ଅନଗୁଳ-ଢେଙ୍କାନାଳ

‘କାଳିଆ’ରେ ସାମିଲ ହେବାକୁ ପଡ଼ିଛି ୨,୩୯,୪୯୦ ଫର୍ମ: ଏତେ ସଂଖ୍ୟକ ଆବେଦନକୁ ନେଇ ଅଡ଼ୁଆ

‘କାଳିଆ’ରେ ସାମିଲ ହେବାକୁ ପଡ଼ିଛି ୨,୩୯,୪୯୦ ଫର୍ମ: ଏତେ ସଂଖ୍ୟକ ଆବେଦନକୁ ନେଇ ଅଡ଼ୁଆ

ଅନୁଗୋଳ ଅଫିସ, ୧୯।୧: ରାଜ୍ୟ ସରକାରଙ୍କ କାଳିଆ ଯୋଜନାରେ ସାମିଲ ପାଇଁ ଅନୁଗୋଳ ଜିଲାରେ ୨ ଲକ୍ଷ ୩୯ ହଜାର ୪୯୦ ଜଣ ଚାଷୀ ଆବେଦନ କରିଛନ୍ତି। ସେମାନଙ୍କ ମଧ୍ୟରେ ବଅଁରପାଳରୁ ସର୍ବାଧିକ ଆବେଦନକାରୀ ଅଛନ୍ତି। ଆସନ୍ତା ୨୦ ତାରିଖ ରାତି ସୁଦ୍ଧା ଅନ୍‌ଲାଇନ୍‌ ଏଣ୍ଟ୍ରି ଶେଷ ହେବ। ଯେଉଁ ଚାଷୀମାନେ ନିର୍ଭୁଲ ଭାବେ ସବୁଜ ଫର୍ମ ପୂରଣ କରିଛନ୍ତି ସେମାନଙ୍କୁ କାଟାଗୋରୀ-୧ରେ ରଖାଯାଇଛି। ସେହିଭଳି ଜମିହୀନ ଚାଷୀଙ୍କୁ କାଟାଗୋରୀ-୨ ଓ ଭୁଲ ଫର୍ମ ପକାଇଥିବା ସରକାରୀ ତଥା କରଦାତା ଆବେଦନକାରୀଙ୍କୁ କାଟାଗୋରୀ-୩ରେ ରଖାଯାଇଛି। ଏସବୁ ଯାଞ୍ଚ କରାଯିବା ପରେ କାଳିଆ ଯୋଜନାରେ ଉପଯୁକ୍ତ ଚାଷୀଙ୍କୁ ଅନ୍ତର୍ଭୁକ୍ତ କରାଯିବ ବୋଲି ଜିଲା ଉପ କୃଷି ନିର୍ଦ୍ଦେଶକ ବିଜୟ ମହାପାତ୍ର ସୂଚନା ଦେଇଛନ୍ତି।

