ସମ୍ପାଦକୀୟ |

ସମ୍ପାଦକୀୟ/ଧନୀ ନୁହେଁ, ଗରିବ ମଲା

ସମ୍ପାଦକୀୟ/ଧନୀ ନୁହେଁ, ଗରିବ ମଲା
୨୦୧୬ ନଭେମ୍ବର ୮ରେ ପ୍ରଧାନମନ୍ତ୍ରୀ ନରେନ୍ଦ୍ର ଦାମୋଦରଦାସ ମୋଦି ଟେଲିଭିଜନ ଭାଷଣ ଜରିଆରେ ଦୁଇଟି ବଡ଼ ଅଙ୍କର ନୋଟ୍‌ ୧୦୦୦ ଏବଂ ୫୦୦ ଟଙ୍କିଆକୁ ଅଚଳ ଘୋଷଣା କରି ଦେଶବାସୀଙ୍କୁ ଚକିତ କରିଦେଇଥିଲେ। ବୁଧବାର ୨୦୧୭ ନଭେମ୍ବର ୮କୁ ଏହି ଘୋଷଣାର ଏକବର୍ଷ ପୂର୍ତ୍ତି ହେଉଛି। କେନ୍ଦ୍ରରେ ଶାସନ କ୍ଷମତାରେ ଥିବା ଭାରତୀୟ ଜନତା ପାର୍ଟି (ଭାଜପା) ଏହି ଦିନଟିକୁ ‘କଳାଧନ ବିରୋଧୀ ଦିବସ’ ଭାବେ ପାଳନ କରିବ ବୋଲି ଘୋଷଣା କରିଛି। ପ୍ରଧାନମନ୍ତ୍ରୀ ନୋଟ୍‌ ଅଚଳ ଘୋଷଣା କରି କହିଥିଲେ ଯେ, ଦେଶ ଭିତରେ ଥିବା କଳାଧନକୁ ବାହାର କରିବା ହେଉଛି ‘ବିମୁଦ୍ରୀକରଣ’ର ମୁଖ୍ୟ ଉଦ୍ଦେଶ୍ୟ। ଗତ ୧ ବର୍ଷ ମଧ୍ୟରେ ମୋଦି ସରକାର କେତେ ପରିମାଣର କଳା ଟଙ୍କା ଜବତ କରିବାରେ ସମର୍ଥ ହୋଇଛନ୍ତି ତାହା ମା’ ଗଙ୍ଗେ ଜାଣନ୍ତି। ଏ ପର୍ଯ୍ୟନ୍ତ ଦେଶବାସୀଙ୍କ ସମ୍ମୁଖକୁ ସେହି ହିସାବ ଆସିଲା ନାହିଁ। ବରଂ କଳାଧନ ବିରୋଧୀ ଦିବସ ପାଳନର ଦୁଇଦିନ ପୂର୍ବରୁ ‘ପାରାଡାଇଜ୍‌ ପେପର୍ସ’ ସାରା ପୃଥିବୀରେ ବିପୁଳ କଳାଧନ ଜମାକାରୀଙ୍କର ଯେଉଁ ନାମ ପ୍ରକାଶ କରିଛି ତନ୍ମଧ୍ୟରେ ଭାରତର ୭୧୪ଜଣଙ୍କ ନାମ ରହିଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ମୋଦି ସରକାରଙ୍କର ରାଷ୍ଟ୍ରମନ୍ତ୍ରୀ ଥିବା ଜୟନ୍ତ ସିହ୍ନା, ଭାଜପାର ଜଣେ ରାଜ୍ୟ ସଭା ସଦସ୍ୟ ଆର.କେ. ସିହ୍ନାଙ୍କ ସମେତ ଅନେକ ରାଜନେତା, ପଳାତକ ଶିଳ୍ପପତି ବିଜୟ ମାଲ୍ୟା, ବିଶିଷ୍ଟ ଚଳଚ୍ଚିତ୍ର ତାରକା ଅମିତାଭ ବଚ୍ଚନଙ୍କ ଭଳି ବହୁ ସେଲିବ୍ରିଟି ଓ ବ୍ୟବସାୟୀଙ୍କର ନାମ ଏହି ତାଲିକାରେ ରହିଛି। ପ୍ରାୟ ୧୮ ମାସ ପୂର୍ବରୁ ପାନାମା ପେପର୍ସ ପ୍ରଘଟ ଘଟଣାରେ ଅନେକ ପ୍ରଭାବଶାଳୀ ବ୍ୟକ୍ତିଙ୍କ ନାମ ପ୍ରକାଶ ପାଇଥିଲା। ସେମାନେ ଟିକସ ଫାଙ୍କିବା ଉଦ୍ଦେଶ୍ୟରେ ବିଦେଶର ବିଭିନ୍ନ କମ୍ପାନୀରେ ପୁଞ୍ଜିନିବେଶ କରି ମୁନାଫା ଉଠାଉଛନ୍ତି। ପାନାମା ପେପର୍ସ ଲିକ୍‌ ହେବା ପରେ ସରକାର କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ (ସିବିଡିଟି) ନେତୃତ୍ୱରେ ଏକ ବହୁମୁଖୀ ତଦନ୍ତ ଗୋଷ୍ଠୀ ଗଠନ କରି ଏହାର ଯାଞ୍ଚ କରୁଛନ୍ତି। ମାତ୍ର ଅଦ୍ୟାବଧି ଜଣେ ହେଲେ ଏଥିରେ ଦୋଷୀ ସାବ୍ୟସ୍ତ ହୋଇପାରିନାହାନ୍ତି। ଏଥିରୁ କେନ୍ଦ୍ର ସରକାରଙ୍କର କଳାଧନ ଖୋଜି ବାହାର କରିବାର ଆନ୍ତରିକତା କେତେ ରହିଛି ତାହା ସ୍ପଷ୍ଟ ହେଉଛି। ସେହି ଦୃଷ୍ଟିରୁ ଦେଖିଲେ ପଡୋଶୀ ଦେଶ ପାକିସ୍ତାନ କଳାଧନ ବିରୋଧୀ ଅଭିଯାନରେ ଯଥେଷ୍ଟ ଆଗରେ ଅଛି ବୋଲି କୁହାଯାଇପାରିବ। ପାନାମା ପେପର୍ସରେ ନାମ ଆସିଥିବା ସେହି ଦେଶର ପ୍ରଧାନମନ୍ତ୍ରୀ ନଓ୍ବାଜ ଶରିଫ୍‌ଙ୍କୁ ଉକ୍ତ ଦୁର୍ନୀତି ସକାଶେ ପଦଚ୍ୟୁତ ହେବାକୁ ପଡିଛି। ଭାରତରେ କଳାଟଙ୍କା ବିରୋଧୀ ଅଭିଯାନ କେବଳ ପ୍ରଧାନମନ୍ତ୍ରୀ ଓ ତାଙ୍କ ଚେଲାଚାମୁଣ୍ଡାଙ୍କ ଭାଷଣବାଜିରେ ସୀମିତ ହୋଇ ରହିଯାଇଛି। କୁହାଗଲାଣି ଯେ, ପାନାମା ପେପର୍ସ ପ୍ରଘଟ ଘଟଣାର ତଦନ୍ତ କରୁଥିବା ବହୁମୁଖୀ ଗୋଷ୍ଠୀ ପାରାଡାଇଜ୍‌ ପେପର୍ସ ଲିକ୍‌ର ତଦନ୍ତ କରିବ। ମୋଦିଙ୍କର ବିମୁଦ୍ରୀକରଣ କଳାଧନ ଖୋଜି ବାହାର କରିବାର ଏକ ବାହାନା ଥିଲା ବୋଲି ଗତ ଏକବର୍ଷ ମଧ୍ୟରେ ସ୍ପଷ୍ଟ ହୋଇଗଲାଣି। ବାସ୍ତବରେ ଏହି ଅପରିଣାମଦର୍ଶୀ ନିଷ୍ପତ୍ତି ସବୁଠାରୁ ଅଧିକ ଯନ୍ତ୍ରଣା ଦେଇଛି ଦେଶର ସାଧାରଣ ଗରିବ ଜନତାଙ୍କୁ। ଏବେ ମଧ୍ୟ ସେହି ସଂକଟରୁ ଲୋକେ ମୁକ୍ତି ପାଇନାହାନ୍ତି। ସେତେବେଳେ କୁହାଗଲା ଯେ, ବଡ ଅଙ୍କର ନୋଟ୍‌ ପ୍ରଚଳିତ ଥିବା କାରଣରୁ ଅନେକ ବିତ୍ତଶାଳୀ ବ୍ୟକ୍ତି ନଗଦ କୋଟି କୋଟି ଟଙ୍କା ନିଜ ପାଖରେ ଜମା କରି ରଖିଛନ୍ତି। ଏହାକୁ ଅଚଳ କରିଦେଲେ ସେହି ନୋଟ୍‌ ଅର୍ଥନୈତିକ ବ୍ୟବସ୍ଥାରୁ ବାହାରକୁ ଚାଲିଯିବ ଏବଂ ଦେଶ କଳାଧନମୁକ୍ତ ହୋଇଯାଇ ପାରିବ । କିନ୍ତୁ ବାସ୍ତବରେ ଏହାର ପ୍ରଭାବ ସାଧାରଣ, ମଧ୍ୟବିତ୍ତ ଶ୍ରେଣୀ, ଖଟିଖିଆ ଗରିବ ଏବଂ କ୍ଷୁଦ୍ର ବ୍ୟବସାୟୀଙ୍କ ଉପରେ ପଡିଲା। ସେମାନେ ନିଜ ଦୈନିକ ରୋଜଗାରରୁ ବଳକା କରି ଘରେ ରଖିଥିବା ଯତ୍‌କିଞ୍ଚତ୍ତ୍‌ ଟଙ୍କା ଅଚଳ ହୋଇଯିବାରୁ ନିର୍ଦ୍ଧାରିତ ସମୟରେ ବ୍ୟାଙ୍କ କିମ୍ବା ପୋଷ୍ଟ ଅଫିସ୍‌ରେ ଜମା କରିଦେଲେ। ସାଧାରଣ ଲୋକଙ୍କ ନଗଦ ଅର୍ଥବଳ ବ୍ୟାଙ୍କ ଅପହରଣ କରିନେଲା। ଅନ୍ୟ ପକ୍ଷରେ ପ୍ରକୃତ କଳାଟଙ୍କା ବିଦେଶକୁ ଚାଲିଯାଇଛି, ଯାହାକି