ସମ୍ପାଦକୀୟ |

ଅପପୁଷ୍ଟି: ଏକ ସାମାଜିକ ବ୍ୟାଧି

ଅପପୁଷ୍ଟି: ଏକ ସାମାଜିକ ବ୍ୟାଧି

ଡା. ବାସୁଦେବ ପ୍ରଧାନ
ମଣିଷର ମୌଳିକ ଆବଶ୍ୟକତା ହେଉଛି ଖାଦ୍ୟ, ବସ୍ତ୍ର ଓ ବାସଗୃହ। ଉତ୍ତମ ଖାଦ୍ୟ ମଣିଷକୁ ପୁଷ୍ଟି ଯୋଗାଏ। ଶରୀରକୁ ନୀରୋଗ ଓ ସୁସ୍ଥ ରଖେ। ସୁଷମ ଖାଦ୍ୟ ଅଭାବରୁ ମଣିଷ ବିଭିନ୍ନ ବ୍ୟାଧିର ଶିକାର ହୁଏ। ଦାରିଦ୍ର୍ୟ ଏବଂ ଶିକ୍ଷାର ଅଭାବ ଅପପୁଷ୍ଟିକୁ ଖୋରାକ ଯୋଗାଏ। ଅପପୁଷ୍ଟି କେବଳ କେତେକ ରାଜ୍ୟର ସମସ୍ୟା ନୁହେଁ, ଏହା ସମଗ୍ର ବିଶ୍ୱରେ ମଧ୍ୟ ଦେଖାଯାଏ। ତେବେ ଯେଉଁ ଦେଶରେ ଆର୍ଥିକ ଅବସ୍ଥା ସୁଦୃଢ, ନାଗରିକମାନେ ଶିକ୍ଷିତ, ସେମାନେ ଅପପୁଷ୍ଟିର ଶିକାର କମ୍‌ ହୋଇଥାନ୍ତି। ଶାରୀରିକ ସୁସ୍ଥତା ମଣିଷକୁ ରୋଜଗାରକ୍ଷମ କରୁଥିବା ବେଳେ ଶିକ୍ଷା ଜୀବନଶୈଳୀରେ ପରିବର୍ତ୍ତନ ଆଣେ। କିନ୍ତୁ ଶିକ୍ଷା ଅପେକ୍ଷା ପ୍ରଥମ ଆବଶ୍ୟକତା ସ୍ବାସ୍ଥ୍ୟ। ଯେଉଁ ପରିବାରର ମୁଣ୍ଡପିଛା ଆୟ କମ୍‌ ସେହି ପରିବାରର ପିଲାମାନେ ଅଧିକ ଅପପୁଷ୍ଟିର ଶିକାର ହୋଇଥାନ୍ତି। ଅପପୁଷ୍ଟିର ଲକ୍ଷଣଗୁଡିକ ହେଲା: ଦୁର୍ବଳ ଶରୀର, ଚୁଟି କହରା ଓ ରୁକ୍ଷ, ପେଟ ବାହାରିପଡ଼ିବା ବା ଏକ ପୁଟୁଳି ପରି ଦେଖାଯିବା, ଆଖି ଶେତା ଦେଖାଯିବା, ଶରୀରରେ ରକ୍ତ ଏବଂ ଗ୍ଲୁକୋଜର ମାତ୍ରା କମିଯିବା, ଅସ୍ଥି ଦୁର୍ବଳ, ଓଜନ ହ୍ରାସ, ଗାଲର ମାଂସପେଶୀ ଶିଥିଳ ହେବା କାରଣରୁ ପାଟି ମେଲା ହୋଇ ରହିବା, ଜିଭରେ ଆସ୍ତରଣ ଜମିବା। ସେହିପରି ଅନ୍ଧାରକଣା, ଥଣ୍ଡା, କାଶ, ଟନ୍‌ସିଲାଇଟିସ୍‌, ବ୍ରୋଙ୍କାଇଟିସ୍‌, ନିମୋନିଆ, ଝାଡାବାନ୍ତି ଓ ବିଭିନ୍ନ ପ୍ରକାର ଚର୍ମରୋଗ ଆକ୍ରାନ୍ତ କରିଥାଏ। ପିଲାମାନେ ଚିଡିଚିଡା, କ୍ରନ୍ଦନରତ ରହନ୍ତି, ଏପରି କି ମା’କୋଳ ଛାଡନ୍ତି ନାହିଁ। ଅପପୁଷ୍ଟିର ଦୁଇଟି ବଳିଷ୍ଠ ଉଦାହରଣ ହେଲା କ୍ୱାସିର୍‌କର ଏବଂ ମାରାସମସ୍‌ ରୋଗ।