ସମ୍ପାଦକୀୟ |

ଦୁର୍ନୀତିମୁକ୍ତ ଶାସନ ଏକ ଦିବାସ୍ବପ

ଦୁର୍ନୀତିମୁକ୍ତ ଶାସନ ଏକ ଦିବାସ୍ବପ

ଡ. ସନ୍ତୋଷ କୁମାର ମହାପାତ୍ର
ବର୍ତ୍ତମାନ ଦୁର୍ନୀତି ଗଣତନ୍ତ୍ରର ୪ଟା ଯାକ ସ୍ତମ୍ଭକୁ ଆକ୍ରାନ୍ତ କଲାଣି। କ୍ଷମତାରେ ଥିଲାବେଳେ ଦୁର୍ନୀତି କରି ପ୍ରଚୁର ସମ୍ପତ୍ତି ଠୁଳ କରିବା ଏବଂ କ୍ଷମତାରୁ ଗଲାପରେ ଦୁର୍ନୀତି ବିରୋଧରେ ସ୍ବର ଉତ୍ତୋଳନ କରିବା ନିତିଦିନିଆ ଘଟଣା ହୋଇଗଲାଣି। ସ୍ବାଧୀନତା ପରଠାରୁ ପ୍ରତ୍ୟେକ ସରକାର ଅମଳରେ ଛୋଟବଡ଼ ଦୁର୍ନୀତି ଘଟିଯାଇଛି। ୧୯୪୮ ମସିହାରେ ପ୍ରଥମେ ଜିପ୍‌ ସ୍କାମ୍‌ ଘଟିଥିଲା। ପରେ ୧୯୫୧ରେ ସାଇକେଲ ସ୍କାମ୍‌, ୧୯୫୭ରେ ମୁଦ୍ରାସ୍କାମ୍‌ ଏବଂ ୧୯୭୦ରେ ମାରୁତି ସ୍କାଣ୍ଡାଲ ଘଟିଥିଲା। କିନ୍ତୁ ୧୯୮୬ର ବୋଫର୍ସ ଦୁର୍ନୀତି ବେଶି ଚହଳ ସୃଷ୍ଟି କରିଥିଲା। ଦେଶରେ ୧୯୯୧ରେ ଆର୍ଥିକ ସଂସ୍କାର ଆରମ୍ଭ ହେଲାପରେ ଅର୍ଥନୀତି ଉପରେ ସରକାରଙ୍କ କର୍ତ୍ତୃତ୍ୱ ହ୍ରାସପାଇବା ସହିତ ଶିଳ୍ପପତିଙ୍କ କର୍ତ୍ତୃତ୍ୱ ବୃଦ୍ଧିପାଇବା ଯୋଗୁ ବଡ଼ଧରଣର ଦୁର୍ନୀତି ଘଟିଥିଲା। ସେଥିରେ ରହିଛି ୧୯୯୨ରେ ହର୍ଷଦ ମେହେଟ୍ଟାଙ୍କ ପ୍ରତିଭୂତି ସ୍କାମ୍‌, ୧୯୯୭ରେ ଲାଲୁ ଯାଦବଙ୍କ ଗୋଖାଦ୍ୟ ସ୍କାମ୍‌, ୧୯୯୯ରେ କଫିନ ସ୍କାମ୍‌, ୨୦୦୭ରେ ତେଲ୍‌ଗୀ ଷ୍ଟାମ୍ପପେପର ସ୍କାମ୍‌, ୨୦୧୦ର କମନ୍‌ଓ୍ବେଲ୍‌ଥ ଗେମ୍‌ ସ୍କାମ, ୨-ଜି ସ୍ପେକ୍ଟ୍ରମ୍‌ ସ୍କାମ୍‌ ଇତ୍ୟାଦି। ଅନେକ ବଡ଼ଧରଣର ଦୁର୍ନୀତି ପାଇଁ ଉପା ସରକାରକୁ ୨୦୧୪ ଲୋକ ସଭା ନିର୍ବାଚନରେ ବିଫଳତାର ସମ୍ମୁଖୀନ ହେବାକୁ ପଡିଥିଲା।୨୦୧୪ ନିର୍ବାଚନ ବେଳେ ଭାଜପା ତଥା ନରେନ୍ଦ୍ର ମୋଦି ଦୁର୍ନୀତି ବିରୁଦ୍ଧରେ ସ୍ବର ଉତ୍ତୋଳନ କରିବା ତଥା ଏକ ସ୍ବଚ୍ଛ ସରକାର ପ୍ରଦାନ କରିବାର ପ୍ରତିଶ୍ରୁତି ଦେଇ କ୍ଷମତାକୁ ଆସିଥିଲେ। ତିନି ବର୍ଷରୁ ଊର୍ଦ୍ଧ୍ୱ ସମୟ ଅତିବାହିତ ହେଲେ ମଧ୍ୟ ଭାଜପା ନେତୃତ୍ୱାଧୀନ ସରକାର ଅମଳରେ କୌଣସି ଦୁର୍ନୀତି ଘଟିନାହିଁ ବୋଲି ସରକାର ତରଫରୁ ପ୍ରଚାର କରାଯାଉଛି। ପ୍ରଧାନମନ୍ତ୍ରୀ ବାରମ୍ବାର କହୁଛନ୍ତି ଯେ, କୌଣସି ପ୍ରକାର ଦୁର୍ନୀତି ସହ୍ୟ କରାଯିବ ନାହିଁ। ବାସ୍ତବରେ ମୋଦିଙ୍କ ସରକାର ଦୁର୍ନୀତିମୁକ୍ତ ନୁହେଁ। ଯଦି ଏହା ହୋଇଥାନ୍ତା ତେବେ ବିଭିନ୍ନ ପ୍ରକାର ପ୍ରଚାର, ସଭାସମିତିରେ ଯେଉଁ ହଜାର ହଜାର କୋଟି ଟଙ୍କା ଖର୍ଚ୍ଚ ହେଉଛି ତାହା କେଉଁଠୁ ଆସୁଛି? କାରଣ ବିନା ଅର୍ଥବଳ ଓ ବାହୁବଳରେ ନିର୍ବାଚନୀ ରଣାଙ୍ଗନରେ ଅବତୀର୍ଣ୍ଣ ହେବା ଏବଂ ଜିତିବା ଅସମ୍ଭବ। ଅଧିକାଂଶ ରାଜନେତା ଅର୍ଥ ଖର୍ଚ୍ଚ କରି ଭୋଟ କିଣିବା ପାଇଁ ଚେଷ୍ଟା କରୁଛନ୍ତି। ଏହି ପରିପ୍ରେକ୍ଷୀରେ ଜଣେ ରାଜନେତାଙ୍କୁ ସଚ୍ଚୋଟ କୁହାଯିବ ଯଦି ତାଙ୍କର ଦୁର୍ନୀତିର ମାତ୍ରା ଚଳନୀୟ। ସବୁଠାରୁ ଆଶ୍ଚର୍ଯ୍ୟର ବିଷୟ ହେଉଛି ପ୍ରଧାନମନ୍ତ୍ରୀ ତାଙ୍କ ଦଳ ବା ସହଯୋଗୀ ଦଳର ଦୁର୍ନୀତିଗ୍ରସ୍ତ ଲୋକଙ୍କୁ ପରୋକ୍ଷରେ ସୁରକ୍ଷା ଦେଲାବେଳେ ଅନ୍ୟ ଦଳର ଦୁର୍ନୀତିଗ୍ରସ୍ତ ନେତାଙ୍କୁ ଦଣ୍ଡିତ ବା ବଦ୍‌ନାମ କରିବାକୁ ଚେଷ୍ଟା କରୁଛନ୍ତି। ଉଦାହରଣ ସ୍ବରୂପ ନିକଟରେ ଭାଜପା ସଭାପତି ଅମିତ ଶାହଙ୍କ ପୁତ୍ର ଜୟ ଶାହଙ୍କ ବିରୋଧରେ ଦୁର୍ନୀତି ଅଭିଯୋଗ ଏକ ନ୍ୟୁଜ୍‌ ଓ୍ବେବ୍‌ସାଇଟ୍‌ରେ ପ୍ରକାଶ ପାଇଛି। ଜୟ ଶାହ ନିର୍ଦ୍ଦେଶକ ଥିବା ଏକ କମ୍ପାନୀର ଟର୍ନଓଭର ଗୋଟିଏ ବର୍ଷରେ ୧୬ ହଜାର ଗୁଣ ବୃଦ୍ଧି ପାଇଛି। ୨୦୧୪-୧୫ରେ କମ୍ପାନୀର ଟର୍ନଓଭର ୧୫୦୦୦ ଟଙ୍କା ଥିଲାବେଳେ ୨୦୧୫-୧୬ରେ ଏହା ୮୦.