ଅନ୍ତର୍ଜାତୀୟ |

ପାସଓ୍ବାର୍ଡ ସହ ପରଲୋକରେ ସିଇଓ; ଫସିଗଲା ୧୯୦ ମିଲିୟନ ଡଲାରର କ୍ରିପ୍ଟୋକରେନ୍ସି

ପାସଓ୍ବାର୍ଡ ସହ   ପରଲୋକରେ ସିଇଓ; ଫସିଗଲା ୧୯୦ ମିଲିୟନ ଡଲାରର କ୍ରିପ୍ଟୋକରେନ୍ସି

ଟରେଣ୍ଟୋ,୭-୨:  କାନାଡାର ସର୍ବବୃହତ କ୍ରିପ୍ଟୋକରେନ୍ସି ଏକ୍ସଚେଞ୍ଜ ମଧ୍ୟରେ ଅନ୍ୟତମ କ୍ୱାଡ୍ରିଗା ସିଏକ୍ସ ପାଇଁ ଏବେ ମୁଣ୍ଡବ୍ୟଥା ବଢ଼ିଯାଇଛି। କମ୍ପାନୀର ପ୍ରତିଷ୍ଠାତା ତଥା ସିଇଓ ଗେରାଲ୍ଡ କୋଟେନ ମୃତ୍ୟୁବରଣ କରିଛନ୍ତି। ମାତ୍ର ୩୦ ବର୍ଷ ବୟସରେ ଏହି ଯୁବ ସିଇଓଙ୍କର ଅଚାନକ ମୃତ୍ୟୁ ଯୋଗୁ ଏବେ ନିବେଶକାରୀଙ୍କ ପ୍ରାୟ ୧୯୦ ମିଲିୟନ ଡଲାର ମୂଲ୍ୟର ବିଟ୍‌କଏନ ସମେତ ଅନ୍ୟ କ୍ରିପ୍ଟୋକରେନ୍ସି ଫଶିଯାଇଛି। କାରଣ କେବଳ କୋଟେନ ହିଁ ପାସଓ୍ବାର୍ଡ ଜାଣିଥିଲେ। ଏହି କାରଣରୁ ତାଙ୍କର ମୃତ୍ୟୁ ପରେ କ୍ୱାଡ୍ରିଗା ସିଏକ୍ସ ବନ୍ଦ ହୋଇଯାଇଛି।

