ରାଜ୍ୟ

ବାଇକ୍‌କୁ ଧକ୍କା ଦେଲା ହାଇଓ୍ବା: ଜଣେ ମୃତ, ଜଣେ ଗୁରୁତର

ବାଇକ୍‌କୁ ଧକ୍କା ଦେଲା ହାଇଓ୍ବା: ଜଣେ ମୃତ, ଜଣେ ଗୁରୁତର

ଚଣ୍ଡିଖୋଲ,୧୫।୪(ଡି.ଏନ୍‌.ଏ.): ବଡଚଣା-ଦର୍ପଣ ରାସ୍ତାର ଚଣ୍ଡିଖୋଲ ଡାକବଙ୍ଗଳା ନିକଟରେ ରବିବାର ଅପରାହ୍ନ ୨ଟା ସମୟରେ ଏକ ହାଇୱା ଧକ୍କା ଦେବାରୁ ଜଣେ ମୋଟରସାଇକେଲ ଆରୋହୀଙ୍କ ମୃତ୍ୟୁ ଘଟିଛି। ଏଥିରେ ଅନ୍ୟଜଣେ ଗୁରୁତର ଆହତ ହୋଇଥିବା ସୂଚନା ମିଳିଛି।

ଆଇଆଇଏମ୍‌ ସମ୍ବଲପୁର ୨ୟ ସମାବର୍ତ୍ତନ ଉତ୍ସବ: ଯୋଗଦେଲେ ମୁଖ୍ୟମନ୍ତ୍ରୀ

ଆଇଆଇଏମ୍‌ ସମ୍ବଲପୁର ୨ୟ ସମାବର୍ତ୍ତନ ଉତ୍ସବ: ଯୋଗଦେଲେ ମୁଖ୍ୟମନ୍ତ୍ରୀ

ବୁର୍ଲା,୧୫।୪ (ଡି.ଏନ୍‌.ଏ.): ସମ୍ବଲପୁର ବିଶ୍ୱବିଦ୍ୟାଳୟର ବିଜୁ ପଟ୍ଟନାୟକ ଅଡିଟୋରିୟମ୍‌ରେ ସମ୍ବଲପୁର ଆଇଆଇଏମ୍‌ର ୨ୟ ସମାବର୍ତ୍ତନ ଉତ୍ସବ ରବିବାର ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟଅତିଥି ଭାବେ ଯୋଗ ଦେଇଥିଲେ।

ହଟିଲେ ଶୁଭଙ୍କର ସରକାର: ଦାୟିତ୍ୱ ନେଲେ ୩ ସମ୍ପାଦକ

ହଟିଲେ ଶୁଭଙ୍କର ସରକାର: ଦାୟିତ୍ୱ ନେଲେ ୩ ସମ୍ପାଦକ

ଭୁବନେଶ୍ୱର, ୧୫।୪(ବ୍ୟୁରୋ): ଅଲ୍‌ ଇଣ୍ଡିଆ କଂଗ୍ରେସ କମିଟି(ଏଆଇସିସି) ଓଡ଼ିଶା ସମ୍ପାଦକ ପଦରୁ ଶୁଭଙ୍କର ସରକାରଙ୍କୁ ହଟାଯାଇଛି। ତାଙ୍କ ସ୍ଥାନରେ ୩ ଜଣଙ୍କୁ ନୂତନ ସମ୍ପାଦକ ଓ ଜଣଙ୍କୁ ଯୁଗ୍ମ ସମ୍ପାଦକ ଭାବେ ନିଯୁକ୍ତି ଦିଆଯାଇଛି।

କଠୁଆ ଗଣବଳାତ୍କାର ମାମଲା: ଯୁବ କଂଗ୍ରେସର ନୀରବ ପ୍ରତିବାଦ

କଠୁଆ ଗଣବଳାତ୍କାର ମାମଲା: ଯୁବ କଂଗ୍ରେସର ନୀରବ ପ୍ରତିବାଦ

ବରଗଡ଼ ଅଫିସ,୧୫।୪: ଭାଜପା-ପିଡିପି ମେଣ୍ଟ ଶାସିତ ଜମ୍ମୁ-କଶ୍ମୀର ଅନ୍ତର୍ଗତ କଠୁଆ ଜିଲା ଅନ୍ତର୍ଗତ ବକେରଓ୍ବାଲ ଗ୍ରାମରେ ଜଣେ ୮ ବର୍ଷୀୟା ନାବାଳିକାଙ୍କୁ ଗଣବଳାତ୍କାର ଓ ହତ୍ୟା ଘଟଣାକୁ ନେଇ ଦେଶବ୍ୟାପୀ ଆନ୍ଦୋଳନ, ପ୍ରତିବାଦ ତେଜି ଉଠିଛି।

