ସମ୍ପାଦକୀୟ |

ଦୁଃସାହସିକା ଉଦ୍ୟୋଗୀ

ଦୁଃସାହସିକା ଉଦ୍ୟୋଗୀ

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ


‘ତୁ ମକୁ ଏକ ସୁନାର ପାତ୍ର ମିଳିଲେ ତାହାକୁ ନେଇ କ’ଣ କରିବ’ ବୋଲି ୬ ବର୍ଷର ଜଣେ ଛାତ୍ରକୁ ଶିକ୍ଷକ ଏକ ପ୍ରବନ୍ଧ ଲେଖିବାକୁ ଦେଇଥିଲେ। ସେତେବେଳେ ଛାତ୍ର ଲେଖିଥିଲେ, ‘ ଯଦି ସେ ଏଭଳି ଏକ ସୁନାର ପାତ୍ର ପାଆନ୍ତି, ତାହା ହେଲେ ତାହାକୁ ସେ ତାଙ୍କ ପିଉସୀଙ୍କୁ ଦେଇଦେବେ। ତାହାକୁ ନେଇ ପିଉସୀଙ୍କ କମ୍ପାନୀ ଅତି ଦୁଃସାଧ୍ୟ ରୋଗ ପାଇଁ ଉତ୍ତମ ଔଷଧ ପ୍ରସ୍ତୁତ କରିପାରିବ’। ଆମେରିକାର କାଲିଫର୍ନିଆସ୍ଥିତ ବର୍କଲେଠାରେ ଗବେଷଣା କରୁଥିବା ଜଣେ ପିଏଚ୍‌ଡି ଛାତ୍ରଙ୍କ ଏହା ଥିଲା ସେତେବେଳର ଚିନ୍ତାଧାରା। ତେବେ ଯେଉଁ ପିଉସୀଙ୍କ ବିଷୟରେ ପ୍ରବନ୍ଧରେ ଉଲ୍ଲେଖ କରିଥିଲେ ସେ ହେଉଛନ୍ତି, ଔଷଧ ନିର୍ମାଣକାରୀ କମ୍ପାନୀ ‘ବାୟୋକନ୍‌’ ମୁଖ୍ୟ କିରଣ ମଜୁମଦାର ଶ। ଓ୍ବାଶିଂଟନ ଡିସିସ୍ଥିତ ମର୍ଯ୍ୟାଦାଜନକ ଆମେରିକା ନ୍ୟାଶନାଲ ଏକାଡେମୀ ଅଫ୍‌ ଇଞ୍ଜିନିୟରିଂ (ଏନ୍‌ଏଇ)ର ସଦସ୍ୟା ହେବା ଭଳି ସମ୍ମାନ ମିଳିଥିବାରୁ କିରଣଙ୍କ ବ୍ୟକ୍ତିତ୍ୱ ଚର୍ଚ୍ଚାକୁ ଆସିଛି। ଉଲ୍ଲେଖଯୋଗ୍ୟ ଯେ, ଏନ୍‌ଏଇରେ ବିଶ୍ୱର ଶ୍ରେଷ୍ଠ ଇଞ୍ଜିନିୟରମାନେ ଏହି ସଦସ୍ୟକୁ ନିର୍ବାଚିତ କରିଥାଆନ୍ତି। ଚଳିତବର୍ଷ ୨୦୦୦ ପ୍ରତିଭାଙ୍କ ମଧ୍ୟରୁ ୧୮ ଜଣ ବିଦେଶୀ ଫେଲୋଙ୍କୁ ନିର୍ବାଚିତ କରାଯାଇଛି, ଯେଉଁଥିରେ କିରଣ ପ୍ରଥମ ଭାରତୀୟ ମହିଳା ଭାବେ ଏହି ସୌଭାଗ୍ୟ ଅର୍ଜନ କରିଛନ୍ତି।  ବିଲ୍‌ ଗେଟ୍ସଙ୍କ ଭଳି ବ୍ୟକ୍ତି ଥିବା ଏଭଳି ଖ୍ୟାତିସମ୍ପନ୍ନ କ୍ଲବରେ ସଦସ୍ୟା ହେବା ନିଶ୍ଚିତ ଭାବେ ଏକ ଗର୍ବର ବିଷୟ ବୋଲି ଏହି ଭାରତୀୟ ମହିଳା ଉଦ୍ୟୋଗପତି କହିଛନ୍ତି। 

