ସମ୍ପାଦକୀୟ |

ବାସିପାଣିରେ ପଚରା

ବାସିପାଣିରେ ପଚରା

ଡ. କୁଳାଙ୍ଗାର

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଓଡ଼ିଆ ଘରକୁ ଅତିଥି ଆସିଲେ ସଜପାଣି ଢାଳଟିଏ ବଢେଇ ଦେବାର ବ୍ୟବସ୍ଥା ପ୍ରଚଳିତ। କିନ୍ତୁ ଏବେ ଆମେ କରୁଛେ କ’ଣ? ବନ୍ଧୁଟିଏ ଘରକୁ ଆସିଲେ ବାସିପାଣିରେ ପଚାରିବାଟା ଏବେ ପରମ୍ପରା ପାଲଟିଗଲାଣି। ପରେ ପରେ ବୋତଲ ଓ ଗିଲାସ ଢାଳର ସ୍ଥାନ ଗ୍ରହଣ କରିଛନ୍ତି। ରହିଲା ପାଣି! ଏବେ ଘରକୁ ଆସିଲେ ଆମେ ଦୋକାନକୁ ଧାଇଁଯାଉଚେ ଅବା ଘରେ ମହଜୁଦ୍‌ ଥିଲେ ଥଣ୍ଡା(ମୃଦୁପାନୀୟ) କିମ୍ବା ପ୍ୟାକେଜ୍‌ଡ ପାଣି ବୋତଲଟିଏ ଆଣି ଥୋଇଦେଉଛେ। ଉଭୟ ବାସି।

ମୃଦୁପାନୀୟ, ଯାହାର ଡାକନାମ ଥଣ୍ଡା, ଏବେ ଆମର ଜାତୀୟ ପାନୀୟ! କାରଣ ଏହାକୁ ଜାତି, ଧର୍ମ, ରୋଜଗାର ଓ ଦଳ ନିର୍ବିଶେଷରେ ସମସ୍ତେ ପିଅନ୍ତି। ଛୋଟରୁ ବଡ଼ ସବୁ ଦୋକାନରେ ଏହା ଉପଲବ୍ଧ। ରାସ୍ତାକଡ଼ରେ ଛିଡାହୋଇ ଥଣ୍ଡାଟେ ପିଇବାଟାକୁ ଅନେକେ ପ୍ରେଷ୍ଟିଜ୍‌ ବୋଲି ମନେ କରନ୍ତି। ଆଜିର ମଣିଷ ପାଇଁ ଶରୀରଠାରୁ ସମ୍ମାନ ବଡ଼। ତେଣୁ ଶରୀର ପାଇଁ କ୍ଷତିକାରକ ହେଲେ ମଧ୍ୟ ସମ୍ମାନ ବଢିବ ବୋଲି ଲୋକେ ଢକ ଢକ କରି ପିଇଯାଆନ୍ତି। ଥଣ୍ଡାର ନାନା ଦୁର୍ଗୁଣ ଅଛି ବୋଲି ବାରମ୍ବାର ପ୍ରକାଶ ପାଉଥିଲେ ମଧ୍ୟ ପ୍ରିୟଜନଟିଏ ହାବୁଡିଲେ ଆମେ ତାକୁ ଥଣ୍ଡା ନ ପିଆଇ ଛାଡୁନାହଁୁ! ଥଣ୍ଡାରେ କୀଟନାଶକ ଅଛି ବୋଲି ଅନେକେ କହିଥାଆନ୍ତି, ସେଇ ପ୍ରସଙ୍ଗକୁ ନେଇ କଥାଟିଏ-

ଝିଅକୁ ବରପକ୍ଷ ଦେଖିବାକୁ ଆସିବେ! ସେମାନଙ୍କ ପାଇଁ ଦୋକାନରୁ ଥଣ୍ଡା କିଣି ଫେରୁଥିବା ବାପ-ପୁଅଙ୍କୁ ଦେଖି ଶିକ୍ଷକ ପଚାରିଲେ- ଏ କୀଟନାଶକ କ’ଣ କରିବା ପାଇଁ ନେଉଛନ୍ତି?

ବାପା କହିଲେ- କୀଟଙ୍କୁ ନାଶ କରିବା ପାଇଁ!