ସେ କହିଛନ୍ତି, କାଳିଆ ଯୋଜନା ଆବେଦନ ତାରିଖ ଜାନୁୟାରୀ ୧୫ ତାରିଖ ରଖାଯାଇଥିଲା। ଜିଲାରେ ଥିବା ଚାଷୀଙ୍କ ତୁଳନାରେ ଆବେଦନ ଫର୍ମ ଅଧିକ ଆସିଥିଲା। ୨୦୧୧ ଜନଗଣନା ମୁତାବକ ଅନୁଗୋଳ ଜିଲାରେ ଚାଷୀ ପରିବାର ସଂଖ୍ୟା ୧ ଲକ୍ଷ ୩୬ ହଜାର ୬୧୩ ଥିଲା। କିନ୍ତୁ କାଳିଆ ଯୋଜନା ପାଇଁ ୨ ଲକ୍ଷ ୩୯ ହଜାର ୪୯୦ ଜଣ ଆବେଦନ କରିଥିବାରୁ ଚାଷୀଙ୍କ ସଂଖ୍ୟା ଗତ ୮ ବର୍ଷ ମଧ୍ୟରେ ୧ ଲକ୍ଷ ୨ ହଜାର ୮୭୭ ବଢ଼ିଥିବା ଏହି ସରକାରୀ ତଥ୍ୟ କହୁଛି। ତେବେ ସରକାରଙ୍କ କାଳିଆ ଯୋଜନାରେ ଅର୍ନ୍ତଭୁକ୍ତ ହେବାକୁ ଗୋଟିଏ ପରିବାରରୁ ବାପା-ପୁଅ, ମା-ଝିଅ ଏବଂ ସ୍ତ୍ରୀ-ସ୍ବାମୀ ଆବେଦନ କରିଥିବାରୁ ଯୋଜନାକୁ ନେଇ ଅଡ଼ୁଆ ବଢ଼ିଯାଇଛି। କୃଷି ବିଭାଗ କରିଥିବା ୩ଟି କାଟାଗୋରୀରେ କେଉଁ ଆଧାରରେ ଏ ସବୁ ଆବେଦନପତ୍ର ଯାଞ୍ଚ କରି ଯୋଗ୍ୟ, ଅଯୋଗ୍ୟଙ୍କୁ ଚୟନ କରାଯିବ ସେ ନେଇ ଅଡ଼ୁଆ ସୃଷ୍ଟି ହୋଇଛି। ଏତେସଂଖ୍ୟକ ଆବେଦନକାରୀଙ୍କ ମଧ୍ୟରୁ ଯାଞ୍ଚ ପରେ କେବଳ ଜିଲାର କ୍ଷୁଦ୍ର, ନାମମାତ୍ର, ଭୂମିହୀନ ଓ ଭାଗ ଚାଷୀ ତଥା କୃଷି ଶ୍ରମିକଙ୍କ ପରିବାର ଯୋଜନା ପାଇଁ ଯୋଗ୍ୟ ବିବେଚିତ ହୋଇପାରିବେ। କୃଷି ଅଧିକାରୀମାନେ ସ୍କ୍ରୁଟିନ କରୁଛନ୍ତି। ଜଣେ କୃଷକ, ତାଙ୍କ ସ୍ତ୍ରୀ ଓ ତାଙ୍କ ଉପରେ ନିର୍ଭରଶୀଳ ସନ୍ତାନଙ୍କୁ ଗୋଟିଏ କୃଷକ ପରିବାର ଭାବେ ଧରାଯାଇଛି। ସେମାନଙ୍କ ମଧ୍ୟରୁ ଜଣଙ୍କୁ କାଳିଆ ସୁବିଧା ମିଳିବ। ଅନ୍ୟମାନଙ୍କ ଆବେଦନକୁ ଖାରଜ କରାଯିବ। ଏଥିସହ ସରକାରୀ କର୍ମଚାରୀ ଓ କରଦାତାଙ୍କ ତାଲିକା ମଧ୍ୟ ପ୍ରସ୍ତୁତ କରାଯାଇ ତାଙ୍କୁ ଏହି ଯୋଜନାରୁ ବାଦ ଦିଆଯିବ। ପ୍ରଥମ ପର୍ଯ୍ୟାୟରେ ଯେଉଁମାନଙ୍କ ସବୁଜ ଫର୍ମ ଆବେଦନ ଠିକ୍‌ ରହିଛି ସେମାନଙ୍କୁ ଟଙ୍କା ପ୍ରଦାନ କରାଯିବ ବୋଲି ଜିଲା ଉପ କୃଷି ନିର୍ଦ୍ଦେଶକ ମହାପାତ୍ର ପ୍ରକାଶ କରିଛନ୍ତି।

All Right Reserved By

ଅନଗୁଳ-ଢେଙ୍କାନାଳ

ଶହୀଦଙ୍କ ପାଇଁ ଶୋକ

ଶହୀଦଙ୍କ ପାଇଁ ଶୋକ

ମାଧପୁର, ୧୮।୨(ଡି.ଏନ.ଏ.): ଅନୁଗୋଳ ଜିଲା ମାଧପୁର  ପଞ୍ଚାୟତ କାର୍ଯ୍ୟାଳୟ ପରିସରରେ ସ୍ଥାନୀୟ ବ୍ୟବସାୟୀ ସଂଘ ଏବଂ ବୁଦ୍ଧିଜୀବୀଙ୍କୁ ନେଇ  ଏକ ଶୋକସଭା ଅନୁଷ୍ଠିତ ହୋଇଯାଇଛି।

