ରାଜ୍ୟ

ଶିକ୍ଷକଙ୍କୁ ସମୂହ ଅବସରକାଳୀନ ସମ୍ବର୍ଦ୍ଧନା

ଶିକ୍ଷକଙ୍କୁ ସମୂହ ଅବସରକାଳୀନ ସମ୍ବର୍ଦ୍ଧନା

କୃଷ୍ଣପ୍ରସାଦ, ୨୦।୪(ଡ଼ି.ଏନ.ଏ.): ପୁରୀ ଜିଲା କୃଷ୍ଣପ୍ରସାଦ ବ୍ଲକ ଉଦୟଗିରି ପ୍ରାଥମିକ ବିଦ୍ୟାଳୟରେ ୩ ଶିକ୍ଷକ ଓ ଜଣେ ଶିକ୍ଷୟତ୍ରୀଙ୍କୁ ଶୁକ୍ରବାର ସମୂହ ଅବସରକାଳୀନ ସମ୍ବର୍ଦ୍ଧନା ଦିଆଯାଇଛି। ସେମାନେ ହେଲେ ଅନିରୁଦ୍ଧ ମହାରଣା, ପ୍ରକାଶ ଚନ୍ଦ୍ର ରଥ, ବିଜୟ କୁମାର ନନ୍ଦ ଏବଂ ଗୀତାଞ୍ଜଳି ଦାସ।

ଏଟିଏମ୍‌ରୁ ଟଙ୍କା ମିଳୁନି: ଶନିବାର ବିଜେଡିର ୨ ଘଣ୍ଟିଆ ଧାରଣା

ଏଟିଏମ୍‌ରୁ ଟଙ୍କା ମିଳୁନି: ଶନିବାର ବିଜେଡିର ୨ ଘଣ୍ଟିଆ ଧାରଣା

ଭୁବନେଶ୍ୱର, ୨୦।୪(ବ୍ୟୁରୋ): ଭାରତର ବିଭିନ୍ନ ରାଜ୍ୟରେ ଏବେ ନଗଦ ଅଭାବ ଦେଖାଦେଇଛି। ଏଟିଏମ୍‌ ଗୁଡିକରୁ ଟଙ୍କା ମିଳୁନାହିଁ। ଏହି ଅବସ୍ଥା ମଧ୍ୟ ଓଡ଼ିଶାରେ ଦେଖାଦେଲାଣି। ଏହାର ପ୍ରତିବାଦରେ ବିଜୁ ଜନତା ଦଳ(ବିଜେଡି) ଶନିବାର ବିଭିନ୍ନ ରିଜର୍ଭ ବ୍ୟାଙ୍କର ଭୁବନେଶ୍ୱର କାର୍ଯ୍ୟାଳୟ ସମେତ ରାଜ୍ୟର ବିଭିନ୍ନ ବ୍ୟାଙ୍କ ସମ୍ମୁଖରେ ୨ ଘଣ୍ଟିଆ ଧାରଣା ଦେବ।

ହାଇକୋର୍ଟରୁ ମିଳିଲା ସର୍ତ୍ତମୂଳକ ଜାମିନ: ଜେଲରୁ ମୁକୁଳିବେ ରାଜା ଆଚାର୍ଯ୍ୟ

ହାଇକୋର୍ଟରୁ ମିଳିଲା ସର୍ତ୍ତମୂଳକ ଜାମିନ: ଜେଲରୁ ମୁକୁଳିବେ ରାଜା ଆଚାର୍ଯ୍ୟ

କଟକ ଅଫିସ, ୨୦।୪: ଗ୍ୟାଙ୍ଗଷ୍ଟାର ରାଜା ଓରଫ ସନ୍ଦିପ ଆଚାର୍ଯ୍ୟଙ୍କୁ ଶୁକ୍ରବାର ହାଇକୋର୍ଟ ସର୍ତ୍ତମୂଳକ ଜାମିନ ମଞ୍ଜୁର କରିଛନ୍ତି। ନିମ୍ନ ଅଦାଲତ ତାଙ୍କ ଉପରେ ସର୍ତ୍ତାରୋପ କରିବେ। ପୂର୍ବରୁ ସମସ୍ତ ମାମଲାରେ ରାଜାଙ୍କୁ ଜାମିନ ମିଳିସାରିଛି।

 ବଗପାଟିଆକୁ ଆସିଲେ ମା’ପଞ୍ଚୁବରାହି

ବଗପାଟିଆକୁ ଆସିଲେ ମା’ପଞ୍ଚୁବରାହି

ରାଜନଗର, ୨୦।୪(ଡି.ଏନ୍‌.ଏ.): କେନ୍ଦ୍ରାପଡା ଜିଲା ରାଜନଗର ବ୍ଲକର ବଙ୍ଗୋପସାଗର କୂଳରେ ଥିବା ମା’ପଞ୍ଚୁବରାହି ଠାକୁରାଣୀଙ୍କୁ ସ୍ଥାନାନ୍ତରିତ କରାଯାଇଛି। ମା’ଙ୍କ ପାଇଁ ବଗପାଟିଆଠାରେ ନିର୍ମାଣ କରାଯାଇଥିବା ନୂତନ ମନ୍ଦିରରେ ଶୁକ୍ରବାର ସନ୍ଧ୍ୟାରେ ପୂଜାର୍ଚ୍ଚନା କରି ଠାକୁରାଣୀଙ୍କୁ ସ୍ଥାପନ କରାଯିବ।