ହଉ ଭଲକଥା। କିନ୍ତୁ ଖର୍ଚ୍ଚବହୁଳ କହି ଶିକ୍ଷକ ଚାଲିଗଲେ।

ଏବେ କୁନିପୁଅ ପଚାରିଲା- ବାପା, ତୁମେ ଶିକ୍ଷକଙ୍କୁ ମିଛ କାହିଁକି କହିଲ? ଆମେ ତ କୀଟ ନୁହେଁ ବରଂ ଅପାକୁ ଦେଖିବାକୁ ଆସୁଥିବା ଅତିଥିଙ୍କ ପାଇଁ ନେଉଛେ!

ସିଏ ମନେମନେ ଭାବିଲା- ପୁଅ, ତୁ ବଡ଼ ହେଲେ ଜାଣିବୁ ଏ ବରପକ୍ଷଗୁଡାକ କୀଟଙ୍କଠାରୁ ବି ଆହୁରି ଭୟଙ୍କର!

ପୁଅ ପୁଣି ପଚାରିଲା- ବାପା, କ’ଣ ଭାବୁଚ? କହୁନ, ଆମେ ଅତିଥିଙ୍କୁ ଏ କୀଟନାଶକ ଗୁଡିକ କାହିଁକି ପିଇବାକୁ ଦେବା?

ସିଏ ବୁଝେଇଲା- ଅତିଥିଙ୍କର ମଙ୍ଗଳ ପାଇଁ, କାରଣ ୟାକୁ ପିଇଲେ ତାଙ୍କ ପେଟରେ ଥିବା କୀଟଗୁଡାକ ଖତମ୍‌ ହୋଇଯିବେ!

ପୁଅ କହିଲା- ବଢ଼ିଆ ହେଲା, ଏଥର ଦେହ ଖରାପ ହେଲେ ଆମେ ଔଷଧ ନ ଖାଇ ଥଣ୍ଡା ପିଇଦେବା!’

ସମସ୍ତ ଥଣ୍ଡା ବାସି। କମ୍ପାନୀରେ ବଟ୍‌ଲିଂ ହୋଇ ଖରାବର୍ଷା ଖାଇ ଦୋକାନ ଆଗରେ ପଡ଼ି ପଡ଼ି ପାଳି ପଡ଼ିଲେ ରେଫ୍ରିଜରେଟରରେ ପଶନ୍ତି। ତା’ପରେ ଆମ ତଣ୍ଟିରେ ଢଳା ହୁଅନ୍ତି। ତେଣୁ ଆମେ ଅତିଥିଙ୍କୁ ଏହା ପିଇବାକୁ ଦେଇ ବାସିପାଣିରେ ପଚାରିଥାଉ। ଖାଲି କ’ଣ ଅତିଥି, ଓଷାବ୍ରତରେ ବ୍ରତଧାରୀଏ ପିଇ ଦିଅନ୍ତି, ପଣ୍ଡିତେ ଯଜ୍ଞବେଦିରେ ଦି ଢୋକ ମାରିଦେଇ ଉପଦେଶ ଦିଅନ୍ତି- ଥଣ୍ଡାରେ ମାରା ନାଇଁ!

ପାଣି କହିଲେ ଲୋକେ ଆଉ କୂଅ, ପୋଖରୀ କି ନଈର ପାଣିକୁ ନୁହେଁ ବରଂ ବୋତଲ ପାଣିକୁ ମନେପକାନ୍ତି। ଅନେକଙ୍କର ବଦ୍ଧମୂଳ ଧାରଣା ଏୟା କି, ଯେ କୌଣସି କମ୍ପାନୀର ହୋଇଥାଉ ପଛେ ବୋତଲରେ ଥାଇ ବିକ୍ରି ହେଉଥିବା ପାଣି ହିଁ ବିଶୁଦ୍ଧ। ପୂର୍ବରୁ ଥିଲା- ପାଣି ପିଇବ ଛାଣି, ପଇସା ନେବ ଗଣି। ଏବେ ଦୁଇଟି ଯାକ ବାକ୍ୟ ମିଶି ଗୋଟିଏ ହୋଇଯାଇଛି- ପାଣି ପିଇବ ଗଣି! ମାନେ ପଇସା ଗଣିଦିଅ, ପିଇବା ପାଇଁ ପାଣି ବୋତଲ କିଣିନିଅ! ସେ ବୋତଲରେ ପାଣି କୋଉଠୁ ଆସେ, କିଏ, କେବେ ତାକୁ ଭର୍ତ୍ତି କରିଥିଲା ସେଇଟା ଜାଣିବା ମୁସ୍କିଲ୍‌। ତଥାପି ବୋତଲ ପାଣି ପିଇବାଟାକୁ ବି ଆମେ ପ୍ରେଷ୍ଟିଜ୍‌ ଭାବରେ ଗ୍ରହଣ କରି ନେଲେଣି। ଶ୍ରାବଣ ମାସରେ ଅନେକ କାଉଡିଆ ଆଉ ଭାରରେ ଢାଳ ନ ଝୁଲେଇ ହାତରେ ଦୁଇଟା ବୋତଲ ଧରି ଶିବଙ୍କଠାରେ ଜଳଲାଗି କରିବାକୁ ଯାଉଛନ୍ତି।

