ରାଜ୍ୟ

ଜୟପୁର ପୌରାଞ୍ଚଳ: ଭୂମିହୀନଙ୍କ ପାଇଁ ସ୍ଥାୟୀ ପଟ୍ଟା ଦାବି

ଜୟପୁର,୪।୫(ନି.ପ୍ର.):ଜୟପୁର ପୌରାଞ୍ଚଳରେ ଦୀର୍ଘଦିନ ଧରି ସରକାରୀ ଜମିରେ ବସବାସ କରୁଥିବା ଭୂମିହୀନ ପରିବାରଙ୍କୁ ସ୍ଥାୟୀ ପଟ୍ଟା ଦେବା ସହ ସେମାନଙ୍କୁ ଉପଯୁକ୍ତ ଥଇଥାନ କରିବା ପାଇଁ ଜୟପୁର ବିଧାୟକ ତାରା ପ୍ରସାଦ ବାହିନୀପତି ଦାବି କରିଛନ୍ତି। ବିଧାନସଭାରେ ସେ କହିଥିଲେ ଯେ, ସହରାଞ୍ଚଳ ଭୂମିହୀନଙ୍କ ପାଇଁ ଜମି ଜବରଦଖଲ ପ୍ରତିରୋଧ ଆଇନ ଓ ଓଡ଼ିଶା ଜମିଜମା ବନ୍ଦୋବସ୍ତ ଆଇନ ରହିଛି। ବିଭିନ୍ନ ସମୟରେ ପେଟପାଟଣା ପାଇଁ ସହରକୁ ଆସି ସରକାରୀ ଜମିରେ କୁଡ଼ିଆ କରି ରହୁଥିବା ପରିବାରକୁ ସ୍ଥାୟୀ ପଟ୍ଟା ଦେବା ପାଇଁ ମଧ୍ୟ ସୁପ୍ରିମକୋର୍ଟ ଏକ ରାୟରେ ଦର୍ଶାଇଛନ୍ତି। ସମ୍ବିଧାନ ଅନୁସାରେ ବଞ୍ଚତ୍ବା ଏକ ମୌଳିକ ଅଧିକାର। ବିଭିନ୍ନ ସହରାଞ୍ଚଳରେ ଭୂମିହୀନ ଓ ବାସହୀନ ପରିବାରକୁ ଭୂମି କିମ୍ବା ବାସଗୃହ ଯୋଗାଇଦେବା ପାଇଁ ରାଜ୍ୟ ସରକାର ଆଇନ କରିଛନ୍ତି। ଏହି ଆଧାରରେ ତୁରନ୍ତ ଜୟପୁରର ବାସହୀନ ପରିବାରକୁ ଜମି ଯୋଗାଇଦେବା ପାଇଁ ବାହିନୀପତି ଦାବି କରିଥିଲେ। ଏହାସହ ବର୍ତ୍ତମାନ ସୁଦ୍ଧା ଏ ଦିଗରେ ସରକାର କି ପଦକ୍ଷେପ ନେଇଛନ୍ତି, ନିର୍ଦ୍ଦିଷ୍ଟ ଭାବେ କେବେ ସୁଦ୍ଧା ସେମାନଙ୍କୁ ଭୂମି ଓ ଗୃହ ଯୋଗାଇ ଦିଆଯିବ ତା’ ସ୍ପଷ୍ଟ କରିବାକୁ ମଧ୍ୟ ସେ ଦାବି ରଖିଥିଲେ।

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ:ଫଲୋଅପ୍‌ ଚିକିତ୍ସା ପାଇଁ ଆସିଲେ ରୀମା,ଆଖିକୁ ଭଲ ଦିଶୁନି, କାନକୁ କମ୍‌ ଶୁଭୁଛି

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ:ଫଲୋଅପ୍‌ ଚିକିତ୍ସା ପାଇଁ ଆସିଲେ ରୀମା,ଆଖିକୁ ଭଲ ଦିଶୁନି, କାନକୁ କମ୍‌ ଶୁଭୁଛି

କଟକ ଅଫିସ, ୪।୫- ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣାରେ ଆହତ ରୀମା ସାହୁ ଗୁରୁବାର ଫଲୋଅପ୍‌ ଚିକିତ୍ସା ପାଇଁ ଏସ୍‌ସିବି ଆସିଥିଲେ। ପ୍ଲାଷ୍ଟିକ୍‌ ସର୍ଜରି, ଇଏନ୍‌ଟି ଓ ଚକ୍ଷୁ ବିଭାଗରେ ରୀମା ଡାକ୍ତରଙ୍କ ପରାମର୍ଶ କରିଥିଲେ। ରୀମାଙ୍କ ବାମ ଆଖିକୁ ଭଲ ଦିଶୁ ନ ଥିବାବେଳେ ବାମ କାନକୁ କମ୍‌ ଶୁଭୁଛି। ତେଣୁ ଆଖି ଓ କାନର ଚିକିତ୍ସା କରିବା ପରେ ପ୍ଲାଷ୍ଟିକ ସର୍ଜରୀ ବିଭାଗକୁ ଯାଇଥିଲେ। ସେଠାରେ ବୋମା ବିସ୍ଫୋରଣ ଯୋଗୁ ଶରୀରରେ ସୃଷ୍ଟି ହୋଇଥିବା ଦାଗଗୁଡ଼ିକୁ ହଟାଇବା ପାଇଁ ଚିକିତ୍ସା ଆରମ୍ଭ କରାଯାଇଛି। ଏଥିପାଇଁ ରୀମାଙ୍କୁ କେତେକ ଇଞ୍ଜେକ୍‌ସନ ଦିଆଯାଇଥିବା ପ୍ଲାଷ୍ଟିକ ସର୍ଜରୀ ବିଭାଗର ସହଯୋଗୀ ପ୍ରଫେସର ବିଭୁତି ଭୂଷଣ ନାୟକ ସୂଚନା ଦେଇଛନ୍ତି। ଆଉ ୧ ମାସ ପରେ ପୁନର୍ବାର ରୀମା ଫଲୋଅପ୍‌ ଚିକିତ୍ସାରେ ଆସିବା ପାଇଁ ପରାମର୍ଶ ଦିଆଯାଇଥିବା ଡାକ୍ତର ନାୟକ ସୂଚନା ଦେଇଛନ୍ତି।

ସାଲେପୁର ଶିଶୁକନ୍ୟା ବଳାତ୍କାର, ହତ୍ୟା ମାମଲା:ଘଟଣାସ୍ଥଳ ପରିଦର୍ଶନ କଲେ କେନ୍ଦ୍ରାଞ୍ଚଳ ଆଇଜି,ନିଯୁକ୍ତ ହେଲେ ସ୍ବତନ୍ତ୍ର ପିପି

କଟକ ଅଫିସ, ୪।୫- ସାଲେପୁର ୬ ବର୍ଷିଆ ଶିଶୁକନ୍ୟା ବଳାତ୍କାର ଓ ହତ୍ୟା ମାମଲାରେ ସମସ୍ତ ତଦନ୍ତ ପ୍ରକ୍ରିୟାକୁ ଅନୁଧ୍ୟାନ କରିଛନ୍ତି କେନ୍ଦ୍ରାଞ୍ଚଳ ଆଇଜି ସୌମେନ୍ଦ୍ର ପ୍ରିୟଦର୍ଶୀ। ଗୁରୁବାର ଅପରାହ୍ନରେ ଘଟଣାସ୍ଥଳକୁ ଆଇଜି ପ୍ରିୟଦର୍ଶୀ ଓ ଗ୍ରାମାଞ୍ଚଳ ଏସ୍‌ପି ମାଧବ ଚନ୍ଦ୍ର ସାହୁ ପରିଦର୍ଶନରେ ଯାଇଥିଲେ। ଅଭିଯୁକ୍ତଙ୍କ ବିରୋଧରେ କଠୋର ଦଣ୍ଡବିଧାନ କରିବା ପାଇଁ ଆବଶ୍ୟକ ତଥ୍ୟ ପ୍ରମାଣ ଯୋଗାଡ଼ କରିବାକୁ ସାଲେପୁର ଏସ୍‌ଡିପିଓ ଓ ଥାନା ଅଧିକାରୀଙ୍କୁ ଆଇଜି ନିର୍ଦ୍ଦେଶ ଦେଇଛନ୍ତି। ଅନ୍ୟପକ୍ଷରେ ଏହି ମାମଲାର ପରିଚାଳନା ପାଇଁ ସ୍ବତନ୍ତ୍ର ପିପି ଏ.କେ. ନାୟକଙ୍କୁ ନିଯୁକ୍ତ କରାଯାଇଛି। ଶୀଘ୍ର ଚାର୍ଜଶିଟ ଦାଖଲ ହେବ। ଏଥିନିମନ୍ତେ ସମସ୍ତ କାର୍ଯ୍ୟ ଚାଲିଛି ବୋଲି ଆଇଜି ପ୍ରିୟଦର୍ଶୀ ସୂଚନା ଦେଇଛନ୍ତି। ନମୁନାର ଡିଏନ୍‌ଏ ଟେଷ୍ଟ ପାଇଁ ରାଜ୍ୟ ଫୋରେନ୍‌ସିକ ସାଇନ୍ସ ଲାବୋରେଟୋରି (ଏଫ୍‌ଏସ୍‌ଏଲ୍‌)କୁ ପଠାଯାଇଛି। ଫିଙ୍ଗରପ୍ରିଣ୍ଟ ଯାଞ୍ଚ ପାଇଁ ଏଫ୍‌ଏସ୍‌ଏଲ୍‌କୁ ପଠାଯାଇଥିବା ସୂଚନା ମିଳିଛି। ନୂଆ ଅପରାଧ ଅଧ୍ୟାଦେଶ ଅନୁଯାୟୀ ଏହି ଘଟଣାକୁ ପୋଲିସ ରେଡ୍‌ଫ୍ଲାଗ ମାମଲାରେ ଅନ୍ତଭୁକ୍ତ କରି ତଦନ୍ତ ପ୍ରକ୍ରିୟାକୁ ଜୋର୍‌ଦାର କରିଛି। ସମଗ୍ର ଘଟଣାର ଅନୁଧ୍ୟାନ କ୍ରାଇମବ୍ରାଞ୍ଚ ପକ୍ଷରୁ କରାଯାଉଛି। କ୍ରାଇମବ୍ରାଞ୍ଚର ଏକ ଟିମ୍‌ ସାଲେପୁରକୁ ଯାଇ ଘଟଣାର ତଦନ୍ତ ପ୍ରକ୍ରିୟାକୁ ଯାଞ୍ଚ କରିଛି।

ସିଏମ୍‌ସି ବର୍ଜ୍ୟବସ୍ତୁ ଟେଣ୍ଡର ମାମଲା:ରହିତାଦେଶ ବଳବତ୍ତର ରଖିଲେ ହାଇକୋର୍ଟ

କଟକ ଅଫିସ, ୪।୫- କଟକ ମହାନଗର ନିଗମ (ସିଏମ୍‌ସି) ବର୍ଜ୍ୟବସ୍ତୁ ଟେଣ୍ଡର ଉପରେ ଜାରି ହୋଇଥିବା ଅନ୍ତରୀଣ ରହିତାଦେଶ ବଳବତ୍ତର ରଖିଛନ୍ତି ହାଇକୋର୍ଟ। ଅନ୍ୟାଦେଶ ପର୍ଯ୍ୟନ୍ତ ଏହି ଟେଣ୍ଡର ଉପରେ କୌଣସି ନିଷ୍ପତ୍ତି ନିଆଯାଇପାରିବ ନାହିଁ ବୋଲି ହାଇକୋର୍ଟ ତାଙ୍କ ଆଦେଶରେ ସ୍ପଷ୍ଟ କରିଛନ୍ତି। ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା ୭ ତାରିଖକୁ ହାଇକୋର୍ଟ ଧାର୍ଯ୍ୟ କରିଛନ୍ତି। ସୂଚନାଥାଉକି, ସିଏମ୍‌ସିର ବର୍ଜ୍ୟବସ୍ତୁ ଟେଣ୍ଡରକୁ ଚ୍ୟାଲେଞ୍ଜ କରି ଜାଗୃତି ୱେଲଫେୟାର ଅର୍ଗାନାଇଜେଶନ ପକ୍ଷରୁ ହାଇକୋର୍ଟରେ ଏକ ମାମଲା ରୁଜୁ ହୋଇଥିଲା। ଏଥିସହ ସିଏମ୍‌ସି କର୍ପୋରେଟର ଗିରିବାଳା ବେହେରାଙ୍କ ପକ୍ଷରୁ ମଧ୍ୟ ଅନ୍ୟ ଏକ ମାମଲା ରୁଜୁ ହୋଇଥିଲା। ସିଏମ୍‌ସିର ବର୍ଜ୍ୟବସ୍ତୁ ଟେଣ୍ଡରକୁ ଆବେଦନକାରୀ ଦ୍ୱୟ ଚ୍ୟାଲେଞ୍ଜ କରିଥିଲେ। ଉକ୍ତ ଟେଣ୍ଡରକୁ ରଦ୍ଦ କରିବା ପାଇଁ ଆବେଦନକାରୀଙ୍କ ପକ୍ଷରୁ ହାଇକୋର୍ଟଙ୍କୁ ପ୍ରାର୍ଥନା କରାଯାଇଥିଲା।

ଗଛମୂଳେ ପାଠ ପଢ଼ୁଛନ୍ତି କୋମଳମତି ଶିଶୁ

ରସୁଲପୁର,୪।୫(ଡିଏନଏ):ରସୁଲପୁର ବ୍ଲକ ଅନ୍ତର୍ଗତ କଲଣ ପଞ୍ଚାୟତର ସରବଣା ଗ୍ରାମର ପାଇକରାପୁର-୨ ଅଙ୍ଗନୱାଡି କେନ୍ଦ୍ରର ସ୍ଥାୟୀ ଗୃହଟିଏ ନିର୍ମାଣ ହୋଇପାରିଲା ନାହିଁ। ଦୀର୍ଘଦିନ ଧରି ଏ ନେଇ ବ୍ଲକ ପ୍ରଶାସନଠାରୁ ଆରମ୍ଭ କରି ଜିଲା ପ୍ରଶାସନ ପର୍ଯ୍ୟନ୍ତ ଅଭିଯୋଗ ହୋଇଆସୁଛି। ମାତ୍ର ଏ ଦିଗରେ ଜନପ୍ରତିନିଧି ଓ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଗଲା ନାହିଁ। ଫଳରେ କୋମଳମତି ଶିଶୁମାନେ ଗଛମୂଳେ ପାଠ ପଢ଼ୁଥିବା ଦେଖିବାକୁ ମିଳିଛି।

ନାବାଳିକାକୁ ବଳାତ୍କାର ମାମଲା: ଯୁବକ ଗିରଫ

ନାବାଳିକାକୁ ବଳାତ୍କାର ମାମଲା: ଯୁବକ ଗିରଫ

ନୟାଗଡ଼ ଅଫିସ/ରଣପୁର(ସ୍ବ.ପ୍ର.),୪।୫-ନୟାଗଡ଼ ଜିଲା ରଣପୁର ଥାନା ସୁନାଖଳା ଫାଣ୍ଡି ଅନ୍ତର୍ଗତ ଖଇରପଲ୍ଲୀ ପଞ୍ଚାୟତରେ ଜଣେ ନାବାଳିକା(୧୦)ଙ୍କୁ ବଳାତ୍କାର କରି ଫେରାର ଥିବା ଯୁବକଙ୍କୁ ପୋଲିସ ଗିରଫ କରିଛି। ଗିରଫ ଯୁବକ ହେଲେ ଖଇରପଲ୍ଲୀ ପଞ୍ଚାୟତ ତାରିଆ ଗ୍ରାମର କାଠିଆ ନାଏକ (୨୬)। କାଠିଆଙ୍କୁ ଗୁରୁବାର ଖୋର୍ଦ୍ଧା ଜିଲା କଳାପଥର ନିକଟରେ ଥିବା କୋଟସିଙ୍ଗା ଗ୍ରାମରେ ଚଢ଼ାଉ କରି ପୋଲିସ ଗିରଫ କରିଥିଲା। ପ୍ରକାଶ ଯେ ନାବାଳିକାଙ୍କୁ କାଠିଆ ବଳାତ୍କାର କରିଥିବା ସୁନାଖଳା ଫାଣ୍ଡିରେ ୨୯ ତାରିଖରେ ଅଭିଯୋଗ ହୋଇଥିଲା। ଉକ୍ତ ଦିନ ଅପରାହ୍ନରେ ନାବାଳିକା ଜଣଙ୍କ ବାହାରକୁ ଶୌଚ ହେବା ପାଇଁ ଯାଇଥିବାବେଳେ ଯୁବକ ଜଣଙ୍କ ନାବାଳିକାଙ୍କୁ କୋଳି ଦେବା ବାହାନାରେ ବୁଦାମୂଳକୁ ଡ଼ାକି ନେଇ ବଳାତ୍କାର କରିଥିଲେ। ଏ ନେଇ ରଣପୁର ଥାନାରେ ୮୧/୧୭ରେ ମାମଲା ରୁଜୁ କରାଯାଇଥିବା ଥାନା ଅଧିକାରୀ ଗିରିଜା ଶଙ୍କର ରଥ ପ୍ରକାଶ କରିଛନ୍ତି। ସେହିଭଳି ଯୁବକଙ୍କ ଡାକ୍ତରୀମାଇନା କରାଯାଇଥିବା ବେଳେ ଶୁକ୍ରବାର କୋର୍ଟଚାଲାଣ କରାଯିବ ବୋଲି ପ୍ରକାଶ କରିଥିଲେ।

ଦୁର୍ଘଟଣାରେ ବାଇକ୍‌ ଆରୋହୀ ମହିଳା ମୃତ

ଓଡ଼ଗାଁ,୪।୫(ସ୍ବ.ପ୍ର.)-ଓଡଗଁ। ସଦର ବିଜ୍ଞାପିତ ଅଞ୍ଚଳ ଉପକଣ୍ଠ ସିନେମା ହଲ ଛକରେ ଏକ ବାଇକକୁ ପଛରୁ ଧକ୍କା ଦେଲା ଅନ୍ୟ ଏକ ବାଇକ । ପଛ ବାଇକ ଧକ୍କାରେ ଆଗ ବାଇକରେ ବସିଥିବା ଜଣେ ମହିଳାଙ୍କ ମୃତ୍ୟୁ ଘଟିଛି । ମୃତ ମହିଳା ହେଲେ ଓଡଗଁ। ଥାନା ମହୁଲିଆ ଗ୍ରାମର ଗୀତାଞ୍ଜଳି ନାହାକ(୪୨) । ସକାଳ ପ୍ରାୟ ସାଢେ ଦଶଟାରେ ଓଡଗଁ। ଥାନା ନନ୍ଦିଘୋର ନିକଟସ୍ଥ ମହୁଲିଆ ଗ୍ରାମର ଆନନ୍ଦ ନାହାକ(୫୦), ସ୍ତ୍ରୀ ଗୀତାଞ୍ଜଳି(୪୨) ଓ ପୁଅ ବିଜୁ ନାହାକ(୨୩)ଙ୍କ ସହିତ ଏକ ହିରୋ ବାଇକ(ନଂ.ଓଆର୨୫ସି୪୧୭୯)ରେ ବସି ଗଞ୍ଜାମ ଜିଲା କୁମ୍ପାପଡା ଗ୍ରାମରୁ ନିଜ ଗ୍ରାମକୁ ଫେରୁଥିଲେ । ହେଲେ ଘଟଣାସ୍ଥଳରେ ଓଡି୦୨ଇ୦୬୯୦ ନମ୍ବର ବିଶିଷ୍ଟ ହିରୋ ଇଗ୍ନିନେଟର ବାଇକ ଦ୍ରୁତ ଗତିରେ ଆସି ଗୀତାଞ୍ଜଳି ବସିଥିବା ବାଇକକୁ ପଛରୁ ଧକ୍କା ଦେଇଥିଲା । ଫଳରେ ଭାରସାମ୍ୟ ହରାଇ ଗୀତାଞ୍ଜଳି ବାଇକରୁ ଖସି ତଳେ ପଡିଯାଇଥିଲେ । ଲୋକେ ତାଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ଅବସ୍ଥା ସଙ୍କଟାପନ୍ନ ହେବାରୁ ନୟାଗଡ ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କର ମୃତ୍ୟୁ ଘଟିଥିବା ଜଣାଯାଇଛି । ଓଡ଼ଗାଁ ପୋଲିସ ମହିଳାଙ୍କ ମୃତଦେହ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିବା ସହିତ ଏ ନେଇ ଏକ ମାମଲା ରୁଜୁ କରିଛି । ପୋଲିସ ଉଭୟ ବାଇକ ଜବତ କରିଥିବା ବେଳେ ଦୁର୍ଘଟଣା ଘଟାଇଥିବା ବାଇକ ଆରୋହୀ ଚତୁରତାର ସହିତ ଖସି ଫେରାର ହୋଇଯାଇଛନ୍ତି ।

ମାଉଜର ଦେଖାଇ ଯାତ୍ରୀବାହୀ ବସ୍‌ ଲୁଟ୍‌ ଉଦ୍ୟମ

ମାଉଜର ଦେଖାଇ ଯାତ୍ରୀବାହୀ ବସ୍‌ ଲୁଟ୍‌ ଉଦ୍ୟମ

ଓଡ଼ଗାଁ,୪।୫(ସ୍ବ.ପ୍ର.)-ନୟାଗଡ ଜିଲା ଓଡ଼ଗାଁ ଥାନା ଓ ବାହାଡ଼ାଝୋଲା ଫାଣ୍ଡି ଅନ୍ତର୍ଗତ ବନ୍ଧାଭୂମି-ବେରୁଆଁବାରି ମଝିରେ ଥିବା ଗୋଲା ପଡିଆରେ ଗୁରୁବାର ସନ୍ଧ୍ୟାରେ ଏକ ଯାତ୍ରୀବାହୀ ବସକୁ ମାଉଜର ଦେଖାଇ ଲୁଟ୍‌ ଉଦ୍ୟମ କରାଯାଉଥିବାବେଳେ ତାହା ବିଫଳ ହୋଇଛି । ଡ୍ରାଇଭର ଉପସ୍ଥିତ ବୁଦ୍ଧି ଖଟାଇ ମାଉଜର ଛଡାଇ ଆଣିବାରୁ ଲୁଟେରା ପଳାଇଯାଇଥିଲେ। ପ୍ରାୟ ୬ଟାରେ ଭୁବନେଶ୍ୱରରୁ ବାହାଡ଼ାଝୋଲା ଦେଇ ପଡୋଶୀ ଗଞ୍ଜାମ ଜିଲା କାଦୁଆକୁ ଯାଉଥିବା ଅମ୍ବିକା ନାମକ ଯାତ୍ରୀବାହୀ ବସ ଡ୍ରାଇଭରଙ୍କୁ ଗୋଲା ପଡିଆଠାରେ ବାଇକରେ ବସିଥିବା ଜଣେ ଦୁର୍ବୃତ୍ତ ମାଉଜର ଦେଖାଇ ଅଟକାଇବାକୁ ଉଦ୍ୟମ କରିଥିଲେ ।

ଖଟାପାଣିରେ ମିଶୁଛି ସାଇଟ୍ରିକ ଏସିଡ୍‌

ଖଟାପାଣିରେ ମିଶୁଛି ସାଇଟ୍ରିକ ଏସିଡ୍‌

କେନ୍ଦ୍ରାପଡା ଅଫିସ,୪।୫:ଗୁପଚୁପ ବା ଗୋଲଗପ୍ପା ବ୍ୟବସାୟ କେନ୍ଦ୍ରାପଡା ସହର ସମେତ ଗ୍ରାମାଞ୍ଚଳରେ ବେଶ ଆଦୃତ ହେଉଛି । ଅପରାହ୍ନ ହେଲେ ସହରର ଛକଗୁଡିକରେ ଗୁପଚୁପ ବ୍ୟବସାୟୀଙ୍କ ପସରା ମେଲୁଛି । ଏଥିସହିତ ବିଭିନ୍ନ ୱାର୍ଡର ଗଳିରେ ଏମାନଙ୍କୁ ଦେଖିବାକୁ ମିଳୁଛି । ଶିକ୍ଷାନୁଷ୍ଠାନ ନିକଟରେ ସକାଳୁ ସନ୍ଧ୍ୟା ଯାଏ ଏହି ବ୍ୟବସାୟ ଏକ ପ୍ରକାର କିଶୋରୀ କିଶୋରଙ୍କ ଆକର୍ଷଣ ସାଜିଥିବା ବେଳେ ଗୁପଚୁପ ଖାଇବା ପାଇଁ ପିଲାଙ୍କ ଠାରୁ ମହିଳା ପୁରୁଷ ଭିଡ ଲଗାଉଛନ୍ତି । ତେବେ ଗୁପଚୁପ କିପରି ତିଆରି ହେଉଛି ଓ ଏହା ଖାଇବା ଦ୍ୱାରା କ’ଣ ହେଉଛି, ସେ ସମ୍ପର୍କରେ ଖାଇବା ବ୍ୟକ୍ତିର ଆଗ୍ରହ ନ ଥାଏ । ପାଟି ସୁଆଦ ପାଇଁ ଗୁପଚୁପକୁ ସମସ୍ତେ ଆଦର କରନ୍ତି । ତେବେ ଏହି ବ୍ୟବସାୟର ମୁଖ୍ୟ ଆକର୍ଷଣ ଖଟାପାଣିକୁ ନେଇ ପରୀକ୍ଷାଗାରରେ ପରୀକ୍ଷା କଲେ ଏଥିରେ ସାଇଟ୍ରିକ ଏସିଡ ମିଶା ହେଉଥିବା ଜଣା ପଡିଛି ବୋଲି ଜିଲା ମୁଖ୍ୟ ଚିକିତ୍ସାଳୟର ଡାକ୍ତର ମିର୍ଜା ବାବର ବେଗ ସୂଚନା ଦେଇଛନ୍ତି । ଯାହା ଏକ ପ୍ରକାର ବିଷ ଓ ସ୍ବାସ୍ଥ୍ୟହାନି କାରକ ବୋଲି ଡା. ବେଗ ପ୍ରକାଶ କରିବା ସହ ପେଟ ରୋଗ ବଢିବାର ଅନ୍ୟତମ କାରଣ ବୋଲି କହିଛନ୍ତି । ସହରର ଜନୈକ ଗୁପଚୁପ ବ୍ୟବସାୟୀ ହେଲେ ରମେଶ ।

୧. ୮୪ ଲକ୍ଷ ହେକ୍ଟରରେ ଚାଷ ଲକ୍ଷ୍ୟ

୧. ୮୪ ଲକ୍ଷ ହେକ୍ଟରରେ ଚାଷ ଲକ୍ଷ୍ୟ

ଢେଙ୍କାନାଳ ଅଫିସ, ୪।୫:ଢେଙ୍କାନାଳ ଜିଲା କାର୍ଯ୍ୟାଳୟ ସଦ୍‌ଭାବନା ଗୃହରେ ଗୁରୁବାର ଖରିଫ୍‌ ଚାଷ-୨୦୧୮ ପାଇଁ ଜିଲା କୃଷି ନିର୍ଦ୍ଧାରଣ କମିଟି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଜିଲାପାଳ ନିଖିଲ ପଓ୍ବନ କଲ୍ୟାଣ ଅଧ୍ୟକ୍ଷତା କରି ଚାଷୀ ଏବଂ ଚାଷର ଉନ୍ନତି ପାଇଁ ଗୁରୁତ୍ୱାରୋପ କରିଥିଲେ। ଏହି ଅବସରରେ ଜଳସେଚନ ସୁବିଧା ପାଇଁ ସମସ୍ତ ଅଚଳ ଉଠା ଜଳସେଚନ ପଏଣ୍ଟ ତୁରନ୍ତ କାର୍ଯ୍ୟକ୍ଷମ କରିବାକୁ ଜିଲାପାଳ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।

ଦକ୍ଷିଣକାଳୀ ମନ୍ଦିରରୁ ମୂଲ୍ୟବାନ ସାମଗ୍ରୀ ଚୋରି

ଦକ୍ଷିଣକାଳୀ ମନ୍ଦିରରୁ ମୂଲ୍ୟବାନ ସାମଗ୍ରୀ ଚୋରି

ସାତମାଇଲ, ୪।୫-ହିନ୍ଦୋଳ ବ୍ଲକ ବାଲିମୀ ଥାନା ଅନ୍ତର୍ଗତ ଗୁଳେହି ଗ୍ରାମସ୍ଥିତ ଦକ୍ଷିଣକାଳୀ ମନ୍ଦିରରୁ ବୁଧବାର ରାତିରେ ଚୋରି ହୋଇଛି। ଦୁର୍ବୃତ୍ତମାନେ କଂସା, ପିତଳ, ଦାନବାକ୍ସ ସମେତ ବହୁ ମୂଲ୍ୟବାନ ଉପକରଣ ଚୋରି କରି ନେଇଯାଇଛନ୍ତି। ଗୁରୁବାର ମନ୍ଦିର ଆଖପାଖ ଅଞ୍ଚଳରେ ବିଭିନ୍ନ ସାମଗ୍ରୀ ପଡ଼ିଥିବା ଦେଖି ସନ୍ଦେହ ହୋଇଥିଲା। ପୂଜକ ମନ୍ଦିରକୁ ଯାଇ ଦେଖିବା ବେଳକୁ ଚୋରି ହୋଇଥିବା ସ୍ପଷ୍ଟ ହୋଇଥିଲା। ଏ ନେଇ ଗ୍ରାମବାସୀଙ୍କ ଅଭିଯୋଗକ୍ରମେ ଥାନାରେ ନଂ. ୨୯/୧୮ରେ ମାମଲା ରୁଜୁ କରାଯାଇଛି। ଖବର ଲେଖାଯିବା ସୁଦ୍ଧା ଥାନାଧିକାରୀ ଆଶିଷ କୁମାର ଜେନା ସନ୍ଧାନୀ କୁକୁର ସହାୟତାରେ ଛାନ୍‌ଭିନ୍‌ ଜାରି ରଖିଛନ୍ତି।

୧ରୁ ମହିମା ପୁସ୍ତକ ମେଳା

୧ରୁ ମହିମା ପୁସ୍ତକ ମେଳା

ଢେଙ୍କାନାଳ ଅଫିସ, ୪।୫:ଆସନ୍ତା ଜୁନ୍‌ ୧ରୁ ୮ ତାରିଖ ଯାଏ ଢେଙ୍କାନାଳ ମିନି ଷ୍ଟାଡିୟମ୍‌ରେ ଅନୁଷ୍ଠିତ ହେବ ମହିମା ପୁସ୍ତକମେଳା। ଗୁରୁବାର ଜିଲା କାର୍ଯ୍ୟାଳୟ ସଦ୍‌ଭାବନା ଗୃହରେ ଜିଲାପାଳ ନିଖିଲ ପଓ୍ବନ କଲ୍ୟାଣଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ଏ ନେଇ ନିଷ୍ପତ୍ତି ହୋଇଛି। ଏହି ଅବସରରେ ବୁକ୍‌ବ୍ୟାଙ୍କ ଓ ଜିଲାସ୍ତରୀୟ ପାଠାଗାର ଖୋଲିବା ନେଇ ଆଲୋଚନା ହୋଇଥିଲା। ପୁସ୍ତକମେଳାରେ ୫୦ଟି ଷ୍ଟଲ ଖୋଲିବ। ଏଥିପାଇଁ ମେ ୨୦ ସୁଦ୍ଧା ପ୍ରକାଶନ ସଂସ୍ଥାସହ ଯୋଗାଯୋଗ କରାଯିବ। ଅପରାହ୍ନ ୪ଟାରୁ ରାତି ୯ଟା ଯାଏ ପୁସ୍ତକ ମେଳା ପରିସର ଖୋଲାରହିବ ବୋଲି ସ୍ଥିର କରାଯାଇଛି। ଅତିରିକ୍ତ ଜିଲାପାଳ ଅବନୀକାନ୍ତ ପଟ୍ଟନାୟକ, ଜିଲା ସଂସ୍କୃତି ଅଧିକାରୀ ଲକ୍ଷ୍ମୀଧର ରାଉତ, ଆଇନଜୀବୀ ଦୀପ୍ତୀଶ ପ୍ରସାଦ ପଟ୍ଟନାୟକ, ପ୍ରସନ୍ନ ପଟ୍ଟନାୟକ, ନିରଦାନନ୍ଦ ନନ୍ଦ, ଜିଲା ଓକିଲ ସଂଘ ସଭାପତି ଶିବସାଇ ମହାପାତ୍ର, ଜିଲା ସଂସ୍କୃତି ପରିଷଦ ସଭ୍ୟ ଶତ୍ରୁଘ୍ନ ମାଟି, ସତ୍ୟ ନାରାୟଣ କର, ଅଥୟ ସାହୁ, ଅଧ୍ୟାପକ ଡ. ପୁଷ୍ପଲତା ରଥ, ଗଣେଶ ବଜାର ପୂଜା କମିଟି ସମ୍ପାଦକ ବିଶ୍ୱନାଥ ବେହେରା, ଅମରେନ୍ଦ୍ର ଦାସ ପ୍ରମୁଖ ଉପସ୍ଥିତ ରହି ପୁସ୍ତକ ମେଳାକୁ ସଫଳ କରାଇବାକୁ ନିଜସ୍ବ ମତ ଦେଇଥିଲେ।

ଡମ୍ପିଂୟାର୍ଡକୁ ଦେଲେ ପାର୍କ ରୂପ

ଡମ୍ପିଂୟାର୍ଡକୁ ଦେଲେ ପାର୍କ ରୂପ

ଢେଙ୍କାନାଳ ଅଫିସ,୪।୫:ନିଷ୍ଠାପର ଉଦ୍ୟମରେ କରାଯାଇଥିବା କୌଣସି କାର୍ଯ୍ୟ ବ୍ୟର୍ଥ ଯାଏନାହିଁ। ଏହାକୁ ପ୍ରମାଣିତ କରି ଦେଖାଇଛନ୍ତି ଢେଙ୍କାନାଳ ସହରର ୪୫ ବର୍ଷୀୟ ସୁରେନ୍ଦ୍ର କୁମାର ସ୍ବାଇଁ ଓରଫ୍‌ ପପୁ । ତାଙ୍କ ଉଦ୍ୟମରେ ଭାଗୀରଥି ସାଗର ନୂଆପୋଖରୀ କୂଳର ପୂତ୍ତିଗନ୍ଧମୟ ପରିବେଶ ସବୁଜ ବନାନୀରେ ଝଲସୁଛି। ପୋଖରୀ କୂଳରେ ପାର୍କ ତିଆରି କରି ସେ ସହରବାସୀଙ୍କ ପାଇଁ ଅବସର ବିନୋଦନର ବାଟ ଖୋଲିଛନ୍ତି। ନୂଆପୋଖରୀ କୂଳରେ ଜମୁଥିବା ଆବର୍ଜନା ଦୁର୍ଗନ୍ଧମୟ ପରିବେଶ ସୃଷ୍ଟି କରୁଥିଲା। ଏହାର ପ୍ରଭାବ ନିକଟରେ ଥିବା ଶ୍ରୀ ଆଖଣ୍ଡଳମଣି ମନ୍ଦିର ଉପରେ ପଡୁଥିଲା। ଏହାକୁ ସଫା ସୁତରା କରିବାକୁ ପ୍ରଥମେ ପପୁ ଲୋଡ଼ିଥିଲେ ପୌରସଂସ୍ଥାର ସହାୟତା। ହେଲେ ସେଠାରୁ ତାଙ୍କୁ ନିରାଶ ହେବାକୁ ପଡ଼ିଲା। ପ୍ରଶାସନ ଖାଲି ହାତରେ ଫେରାଇଦେବା ପରେ ତାଙ୍କ ମୁଣ୍ଡରେ ପଶିଥିଲା ପାର୍କ ତିଆରି କରିବା ଚିନ୍ତା। ପ୍ରତିଦିନ ସେ ପୋଖରୀ କୂଳକୁ ଆସି ଅପରିଷ୍କାର ପରିବେଶ ସଜାଡ଼ିବାରେ ଲାଗି ପଡ଼ିଲେ। ପୋଖରୀ କୂଳରେ ବାଡ଼ ପକାଇଲେ। ସ୍ଥାନୀୟ ଏକ କେବୁଲ୍‌ ସଂସ୍ଥାରେ କାମ କରି ସଞ୍ଚତ୍ଥିବା ୨୫ ହଜାର ଟଙ୍କା ସେ ଏଥିରେ ଖର୍ଚ୍ଚ ମଧ୍ୟ କଲେ। ତାଙ୍କର ଏପରି ମହତ୍‌ କାର୍ଯ୍ୟ ଦେଖି ଅନେକ ବଦାନ୍ୟ ବ୍ୟକ୍ତି ବଢ଼ାଇଲେ ସହାୟତାର ହାତ।

ଏନ୍‌ଟିପିସିର ୮୫,୫୦୦ କୋଟି ଆୟ ଲକ୍ଷ୍ୟ

ଏନ୍‌ଟିପିସିର ୮୫,୫୦୦ କୋଟି ଆୟ ଲକ୍ଷ୍ୟ

ନୂଆଦିଲ୍ଲୀ,୪-୫(ପି.ଟି.):ଚଳିତ ଆର୍ଥିକ ବର୍ଷରେ ନ୍ୟାଶ୍‌ନାଲ୍‌ ଥର୍ମାଲ୍‌ ପାଓ୍ବାର କର୍ପୋରେଶନ(ଏନ୍‌ଟିପିସି) ୨୬୮ ବିଲିୟନ ୟୁନିଟ୍‌ ବିଦ୍ୟୁତ୍‌ ଉତ୍ପାଦନ କରିବା ପାଇଁ ଆଶା ରଖିଥିବା ବେଳେ ମୋଟ ୮୫,୫୦୦ କୋଟି ଟଙ୍କା ଆୟ କରିବ ବୋଲି ଲକ୍ଷ୍ୟ ରଖିଛି। ଶକ୍ତି ମନ୍ତ୍ରଣାଳୟ ଏବଂ ଏନ୍‌ଟିପିସି ମଧ୍ୟରେ ଏଥିପାଇଁ ଏକ ବୁଝାମଣାପତ୍ର(ଏମ୍‌ଓୟୁ) ସ୍ବାକ୍ଷରିତ ହୋଇଛି। ପରିଚାଳନାଗତ ଦକ୍ଷତା ବୃଦ୍ଧି କରିବା ସହିତ ପୁଞ୍ଜି ବିନିଯୋଗ ପ୍ରକଳ୍ପ ଯାଞ୍ଚ, ବୈଷୟିକ ଜ୍ଞାନକୌଶଳ ବ୍ୟବହାରରେ ଉନ୍ନତି ଆଣିବା ପାଇଁ ଏହି ଏମ୍‌ଓୟୁ ସ୍ବାକ୍ଷରିତ ହୋଇଛି ବୋଲି ଏନ୍‌ଟିପିସି ପକ୍ଷରୁ ପ୍ରକାଶ।

୪୩ ଦିନ ପରେ ଗଁ।ରେ ସ୍ବତନ୍ତ୍ର ଟିମ୍‌

୪୩ ଦିନ ପରେ ଗଁ।ରେ ସ୍ବତନ୍ତ୍ର ଟିମ୍‌

ଭଦ୍ରକ ଅଫିସ,୪।୫-ଭଦ୍ରକ ସଦର ବ୍ଲକ ଦୈସିଂ ପଞ୍ଚାୟତରେ ସ୍ବଚ୍ଛଭାରତ ଯୋଜନାରେ ପାଖାନା ନିର୍ମାଣ ନାଁରେ ପ୍ରାୟ ୫୦ଲକ୍ଷରୁ ଊର୍ଦ୍ଧ୍ୱ ଟଙ୍କା ହଡ଼ପ ହେବା ଘଟଣାର ତଦନ୍ତ ଲାଗି ଗୁରୁବାର ଏକ ସ୍ବତନ୍ତ୍ର ଟିମ୍‌ ଆସି ପହଞ୍ଚିଛନ୍ତି। ତଦନ୍ତ ନିର୍ଦ୍ଦେଶ ଦିଆଯିବାର ୪୩ ଦିନ ପରେ ପ୍ରଶାସନିକ ଟିମ୍‌ ଗାଁକୁ ଆସିବା ଘଟଣାକୁ ଲୋକେ ସହଜରେ ଗ୍ରହଣ କରି ପାରି ନାହାନ୍ତି। ଅନ୍ୟପକ୍ଷେ ଭିଜିଲାନ୍ସ ଟିମ୍‌ ପକ୍ଷରୁ ଏହି ଦୁର୍ନୀତି ନେଇ ପୂର୍ବରୁ ଖୋଳତାଡ଼ ଜାରି ରହିଛି। ଗୋଟିକ ପରେ ଗୋଟିଏ ଗୁମର ଫିଟିବାରେ ଲାଗିଛି । ଏଭଳି ଦୁର୍ନୀତି ଓ ଅନିୟମିତତା ପଛରେ ମୋଟିଭେଟରଙ୍କଠାରୁ ଆରମ୍ଭ କରି ଅଧିକାରୀଙ୍କ ପର୍ଯ୍ୟନ୍ତ ସମ୍ପୃକ୍ତି ଥିବା ଅଭିଯୋଗ ହୋଇଥିବାରୁ ଘଟଣାଟି ସମ୍ବେଦନଶୀଳ ହୋଇପଡିଛି। ଗୋଟିଏ ପାଇଖାନାରେ ୩ ଥର ରଙ୍ଗ ଦେଇ ଏହାର ଫଟୋ ଉଠାଇ ପୃଥକ୍‌ ବିଲ କରି ଟଙ୍କା ହଡପ କରାଯିବା ସହ ଠିକାଦାରଙ୍କ ଦ୍ୱାରା କାମ ହେବାରୁ ବହୁ ଅନିୟମିତତା ହୋଇଥିବା କୁହାଯାଉଛି।

ଥମୁନି ଚୋରା କୋଇଲା ଚାଲାଣ

ଥମୁନି ଚୋରା କୋଇଲା ଚାଲାଣ

ଚାନ୍ଦବାଲି,୪।୫(ଡି.ଏନ.ଏ)- ଭଦ୍ରକ-ଚାନ୍ଦବାଲି ରେଳପଥରୁ କୋଇଲା ଚୋରି ଘଟଣା ଥମିବାର ନଁ। ଧରୁ ନାହିଁ। ପୋଲିସ ପକ୍ଷରୁ ଲଗାତାର ଧରପଗଡ଼ ସତ୍ତ୍ୱେ କୋଇଲା ମାଫିଆମାନେ ପରିବହନ ତରିକା ବଦଳାଇ ଦୂର ସ୍ଥାନକୁ କୋଇଲା ଚାଲାଣ ଜାରି ରଖିଛନ୍ତି। ପୂର୍ବାପେକ୍ଷା କୋଇଲା ଚାଲାଣ କମିଛି ବୋଲି ପୋଲିସ ଦାବି କରୁଥିବାବେଳେ ସ୍ଥିତି ଅପରିବର୍ତ୍ତିତ ଥିବା ସ୍ଥାନୀୟ ଲୋକେ ଅଭିଯୋଗ କହିଛନ୍ତି। ଧାମରା ବନ୍ଦର ଦେଇ ଆସୁଥିବା ଉନ୍ନତମାନର କୋଇଲା ଚୋରି କରି ଅନ୍ୟତ୍ର ବିକ୍ରି କରିଆସୁଥିବା ର଼୍ୟାକେଟ ପଛରେ ଥିବା ପ୍ରଭାବଶାଳୀ ଲୋକଙ୍କ ପାଖରେ ଏଯାଏ ପୋଲିସ ପହଞ୍ଚି ପାରି ନ ଥିବା କୁହାଯାଉଛି।

କର୍ମ ହିଁ ବଞ୍ଚିବା ଶିଖାଇଛି

କର୍ମ ହିଁ ବଞ୍ଚିବା ଶିଖାଇଛି

ଆରଡ଼ି,୪।୫ (ଡି.ଏନ.ଏ.)-ପାରମ୍ପରିକ ବୃତ୍ତି ତାଙ୍କୁ କରିଛି କର୍ମପ୍ରବଣ। କର୍ମ ହିଁ ଶିଖାଇଛି ତାଙ୍କୁ ବଞ୍ଚାଇବା। ଯୁଗ ବଦଳିଥିଲେ ବି ପାରମ୍ପରିକ ବୃତ୍ତିକୁ ଆଦର କରି ସେ ପରିବାର ପ୍ରତିପୋଷଣ କରିଆସୁଛନ୍ତି। ତାଙ୍କ ବ୍ୟକ୍ତିତ୍ୱ, କର୍ମନିଷ୍ଠା ଦେଇଛି ତାଙ୍କୁ ଏକ ସ୍ବତନ୍ତ୍ର ପରିଚୟ। ଜଣେ ସାଧାରଣ ମଣିଷ ହେଲେ ବି କର୍ମପ୍ରବଣତା ତାଙ୍କୁ ଅସାଧାରଣ କରି ଗଢ଼ିଛି। ଏହି ବ୍ୟକ୍ତିତ୍ୱ ହେଲେ ନିତ୍ୟାନନ୍ଦ ସୂତାର(୮୦)। ବୟସର ଅପରାହ୍ନରେ ବି ସେ ଥକି ପଡ଼ିନାହାନ୍ତି। ସବୁଦିନ ଭଳି ଭୋର ସମୟରେ ଉଠି ଠାକୁର ପୂଜା ପାଇଁ ଫୁଲ ତୋଳି ଆଣନ୍ତି।

ଦିନକର କାହାଣୀ:ଲୋକଙ୍କୁ ଭେଟିବାର ନିଶା

ଦିନକର କାହାଣୀ:ଲୋକଙ୍କୁ ଭେଟିବାର ନିଶା

ଧାମନଗର,୪।୫(ଡି.ଏନ.ଏ.)- ନିତିଦିନ ଲୋକଙ୍କୁ ଭେଟିବାର ନିଶା ତାଙ୍କୁ କରିଛି କର୍ମପ୍ରବଣ। ରାତି ପାହିଲେ ଖଣ୍ଡେ ସାଇକେଲ ଧରି ସେ ଆଗରୁ ଘୂରି ବୁଲୁଥିଲେ। ବର୍ଷେ ହେବ ଚଢୁଛନ୍ତି ଲୁନା। ଦୀର୍ଘ ୪୦ ବର୍ଷ ଧରି ଖବରକାଗଜ ବ୍ୟବସାୟ କରି ସେ ସାଉଣ୍ଟିଛନ୍ତି ଅନେକ ଅନୁଭୂତି। ପାଠିକାପାଠିକାଙ୍କ ସହ ଗଢିଛନ୍ତି ନିବିଡ଼ ସମ୍ପର୍କ। ଭଦ୍ରକ ଜିଲା ଧୂଷୁରୀ ଅଞ୍ଚଳରେ ଘରେ ଘରେ ସେ ହୁର୍ଦାନା ଭାବେ ପରିଚିତ। ସମସ୍ତେ ତାଙ୍କୁ ଏହି ନାଁରେ ଡାକନ୍ତି। ତାଙ୍କ ବ୍ୟକ୍ତିତ୍ୱ ଯେମିତି, ବେଶଭୂଷା ସେମିତି ନିଆରା। ହୁର୍ଦାନା ଓରଫ ହୃଦାନନ୍ଦ ସାଏନ୍ତଙ୍କ ଘର ଧାମନଗର ବ୍ଲକ ଧୂଷୁରୀ ଥାନା ଅନ୍ତର୍ଗତ ସାହାସପୁର ତିନିଘରିଆ ସାହିରେ। ପ୍ରତିଦିନ ଭୋର ୫ଟା ୩୦ରେ ଶଯ୍ୟା ତ୍ୟାଗ କରି ନିତ୍ୟକର୍ମ ସାରିବା ପରେ ଗାଈଗୋରୁଙ୍କ ସେବା କରଥାନ୍ତି। ସାଢ଼େ ୭ଟା ବେଳକୁ ଧୂଷୁରୀ ହାଟରେ ପହଞ୍ଚି ଗାଡ଼ିରୁ ଖବରକାଗଜ ପ୍ୟାକେଟ ଓହ୍ଲାଇ ଦୋକାନ ସମ୍ମୁଖରେ ରଖି ହକରମାନଙ୍କୁ ବାଣ୍ଟିଥାନ୍ତି। ଏହାପରେ ସେ ନିଜେ ଧୂଷୁରୀ ହାଟ ବୁଲି ଖବରକାଗଜ ବିତରଣ କରିଥାନ୍ତି।

ନିର୍ଭୟରେ ବୁଲୁଛି ଅପରାଧୀ, ଧରିପାରୁନି ପୋଲିସ

ପାଟଣା,୪।୫(ସ୍ବ.ପ୍ର.): ନିର୍ଭୟରେ ବାହାରେ ବୁଲୁଛି ଅପରାଧୀ, ଧରିପାରୁନି ପୋଲିସ। କେନ୍ଦୁଝର ଜିଲା ଘଟଗାଁ ଥାନା ମୁକ୍ତାପୁର ପଞ୍ଚାୟତ ମୁଦ୍ରାବେଡ଼ା ଗ୍ରାମରେ ଏପରି ଦେଖିବାକୁ ମିଳିଥିବା ଅଭିଯୋଗ ହେଉଛି। ଉକ୍ତ ଗ୍ରାମର ପ୍ରଶାନ୍ତ କୁମାର ଘଣା ଓରଫ୍‌ ତ୍ରିଲୋଚନଙ୍କ ନାମରେ ବହୁ ଧର୍ତବ୍ୟ ଅପରାଧ ମାମଲା ବିଭିନ୍ନ ବିଚରାଳୟରେ ବିଚାରାଧୀନ ରହିଛି। ଏଥିସହ ଏପ୍ରିଲ୍‌ ୧୫ରେ ସେହି ଗ୍ରାମର ଦୁଷ୍ମନ୍ତ ଘଣା, ହୃଷିକେଶ ନାଏକ, ଲକ୍ଷ୍ମୀଧର ନାଏକ, ମୁଚିରାମ ମାଝୀଙ୍କୁ ଦାଦାବଟୀ ମାଗିବା ସହ ଜୀବନରୁ ମାରିଦେବାକୁ ଧମକ ଦେବାର ଅଭିଯୋଗ ଘଟଗାଁ ଥାନାରେ ହୋଇଛି। ଏ ନେଇ ଘଟଗାଁ ଥାନାରେ ଏକ ମାମଲା (ନଂ.୫୯/୧୮) ରୁଜୁ ହୋଇଛି। ଭାରତୀୟ ପିଙ୍ଗଳ କୋଡ଼ ୩୪୧, ୫୧୬ ଓ ୨୯୪ ଧାରାରେ ତଦନ୍ତ ଜାରି ରହିଛି।

‘ବିଫଳତା ଦେଖାଇଲା ସଫଳତାର ବାଟ’

‘ବିଫଳତା ଦେଖାଇଲା ସଫଳତାର ବାଟ’

ଘସିପୁରା,୪।୫(ଡି.ଏନ.ଏ.)-ମନ ଭିତରେ ନିଆରା ଭାବ ରଖିଥିବା ମଣିଷଟିଏ। ସବୁ ସମୟରେ ଲୋକଙ୍କ ସେବାରେ ଲାଗିଥାନ୍ତି। ସେଥିରେ ସେ ଆମତ୍ସନ୍ତୋଷ ଲାଭ କରିଥାନ୍ତି। ସମୟ ମିଳିଲେ ବାଡି ବଗିଚାରେ ଗଛ ଲଗାଇଥାନ୍ତି। ଫୁଲ ଫଳ ବଗିଚାରେ କିଛି ସମୟ ନ ବିତାଇଲେ ଭଲଲାଗେନା। ସେପରି ନିଆରା ବ୍ୟକ୍ତିତ୍ୱ ହେଉଛନ୍ତି ଆନନ୍ଦପୁର ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ଉମାକାନ୍ତ ପରିଡା। ପାଠ ପଢାରେ ନିଷ୍ଠା ଓ ଜନସେବାରେ ଆଗ୍ରହ ରଖିଥିବା ଉମାକାନ୍ତ ଓଡ଼ିଶା ପ୍ରଶାସନିକ ସେବା ୨୦୦୬ ବ୍ୟାଚ୍‌ରେ କୃତିତ୍ୱର ସହ ଉତୀର୍ଣ୍ଣ ହୋଇଥିଲେ। ଘର ତାଙ୍କର ଭଦ୍ରକ ଜିଲା ଚାନ୍ଦବାଲୀ କୁହଲି ଅଞ୍ଚଳରେ। ଓଏଏସ୍‌ ପାଇବା ପରେ ପ୍ରଥମେ ବନ୍ଦୋବସ୍ତ ଅଧିକାରୀ ଭାବେ କନ୍ଧମାଳରେ ସଫଳତାର ସହିତ ଦାୟିତ୍ୱ ନିର୍ବାହ କରିବା, ଜଗତସିଂହପୁର ଜିଲାରେ ତହସିଲଦାର ଏବଂ ସହକାରୀ ଜିଲାପାଳଙ୍କ ଦାୟିତ୍ୱ ତୁଲାଇଥିଲେ। ସେ ଗତ ୦୪।୧୧।୨୦୧୫ରେ ପ୍ରଥମେ ଆନନ୍ଦପୁର ତହସିଲଦାର ଭାବେ କାର୍ଯ୍ୟରେ ଯୋଗଦେଇଥିବାବେଳେ ପରବର୍ତ୍ତୀ ସମୟରେ ୦୯।୦୯।୨୦୧୬ରେ ଗୋଷ୍ଠୀ ଉନ୍ନୟନ ଅଧିକାରୀ ଭାବେ ଆନନ୍ଦପୁର ବ୍ଲକ କାର୍ଯ୍ୟାଳୟର ଦାୟିତ୍ୱ ତୁଲାଇ ଆସୁଛନ୍ତି। ନିଜ ପଞ୍ଚାୟତ ସମିତି ଅଧୀନ ଜନସାଧାରଣଙ୍କ ଅଭିଯୋଗକୁ ସମାଧାନ କରିବାକୁ ପ୍ରାଥମିକତା ଦେଇଥାନ୍ତି।

ଡିବିରି ଆଲୁଅ ଭରସା:ଅନ୍ଧାରରେ ବିତୁଛି ଜୀବନ

ଡିବିରି ଆଲୁଅ ଭରସା:ଅନ୍ଧାରରେ ବିତୁଛି ଜୀବନ

ରାଇସୁଆଁ, ୪।୫(ଡି.ଏନ.ଏ.): ସନ୍ଧ୍ୟା ହେଲେ ଘରର ତାଟିକବାଟ ପଡିଯାଏ। ଗଁ। ଶୂନଶାନ ହୋଇଯାଏ। ଗଁ।କୁ ଅନ୍ଧାରର କଳାବାଦଲ ମାଡିଆସେ। ଦୂରରୁ ଦେଖିଲେ କେଉଁ ଗଁ।ରେ ମିଞ୍ଜି ମିଞ୍ଜି ଡିବିରି ଆଲୋକ ଦେଖାଯାଇ ଥାଏ। ଆଜିର ଡିଜିଟାଲ ଯୁଗରେ ସେହି ଡିବିରି ଆଲୋକେ ଲୋକେ ଜୀବନ ବିତାଉଛନ୍ତି। ଅଦ୍ୟାବଧି କେନ୍ଦ୍ର ସରକାର ଦିନ୍‌ଦୟାଲ ଯୋଜନାରେ ପ୍ରତି ଘରକୁ ବିଜୁଳି ସଂଯୋଗ ସାତସପନ ହୋଇଛି। ବିଜୁଳି ଆଲୋକ ନ ପାଇ ଲୋକେ ଅନ୍ଧାରରେ ରହୁଛନ୍ତି। କେନ୍ଦ୍ର ସରକାର କହୁଛନ୍ତି ଗ୍ରାମାଞ୍ଚଳରେ ବିଦ୍ୟୁତ୍‌ ସମସ୍ୟା ଦୂର ହେବ ଲୋକଙ୍କ ପାଖରେ ଆଲୋକ ପହଞ୍ଚିବ। ବାସ୍ତବରେ ତାହା ପ୍ରହସନରେ ପରିଣତ ହୋଇଥିବା ଅଭିଯୋଗ ହେଉଛି।