ପାରିବାରିକ କଳହକୁ ନେଇ ଆତ୍ମହତ୍ୟା

ପାରିବାରିକ କଳହକୁ ନେଇ ଆତ୍ମହତ୍ୟା

ଅନୁଗୋଳ ଅଫିସ୍‌, ୧୮।୨: ଅନୁଗୋଳ ଥାନା ଶାବଳ ଭଙ୍ଗା ସଡକ ସାହିର ଅରୁଣ ପରିଡ଼ା(୩୦) ସୋମବାର ଭୋର ସମୟରେ ଗଛରେ ରଶି ଲଗାଇ ଆତ୍ମହତ୍ୟା କରିଛନ୍ତି। 

ଶିକ୍ଷା ବିଭାଗ ପାଖରେ ଖବର ନାହିଁ: ମାଟ୍ରିକ୍‌ ନିରୀକ୍ଷକ ତାଲିକାରେ ମୃତ ଶିକ୍ଷକଙ୍କ ନାଁ

ଶିକ୍ଷା ବିଭାଗ ପାଖରେ ଖବର ନାହିଁ: ମାଟ୍ରିକ୍‌ ନିରୀକ୍ଷକ ତାଲିକାରେ ମୃତ ଶିକ୍ଷକଙ୍କ ନାଁ

ଛେଣ୍ଡିପଦା,୧୮।୨(ସ୍ବ.ପ୍ର.) ଅନୁଗୋଳ ଜିଲା ଛେଣ୍ଡିପଦା ବ୍ଲକରେ ଚଳିତ ବର୍ଷ ହେବାକୁ ଥିବା ମାଟ୍ରିକ ପରୀକ୍ଷା ପରିଚାଳନାରେ ମୃତ ଓ ଅବସରପ୍ରାପ୍ତ ଶିକ୍ଷକଙ୍କୁ ନିଯୁକ୍ତ କରାଯାଇଥିବା ଦେଖିବାକୁ ମିଳିଛି। 

ଆଜିଠୁ ଯୋରନ୍ଦା ମାଘମେଳା

ଆଜିଠୁ ଯୋରନ୍ଦା ମାଘମେଳା

ଢେଙ୍କାନାଳ ଅଫିସ, ୧୮।୨: ବିଶ୍ୱପ୍ରସିଦ୍ଧ ମହିମାଧର୍ମ ପୀଠସ୍ଥଳୀ ଯୋରନ୍ଦାରେ ସୋମବାରଠାରୁ ଆରମ୍ଭ ହେଉଛି ମାଘମେଳା। ଏହାକୁ ମାତ୍ର କେଇଘଣ୍ଟା ବାକିଥିବାବେଳେ  ରବିବାରଠାରୁ ଲାଗିଲାଣି ସାଧୁ, ସନ୍ନ୍ୟାସୀ, ଶ୍ରଦ୍ଧାଳୁଙ୍କ ଭିଡ଼। 

ନାବାଳିକା ବଳାତ୍କାର ଓ ହତ୍ୟା ଘଟଣା: ନିର୍ଦ୍ଧାରିତ ସମୟ ପୂର୍ବରୁ ଦାଖଲ ହେବ ଚାର୍ଜଶିଟ

ଅନୁଗୋଳ ଅଫିସ, ୧୮।୨: ଅନୁଗୋଳ ସହର ଉପକଣ୍ଠରେ ଜାନୁୟାରୀ ୨୦ରେ ଘଟିଥିବା ବହୁ ଚର୍ଚ୍ଚିତ ନାବାଳିକା ବଳାତ୍କାର ଓ ହତ୍ୟା ଘଟଣାକୁ ଆଉ ଦୁଇଦିନ ପରେ ମାସେ ପୂରିଯିବ। 

