ସମ୍ପାଦକୀୟ |

ଡ୍ୟାନ୍ସ ବାର୍‌ ସଂସ୍କୃତି

ଡ୍ୟାନ୍ସ ବାର୍‌ ସଂସ୍କୃତି

ଆକାର ପଟେଲ

ଡ୍ୟାନ୍ସ ବାର୍‌ ସଂସ୍କୃତି ମୁମ୍ବାଇରୁ, ବିଶେଷତଃ କେନ୍ଦ୍ରୀୟ ମୁମ୍ବାଇ ଅଞ୍ଚଳରୁ ଆରମ୍ଭ ହୋଇଥିଲା। ଏହି ପରମ୍ପରା ସହ ସମ୍ଭବତଃ ଲାଓ୍ବଣୀର ସମ୍ପର୍କ ଅଛି। ଢୋଲକୀ ବାଜାର ତାଳେ ତାଳେ ନାଚ-ଗୀତକୁ ଲାଓ୍ବଣୀ କହନ୍ତି, ଯାହା ହେଉଛି ମହାରାଷ୍ଟ୍ରର ଏକ ପ୍ରାଚୀନ ଲୋକନୃତ୍ୟ। ପୁରୁଷମାନଙ୍କର ଛୋଟ ଛୋଟ ଦଳ ଏବଂ ବେଳେବେଳେ ସେମାନଙ୍କ ପରିବାର ଟେବୁଲରେ ବସି ଏକ ଖୋଲା ସ୍ଥାନ ଆଡ଼କୁ ଚାହିଁଥାନ୍ତି, ଯେଉଁଠି ଅଧ ଡଜନ ମହିଳା ହିନ୍ଦୀ ଗୀତର ତାଳେ ତାଳେ ନୃତ୍ୟ କରୁଥାନ୍ତି। ନୃତ୍ୟାଙ୍ଗନାମାନେ ସମ୍ପୂର୍ଣ୍ଣ ଦେହକୁ ଆବୃତ କଲାଭଳି ବସ୍ତ୍ର ପନ୍ଧିଥାନ୍ତି। ପରିଚାରିକାମାନେ ଦର୍ଶକମାନଙ୍କ ଟେବୁଲ ଉପରେ ମଦ ପରଷନ୍ତି। ଏଠାରେ ଏପରି କି ମୃଦୁ ପାନୀୟ ପାଇଁ ମଧ୍ୟ ବିୟର ଭଳି ମୂଲ୍ୟ ନିଆଯାଏ। କିଛି ପୁରୁଷ ଟେବୁଲ ଛାଡ଼ି ଖୋଲା ସ୍ଥାନ ଆଡ଼କୁ ଯାଆନ୍ତି ଓ ନୃତ୍ୟାଙ୍ଗନାମାନଙ୍କ ଉପରକୁ ଟଙ୍କା ବୃଷ୍ଟି କରନ୍ତି। କିନ୍ତୁ ସେମାନେ ମହିଳାମାନଙ୍କୁ ଛୁଇଁବା ମନା। ଯଦି କେହି କିଛି ବିଶୃଙ୍ଖଳା ସୃଷ୍ଟି କରନ୍ତି, ସେମାନଙ୍କୁ ନିୟନ୍ତ୍ରଣ କରିବା ଏବଂ ଦରକାର ହେଲେ ସେଠାରୁ ହଟାଇବା ପାଇଁ କିଛି ଲୋକ ନିଯୁକ୍ତ ହୋଇଥାନ୍ତି। ଯେଉଁ ଟଙ୍କା ବୃଷ୍ଟି ହୁଏ, ତାକୁ ପରସ୍ପର ଭିତରେ ବାଣ୍ଟି ନେବା ପାଇଁ କିଛି ଗୋଟାଏ ସରଳ ବ୍ୟବସ୍ଥା ଥିବ, ଯାହା ମୋତେ ଜଣାନାହିଁ। ସମ୍ପୃକ୍ତ ନୃତ୍ୟାଙ୍ଗନାମାନେ ସେହି ଟଙ୍କା ଗୋଟାନ୍ତି ନାହିଁ, ତାକୁ ଅନ୍ୟ ଜଣେ ଗୋଟାନ୍ତି।  ଡ୍ୟାନ୍ସ ବାର୍‌ଗୁଡ଼ିକରେ ନୃତ୍ୟ ପାଇଁ ଅନେକ ସ୍ଥାନ ଥାଏ ଏବଂ ଉପର ମହଲାଗୁଡ଼ିକ ଦାମୀ ଗ୍ରାହକଙ୍କ ପାଇଁ ସଂରକ୍ଷିତ ଥାଏ, ଯେଉଁମାନେ ଏକାନ୍ତତା ପାଇଁ ଅଧିକ ଟଙ୍କା ଦେବାକୁ ପ୍ରସ୍ତୁତ ଥାନ୍ତି। କିଛି ଗୀତ ଓ ନାଚ ସରିବା ପରେ ନୃତ୍ୟାଙ୍ଗନାମାନେ ସେ ସ୍ଥାନରୁ ଅନ୍ୟ ସ୍ଥାନକୁ ଚାଲିଯାନ୍ତି, ଯଦି ନିର୍ଦ୍ଦିଷ୍ଟ କୌଣସି ଜଣଙ୍କୁ ଅଧିକ ଟଙ୍କା ଦେଇ କେହି ସେଠି ରହିବାକୁ ଅନୁରୋଧ ନ କରନ୍ତି। 