ପାଣିର ପୁଣି ଭିନ୍ନ ଭିନ୍ନ ଦର ମଧ୍ୟ ରହିଛି! ଯେଉଁ ବୋତଲଟି ଯେତେ ଦାମୀ; ସେଥିରେ ଥିବା ପାଣି ସେତେ ନିର୍ମଳ ବୋଲି ଅନେକେ ବିଶ୍ୱାସ କରନ୍ତି। ଦାମୀ ହେଉ କି ଶସ୍ତା, ସମସ୍ତ ପାଣି ବୋତଲରେ ବାସିପାଣି ହିଁ ଥାଏ। ଅନେକ ଲୋକ ନିର୍ଦ୍ଦିଷ୍ଟ ବ୍ରାଣ୍ଡ୍‌ର ମଦ ପରି ନିର୍ଦ୍ଦିଷ୍ଟ ବ୍ରାଣ୍ଡର ବୋତଲ ପାଣି ହିଁ ପିଇଥାଆନ୍ତି। ତାହା ବ୍ୟତିରେକ ଅନ୍ୟ କିଛି ସିଏ ପିଅନ୍ତି ନାହିଁ। ଦୁଃଖର କଥା ତାଙ୍କୁ ମଧ୍ୟ ରୋଗ ହୁଏ। 

ସତେଯେମିତି ଆମେ ପଣ କରିଛେ କି ଜୀବନରେ କେବେହେଲେ ସଜପାଣି ପିଇବା ନାହିଁ। ବୋତଲ ପାଣିର ଆଉ ଗୋଟେ ପରିଚୟ ହେଲା- ମିନେରାଲ୍‌ ୱାଟର। ସେଇ ପ୍ରସଙ୍ଗରେ କଥାଟିଏ-

ପ୍ରେମୀଯୁଗଳ ପ୍ରାକୃତିକ ଡେଟିଂରେ ଯାଇଥିଲେ। ଝରଣାରେ ଗାଧୋଇଲା ବେଳେ ପ୍ରେମିକ କହିଲା- ଶୋଷ ହେଲାଣି, କିନ୍ତୁ ତୁମକୁ ଛାଡିଯିବାକୁ ଇଚ୍ଛା ହେଉନି! ଯାଉଛି ଝରଣା ପାଣି ପିଇଦେବି।

ପ୍ରେମିକା କହିଲା- ଛି, ଦେହ ଖରାପ ହେବ! ମିନେରାଲ୍‌ ୱାଟର ପିଇବ ସିନା!

ପ୍ରେମିକ କହିଲା- ଏହା ତ ମିନେରାଲ୍‌ ୱାଟର।

ପ୍ରେମିକା କହିଲା- ମିଛୁ..!

ପ୍ରେମିକ କହିଲା- ସତ, ଦେଖ ଝରଣାଟି ପାହାଡ଼ରୁ ଝରିଛି ଆଉ ପାହାଡ଼ରେ ଅନେକ ମିନେରାଲ୍‌ ଅଛି, ଯାହା ଏଇ ପାଣିରେ ମିଶିଛି। ତେଣୁ ଏହା ହେଲା ମିନେରାଲ୍‌ ୱାଟର!

