ରାଜ୍ୟ

କଳାହାଣ୍ଡି କପ ପାଇଁ ମୟୂରଭଞ୍ଜ ଦଳ ଘୋଷିତ

କଳାହାଣ୍ଡି କପ ପାଇଁ ମୟୂରଭଞ୍ଜ ଦଳ ଘୋଷିତ

ବାରିପଦା ଅଫିସ,୫।୬- ରାଜ୍ୟସ୍ତରୀୟ କଳାହାଣ୍ଡି କପ କ୍ରିକେଟ ଟୁର୍ନାମେଣ୍ଟ ପାଇଁ ମୟୂରଭଞ୍ଜ ଆଥଲେଟିକ ଆସୋସିଏସନ ପକ୍ଷରୁ ସୋମବାର ମୟୂରଭଞ୍ଜ ଦଳ ଘୋଷଣା କରାଯାଇଛି।

ମୟୂରଭଞ୍ଜ ଜିଲାରେ ପାସ୍‌ହାର ନୈରାଶ୍ୟଜନକ: ୧୨ ସୁଦ୍ଧା ସ୍ପଷ୍ଟିକରଣ ଦେବାକୁ ନିର୍ଦ୍ଦେଶ

ବାରିପଦା ଅଫିସ, ୫।୬- ଚଳିତ ବର୍ଷ ମାଟ୍ରିକ ପରୀକ୍ଷାରେ ଖରାପ ପ୍ରଦର୍ଶନ କରିଥିବା ହାଇସ୍କୁଲ ଶିକ୍ଷକଙ୍କ ଉପରେ ନିଆଯିବ କଡ଼ା କାର୍ଯ୍ୟାନୁଷ୍ଠାନ। ଯେଉଁ ବିଦ୍ୟାଳୟର ପାସ୍‌ହାର ୬୦ ପ୍ରତିଶତରୁ କମ୍‌ ଥିବ କିମ୍ବା ଜଣେ ବି ଛାତ୍ରୀଛାତ୍ର ପାସ୍‌ ହୋଇ ନ ଥିବେ, ତେବେ ସମ୍ପୃକ୍ତ ବିଦ୍ୟାଳୟର ଶିକ୍ଷକଙ୍କଠାରୁ ଏ ସମ୍ପର୍କରେ ସ୍ପଷ୍ଟୀକରଣ ମଗାଯିବ ।

ଗୋଡ଼ କଟିଗଲା, ତଥାପି ଚାଲିଛି ସଂଘର୍ଷ

ଗୋଡ଼ କଟିଗଲା, ତଥାପି ଚାଲିଛି ସଂଘର୍ଷ

ଔପଦା, ୫ା୬(ମନୋଜ ଦାଶ)-ମଣିଷ ଜୀବନରେ ସୁଖ ଦୁଃଖ ଲାଗି ରହିଛି। ଅନେକେ ସୁଖ ସମୟରେ ଜୀବନକୁ ବେଶ ଉପଭୋଗ କରୁଥିବା ବେଳେ ଦୁଃଖ ଆସିଲେ କ୍ଷଣକ ମଧ୍ୟରେ ଭାଙ୍ଗିପଡି ସବୁକିଛି ସରିଗଲା ବୋଲି ଭାବିନିଅନ୍ତି।

ସୋର ଡ଼ାକ୍ତରଖାନାରେ ଲଜ୍ଜା  ଡ଼ଷ୍ଟବିନ ଟ୍ରଲିରେ ବୁହାଗଲା ବୃଦ୍ଧାଙ୍କ ଶବ

ସୋର ଡ଼ାକ୍ତରଖାନାରେ ଲଜ୍ଜା ଡ଼ଷ୍ଟବିନ ଟ୍ରଲିରେ ବୁହାଗଲା ବୃଦ୍ଧାଙ୍କ ଶବ

ସୋର, ୫।୬(ଡି.ଏନ.ଏ.)-କଳାହାଣ୍ଡିର ଦାନ ମାଝି ତାଙ୍କ ପତ୍ନୀଙ୍କ ମୃତଦେହକୁ କାନ୍ଧରେ ବୋହିବା ଓ ସୋର ଅଞ୍ଚଳର ରେଳଧାରଣାରୁ ଏକ ମୃତଦେହକୁ ଅଖାରେ ପୂରାଇ ଅମାନବିକ ଭାବେ ନିଆଯିବା ଘଟଣା ସାରା ରାଜ୍ୟରେ ଚର୍ଚ୍ଚାର ବିଷୟ ହୋଇଥିଲା।

