ରାଜ୍ୟ

ଖଣ୍ଡପଡ଼ା : ମୋ ସ୍କୁଲ କାର୍ଯ୍ୟକ୍ରମର ୨ୟ ବୈଠକ

ଖଣ୍ଡପଡା,୨୦ା୬(ସ୍ବ.ପ୍ର.)- ଖଣ୍ଡପଡା ରାମଚନ୍ଦ୍ର ଉଚ୍ଚ ବିଦ୍ୟାଳୟର ସମ୍ମିଳନୀ କକ୍ଷରେ ସୋମବାର ମୋ ସ୍କୁଲ ଅଭିଯାନ କାର୍ଯ୍ୟକ୍ରମର ୨ୟ ବୈଠକ ଅନୁଷ୍ଠିତ ହୋଇଯାଇଛି। ଖଣ୍ଡପଡା ବିଧାୟକ ଅନୁଭବ ପଟ୍ଟନାୟକ ମୁଖ୍ୟ ଅତିଥିରୂପେ ଯୋଗଦେଇ କାର୍ଯ୍ୟକ୍ରମର ସଫଳତା ନିମନ୍ତେ ସମସ୍ତ ପୁରାତନ ଛାତ୍ର ଓ ଅଞ୍ଚଳବାସୀଙ୍କ ସକ୍ରିୟ ସହଯୋଗ କାମନା କରିଥିଲେ। ପୁରାତନ ଛାତ୍ରମାନେ ବିଦ୍ୟାଳୟର ବିକାଶ ନିମନ୍ତେ ଆଗେଇ ଆସିବାକୁ ସେ ଅନୁରୋଧ କରିଥିଲେ। ବିଦ୍ୟାଳୟର ବିଭିନ୍ନ ସମସ୍ୟା ସମ୍ପର୍କରେ ଭାରପ୍ରାପ୍ତ ପ୍ରଧାନ ଶିକ୍ଷକ ନକୁଳ ଚନ୍ଦ୍ର ଖୁଣ୍ଟିଆ ବିଧାୟକଙ୍କ ଦୃଷ୍ଟି ଆକର୍ଷଣ କରିଥିଲେ। ଖଣ୍ଡପଡାର ପ୍ରଥମ ନଗରପାଳ କିଶୋର ଚନ୍ଦ୍ର ଦାଶ, ଶିକ୍ଷାବିତ୍‌ ପ୍ରଫୁଲ୍ଲ ଚନ୍ଦ୍ର ଦାଶ, ନିରଞ୍ଜନ ସ୍ବାଇଁ, ଖବରଦାତା ବିନାୟକ ମିଶ୍ର, ରାମଚନ୍ଦ୍ର ଦାଶଙ୍କ ସମେତ ଖଣ୍ଡପଡା ସହରର ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ସୁଚିନ୍ତିତ ମତାମତ ପ୍ରଦାନ କରିଥିଲେ। କାର୍ଯ୍ୟକ୍ରମର ସଫଳତା ନିମନ୍ତେ ଯୋଜନା ପ୍ରସ୍ତୁତ ସହ ଏକ କମିଟି ଗଠନ କରାଯାଇଥିଲା।

ଚୋରାକାଠ ଜବତ, ୧ ଗିରଫ

ଚୋରାକାଠ ଜବତ, ୧ ଗିରଫ

ନୟାଗଡ଼ ଅଫିସ,୨୦ା୬- ନୟାଗଡ଼ ଜିଲା ପଞ୍ଚରିଡ଼ା ବନ ବିଭାଗ ମଙ୍ଗଳବାର ନାଗମୁଣ୍ଡଳୀଠାରେ ଚଢ଼ାଉ କରି ଏକ ଚୋରା କାଠ ବୋଝେଇ ଟାଟା ଏସିଇ ଜବତ କରିଛି। ଗାଡ଼ିରେ ଥିବା ୩୮ ଖଣ୍ଡ ଶାଳକାଠ ଜବତ କରାଯିବା ସହ ଗାଡ଼ି ଚାଳକଙ୍କୁ ଗିରଫ କରାଯାଇଛି। ଘଟଣାରୁ ପ୍ରକାଶ ଯେ, ଶରଣକୁଳ ଥାନା ସାନଗୋରଡ଼ା ଗ୍ରାମରୁ ଏକ ଟାଟା ଏସିଇ (ଓଆର୨୫ସି-୬୯୨୩) ଚୋରା କାଠ ନେଇ ଇଟାମାଟି ଯାଉଥିବା ବନ ବିଭାଗ ଖବର ପାଇଥିଲା। ପରେ ବିଭାଗୀୟ କର୍ମଚାରୀ ଉକ୍ତ ଗାଡ଼ିର ପିଛା କରିଥିଲେ। କେଶରପୁର ଗ୍ରାମର ନାଗମୁଣ୍ଡଳୀ ରାସ୍ତାଠାରେ ସେମାନେ ଗାଡି ଅଟକାଇ କାଠ ଜବତ କରିଥିଲେ। ଗାଡ଼ି ଚାଳକ ଖସି ପଳାଇବାକୁ ଉଦ୍ୟମ କରୁଥିବା ବେଳେ ବନ ଅଧିକାରୀ ତାଙ୍କୁ କାବୁ କରିଥିଲେ। ଏ ନେଇ ଏକ ମାମଲା ରୁଜୁ କରାଯାଇ ଚାଳକ ଆଙ୍ଗିସିଙ୍ଗି ଗ୍ରାମର ମୁକୁନ୍ଦ ପ୍ରଧାନଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି। ଏହି ଚଢ଼ାଉରେ ପଞ୍ଚରିଡ଼ା ବନାଞ୍ଚଳ ଅଧିକାରୀ ଧନେଶ୍ୱର ରଥ, ଫରେଷ୍ଟର କୈଳାସ ପ୍ରଧାନ, ବନରକ୍ଷୀ ପ୍ରକାଶ ଚନ୍ଦ୍ର ପାଳ ଓ ସ୍କ୍ବାଡ୍‌ ସାମିଲ ଥିଲେ।

