Dharitri News
ଫୁରସତ |

ପିଲାଙ୍କୁ ଶିଖାନ୍ତୁ : ମନି ମ୍ୟାନେଜମେଣ୍ଟ

ପିଲାଙ୍କୁ ଶିଖାନ୍ତୁ : ମନି ମ୍ୟାନେଜମେଣ୍ଟ ଯଦି ପିଲାକୁ କମ୍‌ ବୟସରେ ମନି ମ୍ୟାନେଜମେଣ୍ଟ ବିଷୟରେ ଶିଖାଇବେ ସେ ଆରମ୍ଭରୁ ଏ ନେଇ ନିଜର ଜ୍ଞାନର ସୀମା ବଢ଼ାଇପାରିବ। ସାଧାରଣତଃ ପାଞ୍ଚରୁ ଦଶବର୍ଷ ବୟସର ପିଲାଙ୍କର ସାଧାରଣତଃ ଏତେଟା ବୁଝିବାର ଶକ୍ତି ନ ଥାଏ। ଏଥିପାଇଁ ତାଙ୍କୁ ଉଦାହରଣ ମାଧ୍ୟମରେ ବୁଝାଇପାରିବେ। ଉଦାହରଣ ସ୍ବରୂପ କହିପାରିବେ ଯେ-ମୁଁ ଏବଂ ବାପା ଦୁଇଜଣ ଅଫିସ୍‌ ଯାଉଛୁ, କାମ କରୁଛୁ। ଟଙ୍କା ରୋଜଗାର କରୁଛୁ। ଟଙ୍କାକୁ ସୁରକ୍ଷିତ ରଖିବା ଲାଗି ଆମେ ବ୍ୟାଙ୍କର ସହାୟତା ନେଉଛୁ। ଯେତେବେଳେ ଟଙ୍କା ଆବଶ୍ୟକ ପଡୁଛି ଆମେ ଏଟିଏମ୍‌ରୁ ଟଙ୍କା ଉଠାଇଥାଉ। ୧୦-୧୫ବର୍ଷ ପିଲାଙ୍କୁ   ସେମାନେ ଟିକେ ପରିପକ୍ୱ ହୋଇଥାନ୍ତି । ସେମାନଙ୍କ ମଧ୍ୟରେ ଟିକେ ଜ୍ଞାନ ଆସିଯାଇଥାଏ। ଜରୁରୀ ସାମଗ୍ରୀର ଦେଖାଶୁଣା କିପରି କରାଯାଏ ତାଙ୍କୁ ସେ ବିଷୟରେ ଅବଗତ କରାନ୍ତୁ। ଜିନିଷର ଠିକ୍‌ ବ୍ୟବହାର ମଧ୍ୟ ଭଲଭାବେ ବୁଝାଇବା ଆବଶ୍ୟକ। ପକେଟ ଖର୍ଚ୍ଚ ପିଲାକୁ ଯଦି ପକେଟ ମନି ଦେଉଛନ୍ତି ତେବେ ତାକୁ ସେହି ଟଙ୍କାରୁ ସଞ୍ଚୟ କରିବା ଶିଖାନ୍ତୁ। ପିଲା ଯଦି କୌଣସି ଜିନିଷ କିଣିବାକୁ ଜିଦ୍‌ ଧରୁଛି ତେବେ ତାକୁ କୁହନ୍ତୁ ଯେ ସେ ପକେଟ୍‌ ମନି ସଞ୍ଚୟକରି ଜିନିଷ କିଣିବ। ସଞ୍ଚୟ ବିଷୟରେ କଥା ହେବା ପାଇଁ ଏହା ହେଉଛି ଠିକ୍‌ ସମୟ। ମାନି ନିଅନ୍ତୁ ଯେ ଆପଣ ପିଲାକୁ ପ୍ରତି ସପ୍ତାହରେ ୨୦୦ଟଙ୍କା ଦେବେ। ତେବେ ଯେତେବେଳେ ପିଲା ଆପଣଙ୍କୁ ଅଧିକ ଟଙ୍କା ମାଗୁଛି ପେନ୍‌ କିମ୍ବା ଆଉ କ’ଣ କିଣିବ ଏଥିପାଇଁ ତାକୁ ବୁଝାନ୍ତୁ ଅଧିକ ଟଙ୍କା ନେଉଥିଲେ ସେହି ଟଙ୍କାରୁ ମଧ୍ୟ ସଞ୍ଚୟ କରିହେବ। ସଞ୍ଚୟର ଅଭ୍ୟାସ   ଏହି ପ୍ରକ୍ରିୟାରେ ପିଲା ମନରେ ସଞ୍ଚୟ ପ୍ରତି ଆଗ୍ରହ ବଢ଼ାଇବା ଆବଶ୍ୟକ। ତାକୁ ବୁଝାନ୍ତୁ ଯେ ପ୍ରତ୍ୟେକ ଜିନିଷ ଭାବିଦେଲେ ଖାଲି ହେବନି। ଟଙ୍କା ଖର୍ଚ୍ଚ କରିବାକୁ ହେଲେ ପୂର୍ବରୁ ସବୁ ପ୍ଲାନିଂ କରିବା ଆବଶ୍ୟକ। ଆପଣ ପିଲାକୁ ଉଦାହରଣ ଦେଇ କିଛି ଗପ କହି ତାକୁ ବୁଝାଇପାରିବେ। ବିନିଯୋଗ ଓ ସଞ୍ଚୟର ମଧ୍ୟରେ ତଫାତ୍‌   ପିଲାକୁ ନିବେଶ ଓ ସଞ୍ଚୟ ମଧ୍ୟରେ ତଫାତ୍‌ ବୁଝାନ୍ତୁ। ଆବଶ୍ୟକତା ଏବଂ ସଉକ ମଧ୍ୟରେ ତଫାତ୍‌ ରହିଛି। ଏଥିପାଇଁ ତାଙ୍କୁ ପ୍ରତିଦିନ ଉଦାହରଣ ମାଧ୍ୟମରେ ବୁଝାଇପାରିବେ। ପେଟ ଭରିବା ପାଇଁ ଖାଦ୍ୟ ଖାଇବା ନିହାତି ଜରୁରୀ। କିନ୍ତୁ ଏହି ଖାଦ୍ୟ ଘରେ ନ ଖାଇ ଯଦି ସବୁବେଳେ ହୋଟେଲରେ ଖାଇବେ, ତେବେ ଆପଣ ଅଧିକ ଟଙ୍କା ଖର୍ଚ୍ଚ କରି କମ୍‌ ଖାଇଲେ। ପିଲା ଯେତେବେଳେ କିଶୋରାବସ୍ଥାରେ ଅବତୀର୍ଣ୍ଣ ହେଉଛି ତା’ ଉପରେ କିଛି ଦାୟିତ୍ୱ ଦିଅନ୍ତୁ। ତାକୁ ଇଏମ୍‌ଆଇ ଅର୍ଥ,ସଞ୍ଚୟ ଋଣ ବିଷୟରେ ଅବଗତ କରାନ୍ତୁ। ତାକୁ ବୁଝାନ୍ତୁ ଯେ ଯଦି ତା’ର କୌଣସି ପ୍ରୋଜେକ୍ଟ କାମ ପାଇଁ ପ୍ରିଣ୍ଟର ଆବଶ୍ୟକ ଅଛି, ମାତ୍ର ଆମ ପାଖରେ ଟଙ୍କା ନାହିଁ, କିନ୍ତୁ ଜିନିଷ ନିହାତି ଦରକାର । ଆମକୁ ସେ କ୍ଷେତ୍ରରେ ଇଏମ୍‌ଆଇରେ ପ୍ରିଣ୍ଟର କିଣିବାକୁ ପଡ଼ିବ। ଏଥିପାଇଁ ପ୍ରତିମାସରେ ନିଧାର୍ଯ୍ୟ ହୋଇଥିବା ଟଙ୍କା ଆକାଉଣ୍ଟରୁ ଆପେ ଆପେ କଟିଯିବ। ଜିନିଷର ପ୍ରକୃତ ମୂଲ୍ୟ କେତେ, ଆମକୁ କେତେ ଟଙ୍କା ଇଏମ୍‌ଆଇରେ ଅଧିକ ଦେବାକୁ ହେବ ଏସବୁ ବୁଝାନ୍ତୁ। ଏହି ଉଦାହରଣ ମାଧ୍ୟମରେ ବୁଝାଇଲେ ପିଲା ସହଜରେ ବୁଝିଯିବ। କ୍ରେଡିଟ୍‌ କାର୍ଡ ଓ ଡେବିଟ୍‌ କାର୍ଡ ବିଷୟରେ ବୁଝାନ୍ତୁ   ପିଲାକୁ କ୍ରେଡିଟ୍‌ ଏବଂ ଡେବିଟ୍‌ କାର୍ଡ ବିଷୟରେ ବୁଝାନ୍ତୁ। ତାକୁ ଏଇଟା ବି ବୁଝାନ୍ତୁ କ୍ରେଡିଟ୍‌ କାର୍ଡର ଟଙ୍କା ଡିପୋଜିଟ୍‌ ଠିକ୍‌ ସମୟରେ ନ କଲେ କେତେ ସମସ୍ୟାର ସମ୍ମୁଖୀନ ହେବାକୁ ପଡ଼ିପାରେ। ତାକୁ ବୁଝାନ୍ତୁ ଆଜି ଯେଉଁ କ୍ରେଡିଟ୍‌ କାର୍ଡ ମାଧ୍ୟମରେ କିଣାକିଣି କରୁଛନ୍ତି ତାହାକୁ ପୁଣି ପର ମୁହୂର୍ତ୍ତରେ ଭରଣା ଆପଣଙ୍କୁ ହିଁ କରିବାକୁ ପଡ଼ିପାରେ। ନିଜେ ବି କରନ୍ତୁ ମନି ମ୍ୟାନେଜମେଣ୍ଟ ଏସବୁ ବ୍ୟତୀତ ମହତ୍ତ୍ୱପୂର୍ଣ୍ଣ କଥା ହେଲା ଆପଣ ନିଜେ କେତେ ମନି ମ୍ୟାନେଜମେଣ୍ଟ ପ୍ରତି ଧ୍ୟାନ ଦେଉଛନ୍ତି। ପିଲାକୁ ବୁଝାଇବା ସମୟରେ ନିଜକୁ ମଧ୍ୟ ଅନୁଶାସନ କରିବା କଥା। ତେବେ ତାଙ୍କୁ ମଝିରେ ମଝିରେ ନିଜର ଉଦାହରଣ ଦେଇ ମଧ୍ୟ ବୁଝାଇପାରିବେ। ଏମାନେ କ’ଣ କରନ୍ତି... ଉଦାହରଣ ଦେଇ ପିଲାଙ୍କୁ ବୁଝାନ୍ତୁ:ସ୍ବପ୍ନିତା ସ୍ବାଇଁ,ଗୃହିଣୀ,ରସୁଲଗଡ଼,ଭୁବନେଶ୍ୱର ଆମେ ପିଲାକୁ ବିଭିନ୍ନ ଉପାୟ ମାଧ୍ୟମରେ ସଞ୍ଚୟ ଉପାୟ ଶିଖାଇପାରିବା। ଯେମିତିକି ବାହାର ଖାଦ୍ୟ ଖାଇଲେ ଆମ ଶରୀର ଅସୁସ୍ଥ ହେବା ଆଶଙ୍କା ରହିଛି। ଯଦି ଆମେ ସେଇ ଖାଦ୍ୟକୁ ଘରେ ଭଲଭାବେ ପ୍ରସ୍ତୁତ କରି ଖାଇବା ତେବେ ଏହା ଆମ ସ୍ବାସ୍ଥ୍ୟ ପାଇଁ ଭଲ ହେବା ସହ ଟଙ୍କା ସଞ୍ଚୟ ହୋଇପାରିବ। ଯଦି କୌଣସି ଜିନିଷ ନଷ୍ଟ ହୋଇଯାଇଥିବ ତାକୁ ପୁନର୍ବାର କିପରି ବ୍ୟବହାର ଉପଯୋଗୀ କରାଯାଇପାରିବ ତାକୁ ସେ ବିଷୟରେ ବୁଝାଇଥାଏ। ପିଲାକୁ ସବୁବେଳେ କହିଥାଏ ଯିଏ ଯାହା ପିନ୍ଧିଲେ କ’ଣ ହେବ ଆମର ଯାହା ଅଛି, ଯେତିକି ଟଙ୍କା ଅଛି ତାକୁ ନେଇ ଆମେ ଚଳିବା ଏମିତି ଉଦାହରଣ ଦେଇ ବୁଝାଇଥାଏ। ପକେଟମନିରୁ ସଞ୍ଚୟ ଶିଖାଏ: ବିଶ୍ୱେଶ୍ୱରୀ ସେଠୀ,ଗୃହିଣୀ,ରତନପୁର,ଖୋର୍ଦ୍ଧା   ଝିଅକୁ ମୋର ଦଶବର୍ଷ ବୟସ। ସେ ସ୍କୁଲ ଯାଏ ତାକୁ ପେନ୍‌ କିମ୍ବା ପାଠ ସମ୍ବନ୍ଧୀୟ କୌଣସି ଜିନିଷ କିଣିବାର ଥିଲେ ତାକୁ ପକେଟ୍‌ ମନି ଦେଇଥାଏ। ସେଥିରୁ ଟଙ୍କା ବଳିଲେ ଝିଅକୁ ମୁଁ ସେଇ ଟଙ୍କାକୁ ସଞ୍ଚୟ କରିବାର ଉପାୟ ଶିଖାଇଥାଏ।