ବହୁବର୍ଷ ତଳେ କୌତୂହଳବଶତଃ ମୁଁ ଗୋଟିଏ ଡ୍ୟାନ୍ସ ବାର୍‌କୁ ଯାଇଥିଲି। ସେତେବେଳେ ମୁମ୍ବାଇରେ ମୁଁ ଏକ ଖବରକାଗଜର ସମ୍ପାଦନା ଦାୟିତ୍ୱରେ ଥାଏ। ସେଠି ମୋର ଅନୁଭୂତି ଅପ୍ରୀତିକର ବା ନିରାନନ୍ଦମୟ ନ ଥିଲା। ଥାଇଲାଣ୍ଡ ଓ ଜାପାନ ପରି ବିଶ୍ୱର ଅନ୍ୟ ସ୍ଥାନରେ ବି ଅନୁରୂପ ଡ୍ୟାନ୍ସ ବାର୍‌ ରହିଛି। କିନ୍ତୁ ସେଗୁଡ଼ିକ ସେସବୁ ଦେଶର ସରକାରଙ୍କ ଆକ୍ରୋଶର ଶିକାର ହୋଇ ନାହାନ୍ତି, ଯେପରି ଭାରତରେ ଘଟୁଛି। ୧୫ ବର୍ଷ ତଳେ ମୁମ୍ବାଇରେ ବିଳାସରାଓ ଦେଶମୁଖଙ୍କ କଂଗ୍ରେସ ସରକାର ଅମଳରେ ଡ୍ୟାନ୍ସ ବାର୍‌ଗୁଡ଼ିକୁ ନିଷିଦ୍ଧ କରାଯାଇଥିଲା। ଏହା ସ୍ବରାଷ୍ଟ୍ରମନ୍ତ୍ରୀ ଆର୍‌.ଆର୍‌. ପାଟିଲଙ୍କ ସମୟରେ ହୋଇଥିଲା, ଯିଏ ମଫସଲ ଅଞ୍ଚଳରୁ ଆସିଥିଲେ ଏବଂ ବଡ଼ ସହରର ଏସବୁ କାରବାର ତାଙ୍କୁ ଭଲ ଲାଗୁ ନ ଥିଲା। ତାଙ୍କର ଅଭିଯୋଗ ଥିଲା ଯେ ମହିଳାମାନେ ରାତିରେ କାମ କରୁଛନ୍ତି ଏବଂ ସେମାନଙ୍କ ନିରାପତ୍ତା ପାଇଁ ସେ ଏହି ପଦକ୍ଷେପ ନେଇଛନ୍ତି ବୋଲି ଦାବି କରିଥିଲେ। ବାର୍‌ ନର୍ତ୍ତକୀମାନେ ଏହାର ପ୍ରତିବାଦ କରିଥିଲେ ମଧ୍ୟ ସେ ଶୁଣି ନ ଥିଲେ। ଏହାପରେ ଡ୍ୟାନ୍ସ ବାର୍‌ଗୁଡ଼ିକ ଅଣ୍ଡରଗ୍ରାଉଣ୍ଡ ହୋଇଗଲା (ଲୁଚାଛପାରେ ଚାଲିଲା) କିନ୍ତୁ କେନ୍ଦ୍ରୀୟ ମୁମ୍ବାଇର ପ୍ରସିଦ୍ଧ ଡ୍ୟାନ୍ସ ବାର୍‌ଗୁଡ଼ିକ ବନ୍ଦ ହୋଇଗଲା କିମ୍ବା ସେମାନଙ୍କ କାର୍ଯ୍ୟଧାରା ବଦଳିଗଲା। କାରଣ ସେହି ସଂସ୍ଥାଗୁଡ଼ିକ ଆଇନଗତ ଭାବେ ଚାଲୁଥିଲା। ଏହି ନିଷେଧାଦେଶ ଯୋଗୁ ନିର୍ବାଚନ କ୍ଷେତ୍ର ଉପରେ ବିଶେଷ ପ୍ରଭାବ ପଡ଼ିଲା ନାହିଁ କିମ୍ବା ଜନସାଧାରଣଙ୍କର ମଧ୍ୟ ସେମାନଙ୍କ ପ୍ରତି ବିଶେଷ ସମବେଦନା ଦେଖାଗଲା ନାହିଁ। ତେଣୁ ରାଜନୈତିକ ଦଳଗୁଡ଼ିକ ନିଷେଧାଦେଶକୁ ବଳବତ୍ତର ରଖିବାକୁ ଚାହିଁଲେ। 