୬ ଜିଲାରେ ନିର୍ମାଣ ହେବ କର୍ମଜୀବୀ ମହିଳା ନିବାସ

୬ ଜିଲାରେ ନିର୍ମାଣ ହେବ କର୍ମଜୀବୀ ମହିଳା ନିବାସ

ଭୁବନେଶ୍ୱର, ୨୦।୪(ବ୍ୟୁରୋ): କର୍ମଜୀବୀ ମହିଳାଙ୍କ ପାଇଁ ରାଜ୍ୟରେ ୧୩ଟି କର୍ମଜୀବୀ ମହିଳା ନିବାସ ରହିଛି। ଏଥିରେ ୮୧୦ଟି ସଜ୍ୟା ରହିଛି। ଏହି ସବୁ ନିବାସରେ ୫୬୩ କର୍ମଜୀବୀ ମହିଳା ରହୁଛନ୍ତି। ଆହୁରୀ ୨୪୭ଟି ସଜ୍ୟା ଫାଙ୍କା ରହିଛି। କର୍ମଜୀବୀ ମହିଳାଙ୍କ ସୁରକ୍ଷା ଦୃଷ୍ଟିରୁ ରାଜ୍ୟ ସରକାର ଆଉ ୬ଟି ଜିଲାରେ ନୂତନ କର୍ମଜୀବୀ ମହିଳା ନିବାସ ନିର୍ମାଣ କରିବାକୁ ନିସ୍ପତ୍ତି ନେଇଛନ୍ତି।

ପୁରୀ ସହର ମାମଲା: ଶୁକ୍ରବାର ଏନ୍‌ଜିଟିରେ ଶୁଣାଣି

ପୁରୀ ସହର ମାମଲା: ଶୁକ୍ରବାର ଏନ୍‌ଜିଟିରେ ଶୁଣାଣି

ପୁରୀ ଅଫିସ, ୨୦।୪: ପୁରୀ ସହରର ବିଭିନ୍ନ ସମସ୍ୟା ଓ ପ୍ରଦୂଷଣକୁ ନେଇ କଲିକତାର ସୁବାସ ଦତ୍ତ ଜାତୀୟ ଗ୍ରୀନ୍‌ ଟ୍ରିବ୍ୟୁନାଲ (ଏନ୍‌ଜିଟି)ରେ ଏକ ମାମଲା ରୁଜୁ କରିଥିଲେ। ୨୦୧୩ ମସିହାରୁ ଏହି ମାମଲା ବିଚାରାଧିନ ଥିବାବେଳେ ଶୁକ୍ରବାର ମାମଲାର ଶୁଣାଣି ହେବାର ରହିଛି।

ଶ୍ରୀଜଗନ୍ନାଥ ସେନା ପକ୍ଷରୁ ଦୀପଦାନ

ଶ୍ରୀଜଗନ୍ନାଥ ସେନା ପକ୍ଷରୁ ଦୀପଦାନ

ପୁରୀ ଅଫିସ, ୨୦।୪: ହାଇକୋର୍ଟଙ୍କ ରାୟକୁ ସ୍ବାଗତକରି ଶ୍ରୀ ଜଗନ୍ନାଥ ସେନା ପକ୍ଷରୁ ପୁରୀ ସିଂହଦ୍ୱାର ସମ୍ମୁଖରେ ମହାପ୍ରଭୁଙ୍କ ଉଦ୍ଦେଶ୍ୟରେ ଦୀପଦାନ କରାଯାଇଛି। ଶ୍ରୀମନ୍ଦିର ନୀତିକାନ୍ତିରେ ହାଇକୋର୍ଟ ହସ୍ତଖେପ କରିବେ ନାହିଁ ବୋଲି ଯେଉଁ ରାୟ ଦେଇଛନ୍ତି ତାହାକୁ ଜଗନ୍ନାଥ ସେନା ପକ୍ଷରୁ ସ୍ବାଗତ କରାଯାଇଛି।

ସରକାର ନ ଚେତିଲେ ଛତିଶଗଡ଼ରେ ମିଶିଯିବ ଲଖନପୁରର ୧୯ ମୌଜା

ଭୁବନେଶ୍ୱର,୨୦ ।୪(ବ୍ୟୁରୋ)-ଓଡ଼ିଶାର ଦକ୍ଷିଣ ସୀମାରେ ରହିଥିବା ଜିଲାଗୁଡ଼ିକ ଉପରେ ଏବେ ପଡ଼ୋଶୀ ରାଜ୍ୟର ନଜର ରହିଛି। ରାଜ୍ୟର ଗୋଟିଏ ପରେ ଗୋଟିଏ ଅଞ୍ଚଳକୁ ସେମାନେ କବ୍‌ଜା କରିବାକୁ ପ୍ରଚେଷ୍ଟା ଚଳାଇଛନ୍ତି। ପ୍ରଥମେ କୋରାପୁଟ ଜିଲାର କୋଟିଆ ଓ ତା’ ପରେ ଗଜପତି ଜିଲାରେ ପଡ଼ୋଶୀ ଆନ୍ଧ୍ରପ୍ରଦେଶ ବଳପୂର୍ବକ ରାସ୍ତା ନିର୍ମାଣ କରିଥିବା ବେଳେ ମାଲକାନଗିରି ଜିଲାର ଅଧିବାସୀ ଛତିଶଗଡ଼ ରାଜ୍ୟମୁହଁ। ହେବା ଓଡ଼ିଶା ପାଇଁ ବିପଦ ସୃଷ୍ଟି କରିଛି।

