ସମ୍ବଲପୁର

ଜୈବିକ କୃଷି ସମୟର ଆହ୍ବାନ

ଜୈବିକ କୃଷି ସମୟର ଆହ୍ବାନ

ସୋନପୁର,୨୨।୨(ନି.ପ୍ର.)ଖାଦ୍ୟ ସଙ୍କଟକୁ ଦୂର କରିବା ତଥା ଚାଷୀର ଅର୍ଥନୈତିକ ସ୍ଥିତିର ଉନ୍ନତି ପାଇଁ ଆଧୁନିକ ପ୍ରଣାଳୀରେ ଚାଷ କରାଯାଉଛି। କମ୍‌ ଜମିରୁ ଅଧିକ ଅମଳ ପାଇଁ ପ୍ରତିଯୋଗିତା ଚାଲିଛି। ଚାଷୀ ପାରମ୍ପରିକ ଦେଶୀ ବିହନକୁ ଛାଡି ଅଧିକ ଅମଳ କ୍ଷମ ବିହନକୁ ଆପଣାଇ ନେଇଛି । ଜମିରେ ଅଧିକ ପରିମାଣର ରାସାୟନିକ ସାର ଓ କୀଟନାଶକ ପ୍ରୟୋଗ କରାଯାଉଛି। ଏହା ଜମିର ଗୁଣବତ୍ତାକୁ ନଷ୍ଟ କରୁଛି। ଜିଆ ସମେତ ଉପକାରୀ କୀଟପତଙ୍ଗ ମରି ଯାଉଛନ୍ତି। ଏହି ଖାଦ୍ୟଶସ୍ୟ ଖାଇବା ଦ୍ୱାରା ମଣିଷର ସ୍ବାସ୍ଥ୍ୟ ଉପରେ ଗଭୀର ପ୍ରଭାବ ପଡୁଛି। ତେଣୁ ସୁସ୍ଥ ଜୀବନ ଯାପନ ପାଇଁ ଜୈବିକ କୃଷି ସମୟର ଆହ୍ବାନ ବୋଲି ରୟାଲ ପଡିଆଠାରେ ସୁବର୍ଣ୍ଣପୁର ପୁସ୍ତକ ଓ ସାହିତ୍ୟ ମେଳା ଇଙ୍କ୍‌ଫେଷ୍ଟର ପଞ୍ଚମ ସନ୍ଧ୍ୟାରେ ବହୁ ବିଶିଷ୍ଟ ବ୍ୟକ୍ତି ଏହି ମତବ୍ୟକ୍ତ କରିଛନ୍ତି। ସୋମବାର କୃଷି, ଉତ୍ପାଦନ ଓ ସ୍ବାସ୍ଥ୍ୟ ସଙ୍କଟ ଶିର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ସୁବର୍ଣ୍ଣପୁର ଉପକୃଷି ନିର୍ଦ୍ଦେଶକ ସନ୍ତୋଷ କୁମାର ଜେନା ଅତିଥିଭାବେ ଯୋଗଦେଇ କହିଥିଲେ ଯେ, ଭାରତ ଏକ ଜନବହୁଳ ରାଷ୍ଟ୍ର। ଆଗକୁ ଏହି ଜନସଂଖ୍ୟା ଆହୁରି ବୃଦ୍ଧି ପାଇବ। ଖାଦ୍ୟ ସଙ୍କଟ ଦୂର କରିବା ପାଇଁ ଅଧିକ ଉତ୍ପାଦନ ଆବଶ୍ୟକ। ତେଣୁ ଆଧୁନିକ ପ୍ରଣାଳୀରେ ଯନ୍ତ୍ରପାତି ଦ୍ୱାରା ଚାଷ କାର୍ଯ୍ୟ କରିବାକୁ ଚାଷୀମାନଙ୍କୁ ପ୍ରବର୍ତ୍ତା ଯାଉଛି ବୋଲି କହିଥିଲେ। ବରଗଡର ଜୈବିକ ଚାଷୀ ସୁଦାମ ସାହୁ ଆଲୋଚକଭାବେ ଯୋଗଦେଇ ଜୈବିକ ଚାଷ କରିବାକୁ ଆହ୍ବାନ ଦେଇଥିଲେ। ସାହୁ କହିଥିଲେ ଯେ, ବିଦେଶୀ କମ୍ପାନୀ ପ୍ରେମରେ ପଡି ସରକାର ହାଇବ୍ରିଡ୍‌ ବିହନକୁ ପ୍ରୋତ୍ସାହିତ କରି ଚାଲିଛନ୍ତି। ଏହାଦ୍ୱାରା ପାରମ୍ପରିକ ଦେଶୀ ବିହନ ଲୋପ ପାଇବାକୁ ବସିଛି। ଦେଶୀ ବିହନରେ ରୋଗପୋକ ସହ୍ୟ କ୍ଷମତା ଥିଲା। ବିଭିନ୍ନ ପ୍ରକାର ଦେଶୀ ଧାନ ଓ ପନିପରିବାରେ ଔଷଧୀୟ ଗୁଣ ରହିଥିଲା। ମାତ୍ର ଏବେ ରାସାୟନିକ ସାର ଓ କୀଟନାଶକ ପ୍ରୟୋଗ ହେଉଥିବା ଫସଲକୁ ଖାଦ୍ୟ ଭାବେ ଗ୍ରହଣ କରିବା ଦ୍ୱାରା ଲୋକେ ନାନା ରୋଗରେ ପଡୁଛନ୍ତି । କ୍ୟାନସର ଭଳି ମାରାତ୍ମକ ରୋଗ ବ୍ୟାପୁଛି। ଦେଶୀ ଧାନ ଚାଷ କଲେ ମଧ୍ୟ ଚାଷୀ ଭଲ ଲାଭ ପାଇବ ଓ ଅମଳ ଭଲ ହେବ ବୋଲି ସାହୁ କହିଥିଲେ। ଜାତୀୟ ଧାନ ଗବେଷଣା ପ୍ରତିଷ୍ଠାନ କଟକର ପ୍ରମୁଖ ବୈଜ୍ଞାନିକ ଡ. ଶରତ କୁମାର ପ୍ରଧାନ ଅନ୍ୟତମ ଆଲୋଚକଭାବେ ଯୋଗଦେଇ କହିଥିଲେ ଯେ, ଆମକୁ ଲୋକଙ୍କ ଚାହିଦା ଓ ଚାଷୀଙ୍କ ଲାଭ ପ୍ରତି ଦୃଷ୍ଟି ଦେବାକୁ ପଡିବ। ପାରମ୍ପରିକ ପଦ୍ଧତିରେ ଚାଷ କଲେ ଦେଶରେ ଖାଦ୍ୟ ସଙ୍କଟ ସୃଷ୍ଟି ହେବ। ଚାଷୀଙ୍କ ଅର୍ଥନୀତିର ସୁଧାର ଆସି ପାରିବ ନାହିଁ। ତେଣୁ ସନ୍ତୁଳିତ କୃଷିନୀତି ଗ୍ରହଣ କରିବା ଉପରେ ଡ. ପ୍ରଧାନ ଗୁରୁତ୍ୱ ଦେଇଥିଲେ। ଆର୍ତ୍ତତ୍ରାଣ ବାବୁ ସଭାରେ ଅଧ୍ୟକ୍ଷତା କରିଥିଲା ବେଳେ ଶ୍ୟାମା ଓଁ ପ୍ରସାଦ ମିଶ୍ର ପ୍ରାରମ୍ଭିକ ସୂଚନା ପ୍ରଦାନ କରିଥିଲେ । ଏହି ଅବସରରେ କବୟତ୍ରୀ ଗୀତାଞ୍ଜଳି ପ୍ରଧାନଙ୍କ କବିତା ପୁସ୍ତକ ଗଲିଚେ ସେ କୁଛ ଫୁଲକୁ ଅତିଥି ବୃନ୍ଦ ଉନ୍ମୋଚନ କରିଥିଲେ। ଶିକ୍ଷକ ଅକ୍ଷୟ କୁମାର ସାହୁ ଧନ୍ୟବାଦ ପ୍ରଦାନ କରିଥିଲେ। 