ବୋତଲର ସାନଭାଇ ହେଲା ପାଉଚ୍‌। ଏଇ ପାଉଚ୍‌ ହେଉଛି ଭୋଜିଭାତରେ ଅନ୍ୟତମ ଆଇଟମ୍‌। ଜରି ପୁଡିଆରେ ବାସିପାଣି ପିଇବାକୁ ପିଲାରୁ ବୁଢ଼ା ସମସ୍ତେ ବାୟା। ଯଦି ନ ଆସିଛି ତେବେ ଲୋକେ କହିବେ- ହଇରେ ଏତେ ଆୟୋଜନ କଲା, ଦି ଚାରିବସ୍ତା ପାଣି ପାଉଚ୍‌ ଆଣିପାରିଲାନି! ଅତଏବ ଆମେ ସମସ୍ତେ ଏବେ ବାସିପାଣିର ପ୍ରେମୀ। ତେଣୁ ସମସ୍ତେ ସମସ୍ତଙ୍କୁ ବାସି ପାଣିରେ ପଚାରିବାରେ ବ୍ୟସ୍ତ!

ଗାନ୍ଧୀ ପଣ୍ଡା କଳାଘର, ଅଲରା, ନରସିଂହପୁର, କଟକ, ମୋ- ୯୩୩୮୫୮୧୩୦୯, dr.kulangar@gmail.com

All Right Reserved By

ସମ୍ପାଦକୀୟ |

ଆଜିର ଅର୍ଥନୀତି/ଅଳସୁଆ ବଢୁଛନ୍ତି

ଆଜିର ଅର୍ଥନୀତି/ଅଳସୁଆ ବଢୁଛନ୍ତି

ପ୍ରତ୍ୟେକ ରାଜନୈତିକ ଦଳ ଯେକୌଣସି ଉପାୟରେ ନିର୍ବାଚନ ଜିତିବାକୁ ଚାହୁଁଛନ୍ତି। ନିର୍ବାଚନ ବର୍ଷରେ ଏସବୁ ଦେଖିବାକୁ ମିଳିଥାଏ। ପ୍ରମୁଖ ରାଜନୈତିକ ଦଳ, ବିଶେଷତଃ କ୍ଷମତାସୀନ ଦଳ ବିଭିନ୍ନ ଲୋକପ୍ରିୟ ଯୋଜନା ଘୋଷଣା କରି ନିର୍ବାଚନ ବୈତରଣୀ ପାର ହେବାକୁ ଚେଷ୍ଟା କରନ୍ତି। ଲୋକଙ୍କ ଭୋଟ ହାତେଇବା ଓ ପୁନଃ ନିର୍ବାଚିତ ହେବା ପାଇଁ ..

 ଭାରତୀୟ ଗଣତନ୍ତ୍ରରେ ନିର୍ବାଚନ

ଭାରତୀୟ ଗଣତନ୍ତ୍ରରେ ନିର୍ବାଚନ

ନାରାୟଣ ପଣ୍ଡା

ବିଶ୍ୱର ବୃହତ୍ତମ ଗଣତାନ୍ତ୍ରିକ ଦେଶ ଭାରତରେ ସପ୍ତଦଶ ସାଧାରଣ ନିର୍ବାଚନ ଆରମ୍ଭ ହୋଇଛି। ଦେଶର ସମ୍ବିଧାନ ଅନୁସାରେ ପ୍ରତି ୫ବର୍ଷରେ ଉକ୍ତ ନିର୍ବାଚନ ହେବା କଥା। କିନ୍ତୁ ଗତ ୬୮ବର୍ଷର..

କ୍ଷମାର ମହତ୍ତ୍ୱ

କ୍ଷମାର ମହତ୍ତ୍ୱ

ହରିଶ୍ଚନ୍ଦ୍ର ଅରିଶଲ୍ୟ

ଶୁଭ ଶୁକ୍ରବାର ପ୍ରଭୁ ଯିଶୁଖ୍ରୀଷ୍ଟଙ୍କ ସର୍ବଶ୍ରେଷ୍ଠ ବଳିଦାନ, କ୍ଷମା ଓ ତ୍ୟାଗର ଜୀବନକୁ ମନେପକାଇଦିଏ। ୨୦୦୦ରୁ ଅଧିକ ବର୍ଷ ତଳେ ମିଥ୍ୟା ଓ କପୋଳକଳ୍ପିତ ଷଡ଼ଯନ୍ତ୍ରର ଶିକାର ହୋଇ ପ୍ରଭୁ ଯିଶୁ କ୍ରୂଶବିଦ୍ଧ ..

