ରାଜ୍ୟ

ଦିନକର କାହାଣୀ : ଖବରକାଗଜ ବିକ୍ରେତା କର୍ଣ୍ଣ ନାଥ

ଦିନକର କାହାଣୀ : ଖବରକାଗଜ ବିକ୍ରେତା କର୍ଣ୍ଣ ନାଥ

ଜଗତ୍‌ସିଂହପୁର ଅଫିସ,୨୪।୪: ସକାଳୁ ରାତି ପର୍ଯ୍ୟନ୍ତ ଖବରକାଗଜ ତାଙ୍କର ସାଥୀ। ଏହା ତାଙ୍କୁ ଅନେକ କଷ୍ଟ ଦେଇଛି ଓ କଷ୍ଟ ହରଣ ମଧ୍ୟ କରିଛି। ମାସେ କି ବର୍ଷେ ନୁହେଁ, ଦୀର୍ଘ ୩୫ ବର୍ଷ ଧରି ଅନେକ ଝଡ଼ଝଞ୍ଜା ମଧ୍ୟରେ ଲୋକଙ୍କ ପାଖରେ ଖବରକାଗଜ ପହଞ୍ଚାଇଆସୁଛନ୍ତି ସେ। ଏହା ଯେ ତାଙ୍କୁ କେବଳ ରୋଜଗାର ଦେଇଛି ତାହା ନୁହେଁ, ସମାଜରେ ପରିଚୟ ମଧ୍ୟ ଦେଇଛି। ଏହା ହେଉଛି ଜଗତ୍‌ସିଂହପୁର ସହରର ଖବରକାଗଜ ବିକ୍ରେତା କର୍ଣ୍ଣ ନାଥ(୫୫)ଙ୍କ କାହାଣୀ।

ସଞ୍ଜହେଲେ ଖୋଜାପଡ଼େ ମାଳିଆ ବରା

ସଞ୍ଜହେଲେ ଖୋଜାପଡ଼େ ମାଳିଆ ବରା

କୁଜଙ୍ଗ,୨୪ା୪(ସ୍ବ.ପ୍ର.)ଆଜ୍‌ବେଷ୍ଟସ୍‌ ଛପର ଛୋଟିଆ ଦୋକାନଟି ଦିନ ସାରା ବନ୍ଦ ରହିଥାଏ। କେବଳ ସଞ୍ଜହେଲେ ୨ଘଣ୍ଟା ଖୋଲା ହୋଇଥାଏ। ସନ୍ଧ୍ୟା ୫ଟାରୁ ୭ଟା ପର୍ଯ୍ୟନ୍ତ ଦୋକାନ ଆଗରେ ଭିଡ଼ ଜମିଥାଏ। ସମସ୍ତେ କହନ୍ତି ଆମକୁ ଆଗ ଦିଅ। ସନ୍ଧ୍ୟାରେ ସେହି ଦୋକାନ ଆଗରେ ଅଟକି ଗଲେ ଏସବୁ ଘଟଣା ଦେଖିବାକୁ ମିଳିଥାଏ। କାଗଜଖଣ୍ଡରେ ୪ଟି ଗରମ ବରା ରହିଥାଏ।

ସୁନ୍ଦରିଆ ପଞ୍ଚାୟତକୁ ଆଜି ମିଳିବ ଜାତୀୟ ପୁରସ୍କାର

ରସୁଲପୁର,୨୪।୪(ଡି.ଏନ୍‌.ଏ.)ଯାଜପୁର ଜିଲା ଧର୍ମଶାଳା ବ୍ଲକ ସୁନ୍ଦରିଆ ପଞ୍ଚାୟତର ସରପଞ୍ଚ ଗାୟତ୍ରୀ ପରିଡା ଜାତୀୟ ସ୍ତରରେ ପୁରସ୍କୃତ ହେବେ ା ଓଡ଼ିଶାର ଏକମାତ୍ର ସରପଞ୍ଚ ଭାବେ ପରିଡାଙ୍କୁ ସମ୍ବର୍ଦ୍ଧିତ କରାଯିବ। ଜାତୀୟ ପଞ୍ଚାୟତରାଜ ଦିବସ ଅବସରରେ ତାଙ୍କୁ ମଙ୍ଗଳବାର ମଧ୍ୟପ୍ରଦେଶର ଜବଲପୁରଠାରେ ସମ୍ବର୍ଦ୍ଧନା ଜ୍ଞାପନ କରାଯିବ। ତେବେ ଜାତୀୟ ପୁରସ୍କାରପ୍ରାପ୍ତ ସୁନ୍ଦୁରିଆର ଅସଲ ଚିତ୍ର କିନ୍ତୁ ପଦାରେ ପଡିଯାଇଛି। ଏଭଳି ପୁରସ୍କାର ଘୋଷଣା କେବଳ ହାସ୍ୟାସ୍ପଦ ବୋଲି ସୂଚନା ଅଧିକାରକର୍ମୀ ସର୍ବେଶ୍ୱର ବେଉରା କହିଛନ୍ତି। ଲୋକଙ୍କ ମୌଳିକ ଆବଶ୍ୟକତା ପୂରଣ କରିପାରୁ ନ ଥିବା ପଞ୍ଚାୟତକୁ ଜାତୀୟ ସ୍ତରରେ ପୁରସ୍କୃତ କରାଯିବା ଲୋକ ଦେଖାଣିଆ । ଏହା କେବଳ କାଗଜପତ୍ରରେ ସମୀତ ବୋଲି ସେ କହିଛନ୍ତି । ଏଥିସହ ପଞ୍ଚାୟତରେ ବିଭିନ୍ନ ଯୋଜନାରେ ହୋଇଥିବା ଘୋଟାଲା ସମ୍ପର୍କରେ ହସ୍ତଗତ ହୋଇଥିବା ତଥ୍ୟକୁ ବେଉରା ଗଣମାଧ୍ୟମ ସମ୍ମୁଖରେ ପ୍ରକାଶ କରିଛନ୍ତି ।

ଲେଉଟିଆ କିଆରି ପାଲଟିଛି ଗାଗରପାଟିଆ ପ୍ରକଳ୍ପ

ଲେଉଟିଆ କିଆରି ପାଲଟିଛି ଗାଗରପାଟିଆ ପ୍ରକଳ୍ପ

ଯାଜପୁର ଜିଲାର ବିଞ୍ଝାରପୁର ବ୍ଲକ ଏକ ଗ୍ରାମାଞ୍ଚଳ। ପ୍ରାୟ ୮୦ ପ୍ରତିଶତ ପରିବାର କୃଷି ଉପରେ ନିର୍ଭରଶୀଳ। ତେବେ ଏଠାରେ ମାତ୍ର ୨୦ପ୍ରତିଶତ ଜଳସେଚନ ବ୍ୟବସ୍ଥା ରହିଛି। ଫଳରେ ଅଧିକାଂଶ ଚାଷୀ କେବଳ ବର୍ଷାଜଳ ଉପରେ ନିର୍ଭର କରି ଚାଷ କରିଥାନ୍ତି। କିନ୍ତୁ ଆଶ୍ଚର୍ଯ୍ୟର କଥା ହେଲା ଯେ, ଗତ ୧୦ବର୍ଷ ମଧ୍ୟରେ ଏହି ବ୍ଲକର ବିଭିନ୍ନ ନାଳ ସଫେଇ ନାମରେ ଶହେ କୋଟିରୁ ଊର୍ଦ୍ଧ୍ୱ ଟଙ୍କା ମଞ୍ଜୁର ହୋଇଥିଲେ ସୁଦ୍ଧା ଲୋକମାନେ ଏହାର ସୁପଳ ପାଇପାରି ନାହାନ୍ତି। ଗାଗରପାଟିଆ ନାଳର ପୁନରୁଦ୍ଧାର କାର୍ଯ୍ୟ ଏହାର ଜ୍ୱଳନ୍ତ ଉଦାହରଣ ପାଲଟିଛି। ଏହି ପ୍ରକଳ୍ପ ଠିକାଦାର, ଯନ୍ତ୍ରୀ ଓ ରାଜନେତାଙ୍କ ପାଇଁ ଏକ ଲେଉଟିଆ କିଆରି ସଦୃଶ ପାଲଟିଛି। ନାଳର ପୁନରୁଦ୍ଧାର ନାମରେ ମିଳିମିଶି ଲୁଟ୍‌ ଚାଲିଛି ବୋଲି ଅଭିଯୋଗ ହେଉଛି।

ଖୁଡୀଙ୍କୁ ଟାଙ୍ଗିଆରେ ହାଣି ହତ୍ୟା ମାମଲା

ଖୁଡୀଙ୍କୁ ଟାଙ୍ଗିଆରେ ହାଣି ହତ୍ୟା ମାମଲା

ପୁତୁରାଙ୍କୁ ଆଜୀବନ ଜେଲଝାରସୁଗୁଡ଼ା ଅଫିସ,୨୩ା୪-ଝାରସୁଗୁଡ଼ା ଜିଲା ଲଇକେରା ବ୍ଲକ୍‌ ଅଞ୍ଚଳରେ ଘଟିଥିବା ଏକ ହତ୍ୟାକାଣ୍ଡର ରାୟ ସୋମବାର ପ୍ରକାଶ ପାଇଛି। ଖୁଡୀଙ୍କୁ ଟାଙ୍ଗିଆରେ ହାଣି ହତ୍ୟା କରିବା ଅଭିଯୋଗରେ ପୁତୁରା ଦୋଷୀ ସାବ୍ୟସ୍ତ ହୋଇଛନ୍ତି। ଅତିରିକ୍ତ ଜିଲା ଓ ଦୌରାଜଜ ସୌମେନ୍ଦ୍ର କୁମାର ରାଜଗୁରୁ ମାମଲାର ବିଚାର କରି ଅଭିଯୁକ୍ତ ପୁତୁରା ସୁରଥ ଖଣ୍ଡାଙ୍କୁ ଆଜୀବନ ଜେଲଦଣ୍ଡ ଓ ୧୦ ହଜାର ଟଙ୍କା ଜରିମାନା ଆଦେଶ ଦେଇଛନ୍ତି। ଜରିମାନା ଅର୍ଥ ଅନାଦାୟ ହେଲେ ଅତିରିକ୍ତ ୧ ବର୍ଷ ଜେଲଦଣ୍ଡ ଭୋଗିବାକୁ ରାୟରେ ଉଲ୍ଲେଖ ରହିଛି ।

ରେଳ ବିଭାଗକୁ ଅବଗତ କଲା ବନ ବିଭାଗ ବାଗଡିହିରେ ବୁଲୁଛନ୍ତି ୪ ହାତୀ

ଝାରସୁଗୁଡ଼ା ଅଫିସ,୨୪ା୪- ହାଓଡା-ମୁମ୍ବାଇ ମେଲ ଟ୍ରେନ୍‌ରେ କଟି ୪ ହାତୀର ମୃତ୍ୟୁ ହେବାପରେ ବନ ବିଭାଗର ଚେତା ପଶିଛି। ଅପରପକ୍ଷରେ ରେଳ ବିଭାଗ ମଧ୍ୟ ଏହି ଘଟଣା ପରେ ସତର୍କ ହୋଇଯାଇଛି। ଜାତୀୟସ୍ତରରେ ଉଭୟ ବନ ବିଭାଗ ଏବଂ ରେଳ ବିଭାଗ ସମାଲୋଚିତ ହେବା ପରେ ବିଭାଗୀୟ ଅଧିକାରୀମାନେ ସଚେତନ ହୋଇଛନ୍ତି। କାରଣ ବର୍ତ୍ତମାନ ଝାରସୁଗୁଡ଼ା ଜିଲା ବାଗଡିହି ରେଞ୍ଜ ଅଞ୍ଚଳରେ ୪ଟି ହାତୀ ବୁଲୁଥିବା ବନ ବିଭାଗ ନଜରକୁ ଆସିଛି। ହାତୀ ବୁଲୁଥିବା ନଜରକୁ ଆସିବା ପରେ ତୁରନ୍ତ ବାଗଡିହି ରେଞ୍ଜ୍‌ ତରଫରୁ ଟ୍ରେନ୍‌ର ଗତି ସେହି ଅଞ୍ଚଳରେ ହ୍ରାସ କରିବାକୁ ବାଗଡିହି ଷ୍ଟେଶନକୁ ସୂଚନା ପ୍ରଦାନ କରାଯାଇଛି। ବାଗଡିହି ଷ୍ଟେଶନରୁ ସୂଚନା ପାଇଁ ଝାରସୁଗୁଡ଼ା ଷ୍ଟେଶନ କର୍ତ୍ତୃପକ୍ଷ ପ୍ରତ୍ୟେକ ଟ୍ରେନର ଲୋକ ପାଇଲଟଙ୍କୁ ସତର୍କ କରାଉଛନ୍ତି। ଗାଡିର ଗତି ହ୍ରାସ କରିବା ସହ ସତର୍କତାର ସହ ଟ୍ରେନ୍‌ ଚଳାଇବାକୁ ନିର୍ଦ୍ଦେଶ ଦିଆଯାଉଛି।

ସଡ଼କ ସୁରକ୍ଷା ସପ୍ତାହ ଉଦ୍‌ଘାଟିତ ଟ୍ରାଫିକ୍‌ ନିୟମରେ ସଚେତନ ହେଲେ ଦୁର୍ଘଟଣା ହ୍ରାସ ପାଇବ

ସଡ଼କ ସୁରକ୍ଷା ସପ୍ତାହ ଉଦ୍‌ଘାଟିତ ଟ୍ରାଫିକ୍‌ ନିୟମରେ ସଚେତନ ହେଲେ ଦୁର୍ଘଟଣା ହ୍ରାସ ପାଇବ

ସୋନପୁର,୨୪।୪(ନି.ପ୍ର.)- ସୁବର୍ଣ୍ଣପୁରରେ ୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ସୋମବାର ଉଦ୍‌ଘାଟିତ ହୋଇଯାଇଛି। ଆଞ୍ଚଳିକ ପରିବହନ ଅଧିକାରୀଙ୍କ କାର୍ଯ୍ୟାଳୟ ପରିସରରେ ଆୟୋଜିତ ଉତ୍ସବରେ ଜିଲାପାଳ ଦାଶରଥି ଶତପଥୀ ମୁଖ୍ୟଅତିଥି ଭାବେ ଯୋଗଦେଇ ଜନସାଧାରଣ ଟ୍ରାଫିକ୍‌ ନିୟମ ସମ୍ପର୍କରେ ସଚେତନ ହେଲେ ଦୁର୍ଘଟଣା ବହୁ ପରିମାଣରେ ହ୍ରାସ ପାଇବ ବୋଲି କହିଥିଲେ। ସେହିପରି ଗାଡି ଚାଳନା ବେଳେ ଚାଳକମାନେ ସଜାଗ ରହିଲେ ଦୁର୍ଘଟଣାକୁ କେତେକାଂଶରେ ଏଡାଯାଇ ପାରିବ ବୋଲି ଜିଲାପାଳ ମତ ଦେଇଥିଲେ।

ଷ୍ଟିଲ୍‌ସିଟିରେ ର଼୍ୟାମ୍ପ ଶୋ

ଷ୍ଟିଲ୍‌ସିଟିରେ ର଼୍ୟାମ୍ପ ଶୋ

ରାଉରକେଲା ଅଫିସ, ୨୪। ୪-ଷ୍ଟିଲସିଟି ରାଉରକେଲାରେ ଆୟୋଜିତ ପ୍ରଥମ ‘ରାଉରକେଲା ଫ୍ୟାଶନ ୱିକ’ ଶେଷ ହୋଇଛି। ଇସ୍ପାତ୍‌ ସହରରେ ପ୍ରଥମ କରି ଆୟୋଜିତ ହୋଇଥିବା ଏହି ଫ୍ୟାଶନ ଶୋ ରେ ନାମୀଦାମୀ ଡିଜାଇନରଙ୍କ ସ୍ବତନ୍ତ୍ର କଲେକ୍ସନରେ ର଼୍ୟାମ୍ପ ଶୋ ଅନୁଷ୍ଠିତ ହୋଇଥିଲା

ସିରିଡିରୁ କଣ୍ଟାବାଞ୍ଜିକୁ ପଦଯାତ୍ରା

ସିରିଡିରୁ କଣ୍ଟାବାଞ୍ଜିକୁ ପଦଯାତ୍ରା

ନୂଆପଡ଼ା ଅଫିସ,୨୪ା୪ମନରେ ଅସୁମାରୀ ଆଶା ଆଉ ପ୍ରଗାଢ ଈଶ୍ୱର ବିଶ୍ୱାସ। ମନ୍ଦିରଟିଏ ପ୍ରତିଷ୍ଠା କରିବେ। ଏହି ଦୃଢ଼ ବିଶ୍ୱାସ ମନରେ ପୋଷଣ କରି ପୁଟୁଳି ବାନ୍ଧି ସୁଦୂର ସିରିଡିରୁ କଣ୍ଟାବାଞି ଅଭିମୁଖେ ଯାତ୍ରାରମ୍ଭ କରିଛନ୍ତି କଣ୍ଟାବାଞିର ନଟୱର ସୋନି ।

ଭାଉଜଙ୍କୁ ମାଡ଼, ଦିଅର ଗିରଫ

ଭାଉଜଙ୍କୁ ମାଡ଼, ଦିଅର ଗିରଫ

ଛେଣ୍ଡିପଦା,୨୪।୪(ଡି.ଏନ.ଏ.)- ଭାଉଜଙ୍କୁ ମାଡ଼ ମାରିବା ଅଭିଯୋଗରେ ଜରପଡ଼ା ଥାନା ପୋଲିସ ସାଆନ୍ତରାପୁର ଗ୍ରାମର ନାରଣ ସାହୁ(୨୭)ଙ୍କୁ ଗିରଫ କରି ସୋମବାର କୋର୍ଟଚାଲାଣ କରିଛି। ଏ ସଂକ୍ରାନ୍ତରେ ନଂ. ୭୧/୧୮ ଏକ ମାମଲା ରୁଜୁ ହୋଇଛି।

ଅସ୍ଥାୟୀ ପୀଠରେ ଦୁଇ ଭଉଣୀ

ଅସ୍ଥାୟୀ ପୀଠରେ ଦୁଇ ଭଉଣୀ

ବ୍ରହ୍ମପୁର ଅଫିସ,୨୪ା୪ ସ୍ଥାନୀୟ ଶିଳ୍ପାଞ୍ଚଳ ଆଙ୍କୋଲିର ପ୍ରସିଦ୍ଧ କନକ ଦୁର୍ଗା ମାତାଙ୍କ ଦ୍ୱିବାର୍ଷିକ ଯାତ୍ରା ସୋମବାରରୁ ଆରମ୍ଭ ହୋଇଛି। ଏହା ୧୨ ଦିନ ଚାଲିବ ଏବଂ ଆସନ୍ତା ମେ ୪ ତାରିଖ ରାତିରେ ଉଦ୍‌ଯାପନ ହେବାର କାର୍ଯ୍ୟକ୍ରମ ରହିଛି। ଯାତ୍ରା ପରିଚାଳନା କମିଟି ସଭାପତି ରଜନୀକାନ୍ତ ମଣ୍ଡଳ ଏହି ସୂଚନା ଦେଇଛନ୍ତି। ସୋମବାର ସନ୍ଧ୍ୟାରେ ଆଙ୍କୋଲିବାସୀ ଏକ ଶୋଭାଯାତ୍ରାରେ କନକଦୁର୍ଗାଙ୍କ ନିଜସ୍ବ ମନ୍ଦିରକୁ ଯାଇଥିଲେ। ଗାଁ ଦାଣ୍ଡକୁ ବିଜେ କରିବା ପାଇଁ ଆନୁଷ୍ଠାନିକ ଭାବେ ନିମନ୍ତ୍ରଣ କରାଯାଇଥିଲା। ମନ୍ଦିରରେ ମା’ଙ୍କୁ ଆବାହନ ପାଇଁ ରୀତିନୀତି ପ୍ରକାରେ ପୂଜାର୍ଚ୍ଚନା ସହ ହୋମଯଜ୍ଞ କରାଯାଇଥିଲା। ଦୁଇ ଭଉଣୀଙ୍କ ବିଗ୍ରହ ମସ୍ତକରେ ସ୍ଥାପିତ ଫୁଲମାଳ ଆପେ ଖସିବା ପରେ ଅସ୍ଥାୟୀ ପୀଠକୁ ବିଜେ କରିବାର ସଂକେତ ମିଳିଥିଲା। ରାତିରେ ବାଦ୍ୟବାଜଣା, ଶଙ୍ଖ ମହୁରୀ ନାଦ, ନାଚଗୀତ ମଧ୍ୟରେ ଏବଂ ଅସଂଖ୍ୟ ମହିଳା ଓ ପୁରୁଷଙ୍କ ଶୋଭାଯାତ୍ରାରେ କନକଦୁର୍ଗାଙ୍କୁ ଅଣାଯାଇଥିଲା। ଅସ୍ଥାୟୀ ପୀଠରେ ପୁଣି ପୂଜାର୍ଚ୍ଚନା ସହ ସ୍ଥାପନ କରାଯାଇଥିଲା।

ସରକାରୀ ଆୟୁର୍ବେଦ କଲେଜ ଅବହେଳିତ

ବ୍ରହ୍ମପୁର ଅଫିିସ,୨୪ା୪ଦକ୍ଷିଣ ଓଡ଼ିଶାର ଏକମାତ୍ର ବ୍ରହ୍ମପୁର ମହାନଗର ନିକଟ ଆଙ୍କୁଶପୁରସ୍ଥ କବିରାଜ ଅନନ୍ତ ତ୍ରିପାଠୀ ଶର୍ମା ସରକାରୀ ଆୟୁର୍ବେଦ କଲେଜ ଅବହେଳିତ ହୋଇ ରହିଛି। ଏହାର ଭିତ୍ତିଭୂମି ବିକାଶ କରାଯାଉ ନ ଥିବା ବେଳେ ଦୀର୍ଘବର୍ଷରୁ ଅନେକ ଅଧ୍ୟାପକ ଓ କର୍ମଚାରୀ ପଦବୀ ଖାଲି ପଡ଼ିଛି। ସାମାଜିକ ଅନୁଷ୍ଠାନ ମାନବ ଅଧିକାର ସୁରକ୍ଷା ମଞ୍ଚ ଏହି ଅଭିଯୋଗ କରିଛି। ତୁରନ୍ତ ସମସ୍ୟା ସମାଧାନ ଲାଗି ଦାବି କରାଯାଇଛି। ନଚେତ ଏହାକୁ ପ୍ରସଙ୍ଗ କରି ମଞ୍ଚ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିବ ବୋଲି ଚେତାବନୀ ଦିଆଯାଇଛି। ବ୍ରହ୍ମପୁରରେ ସୋମବାର ଅନୁଷ୍ଠିତ ଗଞ୍ଜାମ ଜିଲାପାଳଙ୍କ ଅଭିଯୋଗ ଶୁଣାଣି ବେଳେ ଦାବି ସମ୍ବଳିତ ସ୍ମାରକପତ୍ର ପ୍ରଦାନ କରାଯାଇଛି।

ଟ୍ରାଫିକ୍‌ ନିୟମ ମାନିଲେ ଦୁର୍ଘଟଣା କମିବ

ଟ୍ରାଫିକ୍‌ ନିୟମ ମାନିଲେ ଦୁର୍ଘଟଣା କମିବ

ଛତ୍ରପୁର,୨୪।୪(ଡି.ଏନ.ଏ.)ଗଞ୍ଜାମ ଜିଲାରେ ଦିନକୁ ଦିନ ଦୁର୍ଘଟଣା ବଢୁଛି। ଏଥିସହ ଦୁର୍ଘଟଣା ଜନିତ ମୃତ୍ୟୁସଂଖ୍ୟା ମଧ୍ୟ ବଢିବାରେ ଲାଗିଛି। ଗଞ୍ଜାମ ଜିଲା ସଡକ ସୁରକ୍ଷା କମିଟି ବୈଠକରେ ଏନେଇ ଚିନ୍ତା ପ୍ରକଟ କରାଯାଉଛି। ଏହାକୁ ସୁଧାରିବାକୁ ପଦକ୍ଷେପ ନିଆଯାଉଛି। ମାତ୍ର ସ୍ଥିତିରେ ସେମିତି କିଛି ଫରକ ଆସୁନି। ଟ୍ରାଫିକ ନିୟମ ନ ମାନିବା, ସିଟ୍‌ ବେଲ୍‌ଟ ଓ ହେଲମେଟ ନ ପିନ୍ଧିବାରୁ ଏପରି ଦୁର୍ଘଟଣା ଘଟିବାରେ ଲାଗିଛି। ଏଥିରେ ସଚେତନତା ଆଣିବାକୁ ଗଞ୍ଜାମ ଜିଲା ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ଅଭିନବ ଉପାୟ ଅବଲମ୍ବନ ଆରମ୍ଭ ହୋଇଛି। ସୋମବାରଠାରୁ ସୁରକ୍ଷିତ ସଡକ କାର୍ଯ୍ୟକ୍ରମ ଆରମ୍ଭ ହୋଇଛି। ଏହା ୭ ଦିନ ଧରି ଜିଲାର ବିଭିନ୍ନ ସ୍ଥାନରେ ଆୟୋଜନ ହେବ। ଛତ୍ରପୁରରେ ରାହଗିରି ଭଳି ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ଶିକ୍ଷକ ନିଯୁକ୍ତି ଦାବିରେ ଆମରଣ ଅନଶନ

ଶିକ୍ଷକ ନିଯୁକ୍ତି ଦାବିରେ ଆମରଣ ଅନଶନ

ବନ୍ତ,୨୪।୪-ଭଦ୍ରକ ଜିଲା ବନ୍ତ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ କୁମ୍ଭକରାଳ ବ୍ଲକ ଗ୍ରାଣ୍ଟ ମଧ୍ୟଇଂରାଜୀ ବିଦ୍ୟାଳୟରେ ଶିକ୍ଷକ ନିଯୁକ୍ତି ଦାବିରେ ପରିଚାଳନା କମିଟି ସଭ୍ୟ ଓ ଅଭିଭାବକମାନେ ସୋମବାର ଆମରଣ ଅନଶନରେ ବସିଛନ୍ତି। ଏହି ବିଦ୍ୟାଳୟରେ କୌଣସି ଶିକ୍ଷକ ନ ଥିବାରୁ ଛାତ୍ରୀଛାତ୍ରଙ୍କ ନାମଲେଖା ଓ ପାଠପଢ଼ାରେ ବ୍ୟାଘାତ ସୃଷ୍ଟି ହେଉଥିବା ଅଭିଯୋଗ ହୋଇଛି। ଏନେଇ ଗତ ୨୦ତାରିଖରେ ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟ ଆଗରେ ଧାରଣା ଦିଆଯାଇଥିଲା।

ନାବକେଳିକୁ ଆସିଲେନି ଚଳନ୍ତି ପ୍ରତିମା ଚନ୍ଦ୍ରଶେଖର

ଆରଡ଼ି,୨୪।୪(ଡି.ଏନ.ଏ.)-ପ୍ରସିଦ୍ଧ ଶୈବପୀଠ ଆରଡ଼ିରେ ଚଳିତବର୍ଷ ବାବା ଆଖଣ୍ଡଳମଣିଙ୍କ ଚନ୍ଦନଚାପ ଓ ନାବକେଳି ବନ୍ଦ ରହିଛି। ମନ୍ଦିର ବେଢ଼ାର ନବୀକରଣ ସାଙ୍ଗକୁ ସଂଲଗ୍ନ ଶିବଗଙ୍ଗା ପୁଷ୍କରିଣୀର ପୁନରୁଦ୍ଧାର କରାଯାଉଥିବାରୁ ଏହା ଶୁଖିଲା ପଡ଼ିଛି। ଏଥିରୁ ପଙ୍କ ଉଦ୍ଧାର କରାଯିବା ପରେ ଏହା ପାର୍ଶ୍ୱରେ ଥିବା ଏକ ମାର୍କେଟ କମ୍ପ୍ଲେକ୍ସ ଭୁଶୁଡ଼ି ପଡ଼ିବା ଭଳି ଅଘଟଣ ଘଟିଛି। ଦୀର୍ଘ ୨୬ବର୍ଷ ଧରି ଅନୁଷ୍ଠିତ ହୋଇଆସୁଥିବା ଚନ୍ଦନ ଚାପ ଏଥର ବନ୍ଦ ରହିବା ଘଟଣା ଭକ୍ତଙ୍କ ଭାବାବେଗ ପ୍ରତି ଆଘାତ ସୃଷ୍ଟି କରିଛି। ପ୍ରତିବର୍ଷ ବାବା ଆଖଣ୍ଡଳମଣିଙ୍କ ଚଳନ୍ତି ପ୍ରତିମା ପ୍ରଭୁ ଚନ୍ଦ୍ରଶେଖରଙ୍କୁ ରୌପ୍ୟ ପାଲିଙ୍କିରେ ଆଣି ନାବରେ ବସାଇ ଚନ୍ଦନ ଚାପ ଖେଳାଯାଇ ଆସୁଥିଲା।

ହାତୀ ଉପଦ୍ରବ:  ୩ଏକର ପରିବା ଫସଲ ଧ୍ୱଂସ

ହାତୀ ଉପଦ୍ରବ: ୩ଏକର ପରିବା ଫସଲ ଧ୍ୱଂସ

ତେଲକୋଇ, ୨୪।୪(ଡି.ଏନ.ଏ)- କେନ୍ଦୁଝର ଜିଲା ତେଲକୋଇ ବନାଞ୍ଚଳ ଅଧୀନର ଛାମୁଣ୍ଡା ପଞ୍ଚାୟତ ଗୋଳାବନ୍ଧ ଗ୍ରାମରେ ଜଣେ ଚାଷୀଙ୍କ କ୍ଷେତରେ ୧୫ରୁ ଊର୍ଦ୍ଧ୍ୱ ବଣୁଆ ହାତୀ ପଶି ସମ୍ପୂର୍ଣ୍ଣ ଧ୍ୱଂସ କରିଦେଇଛନ୍ତି। ଏନେଇ ଚାଷୀ ଚିନ୍ମୟ କୁମାର ସାହୁ ସୋମବାର ବନାଞ୍ଚଳ ଅଧିକାରୀଙ୍କଠାରେ ଅଭିଯୋଗ କରିବା ସହିତ କ୍ଷତି ପୂରଣ ଦାବି କରିଛନ୍ତି। ଚାଷୀଙ୍କ ଅଭିଯୋଗ ଅନୁଯାୟୀ ରବିବାର ମଧ୍ୟରାତ୍ରିରେ ୧୫ରୁ ଊର୍ଦ୍ଧ୍ୱ ହାତୀ ଆସି ଜମିରେ ତରଭୁଜ ,ବୋଇତାଳୁ, କୋବି, କାକୁଡି, କଲରା ଫସଲ ସବୁ ଖାଇବା ସହିତ ଗୋଡରେ ଦଳି ଚେକଟି ଉଜାଡି ଦେଇଛନ୍ତିି।

ଶିକ୍ଷୟିତ୍ରୀ, ଶିକ୍ଷକଙ୍କୁ ପ୍ରଶିକ୍ଷଣ

ଶିକ୍ଷୟିତ୍ରୀ, ଶିକ୍ଷକଙ୍କୁ ପ୍ରଶିକ୍ଷଣ

ଘସିପୁରା,୨୪।୪(ଡି.ଏନ୍‌.ଏ.)- ସର୍ବଶିକ୍ଷା ଅଭିଯାନ ଆନୁକୂଲ୍ୟରେ କେନ୍ଦୁଝର ଜିଲା ଘସିପୁରା ବ୍ଲକ ରାମଚନ୍ଦ୍ରପୁର ହାଇସ୍କୁଲ ପରିସରରେ ୩ ଦିନିଆ ଉଜ୍ଜ୍ୱଳ ପ୍ରଶିକ୍ଷଣ ଶିବର ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକ ସୁଶାନ୍ତ କୁମାର ସାହୁ ଶିବିରକୁ ଉଦ୍‌ଘାଟନ କରିଥିଲେ। ଉକ୍ତ କେନ୍ଦ୍ରରେ ବିଭିନ୍ନ ବିଦ୍ୟାଳୟରୁ ୪୫ ଶିକ୍ଷୟିତ୍ରୀ ଓ ଶିକ୍ଷକ ଅଂଶଗ୍ରହଣ କରିଥିଲେ। ପ୍ରଶିକ୍ଷକ ଭାବେ ମହେନ୍ଦ୍ର କୁମାର କର, ଶରତ କୁମାର ସାହୁ, ରଶ୍ମିରଞ୍ଜନ ରାଉତ ପ୍ରମୁଖ ଯୋଗଦେଇଥିଲେ। ସିଆରସିସି ଗୋଲକବିହାରୀ ସାହୁ, ପ୍ରଫୁଲ୍ଲ କୁମାର ସାହୁ , ଶିକ୍ଷକ କୈଳାସ ଚନ୍ଦ୍ର ଜେନା, ବେଣୁଧର ପରିଡା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। ସେହିପରି ବଳରାମପୁରରେ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା।

ସ୍କୁଲ ପରିସରରୁ କଟାଗଲା ୨୨ ଶାଳ ଗଛ ତଦନ୍ତ ଦାବି କଲେ ଗ୍ରାମବାସୀ

ସ୍କୁଲ ପରିସରରୁ କଟାଗଲା ୨୨ ଶାଳ ଗଛ ତଦନ୍ତ ଦାବି କଲେ ଗ୍ରାମବାସୀ

ତେଲକୋଇ, ୨୪।୪(ଡି.ଏନ.ଏ.)-କେନ୍ଦୁଝର ଜିଲା ତେଲକୋଇ ବନାଞ୍ଚଳ କାଳିଆହତା ଫରେଷ୍ଟ ବିଟ ଅଧୀନ ଏକ ପ୍ରାଥମିକ ବିଦ୍ୟାଳୟ ପରିସରରେ ଥିବା ୨୨ଟି ମୂଲ୍ୟବାନ ଶାଳ ଗଛକୁ କାଟି ଦିଆଯାଇଛି। ଏହାକୁ ନେଇ ଅଞ୍ଚଳରେ ବିବାଦୀୟ ସ୍ଥିତି ସୃଷ୍ଟି ହୋଇଛି। କଟାଯାଇଥିବା ଗଛର ମୂଲ୍ୟ ପ୍ରାୟ ୮ ଲକ୍ଷ ଟଙ୍କା ହେବ। ଗତ ୨ଦିନ ମଧ୍ୟରେ ବିରିପାଳ ଗ୍ରାମ କୁଟାରୀ ନାଳୀ ସାହିରେ ଥିବା ଏହି ପ୍ରାଥମିକ ବିଦ୍ୟାଳୟ ପରିସରରୁ ଏସବୁ ଗଛ କଟାଯାଇଥିବାନେଇ ଗ୍ରାମବାସୀ ସୋମବାର ଜିଲା ବନାଞ୍ଚଳ ଅଧରକାରୀଙ୍କ ନିକଟରେ ଅଭିଯୋଗ କରି ଏହାର ତଦନ୍ତ ଦାବି କରିଛନ୍ତି।

ବୈତରଣୀ ବ୍ୟାରେଜ ପ୍ରକଳ୍ପ କାମ ଧିମା

ବୈତରଣୀ ବ୍ୟାରେଜ ପ୍ରକଳ୍ପ କାମ ଧିମା

ଆନନ୍ଦପୁର, ୨୪।୪(ଡି.ଏନ୍‌.ଏ.)-କେନ୍ଦୁଝର ଜିଲାର ଆନନ୍ଦପୁର ନିକଟରେ ବୈତରଣୀ ନଦୀ ଉପରେ ନିର୍ମାଣାଧୀନ ବ୍ୟାରେଜ୍‌ ପ୍ରକଳ୍ପ କାର୍ଯ୍ୟ ଧିମା ଗତିରେ ଚାଲିଛି। ଏହା କେବେ ଶେଷ ହେବ କାହାଠାରୁ ସୂଚନା ମିଳୁନାହିଁ। କେନାଲ ଖୋଳା କାମ ଅନେକ ସ୍ଥାନରେ ଅଧପନ୍ତରିଆ ଅବସ୍ଥାରେ ରହିଛି। ମୋରମ, ପଥର ଭଳି କଞ୍ଚାମାଲ୍‌ର ଅଭାବ ଏବଂ ଜମି ଅଧିଗ୍ରହଣ ସମସ୍ୟା ନିର୍ମାଣ କାମରେ ଅନ୍ତରାୟ ସୃଷ୍ଟି କରୁଛି। ଫଳରେ କେନ୍ଦୁଝର ଓ ବାଲେଶ୍ୱର ଜିଲାରେ ଚାଷ ଜମିିକୁ ଜଳସେଚନ ସୁବିଧା ଯୋଗାଇବା ଲକ୍ଷ୍ୟ ଅଧୁରା ହୋଇ ରହିଛି।

ବିଭିନ୍ନ ଦାବି ନେଇ ଶ୍ରମିକଙ୍କ ଧାରଣା

ବିଭିନ୍ନ ଦାବି ନେଇ ଶ୍ରମିକଙ୍କ ଧାରଣା

ରେମୁଣା, ୨୪।୪(ଡି.ଏନ.ଏ.)-ବାଲେଶ୍ୱର ଶିଳ୍ପାଞ୍ଚଳ ଥାନା ଅଧିନ ଜୟସ୍ବାଲ କାରଖାନା ଆଗରେ ଏମ୍ପ୍ଲୋୟିଜ୍‌ ୟୁନିୟନ ପକ୍ଷରୁ ସୋମବାର ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଗଣଧାରଣା ଦିଆଯାଇଛି। ଜାନୁୟାରୀ ୧୩ତାରିଖଠାରୁ ଆରମ୍ଭ ହୋଇଥିବା ଶ୍ରମିକ-କର୍ତ୍ତୃପକ୍ଷ ବିବାଦ ଦିନକୁ ଦିନ ଜଟିଳ ହେବାରେ ଲାଗିଛି । ଦୀର୍ଘ ୩୫ ବର୍ଷ ହେଲା କାରଖାନା କର୍ତ୍ତୃପକ୍ଷ ଶ୍ରମିକଙ୍କୁ ବିଭିନ୍ନ ଉପାୟରେ ଶୋଷଣ କରିଚାଲିଛି। ୩ମାସରୁ ଅଧିକ ହେବ କୌଣସି ଚୁକ୍ତି କରିନାହାନ୍ତି। ୧୬ ମାସର ଇପିଏଫ୍‌ ଜମା କରିନାହାନ୍ତି, ଦରମା ଦେଉନାହାନ୍ତି । ଶ୍ରମିକଙ୍କ ଦରମା ଠିକ୍‌ ସମୟରେ ଦେଉ ନ ଥିବାରୁ ଜାନୁୟାରୀ ୧୩ତାରିଖଠାରୁ ଏପର୍ଯ୍ୟନ୍ତ ସ୍ଥାୟୀ ଶ୍ରମିକଙ୍କୁ ଡ୍ୟୁଟି ନ ଦେଇ ଠିକା ଶ୍ରମିକଙ୍କ ଦ୍ୱାରା କାରଖାନା ଚଳାଯାଉଥିବା ଶ୍ରମିକ ନେତା ଅରୁଣ ସ୍ବାଇଁ ଅଭିଯୋଗ କରିଛନ୍ତି।

ଟ୍ରେନ୍‌ ଯାତ୍ରୀଙ୍କୁ ନିଶା ଦେଇ ଲୁଟ୍‌

ଟ୍ରେନ୍‌ ଯାତ୍ରୀଙ୍କୁ ନିଶା ଦେଇ ଲୁଟ୍‌

ବସ୍ତା,୨୪।୪-ପୁରୀରୁ ହାଓ୍ବଡ଼ା୍‌ ଯାଉଥିବା ଡାଉନ୍‌ ଧଉଳି ଏକ୍ସପ୍ରେସ୍‌ରୁ ଅଚେତ ଅବସ୍ଥାରେ ଜଣେ ଯୁବକଙ୍କୁ ବସ୍ତା ରେଳ କର୍ମଚାରୀ ସୋମବାର ଉଦ୍ଧାର କରି ବସ୍ତା ଡାକ୍ତରଖାନାରେ ଭର୍ତ୍ତି କରିଛନ୍ତି। ଉଦ୍ଧାର ଯୁବକଙ୍କ ନିକଟରୁ ମିଳିଥିବା ଆଧାରକାର୍ଡ଼ ଏବଂ ହାଇସ୍କୁଲ ସାର୍ଟିଫିକେଟ୍‌ରେ ଜେରକ୍ସ କପି ଅନୁସାରେ ସେ ସ୍ଥାନୀୟ ଭଦ୍ରକ କୋହ୍ଲା ଅଞ୍ଚଳର ପ୍ରଫୁଲ କୁମାର ପାଣିଗ୍ରାହୀଙ୍କ ପୁଅ ରାଜକୁମାର ପାଣିଗ୍ରାହୀ। ତାଙ୍କୁ କୋଲ୍‌ଡ୍ରିଙ୍କ୍‌ରେ କେହି ନିଶା ଦେଇ ଲୁଟ୍‌ କରିଥିବା ଜଣାପଡ଼ିଛି।

କାଳବୈଶାଖୀ: ଅନ୍ଧାରରେ ଖଇରା

କାଳବୈଶାଖୀ: ଅନ୍ଧାରରେ ଖଇରା

ଖଇରା, ୨୪।୪(ଡି.ଏନ.ଏ.)-ସୋମବାର ଅପରାହ୍ନରେ ଖଇରା ବ୍ଲକରେ କାଳବୈଶାଖୀ ପ୍ରଭାବରେ ବ୍ୟାପକ କ୍ଷୟକ୍ଷତି ହୋଇଛି।

ଭୁଶୁଡିଲା ବ୍ରିଟିଶ୍‌ ଅମଳର ପୋଲ ଗାନ୍ଧିଛକ-ବସ୍ତା ରାସ୍ତାରେ ଯାତାୟାତ ପ୍ରଭାବିତ

ଭୁଶୁଡିଲା ବ୍ରିଟିଶ୍‌ ଅମଳର ପୋଲ ଗାନ୍ଧିଛକ-ବସ୍ତା ରାସ୍ତାରେ ଯାତାୟାତ ପ୍ରଭାବିତ

ବସ୍ତା, ୨୪।୪-ବସ୍ତା ବ୍ଲକ ଅନ୍ତର୍ଗତ ବସ୍ତା-ଗାନ୍ଧିଛକ ରାସ୍ତାରେ ତିନିମୁହାଁଁ ପୋଲ ଭାବେ ପରିଚିତ ବ୍ରିଟିଶ ଅମଳର ପୋଲର କିଛି ଅଂଶ ସୋମବାର ମଧ୍ୟାହ୍ନରେ ଭୁଶୁଡି ପଡିଛି। ଏଥିଯୋଗୁ ଏହି ରାସ୍ତାରେ ଯାତାୟାତ ପ୍ରଭାବିତ ହୋଇଛି।

ରାଗ ଶୁଝାଉଛି ବନବିଭାଗ

ରାଗ ଶୁଝାଉଛି ବନବିଭାଗ

ସଜନାଗଡ଼, ୨୪।୪(ଡି.ଏନ.ଏ.)-ଆଦିବାସୀ ମହିଳାଙ୍କୁ ଅସଦାଚରଣ ଉଦ୍ୟମ ଘଟଣାକୁ ନେଇ ବାଲେଶ୍ୱର ଜିଲା ସଜନାଗଡ଼ ପଞ୍ଚାୟତ ତେଣ୍ଡାଠାରେ ସୋମବାର ଏକ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ‘ଜଙ୍ଗଲ ଜୀବନଜୀବିକା ସୁରକ୍ଷା ମଞ୍ଚ’ର ଆବାହକ ରଥ ସିଂ, ଗରଡି ସରପଞ୍ଚ ମୀତାରାଣୀ ସିଂ, ତେଲିପାଳ ସରପଞ୍ଚ ସେରାଲ ବାସ୍‌କେ, କେଶିପୁର ସରପଞ୍ଚ ମହେନ୍ଦ୍ର ସିଂ ଏବଂ ନୀଳଗିରି ସିପିଏମ୍‌ ଦଳର ଜ୍ୟୋତିର୍ମୟୀ ରାଉତ, ଉପେନ୍ଦ୍ର ଦାସ, ଉପେନ୍ଦ୍ର ନାୟକ, ମାନସ ମହାଳିକ, ବୈଦ୍ୟନାଥ ସିଂ ଓ ତେଣ୍ଡା ଗ୍ରାମବାସୀ ଏବଂ ପୀଡ଼ିତାଙ୍କ ପରିବାର ଯୋଗ ଦେଇଥିଲେ।