ନିକଟରେ ସୁପ୍ରିମ୍‌କୋର୍ଟ ଏହି ନିଷେଧାଦେଶକୁ ବେଆଇନ ଘୋଷଣା କରିଛନ୍ତି। ସରକାର ଏହାକୁ ନିୟନ୍ତ୍ରଣ କରିପାରିବେ, ମାତ୍ର ବନ୍ଦ କରିପାରିବେ ନାହିଁ ବୋଲି କୋର୍ଟ କହିଛନ୍ତି। ବିଚାରପତିମାନେ କହିଛନ୍ତି ଯେ, ସାମାଜିକ ମାନଦଣ୍ଡ ଅନୁସାରେ ଯେଉଁ ପରମ୍ପରା ଅନୈତିକ ନୁହେଁ, ତାକୁ ସରକାର ନୈତିକତାର ନିଜସ୍ବ ଅବବୋଧ ଅନୁସାରେ ଅନୈତିକ ବୋଲି କହିପାରିବେ ନାହିଁ। ଏକ ସମାଜରେ ନୈତିକତାର ମାନଦଣ୍ଡ ସମୟକ୍ରମେ ବଦଳିପାରେ। କୋର୍ଟ କହିଲେ ଯେ, ଡ୍ୟାନ୍ସ ବାର୍‌ରେ ମଦ ନିଷେଧ କରିବା ସମ୍ପୂର୍ଣ୍ଣ ଅସଙ୍ଗତ, ଅଯୌକ୍ତିକ ଓ ମନମୁଖି। ଲାଇସେନ୍ସ ଦେବା ପାଇଁ ‘ଭଲ ଚରିତ୍ର’କୁ ଯେଉଁ ମାନଦଣ୍ଡ ଭାବେ ରଖାଯାଇଛି, ତାହା ଅସ୍ପଷ୍ଟ। ପୁଣି କୋର୍ଟ କହିଲେ ଯେ, ଏସବୁ ସ୍ଥାନରେ ସିସିଟିଭି ଲଗାଇବା ପାଇଁ ସରକାର ବାଧ୍ୟ କରିବା ମଧ୍ୟ ଠିକ୍‌ ନୁହେଁ, କାରଣ ଏହା ବ୍ୟକ୍ତିଗତ ଗୋପନୀୟତା ଅଧିକାରକୁ ଉଲ୍ଲଂଘନ କରୁଛି। ନୃତ୍ୟାଙ୍ଗନାଙ୍କ ଉପରେ ମୁଦ୍ରା ବା ନୋଟ୍‌ ବୃଷ୍ଟି କରିବାକୁ ସରକାର ଯାହା ନିଷିଦ୍ଧ କରିଛନ୍ତି, ତାହା ଠିକ୍‌ କାରଣ ଏହାକୁ ନେଇ ଅବାଞ୍ଛିତ ଘଟଣା ଘଟିପାରେ। କିନ୍ତୁ ବ୍ୟକ୍ତିଗତଭାବେ ନୃତ୍ୟାଙ୍ଗନାମାନଙ୍କ ହାତରେ ନେଇ ଟଙ୍କା ଦେବାରେ କୌଣସି ଅସଙ୍ଗତି ନାହିଁ। ତେବେ କୋର୍ଟଙ୍କ ଏହି ମତକୁ ନେଇ ମୁଁ ଆଶ୍ଚର୍ଯ୍ୟ ହେଲି କାରଣ କାହାରି ପ୍ରଦର୍ଶନ ଉପରେ ଖୁସି ହୋଇ ଟଙ୍କା ବୃଷ୍ଟି କରିବା ଭାରତୀୟ ପରମ୍ପରାରେ ଅଛି। ଏପରି କି ବାହାଘର ବେଳେ ବି ଟଙ୍କା ବୃଷ୍ଟି କରାଯାଏ। 

