ସମ୍ପାଦକୀୟ |

ଅବହେଳିତ ଶିଶୁ ସାମ୍ରାଜ୍ୟ

ଅବହେଳିତ ଶିଶୁ ସାମ୍ରାଜ୍ୟ

ଡ. ସୁବାସ ଚନ୍ଦ୍ର ପାତ୍ର

ଯେ ସମ୍ରାଟ, ଯା’ର ସାମ୍ରାଜ୍ୟ ଅଛି, ସେ ପୁଣି ଅବହେଳିତ? କଥାଟା ଅନେକଙ୍କୁ ଅଡୁଆ ଲାଗିପାରେ। କିନ୍ତୁ ତାହାହିଁ ସତ୍ୟ, କାରଣ ସେ ମୁକୁଟବିହୀନ ସମ୍ରାଟ! ଓଡ଼ିଶାର ଜଣେ ପ୍ରଖ୍ୟାତ ଶିକ୍ଷାବିତ୍‌, କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଲେଖକ କ୍ଷୋଭ ପ୍ରକାଶ କରି କହିଲେ ଯେ, ବୋଧହୁଏ ଶିଶୁର ଉଚ୍ଚତା ଓ ଆକାର ଅନୁଯାୟୀ ତାକୁ ଗୁରୁତ୍ୱ ଦିଆଯାଉଛି। ଯେହେତୁ ସେ ଦେଖିବାକୁ ଛୋଟ, ତା’ର ସମସ୍ୟା ମଧ୍ୟ ଛୋଟ ! ଗୁରୁତ୍ୱହୀନ! ତା’ ଛଡ଼ା ସେମାନଙ୍କର କୌଣସି ସଂଗଠନ ନାହିଁ କି କେହି ନେତା ନାହାନ୍ତି ଯେ ସେମାନଙ୍କୁ ଧରି ଲୋୟର ପିଏମ୍‌ଜିରେ ଧାରଣା ଦେବେ!

ସରକାରୀ ସ୍ତରରେ ଯାହା କରାଯାଏ ତାହା ଶିଶୁର ବାହ୍ୟ ଜୀବନ ପାଇଁ ଉଦ୍ଦିଷ୍ଟ। ମୁଖ୍ୟତଃ ତାହା ସ୍ବାସ୍ଥ୍ୟକୈନ୍ଦ୍ରିକ, ଶୋଷଣବିରୋଧୀ, ସୁରକ୍ଷା ପ୍ରଦାନକାରୀ ପଦକ୍ଷେପ। କିନ୍ତୁ ଶିଶୁଟିର ସୁକୁମାର ମନର ଯତ୍ନ କେଉଁ ସରକାର ନିଅନ୍ତି ନାହିଁ ବା ନେଇପାରିବେ ନାହିଁ। ଯେଉଁମାନେ ତା’ର ‘ମନର ସେବା’ କରିବା କଥା, ସେମାନେ କେତେବେଳେ ପଳାତକ ତ କେତେବେଳେ ଶାସକ। ପ୍ରାଥମିକ ଅବସ୍ଥାରେ ଶିଶୁଟି ଯାହାଙ୍କଠୁ ବେଶି ‘ସୁକୁମାର ସେବା’ ପାଆନ୍ତା, ସେମାନେ କର୍ମଜୀବୀ ଅବା ସାମାଜିକ ଶିଡ଼ିରେ ଉପରକୁ ଚଢ଼ିବା ପାଇଁ ଭିନ୍ନ ଭିନ୍ନ ଅପକର୍ମରେ ଲିପ୍ତ। ‘ଶିଶୁସେବା’ ପାଇଁ ସେମାନଙ୍କର ସମୟ ନାହିଁ। ଶିଶୁର ମନ, ସ୍ବାସ୍ଥ୍ୟ, ଶିକ୍ଷା ପାଇଁ ସେମାନେ ଖଞ୍ଜି ଦିଅନ୍ତି ସେବକ, ସେବିକା, ଯେଉଁମାନେ ବସ୍ତୁତଃ ‘ଛୁଆଜଗା’, ଆଉ ସାମୟିକ ନିଯୁକ୍ତି ପାଇଥିଲେ ସେମାନଙ୍କର ମୁଖ୍ୟକାମ କାନ୍ଥଘଣ୍ଟା ଉପରେ ନଜର ରଖିବା। ଅନୁଷ୍ଠାନ ସ୍ତରରେ ଯାହାଙ୍କୁ ଶିକ୍ଷାର ଦାୟିତ୍ୱ ଦିଆଯାଏ, ସେମାନେ ଶିଶୁର ମନ ଅପେକ୍ଷା ପରିଚାଳନା କର୍ତ୍ତୃପକ୍ଷଙ୍କ ମନ ଉପରେ ଅଧିକ ଗୁରୁତ୍ୱ ଦିଅନ୍ତି। ପାଠ କିପରି ନିର୍ଦ୍ଦିଷ୍ଟ ସମୟ ମଧ୍ୟରେ ସରିବ, ଟାର୍ଗେଟ କିପରି ପୂରଣ ହେବ ତାହାହିଁ ସେମାନଙ୍କ ମୁଖ୍ୟ ଚିନ୍ତା। ସେମାନେ ଶିଶୁମାନଙ୍କୁ ଗୋଟିଏ ଗୋଠ ବୋଲି ଭାବନ୍ତି। ପ୍ରତ୍ୟେକ ଶିଶୁ ଯେ ଅଦ୍ୱିତୀୟ ଏବଂ ସେମାନେ କିଛିଟା ପୃଥକ୍‌ ଧ୍ୟାନ ଆବଶ୍ୟକ କରନ୍ତି ସେ କଥା ଗୋଷ୍ଠୀ ପାଠପଢ଼ାରେ ନ ଥାଏ। 

