ରାଜ୍ୟ |

ଗୋଲ୍‌ଡେନ୍‌ ଟ୍ରାଏଙ୍ଗଲ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ:ରୁଷିଆର ୪, କିର୍ଗିଜ୍‌ସ୍ତାନର ୨ ଫିଲ୍ମ ପ୍ରଦର୍ଶିତ

ଗୋଲ୍‌ଡେନ୍‌ ଟ୍ରାଏଙ୍ଗଲ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ:ରୁଷିଆର ୪, କିର୍ଗିଜ୍‌ସ୍ତାନର ୨ ଫିଲ୍ମ ପ୍ରଦର୍ଶିତ

ଭୁବନେଶ୍ୱର,୧୨-୨(ବ୍ୟୁରୋ)- ଜାତୀୟ, ଅନ୍ତର୍ଜାତୀୟ ଓ ଆଞ୍ଚଳିକ ସିନେମାକୁ ନେଇ ଆୟୋଜିତ ୪ର୍ଥ ଗୋଲ୍‌ଡେନ୍‌ ଟ୍ରାଏଙ୍ଗଲ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଜିଟିଆଇଏଫ୍‌ଏଫ୍‌)ର ସୋମବାର ଥିଲା ତୃତୀୟ ଦିବସ। ଗୀତଗୋବିନ୍ଦ ସଦନଠାରେ ଆୟୋଜିତ ଏହି ମହୋତ୍ସବରେ ସକାଳୁ ସନ୍ଧ୍ୟା ପର୍ଯ୍ୟନ୍ତ ମୋଟ ୯ଟି ସିନେମା ପ୍ରଦର୍ଶିତ ହୋଇଥିଲା। ରୁଷିଆରୁ ସର୍ବାଧିକ ୪ଟି ଫିଲ୍ମ ସହ କିର୍ଗିଜ୍‌ସ୍ତାନର ୨ଟି ଫିଲ୍ମ ଏବଂ ଗୋଟିଏ ଲେଖାଏ ବଙ୍ଗଳା, ହିନ୍ଦୀ ଓ ମରାଠି ଫିଲ୍ମ ଦେଖିଥିଲେ ଦର୍ଶକ। ଏହାମଧ୍ୟରେ ‘କ୍ଲୋଜର୍‌’, ‘ଅଙ୍କଲ୍‌ ଶାଶା’ ଓ ‘ହେରିଟେଜ୍‌’ ଭଳି ଫିଲ୍ମ ରହିଥିଲା।

