ସମ୍ପାଦକୀୟ |

ଘରଣୀ ଓ ସ୍ମାର୍ଟ ଫୋନ୍‌

ଘରଣୀ ଓ ସ୍ମାର୍ଟ ଫୋନ୍‌

ଡ. କୁଳାଙ୍ଗାର

ଖାଦ୍ୟ, ବସ୍ତ୍ର ଓ ବାସଗୃହ ପରେ ଏବେ ସ୍ମାର୍ଟ ଫୋନ୍‌ ହେଉଛି ଅନ୍ୟତମ ଅତ୍ୟାବଶ୍ୟକ ଦ୍ରବ୍ୟ। ନାରୀ ଆଉ ପୂର୍ବପରି ଅବଳା ହୋଇନାହିଁ। ଏବେ ପରିବାରରେ ଉଭୟ ମହିଳା ଓ ସ୍ମାର୍ଟ ଫୋନ୍‌ ଅପରିହାର୍ଯ୍ୟ। ଘରକୁ ସୁନ୍ଦର ଦିଶେ ଘରଣୀ ଥିଲେ ପରି ଏବେ ମଣିଷ ସୁନ୍ଦର ଦିଶେ ସ୍ମାର୍ଟ ଫୋନ୍‌ ଥିଲେ। ଉଭୟ ଘରଣୀ ଓ ସ୍ମାର୍ଟ ଫୋନ୍‌କୁ ଯିଏ ସୁରକ୍ଷିତ ରଖିପାରେ ସିଏ ହେଉଛି ଅସଲ ମରଦ।

ସ୍ମାର୍ଟ ଫୋନ୍‌ ପ୍ରଭାବରେ ଆଜିକାଲି ବହୁନାରୀ ଓଭରସ୍ମାର୍ଟ ହୋଇସାରିଲେଣି। ଏହାର ପ୍ରମାଣ ହେଲା ତା’ର ସ୍ତ୍ରୀ। ତା’ ସ୍ତ୍ରୀ ଆଗରୁ ଟିଭିରେ ଓଡ଼ିଆ ସିରିଏଲ ଦେଖିସାରିଲା ପରେ ଖାଇଦେଇ ଶୋଇ ପଡୁଥିଲା। କିଛିମାସ ହେଲା ସିଏ ଦରମାରୁ କାଟି ତା’ ପାଇଁ ସ୍ମାର୍ଟ ଫୋନ୍‌ଟିଏ ଆଣିଦେଲା ପରେ ସ୍ତ୍ରୀ ତା’ର ଆଉ ରାତିରେ ଶୋଉନି। ରାତିସାରା ତା’ ଘରର ଲାଇଟ୍‌ ଜଳୁଥିବାରୁ କଲୋନୀବାଲାଏ ଶାନ୍ତିରେ ଶୋଇ ପାରୁଛନ୍ତି। କଲୋନୀରେ ଆଉ ପୂର୍ବପରି ଚୋରିଭୟ ନାହିଁ। କେବଳ ଲାଇଟ୍‌ ନୁହେଁ, ମଝିରେ ମଝିରେ ଚାଟିଂରେ ମେସେଜ୍‌ ପଢ଼ି ଘରଣୀର ଉଛୁଳା ହସ ଏବଂ ଆସିଥିବା ଭିଡିଓ ଶବ୍ଦରେ କଲୋନୀଟି ନିଶାର୍ଦ୍ଧରେ ମଧ୍ୟ ଚଳଚଞ୍ଚଳ ଲାଗୁଛି। ଯଦି କୋଉଠି ଟିକେ ଖୁଡ୍‌ଖାଡ୍‌ ଶୁଭିଲା ଘରଣୀ ଝରକା ବାଟେ ସ୍ମାର୍ଟ ଫୋନ୍‌ର ଟର୍ଚ୍ଚ ପକେଇ ଦେଖିଦେଉଛନ୍ତି!