ଅପପୁଷ୍ଟିକୁ ରୋକିବା ପାଇଁ ଆମକୁ ମା’ର ସ୍ବାସ୍ଥ୍ୟ ପ୍ରତି ଧ୍ୟାନ ଦେବାକୁ ହେବ। ଅର୍ଥାତ୍‌ ଗର୍ଭାବସ୍ଥାରେ ମା’ର ସ୍ବାସ୍ଥ୍ୟ ପରୀକ୍ଷା କରାଇବା ଦରକାର। ମା’କୁ ଉତ୍ତମ ଖାଦ୍ୟ ଦେବା ଆବଶ୍ୟକ। ମା’ ସୁସ୍ଥ ରହିଲେ ଉତ୍ତମ ସନ୍ତାନ ଜନ୍ମଦିଏ। ତା’ ସାଙ୍ଗକୁ ଛୁଆର ଲାଳନପାଳନ ଉତ୍ତମ ରୂପେ କରିପାରିଥାଏ। କେଉଁ ଅତୀତ କାଳରୁ ବୋହୂଟି ମା’ ହେବାକୁ ଥିଲେ ଘରକୁ ‘ସ୍ବାଦଭାର’ ଅର୍ଥାତ୍‌ ଉତ୍ତମ ପିଠାପଣା, ବ୍ୟଞ୍ଜନ ବୋହୂ ପାଇଁ ଆସିଥାଏ। ସ୍ବାଦଖିଆରେ ଆମିଷ ଦିଆଯାଏ ନାହିଁ। ଅପପୁଷ୍ଟି ରୋକିବା ପାଇଁ ଆମ ପାଖରେ ଅନେକ ଉପାୟ ରହିଛି। ସେଗୁଡିକ ହେଲା- ଗର୍ଭାବସ୍ଥାରେ ଆଇରନ୍‌ ଏବଂ କ୍ୟାଲ୍‌ସିୟମର ଆବଶ୍ୟକତା ଯଥେଷ୍ଟ। ସେଥିପାଇଁ ବିଭିନ୍ନ ପ୍ରକାର ଶାଗ ଖାଇବା ଦରକାର। ଶାଗ ମଧ୍ୟରେ ପୁରୁଣି ଶାଗ ଶ୍ରେଷ୍ଠ। ଏହା ଖାଇଲେ ରକ୍ତହୀନତା ଦୂର ହୁଏ। ଏଥିପାଇଁ ଉପାଦେୟ ଔଷଧ ହେଉଛି ପୁନର୍ନବାଦି ମଣ୍ଡୁର, ଧାତ୍ରିଲୌହ। ଏହି ଔଷଧ ପ୍ରସବ ପୂର୍ବରୁ ଏବଂ ପରେ ଦିଆଯାଇଥାଏ। ସେହିପରି କ୍ୟାଲ୍‌ସିୟମ ପାଇଁ ମୁକ୍ତାଶୁକ୍ତି ଉପଯୁକ୍ତ ଔଷଧ। ମାଣ୍ଡିଆରେ ପ୍ରଚୁର କ୍ୟାଲ୍‌ସିୟମ୍‌ ଅଛି। କ୍ଷୀର ଏବଂ କ୍ଷୀରରୁ ପ୍ରସ୍ତୁତ ଅନ୍ୟାନ୍ୟ ଖାଦ୍ୟ, ଦହି, ଛେନା ଲାଭଦାୟକ ହୋଇଥାଏ। ପ୍ରସବ ପରେ କ୍ଷୀର ବୃଦ୍ଧି ପାଇଁ ଜିରା, ଶତାବରୀ ଦିଆଯାଇପାରିବ। କଳମ ଶାଗ ମଧ୍ୟ ଉପାଦେୟ। ଦଶମୂଳାରିଷ୍ଟ, ମୃତସଞ୍ଜୀବନୀ ସୁରା ଏବଂ ଜୀରକାଦି ମୋଦକ ମା’କୁ ଦେଲେ ମା’ ନୀରୋଗ ରୁହେ। ମାତୃସ୍ତନ୍ୟରୁ ଉତ୍ତମ ଏବଂ ଉପଯୁକ୍ତ ମାତ୍ରାରେ କ୍ଷୀର ସୃଷ୍ଟି ହୁଏ। ୬ ମାସ ପାଇଁ ଛୁଆକୁ କେବଳ ମା’କ୍ଷୀର ଦେବା ଉଚିତ। ୬ ମାସ ପରେ ବହଳିଆ ଖାଦ୍ୟ ଦେବା ସାଙ୍ଗକୁ ୨ ବର୍ଷ ପର୍ଯ୍ୟନ୍ତ ମା’କ୍ଷୀର ଦେବା ଉଚିତ। ସେହିପରି ଢିଙ୍କିକୁଟା ଉଷୁନାଚାଉଳ ଭାତ, ତୋରାଣି ଏବଂ ଚକିପେଷା ଅଟା, ମାଣ୍ଡିଆ, ଯଅ ମଧ୍ୟ ଉତ୍ତମ ପୋଷକ ଖାଦ୍ୟ ଭାବେ ନିଆଯାଇପାରିବ। ପ୍ରସବ ପରେ ଲୁଣ ଓ ଲେମ୍ବୁଦିଆ ତୋରାଣି ହେଉଛି ଶ୍ରେଷ୍ଠ ଟନିକ୍‌। ଏଥିରେ ଭିଟାମିନ୍‌ ବି ଓ ସି ଅଛି। ତୋରାଣିରେ ସାମାନ୍ୟ ପରିମାଣରେ ଭଜା ଜିରାଗୁଣ୍ଡ ପକାଇ ଖାଇଲେ ମା’ର ସ୍ବାସ୍ଥ୍ୟ ଭଲ ରହେ। ହର୍ଲିକ୍ସ କିମ୍ବା ଅନ୍ୟାନ୍ୟ ଡବା ଖାଦ୍ୟର ଆବଶ୍ୟକତା ନାହିଁ। ଏହା ବ୍ୟୟବହୁଳ। ତା’ଅପେକ୍ଷା ଘରେ ଛତୁଆ ତିଆରି କରି ସେଥିରେ କ୍ଷୀର ଓ ଗୁଡ଼ ମିଶାଇ ଖାଇଲେ ଆମେ କମ୍‌ ପଇସାରେ ଉତ୍ତମ ପୁଷ୍ଟିସାର ପାଇପାରିବା। ଆମ ବାଡିବଗିଚାରେ ପୁଷ୍ଟିକର ଖାଦ୍ୟର ଅଭାବ ନାହିଁ। କେବଳ ମାନସିକ ପ୍ରସ୍ତୁତି ରହିଲେ ଆମେ ଅପପୁଷ୍ଟିର ସରଳ ଚିକିତ୍ସା କରିପାରିବା।ଆମେ ଦେଶୀ ଗାଈଟିଏ ରଖିଲେ କ୍ଷୀର, ଘିଅ, ଦହି, ଛେନା ପାଇପାରିବା। କିଚେନ ଗାର୍ଡେନଟିଏ କଲେ ସବୁଜ ପନିପରିବା ପାଇପାରିବା। କ୍ଷେତରୁ ମିଳୁଥିବା ଡାଲି, ଶିମ୍ବଠାରୁ ଅଧିକ ପୁଷ୍ଟିକର ଖାଦ୍ୟ ନାହିଁ। ବାଡିରେ ଯଦି କଦଳୀ, ଅମୃତଭଣ୍ଡା, ଶଜନା ଗଛ ଅଛି ତେବେ ଉତ୍ତମ ଆହାର ପାଇପାରିବା। ମାତୃ ଓ ଶିଶୁ ମୃତ୍ୟୁହାର କମାଇବା ପାଇଁ ସରକାର ଅନେକ ବ୍ୟବସ୍ଥା କରୁଛନ୍ତି। ଏହାର ସୁଯୋଗ ନେବା ଆବଶ୍ୟକ। ଡାକ୍ତରଙ୍କ ପରାମର୍ଶ ଅନୁସାରେ ଔଷଧ ବ୍ୟବସ୍ଥା ଏବଂ ପଥିପାଚନ କରାଗଲେ ମା’ ଓ ଛୁଆ ସୁସ୍ଥ ରହିବେ। ପିଲାମାନେ ଅପପୁଷ୍ଟିର ଶିକାର ହେବେ ନାହିଁ। ଅପପୁଷ୍ଟି କେବଳ ପରିବାରର ସମସ୍ୟା ନୁହେଁ, ଏହା ଏକ ସାମାଜିକ ବ୍ୟାଧି। ଏହି ବ୍ୟାଧି ଦୂର ହେବା ଦରକାର।
ମୋ-୯୪୩୯୯୯୦୦୬୦

All Right Reserved By

ସମ୍ପାଦକୀୟ |

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଗତମାସରେ ବୀମା ନିୟାମକ ଓ ଉନ୍ନୟନ କର୍ତ୍ତୃପକ୍ଷ (ଆଇଆର୍‌ଡିଏ)ଠାରୁ ଅନୁମତି ପାଇବା ପରେ ଜୀବନବୀମା ନିଗମ (ଏଲ୍‌ଆଇସି) ବୋର୍ଡ କ୍ଷତିରେ ଚାଲୁଥିବା ଆଇଡିବିଆଇ ବ୍ୟାଙ୍କରେ ନିଜର ଅଂଶଧନ ୫୧ ପ୍ରତିଶତକୁ ବୃଦ୍ଧି କରିବା ଲାଗି ସରକାରଙ୍କୁ ପ୍ରସ୍ତାବ ଦେଇଛି। ଆଉ କେତେଟା ପ୍ରକ୍ରିୟା ଶେଷହେବା ପରେ ଉକ୍ତ ରାଷ୍ଟ୍ରାୟତ୍ତ ବ୍ୟାଙ୍କ ଏଲ୍‌ଆଇସିର ଅଧୀନ ହୋଇଯିବ। ଆଇଡିବିଆଇ ବ୍ୟାଙ୍କରେ ଜୀବନବୀମା ନିଗମର ବର୍ତ୍ତମାନ ୭.୯୮ ପ୍ରତିଶତ ଅଂଶଧନ ରହିଛି, ଯାହା ମାର୍ଚ୍ଚ ୨୦୧୮ ସୁଦ୍ଧା ୧୦.୮୨ ପ୍ରତିଶତ ଥିଲା। ରୁଗ୍ଣ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକୁ ସୁସ୍ଥ କରିତୋଳିବା ଦୀର୍ଘଦିନ ହେଲା ସରକାରଙ୍କର ଏକ ନୀତି ...

 ସଙ୍କଟରେ ଭବିଷ୍ୟତ

ସଙ୍କଟରେ ଭବିଷ୍ୟତ

ଉପେନ୍ଦ୍ର ବିଶ୍ୱାଳ ପାଗଳପ୍ରାୟ ଘୂରି ବୁଲୁଥାନ୍ତି ମହାମାନ୍ୟ ମଦନମୋହନ ମାଲବ୍ୟ। ନିଶା ଘାରିଥାଏ ବନାରସରେ ବିଶ୍ୱସ୍ତରୀୟ ହିନ୍ଦୁ ବିଶ୍ୱବିଦ୍ୟାଳୟଟିଏ ପ୍ରତିଷ୍ଠା କରିବାକୁ। ହାତ ପତଉଥାନ୍ତି ସମସ୍ତଙ୍କୁ। ଏପରିକି ମୃତଦେହ ଶୋଭାଯାତ୍ରାରେ ଫିଙ୍ଗାଯାଉଥିବା ପଇସା କଉଡ଼ିକୁ ମଧ୍ୟ ସାଉଁଟି ରଖୁଥାନ୍ତି। ବଡ଼ ଆଶା ନେଇ ପହଞ୍ଚତ୍ଲେ ଦିନେ ଘନଶ୍ୟାମ ଦାସ ବିର୍ଲାଙ୍କ ବାସଭବନରେ। ବୈଠକଖାନାରେ ଟିକିଏ ବସିବାକୁ କହି ଠାକୁର ପୂଜା ପାଇଁ ଗଲେ ସେ। ଦୀପଟି ଜଳାଇଲାବେଳେ ପ୍ରଥମ ପରେ ଦ୍ୱିତୀୟ ଦିଆସିଲିକାଠିଟି ଲିଭିଗଲା। ତୃତୀୟ କାଠିଟି ବି ଲିଭିଗଲା ସାମାନ୍ୟ ଅସାବଧାନତାବଶତଃ। ଗର୍ଜିଉଠି ବର୍ଷିଗଲେ ପୂଜକ ଉପରେ। ଆଚମ୍ବିତ ହେଲେ ...