All Right Reserved By

ସମ୍ବଲପୁର

ଭୂମି ଅଧିକାର ଦାବିରେ ରଣହୁଙ୍କାର

ଭୂମି ଅଧିକାର ଦାବିରେ ରଣହୁଙ୍କାର

ବରଗଡ଼ ଅଫିସ୍‌,୧୫।୨: ଭୂମି ଅଧିକାର ପ୍ରଦାନ ଦାବି ନେଇ ବରଗଡ଼ରେ ଆନ୍ଦୋଳନ ଜୋର୍‌ ଧରିଛି ।

ଧରାପଡିଲେ ୪ ହାଇୱେ ଲୁଟେରା:  ୩୧ଟନ୍‌ ଲୁଟ୍‌ ଲୁହାରଡ୍‌, ଟ୍ରକ୍‌  ଜବତ୍‌

ଧରାପଡିଲେ ୪ ହାଇୱେ ଲୁଟେରା: ୩୧ଟନ୍‌ ଲୁଟ୍‌ ଲୁହାରଡ୍‌, ଟ୍ରକ୍‌ ଜବତ୍‌

 ବଲାଙ୍ଗୀର ଅଫିସ, ୧୫ା୨:ବଲାଙ୍ଗୀର ଜିଲା ପୋଲିସ ଏକ ହାଇୱେ ଲୁଟେରା ଦଳକୁ ଗିରଫ କରି ସେମାନଙ୍କଠାରୁ ସମସ୍ତ ଲୁଟ୍‌ ସାମଗ୍ରୀ ଓ ଲୁଟ୍‌ରେ ବ୍ୟବହୃତ ସାମଗ୍ରୀ ଜବତ୍‌ କରିଛି ।  

ଆନ୍ତଃରାଜ୍ୟ କେନ୍ଦୁକାଠ ର଼୍ୟାକେଟ୍‌ ଠାବ, ୬ଗିରଫ

ଆନ୍ତଃରାଜ୍ୟ କେନ୍ଦୁକାଠ ର଼୍ୟାକେଟ୍‌ ଠାବ, ୬ଗିରଫ

ବଲାଙ୍ଗୀର ଅଫିସ, ୧୫ା୨:ବଲାଙ୍ଗୀର ବନବିଭାଗ ଟିମ୍‌ ଏକ ବଡଧରଣର ଆନ୍ତଃରାଜ୍ୟ କେନ୍ଦୁକାଠ ର଼୍ୟାକେଟ୍‌ ଠାବ କରିଛି ।  ଗୁରୁବାର ବିଳମ୍ବିତ ରାତିରେ କେନ୍ଦୁ କାଠଗଣ୍ଡି ବୋଝେଇ ଏକ ଟ୍ରକ୍‌, ଏକ କାର ଓ ବାଇକ୍‌ ସହ ୬ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି।  

ପିରବତୀ ଯୁକ୍ତ ୨ ମହିଳା କଲେଜର ତୃତୀୟ ବାର୍ଷିକ ଉତ୍ସବ

ପିରବତୀ ଯୁକ୍ତ ୨ ମହିଳା କଲେଜର ତୃତୀୟ ବାର୍ଷିକ ଉତ୍ସବ

କର୍ଲାମୁଣ୍ଡା,୧୫।୨(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ତେରେସିଂହା ଅଞ୍ଚଳର ଏକମାତ୍ର ପିରବତୀ ଯୁକ୍ତ ୨ ମହିଳା ମହାବିଦ୍ୟାଳୟର ତୃତୀୟ ବାର୍ଷିକ ଉତ୍ସବ ଶୁକ୍ରବାର ପାଳିତ ହୋଇଯାଇଛି। 