ପୁଅ ମାଡ଼ରେ ବାପା ଗୁରୁତର

ପୁଅ ମାଡ଼ରେ ବାପା ଗୁରୁତର

ବାଲିଆପାଳ, ୫।୬(ଡି.ଏନ.ଏ.)-ବାଲେଶ୍ୱର ଜିଲା ବାଲିଆପାଳ ଥାନା ଖାଳପାଖ ଗ୍ରାମର ହେମନ୍ତ ବାରିକ ତାଙ୍କ ବାପା ଶମ୍ଭୁନାଥଙ୍କୁ ମାଡ ମାରି ଆହତ କରିଥିବା ଥାନାରେ ଅଭିଯୋଗ ହୋଇଛି। ଏନେଇ ପୋଲିସ ଏକ ମାମଲା (ନଂ.୧୬୦/୧୮) ରୁଜୁ କରି ତଦନ୍ତ କରୁଛି।

ବ୍ୟବସାୟୀଙ୍କୁ ଅପହରଣ ଘଟଣା, ୪ ଗିରଫ

ବ୍ୟବସାୟୀଙ୍କୁ ଅପହରଣ ଘଟଣା, ୪ ଗିରଫ

ବାଲେଶ୍ୱର ଅଫିସ, ୫।୬-ବାଲେଶ୍ୱର ଜିଲା ରେମୁଣାସ୍ଥିତ ଓମଫେଡ୍‌ ଡାଏରୀ ଫାର୍ମକୁ ପରିବହନ ଟେଣ୍ଡର ପକାଇବା ପାଇଁ ଭୁବନେଶ୍ୱର ଅଞ୍ଚଳର ତାପସ କୁମାର ସାହୁ, ରୂପକ ମହାନ୍ତି, ସତ୍ୟରଞ୍ଜନ ସାହୁ ଆସୁଥିବା ବେଳେ ଶିଳ୍ପାଞ୍ଚଳ ଥାନା ନିକଟସ୍ଥ ଫକୀରମୋହନ ୟୁନିଭରସିଟି ପୁରୁଣା କ୍ୟାମ୍ପସ ସମ୍ମୁଖରୁ କେତେକ ଦୁର୍ବୃତ୍ତ ସେମାନଙ୍କୁ ଅପହରଣ କରିନେଇଥିଲେ। ଗତ ୨ ତାରିଖ ମଧ୍ୟାହ୍ନରେ ଥାନାର ମାତ୍ର ଅଳ୍ପ ଦୂରରେ ଏହି ଘଟଣା ଘଟିଥିଲା।

କପିଳାସ ଚିଡିଆଖାନାରେ ରାଜା ଅସୁସ୍ଥ ସେବା କଲେ କାର୍ଯ୍ୟ ଛାଡିଥିବା ମାହୁନ୍ତ

ଢେଙ୍କାନାଳ ଅଫିସ,୪।୬- ଢେଙ୍କାନାଳ ଜିଲା କପିଳାସ ଚିଡିଆଖାନାରେ ୪ ହାତୀଙ୍କ ମଧ୍ୟରୁ ଛୁଆହାତୀ ରାଜା ସୋମବାର ସକାଳେ ହଠାତ ଅସୁସ୍ଥ ହୋଇପଡିଥିଲା। ହାତୀ ଶରୀରରୁ ଜଳୀୟ ଅଂଶ କମିଯାଇଥିବା ଜଣାପଡିଥିଲା। ଏହାର ଚିକିତ୍ସା ପାଇଁ ବନ ବିଭାଗ ଅଧିକାରୀ ଅଧିକ ପ୍ରାପ୍ୟ ଦାବିରେ କାର୍ଯ୍ୟଛାଡି ଚାଲିଯାଇଥିବା ମାହୁନ୍ତଙ୍କ ସହ ଆଲୋଚନା କରି ପୁଣି କାର୍ଯ୍ୟରେ ଯୋଗଦେବାକୁ କହିଥିଲେ।