ପ୍ରାଣବନ୍ତ, ପ୍ରଣବସ୍ବରୂପ

ପ୍ରାଣବନ୍ତ, ପ୍ରଣବସ୍ବରୂପ

ଡା. ଅଂଶୁମାନ୍‌ କର ଗତ ସ୍ନାନପୂର୍ଣ୍ଣିମା ଦିନ ଗଜପତି ମହାରାଜ ପ୍ରଭୁ ଜଗନ୍ନାଥଙ୍କ ଆଳତି କରିବା ସମୟରେ ପ୍ରଭୁଙ୍କ ଶିରରୁ ଫୁଲମାଳ ଖସିବାକୁ ନେଇ ଅନେକ ଚର୍ଚ୍ଚା ଚାଲିଛି। ଆଜିର ସୋସିଆଲ ମିଡିଆ ଯୁଗରେ ଏହି ଘଟଣାର ଭୂରି ଭୂରି ପ୍ରଚାର ଓ ପ୍ରସାର ଚାଲିଛି। ଜଗନ୍ନାଥ ଓ ପୁରୀ ଶ୍ରୀମନ୍ଦିରର ପ୍ରାଣବନ୍ତ ଅସ୍ତିତ୍ୱର ଏହା ଏକ ଦିବ୍ୟ ପ୍ରମାଣ ବୋଲି ଅନେକେ ମତ ବ୍ୟକ୍ତ କରୁଛନ୍ତି। କେତେଜଣ କହୁଛନ୍ତି, ଏହାଦ୍ୱାରା ପ୍ରଭୁ ନିଜ ପ୍ରତ୍ୟକ୍ଷ ଉପସ୍ଥିତିର ପ୍ରମାଣ ଦେଉଛନ୍ତି।...

ଏଇ ଭାରତରେ

ଏଇ ଭାରତରେ

ଜଣେ ନବଜାତ ଶିଶୁ କ୍ଷୀର ପାନ କରିବା ପରେ କୋମା ଅବସ୍ଥାରେ ଥିବା ତା’ ମା’ଙ୍କର ଚେତା ଫେରିଆସିଛି। ଏପରି ଏକ ଘଟଣା କେରଳରେ ଘଟିଛି। ବେଟିନା ନାମ୍ନୀ ଜଣେ ମହିଳା ଶିଶୁପୁତ୍ରର କାନ୍ଦ ଶୁଣି ଧୀରେ ଧୀରେ ପ୍ରତିକ୍ରିୟା ପ୍ରକାଶ କରିଥିଲେ। ଜୁନ୍‌ ୧୪ରେ ଶିଶୁଟି ଜନ୍ମଗ୍ରହଣ କରିଥିଲା। ଶିଶୁଟି ସ୍ତନ୍ୟପାନ କରିବା ପରେ ମହିଳାଙ୍କର ସ୍ନାୟୁଗତ ସମସ୍ୟା ଧୀରେ ଧୀରେ ସୁଧୁରିବାରେ ଲାଗିଥିଲା ବୋଲି ହସ୍ପିଟାଲ୍‌ର ଇଣ୍ଟେନ୍‌ସିଭ୍‌ କେୟାର ୟୁନିଟ୍‌ର ମୁଖ୍ୟ ଡକ୍ଟର ଆର. ବିବେକ ପ୍ରକାଶ କରିଛନ୍ତି। ...

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପୂର୍ବରୁ ଏହି ସ୍ତମ୍ଭରେ ଶସ୍ୟକ୍ଷେତ୍ରରେ ପଞ୍ଚଗବ୍ୟର ବ୍ୟବହାର ଉପରେ ଏକ ନିବନ୍ଧ ଲେଖିଥିଲି। ବହୁବର୍ଷର ଗବେଷଣା ପରେ ଉକ୍ତ ପୁସ୍ତକ ଲେଖିଥିବା ଡ. କେ. ନଟରାଜନ୍‌ ଏଥିରେ ପ୍ରାଣୀମାନଙ୍କ ଉପରେ ପଞ୍ଚଗବ୍ୟର ପ୍ରଭାବ ସମ୍ବନ୍ଧରେ ମଧ୍ୟ ଏକ ଅଧ୍ୟାୟ ଲେଖିଛନ୍ତି। ଗଛଲତା ଉପରେ ଅଧ୍ୟୟନ ପରେ ତାଙ୍କ ଗବେଷକ ଦଳ ପ୍ରାଣୀ ଓ ମନୁଷ୍ୟ ଉପରେ ଅଧ୍ୟୟନ ଆରମ୍ଭ କରିଦେଇଥିଲେ। ପୂର୍ବ ନିବନ୍ଧଟି ଯେଉଁମାନେ ପଢ଼ି ନ ଥିବେ ସେମାନଙ୍କ ପାଇଁ ଏହାର ପ୍ରସ୍ତୁତି ପ୍ରଣାଳୀ ନିମ୍ନରେ ଆଉ ଥରେ ଲେଖୁଛି।...

