ସମ୍ପାଦକୀୟ |

ପ୍ରକୃତ ନେତା

ପ୍ରକୃତ ନେତା

ଜନାର୍ଦ୍ଦନ ବନ୍ଦ୍ୟୋପାଧ୍ୟାୟ 

ଗୀତାରେ ଅଛି- ”ଯଦ୍‌ ଯଦାଚରତି ଶ୍ରେଷ୍ଠସ୍ତତ୍ତଦେବେତରୋ ଜନାଃ। ସ ଯତ୍‌ ପ୍ରମାଣଂ କୁରୁତେ ଲୋକସ୍ତଦନୁବର୍ତ୍ତତେ।ା“ (୩ା୨୧) ଅର୍ଥାତ୍‌ ଶ୍ରେଷ୍ଠ ବ୍ୟକ୍ତି ଯେଭଳି ଆଚରଣ କରନ୍ତି ସାଧାରଣ ଜନତା ତାହା ଅନୁସରଣ କରନ୍ତି ଏବଂ କୌଣସି ବିଷୟର ଭଲମନ୍ଦ ବିଚାରକରି ନିଜର ବାସ୍ତବ ଅଭିଜ୍ଞତା ଦ୍ୱାରା ସେ ଯାହା ପ୍ରମାଣ କରନ୍ତି ସାଧାରଣ ଜନତା ସେହି ପଥରେ ଚାଲନ୍ତି। ବାସ୍ତବରେ ସମାଜ ସବୁବେଳେ ଏପରି ଜଣେ ନେତା ଆବଶ୍ୟକ କରେ, ଯିଏ ବାସ୍ତବ ଆଚରଣ ଭିତରଦେଇ ଲୋକଙ୍କୁ ଶିକ୍ଷା ଦେଇପାରୁଥିବେ, ପଥପ୍ରଦର୍ଶନ କରିପାରୁଥିବେ। ଶ୍ରୀଶ୍ରୀଠାକୁର ଅନୁକୂଳଚନ୍ଦ୍ର ମଧ୍ୟ କହିଛନ୍ତି, ”ଯିଏ ଆଗେ ଝାମ୍ପ ଦେଇଛି, ଆଗେ ପଥ ଦେଖାଇଛି, ସେ ହିଁ ନେତା, ନତୁବା କେବଳ କଥାରେ କି ନେତା ହୋଇ ହୁଏ?“ (ସତ୍ୟାନୁସରଣ)। ଆଜାଦ ହିନ୍ଦ୍‌ ଫୌଜ ଗଠିତ ହେବା ପରେ ନେତାଜୀ ସୁଭାଷଚନ୍ଦ୍ର ନିଜେ ଜଣେ ସାଧାରଣ ସୈନିକ ଭଳି ରାଇଫଲ ଧରି ସେନା ଛାଉଣୀ ବାହାରେ ରାତିରେ ପହରା ଦେଉଥିଲେ। ଯେଉଁମାନେ ଦେଶର ନେତା, ଲୋକପ୍ରତିନିଧି କିମ୍ବା ରାଷ୍ଟ୍ରନାୟକ ସେମାନଙ୍କର ଆଚରଣ ଏବଂ ବ୍ୟକ୍ତିତ୍ୱ ଦେଶର ଜନଜୀବନକୁ ବହୁ ଭାବରେ ପ୍ରଭାବିତ କରିଥାଏ। ମହାତ୍ମା ଗାନ୍ଧୀ, ନେତାଜୀ ସୁଭାଷଚନ୍ଦ୍ର ପ୍ରମୁଖଙ୍କ ଭଳି ନେତୃବୃନ୍ଦଙ୍କ ଜୀବନାଦର୍ଶ ବହୁ ଲୋକଙ୍କ ଜୀବନକୁ ଉତ୍କର୍ଷମଣ୍ଡିତ କରିପାରିଥିଲା। କିନ୍ତୁ ଆମ ଦେଶର ସାମ୍ପ୍ରତିକ ନେତୃବୃନ୍ଦଙ୍କୁ ଲକ୍ଷ୍ୟ କଲେ ଦେଖାଯାଏ ଅଧିକାଂଶଙ୍କ ଜୀବନ ଆଦର୍ଶହରା, ଅନିୟନ୍ତ୍ରିତ, ନୈତିକତାହୀନ, ପରନିନ୍ଦାପରାୟଣ, ଛନ୍ଦକପଟପୂର୍ଣ୍ଣ, ମିଥ୍ୟାଭାଷଣସର୍ବସ୍ବ, ଏପରିକି ଅନେକ ସ୍ଥଳରେ ଜାତୀୟ ସ୍ବାର୍ଥର ବିରୋଧୀ ହୋଇଉଠିଛି। ଏଭଳି ନେତୃତ୍ୱ ପ୍ରଭାବରେ ଦେଶର ସାଧାରଣ ଜନତାଙ୍କ ଜୀବନ ଏବଂ ଚରିତ୍ର ମଧ୍ୟ କ୍ରମାଗତ ଭାବରେ ନିମ୍ନଗାମୀ ହେବାରେ ଲାଗିଛି। ଯେନତେନ ପ୍ରକାରେ ରାଜନୈତିକ କ୍ଷମତା ହାସଲ କରିବା ଅଥବା କ୍ଷମତାର ସିଂହାସନକୁ ଜାବୁଡ଼ି ଧରିବା, ପରସ୍ପରର କୁତ୍ସାରଟନାରେ ମତ୍ତହେବା, ଲୋକଙ୍କୁ ନାନା ଭାବରେ ପ୍ରଲୋଭିତ ଅଥବା ବିଭ୍ରାନ୍ତ କରି ଜନସମର୍ଥନ ଆଦାୟ କରିବା, ନାନା ପ୍ରକାର ହୀନ ପନ୍ଥା ଅବଲମ୍ବନ କରି ନିର୍ବାଚନରେ ଜୟଲାଭ କରିବା ଆଜି ନେତୃତ୍ୱର ପରିଭାଷା ହୋଇଉଠିଛି।