ମୋଟ ଉପରେ କୋର୍ଟଙ୍କ ରାୟ ଖୁବ୍‌ ଉଦାର ଥିଲା। ଏବେ ଏହି ରାୟ ପରେ ମୁମ୍ବାଇରେ କ’ଣ ଘଟୁଛି, ତାହା ଦେଖିବାକୁ ବାକି ରହିଲା। ନର୍ତ୍ତକୀମାନଙ୍କୁ ମାସିକ ଦରମା ଦେବା କଥାକୁ କୋର୍ଟ ପ୍ରତ୍ୟାଖ୍ୟାନ କରିଦେଇଛନ୍ତି କାରଣ ଏହାଦ୍ୱାରା ସମ୍ପୃକ୍ତ ମହିଳାମାନେ ନିର୍ଦ୍ଦିଷ୍ଟ ଡ୍ୟାନ୍ସ ବାର୍‌ ଛଡ଼ା ଅନ୍ୟତ୍ର କାମ କରିବାର ସ୍ବାଧୀନତା ହରାଇବେ। ଆମ ମଧ୍ୟରୁ ଅନେକେ ଡ୍ୟାନ୍ସ ବାର୍‌ ରହୁ ବୋଲି ଚାହାନ୍ତି ନାହିଁ, କାରଣ ସେମାନଙ୍କ ବିଚାରରେ ଏହା ସମାଜ ଉପରେ ଖରାପ ପ୍ରଭାବ ପକାଇବ। ଏହାଦ୍ୱାରା ମହିଳାମାନଙ୍କୁ ଶୋଷଣ କରାଯାଉଛି ବୋଲି ଅନେକେ ମନେ କରନ୍ତି। କିନ୍ତୁ ଆମେ କେହି ଏ ସମ୍ପର୍କରେ ସମ୍ପୃକ୍ତା ମହିଳାଙ୍କ ମତାମତ ଜାଣିବାକୁ ଚେଷ୍ଟା କରି ନ ଥାଉ। ଆମେ ଅନେକେ ଭାବୁ ମହିଳାମାନେ ଘରେ ରହି ଘରକାମ କରିବା ଉଚିତ, ବାହାରେ ଯାଇ କାମ କରିବା ଉଚିତ ନୁହେଁ, ଡ୍ୟାନ୍ସ ବାର୍‌ କଥା ଦୂରେ ଥାଉ। ତେଣୁ ସୁପ୍ରିମ୍‌କୋର୍ଟଙ୍କ ରାୟ ଅନେକଙ୍କୁ ଖରାପ ଲାଗିଲେ ବି କୋର୍ଟ ଯାହା କହିଛନ୍ତି, ମୋ ମତରେ ତାହା ଯଥାର୍ଥ।   

Email: aakar.patel@gmail.com

All Right Reserved By

ସମ୍ପାଦକୀୟ |

ମିଶ୍ରିତ ଦ୍ୱନ୍ଦ୍ୱ

ମିଶ୍ରିତ ଦ୍ୱନ୍ଦ୍ୱ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ଜାତୀୟ ନମୁନା ସର୍ଭେ କାର୍ଯ୍ୟାଳୟ (ଏନ୍‌ଏସ୍‌ଏସ୍‌ଓ)ର ଲେବର ସର୍ଭେ ରିପୋର୍ଟ ଏକ ଡ୍ରାଫ୍ଟ ମାତ୍ର, ଏହା ସର୍ବଶେଷ ରିପୋର୍ଟ ନୁହେଁ ବୋଲି ମୋଦି ସରକାର ଦାବି କରିବାର କେଇଦିନ ପରେ ଶ୍ରମ ଓ ନିଯୁକ୍ତି ମନ୍ତ୍ରୀ ସନ୍ତୋଷ କୁମାର ଗଙ୍ଗଓ୍ବାର ଲୋକ ସଭା..

ପ୍ରବାସୀ ଓ ଆପ୍ରବାସୀ

ପ୍ରବାସୀ ଓ ଆପ୍ରବାସୀ

ଶରତ ଚନ୍ଦ୍ର ମିଶ୍ର

ପ୍ରତ୍ୟେକ ଦେଶରେ ଅଳ୍ପବହୁତ ବିଦେଶାଗତ ବ୍ୟକ୍ତି ଥାଆନ୍ତି ଓ କେତେକ ସ୍ଥାନରେ ସେମାନେ ନାଗରିକତ୍ୱ ଲାଭକରି ପୁରୁଷାନୁକ୍ରମେ ସେଠାରେ ବାସ କରନ୍ତି। ଯେଉଁମାନେ ବିଦେଶରେ ଯାଇ ରହନ୍ତି ଆମେ ସେମାନଙ୍କୁ ପ୍ରବାସୀ କହୁ, ଆଉ ସେ ଦେଶର ଲୋକମାନେ ସେମାନଙ୍କୁ ଆପ୍ରବାସୀ କହନ୍ତି। ଧନୀ ଓ ଉନ୍ନତ ରାଷ୍ଟ୍ର, ବିକାଶଶୀଳ ଓ ଜନବହୁଳ ରାଷ୍ଟ୍ରଗୁଡ଼ିକର ଆପ୍ରବାସୀ..

ମହାଦାନୀ

ମହାଦାନୀ

ଶିବରାମ ଶତପଥୀ

ପୁରାଣ ପୃଷ୍ଠା ଓଲଟାଇଲେ ଆମେ କେତେଜଣ ମହାଦାନୀଙ୍କ ବିଷୟରେ ଅବଗତ ହେଉ। ସୂର୍ଯ୍ୟବଂଶର ପ୍ରାତଃସ୍ମରଣୀୟ ସମ୍ରାଟ୍‌ ହରିଶ୍ଚନ୍ଦ୍ର ନିଜର ରାଜ୍ୟ ସହ ସର୍ବସ୍ବ ଦାନ କରିବା ପରେ ଦକ୍ଷିଣା ଦେବା ପାଇଁ ନିଜର ପତ୍ନୀ ଓ ପୁତ୍ରକୁ ବିକ୍ରିକରି ପରିଶେଷରେ ନିଜକୁ ଚଣ୍ଡାଳ ହାତରେ ବିକିଦେଇ ଶ୍ମଶାନ ରକ୍ଷକ ସାଜିଥିଲେ। ବିଷ୍ଣୁଭକ୍ତ ବଳିରାଜା ଗୁରୁ ଶୁକ୍ରାଚାର୍ଯ୍ୟଙ୍କ ଉପଦେଶ ନ ମାନି ବାମନଙ୍କୁ ତ୍ରିପାଦ ଭୂମିଦାନ କରି ପାତାଳଗାମୀ ହୋଇଥିଲେ। ମହାରାଜା ଶିବି ଶରଣାଗତ କପୋତକୁ ରକ୍ଷା..