ଅବଶ୍ୟ ମାଡାମ୍‌ ଆଜିକାଲି ଟିକିଏ ଡେରିରେ ଉଠୁଛନ୍ତି। କିନ୍ତୁ ସକାଳୁ ବିଶେଷ କିଛି କାମ ରହୁ ନ ଥିବାରୁ ଏଥିରେ ବିଶେଷ କିଛି ଅସୁବିଧା ହେଉନାହିଁ। ମେସେଜ୍‌ରୁ ଶିଖି ଆଜିକାଲି ସକାଳୁ ଉଠି ଗୁଡ୍‌ମର୍ନିଂ କହୁଛନ୍ତି। ଉଠୁଉଠୁ ସ୍ମାର୍ଟ ଫୋନ୍‌ରେ ଭକ୍ତିଗୀତ ବଜେଇ ଘରକୁ ଆଧ୍ୟାତ୍ମିକ ପରିବେଶରେ ଅଳଙ୍କୃତ କରିବା ସହ ମୋବାଇଲରୁ ଭିଡିଓ ଦେଖି ବିଭିନ୍ନ ଯୋଗ କରୁଛନ୍ତି। ଫଳସ୍ବରୂପ ତା’ ଘରଣୀ ଆଜିକାଲି କୁଆଡ଼େ ଅଧିକ ଫିଟ୍‌ ଓ ସୁନ୍ଦରୀ ଦିଶୁଛି ବୋଲି ବହୁ ପୁରୁଷ ବନ୍ଧୁ ହ୍ବାଟ୍ସଆପ୍‌ରେ ମେସେଜ୍‌ ଦେଇ ଫେସ୍‌ବୁକ୍‌ରେ ଲୋଡ୍‌ ହୋଇଥିବା ଫଟୋ ସବୁକୁ ଲାଇକ୍‌ କରିବା ସହ ଅସମ୍ଭବ କମେଣ୍ଟ ଦେଇଛନ୍ତି। 

ସ୍ମାର୍ଟ ଫୋନ୍‌ ଜରିଆରେ ପତ୍ନୀ ମହୋଦୟା ତାଙ୍କର ଘରଲୋକ, ଗାଆଁଲୋକ, ସାଙ୍ଗସାଥୀ, ଦୂର ସମ୍ପର୍କୀୟଙ୍କ ସହିତ ନିୟମିତ ସମ୍ପର୍କରେ ଅଛନ୍ତି। ଶାଶୁଘର ଲୋକଙ୍କ କଥା ପଡିଲେ ଆଗରୁ ତାଙ୍କର ମିଜାଜ୍‌ ଗରମ ହୋଇଯାଉଥିଲା, ଏବେ ଶାଶୁଘର ଲୋକଙ୍କ ସହ କଥାବାର୍ତ୍ତା ହେଲା ବେଳକୁ ତାଙ୍କ ସ୍ମାର୍ଟ ଫୋନ୍‌ ଗରମ ହୋଇଯାଉଛି!

ହାତରେ ସ୍ମାର୍ଟ ଫୋନ୍‌ ଧରେଇବା ପରେ କେବଳ ଘରଣୀର ନୁହେଁ, ତା’ର ମଧ୍ୟ ବହୁ ଲାଭହୋଇଛି। ସବୁଠୁ ବଡ଼କଥାଟି ହେଲା ଆଜିକାଲି ଘରେ କଳିଗୋଳ, ରାଗରୁଷା କମିଛି। ଆଗରୁ କଥାକଥାରେ ଚିଡିଚିଡି ହୋଇ ଗାଳି ଦେଉଥିବା ଘରଣୀ ଆଜିକାଲି ମୋବାଇଲ୍‌ରେ ବ୍ୟସ୍ତ ରହିବା କାରଣରୁ ଆଉ ଗାଳି ଦେବାକୁ ଟାଇମ୍‌ ମିଳୁନାହିଁ। 