ଅଭାବର ଚିତ୍ରପଟ

ଅଭାବର ଚିତ୍ରପଟ

ଡ. ସୁବାସ ଚନ୍ଦ୍ର ପାତ୍ର ଦାରିଦ୍ର୍ୟର ମାତ୍ରା ତଥା କିସମ ଅଛି। ବିଭିନ୍ନ ପ୍ରକାର ଦାରିଦ୍ର୍ୟରେ ମଣିଷ ହନ୍ତସନ୍ତ କିନ୍ତୁ ଅର୍ଥନୈତିକ ଦାରିଦ୍ର୍ୟ ମଣିଷକୁ ବେଶି ନିପୀଡ଼ିତ କରେ କାରଣ ତା’ର ପ୍ରଭାବ ଦୃଶ୍ୟମାନ। ସବୁ ଦରିଦ୍ରତା ପଛରେ ଥାଏ ଏକ ଅଭାବବୋଧ ଏବଂ ଏହି ଅଭାବ ଯେତେବେଳେ ସର୍ବବ୍ୟାପୀ ଓ ସର୍ବଗ୍ରାସୀ ହୋଇଯାଏ ସେଇଠି ଦାରିଦ୍ର୍ୟ ହୋଇପଡ଼େ ଦୁର୍ବିଷହ।...

ପତିତପାବନ ଯାତ୍ରା

ପତିତପାବନ ଯାତ୍ରା

ପଣ୍ଡିତ ଡ. ଅନ୍ତର୍ଯ୍ୟାମୀ ମିଶ୍ର ପୁରୁଷୋତ୍ତମ ଜଗନ୍ନାଥ ଦିବ୍ୟ ନୀଳାଚଳରେ ଅନାଦିକାଳରୁ ଦାରବୀ ଲୀଳା ସଂରଚନା କରିଛନ୍ତି। ତାଙ୍କ ଦିବ୍ୟ ଲୀଳାକୁ ଦୁଇଭାଗରେ ବିଭକ୍ତ କରାଯାଇଛି- ଶ୍ରୀମନ୍ଦିର ରତ୍ନସିଂହାସନରେ ଚତୁର୍ଦ୍ଧାମୂର୍ତ୍ତି ସ୍ବରୂପରେ ଐଶ୍ୱର୍ଯ୍ୟଲୀଳା ଏବଂ ରଥଯାତ୍ରାରେ ଅଗଣିତ ଭକ୍ତଙ୍କ ସହିତ ମାଧୁର୍ଯ୍ୟଲୀଳା। ତାଙ୍କର ଏହି ମାଧୁର୍ଯ୍ୟଲୀଳା ଶତାବ୍ଦୀ ଶତାବ୍ଦୀ ଧରି ବିଶ୍ୱମାନସକୁ ଉଦ୍‌ବୁଦ୍ଧ କରିଆସିଛି। ବିଶ୍ୱର କୋଣ ଅନୁକୋଣରୁ ଲକ୍ଷ ଲକ୍ଷ ଭକ୍ତ ଶ୍ରୀଜଗନ୍ନାଥଙ୍କ ରଥଯାତ୍ରା ଦର୍ଶନ କରିବାକୁ ଶ୍ରୀକ୍ଷେତ୍ର ଆଗମନ କରିଥାନ୍ତି। ଏହି ଯାତ୍ରାରେ ପ୍ରଭୁ ...