ଭତ୍ତା ବୃଦ୍ଧି ଦାବିରେ ବିକ୍ଷୋଭ

ଭତ୍ତା ବୃଦ୍ଧି ଦାବିରେ ବିକ୍ଷୋଭ

ଢେଙ୍କାନାଳ ଅଫିସ,୪।୬- ଭତ୍ତା ବୃଦ୍ଧି ଦାବିରେ ଆମ୍‌ ଆଦମୀ ପାର୍ଟି ପକ୍ଷରୁ ଢେଙ୍କାନାଳ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସୋମବାର ବିକ୍ଷୋଭ ପ୍ରଦର୍ଶନ କରାଯାଇଛି। ଦଳୀୟ କର୍ମୀ ଏକ ଶୋଭାଯାତ୍ରାରେ ସେଠାରେ ପହଞ୍ଚିଥିଲେ। ବାର୍ଦ୍ଧକ୍ୟ, ଦିବ୍ୟାଙ୍ଗ ଓ ବିଧବା ଭତ୍ତା ୩୦୦ରୁ ୧୦୦୦ ଟଙ୍କା କରିବା ପାଇଁ ଦଳ ପକ୍ଷରୁ ଦାବି କରାଯାଇଥିଲା।

ଗ୍ରାମ ଯୋଗାଯୋଗ, ସହଭାଗିତା କାର୍ଯ୍ୟକ୍ରମ

ଗ୍ରାମ ଯୋଗାଯୋଗ, ସହଭାଗିତା କାର୍ଯ୍ୟକ୍ରମ

ଅମରପାଲି, ୪ା୬(ଡି.ଏନ.ଏ.) ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଅନ୍ତର୍ଗତ ପିତାମହୁଲ ଗ୍ରାମ ପଞ୍ଚାୟତ କାର୍ଯ୍ୟାଳୟରେ ଗ୍ରାମ ପଞ୍ଚାୟତସ୍ତରୀୟ ଗ୍ରାମ ଯୋଗାଯୋଗ ଓ ସହଭାଗିତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ବଡକିରାସିରା କେନ୍ଦୁପତ୍ର ରେଞ୍ଜ କମିଟି ଗଠନ

ବଡକିରାସିରା କେନ୍ଦୁପତ୍ର ରେଞ୍ଜ କମିଟି ଗଠନ

ଅମରପାଲି, ୪ା୬(ଡି.ଏନ.ଏ.) ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଅନ୍ତର୍ଗତ ଟାମକିଆଦାଦରଠାରେ ଓଡିଶା ଅସ୍ଥାୟୀ କେନ୍ଦୁପତ୍ର କର୍ମଚାରୀ ସଂଘ ଆନୁକୂଲ୍ୟରେ ରେଢ଼ାଖୋଲ ଡିଭିଜନା ବଡକିରାସିରା କେନ୍ଦୁପତ୍ର ରେଞ୍ଜ କମିଟି ଗଠନ ହୋଇଯାଇଛି।

ରାସ୍ତାକାମ ନିମ୍ନମାନର, କାମ ବନ୍ଦ କଲେ ଗ୍ରାମବାସୀ

ଖପ୍ରାଖୋଲ, ୪ା୬(ଡି.ଏନ.ଏ.) ସରକାର ଗ୍ରାମାଞ୍ଚଳ ଭିତ୍ତିଭୂମିର ବିକାଶ ପାଇଁ ପ୍ରଧାନମନ୍ତ୍ରୀ ସଡକ ଯୋଜନା ମାଧ୍ୟମରେ କୋଟିକୋଟି ଟଙ୍କ ଖର୍ଚ୍ଚ କରୁଛନ୍ତି। ହେଲେ ଉପଯୁକ୍ତ ତଦାରଖ ଅଭାବରୁ କାମ ନିମ୍ନମାନର ହୋଇଥିବା ଅଭିଯୋଗ ହେଉଛି।