ପାନାମା ପେପର୍ସ ଓ ପାରାଡାଇଜ୍‌ ପେପର୍ସ ପ୍ରଘଟ ଘଟଣାରୁ ସ୍ପଷ୍ଟ ହେଉଛି। ସରକାର ଦାବି କରୁଛନ୍ତି ଯେ, ଅଚଳ ହୋଇଥିବା ଟଙ୍କା ମଧ୍ୟରୁ ୯୯ ପ୍ରତିଶତ ବ୍ୟାଙ୍କକୁ ଫେରିଛି। ଯଦି ତାହା ସତ ହୋଇଥାଏ, ତେବେ ଏହା ପ୍ରମାଣ କରିଦେଉଛି ଯେ, ତଥାକଥିତ କଳାଧନ ବ୍ୟବସ୍ଥା ବାହାରକୁ କେବେହେଲେ ଯାଇ ନ ଥିଲା । ସବୁଠାରୁ ଆଶ୍ଚର୍ଯ୍ୟର ବିଷୟ ହେଉଛି ଫେରିଥିବା ଟଙ୍କାଗୁଡ଼ିକୁ ସମ୍ପୂର୍ଣ୍ଣ ଭାବେ ଅଦ୍ୟାବଧି ଯାଞ୍ଚ କରାଯାଇପାରିନାହିଁ। ଏହା ସମସ୍ତେ ଜାଣନ୍ତି ଯେ, ବିମୁଦ୍ରୀକରଣ ଯୋଗୁ ଅନେକ ଲୋକ ଅକାଳରେ ପ୍ରାଣ ହରାଇଛନ୍ତି। କେତେକ ବାହାଘର ଭାଙ୍ଗିଯାଇଛି। ବହୁ ଚାକିରିଜୀବୀ ବେକାର ହୋଇଯାଇଛନ୍ତି। ବିଭିନ୍ନ କ୍ଷେତ୍ରରେ ଉତ୍ପାଦନ ହ୍ରାସ ଘଟି ଦେଶର ଅର୍ଥନୀତି ଉପରେ ନକାରାତ୍ମକ ପ୍ରଭାବ ପକାଇଛି। ଯାହାଫଳରେ ମୋଟ ଘରୋଇ ଉତ୍ପାଦ (ଜିଡିପି) ନିମ୍ନଗାମୀ ହୋଇ ଅଭିବୃଦ୍ଧିକୁ ମନ୍ଥର କରିଦେଇଛି। ପ୍ରାୟ ୮ ପ୍ରତିଶତରେ ପହଞ୍ଚିଥିବା ଜିଡିପି ଆଜି ୫.୭ ପ୍ରତିଶତକୁ ଖସି ଆସିଲାଣି । ଗତ ନଭେମ୍ବର ୮ ପରେ ଦେଶବାସୀ ଭାବିଲେ ସବୁ ଧନୀ ମରିଯିବେ । ଆଜିର ପରିସ୍ଥିତି ଦେଖିଲେ ବୁଝାପଡୁଛି ଯେ, ଗରିବ ମରିଗଲେ । ପୂର୍ବରୁ ଧନୀଙ୍କର ଯେଉଁ ଆଦବକାଇଦା ଥିଲା ତାହା ଆଜି କୌଣସି ଭାବରେ ହ୍ରାସ ପାଇନାହିଁ । କିନ୍ତୁ ଦେଶବ୍ୟାପୀ ଅନେକ କୋଟି ଲୋକ ଜୀବିକା ହରାଇ ବସିଲେଣି । ବିମୁଦ୍ରୀକରଣ ଆତଙ୍କବାଦ ଓ ମାଓବାଦ ଭଳି ଗୁରୁତର ସମସ୍ୟାକୁ ରୋକି ଦେଇପାରିବ ବୋଲି ପ୍ରଧାନମନ୍ତ୍ରୀ ମୋଦି ସେତେବେଳେ ଜୋର ଦେଇ କହିଥିଲେ। ବାସ୍ତବତା କିନ୍ତୁ ଭିନ୍ନ କଥା କହୁଛି। ସୀମାନ୍ତରେ ପ୍ରତିଦିନ ଯବାନଙ୍କ ମୃତ୍ୟୁ, ସେନା ଶିବିର ଉପରେ ଆକ୍ରମଣ, ମାଓବାଦୀ ଅଧ୍ୟୁଷିତ ରାଜ୍ୟଗୁଡିକରେ ନିରୀହ ଜନତାଙ୍କୁ ଲାଲବାହିନୀର ହତ୍ୟା ଆଦି ଘଟଣା ପ୍ରମାଣିତ କରୁଛି ଯେ, ମୋଦି ବାସ୍ତବତାଠାରୁ ଦୂରରେ ଅଛନ୍ତି । ସେହିଭଳି କଳାଧନ ବାହାରିଲା ନାହିଁ କିମ୍ବା ଜାଲ ନୋଟର ପ୍ରାଦୁର୍ଭାବ ହ୍ରାସ ପାଇନାହିଁ । ‘କ୍ୟାଶ୍‌ଲେସ୍‌’ ମଧ୍ୟ ଏବେ ତ୍ରୁଟିପୂର୍ଣ୍ଣ ନୀତି ବୋଲି ପ୍ରମାଣିତ ହେବାରେ ଲାଗିଛି ।
All Right Reserved By