ସ୍ତ୍ରୀଙ୍କୁ ଆକ୍ରମଣ ଘଟଣାରେ ସ୍ବାମୀଙ୍କୁ ୧ ବର୍ଷ କାରାଦଣ୍ଡ

ନୟାଗଡ଼ ଅଫିସ,୨୦ା୬- ସ୍ତ୍ରୀଙ୍କୁ ମରଣାନ୍ତକ ଆକ୍ରମଣ ଘଟଣାର ଶୁଣାଣି କରି ମଙ୍ଗଳବାର ସ୍ବାମୀଙ୍କୁ ଏକବର୍ଷ କାରାଦଣ୍ଡ ପ୍ରଦାନ କରିଛନ୍ତି ମହିଳା କୋର୍ଟ ବିଚାରପତି ପ୍ରଜ୍ୟୋତି ରାଉତ। ଅଭିଯୁକ୍ତ ଜଣକ ହେଲେ ଇଟାମାଟି ଗ୍ରାମର ସାଗର ଘଡ଼େଇ। ମାମଲାର ବିବରଣୀରୁ ପ୍ରକାଶ ଯେ, ସାଗର ତାଙ୍କ ସ୍ତ୍ରୀ କୁନି ଘଡ଼େଇଙ୍କ ଚରିତ୍ରକୁ ସନ୍ଦେହ କରିବା ସହ ଅଧିକ ଯୌତୁକ ଦାବିରେ ବିଭିନ୍ନ ସମୟରେ ନିର୍ଯାତନା ଦିଅନ୍ତି। ଏପରିସ୍ଥଳେ ୧୩ ଜାନୁୟାରୀ ୨୦୧୫ ସକାଳ ୬ଟା ସମୟରେ କବାଟରେ ଦିଆଯାଉଥିବା କିଳା (କାଠଫାଳିଆ)ରେ ସାଗର କୁନିଙ୍କୁ ମରଣାନ୍ତକ ଆକ୍ରମଣ କରିଥିଲେ। ଏଥିରେ କୁନିଙ୍କ ମୁଣ୍ଡ ଫାଟି ଗୁରୁତର ହୋଇଥିଲେ। ଚିକିତ୍ସା ପରେ କୁନି ଏ ନେଇ ଇଟାମାଟି ଥାନାରେ ଅଭିଯୋଗ କରିଥିଲେ। ପୋଲିସ ୪/୧୫ରେ ମାମଲା ରୁଜୁ କରି ସାଗରଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। କିଛିଦିନ ପରେ ସାଗର ଜାମିନରେ ଆସିଥିଲେ। ମଙ୍ଗଳବାର ୭ ଜଣ ସାକ୍ଷୀଙ୍କ ସାକ୍ଷ୍ୟ ଗ୍ରହଣ କରି ୧ବର୍ଷ କାରାଦଣ୍ଡ ଓ ୧ ହଜାର ଟଙ୍କା ଜରିମାନା ମହିଳା କୋର୍ଟ ବିଚାରପତି ପ୍ରଜ୍ୟୋତି ରାଉତ ଶୁଣାଣି କରିଥିଲେ। ଜରିମାନା ଅନାଦାୟ ଅଧିକ ୧ମାସ କାରାଦଣ୍ଡ ଶୁଣାଣି କରାଯାଇଛି। ଜରିମାନା ଅର୍ଥ ପୀଡ଼ିତାଙ୍କୁ ଦିଆଯିବ ବୋଲି ନିର୍ଦ୍ଦେଶ ରହିଛି। ସରକାରୀ ଓକିଲ ବଳଭଦ୍ର ମହାନ୍ତି ମାମଲା ପରିଚାଳନା କରୁଥିଲେ।

କଡ଼ାକଡ଼ି ହେବ ନୋ ହେଲମେଟ୍‌ ନୋ ପେଟ୍ରୋଲ୍‌ ନିୟମ

ନୟାଗଡ଼ ଅଫିସ,୨୦ା୬- ବାଇକ୍‌ ଚାଳକମାନେ ଯେପରି ନିୟମିତ ହେଲମେଟ୍‌ ବ୍ୟବହାର କରିବେ ସେ ନେଇ ମଙ୍ଗଳବାର ଜିଲାପାଳ ଡ. ଏନ. ତିରୁମାଲା ନାଏକଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା। ଏଥିରେ ଜିଲାପାଳ ନୟାଗଡ଼ ସହରରେ ଘଟୁଥିବା ସଡ଼କ ଦୁର୍ଘଟଣା ସମ୍ପର୍କରେ ଆଲୋଚନା କରି ବାଇକ୍‌ ଚାଳକମାନେ ଗାଡ଼ି ଚଲାଇଲା ବେଳେ ନିଶ୍ଚିତ ଭାବେ ହେଲମେଟ୍‌ ପିନ୍ଧିବା ପାଇଁ ପରାମର୍ଶ ଦେଇଥିଲେ। ଏଥିପାଇଁ ଆଞ୍ଚଳିକ ପରିବହନ ଅଧିକାରୀଙ୍କ ଦ୍ୱାରା ସଚେତନତା କାର୍ଯ୍ୟକ୍ରମ କରାଯିବା ସହିତ ହେଲମେଟ୍‌ ଯାଞ୍ଚ କଡ଼ାକଡ଼ି କରାଯିବା ପାଇଁ ନିଷ୍ପତ୍ତି ହୋଇଥିଲା ା