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ନିର୍ବାଚନ ଋତୁ ଜାରି ରହିଛି। ଭାରତ ଭଳି ଏକ ବୃହତ୍‌ ଗଣତାନ୍ତ୍ରିକ ରାଷ୍ଟ୍ରରେ ଭୋଟଦେଇ ନିଜ ମନ ପସନ୍ଦର ପ୍ରତିନିଧି ବାଛିବା ପ୍ରତ୍ୟେକ ବ୍ୟକ୍ତିଙ୍କର କର୍ତ୍ତବ୍ୟ। କିନ୍ତୁ ଅନେକ ସ୍ଥଳରେ ଦେଖାଯାଉଛି କେତେକ ବ୍ୟକ୍ତି ବିଭିନ୍ନ ଆଳ ଦେଖାଇ ଭୋଟଦାନରୁ ବିରତ ରହୁଛନ୍ତି। ଭୋଟଦାନ ନ କରିବା ଅର୍ଥ ଗଣତାନ୍ତ୍ରିକ ଶାସନ ପ୍ରକ୍ରିୟାରୁ ନିଜକୁ ଦୂରେଇ..

କୀଟପତଙ୍ଗରୁ ଔଷଧ

କୀଟପତଙ୍ଗରୁ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପ୍ରକୃତିରେ କୌଣସି କ୍ଷତିକାରକ କୀଟପତଙ୍ଗ (ପେଷ୍ଟ) ବା ଅବାଞ୍ଛିତ ଘାସ (ଓ୍ବିଡ୍‌) ନାହିଁ। କିନ୍ତୁ ମଣିଷ ନିଜ ପାଇଁ ଖାଦ୍ୟ ଉତ୍ପାଦନ କଲାବେଳେ କିମ୍ବା ପ୍ରାଣୀଙ୍କ ନିବାସସ୍ଥାନ ଧ୍ୱଂସ କରି ଗୃହନିର୍ମାଣ କଲାବେଳେ କିଛି ପ୍ରାଣୀ ସେମାନଙ୍କ ବାଟରେ ଆସିଯାନ୍ତି। ତେଣୁ ସେମାନଙ୍କୁ ମାରିବା ପାଇଁ ମଣିଷ ତିଆରି କରିଥିବା କୀଟନାଶକ ଦ୍ୱାରା ଶହ ଶହ କୋଟି କୀଟପତଙ୍ଗ..

ନିର୍ବାଚନର ଦୁଃଖ

ନିର୍ବାଚନର ଦୁଃଖ

ଡ. ସୁବାସ ଚନ୍ଦ୍ର ପାତ୍ର

କେଉଁ ଦେଶ ପାଇଁ ନଦୀ, ପାହାଡ଼, ପର୍ବତ, ମରୁଭୂମି ହୁଏ ତ ଦୁଃଖ ହୋଇପାରେ କିନ୍ତୁ ଭାରତ ଭଳି ଏକ ଗଣତାନ୍ତ୍ରିକ ରାଷ୍ଟ୍ରରେ ନିର୍ବାଚନ ଏକ ଦୁଃଖ, ଏକ ଲାଞ୍ଛନା। ସବୁଠୁ ବେଶୀ ଦୁଃଖ ଭୋଗନ୍ତି ନିର୍ବାଚନ ସହ ଜଡ଼ିତ କର୍ମଚାରୀମାନେ। ଯାବତୀୟ ସାଧୁତା, ନିଷ୍ଠା, ନିଷ୍କପଟତା ସତ୍ତ୍ୱେ ଉପରିସ୍ଥ ହାକିମମାନଙ୍କ କଥାକଥାକେ ନିଲମ୍ବନର ନାଲିଆଖି ଯନ୍ତ୍ର..