ଏଇ ଭାରତରେ

ଏଇ ଭାରତରେ

ଭାରତବର୍ଷ ଏକ ମନ୍ଦିରମାଳିନୀ ଦେଶ। ଅନେକ ମନ୍ଦିରରେ ଅଲୌକିକ ଘଟଣା ଘଟୁଥିବା ଦେଖିବାକୁ ମିଳେ। ଏଭଳି ଘଟଣାମାନ କାହିଁ କେତେ ବର୍ଷରୁ ଚଳିଆସୁଛି, ଯାହାର ଉତ୍ତର ଦେବାକୁ ଆଧୁନିକ ବିଜ୍ଞାନ ମଧ୍ୟ ସକ୍ଷମ ହୋଇପାରି ନାହିଁ। ଆମ ଦେଶରେ ଏପରି ମନ୍ଦିର ରହିଛି, ଯେଉଁଠାରେ ଏକ ଅଖଣ୍ଡ ଦୀପ ଦୀର୍ଘ ୫୫୦ ବର୍ଷ ଧରି ଜଳିଆସୁଛି। ମଧ୍ୟପ୍ରଦେଶର ମନାସା ସହରଠାରୁ ପ୍ରା..

ଆଜିର ଅର୍ଥନୀତି/ସନ୍ଦେହଘେରରେ ଟିକସଦାତା

ଆଜିର ଅର୍ଥନୀତି/ସନ୍ଦେହଘେରରେ ଟିକସଦାତା

ଅର୍ଥମନ୍ତ୍ରୀ ପୀୟୂଷ ଗୋୟଲ ବାର୍ଷିକ ପାଞ୍ଚଲକ୍ଷ ଟଙ୍କା ପର୍ଯ୍ୟନ୍ତ ଆୟକାରୀମାନଙ୍କ ଆୟକରରେ ଯେଉଁ ରିହାତି ଘୋଷଣା କରିଥିଲେ ତାକୁ ନେଇ ଉପୁଜିଥିବା ଦ୍ୱନ୍ଦ୍ୱ ୧୦ ଦିନ ପରେ ବି ଦୂର ହୋଇପାରିଲା ନାହିଁ। ଫେବୃୟାରୀ ପହିଲାରେ ଉପସ୍ଥାପିତ ଅନ୍ତରୀଣ ବଜେଟରେ ଗୋୟଲ ଘୋଷଣା କରିଥିଲେ ଯେ, ଯେଉଁମାନଙ୍କର ବ୍ୟକ୍ତିଗତ ବାର୍ଷିକ ମୋଟ ଆୟ ୫ ଲକ୍ଷ ଟଙ୍କାରୁ ଅଧିକ ହୋଇ ନ ଥିବ, ତାଙ୍କୁ ଆୟକରରେ ରିହାତି ମିଳିବ। ଏହି ଘୋଷଣା ପରେ କିଏ ପ୍ରକୃତରେ ଟିକସ ସୁବିଧା ପାଇବ ଓ କିଏ ପାଇବ ନା..

 ରାଜ୍ୟ ସରକାରଙ୍କ ଅନ୍ତରୀଣ ବଜେଟ

ରାଜ୍ୟ ସରକାରଙ୍କ ଅନ୍ତରୀଣ ବଜେଟ

ଡ. ସନ୍ତୋଷ କୁମାର ମହାପାତ୍ର

ଫେବୃୟାରୀ ୭ ତାରିଖରେ ରାଜ୍ୟ ଅର୍ଥମନ୍ତ୍ରୀ ଶଶିଭୂଷଣ ବେହେରା ୨୦୧୯-୨୦ ଆର୍ଥିକ ବର୍ଷ ପାଇଁ ଲେଖାନୁଦାନ ଉପସ୍ଥାପନ କରିଛନ୍ତି। ବଜେଟରେ ମୋଟ ବ୍ୟୟ ଅଟକଳ ୧,୩୨,୬୬୦ କୋଟି ଟଙ୍କା ଧାର୍ଯ୍ୟ କରାଯାଇଥିଲା ବେଳେ ଏପ୍ରିଲରୁ ଜୁଲାଇ ୨୦୧୯ ପାଇଁ ୫୬,୯୨୧କୋଟି ଟଙ୍କାର ଲେଖାନୁଦାନ ଉପସ୍ଥାପନ କରାଯାଇଛି। ଏହା ବେହେରାଙ୍କ ଜୀବନର ଦ୍ୱିତୀୟ ବଜେଟ ହୋଇଥିଲା ବେଳେ ନିର୍ବାଚନ ପୂର୍ବର ଶେଷ ଅନ୍ତରୀଣ ବଜେଟ। ଅର୍ଥମନ୍ତ୍ରୀଙ୍କ କହିବା ଅନୁଯାୟୀ ଯେହେତୁ ନିର୍ବାଚନ ଆଗକୁ ଅଛି ତେଣୁ ସେ ପୂର୍ଣ୍ଣାଙ୍ଗ ବଜେଟ ଉପସ୍ଥାପନ ନ କରି ଏପ୍ରିଲରୁ ଜୁଲାଇ ପର୍ଯ୍ୟନ୍ତ ବ୍ୟୟ ପାଇଁ ଲେଖାନୁଦାନ ଉପସ୍ଥାପ..