ଏ ସମ୍ବନ୍ଧରେ ଶ୍ରୀଶ୍ରୀଠାକୁରଙ୍କ ପ୍ରଦତ୍ତ କତିପୟ ଦିଗ୍‌ଦର୍ଶନ ଉଲ୍ଲେଖ କରିବା ସାମ୍ପ୍ରତିକ ପରିସ୍ଥିତିରେ ପ୍ରାସଙ୍ଗିକ ହେବ। ସତ୍ୟାନୁସରଣରେ ସେ କହିଛନ୍ତି (୧) ଆଗେ ଅନ୍ୟ ପାଇଁ ଯଥାସର୍ବସ୍ବ ଢାଳିଦିଅ, (୨) ଦଶଜଣଙ୍କ ପାଦରେ ମଥା ବିକ୍ରୟ କର, (୩) ଆଉ କାହାରି ଦୋଷ ବୋଲି ଦୋଷ ଦେଖିବା ଭୁଲିଯାଅ, (୪) ସେବାରେ ଆତ୍ମହରା ହୁଅ, ତେବେ ନେତା, ତେବେ ଦେଶର ହୃଦୟ, ତେବେ ଦେଶର ରାଜା, ନତୁବା ସେସବୁ କେବଳ ମୁହେଁ ମୁହେଁ ହୁଏନାହିଁ। ଏବଂ ଯଦି ନେତା ହେବାକୁ ଚାହଁ ତେବେ (୫) ନେତୃତ୍ୱର ଅହଂକାର ତ୍ୟାଗ କର, (୬) ନିଜର ଗୁଣଗାନ ଛାଡ଼ିଦିଅ, (୭) ପରହିତରେ ଯଥାସର୍ବସ୍ବ ପଣ କର, (୮) ଆଉ ଯାହା ମଙ୍ଗଳ ଓ ସତ୍ୟ ନିଜେ ତାହା କରି ଦେଖାଅ, (୯) ସମସ୍ତଙ୍କୁ ପ୍ରେମର ସହିତ କୁହ, ଦେଖିବ ହଜାର ହଜାର ଲୋକ ତୁମକୁ ଅନୁସରଣ କରିବେ।

ଆମ ଦେଶର ନେତାମାନେ ବହୁତ ଭଲ ଭଲ କଥା କହନ୍ତି କିନ୍ତୁ ନିଜେ ଆଚରଣ କରନ୍ତି ନାହିଁ। ଦ୍ୱିତୀୟତଃ ସେମାନେ ଧରି ନେଇଛନ୍ତି, ଯେକୌଣସି ଦଳର ନେତା ହେବାକୁ ହେଲେ ଅନ୍ୟ ଦଳ ଏବଂ ଅନ୍ୟ ନେତାଙ୍କର ନିନ୍ଦା ଓ ସମାଲୋଚନା କରିବାକୁ ହେବ। ଜଣେ ନେତା ଅନ୍ୟ ଜଣେ ନେତାଙ୍କୁ ଭଲ କାମ ପାଇଁ ସହଜ ଭାବରେ ପ୍ରଶଂସା କରିବା କ୍ୱଚିତ୍‌ ଦେଖିବାକୁ ମିଳେ। ସେମାନେ ବୁଝନ୍ତି ନାହିଁ ଯେ, ଅଯଥାରେ ଅନ୍ୟର ନିନ୍ଦା କଲେ ନିଜର ମଧ୍ୟ ଅପ୍ରତିଷ୍ଠା ଆସିଥାଏ ଏବଂ ଅନ୍ୟକୁ ସତ୍‌ ଭାବରେ ପ୍ରଶଂସା କରିବା ଦ୍ୱାରା ପ୍ରକାରାନ୍ତରେ ନିଜର ମଧ୍ୟ ପ୍ରତିଷ୍ଠା ଆସିଥାଏ। ଆଉ ଗୋଟିଏ କଥା ହେଲା-ଆତ୍ମପ୍ରଚାର ଅର୍ଥାତ୍‌ ନିଜକୁ ବହୁତ ବଡ଼ କରି ପ୍ରଚାର କରିବା। ଶ୍ରୀଶ୍ରୀଠାକୁର କହିଛନ୍ତି, ଭୁଲରେ ବି ନିଜକୁ ପ୍ରଚାର କରିବାକୁ ଯାଅ ନାହିଁ ବା ନିଜକୁ ପ୍ରଚାର କରିବାକୁ କାହାକୁ ଅନୁରୋଧ କରନାହିଁ। ତା’ହେଲେ ସମସ୍ତେ ତୁମକୁ ଘୃଣା କରିବେ ଆଉ ତୁମଠାରୁ ଦୂରେଇଯିବେ। ସେ କହନ୍ତି, ‘ଯିଏ କଥାରେ କମ୍‌ କାମରେ ବେଶି ସେ ହିଁ ପ୍ରଥମ ଶ୍ରେଣୀର କର୍ମୀ’ (ସତ୍ୟାନୁସରଣ)। ତେଣୁ ଆମର ନେତାମାନେ ଯଦି କେବଳ ପ୍ରଚାରସର୍ବସ୍ବ ନ ହୋଇ ଜନଗଣଙ୍କର ପ୍ରକୃତ ଉନ୍ନତି ଏବଂ ମଙ୍ଗଳ ପାଇଁ କାର୍ଯ୍ୟ କରିଚାଲିବେ ତେବେ ଦେଶର ପ୍ରକୃତ ଉନ୍ନତି ହେବା ସଙ୍ଗେ ସଙ୍ଗେ ଜନମାନସରେ ସେମାନଙ୍କର ଆସନ ମଧ୍ୟ ପକ୍କା ହୋଇଯିବ।

ପ୍ରକୃତ ଜନନେତା ହେବାକୁ ହେଲେ ଜଣକର ଆଦର୍ଶନିଷ୍ଠା, ସେବାପ୍ରାଣତା, ଚରିତ୍ରବତ୍ତା ଏବଂ ନିଜର ଐତିହ୍ୟ, ସଂସ୍କୃତି ପ୍ରତି ଆନୁଗତ୍ୟ ତଥା ସ୍ବଦେଶପ୍ରୀତି ରହିବା ବାଞ୍ଛନୀୟ । ଯେଉଁ ବ୍ୟକ୍ତି କୌଣସି ସତ୍‌ ଆଦର୍ଶ ସହିତ ଯୁକ୍ତ ନୁହନ୍ତି ତାଙ୍କ ନିଜର ଜୀବନ ହିଁ ଅନିୟନ୍ତ୍ରିତ। ତେଣୁ ସେ କିପରି ଅନ୍ୟମାନଙ୍କୁ ନିୟନ୍ତ୍ରଣ କରିପାରିବେ? ଯାହାଙ୍କର କୌଣସି ପଥପ୍ରଦର୍ଶକ ନାହାନ୍ତି ସେ କିପରି ଅନ୍ୟମାନଙ୍କର ପଥପ୍ରଦର୍ଶକ ବା ନେତା ହେବେ? ମୌର୍ଯ୍ୟସମ୍ରାଟ୍‌ ଚନ୍ଦ୍ରଗୁପ୍ତଙ୍କ ଜୀବନରେ ଆଦର୍ଶ ଥିଲେ ମହାପଣ୍ଡିତ ଚାଣକ୍ୟ ଏବଂ ଛତ୍ରପତି ଶିବାଜୀଙ୍କ ଜୀବନର ଆଦର୍ଶ ଥିଲେ ଗୁରୁ ରାମଦାସ। ତେଣୁ ସେମାନେ ସଫଳ ରାଷ୍ଟ୍ରନାୟକ ହୋଇପାରିଥିଲେ। ଅନିୟନ୍ତ୍ରିତ ନେତା ନିଜର ଅନୁଗାମୀମାନଙ୍କୁ ମଧ୍ୟ ବିଧ୍ୱସ୍ତି ଆଡ଼କୁ ନେଇଯାଇଥାନ୍ତି। ଆଦର୍ଶନିଷ୍ଠା ଅଭାବରୁ ଆମ ଦେଶର ନେତାମାନେ ଉଡ଼ା ଚଢ଼େଇ ଭଳି ଏ ଡାଳ ସେ ଡାଳ ହୋଇ ସାରା ଜୀବନ ବିତାଇଦିଅନ୍ତି। ଏଣୁ ଆଜିର ନେତୃବୃନ୍ଦଙ୍କୁ ଶ୍ରୀଶ୍ରୀଠାକୁରଙ୍କର ଅମିୟ ସନ୍ଦେଶ- ”ପରିପୂରଣୀ ଆଦର୍ଶରେ ଅଚ୍ୟୁତିର ସହିତ ସବୁ ରକମରେ ନୀତ ହୁଅ- ତେବେ ତୁମେ ନେତା ହୋଇଉଠିବ, ଆଉ ସେ ନେତୃତ୍ୱରେ ସମସ୍ତଙ୍କୁ ସର୍ବତୋଭାବରେ ଉତ୍କର୍ଷମୁଖର କରି ତୋଳିବ ହିଁ ତୋଳିବ; ତୁମର ସେହି ଆଦର୍ଶାନତି ବିଚ୍ଛୁରିତ ହୋଇ, ସମସ୍ତଙ୍କୁ ତୁମଠାରେ ଆନତ କରି ତୋଳିବ,- ସଂଘବଦ୍ଧ ହେବେ ସମସ୍ତେ- ଶକ୍ତି ପାଇବେ ସମସ୍ତେ- ଶକ୍ତି, ବୃଦ୍ଧି, କାନ୍ତି ଓ ଚେଷ୍ଟା ଉଦ୍‌ବର୍ଦ୍ଧିତ ହୋଇଉଠିବ ସାଫଲ୍ୟରେ।“ (ସମ୍ବିତୀ-୧୪୪)। (୧୦ା୦୨- ଭୁବନେଶ୍ୱର ସତ୍‌ସଙ୍ଗ ମନ୍ଦିର ଉଦ୍‌ବୋଧନ ସ୍ମୃତି-ମହୋତ୍ସବ ଉପଲକ୍ଷେ)

ମୋ-୯୪୩୭୨୮୭୯୬୪

All Right Reserved By

ସମ୍ପାଦକୀୟ |

 ସମ୍ପାଦକୀୟ/ ନ୍ୟାୟାଳୟ ଉପରେ ଛିଟା

ସମ୍ପାଦକୀୟ/ ନ୍ୟାୟାଳୟ ଉପରେ ଛିଟା

ଭାରତୀୟ ନ୍ୟାୟପାଳିକାର ସର୍ବୋଚ୍ଚ ଆସନ ଉପରେ ପୁନର୍ବାର କଳାବାଦଲ ଘୋଟିଯାଇଛି। ବର୍ତ୍ତମାନର ପ୍ରଧାନ ବିଚାରପତି(ସିଜେଆଇ) ରଞ୍ଜନ ଗୋଗୋଇଙ୍କ ସମେତ ବରିଷ୍ଠ ବିଚାରପତି ଜଷ୍ଟିସ୍‌ ଚେଲାମେଶ୍ୱର, ମଦନ ବି ଲକୁର ଏବଂ କୁରିୟନ ଯୋଶେଫ୍‌ ତତ୍‌କାଳୀନ ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ ମାମଲା ବଣ୍ଟନରେ ଅନି..

ତଥ୍ୟ ପ୍ରଦାନରେ ସରକାରଙ୍କ ପଛଘୁଞ୍ଚା

ତଥ୍ୟ ପ୍ରଦାନରେ ସରକାରଙ୍କ ପଛଘୁଞ୍ଚା

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ 

ଲୋକଙ୍କଠାରୁ ତଥ୍ୟ ଲୁଚାଇବାରେ ସରକାରୀ ବିଭାଗଗୁଡ଼ିକ ମଧ୍ୟରେ କେନ୍ଦ୍ର ସରକାରଙ୍କ ପାନୀୟ ଜଳ ଓ ପରିମଳ ମନ୍ତ୍ରଣାଳୟ ବୋଧହୁଏ ସବୁଠୁ ଆଗରେ। ପୂର୍ବ ସରକାର ସମୟରେ ଏହି ବିଭାଗ ଦ୍ୱାରା କାର୍ଯ୍ୟକାରୀ ହେଉଥିବା ଦୁଇଟି ପ୍ରମୁଖ କାର୍ଯ୍ୟକ୍ରମ ଯଥା ରାଷ୍ଟ୍ରୀୟ ଗ୍ରାମ୍ୟ ପାନୀୟ ଜଳ କାର୍ଯ୍ୟକ୍ରମ ଓ ସମ୍ପୂର୍ଣ୍ଣ ପରିମଳ ଅଭିଯାନ ପାଇଁ ଏକ ବଳିଷ୍ଠ ତଥ୍ୟ ପ..

