ସମ୍ପାଦକୀୟ |

ଭାଜପାର ଆଦର୍ଶ କ’ଣ

ଭାଜପାର ଆଦର୍ଶ କ’ଣ

ଆକାର ପଟେଲ
ପ୍ରଧାନମନ୍ତ୍ରୀଙ୍କର କିଛି ଆଦର୍ଶ ଅଛି କି? ଆପଣ ଏହାକୁ ଏକ ଅଦ୍ଭୁତ ପ୍ରଶ୍ନ ବୋଲି ଭାବିପାରନ୍ତି, କାରଣ ତାଙ୍କ ଦଳର ଓ୍ବେବ୍‌ସାଇଟ୍‌ ଏକ ଆଦର୍ଶର ପ୍ରଚାର କରୁଛି, ଯାହାର ନାମ ‘ହିନ୍ଦୁତ୍ୱ’। କିନ୍ତୁ ଏବେ ଏ ପ୍ରଶ୍ନ ପଚାରିବାର ଆବଶ୍ୟକତା ଅଛି, କାରଣ ଆମର ଜଣେ ଅତି ବିଜ୍ଞ ରାଜନେତା କହିଛନ୍ତି ଯେ, ତାଙ୍କଦଳର କୌଣସି ଯଥାର୍ଥ ଆଦର୍ଶ ନାହିଁ। ଏକ ବିଜ୍‌ନେସ୍‌ ଡେଲି ପକ୍ଷରୁ ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମ୍‌ଙ୍କୁ ପ୍ରଶ୍ନ କରାଯାଇଥିଲା- ଏକ ଜନମଙ୍ଗଳ ରାଷ୍ଟ୍ରରେ ଶିକ୍ଷା, ସ୍ବାସ୍ଥ୍ୟ, ସମାନତା, ବ୍ୟବସାୟିକ ସ୍ବଚ୍ଛନ୍ଦତା ଆଦିର ଉତ୍କର୍ଷ ସାଧନରେ ରାଷ୍ଟ୍ରର ଭୂମିକା କ’ଣ ହେବା ଉଚିତ, ସେ ନେଇ ଭାଜପାର ଦାର୍ଶନିକ ସ୍ଥିତି ଦୃଷ୍ଟିରୁ ସେ ଉକ୍ତ ଦଳକୁ କେଉଁ ସ୍ଥାନରେ ରଖିବେ? ଏହା ଏକ ସରଳ ପ୍ରଶ୍ନ ନୁହେଁ। ବ୍ୟବସାୟିକ ସ୍ବଚ୍ଛନ୍ଦତା (Laissez-faire) ମାନେ ବିନା ସରକାରୀ ହସ୍ତକ୍ଷେପରେ ବ୍ୟବସାୟୀମାନେ ସ୍ବଚ୍ଛନ୍ଦରେ ବ୍ୟବସାୟ କରିବା। ଆୟନ ର଼୍ୟାଣ୍ଡ ପରି ଲେଖକଙ୍କ ମତରେ ଏହା ଏପରି ଏକ ସମାଜର ଚିତ୍ର ବହନ କରେ ଯେଉଁଠି ପୁଞ୍ଜିପତିମାନେ ପ୍ରତିଯୋଗିତା ମାଧ୍ୟମରେ ସମାଜକୁ ଉନ୍ନତ କରିତୋଳନ୍ତି। ସରକାର ସେଥିରେ ହସ୍ତକ୍ଷେପ କରନ୍ତି ନାହିଁ। ଏପରି କି ଶିକ୍ଷା, ସ୍ବାସ୍ଥ୍ୟ ପରି କ୍ଷେତ୍ରକୁ ସରକାର ଘରୋଇ ସଂସ୍ଥା ଉପରେ ଛାଡ଼ିଦିଅନ୍ତି ଏବଂ ନାଗରିକମାନେ ନିଜର ସୁରକ୍ଷା ନିଜେ କରନ୍ତି। ୨୦୧୪ ନିର୍ବାଚନ ପ୍ରଚାର ସମୟରେ ମନେକରାଯାଉଥିଲା ଯେ, ମୋଦି ସମ୍ଭବତଃ ଏପରି ବ୍ୟବସ୍ଥା ସପକ୍ଷରେ ଅଛନ୍ତି, ଯାହା କଂଗ୍ରେସର ସମାଜବାଦଠାରୁ ଅଲଗା। କିନ୍ତୁ ଗତ ତିନିବର୍ଷ ଭିତରେ କଂଗ୍ରେସର ମନ୍‌ରେଗା ଇତ୍ୟାଦି ଭଳି ସମାଜବାଦୀ ଯୋଜନା, ଯାହାକୁ ମୋଦି ବନ୍ଦ କରିଦେବେ ବୋଲି କହୁଥିଲେ, ତାହାକୁ ସେ ଅଧିକ ଦୃଢ଼ଭାବରେ ଧରିରଖିଛନ୍ତି। ମନେହୁଏ ରାଷ୍ଟ୍ରର ଭୂମିକା