ଏଇ ଭାରତରେ

ଏଇ ଭାରତରେ

ଦୃଢ଼ ଇଚ୍ଛାଶକ୍ତି ଦିନେ ନା ଦିନେ ସଫଳତା ଆଣି ଦେଇଥାଏ। ଯାହାକି ପୂର୍ବ ବାଙ୍ଗାଲୋରର ଲିଙ୍ଗରାଜପୁରମ୍‌ ଅଞ୍ଚଳରେ ବାସ କରୁଥିବା ଜଣେ ମହିଳାଙ୍କ କ୍ଷେତ୍ରରେ ଦେଖିବାକୁ ମିଳିଛି। ସ୍ବାମୀଙ୍କ କ୍ଷଣିକ ରାଗର ଶିକାର ହୋଇ ନିଜର ମୁଖମଣ୍ଡଳର ସୌନ୍ଦର୍ଯ୍ୟକୁ ହରାଇଥିବା ଅନୀଥା ପାର୍କର ମେରୀ ନାମ୍ନୀ ଜଣେ ମହିଳା ଦୀର୍ଘ ୧୮ବର୍ଷ ଧରି ସଂଘର୍ଷ କରିବା ପରେ ଏବେ ସ୍ବାବଲମ୍ବୀ ହୋଇପାରିଛନ୍ତି। ସ୍ବାମୀଙ୍କ ମୃତ୍ୟୁ ପରେ ଏକ ସ୍ବେଚ୍ଛାସେବୀ ସଂଗଠନର କର୍ମକର୍ତ୍ତାଙ୍କ ସହଯୋଗରେ ଅନୀଥା ଏକ ଦୋକାନ କରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିପାରିଛନ୍ତି। ସାମାନ୍ୟ କଥାକୁ କେନ୍ଦ୍ର କରି ୧୮ବର୍ଷ ତଳେ ଅନୀଥାଙ୍କ ସ୍ବାମୀ ଏକ ଜଳନ୍ତା ଲଣ୍ଠନକୁ ତାଙ୍କ ଉପରକୁ ଫିଙ୍ଗି ଦେଇଥିଲେ। ଏଥିରେ ଅନୀଥାଙ୍କ ମୁହଁ ଓ ଶରୀରର ବିଭିନ୍ନ ଅଂଶ ପୋଡ଼ି ଯାଇଥିଲା। ଦୀର୍ଘଦିନ ଧରି ଚିକିତ୍ସିତ...

ସାମରିକ ପ୍ରଶିକ୍ଷିତ ଯୁବକ

ସାମରିକ ପ୍ରଶିକ୍ଷିତ ଯୁବକ

ସମ୍ପାଦକୀୟ/ତଥାଗତ ସତପଥୀ ଭାରତର ବିରାଟ ଯୁବଶକ୍ତିକୁ କାର୍ଯ୍ୟରେ ଲଗାଇବା ସକାଶେ କେନ୍ଦ୍ର ସରକାର ଜାତୀୟ ଯୁବ ସଶକ୍ତୀକରଣ ଯୋଜନା (ଏନ୍‌-ଓ୍ବାଇଇଏସ୍‌) ସୃଷ୍ଟି ଲାଗି ଚିନ୍ତା କରିଛନ୍ତି। ଏଥିରେ ପ୍ରତିବର୍ଷ ୧୦ ଲକ୍ଷ ଯୁବତୀଯୁବକ ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରଙ୍କୁ ସାମରିକ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାର ବ୍ୟବସ୍ଥା କରାଯାଇପାରେ। ଏମାନଙ୍କୁ ୧୨ ମାସ ପାଇଁ ଷ୍ଟାଇପେଣ୍ଡ୍‌ ଦିଆଯାଇ ସାମରିକ ତାଲିମ ଦିଆଗଲେ ସେମାନେ ପ୍ରତିରକ୍ଷା, ଅର୍ଦ୍ଧସାମରିକ ବଳ ଏବଂ ପୋଲିସ ବାହିନୀରେ ନିଯୁ....