ଘରୁ ବାହାରିଲା ବେଳେ ଦୃଷ୍ଟିରୁ ଅନ୍ତର ହେବା ପର୍ଯ୍ୟନ୍ତ ଆସିଲା ବେଳେ ଅମୁକ ଆଣିବ ସମୁକ ଆଣିବ ବୋଲି ଫରମାଇସ୍‌ କରିବାଟା ଘରଣୀମାନଙ୍କର ଆଦତ। ଏବେ କିନ୍ତୁ ଘରଣୀ ହ୍ବାଟ୍ସଆପ୍‌ରେ ସଉଦା ତାଲିକା, ଆବଶ୍ୟକ ଓଜନର ପରିବା ଓ ବ୍ଲାଉଜ୍‌ ସାଇଜ୍‌ ଆଦି ମେସେଜ୍‌ କରିଦେଉଛନ୍ତି। ଅନଲାଇନ୍‌ ଶପିଂରେ ପାରଙ୍ଗମ ହେବା ଫଳରେ ଘରଣୀ କିଣାକିଣି କରିବାକୁ ବଜାର ଯାଇ ଖିଆପିଆର ଅତିରିକ୍ତ ଖର୍ଚ୍ଚ କମିଛି। 

ଘରଣୀ ମାତ୍ରେ ହିଁ ତ ସନ୍ଦେହୀ। ଯଦି ଘରକୁ ଶୀଘ୍ର ଫେରିଲ କାରଣ କୁହ! ଡେରିରେ ଫେରିଲେ କାରଣ ଦର୍ଶାଅ। ଖୁସିମନରେ ଫେରିଲେ, କାହାକୁ ଦେଖା କରିଛ କୁହ? ପୂର୍ବପରି ଏସବୁ ଆଉ ତାକୁ ଶୁଣିବାକୁ ପଡୁନାହିଁ। କାରଣ ସନ୍ଦେହ ଉଦ୍ରେକ ହେବା ମାତ୍ରେ ଘରଣୀ ଭିଡିଓ କଲ୍‌ କରି ସବୁକିଛି ତଦାରଖ କରିଦେଉଛନ୍ତି।

ପୂର୍ବରୁ ଘରଣୀମାନଙ୍କର ଲୋଭଥିଲା ନୂଆଶାଢ଼ି ଅବା ଅଳଙ୍କାରରେ, ଏବେ କିନ୍ତୁ ସେମାନଙ୍କର ଲୋଭ ସ୍ବାମୀମାନଙ୍କର ସ୍ମାର୍ଟ ଫୋନ୍‌ ଲକ୍‌ର ପାସ୍‌ୱାର୍ଡରେ। ବହୁ ଫନ୍ଦିଫିକର କରି ଘରଣୀ ତା’ର ମୋବାଇଲର ପାସ୍‌ୱାର୍ଡଟି ନେଇଛନ୍ତି। ଦିନେ ସିଏ ଗାଧୁଆଘରେ ପଶିଥିଲା ବେଳେ ଘରଣୀ ତା’ର ମୋବାଇଲଟିକୁ ଖୋଲି ବିଭିନ୍ନ ଚାଟ୍‌ର ହିଷ୍ଟ୍ରି ସବୁକୁ ଖେଳେଇ ଚାଲିଲେ। କୋଉ ଝିଅକୁ ସିଏ ରାତି ଅଧରେ ଉତ୍ତର ଦେଇଛି, କାହାର ଫଟୋ ଦେଖି ସୁନ୍ଦରୀ ବୋଲି କହିଛି ସବୁକୁ ପଢି ଜଳି ଉଠିଲେ।

ସିଏ ଗାଧୁଆଘରୁ ବାହାରୁ ବାହାରୁ ଘରଣୀ ତା’ର ଆରମ୍ଭ କରିଦେଲେ ଶବ୍ଦବର୍ଷଣ। ଲାଜ ଲାଗୁନି ବୁଢ଼ାଟିଏ ହେଲଣି, ଏୟା କରୁଛ! ଘରଣୀଙ୍କ ଝିଙ୍ଗାସରେ ମର୍ମାହତ ହୋଇ ସିଏ ସ୍ମାର୍ଟ ଫୋନ୍‌ ଛାଡି ଗୋଟିଏ ସାଧାରଣ ମୋବାଇଲ ଧରୁଛି। ଘରଣୀ ମହୋଦୟା କିନ୍ତୁ ସେମିତି ସ୍ମାର୍ଟ ଅଛନ୍ତି! 