ଧାର୍ଯ୍ୟ ସମୟ ଶେଷ ହୋଇ ୭ ମାସ ବିତିଲା: ସରିଲାନି ତେଲ ନଦୀ ପୋଲ କାମ

ଧାର୍ଯ୍ୟ ସମୟ ଶେଷ ହୋଇ ୭ ମାସ ବିତିଲା: ସରିଲାନି ତେଲ ନଦୀ ପୋଲ କାମ

ଜୁନାଗଡ,୧୫।୪(ଡି.ଏନ୍‌.ଏ)-ଗମନାଗମନର ସୁବିଧା ଓ ଗୁରୁତ୍ୱପୂର୍ଣ୍ଣ ଅଞ୍ଚଳକୁ ସଂଯୋଗ କରିବା ପାଇଁ ରାଜ୍ୟ ସରକାର ବିଜୁସେତୁ ଯୋଜନା ଆରମ୍ଭ କରିଛନ୍ତି। ଏଥିପାଇଁ ବିଭିନ୍ନ ନଦୀ ନାଳ ଉପରେ ପୋଲ ତିଆରି କରି ବାର୍ଷିକ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ଏପରିକି ଏହି ପୋଲ କାମ ନିର୍ଦ୍ଦିଷ୍ଟ ସମୟ ସୀମା ମଧ୍ୟରେ ସାରିବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଉଛି। ତେବେ ବିଭାଗୀୟ ଅଧିକାରୀଙ୍କ ମାତ୍ରାଧିକ ଠିକାଦାର ପ୍ରୀତି ଯୋଗୁ ଏହି ଯୋଜନା ଏବେ ସଫଳ ରୂପାୟନ ହୋଇପାରୁନାହିଁ। ଫଳରେ ଧାର୍ଯ୍ୟ ସମୟ ଅତିକ୍ରାନ୍ତ ହେବା ପରେ ମଧ୍ୟ ପୋଲ ତିଆରି କାମ ସରିପାରୁନି। ଏପରି ଏକ ଉଦାହରଣ ଦେଖିବାକୁ ମିଳିଛି କଳାହାଣ୍ଡି ଜିଲା ଜୁନାଗଡ ବ୍ଲକ ଆଟିଗାଁ ତେଲ ନଦୀ ଉପରେ ତିଆରି ହେଉଥିବା ବିଜୁ ସେତୁ କାମରେ। ରାଜ୍ୟ ସରକାର ଜୁନାଗଡ ବ୍ଲକ ଓ ଗୋଲାମୁଣ୍ଡା ବ୍ଲକ ମଧ୍ୟରେ ସଂଯୋଗ କରିବା ଉଦ୍ଦେଶ୍ୟରେ ଆଟିଗାଁ ତେଲ ନଦୀ ଉପରେ ଏକ ବିଜୁ ସେତୁ ନିର୍ମାଣ ପାଇଁ ଅନୁମୋଦନ କରିଥିଲେ। ଭବାନୀପାଟଣା ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ୧୩୩୯-୭ ଲକ୍ଷ ଟଙ୍କା ବ୍ୟୟ ଅଟକଳରେ ଜୁନାଗଡ଼ ବ୍ଲକର ଆଟିଗାଁ ଠାରୁ ଗୋଲାମୁଣ୍ଡା ବ୍ଲକର ଡୋକ୍ରିପଡା ରାସ୍ତାର ତେଲ ନଦୀ ଉପରେ ଏହି ସେତୁ ନିର୍ମାଣ କାମ ଆରମ୍ଭ ହୋଇଥିଲା। ନିର୍ମାଣର ଦାୟିତ୍ୱ ଏକ ଠିକା ସଂସ୍ଥାକୁ ପ୍ରଦାନ କରାଯାଇଥିଲା। ଏହି ପୋଲ କାମ ୧/୫/୨୦୧୫ରେ ଆରମ୍ଭ ହୋଇ ୩୧/୮/୨୦୧୭ରେ ସାରିବାକୁ ଅବଧି ରହିଥିଲା। ବର୍ତ୍ତମାନ ଏହି ପୋଲ କାମର ଧାର୍ଯ୍ୟ ସମୟ ଅତିକ୍ରାନ୍ତ ହୋଇ ଇତିମଧ୍ୟରେ ୭ ମାସ ବିତିଯାଇଥିଲେ ମଧ୍ୟ ଏ ଯାଏଁ ଅଧପ୍ରତିଶତ କାମ ମଧ୍ୟ ସରି ନ ଥିବା ଦେଖିବାକୁ ମିଳିଛି।

୨ ବର୍ଷ ୨ ମାସ ପରେ ଖୋଲିବ ଜଗମୋହନ: ସକାଳଧୂପ ପରେ ଦର୍ଶନ

୨ ବର୍ଷ ୨ ମାସ ପରେ ଖୋଲିବ ଜଗମୋହନ: ସକାଳଧୂପ ପରେ ଦର୍ଶନ

ପୁରୀ ଅଫିସ, ୧୫।୪: ଦୀର୍ଘ ୨ ବର୍ଷ ୨ ମାସ ପରେ ସୋମବାରଠାରୁ ଶ୍ରୀମନ୍ଦିର ଜଗମୋହନରୁ ଭକ୍ତମାନେ ମହାପ୍ରଭୁଙ୍କୁ ଦର୍ଶନ କରିବେ। ସୋମବାର ଶ୍ରୀମନ୍ଦିରରେ ମହାପ୍ରଭୁଙ୍କ ସକାଳଧୂପ ନୀତି ପରେ ଦର୍ଶନ ଆରମ୍ଭ ହେବ । ଜଗମୋହନର ଭିତର କାଠ ନିକଟରୁ ଭକ୍ତମାନେ ଦର୍ଶନ କରିପାରିବେ। କିନ୍ତୁ ଅନ୍ୟ ଦିନମାନଙ୍କରେ ମଙ୍ଗଳ ଆଳତି ପରଠାରୁ ଜଗମୋହନରୁ ଭକ୍ତଙ୍କ ଦର୍ଶନ ଆରମ୍ଭ ହେବ। ନୀତିକାନ୍ତି ସମୟରେ ବିଶେଷକରି ଭୋଗ ସମୟରେ ମହାପ୍ରଭୁଙ୍କ ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ନୀତି ପ୍ରଶାସକ ପ୍ରଦୀପ ଦାସ ରବିବାର ସୂଚନା ଦେଇଛନ୍ତି।