୫ କୋଟି ଟଙ୍କାକୁ ବୃଦ୍ଧି ପାଇଥିବା ଜଣାପଡିଛି। ଏହି କ୍ଷେତ୍ରରେ ଅମିତ ଶାହ ତାଙ୍କ ପଦବୀରୁ ଇସ୍ତଫା ଦେଇ ଅଭିଯୋଗର ନିରପେକ୍ଷ ତଦନ୍ତ କରିବା ଉଚିତ ଥିଲା। କିନ୍ତୁ ଅଭିଯୋଗକାରୀଙ୍କୁ ଡରାଇବା ବା ସତ୍ୟକୁ ଚାପିଦେବା ଲାଗି ଜୟ ଶାହ ଉକ୍ତ ଓ୍ବେବ୍‌ସାଇଟ୍‌ ବିରୋଧରେ ୧୦୦ କୋଟି ଟଙ୍କାର ଫୌଜଦାରି ମାନହାନି ମାମଲା ଦାଏର କରିଛନ୍ତି। ଏପରି ପରିସ୍ଥିତିରେ ନରେନ୍ଦ୍ର ମୋଦି ଚୁପ୍‌ ରହିବା କେତେଦୂର ସମୀଚୀନ? ଅତ୍ୟନ୍ତ ପରିତାପର ବିଷୟ ହେଉଛି ସରକାରୀ ଓକିଲ ବା ଅତିରିକ୍ତ ସଲିସିଟର ଜେନେରାଲ ତୁଷାର ମେହେଟ୍ଟା ଜୟ ଶାହଙ୍କ ପାଇଁ କେସ୍‌ ଲଢିବାକୁ ଯାଉଛନ୍ତି। ଏହା କ୍ଷମତାର ଅପବ୍ୟବହାର ବୋଲି କହିଲେ କିଛି ଭୁଲ୍‌ ହେବନାହିଁ। ଅମିତ ଶାହଙ୍କ ପୁଅ କେବଳ ନୁହେଁ ସ୍ବୟଂ ଅମିତ ଶାହଙ୍କ ସମ୍ପତ୍ତି ଗତ ୫ ବର୍ଷରେ ୩୦୦ ଗୁଣ ବୃଦ୍ଧିପାଇଛି। ତାଙ୍କର ସ୍ଥାବର ଓ ଅସ୍ଥାବର ସମ୍ପତ୍ତିର ପରିମାଣ ୨୦୧୨ରେ ୮.୫୪ କୋଟି ଟଙ୍କା ଥିଲାବେଳେ ୨୦୧୭ରେ ୩୪.୩୧ କୋଟି ଟଙ୍କାକୁ ବୃଦ୍ଧିପାଇଛି। ଏହି ଖବର ବିଭିନ୍ନ ଖବରକାଗଜରେ ପ୍ରକାଶ ପାଇବା ପରେ ହଠାତ୍‌ କିଛି ଖବରକାଗଜର ଓ୍ବେବ୍‌ସାଇଟ୍‌ରୁ କାଢି ଦିଆଯାଇଥିଲା। କାହିଁକି ଏବଂ କାହା ଚାପରେ କାଢିଦିଆଯାଇଥିଲା ସେ କଥା ଆଜି ମଧ୍ୟ ଅଜଣା। ପୂର୍ବ ସରକାର ପରି ଭାଜପା ସରକାର ବା ଭାଜପାଶାସିତ ରାଜ୍ୟ ସରକାରରେ ଦୁର୍ନୀତିର ଛାପ ଦେଖାଦେଇଛି। ପ୍ରଧାନମନ୍ତ୍ରୀଙ୍କ ବିରୁଦ୍ଧରେ ସାହାରା ଓ ବିର୍ଲା ଡାଏରୀ ମୁତାବକ ଦୁର୍ନୀତି ଅଭିଯୋଗ ଉଠିଛି। ଆହୁରି ମଧ୍ୟ ମଧ୍ୟପ୍ରଦେଶରେ ଲେଖା ଓ ନିଯୁକ୍ତି ସମ୍ପର୍କିତ ଦୁର୍ନୀତି ଘଟିଛି, ଯାହାକୁ ଭ୍ୟାପମ୍‌ ମହାଦୁର୍ନୀତି କୁହାଯାଏ। ଭାଜପା ନେତା, ମନ୍ତ୍ରୀ, ସରକାରୀ ଅଫିସର ଓ ସେମାନଙ୍କ ନିକଟତମ ମହଲ ଏବଂ ବାହାରେ ଥିବା କେତେକ ବ୍ୟକ୍ତି ଏହି ପରୀକ୍ଷାର ଧାରାକୁ ଜବରଦଖଲ କରିନେଇଥିଲେ। ୨୦୦୭ରୁ ୨୦୧୩ ମଧ୍ୟରେ ୭୬,୭୬,୭୧୮ଜଣ ଛାତ୍ରୀଛାତ୍ରଙ୍କୁ ୧୬୭ଟି ବିଭିନ୍ନ ପରୀକ୍ଷାରେ ଠକେଇର ଶିକାର ହେବାକୁ ପଡିଥିଲା। ରାଜ୍ୟ ସରକାରଙ୍କ ଅନିଚ୍ଛାସତ୍ତ୍ୱେ ସର୍ବୋଚ୍ଚ ନ୍ୟାୟାଳୟଙ୍କ ତତ୍ତ୍ୱାବଧାନରେ ତଦନ୍ତ ଚାଲୁଛି। କିନ୍ତୁ ଦେଶର ଇତିହାସରେ ଏହା ପ୍ରାୟ ଏକମାତ୍ର ଘଟଣା ଯେଉଁଥିରେ ସମ୍ପୃକ୍ତ ସାକ୍ଷୀ ଓ ଅଭିଯୁକ୍ତ ୪୫ଜଣଙ୍କର ଅସ୍ବାଭାବିକ ଭାବରେ ମୃତ୍ୟୁ ଘଟିଛି। ଆଉ ଏକ ଦୁର୍ନୀତିର ଅଭିଯୋଗ ହେଉଛି ଯେ ମୋଦିଙ୍କ କ୍ୟାବିନେଟ୍‌ରେ ଥିବା ଜଣେ ମନ୍ତ୍ରୀଙ୍କର ବିହାରରେ ସଂଗଠିତ ଶ୍ରୀଜନ ଦୁର୍ନୀତିର ମୁଖ୍ୟ ନାୟିକାଙ୍କ ସହ ଅତି ନିବିଡ ସମ୍ପର୍କ ଥିଲା, ଯେଉଁ ଦୁର୍ନୀତିରେ ସରକାରୀ ତହବିଲରୁ ହଜାର ହଜାର କୋଟି ଟଙ୍କା ସରକାରୀ ବ୍ୟାଙ୍କ ଜମାରୁ ଖୁବ୍‌ କାଇଦାରେ ଶ୍ରୀଜନ ବ୍ୟାଙ୍କ ଖାତାକୁ ସ୍ଥାନାନ୍ତର ହୋଇଥିଲା। ଏହାକୁ ଶ୍ରୀଜନ ହାଉସିଂ ସ୍କାମ୍‌ କୁହାଯାଏ। ଆହୁରି ମଧ୍ୟ କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ଭାଜପା ନେତା ୟେଦୁରପ୍ପା ଖଣି କମ୍ପାନୀକୁ ଅନୁକମ୍ପା ଦେଖାଇବାକୁ ୪୦ କୋଟି ଟଙ୍କା ଲାଞ୍ଚ ନେଇଥିବାର ଅଭିଯୋଗ ଯୋଗୁ ତାଙ୍କୁ ମୁଖ୍ୟମନ୍ତ୍ରୀ ପଦ ଛାଡିବାକୁ ପଡିଥିଲା।ଭାଜପା ଶାସିତ ଛତିଶଗଡରେ ସାଧାରଣ ବଣ୍ଟନ ବ୍ୟବସ୍ଥାରେ ୩୬,୦୦୦ କୋଟି ଟଙ୍କାର ଦୁର୍ନୀତି ହୋଇଥିବା ଅଭିଯୋଗ ଉଠିଛି। ପୁନଶ୍ଚ ଗତ ୩୧ ମାର୍ଚ୍ଚ ୨୦୧୬ରେ ବି ଗୁଜରାଟ ବିଧାନସଭାରେ ପେଶ୍‌ ହୋଇଥିବା ସିଏଜି ରିପୋର୍ଟରେ କୁହାଯାଇଥିଲା ଯେ ଗୁଜରାଟ ଷ୍ଟେଟ୍‌ ପେଟ୍ରୋଲିୟମ୍‌ କର୍ପୋରେଶନରେ ୧୯,୭୧୬ କୋଟି ଟଙ୍କାର ଦୁର୍ନୀତି ହୋଇଛି। ସେହି ସମୟରେ ନରେନ୍ଦ୍ର ମୋଦି ଗୁଜରାଟର ମୁଖ୍ୟମନ୍ତ୍ରୀ ଥିଲେ। ସେହିପରି ୨୭ ଜୁନ୍‌ ୨୦୧୦ରେ ମୋଦି ଗୁଜରାଟର ମୁଖ୍ୟମନ୍ତ୍ରୀ ଥିଲାବେଳେ ଗୁଜରାଟର ଜଣକୁ ୨୫୦ ଏକର ଜମି ଶାଗମାଛ ଦରରେ ଦେଇଥିଲେ। ୨୦୦୯ରେ ରାଜସ୍ଥାନର ମୁଖ୍ୟମନ୍ତ୍ରୀ ବସୁନ୍ଧରାରାଜେ ସିନ୍ଧିଆଙ୍କ ନାମରେ ଜମି ଦୁର୍ନୀତି ଅଭିଯୋଗ ଉଠିଥିଲା, ଯାହାକୁ ଦୀନ୍‌ଦୟାଲ ଉପାଧ୍ୟାୟ ଟ୍ରଷ୍ଟ ଲ୍ୟାଣ୍ଡ୍‌ ସ୍କାମ୍‌ କୁହାଯାଏ। ଗଙ୍ଗାନଦୀ ସଫେଇ ପାଇଁ ୭୦୦୦ କୋଟି ଟଙ୍କା ଦୁଇବର୍ଷରେ ଖର୍ଚ୍ଚ ହୋଇଥିଲେ ମଧ୍ୟ କୌଣସି ସଫେଇ ହୋଇନାହିଁ ବୋଲି ନ୍ୟାଶନାଲ ଗ୍ରୀନ୍‌ ଟ୍ରିବୁନାଲ ମତ ଦେଇଛି। ଭାଜପା ନେତା ଓ ମନ୍ତ୍ରୀ ପଙ୍କଜା ମୁଣ୍ଡେ ମଧ୍ୟ ଚିକ୍କି ଦୁର୍ନୀତିରେ ସମ୍ପୃକ୍ତ ବୋଲି ଅଭିଯୋଗ ହୋଇଛି। ଏହା ବ୍ୟତୀତ ୨୦୧୫ରେ ୪୫୦ କୋଟି ଟଙ୍କାର ଅରୁଣାଚଳ ଡ୍ୟାମ୍‌ ସ୍କାମ୍‌ ଏବଂ ୨ଲକ୍ଷ ୫୦ ହଜାର କୋଟି ଟଙ୍କାର ଡାଲି ଦୁର୍ନୀତି ଆଦି ଘଟିଛି। ବଡ ବଡ ବ୍ୟବସାୟୀମାନେ ଓ ରାଜନେତାଙ୍କ ପୃଷ୍ଠପୋଷକତାରେ ହଠାତ୍‌ ଡାଲି ମୂଲ୍ୟ କିଲୋ ପିଛା ୭୦ରୁ ୨୦୦ ଟଙ୍କାକୁ ବୃଦ୍ଧି କରିଥିଲେ। ଏହାଦ୍ୱାରା କାହାର ପକେଟ ଗରମ ହୋଇଛି ତାହା ଅଜଣା ରହିଛି। ଆମ ଓଡିଶାରେ ମଧ୍ୟ ଚିଟ୍‌ଫଣ୍ଡ ଦୁର୍ନୀତି ଘଟିଯାଇଛି। ପାନାମା ପେପର୍ସରେ ଛତିଶଗଡ ମୁଖ୍ୟମନ୍ତ୍ରୀ ରମଣ ସିଂହଙ୍କ ପୁତ୍ର ଅଭିଷେକଙ୍କ ନାମ ରହିଛି। ୨୦୧୭ ମାର୍ଚ୍ଚ ୭ରେ ପ୍ରକାଶିତ ଟ୍ରାନ୍ସପରେନ୍ସି ଇଣ୍ଟରନ୍ୟାଶନାଲ ରିପୋର୍ଟ ଅନୁଯାୟୀ ୧୬ଟି ଏସୀୟ ପ୍ରଶାନ୍ତ ମହାସାଗରୀୟ ଦେଶ ଭିତରେ ଭାରତ ସବୁଠାରୁ ଅଧିକ ଲାଞ୍ଚଖୋର ଦେଶ। ଭାରତରେ ଦୁର୍ନୀତିହାର ୬୯% ହୋଇଥିଲାବେଳେ ପାକିସ୍ତାନରେ ମାତ୍ର ୪୦%। ଏହି ସଂସ୍ଥାର କରପସନ ପରସିପ୍ସନ ଇଣ୍ଡେକ୍ସ ୨୦୧୬ ଅନୁଯାୟୀ ଭାରତ ୧୭୬ଟି ଦେଶ ମଧ୍ୟରୁ ୭୯ତମ ସ୍ଥାନରେ ରହିଛି। ଏଣୁ ନିଜକୁ ଦୁର୍ନୀତିବିରୋଧୀ ବୋଲି ପ୍ରଧାନମନ୍ତ୍ରୀ ଯେତେ ପ୍ରଚାର କଲେ ବି ଦୁର୍ନୀତି ପୂର୍ବ ପରି ରହିଛି। କାରଣ ଏହା ଏକ ମାନସିକତା। ସ୍ବୟଂ ପ୍ରଧାନମନ୍ତ୍ରୀ ଯେତେବେଳେ ନିଜକୁ ଲୋକପାଳ ଆଇନର ପରିସରଭୁକ୍ତ କରୁନାହାନ୍ତି ସେତେବେଳେ ଦୁର୍ନୀତି ବିରୁଦ୍ଧରେ କିଏ ଲଢିବ ?
ମୋ-୯୪୩୭୨୦୮୭୬୨