ବିପୁଳ ପରିମାଣର ମଦ, ମହୁଲ ପୋଚ ଜବତ

ବିପୁଳ ପରିମାଣର ମଦ, ମହୁଲ ପୋଚ ଜବତ

ପାଟଣାଗଡ, ୧୫।୨(ଡି.ଏନ.ଏ.): ବଲାଙ୍ଗୀର ଜିଲା ପାଟଣାଗଡ ବ୍ଲକର ରେଙ୍ଗାଲି ଏବଂ ଛେଲଖାଇ ଗ୍ରାମରେ ଅବକାରୀ ବିଭାଗ ଚଢାଉ କରି ବିପୁଳ ପରିମାଣର ଦେଶୀ ରନ୍ଧାମଦ ଏବଂ ମହୁଲ ପୋଚ ଜବତ କରିଛି। 

ସଂକଳ୍ପିତ ହେଲେ ସବୁକାମ ସମ୍ଭବ ହେବ

ସଂକଳ୍ପିତ ହେଲେ ସବୁକାମ ସମ୍ଭବ ହେବ

ଅମରପାଲି,୧୫।୨(ଡି.ଏନ.ଏ.): ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଅନ୍ତର୍ଗତ ମୁର୍ଷୁଣ୍ଢୀ ଗ୍ରାମ ପଞ୍ଚାୟତର ଭୁତିଆପାଲିସ୍ଥିତ ପରମେଶ୍ୱରୀ କଲେଜରେ ଆତ୍ମରକ୍ଷା କୌଶଳ ପ୍ରଶିକ୍ଷଣ ଶିବିର ଆରମ୍ଭ ହୋଇଛି।

ଅବକାରୀ ବିଭାଗ ଚଢ଼ାଉ: ଦେଶୀ ମଦ ଜବତ, ୬ ଅଭିଯୁକ୍ତଙ୍କୁ କୋର୍ଟ ଚାଲାଣ

ଅବକାରୀ ବିଭାଗ ଚଢ଼ାଉ: ଦେଶୀ ମଦ ଜବତ, ୬ ଅଭିଯୁକ୍ତଙ୍କୁ କୋର୍ଟ ଚାଲାଣ

ପାଟଣାଗଡ଼,୧୫।୨(ଡି.ଏନ.ଏ.): ବଲାଙ୍ଗୀର ଜିଲା ପାଟଣାଗଡ଼ ବ୍ଲକର ରେଙ୍ଗାଲି ଏବଂ ଛେଲଖାଇ ଗ୍ରାମରେ ଅବକାରୀ ବିଭାଗ ଶୁକ୍ରବାର ଚଢ଼ାଉ କରିଛିି। ଏହି ଚଢ଼ାଉରେ ଜଣେ ମହିଳା ସମେତ ୫ ଜଣଙ୍କୁ ଗିରଫ କରାଯିବା ବେଳେ ୧୭୬ ଲିଟର ଦେଶୀ ରନ୍ଧା ମଦ, ୧୨୦ କେଜି ମହୁଲ ଏବଂ ରେଙ୍ଗାଲି ଜଙ୍ଗଲରୁ ୩.୫ କୁଇଣ୍ଟାଲ ମହୁଲ ପୋଚ ଜବତ କରିଥିଲେ। 

ସପନ୍‌ ହେଇ ରହିଗଲା ପକାଘର: ଭୁଲ କଲା ପରଶାସନ, ଦୁଖ୍‌ ଭୁଗ୍‌ଲେ ଅମ୍ବରିଶ

ସପନ୍‌ ହେଇ ରହିଗଲା ପକାଘର: ଭୁଲ କଲା ପରଶାସନ, ଦୁଖ୍‌ ଭୁଗ୍‌ଲେ ଅମ୍ବରିଶ

ଉଲୁଣ୍ଡା, ୧୫।୨ (ଡି.ଏନ.ଏ): ପଁଚେତ୍‌ କଁଥିରେ ୨୦୧୬ ଏପ୍ରିଲ ମାସେ ଛପାହେଲା ନାଁ। ସରକାରୀ ଆବାସ ଯୋଜନାରେ ପକାଘର ଖଁଡ଼େ ମିଲବା ଇ ଆଶାରେ ସେ ଖୁସ୍‌ଥିଲେ। 

