ପୁରୀ ଅଫିସ,୨୧ା୧: ସୋମବାର ପବିତ୍ର ପୌଷ ପୂର୍ଣ୍ଣିମା ଅବସରରେ ମହୋଦଧି ଆଳତିର ଦ୍ୱାଦଶ ବାର୍ଷିକ ଉତ୍ସବ ଅନୁଷ୍ଠିତ ହେବ। ଏହି ଉପଲକ୍ଷେ ଅପରାହ୍ନ ୪ଟାରୁ ସନ୍ଧ୍ୟା ସାଢ଼େ ୭ଟା ପର୍ଯ୍ୟନ୍ତ ସ୍ବର୍ଗଦ୍ୱାର ସମ୍ମୁଖ ସମୁଦ୍ର ତଟରେ ସଭା କାର୍ଯ୍ୟ ଓ ସନ୍ଧ୍ୟା ୬ଟା ୩୦ରେ ମହାଆଳତି କରାଯିବ। ଏଥିରେ ଗୋବର୍ଦ୍ଧନ ପୀଠର ଶଙ୍କରାଚାର୍ଯ୍ୟ ସ୍ବାମୀ ନିଶ୍ଚଳାନନ୍ଦ ସରସ୍ବତୀ, ଗଜପତି ମହାରାଜା ଦିବ୍ୟସିଂହ ଦେବ, ବରିଷ୍ଠ ସାଧୁସନ୍ଥ, ମଠ ମହନ୍ତ, ଶ୍ରୀମନ୍ଦିର ସେବକ, ମୁକ୍ତିମଣ୍ଡପ ବ୍ରାହ୍ମଣ, ରାଜନେତା ଏବଂ ବୁଦ୍ଧିଜୀବୀ ଯୋଗଦେବାର କାର୍ଯ୍ୟକ୍ରମ ରହିଛି। ସୂଚନାଯୋଗ୍ୟ, ଗୋବର୍ଦ୍ଧନ ପୀଠ ଶଙ୍କରାଚାର୍ଯ୍ୟ ସ୍ବାମୀ ନିଶ୍ଚଳାନନ୍ଦ ସରସ୍ବତୀ ୧୧ ବର୍ଷ ପୂର୍ବେ ମହୋଦଧିରେ ସନ୍ଧ୍ୟା ଆଳତି ଶୁଭାରମ୍ଭ କରିଥିଲେ।