ମୁଖ୍ୟମନ୍ତ୍ରୀ ରାଜ୍ୟର ବିକାଶରେ ଧ୍ୟାନ ଦିଅନ୍ତୁ: ଧର୍ମେନ୍ଦ୍ର

ମୁଖ୍ୟମନ୍ତ୍ରୀ ରାଜ୍ୟର ବିକାଶରେ ଧ୍ୟାନ ଦିଅନ୍ତୁ: ଧର୍ମେନ୍ଦ୍ର

ଭୁବନେଶ୍ୱର,୧୫।୪(ବ୍ୟୁରୋ): ପଞ୍ଚଦଶ ଅର୍ଥ କମିଶନର ଟିଓଆର୍‌(ଟର୍ମ ଅଫ୍‌ ରେଫରେନ୍ସ) ପରିବର୍ତ୍ତନ କରିବା ଏବଂ ରାଜ୍ୟକୁ ସ୍ବତନ୍ତ୍ର ପାହ୍ୟା ମାନ୍ୟତା ପ୍ରଦାନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତ ୧୩ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଥିଲେ।

ବିଜେଡିର ମହାସମ୍ମିଳନୀ ପ୍ରସ୍ତୁତି ବୈଠକ: ବହୁ ବରିଷ୍ଠ ନେତା ସାମିଲ

ବିଜେଡିର ମହାସମ୍ମିଳନୀ ପ୍ରସ୍ତୁତି ବୈଠକ: ବହୁ ବରିଷ୍ଠ ନେତା ସାମିଲ

ଭୁବନେଶ୍ୱର,୧୫।୪(ବ୍ୟୁରୋ): ମହାନଦୀକୁ ନେଇ ବିଜେଡିର ମହାସମ୍ମିଳନୀ ବୈଠକ ପୂର୍ବରୁ ରବିବାର ଦଳୀୟ କାର୍ଯ୍ୟାଳୟଠାରେ ପ୍ରସ୍ତୁତି ବୈଠକ ଆରମ୍ଭ ହୋଇଛି। ଏହି ବୈଠକରେ ଦଳର ବହୁ ବରିଷ୍ଠ ନେତା ସାମିଲ ହୋଇଛନ୍ତି।

ଜମିରେ ମାଡୁଛି କେମିକାଲ୍‌ ପାଣି, ମିଲ୍କ ମନ୍ତ୍ର ଅଫିସ ସମ୍ମୁଖରେ ଚାଷୀଙ୍କ ଧାରଣା

ଜମିରେ ମାଡୁଛି କେମିକାଲ୍‌ ପାଣି, ମିଲ୍କ ମନ୍ତ୍ର ଅଫିସ ସମ୍ମୁଖରେ ଚାଷୀଙ୍କ ଧାରଣା

ଗୋପ,୧୫।୪(ଡି.ଏନ୍‌.ଏ): ଗୋପ-କୋଣାର୍କ ରାସ୍ତାର ଶାରଡାଠାରେ ଥିବା ମିଲ୍କ ମନ୍ତ୍ର ଅଫିସ ସମ୍ମୁଖରେ ବଗଳେଇ ଗ୍ରାମର ଚାଷୀମାନେ ରବିବାର ଧାରଣା ଦେଇଛନ୍ତି।

୪ ବର୍ଷୀୟା ନାବାଳିକାଙ୍କୁ ବଳାତ୍କାର ଅଭିଯୋଗ

୪ ବର୍ଷୀୟା ନାବାଳିକାଙ୍କୁ ବଳାତ୍କାର ଅଭିଯୋଗ

ସଜନାଗଡ଼,୧୫।୪(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରି ଥାନା ବାଉଁଶବଣିଆ ପଞ୍ଚାୟତ ହାଟସାହି ଗ୍ରାମର ଜଣେ ୪ ବର୍ଷୀୟା ନାବାଳିକାଙ୍କୁ ବଳାତ୍କାର କରାଯାଇଥିବା ରବିବାର ଅଭିଯୋଗ ହୋଇଛି। ଚକୋଲେଟ ପ୍ରଲୋଭନ ଦେଖାଇ ଉକ୍ତ ଗ୍ରାମର ଜଣେ ଯୁବକ ବଳାତ୍କାର କରିଛନ୍ତିି।

