍ୟରେ ବେଆଇନ ଖଣି ଖନନ ଗତ ୪ ବର୍ଷ ମଧ୍ୟରେ ଶତପ୍ରତିଶତ ଅଧିକ ହୋଇଛି। ଏନେଇ କେନ୍ଦ୍ରୀୟ ଖଣି ମନ୍ତ୍ରଣାଳୟ ପକ୍ଷରୁ ଜାରି ହୋଇଥିବା ରିପୋର୍ଟରେ ଦର୍ଶାଯାଇଛି। ମଧ୍ୟପ୍ରଦେଶ, ଗୁଜରାଟ ଓ ରାଜସ୍ଥାନରେ ବେଆଇନ ଖଣି ଖନନ ଘଟଣାରେ ବୃଦ୍ଧି ହୋଇଥିବା ଜଣାପଡିଛି। ଏସବୁ ରାଜ୍ୟରେ ଭାଜପା ସରକାର ଶାସନରେ ରହିଛନ୍ତି। ଏହି ୩ ରାଜ୍ୟ ସମେତ ଆନ୍ଧ୍ରପ୍ରଦେଶ,ଛତିଶଗଡ଼, ଗୋଆ, କର୍ନାଟକ, ମହାରାଷ୍ଟ୍ର, ଓଡ଼ିଶା, ତେଲେଙ୍ଗାନା ଆଦି ରାଜ୍ୟରେ ବେଆଇନ ଖଣି ଖନନ ଜାରି ରହିଥିବା ଖଣିମନ୍ତ୍ରଣାଳୟ ସୂଚିତ କରିଛି।

ଭାରତରେ ଆତଙ୍କବାଦୀ ଆକ୍ରମଣ ଯୋଜନା: ଶିଖ୍‌ ଯୁବକଙ୍କୁ ତାଲିମ୍‌ ଦେଉଛି ଆଇଏସ୍‌ଆଇ

ଭାରତରେ ଆତଙ୍କବାଦୀ ଆକ୍ରମଣ ଯୋଜନା: ଶିଖ୍‌ ଯୁବକଙ୍କୁ ତାଲିମ୍‌ ଦେଉଛି ଆଇଏସ୍‌ଆଇ

ନୂଆଦିଲ୍ଲୀ, ୨୧।୩ : ଭାରତରେ ଆତଙ୍କବାଦୀ ଆକ୍ରମଣ କରିବା ପାଇଁ ପାକିସ୍ତାନ ଗୋଇନ୍ଦା ସଂସ୍ଥା ଇଣ୍ଟର ସର୍ଭିସ୍‌ ଇଣ୍ଟେଲଜେନ୍ସ(ଆଇଏସ୍‌ଆଇ) ଯୋଜନା ପ୍ରସ୍ତୁତ କରିଛି। ଏନେଇ ଆଇଏସ୍‌ଆଇ ପଞ୍ଜାବର ଶିଖ୍‌ ଯୁବକଙ୍କୁ ଟାର୍ଗେଟ୍‌ କରିଛି। ଆଇଏସ୍‌ଆଇ ପକ୍ଷରୁ ସେମାନଙ୍କୁ ଆତଙ୍କବାଦୀ ତାଲିମ୍‌ ଦିଆଯାଉଛି ବୋଲି ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ସୂଚିତ କରାଯାଇଛି।

ଭିକ୍ଷାବୃତ୍ତି: ପ୍ରଥମ ସ୍ଥାନରେ ପଶ୍ଚିମବଙ୍ଗ

ଭିକ୍ଷାବୃତ୍ତି: ପ୍ରଥମ ସ୍ଥାନରେ ପଶ୍ଚିମବଙ୍ଗ

ନୂଆଦିଲ୍ଲୀ, ୨୧।୩ : ଭିକ୍ଷାବୃତ୍ତିରେ କଲିକତା ଦେଶରେ ପ୍ରଥମ ସ୍ଥାନରେ ରହିଛି। ଏନେଇ କେନ୍ଦ୍ରୀୟ ସାମାଜିକ ନ୍ୟାୟ ମନ୍ତ୍ରୀ ଥଓ୍ବାର ଚାନ୍ଦ୍‌ ଘେଲୋଟ୍‌ ବୁଧବାର ସୂଚିତ କରିଛନ୍ତି। ଦେଶରେ ୪,୧୩, ୬୭୦ ଭିକ୍ଷାବୃତ୍ତି କରୁଥିବା ଲୋକ ଥିବାବେଳେ ସେମାନଙ୍କ ମଧ୍ୟରେ ୨,୨୧,୬୭୩ ପୁରୁଷ ଏବଂ ୧,୯୧,୯୯୭ ମହିଳା ଅଛନ୍ତି। ପଶ୍ଚିମବଙ୍ଗରେ ଏଭଳି ୮୧ ହଜାର ଲୋକ ଅଛନ୍ତି।