ଅସହ୍ୟ ହେଉଛି ଖରାତାତି ନୟାଗଡ଼ରେ ୩୮ ଡିଗ୍ରୀ ଛୁଇଁଲା ତାପମାତ୍ରା

ଅସହ୍ୟ ହେଉଛି ଖରାତାତି ନୟାଗଡ଼ରେ ୩୮ ଡିଗ୍ରୀ ଛୁଇଁଲା ତାପମାତ୍ରା

ନୟାଗଡ଼ ଅଫିସ,୨୦ା୬- ୪ଦିନ ହେଲା ସାରା ରାଜ୍ୟରେ ଗ୍ରୀଷ୍ମର ପ୍ରକୋପ ଜାରି ରହିଛି। ପାହାଡ଼ ପାଦଦେଶରେ ଥିବା ନୟାଗଡ଼ ସହର ମଧ୍ୟ ଏଥିରୁ ବାଦ୍‌ ପଡ଼ିନାହିଁ। ଏଠାକାର ଲୋକେ ଆକାଶରୁ ନିଆଁ ବର୍ଷା ହେବା ଭଳି ଅନୁଭବ କରୁଛନ୍ତି। ଅସହ୍ୟ ଖରା ତାତି ଯୋଗୁ ପୂର୍ବାହ୍ନ ୧୦ଟା ପରେ ରାସ୍ତାଘାଟ ଶୂନଶାନ୍‌ ହୋଇଯାଉଛି। ଜରୁରୀ କାମ ନ ଥିଲେ ଲୋକମାନେ ଘରୁ ବାହାରୁନାହାନ୍ତି। ଅନ୍ୟପଟେ ସନ୍ଧ୍ୟାରେ ଗରମ ପବନ ବହୁଥିବାରୁ ଜନଜୀବନ ଅସ୍ତବ୍ୟସ୍ତ ହୋଇପଡୁଛି। ସୂର୍ଯ୍ୟଙ୍କ କୋପଠାରୁ ବଳିଯାଉଛି ବିଦ୍ୟୁତ୍‌ ସମସ୍ୟା। ଅଘୋଷିତ ବିଦ୍ୟୁତ୍‌ କାଟ ସାଙ୍ଗକୁ ଲୋ ଭୋଲଟେଜ ଓ ଲାଇନ୍‌ ଅପ୍‌ ଡାଉନ୍‌ ହେଉଥିବାରୁ ଲୋକମାନେ ଘର ଭିତରେ ବି ଶାନ୍ତିରେ ରହିପାରୁନାହାନ୍ତି। କେତେବେଳେ ଦିନରେ ତ ଆଉ କେତେବେଳେ ବିଳମ୍ବିତ ରାତ୍ରିରେ ଲାଇନ୍‌ କଟିବା

ଦେଶୀ ମଦ ଜବତ, ଜଣେ ଗିରଫ

ଦଶପଲ୍ଲା,୨୦ା୬(ଡି.ଏନ.ଏ.)- ମଙ୍ଗଳବାର ରାତି ପ୍ରାୟ ସାଢେ ୮ଟାରେ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇଛି। ଏହି ସମୟରେ ସ୍ଥାନୀୟ ଡିହଗାଁ ମାଳିସାହି ଛକରୁ ୮ ଲି. ଦେଶୀ ମଦ ଜବତ ସହ ଜଣଙ୍କୁ ଗିରଫ କରାଯାଇଛି । ସେ ହେଲେ ମାଳିସାହିର ପ୍ରଭାତ କୁମାର ରଣା। ପ୍ରଭାତ ଉକ୍ତ ଛକରେ କ୍ୟାବିନ ପକାଇ ମଦ ବିକ୍ରି କରୁଥିବା ଅଭିଯୋଗ ହେଉଥିଲା। ସବ୍‌ଇନ୍ସପେକ୍ଟର ସତ୍ୟନାରାୟଣ ଦାଶ ଓ କନଷ୍ଟେବଳ ଲକ୍ଷ୍ମୀଧର ବେହେରା ଏହି ଚଢାଉରେ ସାମିଲ ଥିଲେ।

ଲଡୁବାବାଙ୍କ ପୀଠରେ ଶୀତଳଷଷ୍ଠୀ ଯାତ୍ରା

ଲଡୁବାବାଙ୍କ ପୀଠରେ ଶୀତଳଷଷ୍ଠୀ ଯାତ୍ରା

ନୟାଗଡ଼ ଅଫିସ,୨୦ା୬- ନୟାଗଡ଼ ଜିଲାର ପ୍ରସିଦ୍ଧ ଶୈବପୀଠ ଶରଣକୁଳ ଲଡ଼ୁବାବା ପୀଠରେ ସୋମ ଓ ମଙ୍ଗଳବାର ଦୁଇଦିନ ଶୀତଳଷଷ୍ଠୀ ଯାତ୍ରା ମହାସମାରୋହରେ ପାଳିତ ହୋଇଯାଇଛି। ଶିବ ବିବାହ ପରେ ବନ୍ଧୁ ଶଙ୍ଖୁଳା ଲାଗି ଲଡ଼ୁବାବାଙ୍କ ନିମନ୍ତ୍ରଣ ପାଇଁ ସୋମବାର ସନ୍ଧ୍ୟାରେ ଶରଣକୁଳ ଅଞ୍ଚଳର ବିଭିନ୍ନ ଗ୍ରାମରେ ଥିବା ଠାକୁରମାନେ ଲଡ଼ୁବାବାଙ୍କ ମନ୍ଦିରରେ ଏକିତ୍ରିତ ହୋଇଥିଲେ। ପରେ ମନ୍ଦିର ବେଢ଼ାରେ ଷୋଳଠାକୁରଙ୍କୁ ପୂଜାର୍ଚ୍ଚନା କରାଯାଇଥିଲା।