 ବୋଲକରା ବୋଲ୍‌ ବମ୍‌

ବୋଲକରା ବୋଲ୍‌ ବମ୍‌

ବୈଷ୍ଣବ ଚରଣ ମହାନ୍ତି ‘ବୋଲ୍‌ ବମ୍‌...ହର ହର ବମ୍‌...ଭୋଲା ବାବା ପାର୍‌ କରେଗା...ଜଟିଆ ବାବା ପାର୍‌ କରେଗା...’- ଏ ଡାକ ହେଉଛି କାଉଡ଼ିଆମାନଙ୍କର। ଦିନ ଥିଲା କାଉଡ଼ିଆ ଶବ୍ଦଟାର ଅର୍ଥ କାଢ଼ିବାକୁ ଅଭିଧାନ ଖେଳେଇବାକୁ ପଡ଼ୁଥିଲା। କିନ୍ତୁ ବର୍ତ୍ତମାନ ଏ ଶବ୍ଦଟା ଖୁବ୍‌ ସାଧାରଣ ହୋଇଯାଇଛି ଏବଂ ଓଡ଼ିଶାର ଗଁାଗହଳିଠାରୁ ସହର ବଜାର ପର୍ଯ୍ୟନ୍ତ ସବୁଆଡ଼େ ସବୁରି ତୁଣ୍ଡରେ ଆସ୍ଥାନ ଜମେଇ ବସିଛି। ଏଇମାତ୍ର କୋଡ଼ିଏ ପଚିଶ ବର୍ଷ ତଳେ କାଉଡ଼ିଆ କ’ଣ କେହି ଜାଣି ନ ଥିଲେ। ପ୍ରଥମେ ଜଣେ ଦି’ଜଣ ପାଣିଭାର ଧରି ରାସ୍ତାରେ ଯାଉଥିବାର ଦେଖି ଲୋକେ କୌତୂହଳୀ ହେଇ ଚାହଁୁଥିଲେ, ଏବେ ତ ପିମ୍ପୁଡ଼ି ଧାର ପରି ରାସ୍ତାସାରା କାଉଡ଼ିଆଙ୍କ ...

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଡ. ଶରତ ଚନ୍ଦ୍ର ରଥ ହେ ନୀଳାଦ୍ରିନାଥ! ତୁମକୁ ସହସ୍ର ପ୍ରଣାମ। ତୁମେ ଅନନ୍ତ, ତୁମ ମହିମା ଅନନ୍ତ। ତୁମ ମହିମାର ଲଳିତ ସଙ୍ଗୀତ ଝରିପଡେ ବିହଙ୍ଗ ଗାନରେ, ଝରଣାର ଝର୍ଝର ତାନରେ। ତୁମ ଅଙ୍ଗର ସୁବାସ ଫୁଟିପଡେ ଫୁଲର ସୁରଭିରେ, ତୁମ ସ୍ମିତହାସ୍ୟର ମଧୁରିମା ଫିଟିପଡେ ଜୋଛନାର ଲାବଣ୍ୟରେ। ତୁମେ ସର୍ବମୟ କର୍ତ୍ତା, ବିଶ୍ୱବିଧାତା, ତୁମକୁ କଳିବାକୁ ମୁଁ ଶକ୍ତିହୀନ, ତୁମେ ବିଶାଳ ନୀଳସିନ୍ଧୁ, ମୁଁ କ୍ଷୀଣ ଏକ ଜଳାଧାର।...

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ପରିବେଶକୁ ବହୁ ଭାବରେ ପ୍ରଦୂଷଣ କରୁଛି ପ୍ଲାଷ୍ଟିକ୍‌। ଏହାଦ୍ୱାରା ଜଳ, ସ୍ଥଳ, ମୃତ୍ତିକା ପ୍ରଦୂଷଣ ହେଉଛି। ପ୍ଲାଷ୍ଟିକ୍‌ ଜରିରେ ବାସିଖାଦ୍ୟ ରଖି ବାହାରେ ଫିଙ୍ଗାଯାଉଥିବାରୁ ଏହାକୁ ଖାଇ ବହୁ ଗୋରୁ, ଛେଳି, କୁକୁର ଅସୁସ୍ଥ ହେଉଛନ୍ତି। ଅନେକ ପ୍ରାଣୀ ମୃତ୍ୟୁବରଣ କରୁଛନ୍ତି। ସମୁଦ୍ରରେ ପ୍ଲାଷ୍ଟିକ୍‌ ବୋତଲ, ପଲିଥିନ୍‌, ଜରି ପ୍ରଭୃତିର ଭାସମାନ ପାହାଡ଼ ସୃଷ୍ଟି ହେଉଛି। ଏହା ଜଳଜନ୍ତୁଙ୍କ ପାଇଁ ବଇରୀ ସାଜିଛି। ଏଣୁ ସମ୍ପ୍ରତି ପ୍ଲାଷ୍ଟିକ୍‌ ଓ ପଲିଥିନ୍‌ର ବ୍ୟବହାରକୁ ହ୍ରାସ କରିବା ପାଇଁ ସବୁ ରାଜ୍ୟ ସରକାର ଉଦ୍ୟମ କରୁଛନ୍ତି...

Model This Week

ରୂପେଶ