ରଷିଆନ୍‌ ଫିଲ୍ମ ‘ହଣ୍ଡ୍ରେଡ୍‌ ରୁବ୍‌ଲସ ଫର୍‌ ଏ ଡ୍ରିମ୍‌’ରୁ ଆରମ୍ଭ ହୋଇଥିଲା ଜିଟିଆଇଏଫ୍‌ଏଫ୍‌ର ୩ୟ ଦିବସ। ରୁଷିଆର ଏକ ଆଞ୍ଚଳିକ ଟେଲିଭିଜନ ଚ୍ୟାନେଲରେ ପ୍ରସାରିତ ହେଉଥିବା ଲୋକପ୍ରିୟ ଶୋ’ ‘ହଣ୍ଡ୍ରେଡ୍‌ ରୁବ୍‌ଲସ ଫର୍‌ ଏ ଡ୍ରିମ୍‌’ ଉପରେ କ୍ଷୁଦ୍ର ଚଳଚ୍ଚିତ୍ର ଆଧାରିତ। ସ୍ବପ୍ନକୁ ନେଇ ବଞ୍ଚୁଥିବା ଯେକୌଣସି ବ୍ୟକ୍ତି ଏହି ଶୋ’ରେ ଅଂଶଗ୍ରହଣ କରି ନିଜ ସ୍ବପ୍ନକୁ ସାକାର କରିବାକୁ ଦର୍ଶକମାନଙ୍କଠାରୁ ସହାୟତା ସ୍ବରୂପ ଅର୍ଥ ମାଗିପାରିବେ। ହେଲେ ‘ହଣ୍ଡ୍ରେଡ୍‌ ରୁବ୍‌ଲସ ଫର୍‌ ଏ ଡ୍ରିମ୍‌’ର ଇତିହାସରେ କେହି ଜଣେ ବି ହେଲେ ଆବଶ୍ୟକ ଅର୍ଥ ସଂଗ୍ରହ କରିପାରି ନ ଥିଲେ। ଶୋ’ର ଏହି ବୈଚିତ୍ର୍ୟ ଚଳଚ୍ଚିତ୍ରରେ ପ୍ରତିଫଳିତ ହୋଇଥିଲା। ଏହାର ନିର୍ଦ୍ଦେଶନା ଦେଇଥିଲେ ଇଭାନ୍‌ ଆର୍ଟେମୋଭ୍‌। ସେହିଭଳି କିର୍ଗିଜ୍‌ସ୍ତାନର ଫିଲ୍ମ ‘ଲାଇଫ୍‌ ଇଜ୍‌ ଓ୍ବାଣ୍ଡର୍‌ଫୁଲ୍‌’ ଆଉଏକ ଆକର୍ଷଣୀୟ ଫିଲ୍ମ ଥିଲା। ଜଣେ ସାଧାରଣ ଲୋକର କାହାଣୀକୁ ନେଇ ଏହି ଚଳଚ୍ଚିତ୍ର ତିଆରି ହୋଇଥିବାବେଳେ ଭବିଷ୍ୟତରୁ କିଛି ଆଶା, ଆକାଂକ୍ଷା ନ ରଖି ବି ସେ କିଭଳି ଏକ ସକାରାତ୍ମକ ଜୀବନ ବଞ୍ଚୁଛି ତାହାର ନିଚ୍ଛକ ପ୍ରତିଫଳିତ ହୋଇଛି। ଜଣେ ଭିନ୍ନକ୍ଷମ ହୋଇ ବି ସେ କିଭଳି ନିଜ ପାରିବାରିକ, ସାମାଜିକ, ବ୍ୟକ୍ତିଗତ ଓ ବୃତ୍ତିଗତ ଜୀବନରେ ସନ୍ତୁଳନ ରକ୍ଷାକରି ଚାଲିଛନ୍ତି ତାହାକୁ ନିର୍ଦ୍ଦେଶକ ଏଥିରେ ଦେଖାଇବାର ପ୍ରୟାସ କରିଥିଲେ। ଭିନ୍ନକ୍ଷମ ଓ ସାଧାରଣ ଲୋକଙ୍କ ପାଇଁ ଏକାଧିକ ସାମାଜିକ ବାର୍ତ୍ତା ଏହି ଫିଲ୍ମରେ ରହିଥିଲା। ଅନ୍ୟପକ୍ଷରେ ଡକ୍ୟୁମେଣ୍ଟାରି ଫିଲ୍ମ ‘ହେରିଟେଜ୍‌’ କିର୍ଜିସ୍ତାନର ଲୋକପ୍ରିୟ ପାରମ୍ପରିକ କ୍ରୀଡା ‘କୋକ୍‌ ବୋରୁ’ ବା ‘ଡେଡ୍‌ ଗୋଟ୍‌ ପୋଲୋ’ ଉପରେ ଆଧାରିତ ଥିଲା। ଫିଲ୍ମରେ କିର୍ଗିଜ୍‌ସ୍ତାନରେ ପ୍ରଚଳିତ ପ୍ରଥା, ପରମ୍ପରା ଓ ପାରମ୍ପରିକ କ୍ରୀଡା ସମ୍ପର୍କରେ ଅନେକ କିଛି ଜାଣିବାକୁ ପାଇଥିଲେ ଦର୍ଶକ। କ୍ଷୁଦ୍ର ଚଳଚ୍ଚିତ୍ରର ଦେଶ କୁହାଯାଉଥିବା କିର୍ଜିସ୍ତାନର ଅଧିକାଂଶ ଫିଲ୍ମ ତିଆରି କରିବାକୁ ସେଠାକାର ସରକାର ସହାୟତା ଯୋଗାଇ ଦେଉଥିବାବେଳେ ଭାରତରେ ମଧ୍ୟ ଏହି ଟ୍ରେଣ୍ଡ୍‌ ଆରମ୍ଭ କରିବାକୁ କିର୍ଜିସ୍ତାନରୁ ଆସିଥିବା ଜଣାଶୁଣା ପ୍ରଯୋଜକ ତଥା ଅଭିନେତ୍ରୀ ଚଲ୍‌ପନ୍‌ ଇଡ୍ରିସୋଭା କହିଛନ୍ତି।