All Right Reserved By

ସମ୍ପାଦକୀୟ |

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ଆକାର ପଟେଲ ପାକିସ୍ତାନ ଅପେକ୍ଷା କରିଛି ତା’ର ପରବର୍ତ୍ତୀ ତ୍ରାଣକର୍ତ୍ତା ଦ୍ରୁତ ବୋଲର ଇମ୍ରାନ୍‌ ଖାନ୍‌ଙ୍କୁ, ଯିଏ କି ଚଳିତ ମାସରେ ହେବାକୁ ଯାଉଥିବା ନିର୍ବାଚନରେ ଜିତି ପ୍ରଧାନମନ୍ତ୍ରୀ ହେବାର ଯଥେଷ୍ଟ ସମ୍ଭାବନା ରହିଛି। ଦେଶର ସେନା ତଥା ପ୍ରଭାବଶାଳୀ ଅମଲାତନ୍ତ୍ରୀମାନେ ତାଙ୍କୁ ସମର୍ଥନ କରୁଥିବା ବେଳେ ଗଣମାଧ୍ୟମରେ ଏପରି ଖବର ପ୍ରକାଶ ପାଉଛି। କଶ୍ମୀରୀ ମୂଳ ପଞ୍ଜାବୀ ନେତା ନଓ୍ବାଜ ଶରିଫ ଗିରଫ ହୋଇ ଜେଲ ଯିବା ଏ ଦିଗରେ ଅନ୍ତିମ ପଦକ୍ଷେପ। ଖାନ୍‌ଙ୍କ ଦଳ ତେହରିକ୍‌ ଇ ଇନ୍‌ସାଫ ଖାଇବର ପାଖତୁନ୍‌ଖ୍ବା ଅଞ୍ଚଳରେ ମଜଭୁତ ଥିବା ବେଳେ ଶରିଫଙ୍କ ଦଳ ମଧ୍ୟ ଏ ଅଞ୍ଚଳରେ ବେଶ୍‌ ଶକ୍ତିଶାଳୀ ରହିଛି। ଦୁର୍ନୀତି ଓ ବିପୁଳ ସମ୍ପତ୍ତି ଠୁଳ ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ଶରିଫ ଯଦି ଜେଲ ଯାଇ ନ ଥାନ୍ତେ ତେବେ ଗଣତାନ୍ତ୍ରିକ ଭାବେ ସଫଳତା ପାଇବା ଖାନ୍‌ଙ୍କ ...