ରଥଯାତ୍ରାରେ ବନ୍ଦ ହେବ ଅଶ୍ଳୀଳ ଗୀତ

ନୟାଗଡ଼ ଅଫିସ,୨୦ା୬- ଜିଲାପାଳ ଡ. ଏନ. ତିରୁମାଲା ନାଏକଙ୍କ ଅଧ୍ୟକ୍ଷତାରେ ନୟାଗଡ଼ ସହରରେ ଥିବା ପ୍ରଭୁ ଜଗନ୍ନାଥଙ୍କ ରଥଯାତ୍ରା ପାଇଁ ଏକ ପ୍ରସ୍ତୁତି ବୈଠକ ମଙ୍ଗଳବାର ଅନୁଷ୍ଠିତ ହୋଇଯାଇଛି ା ଅପରାହ୍ନରେ ଜିଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ବୈଠକରେ ଯାତ୍ରା ପାଇଁ କାଠ ଯୋଗାଣ, ରଥ ନିର୍ମାଣ, ଠାକୁରଙ୍କ ରୀତିନୀତି ଓ ବେଶ, ଦେବସ୍ନାନ ପୂର୍ଣ୍ଣିମା, ନେତ୍ରୋତ୍ସବ, ନବଯୌବନ ଦର୍ଶନ, ଶ୍ରୀ ଗୁଣ୍ଡିଚା ଯାତ୍ରା, ବାହୁଡ଼ା ଯାତ୍ରା, ରଥଟଣା ବ୍ୟବସ୍ଥା, ମାଉସୀ ମା’ ମନ୍ଦିର ପରିସରରେ ପରିଷ୍କାର ପରିଚ୍ଛନ୍ନ ଓ ଡ୍ରେନ ନିର୍ମାଣ ଆଦି ବିଷୟରେ ଆଲୋଚନା କରାଯାଇଥିଲା ା

ପ୍ରଚଣ୍ଡ ଶବ୍ଦରେ ଫାଟିଲା ରାସ୍ତା :ଭୂମିକମ୍ପ ସନ୍ଦେହରେ ଲୋକେ ଆତଙ୍କିତ

ପ୍ରଚଣ୍ଡ ଶବ୍ଦରେ ଫାଟିଲା ରାସ୍ତା :ଭୂମିକମ୍ପ ସନ୍ଦେହରେ ଲୋକେ ଆତଙ୍କିତ

ନୟାଗଡ଼ ଅଫିସ/ଭାପୁର(ଡି.ଏନ୍‌.ଏ.),୨୦ା୬- ନୟାଗଡ଼ ଜିଲା ଭାପୁର ବ୍ଲକ ପଦ୍ମାବତୀ ଗ୍ରାମରେ ମଙ୍ଗଳବାର ଏକ ଅଭାବନୀୟ ଘଟଣା ଘଟିଥିଲା। ଅପରାହ୍ନରେ ହଠାତ୍‌ ପ୍ରଚଣ୍ଡ ଶବ୍ଦ ହେବାରୁ ୧୦ଫୁଟ ଓସାରର ରାସ୍ତା ଫାଟିଯାଇଛି। ଏହା ଭୂମିକମ୍ପ ବୋଲି ସନ୍ଦେହ କରି ଲୋକମାନେ ଆତଙ୍କିତ ହୋଇପଡିଛନ୍ତି।

ରୌଦ୍ରତାପ, ପାରାଦୀପ ଶିଳ୍ପାଞ୍ଚଳ ଧୂଅଁାରେ ଲୋକେ ଅତିଷ୍ଠ

ମହାକାଳପଡା, ୨୦ା୬ (ଡିଏନଏ): ଜଳବାୟୁ ପରିବର୍ତ୍ତନ ଯୋଗୁ ବାୟୁମଣ୍ଡଳ ଉତ୍ତପ୍ତ ହେବାରେ ଲାଗିଛି। ଫଳରେ ଗତ କିଛିଦିନ ହେବ କେନ୍ଦ୍ରାପଡା ଜିଲାର ଉପକୂଳ ଅଞ୍ଚଳରେ ରୌଦ୍ରତାପ ବୃଦ୍ଧି ପାଇଛି। ତତଲା ପବନ ପ୍ରବାହ ଯୋଗୁ ଦିନରେ ଘରୁ ବାହାରିବା ମୁସକିଲ୍‌ ହୋଇପଡୁଛି। ସକାଳ ୧୦ଟା ଠାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ରାସ୍ତାଘାଟ ପ୍ରାୟ ଜନଶୂନ୍ୟ ହୋଇଯାଉଛି। ମହାକାଳପଡା ବ୍ଲକର ୩୧ ପଞ୍ଚାୟତର ଜନସାଧାରଣ ଏଥିଯୋଗୁ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି।