ହ୍ରାସ ପାଇବାରେ ଲାଗିଛି ପଞ୍ଚାୟତର ଆୟ

ରସୁଲପୁର,୨୦।୪(ଡି.ଏନ୍‌.ଏ.):ରସୁଲପୁର ବ୍ଲକର ୨୮ଟି ପଞ୍ଚାୟତର ୨୦୧୭-୧୮ ଆର୍ଥକ ବର୍ଷରେ ଆୟ ୭ଲକ୍ଷ,୯୦ହଜାର, ୭୨୫ଟଙ୍କା ରହିଛି। ପଞ୍ଚାୟତ ଗୁଡ଼ିକୁ ସ୍ବାବଲମ୍ବୀ କରିବା ପାଇଁ ସରକାର ଯୋଜନା କାର୍ଯ୍ୟକାରୀ ହେଉଛି। ହେଲେ ପଞ୍ଚାୟତର ନିଜସ୍ବ ଆୟର କଳେବରରେ ଆଖିଦୃଶିଆ ପରିବର୍ତ୍ତନ ଘଟୁନାହିଁ। ଏହି ବ୍ଲକର ୧୧ଟି ପଞ୍ଚାୟତର ବାର୍ଷିକ ଆୟ ୧୦ହଜାର ତଳକୁ ରହିଛି। ବ୍ଲକ ଅଧୀନରେ ୫ଟି ପଞ୍ଚାୟତରେ ବଳିଷ୍ଠ ଭିତ୍ତିଭୂମି ରହିଛି। ହେଲେ ରାଜସ୍ବ ଆଦାୟ ସନ୍ତୋଷଜନକ ହୋଇପାରୁନାହିଁ। ବ୍ଲକ ପ୍ରଶାସନ ଓ ପଞ୍ଚାୟତ ଅଧିକାରୀଙ୍କ ରାଜସ୍ବ ବୃଦ୍ଧି ଦିଗରେ କୌଣସି ଆନ୍ତରିକତା ଦେଖାଯାଉ ନାହିଁ।

ମଉଳିଗଲା ବିଶୁଦ୍ଧ ପାନୀୟ ଜଳ ଆଶା

ମଉଳିଗଲା ବିଶୁଦ୍ଧ ପାନୀୟ ଜଳ ଆଶା

ଯାଜପୁର ଅଫିସ,୨୦।୪ :ଯାଜପୁର ଜିଲାର ଦୁଇ ପ୍ରମୁଖ ସହର ଯାଜପୁର ଓ ବ୍ୟାସନଗରରେ ଲାଗି ରହିଥିବା ପାନୀୟ ଜଳ ସମସ୍ୟା ଚଳିତ ଗ୍ରୀଷ୍ମମାସ ପୂର୍ବରୁ ଦୂରୀଭୂତ ହେବ ବୋଲି ସହରବାସୀ ଆଶା ରଖିଥିଲେ। ହେଲେ ତାହା ସବୁ ଫସର ଫାଟିଛି। ବ୍ୟାସନଗର ପୌରାଞ୍ଚଳରେ ୨୦୧୧ ମସିହାରୁ ଅର୍ବାନ ଇନଫ୍ରାଷ୍ଟ୍ରକ୍ଚର ଡେଭଲପମେଣ୍ଟ ଫର ସ୍ମଲ ଆଣ୍ଡ ମିଡିୟମ ଟାଉନ (ୟୁଆଇଡିଏସଏମଟି) ଯୋଜନାରେ ୧୪.୫୧କୋଟି ଟଙ୍କା ବ୍ୟୟ ଅଟକଳରେ ଖରସ୍ରୋତା-ମୁଣ୍ଡମାଳା ଟ୍ରିଟମେଣ୍ଟ ପ୍ଲାନ ଆରମ୍ଭ ହୋଇଥିଲା।