ଶିଶୁଟିର ଅଦ୍ୱିତୀୟତା ତା’ ଚେହେରାରେ ନ ଥାଏ। ଥାଏ ତା’ର ସର୍ଜ୍ଜନଶୀଳ, ଅନୁସନ୍ଧିତ୍ସାପ୍ରବଣ ନିରୀହ ମନରେ। ପ୍ରଭୁ ଶ୍ରୀଜଗନ୍ନାଥଙ୍କ ସେବାର ଯେମିତି ଏକ ନିର୍ଦ୍ଦିଷ୍ଟ ଭାଷା ରହିଛି, ତା’ର ଏକ ସ୍ବତନ୍ତ୍ର ବ୍ୟାକରଣ ଅଛି, ସେହିପରି ଶିଶୁ ମନର ଏକ ସ୍ବତନ୍ତ୍ର ବ୍ୟାକରଣ ଅଛି, ଗଣିତ ବି ଅଛି। ଆନୁଷ୍ଠାନିକ ଶିକ୍ଷାଲାଭ ପୂର୍ବରୁ ଅତି ପ୍ରାଥମିକ ଅବସ୍ଥାରେ ସେମାନଙ୍କଠି ଦେଖିବାକୁ ମିଳେ ମହାକବିସୁଲଭ ଭାଷା ବ୍ୟବହାରର ଦକ୍ଷତା। ସେମାନଙ୍କର ଶବ୍ଦବିନ୍ୟାସ, ବାକ୍ୟଗଠନ ଶୈଳୀ ବେଳେବେଳେ ପ୍ରାପ୍ତବୟସ୍କଙ୍କୁ ଅଭିଭୂତ କରେ। ଜଣେ ବୟସ୍କ ଭଦ୍ରବ୍ୟକ୍ତି କହିଲେ, ‘ମୋ ନାତିପିଲା ବଢ଼ିଆ କଥାଟି କହିଲା। ସେଦିନ ମୁଁ ଟିକେ ରାତିରେ ସଅଳ ଶୋଇପଡ଼ିଥିଲି। ସକାଳୁ ଉଠିଲାରୁ ନାତି କହୁଛି, ”ଜେଜେ, ତୁମେ କାଲି କେତେ ଶୋଇଲ? ଶୋଇ ଶୋଇ ରାତିଟାକୁ ସକାଳ କରିଦେଲ?“ ଅନ୍ୟ ବନ୍ଧୁ ଜଣକ କହୁଥିଲେ, କିପରି ତାଙ୍କ ନାତୁଣୀ କ୍ରିୟାରୂପରେ ପ୍ରକାଶିତ ହୋଇପାରୁ ନ ଥିବା ‘କାଠୁଆ’ ବିଶେଷ୍ୟ ପଦ ଯେପରି ବେଙ୍ଗ, ଅସରପାଗୁଡ଼ିକୁ ସୁନ୍ଦର ଭାବରେ କ୍ରିୟାପଦ ହିସାବରେ ବ୍ୟବହାର କରି ମଜାଦାର ବାକ୍ୟଗଠନ କରୁଛି। 

ଆଉ ମନର ଗଣିତ କଥା ପ୍ରସଙ୍ଗରେ ମନେପଡ଼େ ଇଂରାଜୀ କବି ୱାର୍ଡସୱାର୍ଥଙ୍କ କବିତା ‘ଆମେ ସାତଜଣ’ (ଉଇ ଆର୍‌ ସେଭେନ୍‌)। ଛୋଟପିଲାଟିଏ ତା’ର ମନର ଗଣିତ-ବିଶ୍ୱାସକୁ ନେଇ ଜୀବନଯାପନ କରେ। ତା’ର ଅନ୍ୟ ଛଅ ଭାଇଭଉଣୀ ଆରପାରିକୁ ଚାଲି ଯାଇଥିଲେ ବି ସେ ତା’ ହିସାବ ଜାରି ରଖି କହେ, ‘ଏତେ ଜଣ ସାମୁଦ୍ରିକ ଅଭିଯାନରେ ଯାଇଛନ୍ତି, ଏତେଜଣ ଗୀର୍ଜାକୁ ଯାଇଛନ୍ତି, ଗଛମୂଳରେ ଏତେଜଣ ଶୋଇଛନ୍ତି, ତେଣୁ ଆମେ ସାତଜଣ।’ ତା’ର ନୈତିକ ପୃଥିବୀରେ ମୃତ୍ୟୁର ସ୍ଥାନ ନାହିଁ। ଅଥଚ ଆମ ଗଣିତ ବହିରେ ଆମେ ଅବାଞ୍ଛିତ ପ୍ରଶ୍ନ ଦେଖୁ- ମାଙ୍କଡ଼ କିପରି ତୈଳାକ୍ତ ଖମ୍ବ ପାଞ୍ଚଫୁଟ୍‌ ଚଢ଼ି, ତିନିଫୁଟ୍‌ ତଳକୁ ଖସିଲା; ପାଞ୍ଚ ଲିଟର କ୍ଷୀରରେ କିପରି ତିନି ଲିଟର ପାଣି ମିଶାଗଲା ଏବଂ ତା’ର ଅନୁପାତ କେତେ ହେଲା ଇତ୍ୟାଦି। କେଉଁ ମାଙ୍କଡ଼ କେବେ ତୈଳାକ୍ତ ଖମ୍ବ ଚଢ଼ିଥିଲା? କ୍ଷୀରରେ କାହିଁକି ପାଣି ମିଶାଯିବ? ଅନୁପାତ ବୁଝାଇବା ପାଇଁ ଆଉ କିଛି ଉଦାହରଣ ନାହିଁ? ଥରେ କେହି ଭାବନ୍ତି ନାହିଁ, ଏ ପ୍ରକାର ଗଣିତ ପ୍ରଶ୍ନ ପିଲାଟିର ନୈତିକ ଗଣିତକୁ କିପରି ଛାରଖାର କରିଦିଏ। ଖାଲି ସେତିକି ନୁହେଁ ପ୍ରାଥମିକ ସ୍ତରରେ, ଆପାତତଃ ତୃତୀୟ ବା ପଞ୍ଚମ ଶ୍ରେଣୀ ପର୍ଯ୍ୟନ୍ତ ପିଲାଟିଏ ଯଦି ତା’ର ଆଞ୍ଚଳିକ, ଘରୋଇ ବା ଉପଜାତିର ଭାଷା ଠାଏ ଠାଏ ବ୍ୟବହାର କରୁଛି, ତା’ ଉପରେ ଆକ୍ରମଣ କାହିଁକି? ତା’ଉପରେ ମାନକ ଭାଷାର ବୋଝ ଏତେ କଅଁଳ ବୟସରେ କାହିଁକି ଲଦି ଦିଆଯାଉଛି? ପରେ କ’ଣ ସେ ତାହା ସମ୍ଭାଳି ନେବନି? ସେ ଯଦି କେଉଁଆଡ଼େ, କୁଆଡ଼େ ପରିବର୍ତ୍ତେ ‘କିଆଡ଼େ ଯାଇଥିଲୁ?’ ବୋଲି କହୁଛି ତାକୁ ଏତେ ‘ମାରଧର’ କାହିଁକି? ବରଂ ସହାନୁଭୂତିର ସହ ତା’ର ଏହି ବ୍ୟତିକ୍ରମକୁ ସହ୍ୟ କରି ତାକୁ ଆଗେଇ ଯିବାକୁ ବାଟ କଢ଼େଇ ନେବାକୁ ପଡ଼ିବ। ସବୁ କଥାରେ ‘ମାନକ ଭାଷାର’ ଚାବୁକ ହଲେଇଲେ ସେ ନିଜକୁ ଭାଷା-ଅଯୋଗ୍ୟ ଭାବି ପାଠ ଛାଡ଼ିଦେବ।

ସମସ୍ତ କୃଷକ, ନିର୍ମାଣ ଶ୍ରମିକ, ଅଙ୍ଗନଓ୍ବାଡ଼ି କର୍ମୀ, କଳାକାର, ଖେଳାଳି, କର୍ମଚାରୀଙ୍କ ପାଇଁ ଯୋଜନା ଅଛି କିନ୍ତୁ ଶିଶୁର ମାନସିକ ବିକାଶ ପାଇଁ ନା ଅଛି ଯୋଜନା ନା ଅଛି ତା’ ପାଇଁ ସ୍ଥାନ। ରାସ୍ତାରେ ଫୁଟପାଥ୍‌ଟିଏ ହେଉ ଅବା କୌଣସି ଖୋଲାସ୍ଥାନ, ଯେଉଁଠି ଯାଉ ଯାଉ ବା ଠିଆହୋଇ ସେ ଆଖପାଖର ଦୃଶ୍ୟରାଜି, ପ୍ରାକୃତିକ ଘଟଣାବଳୀକୁ କିଛି ସମୟ ମୁଗ୍ଧଚକିତ ହୋଇ ଦେଖିପାରନ୍ତା, ସେକଥା ତା ପାଇଁ ସ୍ବପ୍ନ। ଶିଶୁଟିର ସବୁ ସମୟ ଓ ସ୍ଥାନ ବୟସ୍କମାନେ ମାଡ଼ି ବସିଛନ୍ତି। ତା’ର ଅନୁସନ୍ଧିତ୍ସାର ବିକାଶ ଓ ପ୍ରଶମନ ପାଇଁ ନା ଅଛି କିଛି ବ୍ୟବସ୍ଥା ନା ଅଛନ୍ତି ତା’ ପଛରେ କେହି ବ୍ୟକ୍ତି। ସେ ତା’ର ଭାଗ୍ୟ ଆଦରି ବଢୁଛି।

ସୌଭାଗ୍ୟକୁ ପୂର୍ବତନ ରାଷ୍ଟ୍ରପତି ଅବଦୁଲ କଲାମଙ୍କୁ ତାଙ୍କ ଶିକ୍ଷକ ସିନା ସମୁଦ୍ର କୂଳକୁ ନେଇ ଚଢ଼େଇ ଉଡ଼ିବା ଦେଖେଇବା ସହ ଉଡ଼ାଜାହାଜ ଉଡି଼ବା କଥା ବୁଝେଇଥିଲେ, ଯେଉଁ ଜ୍ଞାନରେ ପରେ ସେ କିଛି ଯୋଡ଼ି କ୍ଷେପଣାସ୍ତ୍ର ନିର୍ମାଣ କରିପାରିଥିଲେ, ଆମ ‘ଶିଶୁ ସମ୍ରାଟ୍‌’ମାନଙ୍କୁ ସେ ଭାଗ୍ୟ ମିଳିବ କେବେ? କେବେ ଆମ ମା’ବାପାମାନେ ‘ପଳାତକ’ ଭୂମିକାରୁ ଓ ଶିକ୍ଷକମାନେ ‘ଶାସକ’ ଭୂମିକାରୁ ଅବତରଣ କରି ସ୍ବଧର୍ମ ପାଳନ କରିବେ? କେବେ ଆମ ସରକାର ଶିଶୁମାନଙ୍କୁ ଭୋଟର ପଛେ ନ ହେଉ, ଗୁରୁତ୍ୱପୂର୍ଣ୍ଣ ଭବିଷ୍ୟନିର୍ମାତା ଭାବି ସେମାନଙ୍କର ‘ସୁକୁମାର ମନ’ର ଲାଳନପାଳନ ପାଇଁ ସ୍ବତନ୍ତ୍ର ଯୋଜନା କରିବେ? 

ପୂର୍ବତନ ଅଧ୍ୟକ୍ଷ, ଜେଲ ରୋଡ଼, ବାଲେଶ୍ୱର, ମୋ. : ୯୪୩୭୩୭୬୨୧୯, subashbls56@gmail.com


All Right Reserved By

ସମ୍ପାଦକୀୟ |

 ସମ୍ପାଦକୀୟ/ ନ୍ୟାୟାଳୟ ଉପରେ ଛିଟା

ସମ୍ପାଦକୀୟ/ ନ୍ୟାୟାଳୟ ଉପରେ ଛିଟା

ଭାରତୀୟ ନ୍ୟାୟପାଳିକାର ସର୍ବୋଚ୍ଚ ଆସନ ଉପରେ ପୁନର୍ବାର କଳାବାଦଲ ଘୋଟିଯାଇଛି। ବର୍ତ୍ତମାନର ପ୍ରଧାନ ବିଚାରପତି(ସିଜେଆଇ) ରଞ୍ଜନ ଗୋଗୋଇଙ୍କ ସମେତ ବରିଷ୍ଠ ବିଚାରପତି ଜଷ୍ଟିସ୍‌ ଚେଲାମେଶ୍ୱର, ମଦନ ବି ଲକୁର ଏବଂ କୁରିୟନ ଯୋଶେଫ୍‌ ତତ୍‌କାଳୀନ ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ ମାମଲା ବଣ୍ଟନରେ ଅନି..

ତଥ୍ୟ ପ୍ରଦାନରେ ସରକାରଙ୍କ ପଛଘୁଞ୍ଚା

ତଥ୍ୟ ପ୍ରଦାନରେ ସରକାରଙ୍କ ପଛଘୁଞ୍ଚା

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ 

ଲୋକଙ୍କଠାରୁ ତଥ୍ୟ ଲୁଚାଇବାରେ ସରକାରୀ ବିଭାଗଗୁଡ଼ିକ ମଧ୍ୟରେ କେନ୍ଦ୍ର ସରକାରଙ୍କ ପାନୀୟ ଜଳ ଓ ପରିମଳ ମନ୍ତ୍ରଣାଳୟ ବୋଧହୁଏ ସବୁଠୁ ଆଗରେ। ପୂର୍ବ ସରକାର ସମୟରେ ଏହି ବିଭାଗ ଦ୍ୱାରା କାର୍ଯ୍ୟକାରୀ ହେଉଥିବା ଦୁଇଟି ପ୍ରମୁଖ କାର୍ଯ୍ୟକ୍ରମ ଯଥା ରାଷ୍ଟ୍ରୀୟ ଗ୍ରାମ୍ୟ ପାନୀୟ ଜଳ କାର୍ଯ୍ୟକ୍ରମ ଓ ସମ୍ପୂର୍ଣ୍ଣ ପରିମଳ ଅଭିଯାନ ପାଇଁ ଏକ ବଳିଷ୍ଠ ତଥ୍ୟ ପ..

କିଏ ଏଇ ମା’

କିଏ ଏଇ ମା’

ସୁଧିରାଜ ରାଉତ

ବର୍ଷା ମାସ। ଇନ୍ଦ୍ରାବତୀ ଜଳଭଣ୍ଡାର ସାମର୍ଥ୍ୟଠାରୁ ଅଧିକ ଜଳରେ ପୂର୍ଣ୍ଣହୋଇ ମନେହେଉଥିଲା ସତେ ଅବା ଏକ ମାଟିଆ ସମୁଦ୍ର। କୂଳରେ ବନ୍ଧା ହୋଇଥିବା ଡଙ୍ଗାକୁ ଫିଟାଇଦେଇ ବନ୍ଧୁଙ୍କୁ କହିଲି ଭଲ ଫଟୋ ନେବାକୁ। ବନ୍ଧୁ ଫଟୋ ଉଠାଉଥାଏ କିନ୍ତୁ ମୋତେ ନେଇ ଡଙ୍ଗାଟି ଧୀରେ ଧୀରେ ଦୂରେଇ ଯାଉଥାଏ କୂଳରୁ। ରୋକିବାର ମୋ ସକଳ ପ୍ରୟାସକୁ ଉପହାସକରି ଡ୍ୟାମ୍‌ର ରିଟର୍ନ କରେଣ୍ଟରେ ଡଙ୍ଗାଟି କୂଳରୁ ପାଞ୍ଚଶହ ମିଟରରୁ ଅଧିକ ଦୂରକୁ ଚାଲିଗଲା। ମେଘ ହେବାର ସମ୍ଭାବନା, ଆଉ ପବନ ଲ..

ଏଇ ଭାରତରେ

ଏଇ ଭାରତରେ

ଏକ ଗଣତାନ୍ତ୍ରିକ ରାଷ୍ଟ୍ରରେ ଜଣେ ବ୍ୟକ୍ତି ମତଦାନ କରି ଲୋକ ପ୍ରତିନିଧି ବାଛିବା ହେଉଛି ମୌଳିକ ଅଧିକାର। ଏହାକୁ  ଆଦୌ ଅଣଦେଖା କରିବା ଉଚିତ ନୁହେଁ। କିନ୍ତୁ କେତେକ ନାଗରିକ ଭୋଟଦାନରୁ ବିରତ ରହିବାକୁ ପସନ୍ଦ କରିଥାଆନ୍ତି। ସେ..

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ରାଜସ୍ଥାନ ବାର୍ମେର ଜିଲାର ଏକ ନିର୍ବାଚନ ସଭାରେ ଏପ୍ରିଲ ୨୧ରେ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାକିସ୍ତାନକୁ ସମାଲୋଚନା କରି ଭୋଟ ମାଗିଛନ୍ତିି। ସେ କହିଛନ୍ତି, ଦିନେ ଛାଡ଼ି ଦିନେ ପାକିସ୍ତାନ ବାରମ୍ବାର କହିଆସୁଛି ଯେ, ତା’ ପାଖରେ ପରମାଣୁ ବୋମା ରହିଛି। କିନ୍ତୁ ପାକିସ୍ତାନ ମନେରଖିବା ଉଚିତ ଯେ, ଭାରତ ପାଖରେ ଥିବା ପରମାଣୁ ଅସ୍ତ୍ର ଦୀପାବଳି ପାଇଁ ସାଇତା ..

ଲୋକପ୍ରତିନିଧି କାହାନ୍ତି

ଲୋକପ୍ରତିନିଧି କାହାନ୍ତି

ସହଦେବ ସାହୁ

ବିଲାତକୁ ଗଣତନ୍ତ୍ରର ଜନନୀ କୁହାଯାଏ, କିନ୍ତୁ ତାହାର ଲିଖିତ ସମ୍ବିଧାନ ନାହିଁ, କନ୍‌ଭେନ୍‌ସନ୍‌ ବା ପରମ୍ପରା ସମ୍ବିଧାନର କାମ କରୁଛି: ରାଜା ବା ରାଣୀ ବଂଶାନୁକ୍ରମେ ରାଷ୍ଟ୍ରମୁଖ୍ୟ ହେଉଥିବାରୁ ବିଲାତ ରିପବ୍ଲିକ୍‌ ବା ସାଧାରଣତନ୍ତ୍ର ନୁହେଁ। ଆମ ସମ୍ବିଧାନ-ପ୍ରଣେତାମାନେ ବିଲାତ ଢାଞ୍ଚାର କ୍ୟାବିନେଟ ବା ସଂସଦୀୟ ଗଣତନ୍ତ୍ରକୁ ଅନୁକରଣ ..

ସବୁଥିରେ ପଲିଟିକ୍ସ

ସବୁଥିରେ ପଲିଟିକ୍ସ

ସବ୍ୟସାଚୀ ଅମିତାଭ

ଗଣତନ୍ତ୍ର କ୍ଷମତା ଦେଇଛି। ନିଜେ ନିଜର ଶାସନ କରିବାର କଳା ଲୋକଙ୍କୁ ଶିଖାଇଛି। ହେଲେ ବର୍ତ୍ତମାନ ସମୟର ରାଜନୀତି ଗଣତନ୍ତ୍ରକୁ ଧୀରେ ଧୀରେ କବଳିତ କରିସାରିଲାଣି। ସବୁ କଥାରେ ରାଜନୀତି। ଚାଷୀ ମଲେ ରାଜନୀତି, ପୀଡିତା ଆତ୍ମହତ୍ୟା କଲେ ବି ରାଜନୀତି, ପେଟ୍ରୋଲ ଦର ବଢିଲେ ରାଜନୀତି ଆଉ ଆଦର୍ଶ ହେବାର ..

ଏଇ ଭାରତରେ

ଏଇ ଭାରତରେ

ବିହାରର ଭାଗଲପୁର ଅଞ୍ଚଳରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ନିଜ ସ୍ତ୍ରୀଙ୍କୁ ତାଙ୍କ ପ୍ରେମିକ ସହ ବିବାହ କରାଇ ଦେଇଛନ୍ତି। କେବଳ ସେତିକି ନୁହେଁ, ଉପହାର ସ୍ବରୂପ ସେ ନିଜ ଅଢ଼େଇ ବର୍ଷର ପୁଅକୁ ମଧ୍ୟ ସ୍ତ୍ରୀଙ୍କ ହାତରେ ଟେକି ଦେଇଛନ୍ତି। ଏହି ଘଟଣା ଏବେ ଭାଗଲପୁରରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଗାଁର ଅନେକ ଲୋକ ଏହି ବି..

କଲମ୍ବୋ ନିଆଁ

କଲମ୍ବୋ ନିଆଁ

ଦ୍ୱୀପ ଦେଶ ଶ୍ରୀଲଙ୍କାରେ ଦୀର୍ଘ ବର୍ଷ ପରେ ୨୧ ଏପ୍ରିଲ ୨୦୧୯ରେ ଭୟଙ୍କର ଆତଙ୍କ ଦେଖାଦେଇଛି। ରାଜଧାନୀ କଲମ୍ବୋ ଓ ଆଖପାଖ  ଅଞ୍ଚଳର କେତେକ ଚର୍ଚ୍ଚ ଓ ହୋଟେଲରେ ଲଗାତର ୮ଟି ବିସ୍ଫୋରଣରେ ୨୦୭ରୁ ଊର୍ଦ୍ଧ୍ୱ ବ୍ୟକ୍ତିଙ୍କ ପ୍ରାଣହାନି ଘଟିଥିବା ବେଳେ ୪୦୦ରୁ ଅଧିକ ଗୁରୁତର ଆହତ ହୋଇଛନ୍ତି। ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି। ମୃତକଙ୍କ ମଧ୍ୟରେ ୪୦ ବିଦେଶୀ ଥିବା ଖବର ମିଳିଛି। 

ଜୀବ ସୁରକ୍ଷା ପୃଥିବୀ ରକ୍ଷା

ଜୀବ ସୁରକ୍ଷା ପୃଥିବୀ ରକ୍ଷା

୨୦୧୯ର ଧରିତ୍ରୀ ଦିବସ ପାଳନ ଅବସରରେ ଦିଆଯାଇଥିବା ସଚେତନଧର୍ମୀ ଡାକରାଟା ହେଉଛି ‘ସବୁ ଜୀବଙ୍କୁ ସୁରକ୍ଷା ଦିଅ।’ ଆଠ ନିୟୁତ ଜୀବ ଜାତିର ପୃଥିବୀଟା ଆଜି ଜୀବ ବିଲୁପ୍ତି ପଥରେ ଅଗ୍ରସର। ସକଳ ଜୀବଙ୍କ ପ୍ରାଣସୂତ୍ର ପୃଥିବୀ ସେମାନଙ୍କ ପ୍ରାଣରକ୍ଷା ପାଇଁ ମଣିଷକୁ ଆହ୍ବାନ କରୁଛି। ତେବେ ମଣିଷ କ’ଣ ଜୀବ ବିଲୁପ୍ତିର କାରଣ ସାଜିଛି? ମଣିଷ ଆବିର୍ଭାବ ପୂର୍ବରୁ ତ ପୁଣି ପୃଥିବୀ ପାଞ୍ଚ ପାଞ୍ଚ ଥର ସମୂହ ବିଲୋପକୁ ସାମନା କରିଛି। 

କହିବା କାହାକୁ, ଶୁଣିବ କିଏ

କହିବା କାହାକୁ, ଶୁଣିବ କିଏ

ଯେଉଁ କଥାକୁ ଡର ଥିଲା ତାହା ହିଁ ହେଲା। ଆଶା ଥିଲା, ସରକାର ଆଉ କିଛି କରନ୍ତୁ ବା ନ କରନ୍ତୁ, ନିର୍ବାଚନ ସମୟରେ ମଦକୁ ନିଶ୍ଚିତ ନିଷିଦ୍ଧ କରିବେ। ହେଲେ, ହେଲା ଠିକ୍‌ ତା’ର ଓଲଟା। ସରକାରଙ୍କ ଅବକାରୀ ବିଭାଗ ଜୁଲାଇ ୩୧ ତାରିଖ ପର୍ଯ୍ୟନ୍ତ ମଦ ଦୋକାନୀଙ୍କ ଲାଇସେନ୍ସକୁ ନବୀକରଣ କରି ଏ କ୍ଷେତ୍ରକୁ ସବୁଜ ସଙ୍କେତ(?) ଦେଇଛନ୍ତି। ଏଥିପାଇଁ ରାଜ୍ୟ ସରକାର ନୂତନ ଭାବେ ଅବକାରୀ ନୀତି ପ୍ରସ୍ତୁତ କରିଛନ୍ତି। 

ଏଇ ଭାରତରେ

ଏଇ ଭାରତରେ

ଗୁଜରାଟର ରାଜକୋଟ ଜିଲା ଅନ୍ତର୍ଗତ ରାଜସମଦିୟାଲ ଗାଁ ଅନ୍ୟ ଗଁାଗୁଡ଼ିକଠାରୁ ନିଆରା। ନିର୍ବାଚନ ସମୟରେ ସବୁଠି ପ୍ରଚାର ଗାଡି ବୁଲୁଥିବା ବେଳେ ଏହି ଗାଁରେ କିନ୍ତୁ ପ୍ରଚାର କରାଯାଇ ନ ଥାଏ। ଗାଁ ଲୋକଙ୍କ ମତରେ ପ୍ରଚାର କରାଗଲେ ପରିବେଶରେ ଶବ୍ଦ ପ୍ରଦୂଷଣ ବୃଦ୍ଧିପାଇବ। ତେଣୁ ସେମାନେ କୌଣସି ପ୍ରଚାରଗାଡିକୁ ଗାଁ ଭିତରକୁ ପ୍ରବେଶ କରିବାକୁ ଦେଇ ନ ଥାନ୍ତି। 



Model This Week

ତୁଳସୀ ପ୍ରିୟଦର୍ଶିନୀ
Why Dharitri