କର୍ନାଟକର ବାଙ୍ଗାଲୋରଠାରେ କିରଣଙ୍କ ପିଲାଦିନ କଟିଛି। ତାଙ୍କ ପିତା ୟୁନାଇଟେଡ୍‌ ବ୍ରିଓରିଜ୍‌ରେ ମଦ ପ୍ରସ୍ତୁତି ପର୍ଯ୍ୟବେକ୍ଷକ ବା ବ୍ରିଓ୍ବେମାଷ୍ଟର ଥିଲେ। ବିଶପ୍‌ କଟନ ଗାର୍ଲସ ସ୍କୁଲରେ ପଢ଼ା ଶେଷ କରିବା ପରେ କିରଣ ବାଙ୍ଗାଲୋରସ୍ଥିତ ସେଣ୍ଟ୍ରାଲ କଲେଜକୁ ଯାଇଥିଲେ ଓ ସେ ପ୍ରାଣୀ ବିଜ୍ଞାନରେ ସ୍ନାତକ ଡିଗ୍ରୀ ଅର୍ଜନ କରିଥିଲେ। ସେ ଆଦ୍ୟ ଜୀବନ ବିଷୟରେ ଉଲ୍ଲେଖ କରିବା ବେଳେ ସ୍ମୃତି ରୋମନ୍ଥନ କରିଥାଆନ୍ତି। ପିତା ଜଣେ ସଚ୍ଚୋଟ ବ୍ୟକ୍ତି ହୋଇଥିବାରୁ ଜୀବନରେ ସତ୍‌ପଥରେ ଯିବାକୁ କହିଥିଲେ। କିରଣ ଡାକ୍ତରୀ ପଢ଼ିବାକୁ ଇଚ୍ଛା କରିଥିଲେ। କିନ୍ତୁ ଭେଲୋରସ୍ଥିତ ସେଣ୍ଟ ଜନ୍ସ ମେଡିକାଲ କଲେଜ ଏବଂ ଦାଭାଙ୍ଗିରିର ଜେଏମ୍‌ଏମ୍‌ ମେଡିକାଲ କଲେଜରେ ମେରିଟ୍‌ରେ ସିଟ୍‌ ପାଇ ନ ଥିଲେ। ସେଥିପାଇଁ ସେ ପିତାଙ୍କ ପାଖରେ ଅଳି କରିଥିଲେ ୧୦ ହଜାର ଟଙ୍କା ଦେଲେ ଡାଭାଙ୍ଗିରିରେ ଡାକ୍ତରୀ ପାଠ ପଢ଼ିପାରିବେ। ପିତା ସିଧାସିଧା ଏଭଳି ପ୍ରସ୍ତାବକୁ ପ୍ରତ୍ୟାଖ୍ୟାନ କରି ଦେଇଥିଲେ। ଏତିକିରେ ମନକଷ୍ଟ କରି ସେ ପିତାଙ୍କୁ କହିଥିଲେ ଯେ, ଝିଅ ହୋଇଥିବାରୁ ତାଙ୍କୁ ଏଭଳି ସୁଯୋଗରୁ ବଞ୍ଚିତ କରାଗଲା। ତାଙ୍କ ସ୍ଥାନରେ ତାଙ୍କ ଭାଇ ରବି ହୋଇଥିଲେ ନିଶ୍ଚିତ ପଢ଼ିପାରିଥାଆନ୍ତା। ପିତା ତଥାପି  ଜିଦ୍‌ରେ ଅଟଳ ଥିଲେ ଓ କହିଥିଲେ, କାହାରି ପାଇଁ ସେ ଏଭଳି କରିବେ ନାହିଁ। ଏହା ପରେ ସେ ତାଙ୍କ ଝିଅକୁ ବୁଝାଇଥିଲେ ନିଜ ପ୍ରତିଭାବଳରେ ଉପରକୁ ଉଠିବା ଦରକାର। ସେତିକି କଥା କିରଣଙ୍କୁ ଆଗକୁ ବଢ଼ିବା ପାଇଁ ଶକ୍ତି ଦେଇଥିଲା। ଏପରି କି ପିତା ତାଙ୍କୁ ଦୁଃସାହସିକ କ୍ୟାରିୟର ବାଛିିବାକୁ ଉପଦେଶ ଦେଇଥିଲେ। ଫଳରେ ସେ  ବ୍ରିଓ୍ବେରିଂରେ କ୍ୟାରିୟର କରିବା ପାଇଁ ଅଷ୍ଟ୍ରେଲିଆର ବାଲାରାଟ୍‌ କ୍ଲାରେନ୍‌ଡନ୍‌ କଲେଜ ଯାଇଥିଲେ। ସେଠାରେ ବିଭିନ୍ନ ଦେଶରୁ ପଢ଼ୁଥିବା ୧୨ ଜଣଙ୍କ ମଧ୍ୟରେ ଥିଲେ ଏକମାତ୍ର ଝିଅ । ୧୯୭୫ରେ ସେଠାରୁ ସେ  ସ୍ନାତକରେ ଟପ୍‌ ହେବାର ଗୌରବ ଅର୍ଜନ କରିଥିଲେ। ଭାରତ ଫେରିଆସି ଚାକିରି ଖୋଜିବା ବେଳେ ଜଣେ ଝିଅକୁ ମଦ ପ୍ରସ୍ତୁତକାରୀ କମ୍ପାନୀ ନିଯୁକ୍ତି ଦେବାକୁ ରାଜି ହୋଇ ନ ଥିଲେ। ଏହା ପରେ ସେ ବିଦେଶରେ ଚାକିରି କରିବା ପାଇଁ ମନ ବଳାଇଥିଲେ। ସଂଯୋଗବଶତଃ ସେହି ସମୟରେ ଆଇରିଶ୍‌ ଉଦ୍ୟୋଗୀ ଲେଜ୍‌ ଅଚିନ୍‌କ୍ଲସ୍‌ ତାଙ୍କ ବିଷୟରେ ଶୁଣିବାକୁ ପାଇଥିଲେ। ସେତେବେଳେ ଲେଜ୍‌ଙ୍କ ବାୟୋକନ୍‌ ବାୟୋକେମିକାଲ୍ସ ଭାରତରୁ କଞ୍ଚାମାଲ ଆମଦାନୀ କରୁଥିଲା। ଭାରତରେ ଏହାର ଶାଖା ପ୍ରତିଷ୍ଠା ପାଇଁ ସେ ସମ୍ଭାବ୍ୟ ପାର୍ଟନର ଚାହୁଁଥିଲେ। ସମୟକ୍ରମେ କିରଣ ୧୯୭୮ରେ ଭାରତରେ ବାୟୋକନ୍‌ ପ୍ରତିଷ୍ଠା କରିଥିଲେ। ତେବେ ଏତିକି ବାଟ ଆସିବା ପାଇଁ ତାଙ୍କୁ ବହୁ ଝଡ଼ଝଞ୍ଜା ସହିବାକୁ ପଡ଼ିଥିଲା। କେବଳ ମଦ ସମ୍ପର୍କିତ କମ୍ପାନୀରେ ସୀମିତ ନ ରହି ୧୯୯୮ରେ ବାୟୋଫାର୍ମାରେ ପାଦ ଥାପିଲେ। ସେହି ସମୟରେ ତାଙ୍କର ଭେଟ ହୋଇଥିଲା ଜନ୍‌ ଶ’ଙ୍କ ସହିତ। କିରଣଙ୍କ ବୈଜ୍ଞାନିକ ଚିନ୍ତାଧାରାରେ ପ୍ରଭାବିତ ହୋଇ ଜନ୍‌ ତାଙ୍କୁ ବିବାହ କରିଥିଲେ। ଏବେ ବାୟୋକନ୍‌ ବିଶ୍ୱର ଏକ ଅଗ୍ରଣୀ ବାୟୋଫାର୍ମା କମ୍ପାନୀ ଭାବେ ପ୍ରସିଦ୍ଧି ଲାଭ କରି ବିଭିନ୍ନ ଦୁରାରୋଗ୍ୟ ବ୍ୟାଧି ପାଇଁ ଔଷଧ ତିଆରି କରୁଛି।  


All Right Reserved By

ସମ୍ପାଦକୀୟ |

 ଆଜିର ଅର୍ଥନୀତି/ ଛୋଟ ପଦକ୍ଷେପ

ଆଜିର ଅର୍ଥନୀତି/ ଛୋଟ ପଦକ୍ଷେପ

ପୁଲଓ୍ବାମା ଆକ୍ରମଣର ଦିନକ ପରେ କ୍ଷୁବ୍ଧ ଭାରତ ପାକିସ୍ତାନଠାରୁ ସବୁଠୁ ଅନୁଗୃହୀତ ରାଷ୍ଟ୍ର (ଏମ୍‌ଏଫ୍‌ଏନ୍‌) ମାନ୍ୟତା ପ୍ରତ୍ୟାହାର କରିନେଇଛି। ଏହି ପଡ଼ୋଶୀ ଦେଶକୁ ଆର୍ଥିକ ଓ କୂଟନୈତିକ ସ୍ତରରେ ଏକଘରିଆ କରିବା ପାଇଁ ଭାରତ ନେଇଥିବା କେତେଗୁଡ଼ିଏ ଆକ୍ରମଣାତ୍ମକ ପଦକ୍ଷେପ ମଧ୍ୟରୁ ଏହା ହେଉଛି ପ୍ରଥମ। ତେବେ ପାକିସ୍ତାନକୁ ଏମ୍‌ଏଫ୍‌ଏନ୍‌ ମାନ୍ୟତା ଦେବା ଓ ତାକୁ ପୁଣି..

ଶିଷ୍ୟତ୍ୱର ପରିଭାଷା

ଶିଷ୍ୟତ୍ୱର ପରିଭାଷା

ଡ. ଛାୟାକାନ୍ତ ଷଡ଼ଙ୍ଗୀ

ମଣିଷ ଜନ୍ମରୁ ଅଜ୍ଞାନ ଥାଏ। ବୟସର ବୃଦ୍ଧି ସଙ୍ଗେ ସଙ୍ଗେ ସେ ଅଜ୍ଞାନତାରୁ ମୁକ୍ତ ହୁଏ। ଅଜ୍ଞାନ ଅନ୍ଧକାରରୁ ଜ୍ଞାନାଲୋକକୁ ଯିବା ପାଇଁ ସେ ଜଣେ ପ୍ରାଜ୍ଞ ପୁରୁଷଙ୍କ ଶିଷ୍ୟତ୍ୱ ଗ୍ରହଣ କରେ। ଗୁରୁଙ୍କଠାରୁ ଶିକ୍ଷା ଗ୍ରହଣ କରିବା ସମୟରେ ସେ ଅନେକ ସନ୍ଦେହର ସମ୍ମୁଖୀନ ହୁଏ ଏବଂ ତା’ର ନିରାକରଣ ପାଇଁ ସେ ବିନମ୍ରତା ସହ ଅନେକ ପ୍ରଶ୍ନ ପଚାରେ। ଶେଷରେ ସେ ଯେତେବେଳେ ନିଜକୁ ଗୁରୁଙ୍କ ପାଖରେ ସମର୍ପି ଦିଏ, ଗୁରୁ ତାକୁ ସମୁଚିତ ମାର୍ଗଦର୍ଶନ କରାନ୍ତି ଓ ଶିଷ୍ୟ ନିଜ ସନ୍ଦେହ ନିରାକରଣ ହେଲାପରେ ଗୁରୁ..

ଉତ୍ତରପୂର୍ବ ଭାରତରେ କୃଷ୍ଣପ୍ରେମ

ଉତ୍ତରପୂର୍ବ ଭାରତରେ କୃଷ୍ଣପ୍ରେମ

ଦେବଦତ୍ତ ପଟ୍ଟନାୟକ

ଯେତେବେଳେ କେହି ଭଗବାନ୍‌ କୃଷ୍ଣଙ୍କ କଥା କୁହେ, ସେ ସାଧାରଣତଃ ସୁରଦାସ ଓ ମୀରାବାଈଙ୍କ ପରି ଉତ୍ତରଭାରତୀୟ ପରମ୍ପରା ବା ଆଣ୍ଡାଲ ଓ ଅଲ୍‌ଓ୍ବାରଙ୍କ ଭଳି ଦକ୍ଷିଣଭାରତୀୟ ପରମ୍ପରା ବିଷୟରେ କୁହେ। ଚୈତନ୍ୟ ମହାପ୍ରଭୁ ପୂର୍ବଭାରତରେ କୃଷ୍ଣଭକ୍ତି ପରମ୍ପରାକୁ ଆଗେଇ ନେଇଥିବା ବେଳେ ବଲ୍ଲଭାଚାର୍ଯ୍ୟ ଓ ଧ୍ୟାନେଶ୍ୱର ପଶ୍ଚିମଭାରତୀୟ ପରମ୍ପରାର ମୁଖ୍ୟ ପୁରୋଧା ଥିଲେ। କିନ୍ତୁ ଆମେ କୃଷ୍ଣଭକ୍ତିର ଉତ୍ତରପୂର୍ବ ଭାରତୀୟ (ଆସାମ ଓ ତା’ ଆଗକୁ) ପରମ୍ପରା ପ୍ରତି ସାଧାରଣତଃ କେହି ଧ୍ୟାନ ..

ଏଇ ଭାରତରେ

ଏଇ ଭାରତରେ

ପୁଲଓ୍ବାମା ଆତଙ୍କବାଦୀ ଆକ୍ରମଣରେ ଶହୀଦ୍‌ଙ୍କ ପରିବାରଙ୍କୁ ଦେଶର ବିଭିନ୍ନ ବର୍ଗ ସହାୟତାର ହାତ ବଢ଼ାଇଛନ୍ତି। ଏହି ମର୍ମରେ ଅଜମେର ବଜରଙ୍ଗଗଡ଼ ମାତା ଅମ୍ବେ ମନ୍ଦିରଠାରେ ୭ ବର୍ଷ ଧରି ଭିକ୍ଷାବୃତ୍ତି କରୁଥିବା ବୃଦ୍ଧା ଦେବକୀ ଶର୍ମାଙ୍କ କାର୍ଯ୍ୟ ସୃଷ୍ଟି କରିଛି ଏକ ଉଦାହରଣ। ଦେବକୀ ଦୁନିଆରେ ନ ଥିଲେ ମଧ୍ୟ ତାଙ୍କ ମହାନ୍‌ ଇଚ୍ଛା ତାଙ୍କୁ ଅମର କରି କରିଛି। ମୃତ୍ୟୁ ପୂର୍ବରୁ ଦେବକୀ ଶର୍ମା ..

ପ୍ରାଣୀ ଦେବତା

ପ୍ରାଣୀ ଦେବତା

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଭାରତରେ ବଳିପ୍ରଥା ଏବଂ ଶବରମାନଙ୍କ ପଶୁ ଶିକାର ପ୍ରଥା ଥିଲେ ମଧ୍ୟ ମୋଟାମୋଟି ଭାବେ ଏହା ଏକ ଶାନ୍ତିପୂର୍ଣ୍ଣ ଦେଶ ଥିଲା ଏବଂ ଲୋକମାନେ ପ୍ରାଣୀମାନଙ୍କ ସହ ଏକାଠି ବାସ କରୁଥିଲେ। ଗତ ୫୦ ବର୍ଷ ହେଲା ଏଥିରେ ପରିବର୍ତ୍ତନ ଘଟିଛି। ଏବେ ପ୍ରାଣୀମାନଙ୍କୁ ଆଘାତ ଦେବା ବା ମାରିବାକୁ କେହି ଖରାପ ଭାବୁ ନାହାନ୍ତି। ଯେଉଁ ଦେଶର ସରକାର ଆମ ରପ୍ତାନିର ୫୨% ..

ଅତି ଦୃଶ୍ୟମାନ ସରକାର

ଅତି ଦୃଶ୍ୟମାନ ସରକାର

ଡ. ସୁବାସ ଚନ୍ଦ୍ର ପାତ୍ର

ଏକ ସୁସ୍ଥ, ଆଦର୍ଶ ସମାଜ ଚାହେଁ ସରକାରର ଆତ୍ମସମ୍ବରଣ, ବିଲୋପ ନୁହେଁ, ବରଂ ଏକ ଅଦୃଶ୍ୟ ଉପସ୍ଥିତି। ସହଯୋଗ ନାମରେ ଏବେ ସରକାର ସର୍ବତ୍ର ବିଦ୍ୟମାନ, ସଦା ଦୃଶ୍ୟମାନ। ଆଗରୁ ସହରକୁ ଆସିଲେ ସରକାର ଅଛନ୍ତି ବୋଲି ଜଣାପଡୁଥିଲା। ଗାଁ ଗହଳର ଲୋକେ ନିଜ ଭାଗ୍ୟ, ନିଜ ସ୍ବାଭିମାନ, ନିଜ ସୃଜନଶୀଳତା, ନିଜର ଦକ୍ଷତା ଓ ଜିଇବାର କଳା ନେଇ ଅସୁବି..

