ସମ୍ପାଦକୀୟ |

ରୁଷ ବିପ୍ଳବର ଶହେ ବର୍ଷ

ରୁଷ ବିପ୍ଳବର ଶହେ ବର୍ଷ
ଇଂ. ରାଜା ସୁରେଶ ଆଜକୁ ଶହେ ବର୍ଷ ପୂର୍ବେ ଅର୍ଥାତ୍‌ ୧୯୧୭ ମସିହା ନଭେମ୍ବର ୭ ତାରିଖରେ ସର୍ବହରାର ମହାନ୍‌ ନେତା ଲେନିନ୍‌ଙ୍କ ନେତୃତ୍ୱରେ ରୁଷର ଶ୍ରମଜୀବୀ ଜନତା ସେଠାକାର ଶାସକ ସମ୍ରାଟ୍‌ ଜାର୍‌ ଓ ପୁଞ୍ଜିପତି ଶ୍ରେଣୀକୁ ସଶସ୍ତ୍ର ବିପ୍ଳବ ମାଧ୍ୟମରେ କ୍ଷମତାରୁ ହଟାଇ ସେଠାରେ କୃଷକ ଓ ଶ୍ରମିକଙ୍କ ଶାସନ ପ୍ରତିଷ୍ଠା କରିଥିଲେ। ରୁଷର ପୁରୁଣା କ୍ୟାଲେଣ୍ଡର ଅନୁସାରେ ଏହି ଦିନଟି ଅକ୍ଟୋବର ମାସରେ ପଡ଼ୁଥିବାରୁ ଏହା ‘ଅକ୍ଟୋବର ବିପ୍ଳବ’ ନାମରେ ପରିଚିତ। ରୁଷର ଶ୍ରମିକ ଓ କୃଷକମାନେ ସେଦିନ ମାନବ ସମାଜର ଇତିହାସରେ ପ୍ରଥମ ଥର ପାଇଁ ରାଷ୍ଟ୍ର କ୍ଷମତାକୁ ଦଖଲ କରିବା ସହିତ ଏକ ସମାଜବାଦୀ ଶାସନ ବ୍ୟବସ୍ଥା ସ୍ଥାପିତ କରିଥିଲେ। ଏହି ଶାସନ ପ୍ରଥମେ ଜମି ଓ କଳକାରଖାନା ଉପରେ ରହି ଆସିଥିବା ଜମିଦାର ତଥା ପୁଞ୍ଜିପତିମାନଙ୍କ ବ୍ୟକ୍ତିଗତ ମାଲିକାନାକୁ ସମାପ୍ତ କରି ତା’ ଉପରେ କୃଷକ ଓ ଶ୍ରମିକଙ୍କ ସାମୂହିକ ମାଲିକାନା ପ୍ରତିଷ୍ଠା କରିଥିଲା। କମ୍ୟୁନିଷ୍ଟ ପାର୍ଟି ନେତୃତ୍ୱରେ ଶ୍ରମିକ ଓ କୃଷକଙ୍କ ଏହି ସରକାର କିଛିବର୍ଷ ମଧ୍ୟରେ ଦେଶରେ କୁପୋଷଣ, ଅଶିକ୍ଷା ପରି ସମସ୍ୟାର ପରିସମାପ୍ତି ଘଟାଇଥିଲା। ଶ୍ରମିକଶ୍ରେଣୀର ଶାସନରେ ରୁଷରେ ମହିଳାମାନେ ପ୍ରଥମଥର ପାଇଁ ଭୋଟଦାନର ଅଧିକାର ପାଇବା ସହିତ ସମାଜର ସବୁ କ୍ଷେତ୍ରରେ ପୁରୁଷଙ୍କ ସହ ସମାନ ଅଧିକାର ହାସଲ କରିଥିଲେ। ଉପତ୍ାଦନ ତଥା ଅନ୍ୟାନ୍ୟ ସମସ୍ତ ଆର୍ଥିକ ଓ ରାଜନୈତିକ କାର୍ଯ୍ୟରେ ବହୁସଂଖ୍ୟାରେ ମହିଳାଙ୍କ ଯୋଗଦାନକୁ ନିଶ୍ଚିତ କରାଯାଇ ପାରିଥିଲା। ପ୍ରଥମଥର ପାଇଁ ମହିଳାମାନଙ୍କୁ ହାଣ୍ଡିଚୁଲିର ଗୋଲାମିରୁ ମୁକ୍ତ କରିବା ଲକ୍ଷ୍ୟରେ ଦେଶର ସବୁଠି ବଡ଼ ବଡ଼ ସାମୂହିକ ରୋଷେଇଶାଳ, ଲୁଗାସଫା ଲଣ୍ଡ୍ରି ଓ ଶିଶୁଙ୍କ ଯତ୍ନଘର (କ୍ରେଚ୍‌)ର ବ୍ୟବସ୍ଥା ସହ ରୋଷେଇ, ସନ୍ତାନପାଳନ ପରି ଘରୋଇ ଶ୍ରମର ସାମାଜିକୀକରଣ କରାଯାଇଥିଲା। ସମାଜବାଦୀ ଶାସନରେ ରୁଷରେ ସବୁ କ୍ଷେତ୍ରରେ ଅଭୂତପୂର୍ବ ବିକାଶ ହୋଇଥିଲା। ଉପତ୍ାଦନ, ବିଜ୍ଞାନ ଓ ସାଂସ୍କୃତିକ ପ୍ରଗତିରେ ୧୯୧୭ ବେଳକୁ ୨୦ ବର୍ଷ ପଛରେ ରହିଥିବା ରୁଷ ଖୁବ୍‌ କମ୍‌ ସମୟ ଭିତରେ ଦୁନିଆର ମହାଶକ୍ତି ରୂପେ ମୁଣ୍ଡ ଟେକିଥିଲା। କୃଷି ଓ ଶିଳ୍ପ ଉପତ୍ାଦନରେ ସୋଭିଏଟ୍‌ ରୁଷ ବିଶ୍ୱରେ ନୂତନ ରେକର୍ଡ଼ ସୃଷ୍ଟି କରିବା ସହ ବିଜ୍ଞାନ, ଶିକ୍ଷା, ଚିକିତ୍ସା, ପ୍ରତିରକ୍ଷା, ଖେଳ, କଳା ଆଦି ପ୍ରତିଟି କ୍ଷେତ୍ରରେ ବିକାଶର ବେଗ ଏତେ ଦ୍ରୁତ ଥିଲା ଯେ, ଏପରି ସ୍ଥିତି ହାସଲ କରିବାକୁ ଇଂଲଣ୍ଡ, ଜର୍ମାନୀ, ଫ୍ରାନ୍‌ସ ପରି ପାଶ୍ଚାତ୍ୟର ପୁଞ୍ଜିବାଦୀ ଦେଶମାନଙ୍କୁ ଦୁଇ ଶହ ବର୍ଷ ଲାଗିଥିଲା। ପାଶ୍ଚାତ୍ୟ ଦେଶମାନଙ୍କରେ ପୁଞ୍ଜିବାଦୀ ବିକାଶ ସହିତ ଧନୀ ଓ ଗରିବଙ୍କ ମଧ୍ୟରେ ବୈଷମ୍ୟ ବଢ଼ି ଚାଲିଥିବା ବେଳେ ସମାଜବାଦୀ ରୁଷ ବ୍ୟକ୍ତିଗତ ସମ୍ପତ୍ତିର ଉଚ୍ଛେଦ ସହ ପ୍ରତ୍ୟେକ ଲୋକଙ୍କୁ ମାଗଣାରେ ବାସଗୃହ, ଶିକ୍ଷା, ସ୍ବାସ୍ଥ୍ୟସେବା ଆଦି ମୌଳିକ ସୁବିଧା ଯୋଗାଇ ଇତିହାସ ସୃଷ୍ଟି କରିଥିଲା। ବିଶ୍ୱ ରାଜନୀତିରେ ଏହି ଯୁଗାନ୍ତକାରୀ ବିପ୍ଳବର ପ୍ରଭାବ ଏତେ ବ୍ୟାପକ ଥିଲା ଯେ, ଭାରତ ସମେତ ବିଶ୍ୱର ଅଧିକାଂଶ ଦେଶରେ ଶ୍ରମିକଶ୍ରେଣୀ ମାକର୍‌ସବାଦୀ ବିଚାରଧାରା ପ୍ରତି ଆକୃଷ୍ଟ ହୋଇ ନିଜ ନିଜ ଦେଶରେ ସମାଜବାଦ ପ୍ରତିଷ୍ଠା ଲକ୍ଷ୍ୟରେ କମ୍ୟୁନିଷ୍ଟ ପାର୍ଟି ଗଠନ କରିଥିଲେ। ଏସୀୟ ଏବଂ ଆଫ୍ରିକୀୟ ଦେଶମାନଙ୍କରେ ଚାଲିଥିବା ଉପନିବେଶବାଦବିରୋଧୀ ଜାତୀୟ ମୁକ୍ତି ସଂଗ୍ରାମଗୁଡ଼ିକ ସମାଜବାଦୀ ରୁଷର ସମର୍ଥନ ପାଇ ତେଜୀୟାନ୍‌ ହୋଇ ଉଠିଥିଲା। ଚାଇନା ପରି ଅନେକ ଦେଶରେ ଶ୍ରମିକ ଶ୍ରେଣୀ ନେତୃତ୍ୱରେ ହୋଇଥିବା ବିପ୍ଳବକୁ ସୋଭିଏଟ୍‌ ରୁଷର ପ୍ରତ୍ୟକ୍ଷ ସମର୍ଥନ ମିଳିଥିଲା। ରୁଷ ବିପ୍ଳବ ପ୍ରଭାବରେ ଛାନିଆ ହୋଇ ବିଶ୍ୱର ପୁଞ୍ଜିବାଦୀ ଦେଶର ଶାସକମାନେ ନିଜ ଦେଶର ଶ୍ରମିକ ଓ କୃଷକଙ୍କୁ ସମାଜବାଦରୁ ଦୂରେଇ ରଖିବା ପାଇଁ ବିଭିନ୍ନ ଶ୍ରମ ଆଇନ ପ୍ରଣୟନ କରିବା ସହିତ ସାଧାରଣ ଜନତାଙ୍କୁ ସାମାଜିକ ସୁରକ୍ଷା ଓ ରିହାତି ଦେବାକୁ ବାଧ୍ୟ ହୋଇଥିଲେ। ଆମ ଦେଶରେ ବ୍ରିଟିଶ ସରକାର କରିଥିବା ଶ୍ରମ ଆଇନ ସବୁ ରୁଷ ବିପ୍ଳବର ପରିଣତି ହିଁ ଥିଲା। ତେବେ ରୁଷ ବିପ୍ଳବରୁ ସୃଷ୍ଟ ସମାଜବାଦ ବର୍ତ୍ତମାନ ଇତିହାସରେ ପରିଣତ ହୋଇଛି। ଷ୍ଟାଲିନ୍‌ଙ୍କ ମୃତ୍ୟୁ ପରେ ସେଠାକାର ଶାସନ ବ୍ୟବସ୍ଥା ଓ କମ୍ୟୁନିଷ୍ଟ ପାର୍ଟି ଭିତରେ ମୁଣ୍ଡ ଟେକିଥିବା ପୁଞ୍ଜିବାଦୀଙ୍କ ବିଶ୍ୱାସଘାତକତା ଯୋଗୁ ରୁଷରେ ସମାଜବାଦ କ୍ରମଶଃ ଦୁର୍ବଳ ହେବା ସହ ପୁଞ୍ଜିବାଦର ପୁନଃସ୍ଥାପନ ହୋଇଛି, ଯାହାର ପରିଣତି ସ୍ବରୂପ ୧୯୯୧ ମସିହାରେ ସେଠାରେ ସମାଜବାଦୀ ବ୍ୟବସ୍ଥାର ବିଘଟନ ହେବା ସହ ସେହି ଦେଶ ପନ୍ଦର ଭାଗରେ ବିଭକ୍ତ ହୋଇ ଭିନ୍ନ ଭିନ୍ନ ଦେଶରେ ପରିଣତ ହୋଇଛି। ତେବେ ରୁଷରେ ସମାଜବାଦୀ ବ୍ୟବସ୍ଥାର ବିଘଟନ ସହ ଏକ ମହାଶକ୍ତି ଭାବେ ତା’ର ପତନ ଫଳରେ ଆମେରିକା ଏକାଧିପତ୍ୟର ବାଟ ଖୋଲିଥିଲା। ବିଶ୍ୱର ପ୍ରାକୃତିକ ସମ୍ପଦ ଓ ବଜାରକୁ ଲୁଟିବାକୁ ଆମେରିକା, ରୁଷ, ଫ୍ରାନ୍ସ, ଜର୍ମାନୀ, ଇଂଲଣ୍ଡ, ଜାପାନ ଓ ଚାଇନା ପରି ସାମ୍ରାଜ୍ୟବାଦୀ ଶକ୍ତିମାନେ ନିଜ ନିଜ ଭିତରେ ଗଳାକଟା ପ୍ରତିଯୋଗିତାରେ ବ୍ୟସ୍ତ ଥିବା ବେଳେ ତଥା ବିଶ୍ୱର ଅଧିକାଂଶ ସମ୍ପତ୍ତିକୁ ମାତ୍ର କିଛି କର୍ପୋରେଟ୍‌ କରାୟତ୍ତ କରୁଥିବା ବେଳେ ଭାରତ ସମେତ ବିଶ୍ୱର ସାଧାରଣ ଜନତା ଭୟଙ୍କର ଗରିବୀ, ବେକାରି, ଅନାହାର, ପୁଷ୍ଟିହୀନତା, ଅଶିକ୍ଷା, ଯୁଦ୍ଧ ତଥା ଆତଙ୍କର ଶିକାର ହେବାରେ ଲାଗିଛନ୍ତି। ରୁଷ ବିପ୍ଳବର ଶହେ ବର୍ଷ ପରେ ମଧ୍ୟ ଆଜି ବି ତା’ ଦ୍ୱାରା ସୃଷ୍ଟ ସମାଜବାଦୀ ବ୍ୟବସ୍ଥାର ପ୍ରାସଙ୍ଗିକତା ଅକ୍ଷୁଣ୍ଣ ରହିଛି। ମୋ: ୯୪୩୭୧୭୬୩୭୪, rajasureshchandra@gmail.com
All Right Reserved By

ସମ୍ପାଦକୀୟ |

ସମ୍ପାଦକୀୟ/ଚନ୍ଦକା ବଞ୍ଚାଅ

ସମ୍ପାଦକୀୟ/ଚନ୍ଦକା ବଞ୍ଚାଅ

କଟକ ମୁଣ୍ଡଳୀ ନିକଟ ମହାନଦୀରେ ୫ଟି ହାତୀ ଭାସି ଯାଉଥିବା ଖବର ଅକ୍ଟୋବର ୧୫ ସକାଳୁ ବ୍ୟାପିଯିବା ପରେ ଏହି ଦୃଶ୍ୟ ଦେଖିବାକୁ ସ୍ଥାନୀୟ ଅଞ୍ଚଳର ଲୋକଙ୍କ ମଧ୍ୟରେ ଭିଡ଼ ହୋଇଥିଲା। ଏ ବିଷୟରେ ସୂଚନା ପାଇବାରୁ ଆଠଗଡ଼ ଓ ଚନ୍ଦକା ବନଖଣ୍ଡ କର୍ମଚାରୀମାନେ ଘଟଣାସ୍ଥଳରେ ପହଞ୍ଚତ୍ଥିଲେ। ସଙ୍ଗେ ସଙ୍ଗେ ମୁଣ୍ଡଳୀ ବ୍ୟାରେଜ୍‌ର ୪ଟି ଗେଟ୍‌ ବନ୍ଦ କରିଦିଆଯିବାରୁ ଜଳସ୍ରୋତ ହ୍ରାସ ପାଇଥିଲା ଓ ପାଣିରେ ଭାସୁଥିବା ହାତୀ ଉପରକୁ ଉଠି ଆସିଥିଲେ। ...

ପଶୁବଳି : ଏକ ଅମାନବୀୟ ପରମ୍ପରା

ପଶୁବଳି : ଏକ ଅମାନବୀୟ ପରମ୍ପରା

ଡ. ପ୍ରଫୁଲ୍ଲ କୁମାର ସାହୁ

ଆମ ରାଜ୍ୟରେ ପ୍ରମୁଖ ଦେବୀମନ୍ଦିରଗୁଡ଼ିକରେ ଶାରଦୀୟ ପୂଜାର ଏକ ବିଶେଷ ଅଙ୍ଗ ଥିଲା ପଶୁବଳିପ୍ରଥା। ପ୍ରତିବର୍ଷ ଦଶହରା ବେଳେ ଏସବୁ ଶକ୍ତିପୀଠରେ ଲକ୍ଷ ଲକ୍ଷ ପଶୁପକ୍ଷୀଙ୍କୁ ହତ୍ୟା କରାଯାଉଥିଲା ଅତି ବୀଭତ୍ସ ଭାବରେ। ଏଭଳି ଏକ ଅମାନବୀୟ ପରମ୍ପରା ଉପରେ ନ୍ୟାୟାଳୟର ପ୍ରତିବନ୍ଧକ ଲାଗିବା ପରେ ଅଧିକାଂଶ ଦେବୀ ପୀଠରେ ଏବେ ସମ୍ପୂର୍ଣ୍ଣ ବନ୍ଦ ହୋଇଯାଇଛି ପଶୁବଳି। ଅନ୍ୟ କେତେକ ସ୍ଥାନରେ ଏହା ଲୁଚାଛପାରେ ଚାଲିଛି ପରମ୍ପରା ଦାୟରେ। କାରଣ ସଭ୍ୟତା ଯେତେ ଆଗକୁ ଗଲେ ବି ଅନ୍ଧବିଶ୍ୱାସର ଅନ୍ଧଗଳିରୁ ମୁକୁଳିପାରୁନି ...

ଆସ ମା’ ଦୁର୍ଗେ

ଆସ ମା’ ଦୁର୍ଗେ

ଡ. ଭାଗ୍ୟଲିପି ମଲ୍ଲ

କାଶତଣ୍ଡୀର ଶୁଭ୍ର ମେଳଣରେ ଏବେ ସୃଜନର ମୂର୍ଚ୍ଛନା। ପତଳା କୁହୁଡ଼ିଆ ଆକାଶରେ ଜହ୍ନ ପିନ୍ଧିଛି ଧଳାବଉଦର ମାଳ। ଅଧା ଛାଇ ଅଧା ଆଲୁଅର ଖେଳରେ ଆସକ୍ତ ଧରିତ୍ରୀର ଛାତି। ଆକାଶ ଦେଖୁଛି ମୁହଁ ମାଟିଦର୍ପଣରେ। ଠିକ୍‌ ଏଇ ସମୟରେ ଧରାବତରଣ କରୁଛନ୍ତି ମା’ ଦୁର୍ଗା, ଦୁର୍ଗତିନାଶିନୀ। ତାଙ୍କ ଆଗମନର ଆବାହନୀରେ ଭୂମିରୁ ଆକାଶ, ସବୁଠି ଶୁଭ୍ରତାର ସମାରୋହ। ସକଳ ସୃଷ୍ଟିରେ ଶରତର ମଧୁର ଆଶ୍ଳେଷ। ସେହି ଆଶ୍ଳେଷରେ ସମାହିତ ଶକ୍ତି ଏକ ଦିବ୍ୟ ଅନୁଭବ। ସେ ଶକ୍ତି ଜନ୍ମ ଓ ମୃତ୍ୟୁ, ଯନ୍ତ୍ରଣା ଓ ଆନନ୍ଦର କାରଣ। ତା’ ବିନା କିଛି ସମ୍ଭବ ନୁହେଁ। ତେଣୁ କୁହାଯାଏ ସେ ଜନ୍ମ ଓ ମୃତ୍ୟୁର ଊର୍ଦ୍ଧ୍ୱସ୍ଥ ଏକ ଦିବ୍ୟ ସତ୍ତା। ସକଳ ଚେତନାର ଉତ୍ସ। ଆମେ ଆଜି ସେଇ ଉତ୍ସକୁ ଆହ୍ବାନ କରୁଛୁ। ...

ଏଇ ଭାରତରେ

ଏଇ ଭାରତରେ

ଅନ୍ନଚିନ୍ତା ଚମତ୍କାରା। କ୍ଷୁଧା ଓ ଦାରିଦ୍ର୍ୟରେ ପେଷି ହେଉଥିବା ବ୍ୟକ୍ତି ହିତାହିତ ଜ୍ଞାନ ହରାଇବସେ। କ୍ଷୁଧା ପ୍ରପୀଡ଼ିତ ମା’ ପାଖରେ ସ୍ନେହମମତାର ମୂଲ୍ୟ କିଛି ନାହିଁ। ପିଲାଙ୍କ ଭୋକିଲା ପେଟକୁ ଆହାର ଯୋଗାଇପାରୁ ନ ଥିବା ମା’ ସେମାନଙ୍କ ଦୁଃଖକଷ୍ଟ ସହ୍ୟ କରି ନ ପାରି ବିନାଶ କରିଦେବାକୁ ବି ଇଚ୍ଛାକରେ। ଏପରି ଏକ ଦୁଃଖଦ ଘଟଣା ଗୁଜରାଟର ଅହମଦାବାଦଠାରେ ଘଟିଛି। ଗୁଜରାଟର ଭାବନଗର...

ସମ୍ପାଦକୀୟ/ #ମିଟୂ ସପକ୍ଷରେ

ସମ୍ପାଦକୀୟ/ #ମିଟୂ ସପକ୍ଷରେ

ଆମେରିକୀୟ ଅଭିନେତ୍ରୀ ଆଲିସା ମିଲାନୋ ୨୦୧୭ ଅକ୍ଟୋବରରେ  ସୋସିଆଲ ମିଡିଆରେ #ମିଟୂ ନାମରେ ଯେଉଁ ଅଭିଯାନ ଆରମ୍ଭ କରିଥିଲେ ତାହା ଏବେ ଆନ୍ଦୋଳନର ରୂପ ନେଇଛି। କର୍ମସ୍ଥଳୀ ବା ଅତୀତରେ ଯେକୌଣସି ସ୍ଥାନରେ ଯଦି ଜଣେ ମହିଳା ଯୌନ ଶୋଷଣର ଶିକାର ହୋଇଥିବେ, ସେଥିରେ ନିର୍ଯାତନା ଦେଇଥିବା ପୁରୁଷଙ୍କ ମୁଖା ଖୋଲିଦେବା ହେଉଛି ଏହି ଅଭିଯାନର ମୂଳ ଲକ୍ଷ୍ୟ। ଇତିମଧ୍ୟରେ ଶହ ଶହ ଭାରତୀୟ ମହିଳା ସେମାନଙ୍କ ପ୍ରତି ହୋଇଥିବା ଦୁର୍ବ୍ୟବହାରକୁ ସାଧାରଣରେ ପ୍ରକାଶ କରି ରାଜନୀତି, ଗଣମାଧ୍ୟମ ଓ ମନୋରଞ୍ଜନ ଶିଳ୍ପ ସହ ଜଡ଼ିତ  ବିଶିଷ୍ଟ ବ୍ୟକ୍ତିଙ୍କ ଅସଲ ଚେହେରା ଖୋଲିଦେଲେଣି। ସେମାନଙ୍କ ମଧ୍ୟରେ ସାମ୍ବାଦିକରୁ ରାଜନେତା ପାଲଟିଥିବା ବହିର୍ବ୍ୟାପାର ରାଷ୍ଟ୍ରମନ୍ତ୍ରୀ ଏମ୍‌.ଜେ. ଆକବର, ସିନେମା ଦୁନିଆର ନାମକରା ବ୍ୟକ୍ତିତ୍ୱ ନାନା ପାଟେକର, ଆଲୋକ ନାଥଙ୍କ...

ନବୀନ ଆହ୍ବାନ

ନବୀନ ଆହ୍ବାନ

ଜିତେନ୍ଦ୍ର କୁମାର ନାୟକ

ନବୀନ ଏକ ଆହ୍ବାନ। ତାଙ୍କୁ ମାପିବା କଷ୍ଟକର। ଅଳ୍ପ କହୁଥିବାରୁ ଭୁଲ ବାଛି ହେଉନି। ସରଳ ଜୀବନ ବିତାଉଥିବାରୁ ବିବାଦରୁ ଦୂରରେ ଅଛନ୍ତି। ରାଜନୀତିରେ ନବୀନ ଭାବେ ପ୍ରବେଶ କରିଥିଲେ ମଧ୍ୟ ଏକନିଷ୍ଠ କର୍ମ ତାଙ୍କୁ କରିଦେଇଛି ପ୍ରବୀଣ। ପୋଖତ ଓ ପୁରୁଖା ରାଜନେତା ତାଙ୍କ ସଫଳତା ଦେଖି ତଟସ୍ଥ। ପିତା ବିଜୁ ପଟ୍ଟନାୟକଙ୍କଠାରୁ ରାଜନୀତି ଶିକ୍ଷା ପାଇବାର ସୁଯୋଗ ପାଇ ନ ଥିଲେ। ତଥାପି କେମିତି ବିରୋଧୀଙ୍କ ଆଖିରୁ ନିଦ ହଜେଇ ଦେଇପାରୁଛନ୍ତି, ତାହା ଏବେ ଓଡ଼ିଶାବାସୀଙ୍କ ମନରେ ପ୍ରଶ୍ନ ସୃଷ୍ଟି କରିଛି। ଦିନେ ଓଡ଼ିଆ ଓ ଓଡ଼ିଶାର ଲୋକଙ୍କୁ ଜାତୀୟ ଗଣମାଧ୍ୟମରେ ସେଭଳି ଦେଖିବାକୁ ମିଳୁ ନ ଥିଲା। ଆଜି ଅଧିକାଂଶ ସର୍ଭେରେ ସଫଳ ରାଜନେତା, ଶ୍ରେଷ୍ଠ ପ୍ରଶାସ...

ଓଡ଼ିଶାରେ ଶକ୍ତିପୂଜା

ଓଡ଼ିଶାରେ ଶକ୍ତିପୂଜା

ଡ. କିଶୋର ମହାନ୍ତି

ଓଡ଼ିଶା ସର୍ବଧର୍ମ ଓ ସଂସ୍କୃତିର ମହାମିଳନ ପୀଠ।  କିନ୍ତୁ ନିଜସ୍ବ ସଂସ୍କୃତି ଓ ପରମ୍ପରାକୁ ଓଡ଼ିଆ ଜାତି କେବେ ଭୁଲି ଯାଇନାହିଁ। ଓଡ଼ିଶାର ଶାକ୍ତ ପରମ୍ପରା ସୁପ୍ରାଚୀନ। ଓଡ଼ିଶାରେ ରହିଥିବା ଶକ୍ତିପୀଠଗୁଡିକ ତା’ର ଜ୍ୱଳନ୍ତ ପ୍ରମାଣ। ମାତୃକା ପୂଜା ମାନବ ସମାଜ ଯୁଗେ ଯୁଗେ କରିଆସିଛି। ‘ଜନନୀ ଜନ୍ମଭୂମିଶ୍ଚ ସ୍ବର୍ଗାଦପି ଗରୀୟସୀ’କୁ ମୂଳମନ୍ତ୍ର କରି ନିଜ ଜୀବନଧାରାରେ ମା’ର ଅମାପ ସ୍ନେହ ଓ ଶ୍ରଦ୍ଧାଳୁ ...

ଏଇ ଭାରତରେ

ଏଇ ଭାରତରେ

ପକେଟମାରଙ୍କର ବି ପରୋପକାରୀ ଗୁଣ ରହିଛି। ଟଙ୍କାପଇସା ହାତେଇବା ପରେ ଅନ୍ୟ ସାମଗ୍ରୀରେ କୌଣସି ଆବଶ୍ୟକତା ନ ଥିବାରୁ କେତେକେ ସମ୍ପୃକ୍ତ ଲୋକଙ୍କୁ ଏ ସବୁ ଫେରାଇ ଦିଅନ୍ତି। ଏଥିପାଇଁ ସେମାନେ ସିଧାସଳଖ ଯୋଗାଯୋଗ କରନ୍ତି ନାହିଁ। ବରଂ ବିଭିନ୍ନ ମାଧ୍ୟମ ଖୋଜିଥାଆନ୍ତି। ଆଉ ସବୁ ଅପେକ୍ଷା ଡାକବାକ୍ସ ହେଉଛି ସହଜ ଓ ସରଳ ମାଧ୍ୟମ। ଚେନ୍ନାଇର ପକେଟମାରମାନେ ଏହି ସହଜ ମାଧ୍ୟମକୁ...

ଇଣ୍ଡୋନେସିଆରେ ସୁନାମି, ଭାରତରେ ଭୟ

ଇଣ୍ଡୋନେସିଆରେ ସୁନାମି, ଭାରତରେ ଭୟ

୨୦୧୮ ଜୁଲାଇ ଓ ଅଗଷ୍ଟ ମାସର ଭୂକମ୍ପ ପରେ ସେପ୍ଟେମ୍ବର ୨୮ ତାରିଖର ଭୂକମ୍ପ ଥିଲା ଇଣ୍ଡୋନେସିଆରେ ଏ ବର୍ଷର ତୃତୀୟ ତଥା ଶକ୍ତିଶାଳୀ। ଇଣ୍ଡୋନେସିଆରେ ଛୋଟ-ବଡ଼ ଭୂକମ୍ପ ସାଧାରଣ କଥା।

ସମ୍ଭ୍ରାନ୍ତ ଠାଣି

ସମ୍ଭ୍ରାନ୍ତ ଠାଣି

ଅକ୍ଟୋବର ୧୩ ଅପରାହ୍ଣ ୪ଟା ୪୫ ମିନିଟ୍‌ରେ ଦିଲ୍ଲୀ ନିକଟସ୍ଥ ଗୁଡ୍‌ଗାଓଁର ଜିଲା କୋର୍ଟ ଭିତରେ ଅତିରିକ୍ତ ଦୌରା ଜଜ୍‌ କ୍ରିଷ୍ଣକାନ୍ତ ଶର୍ମା ଅନ୍ୟ ଜଣେ ବିଚାରପତିଙ୍କ ସହ କଥା ହେଉଥିବା ବେଳେ ତାଙ୍କ ମୋବାଇଲ୍‌ ଫୋନ୍‌କୁ ଏକ କଲ୍‌ ଆସିଲା। ଫୋନ୍‌ କରିଥିବା ବ୍ୟକ୍ତି ଥିଲେ କ୍ରିଷ୍ଣକାନ୍ତଙ୍କ ବ୍ୟକ୍ତିଗତ ସୁରକ୍ଷାକର୍ମୀ ମହିପାଲ ସିଂ।

 ବିବାଦରେ ଆକବର

ବିବାଦରେ ଆକବର

ଆକାର ପଟେଲ

ପ୍ରାୟ ୨୫ ବର୍ଷ ତଳେ ମୁଁ କାର୍ଯ୍ୟ ଅନ୍ବେଷଣରେ ସୁରତରୁ ବମ୍ବେ (ସେତେବେଳେ ମୁମ୍ବାଇ ନାଁ ହୋଇ ନ ଥିଲା) ଆସିଲି। ଆମ ପାରିବାରିକ ବ୍ୟବସାୟ ‘ପଲିଷ୍ଟର ପୋଷାକ ତିଆରି’ ଆଉ ଚାଲିଲା ନାହିଁ। ମୁଁ ଟେକ୍ସଟାଇଲ ବିଦ୍ୟାରେ ଡିପ୍ଲୋମା କରିଥିଲି। ବିଦ୍ୟାଳୟ ଶିକ୍ଷା ପରେ ଏହି ଡିପ୍ଲୋମା କରିବାରେ ମୋର ଦୁଇବର୍ଷ ଚାଲିଗଲା। ସୁତରାଂ କୌଣସି ଅଫିସ ଚାକିରି ପାଇଁ ମୋର ଶିକ୍ଷାଗତ ଯୋଗ୍ୟତା ନ ଥିଲା। ଜଣେ ...

ଶ୍ୱେତକେତୁ, ବିଛୁଆତି ଓ ଧାରା-୪୯୭

ଶ୍ୱେତକେତୁ, ବିଛୁଆତି ଓ ଧାରା-୪୯୭

ପ୍ରକାଶ ତ୍ରିପାଠୀ

ଶୁଣିଥିବା ଏକ ପୌରାଣିକ କଥାବସ୍ତୁରୁ ଆଲେଖ୍ୟଟିକୁ ଆରମ୍ଭ କରୁଛୁ। ଋଷି ଉଦ୍ଦାଳକ ଓ ତାଙ୍କ ପୁତ୍ର ଶ୍ୱେତକେତୁ ନିଜ ଆଶ୍ରମ ସନ୍ନିକଟରେ ବସି କୌଣସି ଏକ କାର୍ଯ୍ୟ ସମ୍ପାଦନ କରୁଥିଲେ। ଆଶ୍ରମରେ ସେତେବେଳେ ଉଦ୍ଦାଳକଙ୍କ ପତ୍ନୀ ଏକୁଟିଆ ଥିଲେ। ଏହି ସମୟରେ ଜଣେ ବ୍ୟକ୍ତି ଆଶ୍ରମ ଭିତରକୁ ପ୍ରବେଶ କରି ଉଦ୍ଦାଳକଙ୍କ ପତ୍ନୀଙ୍କୁ ଧରି ପଳାୟନ କଲେ। ଉଭୟ ପିତା ଓ ପୁତ୍ରଙ୍କ ଆଖି ସାମ୍ନାରେ ଘଟଣାଟି ...