ଆଦିବାସୀକର ଲାଗି ସାତ୍‌ସପନ୍‌ ହେଇଛେ ବିକାଶ: ସରଲତାର ସୁଯୋଗ ନେଉଛନ୍‌ ନେତା, ପରଶାସକ୍‌

ଆଦିବାସୀକର ଲାଗି ସାତ୍‌ସପନ୍‌ ହେଇଛେ ବିକାଶ: ସରଲତାର ସୁଯୋଗ ନେଉଛନ୍‌ ନେତା, ପରଶାସକ୍‌

ଭବାନୀପାଟଣା,୧୫।୨(ଡି.ଏନ.ଏ.): ଗାଁ ଗଁଲିର ବିକାଶ ଲାଗି ଉଭଏ କେନ୍ଦ୍ର ଆର ରାଏଜ୍‌ ସରକାର ଭିନେ ଭିନେ ଯୋଜନା କରୁଛନ୍‌। ହେଲେ ଆଏଜ୍‌ବି କଳାହାଣ୍ଡି ଜିଲାର ଅନେକ ଗାଁ ରେ ବିକାଶ ଅପହଁଚ୍‌ ହେଇ ରହିଛେ। 

ଏମ୍‌.ସି.ସି କ୍ରିକେଟ୍‌ ଟୁର୍ନାମେଣ୍ଟ: ଦେଓଗାଁ ଚାମ୍ପିୟନ

ଏମ୍‌.ସି.ସି କ୍ରିକେଟ୍‌ ଟୁର୍ନାମେଣ୍ଟ: ଦେଓଗାଁ ଚାମ୍ପିୟନ

ମଦନପୁର,୧୪।୨(ଡି.ଏନ.ଏ.): କଳାହାଣ୍ଡି ଜିଲା ମ.ରାମପୁର ବ୍ଲକ ଅନ୍ତର୍ଗତ ମଦନପୁର ଖେଳ ପଡିଆଠାରେ ଚାଲିଥିବା ଏମ୍‌.ସି.ସି କ୍ରିକେଟ ଟୁର୍ନାମେଣ୍ଟ ଗୁରୁବାର ଉଦ୍‌ଯାପିତ ହୋଇଯାଇଛି। ମଦନପୁର ଏମ୍‌.ସି.ସି ଓ ଦେଓଗାଁ ଦଳ ମଧ୍ୟରେ ଅନୁଷ୍ଠିତ ଫାଇନାଲ ମ୍ୟାଚରେ ଦେଓଗାଁ ଦଳ ଚାମ୍ପିୟନ ହୋଇଛି। 

ଗାର୍‌ହନ୍ ନାଟକକୁ ୯ଟି ପୁରସ୍କାର

ଗାର୍‌ହନ୍ ନାଟକକୁ ୯ଟି ପୁରସ୍କାର

ଭବାନୀପାଟଣା,୧୪।୨(ଡି.ଏନ.ଏ.): ଝାଡ଼ଖଣ୍ଡ କଳାସଙ୍ଗମ ଗିରିଡିହରେ ଜାତୀୟସ୍ତରୀୟ ନାଟକ ମହୋତ୍ସବ ଆୟୋଜିତ ହୋଇଯାଇଛି। 

କୁକୁର ଆକ୍ରମଣରେ କୁଟୁରା ମୃତ

କୁକୁର ଆକ୍ରମଣରେ କୁଟୁରା ମୃତ

ଭବାନୀପାଟଣା,୧୪।୨(ଡି.ଏନ.ଏ.): ଭବାନୀପାଟଣା ସହରର ୮କିଲୋମିଟର ଦୂରରେ ଥିବା ନାରେଙ୍ଗଖୋଲା ଜଙ୍ଗଲ ନିକଟରେ ଏକ କୁଟୁରାକୁ କୁକୁରମାନେ ଆକ୍ରମଣ କରି ଆହତ କରିଦେଇଥିଲେ।