ସେଇ ଆଖି ଦିଓଟି

ସେଇ ଆଖି ଦିଓଟି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ ବଡ ରହସ୍ୟମୟ ସେଇ ଆଖି ଦିଓଟି। ବିଶ୍ୱାସ ଓ ବିଜ୍ଞାନର ଦ୍ୱନ୍ଦ୍ୱ ମଧ୍ୟରେ ସେଇ ଆଖି ଦିଓଟିର ଆକର୍ଷଣ ଯେମିତି ଅଭିନବ, ସେମିତି ଅବୋଧ୍ୟ। କାଳ କାଳ ଧରି ଏହା ଆକର୍ଷିତ କରିଆସିଛି ବିଶ୍ୱର ଅଗଣିତ ମଣିଷଙ୍କୁ। ଜାତି, ଧର୍ମ, ବର୍ଣ୍ଣ, ଲିଙ୍ଗ ବା ବୟସ ନିର୍ବିଶେଷରେ ବିମୋହିତ କରିଛି ମୂର୍ଖଙ୍କଠାରୁ ପଣ୍ଡିତଙ୍କ ଯାଏଁ, ଧନୀଙ୍କଠୁ ନିର୍ଦ୍ଧନଙ୍କ ପର୍ଯ୍ୟନ୍ତ। ସେଇ ଆଖି ଦିଓଟି ସହ ନିଜ ନିଜର ଆଖି ମିଶାଇବା ପୂର୍ବରୁ ଅବଶ୍ୟ ଅଭିଳାଷରେ ଅତିଷ୍ଠ ହୋଇଛନ୍ତି ସଭିଏଁ ଓ ଚାରିଚକ୍ଷୁର ମିଳନ ପରେ ଅମୃତମୟ ଅନୁଭବରେ ବିଭୋର ହୋଇଛନ୍ତି ସମସ୍ତେ।...

ଅନନ୍ୟ ବିଚାରକ

ଅନନ୍ୟ ବିଚାରକ

ବ୍ୟକ୍ତିତ୍ୱ/ଜିତେନ୍ଦ୍ର ବିଶିଷ୍ଟ ସ୍ଥପତି ରଘୁନାଥ ମହାପାତ୍ର, ଶାସ୍ତ୍ରୀୟ ଶିଳ୍ପୀ ସୋନାଲ ମାନ୍‌ସିଂ, ପୂର୍ବତନ ଏମ୍‌ପି ରାମ ଶକଲ ଏବଂ ରାଷ୍ଟ୍ରୀୟ ସ୍ବୟଂସେବକ ସଂଘ (ଆର୍‌ଏସ୍‌ଏସ୍‌) ବିଚାରକ ତଥା ଦିଲ୍ଲୀ ବିଶ୍ୱବିଦ୍ୟାଳୟ ପ୍ରଫେସର ରାକେଶ ସିହ୍ନାଙ୍କୁ ୨୦୧୮ ଜୁଲାଇ ୧୪ରେ ରାଷ୍ଟ୍ରପତି ରାମନାଥ କୋବିନ୍ଦ ରାଜ୍ୟ ସଭାକୁ ମନୋନୀତ କରିଛନ୍ତି। ପ୍ରତ୍ୟେକ ନିଜ କ୍ଷେତ୍ରରେ ଉତ୍ତମ ପାରଦର୍ଶିତା ଦେଖାଇ ସାରିଛନ୍ତି। ତେବେ ବିଚାରଗତ ଆଦର୍ଶ ଓ ଶିକ୍ଷା କ୍ଷେତ୍ରରେ ଉତ୍କର୍ଷ ଲାଭ କରି ଚର୍ଚ୍ଚିତ ...

ଏଇ ଭାରତରେ

ଏଇ ଭାରତରେ

ସରକାରୀ ସ୍କୁଲର କେତେକ ଛାତ୍ର ଘରୋଇ ସ୍କୁଲ୍‌ମୁହଁା ହେଉଥିବା ବେଳେ ସେମାନଙ୍କୁ ଏଥିରୁ ନିବୃତ୍ତ କରିବା ପାଇଁ ବିଭାଗୀୟ କର୍ତ୍ତୃପକ୍ଷ ଏକ ଅଭିନବ ଉପାୟ ଆପଣାଇଛନ୍ତି। କର୍ନାଟକସ୍ଥିତ ମହୀଶୂର ଜିଲାର ନାଞ୍ଜାନଗୁଡ ତାଲୁକ ଅଧୀନ ଏକ ସରକାରୀ ସ୍କୁଲ କାନ୍ଥକୁ ଟ୍ରେନ୍‌ ଭଳି ଚିତ୍ରିତ କରାଯାଇଛି। ଏହାକୁ ଏକ ନୂଆ ରୂପ ଦେବାଦ୍ୱାରା ପିଲା ଓ ଅଭିଭାବକଙ୍କ ଦୃଷ୍ଟିଭଙ୍ଗୀ ବଦଳିଯିବ ବୋଲି ବ୍ଲକ୍‌ ଶିକ୍ଷା ଅଧିକାରୀ ଏମ୍‌. ନାରାୟଣ ପ୍ରକାଶ କରିଛନ୍ତି। ପ୍ରଥମରୁ ...