ଉତ୍ତରପ୍ରଦେଶରେ କଂଗ୍ରେସ ଖେଳିବ ବ୍ରାହ୍ମଣ କାର୍ଡ

ଉତ୍ତରପ୍ରଦେଶରେ କଂଗ୍ରେସ ଖେଳିବ ବ୍ରାହ୍ମଣ କାର୍ଡ

ଲକ୍ଷ୍ନୌ, ୨୧।୩ : ଉତ୍ତରପ୍ରଦେଶ ଫୁଲପୁର ଓ ଗୋରଖପୁର ଲୋକ ସଭା ଉପନିର୍ବାଚନରେ କଂଗ୍ରେସ ଦଳର ଶୋଚନୀୟ ସ୍ଥିତିକୁ ଦୃଷ୍ଟିରେ ରଖି ଏଠାରେ ଦଳ ପକ୍ଷରୁ ସ୍ବତନ୍ତ୍ର ଯୋଜନା ପ୍ରଣୟନ ଉପରେ ଗୁରୁତ୍ୱାରୋପ କରାଯାଇଛି। ଦଳର ରାଜ୍ୟ ମୁଖ୍ୟ ରାଜ୍‌ ବବର୍‌ଙ୍କ ସ୍ଥାନରେ ବ୍ରାହ୍ମଣ କାର୍ଡ ଖେଳିବା ପାଇଁ ଦଳର ହାଇକମାଣ୍ଡ ନିଷ୍ପତ୍ତି ଗ୍ରହଣ କରିଥିବା ନେଇ ଚର୍ଚ୍ଚା ଜୋର୍‌ ଧରିଛି। ଏହି ମର୍ମରେ ରାଜ୍‌ ବବର୍‌ ବୁଧବାର ଉତ୍ତରପ୍ରଦେଶ କଂଗ୍ରେସ ମୁଖ୍ୟ ପଦରୁ ଇସ୍ତଫା ଦେଇଛନ୍ତି। ଆସନ୍ତା ୨୦୧୯ ଲୋକ ସଭା ର୍ନିବାଚନକୁ ଦୃଷ୍ଟିରେ ରଖି ଦଳ ପକ୍ଷରୁ ରାଜ୍ୟର ସାଂଗଠନିକ କ୍ଷେତ୍ରରେ ଏହି ପରିବର୍ତ୍ତନ କରାଯାଉଥିବା କୁହାଯାଉଛି।

ସିଆର୍‌ପିଏଫ୍‌ କର୍ମଚାରୀଙ୍କ ସୁରକ୍ଷା ଚିନ୍ତା: ବୁଲେଟ୍‌ପ୍ରୁଫ୍‌ ଗାଡ଼ି କିଣିବେ ସରକାର

ସିଆର୍‌ପିଏଫ୍‌ କର୍ମଚାରୀଙ୍କ ସୁରକ୍ଷା ଚିନ୍ତା: ବୁଲେଟ୍‌ପ୍ରୁଫ୍‌ ଗାଡ଼ି କିଣିବେ ସରକାର

ନୂଆଦିଲ୍ଲୀ, ୨୧।୩ : ସିଆର୍‌ପିଏଫ୍‌ କର୍ମଚାରୀଙ୍କ ସୁରକ୍ଷା ନେଇ ସରକାର ଯୋଜନା ପ୍ରସ୍ତୁତ କରିଛନ୍ତିି। ଏହି ଯୋଜନା ଅନ୍ତର୍ଗତ ସରକାର ୧୪୧ଟି ମଧ୍ୟମ ବୁଲେଟ୍‌ପ୍ରୁଫ୍‌ ଗାଡ଼ି କିଣିବେ। ସେଥିମଧ୍ୟରୁ ମାଓବାଦୀ ତଥା ଆତଙ୍କବାଦୀ ଅପରେଶନରେ ନିୟୋଜିତ ସିଆର୍‌ପିଏଫ୍‌ ଯବାନଙ୍କୁ ଶହେଟି ମଧ୍ୟମ ବୁଲେଟ୍‌ପ୍ରୁଫ୍‌ ଗାଡ଼ି ଯୋଗାଇ ଦିଆଯିବ। ୨୦ଟି ଗାଡ଼ି ଛତିଶଗଡ଼ରେ କାର୍ଯ୍ୟ କରୁଥିବା ଇଣ୍ଡୋ-ତିବ୍ବତ ସୀମା ପୋଲିସଙ୍କୁ ଯୋଗାଇ ଦିଆଯିବ।

ସାହାନାଇ ଯାଦୁକର: ଓସ୍ତାଦ୍‌ ବିସମିଲ୍ଲା ଖାଁ

ସାହାନାଇ ଯାଦୁକର: ଓସ୍ତାଦ୍‌ ବିସମିଲ୍ଲା ଖାଁ

ବମ୍ବେ,୨୧।୩: ସାହାନାଇ ଯାଦୁକର ଓସ୍ତାଦ୍‌ ବିସମିଲ୍ଲା ଖାଁ ୧୯୧୬ ମାର୍ଚ୍ଚ ୨୧ରେ ବିହାରର ଡୁମରାଓରେ ଜନ୍ମଗ୍ରହଣ କରିଥିଲେ। ୬ ବର୍ଷ ବୟସରେ ସେ ବାରାଣସୀ ଆସିଥିଲେ। ସେଠାରେ ତାଙ୍କର ସଙ୍ଗୀତ ଶିକ୍ଷା ଆରମ୍ଭ ହୋଇଥିଲା। ବିସମିଲ୍ଲା ତାଙ୍କ କାଶୀ ବିଶ୍ୱନାଥ ମନ୍ଦିରରେ କାର୍ଯ୍ୟକରୁଥିବା ତାଙ୍କ ଚାଚା ଅଲୀ ବକ୍ସ୍‌ ବିଲାୟତୁଙ୍କଠାରୁ ସାହାନାଇ ବଜାଇବା ଶିକ୍ଷା ଆରମ୍ଭ କରିଥିଲେ। ଏକାନ୍ତରେ ଗଙ୍ଗାକୂଳରେ ବସି ସାହାନାଇ ବଜାଇବାରେ ସେ ଘଣ୍ଟା ଘଣ୍ଟା ବିତାଇ ଦେଉଥିଲେ। ଗଙ୍ଗା ନଦୀ ପ୍ରତି ତାଙ୍କର ଶ୍ରଦ୍ଧା ଥିଲା। ଗଙ୍ଗାଜଳ ସ୍ପର୍ଶ କରି ତାଙ୍କର ସମସ୍ତ ଦୁଃଖ ଦୂର ହୋଇଯାଉଥିବା ସେ କହୁଥିଲେ। ୧୯୪୭ରେ ଦେଶ ସ୍ବାଧୀନ ହେବା ପରେ ଲାଲ୍‌ କିଲ୍ଲାରେ ସେ ମଙ୍ଗଳମୟ ସାହାନାଇ ବାଦନ କରିଥିଲେ। ସେ ଅନେକ ଚଳଚ୍ଚିତ୍ରରେ ସାହାନାଇ ବାଦନ କରିଥିଲେ।

ପଦ୍ମ ସମ୍ମାନ ପାଇଲେ ୪୩: ୨ ଓଡ଼ିଆ ପଦ୍ମଶ୍ରୀରେ ସମ୍ମାନିତ

ପଦ୍ମ ସମ୍ମାନ ପାଇଲେ ୪୩: ୨ ଓଡ଼ିଆ ପଦ୍ମଶ୍ରୀରେ ସମ୍ମାନିତ

ନୂଆଦିଲ୍ଲୀ: ବିଶିଷ୍ଟ ସଙ୍ଗୀତଜ୍ଞ ଇଲ୍ଲାଇୟାରାଜା, ହିନ୍ଦୁସ୍ତାନୀ ଶାସ୍ତ୍ରୀୟ ଗାୟକ ଗୁଲାମ୍‌ ମୁସ୍ତାଫା ଖାନ୍‌, ହିନ୍ଦୁତ୍ୱ ବିଚାରକ ପି. ପରମେଶ୍ୱରନ୍‌ଙ୍କ ସମେତ ୪୩ ଜଣଙ୍କୁ ସୋମବାର ଚଳିତବର୍ଷର ସମ୍ମାନଜନକ ପଦ୍ମ ପୁରସ୍କାର ପ୍ରଦାନ କରାଯାଇଛି। ତନ୍ମଧ୍ୟରେ ଅଛନ୍ତି ଦୁଇ ଓଡ଼ିଆ। ମୂର୍ତ୍ତିକଳା ପାଇଁ ପ୍ରଭାକର ମହାରଣା ଏବଂ ବୁଣାକାର ଗୋବର୍ଦ୍ଧନ ପାଣିକା ପାଇଛନ୍ତି ପଦ୍ମଶ୍ରୀ ପୁରସ୍କାର। ବିଭିନ୍ନ କ୍ଷେତ୍ରରେ ବିଶେଷ ଅବଦାନ ପାଇଁ ଗୌରବ ଅର୍ଜନ କରିଥିବା ଏହି ବିଶିଷ୍ଟ ବ୍ୟକ୍ତିମାନଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ସମ୍ମାନିତ କରିଛନ୍ତି।

ଇରାକ୍‌ର ମୋସୁଲରେ ୩୯ ଭାରତୀୟଙ୍କୁ ଗଣହତ୍ୟା: ମାଟି ତଳେ ଲୁଚିଥିଲା ସତ

ଇରାକ୍‌ର ମୋସୁଲରେ ୩୯ ଭାରତୀୟଙ୍କୁ ଗଣହତ୍ୟା: ମାଟି ତଳେ ଲୁଚିଥିଲା ସତ

ନୂଆଦିଲ୍ଲୀ,୨୦।୩: କର୍ମ ସଂସ୍ଥାନ ଅନ୍ବେଷଣରେ ଇରାକ୍‌ ଯାଇଥିବା ୪୦ ଭାରତୀୟଙ୍କ ମଧ୍ୟରୁ ୩୯ ଜଣଙ୍କୁ ଆଇଏସ୍‌ ଜେହାଦୀମାନେ ହତ୍ୟା କରିଥିଲେ। ଏନେଇ ବିଭିନ୍ନ ସମୟରେ ଖବର ପ୍ରକାଶ ପାଉଥିଲେ ହେଁ କେନ୍ଦ୍ର ସରକାର ଏହାକୁ ଅସ୍ବୀକାର କରିଆସୁଥିଲେ। ଆଇଏସ୍‌ର ଏହି ବର୍ବର କାଣ୍ଡକୁ ୪ ବର୍ଷ ପୂରିବାକୁ ଯାଉଥିବାବେଳେ ମଙ୍ଗଳବାର ମାଟି ତଳୁ ସତ ପଦାକୁ ଆସିଛି।

ଆନ୍ନା ଓ ଅନାସ୍ଥା ପ୍ରସ୍ତାବ ଭୟ: ବଜେଟ ଅଧିବେଶନ ଶେଷ ପାଇଁ ସରକାରଙ୍କ ଯୋଜନା

ଆନ୍ନା ଓ ଅନାସ୍ଥା ପ୍ରସ୍ତାବ ଭୟ: ବଜେଟ ଅଧିବେଶନ ଶେଷ ପାଇଁ ସରକାରଙ୍କ ଯୋଜନା

ନୂଆଦିଲ୍ଲୀ, ୨୦।୩ : ସଂସଦର ବଜେଟ୍‌ ଅଧିବେଶନରେ ଅଚଳାବସ୍ଥା ସୃଷ୍ଟି ହୋଇଛି। ଗୋଟିଏ ପଟେ ତେଲୁଗୁ ଦେଶମ୍‌ ପାର୍ଟି(ଟିଡିପି) ଏବଂ ଓ୍ବାଇଏସ୍‌ଆର୍‌ ପକ୍ଷରୁ କେନ୍ଦ୍ର ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିବାକୁ ଉଦ୍ୟମ କରୁଥିବାବେଳେ ଅନ୍ୟପଟେ ମାର୍ଚ୍ଚ ୨୩ରେ ସମାଜସେବୀ ଆନ୍ନା ହଜାରେ ଦିଲ୍ଲୀ ରାମଲୀଳା ମୈଦାନରେ ସରକାର ବିରୋଧୀ ଧାରଣା ଆରମ୍ଭ କରିବାକୁ ଯାଉଛନ୍ତି। ଆନ୍ନା କୃଷକ ସମସ୍ୟା ସମେତ ଲୋକପାଳ ବିଲ୍‌ ନେଇ ଧାରଣା ଦେବେ ବୋଲି କୁହାଯାଉଛି। ଅନାସ୍ଥା ପ୍ରସ୍ତାବରେ କେନ୍ଦ୍ର ସରକାରଙ୍କର କୌଣସି କ୍ଷତି ନ ହେଲେ ମଧ୍ୟ ଏନ୍‌ଡିଏର ଭାବମୂର୍ତ୍ତି ଉପରେ ଏହାର ନାକାରାତ୍ମକ ପ୍ରଭାବ ପଡ଼ିବ।