ପାପପୁଣ୍ୟର ଦ୍ୱନ୍ଦ୍ୱ

ପାପପୁଣ୍ୟର ଦ୍ୱନ୍ଦ୍ୱ

ରମେଶ ଚନ୍ଦ୍ର ସାମଲ

କଥାରେ ଅଛି-ଲାଉ ଲଗେଇଲେ ଚଣା ଫଳେନା କିମ୍ବା ଚଣା ଲଗେଇଲେ ଲାଉ ଫଳେନା। କର୍ମ ନେଇ ଫଳ। ଆଜି କରିଥିବା କର୍ମର ଫଳ ଆଜି, କାଲି, ଏହି ଜନ୍ମରେ କିମ୍ବା ପରଜନ୍ମରେ, ନ ହେଲେ କେତେ ଜନ୍ମ ପରେ ଭୋଗ କରିବାକୁ ପଡ଼ିଥାଏ। ଶତପୁତ୍ରର ଜନନୀ ଗାନ୍ଧାରୀଙ୍କୁ ତାଙ୍କର ପୂର୍ବ ଅଷ୍ଟମ ଜନ୍ମରେ ପିଲାଦିନେ କରିଥିବା ପାପର ଫଳ ଭୋଗିବାକୁ ପ..

ଏଇ ଭାରତରେ

ଏଇ ଭାରତରେ

କେତେକ ବ୍ୟକ୍ତି ବିଶ୍ୱର କଲ୍ୟାଣସାଧନ ଲାଗି ଅକ୍ଳାନ୍ତ ପରିଶ୍ରମ ଓ ଅନେକ କଷ୍ଟ ସ୍ବୀକାର କରନ୍ତି। ଏପରି ଜଣେ ବିରଳ ବ୍ୟକ୍ତିତ୍ୱ ହେଉଛନ୍ତି ପ୍ୟାରେଲାଲ୍‌। ସେ ବିଶ୍ୱକଲ୍ୟାଣ ପାଇଁ ବଦ୍ରିନାଥ ପର୍ଯ୍ୟନ୍ତ ଦଣ୍ଡବତ ଯାତ୍ରା କରୁଛନ୍ତି। ମଧ୍ୟପ୍ରଦେଶ..

ସମ୍ପାଦକୀୟ/ସବୁଆଡ଼େ କ୍ଷତି

ସମ୍ପାଦକୀୟ/ସବୁଆଡ଼େ କ୍ଷତି

୧୯୯୧ରେ ଭାରତୀୟ ଅର୍ଥନୀତିରେ ବିରାଟ ପରିବର୍ତ୍ତନ ଆସିଥିଲା। ଉଦାରୀକରଣ ନୀତି ଅବଲମ୍ବନ କରାଯିବା ପରେ ବିଭିନ୍ନ କ୍ଷେତ୍ରରେ ସଂସ୍କାର ଆସିବା ସହ ଘରୋଇ କ୍ଷେତ୍ର ବ୍ୟାପକ ହୋଇଥିଲା। ଭାରତରେ ପୁଞ୍ଜିନିବେଶ ପାଇଁ ବିଦେଶୀଙ୍କୁ ଅନୁମତି ଦିଆଯାଇଥିଲା। ମୁକ୍ତ ଅର୍ଥନୀତି ଯୋଗୁ ସରକାରୀ ସ୍ତରରେ ଥିବା ଲାଇସେନ୍ସରାଜ୍‌ ପ୍ରତ୍ୟାହାର ହେଲା ବୋଲି କୁହାଯାଇଥିଲା। ଏଭଳି ସଂସ୍କାରର ସୁଫଳ ଅବଶ୍ୟ କିଛି ବର୍ଷ ପରେ ଦେଶକୁ ମିଳିଥିଲା। ହେଲେ ଏବର ସ୍ଥିତି ଦେଖିଲେ ଅଧିକାଂଶ ସରକାରୀ ଓ ଘରୋଇ ସଂସ୍ଥା କ୍ଷତିରେ ଚାଲୁଛନ୍ତି। ୨୦୧୭-୧୮ ଆର୍ଥିକ ବର୍ଷରେ ଭାରତ ସଂଚାର ନିଗମ ଲିମିଟେ..