ବିହାରକୁ ରାସ୍ତା

ବିହାରକୁ ରାସ୍ତା

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଜାତୀୟ ରାଜପଥ ପ୍ରାଧିକରଣ (ଏନ୍‌ଏଚ୍‌ଏଆଇ)ର ଅଧ୍ୟକ୍ଷ ଥିବା ବିହାର କ୍ୟାଡର ଆଇଏଏସ୍‌ ଅଫିସର ଦୀପକ କୁମାରଙ୍କ ଡେପୁଟେଶନ ଅବଧି ପୂରା ହୋଇ ନ ଥିବାବେଳେ ତାଙ୍କୁ ନିଜ ରାଜ୍ୟ ବିହାରର ରାସ୍ତା ଦେଖାଇ ଦିଆଯିବା ଘଟଣାକୁ ନେଇ ଅନେକଙ୍କ ମନରେ ସନ୍ଦେହ ସୃଷ୍ଟି ହୋଇଛି ଯେ, ତାଙ୍କୁ ହୁଏତ ରାଜ୍ୟର ପରବର୍ତ୍ତୀ ମୁଖ୍ୟ ଶାସନ ସଚିବ କରାଯାଇପାରେ। ରାଜପଥଗୁଡ଼ିକୁ ନିଲାମ କରି ସେଥିରୁ ଟଙ୍କା ଛାଣିବାରେ ଏନ୍‌ଏଚ୍‌ଏଆଇ ବ୍ୟସ୍ତ ଥିବାବେଳେ ଦୀପକ କୁମାରଙ୍କ ବିଦାୟ ଏକ ଗୁରୁତ୍ୱପୂର୍ଣ୍ଣ ଘଟଣା। ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ୍‌ ଗଡ଼କରୀ ପୂର୍ବରୁ କହିଥିଲେ ଯେ, ବିଭିନ୍ନ ପର୍ଯ୍ୟାୟରେ କେନ୍ଦ୍ର ସରକାର ୧୦୫ଟି ରାଜପଥକୁ ଟୋଲ ଫି ପାଇଁ ନିଲାମ କରିବା ମାଧ୍ୟମରେ ଟଙ୍କା ଆଦାୟ କରିବେ, ଯେଉଁଥିରୁ ଦେଢ଼ଲକ୍ଷ କୋଟି ଟଙ୍କା ଆଦାୟ ...

ଘୋଷଯାତ୍ରାର ଉଦ୍‌ଘୋଷଣ

ଘୋଷଯାତ୍ରାର ଉଦ୍‌ଘୋଷଣ

ଡ. ପ୍ରଫୁଲ୍ଲ କୁମାର ସାହୁ ମହାପ୍ରଭୁ ଶ୍ରୀଜଗନ୍ନାଥ ଓଡ଼ିଆ ଜାତିର ଆରାଧ୍ୟ ଦେବତା। ସେ ଏ ଜାତିର ସାଂସ୍କୃତିକ ଓ ରାଜନୈତିକ ଚିନ୍ତନର ସର୍ବମୟ କର୍ତ୍ତା। ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ପ୍ରତିଟି ସ୍ତରରେ, ପ୍ରତିଟି କାର୍ଯ୍ୟରେ ଓଡ଼ିଆ ଜାତି ଶ୍ରୀଜଗନ୍ନାଥଙ୍କୁ ଆଶ୍ରା କରିଛି ଏବଂ ତାଙ୍କରି ନାମରେ ନିଜକୁ ପରିଚିତ କରେଇଛି ବିଶ୍ୱ ଦରବାରରେ। ସେଥିପାଇଁ ଶ୍ରୀଜଗନ୍ନାଥଙ୍କୁ କେନ୍ଦ୍ରକରି କେଉଁ ସ୍ମରଣାତୀତ କାଳରୁ ଓଡ଼ିଶାର ଜନଜୀବନରେ ପ୍ରବାହିତ ହୋଇଛି ଏକ ସମନ୍ବୟାତ୍ମକ ସାଂସ୍କୃତିକ ସ୍ରୋତ। ଏ ସ୍ରୋତରେ ସମ୍ମିଳିତ ହୋଇଛି ମାନବ ସମାଜର ସଞ୍ଚତ୍ତ ଓ ପରୀକ୍ଷିତ ସକଳ ଦର୍ଶନତତ୍ତ୍ୱ। ସେ ତତ୍ତ୍ୱ କିନ୍ତୁ କୌଣସି ଦାର୍ଶନିକ ପ୍ରଜ୍ଞା ନୁହେଁ, ବରଂ ବ୍ୟକ୍ତି ତଥା ସମାଜ ଜୀବନର ଏକ ଦୃଷ୍ଟିକୋଣ; ଏକ ସାଂସ୍କୃତିକ ଅକଲବନ୍ଦୀ। ତା’ର ଉଦାର ଓ ମହାନ ଅନ୍ତଃପ୍ରେରଣାରେ ରହିଛି ମାନବଜାତିର ଜୀବନଚର୍ଯ୍ୟାକୁ ସରସ, ସୁନ୍ଦର ଓ ସୃଜନଶୀଳ କରି ଗଢିତୋଳିବା ନିମନ୍ତେ ଲୋକଶିକ୍ଷାର ବିସ୍ତୃତ ଅବତାରଣା।...

ଉତ୍କଳଘଣ୍ଟ କବି ଯଦୁମଣି

ଉତ୍କଳଘଣ୍ଟ କବି ଯଦୁମଣି

ଡ. ଉଦ୍ଧବ ଚରଣ ନାୟକ ଓଡିଶାରେ ଯଦୁମଣିଙ୍କୁ କିଏ ନ ଜାଣେ? ତାଙ୍କର ପୂରା ନାମ ଯଦୁମଣି ମହାପାତ୍ର। ସେ ଯେପରି ହାସ୍ୟରସିକ ଥିଲେ ସେହିପରି ଥିଲେ ଜଣେ ମହାନ୍‌ ଭକ୍ତକବି। ତାଙ୍କ ହାସ୍ୟରସିକତା ଥିଲା ବିଭୁଦତ୍ତ। ଷୋଳବର୍ଷ ବୟସରେ କବି ହେବାର ବାସନା ଜାଗ୍ରତ ହେଲା। ଗୁରୁଙ୍କ ଆଦେଶରେ ସେ କବିତ୍ୱ ଲାଭ କରିବା ପାଇଁ ଘୁମୁସର ରାଜ୍ୟ ବିଷ୍ଣୁଚକ୍ର ଗ୍ରାମର ପଞ୍ଚମୁଖ ଭଗବାନ କବିରାଜ ବାହିନୀପତିଙ୍କ ପାଖରେ ପହଞ୍ଚିଲେ। କବିରାଜେ ଦେଖିଲେ ପିଲାଟା ବ୍ରାହ୍ମଣ କୁଳରେ ଜନ୍ମ ନ ହେଲେ ମଧ୍ୟ ସଂସ୍କୃତ ଭାଷାରେ ଗଭୀର ଜ୍ଞାନ ଅର୍ଜନ କରିଛି। ଏଣୁ ସେ ଯଦୁମଣିଙ୍କ ମନସ୍କାମନା ପୂରଣ ନିମନ୍ତେ ଭଗବାନ ହୟଗ୍ରୀବଙ୍କ ପୂଜାକରି ହୟଗ୍ରୀବ ମନ୍ତ୍ରସାଧନା ନିମନ୍ତେ ଆଦେଶ ଦେଲେ। ...

