ଫୁରସତ |

ଇମୋଜି: ଶବ୍ଦର ଛୁଟି

ଇମୋଜି: ଶବ୍ଦର ଛୁଟି
ଦିନକୁ ଦିନ ସୋସିଆଲ୍‌ ସାଇଟ୍‌ରେ ମେସେଜ୍‌, ଷ୍ଟାଟସ୍‌ ହେଉ ଅବା କମେଣ୍ଟ ଲାଗି ଶବ୍ଦର ସ୍ଥାନ ମାଡି ବସୁଛି ଇମେଜି । ତେବେ ଏହି ଭିଜୁଆଲ୍‌ ଶର୍ଟକଟ୍‌ ନା କେବଳ ଲମ୍ବା ବାକ୍ୟ ଲେଖିବାର ସ୍ପେଶ୍‌ କମାଉଛି ବରଂ ଅଧିକ ଏକ୍ସପ୍ରେସିଭ୍‌, ଆଇକ୍ୟାଚି ଏବଂ ଫନି ମଧ୍ୟ ଲାଗୁଛି...   ଇମୋଜି। ପ୍ରଥମେ ଜାପାନର ଜଣେ ମୋବାଇଲ କମ୍ପାନୀ କର୍ମଚାରୀ ଶିଗେଟାକା କୁରିଟାଙ୍କ ଦ୍ୱାରା ଆରମ୍ଭ ହୋଇଥିଲା। ତାଙ୍କୁ ଇମୋଜିର ଜନକ ବୋଲି ମଧ୍ୟ କୁହାଯାଇଥାଏ। ସେ ଏହି ଶବ୍ଦଟି ଇ+ମୋଜି ଅର୍ଥାତ୍‌ ପିକ୍ଚର+କ୍ୟାରେକ୍ଟର ବା ଚିତ୍ର+ଚରିତ୍ରକୁ ନେଇ ଆରମ୍ଭ କରିଥିଲେ। ସେ ଖବରକାଗଜ ଏବଂ ଟେଲିଭିଜନରେ ପାଣିପାଗ ସୂଚନା ଲାଗି ଶବ୍ଦ ବଦଳରେ ଦିଆଯାଉଥିବା ସିମ୍ବଲଗୁଡିକୁ ଦେଖି ମଣିଷର ଭାବକୁ ଶବ୍ଦ ବଦଳରେ ଚିତ୍ର ମାଧ୍ୟମରେ ପ୍ରକାଶ କରିବାକୁ ଉଦ୍ୟମ କରିଥିଲେ। ଏଥିଲାଗି ସେ ନିଜର ଏକ ଟିମ୍‌ଙ୍କ ସହାୟତାରେ ପ୍ରଥମେ ୧୭୬ଟି ଇମୋଜି ପ୍ରସ୍ତୁତ କରିଥିଲେ। ପ୍ରଥମେ କେବଳ ମୁହଁରେ ବିଭିନ୍ନ ଭାବ ଥିବା  ଚିତ୍ରକୁ ନିଆଯାଇଥିଲା। ଏହାବ୍ୟତୀତ ପୋଲିସ ଓ କନ୍‌ଷ୍ଟ୍ରକ୍ସନ କର୍ମଚାରୀମାନଙ୍କ ସିମ୍ବଲକୁ ପୁରୁଷ ଏବଂ ମହିଳା ଅଧିକ ଶପିଂ ଏବଂ ବିୟୁଟିପାର୍ଲର ଯାଉଥିବାରୁ ସେମାନଙ୍କ ଚରିତ୍ରରେ କେଶ କାଟୁଥିବା କିମ୍ବା ମସାଜ ନେଉଥିବାର ଚିତ୍ର ଦିଆଯାଉଥିଲା। ଧିରେ ଧିରେ ଶବ୍ଦ ପରିବର୍ତ୍ତେ ଏସବୁ ସିମ୍ବଲ ଲୋକାଦ୍ରୁତ ହେବାକୁ ଲାଗିଲା। ଆରମ୍ଭରେ ଏହା ଡୋକୋମୋ ଏବଂ ପରେ ୨୦୦୭ରେ ମୋବାଇଲ୍‌ ଟେକ୍ନୋଲୋଜିରେ ଆଶ୍ଚର୍ଯ୍ୟଜନକ ପରିବର୍ତ୍ତନ ଏବଂ ଏକାଧିକ ଟେଲିକମ୍‌ କମ୍ପାନୀର ନେଟଓ୍ବର୍କ ସାଙ୍ଗକୁ ସ୍ମାର୍ଟଫୋନ୍‌ର ବ୍ୟବହାର ଆରମ୍ଭ ହେବା ଦ୍ୱାରା ବିଭିନ୍ନ ପ୍ରକାର ଇମୋଜି ମଧ୍ୟ ପ୍ରସ୍ତୁତ କରାଗଲା। ବିଶେଷ କରି ୨୦୧୧ରେ ଆପ୍‌ଲ ଦ୍ୱାରା ଇମୋଜି କିବୋର୍ଡ ଆରମ୍ଭ ହେବା ପରଠୁ ଏହା ଅଧିକ ବ୍ୟବହାର ହେଲା। ବର୍ତ୍ତମାନ  ମଣିଷର ପ୍ରତ୍ୟେକ କାର୍ଯ୍ୟ ଠାରୁ ଆରମ୍ଭ କରି ଭାବ ପର୍ଯ୍ୟନ୍ତ ସିମ୍ବଲର ଉଭୟ ମେଲ୍‌ ଏବଂ ଫିମେଲ୍‌ ଭର୍ସନ ସହିତ ଏକାଧିକ ସ୍କିନ୍‌ଟୋନ ମଧ୍ୟ ଉପଲବ୍ଧ। କେବଳ ଏତିକି ନୁହେଁ ଏଥିରେ ପିଲା, ଯୁବାବସ୍ଥା, ବୃଦ୍ଧାବସ୍ଥା ସହିତ ପରିବାର, ବନ୍ଧୁ ଇତ୍ୟାଦି ଭଳି ବିଭିନ୍ନ ସିମ୍ବଲ ମଧ୍ୟ ଆସୁଛି। ପ୍ରତ୍ୟେକ ଜିନିଷର ମଧ୍ୟ ଇମୋଜି ଆସୁଥିବାରୁ ଶବ୍ଦର ବ୍ୟବହାର ସୋସିଆଲ ମିଡିଆରେ କ୍ରମଶଃ କମିବାରେ ଲାଗୁଛି।    ଇମୋଜି କଞ୍ଜୁମର ସାଇନ୍ସ ଟିମ୍‌ ପକ୍ଷରୁ କରାଯାଇଥିବା ଏକ ସର୍ଭେ ରିପୋର୍ଟ ମୁତାବକ ବର୍ତ୍ତମାନ ସମସ୍ତ ସୋସିଆଲ ସାଇଟ୍‌ ବ୍ୟବହାରକାରୀଙ୍କ ମଧ୍ୟରୁ ପ୍ରାୟ ୯୨ ଭାଗ ଇମୋଜି ବ୍ୟବହାର କରୁଛନ୍ତି। ଯେଉଁମାନଙ୍କ ମଧ୍ୟରେ ୧୮ରୁ ୨୯ ବର୍ଷ ବୟସର ବ୍ୟବହୃତାଙ୍କ ସଂଖ୍ୟା ସର୍ବାଧିକ ଅର୍ଥାତ୍‌ ପ୍ରାୟ ୭୦%। ତେବେ ପ୍ରାୟ ୭୦% ମହିଳା ଇମେଜୀ ବ୍ୟହାର କରୁଥିବା ବେଳେ ପୁରୁଷଙ୍କ ସଂଖ୍ୟା ୫୦%। ସୋସିଆଲ୍‌ ସାଇଟ୍‌ ବିଶେଷ କରି ଫେସ୍‌ବୁକ୍‌, ଟ୍ବିଟର, ହ୍ବାଟ୍ସଆପ୍‌ ଏବଂ ଇନ୍‌ଷ୍ଟାଗ୍ରାମ୍‌ରେ ଏହାର ବ୍ୟବହାର ସର୍ବାଧିକ। ତେବେ ସୋସିଆଲ ସାଇଟ୍‌ରେ ଇମୋଜିର ବ୍ୟବହାର ବୃଦ୍ଧିପାଇବା ପଛରେ ରହିଛି ଏକାଧିକ କାରଣ।    ଯଥା: - ଶବ୍ଦ ତୁଳନାରେ ଚିତ୍ର ସାହାଯ୍ୟରେ ନିଜର ଭାବ ପ୍ରକାଶ କରିବା ଅଧିକ ସହଜ ହେଉଥିବାରୁ ଇମେଜି ଶବ୍ଦର ସ୍ଥାନ ଗ୍ରହଣ କରୁଛି। ଟକ୍‌ଟକ୍‌ ଆଣ୍ଡ ବ୍ୟାଙ୍ଗର୍‌ ୟୁନିଭର୍ସିଟିର ଲିଙ୍ଗୁଇଷ୍ଟିକ୍‌ ବିଭିଗର ପ୍ରଫେସର ଭିଭ୍‌ ଇଭାନ୍ସଙ୍କ ଦ୍ୱାରା କରାଯାଇଥିବା ଏକ ସର୍ଭେ ରିପୋର୍ଟ ମୁତାବକ ଗତବର୍ଷକୁ ତୁଳନା କଲେ ମାତ୍ର ଏକ ବର୍ଷ ମଧ୍ୟରେ ଚଳିତ ବର୍ଷ ହାରାହାରି ୬୨% ଇମୋଜି ବ୍ୟବହାର ବୃଦ୍ଧିପାଇଛି।    - ମୋବାଇଲ୍‌ ଫୋନ୍‌ ହେଉ ଅବା କମ୍ପ୍ୟୁଟରରେ ଅନ୍ୟ ପର୍ଯ୍ୟନ୍ତ ନିଜର କଥା କିମ୍ବା ଭାବ ପହଞ୍ଚାଇବା ଲାଗି ଲମ୍ବା ଲମ୍ବା ବାକ୍ୟ ଟାଇପ୍‌ କରିବା ଦ୍ୱାରା ସମୟ ମଧ୍ୟ ଅଧିକ ଯାଉଥିଲା। ହେଲେ ଇମୋଜି ବ୍ୟବହାର ଦ୍ୱାରା ଏହି ସମୟ ମଧ୍ୟ କମିଯାଇଛି।    - ଆପ୍‌ଲ ଦ୍ୱାରା ‘ଟ୍ୟାପ୍‌ ଟୁ ରିପ୍ଲେସ୍‌ ଇମୋଜି ଇନ୍‌ ଆଇଓଏସ୍‌’ ଫିଚର ଦ୍ୱାରା ମଧ୍ୟ ଏହାର ବ୍ୟବହାର ଆହୁରି ସହଜ ଏବଂ ସରଳ ହୋଇପାରିଛି।    - ଅନ୍ୟର ପୋଷ୍ଟ କିମ୍ବା ପ୍ରୋଫାଇଲ୍‌, ଷ୍ଟାଟସ୍‌ ଆଦିରେ କିଛି କମେଣ୍ଟ ଦେବା ଲାଗି ବ୍ୟବହାର କରୁଥିବା ଶବ୍ଦର ବେଳେ ବେଳେ ସଠିକ୍‌ ଅର୍ଥ ସମସ୍ତେ ବୁଝି ପାରନ୍ତି ନାହିଁ ଏବଂ ତା’କୁ ନେଇ ଅଯଥା ସମସ୍ୟା ସୃଷ୍ଟି ହୋଇଥାଏ। ଏମିତିକି ଏହାକୁ ନେଇ ଅନ୍ୟର ମନ କଷ୍ଟ ହେବା, ଝଗଡା କିମ୍ବା ସମ୍ପର୍କ ଭାଙ୍ଗିଯିବାର ମଧ୍ୟ ଦେଖିବାକୁ ମିଳିଥାଏ। ଏମିତିରେ ଇମୋଜି ବ୍ୟବହାର ଦ୍ୱାରା ଏଭଳି ସମସ୍ୟା ମଧ୍ୟ ଦୂର କରାଯାଇପାରୁଛି।    - ବଡ ବଡ ବାକ୍ୟରେ ଯେତେବି ଗୁରୁତ୍ୱପୂର୍ଣ୍ଣ କଥା ଥାଉ ନା କାହିଁକି ସମୟ ଅଭାବରୁ ଅନେକେ ତାକୁ ମିସ୍‌ କରି ଆଗକୁ ବଢିଯାଆନ୍ତି। ଏମିତିରେ ଇମୋଜି ଅଳ୍ପକେ ଭାବ ପ୍ରକାଶ କରିବା ସହ ଆଇକ୍ୟାଚି ଏବଂ ଫନି ମଧ୍ୟ ଲାଗୁଥିବାରୁ ଏହାର ବ୍ୟବହାର ବୃଦ୍ଧି ପାଉଛି।   ସୋସିଆଲ ସାଇଟ୍‌ ସର୍ବାଧିକ ବ୍ୟବହୃତ ଇମୋଜି  ଅନ୍ୟ ସୋସିଆଲ ସାଇଟ୍‌ ତୁଳନାରେ ଟ୍ବିଟର, ଫେସ୍‌ବୁକ୍‌ , ଇନ୍‌ଷ୍ଟାଗ୍ରାମ ଏବଂ ହ୍ବାଟ୍ସଆପ୍‌ରେ ଇମୋଜି ବ୍ୟବହାର ସର୍ବାଧିକ। ତେବେ ସମସ୍ତ ଇମୋଜି ମଧ୍ୟରୁ ହାପି ଫେସ୍‌ ୪୪ %, ସ୍ୟାଡ୍‌ ଫେସ୍‌ ୧୪ %, ହାର୍ଟ ଶେପ୍‌ ୧୩%, ହ୍ୟାଣ୍ଡ ସିମ୍ବଲ ୫% ଅଧିକ ବ୍ୟବହାର କରାଯାଉଛି।   କ’ଣ କରନ୍ତି ଏମାନେ... ବିଶ୍ୱଜିତା ସ୍ବାଇଁ(ଯୁକ୍ତ ୩, ଶେଷ ବର୍ଷ ବାଣିଜ୍ୟ, ଉଦୟନାଥ କଲେଜ ଅଫ୍‌ ସାଇନ୍ସ ଆଣ୍ଡ ଟେକ୍ନୋଲୋଜି, ଅଡଶପୁର, କଟକ)- ଇମୋଜି ହେଉଛି ଭିଜୁଆଲ୍‌ ସର୍ଟ କଟ୍‌, ଯାହାକି ସ୍ପେଶ୍‌ କମାଇଥାଏ। ଅଧିକ ଶବ୍ଦ ଟାଇପ୍‌ କରିବାରେ ଯାଉଥିବା ସମୟକୁ ମଧ୍ୟ କମାଇଥାଏ। ତା’ ଛଡା ମଝିରେ ମଝିରେ ଇମୋଜି ପଠାଇବାରେ କିମ୍ବା ଇମୋଜିର ଉତ୍ତର ଇମୋଜିରେ ଦେବାରେ ଯେଉଁ ମଜା ଅଛି ତାହା ଶବ୍ଦରେ ନାହିଁ।   ପ୍ରଭାତ ବେହେରା( ଯୁକ୍ତ ୩ ପ୍ରଥମ ବର୍ଷ, ଦେବୀ କନ୍ଦଳ ନିତ୍ୟାନନ୍ଦ ମହାବିଦ୍ୟାଳୟ, ଏରଞ୍ଚ, କଟକ)- ସୋସିଆଲ୍‌ ସାଇଟ୍‌ରେ ମନର ଭାବ ପ୍ରକାଶ କରିବା ଲାଗି ଇମୋଜି ବେଷ୍ଟ ଅପ୍ସନ। ଏହାଦ୍ୱାରା କେଉଁ ଶବ୍ଦ କାହାକୁ ଖରାପ ଲାଗିବାର ଟେନ୍‌ଶନ୍‌ ବି ନାହିଁ। ସବୁଠୁ ମଜା କଥା ହେଉଛି ଇମୋଜିରେ କଥା ବେଶି ଏକ୍ସପ୍ରେସିଭ୍‌ ଏବଂ ଫନି ବି ଲାଗିଥାଏ।
All Right Reserved By

ଫୁରସତ |

ପୃଥିବୀର ଦ୍ୱିତୀୟ ବୃହତ୍ତମ ପ୍ରାଚୀର ଭାରତରେ

ପୃଥିବୀର ଦ୍ୱିତୀୟ ବୃହତ୍ତମ ପ୍ରାଚୀର ଭାରତରେ

ବିଶ୍ୱରେ ସବୁଠାରୁ ବଡ଼ ପ୍ରାଚୀର ଚାଇନାରେ ରହିଛି  ା ପଞ୍ଚମ ଶତାବ୍ଦୀରେ ନିର୍ମିତ ଏହି ପ୍ରାଚୀର ପୃଥିବୀର ସପ୍ତାଶର୍ଯ୍ୟ ମଧ୍ୟରୁ ଗୋଟିଏ ା ଏହି ପ୍ରାଚୀର ଭଳି ଭାରତରେ ମଧ୍ୟ ନିର୍ମିତ ହୋଇଛି ଏକ ବୃହତ୍‌ ପ୍ରାଚୀର। 

ଅତିଥିଙ୍କୁ ସ୍ବାଗତ କରୁଛି ଡାଇନୋସର

ଅତିଥିଙ୍କୁ ସ୍ବାଗତ କରୁଛି ଡାଇନୋସର

ଜାପାନର ପୂର୍ବ ଟୋକିଓରେ ଥିବା ଏକ ହୋଟେଲକୁ ଆସୁଥିବା ଅତିଥିମାନଙ୍କୁ ସ୍ବାଗତ କରିଥାଏ ଏକ ଡାଇନୋସର । ଏହା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ସତ । ତେବେ ଏହା ଅସଲି ନୁହେଁ, ଇଏ ହେଉଛି ଏକ ରୋବଟ୍‌  ଡାଇନୋସର।

ଯେଉଁଠି ୨୦ ଟଙ୍କାରେ ବିକ୍ରି ହୁଅନ୍ତି ଯୁବତୀ

ଯେଉଁଠି ୨୦ ଟଙ୍କାରେ ବିକ୍ରି ହୁଅନ୍ତି ଯୁବତୀ

ମଧ୍ୟପ୍ରଦେଶ ଶିବପୁରୀ ଦେଶର ସବୁଠାରୁ ବଡ଼ ରେଡ ଲାଇଟ୍‌ ଏରିଆ ଭାବେ ପରିଚିତି ହାସଲ କରିଛି। ଏଠାରେ ଘରେ ଘରେ ଯୁବତୀଙ୍କୁ ପରିବାର ଲୋକେ ଦେହବେପାର ପାଇଁ ଶିକ୍ଷା ଦିଅନ୍ତି। 

ପରଫ୍ୟୁମ୍‌ ,ହେୟାର ସ୍ପ୍ରେ କରୁଛି ବାୟୁ ପ୍ରଦୂଷଣ

ପରଫ୍ୟୁମ୍‌ ,ହେୟାର ସ୍ପ୍ରେ କରୁଛି ବାୟୁ ପ୍ରଦୂଷଣ

ବାୟୁ ପ୍ରଦୂଷଣ ପାଇଁ ପରଫ୍ୟୁମ୍‌, ହେୟାର ସ୍ପ୍ରେ ଏବଂ ରିଫ୍ରେସର ଦାୟୀ ବୋଲି ବେଜିଂ ବିଶ୍ୱବିଦ୍ୟାଳୟରେ ହୋଇଥିବା ଏକ ଗବେଷଣା ରିପୋର୍ଟରେ ପ୍ରକାଶ ପାଇଛି। 

ସର୍ବସ୍ବାନ୍ତ କରିଛି କୋହୀନୂର...

ସର୍ବସ୍ବାନ୍ତ କରିଛି କୋହୀନୂର...

କୋହୀନୂର ହୀରା। ନୀଳ ରଙ୍ଗର ଏହି ହୀରା ସଭିଙ୍କୁ କରେ ଆକର୍ଷିତ। ଉର୍ଦ୍ଦୁ ଭାଷାରେ ଏହାର ଅର୍ଥ ଔଜ୍ଜଲ୍ୟର ପାହାଡ଼। 

ଯେଉଁ ଦ୍ୱୀପ ସେଠାକୁ ଗଲେ କେହି ଫେରନ୍ତି ନାହିଁ...

ଯେଉଁ ଦ୍ୱୀପ ସେଠାକୁ ଗଲେ କେହି ଫେରନ୍ତି ନାହିଁ...

ଇଟାଲୀରେ  ରହିଛି ଏପରି ଏକ ଦ୍ୱୀପ। ଏଠାକୁ ଯାଉଥିବା କୌଣସି ପ୍ରାଣୀ ଫେରି ଆସି ନ ଥାନ୍ତି। ଏହାକୁ ଆଇଲ୍ୟାଣ୍ଡ ଅଫ୍‌ ଡେଡ୍‌ ବା ମୃତ୍ୟୁର ଦ୍ୱୀପ କୁହାଯାଏ । 

ଶ୍ମଶାନ ଚଣ୍ଡୀ ମା’ ନାରାୟଣୀ

ଶ୍ମଶାନ ଚଣ୍ଡୀ ମା’ ନାରାୟଣୀ

କଳା, ସଂସ୍କୃତି ଓ ଭାସ୍କର୍ଯ୍ୟରେ ପୂର୍ଣ୍ଣ ଓଡ଼ିଶାରେ ସର୍ବତ୍ର ଶକ୍ତି ପୀଠମାନ ରହିଛି। ପ୍ରତ୍ୟେକ ଶକ୍ତିପୀଠର ସ୍ବତନ୍ତ୍ରତା ଭିନ୍ନ। ସ୍ବତନ୍ତ୍ର ପ୍ରତିମୂର୍ତ୍ତିକୁ ପୂଜାର୍ଚ୍ଚନା କରାଯାଉଛି। ହେଲେ ମା’ ଓ ପୁଅଙ୍କ ପୂଜାର୍ଚ୍ଚନା ଶକ୍ତିପୀଠ ହୁଏତ ବିରଳ। ଗଞ୍ଜାମ ଜିଲା କଙ୍କୋରଡାରେ ରହିଛି ମା’ନାରାୟଣୀ ଶକ୍ତିପୀଠ, ଯେଉଁଠି ମାତା ଅମ୍ବିକା ଏବଂ ପୁତ୍ର ଗଣେଶ ରହିଛନ୍ତି।

ଷ୍ଟଣ୍ଟ୍‌ ଦେବାକୁ ଯାଇ ଶିଡିରୁ ପଡ଼ିଥିଲି: ଭୂମିକା ଦାଶ

ଷ୍ଟଣ୍ଟ୍‌ ଦେବାକୁ ଯାଇ ଶିଡିରୁ ପଡ଼ିଥିଲି: ଭୂମିକା ଦାଶ

ଅଳ୍ପ ବୟସରୁ ଓଡ଼ିଆ ଚଳଚ୍ଚିତ୍ର ଜଗତରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିବାରେ ସଫଳ ହୋଇଛନ୍ତି ଷ୍ଟାଇଲିଷ୍ଟ ଆଉ ଚୁଲ୍‌ବୁଲି ନାୟିକା ଭୂମିକା ଦାଶ। 

ସେହି ମହିଳାଙ୍କ କଥା ସବୁବେଳେ ମନେପଡ଼େ: ଡାକ୍ତର ଶ୍ରୀପ୍ରସାଦ ମହାନ୍ତି

ସେହି ମହିଳାଙ୍କ କଥା ସବୁବେଳେ ମନେପଡ଼େ: ଡାକ୍ତର ଶ୍ରୀପ୍ରସାଦ ମହାନ୍ତି

୧୯୮୮-୮୯ ମସିହା ଘଟଣା। ପିଜି ପ୍ରବେଶିକା ପରୀକ୍ଷା ଦେବା ପାଇଁ ସମ୍ବଲପୁରର ବୁର୍ଲା ମେଡିକାଲ କଲେଜକୁ ଯାଇଥାଏ। ସେଠାରୁ ଫେରିଲା ବେଳକୁ ରାତି ୩ଟା ବାଜିଯାଇଥାଏ। 

ନଭେମ୍ବର ୨୩ରେ ସାଥୀ ତୁ ଫେରିଆ

ନଭେମ୍ବର ୨୩ରେ ସାଥୀ ତୁ ଫେରିଆ

ମନ ପସନ୍ଦର ସାଥୀଟିଏ ମିଳିଗଲେ ତା’ ସହ ସୁଖଦୁଃଖ ଶେୟାର କରିହୁଏ। ବେଳେବେଳେ ଠିକ୍‌ ବାଟରେ ଯିବାକୁ ସାଥୀ ନିର୍ଣ୍ଣାୟକ ଭୂମିକା ଗ୍ରହଣ କରିଥାଏ। ତେଣୁ ଜୀବନରେ ଭଲ ସାଥୀଟିଏ ନିହାତି ଲୋଡା। 

ପକେଟରେ ରଖନ୍ତୁ ମୟୂର ପର...

ପକେଟରେ ରଖନ୍ତୁ ମୟୂର ପର...

ପକେଟରେ ମୟୂର ପର ରଖିଲେ ଅନେକ ବାଧାବିଘ୍ନ କଟିଯାଇଥାଏ। ଏନେଇ ଜ୍ୟୋତିଷ ଶାସ୍ତ୍ରରେ ଉଲ୍ଲେଖ ରହିଛି। ମୟୂର ପର ବୁଧ ମହାଗ୍ରହଙ୍କୁ ପ୍ରତିନିଧିତ୍ୱ କରେ। 

ନବରାତ୍ରୀରେ କାହିଁକି ପିଆଜ-ରସୁଣ ମନା...

ନବରାତ୍ରୀରେ କାହିଁକି ପିଆଜ-ରସୁଣ ମନା...

ନବରାତ୍ରୀରେ ଦଶମହାବିଦ୍ୟାଙ୍କ ଉପାସନା କରାଯାଏ। ତେଣୁ ଏହି ସମୟରେ ସାଧକ ପ୍ରାୟତଃ ତାମସିକ ଭୋଜନଠାରୁ ଦୂରେଇ ରୁହନ୍ତି। ପିଆଜ ରସୁଣ ତାମସିକ ଖାଦ୍ୟ।