କପିଳାସ ଚନ୍ଦନଯାତ୍ରାରେ ମହାବିଭ୍ରାଟ:ଡଙ୍ଗାସହ ପାଣିରେ ବୁଡ଼ିଗଲେ ଠାକୁର

ଢେଙ୍କାନାଳ ଅଫିସ, ୨୦।୪-ବ୍ୟବସ୍ଥିତ ହୋଇପାରୁନାହିଁ କପିଳାସ କ୍ଷେତ୍ରାଧିପତି ମହାପ୍ରଭୁ ଶ୍ରୀଚନ୍ଦ୍ରଶେଖରଜୀଉଙ୍କ ନୀତି। ପବିତ୍ର ଚନ୍ଦନଯାତ୍ରା ମଧ୍ୟ ମହାବିଭ୍ରାଟରୁ ବାଦ୍‌ ପଡ଼ିନି। ବୁଧବାର ଏବଂ ଗୁରୁବାର ଚାପ ଖେଳ ସମୟରେ ଡଙ୍ଗାରେ ପାଣି ପଶିଯିବାରୁ ମହାପ୍ରଭୁ ଏବଂ ମା’ ପାର୍ବତୀଙ୍କ ଚଳନ୍ତି ବିଗ୍ରହ ଦୁଇଥର ପାଣିରେ ବୁଡ଼ିଯାଇଥିଲେ। ଏପରି ଅଘଟଣ ଉପସ୍ଥିତ ଭକ୍ତଙ୍କ ଭାବାବେଗକୁ ଗଭୀର ଆଘାତ ଦେଇଛି। ସେବାୟତମାନେ ପାଣି ମଧ୍ୟରୁ ଠାକୁରଙ୍କୁ ଉଦ୍ଧାର କରିବା ପରେ ପୋଖରୀ ନିକଟରେ ଥିବା ପାଣିଘରେ ପୂଜାର୍ଚ୍ଚନା ସମ୍ପନ୍ନ ହୋଇଥିଲା। ହେଲେ ଡଙ୍ଗା ବୁଡ଼ିଯିବା ଘଟଣାକୁ ଦେବୋତ୍ତର ବିଭାଗ ଅତି ହାଲ୍‌କା ଭାବେ ନେଇଛି।

ଗୋଟିଏ ରାତିରେ ୮ ହଜାରରୁ ଊର୍ଦ୍ଧ୍ୱ କଇଁଛଙ୍କ ଗଣ ଅଣ୍ଡାଦାନ

ଗୋଟିଏ ରାତିରେ ୮ ହଜାରରୁ ଊର୍ଦ୍ଧ୍ୱ କଇଁଛଙ୍କ ଗଣ ଅଣ୍ଡାଦାନ

ବ୍ରହ୍ମପୁର ଅଫିସ,୨୦।୪:ଓଡିଶାରେ ଦେବୀ ନଦୀ ମୁହାଣ, ଗହୀରମଥା ଓ ଋଷିକୁଲ୍ୟା ମୁହାଣ କଇଁଛଙ୍କ ଅଣ୍ଡାଦାନର ପ୍ରକୃଷ୍ଟ ସ୍ଥାନ ହୋଇଥିବା ବେଳେ ଗଞ୍ଜାମ ଜିଲା ଋଷିକୁଲ୍ୟା ମୁହାଣ ବିରଳ ଅଲିଭ ରିଡଲେ କଇଁଛଙ୍କ ପାଇଁ ଉପଯୁକ୍ତ ସ୍ଥାନ ହୋଇଛି। ତେଣୁ ଚଳିତବର୍ଷ ଏଠାରେ ଅଲିଭ୍‌ ରିଡ୍‌ଲେଙ୍କ ଅଣ୍ଡାଦାନ ମାତ୍ରାଧିକଭାବେ ବୃଦ୍ଧି ପାଇଛି। ସାଧାରଣତଃ ଫେବୃୟାରୀ ମାସରେ କଇଁଛଙ୍କ ଅଣ୍ଡାଦାନ ସମୟ ରହିଥିବା ବେଳେ ଏବେ ଋଷିକୁଲ୍ୟା ମୁହାଣରେ ହଜାର ହଜାର ସଂଖ୍ୟାର କଇଁଛ ଅଣ୍ଡାଦାନ ପାଇଁ ପହଞ୍ଚୁଛନ୍ତି। ଯାହା ରାଜ୍ୟରେ ଏପରି ଘଟଣା ରେକର୍ଡ ବୋଲି କୁହାଯାଉଛି।

ମୁଖ୍ୟମନ୍ତ୍ରୀଙ୍କ ଭିଡିଓ କନଫରେନ୍ସିଂ ପାଇଁ ତତ୍ପରତା

ମୁଖ୍ୟମନ୍ତ୍ରୀଙ୍କ ଭିଡିଓ କନଫରେନ୍ସିଂ ପାଇଁ ତତ୍ପରତା

ବାସୁଦେବପୁର,୨୦।୪(ଡି.ଏନ.ଏ.)- ବାସୁଦେବପୁର ବ୍ଲକର ଇରମ ପଞ୍ଚାୟତକୁ ଆଦର୍ଶ ପଞ୍ଚାୟତ ଭାବେ ଗ୍ରହଣ କରାଯାଇଛି । ଆସନ୍ତା ୨୧ ତାରିଖରେ ପୂର୍ବାହ୍ନ ସାଢ଼େ ୧୧ରେ ଏହି ପଞ୍ଚାୟତର ସମସ୍ୟା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଞ୍ଚାୟତର ସରପଞ୍ଚ ପ୍ରଫୁଲ ବିଶ୍ୱାଳଙ୍କ ସହିତ ସିଧାସଳଖ ଭିଡିଓ କନଫରେନ୍ସରେ କଥା ହେବା ଲାଗି ସମୟ ଧାର୍ଯ୍ୟ ହୋଇଛି ।