ଜାତୀୟ  ଶିବିରରେ ଓଡିଶା ଟିମ୍‌ର କୃତିତ୍ୱ

ଜାତୀୟ ଶିବିରରେ ଓଡିଶା ଟିମ୍‌ର କୃତିତ୍ୱ

ବାରିପଦା ଅଫିସ,୪।୫- ରାଜସ୍ଥାନର ଭିଲବାଡା ସହରର ଗ୍ରାମଭାରତୀ ସେବା ସଦନରେ ଏପ୍ରିଲ ୨୧ରୁ ୨୮ ତାରିଖ ପର୍ଯ୍ୟନ୍ତ ଜାତୀୟ ଏକତା ଶିବିର ଅନୁଷ୍ଠିତ ହୋଇଯାଇଛି । ଉକ୍ତ ଶିବିରରେ ଭାରତର ୧୮ଗୋଟି ରାଜ୍ୟ ଯୋଗ ଦେଇଥିବା ବେଳେ ଓଡିଶାର ୧୬ଜଣ ସାମିଲ ହୋଇଥିଲେ । ଓଡିଶାର ୧୬ ଜଣଙ୍କ ମଧ୍ୟରେ ଏନ.ୱାଇ.ପି. ଓଡିଶାର ମୁଖ୍ୟ ଆବାହକ ମଧୁସୁଦନ ଦାସ ଏଥିରେ ଯୋଗ ଦେଇଥିଲେ। ମୟୂରଭଞ୍ଜ ଜିଲାର ଆବାହକ ମଳୟ କୁମାର ନାୟକଙ୍କ ତତ୍ତ୍ୱାବଧାନରେ ମୟୂରଭଞ୍ଜରୁ ସିମାନ୍ତ ଦିଗାର,ଦେବାଶିଷ ଖାଟୁଆ, ସ୍ମୃତି ସୋଭନ ପାଲ, କଳ୍ପନା ହାଁସଦା, ବାରିପଦାର ପ୍ରବୀଣ ଦାସ, ଅମିତ ନାଏକ, ହିମାଂସୁ ସାମଲ,ବିଶ୍ୱଜିତ ସି, ଅମିର ଖାନ, ନିବେଦିତା ବେହେରା, ଅସିତ ତ୍ରିପାଠୀ, ରେଣୁକା ପାତ୍ର ତଥା ରାଜସ୍ମିତା ମୁଦୁଲି ଏଥିରେ ଭାଗ ନେଇଥିଲେ। ଏଥିରେ ବିଭିନ୍ନ ରାଜ୍ୟର ଭାଷା, ଖେଳ, ସାଂସ୍କୃତିକ କାର୍ଯ୍ୟକ୍ରମ, ପରମ୍ପରା, ବେଷଭୂଷା ଉପରେ ଭାବର ଆଦାନ ପ୍ରଦାନ ହୋଇଥିଲା। ଏଥିସହ ସେମାନଙ୍କୁ ବିଭିନ୍ନ ଇଣ୍ଡଷ୍ଟ୍ରିକୁ ନେଇ ତାଲିମ ଦିଆଯାଇଥିଲା । ପ୍ରତ୍ୟେକ ଦିନ ବିଭିନ୍ନ ସହରରେ ଆୟୋଜିତ କାର୍ଯ୍ୟକ୍ରମରେ ଓଡିଶାକୁ ପ୍ରତିନିଧିତ୍ୱ କରିଥିବା ମୟୂରଭଞ୍ଜ ଟିମ ଖୁବ ଭଲ ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶିତ କରିଥିବା ରାଜସ୍ଥାନର ମୁଖ୍ୟ ଆୟୋଜକ ଅକ୍ଷୟ ତ୍ରିପାଠୀଙ୍କ ସହ ଏନ.ୱାଇ.ପି ମୁଖ୍ୟ ଡ. ଏସ.ଏନ. ସୁଭାରାଓ ଜି ପ୍ରକାଶ କରିଛନ୍ତି । ଉକ୍ତ ଟିମ ବୁଧବାର ମୟୂରଭଞ୍ଜରେ ପହଞ୍ଚି । ଚଳିତ ମାସ ୨୩ ତାରିଖରେ ମଧ୍ୟପ୍ରଦେଶ ଉଜ୍ଜେନଠାରେ ଆୟୋଜିତ ହେବାଜୁ ଥିବା ଜାତୀୟ ଶିବିରରେ ମୟୂରଭଞ୍ଜର ୧୫ ରୁ ଊର୍ଦ୍ଧ୍ୱ ସ୍ବେଚ୍ଛାସେବୀ ରାଜ୍ୟ ଆବାହକଙ୍କ ନେତୃତ୍ୱରେ ଭାଗ ନେବେ।

ବାଟ ହୁଡିଛି ସୂଚନା ଅଧିକାର ଆଇନ

କପ୍ତିପଦା,୪।୫(ଡି.ଏନ.ଏ.)- କପ୍ତିପଦା ବ୍ଲକ୍‌ରେ ବିଭିନ୍ନ ଯୋଜନାରେ ନିର୍ମିତ ହେଉଥିବା ବିଭିନ୍ନ ପ୍ରକଳ୍ପ କାର୍ଯ୍ୟରେ ଦୁର୍ନୀତି ସୀମା ଟପୁଥିବା ନେଇ ବାରମ୍ବାର ଅଭିଯୋଗ ହୋଇ ଆସୁଛି । ଏ ସମ୍ପର୍କରେ ତଥ୍ୟ ମାଗୁଥିବା ସାମାଜିକ କର୍ମୀ ଧାର୍ଯ୍ୟ ସମୟ ସୀମା ମଧ୍ୟରେ ତଥ୍ୟ ପାଇ ପାରୁ ନ ଥିବା ଅଭିଯୋଗ ହେଉଛି। ଏପରି କି ବିପିଏଲ ସୂଚନା କର୍ମୀଙ୍କଠାରୁ ମଧ୍ୟ ସୂଚନା ପ୍ରଦାନ ପାଇଁ ଟଙ୍କା ଆଦାୟ କରାଯାଉଛି । ଅନ୍ୟ କ୍ଷେତ୍ରରେ ଟଙ୍କା ଆଦାୟ ପରେ ଦୀର୍ଘଦିନ ବିତି ଯିବା ପରେ ମଧ୍ୟ କୌଣସି ସୂଚନା ମିଳି ପାରୁନାହିଁ। ବାରମ୍ବାର ସେମାନେ ବ୍ଲକ୍‌ କାର୍ଯ୍ୟାଳୟକୁ ଧାଇଁ ଧାଇଁ ନୟାନ୍ତ ହେଉଥିବା କାଲାଡାହି ଗ୍ରାମର ଲକ୍ଷ୍ମୀଧର ମାରାଣ୍ଡି କହିଛନ୍ତି । ଯାହାକୁ ନେଇ ଅସନ୍ତୋଷ ପ୍ରକାଶ ପାଇଛି । ବ୍ଲକ୍‌ ଜନ ସୂଚନା ଅଧିକାରୀ ନିଜର ସୁରକ୍ଷା ପାଇଁ ବିଭିନ୍ନ ଆଳ କରି କେବଳ ଚିଠି ପରେ ଚିଠି କରି ସମୟ ଗଡାଇ ଚାଲିଥିବା ସେ କହିଛନ୍ତି ।

ମହାପୁରୁଷଙ୍କ ପ୍ରତିମୂର୍ତ୍ତି ସ୍ଥାପନ ନେଇ ବିବାଦ

ମହାପୁରୁଷଙ୍କ ପ୍ରତିମୂର୍ତ୍ତି ସ୍ଥାପନ ନେଇ ବିବାଦ

ବାରିପଦା ଅଫିସ,୪।୫-ବରପୁତ୍ରମାନଙ୍କ ପ୍ରତିମୂର୍ତ୍ତି ସ୍ଥାପନ ଓ ପୂଜ୍ୟପୂଜା କାର୍ଯ୍ୟକ୍ରମକୁ ନେଇ ବାରିପଦା ସହରରେ ବିବଦମାନ ପରିସ୍ଥିତି ସୃଷ୍ଟି ହୋଇଛି। ପୂର୍ବରୁ ଜଣେ ଜଣେ ମହାପୁରୁଷଙ୍କ ନାମରେ ନାମିତ ହୋଇଥିବା ଛକରେ ଅନ୍ୟ ମହାପୁରୁଷଙ୍କ ପ୍ରତିମୂର୍ତ୍ତି ସ୍ଥାପନ ନିଷ୍ପତ୍ତିକୁ ସ୍ଥାନୀୟ ଲୋକେ ସହଜରେ ଗ୍ରହଣ କରି ପାରୁନାହାନ୍ତି। ମୟୂରଭଞ୍ଜ ସଂସ୍କୃତି ସୁରକ୍ଷା ମଞ୍ଚ ଏଭଳି ନିଷ୍ପତ୍ତିକୁ ବିରୋଧ କରି ପ୍ରତିକ୍ରିୟା ପ୍ରକାଶ କରିଛି। ଏହାଦ୍ୱାରା ପୂର୍ବରୁ ବିଭିନ୍ନ ମହାପୁରୁଷଙ୍କ ନାମରେ ଥିବା ସ୍ଥାନ ତାହାର ଐତିହ୍ୟ, ଗୌରବ ହରାଇ ବସିବ ବୋଲି ଆଶଙ୍କା ପ୍ରକାଶ ପାଇଛି।