କୁଶଙ୍ଗ ପ୍ରିମିୟର ଲିଗ୍‌ କ୍ରିକେଟ: ପଟେଲ ମେଡିକାଲ ରାଇଜିଂ ଚାମ୍ପିୟନ

କୁଶଙ୍ଗ ପ୍ରିମିୟର ଲିଗ୍‌ କ୍ରିକେଟ: ପଟେଲ ମେଡିକାଲ ରାଇଜିଂ ଚାମ୍ପିୟନ

ଲୋଇସଂହା,୪।୬(ଡି.ଏନ.ଏ.) ବଲାଙ୍ଗୀର ଜିଲା ଲୋଇସିଂହା ବ୍ଲକ କୁଶଙ୍ଗ ଗ୍ରାମରେ ଚାଲିଥିବା କୁଶଙ୍ଗ ପ୍ରମିୟର ଲିଗ କ୍ରିକେଟ ଟୁର୍ନାମେଣ୍ଟ ଉଦ୍‌ଯାପିତ ହୋଇଯାଇଛି। ଟୁର୍ନାମେଣ୍ଟର ଫାଇନାଲ ମ୍ୟାଚରେ ଜ୍ୟୋତି ଦୁଲଦୁଲିକୁ ପରାଜିତ କରି ପଟେଲ ମେଡିକାଲ ରାଇଜିଂ ଚାମ୍ପିୟନ ହୋଇଛି ା ଗ୍ରାମର ଜୟମା’ କୁଶଙ୍ଗାଇ କ୍ରିକେଟ ଆସୋସିଏଶନ ଆନୁକୂଲ୍ୟରେ ଚତୁର୍ଥ ବର୍ଷ କୁଶଙ୍ଗ ପ୍ରିମିୟର ଲିଗ କ୍ରିକେଟ ଟୁର୍ନାମେଣ୍ଟ ଏମଇ ସ୍କୁଲ ପଡିଆରେ ସପ୍ତାହବ୍ୟାପୀ ଅନୁଷ୍ଠିତ ହୋଇଥିଲା ା ରବିବାର ଟୁର୍ନାମେଣ୍ଟର ଫାଇନାଲ ମ୍ୟାଚ ପଟେଲ ମେଡିକାଲ ରାଇଜିଂ ଓ ଜ୍ୟୋତି ଦୁଲଦୁଲି ମଧ୍ୟରେ ଅନୁଷ୍ଠିତ ହୋଇଥିଲା। ୧୨ଓଭର ବିଶିଷ୍ଟ ମ୍ୟାଚରେ ଜ୍ୟୋତି ଦୁଲଦୁଲି ପ୍ରଥମେ ବ୍ୟାଟିଂ କରି ୯୫ ରନ ସଂଗ୍ରହ କରିଥିଲା।

ପାଇକମାଳ ବ୍ଲକସ୍ତରୀୟ ମୋ ସ୍କୁଲ ଅଭିଯାନ

ପାଇକମାଳ ବ୍ଲକସ୍ତରୀୟ ମୋ ସ୍କୁଲ ଅଭିଯାନ

ପାଇକମାଳ,୪।୬(ଡି.ଏନ.ଏ) ପାଇକମାଳ ବ୍ଲକସ୍ତରୀୟ ମୋ ସ୍କୁଲ ଅଭିଯାନର ସଚେତନା କାର୍ଯ୍ୟକ୍ରମ ପାଇକମାଳ ଉଚ୍ଚ ବିଦ୍ୟାଳୟଠାରେ ବିଡିଓ ସରୋଜିନୀ ପ୍ରସନ୍ନ କୁଲୁଙ୍କ ସଭାପତିତ୍ୱରେ ସୋମବାର ଅନୁଷ୍ଠିତ ହୋଇଯାଇଛି ।