ମେଗା ଆଇନ ସଚେତନତା ଶିବିର: ଯୋଗ୍ୟଙ୍କୁ ମିଳୁ ସୁଫଳ

ଅନୁଗୋଳ ଅଫିସ, ୧୮।୨: ଜନସାଧାରଣଙ୍କୁ ତ୍ୱରିତ ନ୍ୟାୟ ପ୍ରଦାନ ଉଦ୍ଦେଶ୍ୟରେ ରାଜ୍ୟ ଆଇନ ସେବା ପ୍ରାଧିକରଣ, ଜିଲା ଆଇନ ସେବା ପ୍ରାଧିକରଣ ଓ ଜିଲା ପ୍ରଶାସନର ମିଳିତ ସହଯୋଗରେ ବିଜୁ ମଇଦାନ ଠାରେ ରବିବାର ମେଗା ଆଇନ ସେବା ଶିବିର ଅନୁଷ୍ଠିତ ହୋଇଯାଇଛି।

୭୯.୫୫ କୋଟି ଟଙ୍କାର ପ୍ରକଳ୍ପ ଶିଳାନ୍ୟାସ

୭୯.୫୫ କୋଟି ଟଙ୍କାର ପ୍ରକଳ୍ପ ଶିଳାନ୍ୟାସ

କାମାକ୍ଷାନଗର, ୧୮।୨(ଡି.ଏନ.ଏ.) ମୁଖ୍ୟମନ୍ତ୍ରୀଙ୍କ ରାଜ୍ୟ ବିକାଶ   କାର୍ଯ୍ୟକ୍ରମରେ କାମାକ୍ଷାନଗର ସାମିଲ ହୋଇଛି। ଆଗାମୀ ଦିନରେ କାମାକ୍ଷାନଗରକୁ ଆଦର୍ଶ ସହର ଭାବେ ଗଢ଼ିତୋଳିବା ପାଇଁ ଚେଷ୍ଟା ଜାରିରହିଛି। ସହରକୁ ଅନେକ ରାସ୍ତାସହ ଯୋଡ଼ାଯାଇପାରିଛି। 

ଆନ୍ଦୋଳନ ଯୋଗୁ ହୋଇପାରୁନି କୋଇଲା ଯୋଗାଣ: ସଙ୍କଟରେ ଏନ୍‌ଟିପିସି

ଆନ୍ଦୋଳନ ଯୋଗୁ ହୋଇପାରୁନି କୋଇଲା ଯୋଗାଣ: ସଙ୍କଟରେ ଏନ୍‌ଟିପିସି

ତାଳଚେର,୧୮ା୨(ନି.ପ୍ର.)-  ଖଣି କ୍ଷତିଗ୍ରସ୍ତଙ୍କ ଘନ ଘନ ଆନ୍ଦୋଳନ ଯୋଗୁ ପ୍ରଭାବିତ ହୋଇଛି ଅନୁଗୋଳ ଜିଲା କଣିହାଁ ସ୍ଥିତ ଏନ୍‌ଟିପିସି ବିଦ୍ୟୁତ୍‌ ପ୍ରକଳ୍ପ। ୩ ହଜାର ମେଗାଓ୍ବାଟ୍‌ ଉତ୍ପାଦନ ବିଶିଷ୍ଟ ଏହି ପ୍ରକଳ୍ପରେ ଘୋର କୋଇଲା ସଙ୍କଟ ଉପୁଜିଛି।