ଦିବ୍ୟ ଜନନୀଙ୍କ ପ୍ରେରଣା

ଦିବ୍ୟ ଜନନୀଙ୍କ ପ୍ରେରଣା

ମିତାଲି ମହାନ୍ତି

ଏ ବିଶାଳ ଦୁନିଆରେ ଆମ ପରି ସାଧାରଣ ମଣିଷଙ୍କ ପାଇଁ ଶ୍ରୀମାଙ୍କ ଆଧ୍ୟାତ୍ମିକ ଜୀବନ ଏକ ବତିଘର ସଦୃଶ। ଶ୍ରୀମାଙ୍କ ମୂଳ ନାମ ମୀରା ଆଲ୍‌ଫାସା ଓ ତାଙ୍କ ଜନ୍ମସ୍ଥାନ ସୁଦୂର ଫ୍ରାନ୍ସ ହୋଇଥିଲେ ମଧ୍ୟ ଶ୍ରୀଅରବିନ୍ଦଙ୍କ ଆଧ୍ୟାତ୍ମିକ ଦର୍ଶନରେ ଅନୁପ୍ରାଣିତ ହୋଇ ସେ ଭାରତର ପଣ୍ଡିଚେରୀକୁ ନିଜ କର୍ମକ୍ଷେତ୍ର ଭାବେ ଆଦରି ନେଇ ଲକ୍ଷ ଲକ୍ଷ ଅଧ୍ୟାତ୍ମପିପାସୁଙ୍କୁ ଉଦ୍‌ବୁଦ୍ଧ କରିଛନ୍ତି। ..

ଏଇ ଭାରତରେ

ଏଇ ଭାରତରେ

ଯୌତୁକ ପ୍ରସଙ୍ଗକୁ ନେଇ କନ୍ୟାପିତା ହଟହଟା ହେଉଥିବା ଅନେକ ସମୟରେ ଦେଖିବାକୁ ମିଳେ। ତେବେ ମଧ୍ୟପ୍ରଦେଶର ଦତିଆରେ ଜଣେ କନ୍ୟା ଯୌତୁକଲୋଭୀ ବର ସାଙ୍ଗରେ ଯିବାକୁ ମନାକରି ଏକ ଉଦାହରଣ ସୃଷ୍ଟି କରିଛନ୍ତି। ଦତିଆନିବାସୀ ଦ୍ୱାରିକା ପ୍ରସାଦ..

ସମ୍ପାଦକୀୟ/ ଟ୍ରାଙ୍କୁଲାଇଜର, ବନ୍ଧୁକ

ସମ୍ପାଦକୀୟ/ ଟ୍ରାଙ୍କୁଲାଇଜର, ବନ୍ଧୁକ

ରାଜଧାନୀରେ ବାଘ ବୁଲୁଛିି ବୋଲି ଫେବୃୟାରୀ ୧୮ରେ କଥା ବ୍ୟାପିବା ପରେ ଲୋକେ ଆତଙ୍କିତ ହୋଇପଡ଼ିଥିଲେ। ବିଶେଷକରି ପଳାଶପଲ୍ଲୀ ଅଞ୍ଚଳରେ ଏ ନେଇ କୋକୁଆଭୟ ସୃଷ୍ଟି ହୋଇଥିଲା। ଭୁବନେଶ୍ୱରର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦର ଓ ମୁଖ୍ୟମନ୍ତ୍ରୀଙ୍କ ବାସଭବନ ନବୀନ ନିବାସଠାରୁ  ଚିତାବାଘ ଦୃଶ୍ୟମାନ ହେଉଥିବା  ବ୍ୟକ୍ତିଙ୍କ ଘର ମାତ୍ର ଏକ କିଲୋମିଟର ଅ..

 ନିଆଁ ସଙ୍ଗେ ଖେଳୁଛି ପାକିସ୍ତାନ

ନିଆଁ ସଙ୍ଗେ ଖେଳୁଛି ପାକିସ୍ତାନ

ବିପିନ ବିହାରୀ ମିଶ୍ର 

କଶ୍ମୀରର ପୁଲଓ୍ବାମା ଜିଲାର ଅବନ୍ତିପୁରା ନିକଟରେ ସିଆର୍‌ପି ଗାଡ଼ି ଉପରେ ଯେଭଳି ବିସ୍ଫୋରକ ଦ୍ରବ୍ୟ ଭର୍ତ୍ତିକରି ଏକ କାର ଧକ୍କା ଦେଲା ଓ ସଙ୍ଗେସଙ୍ଗେ ଲୁଚିଥିବା ସନ୍ତ୍ରାସବାଦୀମାନେ ଗୁଳି ଚଳେଇଲେ, ତାହା ସାରା ଦେଶକୁ ବିବ୍ରତ ଓ କ୍ଷୁବ୍ଧ କରିଛି। ଆମେରିକାର ରାଷ୍ଟ୍ରପତି ଟ୍ରମ୍ପ୍‌, ରୁଷ୍‌ର ପୁଟିନ୍‌ ଏବଂ ଫ୍ରାନ୍ସ, ଜର୍ମାନୀ ଓ ଇଂଲଣ୍ଡର ପ୍ରଧାନମନ୍ତ୍ରୀମାନେ ଏହାର ଘୋର ନିନ୍ଦା କରିଛ..

ଭାଷା, ଜାତି ଓ ଜାତୀୟତା

ଭାଷା, ଜାତି ଓ ଜାତୀୟତା

ଡ. ଅନ୍ତର୍ଯ୍ୟାମୀ ମିଶ୍ର

ଭାଷା ହେଉଛି ବ୍ୟକ୍ତି ଓ ଜାତିର ପରିଚୟ। ଭାଷାକୁ ଆଧାର କରି ପୃଥିବୀର ସକଳ ସଭ୍ୟଜାତି ବିକଶିତ ହୋଇଛନ୍ତି। ଭାଷା ହିଁ ଜାତୀୟତାର ପ୍ରଧାନ ପ୍ରତୀକ। କୌଣସି ବଙ୍ଗାଳି ଓଡ଼ିଆ ଭାଷାରେ ନିଜକୁ ପ୍ରକାଶ କରନ୍ତି ନାହିଁ ବା କୌଣସି ଇଂରେଜ ଫରାସୀ ଭାଷାରେ ନିଜକୁ ପ୍ରକାଶ କରନ୍ତି ନାହିଁ। ସଭିଏଁ ନିଜ ନିଜ ଭାଷାରେ ଆପଣାକୁ ପ୍ରକାଶ କରିଥାନ୍ତି। କିନ୍ତୁ ଆମ ଓ..

ଏଇ ଭାରତରେ

ଏଇ ଭାରତରେ

ମାନସିକ ପୂରଣ ପାଇଁ କିଏ କେତେ ପ୍ରକାର ପନ୍ଥା ଅବଲମ୍ବନ କରନ୍ତି। କିନ୍ତୁ ଏଥିପାଇଁ ସମାଧିପୀଠରେ ଜୋତାମାଡ କରାଯିବା କଥା ନିଆରା ନିଶ୍ଚୟ। ଉତ୍ତରପ୍ରଦେଶର ଇଟାଓ୍ବା ଜିଲା ମୁଖ୍ୟ କାର୍ଯ୍ୟାଳୟଠାରୁ ୩ କି.ମି. ଦୂର ଇଟାଓ୍ବା-ବରେଲୀ ରାଜମାର୍ଗ ଉପରେ ଭୋଲୁ ସୟଦ୍‌ଙ୍କର ପୁରୁଣା ମକ୍‌ବରା ରହିଛି। ଏଠାରେ ବାବାଙ୍କ ସମାଧି ଉପରେ ଫୁଲ ନୁହେଁ, ବରଂ ଜୋତାମାଡ଼ କରାଯାଏ। ଶ୍ରଦ୍ଧାଳୁଙ୍କ..