ବ୍ୟାଙ୍କରେ ମିଳୁନି ଟଙ୍କା, ଚାଷୀଙ୍କ ରାସ୍ତାରୋକୋ

ବ୍ୟାଙ୍କରେ ମିଳୁନି ଟଙ୍କା, ଚାଷୀଙ୍କ ରାସ୍ତାରୋକୋ

ଭେଡ଼େନ, ୪।୬(ଡ଼ି.ଏନ.ଏ) ବରଗଡ଼ ଜିଲା ଭେଡ଼େନସ୍ଥିତ ସମ୍ବଲପୁର କେନ୍ଦ୍ର କୃଷି ସମବାୟ ବ୍ୟାଙ୍କରେ ଏବେ ପ୍ରବଳ ଭିଡ଼ । ଚାଷୀମାନଙ୍କର ଧାନ ବିକ୍ରି ଟଙ୍କା ଆକାଉଣ୍ଟରେ ପଡ଼ୁଛି । ସେହି ଟଙ୍କା ଉଠାଣ କରିବା ପାଇଁ ଚାଷୀମାନେ ସକାଳୁ ଆସି ଲାଇନରେ ରହିିବା ସତ୍ତ୍ୱେ ଆବଶ୍ୟକ ମୁତାବକ ପଇସା ମିଳୁନାହିଁ ।

ଦୁଇଶହ ବର୍ଷର ଦାମୋଦର କଟା: କଚ୍ଛପ ଗତିରେ ଚାଲିଛି ପୁନରୁଦ୍ଧାର କାମ

ଦୁଇଶହ ବର୍ଷର ଦାମୋଦର କଟା: କଚ୍ଛପ ଗତିରେ ଚାଲିଛି ପୁନରୁଦ୍ଧାର କାମ

ବିଜେପୁର,୪।୬(ଡି.ଏନ.ଏ) ବରଗଡ ଜିଲା ବିଜେପୁର ବ୍ଲକ ସଦର ମହକୁମା ସ୍ଥିତ ଐତିିହାସିକ ଦାମୋଦର କଟାର ପୁନରୁଦ୍ଧାର କାମ କଚ୍ଛପ ଗତିରେ ଚାଲିଛି । ଚଳିତ ମାସ ପ୍ରଥମ ସପ୍ତାହରେ ମୌସୁମୀ ଓଡିଶା ଛୁଇଁବା ସମ୍ଭାବନା ରହିଥିବାରୁ କଟାରେ ସମ୍ପୂର୍ଣ୍ଣ ଭାବେ ପଙ୍କୋଧାର ହେବା ନେଇ ଆଶଙ୍କା ପ୍ରକାଶ ପାଇଛି ।

ଶୌଣ୍ଢିକ ସେବା ସମାଜ ଗଠିତ

ମୁନିଗୁଡା, ୪ା୬(ଡି.ଏନ୍‌.ଏ.)- ରାୟଗଡା ଜିଲା ମୁନିଗୁଡାସ୍ଥିତ ବିଜୁ ପଟ୍ଟନାୟକ କଲ୍ୟାଣମଣ୍ଡପରେ ବ୍ଲକସ୍ତରୀୟ ଶୌଣ୍ଢିକ ସେବା ସମାଜ ଗଠନ କରାଯାଇଛି। ଏହାର ସୁପରିଚାଳନା ପାଇଁ ଉପଦେଷ୍ଟାମଣ୍ଡଳୀ ଏବଂ ପରିଚାଳନା କମିଟି ମଧ୍ୟ ଗଠିତ ହୋଇଛି।

ବିଶ୍ୱ ପରିବେଶ ଦିବସ ପାଳନ ପାଇଁ ପ୍ରସ୍ତୁତି

ମୁନିଗୁଡା, ୪ା୬(ଡି.ଏନ୍‌.ଏ.)- ରାୟଗଡ ଜିଲାର ମୁନିଗୁଡା ବ୍ଲକ ଶିବପଦରର ପଞ୍ଚାୟତ ଅସୁରପଡା ଗ୍ରାମରେ ବନବିଭାଗ ତରଫରୁ ବନାଞ୍ଚଳସ୍ତରୀୟ ବିଶ୍ୱ ପରିବେଶ ଦିବସ ପାଳନ ପାଇଁ ପ୍ରସ୍ତୁତି ଶେଷ ହୋଇଛି।