ସୁନାଗରିକ ହେବାକୁ ଆହ୍ବାନ

ସୁନାଗରିକ ହେବାକୁ ଆହ୍ବାନ

କାମାକ୍ଷାନଗର, ୧୭।୨(ଡି.ଏନ.ଏ.)-କାମାକ୍ଷାନଗର ଜନ୍ତାରିବୋଲସ୍ଥିତ ଆଦର୍ଶ ବିଦ୍ୟାଳୟର ୨ୟ ବାର୍ଷିକ ଉତ୍ସବ ରବିବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି। ଅଭିଭାବକ ପରିଚାଳନା କମିଟି ସଭାପତି ଧର୍ମାନନ୍ଦ ପରିଡ଼ାଙ୍କ ଅଧ୍ୟକ୍ଷତାରେ ଆୟୋଜିତ ସମାରୋହରେ ଅଧ୍ୟକ୍ଷ ଟୁନା ପରିଡ଼ା ସ୍ବାଗତ ଭାଷଣ ଦେଇଥିଲେ। 

ଗଛରେ ପିଟିହେଲା ବାଇକ୍‌, ଚାଳକ ମୃତ

ଗଛରେ ପିଟିହେଲା ବାଇକ୍‌, ଚାଳକ ମୃତ

କାମାକ୍ଷାନଗର, ୧୭।୨(ଡି.ଏନ.ଏ.)-କଙ୍କଡ଼ାହାଡ଼ ଥାନା ତଣ୍ଡିମୁଣ୍ଡା ଛକରେ ରବିବାର ଅପରାହ୍ନରେ ଏକ ବାଇକ୍‌ ଗଛରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ କାଳିଆପାଣି ଟାଉନଶିପ୍‌ର ଛତିଶ ଚନ୍ଦ୍ର ମହାନ୍ତିଙ୍କ ପୁଅ ଭାଗୀରଥ (୨୪) ପ୍ରାଣ ହରାଇଛନ୍ତି। 

ସୋମବାରଠାରୁ ଯୋରନ୍ଦା ମାଘମେଳା: ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ସମ୍ଭାବନା

ସୋମବାରଠାରୁ ଯୋରନ୍ଦା ମାଘମେଳା: ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ସମ୍ଭାବନା

ଢେଙ୍କାନାଳ ଅଫିସ, ୧୭।୨-ବିଶ୍ୱପ୍ରସିଦ୍ଧ ମହିମାଧର୍ମ ପୀଠସ୍ଥଳୀ ଯୋରନ୍ଦାରେ ସୋମବାରଠାରୁ ଆରମ୍ଭ ହେଉଛି ମାଘମେଳା। ଏହାକୁ ମାତ୍ର କେଇଘଣ୍ଟା ବାକିଥିବାବେଳେ  ରବିବାରଠାରୁ ଲାଗିଲାଣି ସାଧୁ, ସନ୍ୟାସୀ, ଶ୍ରଦ୍ଧାଳୁଙ୍କ ଭିଡ଼। ମନ୍ଦିର କମିଟି ପକ୍ଷରୁ ମେଳା ପାଇଁ ନୀତିନିର୍ଘଣ୍ଟ ସ୍ଥିରୀକୃତ ହୋଇଛି।

ବାଇକ୍‌କୁ ଧକ୍କା ଦେଲା କାର୍‌: ମା’, ପୁଅ-ବୋହୂ ଗୁରୁତର

ବାଇକ୍‌କୁ ଧକ୍କା ଦେଲା କାର୍‌: ମା’, ପୁଅ-ବୋହୂ ଗୁରୁତର

ପାଲଲହଡ଼ା,୧୭ା୨(ଡି.ଏନ.ଏ.)-ଅନୁଗୋଳ ଜିଲା ପାଲଲହଡ଼ା ବ୍ଲକ ୧୪୯ ନମ୍ବର ଜାତୀୟ ରାଜପଥର ଝିମିରିପାଲି ପେଟ୍ରୋଲ ପମ୍ପ ନିକଟରେ ରବିବାର ଏକ ବାଇକ୍‌କୁ କାର ଧକ୍କା ଦେଇଛି। ଦୁର୍ଘଟଣାରେ ବାଇକ୍‌ରେ ବସିଥିବା ମା’, ପୁଅ ଓ ବୋହୂ ଗୁରୁତର ହୋଇଛନ୍ତି। ଗୁରୁତରମାନଙ୍କୁ ପାଲଲହଡ଼ା ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି।