ସମ୍ପାଦକୀୟ |

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ଚାକିରି ପାଇଁ ଆବେଦନ କରୁଛନ୍ତି ବା ସମାଜ ବିରୋଧୀ କାର୍ଯ୍ୟରେ ଲିପ୍ତ ରହୁଛନ୍ତି ତେବେ ନିଶ୍ଚିତ ଭାବରେ ଆମର ଶିକ୍ଷା ଓ ଶିକ୍ଷା ବ୍ୟବସ୍ଥାରେ କିଛି ଭୁଲ୍‌ଭ୍ରାନ୍ତି ରହିଛି। ଶସ୍ତା ଜନପ୍ରିୟତା ଦ୍ୱାରା ଭୋଟ ହାସଲ ପାଇଁ ବିଦ୍ୟାଳୟ ସ୍ତରରେ ଫେଲ୍‌ ଶବ୍ଦ ଲୋପ କରାଗଲା। ଧୁଆମୂଳା ଅଧୁଆମୂଳା ସବୁ ଛାତ୍ର ଉପର କକ୍ଷକୁ ଉତ୍ତୀର୍ଣ୍ଣ ହେଲେ। ସରକାର ଆଶ୍ୱସ୍ତ। ପିଲା ଆଶ୍ୱସ୍ତ। ଅଭିଭାବକମାନେ ମଧ୍ୟ ଆଶ୍ୱସ୍ତ। ଶିକ୍ଷକମାନେ ମଧ୍ୟ ଦାୟିିତ୍ୱମୁକ୍ତ ହୋଇଗଲେ। ଅନେକ ସ୍ଥଳରେ ମଧ୍ୟାହ୍ନଭୋଜନ ଆୟୋଜନ ମୁଖ୍ୟ ଲକ୍ଷ୍ୟ ଏବଂ ପାଠପଢ଼ା ଗୌଣ ହୋଇଗଲା। ସାଧାରଣ ଜନତାକୁ ଅନେକ ଦ୍ରବ୍ୟ ସରକାର ମାଗଣାରେ ଦେବା ଦ୍ୱାରା ସମାଜରେ ଆଳସ୍ୟ ଓ ତାମସିକ ପ୍ରବୃତ୍ତି ବୃଦ୍ଧି ପାଇଛି। ବଞ୍ଚତ୍ବା ପାଇଁ ସଂଗ୍ରାମର ଆବଶ୍ୟକତା ହ୍ରାସ ପାଉଛି। ସଂରକ୍ଷଣର ସୁଦୂରପ୍ରସାରୀ ପ୍ରଭାବ ଡାରଉଇନ୍‌ଙ୍କ ଯୋଗ୍ୟତମର ଉଦ୍‌ବର୍ତ୍ତନ ତତ୍ତ୍ୱକୁ ତାଚ୍ଛଲ୍ୟ କରୁଛି। ଏସବୁର ପ୍ରଭାବ ପିଲାଙ୍କ ଉପରେ ପଡୁଛି। ମୋବାଇଲ-ଇଣ୍ଟରନେଟ୍‌ର ଲଗାମଛଡ଼ା ବ୍ୟବହାର ବ୍ୟାଧିରୂପେ ପିଲାଙ୍କୁ ଲକ୍ଷ୍ୟଭ୍ରଷ୍ଟ ଓ ବିଳାସମୁଖୀ କରୁଛି। ବ୍ୟକ୍ତି ଚରିତ୍ରରେ ନୈତିକ ମୂଲ୍ୟବୋଧ, ଚାରିତ୍ରିକ ଶୃଙ୍ଖଳା, ବିବେକ, ସଂଯମ ଓ ମହତ୍‌ ଲକ୍ଷ୍ୟରେ ଅଧ୍ୟବସାୟ ଲୋପ ପାଉଛି।

ପ୍ରାଚୀନ ଭାରତର ସଭ୍ୟତା ଓ ସଂସ୍କୃତି ଯୁଗେ ଯୁଗେ ବିଶ୍ୱବାସୀଙ୍କର ମାର୍ଗଦର୍ଶକ ହୋଇଆସିଛି। ଏହାର ଭୂୟସୀ ପ୍ରଶଂସା କରି ପାଶ୍ଚାତ୍ୟ ଐତିହାସିକ ଟଏନ୍‌ବି ଯଥାର୍ଥରେ କହିଥିଲେ, ପାଶ୍ଚାତ୍ୟ ସଭ୍ୟତା ଓ ଜୀବନଶୈଳୀରେ ଆରମ୍ଭ ହେଉଥିବା ସମସ୍ତ କ୍ରିୟାକଳାପ ଭାରତୀୟ ସଂସ୍କୃତି ଓ ଜୀବନଦର୍ଶନ ଦ୍ୱାରା ସଂସ୍କୃତ ଓ ସମୃଦ୍ଧ ନ ହେଲେ ଆତ୍ମଘାତର ସମ୍ମୁଖୀନ ହେବ। ଭାରତୀୟ ସଂସ୍କୃତିର ମୁଖ୍ୟ ଆଧାର ହେଉଛି ବେଦସର୍ବସ୍ବ ଜୀବନଧାରା ଓ ଗୁରୁକୁଳ ଆଶ୍ରମର ଶିକ୍ଷା ବ୍ୟବସ୍ଥା। ଶିଷ୍ୟ ପରମ୍ପରା କ୍ରମେ ବିସ୍ତୃତ ବୈଦିକ ଜ୍ଞାନ ଓ ବିଦ୍ୟା ଭାରତୀୟ ଜୀବନଦର୍ଶନ ଓ ମୂଲ୍ୟବୋଧକୁ ସମୃଦ୍ଧ କରିଥିଲା। ଗୁରୁକୁଳ ଶିକ୍ଷା ବ୍ୟବସ୍ଥାରେ ଚାରି ବେଦ ଚାରି ଉପବେଦ, ଛ ବେଦାଙ୍ଗ, ଇତିହାସ, ପୁରାଣ, ନ୍ୟାୟ, ମୀମାଂସା, ସାଂଖ୍ୟ, ଯୋଗ ଆଦି ବତିଶ ବିଦ୍ୟା ପ୍ରଦାନର ବ୍ୟବସ୍ଥା ଥିଲା।

ଭାରତୀୟ ଶିକ୍ଷା ବ୍ୟବସ୍ଥା, ସଂସ୍କୃତି ଓ ଜାତୀୟ ମୂଲ୍ୟବୋଧ ଧ୍ୱଂସ ନ କଲେ ଭାରତରେ ଇଂରେଜ ଶାସନର ସ୍ଥାୟିତ୍ୱ ଅସମ୍ଭବ ହୃଦ୍‌ବୋଧ କରି ମାକଲେ ୧୮୩୫ରେ ବ୍ରିଟିଶ ସଂସଦକୁ ଏକ ଚିଠି ଦେଇଥିଲେ। ତା’ ପରେ ଭାରତରେ ଇଂଲିଶ ଶିକ୍ଷା ପ୍ରଚଳନ ଦ୍ୱାରା ଲକ୍ଷ ଲକ୍ଷ ଡାକମୁନସି ବାବୁ ସୃଷ୍ଟିକରି ଭାରତୀୟ ସମାଜରେ ବିଭେଦ, ବିଦ୍ୱେଷ, ବିଦେଶୀ ଦ୍ରବ୍ୟର ପ୍ରୀତି ଓ ଭାରତୀୟତାର ଅନାଦର ଭାବ ସୃଷ୍ଟିକରି ଭାରତୀୟ ଶିକ୍ଷା ବ୍ୟବସ୍ଥାକୁ ଧ୍ୱଂସ କରିଦିଆଗଲା, ଯାହାର ଫଳ ଆଜି ସର୍ବତ୍ର ପ୍ରତିଫଳିତ।

ବୈଦିକ ଶିକ୍ଷାର ଲକ୍ଷ୍ୟ ଜ୍ଞାନାର୍ଜନ, ଚରିତ୍ର ଗଠନ, ସମୃଦ୍ଧ ସମାଜ, ଜନସେବା ଏବଂ ଦେଶ ଓ ଦଶର ସମୃଦ୍ଧି ସହ ଧର୍ମ, ଅର୍ଥ, କାମ ଓ ମୋକ୍ଷରୂପକ ଚତୁର୍ବର୍ଗ ଲକ୍ଷ୍ୟସିଦ୍ଧି। ଭଗବତ୍‌ ସାନ୍ନିଧ୍ୟ ଓ ଆତ୍ମ ସାକ୍ଷାତ୍‌କାର ହିଁ ଶିକ୍ଷାର ମୂଳ ଲକ୍ଷ୍ୟ। ଶିକ୍ଷାଦାନରେ ଗୁରୁଙ୍କର ମହନୀୟ ଅବଦାନ ଥିଲା। ଶିଷ୍ୟ ପାଇଁ ଗୁରୁ ହେଉଛନ୍ତି ବ୍ରହ୍ମା, ବିଷ୍ଣୁ ତଥା ଶିବ ତୁଲ୍ୟ ବନ୍ଦନୀୟ। ଶିଷ୍ୟର ଜ୍ଞାନଚକ୍ଷୁ ଉନ୍ମୀଳିତ କରି ଅଜ୍ଞାନତାରୂପକ ଅନ୍ଧକାର ଦୂର କରିପାରୁଥିବାରୁ ଗୁରୁ ଚିରନମସ୍ୟ। ଶିଷ୍ୟ ଉପରେ ଗୁରୁ ପ୍ରସନ୍ନ ହେଲେ ଅନ୍ୟ ସମସ୍ତେ ପ୍ରସନ୍ନ ହୁଅନ୍ତି। ବୈଦିକ ଗୁରୁକୁଳ ଆଶ୍ରମରେ ଶିଷ୍ୟମାନେ ମିଳିମିଶି ଅଗ୍ରସର ହେବା, ଆଳାପ କରିବା ଏବଂ ଜ୍ଞାନାର୍ଜନ କରି ଈଶ୍ୱର ସମର୍ପିତ ହେବା ପାଇଁ ଗୁରୁ ଶିଷ୍ୟଙ୍କୁ ପ୍ରେରଣା ଦିଅନ୍ତି। ଋଗ୍‌ବେଦ (୧/୧୧୧/୨)ର ଏ ସମ୍ପର୍କିତ ମନ୍ତ୍ରଟି ହେଉଛି- ‘ସଂଗଚ୍ଛଧ୍ୱଂ ସଂବଦଧ୍ୱଂ ଶଂ ବୋ ମନାଂସି ଜାନତାମ୍‌’। ହାର୍ଦ୍ଦିକ ମିଳନ ଓ ମାନସିକ ଏକତା ସହ ଏକ ଲକ୍ଷ୍ୟ ବା ସଂକଳ୍ପରେ ସାଧନା କଲେ ଅବଶ୍ୟ ସିଦ୍ଧି ପାଇବେ ବୋଲି ଗୁରୁ ଶିଷ୍ୟଙ୍କୁ ପ୍ରେରଣା ଦେଇଥାନ୍ତି- ”ସମାନୀ ବ ଆକୂତିଃ ସମାନା ହୃଦୟାନି ବଃ ସମାନମସ୍ତୁ ବୋ ମନୋ ଯଥା ବଃ ସୁସହାସତି।“  (ଋକ୍‌ବେଦ ୧୦/୧୧୧/୪)  ଶ୍ୱେତାଶ୍ୱେତରୋପନିଷଦରେ ଗୁରୁ ଶିଷ୍ୟଙ୍କୁ ରକ୍ଷା ଓ ପାଳନ କରିବା, ଶକ୍ତି ସାମର୍ଥ୍ୟ ଦେବା, ସେମାନଙ୍କର ଜ୍ଞାନର ମହତ୍ତ୍ୱ ବୃଦ୍ଧି କରିବା ଓ ବିଦ୍ୱେଷଶୂନ୍ୟ ସମ୍ପର୍କ ବଜାୟ ରଖିବାକୁ ପ୍ରାର୍ଥନା କରାଯାଇଛି- ”ଓଁ ସହନାବବତୁ । ସହ ନୌ ଭୁନକ୍ତୁ। ସହବୀର୍ଯ୍ୟ କରବାବହୈ। ତେଜସ୍ବିନାବଧୀତମସ୍ତୁ। ମା ବିଦ୍ୱିଷାବହୈ।“ ପୁତ୍ର ପିତାର ବ୍ରତ ପାଳନ କରିବା ଓ ମାତାର ଆଜ୍ଞାଧୀନ ହେବା, ସ୍ତ୍ରୀ ଶାନ୍ତିପ୍ରିୟ ଓ ମଧୁର ଭାଷୀ ହେବା ପାଇଁ ଭାଇ-ଭାଇ ଓ ଭାଇ-ଭଉଣୀ ମଧୁର ସମ୍ପର୍କ ରଖିବାକୁ ଅଥର୍ବ ବେଦ ୩୦ା୩ା୨-୩ ମନ୍ତ୍ରଦ୍ୱୟରେ ସମୃଦ୍ଧ ପାରିବାରିକ ଜୀବନର ପ୍ରେରଣା ଦିଆଯାଇଛି। ବିଶ୍ୱଗୁରୁ ବ୍ୟାସ ”ପରୋପକାରଃ ସ୍ବର୍ଗାୟ ପାପାୟ ପରପୀଡନମ୍‌’ ମନ୍ତ୍ର ଦେଇ ସେବା ଓ ତ୍ୟାଗସର୍ବସ୍ବ ଜୀବନ ଓ ଚରିତ୍ର ଗଠନ ପାଇଁ ପ୍ରେରଣା ଦେଇଥିଲେ।

ଶିଷ୍ୟ ଗୁରୁଙ୍କୁ ପ୍ରଣାମ କଲେ- ‘ମନୁର୍ଭବ’ ଅର୍ଥାତ୍‌ ମନୁଙ୍କ ପରି ସତ୍‌ ସିଦ୍ଧ ଓ ସମୃଦ୍ଧ ହେବାର ଆଶୀର୍ବାଦ ମିଳେ। ମନୁଙ୍କର ମନୁସ୍ମୃତି ୨/୧୨୧ରେ ଜ୍ଞାନବୃଦ୍ଧ ଓ ବୟୋବୃଦ୍ଧଙ୍କର ସେବା ଓ ସମ୍ମାନ କଲେ ପ୍ରଜ୍ଞା, ବିତ୍ତ, ଯଶ ଓ ବୀର୍ଯ୍ୟ ବୃଦ୍ଧି ହୁଏ ବୋଲି ପ୍ରେରଣା ଦିଆଯାଇଛି। ଆଧୁନିକ ଶିକ୍ଷା ବ୍ୟବସ୍ଥାରେ ଜ୍ଞାନ ଲାଭ ହୁଏ। ମାତ୍ର ବୈଦିକ ଶିକ୍ଷା ବ୍ୟବସ୍ଥା ଜ୍ଞାନ ଦାନ ସହ ଚରିତ୍ର ଗଠନ କରି ଦୈବୀ ଗୁଣରେ ସମୃଦ୍ଧ କରେ। ଥିଲେ ଥାଉ ପଛେ ଗୁଣ ହଜାର, ଚରିତ୍ର ନ ଥିଲେ ସବୁ ଅସାର। ଭାରତୀୟ ସଂସ୍କୃତିର ମହାମନ୍ତ୍ର- ‘ସର୍ବେ ଭବନ୍ତୁ ସୁଖିନଃ, ସର୍ବେ ସନ୍ତୁ ନିରାମୟଃ, ସର୍ବେ ଭଦ୍ରାଣି ପଶ୍ୟନ୍ତୁ ମା କଶ୍ଚିତ୍‌ ଦୁଃଖଭାଗ୍‌ ଭବେତ୍‌’ ଛାତ୍ର-ଶିକ୍ଷକ ସମସ୍ତଙ୍କର ଧ୍ୟେୟ ହେବା ଉଚିତ। (ଶ୍ୟାମସୁନ୍ଦର ସରକାରୀ ଉଚ୍ଚ ବିଦ୍ୟାଳୟର ହୀରକ ଜୟନ୍ତୀ ଉପଲକ୍ଷେ)

ପ୍ରାକ୍ତନ ଛାତ୍ର, ଶ୍ୟାମସୁନ୍ଦର ଉଚ୍ଚ ବିଦ୍ୟାଳୟ, ମିର୍ଜାପୁର, ଯାଜପୁର, ମୋ: ୮୨୪୯୬୯୭୯୪୪

All Right Reserved By

ସମ୍ପାଦକୀୟ |

 ସମ୍ପାଦକୀୟ/ ନ୍ୟାୟାଳୟ ଉପରେ ଛିଟା

ସମ୍ପାଦକୀୟ/ ନ୍ୟାୟାଳୟ ଉପରେ ଛିଟା

ଭାରତୀୟ ନ୍ୟାୟପାଳିକାର ସର୍ବୋଚ୍ଚ ଆସନ ଉପରେ ପୁନର୍ବାର କଳାବାଦଲ ଘୋଟିଯାଇଛି। ବର୍ତ୍ତମାନର ପ୍ରଧାନ ବିଚାରପତି(ସିଜେଆଇ) ରଞ୍ଜନ ଗୋଗୋଇଙ୍କ ସମେତ ବରିଷ୍ଠ ବିଚାରପତି ଜଷ୍ଟିସ୍‌ ଚେଲାମେଶ୍ୱର, ମଦନ ବି ଲକୁର ଏବଂ କୁରିୟନ ଯୋଶେଫ୍‌ ତତ୍‌କାଳୀନ ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ ମାମଲା ବଣ୍ଟନରେ ଅନି..

ତଥ୍ୟ ପ୍ରଦାନରେ ସରକାରଙ୍କ ପଛଘୁଞ୍ଚା

ତଥ୍ୟ ପ୍ରଦାନରେ ସରକାରଙ୍କ ପଛଘୁଞ୍ଚା

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ 

ଲୋକଙ୍କଠାରୁ ତଥ୍ୟ ଲୁଚାଇବାରେ ସରକାରୀ ବିଭାଗଗୁଡ଼ିକ ମଧ୍ୟରେ କେନ୍ଦ୍ର ସରକାରଙ୍କ ପାନୀୟ ଜଳ ଓ ପରିମଳ ମନ୍ତ୍ରଣାଳୟ ବୋଧହୁଏ ସବୁଠୁ ଆଗରେ। ପୂର୍ବ ସରକାର ସମୟରେ ଏହି ବିଭାଗ ଦ୍ୱାରା କାର୍ଯ୍ୟକାରୀ ହେଉଥିବା ଦୁଇଟି ପ୍ରମୁଖ କାର୍ଯ୍ୟକ୍ରମ ଯଥା ରାଷ୍ଟ୍ରୀୟ ଗ୍ରାମ୍ୟ ପାନୀୟ ଜଳ କାର୍ଯ୍ୟକ୍ରମ ଓ ସମ୍ପୂର୍ଣ୍ଣ ପରିମଳ ଅଭିଯାନ ପାଇଁ ଏକ ବଳିଷ୍ଠ ତଥ୍ୟ ପ..

କିଏ ଏଇ ମା’

କିଏ ଏଇ ମା’

ସୁଧିରାଜ ରାଉତ

ବର୍ଷା ମାସ। ଇନ୍ଦ୍ରାବତୀ ଜଳଭଣ୍ଡାର ସାମର୍ଥ୍ୟଠାରୁ ଅଧିକ ଜଳରେ ପୂର୍ଣ୍ଣହୋଇ ମନେହେଉଥିଲା ସତେ ଅବା ଏକ ମାଟିଆ ସମୁଦ୍ର। କୂଳରେ ବନ୍ଧା ହୋଇଥିବା ଡଙ୍ଗାକୁ ଫିଟାଇଦେଇ ବନ୍ଧୁଙ୍କୁ କହିଲି ଭଲ ଫଟୋ ନେବାକୁ। ବନ୍ଧୁ ଫଟୋ ଉଠାଉଥାଏ କିନ୍ତୁ ମୋତେ ନେଇ ଡଙ୍ଗାଟି ଧୀରେ ଧୀରେ ଦୂରେଇ ଯାଉଥାଏ କୂଳରୁ। ରୋକିବାର ମୋ ସକଳ ପ୍ରୟାସକୁ ଉପହାସକରି ଡ୍ୟାମ୍‌ର ରିଟର୍ନ କରେଣ୍ଟରେ ଡଙ୍ଗାଟି କୂଳରୁ ପାଞ୍ଚଶହ ମିଟରରୁ ଅଧିକ ଦୂରକୁ ଚାଲିଗଲା। ମେଘ ହେବାର ସମ୍ଭାବନା, ଆଉ ପବନ ଲ..

ଏଇ ଭାରତରେ

ଏଇ ଭାରତରେ

ଏକ ଗଣତାନ୍ତ୍ରିକ ରାଷ୍ଟ୍ରରେ ଜଣେ ବ୍ୟକ୍ତି ମତଦାନ କରି ଲୋକ ପ୍ରତିନିଧି ବାଛିବା ହେଉଛି ମୌଳିକ ଅଧିକାର। ଏହାକୁ  ଆଦୌ ଅଣଦେଖା କରିବା ଉଚିତ ନୁହେଁ। କିନ୍ତୁ କେତେକ ନାଗରିକ ଭୋଟଦାନରୁ ବିରତ ରହିବାକୁ ପସନ୍ଦ କରିଥାଆନ୍ତି। ସେ..

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ସମ୍ପାଦକୀୟ/ଦୀପାବଳି କି ଇଦ୍‌ ନୁହେଁ

ରାଜସ୍ଥାନ ବାର୍ମେର ଜିଲାର ଏକ ନିର୍ବାଚନ ସଭାରେ ଏପ୍ରିଲ ୨୧ରେ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାକିସ୍ତାନକୁ ସମାଲୋଚନା କରି ଭୋଟ ମାଗିଛନ୍ତିି। ସେ କହିଛନ୍ତି, ଦିନେ ଛାଡ଼ି ଦିନେ ପାକିସ୍ତାନ ବାରମ୍ବାର କହିଆସୁଛି ଯେ, ତା’ ପାଖରେ ପରମାଣୁ ବୋମା ରହିଛି। କିନ୍ତୁ ପାକିସ୍ତାନ ମନେରଖିବା ଉଚିତ ଯେ, ଭାରତ ପାଖରେ ଥିବା ପରମାଣୁ ଅସ୍ତ୍ର ଦୀପାବଳି ପାଇଁ ସାଇତା ..

ଲୋକପ୍ରତିନିଧି କାହାନ୍ତି

ଲୋକପ୍ରତିନିଧି କାହାନ୍ତି

ସହଦେବ ସାହୁ

ବିଲାତକୁ ଗଣତନ୍ତ୍ରର ଜନନୀ କୁହାଯାଏ, କିନ୍ତୁ ତାହାର ଲିଖିତ ସମ୍ବିଧାନ ନାହିଁ, କନ୍‌ଭେନ୍‌ସନ୍‌ ବା ପରମ୍ପରା ସମ୍ବିଧାନର କାମ କରୁଛି: ରାଜା ବା ରାଣୀ ବଂଶାନୁକ୍ରମେ ରାଷ୍ଟ୍ରମୁଖ୍ୟ ହେଉଥିବାରୁ ବିଲାତ ରିପବ୍ଲିକ୍‌ ବା ସାଧାରଣତନ୍ତ୍ର ନୁହେଁ। ଆମ ସମ୍ବିଧାନ-ପ୍ରଣେତାମାନେ ବିଲାତ ଢାଞ୍ଚାର କ୍ୟାବିନେଟ ବା ସଂସଦୀୟ ଗଣତନ୍ତ୍ରକୁ ଅନୁକରଣ ..

ସବୁଥିରେ ପଲିଟିକ୍ସ

ସବୁଥିରେ ପଲିଟିକ୍ସ

ସବ୍ୟସାଚୀ ଅମିତାଭ

ଗଣତନ୍ତ୍ର କ୍ଷମତା ଦେଇଛି। ନିଜେ ନିଜର ଶାସନ କରିବାର କଳା ଲୋକଙ୍କୁ ଶିଖାଇଛି। ହେଲେ ବର୍ତ୍ତମାନ ସମୟର ରାଜନୀତି ଗଣତନ୍ତ୍ରକୁ ଧୀରେ ଧୀରେ କବଳିତ କରିସାରିଲାଣି। ସବୁ କଥାରେ ରାଜନୀତି। ଚାଷୀ ମଲେ ରାଜନୀତି, ପୀଡିତା ଆତ୍ମହତ୍ୟା କଲେ ବି ରାଜନୀତି, ପେଟ୍ରୋଲ ଦର ବଢିଲେ ରାଜନୀତି ଆଉ ଆଦର୍ଶ ହେବାର ..

ଏଇ ଭାରତରେ

ଏଇ ଭାରତରେ

ବିହାରର ଭାଗଲପୁର ଅଞ୍ଚଳରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ନିଜ ସ୍ତ୍ରୀଙ୍କୁ ତାଙ୍କ ପ୍ରେମିକ ସହ ବିବାହ କରାଇ ଦେଇଛନ୍ତି। କେବଳ ସେତିକି ନୁହେଁ, ଉପହାର ସ୍ବରୂପ ସେ ନିଜ ଅଢ଼େଇ ବର୍ଷର ପୁଅକୁ ମଧ୍ୟ ସ୍ତ୍ରୀଙ୍କ ହାତରେ ଟେକି ଦେଇଛନ୍ତି। ଏହି ଘଟଣା ଏବେ ଭାଗଲପୁରରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଗାଁର ଅନେକ ଲୋକ ଏହି ବି..

କଲମ୍ବୋ ନିଆଁ

କଲମ୍ବୋ ନିଆଁ

ଦ୍ୱୀପ ଦେଶ ଶ୍ରୀଲଙ୍କାରେ ଦୀର୍ଘ ବର୍ଷ ପରେ ୨୧ ଏପ୍ରିଲ ୨୦୧୯ରେ ଭୟଙ୍କର ଆତଙ୍କ ଦେଖାଦେଇଛି। ରାଜଧାନୀ କଲମ୍ବୋ ଓ ଆଖପାଖ  ଅଞ୍ଚଳର କେତେକ ଚର୍ଚ୍ଚ ଓ ହୋଟେଲରେ ଲଗାତର ୮ଟି ବିସ୍ଫୋରଣରେ ୨୦୭ରୁ ଊର୍ଦ୍ଧ୍ୱ ବ୍ୟକ୍ତିଙ୍କ ପ୍ରାଣହାନି ଘଟିଥିବା ବେଳେ ୪୦୦ରୁ ଅଧିକ ଗୁରୁତର ଆହତ ହୋଇଛନ୍ତି। ମୃତ୍ୟୁସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି। ମୃତକଙ୍କ ମଧ୍ୟରେ ୪୦ ବିଦେଶୀ ଥିବା ଖବର ମିଳିଛି। 

ଜୀବ ସୁରକ୍ଷା ପୃଥିବୀ ରକ୍ଷା

ଜୀବ ସୁରକ୍ଷା ପୃଥିବୀ ରକ୍ଷା

୨୦୧୯ର ଧରିତ୍ରୀ ଦିବସ ପାଳନ ଅବସରରେ ଦିଆଯାଇଥିବା ସଚେତନଧର୍ମୀ ଡାକରାଟା ହେଉଛି ‘ସବୁ ଜୀବଙ୍କୁ ସୁରକ୍ଷା ଦିଅ।’ ଆଠ ନିୟୁତ ଜୀବ ଜାତିର ପୃଥିବୀଟା ଆଜି ଜୀବ ବିଲୁପ୍ତି ପଥରେ ଅଗ୍ରସର। ସକଳ ଜୀବଙ୍କ ପ୍ରାଣସୂତ୍ର ପୃଥିବୀ ସେମାନଙ୍କ ପ୍ରାଣରକ୍ଷା ପାଇଁ ମଣିଷକୁ ଆହ୍ବାନ କରୁଛି। ତେବେ ମଣିଷ କ’ଣ ଜୀବ ବିଲୁପ୍ତିର କାରଣ ସାଜିଛି? ମଣିଷ ଆବିର୍ଭାବ ପୂର୍ବରୁ ତ ପୁଣି ପୃଥିବୀ ପାଞ୍ଚ ପାଞ୍ଚ ଥର ସମୂହ ବିଲୋପକୁ ସାମନା କରିଛି। 

କହିବା କାହାକୁ, ଶୁଣିବ କିଏ

କହିବା କାହାକୁ, ଶୁଣିବ କିଏ

ଯେଉଁ କଥାକୁ ଡର ଥିଲା ତାହା ହିଁ ହେଲା। ଆଶା ଥିଲା, ସରକାର ଆଉ କିଛି କରନ୍ତୁ ବା ନ କରନ୍ତୁ, ନିର୍ବାଚନ ସମୟରେ ମଦକୁ ନିଶ୍ଚିତ ନିଷିଦ୍ଧ କରିବେ। ହେଲେ, ହେଲା ଠିକ୍‌ ତା’ର ଓଲଟା। ସରକାରଙ୍କ ଅବକାରୀ ବିଭାଗ ଜୁଲାଇ ୩୧ ତାରିଖ ପର୍ଯ୍ୟନ୍ତ ମଦ ଦୋକାନୀଙ୍କ ଲାଇସେନ୍ସକୁ ନବୀକରଣ କରି ଏ କ୍ଷେତ୍ରକୁ ସବୁଜ ସଙ୍କେତ(?) ଦେଇଛନ୍ତି। ଏଥିପାଇଁ ରାଜ୍ୟ ସରକାର ନୂତନ ଭାବେ ଅବକାରୀ ନୀତି ପ୍ରସ୍ତୁତ କରିଛନ୍ତି। 

ଏଇ ଭାରତରେ

ଏଇ ଭାରତରେ

ଗୁଜରାଟର ରାଜକୋଟ ଜିଲା ଅନ୍ତର୍ଗତ ରାଜସମଦିୟାଲ ଗାଁ ଅନ୍ୟ ଗଁାଗୁଡ଼ିକଠାରୁ ନିଆରା। ନିର୍ବାଚନ ସମୟରେ ସବୁଠି ପ୍ରଚାର ଗାଡି ବୁଲୁଥିବା ବେଳେ ଏହି ଗାଁରେ କିନ୍ତୁ ପ୍ରଚାର କରାଯାଇ ନ ଥାଏ। ଗାଁ ଲୋକଙ୍କ ମତରେ ପ୍ରଚାର କରାଗଲେ ପରିବେଶରେ ଶବ୍ଦ ପ୍ରଦୂଷଣ ବୃଦ୍ଧିପାଇବ। ତେଣୁ ସେମାନେ କୌଣସି ପ୍ରଚାରଗାଡିକୁ ଗାଁ ଭିତରକୁ ପ୍ରବେଶ କରିବାକୁ ଦେଇ ନ ଥାନ୍ତି। 



Model This Week

ତୁଳସୀ ପ୍ରିୟଦର୍ଶିନୀ
Why Dharitri