ଏଇ ଭାରତରେ

ଏଇ ଭାରତରେ

ଗାଈ ଓ ବାଘ ମଧ୍ୟରେ ଖାଦ୍ୟ-ଖାଦକ ସମ୍ପର୍କ। ଗାଈ ତୃଣଭୋଜୀ ପ୍ରାଣୀ। ବାଘ ମାଂସାଶୀ। ବାଘ ଜଙ୍ଗଲର ଏକ ହିଂସ୍ର ତଥା ଶିକାରୀ ପ୍ରାଣୀ। ବାଘ ଗାଈକୁ ଆକ୍ରମଣ କରିବା ସ୍ବାଭାବିକ କଥା। କିନ୍ତୁ ଗାଈ ଆକ୍ରମଣରେ ଗୋଟିଏ ଚିତାବାଘ ମୃତ୍ୟୁବରଣ କରିବା ଆଶ୍ଚର୍ଯ୍ୟଜନକ ମନେହେଲେ ମଧ୍ୟ ସତ୍ୟ। ନିକଟରେ ଔରଙ୍ଗାବାଦ୍‌ସ୍ଥିତ ଗୌତଲା ବନ୍ୟପ୍ରାଣୀ ଅଭୟାରଣ୍ୟରେ ଏପରି ଏକ ବିପରୀତ ଘଟଣା ଘଟିଛି। ସୋମବାର ସକାଳେ ଗୌତଲାର ଭାମ୍ବରଓ୍ବାଡି ଶାଇଭରଠାରେ ଗୋଟିଏ ବାଛୁରୀକୁ ଚିତାବାଘ ଆକ୍ରମଣ କରି ମାରିଦେଇଥିଲା। ଏହା ଦେଖି ପଲେ ଗାଈ ଉକ୍ତ ବାଘକୁ ଘେରିଯାଇ ଏହା ଉପରେ ପାଲଟା ...

ଆଜିର ଅର୍ଥନୀତି/ସଂକଳ୍ପର ସମୟ

ଆଜିର ଅର୍ଥନୀତି/ସଂକଳ୍ପର ସମୟ

କେଉଁ ରାଜ୍ୟରେ କେତେ ସ୍ବଚ୍ଛନ୍ଦରେ ବ୍ୟବସାୟ କରାଯାଇପାରିବ, ସେ ଦୃଷ୍ଟିରୁ ବିଶ୍ୱବ୍ୟାଙ୍କ ତଥା ଶିଳ୍ପନୀତି ଓ ଉନ୍ନୟନ ବିଭାଗ (ଡିଆଇପିପି) ତରଫରୁ ନିକଟରେ ଏକ ର଼୍ୟାଙ୍କିଙ୍ଗ୍‌ ପ୍ରକାଶ ପାଇଛି। ଭାରତର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନେଇ ହୋଇଥିବା ଏହି ର଼୍ୟାଙ୍କିଙ୍ଗ୍‌ରେ ଆନ୍ଧ୍ରପ୍ରଦେଶର ସ୍ଥାନ ସବା ଉପରେ ରହିଛି। ଏହାର ପଡ଼ୋଶୀ ତଥା ଦେଶର ନୂତନତମ ରାଜ୍ୟ ତେଲେଙ୍ଗାନା ଦୁଇ ନମ୍ବରରେ ରହିଛି। ହରିୟାଣା ଓ ଝାଡ଼ଖଣ୍ଡ ତିନୋଟି ଲେଖାଏ ପାହାଚ ଉପରକୁ ଉଠି ଯଥାକ୍ରମେ ତୃତୀୟ ଓ ଚତୁର୍ଥ ସ୍ଥାନ ପାଇଥିବା ବେଳେ ଦେଶର ଅନ୍ୟତମ ଶିଳ୍ପସମୃଦ୍ଧ ରାଜ୍ୟ ଗୁଜରାଟ ଦୁଇଟା ପାହାଚ ତଳକୁ ଖସି ପଞ୍ଚମ ସ୍ଥାନରେ ପହଞ୍ଚିଛି। ଅନ୍ୟ ଯେଉଁ ରାଜ୍ୟଗୁଡ଼ିକ ର଼୍ୟାଙ୍କିଙ୍ଗ୍‌ରେ ଭଲ ପ୍ରଦର୍ଶନ କରିଛନ୍ତି, ସେମାନେ ହେଉଛନ୍ତି ଛତିଶଗଡ଼, ମଧ୍ୟପ୍ରଦେଶ, କର୍ନାଟକ ଓ ରାଜସ୍ଥାନ। ଇଜ୍‌ ଅଫ୍‌ ଡୁଇଙ୍ଗ୍‌ ବିଜ୍‌ନେସ ବା ସ୍ବଚ୍ଛନ୍ଦ ବ୍ୟବସାୟ ସୁଯୋଗ ହେଉଛି ଏକ ସୂଚକାଙ୍କ, ଯାହା ବିଭିନ୍ନ ମାନଦଣ୍ଡକୁ ନେଇ ବିଚାର କରାଯାଏ। ଯେମିତି କେଉଁ ...