କିଏ ଏଇ ମା’

କିଏ ଏଇ ମା’

ସୁଧିରାଜ ରାଉତ

ବର୍ଷା ମାସ। ଇନ୍ଦ୍ରାବତୀ ଜଳଭଣ୍ଡାର ସାମର୍ଥ୍ୟଠାରୁ ଅଧିକ ଜଳରେ ପୂର୍ଣ୍ଣହୋଇ ମନେହେଉଥିଲା ସତେ ଅବା ଏକ ମାଟିଆ ସମୁଦ୍ର। କୂଳରେ ବନ୍ଧା ହୋଇଥିବା ଡଙ୍ଗାକୁ ଫିଟାଇଦେଇ ବନ୍ଧୁଙ୍କୁ କହିଲି ଭଲ ଫଟୋ ନେବାକୁ। ବନ୍ଧୁ ଫଟୋ ଉଠାଉଥାଏ କିନ୍ତୁ ମୋତେ ନେଇ ଡଙ୍ଗାଟି ଧୀରେ ଧୀରେ ଦୂରେଇ ଯାଉଥାଏ କୂଳରୁ। ରୋକିବାର ମୋ ସକଳ ପ୍ରୟାସକୁ ଉପହାସକରି ଡ୍ୟାମ୍‌ର ରିଟର୍ନ କରେଣ୍ଟରେ ଡଙ୍ଗାଟି କୂଳରୁ ପାଞ୍ଚଶହ ମିଟରରୁ ଅଧିକ ଦୂରକୁ ଚାଲିଗଲା। ମେଘ ହେବାର ସମ୍ଭାବନା, ଆଉ ପବନ ଲ..

ଏଇ ଭାରତରେ

ଏଇ ଭାରତରେ

ଏକ ଗଣତାନ୍ତ୍ରିକ ରାଷ୍ଟ୍ରରେ ଜଣେ ବ୍ୟକ୍ତି ମତଦାନ କରି ଲୋକ ପ୍ରତିନିଧି ବାଛିବା ହେଉଛି ମୌଳିକ ଅଧିକାର। ଏହାକୁ  ଆଦୌ ଅଣଦେଖା କରିବା ଉଚିତ ନୁହେଁ। କିନ୍ତୁ କେତେକ ନାଗରିକ ଭୋଟଦାନରୁ ବିରତ ରହିବାକୁ ପସନ୍ଦ କରିଥାଆନ୍ତି। ସେ..

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ରାଜସ୍ଥାନ ବାର୍ମେର ଜିଲାର ଏକ ନିର୍ବାଚନ ସଭାରେ ଏପ୍ରିଲ ୨୧ରେ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାକିସ୍ତାନକୁ ସମାଲୋଚନା କରି ଭୋଟ ମାଗିଛନ୍ତିି। ସେ କହିଛନ୍ତି, ଦିନେ ଛାଡ଼ି ଦିନେ ପାକିସ୍ତାନ ବାରମ୍ବାର କହିଆସୁଛି ଯେ, ତା’ ପାଖରେ ପରମାଣୁ ବୋମା ରହିଛି। କିନ୍ତୁ ପାକିସ୍ତାନ ମନେରଖିବା ଉଚିତ ଯେ, ଭାରତ ପାଖରେ ଥିବା ପରମାଣୁ ଅସ୍ତ୍ର ଦୀପାବଳି ପାଇଁ ସାଇତା ..

ଲୋକପ୍ରତିନିଧି କାହାନ୍ତି

ଲୋକପ୍ରତିନିଧି କାହାନ୍ତି

ସହଦେବ ସାହୁ

ବିଲାତକୁ ଗଣତନ୍ତ୍ରର ଜନନୀ କୁହାଯାଏ, କିନ୍ତୁ ତାହାର ଲିଖିତ ସମ୍ବିଧାନ ନାହିଁ, କନ୍‌ଭେନ୍‌ସନ୍‌ ବା ପରମ୍ପରା ସମ୍ବିଧାନର କାମ କରୁଛି: ରାଜା ବା ରାଣୀ ବଂଶାନୁକ୍ରମେ ରାଷ୍ଟ୍ରମୁଖ୍ୟ ହେଉଥିବାରୁ ବିଲାତ ରିପବ୍ଲିକ୍‌ ବା ସାଧାରଣତନ୍ତ୍ର ନୁହେଁ। ଆମ ସମ୍ବିଧାନ-ପ୍ରଣେତାମାନେ ବିଲାତ ଢାଞ୍ଚାର କ୍ୟାବିନେଟ ବା ସଂସଦୀୟ ଗଣତନ୍ତ୍ରକୁ ଅନୁକରଣ ..

ସବୁଥିରେ ପଲିଟିକ୍ସ

ସବୁଥିରେ ପଲିଟିକ୍ସ

ସବ୍ୟସାଚୀ ଅମିତାଭ

ଗଣତନ୍ତ୍ର କ୍ଷମତା ଦେଇଛି। ନିଜେ ନିଜର ଶାସନ କରିବାର କଳା ଲୋକଙ୍କୁ ଶିଖାଇଛି। ହେଲେ ବର୍ତ୍ତମାନ ସମୟର ରାଜନୀତି ଗଣତନ୍ତ୍ରକୁ ଧୀରେ ଧୀରେ କବଳିତ କରିସାରିଲାଣି। ସବୁ କଥାରେ ରାଜନୀତି। ଚାଷୀ ମଲେ ରାଜନୀତି, ପୀଡିତା ଆତ୍ମହତ୍ୟା କଲେ ବି ରାଜନୀତି, ପେଟ୍ରୋଲ ଦର ବଢିଲେ ରାଜନୀତି ଆଉ ଆଦର୍ଶ ହେବାର ..

ଏଇ ଭାରତରେ

ଏଇ ଭାରତରେ

ବିହାରର ଭାଗଲପୁର ଅଞ୍ଚଳରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ନିଜ ସ୍ତ୍ରୀଙ୍କୁ ତାଙ୍କ ପ୍ରେମିକ ସହ ବିବାହ କରାଇ ଦେଇଛନ୍ତି। କେବଳ ସେତିକି ନୁହେଁ, ଉପହାର ସ୍ବରୂପ ସେ ନିଜ ଅଢ଼େଇ ବର୍ଷର ପୁଅକୁ ମଧ୍ୟ ସ୍ତ୍ରୀଙ୍କ ହାତରେ ଟେକି ଦେଇଛନ୍ତି। ଏହି ଘଟଣା ଏବେ ଭାଗଲପୁରରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଗାଁର ଅନେକ ଲୋକ ଏହି ବି..

କଲମ୍ବୋ ନିଆଁ

କଲମ୍ବୋ ନିଆଁ

ଦ୍ୱୀପ ଦେଶ ଶ୍ରୀଲଙ୍କାରେ ଦୀର୍ଘ ବର୍ଷ ପରେ ୨୧ ଏପ୍ରିଲ ୨୦୧୯ରେ ଭୟଙ୍କର ଆତଙ୍କ ଦେଖାଦେଇଛି। ରାଜଧାନୀ କଲମ୍ବୋ ଓ ଆଖପାଖ  ଅଞ୍ଚଳର କେତେକ ଚର୍ଚ୍ଚ ଓ ହୋଟେଲରେ ଲଗାତର ୮ଟି ବିସ୍ଫୋରଣରେ ୨୦୭ରୁ ଊର୍ଦ୍ଧ୍ୱ ବ୍ୟକ୍ତିଙ୍କ ପ୍ରାଣହାନି ଘଟିଥିବା ବେଳେ ୪୦୦ରୁ ଅଧିକ ଗୁରୁତର ଆହତ ହୋଇଛନ୍ତି। ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି। ମୃତକଙ୍କ ମଧ୍ୟରେ ୪୦ ବିଦେଶୀ ଥିବା ଖବର ମିଳିଛି। 

ଜୀବ ସୁରକ୍ଷା ପୃଥିବୀ ରକ୍ଷା

ଜୀବ ସୁରକ୍ଷା ପୃଥିବୀ ରକ୍ଷା

୨୦୧୯ର ଧରିତ୍ରୀ ଦିବସ ପାଳନ ଅବସରରେ ଦିଆଯାଇଥିବା ସଚେତନଧର୍ମୀ ଡାକରାଟା ହେଉଛି ‘ସବୁ ଜୀବଙ୍କୁ ସୁରକ୍ଷା ଦିଅ।’ ଆଠ ନିୟୁତ ଜୀବ ଜାତିର ପୃଥିବୀଟା ଆଜି ଜୀବ ବିଲୁପ୍ତି ପଥରେ ଅଗ୍ରସର। ସକଳ ଜୀବଙ୍କ ପ୍ରାଣସୂତ୍ର ପୃଥିବୀ ସେମାନଙ୍କ ପ୍ରାଣରକ୍ଷା ପାଇଁ ମଣିଷକୁ ଆହ୍ବାନ କରୁଛି। ତେବେ ମଣିଷ କ’ଣ ଜୀବ ବିଲୁପ୍ତିର କାରଣ ସାଜିଛି? ମଣିଷ ଆବିର୍ଭାବ ପୂର୍ବରୁ ତ ପୁଣି ପୃଥିବୀ ପାଞ୍ଚ ପାଞ୍ଚ ଥର ସମୂହ ବିଲୋପକୁ ସାମନା କରିଛି। 

କହିବା କାହାକୁ, ଶୁଣିବ କିଏ

କହିବା କାହାକୁ, ଶୁଣିବ କିଏ

ଯେଉଁ କଥାକୁ ଡର ଥିଲା ତାହା ହିଁ ହେଲା। ଆଶା ଥିଲା, ସରକାର ଆଉ କିଛି କରନ୍ତୁ ବା ନ କରନ୍ତୁ, ନିର୍ବାଚନ ସମୟରେ ମଦକୁ ନିଶ୍ଚିତ ନିଷିଦ୍ଧ କରିବେ। ହେଲେ, ହେଲା ଠିକ୍‌ ତା’ର ଓଲଟା। ସରକାରଙ୍କ ଅବକାରୀ ବିଭାଗ ଜୁଲାଇ ୩୧ ତାରିଖ ପର୍ଯ୍ୟନ୍ତ ମଦ ଦୋକାନୀଙ୍କ ଲାଇସେନ୍ସକୁ ନବୀକରଣ କରି ଏ କ୍ଷେତ୍ରକୁ ସବୁଜ ସଙ୍କେତ(?) ଦେଇଛନ୍ତି। ଏଥିପାଇଁ ରାଜ୍ୟ ସରକାର ନୂତନ ଭାବେ ଅବକାରୀ ନୀତି ପ୍ରସ୍ତୁତ କରିଛନ୍ତି। 

ଏଇ ଭାରତରେ

ଏଇ ଭାରତରେ

ଗୁଜରାଟର ରାଜକୋଟ ଜିଲା ଅନ୍ତର୍ଗତ ରାଜସମଦିୟାଲ ଗାଁ ଅନ୍ୟ ଗଁାଗୁଡ଼ିକଠାରୁ ନିଆରା। ନିର୍ବାଚନ ସମୟରେ ସବୁଠି ପ୍ରଚାର ଗାଡି ବୁଲୁଥିବା ବେଳେ ଏହି ଗାଁରେ କିନ୍ତୁ ପ୍ରଚାର କରାଯାଇ ନ ଥାଏ। ଗାଁ ଲୋକଙ୍କ ମତରେ ପ୍ରଚାର କରାଗଲେ ପରିବେଶରେ ଶବ୍ଦ ପ୍ରଦୂଷଣ ବୃଦ୍ଧିପାଇବ। ତେଣୁ ସେମାନେ କୌଣସି ପ୍ରଚାରଗାଡିକୁ ଗାଁ ଭିତରକୁ ପ୍ରବେଶ କରିବାକୁ ଦେଇ ନ ଥାନ୍ତି। 



Model This Week

ତୁଳସୀ ପ୍ରିୟଦର୍ଶିନୀ
Why Dharitri