ବିଦେଶୀ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ପ୍ରୟାସ:‘ଟ୍ବେଣ୍ଟିଓ୍ବାନ୍‌ ନାଇଟ୍‌ ଡେଷ୍ଟିନେଶନ’ ହେବ ଓଡ଼ିଶା

ବିଦେଶୀ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ପ୍ରୟାସ:‘ଟ୍ବେଣ୍ଟିଓ୍ବାନ୍‌ ନାଇଟ୍‌ ଡେଷ୍ଟିନେଶନ’ ହେବ ଓଡ଼ିଶା

ଭୁବନେଶ୍ୱର,୪ା୬(ବ୍ୟୁରୋ)- ଓଡ଼ିଶା ପ୍ରତି ଅଧିକରୁ ଅଧିକ ବିଦେଶୀ ପର୍ଯ୍ୟଟକଙ୍କୁ ଆକୃଷ୍ଟ କରିବା ଏବଂ ରାଜ୍ୟରେ ଦୀର୍ଘକାଳୀନ ପର୍ଯ୍ୟଟନକୁ ଉତ୍ସାହିତ ଲକ୍ଷ୍ୟରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଆରମ୍ଭ କରିଛି ହୋଟେଲ ଆଣ୍ଡ୍‌ ରେଷ୍ଟୁରାଣ୍ଟ ଆସୋସିଏଶନ ଅଫ୍‌ ଓଡ଼ିଶା(ଏଚ୍‌ଆର୍‌ଏଓ)। ପୁରୀ-କୋଣାର୍କ-ଭୁବନେଶ୍ୱରର ୨ରାତି ୩ଦିନିଆ ପ୍ୟାକେଜ୍‌ ବଦଳରେ ଓଡ଼ିଶାକୁ ଏକ ‘ଟ୍ବେଣ୍ଟିଓ୍ବାନ୍‌ (୨୧) ନାଇଟ୍‌ ଡେଷ୍ଟିନେଶନ’ରେ ପରିଣତ କରିବାକୁ ଏଚ୍‌ଆର୍‌ଏଓ ଏବଂ ରାଜ୍ୟର ଟୁର୍‌ ଅପରେଟର ସଂଘ ଯୋଜନା ପ୍ରସ୍ତୁତ କରିଛି।

ନାବାଳିକାଙ୍କୁ ଅପହରଣ ଅଭିଯୋଗ

ନାବାଳିକାଙ୍କୁ ଅପହରଣ ଅଭିଯୋଗ

ଭୁବନେଶ୍ୱର, ୪ା୬(ବ୍ୟୁରୋ)- ମଞ୍ଚେଶ୍ୱର ଥାନା ଧିରକୁଟୀ ବସ୍ତିର ଜଣେ ନାବାଳିକାଙ୍କୁ କେହି ଅପହରଣ କରିନେଇଥିବା ତାଙ୍କ ମା’ବାପା ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ତାଙ୍କ ଝିଅ ଚଳିତ ବର୍ଷ ମାଟ୍ରିକ ପରୀକ୍ଷା ଦେଇଥିଲେ।

ରତ୍ନ ଭଣ୍ଡାର ଚାବି ହଜିବା ଘଟଣା: ସିବିଆଇ ତଦନ୍ତ ଦାବି କଲା ଜଗନ୍ନାଥ ସେନା

ରତ୍ନ ଭଣ୍ଡାର ଚାବି ହଜିବା ଘଟଣା: ସିବିଆଇ ତଦନ୍ତ ଦାବି କଲା ଜଗନ୍ନାଥ ସେନା

ଭୁବନେଶ୍ୱର, ୪।୬(ବ୍ୟୁରୋ)- ଶ୍ରୀମନ୍ଦିର ରତ୍ନ ଭଣ୍ଡାର ଚାବି ହଜିବା ଘଟଣା ଦିନକୁ ଦିନ ରହସ୍ୟାବୃତ୍ତ ହେଉଥିବା ବେଳେ ରାଜ୍ୟ ସରକାର ଏହାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି। ମାତ୍ର ମୁଖ୍ୟମନ୍ତ୍ରୀ କାହିଁକି ସିବିଆଇ ତଦନ୍ତ ପାଇଁ ନିର୍ଦ୍ଦେଶ ଦେଲେ ନାହିଁ ବୋଲି ପ୍ରଶ୍ନ କରିଛି ଶ୍ରୀଜଗନ୍ନାଥ ସେନା। ଏହା ପ୍ରତିବାଦରେ ଶ୍ରୀଜଗନ୍ନାଥ ସେନା ପକ୍ଷରୁ ସୋମବାର ଭୁବନେଶ୍ୱରସ୍ଥିତ ସିବିଆଇ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। ଏଥିସହ ସେନା ପକ୍ଷରୁ ସିବିଆଇ କାର୍ଯ୍ୟାଳୟରେ ଏକ ଏତଲା ଦିଆଯାଇ ରତ୍ନ ଭଣ୍ଡାର ଚାବି ହଜିବା ଘଟଣାର ସିବିଆଇ ତଦନ୍ତ ପାଇଁ ଦାବି କରାଯାଇଛି।

ବମିଖାଲ ଓଭରବ୍ରିଜ ଅଘଟଣ: ପଣ୍ଡା ଇନ୍‌ଫ୍ରା ମାଲିକଙ୍କୁ ଜାମିନ

ବମିଖାଲ ଓଭରବ୍ରିଜ ଅଘଟଣ: ପଣ୍ଡା ଇନ୍‌ଫ୍ରା ମାଲିକଙ୍କୁ ଜାମିନ

ଭୁବନେଶ୍ୱର, ୪ା୬(ବ୍ୟୁରୋ)- ବମିଖାଲ ଓଭରବ୍ରିଜ ଅଘଟଣ ମାମଲାରେ ଗିରଫ ହୋଇଥିବା ପଣ୍ଡା ଇନ୍‌ଫ୍ରା ମାଲିକ ପ୍ରତାପ କେଶରୀ ପଣ୍ଡାଙ୍କୁ ସୋମବାର ସର୍ତ୍ତମୂଳକ ଜାମିନ ମିଳିଛି। ୫୦ ହଜାର ଟଙ୍କାର ବେଲ ବଣ୍ଡ ବଦଳରେ ଜିଲା ସେସନ୍ସ ଜଜ୍‌ କୋର୍ଟ ତାଙ୍କୁ ଏହି ଜାମିନ ପ୍ରଦାନ କରିଛନ୍ତି। ମାମଲାରେ ଥିବା ସାକ୍ଷୀଙ୍କୁ ପ୍ରଭାବିତ ନ କରିବା ସହ ୧୫ ଦିନରେ ଥରେ ଲକ୍ଷ୍ମୀସାଗର ଥାନାରେ ହଜାର ହେବାକୁ କୋର୍ଟ ସର୍ତ୍ତ ରଖିଛନ୍ତି। ମାମଲାର ତଦନ୍ତ ଅଧିକାରୀଙ୍କୁ ସହଯୋଗ କରିବା ସହିତ ତାଙ୍କୁ ପ୍ରତି ରବିବାର ପୂର୍ବାହ୍ନ ୧୦ଟାରୁ ଅପରାହ୍ନ ୧ଟା ମଧ୍ୟରେ ଦେଖା କରିବାକୁ ନିର୍ଦ୍ଦେଶ ଦେଇଛନ୍ତି। ପ୍ରତାପ କିଡ୍‌ନୀ ଜନିତ ରୋଗରେ ପୀଡ଼ିତ ଥିବାରୁ ବର୍ତ୍ତମାନ ପୋଲିସ ହେପାଜତରେ ରହି ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଜାମିନ ସଂକ୍ରାନ୍ତ କାଗଜପତ୍ର ଖାରପଡା ଜେଲରେ ଦେଖାଇବା ପରେ ତାଙ୍କୁ ମୁକ୍ତ କରାଯିବ ବୋଲି ସୂଚନା ମିଳିଛି।