ବୈଚିତ୍ର୍ୟମୟ ଦେବତା ଶ୍ରୀଜଗନ୍ନାଥ

ବୈଚିତ୍ର୍ୟମୟ ଦେବତା ଶ୍ରୀଜଗନ୍ନାଥ

ଡ. ପ୍ରଦୀପ କୁମାର ଚୌଧୁରୀ ଶ୍ରୀଜଗନ୍ନାଥ ହେଉଛନ୍ତି ହିନ୍ଦୁଧର୍ମ ତଥା ସବୁଧର୍ମର ସମନ୍ବୟର ପ୍ରତୀକ । କୌଣସି ନିର୍ଦ୍ଦିଷ୍ଟ ଜାତି, ଧର୍ମ, ଗୋଷ୍ଠୀ, ଅଞ୍ଚଳ, ରାଜ୍ୟ କିମ୍ବା ଦେଶର ସେ ପ୍ରତୀକ ନୁହନ୍ତି। ସେ ଜଗତର ପ୍ରତୀକ। ଭାରତର ପୂର୍ବରେ ପୁରୀ, ପଶ୍ଚିମରେ ଦ୍ୱାରକା, ଉତ୍ତରରେ ବଦ୍ରିନାଥ ଏବଂ ଦକ୍ଷିଣରେ ରାମେଶ୍ୱର, ଏହି ଚାରିକ୍ଷେତ୍ର ‘ଚତୁର୍ଧାମ’ ରୂପେ ହିନ୍ଦୁଧର୍ମରେ ମାନ୍ୟତା ଲାଭ କରିଛି। ଏହି ଚତୁର୍ଧାମ ମଧ୍ୟରୁ ପୁରୀ ହିନ୍ଦୁମାନଙ୍କର ଶ୍ରେଷ୍ଠ ଧାମ। ଏହି କ୍ଷେତ୍ରର ସ୍ବତନ୍ତ୍ର ବୈଶିଷ୍ଟ୍ୟ ରହିଛି। ଏହି କ୍ଷେତ୍ରରେ ଭକ୍ତ ସାଲବେଗ, ଦାସିଆ ବାଉରୀ, ବନ୍ଧୁ ମହାନ୍ତି, ଗୁରୁ ନାନକ, ଜୟଦେବ, ଶ୍ରୀଚୈତନ୍ୟ, ଗଣପତି ଭଟ୍ଟ, ଶଙ୍କରାଚାର୍ଯ୍ୟଙ୍କ ପରି ଅନେକଙ୍କ ଭକ୍ତି ଅନୁଭୂତିର ପଟାନ୍ତର ନାହିଁ। ଏପରି କି ଯିଶୁଖ୍ରୀଷ୍ଟ ଏହି କ୍ଷେତ୍ରକୁ ଆସିଥିବା ଏବଂ ଏହି କ୍ଷେତ୍ରରୁ ତାଙ୍କର ଆଧ୍ୟାତ୍ମିକ ବୀଜ ଅଙ୍କୁରିତ ହୋଇଥିବା କୁହାଯାଏ। ଠିକ୍‌ ସେହିପରି ବୌଦ୍ଧଧର୍ମର ବହୁ ମୌଳିକ ଚିନ୍ତନ ସହ ଶ୍ରୀଜଗନ୍ନାଥ ଧର୍ମର ସାମଞ୍ଜସ୍ୟ ଉଲ୍ଲେଖଯୋଗ୍ୟ। ପ୍ରଭୁ ଜଗନ୍ନାଥ ନିରାକାର ପରଂବ୍ରହ୍ମ। ସେ କୌଣସି ଆକାର ...

 ଓଡ଼ିଆ ଅସ୍ମିତାର ଭଗୀରଥ

ଓଡ଼ିଆ ଅସ୍ମିତାର ଭଗୀରଥ

ଡ. ଭାଗ୍ୟଲିପି ମଲ୍ଲ ଊନବିଂଶ-ବିଂଶ ଶତାବ୍ଦୀରେ ଆମେ ଗୌରୀଶଙ୍କର ନାମରେ ପରିଚିତ ଯେଉଁ ମଣିଷ ଜଣଙ୍କୁ ଦେଖୁ ସେ ସକଳ ଦୃଷ୍ଟିରୁ ସ୍ବତନ୍ତ୍ର। ତେଣୁ ଓଡ଼ିଆ ଜାତିର ଅସ୍ମିତା, ଗଢ଼ଣ ଓ ପ୍ରତିଷ୍ଠା କ୍ଷେତ୍ରରେ ଆମେ ତାଙ୍କୁ ପ୍ରଥମ ବ୍ୟକ୍ତିତ୍ୱ ଭାବେ ଗ୍ରହଣ କରିପାରିବା। ୧୭୬୭-୬୮ ମସିହା ବେଳକୁ ଚିଲିକାର ଦକ୍ଷିଣକୁ ଥିବା ଓଡ଼ିଆଭାଷୀ ଅଞ୍ଚଳ ଏବଂ ୧୮୦୩ ମସିହାରେ ଉପକୂଳବର୍ତ୍ତୀ ଓଡ଼ିଆ ଅଞ୍ଚଳ ଇଂରେଜମାନଙ୍କ ଶାସନକୁ ଆସିଛି। ଏହିଠାରୁ ହିଁ ଊନବିଂଶ ଶତାବ୍ଦୀ ଓଡ଼ିଶାର ଆମତ୍ପରିଚିତି ପ୍ରତିଷ୍ଠା ପାଇଁ ଯେଉଁ ଆହ୍ବାନ ତାହା ପୂର୍ବ ପରିଚିତିଠାରୁ ସ୍ବତନ୍ତ୍ର। କାରଣ ଏଥର ଆମକୁ ବିଦେଶୀ ଧର୍ମ, ବିଦେଶୀ ଶାସନ ବ୍ୟବସ୍ଥା, ଆଇନକାନୁନ୍‌, ଆଧୁନିକ ...

ଏଇ ଭାରତରେ

ଏଇ ଭାରତରେ

ଦୁନିଆରେ ଅନେକ ଲୋକ ଅଛନ୍ତି ଯେଉଁମାନେ ସଚ୍ଚୋଟ ପଣିଆ ଦେଖାଇ ଅନ୍ୟମାନଙ୍କ ପାଇଁ ଉଦାହରଣ ପାଲଟି ଯାଆନ୍ତି। ସେହିମାନଙ୍କ ମଧ୍ୟରୁ ଜଣେ ହେଉଛନ୍ତି ତାମିଲନାଡୁ ଏରୋଡ୍‌ ଅଞ୍ଚଳର ୭ ବର୍ଷର ବାଳକ। ସେ ଏବେ ସ୍ଥାନୀୟ ଲୋକଙ୍କ ପାଇଁ ପ୍ରଶଂସାର ପାତ୍ର। ସେ ସ୍କୁଲ ସମ୍ମୁଖରେ ଖେଳୁଥିବା ବେଳେ ୫୦୦ଟଙ୍କିଆର ଏକ ବଣ୍ଡଲ୍‌ ପାଇଥିଲେ। ଏଥିରେ ଥିଲା ୫୦,୦୦୦ ଟଙ୍କାର ନୋଟ୍‌। ମହମ୍ମଦ୍‌ ୟାଶିନ୍‌ ନାମକ ଏହି ବାଳକ ନିକଟବର୍ତ୍ତୀ ଚିନ୍ନାସେମୁର ପଞ୍ଚାୟତ ୟୁନିୟନ୍‌ ସ୍କୁଲ୍‌ରେ ପାଠ ପଢ଼ନ୍ତି। ବୁଧବାର ଖେଳଛୁଟି ସମୟରେ ସେ ନୋଟ୍‌ବିଡାଟି ପାଇ ଶିକ୍ଷୟିତ୍ରୀଙ୍କୁ ଦେଇଥିଲେ। ଶିକ୍ଷୟିତ୍ରୀ ଟଙ୍କା ଧରି ପ୍ର...

Model This Week

ରୂପେଶ