ସମ୍ପାଦକୀୟ |

ଆର୍‌ବିଆଇ ଅଡ଼ୁଆ

ଆର୍‌ବିଆଇ ଅଡ଼ୁଆ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ନିକଟରେ ପାଞ୍ଚଟି ରାଜ୍ୟରେ ହୋଇଥିବା ବିଧାନସଭା ନିର୍ବାଚନରେ ମାଡ଼ ଖାଇଯାଇଥିବା ମୋଦି ସରକାର ଉର୍ଜିତ ପଟେଲ ଯୁଗର ଅବସାନ ଘଟାଇବାକୁ ଉଚିତ ମଣିଛନ୍ତି। ରିଜର୍ଭ ବ୍ୟାଙ୍କ (ଆର୍‌ବିଆଇ) ଗଭର୍ନର ପଦରୁ ଉର୍ଜିତ ଇସ୍ତଫା ଦେବାର ଦିନଟିଏ ନ ପୂରୁଣୁ ସରକାର ପୂର୍ବତନ ଅର୍ଥ ସଚିବ ଶକ୍ତିକାନ୍ତ ଦାସଙ୍କୁ ଆର୍‌ବିଆଇର ନୂତନ ମୁଖ୍ୟ ଭାବେ ନିଯୁକ୍ତି ଦେଇଛନ୍ତି। ହଠାତ୍‌ ପଟେଲଙ୍କ ଇସ୍ତଫା ସରକାରଙ୍କୁ ଅଡ଼ୁଆରେ ପକାଇ ଦେଇଥିଲା, ଯଦିଚ କିଛିଦିନ ହେଲା ଆର୍‌ବିଆଇ ସହିତ ନର୍ଥ ବ୍ଲକ୍‌ର ମତପାର୍ଥକ୍ୟ ଓ ମୁହାଁମୁହିଁ ପରିସ୍ଥିତି ବିଷୟରେ ସମସ୍ତେ ଜାଣନ୍ତି। ପଟେଲ ତାଙ୍କ ଇସ୍ତଫା ବିଷୟରେ ସର୍ବସାଧାରଣରେ ଘୋଷଣା କରିବାର ଅବ୍ୟବହିତ ପୂର୍ବରୁ ହିଁ ସରକାର ଏ ବିଷୟରେ ଜାଣିଲେ। ଏଥିସହ ପ୍ରଧାନମନ୍ତ୍ରୀଙ୍କ ଅର୍ଥନୈତିକ ପରାମର୍ଶଦାତା ପରିଷଦରୁ ବିଶିଷ୍ଟ ଅର୍ଥନୀତିଜ୍ଞ ସୁରଜିତ୍‌ ଭାଲ୍ଲାଙ୍କ ବିଦାୟ ମଧ୍ୟ ସରକାରଙ୍କ ଅଡ଼ୁଆକୁ ବଢ଼ାଇଦେଇଛି। ...

ଇତିହାସର ସେଇ ବିରଳ ଅଧ୍ୟାୟ

ଇତିହାସର ସେଇ ବିରଳ ଅଧ୍ୟାୟ

ଶରତ ଚନ୍ଦ୍ର ମିଶ୍ର

ଭାରତକୁ ସୁରୁଖୁରୁରେ କ୍ଷମତା ହସ୍ତାନ୍ତର ପରିଚାଳନା କରିବା ନିମନ୍ତେ ୧୯୪୭ ମସିହା ପ୍ରାରମ୍ଭରେ ବ୍ରିଟିଶ ସରକାର ଲର୍ଡ ମାଉଣ୍ଟବ୍ୟାଟେନଙ୍କୁ ନିଯୁକ୍ତ କଲେ। ଲଣ୍ଡନସ୍ଥିତ ଭାରତ ଅଫିସ ତାଙ୍କୁ ପରାମର୍ଶ ଦେଇଥିଲା ଯେ, ଚାରିଜଣ ମୁଖ୍ୟ ଭାରତୀୟଙ୍କୁ ସେ ସହମତ କରାଇପାରିଲେ, ଭାରତରେ ତାଙ୍କ ଲକ୍ଷ୍ୟରେ ସଫଳ ହେବେ। ଏହି ଚାରି ବିଶିଷ୍ଟ ଭାରତୀୟମାନେ ହେଲେ ମହାତ୍ମା...