କୋଟେନଙ୍କ ମୃତ୍ୟୁ ଖବର ଜାନୁୟାରୀ ୧୪ରେ ମିଳିଥିଲା। କ୍ୱାଡ୍ରିଗା ସିଏକ୍ସ ଏକ୍ସଚେଞ୍ଜର ଫେସବୁକ୍‌ ପେଜ୍‌ରେ ତାଙ୍କ ମୃତ୍ୟୁ ଖବର ଦିଆଯାଇଥିଲା। ଭାରତ ଗସ୍ତରେ ଯାଇଥିବା ଅବସରରେ ଦୂରାରୋଗ୍ୟ କ୍ରୋନ୍ସ ଡିଜିଜ୍‌(ଅଗ୍ନ୍ୟାଶୟ ସମ୍ବନ୍ଧିତ ଏକ ରୋଗ)ରେ ପୀଡିତ ହୋଇ କୋଟେନ ୨୦୧୮ ଡିସେମ୍ବର ୯ରେ ମୃତ୍ୟୁବରଣ କରିଛନ୍ତି ଏବଂ ଭାରତରେ ଅନାଥାଶ୍ରମ ପ୍ରତିଷ୍ଠା ଲାଗି ସେ ସେଠାକୁ ଯାଇଥିଲେ ବୋଲି ଫେସବୁକ୍‌ରେ ଦର୍ଶାଯାଇଛି। ତାଙ୍କର ମୃତ୍ୟୁ ପରେ ଶୀର୍ଷ ସିକ୍ୟୁରିଟି ବିଶେଷଜ୍ଞମାନେ ପାସଓ୍ବାର୍ଡକୁ ଭାଙ୍ଗିବା ଲାଗି ପ୍ରୟାସ କରି ବିଫଳ ହୋଇଛନ୍ତି। ବାଧ୍ୟ ହୋଇ କ୍ୱାଡ୍ରିଗା ସିଏକ୍ସ ଏକ୍ସଚେଞ୍ଜ ଓ କୋଟେନଙ୍କ ପତ୍ନୀ ଜେନିଫର ରବର୍ଟସନଙ୍କ ପକ୍ଷରୁ ଗତ ସପ୍ତାହରେ କାନାଡାର ସୁପ୍ରିମକୋର୍ଟ ଅଫ୍‌ ନୋଭା ସ୍କୋଟିଆରେ କ୍ରେଡିଟ ପ୍ରୋଟେକ୍ସନ ଲାଗି ଏକ ଆବେଦନ କରାଯାଇଥିଲା। ଏହାପରେ ପାସଓ୍ବାର୍ଡ ନ ଥିବା କାରଣରୁ କ୍ରିପ୍ଟୋକରେନ୍ସି ଏକ୍ସଚେଞ୍ଜ ଲକ୍‌ ହୋଇଥିବା ସୂଚନା ପଦାକୁ ଆସିଥିଲା। ମିଡିଆ ରିପୋର୍ଟ ଅନୁଯାୟୀ କ୍ୱାଡ୍ରିଗା ଜରିଆରେ ବିଟ୍‌କଏନ, ଲାଇଟକଏନ, ଇଥ୍ରିରିୟମ କଏନ ଭଳି ଏକାଧିକ କ୍ରିପ୍ଟୋକରେନ୍ସିରେ କାରବାର ହେଉଥିଲା। ଏକ୍ସଚେଞ୍ଜ ଲକ୍‌ ହେବା କାରଣରୁ ପ୍ରାୟ ୧.୧୫ ଲକ୍ଷ ଗ୍ରାହକ ଏହାଦ୍ୱାରା ପ୍ରଭାବିତ ହୋଇଛନ୍ତି। ଏହି ଏକ୍ସଚେଞ୍ଜରେ ପ୍ରାୟ ୩.୬୩ ଲକ୍ଷ ପଞ୍ଜୀକୃତ ଗ୍ରାହକ ରହିଛନ୍ତି। କୋଟେନଙ୍କ ପତ୍ନୀ ଜେନିଫର ଦାଖଲ କରିଥିବା ସତ୍ୟପାଠରେ ଦର୍ଶାଇଛନ୍ତି ଯେ, ତାଙ୍କ ସ୍ବାମୀଙ୍କ ମୁଖ୍ୟ କମ୍ପ୍ୟୁଟରରେ କ୍ରିପ୍ଟୋକରେନ୍ସିର କୋଲ୍ଡ ଓ୍ବାଲେଟ ରହିଛି, ଯାହା କେବଳ ବ୍ୟକ୍ତିଗତ ଭାବେ ଖୋଲାଯାଇପାରିବ। ଏହାର ପାସଓ୍ବାର୍ଡ କେବଳ ସ୍ବାମୀ ହିଁ ଜାଣିଥିଲେ। କିନ୍ତୁ ତାଙ୍କ ମୃତ୍ୟୁ ପରେ ଏହି ଓ୍ବାଲେଟ୍‌ରେ ଥିବା କ୍ରିପ୍ଟୋକରେନ୍ସି ଫସିଯାଇଛି। ସ୍ବାମୀଙ୍କ ବ୍ୟବସାୟ ସହ ଜଡ଼ିତ ନ ଥିବାରୁ ସେ ପାସଓ୍ବାର୍ଡ ଜାଣି ନ ଥିଲେ ବୋଲି ସତ୍ୟପାଠରେ ଜେନିଫର ଦର୍ଶାଇଛନ୍ତି। କୋଟେନଙ୍କ ଅନ୍ୟ ଏକ କମ୍ପ୍ୟୁଟରରୁ କିଛି କଏନ ହାସଲ କରାଯାଇପାରିଛି ବୋଲି ବିଶେଷଜ୍ଞମାନେ ପ୍ରକାଶ କରିଛନ୍ତି। ଏକ୍ସଚେଞ୍ଜର ଆବେଦନକୁ ସୁପ୍ରିମକୋର୍ଟ ମଙ୍ଗଳବାର ମଞ୍ଜୁର କରିଛନ୍ତି ଏବଂ ୩୦ ଦିନ ଭିତରେ ଏହାକୁ ବିକ୍ରି କରିଦେବା ଲାଗି ନିର୍ଦ୍ଦେଶ ଦେଇଛନ୍ତି। ଏଥିଲାଗି ଅର୍ନେଷ୍ଟ ଆଣ୍ଡ ୟଙ୍ଗ କମ୍ପାନୀକୁ ନିଯୁକ୍ତ କରାଯାଇଛି। ଏହି ଘଟଣା ଜଣାପଡିବା ପରେ ନିବେଶକମାନେ କୋଟେନଙ୍କ ମୃତ୍ୟୁକୁ ନେଇ ସନ୍ଦେହ ବ୍ୟକ୍ତ କରିଛନ୍ତି। ସେମାନେ ଏ ସମ୍ପର୍କରେ ସୋସିଆଲ ମିଡିଆ ଜରିଆରେ ବହୁ ପ୍ରଶ୍ନ ଉଠାଇଛନ୍ତି। ଅନ୍ୟପକ୍ଷରେ ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁଯାୟୀ କୋଟେନ ମୃତ୍ୟୁ ପୂର୍ବରୁ ଏକ ଓ୍ବିଲ୍‌ କରିଯାଇଛନ୍ତି, ଯାହାକୁ ତାଙ୍କ ପତ୍ନୀ କାର୍ଯ୍ୟକାରୀ କରିବେ। ଏଥିରେ ସେ ତାଙ୍କର ଅତିପ୍ରିୟ ୨ ପାଳିତ ପଶୁଙ୍କ ପାଇଁ ୧ ଲକ୍ଷ ଡଲାର, ଗୋଟିଏ ବିମାନ, ବ୍ରିଟିଶ କଲମ୍ବିଆ ଓ ନୋଭା ସ୍କୋଟାରେ କିଛି ସମ୍ପତ୍ତି ଛାଡ଼ି ଯାଇଛନ୍ତି। 


All Right Reserved By

ଅନ୍ତର୍ଜାତୀୟ |

ଦୃଷ୍ଟି ବାଧିତ ନାବିକ ପ୍ରଶାନ୍ତ ମହାସାଗର ଯାତ୍ରା କରି କଲେ ରେକର୍ଡ

ଦୃଷ୍ଟି ବାଧିତ ନାବିକ ପ୍ରଶାନ୍ତ ମହାସାଗର ଯାତ୍ରା କରି କଲେ ରେକର୍ଡ

ଟୋକିଓ,୨୦।୪: ଇଛା ଶକ୍ତି ସମ୍ମୁଖରେ ସମସ୍ତ ପ୍ରତିବନ୍ଧକ ହାର ମାନିଥାଏ। ଏଭଳି ଏକ ଉଦାହରଣ ସୃଷ୍ଟି କରିଛନ୍ତି ଜାପାନର ଜଣେ ଦୃଷ୍ଟି ବାଧିତ ନାବିକ। 

ପୁଣି ଜୀବିତ ହୋଇ ପାରିବ ଡେଡ୍‌ ବ୍ରେନ୍‌ କୋଷିକା

ପୁଣି ଜୀବିତ ହୋଇ ପାରିବ ଡେଡ୍‌ ବ୍ରେନ୍‌ କୋଷିକା

ଓ୍ବାଶିଂଟନ,୨୦।୪: ଚିକିତ୍ସା ବିଜ୍ଞାନମାନେ ଏକ ନୂତନ ଜ୍ଞାନକୌଶଳ ବିକଶିତ କରିଛନ୍ତି। ଏହାଦ୍ୱାରା ଡେଡ୍‌ ବ୍ରେନ୍‌ କୋଷିକାକୁ ପୁଣି ଜୀବିତ କରାଯାଇପାରିବ। 

ୟୁଏଇରେ ହିନ୍ଦୁ ମନ୍ଦିରର ଶିଳାନ୍ୟାସ

ୟୁଏଇରେ ହିନ୍ଦୁ ମନ୍ଦିରର ଶିଳାନ୍ୟାସ

ଆବୁ ଧାବି,୨୦।୪: ୟୁଏଇର ଆବୁ ଧାବିରେ ପ୍ରଥମ ହିନ୍ଦୁ ମନ୍ଦିରର ଶିଳାନ୍ୟାସ ପାଇଁ ସମସ୍ତ ପ୍ରସ୍ତୁତି ସରିଛି। ଉକ୍ତ କାର୍ଯ୍ୟକ୍ରମରେ ସ୍ବାମୀନାରାୟଣ ସଂସ୍ଥାର ମହନ୍ତ ସ୍ବାମୀ ମହାରାଜ ଉପସ୍ଥିତ ରହିବେ।

ଭୋପାଳ ଗ୍ୟାସ୍‌ ଲିକ୍‌ ବିଂଶ ଶତାବ୍ଦୀର ଏକ ଦୁଃଖଦ ଘଟଣା: ଜାତିସଂଘ

ଭୋପାଳ ଗ୍ୟାସ୍‌ ଲିକ୍‌ ବିଂଶ ଶତାବ୍ଦୀର ଏକ ଦୁଃଖଦ ଘଟଣା: ଜାତିସଂଘ

ଓ୍ବାଶିଂଟନ,୨୦।୪: ମଧ୍ୟପ୍ରଦେଶର ଭୋପାଳରେ ଘଟିଥିବା ୟୁନିୟନ୍‌ କାର୍ବାଇଡ୍‌ ପ୍ଲାଣ୍ଟ୍‌ରୁ ଲିକ୍‌ ହୋଇଥିବା ମିଥାଇଲ୍‌ ଆଇସୋସିଆନେଟ୍‌ ଗ୍ୟାସ୍‌ ବିଂଶ ଶତାବ୍ଦୀର ଏକ ପ୍ରମୁଖ ଦୁଃଖଦ ଘଟଣା ବୋଲି ଜାତିସଂଘ ପକ୍ଷରୁ ପ୍ରକାଶିତ ଏକ ରିପୋର୍ଟରେ ଉଲ୍ଲେଖ ହୋଇଛି। 

୫ଶହ ଭାରତୀୟଙ୍କୁ ଲିବିୟା ଛାଡିବାକୁ କହିଲେ ସୁଷମା

୫ଶହ ଭାରତୀୟଙ୍କୁ ଲିବିୟା ଛାଡିବାକୁ କହିଲେ ସୁଷମା

ତ୍ରିପୋଲି,୨୦।୪: ଲିବିୟାରେ ଯୁଦ୍ଧ ପରିସ୍ଥିତି ସୃଷ୍ଟି ହେବା ପୂର୍ବରୁ ଦେଶ ଛାଡିବାକୁ ପ୍ରାୟ ୫ଶହ ଭାରତୀୟଙ୍କୁ କହିଲେ ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ବରାଜ। 

ମାଲି ପ୍ରଧାନମନ୍ତ୍ରୀଙ୍କ ଇସ୍ତଫା

ମାଲି ପ୍ରଧାନମନ୍ତ୍ରୀଙ୍କ ଇସ୍ତଫା

ବାମାକୋ,୨୦ା୪ (ଏଏଫ୍‌ପି): ମାଲିରେ ହିଂସା ଦମନ କରିବାରେ ବିଫଳତା ପାଇଁ ପ୍ରଧାନମନ୍ତ୍ରୀ ସୁମିଲୁ ବୁବେୟି ମାଇଗା ନିଜ ମନ୍ତ୍ରିମଣ୍ଡଳ ସହ ଇସ୍ତଫା ପ୍ରଦାନ କରିଛନ୍ତି। 

ବିଶ୍ୱର ସବୁଠାରୁ ଛୋଟ ଶିଶୁ ୭ମାସ ପରେ ଓଜନ ୩ କିଲୋ

ବିଶ୍ୱର ସବୁଠାରୁ ଛୋଟ ଶିଶୁ ୭ମାସ ପରେ ଓଜନ ୩ କିଲୋ

ଟୋକିଓ,୧୯।୪: ବିଶ୍ୱର ସବୁଠାରୁ ଛୋଟ ଶିଶୁପୁତ୍ର ଗତବର୍ଷ ଅକ୍ଟୋବରରେ ଜାପାନରେ ଜନ୍ମଗ୍ରହଣ କରିଥିଲେ। ସେବେଠାରୁ ହସ୍ପିଟାଲରେ ତାଙ୍କର ଚିକିତ୍ସା ଚାଲୁଥିଲା। 

ଲିବିୟାରେ ସଂଘର୍ଷ ଜାରି: ଭାରତୀୟଙ୍କ ପାଇଁ ଜାରି ହେଲା ହେଲ୍‌ପ ଲାଇନ୍‌

ଲିବିୟାରେ ସଂଘର୍ଷ ଜାରି: ଭାରତୀୟଙ୍କ ପାଇଁ ଜାରି ହେଲା ହେଲ୍‌ପ ଲାଇନ୍‌

ତ୍ରିପୋଲି,୧୯।୪: ଲିବିୟାର ରାଜଧାନୀ ତ୍ରିପୋଲିକୁ ଦଖଲ କରିବାକୁ ଲିବିୟା ସେନା ଓ ବାଗି ଜେନରାଲ ହଫ୍‌ଦାରର ଲିବିୟା ନ୍ୟାଶନାଲ ଆର୍ମି ମଧ୍ୟରେ ସଂଘର୍ଷ ଜାରି ରହିଛି। 

ପାକିସ୍ତାନକୁ ଝଟକା: ଏଲ୍‌ଓସିରେ ଅବାଧ କାରବାରକୁ ବନ୍ଦ କଲା ଭାରତ

ପାକିସ୍ତାନକୁ ଝଟକା: ଏଲ୍‌ଓସିରେ ଅବାଧ କାରବାରକୁ ବନ୍ଦ କଲା ଭାରତ

ଶ୍ରୀନଗର,୧୯।୪: ପୁଲଓ୍ବାମା ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ପରିସ୍ଥିତି ଲାଗିରହିଛି। ଏନେଇ ଭାରତ ପାକିସ୍ତାନ ବିରୋଧରେ ବହୁ ପଦକ୍ଷେପ ମଧ୍ୟ ନେଇଛି। 

ଯୌନ ଉତ୍ପୀଡନ ବିରୋଧରେ ଅଭିଯୋଗ କରିବାରୁ ଯୁବତୀଙ୍କୁ ଜିଅନ୍ତା ଜାଳିଦେଲେ

ଯୌନ ଉତ୍ପୀଡନ ବିରୋଧରେ ଅଭିଯୋଗ କରିବାରୁ ଯୁବତୀଙ୍କୁ ଜିଅନ୍ତା ଜାଳିଦେଲେ

ଢାକା, ୧୯।୪: ଯୌନ ଉତ୍ପୀଡନ ବିରୋଧରେ ଅଭିଯୋଗ କରିବାରୁ ଯୁବତୀଙ୍କୁ ଜିଅନ୍ତା ଜାଳିଦେଲେ। ବାଂଲାଦେଶ ଢାକାରେ ଘଟିଛି ଏଭଳି ଅମାନବୀୟ ଘଟଣା। 

ଦୁର୍ଘଟଣାରେ ୨୯ ପର୍ଯ୍ୟଟକ ମୃତ

ଦୁର୍ଘଟଣାରେ ୨୯ ପର୍ଯ୍ୟଟକ ମୃତ

ଲିସବନ୍‌,୧୯ା୪(ଏଏଫ୍‌ପି):ପର୍ତ୍ତୁଗୀଜ  ଦ୍ୱୀପ ମାଦିରାରେ ବସ୍‌ ଦୁର୍ଘଟଣାରେ ୨୯ ଜର୍ମାନ୍‌ ପର୍ଯ୍ୟଟକଙ୍କ ମୃତ୍ୟୁ ଘଟିଛି। 

ରୋବୋକୁ ପ୍ରେମ କରୁଛନ୍ତି ୨୯ ବର୍ଷ ବୟସ୍କ ଯୁବକ: ଖୁବ୍‌ଶୀଘ୍ର କରିବେ ବିବାହ

ରୋବୋକୁ ପ୍ରେମ କରୁଛନ୍ତି ୨୯ ବର୍ଷ ବୟସ୍କ ଯୁବକ: ଖୁବ୍‌ଶୀଘ୍ର କରିବେ ବିବାହ

ଓ୍ବାଶିଂଟନ,୧୮।୪: ମଣିଷ ରୋବୋ ମଧ୍ୟରେ ପ୍ରେମ। ଏହା ସାଧାରଣତଃ ଫିଲ୍ମରେ ଦେଖିବାକୁ ମିଳିଥାଏ। ତେବେ ଆମେରିକାରେ ଜଣେ ୨୯ ବର୍ଷ ବୟସ୍କ ଯୁବକ ଟ୍ରୋଲ୍‌ ନାମକ ଏକ ରୋବୋ ପ୍ରେମରେ ପଡ଼ିଛନ୍ତି।


Model This Week

କ୍ରିଷ୍ଣା
Why Dharitri