ସମ୍ପାଦକୀୟ |

ଭିଗନ୍‌ଙ୍କ ପାଇଁ ବ୍ୟବସାୟ ସୁଯୋଗ

ଭିଗନ୍‌ଙ୍କ ପାଇଁ ବ୍ୟବସାୟ ସୁଯୋଗ

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଭି ଗନ୍‌ (ଶୁଦ୍ଧ ନିରାମିଷାଶୀ, ଯେଉଁମାନେ ଆମିଷ, କ୍ଷୀର, ମହୁ ପ୍ରଭୃତି ଖାଆନ୍ତି ନାହିଁ କିମ୍ବା କୌଣସି ପ୍ରକାର ପ୍ରାଣିଜ ଦ୍ରବ୍ୟ ବ୍ୟବହାର କରନ୍ତି ନାହିଁ)ଙ୍କ ପାଇଁ ବ୍ୟବସାୟ ସୁଯୋଗ ସମ୍ପର୍କରେ ଏହା ମୋର ତୃତୀୟ ନିବନ୍ଧ। ପ୍ରଥମ ଦୁଇଟି ଥିଲା କିପରି ଭିଗନ୍‌ ସାମଗ୍ରୀର ଉତ୍ପାଦନ, ବିପଣନ କରାଯିବ ଓ ସେବା ଯୋଗଯିବ, ତା’ ଉପରେ ପର୍ଯ୍ୟବସିତ। ଏ ନିବନ୍ଧଟି ମୁଁ ଭିଗନ୍‌ ହୋଟେଲ ଓ ରିଟ୍ରିଟ୍‌ (ଏକାନ୍ତ ବାସ ପାଇଁ ଉପଯୁକ୍ତ ସ୍ଥାନ) ଉପରେ ଲେଖୁଛି। 

ବେଡ୍‌ ଆଣ୍ଡ୍‌ ବ୍ରୋକୋଲି (ହୋଟେଲ)- www.bedandbroccoli.com.au ହେଉଛି ଅଷ୍ଟ୍ରେଲିଆର ଭିଗନ୍‌ ବେଡ୍‌ ଆଣ୍ଡ୍‌ ବ୍ରେକ୍‌ଫାଷ୍ଟ (ଏକ ପ୍ରକାର ହୋଟେଲ ଯେଉଁଠି ରାତିରେ ରହିବା ଓ ସକାଳେ ଜଳଖିଆ ଖାଇବାର ବ୍ୟବସ୍ଥା ଥାଏ)। ଏହା ଶୁଦ୍ଧ ନିରାମିଷ ଖାଦ୍ୟ, ସସ୍‌, ଜାମ୍‌, ଚଟଣି, ସାବୁନ, ଭିଗନ୍‌ ସଫାକରା ସାମଗ୍ରୀ ପ୍ରଭୃତି ଯୋଗେଇଥାଏ ଏବଂ ପ୍ରାଣୀମାନଙ୍କ ହିତାର୍ଥେ କାମ କରନ୍ତି।  ତା’ଛଡ଼ା ସେମାନେ ପରିତ୍ୟକ୍ତ ପ୍ରାଣୀମାନଙ୍କୁ ଉଦ୍ଧାର କରନ୍ତି। ପ୍ରତ୍ୟେକ ଗ୍ରାହକ ସେଠାରେ ମେଳାପି କୁକୁର ଓ ବିରାଡ଼ିମାନଙ୍କ ସଙ୍ଗଲାଭ କରିବାର ଅନୁଭୂତି ପାଇପାରିବେ।  ଏହାର ମାଲିକଙ୍କ କହିବା ଅନୁସାରେ, ସେ ନିଜେ ଜଣେ ଭିଗନ୍‌। ସେ ଯୁଆଡ଼େ ଯାଆନ୍ତି, କେଉଁଠି ବି ଭିଗନ୍‌ଙ୍କ ଉପଯୋଗୀ ରହିବା ଓ ଖାଇବାର ସୁବିଧା ପାଆନ୍ତି ନାହିଁ। ତେଣୁ ସେ ବ୍ୟବସାୟ ଉଦ୍ଦେଶ୍ୟରେ ଏହି ବେଡ୍‌ ଆଣ୍ଡ୍‌ ବ୍ରୋକୋଲି ଆରମ୍ଭ କରିଛନ୍ତି। 

ସାରା ପୃଥିବୀରେ ଏପରି ହଜାର ହଜାର ଛୋଟ ହୋଟେଲ ଅଛି। ନିରାମିଷାଶୀ ହୋଟେଲଗୁଡ଼ିକ ପାଇଁ ଗୋଟିଏ ଓ୍ବେବ୍‌ସାଇଟ ଅଛି, ଯାହାକୁ ଦୁଇଜଣ ଜର୍ମାନ୍‌ ବ୍ୟକ୍ତି ଆରମ୍ଭ କରିଥିଲେ। ମୁଁ ଏବେ ଗୁଗ୍‌ଲରେ ଭିଗନ୍‌ ହୋଟେଲ ବୋଲି ସର୍ଚ୍ଚ ମାରିବାରୁ ୧୨.୪୦ କୋଟି ଫଳାଫଳ ପାଇଲି। ସବା ଉପରେ ଥିଲା veganhotels.com ଏବଂ ଏଥିରେ ଖୁବ୍‌ ସୁନ୍ଦର ସୁନ୍ଦର ସ୍ଥାନର ବିଜ୍ଞାପନ ଦିଆଯାଇଛି। ଭାରତ ମହାସାଗର, ମାଳଦ୍ୱୀପ ପ୍ରଭୃତି ସମେତ ଏପରି ସ୍ଥାନର ବିଜ୍ଞାପନ ଅଛି, ଆପଣ ଭାବିବେ ସେଠାରେ ଆମିଷ ଛଡ଼ା ଅନ୍ୟ କିଛି ଖାଦ୍ୟ ମିଳୁ ନ ଥିବ। କିନ୍ତୁ ସେଠି ଏପରି ସବୁ ରୁଚିକର ଭିଗନ୍‌ ଖାଦ୍ୟ ମିଳୁଛି, ଯାହା ମାଂସାଶୀମାନଙ୍କ ଖାଦ୍ୟାଭ୍ୟାସ ବଦଳାଇଦେଇ ପାରିବ। ଯଦି ଆପଣ ଭାରତରେ ଏପରି ହୋଟେଲ ଆରମ୍ଭ କରନ୍ତି, ତେବେ ନିଶ୍ଚୟ ଏହି ସାଇଟ୍‌ରେ ନିଜ ନାମ ପଞ୍ଜୀକରଣ କରିବେ। ଆପଣ ମଧ୍ୟ ଭିଗନ୍‌ ନେଚର ରିଟ୍ରିଟ୍‌ ଆରମ୍ଭ କରିପାରିବେ, ଯେଉଁଥିରେ ସ୍ବାସ୍ଥ୍ୟକର ଭିଗନ୍‌ ଖାଦ୍ୟ ଆଦି ଯୋଗାଇବା ସହିତ କର୍ମଶାଳା, ଧ୍ୟାନ, ଫିଟ୍‌ନେସ କେନ୍ଦ୍ର, ସ୍ପା ଓ ଚାଲିବାର ବନ୍ଦୋବସ୍ତ କରିପାରିବେ। ଆପଣ ସେଠାରେ ତେଲ ଓ ଅନ୍ୟ ଉତ୍ପାଦ ବିକ୍ରି କରିପାରିବେ, ଯାହା ପ୍ରାଣୀଙ୍କଠାରେ ପରୀକ୍ଷା କରାଯାଇ ନ ଥିବ। କିନ୍ତୁ ଆପଣ ସେଠାରେ କ୍ଷୀର ବା କୌଣସି ପ୍ରକାର କ୍ଷୀର ଜାତୀୟ ଖାଦ୍ୟ ବ୍ରକି କରିବେ ନାହିଁ, କାରଣ ତାହା ଭିଗନ୍‌ ନୁହେଁ। ଆପଣ ମଧ୍ୟ ଉକ୍ତ ରିଟ୍ରିଟ୍‌କୁ ସୌରଶକ୍ତିରେ ଚଳାଇବାର ବ୍ୟବସ୍ଥା କରିପାରିବେ। 

ଆପଣ ଯଦି ଭିଗନ୍‌ ହୋଇଥାନ୍ତି, ତେବେ ଆପଣ ନିଜ ରହିବା ଘରକୁ ଭିଗନ୍‌ ଯାତ୍ରୀଙ୍କ ରହିବା ପାଇଁ ଦେଇପାରିବେ। ଟଙ୍କା ଉପାର୍ଜନର ଆଉ ଗୋଟିଏ ବାଟ ହେଲା, ଗ୍ରୀଷ୍ମ ଓ ଶୀତ ଛୁଟିରେ ପିଲାମାନଙ୍କ ପାଇଁ ଭିଗନ୍‌ କ୍ୟାମ୍ପର ବ୍ୟବସ୍ଥା କରିବା। କାର୍ଯ୍ୟକ୍ରମର ତାଲିକା ଅନୁଯାୟୀ ଏହି କ୍ୟାମ୍ପ ଦୁଇଦିନ ବା ଦୁଇସପ୍ତାହ ପାଇଁ କରାଯାଇପାରେ। ପର୍ବତାରୋହଣ, ପାହାଡ଼ିଆ ରାସ୍ତାରେ ଓ ସହରରେ ପଦଯାତ୍ରା ଆଦି କାର୍ଯ୍ୟକ୍ରମ ମଧ୍ୟରେ ଅନ୍ତର୍ଭୁକ୍ତ ହୋଇପାରେ। ଏସବୁ କାର୍ଯ୍ୟକ୍ରମ ଓ ଶୁଦ୍ଧ ନିରାମିଷ ଖାଦ୍ୟ ଗ୍ରହଣ ଛଡ଼ା ଭିଗନ୍‌ ପିଲାମାନେ ପରସ୍ପର ସହ ପରିଚିତ ହୋଇପାରିବେ ଏବଂ ସଚେତନ ଜୀବନଚଳନ ସମ୍ବନ୍ଧରେ ଶିକ୍ଷାଲାଭ କରିପାରିବେ। ଫିଲ୍ମ ଜରିଆରେ ସ୍ବାସ୍ଥ୍ୟକର ଖାଦ୍ୟ ସମ୍ବନ୍ଧରେ ପିଲାମାନଙ୍କୁ ଶିକ୍ଷା ଦିଆଯାଇପାରିବ। ଏପରି କାର୍ଯ୍ୟକ୍ରମ କିପରି ପରିଚାଳନା କରିବେ ସେ ସମ୍ବନ୍ଧରେ ଜାଣିବା ପାଇଁ kidsmakeadifference.org ଓ vegancamp.org ଓ୍ବେବ୍‌ସାଇଟ ଦୁଇଟିର ସାହାଯ୍ୟ ନେଇପାରନ୍ତି। ବିଦେଶରେ ଏପରି କ୍ୟାମ୍ପ ଶହ ଶହ ପିଲାଙ୍କୁ ଭିଗନ୍‌ରେ ପରିଣତ କରିପାରିଛି। 

ୟୁଥ୍‌ ଏମ୍ପାଓ୍ବାର୍ଡ ଆକ୍ସନ କ୍ୟାମ୍ପ - www.yeacamp.org - ହେଉଛି ପୃଥିବୀରେ ପରିବର୍ତ୍ତନ ଆଣିବାକୁ ଚାହୁଁଥିବା ୧୨ରୁ ୧୭ ବର୍ଷୀୟ ତରୁଣମାନଙ୍କର ଏକ ସମର କ୍ୟାମ୍ପ। ଏହି କ୍ୟାମ୍ପରେ ଯୁବ କର୍ମୀମାନଙ୍କୁ ବିଭିନ୍ନ ଜ୍ଞାନ, କୌଶଳ, ଆତ୍ମବିଶ୍ୱାସ ସମ୍ବନ୍ଧରେ ତାଲିମ ଦିଆଯାଏ ଏବଂ ଏଠାରେ କେବଳ ଭିଗନ୍‌ ଖାଦ୍ୟ ପରଷାଯାଏ। ଯଦିଚ ଏହା ଏକ ଆମେରିକୀୟ ସଂସ୍ଥା, ଭାରତରେ ବି ଏପରି ସଂସ୍ଥା ଖୋଲାଯାଇପାରିବ। ବିଭିନ୍ନ ସାମାଜିକ ମଙ୍ଗଳକାରୀ ସଂସ୍ଥା ଯଥା ଅଣଲାଭକାରୀ ସଂସ୍ଥା, ଡକ୍ୟୁମେଣ୍ଟାରୀ ଫିଲ୍ମ, ପ୍ରାଣୀ ସପକ୍ଷ ଅଭିଯାନ, ପୁସ୍ତକ, ସ୍ବାସ୍ଥ୍ୟ/କଲ୍ୟାଣ ଓ ଭିଗନ୍‌ ଉତ୍ପାଦ ପ୍ରଭୃତି ଲାଗି ସେବା ଯୋଗାଣ ନିମନ୍ତେ ଇଭଲୋଟସ୍‌ ପବ୍ଲିକ୍‌ ରିଲେଶନ ଏଜେନ୍ସି ଆରମ୍ଭ କରାଯାଇଥିଲା। ସେମାନଙ୍କର ଉଦ୍ଦେଶ୍ୟ ହେଲା ଏକ ଉନ୍ନତ ଓ ଶାନ୍ତିପୂର୍ଣ୍ଣ ବିଶ୍ୱ ଗଠନ ନିମନ୍ତେ ସମଧର୍ମା ସଂସ୍ଥା ଓ ବ୍ୟବସାୟଗୁଡ଼ିକ ଯେପରି ପରସ୍ପର ଭିତରେ ଭାବର ଆଦାନପ୍ରଦାନ କରିବେ ଏବଂ ସମସ୍ତଙ୍କର ଦୃଷ୍ଟି ଆକର୍ଷଣ କରିପାରିବେ। 

ଶ୍ୱେତା ଠାକୁର ବାଙ୍ଗାଲୋରରେ ଗ୍ରାଫିଟି କୋଲାବୋରେଟିଭ୍‌ ନାମରେ ଏକ ଜନସମ୍ପର୍କ କମ୍ପାନୀ ଆରମ୍ଭ କରିଛନ୍ତି। ଏଥିରେ ସଫଳତା ପାଇବା ପରେ ସେ ନିଜେ ଭିଗନ୍‌ ହେବା ସହ ତାଙ୍କ ସଂସ୍ଥାକୁ ଭିଗନ୍‌ କମ୍ପାନୀ ଓ ଉତ୍ପାଦଗୁଡ଼ିକର ପ୍ରସାର କାର୍ଯ୍ୟରେ ଲଗାଇଛନ୍ତି।  କିଛିମାସ ତଳେ ସେ ମୋତେ ଦେଖାକରିବାକୁ ଆସିଥିଲେ। ଏହାପରେ ମୁଁ ସ୍ଥିର କଲି ଆମ ମନ୍ତ୍ରଣାଳୟ ଦ୍ୱାରା ପରିଚାଳିତ ଜୈବ ମେଳାରେ ଭିଗନ୍‌ ଦୋକାନ ଖୋଲିବାକୁ। ବର୍ତ୍ତମାନ ଓ୍ବାଇଲ୍‌ଡରଫେଷ୍ଟ ନାମକ ତାଙ୍କର ଏକ ସ୍ଥାୟୀ ଭିଗନ୍‌ ମେଳା ଅଛି। ପ୍ରଥମେ ବାଙ୍ଗାଲୋରରେ ସେ ଏହା ଆରମ୍ଭ କରିଥିବା ବେଳେ ବର୍ତ୍ତମାନ ଦିଲ୍ଲୀର ସିଲେକ୍ଟସିଟି ମଲ୍‌ରେ ବି ଏକ ମେଳା ଆରମ୍ଭ କରିଛନ୍ତି, ଯେଉଁଥିରେ ଶହ ଶହ ଭିଗନ୍‌ ଉତ୍ପାଦ ବିକ୍ରି ହେଉଛି। ତା’ ଛଡ଼ା ସେ ବିଭିନ୍ନ ଆନିମଲ ଗ୍ରୁପ୍‌ ଓ ଡକ୍ୟୁମେଣ୍ଟାରୀ ଫିଲ୍ମ ଫେଷ୍ଟିଭାଲ ପାଇଁ ଜନସମ୍ପର୍କର ଆୟୋଜନ କରନ୍ତି। ମଣିଷ ଦୁଃଖ ପାଏ ସେତେବେଳେ, ଯେତେବେଳେ ସେ ନିଜେ ଯାହା ନୁହେଁ, ତାହା କରେ, ଯେମିତି ଜୈନମାନେ ଜେଲାଟିନ୍‌ ବିକ୍ରି କରୁଛନ୍ତି। 

ଭିଗନ୍‌ ଏଜ୍‌ କନ୍‌ସଲ୍‌ଟିଙ୍ଗ୍‌ - simon@veganedgeconsulting.com - ସାରା ବିଶ୍ୱରେ ପରିଚାଳିତ ଏକ ବ୍ୟବସାୟିକ ବିକାଶ ଓ ବିପଣନ ସଂସ୍ଥା, ଯାହା ଭିଗନ୍‌ ବ୍ୟବସାୟ ଓ ଉଦ୍ୟୋଗଗୁଡ଼ିକ ପାଇଁ କାମ କରୁଛି। ସେମାନେ ବ୍ୟବସାୟିକ ଷ୍ଟ୍ରାଟେଜି ଓ ପ୍ଲାନିଂ, ବ୍ରାଣ୍ଡିଂ ଓ ମାର୍କେଟିଙ୍ଗ୍‌, ଓ୍ବେବ୍‌ ଡେଭ୍‌ଲପ୍‌ମେଣ୍ଟ ଓ ଗ୍ରାଫିକ୍‌ ଡିଜାଇନ୍‌ ସେବା ଯୋଗାଉଛନ୍ତି। ସେମାନେ ମଧ୍ୟ ଅନେକ ଭିଗନ୍‌ ଫେସ୍‌ବୁକ୍‌ ପେଜ୍‌: ଭିଗନ୍‌ ବିଜ୍‌ନେସ୍‌ ଗାଇଡ୍‌, ଟରଣ୍ଟୋ ଭିଗନ୍‌ ଗାଇଡ୍‌ ପ୍ରଭୃତି ଖୋଲିଛନ୍ତି। ଭିଗନ୍‌ ହୁଅନ୍ତୁ ଓ ଭିଗନ୍‌ କୁଶଳୀ ହୁଅନ୍ତୁ। ଭାରତରେ ବି ଏପରି ଆର୍ଥିକ ସେବା ଯୋଗାଣ ସଂସ୍ଥା ଆରମ୍ଭ କରାଯାଇପାରିବ। ଆଉ କିଛି କାମ ଅଛି, ଯେଉଁଥିରେ ଆପଣଙ୍କୁ ଖୁବ୍‌ ବେଶି ପୁଞ୍ଜି ଖଟାଇବାକୁ ପଡ଼ିବ ନାହିଁ। ଆପଣ ଚାହିଁଲେ ଏକ ଭିଗନ୍‌ ପ୍ରଫେଶନାଲ୍‌ସ ଫେସ୍‌ବୁକ୍‌ ଗ୍ରୁପ୍‌ ଆରମ୍ଭ କରିପାରିବେ। ଭିଗନ୍‌ମାନେ ଶିକ୍ଷା, ସେବା, ସତ୍‌ ବ୍ୟବସାୟ, ସମ୍ବେଦନା ଓ ଜୀବେ ଦୟା ବା ସର୍ବଜୀବେ ପ୍ରେମ ପାଇଁ ପ୍ରତିବଦ୍ଧ ହୋଇପାରିବେ। ଏହାଠାରୁ ଅଧିକ ଆପଣ କ’ଣ ଚାହାନ୍ତି? 

Email: gandhim@nic.in

All Right Reserved By

ସମ୍ପାଦକୀୟ |

 ଆଜିର ଅର୍ଥନୀତି/ ଛୋଟ ପଦକ୍ଷେପ

ଆଜିର ଅର୍ଥନୀତି/ ଛୋଟ ପଦକ୍ଷେପ

ପୁଲଓ୍ବାମା ଆକ୍ରମଣର ଦିନକ ପରେ କ୍ଷୁବ୍ଧ ଭାରତ ପାକିସ୍ତାନଠାରୁ ସବୁଠୁ ଅନୁଗୃହୀତ ରାଷ୍ଟ୍ର (ଏମ୍‌ଏଫ୍‌ଏନ୍‌) ମାନ୍ୟତା ପ୍ରତ୍ୟାହାର କରିନେଇଛି। ଏହି ପଡ଼ୋଶୀ ଦେଶକୁ ଆର୍ଥିକ ଓ କୂଟନୈତିକ ସ୍ତରରେ ଏକଘରିଆ କରିବା ପାଇଁ ଭାରତ ନେଇଥିବା କେତେଗୁଡ଼ିଏ ଆକ୍ରମଣାତ୍ମକ ପଦକ୍ଷେପ ମଧ୍ୟରୁ ଏହା ହେଉଛି ପ୍ରଥମ। ତେବେ ପାକିସ୍ତାନକୁ ଏମ୍‌ଏଫ୍‌ଏନ୍‌ ମାନ୍ୟତା ଦେବା ଓ ତାକୁ ପୁଣି..

ଶିଷ୍ୟତ୍ୱର ପରିଭାଷା

ଶିଷ୍ୟତ୍ୱର ପରିଭାଷା

ଡ. ଛାୟାକାନ୍ତ ଷଡ଼ଙ୍ଗୀ

ମଣିଷ ଜନ୍ମରୁ ଅଜ୍ଞାନ ଥାଏ। ବୟସର ବୃଦ୍ଧି ସଙ୍ଗେ ସଙ୍ଗେ ସେ ଅଜ୍ଞାନତାରୁ ମୁକ୍ତ ହୁଏ। ଅଜ୍ଞାନ ଅନ୍ଧକାରରୁ ଜ୍ଞାନାଲୋକକୁ ଯିବା ପାଇଁ ସେ ଜଣେ ପ୍ରାଜ୍ଞ ପୁରୁଷଙ୍କ ଶିଷ୍ୟତ୍ୱ ଗ୍ରହଣ କରେ। ଗୁରୁଙ୍କଠାରୁ ଶିକ୍ଷା ଗ୍ରହଣ କରିବା ସମୟରେ ସେ ଅନେକ ସନ୍ଦେହର ସମ୍ମୁଖୀନ ହୁଏ ଏବଂ ତା’ର ନିରାକରଣ ପାଇଁ ସେ ବିନମ୍ରତା ସହ ଅନେକ ପ୍ରଶ୍ନ ପଚାରେ। ଶେଷରେ ସେ ଯେତେବେଳେ ନିଜକୁ ଗୁରୁଙ୍କ ପାଖରେ ସମର୍ପି ଦିଏ, ଗୁରୁ ତାକୁ ସମୁଚିତ ମାର୍ଗଦର୍ଶନ କରାନ୍ତି ଓ ଶିଷ୍ୟ ନିଜ ସନ୍ଦେହ ନିରାକରଣ ହେଲାପରେ ଗୁରୁ..

ଉତ୍ତରପୂର୍ବ ଭାରତରେ କୃଷ୍ଣପ୍ରେମ

ଉତ୍ତରପୂର୍ବ ଭାରତରେ କୃଷ୍ଣପ୍ରେମ

ଦେବଦତ୍ତ ପଟ୍ଟନାୟକ

ଯେତେବେଳେ କେହି ଭଗବାନ୍‌ କୃଷ୍ଣଙ୍କ କଥା କୁହେ, ସେ ସାଧାରଣତଃ ସୁରଦାସ ଓ ମୀରାବାଈଙ୍କ ପରି ଉତ୍ତରଭାରତୀୟ ପରମ୍ପରା ବା ଆଣ୍ଡାଲ ଓ ଅଲ୍‌ଓ୍ବାରଙ୍କ ଭଳି ଦକ୍ଷିଣଭାରତୀୟ ପରମ୍ପରା ବିଷୟରେ କୁହେ। ଚୈତନ୍ୟ ମହାପ୍ରଭୁ ପୂର୍ବଭାରତରେ କୃଷ୍ଣଭକ୍ତି ପରମ୍ପରାକୁ ଆଗେଇ ନେଇଥିବା ବେଳେ ବଲ୍ଲଭାଚାର୍ଯ୍ୟ ଓ ଧ୍ୟାନେଶ୍ୱର ପଶ୍ଚିମଭାରତୀୟ ପରମ୍ପରାର ମୁଖ୍ୟ ପୁରୋଧା ଥିଲେ। କିନ୍ତୁ ଆମେ କୃଷ୍ଣଭକ୍ତିର ଉତ୍ତରପୂର୍ବ ଭାରତୀୟ (ଆସାମ ଓ ତା’ ଆଗକୁ) ପରମ୍ପରା ପ୍ରତି ସାଧାରଣତଃ କେହି ଧ୍ୟାନ ..

ଏଇ ଭାରତରେ

ଏଇ ଭାରତରେ

ପୁଲଓ୍ବାମା ଆତଙ୍କବାଦୀ ଆକ୍ରମଣରେ ଶହୀଦ୍‌ଙ୍କ ପରିବାରଙ୍କୁ ଦେଶର ବିଭିନ୍ନ ବର୍ଗ ସହାୟତାର ହାତ ବଢ଼ାଇଛନ୍ତି। ଏହି ମର୍ମରେ ଅଜମେର ବଜରଙ୍ଗଗଡ଼ ମାତା ଅମ୍ବେ ମନ୍ଦିରଠାରେ ୭ ବର୍ଷ ଧରି ଭିକ୍ଷାବୃତ୍ତି କରୁଥିବା ବୃଦ୍ଧା ଦେବକୀ ଶର୍ମାଙ୍କ କାର୍ଯ୍ୟ ସୃଷ୍ଟି କରିଛି ଏକ ଉଦାହରଣ। ଦେବକୀ ଦୁନିଆରେ ନ ଥିଲେ ମଧ୍ୟ ତାଙ୍କ ମହାନ୍‌ ଇଚ୍ଛା ତାଙ୍କୁ ଅମର କରି କରିଛି। ମୃତ୍ୟୁ ପୂର୍ବରୁ ଦେବକୀ ଶର୍ମା ..

ପ୍ରାଣୀ ଦେବତା

ପ୍ରାଣୀ ଦେବତା

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଭାରତରେ ବଳିପ୍ରଥା ଏବଂ ଶବରମାନଙ୍କ ପଶୁ ଶିକାର ପ୍ରଥା ଥିଲେ ମଧ୍ୟ ମୋଟାମୋଟି ଭାବେ ଏହା ଏକ ଶାନ୍ତିପୂର୍ଣ୍ଣ ଦେଶ ଥିଲା ଏବଂ ଲୋକମାନେ ପ୍ରାଣୀମାନଙ୍କ ସହ ଏକାଠି ବାସ କରୁଥିଲେ। ଗତ ୫୦ ବର୍ଷ ହେଲା ଏଥିରେ ପରିବର୍ତ୍ତନ ଘଟିଛି। ଏବେ ପ୍ରାଣୀମାନଙ୍କୁ ଆଘାତ ଦେବା ବା ମାରିବାକୁ କେହି ଖରାପ ଭାବୁ ନାହାନ୍ତି। ଯେଉଁ ଦେଶର ସରକାର ଆମ ରପ୍ତାନିର ୫୨% ..

ଅତି ଦୃଶ୍ୟମାନ ସରକାର

ଅତି ଦୃଶ୍ୟମାନ ସରକାର

ଡ. ସୁବାସ ଚନ୍ଦ୍ର ପାତ୍ର

ଏକ ସୁସ୍ଥ, ଆଦର୍ଶ ସମାଜ ଚାହେଁ ସରକାରର ଆତ୍ମସମ୍ବରଣ, ବିଲୋପ ନୁହେଁ, ବରଂ ଏକ ଅଦୃଶ୍ୟ ଉପସ୍ଥିତି। ସହଯୋଗ ନାମରେ ଏବେ ସରକାର ସର୍ବତ୍ର ବିଦ୍ୟମାନ, ସଦା ଦୃଶ୍ୟମାନ। ଆଗରୁ ସହରକୁ ଆସିଲେ ସରକାର ଅଛନ୍ତି ବୋଲି ଜଣାପଡୁଥିଲା। ଗାଁ ଗହଳର ଲୋକେ ନିଜ ଭାଗ୍ୟ, ନିଜ ସ୍ବାଭିମାନ, ନିଜ ସୃଜନଶୀଳତା, ନିଜର ଦକ୍ଷତା ଓ ଜିଇବାର କଳା ନେଇ ଅସୁବି..

ଦିବ୍ୟ ଜନନୀଙ୍କ ପ୍ରେରଣା

ଦିବ୍ୟ ଜନନୀଙ୍କ ପ୍ରେରଣା

ମିତାଲି ମହାନ୍ତି

ଏ ବିଶାଳ ଦୁନିଆରେ ଆମ ପରି ସାଧାରଣ ମଣିଷଙ୍କ ପାଇଁ ଶ୍ରୀମାଙ୍କ ଆଧ୍ୟାତ୍ମିକ ଜୀବନ ଏକ ବତିଘର ସଦୃଶ। ଶ୍ରୀମାଙ୍କ ମୂଳ ନାମ ମୀରା ଆଲ୍‌ଫାସା ଓ ତାଙ୍କ ଜନ୍ମସ୍ଥାନ ସୁଦୂର ଫ୍ରାନ୍ସ ହୋଇଥିଲେ ମଧ୍ୟ ଶ୍ରୀଅରବିନ୍ଦଙ୍କ ଆଧ୍ୟାତ୍ମିକ ଦର୍ଶନରେ ଅନୁପ୍ରାଣିତ ହୋଇ ସେ ଭାରତର ପଣ୍ଡିଚେରୀକୁ ନିଜ କର୍ମକ୍ଷେତ୍ର ଭାବେ ଆଦରି ନେଇ ଲକ୍ଷ ଲକ୍ଷ ଅଧ୍ୟାତ୍ମପିପାସୁଙ୍କୁ ଉଦ୍‌ବୁଦ୍ଧ କରିଛନ୍ତି। ..

ଏଇ ଭାରତରେ

ଏଇ ଭାରତରେ

ଯୌତୁକ ପ୍ରସଙ୍ଗକୁ ନେଇ କନ୍ୟାପିତା ହଟହଟା ହେଉଥିବା ଅନେକ ସମୟରେ ଦେଖିବାକୁ ମିଳେ। ତେବେ ମଧ୍ୟପ୍ରଦେଶର ଦତିଆରେ ଜଣେ କନ୍ୟା ଯୌତୁକଲୋଭୀ ବର ସାଙ୍ଗରେ ଯିବାକୁ ମନାକରି ଏକ ଉଦାହରଣ ସୃଷ୍ଟି କରିଛନ୍ତି। ଦତିଆନିବାସୀ ଦ୍ୱାରିକା ପ୍ରସାଦ..

ସମ୍ପାଦକୀୟ/ ଟ୍ରାଙ୍କୁଲାଇଜର, ବନ୍ଧୁକ

ସମ୍ପାଦକୀୟ/ ଟ୍ରାଙ୍କୁଲାଇଜର, ବନ୍ଧୁକ

ରାଜଧାନୀରେ ବାଘ ବୁଲୁଛିି ବୋଲି ଫେବୃୟାରୀ ୧୮ରେ କଥା ବ୍ୟାପିବା ପରେ ଲୋକେ ଆତଙ୍କିତ ହୋଇପଡ଼ିଥିଲେ। ବିଶେଷକରି ପଳାଶପଲ୍ଲୀ ଅଞ୍ଚଳରେ ଏ ନେଇ କୋକୁଆଭୟ ସୃଷ୍ଟି ହୋଇଥିଲା। ଭୁବନେଶ୍ୱରର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦର ଓ ମୁଖ୍ୟମନ୍ତ୍ରୀଙ୍କ ବାସଭବନ ନବୀନ ନିବାସଠାରୁ  ଚିତାବାଘ ଦୃଶ୍ୟମାନ ହେଉଥିବା  ବ୍ୟକ୍ତିଙ୍କ ଘର ମାତ୍ର ଏକ କିଲୋମିଟର ଅ..

 ନିଆଁ ସଙ୍ଗେ ଖେଳୁଛି ପାକିସ୍ତାନ

ନିଆଁ ସଙ୍ଗେ ଖେଳୁଛି ପାକିସ୍ତାନ

ବିପିନ ବିହାରୀ ମିଶ୍ର 

କଶ୍ମୀରର ପୁଲଓ୍ବାମା ଜିଲାର ଅବନ୍ତିପୁରା ନିକଟରେ ସିଆର୍‌ପି ଗାଡ଼ି ଉପରେ ଯେଭଳି ବିସ୍ଫୋରକ ଦ୍ରବ୍ୟ ଭର୍ତ୍ତିକରି ଏକ କାର ଧକ୍କା ଦେଲା ଓ ସଙ୍ଗେସଙ୍ଗେ ଲୁଚିଥିବା ସନ୍ତ୍ରାସବାଦୀମାନେ ଗୁଳି ଚଳେଇଲେ, ତାହା ସାରା ଦେଶକୁ ବିବ୍ରତ ଓ କ୍ଷୁବ୍ଧ କରିଛି। ଆମେରିକାର ରାଷ୍ଟ୍ରପତି ଟ୍ରମ୍ପ୍‌, ରୁଷ୍‌ର ପୁଟିନ୍‌ ଏବଂ ଫ୍ରାନ୍ସ, ଜର୍ମାନୀ ଓ ଇଂଲଣ୍ଡର ପ୍ରଧାନମନ୍ତ୍ରୀମାନେ ଏହାର ଘୋର ନିନ୍ଦା କରିଛ..

ଭାଷା, ଜାତି ଓ ଜାତୀୟତା

ଭାଷା, ଜାତି ଓ ଜାତୀୟତା

ଡ. ଅନ୍ତର୍ଯ୍ୟାମୀ ମିଶ୍ର

ଭାଷା ହେଉଛି ବ୍ୟକ୍ତି ଓ ଜାତିର ପରିଚୟ। ଭାଷାକୁ ଆଧାର କରି ପୃଥିବୀର ସକଳ ସଭ୍ୟଜାତି ବିକଶିତ ହୋଇଛନ୍ତି। ଭାଷା ହିଁ ଜାତୀୟତାର ପ୍ରଧାନ ପ୍ରତୀକ। କୌଣସି ବଙ୍ଗାଳି ଓଡ଼ିଆ ଭାଷାରେ ନିଜକୁ ପ୍ରକାଶ କରନ୍ତି ନାହିଁ ବା କୌଣସି ଇଂରେଜ ଫରାସୀ ଭାଷାରେ ନିଜକୁ ପ୍ରକାଶ କରନ୍ତି ନାହିଁ। ସଭିଏଁ ନିଜ ନିଜ ଭାଷାରେ ଆପଣାକୁ ପ୍ରକାଶ କରିଥାନ୍ତି। କିନ୍ତୁ ଆମ ଓ..

ଏଇ ଭାରତରେ

ଏଇ ଭାରତରେ

ମାନସିକ ପୂରଣ ପାଇଁ କିଏ କେତେ ପ୍ରକାର ପନ୍ଥା ଅବଲମ୍ବନ କରନ୍ତି। କିନ୍ତୁ ଏଥିପାଇଁ ସମାଧିପୀଠରେ ଜୋତାମାଡ କରାଯିବା କଥା ନିଆରା ନିଶ୍ଚୟ। ଉତ୍ତରପ୍ରଦେଶର ଇଟାଓ୍ବା ଜିଲା ମୁଖ୍ୟ କାର୍ଯ୍ୟାଳୟଠାରୁ ୩ କି.ମି. ଦୂର ଇଟାଓ୍ବା-ବରେଲୀ ରାଜମାର୍ଗ ଉପରେ ଭୋଲୁ ସୟଦ୍‌ଙ୍କର ପୁରୁଣା ମକ୍‌ବରା ରହିଛି। ଏଠାରେ ବାବାଙ୍କ ସମାଧି ଉପରେ ଫୁଲ ନୁହେଁ, ବରଂ ଜୋତାମାଡ଼ କରାଯାଏ। ଶ୍ରଦ୍ଧାଳୁଙ୍କ..