ସମ୍ପର୍କରେ ଉପା ସରକାରର ଆଭିମୁଖ୍ୟ ଯାହା ଥିଲା, ଏନ୍‌ଡିଏ ସରକାରର ଆଭିମୁଖ୍ୟ ତା’ଠାରୁ କିଛି ବି ଭିନ୍ନ ନୁହେଁ। ସେଥିପାଇଁ ଭାଜପାର କୌଣସି ନିଜସ୍ବ ଆଦର୍ଶ ନାହିଁ ବୋଲି ଚିଦାମ୍ବରମ୍‌ କହିଥିଲେ। ସେ କହିଲେ ଯେ, ଭାଜପାର କୌଣସି ମୂଳ ଅର୍ଥନୈତିକ ଆଦର୍ଶ ନାହିଁ। ଏହାର ମୂଳ ଆଦର୍ଶ ହେଉଛି କେବଳ ହିନ୍ଦୁତ୍ୱ। ଯଦିଚ ମୁଁ ଜଣେ କଂଗ୍ରେସ ଭୋଟର ନୁହେଁ, ତଥାପି ମୁଁ ଭାବୁଛି ଚିଦାମ୍ବରମ୍‌ଙ୍କ କଥାର ସାରବତ୍ତା ବୁଝିବାକୁ ଚେଷ୍ଟା କରିବା ଉଚିତ। ସେ କହିଲେ ଯେ, କଂଗ୍ରେସର ଆଭିମୁଖ୍ୟ ଠିକ୍‌ ଥିଲେ ହେଁ ଯୋଜନାଗୁଡ଼ିକର ରୂପାୟନରେ ଅନେକ ଦୋଷତ୍ରୁଟି ଥିବା ସେ ସ୍ବୀକାର କରନ୍ତି। ମାତ୍ର କଂଗ୍ରେସ ତିନି ଚାରିଟା ପ୍ରସଙ୍ଗ ଉପରେ ବେଶି ଜୋର ଦେଇଛି, ଯେଉଁଥିରୁ ତା’ର ମୂଳ ଆଦର୍ଶ ବୁଝିହେଉଛି। ପ୍ରଥମତଃ ଭୋକରେ କେହି ମରିବା ଉଚିତ ନୁହେଁ। ସେଥିପାଇଁ କଂଗ୍ରେସ ମନ୍‌ରେଗା ଏବଂ ଜାତୀୟ ଖାଦ୍ୟ ସୁରକ୍ଷା ଆଇନ ପ୍ରଣୟନ କଲା। ଅନ୍ୟ ପ୍ରସଙ୍ଗଗୁଡ଼ିକ ହେଉଛି: ଗର୍ଭବତୀ ଓ ସ୍ତନ୍ୟଦାୟୀ ମହିଳା, ୫ ବର୍ଷରୁ କମ୍‌ ଶିଶୁଙ୍କ ସ୍ବାସ୍ଥ୍ୟ, ଟିକାକରଣ ଏବଂ ଜାତୀୟ ଗ୍ରାମୀଣ ସ୍ବାସ୍ଥ୍ୟ ମିଶନ୍‌। ଏଥିରୁ କଂଗ୍ରେସର ବିଶ୍ୱାସ ଓ ଆଦର୍ଶ ବୁଝାପଡ଼େ। କିନ୍ତୁ ମୋଦିଙ୍କ ଦୃଷ୍ଟିଭଙ୍ଗୀରେ ଏପରି କୌଣସି ନିର୍ଦ୍ଦିଷ୍ଟ ଆଭିମୁଖ୍ୟ ନାହିଁ ବୋଲି ଚିଦାମ୍ବରମ୍‌ କହିଛନ୍ତି। ଗୋରଖପୁରରେ ୨୮୨ ଶିଶୁ ମରିଗଲେ, ଅଥଚ ତାହା କେନ୍ଦ୍ର ସରକାର ବା ଉତ୍ତରପ୍ରଦେଶ ସରକାର ଉପରେ କିଛି ପ୍ରଭାବ ପକାଇଲା ନାହିଁ। ଦୀପାବଳିରେ ବାରାଣସୀରେ ଦୀପ ଜାଳିବା ଏବଂ ମନ୍ଦିର ନିର୍ମାଣ କରିବା ସେମାନଙ୍କ ପାଇଁ ଶିଶୁ ଓ ମାତୃ ମୃତ୍ୟୁ, ଅପୁଷ୍ଟି ଓ କ୍ଷୁଧାଠାରୁ ଅଧିକ ଗୁରୁତ୍ୱପୂର୍ଣ୍ଣ ବୋଲି ଚିଦାମ୍ବରମ୍‌ ଅଭିଯୋଗ କରିଛନ୍ତି। ତେବେ ତା’ର ମାନେ ନୁହେଁ ଯେ, ଉତ୍ତମ ଶାସନ ପ୍ରଦାନ କ୍ଷେତ୍ରରେ ଉପା ଏନ୍‌ଡିଏଠାରୁ ଭଲ ଥିଲା- ଚିଦାମ୍ବରମ୍‌ ତାଙ୍କ ସରକାରର ଦୋଷଦୁର୍ବଳତାକୁ ବି ସ୍ବୀକାର କରିଛନ୍ତି। ପ୍ରଶ୍ନ ହେଉଛି: ଭାଜପା ଓ ପ୍ରଧାନମନ୍ତ୍ରୀ ମୋଦିଙ୍କର ନିଜସ୍ବ କିଛି ସ୍ବତନ୍ତ୍ର ନୀତି ଓ ଆଦର୍ଶ ଅଛି କି, ଯାହାଦ୍ୱାରା ସେମାନଙ୍କ କାର୍ଯ୍ୟଧାରା ପରିଚାଳିତ ହେଉଛି? ସରକାର ଯେଉଁସବୁ ବଡ଼ ବଡ଼ ପଦକ୍ଷେପ ନେଉଛନ୍ତି, ସେସବୁକୁ ଏକାଠି ବାନ୍ଧି ରଖିବା ପାଇଁ ସେମାନଙ୍କର କୌଣସି ସୁସଙ୍ଗତ ଆଖ୍ୟାନ (coherent narrative) ନାହିଁ ବୋଲି ଚିଦାମ୍ବରମ୍‌ ଯାହା କହିଲେ ତାହା କ’ଣ ଠିକ୍‌? ମେକ୍‌ ଇନ୍‌ ଇଣ୍ଡିଆ, ସ୍ବଚ୍ଛ ଭାରତ, ବିମୁଦ୍ରୀକରଣ, ସର୍ଜିକାଲ ଷ୍ଟ୍ରାଇକ୍‌, ବୁଲେଟ୍‌ ଟ୍ରେନ୍‌, ଷ୍ଟାର୍ଟ ଅପ୍‌ ଇଣ୍ଡିଆ, ଜିଏସ୍‌ଟି: ଏସବୁ କିଛି ବିରାଟ ବା ସମଗ୍ରର ଅଂଶ କି? ନା ଏଗୁଡ଼ିକ ସବୁ ଏକକ ଯୋଜନା, ଯେଉଁଗୁଡ଼ିକ ମଧ୍ୟରେ କିଛି ବି ପାରସ୍ପରିକ ଯୋଗସୂତ୍ର ନାହିଁ? ଏହା ଏକ ଜଟିଳ ପ୍ରଶ୍ନ, ଯାହାର ଉତ୍ତର ଭାଜପା ଭୋଟରଙ୍କ ସମେତ ଆମେ ସମସ୍ତେ ଜାଣିବା ଉଚିତ। କଂଗ୍ରେସର କହିବା ଅନୁସାରେ, ଏହା ନିର୍ଦ୍ଦିଷ୍ଟ ସମସ୍ୟାଗୁଡ଼ିକ ଉପରେ ଗୁରୁତ୍ୱ ଦେଇଆସିଛି। ସେମାନଙ୍କର ଉଦ୍ଦେଶ୍ୟ ମହତ୍‌ ହେଲେ ମଧ୍ୟ ଯୋଜନାଗୁଡ଼ିକ ଠିକ୍‌ଭାବେ କାର୍ଯ୍ୟକାରୀ କରିବାରେ ସେମାନେ ଯେ ବିଫଳ ହୋଇଛନ୍ତି, ଏଥିରେ ସନ୍ଦେହ ନାହିଁ। ତେବେ ସେମାନଙ୍କ ପାଳି ସରିଯାଇଛି। ଏବେ ଭାଜପାର ପାଳି: ସେମାନେ କ’ଣ କରିବାକୁ ଚାହୁଁଛନ୍ତି ଏବଂ ସେମାନଙ୍କ ବଡ଼ ଯୋଜନା କ’ଣ ତାହା ଜନସାଧାରଣଙ୍କୁ ବୁଝାଇବା ଦରକାର। ବ୍ୟକ୍ତିଗତ ଭାବରେ ମୁଁ ଭାବୁଛି ଯେ ଚିଦାମ୍ବରମ୍‌ ଭୁଲ୍‌ କହୁଛନ୍ତି। ନିଜର ୫ ବର୍ଷ ବା ୧୦ ବର୍ଷର ସଫଳତା ପାଇଁ ଏନ୍‌ଡିଏର ନିଶ୍ଚିତଭାବେ କିଛି ଧ୍ୟାନକେନ୍ଦ୍ରିତ ଚିନ୍ତାଧାରା ଥିବ। ଯଦି ଭାଜପାର ଆଦର୍ଶ କେବଳ ‘ହିନ୍ଦୁତ୍ୱ’ ହୁଏ, ଯଥା: ଗୋହତ୍ୟା, ମନ୍ଦିର ପ୍ରସଙ୍ଗ, ଲଭ୍‌ ଜିହାଦ ଇତ୍ୟାଦି ଏବଂ ତା’ ସହ ଅର୍ଥନୀତି ଓ ବିଦେଶ ନୀତି ପ୍ରସଙ୍ଗରେ କିଛି ଏଣୁତେଣୁ କାର୍ଯ୍ୟକ୍ରମ ହାତକୁ ନିଅନ୍ତି, ତା’ହେଲେ ତାକୁ ଦେଶର ଦୁର୍ଭାଗ୍ୟ ଛଡ଼ା ଆଉ କିଛି କୁହାଯାଇ ନ ପାରେ।
Email: aakar.patel@gmail.com

All Right Reserved By

Model This Week

Model This Week

ସମ୍ପାଦକୀୟ |

 ସମ୍ପାଦକୀୟ/ବଂଶବାଦ ଏକ ମାଧ୍ୟମ

ସମ୍ପାଦକୀୟ/ବଂଶବାଦ ଏକ ମାଧ୍ୟମ

ଚଳିତବର୍ଷ ମେ ୧୨ରେ କର୍ନାଟକ ବିଧାନସଭା ନିର୍ବାଚନ। ଏହାକୁ ନେଇ ରାଜନୈତିକ ପରିସ୍ଥିତି ଉଷ୍ମ ଥିବାବେଳେ କର୍ନାଟକ ‘ପୁତ୍ର ଉଦୟ’ ବା ‘son rise’ ରାଜ୍ୟରେ ପରିଣତ ହୋଇଛି ବୋଲି ଆଲୋଚନା ଆରମ୍ଭ ହୋଇ ଗଲାଣି। ଏହି ରାଜ୍ୟରୁ ବିଭିନ୍ନ ସମୟରେ ମୁଖ୍ୟମନ୍ତ୍ରୀ ରହି ଆସିଥିବା ନେତାମାନଙ୍କର ପ୍ରାୟ ୮ଜଣ ପୁତ୍ର ଏଥର ନିର୍ବାଚନ ଲଢୁଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଏସ୍‌.ଆର୍‌. ବୋମାଇଙ୍କ ପୁତ୍ର ବାସବରାଜଙ୍କ ଠାରୁ ଆରମ୍ଭ କରି ଏସ୍‌. ବାଙ୍ଗରାପ୍ପାଙ୍କ ପୁତ୍ର ମହିମା, ଧରମ ସିଂଙ୍କ ପୁତ୍ର ଅଜୟ, ଏଚ୍‌ଡି ଦେବେଗୌଡାଙ୍କ ପୁତ୍ର କୁମାର ସ୍ବାମୀ ଓ ରେବାନ୍ନା ଏବଂ ବର୍ତ୍ତମାନର ମୁଖ୍ୟମନ୍ତ୍ରୀ ସିଦ୍ଧରାମାୟାଙ୍କ ପୁତ୍ର ଯତୀନ୍ଦ୍ର ନିର୍ବାଚନ ମଇଦାନରେ ଅବତୀର୍ଣ୍ଣ ହୋଇଛନ୍ତି। ଗୁରୁତ୍ୱପୂର୍ଣ୍ଣ କଥା ହେଉଛି ପୂର୍ବତନ ମୁଖ୍ୟମନ୍ତ୍ରୀ ତଥା ଏବେକାର ମୁଖ୍ୟ ଭାଜପା ନେତା ବି.ଏସ୍‌. ୟେଦୁରାପ୍ପା ତାଙ୍କର ପୁତ୍ର ବି. ଓ୍ବାଇ. ବିଜୟେନ୍ଦ୍ରଙ୍କୁ ପ୍ରାର୍ଥୀ କରିବାକୁ ନିଷ୍ପତ୍ତି ନେଇଥିଲେ ମଧ୍ୟ ଶେଷ ମୁହୂର୍ତ୍ତରେ ଏଥିରୁ ଓହରି ଯାଇଛନ୍ତି, ଯାହାକୁ ନେଇ ନାମାଙ୍କନପତ୍ର ଦାଖଲ...

ନଦୀର ସ୍ବାସ୍ଥ୍ୟ

ନଦୀର ସ୍ବାସ୍ଥ୍ୟ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ ନିକଟ ଅତୀତରେ ହୋଇଥିବା ବିଭିନ୍ନ ଘୋଷଣାରୁ ଲାଗୁଛି ଯେ ନଦୀ ବଞ୍ଚାଇବା ପାଇଁ ସରକାରୀ ଅଭିଯାନ ଆରମ୍ଭ ହୋଇଯାଇଛି ବା ହେବାକୁ ଯାଉଛି ଓଡ଼ିଶାରେ। ରାଜ୍ୟ ସରକାର ‘ସବୁଜ ମହାନଦୀ ଅଭିଯାନ’ କଥା କହିଛନ୍ତି। ସିଆଡ଼େ ସମ୍ବଲପୁର ଜିଲା ପ୍ରଶାସନ ସବୁଜ, ସ୍ବଚ୍ଛ ଓ ସୁନ୍ଦର ମହାନଦୀର ଆହ୍ବାନ ଦେଇ ବିଭିନ୍ନ ଆୟୋଜନ ଆରମ୍ଭ କରିଦେଇଛନ୍ତି। ନଦୀଜଳର ଭାଗବଣ୍ଟାକୁ ନେଇ ଦୁଇ ରାଜ୍ୟ ମଧ୍ୟରେ ବିବାଦ ଖୁବ୍‌ ଜମିଥିବା ବେଳେ ନଦୀର ସ୍ବାସ୍ଥ୍ୟକୁ ନେଇ ଚିନ୍ତା ପ୍ରକାଶ ପାଇବା ଖୁସିର କଥା। ନଦୀ ହେଉଛି ସଭ୍ୟତାର ଆଧାର, ନଦୀ ଯୋଗୁ ସଭ୍ୟତାର ପ୍ରବାହ ହୋଇଥାଏ। ନଦୀର ସ୍ଥିତିରୁ ସଭ୍ୟତା କେତେ ସୁସ୍ଥ ଓ ସଭ୍ୟ ତାହା ଜଣାପଡ଼ିଥାଏ। ଶ୍ରୀମଦ୍‌ଭାଗବତର ଦ୍ୱିତୀୟ ସ୍କନ୍ଧ ପ୍ରଥମ ଅଧ୍ୟାୟର ୩୨-୩୩ ଶ୍ଳୋକରେ ଉଲ୍ଲେଖ ଅଛି: ବୃକ୍ଷରାଜି ହେଉଛି ପ୍ରଭୁଙ୍କ ଶରୀରର ଲୋମ, ବାୟୁ ହେଉଛି ପ୍ରଭୁଙ୍କର ...

ମ୍ୟାଲେରିଆ ନିରାକରଣ

ମ୍ୟାଲେରିଆ ନିରାକରଣ

ଡା. ରାମଚନ୍ଦ୍ର ରାଉତ ଏପ୍ରିଲ ୨୫କୁ ‘ବିଶ୍ୱ ମ୍ୟାଲେରିଆ’ ଦିବସ ରୂପେ ପାଳନ କରାଯାଏ। ମ୍ୟାଲେରିଆ ଏକ ପ୍ରମୁଖ ସଂକ୍ରାମକ ରୋଗ ରୂପେ ଆବହମାନ କାଳରୁ ରହି ଆସିଛି ଏବଂ ଏହା ବିଶ୍ୱର ଅଧିକାଂଶ ମୃତ୍ୟୁ ଓ ଦାରିଦ୍ର୍ୟର ଏକ ପ୍ରମୁଖ କାରଣ। ପ୍ରତି ୨ ମିନିଟ୍‌ରେ ଗୋଟିଏ ଶିଶୁ କେଉଁଠି ନା କେଉଁଠି ମ୍ୟାଲେରିଆ ସଂକ୍ରମଣ ଦ୍ୱାରା ମୃତ୍ୟୁମୁଖରେ ପଡିଥାଏ। ୨୦୧୫ରେ ସାରା ବିଶ୍ୱରେ ୨୧କୋଟି ୨୦ଲକ୍ଷ ଲୋକ ମ୍ୟାଲେରିଆରେ ପୀଡିତ ହୋଇଥିବା ବେଳେ ତହିଁରୁ ୪ ଲକ୍ଷ ୨୯ ହଜାର ମୃତ୍ୟୁମୁଖରେ ପଡିଥିଲେ। ମାତ୍ର ୨୦୧୬ରେ ଏହା କମିବା ପରିବର୍ତ୍ତେ ଆହୁରି ୫୦ ଲକ୍ଷ ଲୋକ ଏହାଦ୍ୱାରା ଆକ୍ରାନ୍ତ ହୋଇଥିଲେ।...

ଏଇ ଭାରତରେ

ଏଇ ଭାରତରେ

ଝିଅର ବିବାହ ବୟସ ହେଲେ ମାତାପିତାଙ୍କର ଚିନ୍ତା ବଢ଼େ। ସବୁଠୁ ଚିନ୍ତା ଅଧିକ ଘାରେ ଯୌତୁକକୁ ନେଇ। ମଧ୍ୟପ୍ରଦେଶର ଟିକମଗଡ ଜିଲା ପୃଥ୍ବୀପୁରରେ ଏମିତି ଏକ ବାହାଘର ହେଲା ଯାହା ସମସ୍ତଙ୍କ ଆଖି ଖୋଲିଦେଇଛି। ବିବାହରେ ପୁଅଘର ଲୋକେ ଯୌତୁକ ଭାବେ ଝିଅଘରୁ କେବଳ ଗୋଟିଏ ଗଛର ଚାରା ନେଇଛନ୍ତି। ଝିଅ ଘରକୁ ମଧ୍ୟ ବଦଳରେ ଏକ ଚାରା ଦେଇଛନ୍ତି। ବାହାଘରକୁ ଯେଉଁ ବରଯାତ୍ରୀ ଯିବେ ସମସ୍ତଙ୍କୁ ଗୋଟିଏ କରି ଚାରା ଉପହାର ଦେବାକୁ ବରଘର ଝିଅଘରକୁ ଅନୁରୋଧ କରିଥିଲେ। ତାହା ହିଁ ହୋଇଛି। ଉପହାର ଭାବେ ଦିଆଯାଉଥିବା ଚାରାଟିକୁ ସଯତ୍ନରେ ଲଗାଇ ବଢାଇବାକୁ ସମସ୍ତଙ୍କୁ ସଂକଳ୍ପ କରାଯାଇଥିଲା। ଏଭଳି ଅନନ୍ୟ ବିବାହ କରିଥିବା ଯୁବକ ଜଣକ ହେଉଛନ୍ତି ଅମିତ ଦୁବେ। ଉକ୍ତ ଅଞ୍ଚଳରେ ପ୍ରତିବର୍ଷ ...

ସମ୍ପାଦକୀୟ/ରକ୍ତ ଶୋଷଣ, ପରେ ଦାନ

ସମ୍ପାଦକୀୟ/ରକ୍ତ ଶୋଷଣ, ପରେ ଦାନ

ଦେଶର ପ୍ରଗତିରେ ପରିବହନ ବ୍ୟବସ୍ଥା ସୁଗମ ହେବା ନିତାନ୍ତ ଦରକାର। ଏଥିପାଇଁ ପ୍ରମୁଖ ଉପାଦାନ ହେଉଛି ଇନ୍ଧନ। ଆଜିର ସମୟରେ ପେଟ୍ରୋଲ ଓ ଡିଜେଲ ଦର ଅର୍ଥନୈତିକ ବ୍ୟବସ୍ଥାକୁ ଗତିଶୀଳ କରାଉଛି। ଲୋକମାନଙ୍କ ଯାତାୟାତଠାରୁ ଆରମ୍ଭ କରି ସାମଗ୍ରୀର ଦର ଉପରେ ତୈଳ ଦରର ସିଧାସଳଖ ପ୍ରଭାବ ରହିଛି। ତେଣୁ ପ୍ରତ୍ୟେକ ସରକାର ତେଲ ମୂଲ୍ୟକୁ ନିୟନ୍ତ୍ରଣରେ ରଖିବାକୁ ଚେଷ୍ଟା କରିଥାଆନ୍ତି। ହେଲେ ନରେନ୍ଦ୍ର ଦାମୋଦରଦାସ ମୋଦି ୨୦୧୪ରେ କ୍ଷମତାକୁ ଆସିବା ପରେ ତୈଳ ଦର ଉପରେ ଥିବା ନିୟନ୍ତ୍ରଣକୁ ହଟାଦେଲେ। ଏ ଦିଗରେ ଦିଆଯାଉଥିବା ରିହାତିକୁ ସମ୍ପୂର୍ଣ୍ଣ ଉଚ୍ଛେଦ କରିଦିଆଗଲା। ଫଳରେ ତେଲ ଦର ବଜାର ବ୍ୟବସ୍ଥା ଅନୁଯାୟୀ ସ୍ଥିରୀକୃତ ହେଉଥିବା କୁହାଯାଉଛି। ଭୁବନେଶ୍ୱରରେ ଏବେ ପେଟ୍ରୋଲ ୭୪ ଟଙ୍କା ନିକଟତର ହୋଇ ...

 ଚାଷୀ ମୃତ୍ୟୁ ଓ ଦଣ୍ଡମୁକ୍ତ କର୍ମଚାରୀ

ଚାଷୀ ମୃତ୍ୟୁ ଓ ଦଣ୍ଡମୁକ୍ତ କର୍ମଚାରୀ

ସହଦେବ ସାହୁ ଆମ ଦେଶର କ୍ରାଇମ୍‌ ରେକର୍ଡସ୍‌ ବ୍ୟୁରୋ ତା’ର ୨୦୧୬ର ଏଡିଏସ୍‌ଆଇ (ଆକ୍ସିଡେଣ୍ଟାଲ୍‌ ଡେଥ୍‌ ଆଣ୍ଡ୍‌ ସୁଇସାଇଡ୍ସ ଇନ୍‌ ଇଣ୍ଡିଆ)ର ଅଗ୍ରିମ (ପ୍ରୋଭିଜନାଲ୍‌) ରିପୋର୍ଟରେ ପ୍ରକାଶ କରିଛି ଯେ ସାରା ଦେଶରେ ୨୦୧୫ରେ ଚାଷୀ ଆତ୍ମହତ୍ୟା ୧୨,୬୦୨ ଥିବାବେଳେ ୨୦୧୬ରେ ୧୧,୩୭୦କୁ କମିଛି। ଓଡିଶାରେ ସେହି ଢାଞ୍ଚା। ୨୦୧୪ ରିପୋର୍ଟରେ ଚାଷୀ ଆତ୍ମହତ୍ୟା ସଂଖ୍ୟା ୫ ଥିଲା, ୨୦୧୫ ଓ ୧୬ରେ ସରକାରୀ ରିପୋର୍ଟରେ ଶୂନ ଥିବାବେଳେ ୨୦୧୭ରେ ୨୦୧୪ ସଂଖ୍ୟାର ଦୁଇଗୁଣ ବଢିଯାଇଛି। ...

ସ୍ତ୍ରୀର ଦରମା

ସ୍ତ୍ରୀର ଦରମା

ରୁଦ୍ର ପ୍ରସନ୍ନ ରଥ ବିଗତ କିଛି ବର୍ଷ ମଧ୍ୟରେ ଭାରତରେ ନାରୀ ଶିକ୍ଷାର ବ୍ୟାପକ ପ୍ରଚାର ଏବଂ ପ୍ରସାର ଘଟିବା ସହ ନିଯୁକ୍ତି କ୍ଷେତ୍ରରେ ଏମାନଙ୍କ ପାଇଁ ବିଶେଷ ସୁଯୋଗ ସୃଷ୍ଟି ହୋଇଛି। ତଥାପି ଦେଶର ପ୍ରଗତିକୁ ଏହା ନୂଆ ଦିଶା ଦେବାରେ ସକ୍ଷମ ନୁହେଁ। କାରଣ ସାମାଜିକ, ରାଜନୈତିକ ଏବଂ ଲିଙ୍ଗଗତ ଭେଦଭାବ ଯୋଗୁ ନାରୀଟିଏ ଅନେକ କ୍ଷେତ୍ରରେ ନିଜ ପାଇଁ ମନପସନ୍ଦର ଚାକିରି ଏବଂ ଦରମା ପାଇବାରେ ସକ୍ଷମ ହୋଇପାରୁ ନାହିଁ।

ଏଇ ଭାରତରେ

ଏଇ ଭାରତରେ

ଲୋକଙ୍କ ମଧ୍ୟରେ ବେଳେବେଳେ ଏଭଳି ମାନସିକତା ସୃଷ୍ଟି ହୁଏ, ଯାହାକି ସହଜରେ ବିଶ୍ୱାସ ହୁଏନାହିଁ। ମୋବାଇଲ ଓ ଇଣ୍ଟର୍‌ନେଟ ବ୍ୟବହାର ଯୁଗରେ ମଧ୍ୟ କେତେକଙ୍କ ମଧ୍ୟରେ ରକ୍ଷଣଶୀଳ ଚିନ୍ତାଧାରା ଦେଖାଯାଉଛି। ଏଭଳି ଏକ ଘଟଣା ଘଟିଛି ଉତ୍ତରପ୍ରଦେଶର ଲକ୍ଷ୍ନୌ ସହରରେ। ବାଙ୍ଗାଲୋରର ଜଣେ ଯୁବତୀଙ୍କ ଏକ ଫେସ୍‌ବୁକ୍‌ ପୋଷ୍ଟକୁ ବିରୋଧ କରି ଲକ୍ଷ୍ନୌର ଅଭିଷେକ ନାମକ ଜଣେ ଯୁବକ ମୁସଲମାନ ଡ୍ରାଇଭର ଚଳାଉଥିବା ଏକ ଘରୋଇ କାର୍‌ ପରିବହନ ସଂସ୍ଥାରେ ଯିବାକୁ ମନା କରିଦେଇଛନ୍ତି। ଏହାକୁ ଟୁଇଟ କରି ସେ କହିଛନ୍ତି ଯେ, ଯଦି ଜଣେ ଯୁବତୀ ରୁଦ୍ର ହନୁମାନ ପୋଷ୍ଟର ଲଗାଯାଇଥିବା କାର୍‌ରେ ...

ଶିଶୁ ବଳାତ୍କାର: ଦଣ୍ଡ କାହିଁ

ଶିଶୁ ବଳାତ୍କାର: ଦଣ୍ଡ କାହିଁ

୨୦୧୨ ନିର୍ଭୟା ଗଣବଳାତ୍କାର ଘଟଣା ପରେ ଭାରତରେ ମହିଳା ନିର୍ଯାତନା ନିରୋଧୀ ସ୍ବର ଯେଭଳି ସର୍ବୋଚ୍ଚରେ ପହଞ୍ଚତ୍ଥିଲା, ଏବେ ସେଭଳି ପରିସ୍ଥିତିର ପୁନରାବୃତ୍ତି ଘଟିଛି। ନିର୍ଭୟାଙ୍କ ବୟସ ୨୩ ହୋଇଥିବା ବେଳେ ଏବେ ଶିଶୁକନ୍ୟାଙ୍କ ଉପରେ ପାଶବିକ ଅତ୍ୟାଚାର ଯେପରି ଭାବେ ବଢ଼ିଚାଲିଛି ତାକୁ ଦେଖିଲେ ବ୍ୟସ୍ତ ଲାଗୁଛି। ଜମ୍ମୁ-କଶ୍ମୀର କଠୁଆର ୮ ବର୍ଷୀୟା କନ୍ୟା, ଗୁଜରାଟ ସୁରଟର ୧୧ ବର୍ଷୀୟା ଝିଅ, ଓଡ଼ିଶା ନୀଳଗିରିର ୪ ବର୍ଷୀୟା ଶିଶୁକନ୍ୟା, ନିଶ୍ଚିନ୍ତକୋଇଲିର ୬ ବର୍ଷୀୟା ଝିଅଠାରୁ ଆରମ୍ଭ କରି ମଧ୍ୟପ୍ରଦେଶ ଇନ୍ଦୋରର ୪ ମାସର ଶିଶୁକନ୍ୟାଙ୍କୁ ବଳାତ୍କାର ଓ ହତ୍ୟା ପର୍ଯ୍ୟନ୍ତ ଅସଂଖ୍ୟ ଘଟଣା ଘଟିଗଲାଣି। ସବୁଠାରୁ ଅତ୍ୟନ୍ତ ସମ୍ବେଦନଶୀଳ ଇନ୍ଦୋର ଘଟଣାକୁ ଦେଖିଲେ ଯେ କେହି ବିବ୍ରତ ହେବା ସ୍ବାଭାବିକ। ଇନ୍ଦୋର ଶିଶୁକୁ ବଳାତ୍କାର କରିଥିବା ବ୍ୟକ୍ତି ହେଉଛନ୍ତି ସମ୍ପର୍କୀୟ ମାମୁ। ଦେଖିବାକୁ ଗଲେ ୪ ମାସ ଶିଶୁର ବେକ ଟାଣ ହୋଇ ନ ଥାଏ। ଯିଏ ତା’ ସହ ଏପରି ଜଘନ୍ୟ କାଣ୍ଡ ଘଟାଇଥାଆନ୍ତି ତାଙ୍କ ମାନସିକତା ବୁଝିବା ଅସମ୍ଭବ। ଏଠାରେ ସାମାଜିକ ବିଶ୍ଳେଷଣର ପ୍ରୟୋଜନ ଉଠିଲାଣି। ମନେହେଉଛି, ଯେପରି ଏହା କେବଳ ଘୋର ଯୌନ ଲାଳସାର ପରିଣତି ନୁହେଁ। ସହଜ ଭାଷାରେ କହିବାକୁ ଗଲେ ଏହା ଅତ୍ୟନ୍ତ ଜଘନ୍ୟ ଆପରାଧିକ ମାନସିକତାର ପ୍ରତିଫଳନ।

ରେଭେନ୍‌ସା ଯୁଗର ଅବସାନ

ରେଭେନ୍‌ସା ଯୁଗର ଅବସାନ

ଶରତ ଚନ୍ଦ୍ର ମିଶ୍ର/ରେଭେନ୍‌ସା କଲେଜ ଓଡ଼ିଶାର ସର୍ବପୁରାତନ ଉଚ୍ଚ ଶିକ୍ଷାନୁଷ୍ଠାନ। ଦେଢ଼ଶହ ବର୍ଷ (୧୮୬୮) ପୂର୍ବେ ନଅଙ୍କ ଦୁର୍ଭିକ୍ଷର ଦୁଇବର୍ଷ ପରେ ଏ କଲେଜ ସ୍ଥାପିତ ହୋଇଥିଲା। କଟକ କଲେକ୍ଟୋରେଟ୍‌ ପାଖରେ ଏହି ଅନୁଷ୍ଠାନଟି ପଚାଶ ବର୍ଷ ରହିବା ପରେ ଚାଉଳିଆଗଞ୍ଜର ରେସ୍‌କୋର୍ସ ପଡିଆକୁ ଉଠିଆସିଲା ଓ ଗତ ଶହେବର୍ଷ ଧରି ସେହିଠାରେ ଗର୍ବୋନ୍ନତ ଶିର ଉତ୍ତୋଳନ କରି ବିଦ୍ୟମାନ।

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ହିମାଂଶୁ ଶେଖର ଫତେସିଂହ/ପୃଥିବୀର ନିରକ୍ଷୀୟ ଓ ଉପନିରକ୍ଷୀୟ ଅଞ୍ଚଳ ଅନ୍ତର୍ଗତ ୨୪ଂ ଉ.ଅକ୍ଷାଂଶରୁ ୩୮ଂ ଦ.ଅକ୍ଷାଂଶ ମଧ୍ୟବର୍ତ୍ତୀ ଅଞ୍ଚଳରେ ସମୁଦ୍ର ତଟବର୍ତ୍ତୀ ଜୁଆରିଆ ଆର୍ଦ୍ର, ବାଲିଆ ଭୂମିରେ ଏକ ନିର୍ଦ୍ଦିଷ୍ଟ ପ୍ରଜାତିର ଉଦ୍ଭିଦ ଦେଖାଯାଆନ୍ତି। ଏହି ଅଞ୍ଚଳରେ ୨୬ଂରୁ ୩୫ଂ ସେଲ୍‌ସିୟସ୍‌ ପର୍ଯ୍ୟନ୍ତ ଉଚ୍ଚ ବାୟୁମଣ୍ଡଳୀୟ ତାପମାତ୍ରା, ୧୦୦୦ ମିମିରୁ ୩୦୦୦ ମିମି ବୃଷ୍ଟିପାତ, ଉଚ୍ଚ ଲବଣତା, ଜୁଆରିଆ ଜଳ ପ୍ଳାବନ ସତ୍ତ୍ୱେ ଏହି ଉଦ୍ଭିଦଗୁଡ଼ିକ ଜୀବନ ଧାରଣ କରି ବଂଶବୃଦ୍ଧି କରିଥାନ୍ତି।

ଏଇ ଭାରତରେ

ଏଇ ଭାରତରେ

ଲୋକଙ୍କଠାରୁ ମାନବିକତା କ୍ରମେ ହଜିଯାଉଛି। ଅର୍ଥ ଓ ବସ୍ତୁବାଦୀ ହୋଇପଡୁଥିବା ମଣିଷ ଅନ୍ୟ ପ୍ରତି ସହାନୁଭୂତି, ଦୟା ଆଦି ଗୁଣକୁ ହରାଇବସୁଛି। ବିପଦରେ ପଡିଥିବା ଲୋକଙ୍କୁ ସାହାଯ୍ୟ କରିବା ପରିବର୍ତ୍ତେ ସୁଯୋଗର କିଭଳି ଫାଇଦା ଉଠାଇହେବ ସେଥିପ୍ରତି ଆଗ୍ରହ ଦେଖାଉଛି। ଗତ ଶୁକ୍ରବାର ବିଳମ୍ବିତ ରାତିରେ ଦିଲ୍ଲୀ ନିକଟବର୍ତ୍ତୀ ଗାଜିଆବାଦରେ ଘଟିଥିବା ଏକ ଘଟଣା ସମ୍ପର୍କରେ ଶୁଣିଲେ ମଣିଷ ନିକଟରୁ ମାନବିକତାର ଗୁଣ କିପରି ହଜିଯାଉଛି ତାହା ସ୍ପଷ୍ଟ ହୁଏ।