ଦ୍ୱିତୀୟ ଚନ୍ଦ୍ରଯାନ ଅପେକ୍ଷାରେ

ଦ୍ୱିତୀୟ ଚନ୍ଦ୍ରଯାନ ଅପେକ୍ଷାରେ

କମଳାକାନ୍ତ ଜେନା

ଯେତେବେଳେ ଆକାଶର ରୁପାଜହ୍ନକୁ ଦେଖେଇ ମା’ କହେ- ‘ଆ ଜହ୍ନମାମୁ ସରଗଶଶୀ, ମୋ କାହ୍ନୁ ହାତରେ ପଡରେ ଖସି’ ସେତେବେଳେ ଶିଶୁଟି ଆକାଶକୁ ଅନେଇ ଜହ୍ନକୁ ଛୁଇଁବାର ସ୍ବପ୍ନ ଦେଖେ। ସେଇ ମୁହୂର୍ତ୍ତରୁ ଚନ୍ଦ୍ର ସହିତ ସମ୍ପର୍କ ସ୍ଥାପନ କରିବାର ପ୍ରୟାସ ଜାରିରହେ। କିଏ ଦେବତା ରୂପରେ ବନ୍ଦନା କରି ଚନ୍ଦ୍ରକୁ ନିଜର କରିବାକୁ ଉଦ୍ୟମ କରେ, କିଏ ପୁଣି ଏହି ଖଗୋଳୀୟ ପିଣ୍ଡକୁ ଉପଗ୍ରହର ମାନ୍ୟତା ଦେଇ ତା’ ନିକଟରେ ପହଞ୍ଚିବା ପାଇଁ ମହାକାଶଯାନ ନିର୍ମାଣ କରେ। ଚନ୍ଦ୍ରକୁ ଛୁଇଁବାରେ ପ୍ରଥମ ସଫଳ ମଣିଷ...

ଏଇ ଭାରତରେ

ଏଇ ଭାରତରେ

ଆମ ସମାଜରେ କିଛି କୁସଂସ୍କାର ତଥା ଅନ୍ଧବିଶ୍ୱାସ ଭରି ରହିଛି। ପ୍ରାଚୀନ ପରମ୍ପରାକୁ ମାନି ଚଳିଲେ ବିପଦରୁ ରକ୍ଷା ମିଳେ ବା ଗ୍ରହ ଶାନ୍ତି ହୋଇଥାଏ ବୋଲି ଲୋକଙ୍କର ବିଶ୍ୱାସ ରହିଛି। ଏମିତି ଏକ ପରମ୍ପରା ମଧ୍ୟରୁ ଗୋଟିଏ ହେଉଛି କୁକୁରକୁ ବିବାହ କରିବାର ପଦ୍ଧତି। ...

ଆଜିର ଅର୍ଥନୀତି/ ବୋଲକରା ହୁଅନା

ଆଜିର ଅର୍ଥନୀତି/ ବୋଲକରା ହୁଅନା

ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ)ର ଗଭର୍ନର ପଦରୁ ଉର୍ଜିତ ପଟେଲଙ୍କ ଆକସ୍ମିକ ବିଦାୟ ଏବଂ ଅବିଳମ୍ବେ ତାଙ୍କ ସ୍ଥାନରେ ଭୁବନେଶ୍ୱର-ଜନ୍ମିତ ତାମିଲନାଡ଼ୁ କ୍ୟାଡର ଆଇଏଏସ୍‌ ଅଫିସର ଶକ୍ତିକାନ୍ତ ଦାସଙ୍କୁ ନିଯୁକ୍ତି ଦିଆଯିବା ଘଟଣା ପଛରେ କିଛି ରହସ୍ୟ ରହିଛି। କାରଣ ଶକ୍ତିକାନ୍ତ ଅତୀତରେ ମୋଦି ସରକାରଙ୍କ ବହୁ ଆସ୍ଫାଳନଭରା ବିମୁଦ୍ରୀକରଣ କାର୍ଯ୍ୟର ତଦାରଖ କରିଥିଲେ। ତୁଙ୍ଗ ଅଧିକାରୀମାନଙ୍କୁ ଆକସ୍ମିକ ଭାବେ ଅଦଳବଦଳ କରିବା ଏ ସରକାରଙ୍କ ପାଇଁ କିଛି ନୂଆ କଥା ନୁହେଁ। ପଟେଲଙ୍କ ପୂର୍ବରୁ ସରକାରଙ୍କ ସହ ବିଭିନ୍ନ ପ୍ରସଙ୍ଗରେ ମତଭେଦ ଘଟିବାରୁ ରଘୁରାମ ରାଜନ୍‌ଙ୍କୁ ସରକାରଙ୍କ କ୍ରୋଧର ଶରବ୍ୟ ହେବାକୁ ପଡ଼ିଥିଲା। ତାଙ୍କ ପୂର୍ବରୁ ନୀତି ଆୟୋଗର ଉପାଧ୍ୟକ୍ଷ ଅରବିନ୍ଦ ପାନାଗାରିଆ ଏବଂ ମୁଖ୍ୟ ଅର୍ଥନୈତିକ ପରାମର୍ଶଦାତା ଅରବିନ୍ଦ ସୁବ୍ରମଣ୍ୟନ୍‌ ଇସ୍ତଫା...

ବିରଳ ଗଙ୍ଗାଜଳ

ବିରଳ ଗଙ୍ଗାଜଳ

ଡ. ଗୌରୀଶଙ୍କର ସାହୁ

ଗଙ୍ଗାନଦୀ ଆଧ୍ୟାତ୍ମିକ ଦୃଷ୍ଟିକୋଣରୁ ହିନ୍ଦୁ ସମାଜରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିଛି।  ଏହା ପାପନାଶିନୀ ଓ ମୋକ୍ଷଦାୟିନୀ ବୋଲି ବିଶ୍ୱାସ ରହିଛି। ଲୋକେ ଗଙ୍ଗାନଦୀ ନୁହେଁ ବରଂ ଗଙ୍ଗାମାତା ବୋଲି କହିଥାନ୍ତି। ଏସବୁ ମଧ୍ୟରେ ବୈଜ୍ଞାନିକ ଦୃଷ୍ଟିକୋଣରୁ ଯେ ଗଙ୍ଗାଜଳ ବିରଳ ଏ ସମ୍ବନ୍ଧରେ ଆଲୋଚନା ଖୁବ୍‌ କମ୍‌ ହୁଏ। ଗଙ୍ଗାଜଳର ରୋଗପ୍ରତିରୋଧକ କ୍ଷମତା ସମ୍ବନ୍ଧୀୟ ଗବେଷଣାତ୍ମକ ନିଷ୍କର୍ଷ ମଧ୍ୟ ବହୁତ କମ୍‌ ଲୋକ ଜାଣନ୍ତି, ଯଦିଓ ଆମେ ସମସ୍ତେ ଅନୁଭବ କରୁଛେ ଯେ, ଗଙ୍ଗାଜଳ ବାକି ନଦୀର ଜଳଠାରୁ ଭିନ୍ନ। ସାଧାରଣ ନଦୀ, କୂଅ, ପୋଖରୀର ଜଳକୁ ବୋତଲରେ ବନ୍ଦ କରି ରଖିଲେ କିଛିଦିନ ପରେ ସେଥିରୁ ଦୁର୍ଗନ୍ଧ ବାହାରିବ କିନ୍ତୁ ଗଙ୍ଗାଜଳ ବର୍ଷ ବର୍ଷ ଧରି ସତେଜ ରହିଥାଏ। ତେଣୁ ଘରେ ଗଙ୍ଗାଜଳ ରଖି ଆବଶ୍ୟକ ଅନୁସାରେ ଧାର୍ମିକ କାର୍ଯ୍ୟରେ ବ୍ୟବହାର କରାଯାଏ, ...

 ପିଲାଙ୍କ ଖେଳ: କାଲି ଓ ଆଜି

ପିଲାଙ୍କ ଖେଳ: କାଲି ଓ ଆଜି

ରୁଦ୍ର ପ୍ରସନ୍ନ ରଥ

ଖେଳ ଆମ ଜୀବନର ଏକ ଅବିଚ୍ଛେଦ୍ୟ ଅଙ୍ଗ। ଖେଳକୁ ନେଇ ପିଲାମାନେ ସବୁବେଳେ ଉତ୍ସାହିତ ଥାଆନ୍ତି। ସୁଯୋଗ ପାଇଲା ମାନେ ଖେଳିବାକୁ ପଳାଇଯାଆନ୍ତି। କେତେବେଳେ ବାଗୁଡ଼ି ତ ଆଉ କେତେବେଳେ ବୋହୂଚୋରି, ପୁଣି କେତେବେଳେ ଡାଳମାଙ୍କୁଡ଼ି। କିଛି ନ ହେଲେ ଡାବଲପୁଆ ଆଉ କାଚବାଟି ମିଳିଗଲେ ପିଲାଙ୍କୁ ରୋକେ କିଏ? ଗାଁ ସଂସ୍କୃତିରେ କ୍ରିକେଟ ପଶିବାର ବହୁ ପୂର୍ବରୁ ଏ ଖେଳ ସବୁ ଆମ ସଭ୍ୟତା ଏବଂ ସଂସ୍କୃତିର ଗୁରୁତ୍ୱପୂର୍ଣ୍ଣ ଅଂଶବିଶେଷ ହୋଇ ରହିଥିଲା। ସ୍କୁଲ ଯିବା ପୂର୍ବରୁ ଖେଳ, ସ୍କୁଲରେ ଭୋଜନ ବିରତିରେ ଖେଳ, ସ୍କୁଲରୁ ଫେରିଲା ପରେ ବହିବସ୍ତାନି ଫୋପାଡି ଦେଇ ସାଙ୍ଗମାନଙ୍କ ସହ ମାତିଯାଇ ଖେଳ। ଏମିତି ହିଁ ପିଲାମାନଙ୍କର ପିଲାଦିନ କଟିଯାଉଥିଲା ତୋଟା ଆଉ ନଦୀପଠାରେ। ପୁଣି ରଜ ଆଦି ପର୍ବପର୍ବା...

ଏଇ ଭାରତରେ

ଏଇ ଭାରତରେ

ଦୂରରେ ଥାଇ ଠକେଇ କରିବା ସହଜ। ଏବେ ଅନଲାଇନ୍‌ ଶପିଂ ଦୂରଠକେଇର ଏକ ପ୍ଲାଟଫର୍ମରେ ପରିଣତ ହୋଇଛି କହିଲେ ଅତ୍ୟୁକ୍ତି ହେବନାହିଁ। ଏଭଳି ଠକେଇ ବିଷୟରେ ପ୍ରାୟତଃ କିଛି ଲୋକ ଅବଗତ ଅଛନ୍ତି। ଏହାଦ୍ୱାରା ଜଣେ ଠକାମିର ଶିକାର ହେଲେ ଆଉଥରେ କୌଣସି ଜିନିଷ ମଗାଇବାକୁ ମନ ବଳା...

ମ୍ୟାଗଟ୍‌ ସଂକ୍ରମଣ

ମ୍ୟାଗଟ୍‌ ସଂକ୍ରମଣ

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପିପୁଲ ଫର୍‌ ଆନିମଲ୍‌ସ, ମହୀଶୂର ଶାଖାର କର୍ମୀମାନେ ଏକ ଘୋଡ଼ା ଉଦ୍ଧାର କରିଥିଲେ, ଯାହାର ମୁଣ୍ଡକୁ ପରଜୀବୀ (ପାରାସାଇଟ୍‌)ମାନଙ୍କ ଦ୍ୱାରା ଅଧା ଖିଆଯାଇ ସାରିଥିଲା। ମୁଁ ତା’ର ପୂର୍ବ ଓ ପର ଅବସ୍ଥାର ଛବି ଏଥିରେ ପ୍ରଦାନ କରୁଛି। ଏହା ଏକ ସଫଳତାର କାହାଣୀ, ମାତ୍ର ଅନେକ ପ୍ରାଣୀଙ୍କ ଦେହରେ ପରଜୀବୀ ପୂରା ଭିତରକୁ ପ୍ରବେଶ କରିସାରିଥିବାରୁ ସେମାନଙ୍କ ବଞ୍ଚିବା ଅସମ୍ଭବ ହୋଇପଡ଼ୁଛି। ଏଭଳି ରୋଗ ସଂକ୍ରମଣ ହେଲେ ମଣିଷଙ୍କଠାରୁ ପ୍ରାଣୀମାନେ ବେଶି କଷ୍ଟ ପାଇଥାନ୍ତି, କାରଣ ସେମାନଙ୍କ ପାଖରେ କିଛି ବିକଳ୍ପ ନ ଥାଏ। ସେମାନଙ୍କର ଚିକିତ୍ସା କରିବା ପାଇଁ ଡାକ୍ତର ନ ଥାନ୍ତି। ରୋଗଗ୍ରସ୍ତ ହୋଇପଡ଼ିଲେ ଅଧିକାଂଶ ମାଲିକ ଏପରି ପ୍ରାଣୀମାନଙ୍କୁ ପରିତ୍ୟାଗ କରିଥାନ୍ତି। ...

ଆର୍ଥିକ ଉପନିବେଶବାଦ ଓ ଭାରତ

ଆର୍ଥିକ ଉପନିବେଶବାଦ ଓ ଭାରତ

ଅରୁଣ କୁମାର ପଣ୍ଡା

ସ୍ବାଧୀନତାକୁ ୭୨ବର୍ଷ ହେବା ପରେ ବି ଭାରତୀୟ ଅର୍ଥ ବ୍ୟବସ୍ଥା ସିଦ୍ଧାନ୍ତ ରୂପରେ ଉପନିବେଶବାଦ ଟ୍ରାକ୍‌ରୁ ଓହ୍ଲାଇ ନୂଆ ମାର୍ଗରେ ଚାଲିବା ପାଇଁ ଏ ପର୍ଯ୍ୟନ୍ତ ସମର୍ଥ ହୋଇପାରିନାହିଁ। ଦୀର୍ଘ ଦିନର ଗୋଲାମି କାରଣରୁ ଦେଶର ଅର୍ଥ ବ୍ୟବସ୍ଥା ଲମ୍ବା ସମୟ ଧରି ଘୁଷୁଡ଼ି ଘୁଷୁଡି ଏବେ ବିଶ୍ୱର ଷଷ୍ଠ ସବୁଠାରୁ ବଡ଼ ଆର୍ଥିକ ପ୍ରଗତିର ରାଷ୍ଟ୍ରରେ ପରିଣତ ହୋଇଛି। ଏହି ୭୨ବର୍ଷରେ ଦେଶରେ ଅର୍ଥ ବ୍ୟବସ୍ଥାର ବିସ୍ତାର ନିଶ୍ଚିତ ଭାବରେ ହୋଇଛି। ପରନ୍ତୁ ଆମକୁ ଅପେକ୍ଷିତ ସଫଳତା ମିଳିପାରିନାହିଁ।...

ସାଧକ ଶ୍ରୀଯଶୋବନ୍ତ ସ୍ମରଣେ

ସାଧକ ଶ୍ରୀଯଶୋବନ୍ତ ସ୍ମରଣେ

ଡ. ଜ୍ୟୋତିର୍ମୟୀ ମହାନ୍ତି

ଖ୍ରୀଷ୍ଟୀୟ ଷୋଡ଼ଶ ଶତାବ୍ଦୀରେ ଗଜପତି ପ୍ରତାପରୁଦ୍ରଦେବଙ୍କ ରାଜତ୍ୱ କାଳରେ ସିଦ୍ଧ ସାଧକ, ଶ୍ରୀଜଗନ୍ନାଥଙ୍କ ପରମଭକ୍ତ ପଞ୍ଚସଖାଙ୍କର ଆବିର୍ଭାବ ଘଟିଥିଲା। ଯେଉଁମାନେ କି ନିଜ ନିଜର ସାଧନା ବଳରେ ଓଡ଼ିଶାରେ ଆଧ୍ୟାତ୍ମିକ ଚେତନା ଓ ଧାର୍ମିକ ଭାବନାରେ ଆଲୋଡ଼ନ ସୃଷ୍ଟି କରିଥିଲେ। ଏମାନଙ୍କ ମଧ୍ୟରେ ମାନବ ଜୀବନ ଦର୍ଶନ ସମ୍ପର୍କରେ ବିଶ୍ଳେଷଣ କରି ତତ୍କାଳୀନ ସମାଜରେ ଏକ ଯୁଗାନ୍ତକାରୀ ସ୍ବର ତୋଳିଥିବା ସାଧକଶ୍ରେଷ୍ଠ ଶ୍ରୀଯଶୋବନ୍ତ ଗୋସେଇଁ ଅନ୍ୟତମ। ତାଙ୍କର ଜନ୍ମସ୍ଥାନ ଅବିଭକ୍ତ କଟକ ତଥା ବର୍ତ୍ତମାନର ଜଗତ୍‌ସିଂହପୁର ଜିଲା ଅନ୍ତର୍ଗତ ଅଢ଼ଙ୍ଗ ଗ୍ରାମ। ଜନ୍ମ ସମୟ ଓ ପିତାଙ୍କ ନାମ ସମ୍ପର୍କରେ ଉଦୟ କାହାଣୀ, ଭକ୍ତି ଚନ୍ଦ୍ରିକା, ଶୂନ୍ୟସଂହିତା ଆଦି ଗ୍ରନ୍ଥରୁ ବିଭିନ୍ନ ପ୍ରକାର ତଥ୍ୟ ମିଳିଥାଏ। ଆଲୋଚକଗଣ ତାଙ୍କ ଜନ୍ମ ସମୟ ୧୪୭୦ରୁ ୧୫୫୦ ଖ୍ରୀଷ୍ଟାବ୍ଦ ...

ଏଇ ଭାରତରେ

ଏଇ ଭାରତରେ


ଦୁର୍ନୀତି, ଶୋଷଣ, ଅରାଜକତା ପାଇଁ ସାଧାରଣତଃ ରାଜନେତା, ଉଚ୍ଚ ପଦବୀରେ ଥିବା ସରକାରୀ ଅଧିକାରୀଙ୍କୁ ଦାୟୀ କରାଯାଏ। ଦୁର୍ନୀତି ପ୍ରମାଣିତ ହେଲେ ସେମାନେ ଦଣ୍ଡିତ ହେବା ଅନେକ ନଜିର ରହିଛି। ହେଲେ ଅନେକଙ୍କ ବିରୋଧରେ ପ୍ରମାଣ ମିଳେନାହିଁ କିମ୍ବା ସେମାନଙ୍କ ବିରୋଧରେ ସ୍ବର ଉଠାଇବାକୁ ଲୋକେ ସାହସ କରନ୍ତି ନାହିଁ। ଏସବୁ ବର୍ତ୍ତମାନ ସମାଜରେ ସାଧାରଣ କଥା ହୋଇଥିଲାବେଳେ ଅନେକ ଲୋକଙ୍କ ମନରେ ରାଜନେତା ଓ ଉଚ୍ଚପଦସ୍ଥ ଅଧିକାରୀଙ୍କ ...