ବାପାଙ୍କ ପ୍ରୋତ୍ସାହନ ସଫଳତା ଦେଇଛି

ବାପାଙ୍କ ପ୍ରୋତ୍ସାହନ ସଫଳତା ଦେଇଛି

ମାର୍ଶାଘାଇ ବଜାର ସଂଲଗ୍ନ କୁମ୍ଭାର ସାହି ମୃତ୍ତିକା ଶିଳ୍ପ ପାଇଁ ପ୍ରସିଦ୍ଧି ଲାଭ କରିଛି ା ଏହି ସାହିରେ ରୁହନ୍ତି ସ୍ବର୍ଗତ ନାଗମଣି ସାହୁଙ୍କ ପୁତ୍ର କୈଳାସ ଚନ୍ଦ୍ର ସାହୁ (୫୨) ା ନାଗମଣି ମୃତ୍ତିକା ଶିଳ୍ପରେ ଜଣେ ବିଶିଷ୍ଟ କାରିଗର ଥିଲେ ା ବାପାଙ୍କ ଠାରୁ ଅନୁପ୍ରାଣିତ ହୋଇ କୈଳାସ କଳା, ସ୍ଥାପତ୍ୟ ଓ ଭାସ୍କର୍ଯ୍ୟ ଶିଳ୍ପୀ ହେବାକୁ ମନସ୍ଥ କରିଥିଲେ। ମାଟ୍ରିକ୍‌ ପାସ କରିବା ପରେ ବ୍ରହ୍ମପୁରର ଖଲ୍ଲିକୋଟ ଆର୍ଟ କଲେଜରେ ପଢିବାକୁ ଇଚ୍ଛା ପ୍ରକାଶ କରିଥିଲେ ା ବାପା ଏଥିରେ ସହମତି ପ୍ରକାଶ କରିବାରୁ ସେ ଖଲ୍ଲିକୋଟ ଆର୍ଟ କଲେଜରେ ୫ ବର୍ଷ ଅଧ୍ୟୟନ କରି ସ୍ଥାପତ୍ୟ ଓ ଭାସ୍କର୍ଯ୍ୟରେ ଡିଗ୍ରୀ ଲାଭ କରିଥିଲେ।

କେନ୍ଦ୍ରାପଡ଼ା: ଅଂଶୁଘାତରେ ୨ଜଣଙ୍କ ମୃତ୍ୟୁ ଅଭିଯୋଗ

କେନ୍ଦ୍ରାପଡ଼ା ଅଫିସ,୨୦।୬-କେନ୍ଦ୍ରାପଡା ଜିଲାରେ ଗତ କିଛିଦିନ ହେବ ପ୍ରଚଣ୍ଡ ରୌଦ୍ରତାପ ଜାରି ରହିଛିି। ଏପରି ସ୍ଥିତିରେ ଜିଲାର ୨ଟି ପୃଥକ୍‌ ସ୍ଥାନରେ ମଙ୍ଗଳବାର ୨ଜଣ ବ୍ୟକ୍ତିଙ୍କ ଅଂଶୁଘାତରେ ମୃତ୍ୟୁ ଘଟିଥିବା ଅଭିଯୋଗ ହୋଇଛି। କେନ୍ଦ୍ରାପଡ଼ା ତହସିଲ ଅଧୀନ ଜଜାଙ୍ଗ ଗ୍ରାମର ଚନ୍ଦ୍ରମଣି ବେହେରା(୬୨)ଙ୍କ ଅଂଶୁଘାତରେ ମୃତ୍ୟୁ ଘଟିଥିବା ନେଇ ସଦର ଥାନାରେ ଅଭିଯୋଗ ହୋଇଛି । ପ୍ରକାଶ ଯେ, ଚନ୍ଦ୍ରମଣି କେନ୍ଦ୍ରାପଡା ସହରରୁ ନିଜର କାର୍ଯ୍ୟ ସାରି ମଧ୍ୟାହ୍ନରେ ଘରକୁ ଫେରିଥିଲେ । ତେବେ ଘରେ ପହଞ୍ଚିବା ପରେ ହଠାତ୍‌ ଅଚେତ ହୋଇ ପଡିବାରୁ ପରିବାର ସଦସ୍ୟ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ନେଇଥିଲେ ।

ଅଙ୍ଗୁଳାଇ ମଦଦୋକାନ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ

କେନ୍ଦ୍ରାପଡା ଅଫିସ/ ମାର୍ଶାଘାଇ (ଡି.ଏନ.ଏ.),୨୦ା୬:ଗତ କିଛିଦିନ ଧରି ସଦର ଥାନା ଅନ୍ତର୍ଗତ ମାର୍ଶାଘାଇ ବ୍ଲକ ଅଙ୍ଗୁଳାଇ ଛକରେ ଥିବା ୨ଟି ସରକାରୀ ଦେଶୀ ଓ ବିଦେଶୀ ମଦ ଦୋକାନକୁ ନେଇ ଜନ ଅସନ୍ତୋଷ ଓ ଉତ୍ତେଜନା ଲାଗି ରହିଥିଲା ା ତେବେ ଜିଲା ପ୍ରଶାସନ ଓ ସ୍ଥାନୀୟ ଜନପ୍ରତିନିଧିଙ୍କ ମଧ୍ୟରେ ଆଲୋଚନା ପରେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ମଦ ଦୋକାନ ବନ୍ଦ ରହିବ ବୋଲି ଜିଲା ପ୍ରଶାସନ ପକ୍ଷରୁ ମଙ୍ଗଳବାର ପ୍ରତିଶ୍ରୁତି ମିଳିଛି ା