ବୁଣାକାରଙ୍କୁ ସ୍ବାବଲମ୍ବୀ କରିବାକୁ ନିଆଯିବ ପଦକ୍ଷେପ

ବୁଣାକାରଙ୍କୁ ସ୍ବାବଲମ୍ବୀ କରିବାକୁ ନିଆଯିବ ପଦକ୍ଷେପ

ବାରିପଦା ଅଫିସ,୨୦।୪- ମୟୂରଭଞ୍ଜ ଜିଲାର ହସ୍ତତନ୍ତ ବୁଣାକାରଙ୍କ ଆର୍ଥିକ ବିକାଶ ପାଇଁ ଜିଲା ପ୍ରଶାସନ ପକ୍ଷରୁ ମୟୂରଭଞ୍ଜ ହେରିଟେଜ ଉଇଭର୍ସ କାର୍ଯ୍ୟକ୍ରମର ଶୁଭାରମ୍ଭ ହୋଇଛି। ମୟୂରଭଞ୍ଜ ହେରିଟେଜ ଉଇଭର୍ସ ହସ୍ତତନ୍ତ ବୁଣାକାର ସମବାୟ ସମିତିର ଆର୍ଥିକ ବିକାଶ ପାଇଁ ୨୫ଲକ୍ଷ ଟଙ୍କାର ସ୍ବତନ୍ତ୍ର ଯୋଜନା କାର୍ଯ୍ୟକ୍ରମର ଶୁଭାରମ୍ଭ ହୋଇଛି। ଏହି କାର୍ଯ୍ୟକ୍ରମରେ ଉପସ୍ଥିତ ଉପବାଚସ୍ପତି ସାନନ୍ଦ ମାର୍ଣ୍ଡି ଏହି କାର୍ଯ୍ୟକ୍ରମ ଦ୍ୱାରା ମୟୂରଭଞ୍ଜ ଜିଲାର ବୁଣାକାରଙ୍କ ଆର୍ଥିକ ଆୟ ବୃଦ୍ଧି ଘଟିବା ସହ ସେମାନେ ସ୍ବାବଲମ୍ବୀ ହୋଇପାରିବେ ବୋଲି ମତବ୍ୟକ୍ତ କରିଥିଲେ।

ବଳାଙ୍ଗୀ ମହୋତ୍ସବ ଉଦ୍‌ଯାପିତ: ‘ସାଂସ୍କୃତିକ ଜାଗରଣ ଆଣିବ ପରିବର୍ତ୍ତନ ’

ବଳାଙ୍ଗୀ ମହୋତ୍ସବ ଉଦ୍‌ଯାପିତ: ‘ସାଂସ୍କୃତିକ ଜାଗରଣ ଆଣିବ ପରିବର୍ତ୍ତନ ’

ବାରିପଦା ଅଫିସ,୨୦।୪- ବାରିପଦାର ବୁଢାବଳଙ୍ଗ,ଚିପଟ ଓ ଇଟାଯୋଡି ନଦୀର ତ୍ରିବେଣୀ ସଙ୍ଗମସ୍ଥଳରେ ଅନୁଷ୍ଠିତ ହୋଇଆସୁଥିବା ବଳାଙ୍ଗୀ ମହୋତ୍ସବ ବୁଧବାର ଉଦ୍‌ଯାପିତ ହୋଇଯାଇଛି। ମହୋତ୍ସବ କମିଟିର ଚେୟାର ପର୍ସନ ଶ୍ରୀନିବାସ ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟ ସଭା ସଦସ୍ୟ ସରୋଜିନୀ ହେମ୍ବ୍ରମ ଯୋଗଦେଇ ସାହିତ୍ୟ ସମାଜର ଦର୍ପଣ ହେଲେ, ସଂସ୍କୃତି ହେଉଛି ସେହି ଦର୍ପଣରେ ଦିଶୁଥିବା ସମାଜର ପ୍ରତିଛବି ା ଏଣୁ ସାଂସ୍କୃତିକ ଜାଗରଣ ହିଁ ଆଜିର ଅବକ୍ଷୟିତ ସମାଜକୁ ଶୃଙ୍ଖଳିତ କରିପାରିବ ବୋଲି ମତବ୍ୟକ୍ତ କରିଥିଲେ।

ରାଜ୍ୟସ୍ତରୀୟ ନାଟକ ଉତ୍ସବ ଉଦ୍‌ଘାଟିତ

ରାଜ୍ୟସ୍ତରୀୟ ନାଟକ ଉତ୍ସବ ଉଦ୍‌ଘାଟିତ

ବାରିପଦା ଅଫିସ,୨୦।୪- ରାଜ୍ୟସରକାରଙ୍କ ଓଡ଼ିଆ ଭାଷା,ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ ଓଡ଼ିଶା ସଙ୍ଗୀତ ନାଟକ ଏକାଡେମୀ ପକ୍ଷରୁ ଜିଲା ସଂସ୍କୃତି ପରିଷଦ ମୟୂରଭଞ୍ଜ ସହଯୋଗରେ ଗୁରୁବାରେ ରାଜ୍ୟସ୍ତରୀୟ ନାଟକ ଉତ୍ସବ ସ୍ଥାନୀୟ ସଂସ୍କୃତି ଭବନ ପରିସରରେ ଉଦ୍‌ଘାଟିତ ହୋଇଯାଇଛି। ଏହା ଆସନ୍ତା ୨୩ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ।

କେନ୍ଦ୍ର କରିଛି କ୍ୟାଶ୍‌ର କୃତ୍ରିମ ସଙ୍କଟ

କେନ୍ଦ୍ର କରିଛି କ୍ୟାଶ୍‌ର କୃତ୍ରିମ ସଙ୍କଟ

ଭୁବନେଶ୍ୱର, ୨୦।୪-ବିମୁଦ୍ରୀକରଣ ଅସ୍ତ୍ର ପ୍ରୟୋଗ କରିବା ପରେ ଉତ୍ତରପ୍ରଦେଶ ବିଧାନସଭା ନିର୍ବାଚନରେ ଭାଜପା ସଫଳତା ପାଇଥିଲା। ଏବେ ଏହି ଦଳ ଆଉ ଏକ ପରୀକ୍ଷଣ କର୍ନାଟକରୁ ଆରମ୍ଭ କରିଦେଇଛି। ଆସନ୍ତା ମାସରେ କର୍ନାଟକ ବିଧାନସଭା ନିର୍ବାଚନ ଅନୁଷ୍ଠିତ ହେଉଥିବାରୁ କ୍ୟାଶ୍‌ର କୃତ୍ରିମ ସଙ୍କଟ କରି ଗୈରିକ ଦଳ ରାଜନୈତିକ ଫାଇଦା ଉଠାଇବାକୁ ନୂଆ ପଦକ୍ଷେପ ନେଇଛି ବୋଲି ଅର୍ଥନୈତିକ ବିଶେଷଜ୍ଞମାନେ ମତ ଦେଲେଣି।

ମା’ ପଞ୍ଚୁବରାହୀଙ୍କ ସ୍ଥାନାନ୍ତରିତ ପ୍ରକ୍ରିୟା ଆରମ୍ଭ: ବଗପାଟିଆରେ ପହଞ୍ଚତ୍ଲା ଆଜ୍ଞାମାଳ

ମା’ ପଞ୍ଚୁବରାହୀଙ୍କ ସ୍ଥାନାନ୍ତରିତ ପ୍ରକ୍ରିୟା ଆରମ୍ଭ: ବଗପାଟିଆରେ ପହଞ୍ଚତ୍ଲା ଆଜ୍ଞାମାଳ

ରାଜନଗର, ୧୯।୪ (ଡି.ଏନ୍‌.ଏ.):ଶୁକବ୍ରାର ବଗପାଟିଆ ଆସିବେ ମା’ ପଞ୍ଚୁବରାହୀ। ଏ ନେଇ ସାତଭାୟାରେ ମା’ଙ୍କୁ ହଜାର ହଜାର ଶ୍ରଦ୍ଧାଳୁ ଶେଷ ଦର୍ଶନ କରିଛନ୍ତି। ମନ୍ଦିରରେ ଗୁରୁବାରଠାରୁ ନୀତି ନିର୍ଘଣ୍ଟ ଅନୁସାରେ ପୂଜାର୍ଚ୍ଚନା କରାଯାଇଥିଲା। ରାଜପୁରୋଧା ମନମୋହନ ତ୍ରିପାଠୀ ଓ ମା’ଙ୍କ ପୁରୋଧା ସଚ୍ଚିଦାନନ୍ଦ ଶତପଥୀଙ୍କ ଦ୍ୱାରା ଆଜ୍ଞାଯଜ୍ଞ କରାଯାଇଥିଲା। ଏଥିରେ ମନ୍ଦିର ପରିଚାଳନା ଦାୟିତ୍ୱରେ ଥିବା ଦେବୋତ୍ତର ବିଭାଗର ମଧ୍ୟବର୍ତ୍ତୀକାଳୀନ ଟ୍ରଷ୍ଟି କନିକା ରାଜାସାହେବ ଶିବେନ୍ଦ୍ର ନାରାୟଣ ଭଞ୍ଜଦେଓ ଓ ରାଣୀ ମୃଣାଳିନୀ ଦେବୀ କର୍ତ୍ତାଭାବେ ଯୋଗଦେଇ ଯଜ୍ଞ ପୂର୍ଣ୍ଣାହୁତି ଦେଇଥିଲେ। ପୂଜାପାଠ ପରେ ମା’ଙ୍କଠାରୁ ଆଜ୍ଞାମାଳ ଆଣି ରାଜଦମ୍ପତ୍ତି ନୂତନ ମନ୍ଦିରରେ ପହଞ୍ଚତ୍ଥିଲେ। ଏହାପରେ ସେଠାରେ ପୂର୍ବ କାର୍ଯ୍ୟସୂଚୀ ଅନୁସାରେ ମନ୍ଦିର ପ୍ରତିଷ୍ଠା ଓ ଅନ୍ୟାନ୍ୟ ପୂଜାବିଧି କରାଯାଇଥିଲା। ଶୁକ୍ରବାର ଭୋର ୫ଟାରେ ଠାକୁରାଣୀଙ୍କ ପୂଜକ ସାତଭାୟାରେ ମା’ଙ୍କୁ ଶେଷ ସ୍ନାନ ଓ ମାର୍ଜଣା କରିବା ସହ ସହ ବାଲ୍ୟ ଭୋଗ ଲାଗି କରିବେ। ଭୋର ୬ଟାରେ ମା’ଙ୍କ ସ୍ଥାନାନ୍ତରଣ ପ୍ରକ୍ରିୟା ଆରମ୍ଭ ହେବ। ଏଥିପାଇଁ ଗୁରୁବାର ପତ୍ନତତ୍ତ୍ୱ ବିଭାଗର ୫ଜଣ ସଦସ୍ୟ ସାତଭାୟାରେ ପହଞ୍ଚତ୍ଛନ୍ତି।

ରାଜନୀତିରେ ନୂଆ ପର୍ଯ୍ୟାୟ: ନିରଞ୍ଜନ ନୂଆ  ପିସିସି ସଭାପତି

ରାଜନୀତିରେ ନୂଆ ପର୍ଯ୍ୟାୟ: ନିରଞ୍ଜନ ନୂଆ ପିସିସି ସଭାପତି

ଭୁବନେଶ୍ୱର, ୧୯।୪(ବ୍ୟୁରୋ)- ଅଖିଳ ଭାରତୀୟ କଂଗ୍ରେସ କମିଟି (ଏଆଇସିସି) ଗୁରୁବାର ଓଡ଼ିଶା ପ୍ରଦେଶ କଂଗ୍ରେସ କମିଟି (ପିସିସି)ରେ ପରିବର୍ତ୍ତନ ଆଣିଛି। ପ୍ରସାଦ ହରିଚନ୍ଦନଙ୍କ ସ୍ଥାନରେ ବରିଷ୍ଠ ନେତା ନିରଞ୍ଜନ ପଟ୍ଟନାୟକଙ୍କୁ ରାଜ୍ୟ କଂଗ୍ରେସର ସଭାପତି କରି ହାଇକମାଣ୍ଡ ତଥା କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ତାଙ୍କ ଉପରେ ଆସ୍ଥା ପ୍ରକଟ କରିଛନ୍ତି। ଓଡ଼ିଶାରେ ପିସିସି ମୁଖ୍ୟ ପରିବର୍ତ୍ତନ ରାଜ୍ୟ ରାଜନୀତିରେ ନୂଆ ସମୀକରଣ ସୃଷ୍ଟି କରିବ ବୋଲି କୁହାଯାଉଛି।

ଶ୍ରୀମନ୍ଦିର ସ୍ଥିତି ସ୍ବାଭାବିକ: ଶୁକ୍ରବାରଠାରୁ ମିଳିବ ମହାପ୍ରସାଦ

ଶ୍ରୀମନ୍ଦିର ସ୍ଥିତି ସ୍ବାଭାବିକ: ଶୁକ୍ରବାରଠାରୁ ମିଳିବ ମହାପ୍ରସାଦ

ପୁରୀ ଅଫିସ,୧୯।୪: ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିକାନ୍ତିରେ ସୃଷ୍ଟି ହୋଇଥିବା ବିଭ୍ରାଟ ଟଳିଯାଇଛି। ଗୁରୁବାର ସ୍ଥିତି ସମ୍ପୂର୍ଣ୍ଣ ସ୍ବାଭାବିକ ଅବସ୍ଥାକୁ ଫେରିଛି। ସାମାନ୍ୟ ବିଳମ୍ବ ହେଉପଛେ ଠାକୁରଙ୍କ ନୀତିକାନ୍ତି ଠିକ୍‌ଠାକ ଚାଲିଛି। ସେହିପରି ୪ ଦିନ ହେଲା ମହାପ୍ରସାଦ ପ୍ରସ୍ତୁତ କରୁ ନ ଥିବା ସୁଆର ମହାସୁଆର ନିଯୋଗ ମଧ୍ୟ ତା’ ଜିଦ୍‌ରୁ ଓହରି ଯାଇଛି। ହାଇକୋର୍ଟଙ୍କ ରାୟକୁ ସ୍ବାଗତ ଏବଂ ଭକ୍ତଙ୍କ ଭାବାବେଗକୁ ଦୃଷ୍ଟିରେ ରଖି ନିଯୋଗ ଶୁକ୍ରବାରଠାରୁ ମହାପ୍ରସାଦ ପ୍ରସ୍ତୁତ କରିବ ବୋଲି କହିଛି। ଫଳରେ ଅବଢ଼ା ବନ୍ଦକୁ ନେଇ ଯେଉଁ ଅଚଳାବସ୍ଥା ଲାଗି ରହିଥିଲା ତାହା ମଧ୍ୟ ଦୂର ହେବାକୁ ଯାଉଛି।