‘ପାର୍‌’ ଅଭାବ: ଡାକ୍ତରଙ୍କୁ ମିଳୁନି ପଦୋନ୍ନତି ଠିକଣା ସମୟରେ ‘ପାର୍‌’ ପଠାଇବାକୁ ନିର୍ଦ୍ଦେଶ

‘ପାର୍‌’ ଅଭାବ: ଡାକ୍ତରଙ୍କୁ ମିଳୁନି ପଦୋନ୍ନତି ଠିକଣା ସମୟରେ ‘ପାର୍‌’ ପଠାଇବାକୁ ନିର୍ଦ୍ଦେଶ

ଭୁବନେଶ୍ୱର, ୪।୬(ବ୍ୟୁରୋ)- ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗରେ କାର୍ଯ୍ୟରତ ଡାକ୍ତରମାନଙ୍କ ‘ପାର୍‌’(Performance Apprisal Report) ଅଭାବ ଯୋଗୁ ପଦୋନ୍ନତି କ୍ଷେତ୍ରରେ ପ୍ରତିବନ୍ଧକ ସୃଷ୍ଟି କରୁଛି। ନିୟମିତ ଭାବେ ଠିକଣା ସମୟରେ ବିଭାଗୀୟ ପଦୋନ୍ନତି କମିଟି ବସୁଥିଲେ ସୁଦ୍ଧା ପାର୍‌ ଅଭାବରୁ ଅନେକ ଯୋଗ୍ୟ ଡାକ୍ତରଙ୍କୁ ପଦୋନ୍ନତି ଦିଆଯାଇ ପାରୁନାହିଁ। ସମସ୍ତ ପ୍ରକାର ପଦକ୍ଷେପ ଗ୍ରହଣ କରାଯାଇଥିବା ସତ୍ତ୍ୱେ ବିଭିନ୍ନ ସ୍ତରରୁ ପାର୍‌ ଠିକ୍‌ ସମୟରେ ମିଳିପାରୁ ନାହିଁ।

ପରୀ ରଥ ପରିକ୍ରମା ପ୍ରସ୍ତୁତି ବୈଠକ

ପରୀ ରଥ ପରିକ୍ରମା ପ୍ରସ୍ତୁତି ବୈଠକ

ହିଞ୍ଜିଳିକାଟୁ,୪ା୬ (ଡ଼ି.ଏନ୍‌.ଏ)- ରାଜ୍ୟରେ ନାବାଳିକା ଓ ଶିଶୁ କନ୍ୟାଙ୍କ ପ୍ରତି ହେଉଥିବା ଅତ୍ୟାଚାର ରୋକିବା, ସେମାନଙ୍କୁ ସୁରକ୍ଷା ଦେବା ନିମନ୍ତେ ସଚେତନତା ପାଇଁ ପୋଲିସ ପକ୍ଷରୁ ପରୀ ରଥ ପରିକ୍ରମା କରୁଛି। ଗଞ୍ଜାମ ପୋଲିସ ଜିଲାରେ ଆସନ୍ତା ୭ ତାରିଖରୁ ହିଞ୍ଜିଳି ଥାନା ଅଞ୍ଚଳରୁ ଏହି ରଥ ପରିକ୍ରମାର ଶୁଭାରମ୍ଭ ହେବ। ପରୀ ରଥକୁ ସ୍ବାଗତ ପାଇଁ ସୋମବାର ହିଞ୍ଜିଳିକାଟୁ ବ୍ଲକ ସଭାଗୃହରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।

କେନାଲ ପାର୍ଶ୍ୱରେ ଚିଙ୍ଗୁଡ଼ି ପୋଖରୀ ଖନନକୁ ବିରୋଧ

ଗଞ୍ଜାମ,୪ା୬(ଡି.ଏନ.ଏ.)-ସାହେବ କେନାଲ ନିକଟସ୍ଥ ପାଲୁରୁ, ଅରୁଣପୁର ପ୍ରୟାଗୀ ଏବଂ ତାର ମୌଜା ମଧୁସୁଦନପୁର ଆଦି ଅଞ୍ଚଳରେ ବେଆଇନ ଭାବେ ଚିଙ୍ଗୁଡ଼ି ପୋଖରୀ ଖନନ କରାଯାଉଛି। ଏଥିଯୋଗୁ ଚାଷଜମି କ୍ଷତିଗ୍ରସ୍ତ ହେଉଛି ।