ମାସ ଅଧା ହେଲାଣି, ମିଳିଲାନି ଦରମା

ମାସ ଅଧା ହେଲାଣି, ମିଳିଲାନି ଦରମା

ଭୁବନେଶ୍ୱର,୧୪। ୪(ବ୍ୟୁରୋ)ସରକାରୀ କର୍ମଚାରୀମାନଙ୍କର ଦରମା ମିଳିବା ବିମ୍ବଳ ହୋଇଛି। ପ୍ରତିମାସ ୧ରୁ ୪ ତାରିଖ ମଧ୍ୟରେ ଦରମା ପାଉଥିବା ୪ ଲକ୍ଷ କର୍ମଚାରୀ ଏପ୍ରିଲ ମାସ ୧୬ ତାରିଖ ସୁଦ୍ଧା ମଧ୍ୟ ଦରମା ପାଇପାରିବେ ନାହିଁ। ମାସ ଅଧା ହେବାକୁ ବସିଥିବା ବେଳେ ଦରମା ନ ପାଇ ପରିବାର ପ୍ରତିପୋଷଣ ନେଇ ହଇରାଣ ହରକତ ହେଉଛନ୍ତି ବୋଲି କର୍ମଚାରୀମାନେ କହିଛନ୍ତି। ମାନବ ସମ୍ବଳ ପରିଚାଳନା ବ୍ୟବସ୍ଥା(ଏଚଆରଏମଏସ) ତ୍ରୁଟି ଯୋଗୁ ଦରମା ପ୍ରଦାନରେ ବିଳମ୍ବ ହୋଇଥିବା କୁହାଯାଉଛି। ଅର୍ଥମନ୍ତ୍ରୀ ଶଶିଭୂଷଣ ବେହେରା କହିଛନ୍ତି ଯେ, ବଜ୍ରପାତ ଯୋଗୁ ଏଚଆରଏମଏସ ସର୍ଭର ପୋଡି ଯାଇଥିବାରୁ ବୈଷୟିକ ସମସ୍ୟା ସୃଷ୍ଟି ହୋଇଛି। ଅପଡେଟ ହେବା ପାଇଁ ବିଳମ୍ବ ହେଉଥିବାରୁ ସମୟ ଲାଗୁଛି। ଖୁବ୍‌ଶୀଘ୍ର ଏହା ଠିକ ହୋଇ ଦରମା ପ୍ରଦାନରେ ସହାୟକ ହେବ ବୋଲି ସେ କହିଛନ୍ତି।

ଗୋପୀନାଥ ଦେବଙ୍କ ସମ୍ପତ୍ତି ଅସୁରକ୍ଷିତ

ଗୋପୀନାଥ ଦେବଙ୍କ ସମ୍ପତ୍ତି ଅସୁରକ୍ଷିତ

ପୁରୀ ଅଫିସ, ୧୪।୪ଭୁବନେଶ୍ୱର ସହରର ମହୁଆ ମୌଜାରେ ସତ୍ୟବାଦୀ ଗୋପୀନାଥ ଦେବଙ୍କ ରହିଥିବା ୧୦କୋଟିରୁ ଊର୍ଦ୍ଧ୍ୱ ଟଙ୍କା ମୂଲ୍ୟର ୪୫୩ ଡେସିମିଲ ଜମିକୁ ହଡ଼ପ କରାଯାଇଛି। ସତ୍ୟବାଦୀ ଗୋପୀନାଥ ଦେବ ଟ୍ରଷ୍ଟବୋର୍ଡ ଏବଂ ଦେବୋତ୍ତର ବିଭାଗର ଅଗୋଚରରେ ମାର୍ଫତଦାର ତଥା ପ୍ରଜା ସ୍ବତ୍ୱରେ ରହିଥିବା ଏହି ଜମିକୁ ବିକ୍ରି କରାଯାଇଛି। ଏହି କେଳେଙ୍କାରୀ ଧରାପଡିବା ପରେ ରାଜ୍ୟ ଦେବୋତ୍ତର କମିଶନରଙ୍କ ନିକଟରେ ଓଡ଼ିଶା ହିନ୍ଦୁ ଦେବୋତ୍ତର ଆଇନର ଧାରା ୨୫ ବଳରେ ଏକ ମାମଲା ରୁଜୁ ହୋଇଛି। ଉକ୍ତ ଜମିକୁ ପୁନରୁଦ୍ଧାର କରି ମନ୍ଦିରକୁ ହସ୍ତାନ୍ତର କରିବା ଲାଗି ଖୋର୍ଦ୍ଧା ଜିଲାପାଳଙ୍କୁ ନିର୍ଦ୍ଦେଶ ଦେବାକୁ ଉଲ୍ଲେଖ ରହିଛି। ଖୁବ୍‌ଶୀଘ୍ର ଉଭୟ ପକ୍ଷଙ୍କୁ ନୋଟିସ ଜାରି କରି ମାମଲାର ବିଚାର କରାଯିବ ବୋଲି ଦେବୋତ୍ତର କମିଶନର ବିରଜା ପ୍ରସାଦ ଦତ୍ତ କହିଛନ୍ତି।

ରାଜ୍ୟସ୍ତରୀୟ ଓଡ଼ିଆ ନବବର୍ଷ ମହୋତ୍ସବ ଉଦ୍‌ଘାଟିତ: ‘ଓଡ଼ିଶାବାସୀଙ୍କ ଜୀବନ ସୁନ୍ଦର, ସରଳ’