ଶ୍ରୀମନ୍ଦିର ନୀତି ବିଭ୍ରାଟକୁ ନେଇ ହାଇକୋର୍ଟଙ୍କ ଅସନ୍ତୋଷ

ଶ୍ରୀମନ୍ଦିର ନୀତି ବିଭ୍ରାଟକୁ ନେଇ ହାଇକୋର୍ଟଙ୍କ ଅସନ୍ତୋଷ

କଟକ ଅଫିସ,୧୯।୪- ଶ୍ରୀମନ୍ଦିରରେ ସୃଷ୍ଟି ହୋଇଥିବା ଅଚଳାବସ୍ଥାରେ ପୂର୍ଣ୍ଣଚ୍ଛେଦ ଟାଣିଛନ୍ତି ହାଇକୋର୍ଟ। ଶ୍ରୀମନ୍ଦିରରେ ନୀତି ବିଭ୍ରାଟକୁ ନେଇ ହାଇକୋର୍ଟ ଅସନ୍ତୋଷ ପ୍ରକାଶ କରିଛନ୍ତି। ଗର୍ଭଗୃହ ଭିତରକୁ ପ୍ରବେଶ କଟକଣା ନେଇ ଦିଆଯାଇଥିବା ପୂର୍ବ ଆଦେଶକୁ ଭୁଲ ବ୍ୟାଖ୍ୟା କରାଯାଇଛି। ଗର୍ଭଗୃହ ଭିତରକୁ କେଉଁମାନେ ପ୍ରବେଶ କରିପାରିବେ ସେ ନେଇ ହାଇକୋର୍ଟ ନିର୍ଦ୍ଦିଷ୍ଟ ଭାବେ କୌଣସି ନିର୍ଦ୍ଦେଶ ଦେଇ ନ ଥିବା ସ୍ପଷ୍ଟ କରିଛନ୍ତି।

ରେଳ ଧାରଣାରେ ଫାଟ : ବର୍ତ୍ତିଲା ଫାଷ୍ଟ ପାସେଞ୍ଜର

ରେଳ ଧାରଣାରେ ଫାଟ : ବର୍ତ୍ତିଲା ଫାଷ୍ଟ ପାସେଞ୍ଜର

ବାହାନଗା/ସୋର, ୧୯।୪(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ନିକଟ ଦକ୍ଷିଣ-ପୂର୍ବ ରେଳପଥରେ ଏକ ମାଲବାହୀ ଟ୍ରେନର ୬ଟି ବଗି ଛିଡି ଅଲଗା ହୋଇଯିବା ଘଟଣାର ୫ଦିନ ପରେ ଆଉ ଏକ ଅଘଟଣ ଗୁରୁବାର ଘଟିଛି। ଏହି ରେଳପଥର ବାହାନଗା ଷ୍ଟେଶନଠାରୁ ୨ କି.ମି. ଦୂର ଅପ୍‌ଲାଇନ୍‌ରେ କେସିପୁର ଗ୍ରାମ ନିକଟରେ ରେଳଧାରଣା ଫାଟିଯାଇଛି।

ଟ୍ରେନ୍‌ ଧକ୍କାରେ ହାତୀ ମୃତ୍ୟୁ ଘଟଣା: ତଦନ୍ତ ପାଇଁ ଆସିବେ କେନ୍ଦ୍ରୀୟ ଟିମ୍‌

ଟ୍ରେନ୍‌ ଧକ୍କାରେ ହାତୀ ମୃତ୍ୟୁ ଘଟଣା: ତଦନ୍ତ ପାଇଁ ଆସିବେ କେନ୍ଦ୍ରୀୟ ଟିମ୍‌

ଝାରସୁଗୁଡା ଅଫିସ,୧୯।୪- ଝାରସୁଗୁଡା ଜିଲା ବାଗଡିହି ରେଞ୍ଜ ଅଞ୍ଚଳରେ ଟ୍ରେନ୍‌ ଦୁର୍ଘଟଣାରେ ୪ଟି ହାତୀର ମୃତ୍ୟୁ ଘଟଣା ଜାତୀୟସ୍ତରରେ ଚାଞ୍ଚଲ୍ୟ ସୃଷ୍ଟି କରିଛି। ଘଟଣାର ଅନୁଧ୍ୟାନ କରିବାକୁ ଏକ କେନ୍ଦ୍ରୀୟ ଟିମ୍‌ ଖୁବଶୀଘ୍ର ଝାରସୁଗୁଡା ଆସୁଥିବା ସୂଚନା ମିଳିଛି। ଉକ୍ତ ଟିମରେ ଜଙ୍ଗଲ ବିଭାଗ ଏବଂ ୱାଇଲ୍ଡ ଲାଇଫ୍‌ର କିଛି ବରିଷ୍ଠ ଅଧିକାରୀ ଆସିବାର କାରର୍ଯ୍ୟକ୍ରମ ରହିଛି।

ଦୁର୍ଘଟଣାରେ କନିଷ୍ଠ ଯନ୍ତ୍ରୀ ମୃତ

ଦୁର୍ଘଟଣାରେ କନିଷ୍ଠ ଯନ୍ତ୍ରୀ ମୃତ

ଜୟପୁର,୧୯।୪(ନି.ପ୍ର.): ଜୟପୁର-କୁନ୍ଦୁରା ରାସ୍ତାର ଘାଟବାଗରା ନିକଟରେ ସଡ଼କ ଦୁର୍ଘଟଣାରେ କନିଷ୍ଠ ଯନ୍ତ୍ରୀ ସିପୁନ ନାୟକଙ୍କ ମୃତ୍ୟୁ ହୋଇଛି। ବିଳମ୍ବିତ ରାତିରେ ସେ କାମ ସାରି ଜୟପୁରରୁ ବାହାରି କୁନ୍ଦୁରା ଯାଉଥିବା ସମୟରେ ଘାଟବାଗରା ବ୍ରିଜ ନିକଟରେ ଭାରସାମ୍ୟ ହରାଇ ତାଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହେବାରୁ ସେଠାରେ ତାଙ୍କର ମୃତ୍ୟୁ ହେଲା।