କୁପଓ୍ବାଡାରେ ଏନ୍‌କାଉଣ୍ଟର

କୁପଓ୍ବାଡାରେ ଏନ୍‌କାଉଣ୍ଟର

କୁପଓ୍ବାଡା,୨୦।୩: ଜମ୍ମୁ-କଶ୍ମୀର କୁପଓ୍ବାଡାର ହାଲମାଟପୋରା ଅଞ୍ଚଳରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଏନ୍‌କାଉଣ୍ଟର ଆରମ୍ଭ ହୋଇଛି। ଉକ୍ତ ଅଞ୍ଚଳରେ ପ୍ରାୟ ୩ ଆତଙ୍କବାଦୀ ଲୁଚି ରହିଥିବା ସୂଚନା ମିଳିବା ପରେ ସୁରକ୍ଷାକର୍ମୀଙ୍କ ଦ୍ୱାରା ଘେରାଉ କରାଯାଇ ସର୍ଚ୍ଚ ଅପରେଶନ ଜାରି ରହିଛି।

ଭାଜପା ସହ ସମର୍ଥନକୁ ଖଣ୍ଡନ କଲେ ରଜନୀକାନ୍ତ

ଭାଜପା ସହ ସମର୍ଥନକୁ ଖଣ୍ଡନ କଲେ ରଜନୀକାନ୍ତ

ମାଡ୍ରାସ,୨୦।୩: ଅଭିନେତାରୁ ରାଜନେତା ପାଲଟିଥିବା ସାଉଥ୍‌ ସୁପରଷ୍ଟାର ରଜନୀକାନ୍ତ ଭାରତୀୟ ଜନତା ପାର୍ଟି(ଭାଜପା)ର ସମର୍ଥନକୁ ଖଣ୍ଡନ କରିଛନ୍ତି। ତାଙ୍କର ଏକମାତ୍ର ସମର୍ଥନର ସ୍ରୋତ ଈଶ୍ୱର ଓ ଜନତା ବୋଲି ସେ ପ୍ରକାଶ କରିଛନ୍ତି।

ଭାରତରେ ରହିଛି ୨ହଜାର ୩୪୦ ବର୍ଷ ପୁରୁଣା ମହିଳାଙ୍କ ମମି

ଭାରତରେ ରହିଛି ୨ହଜାର ୩୪୦ ବର୍ଷ ପୁରୁଣା ମହିଳାଙ୍କ ମମି

ଜୟପୁର, ୨୦।୩ : ରାଜସ୍ଥାନ ଜୟପୁର ଆଲର୍ବଟ ମ୍ୟଜିୟମ୍‌ରେ ରହିଛି ୨ ହଜାର ୩୪୦ ବର୍ଷ ପୁରୁଣା ମହିଳାଙ୍କ ମମି। ୧୩୧ ବର୍ଷ ତଳେ ୧୮୮୭ରେ ଏହି ମମିକୁ ମିଶରରୁ ଜୟପୁର ଅଣାଯାଇଥିଲା। ପରେ ୧୮୯୦ରେ ମମିକୁ ଆଲର୍ବଟ ମ୍ୟୁଜିୟମ୍‌ରେ ରଖାଯାଇଥିଲା। ମିଶରର ପ୍ରାଚୀନ ରାଜ୍ୟ ପେନୋପଲିସ୍‌ରେ ବାସ କରୁଥିବା ତୁତୁ ନାମକ ଜଣେ ମହିଳାଙ୍କର ଏହି ମମି ବୋଲି ଗବେଷକ ଅନୁମାନ କରୁଛନ୍ତି।