ଗହିରାପାଳ-କନପୁର ସେତୁ ନିର୍ମାଣରେ ଅନିୟମିତତା

ଦଶରଥପୁର,୨୦ା୬ (ଡି.ଏନ୍‌.ଏ.):ଯାଜପୁର ଜିଲା ଦଶରଥପୁର ବ୍ଲକର ସୀମା ଭାବେ ପରିଚିତ କୟଁା ପଞ୍ଚାୟତ କୟଁାଗୋଲା ଠାରେ ବୈତରଣୀ ନଦୀ ପାରହେଲେ ଭଦ୍ରକ ଜିଲା ସୀମା ଆରମ୍ଭ ହୋଇଥାଏ। ସେହିପରି କୟଁାଗୋଲା ଠାରେ ବୈତରଣୀ ନଦୀ ଠାରୁ ଏକ ଶାଖା ପେଟାନଦୀ ବହିଯାଇଥିବାବେଳେ ଦକ୍ଷିଣକୁ ମାତ୍ର ୧ କି.ମି. ଗଲେ କୟଁା ପଞ୍ଚାୟତର ଗହିରାପାଳ ଗ୍ରାମକୁ ଲାଗି ବହିଯାଇଥିବା ପେଟାନଦୀର ଅପରପାର୍ଶ୍ୱରେ କେନ୍ଦ୍ରାପଡା ଜିଲ୍ଲାର କନପୁର ଗ୍ରାମ ଅବସ୍ଥିତ । ତେବେ ଗତ ୧୨ବର୍ଷ ପୂର୍ବରୁ ସରକାରଙ୍କ ପକ୍ଷରୁ କୟଁାଗୋଲାଠାରେ ବୈତରଣୀ ନଦୀ ଉପରେ ସେତୁ ନିର୍ମାଣ ହୋଇ ଯାଜପୁର -ଭଦ୍ରକ ଜିଲା ମଧ୍ୟରେ ଗମନାଗମନର ସୁବିଧା କରାଯାଇପାରିଛି। କୟଁାଗୋଲାର ପେଟାନଦୀର ଅପରପାର୍ଶ୍ୱରେ ରହିଥିବା କେନ୍ଦ୍ରାପଡ଼ା ଜିଲାକୁ ଯାଜପୁର ଓ ଭଦ୍ରକର ଗମନାଗମନଲାଗି ପେଟା ନଦୀଟି ବାଧକ ସାଜିଥାଏ। ତେଣୁ ୩ଜିଲାକୁ ଗମନାଗମନ ସୁବିଧା ନିମନ୍ତେ ଜନସାଧାରଣଙ୍କ ପକ୍ଷରୁ ଦୀର୍ଘଦୀନ ହେଲା ଏଠାରେ ଦାବି ହୋଇଆସୁଥିଲା।

ଶିକ୍ଷା, ବୃତ୍ତିଗତ ସଚେତନତା ଶିବିର: ୩ ଶହ ଛାତ୍ରୀଛାତ୍ରଙ୍କ ଅଂଶଗ୍ରହଣ

ଶିକ୍ଷା, ବୃତ୍ତିଗତ ସଚେତନତା ଶିବିର: ୩ ଶହ ଛାତ୍ରୀଛାତ୍ରଙ୍କ ଅଂଶଗ୍ରହଣ

କୋକସରା,୨୦।୬(ଡି.ଏନ.ଏ.)- କଳାହାଣ୍ଡି ଜିଲା କୋକସରା ବ୍ଲକ ଟେମରା ମଣ୍ଡି ପରିସରରେ ଜିଲା ଭତରା ଜନ କଲ୍ୟାଣ ସମିତିର ଏକ ଚିନ୍ତନ ସଭା ମଙ୍ଗଳବାର ଅନୁଷ୍ଠିତ ହୋଇଯାଇଛି। ଅନୁଷ୍ଠିତ ଚିନ୍ତନ ସଭାରେ ଯୋଗଦେଇଥିବା ଅତିଥି ଓ ବକ୍ତାମାନେ ଶିକ୍ଷା ହିଁ ବିକାଶର ମୂଳମନ୍ତ୍ର ବୋଲି କହିଥିଲେ। ସେହିପରି ଭତରା ସମାଜରେ ଥିବା ସମସ୍ତ ଛାତ୍ରୀଛାତ୍ର ଉଚ୍ଚ ଶିକ୍ଷିତ ହୋଇ ସମାଜର ବିକାଶ ଧାରାକୁ ଅଗକୁ ନେବାକୁ ପଡିବ ବୋଲି ଏଥିରେ ଗୁରୁତ୍ୱ ଦିଆଯାଇଥିଲା।

ପାଣିପାଗର ଅସ୍ବାଭାବିକ ସ୍ଥିତି, ଖରିଫ ଚାଷ ପ୍ରଭାବିତ

ରସୁଲପୁର,୨୦।୬(ଡି.ଏନ୍‌.ଏ):ପାଣିପାଗରେ ଅସ୍ବାଭାବିକ ପରିବର୍ତ୍ତନ ଘୁଟୁଛି ା ବୈଶାଖ ମାସ ବଦଳରେ ଆଷାଢରେ ମୁଣ୍ଡ ଫଟା ଖରା ସାଙ୍ଗକୁ ଅସହ୍ୟ ଗରମ ଗୁଳୁଗୁଳି ଚାଷୀଙ୍କ ଚିନ୍ତା ବଢାଇ ଦେଇଛି ା ରୌଦ୍ରତାପ ଯୋଗୁଁ ଚାଷୀ ଫସଲ କିଆରୀକୁ ବାହାରି ପାରୁନାହିଁ ା କୃଷକ କୃଷି କ୍ଷେତକୁ ରକ୍ଷଣାବେକ୍ଷଣ କରିବାରେ ବିଫଳ ହେଉଛି ା ଏଭଳି ସ୍ଥିତିକୁ ନେଇ ପାଣିପାଗ ବିଭାଗ ମଧ୍ୟ ଚିନ୍ତାରେ ପଡିଯାଇଛି ା କୃଷି ବିଭାଗ ପକ୍ଷରୁ ଚାଷୀଙ୍କ ପାଇଁ ସତର୍କସୂଚନା ଜାରି କରାଯାଇଛି ା ଢିପ ଜମିରେ ଚାଷ କାର୍ଯ୍ୟ କରିବାକୁ ବାରଣ କରାଯାଇଛି।