୩ୟ ଦିବସରେ ପ୍ରଦର୍ଶିତ ଅନ୍ୟ ଫିଲ୍ମ ମଧ୍ୟରେ ରହିଥିଲା ରୁଷିଆର ‘ଅଙ୍କଲ ଶାଶା’, ‘କ୍ଲୋଜର୍‌’, ‘ଫେଥ୍‌’, ବଙ୍ଗଳା ଫିଲ୍ମ ‘ଭଙ୍କାକୁ’, ହିନ୍ଦୀର ‘ମା’, ମରାଠିର ‘ଏକ୍‌ ରୁପେନ୍‌ଚି ଯାତ୍ରା’। ଆଗାମୀ ବର୍ଷଠାରୁ ଏହି ଚଳଚ୍ଚିତ୍ର ମହୋତ୍ସବକୁ ଭୁବନେଶ୍ୱର ବ୍ୟତୀତ ପୁରୀ, କଟକ ଓ କୋଣାର୍କରେ ଆୟୋଜନ କରାଯିବ ବୋଲି ମହୋତ୍ସବ ସଭାପତି ପ୍ରିୟରଞ୍ଜନ ସାହୁ କହିଛନ୍ତି। 

All Right Reserved By

ରାଜ୍ୟ |

ଜମି ବିକିବା ଆଳରେ ଜାତି ବଦଳାଇ ଏକାଧିକ ଠକେଇ: ବାପ, ପୁଅଙ୍କୁ ଗିରଫକଲା ଇଓଡବ୍ଲ୍ୟୁ

ଜମି ବିକିବା ଆଳରେ ଜାତି ବଦଳାଇ ଏକାଧିକ ଠକେଇ: ବାପ, ପୁଅଙ୍କୁ ଗିରଫକଲା ଇଓଡବ୍ଲ୍ୟୁ

ଭୁବନେଶ୍ୱର, ୨୨|୨(ବ୍ୟୁରୋ)- ଜମି ବିକ୍ରି ଆଳରେ ଜାଲ୍‌ କାଗଜପତ୍ରରେ ଜାତି ବଦଳାଇ ଏକାଧିକ ଲୋକଙ୍କଠାରୁ ବହୁ ଲକ୍ଷ ଟଙ୍କା ଠକେଇ କରିଥିବା ବାପ ଓ ପୁଅଙ୍କୁ ଗୁରୁବାର କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖା (ଇଓଡବ୍ଲ୍ୟୁ) ଗିରଫ କରିଛି। ସେମାନେ ହେଲେ ଇନ୍‌ଫୋସିଟି ଥାନା ଅନ୍ତର୍ଗତ କାନାନବିହାର ଅଞ୍ଚଳର ଅମରେଶ୍ୱର ଦାସ ଓ ତାଙ୍କ ପୁଅ ରତ୍ନାକର ଦାସ।  

ମିଳିଲାନି ଆଡମିଟ୍‌ କାର୍ଡ, ମାଟ୍ରିକ ପରୀକ୍ଷାରୁ ଛାତ୍ର ବଞ୍ଚତ୍ତ

ମିଳିଲାନି ଆଡମିଟ୍‌ କାର୍ଡ, ମାଟ୍ରିକ ପରୀକ୍ଷାରୁ ଛାତ୍ର ବଞ୍ଚତ୍ତ

ପୁରୀ ଅଫିସ,୨୨|୨: ଗତବର୍ଷ ମାଟ୍ରିକ ପରୀକ୍ଷା ମଝିରେ ବାପା ଚାଲିଗଲେ। ମାନସିକ ଅବସ୍ଥା ଠିକ୍‌ ରହିଲା ନାହିଁ। ପରୀକ୍ଷାରେ ଫେଲ୍‌ ହେଲି। ସପ୍ଲିମେଣ୍ଟାରୀ ପରୀକ୍ଷାରେ ଭଲ କରିପାରିଲି ନାହିଁ। ଆଶା କରିଥିଲି ଚଳିତବର୍ଷ ପରୀକ୍ଷା ଦେବି।