ମାର୍ଫତ୍‌- ଗାନ୍ଧୀ ପଣ୍ଡା, କଳାଘର-ଲେମ୍ବୋ, ଅଲରା, ନରସିଂହପୁର, କଟକ, ମୋ- ୯୩୩୮୫୮୧୩୦୯

All Right Reserved By

ସମ୍ପାଦକୀୟ |

 ସମ୍ପାଦକୀୟ/ ନ୍ୟାୟାଳୟ ଉପରେ ଛିଟା

ସମ୍ପାଦକୀୟ/ ନ୍ୟାୟାଳୟ ଉପରେ ଛିଟା

ଭାରତୀୟ ନ୍ୟାୟପାଳିକାର ସର୍ବୋଚ୍ଚ ଆସନ ଉପରେ ପୁନର୍ବାର କଳାବାଦଲ ଘୋଟିଯାଇଛି। ବର୍ତ୍ତମାନର ପ୍ରଧାନ ବିଚାରପତି(ସିଜେଆଇ) ରଞ୍ଜନ ଗୋଗୋଇଙ୍କ ସମେତ ବରିଷ୍ଠ ବିଚାରପତି ଜଷ୍ଟିସ୍‌ ଚେଲାମେଶ୍ୱର, ମଦନ ବି ଲକୁର ଏବଂ କୁରିୟନ ଯୋଶେଫ୍‌ ତତ୍‌କାଳୀନ ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ ମାମଲା ବଣ୍ଟନରେ ଅନି..

ତଥ୍ୟ ପ୍ରଦାନରେ ସରକାରଙ୍କ ପଛଘୁଞ୍ଚା

ତଥ୍ୟ ପ୍ରଦାନରେ ସରକାରଙ୍କ ପଛଘୁଞ୍ଚା

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ 

ଲୋକଙ୍କଠାରୁ ତଥ୍ୟ ଲୁଚାଇବାରେ ସରକାରୀ ବିଭାଗଗୁଡ଼ିକ ମଧ୍ୟରେ କେନ୍ଦ୍ର ସରକାରଙ୍କ ପାନୀୟ ଜଳ ଓ ପରିମଳ ମନ୍ତ୍ରଣାଳୟ ବୋଧହୁଏ ସବୁଠୁ ଆଗରେ। ପୂର୍ବ ସରକାର ସମୟରେ ଏହି ବିଭାଗ ଦ୍ୱାରା କାର୍ଯ୍ୟକାରୀ ହେଉଥିବା ଦୁଇଟି ପ୍ରମୁଖ କାର୍ଯ୍ୟକ୍ରମ ଯଥା ରାଷ୍ଟ୍ରୀୟ ଗ୍ରାମ୍ୟ ପାନୀୟ ଜଳ କାର୍ଯ୍ୟକ୍ରମ ଓ ସମ୍ପୂର୍ଣ୍ଣ ପରିମଳ ଅଭିଯାନ ପାଇଁ ଏକ ବଳିଷ୍ଠ ତଥ୍ୟ ପ..

କିଏ ଏଇ ମା’

କିଏ ଏଇ ମା’

ସୁଧିରାଜ ରାଉତ

ବର୍ଷା ମାସ। ଇନ୍ଦ୍ରାବତୀ ଜଳଭଣ୍ଡାର ସାମର୍ଥ୍ୟଠାରୁ ଅଧିକ ଜଳରେ ପୂର୍ଣ୍ଣହୋଇ ମନେହେଉଥିଲା ସତେ ଅବା ଏକ ମାଟିଆ ସମୁଦ୍ର। କୂଳରେ ବନ୍ଧା ହୋଇଥିବା ଡଙ୍ଗାକୁ ଫିଟାଇଦେଇ ବନ୍ଧୁଙ୍କୁ କହିଲି ଭଲ ଫଟୋ ନେବାକୁ। ବନ୍ଧୁ ଫଟୋ ଉଠାଉଥାଏ କିନ୍ତୁ ମୋତେ ନେଇ ଡଙ୍ଗାଟି ଧୀରେ ଧୀରେ ଦୂରେଇ ଯାଉଥାଏ କୂଳରୁ। ରୋକିବାର ମୋ ସକଳ ପ୍ରୟାସକୁ ଉପହାସକରି ଡ୍ୟାମ୍‌ର ରିଟର୍ନ କରେଣ୍ଟରେ ଡଙ୍ଗାଟି କୂଳରୁ ପାଞ୍ଚଶହ ମିଟରରୁ ଅଧିକ ଦୂରକୁ ଚାଲିଗଲା। ମେଘ ହେବାର ସମ୍ଭାବନା, ଆଉ ପବନ ଲ..

ଏଇ ଭାରତରେ

ଏଇ ଭାରତରେ

ଏକ ଗଣତାନ୍ତ୍ରିକ ରାଷ୍ଟ୍ରରେ ଜଣେ ବ୍ୟକ୍ତି ମତଦାନ କରି ଲୋକ ପ୍ରତିନିଧି ବାଛିବା ହେଉଛି ମୌଳିକ ଅଧିକାର। ଏହାକୁ  ଆଦୌ ଅଣଦେଖା କରିବା ଉଚିତ ନୁହେଁ। କିନ୍ତୁ କେତେକ ନାଗରିକ ଭୋଟଦାନରୁ ବିରତ ରହିବାକୁ ପସନ୍ଦ କରିଥାଆନ୍ତି। ସେ..

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ରାଜସ୍ଥାନ ବାର୍ମେର ଜିଲାର ଏକ ନିର୍ବାଚନ ସଭାରେ ଏପ୍ରିଲ ୨୧ରେ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାକିସ୍ତାନକୁ ସମାଲୋଚନା କରି ଭୋଟ ମାଗିଛନ୍ତିି। ସେ କହିଛନ୍ତି, ଦିନେ ଛାଡ଼ି ଦିନେ ପାକିସ୍ତାନ ବାରମ୍ବାର କହିଆସୁଛି ଯେ, ତା’ ପାଖରେ ପରମାଣୁ ବୋମା ରହିଛି। କିନ୍ତୁ ପାକିସ୍ତାନ ମନେରଖିବା ଉଚିତ ଯେ, ଭାରତ ପାଖରେ ଥିବା ପରମାଣୁ ଅସ୍ତ୍ର ଦୀପାବଳି ପାଇଁ ସାଇତା ..

ଲୋକପ୍ରତିନିଧି କାହାନ୍ତି

ଲୋକପ୍ରତିନିଧି କାହାନ୍ତି

ସହଦେବ ସାହୁ

ବିଲାତକୁ ଗଣତନ୍ତ୍ରର ଜନନୀ କୁହାଯାଏ, କିନ୍ତୁ ତାହାର ଲିଖିତ ସମ୍ବିଧାନ ନାହିଁ, କନ୍‌ଭେନ୍‌ସନ୍‌ ବା ପରମ୍ପରା ସମ୍ବିଧାନର କାମ କରୁଛି: ରାଜା ବା ରାଣୀ ବଂଶାନୁକ୍ରମେ ରାଷ୍ଟ୍ରମୁଖ୍ୟ ହେଉଥିବାରୁ ବିଲାତ ରିପବ୍ଲିକ୍‌ ବା ସାଧାରଣତନ୍ତ୍ର ନୁହେଁ। ଆମ ସମ୍ବିଧାନ-ପ୍ରଣେତାମାନେ ବିଲାତ ଢାଞ୍ଚାର କ୍ୟାବିନେଟ ବା ସଂସଦୀୟ ଗଣତନ୍ତ୍ରକୁ ଅନୁକରଣ ..

ସବୁଥିରେ ପଲିଟିକ୍ସ

ସବୁଥିରେ ପଲିଟିକ୍ସ

ସବ୍ୟସାଚୀ ଅମିତାଭ

ଗଣତନ୍ତ୍ର କ୍ଷମତା ଦେଇଛି। ନିଜେ ନିଜର ଶାସନ କରିବାର କଳା ଲୋକଙ୍କୁ ଶିଖାଇଛି। ହେଲେ ବର୍ତ୍ତମାନ ସମୟର ରାଜନୀତି ଗଣତନ୍ତ୍ରକୁ ଧୀରେ ଧୀରେ କବଳିତ କରିସାରିଲାଣି। ସବୁ କଥାରେ ରାଜନୀତି। ଚାଷୀ ମଲେ ରାଜନୀତି, ପୀଡିତା ଆତ୍ମହତ୍ୟା କଲେ ବି ରାଜନୀତି, ପେଟ୍ରୋଲ ଦର ବଢିଲେ ରାଜନୀତି ଆଉ ଆଦର୍ଶ ହେବାର ..

ଏଇ ଭାରତରେ

ଏଇ ଭାରତରେ

ବିହାରର ଭାଗଲପୁର ଅଞ୍ଚଳରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ନିଜ ସ୍ତ୍ରୀଙ୍କୁ ତାଙ୍କ ପ୍ରେମିକ ସହ ବିବାହ କରାଇ ଦେଇଛନ୍ତି। କେବଳ ସେତିକି ନୁହେଁ, ଉପହାର ସ୍ବରୂପ ସେ ନିଜ ଅଢ଼େଇ ବର୍ଷର ପୁଅକୁ ମଧ୍ୟ ସ୍ତ୍ରୀଙ୍କ ହାତରେ ଟେକି ଦେଇଛନ୍ତି। ଏହି ଘଟଣା ଏବେ ଭାଗଲପୁରରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଗାଁର ଅନେକ ଲୋକ ଏହି ବି..

କଲମ୍ବୋ ନିଆଁ

କଲମ୍ବୋ ନିଆଁ

ଦ୍ୱୀପ ଦେଶ ଶ୍ରୀଲଙ୍କାରେ ଦୀର୍ଘ ବର୍ଷ ପରେ ୨୧ ଏପ୍ରିଲ ୨୦୧୯ରେ ଭୟଙ୍କର ଆତଙ୍କ ଦେଖାଦେଇଛି। ରାଜଧାନୀ କଲମ୍ବୋ ଓ ଆଖପାଖ  ଅଞ୍ଚଳର କେତେକ ଚର୍ଚ୍ଚ ଓ ହୋଟେଲରେ ଲଗାତର ୮ଟି ବିସ୍ଫୋରଣରେ ୨୦୭ରୁ ଊର୍ଦ୍ଧ୍ୱ ବ୍ୟକ୍ତିଙ୍କ ପ୍ରାଣହାନି ଘଟିଥିବା ବେଳେ ୪୦୦ରୁ ଅଧିକ ଗୁରୁତର ଆହତ ହୋଇଛନ୍ତି। ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି। ମୃତକଙ୍କ ମଧ୍ୟରେ ୪୦ ବିଦେଶୀ ଥିବା ଖବର ମିଳିଛି। 

ଜୀବ ସୁରକ୍ଷା ପୃଥିବୀ ରକ୍ଷା

ଜୀବ ସୁରକ୍ଷା ପୃଥିବୀ ରକ୍ଷା

୨୦୧୯ର ଧରିତ୍ରୀ ଦିବସ ପାଳନ ଅବସରରେ ଦିଆଯାଇଥିବା ସଚେତନଧର୍ମୀ ଡାକରାଟା ହେଉଛି ‘ସବୁ ଜୀବଙ୍କୁ ସୁରକ୍ଷା ଦିଅ।’ ଆଠ ନିୟୁତ ଜୀବ ଜାତିର ପୃଥିବୀଟା ଆଜି ଜୀବ ବିଲୁପ୍ତି ପଥରେ ଅଗ୍ରସର। ସକଳ ଜୀବଙ୍କ ପ୍ରାଣସୂତ୍ର ପୃଥିବୀ ସେମାନଙ୍କ ପ୍ରାଣରକ୍ଷା ପାଇଁ ମଣିଷକୁ ଆହ୍ବାନ କରୁଛି। ତେବେ ମଣିଷ କ’ଣ ଜୀବ ବିଲୁପ୍ତିର କାରଣ ସାଜିଛି? ମଣିଷ ଆବିର୍ଭାବ ପୂର୍ବରୁ ତ ପୁଣି ପୃଥିବୀ ପାଞ୍ଚ ପାଞ୍ଚ ଥର ସମୂହ ବିଲୋପକୁ ସାମନା କରିଛି। 

କହିବା କାହାକୁ, ଶୁଣିବ କିଏ

କହିବା କାହାକୁ, ଶୁଣିବ କିଏ

ଯେଉଁ କଥାକୁ ଡର ଥିଲା ତାହା ହିଁ ହେଲା। ଆଶା ଥିଲା, ସରକାର ଆଉ କିଛି କରନ୍ତୁ ବା ନ କରନ୍ତୁ, ନିର୍ବାଚନ ସମୟରେ ମଦକୁ ନିଶ୍ଚିତ ନିଷିଦ୍ଧ କରିବେ। ହେଲେ, ହେଲା ଠିକ୍‌ ତା’ର ଓଲଟା। ସରକାରଙ୍କ ଅବକାରୀ ବିଭାଗ ଜୁଲାଇ ୩୧ ତାରିଖ ପର୍ଯ୍ୟନ୍ତ ମଦ ଦୋକାନୀଙ୍କ ଲାଇସେନ୍ସକୁ ନବୀକରଣ କରି ଏ କ୍ଷେତ୍ରକୁ ସବୁଜ ସଙ୍କେତ(?) ଦେଇଛନ୍ତି। ଏଥିପାଇଁ ରାଜ୍ୟ ସରକାର ନୂତନ ଭାବେ ଅବକାରୀ ନୀତି ପ୍ରସ୍ତୁତ କରିଛନ୍ତି। 

ଏଇ ଭାରତରେ

ଏଇ ଭାରତରେ

ଗୁଜରାଟର ରାଜକୋଟ ଜିଲା ଅନ୍ତର୍ଗତ ରାଜସମଦିୟାଲ ଗାଁ ଅନ୍ୟ ଗଁାଗୁଡ଼ିକଠାରୁ ନିଆରା। ନିର୍ବାଚନ ସମୟରେ ସବୁଠି ପ୍ରଚାର ଗାଡି ବୁଲୁଥିବା ବେଳେ ଏହି ଗାଁରେ କିନ୍ତୁ ପ୍ରଚାର କରାଯାଇ ନ ଥାଏ। ଗାଁ ଲୋକଙ୍କ ମତରେ ପ୍ରଚାର କରାଗଲେ ପରିବେଶରେ ଶବ୍ଦ ପ୍ରଦୂଷଣ ବୃଦ୍ଧିପାଇବ। ତେଣୁ ସେମାନେ କୌଣସି ପ୍ରଚାରଗାଡିକୁ ଗାଁ ଭିତରକୁ ପ୍ରବେଶ କରିବାକୁ ଦେଇ ନ ଥାନ୍ତି। 



Model This Week

ତୁଳସୀ ପ୍ରିୟଦର୍ଶିନୀ
Why Dharitri