ଈଶାଣପୁର ପଞ୍ଚାୟତ ଦୁର୍ନୀତିର ଭିଜିଲାନ୍ସ ତଦନ୍ତ ଜାରି

ବରୀ,୨୦ା୬(ସ୍ବ.ପ୍ର.):ଯାଜପୁର ଜିଲା ବରୀ ବ୍ଲକ ଅଧୀନ ଇଶାଣପୁର ପଞ୍ଚାୟତରେ ହୋଇଥିବା ମହାଦୁର୍ନୀତିର ଭିଜିଲାନ୍ସ ତଦନ୍ତ ଚାଲିଛି। ଚଳିତ ମାସରେ ୬ ଥର ତଦନ୍ତ ହୋଇଥିବାବେଳେ ଅଭିଯୋଗକାରୀଙ୍କୁ ତଦନ୍ତରେ ସାମିଲ କରାଯାଉ ନ ଥିବା ଜଣାପଡିଛି। ଏଥିସହ ୬ ଲକ୍ଷ ଟଙ୍କାର ପଙ୍କ ଉଦ୍ଧାର, ଶଙ୍କରାକୂଳ ଗ୍ରାମର ଦଳିତ ବସ୍ତିକୁ ୫ ଲକ୍ଷ ଟଙ୍କା ବ୍ୟୟରେ ଜଳ ଯୋଗାଣ ପ୍ରକଳ୍ପ, ଏମ୍‌ଜିଏନଆରଇଜିଏସ ଯୋଜନାରେ ୪ ଲକ୍ଷ ଟଙ୍କାର କଳାଖଣ୍ଡ ରାସ୍ତା, ପଞ୍ଚାୟତ କାର୍ଯ୍ୟାଳୟ ଉନ୍ନୟନ, ୩ଟି ଖେଳ ପଡିଆ ନାଁରେ ୫ ଲକ୍ଷ ଟଙ୍କା ହରିଲୁଟ୍‌ ଘଟଣା ଭିଜିଲାନ୍ସ ତଦନ୍ତରୁ ବାଦ୍‌ ପଡିଥିବା ଅଭିଯୋଗ ହୋଇଛି।

ମିଶ୍ରଣ ପରିବର୍ତ୍ତେ ଦଳ ଛାଡ଼ୁଛନ୍ତି ନେତା

ଯାଜପୁର ଅଫିସ,୨୦ା୬:ଯାଜପୁର ଜିଲା ଭାଜପାରେ ଦିନେ ମିଶ୍ରଣ ପର୍ବ ଜୋର ଧରିଥିଲା। ମାତ୍ର ଏବେ ନେତାମାନେ ଦଳ ଛାଡ଼ୁଥିବା ଦେଖିବାକୁ ମିଳୁଛି। ଯାହାକୁ ନେଇ ଜିଲାରେ ଚର୍ଚ୍ଚା ଜୋର ଧରିଛି ା ଯାହାଫଳରେ ଜିଲାରେ ଭାଜପାର ସ୍ଥିତି ଦୁର୍ବଳ ହେବାରେ ଲାଗିଛି। ଗତ ପଞ୍ଚାୟତ ନିର୍ବାଚନରେ ଜିଲାରେ ଭାଜପା ୩ ଲକ୍ଷ ୧୮ହଜାର ଭୋଟ ହାତେଇ କଂଗ୍ରେସକୁ ତୃତୀୟ ସ୍ଥାନକୁ ଠେଲି ଦ୍ୱିତୀୟ ସ୍ଥାନକୁ ଉଠି ଏକ ବୃହତ୍ତ ରାଜନୈତିକ ଶକ୍ତି ଭାବେ ଉଭା ହୋଇଥିଲା।

ସର୍ବସ୍ବ ହରାଇ ଭୋକ ଉପାସରେ ବିସ୍ଥାପିତ

ଯାଜପୁର ଅଫିସ/କଳିଙ୍ଗନଗର (ଡି.ଏନ.ଏ.),୨୦ା୬:ପ୍ରଦୂଷଣ, ଟେଣ୍ଡର ପ୍ରକ୍ରିୟାରେ ପ୍ରିୟାପ୍ରୀତି, କୋଇଲା ଦୁର୍ନୀତି ଆଦି ଘଟଣାକୁ ନେଇ ଚର୍ଚ୍ଚାରେ ରହି ଆସୁଥିବା କଳିଙ୍ଗନଗର ନୀଳାଚଳ ଇସ୍ପାତ ନିଗମ ଲିଃ କାରଖାନାରେ ଏବେ ପୁଣି ବିସ୍ଥାପିତଙ୍କୁ ନିଯୁକ୍ତି ବିବାଦ ଘନେଇଛି ା କାରଖାନାରେ ଚାକିରି କାଳରେ(୬୦ ବର୍ଷ ମଧ୍ୟରେ) ମୃତ୍ୟୁବରଣ କରିଥିବା ବିସ୍ଥାପିତ କର୍ମଚାରୀଙ୍କ ଉତ୍ତରାଧିକାରୀଙ୍କୁ ନିଯୁକ୍ତି ମିଳିବାରେ ନୀଳାଚଳ ଟାଳଟୁଳ ନୀତି ଅବଲମ୍ବନ କରୁଛି।

ମନ୍ଦିର ପ୍ରବେଶ କଲେ ଦେବ ଦମ୍ପତି

ମନ୍ଦିର ପ୍ରବେଶ କଲେ ଦେବ ଦମ୍ପତି

ସମ୍ବଲପୁର,୨୦।୬ (ବ୍ୟୁରୋ) ସରିଛି ସମ୍ବଲପୁରର ପ୍ରସିଦ୍ଧ ଶୀତଳଷଷ୍ଠୀ ଯାତ୍ରା। ବିବାହ ପରେ ମା’ ପାର୍ବତୀଙ୍କୁ ସାଙ୍ଗରେ ଧରି ସ୍ବ ମନ୍ଦିରକୁ ପ୍ରତ୍ୟାବର୍ତ୍ତନ କରିଛନ୍ତି ଦେବ ଦେବ ମହାଦେବ। କନ୍ୟା ଘରୁ ମନ୍ଦିରକୁ ଫେରିବା ଅବସରରେ ୨ ଦିନ ଧରି ଚାଲିଥିବା ନଗର ପରିକ୍ରମା ତଥା ଶୋଭାଯାତ୍ରା ବି ଶେଷ ହୋଇଛି।