 ପ୍ରଶାସନିକ ନା ପ୍ରାଶାସନିକ

ପ୍ରଶାସନିକ ନା ପ୍ରାଶାସନିକ

ଡ. ସଦାନନ୍ଦ ନାୟକ

ଖବରକାଗଜ କେବଳ ଖବର ପରିବେଷଣ କରେନାହିଁ, ତାହା ସମ୍ପୃକ୍ତ ଭାଷାର ସମୃଦ୍ଧି ସାଧନରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରେ। ନିର୍ଦ୍ଦିଷ୍ଟ ସମୟରେ ଭାଷା ଏତେସଂଖ୍ୟକ ପାଠକଙ୍କ ପାଖରେ ପହଞ୍ଚିବାର ଏହା ହେଉଛି ସର୍ବୋତ୍କୃଷ୍ଟ ମାଧ୍ୟମ। ଖବରକାଗଜର ଭାଷାକୁ ଲୋକମାନେ ମାନକ ଭାଷା ରୂପେ ଗ୍ରହଣ କରିଥାନ୍ତି। ଶବ୍ଦଜ୍ଞାନ ବୃଦ୍ଧି ନିମନ୍ତେ ଅନେକେ ଖବରକାଗଜକୁ ହିଁ ଆଶ୍ର..

ଏଇ ଭାରତରେ

ଏଇ ଭାରତରେ

ଶିକ୍ଷାର୍ଥୀଙ୍କ ଜୀବନରେ ପରୀକ୍ଷା ଖୁବ୍‌ ଗୁରୁତ୍ୱପୂର୍ଣ୍ଣ। ପରୀକ୍ଷା ଦେବାରୁ ବଞ୍ଚତ୍ତ ହେଲେ ଗୋଟିଏ ବର୍ଷ ନଷ୍ଟ କରିବାକୁ ପଡେ। ତେଣୁ ସବୁ କିଛି ପ୍ରତିବନ୍ଧକକୁ ଏଡାଇ ପରୀକ୍ଷା ହଲ୍‌ରେ ପହଞ୍ଚତ୍ବା ଜରୁରୀ। ଜଣେ ବ୍ୟକ୍ତି ତାଙ୍କ ଝିଅକୁ ପରୀକ୍ଷାକେନ୍ଦ୍ରକୁ ନେଉଥିବା  ବେ..

 ବୁଦ୍ଧିଆ ପ୍ରାଣୀ ଛେଳି

ବୁଦ୍ଧିଆ ପ୍ରାଣୀ ଛେଳି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଜଣେ ବ୍ୟକ୍ତି ଏକ କଂସେଇଖାନାରୁ ଗୋଟିଏ ଅଣ୍ଡିରା ଛେଳିକୁ ଉଦ୍ଧାର କରି ସଞ୍ଜୟ ଗାନ୍ଧୀ ଆନିମଲ କେୟାର ସେଣ୍ଟରରେ ଦେଲେ। ଆମେ ତାକୁ ମୁକ୍ତ ଭାବରେ ପରିସରରେ ଦୌଡ଼ିବା ପାଇଁ ଅନୁମତି ଦେଲୁ। ଦେଖାଗଲା ଅଳ୍ପ ସମୟ ଭିତରେ ସେ ଦଳେ କୁକୁରଙ୍କର ଦଳପତି ହୋଇଗଲା ଏବଂ କୁକୁରମାନେ ସମ୍ମାନଜନକ ଦୂରତାରେ ରହି ତାକୁ ଅନୁସରଣ କରିବାକୁ ଲାଗିଲେ।..

ଆଦିବାସୀ ମେଳା

ଆଦିବାସୀ ମେଳା

ବିଚିତ୍ର ବିଶ୍ୱାଳ

ନିକଟ ଅତୀତରେ ରାଜଧାନୀ ଭୁବନେଶ୍ୱରରେ ସରକାରଙ୍କ ତରଫରୁ ରାଜ୍ୟସ୍ତରୀୟ ଆଦିବାସୀ ମେଳା ଅନୁଷ୍ଠିତ ହୋଇଯାଇଛି। ଏହି ମେଳା ଯୋଗୁ କିଛି ସମୟ ପାଇଁ ରାଜଧାନୀର ପ୍ରଦର୍ଶନୀପଡ଼ିଆ ଆଦିବାସୀ ଗାଁର ଭ୍ରମ ସୃଷ୍ଟି କରେ। ରାଜଧାନୀର ବଡ଼ବଡ଼ିଆ ବାବୁମାନେ ମେଳା ବୁଲିବୁଲି ଆଦିବାସୀମାନଙ୍କୁ ଦେଖନ୍ତି ଓ ସେମାନଙ୍କ ଉପତ୍ାଦିତ ସାମଗ୍ରୀ କିଣିଥାନ୍ତି। ଏହି ମେଳାରେ ଭିନ୍ନ ଭିନ୍ନ ସମ୍ପ୍ରଦାୟର ଆଦିବାସୀମାନଙ୍କ ପାଇଁ ଘର ତିଆରି କରି ଲୋକଙ୍କ ଦର୍ଶନ ପାଇଁ ସେମାନଙ୍କୁ ଯେମିତି ରଖାଯାଇଥାଏ, ଦୂ..

 ପ୍ରେମ ଏକ ପାଟମଠାଶାଢ଼ି

ପ୍ରେମ ଏକ ପାଟମଠାଶାଢ଼ି

ଡ. ଭାଗ୍ୟଲିପି ମଲ୍ଲ

ଆଜି ଭାଲେଣ୍ଟାଇନ୍‌ ଡ଼େ’। ପ୍ରେମ ଦିବସ। ପ୍ରେମର ସ୍ମୃତିରେ ସମଗ୍ର ବିଶ୍ୱ ପାଳନ କରୁଛି ଏହି ଦିବସ। ତେବେ ପ୍ରେମର ଜନ୍ମ କ’ଣ ଆଜି ଓ ଆଜି ହିଁ ତା’ର ମୃତ୍ୟୁ? ପ୍ରେମକୁ ନେଇ କେତେ କଥା। ପ୍ରେମ କାଳେ ପ୍ରାପ୍ତିରେ ମିଳେନା, ମିଳେ ଅପ୍ରାପ୍ତିରେ। ପୁଣି ମିଳନଠୁ ବେଶି ମିଳେ ବିରହରେ। ପୂର୍ଣ୍ଣତା ଅପେକ୍ଷା ଶୂନ୍ୟତାରେ ହୁଏ ଅଧିକ ଗାଢ଼ ଏବଂ ଏହି ପ୍ରେ..

ଏଇ ଭାରତରେ

ଏଇ ଭାରତରେ

ହରିଦ୍ୱାରରେ ଏପରି ଏକ ଆଶ୍ରମ ରହିଛି, ଯେଉଁଠି ଏହାର  ଯଜ୍ଞଶାଳାରେ ଦୀର୍ଘ ୪୫ ବର୍ଷ ଧରି ଅଖଣ୍ଡ ଅଗ୍ନି ପ୍ରଜ୍ୱଳିତ  ହୋଇରହିଛି। ଏଠାରେ ପ୍ରତିଦିନ ସକାଳେ ଦୁଇ ଘଣ୍ଟା ଧରି ଯଜ୍ଞ ହୋଇଥାଏ। ଯଜ୍ଞ ପରେ ଲୁହା ପ୍ଲେଟ୍‌ରେ  ଏହାକୁ ଢାଙ୍କି ଦିଆଯାଏ। ପରବର୍ତ୍ତୀ ଦିନ ସକାଳେ ପୁଣି  ଲୁହା ପ୍ଲେଟ୍‌କୁ ହଟାଇ ଦିଆଯାଇ ସେଥିରେ ଶୁଖିଲା କାଠ ରଖି ଦିଆଯାଏ। କାଠ ରଖାଯିବା ପରେ ସ୍ବତଃ ଅଗ୍ନି ପ୍ରଜ୍ୱ..