ଫୁରସତ |

କର୍ମଜୀବୀ ମହିଳା ଅଧିକ ଯତ୍ନଶୀଳା

କର୍ମଜୀବୀ ମହିଳା ଅଧିକ ଯତ୍ନଶୀଳା

ଓ୍ବାଶିଂଟନ: ସାଧାରଣ ମହିଳାଙ୍କ ଅପେକ୍ଷା କର୍ମଜୀବୀ ମହିଳା ପରିବାର ପ୍ରତି ଅଧିକ ଯତ୍ନଶୀଳା ରହିଥାନ୍ତି ବୋଲି ଗବେଷଣାରୁ ଜଣାପଡିଛି। ସେମାନେ ପରିବାରର ପ୍ରତିଟି ଦାୟିତ୍ୱ ଭଲ ଭାବେ ତୁଲାଉଥିବାବେଳେ ଯେ କୌଣସି ସମସ୍ୟାକୁ ପୁଙ୍ଖାନୁପୁଙ୍ଖ ଯାଞ୍ଚ୍‌ କରିବା ପରେ ନିଷ୍ପତ୍ତି ନେଇଥାନ୍ତି।

ଏକୁଟିଆ ସନ୍ତାନ ବିଷାଦଗ୍ରସ୍ତ ହୁଅନ୍ତି

ଏକୁଟିଆ ସନ୍ତାନ ବିଷାଦଗ୍ରସ୍ତ ହୁଅନ୍ତି

ଓ୍ବାଶିଂଟନ: ଏବେ ଆଧୁନିକତାର ସ୍ପର୍ଶରେ ଯୌଥ ପରିବାର ସଂଖ୍ୟା ହ୍ରାସ ପାଇବା ସହିତ ଦମ୍ପତିଙ୍କର ସନ୍ତାନ ସଂଖ୍ୟା ଗୋଟିଏରେ ସୀମିତ ରହୁଛି। ଏହାଦ୍ୱାରା ସନ୍ତାନର ଯତ୍ନ ନେବା ସହଜ ହେଉଛି ଓ ତାହାର ଭବିଷ୍ୟତ ମଧ୍ୟ ସୁରକ୍ଷିତ ହୋଇପାରୁଛି।

ମକରର ମହକ

ମକରର ମହକ

ମାଘର ଶୀତରେ ଆସେ ମକର। ଆଉ ମକର ଆସିଲେ, ଚାରିଆଡେ ଖେଳିଯାଏ ଖୁସିର ଲହରି। ଓଡ଼ିଶାରେ ଥିବା ତେଲୁଗୁ ସମ୍ପ୍ରଦାୟ ଏହାକୁ ପୋଙ୍ଗଲ ବା ସେମାନଙ୍କ ନୂଆ ବର୍ଷ ଭାବେ ପାଳନ କରୁଥିବାବେଳେ ଓଡ଼ିଶାର ବିଭିନ୍ନ ଜିଲାରେ ମକରକୁ ନେଇ ପାଳନ ହୋଇଥାଏ ଭିନ୍ନ ଭିନ୍ନ ପରମ୍ପରା। କେଉଁଠି ମକର ଚାଉଳ, ପିଠା ଓ ମିଠାରେ ମକରକୁ ସ୍ବାଗତ କରାଯାଏ ତ କେଉଁଠି କୁକୁଡ଼ା ଲଢେଇ ମକରର ମାହୋଲକୁ ସରଗରମ କରୁଥିବାବେଳେ ଆଉ କେଉଁଠି ଗୁଡ଼ିଉଡ଼ାରେ ସ୍ବାଗତ କରାଯାଏ ମକରକୁ....

ଅଟ୍ରି

ଅଟ୍ରି

ଓଡ଼ିଶାର ଅନ୍ୟତମ ପର୍ଯ୍ୟଟନସ୍ଥଳୀ ଭାବେ ଖୋର୍ଦ୍ଧାର ଅଟ୍ରି ଉଷ୍ଣପ୍ରସ୍ରବଣ ପ୍ରସିଦ୍ଧି ଲାଭ କରିଛି। ବର୍ଷର ସବୁ ସମୟରେ ଏଠାରେ ପର୍ଯ୍ୟଟକଙ୍କ ଯା’ଆସ ଲାଗି ରହୁଥିଲେ ହେଁ ମକର ସଂକ୍ରାନ୍ତିରେ ଏଠି ଅଧିକ ଭିଡ଼ ଜମିଥାଏ।

ପ୍ରଥମ ରୋଜଗାର: ପରିବାର ସଦସ୍ୟ ଓ ସାଙ୍ଗସାଥୀଙ୍କ ପାଇଁ ଗିଫ୍ଟ କିଣିଥିଲି

ପ୍ରଥମ ରୋଜଗାର: ପରିବାର ସଦସ୍ୟ ଓ ସାଙ୍ଗସାଥୀଙ୍କ ପାଇଁ ଗିଫ୍ଟ କିଣିଥିଲି

ଅବସରପ୍ରାପ୍ତ ପ୍ରାଧ୍ୟାପିକା ତଥା ଅନୁବାଦିକା ମିନତି ପଟନାୟକ ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି... ଖୋର୍ଦ୍ଧା ଜିଲା କୁହୁଡିରେ ଆମ ଗାଁ। କୁହୁଡି ଜନତା ହାଇସ୍କୁଲ୍‌ରୁ ୮ମ ପଢିବା ପରେ ରାଉରକେଲାସ୍ଥିତ ଉଦିତ୍‌ନଗର ହାଇସ୍କୁଲ୍‌ରେ ନାଁ ଲେଖାଇଥିଲି। କାରଣ ରାଉରକେଲାରେ ବାପା ଚାକିରି କରୁଥିଲେ। ୧୯୬୫ରେ ସେଠାରୁ ଏକାଦଶ ପାସ୍‌ କରିବା ପରେ ସମ୍ବଲପୁର ମହିଳା ମହାବିଦ୍ୟାଳୟରୁ ପି.ୟୁ ସାରି ପୁରୀ ମହିଳା ମହାବିଦ୍ୟାଳୟରେ ବି.ଏ. ପଢିଥିଲି।