ନଦୀକୂଳବାସୀ ପାଉନାହାନ୍ତି ମଧୁର ଜଳ : ନଳକୂପରୁ ବାହାରୁଛି ଲୁଣାପାଣି

ନଦୀକୂଳବାସୀ ପାଉନାହାନ୍ତି ମଧୁର ଜଳ : ନଳକୂପରୁ ବାହାରୁଛି ଲୁଣାପାଣି

ନାଉଗଁା,୨୦ା୬(ସ୍ବ.ପ୍ର.): ନାଉଗଁା ବ୍ଲକର ଶିଖର, କେରୁଅ, ଓଷକଣା ଆଦି ପଞ୍ଚାୟତର କେତେକ ଗ୍ରାମ ଦେବୀ ନଦୀକୂଳରେ ରହିଛି। ଏହିସବୁ ଗ୍ରାମରେ ଥିବା ନଳକୂପରୁ ଲୁଣିପାଣି ବାହାରୁଥିବାରୁ ପାନୀୟଜଳ ପାଇଁ ଗ୍ରାମବାସୀ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଏପରିକି ସରକାରଙ୍କ ପକ୍ଷରୁ ଲକ୍ଷାଧିକ ଟଙ୍କା ବ୍ୟୟରେ ଏଠାରେ ପ୍ରତିଷ୍ଠା ହୋଇଥିବା ପ୍ରକଳ୍ପଗୁଡିକ ମଧ୍ୟ କାମରେ ଲାଗୁ ନ ଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି।

ବାଇଜଙ୍ଗା ଗୁଳିକାଣ୍ଡ ମାମଲାରେ ୨ ଗିରଫ : ମାଷ୍ଟର ମାଇଣ୍ଡ ନଁାରେ ୮ ମାମଲା

ବାଇଜଙ୍ଗା ଗୁଳିକାଣ୍ଡ ମାମଲାରେ ୨ ଗିରଫ : ମାଷ୍ଟର ମାଇଣ୍ଡ ନଁାରେ ୮ ମାମଲା

ଜଗତ୍‌ସିଂହପୁର ଅଫିସ,୨୦ା୬: ଜଗତ୍‌ସିଂହପୁର ଥାନା ବଳରାମପୁର ପଞ୍ଚାୟତର ବାଇଜଙ୍ଗା ଗ୍ରାମରେ ଗତ ୧୫ ତାରିଖରେ ହୋଇଥିବା ଗୁଳିମାଡ଼ ଘଟଣାରେ ପୋଲିସ ୨ ଜଣଙ୍କୁ ଗିରଫ କରିଛି। ସେମାନେ ହେଲେ ଜଗତ୍‌ସିଂହପୁର ଥାନା କାଦୁଆପଡ଼ାର ରାକେଶ କୁମାର ମଲ୍ଲିକ ଓରଫ ରାକା(୨୭) ଓ କଲ୍ୟାଣପୁରର ମହିମା ଶକ୍ତି ପ୍ରସାଦ ପରିଡ଼ା ଓରଫ ବାବି (୩୦)। ଉଭୟଙ୍କୁ ମଙ୍ଗଳବାର କୋର୍ଟଚାଲାଣ କରାଯାଇଛି।

ଚାଷ ଜମିକୁ ପାଣି ନାହିଁ, ଠିକାଦାରଙ୍କ ବେଳକୁ ଅଛି: ପାଣି ଛାଡୁନି ଜଳ ସେଚନ ବିଭାଗ

ଚାଷ ଜମିକୁ ପାଣି ନାହିଁ, ଠିକାଦାରଙ୍କ ବେଳକୁ ଅଛି: ପାଣି ଛାଡୁନି ଜଳ ସେଚନ ବିଭାଗ

ସମ୍ବଲପୁର,୨୦।୬(ବ୍ୟୁରୋ)-ସମ୍ବଲପୁର ଶାସନ କେନାଲ ହୁମା ଟେଲରେ ପାଣି ଛାଡିବାରେ ଜଳ ସେଚନ ବିଭାଗ ବିଳମ୍ବ କରୁଥିବା ଅଭିଯୋଗ ହେଉଛି । ଶାସନ କେନାଲ ହୁମା ଟେଲ ଚାଷୀମାନେ ଏହି ଅଭିଯୋଗ ଆଣିଛନ୍ତି। କେନାଲର କେତେକ ସ୍ଥାନରେ ମରାମତି କାମ ଚାଲିଛି।

ବ୍ରୁକ୍ସହିଲ୍‌ ଡ୍ରେନ୍‌ରୁ ମୃତ ଦେହ ଉଦ୍ଧାର

ବ୍ରୁକ୍ସହିଲ୍‌ ଡ୍ରେନ୍‌ରୁ ମୃତ ଦେହ ଉଦ୍ଧାର

ସମ୍ବଲପୁର,୨୦।୬(ବ୍ୟୁରୋ)-ସମ୍ବଲପୁର ଧନୁପାଲି ଥାନା ବ୍ରୁକ୍ସହିଲ ନିକଟରେ ମଙ୍ଗଳବାର ସନ୍ଧ୍ୟାରେ ଏକ ଅଜଣା ମୃତଦେହ ପୋଲିସ ଉଦ୍ଧାର କେରିଛି। ମୃତକଙ୍କ ବୟସ ଅନୁମାନିକ ୨୫ ବର୍ଷ ଭିତରେ ହେବ ବୋଲି ପୋଲିସ କହିଛି। ହେଲେ ପରିଚୟ ମିଳିନି। ଯୁବକଙ୍କ ମୁଣ୍ଡ ଓ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି ।