ଫୁରସତ |

ଚାଷ ଦେଖାଇଛି ବାଟ: ଜୟ ସିଂହ ବରଡ଼(ସଫଳ ଚାଷୀ)

ଚାଷ ଦେଖାଇଛି ବାଟ: ଜୟ ସିଂହ ବରଡ଼(ସଫଳ ଚାଷୀ)

ଗଞ୍ଜାମ ଜିଲା ହିଞ୍ଜିଳିକାଟୁ ବ୍ଲକ ରାଳବ ଗ୍ରାମର ଜୟସିଂହ ବରଡ। ମା’ ମୁକୁତା ବରଡ଼ ଓ ପିତାଙ୍କ ନାମ କୃଷ୍ଣ ବରଡ। ଇଲୋକ୍ଟ୍ରୋନିକ୍ସ ବିଭାଗରେ ରାଉରକେଲା ଆଇଟିଆଇରୁ ପାସ୍‌ କରିବା ପରେ ଗୋପାଳପୁର ପୋର୍ଟରେ ଚାକିରି କଲେ ଜୟକୃଷ୍ଣ। ହଠାତ୍‌ ମନକୁ ଆସିଲା ପୈତୃକ ୫ ଏକର ଜମିରେ ଚାଷ କରି ସ୍ବରୋଜଗାରକ୍ଷମ ହେବେ। ଅବଶ୍ୟ ଏହି ସମୟରେ ଅର୍ଥାତ୍‌ ୧୯୯୦ରେ ବନ୍ୟା ଆସିଲା। ତାଙ୍କ ଫସଲର ବହୁ କ୍ଷତି ଘଟିଲା। ତେବେ ମାଆ-ବାପାଙ୍କୁୁ ଭରସା ଦେଇ ଚାକିରି ଛାଡି ସ୍ବାବଲମ୍ବୀ ହେବା ଲାଗି ଚାଷ କାର୍ଯ୍ୟରେ ମନଦେଲେ। ପ୍ରଥମେ ଗାଁ ପାଖ କନ୍ଦାଳ ଜମିରେ ଏକ ପୋଖରୀ ଖୋଳିଲେ। ପାରମ୍ପରିକ ଧାନ ଚାଷକୁ ଗୁରୁତ୍ୱ ନ ଦେଇ ଫୁଲ ଚାଷ କଲେ। ଏଥିସହ ଲଗାଇଲେ ନଡିଆ, ଗୁଆ ଓ ଆମ୍ବ ଗଛ। କିଛି ଜମିରେ ପରିବା ଚାଷ କଲେ। ଖୋଳିଥିବା ପୋଖରୀରେ ଛାଡିଲେ ରୋହି ଓ ଭାକୁର ମାଛ। ଫୁଲ ଚାଷରୁ ଭଲ ଦି’ପଇସା ରୋଜଗାର ହେଲା। ପାନ ଚାଷ କଲେ। ଏଥିରେ ବି ଭଲ ଆଦାୟ ହେଲା। ଏହିପରି ତାଙ୍କର ଜୀବନଯାତ୍ରା ଚାଲିଲା। ପୁଣି ୧୯୯୯ ମହାବାତ୍ୟାରେ ତାଙ୍କୁ ଅନେକ କ୍ଷତି ସହିବାକୁ ପଡ଼ିଲା। କିନ୍ତୁ ସେ ଦବି ନ ଯାଇ ନୂଆ କିଛି କରିବା ଲାଗି ସାହସ ଜୁଟାଇଲେ। ପୁଣି ପ୍ରାୟ ଏକରେ ଜମିରେ ଗୁଆ ଗଛ ଲଗାଇଲେ। ବିଭିନ୍ନ ସ୍ଥାନ ବୁଲି ଦେଖିବା ପରେ ଏକ ପଲ୍ଲିହାଉସ ନିର୍ମାଣ କରି ସେଥିରେ ଗୋଲାପ ଫୁଲ ଓ ପରିବା ଚାଷ କଲେ। ଏହାପରେ ପଲ୍ଲି ନେଟ୍‌ ହାଉସ କରି ସେଥିରେ ପାନ ଚାଷ କଲେ। ଏହି ନେଟ ହାଉସରୁ ଯେଉଁ ପାନ ଅମଳ ହେଲା ତା’ର ଚାହିଦା ମାର୍କେଟରେ ଅଧିକ ହେଲା। ପାନକୁ ରାୟପୁର, ଛତିଶଗଡ଼ର କେତେକ ସ୍ଥାନକୁ ପଠାଇଲେ। ତେବେ ୨୦୧୩ ଫାଇଲିନ୍‌ ବାତ୍ୟା ପୂର୍ବରୁ ଅର୍ଥାତ୍‌ ୧୯୯୯ରେ ଲଗାଇଥିବା ଗୁଆ ଗଛରୁ ଗୁଆ ଆଦାୟ ଆରମ୍ଭ ହୋଇଥିଲା। ଇଣ୍ଟରକ୍ରପ ଭାବେ ସେଥିରେ ଛତୁ ଚାଷ କଲେ। କେବଳ ଏହି ଗୁଆରୁ ବାର୍ଷିକ ଦେଢ଼ଲକ୍ଷ ଟଙ୍କା ଓ ଛତୁରୁ ତିନିଲକ୍ଷ ଟଙ୍କା ପର୍ଯ୍ୟନ୍ତ ବାର୍ଷିକ ମିଳୁ୍‌ଥିବା କଥା କୁହନ୍ତି ଜୟସିଂହ।
 
ଫାଇଲିନ୍‌ ବାତ୍ୟାରେ ତାଙ୍କର ପାଖାପାଖି ୪୦ ଲକ୍ଷ ଟଙ୍କା କ୍ଷତି ଘଟିଥିବା ସେ କୁହନ୍ତି। ସରକାରୀ ସାହାଯ୍ୟ ଭାବେ ୫୦ କେଜି ଚାଉଳ ଓ ୫ ଶହ ଟଙ୍କା ବ୍ୟତୀତ ଆଉ କିଛି ସହାୟତା ମିଳିନାିଁିିି। ସେହି ବାତ୍ୟାରେ ପଲ୍ଲିହାଉସର ପଲିଥିନ ଜରି ଉଡାଇନେଇଥିଲା ଯାହାକି ସେ ଆଜି ପର୍ଯ୍ୟନ୍ତ କାମଚଳାରେ ଚାଷ କରୁଛନ୍ତି। ତେବେ ସ୍ତ୍ରୀଙ୍କ ସୁନା ବିକି ଏକ ବଡ ବୋରଓ୍ବେଲ ତିଆରି କରିଛନ୍ତି। ଫାଇଲିନ୍‌ ବାତ୍ୟାରେ ବ୍ୟାପକ ଗୁଆ ଗଛ ନଷ୍ଟ ପରେ ବି ପୁଣି ଥରେ ଗୁଆ ଗଛ ଜମିରେ ଲଗାଇଛନ୍ତି। ଅମଳ ଗୁଆକୁ ଶୁଖାଇବା ନିମନ୍ତେ ସୌରତାପରେ ଡ୍ରାଏ ମେଶିନ୍‌ ବ୍ୟବସ୍ଥା କରିଛନ୍ତି। କୋଡାଖୋସା ଯନ୍ତ୍ର ସହ ଅନ୍ୟାନ୍ୟ ଆଧୁନିକ ଯନ୍ତ୍ର ମଧ୍ୟ କିଣିଛନ୍ତି। ସମ୍ପ୍ରତି ୩ଟି ପୋଖରୀରେ ମାଛ ଚାଷ ମଧ୍ୟ କରୁଛନ୍ତି। ପୂର୍ବରୁ ଭାଗଚାଷରେ ରଖିଥିବା ଜମିରେ ରଜନୀଗନ୍ଧା ଫୁଲ ଚାଷ କରିଥିଲେ। ରଜନୀଗନ୍ଧା ଫୁଲ ସମ୍ପର୍କରେ ସେ ଏକ ରୋଚକ କଥା କୁହନ୍ତି, ଏହି ଫୁଲକୁ ଛତିଶଗଡର ରାୟପୁରକୁ ପଠାଉଥିଲେ। ସେଠାରେ ବ୍ୟବସାୟୀମାନେ ଫୁଲ ମଉଳି ଯାଉଥିବା ଏବଂ ପଚି ନଷ୍ଟ ହେଉଥିବା ଆଳ ଦେଖାଇ ଜୟସିଂହଙ୍କ ପ୍ରାପ୍ୟ ଟଙ୍କାରୁ କିଛି କାଟି ପ୍ରଦାନ କରୁଥିଲେ। ଏହି ସମୟରେ ଜୟସିଂହଙ୍କ ମୁଣ୍ଡକୁ ଏକ ବୁଦ୍ଧି ଜୁଟିଲା। ପାନ ପଠାଇବା ବେଳେ ଓଦା ପାଳ ଦେଇ ଯେପରି ପ୍ୟାକ୍‌ କରାଯାଏ ତାହାକୁ ରଜନୀଗନ୍ଧା ଫୁଲ ଦେଇ ପ୍ୟାକିଂ କରାଇଲେ। ରାୟପୁରରେ ୨୪ ଘଣ୍ଟାରୁ ୩୬ ଘଣ୍ଟା ପରେ ରଜନୀଗନ୍ଧା ଫୁଲ ପ୍ୟାକିଂ ପହଞ୍ଚିବାବେଳେ ଫୁଲ ଅଧିକ ବଡ ଦିଶିବା ସହ ସତେଜ ରହୁଥିଲା। କେବଳ ପ୍ୟାକିଂ ଯୋଗୁ ତାଙ୍କ ଫୁଲର ଆଦର ବଢିଲା। ଜୟସିଂହ କୁହନ୍ତି ଏହି ପ୍ୟାକିଂ ଯୋଗୁ ଅନ୍ୟମାନଙ୍କ ଫୁଲ ଅପେକ୍ଷା ମାର୍କେଟରେ ତାଙ୍କ ଫୁଲର ଦାମ ଅଧିକ ରହିଲା ଓ ସେ ସେଥିରୁ ଅଧିକ ଲାଭବାନ ହେଲେ। ସମ୍ପ୍ରତି ଅମଳ କରୁଥିବା ଫୁଲକୁ ବ୍ରହ୍ମପୁର ମଣ୍ଡିରେ ଦେଉଛନ୍ତି। ପାନକୁ ମହାଜନ ଦ୍ୱାରା ବିକ୍ରି କରୁଛନ୍ତି। ଜମିରେ କଟିକି, ପୋଟଳ, ଅଲଡି, କାକୁଡି ଇତ୍ୟାଦି ଲଗାଇଛନ୍ତି। ୨ ଏକର ଜମିରେ ଧାନ ଚାଷ, ୩ଏକର ଜମିରେ ଫୁଲ, ପରିବା, ଗୁଆ, ଆମ୍ବ, ମାଛ ଚାଷ ଇତ୍ୟାଦି କରି ବାର୍ଷିକ ପାଖାପାଖି ୩ ଲକ୍ଷ ଟଙ୍କା ମିଳୁଥିବା କଥା କୁହନ୍ତି। ସ୍ଥାନୀୟ ଅଞ୍ଚଳରେ ଜଣେ ସଫଳ ଚାଷୀ ଭାବେ ବିବେଚିତ ଜୟକୃଷ୍ଣଙ୍କ ବଡ ପୁଅ ରତିକାନ୍ତ ବି.ଟେକ୍‌ ପଢୁଥିବା ବେଳେ ସାନପୁଅ ରାଧାକାନ୍ତ ମାଟ୍ରିକ୍‌ ପଢ଼ୁଛି। ଝିଅ ରିତୁକୁ ବିବାହ ଦେଇଛନ୍ତି। ସ୍ତ୍ରୀ ସଂଯୁକ୍ତା ତାଙ୍କୁ ବିଭିନ୍ନ ସମୟରେ ଚାଷ କାର୍ଯ୍ୟରେ ସହଯୋଗ କରନ୍ତି। ତାଙ୍କ ନାମରେ ଫାର୍ମ ହାଉସ କରିବା ସହ ଗାଈ ପାଳନ କରୁଛନ୍ତି। ଚାକିରି ଛାଡି ଚାଷ କାର୍ଯ୍ୟ କରି ସ୍ବାବଲମ୍ବୀ ହୋଇଥିବା ଜୟକୃଷ୍ଣ କୁହନ୍ତି, ‘ଚାଷରୁ ମିଳୁଛି ଆନନ୍ଦ, ଏହା ମୋର ଏକ ଭିନ୍ନ ପରିଚୟ ବି ଦେଇଛି, ତଥାପି ସଂଘର୍ଷକୁ ସାଥୀ କରିଚାଲିଛି। - ଦ୍ୱିତୀକୃଷ୍ଣ ପଣ୍ଡା

All Right Reserved By

ଫୁରସତ |

ଧରିତ୍ରୀ ଆଳାପ: ‘ଫେମିନିଜିମ୍‌’କୁ ଲୋକେ ଭୁଲ୍‌ ବୁଝୁଛନ୍ତି-ମୈତ୍ରୀ ମୋନାଲି ପ୍ରଧାନ

ଧରିତ୍ରୀ ଆଳାପ: ‘ଫେମିନିଜିମ୍‌’କୁ ଲୋକେ ଭୁଲ୍‌ ବୁଝୁଛନ୍ତି-ମୈତ୍ରୀ ମୋନାଲି ପ୍ରଧାନ

ଗତ ଜୁଲାଇ ୬ରେ ବ୍ୟାଙ୍କକ୍‌ରେ ଅନୁଷ୍ଠିତ ‘ମିସ୍‌ ଟିନ୍‌ ଇଣ୍ଟରନ୍ୟାଶନାଲ-୨୦୧୮’ରେ ଦୁଇ ଦୁଇଟି ଟାଇଟଲ ଜିତି ଓଡ଼ିଶା ପାଇଁ ଗୌରବ ଆଣିଥିଲେ ଭୁବନେଶ୍ୱରର ମୈତ୍ରୀ ମୋନାଲି ପ୍ରଧାନ। କେବଳ ଏତିକି ନୁହେଁ, ପୂର୍ବରୁ ୨୦୧୬ରେ କିଟ୍‌ ‘ନହ୍ନିପରୀ- ଲିଟିଲ୍‌ ମିସ୍‌ ଇଣ୍ଡିଆ’ ଟାଇଟଲ ଜିତି ସେ ଜାତୀୟସ୍ତରରେ ନିଜ ପ୍ରତିଭା ଓ ଦକ୍ଷତାର ପ୍ରମାଣ ଦେଖାଇଥିଲେ।

ମୋ ଅନୁଭୂତି: ଦର୍ପଣ ଭାଙ୍ଗି ହାତସାରା କାଚ ପଶି ଯାଇଥିଲା -ଲିପ୍‌ସା ମିଶ୍ର

ମୋ ଅନୁଭୂତି: ଦର୍ପଣ ଭାଙ୍ଗି ହାତସାରା କାଚ ପଶି ଯାଇଥିଲା -ଲିପ୍‌ସା ମିଶ୍ର

ଅଭିନେତ୍ରୀ ଲିପ୍‌ସା ମିଶ୍ର, ନିଜ ନାମରେ ସେ ଯେତିକି ପରିଚିତ ନୁହନ୍ତି ତା’ ଠାରୁ ଅଧିକ ପରିଚିତ ‘ତୁଳସୀ’ ନାମରେ। ଘରୋଇ ଚ୍ୟାନେଲରେ ପ୍ରସାରିତ ମେଗା ଧାରାବାହିକ ‘ତୋ ଅଗଣାର ତୁଳସୀ ମୁଁ’ ର ମୁଖ୍ୟ ଚରିତ୍ରରେ ଅଭିନୟ କରି ଅଗଣିତ ଦର୍ଶକଙ୍କ ପାଇଁ ସେ ପାଲଟିଛନ୍ତି ଜଣେ ଶାନ୍ତ, ସରଳ ଏବଂ ଆଦର୍ଶ ବୋହୂ, ଯିଏକି ନିଜ ପରିବାର ପାଇଁ ସବୁକିଛି କରିବାକୁ ପ୍ରସ୍ତୁତ।

ନିଜ କଥା: କ୍ରିକେଟର ହେବା ବଦଳରେ ଡାକ୍ତର ହୋଇଗଲି -ପ୍ରଫେସର ଡା. ବିଦ୍ୟୁତ୍‌ ଦାଶ

ନିଜ କଥା: କ୍ରିକେଟର ହେବା ବଦଳରେ ଡାକ୍ତର ହୋଇଗଲି -ପ୍ରଫେସର ଡା. ବିଦ୍ୟୁତ୍‌ ଦାଶ

ପ୍ରଫେସର ଡା. ବିଦ୍ୟୁତ୍‌ ଦାଶ। ଏସ୍‌ସିବି ମେଡିକାଲର ଏହି ଡାକ୍ତରଙ୍କ ନାମ ରାଜ୍ୟରେ ବେଶ୍‌ ପରିଚିତ। ଆର୍ଥାଇଟିସ୍‌ ରୋଗୀମାନଙ୍କୁ ସଫଳ ଚିକିତ୍ସା ଦେବାରେ ଡାକ୍ତର ଦାଶ ବେଶ୍‌ ଲୋକପ୍ରିୟ ମଧ୍ୟ।

ବୃହସ୍ପତିର ଆଉ ୧୨ ଚନ୍ଦ୍ର

ବୃହସ୍ପତିର ଆଉ ୧୨ ଚନ୍ଦ୍ର

ଓ୍ବାଶିଂଟନ୍‌: ସୌରମଣ୍ଡଳର ସର୍ବବୃହତ୍‌ ଗ୍ରହ ବୃହସ୍ପତି କକ୍ଷରେ ଠାବ ହେଲା ଆଉ ୧୨ଟି ଚନ୍ଦ୍ର। ୧୨ଟି ଯାକ ନୂଆ ଚନ୍ଦ୍ର ବୃହସ୍ପତି କକ୍ଷପଥରେ ଘୂରି ବୁଲୁଛନ୍ତି। ଏହାସହ ‘କିଙ୍ଗ୍‌ ଅଫ୍‌ ପ୍ଲାନେଟ୍‌’ର ମୋଟ ଚନ୍ଦ୍ର ସଂଖ୍ୟା ୭୯ରେ ପହଞ୍ଚିଛି। କେବଳ ସେତିକି ନୁହେଁ, ବୃହସ୍ପତି ନିକଟରେ ୧୧ଟି ଆଉଟର୍‌ ମୁନ୍‌ ଏବଂ ଏକ ଖଗୋଳୀୟ ପିଣ୍ଡ ଠାବ କରାଯାଇଛି।

ଜନ୍ମଦିନରେ ମଣ୍ଡେଲାଙ୍କୁ ଶ୍ରଦ୍ଧାଞ୍ଜଳି

ଜନ୍ମଦିନରେ ମଣ୍ଡେଲାଙ୍କୁ ଶ୍ରଦ୍ଧାଞ୍ଜଳି

ଜୋହାନ୍ସବର୍ଗ: ଦକ୍ଷିଣ ଆଫ୍ରିକାର ପୂର୍ବତନ ରାଷ୍ଟ୍ରପତି ତଥା ମହାନ୍‌ ବର୍ଣ୍ଣବିଦ୍ୱେଷ ନିରୋଧୀ ନେତା ନେଲ୍‌ସନ ମଣ୍ଡେଲାଙ୍କ ୧୦୦ତମ ଜୟନ୍ତୀ ବୁଧବାର ପାଳିତ ହୋଇଛି। ଦକ୍ଷିଣ ଆଫ୍ରିକାର ଗାନ୍ଧୀଙ୍କୁ ଏହି ଅବସରରେ ମନେପକାଇଛି ସମଗ୍ର ବିଶ୍ୱ। ସମଗ୍ର ବିଶ୍ୱରେ ଜୁଲାଇ ୧୮କୁ ‘ମଣ୍ଡେଲା ଦିବସ’ ଭାବେ ପାଳନ କରାଯାଉଛି।

ଯେଉଁଠି ଅକ୍ଷୟ ତୃତୀୟକୁ କୁହାଯାଏ ଅଶୁଭ

ଯେଉଁଠି ଅକ୍ଷୟ ତୃତୀୟକୁ କୁହାଯାଏ ଅଶୁଭ

ସାଧାରଣତଃ ଅକ୍ଷୟ ତୃତୀୟାକୁ ଶୁଭ ବୋଲି ଗ୍ରହଣ କରାଯାଇଥାଏ। ସେଥିଲାଗି ଏହି ଦିନ ବିଭିନ୍ନ କାର୍ଯ୍ୟର ଶୁଭାରମ୍ଭ କରାଯାଇଥାଏ। କିନ୍ତୁ ମଧ୍ୟପ୍ରଦେଶ ଓ ଉତ୍ତରପ୍ରଦେଶ ସୀମାରେ ଥିବା ଲଳିତପୁରରେ ଅକ୍ଷୟ ତୃତୀୟାକୁ ଅଶୁଭ ବୋଲି କୁହାଯାଇଥାଏ। ଏହି ଗାଁରେ ୧୬୮ବର୍ଷ ତଳେ ଘଟିଥିଲା ଏକ ଦୁଃଖଦ ଘଟଣା।

ଜଳବାୟୁ ପରିବର୍ତ୍ତନ ଦ୍ୱାରା ପ୍ରଭାବିତ ହେବ ଇଣ୍ଟରନେଟ୍‌

ଜଳବାୟୁ ପରିବର୍ତ୍ତନ ଦ୍ୱାରା ପ୍ରଭାବିତ ହେବ ଇଣ୍ଟରନେଟ୍‌

ଓ୍ବାଶିଂଟନ: ଜଳବାୟୁ ପରିବର୍ତ୍ତନ ଦ୍ୱାରା ସମୁଦ୍ରର ଜଳପତ୍ତନ ବୃଦ୍ଧିପାଇବ। ଏହାଦ୍ୱାରା ବିଶ୍ୱ ସ୍ତରୀୟ ଇଣ୍ଟରନେଟ୍‌ ଭିତ୍ତିଭୂମି ଗୁରୁତର ଭାବେ ପ୍ରଭାବିତ ହେବ ବୋଲି ବୈଜ୍ଞାନିକମାନେ ସତର୍କବାଣୀ ଶୁଣାଇଛନ୍ତି। ସେମାନଙ୍କ କହିବାନୁଯାୟୀ, ହଜାର ହଜାର ମାଇଲ୍‌ ଦୀର୍ଘ ଫାଇବର ଅପ୍‌ଟିକ୍‌ କେବୁଲ ଉପକୂଳ ଅଞ୍ଚଳରେ ପୋତିହୋଇ ରହିଛି। ସମୁଦ୍ରର ଜଳପତ୍ତନ ବୃଦ୍ଧିପାଇବା ଫଳରେ ଏହି ଅଞ୍ଚଳ ବନ୍ୟାପ୍ଳାବିତ ହୋଇପାରେ।

ମନୋଭାବ ପ୍ରକାଶ କରିପାରିବ ରୋବୋ

ମନୋଭାବ ପ୍ରକାଶ କରିପାରିବ ରୋବୋ

ଓ୍ବାଶିଂଟନ୍‌: ବୈଜ୍ଞାନିକମାନେ ଏକ ରୋବୋ ବିକଶିତ କରିଛନ୍ତି। ଏହାର ଶରୀରକୁ ଛୁଇଁଲେ କି ଆଘାତ କଲେ ଏହା ପ୍ରତିକ୍ରିୟା ସ୍ବରୂପ ନିଜର ମନୋଭାବ ପ୍ରକାଶ କରିପାରିବ। ରୋବୋ ଶରୀରର ବାହ୍ୟ ଆବରଣ ଏକ ପ୍ରକାର ଟିସୁରେ ତିଆରି ହୋଇଛି। ଏହାକୁ ଛୁଇଁବା ମାତ୍ରେ ରୋବୋ ଭାବନାତ୍ମକ ଯନ୍ତ୍ରାଂଶରେ ଉଦ୍ଦୀପନା ସୃଷ୍ଟିହେବ। ଫଳରେ ଏହା ପ୍ରତିକ୍ରିୟା ସୃଷ୍ଟି କରିବ।

ସୁଖ, ଶାନ୍ତି, ସମୃଦ୍ଧି ପାଇଁ ସକାଳେ କରନ୍ତୁ ଏହି ଉପାୟ

ସୁଖ, ଶାନ୍ତି, ସମୃଦ୍ଧି ପାଇଁ ସକାଳେ କରନ୍ତୁ ଏହି ଉପାୟ

ଘରେ ସୁଖ ସମୃଦ୍ଧି ବଜାୟ ରଖିବା ପାଇଁ ଜ୍ୟୋତିଷ ଶାସ୍ତ୍ରରେ କେତେକ ନୀତି ନିୟମ ସମ୍ପର୍କରେ ଉଲ୍ଲେଖ ଅଛି। ପ୍ରତିଦିନ ଅଭ୍ୟାସ କରି ଏହାର ପାଳନ କଲେ ଜୀବନ ସୁଖ ଓ ଶାନ୍ତିରେ ଭରିଯାଏ ବୋଲି ବିଶ୍ୱାସ ରହିଛି ।

ଆତ୍ମହତ୍ୟା ପ୍ରବୃତ୍ତି  କମାଇବାରେ ସହାୟକ ହୁଏ ଆନାଥେସିଆ

ଆତ୍ମହତ୍ୟା ପ୍ରବୃତ୍ତି କମାଇବାରେ ସହାୟକ ହୁଏ ଆନାଥେସିଆ

ମାନସିକ ଚାପଗ୍ରସ୍ତ ହେଲେ କେତେକ ଲୋକଙ୍କଠାରେ ଆତ୍ମହତ୍ୟା ପ୍ରବୃତ୍ତି ଦେଖାଯାଇଥାଏ। ତେବେ ଆନାଥେସିଆ ବା ଚେତାଶୂନ୍ୟ କରାଇବା ଲାଗି ବ୍ୟବହୃତ ଔଷଧ ଏଭଳି ବ୍ୟକ୍ତିଙ୍କ ପ୍ରବୃତ୍ତି କମାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।

ଯେଉଁଠି ଛୋଟ ବେଳୁ ଦିଆଯାଏ ଏପରି ଶିକ୍ଷା

ଯେଉଁଠି ଛୋଟ ବେଳୁ ଦିଆଯାଏ ଏପରି ଶିକ୍ଷା

ସାଧାରଣ ସମାଜରେ ୬ରୁ ୭ବର୍ଷରୁ ପିଲାମାନେ ଖେଳନା ଧରି ଖେଳନ୍ତି, ଅବା ନିଜ ଜୀବନରେ ଆଗକୁ ବଢିବା ଓ ଭବିଷ୍ୟତକୁ ସୁଦୃଢ କରିବା ପାଇଁ ବିଦ୍ୟାଳୟକୁ ଯିବା ଲାଗି ପ୍ରସ୍ତୁତି ଚଳାଇଥାନ୍ତି। ମାତ୍ର ଏଭଳି ଏକ ସମାଜ ରହିଛି, ଯେଉଁଠାରେ ଏହି ବୟସରେ ପିଲାମାନଙ୍କୁ ପାଠ ପଢାଇବା ପରିବର୍ତ୍ତେ ଦିଆଯାଇଥାଏ ଜୀବନ ଧାରଣର ଶିକ୍ଷା।

ଝିଅ ବିଦା ବେଳେ କାହିଁକି ଫୋପଡ଼ା ଯାଏ ଚାଉଳ

ଝିଅ ବିଦା ବେଳେ କାହିଁକି ଫୋପଡ଼ା ଯାଏ ଚାଉଳ

ବିବାହ ସମୟରେ ଭାରତରେ ଅନେକ ପରମ୍ପରା ପାଳିତ ହୋଇଥାଏ। ବିବାହରେ ଝିଅ ବିଦା ସମୟରେ ଚାଉଳରେ ହଳଦି ମିଶାଇ ଫୋପାଡ଼ିବା ପରମ୍ପରା ସମ୍ପନ୍ନ ହୋଇଥାଏ। ଏହା ଦ୍ୱାରା ନବଦମ୍ପତିଙ୍କ ଜୀବନରେ ଖୁସି ଆସିଥାଏ ବୋଲି ବିଶ୍ୱାସ ରହିଛି। ଏପରି କଲେ ନବଦମ୍ପତିଙ୍କର ସନ୍ତାନ ପ୍ରାପ୍ତି ହେବା ସହ ସୌଭାଗ୍ୟ ମିଳିଥାଏ।

Model This Week

ରୂପେଶ