ରାଜ୍ୟସ୍ତରୀୟ ଓଡ଼ିଆ ନବବର୍ଷ ମହୋତ୍ସବ ଉଦ୍‌ଘାଟିତ: ‘ଓଡ଼ିଶାବାସୀଙ୍କ ଜୀବନ ସୁନ୍ଦର, ସରଳ’

ଭୁବନେଶ୍ୱର,୧୪।୪(ବ୍ୟୁରୋ)- ଓଡ଼ିଶାର ସଂସ୍କୃତି ମହାନ। ଏହି ମାଟି ବହୁ କ୍ରାନ୍ତିକାରୀ ବୀର ତଥା ମହାମାନ୍ୟ ବ୍ୟକ୍ତିଙ୍କୁ ଜନ୍ମ ଦେଇଛି। ଏଠାକାର ଭାଷା, ସାହିତ୍ୟ, ଚିତ୍ରକଳା, ଶିଳ୍ପ, ସ୍ଥାପତ୍ୟ ଓ ଭାସ୍କର୍ଯ୍ୟ ସବୁଥିରେ ରହିଛି ସ୍ବତନ୍ତ୍ରତା। ଓଡ଼ିଶାବାସୀଙ୍କ ଜୀବନ ଅତି ସୁନ୍ଦର ଓ ସରଳ। ଏହାର ଭାଷା ବହୁ ପ୍ରାଚୀନ। ଏହାର ଶାସ୍ତ୍ରୀୟତାକୁ ସରକାର ମଧ୍ୟ ସ୍ବୀକୃତି ଦେଇଛନ୍ତି। ଓଡ଼ିଆ ଭାଷାକୁ ଆହୁରି ରୁଦ୍ଧିମନ୍ତ କରିବା ପାଇଁ ରାଜ୍ୟ ସରକାର ଉଦ୍ୟମ କରିଆସୁଛନ୍ତି ବୋଲି ଅର୍ଥ ଓ ଅବକାରୀ ମନ୍ତ୍ରୀ ଶଶିଭୂଷଣ ବେହେରା କହିଛନ୍ତି। ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଶନିବାର ଉତ୍କଳ ମଣ୍ଡପଠାରେ ଆୟୋଜିତ ରାଜ୍ୟସ୍ତରୀୟ ଓଡ଼ିଆ ନବବର୍ଷ ମହୋତ୍ସବର ଉଦ୍‌ଘାଟନୀ ଉତ୍ସବରେ ମନ୍ତ୍ରୀ ବେହେରା ଏହା କହିଥିଲେ।

ପିସିସିରେ ହେବ ଆମୂଳଚୂଳ ପରିବର୍ତ୍ତନ

ପିସିସିରେ ହେବ ଆମୂଳଚୂଳ ପରିବର୍ତ୍ତନ

ଭୁବନେଶ୍ୱର,୧୪।୪(ବ୍ୟୁରୋ)ଓଡ଼ିଶା ପ୍ରଦେଶ କଂଗ୍ରେସର ଆମୂଳଚୂଳ ପରିବର୍ତ୍ତନ କରାଯିବ। ଏନେଇ ଶନିବାର ସୂଚନା ଦେଇଛନ୍ତି ପିସିସି ସଭାପତି ପ୍ରସାଦ ହରିଚନ୍ଦନ। ସମ୍ବିଧାନ ପ୍ରଣେତା ବାବା ସାହେବ ଭୀମରାଓ ଆମ୍ବେଡକରଙ୍କ ଜୟନ୍ତୀ କାର୍ଯ୍ୟକ୍ରମ ଅବସରରେ ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନରେ ସେ କହିଛନ୍ତି ଯେ, କିଛିମାସ ପୂର୍ବରୁ ସାଙ୍ଗଠନିକ ନିର୍ବାଚନ ସରିଯାଇଛି। ତେଣୁ ପରିବର୍ତ୍ତନ ହେବ ବୋଲି ବର୍ଷେ ପୂର୍ବରୁ କହିଆସୁଛୁ। ବୁଥ୍‌ସ୍ତରରୁ ରାଜ୍ୟସ୍ତରୀୟ ସଙ୍ଗଠନରେ ପରିବର୍ତ୍ତନ ହେବ। ଖୁବ୍‌ଶୀଘ୍ର ଦଳୀୟ ପଦାଧିକାରୀଙ୍କ ନାମ ଘୋଷଣା କରାଯିବ ବୋଲି ସେ ସୂଚନା ଦେଇଛନ୍ତି।ମିଳିଥିବା ସୂଚନା ଅନୁଯାୟୀ ରାଜ୍ୟରେ ଦଳର ୩୩ଟି ସାଙ୍ଗଠନିକ ଜିଲା ସଭାପତି ପାଇଁ ଏଆଇସିସିକୁ ସୁପାରିସ କରାଯାଇଛି। ଏଆଇସିସି ଖୁବ୍‌ଶୀଘ୍ର ଏହି ନାଁଗୁଡିକ ଘୋଷଣା କରିବେ।