ମହାକାଶଚାରୀଙ୍କ ଦୃଷ୍ଟିଶକ୍ତି ପ୍ରଭାବିତ ହୋଇଥାଏ

ମହାକାଶଚାରୀଙ୍କ ଦୃଷ୍ଟିଶକ୍ତି ପ୍ରଭାବିତ ହୋଇଥାଏ

ଲଣ୍ଡନ: ମହାକାଶ ଯାତ୍ରା ପରେ ପୃଥିବୀକୁ ଫେରୁଥିବା ମହାକାଶଚାରୀଙ୍କ ଦୃଷ୍ଟିଶକ୍ତି ପ୍ରଭାବିତ ହୋଇଥାଏ ବୋଲି ଚିକିତ୍ସା ବିଜ୍ଞାନୀମାନେ ଜାଣିପାରିଛନ୍ତି। ମହାକାଶର ମାଇକ୍ରୋଗ୍ରାଭିଟିରେ ମସ୍ତିଷ୍କର ଉପର ସ୍ତରରେ ସେରିବ୍ରୋସ୍ପାଇନାଲ୍‌ ଫ୍ଲୁଇଡ୍‌ ପହଞ୍ଚିପାରି ନ ଥାଏ।

ଆଧୁନିକ ସମାଜରେ ହିଂସା ବଢ଼ୁଛି

ଆଧୁନିକ ସମାଜରେ ହିଂସା ବଢ଼ୁଛି

ଓ୍ବାଶିଂଟନ: ଆଧୁନିକ ସମାଜରେ ହିଂସା ବଢ଼ୁଛି ବୋଲି ଗେବଷକ କହିଛନ୍ତି। ସଭ୍ୟ ମାନବ ପ୍ରତିଟି କ୍ଷେତ୍ରରେ ବିଭିନ୍ନ ପ୍ରତିଦ୍ୱନ୍ଦ୍ୱିତାର ସମ୍ମୁଖୀନ ହୋଇଥାଏ। ଏହାର ମୁକାବିଲା ପାଇଁ ଅନେକ ସମୟରେ ହିଂସାକାଣ୍ଡ ଘଟୁଥାଏ।

ନୂଆ ସ୍ବାଦ ପାସ୍ତା ଖାଇବା ପ୍ରତି ଆଗ୍ରହ ସୃଷ୍ଟି କରିଥାଏ

ନୂଆ ସ୍ବାଦ ପାସ୍ତା ଖାଇବା ପ୍ରତି ଆଗ୍ରହ ସୃଷ୍ଟି କରିଥାଏ

ମେଲବୋର୍ଣ୍ଣ : ମନୁଷ୍ୟ ମଧ୍ୟରେ ଏକ ନୂତନ ପ୍ରକାର ସ୍ବାଦ ଯୋଗୁ ପାସ୍ତା ଖାଇବା ପ୍ରତି ଆଗ୍ରହ ସୃଷ୍ଟି ହୋଇଥାଏ ବୋଲି ବୈଜ୍ଞାନିକ ଜାଣିପାରିଛନ୍ତି। ଏହା ହେଉଛି ସପ୍ତମ ପ୍ରକାର ସ୍ବାଦ ଯାହାକି ମନୁଷ୍ୟଠାରେ ରହିଥିବା ଗବେଷକ ଜାଣି ପାରିଛନ୍ତି।

ଆଗ୍ନେୟଗିରୀ ଉଦ୍‌ଗୀରଣ ଯୋଗୁ ଧ୍ୱଂସ ହୋଇଥିଲା ଇଜିପ୍ଟ ସାମ୍ରାଜ୍ୟ

ଆଗ୍ନେୟଗିରୀ ଉଦ୍‌ଗୀରଣ ଯୋଗୁ ଧ୍ୱଂସ ହୋଇଥିଲା ଇଜିପ୍ଟ ସାମ୍ରାଜ୍ୟ

ନ୍ୟୁୟର୍କ: ଆଗ୍ନେୟଗିରୀ ଉଦ୍‌ଗୀରଣ ଯୋଗୁ ପୁରାତନ ଇଜିପ୍ଟ ସାମ୍ରାଜ୍ୟ ଧ୍ୱଂସ ହୋଇଥିବା ଗବେଷକ କହିଛନ୍ତି। ଖ୍ରୀଷ୍ଟପୂର୍ବ ୩୦୫ରୁ ୩୦ ମଧ୍ୟରେ ନୀଳ ନଦୀ ଅବବାହିକାରେ ଥିବା ଏହି ପୁରାତନ ସାମ୍ରାଜ୍ୟର କିଭଳି ଅନ୍ତ ଘଟିଲା ସେ ସମ୍ପର୍କରେ ଗବେଷକ ଜାଣିପାରିଛନ୍ତି

ଯୁବବର୍ଗ ହେଉଛନ୍ତି ମସ୍ତିଷ୍କାଘାତର ଶିକାର

ଯୁବବର୍ଗ ହେଉଛନ୍ତି ମସ୍ତିଷ୍କାଘାତର ଶିକାର

ଓ୍ବାଶିଂଟନ: ଉଚ୍ଚ ରକ୍ତଚାପ କିମ୍ବା ବୟସାଧିକକ୍ଷେତ୍ରରେ ମସ୍ତିଷ୍କକୁ ଆବଶ୍ୟକ ପରିମାଣର ରକ୍ତ ପ୍ରବାହିତ ହୋଇପାରି ନ ଥାଏ। ଫଳରେ ମସ୍ତିଷ୍କାଘାତ ସମସ୍ୟା ଦେଖାଦେଇଥାଏ।

ମାଧ୍ୟାକର୍ଷଣ ତରଙ୍ଗ ଯୋଗୁ ସୁନା ସୃଷ୍ଟି ହୋଇଛି

ମାଧ୍ୟାକର୍ଷଣ ତରଙ୍ଗ ଯୋଗୁ ସୁନା ସୃଷ୍ଟି ହୋଇଛି

ଓ୍ବାଶିଂଟନ: ପୃଥିବୀ ସୃଷ୍ଟି ସମୟରେ ଏକ ଉତ୍ତପ୍ତ ଗ୍ୟାସୀୟ ପିଣ୍ଡଥିଲା। ନିୟୁତ ନିୟୁତ ବର୍ଷ ପରେ ଏହାର ଉପର ଭାଗ ଶୀତଳ ହୋଇ କ୍ରମଶଃ କଠିନ ହୋଇଥିଲା। ଏହାପରେ ପୃଥିବୀରେ ମହାଜାଗତିକ ରଶ୍ମୀ ମଧ୍ୟରେ ପ୍ରଚଣ୍ଡ ଧକ୍କା ହୋଇଥିଲା।

ଚନ୍ଦ୍ରରେ ଥିଲା ବାୟୁମଣ୍ଡଳ

ଚନ୍ଦ୍ରରେ ଥିଲା ବାୟୁମଣ୍ଡଳ

ଓ୍ବାଶିଂଟନ: ନିୟୁତ ନିୟୁତ ବର୍ଷ ତଳେ ଚନ୍ଦ୍ରରେ ବାୟୁମଣ୍ଡଳ ଥିଲା ବୋଲି ମହାକାଶ ବିଜ୍ଞାନୀ କହିଛନ୍ତି। ଏହା ଚନ୍ଦ୍ରରେ ଥିବା ଆଗ୍ନେୟଗିରୀର ଉଦ୍‌ଗୀରଣ ଯୋଗୁ ସୃଷ୍ଟି ହୋଇଥିଲା।