ଆଜିଠୁ ଆଇସିଏସ୍‌ଇ ଦଶମ ପରୀକ୍ଷା

ଆଜିଠୁ ଆଇସିଏସ୍‌ଇ ଦଶମ ପରୀକ୍ଷା

ଭୁବନେଶ୍ୱର,୨୨।୨(ବ୍ୟୁରୋ)- କାଉନ୍‌ସିଲ ଫର୍‌  ଇଣ୍ଡିଆନ  ସ୍କୁଲ  ସାର୍ଟିଫିକେଟ୍‌ ଏକ୍‌ଜାମିନେଶନ(ସିଆଇଏସ୍‌ସିଇ) ଦ୍ୱାରା ପରିଚାଳିତ ଇଣ୍ଡିଆନ ସାର୍ଟିଫିକେଟ୍‌ ଅଫ୍‌ ସେକେଣ୍ଡାରୀ ଏଜୁକେଶନ(ଆଇସିଏସ୍‌ଇ)ର ଦଶମ ଶ୍ରେଣୀ ପରୀକ୍ଷା ଶୁକ୍ରବାରଠାରୁ ଆରମ୍ଭ ହେଉଛି। 

ଓଡ଼ିଆ ଭାଷା ଶିକ୍ଷକ ନିଯୁକ୍ତି ଦାବି:  ଇଣ୍ଡିଆ ଗେଟ୍‌ଠାରେ ବିକ୍ଷୋଭ କଲା ଓଡ଼ିଆ ଅନର୍ସ ଛାତ୍ର ସଂସଦ

ଓଡ଼ିଆ ଭାଷା ଶିକ୍ଷକ ନିଯୁକ୍ତି ଦାବି: ଇଣ୍ଡିଆ ଗେଟ୍‌ଠାରେ ବିକ୍ଷୋଭ କଲା ଓଡ଼ିଆ ଅନର୍ସ ଛାତ୍ର ସଂସଦ

ଭୁବନେଶ୍ୱର,୨୨।୨(ବ୍ୟୁରୋ)- ଓଡ଼ିଶାର ଉଚ୍ଚ ବିଦ୍ୟାଳୟଗୁଡ଼ିକରେ ଓଡ଼ିଆ ଭାଷା ଶିକ୍ଷକ ନିଯୁକ୍ତି ଦାବିରେ ଓଡ଼ିଆ ଅନର୍ସ ଛାତ୍ର ସଂସଦ ପକ୍ଷରୁ ଗୁରୁବାର ନୂଆଦିଲ୍ଲୀସ୍ଥିତ ଇଣ୍ଡିଆ ଗେଟ୍‌ଠାରେ ବିକ୍ଷୋଭ ପ୍ରଦର୍ଶନ କରାଯାଇଥିଲା।

ରାଜ୍ୟସ୍ତରୀୟ ଲୋକକଳା ମହୋତ୍ସବ ଉଦ୍‌ଯାପିତ:  କଳା ଜରିଆରେ ସାମାଜିକ ପରିବର୍ତ୍ତନ ଆସିପାରିବ: ମୁଖ୍ୟମନ୍ତ୍ରୀ

ରାଜ୍ୟସ୍ତରୀୟ ଲୋକକଳା ମହୋତ୍ସବ ଉଦ୍‌ଯାପିତ: କଳା ଜରିଆରେ ସାମାଜିକ ପରିବର୍ତ୍ତନ ଆସିପାରିବ: ମୁଖ୍ୟମନ୍ତ୍ରୀ

ଭୁବନେଶ୍ୱର,୨୨।୨(ବ୍ୟୁରୋ)- କଳା ଏକତାର ମନ୍ତ୍ର ଦେଇଥାଏ। କଳାରେ ଜାତି, ଧର୍ମ ଓ ଭାଷାର ବିଭେଦ ନ ଥାଏ। କଳା ଜରିଆରେ ସାମାଜିକ ପରିବର୍ତ୍ତନ ଆସିପାରିବ।

ମାଟ୍ରିକ ପ୍ରଶ୍ନପତ୍ର କଣ୍ଟେନର ଓଲଟିଲା

ମାଟ୍ରିକ ପ୍ରଶ୍ନପତ୍ର କଣ୍ଟେନର ଓଲଟିଲା

ବଇଣ୍ଡା, ୨୧ା୨(ଡି.ଏନ.ଏ.)- କଟକ-ସମ୍ବଲପୁର ୫୫ ନମ୍ବର ଜାତୀୟ ରାଜପଥର ହଣ୍ଡପା ଥାନା ଲୁହାମୁଣ୍ଡା ଛକଠାରେ ଗୁରୁବାର ଭୋର ସମୟରେ ମାଟ୍ରିକ ପ୍ରଶ୍ନପତ୍ର ନେଇ ଯାଉଥିବା ଏକ କଣ୍ଟେନର ଓଲଟିପଡିଛି। ବଡି ଭୋର୍‌ରୁ କଣ୍ଟେନର(ନଂ. ଟିଏନ୍‌ ୧୮ କେ ୨୮୬୨)ଟି କଟକରୁ ବଲାଙ୍ଗୀର ଅଭିମୁଖେ ଯାଉଥିବାବେଳେ ଭାରସାମ୍ୟ ହରାଇ ରାସ୍ତାକଡରେ ଓଲଟି ପଡିଥିଲା। 

ଖରାଦିନ ଆରମ୍ଭରୁ ପିଇବା ପାଣି ସମସ୍ୟା : ଗୋପ ବ୍ଲକରେ ୫୦୦ରୁ ଊର୍ଦ୍ଧ୍ୱ ନଳକୂପ ଅଚଳ

ଖରାଦିନ ଆରମ୍ଭରୁ ପିଇବା ପାଣି ସମସ୍ୟା : ଗୋପ ବ୍ଲକରେ ୫୦୦ରୁ ଊର୍ଦ୍ଧ୍ୱ ନଳକୂପ ଅଚଳ

ଗୋପ, ୨୧।୨(ଡି.ଏନ୍‌.ଏ.)-ଖରାଦିନ ଆରମ୍ଭରୁ ଗୋପ ବ୍ଲକ ଅଧୀନ ଅଧିକାଂଶ ନଳକୂପରୁ ପିଇବା ପାଣି ନ ବାହାରିବା ଫଳରେ ସାଧାରଣ ଲୋକେ ଏବେ ଚିନ୍ତାରେ ରହିଛନ୍ତି। ଗୋପ ବ୍ଲକ ଅଧୀନ ବିଭିନ୍ନ ଗ୍ରାମ ପଞ୍ଚାୟତରେ ଥିବା ସରକାରୀ ନଳକୂପଗୁଡ଼ିକ ଭାଙ୍ଗି ରୁଜି ପଡ଼ିଥିବାବେଳେ ଅଧିକାଂଶ ନଳକୂପରୁ ଜଳସ୍ତର କମିଯିବାରୁ ପିଇବା ପାଣି ବାହାରୁନାହିଁ। ଫଳରେ ଗୋପ ବ୍ଲକ ଅଧୀନ ଅଧିକାଂଶ ଗାଁରେ ଏବେ ପାଣି ସମସ୍ୟା ଦେଖାଦେଇଛି। 

ଆଖି ବୁଜିଲା ‘ରୋଶନ’

ଆଖି ବୁଜିଲା ‘ରୋଶନ’

ବାରଙ୍ଗ,୨୧।୨(ଡି.ଏନ୍‌.ଏ.)-ନନ୍ଦନକାନନ ପ୍ରାଣୀ ଉଦ୍ୟାନରେ ଗତ ୪ ତାରିଖରୁ ଅସୁସ୍ଥ ହୋଇ ମୃତ୍ୟୁ ସହ ସଂଗ୍ରାମ କରୁଥିବା ମହାବଳ ବାଘ ‘ରୋଶନ’ ଶେଷରେ ଆଖି ବୁଜିଛି। ଗୁରୁବାର ଅପରାହ୍ନ ପ୍ରାୟ ୩ଟା ୨୦ରେ ତା’ର ମୃତ୍ୟୁ ଘଟିଛି। ତାକୁ ୧୭ବର୍ଷ ହୋଇଥିଲା। ପଛଗୋଡ଼ ପାରାଲିସିସ୍‌ରେ ଆକ୍ରାନ୍ତ ହେବାରୁ ସେ ଚଲାବୁଲା କରି ନ ପାରି ଗୋଟିଏ ଜାଗାରେ ପଡ଼ିରହୁଥିଲା। 

ପିଏମ-କିଷାନରେ ସାମିଲ ହେବ ଓଡିଶା

ପିଏମ-କିଷାନରେ ସାମିଲ ହେବ ଓଡିଶା

ଭୁବନେଶ୍ୱର,୨୧ା୨(ବ୍ୟୁରୋ)-ପ୍ରଧାନମନ୍ତ୍ରୀ (ପିଏମ)-କିଷାନ ଯୋଜନାରେ ଓଡିଶାର କୃଷକମାନଙ୍କୁ ସାମିଲ କରାଯିବ । ସେହି ଅନୁଯାୟୀ ଆବଶ୍ୟକ ତଥ୍ୟ ସମ୍ପୃକ୍ତ ଓ୍ବେବସାଇଟରେ ଅପଲୋଡ କରିବାକୁ କରିବାକୁ କୃଷି ଓ ଶସକ୍ତିକରଣ ବିଭାଗକୁ ନିର୍ଦ୍ଦେଶ ଦିଆଯାଇଛି ।

୯୭ଦିନରେ କଣ୍ଟାବାଞ୍ଜି ଜିଲା ଦାବି ଆନ୍ଦୋଳନ

୯୭ଦିନରେ କଣ୍ଟାବାଞ୍ଜି ଜିଲା ଦାବି ଆନ୍ଦୋଳନ

କଣ୍ଟାବାଞ୍ଜି, ୨୧ା୨(ଡି.ଏନ.ଏ.): ବଲାଙ୍ଗୀର ଜିଲା କଣ୍ଟାବାଞ୍ଜି ଜିଲା ଦାବିକୁ ସମର୍ଥନ କରି ସହରାଞ୍ଚଳର ବିଭିନ୍ନ କ୍ଲବ, ସାମାଜିକ ଅନୁଷ୍ଠାନ, ମହିଳା ଗୋଷ୍ଠୀ, ଟ୍ରେଡ ୟୁନିୟନଠାରୁ ଆରମ୍ଭ କରି ବୁଦ୍ଧିଜୀବୀମାନେ ସାମିଲ ହୋଇଛନ୍ତି। ଧାରଣା ଦିନକୁ ଦିନ ତୀବ୍ରତର ହେବାରେ ଲାଗିଛି ା ତହସିଲ ଅଫିସ ସମ୍ମୁଖରେ ଚାଲିଥିବା ଧାରଣା ଗୁରୁବାର ୯୭ଦିନରେ ପହଞ୍ଚିଛି। 

କଦମ୍ବଗୁଡ଼ା ଛକରେ ମାଓବାଦୀ ପୋଷ୍ଟର

କଦମ୍ବଗୁଡ଼ା ଛକରେ ମାଓବାଦୀ ପୋଷ୍ଟର

ଲାଞ୍ଜିଗଡ଼,୨୧।୨(ଡି.ଏନ.ଏ.): କିଛି ଦିନର ନିରବତା ପରେ ଗୁରୁବାର ମାଓବାଦୀ ସଙ୍ଗଠନ କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ ଲାଞ୍ଜିଗଡ ରୋଡ ନିକଟସ୍ଥ କଦମ୍ବଗୁଡା ଛକରେ ପୋଷ୍ଟର ମାରି ନିଜର ଉପସ୍ଥିତି ଜାହିର କରିଛି। ପୂର୍ବରୁ କଦମ୍ବଗୁଡା ଛକ ନିକଟରେ ନିମ୍ନମାନର କାମକୁ ବିରୋଧ କରି ମାଓବାଦୀମାନେ ଜଣେ ଠିକାଦାରଙ୍କ ମିକ୍ସର ମେଶିନ ଜାଳି ଦେଇଥିଲେ। 

ଇଚ୍ଛାପାଲିରେ ବିଶାଳ ଚାଷୀ ସମାବେଶ: ମୁଖ୍ୟମନ୍ତ୍ରୀ କହିଲେ ଆଜିର ବନ୍ଦ କାଳିଆକୁ ବନ୍ଦ କରିପାରିବ ନାହିଁ

ଇଚ୍ଛାପାଲିରେ ବିଶାଳ ଚାଷୀ ସମାବେଶ: ମୁଖ୍ୟମନ୍ତ୍ରୀ କହିଲେ ଆଜିର ବନ୍ଦ କାଳିଆକୁ ବନ୍ଦ କରିପାରିବ ନାହିଁ

ସୋହେଲା,୨୧।୨(ଡି.ଏନ୍‌.ଏ.)- ବରଗଡ ଜିଲା ସୋହେଲା ଇଚ୍ଛାପାଲିରେ ଗୁରୁବାର ରାଜ୍ୟ ସରକାରଙ୍କ ପକ୍ଷରୁ ବିଶାଳ ଚାଷୀ ସମାବେଶ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ କାଳିଆ ଯୋଜନାରେ ରାଜ୍ୟର ୧୪ଲକ୍ଷ ଚାଷୀଙ୍କୁ ୭ଶହ କୋଟି ଟଙ୍କା ପ୍ରଦାନ କରିଥିଲେ।