ନିର୍ବାଚନ ଓ ଦେଶଭାବନା

ନିର୍ବାଚନ ଓ ଦେଶଭାବନା

ଡ. ଶରତଚନ୍ଦ୍ର ରଥ

କିଛି ଲୋକ ଅଛନ୍ତି ଯାହାଙ୍କର କେବଳ ନୋଟ ପାଇଁ ଚିନ୍ତା। ଶୟନେ ସ୍ବପନେ ଜାଗରଣେ କେବଳ ସେଇ ନୋଟ କଥା ହିଁ ଭାବୁଥାଆନ୍ତି। ଭୋଟ ବେଳ ଆସିଗଲେ ନୋଟ ଚିନ୍ତାଟା ଟିକିଏ ଦାନା ବାନ୍ଧିଲାପରି ଲାଗେ। ସେମାନେ ବୁଝିପାରନ୍ତି ଯେ ଠିକଣା ବେଳ ଆସିଗଲା। ନୋଟ ରୂପକ ମୁଗୁରାରେ ଏଥର ଭୋଟ ରୂପକ ମାଛ ପଡିବ। ଖାଲି ମୁଗୁରା ଝାଡିବା କଥା, ଯଦି ମୁଗୁରା ପଛ ମେଲା ଥିବ, ତେବେ ସରିଲା କଥା। ବେଳେବେଳେ ମାଛ ପଡୁପଡୁ ଖ..

ଜୈନ ଦର୍ଶନ ଓ କର୍ମବାଦ

ଜୈନ ଦର୍ଶନ ଓ କର୍ମବାଦ

ଡ. ଭାଗ୍ୟଲିପି ମଲ୍ଲ

ବସନ୍ତର ମହୋତ୍ସବ। ଚତୁର୍ଦ୍ଦିଗରେ ବର୍ଣ୍ଣିଳ ସମାବେଶ। ପ୍ରକୃତିର ଅଙ୍ଗେ ଅଙ୍ଗେ ନବ ଉନ୍ମାଦନାର ଶିହରଣ। ଏହିଭଳି ଏକ କମନୀୟ ସକାଳରେ ପୃଥିବୀ ପୃଷ୍ଠରେ ଅବତୀର୍ଣ୍ଣ ହେଲେ ଭଗବାନ ମହାବୀର। ବୈଶାଳୀ ରାଜକନ୍ୟା ତ୍ରିଶଳା ଏବଂ ରାଜା ସିଦ୍ଧାର୍ଥଙ୍କର ଦ୍ୱିତୀୟ ସନ୍ତାନ। ଏକଦା ସୁପ୍ତ ନିଶିଥିନୀର ବିଳମ୍ବିତ ପ୍ରହରରେ ମହାରାଣୀ ତ୍ରିଶଳା ସ୍ବପ୍ନବିଭୋରା। ସ୍ବପ୍ନରେ ଦେଖୁଛନ୍ତି ଏକ ଶ୍ୱେତହସ୍ତୀ, ଏକ ବିଶାଳ ବୃଷଭ ଏବଂ ପରେ ପରେ ଏକ ବିରାଟକାୟ ସିଂହ। ପଦ୍ମପରିଶୋଭିତ ସମଗ୍ର ପରି..

ଏଇ ଭାରତରେ

ଏଇ ଭାରତରେ

ବିଭିନ୍ନ ଲୋକଙ୍କର ଭିନ୍ନ ଭିନ୍ନ ଅଭ୍ୟାସ ରହିଥାଏ। କେତେକ ଲୋକଙ୍କର ନିର୍ବାଚନ ଲଢ଼ିବା ମଧ୍ୟ ଏକ ରୁଚି। ସେହିଭଳି ଜଣେ  ବ୍ୟକ୍ତି ହେଉଛନ୍ତି ଡାକ୍ତର ପଦ୍ମରାଜନ୍‌। ସେ ପଞ୍ଚାୟତଠାରୁ ଆରମ୍ଭ କରି ଲୋକ ସଭା ପର୍ଯ୍ୟନ୍ତ ଇତିମଧ୍ୟରେ ୨୦୦ ଥର ନିର୍ବାଚନରେ ପ୍ରତିଦ୍ୱିନ୍ଦ୍ୱିତା କରି ମଧ୍ୟ ହାରିଯାଇଛନ୍ତି। ତଥାପି ପ୍ରତିଦ୍ୱନ୍ଦ୍ୱିତା କରିବାର ନିଶା ଛାଡ଼ିନାହାନ୍ତି। ଦେଶର ପ୍ରମୁଖ..


Model This Week

କ୍ରିଷ୍ଣା
Why Dharitri