ମିସେସ୍‌ ଇଣ୍ଡିଆ ପ୍ରତିଯୋଗିତା ଶିବାଙ୍ଗୀ ପ୍ରଥମ ରନର୍ସ ଅପ୍‌

ମିସେସ୍‌ ଇଣ୍ଡିଆ ପ୍ରତିଯୋଗିତା ଶିବାଙ୍ଗୀ ପ୍ରଥମ ରନର୍ସ ଅପ୍‌

ରାଉରକେଲା ଅଫିସ, ୧୪। ୪ମିସେସ୍‌ ଋତିକା ୟଦୱା ଏସିଆ ପାସିଫିକ, ବିନୟ ୟଦ୍‌ୱା ଏବଂ ଆଦିବା ଇନୋଭେଶନ ଦ୍ୱାରା ନୂଆଦିଲ୍ଲୀର ଏକ ହୋଟେଲରେ ଅନୁଷ୍ଠିତ ମିସେସ ଇଣ୍ଡିଆ କୁଇନ୍‌ ଅଫ୍‌ ସବ୍‌ଷ୍ଟାନ୍ସ ପ୍ରତିଯୋଗିତାରେ ରାଉରକେଲାର ଝିଅ ତଥା ପାଟନାର ବୋହୂ ଶିବାଙ୍ଗୀ ସରାଫ ପ୍ରଥମ ରନର୍ସ ଅପ୍‌ ହେବାର ସୌଭାଗ୍ୟ ଅର୍ଜନ କରିଛନ୍ତି। ଏହି ପ୍ରତିଯୋଗିତାରେ ପୁଣେର ଶିବାନୀ ନାୟକ ପ୍ରଥମ ସ୍ଥାନ ହାସଲ କରିଛନ୍ତି। ଶିବାଙ୍ଗୀ ହେଉଛନ୍ତି ଡେଲି ମାର୍କେଟ୍‌ ଅଞ୍ଚଳର ଝିଅ। ସେ ପାଟନାରେ ବିବାହ କରିଛନ୍ତି।

ଓଡ଼ିଆ ଛାତ୍ର ଅନୁରାଗ ଯିବେ ନାସା

ଓଡ଼ିଆ ଛାତ୍ର ଅନୁରାଗ ଯିବେ ନାସା

ନବରଙ୍ଗପୁର,୧୪।୪(ବି.ପ୍ର.)ନବରଙ୍ଗପୁର ଜିଲା ଉମରକୋଟ ବ୍ଲକର ଅଶୋକ ନଗର ସାହିର ଦଶମ ଶ୍ରେଣୀ ଛାତ୍ର ଅନୁରାଗ ମିଶ୍ର ମେ ୨୪ ତାରିଖରେ ଆମେରିକାର ନାସା ଯିବେ। ସେଠାରେ ସେ ଏକ ପ୍ରୋଜେକ୍ଟ ଉପସ୍ଥାପନ କରିବେ ଏବଂ ବୈଜ୍ଞାନିକଙ୍କ ସହ ଭାବ ବିନିମୟ କରିବେ। ଉମରକୋଟ ଅଶୋକ ନଗର ସାହିର ନଳିନୀ ରଞ୍ଜନ ମିଶ୍ରଙ୍କ ପୁଅ ଅନୁରାଗ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଉମରକୋଟର ଏସ.ଏନ. ପବ୍ଲିକ ସ୍କୁଲରେ ପାଠ ପଢୁଥିଲେ। ୯ମ ଶ୍ରେଣୀ ଠାରୁ ବିଶାଖାପାଟଣାର ଚୈତନ୍ୟ ଶିକ୍ଷାନୁଷ୍ଠାନରେ ପାଠ ପଢୁଛନ୍ତି

ଏଣିକି ଅନ୍‌ଲାଇନ୍‌ରେ ମିଳିବ ସାର୍ଟିଫିକେଟ୍‌

ଏଣିକି ଅନ୍‌ଲାଇନ୍‌ରେ ମିଳିବ ସାର୍ଟିଫିକେଟ୍‌

ଭୁବନେଶ୍ୱର, ୧୪।୪(ବ୍ୟୁରୋ)- ଓଡ଼ିଶା କମନ୍‌ ଆପ୍ଲିକେଶନ୍‌ ପୋର୍ଟାଲ୍‌ ପକ୍ଷରୁ ‘ଡିଜିଟାଲ୍‌ ଉତ୍କଳ ୟୁନିଭର୍ସିଟି ଇନିସିଏଟିଭ’ର ଅନ୍‌ଲାଇନ୍‌ ସେବା ଉଦ୍‌ଘାଟିତ ହୋଇଛି। ପୋର୍ଟାଲରେ ଉତ୍କଳ ବିଶ୍ୱବିଦ୍ୟାଳୟ ଛାତ୍ରୀଛାତ୍ର ରେଜିଷ୍ଟ୍ରେଶନ୍‌, ମାଇଗ୍ରେସନ୍‌ ଓ ଅନ୍ୟାନ୍ୟ ସାର୍ଟିଫିକେଟ୍‌ ଲାଗି ଅନ୍‌ଲାଇନ୍‌ରେ ଆବେଦନ କରିପାରିବେ। ସେମାନଙ୍କୁ ସାର୍ଟିଫିକେଟ୍‌ ଅନ୍‌ଲାଇନ୍‌ରେ ଯୋଗାଇ ଦିଆଯିବ।

ଗଞ୍ଜାମ ଜିଲା କଂଗ୍ରେସ ବୈଠକରେ ନିଷ୍ପତ୍ତି: ନବକଳେବର ହେବ ସଂଗଠନ

ଗଞ୍ଜାମ ଜିଲା କଂଗ୍ରେସ ବୈଠକରେ ନିଷ୍ପତ୍ତି: ନବକଳେବର ହେବ ସଂଗଠନ

ବ୍ରହ୍ମପୁର ଅଫିସ,୧୪।୪-ଗଞ୍ଜାମ ଜିଲା କଂଗ୍ରେସରେ ଏବେ ନେତୃତ୍ୱ ସଙ୍କଟ ଦେଖାଦେଇଛି। ସଭାପତି, ଉପସଭାପତି ଓ ସାଧାରଣ ସମ୍ପାଦକଙ୍କ ସମେତ ଅନେକ କାର୍ଯ୍ୟକର୍ତ୍ତା ଏବଂ ଛାମୁଆ ସଂଗଠନର ନେତାମାନେ ଦଳରୁ ଇସ୍ତଫା ଦେଇ ବିଜେଡିରେ ସାମିଲ ହୋଇଛନ୍ତି। ତେଣୁ କଂଗ୍ରେସ ରାଜନୀତି ମଳିନ ପଡ଼ିଯାଇଛି। ପୁଣି ଦଳକୁ ସକ୍ରିୟ କରିବା ଏବଂ ଦଳ ବଦଳକାରୀଙ୍କୁ ଫେରାଇ ଆଣିବା ପାଇଁ ମହାବିଷୁବ ସଂକ୍ରାନ୍ତିରେ ପ୍ରୟାସ ଆରମ୍ଭ କରାଯାଇଛି। ଜିଲା କଂଗ୍ରେସ କାର୍ଯ୍ୟାଳୟ ସ୍ଥାନୀୟ ବାପୁଜୀ ଆଶ୍ରମରେ ଶନିବାର ଅନୁଷ୍ଠିତ ଜରୁରୀ ବୈଠକରେ ଦଳବଦଳ କରିଥିବା ବଡ଼ ଓ ସାନ ନେତା ଏବଂ କର୍ମୀଙ୍କୁ ସୁବିଧାବାଦୀ ବୋଲି ସମାଲୋଚନା କରାଯାଇଥିଲା।

ବିଜୁ ଗାଁ ଗାଡ଼ି ମନ୍ଥର

ବିଜୁ ଗାଁ ଗାଡ଼ି ମନ୍ଥର

ଭୁବନେଶ୍ୱର, ୧୪।୪ (ବ୍ୟୁରୋ): ଯାତ୍ରୀ ପରିବହନର ସୁବିଧା ନ ଥିବା ରାଜ୍ୟର ବିଭିନ୍ନ ଦୁର୍ଗମ ଅଞ୍ଚଳରେ ଲୋକଙ୍କ ଯାତାୟାତକୁ ସୁଗମ କରିବା ସକାଶେ ରାଜ୍ୟ ସରକାର ୨୦୧୩ଠାରୁ ବିଜୁ ଗାଁ ଗାଡ଼ି ଯୋଜନା କାର୍ଯ୍ୟକାରୀ କରିଛନ୍ତି। ପ୍ରଥମ ପର୍ଯ୍ୟାୟରେ ଆଦିବାସୀ ଓ ମାଓବାଦୀ ଅଧ୍ୟୁଷିତ ୧୨ଟି ଜିଲାର ୧୧୮ ବ୍ଲକରେ ବିଜୁ ଗାଁ ଗାଡ଼ି ଚଳାଚଳର ଶୁଭାରମ୍ଭ କରାଯାଇଥିଲା।

୬ଟି ବଗି ଛାଡି ପଳାଇଲା ମାଲବାହୀ ଟ୍ରେନ

୬ଟି ବଗି ଛାଡି ପଳାଇଲା ମାଲବାହୀ ଟ୍ରେନ

ବାହାନଗା, ୧୪।୪(ଡି.ଏନ.ଏ.): ନିକଟରେ ବଲାଙ୍ଗୀର ଜିଲାର ଟିଟିଲାଗଡ଼ ଷ୍ଟେସନରୁ ଅହମଦାବାଦ-ପୁରୀ ସୁପରଫାଷ୍ଟ ଟ୍ରେନର ଇଞ୍ଜିନ ବିହୀନ ହୋଇ ପଛକୁ ପ୍ରାୟ ୧୩ କିଲୋମିଟର ଗଡି ଯାଇଥିଲା। ଏହି ଘଟଣା ଏବେ ବି ଚର୍ଚ୍ଚାରେ ରହିଥିବାବେଳେ ଶନିବାର ସନ୍ଧ୍ୟାରେ ଭଦ୍ରକ ଜିଲା ଧାମରାରୁ ଟାଟାକୁ ଯାଉଥିବା ଏକ ମାଲବୋଝେଇ ଟ୍ରେନ ୬ଟି ବଗିକୁ ଛାଡି ୨ କି.ମି. ଚାଲିଯିବା ଭଳି ଅଘଟଣ ଘଟିଛି।

ଉତ୍କଟ ହେବ ବିଦ୍ୟୁତ୍‌ ସଙ୍କଟ

ଉତ୍କଟ ହେବ ବିଦ୍ୟୁତ୍‌ ସଙ୍କଟ

ଭୁବନେଶ୍ୱର,୧୪।୪(ବ୍ୟୁରୋ): ରାଜ୍ୟରେ ବିଦ୍ୟୁତ୍‌ ନିଅଣ୍ଟିଆ ପରିସ୍ଥିତି ଦେଖାଦେଲାଣି। ଏପ୍ରିଲରୁ ବିଦ୍ୟୁତ ସଙ୍କଟ ଦେଖା ଦେବା ଆରମ୍ଭ କଲାଣି। ଆସନ୍ତା ୧୬ ତାରିଖରୁ ରାଜ୍ୟରେ ପ୍ରବଳ ଖରା ହେବ। ବିଦ୍ୟୁତ ଚାହିଦା ଦୁଇଗୁଣ ବଢିଯିବା ସମ୍ଭାବନା ରହିଛି। ମେ ଓ ଜୁନ ମାସରେ ପରିସ୍ଥିତି ଆହୁରି ସଙ୍ଗିନ ହେବ। ଜୁଲାଇ ସୁଦ୍ଧା ଯଦି ରାଜ୍ୟରେ ମୌସୁମୀ ବର୍ଷା ଠିକ୍‌ଠାକ୍‌ ନ ରହିବ ତେବେ ଜଳଭଣ୍ଡାରରୁ ଉତ୍ପାଦନ କମିବା ସହ ରାଜ୍ୟରେ ଭୟଙ୍କର ବିଦ୍ୟୁତ୍‌ ସଙ୍କଟ ଦେଖାଦେବ।

ଅଗ୍ନିଶମ ସୁରକ୍ଷା ସପ୍ତାହ ଆରମ୍ଭ

ଅଗ୍ନିଶମ ସୁରକ୍ଷା ସପ୍ତାହ ଆରମ୍ଭ

ଭୁବନେଶ୍ୱର, ୧୪।୪(ବ୍ୟୁରୋ)- ଶନିବାରଠାରୁ ଆରମ୍ଭ ହୋଇଛି ଅଗ୍ନିଶମ ସୁରକ୍ଷା ସପ୍ତାହ। ଏ ନେଇ ବରମୁଣ୍ଡା ଫାୟାର ଷ୍ଟେଶନ ନିକଟରେ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏପ୍ରିଲ ୧୪ରୁ ୨୦ ତାରିଖ ପର୍ଯ୍ୟନ୍ତ ପାଳନ ହେବାକୁ ଥିବା ଏହି ସପ୍ତାହର ପ୍ରଥମ ଦିନକୁ ଦେଶର ବିଭିନ୍ନ ସ୍ଥାନରେ ଅଗ୍ନି ନିର୍ବାପନ କାର୍ଯ୍ୟ ସମ୍ପାଦନ ବେଳେ ଶହୀଦ ହୋଇଥିବା କର୍ମଚାରୀଙ୍କ ସ୍ମୃତିରେ ଉତ୍ସର୍ଗ କରାଯାଇଛି।

ଖୁବଶୀଘ୍ର ରାଜ୍ୟ କଂଗ୍ରେସର ନବକଳେବର

ଖୁବଶୀଘ୍ର ରାଜ୍ୟ କଂଗ୍ରେସର ନବକଳେବର

ଭୁବନେଶ୍ୱର,୧୪।୪(ବ୍ୟୁରୋ): ଖୁବଶୀଘ୍ର ରାଜ୍ୟ କଂଗ୍ରେସର ନବକଳେବର ହେବବୋଲି ପିସିସି ସଭାପତି ପ୍ରସାଦ ହରିଚନ୍ଦନ ଶନିବାର ସୂଚନା ଦେଇଛନ୍ତି। ସେ କହିଛନ୍ତି ଯେ, କଂଗ୍ରେସର ସାଙ୍ଗଠନିକ ସ୍ଥିତି ସୁଦୃଢ଼ କରିବା ପାଇଁ ରୋଡ଼ ମ୍ୟାପ୍‌ ପ୍ରସ୍ତୁତ ହେବା ସହ ବୁଥ୍‌ସ୍ତରରୁ ଉପରସ୍ତର ପର୍ଯ୍ୟନ୍ତ ବଡ଼ଧରଣର ପରିବର୍ତ୍ତନ କରାଯିବ।

୧୫ରୁ ପଲ୍‌ସ ପୋଲିଓ ଅଭିଯାନ

୧୫ରୁ ପଲ୍‌ସ ପୋଲିଓ ଅଭିଯାନ

ଭୁବନେଶ୍ୱର,୧୪।୪(ବ୍ୟୁରୋ): ଚଳିତବର୍ଷ ପଲ୍‌ସ ପୋଲିଓ କାର୍ଯ୍ୟକ୍ରମ ୨ଟି ପର୍ଯ୍ୟାୟ ଯଥା ଏପ୍ରିଲ ୧୫ ରୁ ୧୭ ଏବଂ ମେ ୨୦ ରୁ ୨୨ ତାରିଖରେ ହେବାକୁ ଯାଉଛି।